رواية شمس حياتى الفصل الثاني 2 بقلم نور محمد حصريه في مدونة موسوعة القصص والروايات
رواية شمس حياتى الفصل الثاني 2 بقلم نور محمد حصريه في مدونة موسوعة القصص والروايات
#البارت_الثاني
سليم بغضب وحده: كنت فين يالا الليل كله ومن امتي بتبات بره البيت يايونس والا هو الهباب اللي بتشربه مع الزفت نوح لحس دماغك
يونس قرب منه بصدمه: بابا ممكن تهدى وتفهمني ايه اللي حصل مع شمس اختي
سليم لسه هيرد عليك بس فجأه سمعوا صوت شمس وهي بتصرخ بشده فجرى عليها سليم ونعيمه ويونس بقلق وخوف كبير ودخلوا الغرفه بتاعتها وهنا الصدمه نزلت على الكل في المكان لما سمعوا صوت شمس وهي منهاره وبتصرخ بأسم يونس
نعيمه قربت وحضنه بنتها بحزن وشفقه: اهدي ياضنايا مالك حصل ايه تاني انا معاكي ياحبيبتي
سليم بص ليونس بغضب: اختك بتصرخ بأسمك ليه يايونس انت عملت لها ايه يخليها تصرخ كده بأسمك
يونس بصدمه وزهول: وانا هعرف منين يابا انت عارف شمس انا مدلعها ازاي دي انا بعتبرها زي بنتي رغم ان الفرق بينا 6 سنين بس
سليم قرب ومسكه بشك وتوعد: اوعي يايونس يكون الهباب اللي بتشربه ده لعب في دماغك وانت اللي عملت كده في اختك ورحمه ابويا انا اول واحد هشرب من د*مك ومو*تك فيها مش هيكفيني
يونس بصله بتوتر وضيق: انت بتقول ايه يابا انا صحيح بشرب وصايع وبلطجي كمان بس توصل بيا الوساخه اني اعمل كده وكمان في اختي مش يونس سليم القاضي اللي يعمل كده
سليم سابه بس عينه كانت كلها تحذير وتوعد له وقال: اختك حصل فيها كده جوه البيت يايونس يعني اللي عمل كده كان مخطط لكل حاجه وقريب مننا اوي كمان
يونس بصدمه وزهول: قصدك ايه يابابا مش فاهم؟!
سليم بشك وتفكير: انا عندي شك في نوح لانه الوحيد اللي عنده سبب يعمل كده في شمس
يونس بصدمه وعدم تصديق: لا مستحيل نوح يعمل كده انت عارف هو بيحب شمس قد ايه ومتعلق بيها من الطفوله وطلبها منك بدل المره تلاته وانت اللي رفضت نوح لو عرف اللي حصل مع شمس ممكن يخرب الدنيا
سليم بضيق: مانا علشان كده شكيت فيه اول واحد يمكن عمل كده علشان يضغط عليا واجوزها له
يونس برفض: لا يابا نوح ميعملش كده ابدا انا واثق فيه
سليم بتشتت وتوهان: امال هيطلع مين يعني لو مش نوح.. القصه بقلم نور محمد
وعلى الناحيه الاخرى في منزل سليم
مديحه بخبث: ها يابدر عملت اللي قولتلك عليه صح؟!
بدر ببرائه: ايوه عملت بس خايف شمس تعرف وتزعل مني انا بحبها ومش عاوزها تزعل مني
مديحه بسعاده: متخفش مش هيحصل.. انت عملت كده علشان متسبش البيت وتفضل معاك علطول مش انت عاوزها تفضل ديما معاك
بدر بتسرع ولهفه:ايوه عاوزها ديما تفضل معايا هنا وهعمل أي حاجه علشان تفضل في البيت يامرات عمي
مديحه بخبث وتخطيط: تمام يبقى لازم تكمل الخطه اللي قولتلك عليها واوعدك شمس مش هتسيبك ابدا
بدر بطاعه وبرائه: حاضر يامرات عمي
الروايه بقلم الكاتبه نور محمد
وباليل عند شمس في المستشفي **
نعيمه بحزن: كفايه ياحبيبتي انتي تعبانه وكده غلط على حالتك اهدي وهنلاقي حل باذن الله
شمس بدموع: اهدى ازاي ياماما بعد اللي حصل فيا انا حياتي ومستقبلي اتدمروا هعيش ازاي ومين هيرضي بيا بعد اللي حصل ده؟!
دخل سليم على كلامها وقرب منها بحنان وشفقه وقال: ياقلب ابوكي متقوليش كده وحيات غلاوتك عندي لجيب حقك منه لو طلع مين بس مش عاوزك تعملي كده في نفسك انتي مغلطيش في حاجه انتي ضحيه وانا مش هسيب حقك ابدا
شمس حضنته بقوه: انا حاسه نفسي بموت يابابا مش عاوزه اتنفس حتي بعد اللي حصل فيا
سليم بدموع وحزن: بعد الشر عنك ياقلبي ليه بتقولي كده انتي عملتي ايه.. ده مش زنبك انتي ده زنب الحيوان اللي عمل فيكي كده وهو اللي يستاهل الموت مش انتي
شمس برعب ودموع: انا خايفه اوي الناس لو عرفوا هيقولوا عليا ايه وهطلع بعدها اواجههم ازاي مش هقدر اعمل كده
سليم بصلها بثقه وتشجيع: لا هتطلعي وهتواجهي واللي يبصلك بعين دبي ايدك في عينه علطول انتي صاحبه الحق وصاحب الحق عينه قويه انتي فاهمه
شمس ابتسمت له بحب كبير: فاهمه وشكرا اوي على وجودك ودعمك ليا
سليم حضنها بحب: ياقلب ابوكي انتي اغلي حاجه عندي انتي زهره وفراشه البيت بدون ضحكتك الجميله دي هنعيش ازاي؟!
شمس دفنت نفسها في حضنه بقوه ونعيمه قربت منهم بحب: ربنا يديمك في حياتنا ومايحرمنا منك ابدا ياسليم
سليم ابتسم لها بحب وحنيه وجذبها لحضنه وهو محاوطهم الاتنين بحمايه وحنان كبير.. الروايه خاصه بقلم نور محمد
وعلى الجهه الاخرى عند يونس**
نوح بغضب: انت بتقول ايه ازاي ده يحصل ومين يقدر يعمل فيها كده وهي جوه البيت يايونس اعقل كلامك معايا؟!
يونس بتفهم وضيق: معرفش يانوح وهو ده اللي حصل اعمل ايه يعني انا دماغي وقفت مش عارف الاقي حل للغز ده؟!
سكت دقيقه وقال بتفكير وتشتت: اصل عندك حق بالعقل كده انا يومها كنت معاك صح وفضلنا الليل كله سوى بنشتغل مع بعض وطبعا مفيش حد غريب هيقدر يدخل البيت بوجود بابا فيه ده لو بايع عمره مش هيعمل كده يبقى مين يعني تاني؟!
نوح بضيق وقلق: عندك حق الموضوع ده يجنن فعلا طب المهم شمس ايه اخبارها انا عاوز اروح اطمن عليها قلبي واكلني ومش هرتاح قبل ماشوفها قدامي كويسه؟!
يونس برفض: لا اوعي تروح دلوقتي بابا هناك مولع وعلى اخره وقالي انه شاكك فيك انت.. انا كنت هحكيله انك كنت معايا امبارح الليل كله بس انت عارفه مش هيصدقني لانه في الاصل شايل منك
نوح بقلق وخوف: طب والعمل يونس انا لازم اروح هناك بأي تمن اطمن عليها وبعدها هعرف بنفسي مين عمل فيها كده ورحمه ابويا الغالي لاكون مطلع فيه كل الغلب والغل اللي شربهولي ابوك
ضحك يونس بخبث وقال: يعني انت لسه متمسك بيها يانوح بعد اللي حصل فيها ده هتقبلها على نفسك يعني وتكمل معاها بعد مافيه حيوان تاني لمسها قبلك؟!
نوح بصله بغموض وقال: اهو انت قولت بنفسك انه حيوان يعني مش راجل واصلا اللي يعمل كده في بنت ميبقاش غير حيوان وملهوش قيمه عند حد واخره رصاصه تجيب أجله في الدنيا وحتي التراب غالي عليه دفنه فيه ولولا غضب ربنا مننا كان حلال فيه الحر*ق لانه جثه و*سخه وتستحق الحر*ق فعلا
يونس ابتسم من كلامه ونوح كمل بحب: انت قولتلي اللي حصل فيها وانا من وهي في اللفه كنت بقول شمس دي تخص نوح القاضي ملكيه خاصه يعني واللي حصل فيها ده مش زنبها هاجي انا اظلمها ازاي وهي جوه القلب والروح يايونس
يونس قرب وحضنه بقوه وقال: والله مافيه حد في الدنيا يستاهلها فعلا غيرك يانوح انا مش عارف انت قدرت تحبها الحب ده كله ازاي؟!
ابتسم نوح وقال: علشان هي ملكه قلبي من اول مره فتحت عنيها قدامي الحب ده اجمل احساس في الدنيا بس انت لازم تدي لنفسك فرصه الاول وتحب
يونس بعد عنه بحزن ولوم: بلاش تجرح فيا بكلامك ده يانوح انت عارف انا بحبها قد ايه وعلشان كده مش عاوز اظلمها معايا
بصله نوح بضيق: واللي بتعمله فيها ده مش ظلم يعني انت عارف بمشاعرها تجاهك وبتحبها كمان بس بتبعد ومش عاوز تقرب منها.. حرام عليك انت كده بتظلم نفسك وبتظلمها معاك ده شئ مش بأيدك انت يايونس
يونس بدموع وحزن: بس بأيدي الاختيار يانوح عاوزني ازاي اقرب منها واجوزها وانا عقيم انا رضيت بقضاء ربنا عليا بس مش هقدر استحمل احرمها من شعور الام انا كده ابقى فضلت نفسي عليها وبقيت اناني حتي لو بحبها
نوح قرب وطبطب عليه تفهم ودعم: مفيش حاجه بعيده عن ربنا يايونس والدكتور قالك فيه امل بس خد العلاج وان شاء الله هتخف وتبقى تمام
يونس بحزن: حاضر يايونس بس ارجوك متطلبش مني اقرب منها تاني انا ببعد عنها لان ده هو الصح ليها وليا
نوح ببسمه حزينه: ربنا يهديك ياابن عمي ويجبر بخاطرك وبخاطرها هي كمان العمر كله
وفي المساء في المستشفي دخل غرفه شمس**
كانت شمس نايمه بهدووء وابوها سليم طلع يصلي الفجر وامها رجعت البيت علشان تطمن على بدر ابنها وتاخد بالها منه
وفجأه دخل شخص تاني من باب الغرفه وهو لابس اسود ومغطي وجهه كويس وكان في ايده حقنه فيها ماده غربيه وقرب من شمس وهي نايمه بهدووء ومد ايده وضرب لها الحقنه بسرعه ففتحت شمس عنيها بألم وهي حاسه جسدها كله بقى مشلول تحت نظرات الشخص الغامض اللي ابتسم لها وقرب همس في ادنها بخبث وشر: وحشتيني قولت اجي اشوفك ونتسلي شويه مع بعض بس المره دي اوعدك هتكون المره الاخيره ليكي في الدنيا وانا اخر شخص هتسمي صوته..
شمس سمعته وعنيها وسعت بصدمه وزهول كبير ووو
يتبع..
تكملة الرواية من هناااااااا
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق