رواية سر تحت الجلباب الفصل الخامس 5 بقلم سلوي عوض حصريه في مدونة موسوعة القصص والروايات
رواية سر تحت الجلباب الفصل الخامس 5 بقلم سلوي عوض حصريه في مدونة موسوعة القصص والروايات
#سلوي_عوض
#سر_تحت_الجلباب
بارت 5
ناعسه:
انا له مظلومين ليه؟ الحمدلله ربنا يكفينا شر الظلم. ولو جصدك على شغلي حدا العمده، ده عشان الأمان بس، وبعدين هو انا هلاجي شغلانه زيها؟ أحسن وكل واحسن شرب.
نعيم:
عارفه يا ناعسه.
ناعسه:
بس بجا بلا عارفه بلا مش عارفه.
نعيم:
خلاص، بس الحمد لله اني اتفكّيت معاكي بكلمتين، أحسن ما أطج.
ناعسه:
وسرك ف بير يا نعيم.
نعيم:
الله يكرم أصلك.
نعيم:
روحي يا ناعسه على غلبك وشجاكي.
ناعسه (تضحك):
وكل العيش بجا، ابجي فوت عليّا في المطبخ عشان تفطر.
نعيم:
كتر خيرك.
ناعسه:
كتر خيري على ايه يعني، انا جايباه من بيت ناسي. افطر معاي عشان بعد كده هبجا مع جليله في الدور بتاعها.
نعيم:
وليه الجلع ده ياك؟ هيا اتشلت مش هتعرف تعمل حاجتها.
ناعسه:
حكم الجوي على الضعيف.
نعيم:
طاب اسمعي، عاوز اجولك يعني إنك حلوه وزي الجمر، خلي بالك لا عريس الغفله عينه تذوغ عليكي.
ناعسه:
يا نعيم يعني العربس هيهملى الست جليله ويبص لحتت خدامه؟
نعيم (يضحك):
وانتي يعني متعرفيش إن وهيبه أصلها كانت خدامه؟
ناعسه:
ايه بتجول ايه؟ الست وهيبه كانت خدامه؟
نعيم:
اه والله.
ناعسه:
شكلك عندك كتير.
نعيم:
كتير جوي.
ناعسه:
طاب بجولك ايه، ايه رأيك بعد ما الفرح يتفض تجعد معايا وتحكيلي؟
نعيم:
عاوزه توصلي لاءيه؟
ناعسه:
خلاص مش عاوزه اعرف، انا كان جصدي نتسلى. روح بجا، خلاص بجالنا كتير واجفين جدام البيت.
نعيم:
طاب خشي واعملي حسابي معاكي في الفطور.
ناعسه:
ما جولنا كده، جولتو اطلعو من البلد.
لتدخل ناعسه إلى منزل العمده وهي تفكر:
معجول وهيبه كانت خدامه؟ وياما في الجراب يا حاوي… اشوف ورايا ايه. ناس تاكل بلح وناس تتحدف بالشماريخ.
ونيسه (غير قادرة على النوم):
بت يا نجاوه نقاوه، بنوم عاوزه ايه؟ حرام عليكي، جسمي مهدود وعاوزه انام.
ناعسه:
يا بت جومي نحكو شويه.
نقاوه:
هنحكو في ايه؟
ناعسه:
مش واخده بالك إن نظمي مجاش النهارده؟
نقاوه:
اه، هو اتصل عليكي وانتي نايمه ورديت عليه، وجولتله إنك نايمه. جاللي خليها تكلمني لما تصحي… بس انا نسيت.
ناعسه:
يا بت انتي ايه، جاموسه؟ شايفاني هتجنن عليه؟ ومتجوليش إنه كلمك.
نقاوه:
نسيت، وفيها ايه؟
ناعسه:
طاب تلافوني فين؟
نقاوه:
معرفش، وسيبيني اتخمد.
ناعسه:
اتخمدي ياكش تنامي ومتجومي. انا هدور عليه.
تبحث ناعسه عن هاتفها:
الله، راح فين الزفيت ده؟
ناعسه:
انتي يا زفته، تلافوني فين؟
نقاوه:
معرفش، اتهدي بجا ونامي، طالعلك صبح.
ناعسه:
طاب جومي دوري عليه.
نقاوه:
انا هيا ليله مش معديه.
تفيق نقاوه من نومها وتبحث مع ناعسه، لكنهما لا تجدانه.
نقاوه:
ادينا جلبنا الخيمه وملجيناهوش.
ناعسه:
مش عارفه راح فين والله، تلجي حد سرجه.
نقاوه:
طاب ننامو ولما نصحو ندورو تاني.
ناعسه:
طيب.
أما زاهر فكان متكئًا على وسادته ويتحدث مع نفسه:
زاهر:
حلوه البت جليله دي ومودوده… وهتبجا ديه أول خطوه للي في راسي.
أنا لازما أحط كل أهل النجع تحت رجلي… الصبر طيب.
يدخل عليه غبار.
غبار:
هات أخبارك الزينه.
زاهر:
كله تمام زي ما أمرت.
غبار:
طاب ابجي روح لعيالك، ومتنساش الليله بتاعتي بكره.
زاهر:
طاب يعني لو فيها إساءه أدب مني، أنا هشتغل ايه أنا وباجي الرجاله بعد كده؟
يضحك زاهر.
زاهر:
وهو حد جالك إني اعتزلت؟
غبار:
مش فاهمك يا زعيم.
زاهر:
طاب اسمع، اجمعلي الرجاله كلهم عشان نفطر، وأجولكم هنعملو ايه بعد كده.
غبار:
غيار أمرك يا زعيم.
يضحك زاهر.
زاهر:
إهيه زعيم ديه مش هتجولوها تاني.
غبار:
كيف يعني؟
زاهر:
روح بس، انته بس نادم على الرجاله.
غبار:
ولو إني مش فاهم حاجه… بس حاضر.
يتركه غبار ويذهب لجمع الرجال.
أما نظمي فكان لا يزال يتصل على ونيسه، لكن هاتفها مغلق. يسمع صوت طرق أقدام.
نظمي:
مين؟
زاهر:
أنا يا نظمي.
ينظر زاهر إلى هاتف نظمي ويسمع:
«الهاتف الذي طلبته غير متاح حاليًا».
زاهر:
انته لساك بترن على الغازيه الغجريه؟
تلجاها مش فاضيه لك… ما انته بتصرفش عليها، تلاجيها في حضن راجل غيرك يكون بيصرف عليها.
نظمي (بعصبيه):
له يا زاهر… ونيسه له!
زاهر:
ليه؟ هيا مش حرمه؟
كل الحريم كده، عينهم وعبادتهم الجرش والدهب.
تعالى افطر معانا، عشان مجمع الرجاله وكل واحد يعرف شغلته الجديده.
نظمي:
ماشي… حاضر.
ليجتمع رجال زاهر حوله.
زاهر:
احنا هنفطرو دلوك، واحنا بنشربو الشاي هجولكم أنا جامعكم ليه.
لنترك زاهر ورجاله ونذهب إلى ناعسه.
ناعسه:
الف هنا يا نعيم.
نعيم:
تسلمي، ويحفظك ربنا.
ناعسه:
مش هتجوللي بجا جرابك فيه ايه تاني؟
نعيم:
أجولك ايه ولا ايه.
تدخل عليهم وهيبه.
وهيبه:
صلاه النبي… فاكرين نفسكم جاعدين ف مطعم؟
ناعسه:
له يا ست الكل، بس أصل أنا جيت بدري عشان الست جليله عروستنا وست البنات كلهم، وجولت وجولت لنعيم يونسني، وكله من خيركم… ده البلد كلها عايشه ف خيركم.
وهيبه:
خلاص طيب، بطلي رغي واعمليلي فنجان جهوه.
ناعسه:
له غلط عليكي علي الصبح، علي الأجل حتي اشربي كوبايه حليب.
وهيبه:
طيب، فوري كوبايه لبن وهاتيها… وانته يا نعيم روح شوف وراك ايه.
نعيم:
أوامر حضرتك.
وهيبه:
وانتي هاتي الحليب علي المندره واطلعي شوفي ستك جليله.
ناعسه:
من عيوني، حاضر.
لنتركهم ونذهب إلى القاهرة، فكانت نورا تتحدث مع أخيها.
نورا:
شوف كده، أنا حسبت كل الحسابات وبعد كل حاجه طلعلنا مكسب ٥٠٠٠ جنيه.
تيم:
زي الفل، حطيهم على المبلغ اللي محوشينه… إلا بجو كام دلوك؟ دول تحويشه العمر كله.
نورا:
بجو كتير جوي.
تيم:
طاب جوللي ما شاء الله.
نورا:
ما شاء الله.
تيم:
طاب جوللي بجا بجيو كام؟
نورا:
٣٠٠٠٠.
تيم:
الله أكبر.
نورا:
ده بعد حاجه جوازي كلها كمان.
تيم:
الحمد لله… بس لو أمك ترضي تاجي تعيش معانا.
نورا:
ريح نفسك، عمرها ما هترضى تاجي.
تيم:
ليه طيب؟
نورا:
الصراحه أنا حاسه إن جعاد أمك ف البلد وراه سر… وسر كبير كمان.
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق