حماتي عقربة حياتي
حماتي عقربة حياتي
حـماتي اللـي منهـا لله اهـانت ابويا وامي ليله فرحي والسبب ان بسبب الفقر مساهمناش بحاجه في الجهاز… طيب ما انا متكتبليش قايمه ولا مهر ولا جالي شبكه زي البنات…الظاهر ان اللي بيتنازل دلوقتي لازم يفضل يقدم تنازلات علطول…تعالوا احكي لكم الحكايه من الاول..
لكن عندما حان وقت التصوير رفضت حماتي صعود ابي وامي، اهانتهم بلا خجل امام الجميع …فشهق الحضور جميعا ولم تستطع اخفاء غضبها..كنت اجلس الى جانب مازن محاطة بالاصدقاء والاهل ومقتنعة ان هذا سيكون اسعد يوم في حياتي
كل شيء كان مثاليا الموسيقى الضحكات والدفء الذي ملأ القاعة بدا وكأنه لا يمكن ان يفسده شيء…كنت مخطئة
فجأة وقفت حماتي وطرقت على كأسها بخفة وارتسمت على وجهها ابتسامة مصطنعة..خفتت الاصوات وتحولت كل الانظار اليها
قالت بصوت مسموع اود ان اقول شيئا ثم ثبتت نظرها مباشرة على والدي…تابعت بلهجة حادة
بصراحة اجد من المخجل ان يحضر والدا العروس زفاف ابنتهما دون ان يقدما حتى شماعه ملابس لها …شقّت كلماتها القاعة كالسكاكين
شحبت ملامح امي بينما شبك ابي يديه بهدوء محاولا التماسك
عملا طوال حياتهما وربيا ابناءهما بالتضحية والمحبة ولم يشتكيا يوما….في تلك اللحظة تمنيت لو ان الارض انشقت وابتلعتني
وقبل ان انطق بكلمة نهض ابي ببطء…كان صوته هادئا وثابتا
قال بلطف: ان كان وجودنا يشكل عبئا فسوف نغادر
حبس الجميع انفاسهم ثم اضاف…لكن قبل ان نرحل نود ان نقدم الهدية التي اعددناها للعروسين… تفتكروا ايه الهديه.. تفتكروا رد فعل العروسه هيكون ايه؟
صلـي علـي محمد وال محمد وتابع
ابويا وقف قدام الكل وملامحه هادية رغم العاصفة اللي جواه ومسك ايد امي وكأن اللمسة دي سند عمر كامل وامي كانت باصة في الارض ودموعها متحبسة في عينيها
قال ابويا بصوت واصل لكل واحد في القاعة ان الهدية دي مش دهب ولا فلوس وانها تعب عمر وسنين شقى واحنا بنقدمها واحنا راضيين
اشار لاخويا اللي كان واقف ورا الناس واخد الملف البني القديم اللي شكله بسيط لكنه تقيل في معناه وسلمه لابويا اللي مده لمازن
القاعة كلها سكتت ومازن مسك الملف وهو مش فاهم بينما حماتي كانت باصة بابتسامة استخفاف فاكرة انه ورق وخلاص
كمل ابويا كلامه وقال احنا ناس غلابة بس عمرنا ما بعنا كرامتنا ولا مدينا ايدنا لحد وبنقدم لبنتنا الامان مش الجهاز
فتح مازن الملف وملامحه اتغيرت وشه شحب وعينه وسعت لما شاف عقد شقة باسم بنتهم باسمي انا شقة متشطبة وجاهزة وقريبة من شغله وفي منطقة احسن من اللي كنا رايحين نسكن فيها
الهمس بدا يعلى والناس قربت وحماتي قامت من مكانها ووشها اتبدل والغضب اتحول لصدمة
قال ابويا ان الشقة دي اشتريناها من سنين وقلنا يوم ما بنتنا تتجوز نسترها من غير ما نكلف حد ولا نمد ايدنا
رفعت امي راسها لاول مرة وقالت بصوت مكسور سامحونا لو قصرنا في الشكل لكن عمرنا ما قصرنا في الاصل
حاولت حماتي تتكلم وصوتها طلع مبحوح وسالت ليه ما قلتوش من الاول
رد ابويا بهدوء وقال لان اللي بيحسب الناس بفلوسهم ما يستاهلش يعرف قيمتهم
مازن كان واقف مش عارف يبص لمين بصلي وبص لابويا وبص لامه وانا كنت واقفة مكاني ودموعي نازلة مش من الحزن لكن من الفخر
فخري بابويا وامي والتربية اللي علموهالي واللي خلتني افهم ان الكرامة اهم من اي جهاز
حاولت حماتي تدارك الموقف وضحكت ضحكة مصطنعة وقالت احنا كنا بنهزر لكن محدش رد لان القاعة كلها كانت شاهدة
مسك ابويا ايد امي وقال يلا كفاية كده وسابوا القاعة والناس فتحتلهم سكة احترام مش شفقة
جريت وراهم وحضنتهم وقلت سامحوني لو حد وجعكم بسببي فقال ابويا واحنا عمرنا ما نوجع من بنتنا
مازن قرب مني وقال انا اسف على كل حاجة وانا فهمت متاخر بس قلتله ان السكوت وقت الغلط مشاركة
ومن اليوم ده اتعلمت ان اللي يتنازل مرة بيتطلب منه يتنازل طول عمره وان الفقر مش عيب لكن قلة الاصل هي العيب الحقيقي
تمت
تعليقات
إرسال تعليق