رواية الرجل ذو الياقة اللبنية الفصل الثالث 3 بقلم اسماعيل موسي حصريه في مدونة موسوعة القصص والروايات
رواية الرجل ذو الياقة اللبنية الفصل الثالث 3 بقلم اسماعيل موسي حصريه في مدونة موسوعة القصص والروايات
#الرجل_ذو_الياقة_اللبنية
٣
انا كان عندى قطه فى فيلتنا، صحيح انا تخليت عنها لم هربت، سمحت للهر ان يدخل ،على الأقل يسلينى فى اول يوم ليا بعيد عن اهلى.
لما فتحت الباب القط دخل وهز زيله بطريقة مضحكه
عاين الغرفه بعنيه وقفز فوق السرير
اضايقت لأنى مش متأكده من نضافته لكن بصته عليه خليتنى اسكت.
وسمعت صوت رجولى بره الغرفه بينادى، كيمو وكا ؟ انت فين؟
منعت فضولى يتحرك ،محدش قالى ان صاحب البيت معاه اطفال والصراحه دى كانت مفاجأه سيئه جدا
انا يدوبك اقدر اخدم نفسى دلوقتى هخدم راجل وابنة ؟
الصوت مترددش تانى، قلت بكرة الصبح افكر اعمل ايه ؟
واقرر ان كنت هكمل ولا اسيب الشغل كله
نمت على السرير وسبت الهر الغلس يداعب رجلى وايدى
وهب نمت ،مفتحتش عيونى غير الصبح
مكنتش عارفه هعمل ايه
صحيح استلمت الشغل من الخدامه لكن انا خايبه نسيت اقلها صاحب البيت عايز ايه؟
بيطلب ايه ؟
دماغه ايه ؟
بيفطر ولا لا ؟
كل الأسأله المزعجه دى كلها نزلت فوق دماغى وانا اصلا يدوبك كنت قايمه من النوم اخد شاور واشرب قهوة ولظبط دماغى.
وكان على ان ابحث عن سيد المنزل واسأله ان كان محتاج حاجه
لكنه وفر عليه كل المجهود دة
لقيت رساله قدام باب الغرفه، مكتوبه بخط اليد
بيرحب فيها على وصولى البيت وبيتمنى ليه اوقات سعيده
وبيقول، انى غير مضطره اخد رأيه فى كل حاجه
الطعام ونوعه متروك ليه ،كل إلى ما عليه فعلة ان اصنع الطعام الذى يحبه
ثم النقطه المهمه، سيد المنزل هيخدم نفسه بنفسه
يعنى مفيش فطار او غدا وا عشا، بس احط الاكل داخل التلاجه وهو لما يجوع هياكل.
استغربت الصراحه، أصلها حاجه غريبه، لكن الاغرب
رجاءه منى ان اعتنى بالهر كيمو واكا
يعنى كيمو واكا دا مش ابنه ولا حاجه، دا القط الغلس إلى دخل غرفتى امس!
بس انا خايبه ومعرفش اطبخ ،لحظتها فكرت اكسر اول قاعده ،انى اتصل بالنت وابحث عن وصفات اكل
لكن انا جيت هنا عشان اهرب من العالم ده كله
وبعد تفكير تذكرت الخادمه عندنا إلى كانت بتحضر البيض
البيض مش محتاج فزلكه، سلقت بيض وقليت بيض
وطبخت بيض، اعمل ايه هموت نفسى ؟
فطرت وحطيت الاكل فى التلاجه، غيرت هدومى وخرجت ناحيت الجنينه ،الهواء كان منعش
الجنينه كانت روعه ،والزرع منظره يجنن ،حسيت نفسى وسط غابه او وادى من الخضره
قعدت امشى وسط الأشجار والازهار لحد ما لقيت مقعد تحت شجره قادمه لوحه منصوبه على حامل معدنى
المكان كان هايل اقدر اريح فيه أعصابى، قعدت منشكحه
هو دا المكان إلى انا بدور عليه، هنا اقدر انسى سيف حبيبى وانسى الدنيا كله ،بعد شويه القط كيمو واكا وقعد معايا لحد العصر .
واستغربت ازاى قعدت كل الوقت دا فى صمت من غير دماغى ما تقرفنى بأفكار شنيعه
اوندهشت اكتر ان صاحب البيت مظهرش، أعرف الرجال واعرف فضولهم، بعد كده ابتسمت، يمكن لقينى لابسه نقاب
قال هروح ابص عليها ليه ؟ وقعدت اضحك
زمان نفسه اتسدت وبيلعن اليوم إلى وظفنى فيه
ولما رجعت فتحت التلاجه ولقيت صاحب البيت اكل وغسل الأطباق ورصها فى أماكنها
انبسطت ،هو لسه فيه كده؟
ولا الراجل ده بيجر رجلى ؟
باقى اليوم قضيته فى البيت مع نفسى، فتحت التلفاز رغم انه ممنوع واتفرجت على فيلم مع كيمو واكا ونمت
على السرير وبعد اكتر من ساعه بحاول انام ولما النوم ما قرب، افتكرت انى مطبختش اكل ؟ نهار اسود __
زمان الراجل بيسب ويلعن ،قمت بسرعه أجرى على المطبخ
بعدها وقفت مبلمه
على السفره كان فيه اكل جاهز مطبوخ ومتحضر ،قطع دجاج بانيه مقرمشه وطبق مكرونه ،كأنه متحضر عشانى
قعدت على السفره وانا بتلفت حولى ابص عليه
كل حاجه هاديه مفيش اى صوت أو حركه الا موسيقى خافته واصله من غرفه فى الطابق العلوى
الاكل كان حلو اوى، خلصته كله وانا حاسه بالخجل
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق