سكريبت الرسالة كاملة بقلم اسماعيل موسي
سكريبت الرسالة كاملة بقلم اسماعيل موسي
انا هتجوز جني وفرحي هيكون أول أسبوع بعد تمام بدر الشهر الي احنا فيه.
بحبه جدآ وهو حنين اووي معايا وبيلبيلي كل رغباتي وطلباتي!
بعد وفاة والدتي، البيت فضي عليه
اخواتي كل واحد شق طريقه
وفضلت انا لوحدي اشتغل في البيت لأن مؤهلي
متوسط ملقتش شغل
كنت كل ما افتكر ماما اقعد ابكي بالساعات
لحد ما بابا يرجع
كل يوم على هذا الحال ابكي على فراقها
مكنتش اقدر أوقف عياط ولا بكي
بعد شهر وانا قاعده ببكي في الصاله
فيه طبق وقع واتكسر
قمت من مكاني ورحت المطبخ لقيت طبق متكسر على الأرض
لميته ورميته في الزباله، رصيت الأطباق كويس
عشان مفيش حاجه تتكسر تاني
ورجعت ابكي، الدموع ماليه عنيه
طبق تاني وقع علي الأرض
رحت المطبخ بسرعه وفيه حبة خوف جوايه
لقيت طبق مرمى علي الأرض
بس مش مكسور
ازاي دا حصل، الأطباق بعيده، مرصوصه كويس
تحتها ترابيزه يعني لو وقع هيجي عليها
مش معقول الطبق ركب جناحات ونزل علي الأرض؟
حسيت بالخوف بس محاولتش افكر
قلعت هدومي ورحت استحمي
وانا في الحمام رغم صوت الميه سمعت خطوات
قلت يمكن بابا رجع بدري
خرجت من الحمام، ملقيتش حد رجع
بس لقيت ورده علي الكنبه
ورده حمره ريحتها حلوه جدا لدرجة اني مفكرتش
جات ازاي
وقفت عياط، وخدت الورده على اوضتي
حطيتها في كوبايه مليانه ميه
الوحده والفراغ صعبه
رجعت اعيط تانى لما بصيت علي صورة
ماما الي متعلقه علي الحيطه
فجأه طبق تاني خبط علي الأرض واتكسر
في المطبخ قررت ارص الأطباق في كرتونه
قلت كده استحاله تنكسر حسيت اني بنسي
وبرص الأطباق غلط
رجعت اعيط مره تانيه
طبق تاني وقع على الأرض
حطيت ايدي علي صدري ووقفت عياط من الخوف
مقدرتش اروح المطبخ غير بعد مده كبيره
اللحظه دي حسيت ان فيه حاجه غريبه بتحصل في البيت
مقلتش حاجه لبابا ولا اخواتي
هيقولي على هبله واتجننت
الموضوع تكرر كل ما اعيط الأطباق تتكسر
جربت كده، لاني قعدت يومين ماسكه نفسي
مفيش حاجه حصلت
ولما بكيت الأطباق رجعت تتكسر
بدأت كل ما ادخل الحمام استحمي
اسمع خطوات بره في الصاله بعد ما اخرج الاقي الورده الي لونها كان بيتغير كل مره!
الوان عجيبه يستحيل تكون من الطبيعه
الريحه مختلفه كل مره، كانت بتعجبني جدآ
واقعد اشمها واحطها جنب خواتها
عقلي بداء يسرح واتخيل حاجات غريبه
سنه كامله لحد ما جه اليوم الي غير حياتي
وانا قاعده في الصاله من غير شغل ولا مشغله
ومبطله عياط عشان الأطباق متتكسرش
سمعت خربشة اظافر في الحمام
جريت علي اوضتي وقفلت الباب
وقفت ورا الباب اسمع، الصوت وقف واختفي
رجعت علي الصاله تاني وقعدت عيني علي الحمام
الي بابه مفتوح
علي المرايه لقيت كلمة متخفيش مكتوبه
بلون احمر فاتح
ثواني وسمعت صوت خربشه في الحمام
قعدت في مكاني مهربتش
الصوت استمر كأن فيه حاجه بتخرج من الحيطه او بتحفر جواها!
ربع ساعه، نص ساعه مفيش فايده مشفتش حاجه
وسمعت صوته الرهيب بيسألني اخرج؟
لسه هقول اخرج ولقيت بابا فتح باب الشقه ودخل
كنت متكركبه وحالي ما يعلم بيه الا ربنا
حضرت الغدا ودخلت اوضتي أعد الساعات لحد بكره ما يجي
عندي فضول رهيب اعرف هيحصل ايه
فتحت عنيه الصبح حضرت الفطار لبابا واخواتي
اكلو ونزلو، وانا قعدت في الصاله استني ايه الي هيحصل
عدت ساعه مفيش حاجه حصلت لا سمعت صوت خربشه
و لا اي حاجه
قعدت اعيط، كنت بمثل طبعا
لحظات والطبق وقع
بطلت عياط وسمعت الخربشه في الحمام
بعد عشر دقايق سمعت صوته
اطلع؟
وانا برتعش قولتله اطلع بس اوعي تأذيني
مستحيل اضرك او اضايقك او أاذيكي
قلتله طيب اطلع!
سكت شويه وقال بس ان شكلي وحش شويه
يا ريت متخفيش مني ولا تصرخي؟
قلتله هحاول
بداء يظهر من الحمام أطول مني بشويه
ملامحه مزعجه بس فيها لمحة حزن
وقف على باب الحمام وسألني اكمل؟
قلتله كمل
فضل ماشي لحد ما وقف قدامي
قعدت ابص فيه وادير وشي الناحيه التانيه
منزعجش مني ولا نطق، سابني براحتي لحد
ما عيني خدت عليه
قالي ممكن اقعد
قعد على الكنبه بس بعيد عني
قالي ان اسمي مهتار، ان جان مسلم من قبيلة الجان الأزرق
انا بتابعك من زمان وصعبانه علي جدا
حاسس بألمك ووحدتك نفسي اسعدك باي طريقه
كان نفسي اطلعك من زمان بس خفت ترفضيني
كنت بسمع كلامه وانا مش مصدقه نفسي
قالي ياريت متبكيش تاني، عياطك بيقطع قلبي
قلتله حاضر
سألني تشربي شاي معايا؟
قلتله ماشي، ثانيه ولقيت صنية الشاي طايره من المطبخ
نزلت قدامنا، واحنا بنشرب الشاي قعد يحكيلي عن عادتهم
وتقاليدهم والعيشه في عالمهم ازاي.
سرقنا الوقت لحد بابا ما رجع
قبل ما يحط بابا المفتاح في الباب اختفي
تاني يوم ظهر تاني، قعدنا ندردش مع بعض
قالي انتي مش هتشتغلي تاني في البيت انا هعمل كل حاجه
فجأه البيت بقي بيبرق، الاكل جاهز
كل يوم كده
بدأت اميل ليه، مضت شهور قبل ما يفاتحني في موضوع الجواز
وافقت وفرحي بعد اسبوع!
كتبت ليك الرساله دي عاشان تطمن اهلي
تقلهم ان لبني بخير وانها عايشه وبتطمن عليهم
بس من بعيد.
#اسماعيل_موسي
كنت اقراء الرساله وانا افرك شعري من الاندهاش
الرساله التي وجدتها في متصفحي تعود لثلاثة سنين خلت
اسأل نفسي لماذا ظهرت الان؟
بحثت بتاريخ الرساله في الانترنت ووجدت اعلان
عن فتاه مفقوده اسمها لبني
رأيت صورتها، فتاه جميله بملامح طيبه
دونت عنوان الأسره والهاتف وانتظرت اسبوع افكر في الاتصال بهم من عدمه.
في النهايه هاتفت والدها، الرجل عندما سمع اسم ابنته
غرق في النحيب
قصصت له الرساله، قال انا لم أفهم شيء وطلب مقابلتي
ذهبت لمقابلته، جعلته يقراء الرساله، قلت سيصرخ ويتهمني
بخطفها او سيتهمني بالجنون
لكنه قال كلمه واحده وهو يترجاني
من فضلك أكتب لها انني أرغب برؤيتها
قلت الموضوع مستحيل لان العنوان غير ظاهر
ربت على يدي وقال حاول من فضلك نفسي اشوفها
قبل ما اموت.
عدت لمنزلي اتخبط في التيه والا افكار، انا لا اعرف الفتاه لماذا اختارتني بالذات لترسل لي الرساله بعد ثلاثة سنوات؟
عندما قرأت الرساله اعتقدتها مزحه، بعد أن تأكدت وقابلت والد الفتاه أدركت ان الحقيقه مره بطعم العلقم
فتحت الماسنجر كتبت رساله مقتضبه، والدك يرغب برؤيتك
وزيلته بملحوظه لماذا أنا؟
ضغطت على إلا عنوان وذهبت الرساله
#الرساله
#الجزء_الثاني
مر يوم واسبوع اتفقد خلالهم الماسنجر كل ساعه.
لم يصلني شيء، بت اعتقد ان كل ما حدث لا يعدو كونه
مزحه سخيفه.
اعيش بمفردي في شقه منعزله كل وقتي
اقضيه في المسح والكنس والغسيل
نظافة الشقه مرهقه ولا أملك وقت للراحه الا قبل النوم
في مره وانا اشاهد التلفاز، نور الصاله مطفي
متكيء علي الاريكه
مر طيف من خلفي
شاشة التلفاز تغبشت
وشهقت من الرعب
الشاشه تصدر صوت ازيز مؤذي
غيرت القنوات مفيش فايده
لسه قلبي بيرقص
بس الشقه فاضيه لاني بصيت في كل مكان حواليه
ملقتش حاجه
قمت من مكاني تحركت ابص عي وصلات
التلفاز، كلها سليمه
وانا راجع ناحية الكنبه شفت الطيف
ايوه شفته لحظه واتبخر
كان واقف ورايا
قنوات التلفزيون رجعت
بس انا ركبي بتخبط في بعضيها
فتحت النور بسرعه وقرات قرأن
علي المرايا كان مكتوب كلام بس بلغه
غريبه مش عربي ولا انجليزي
مش بلغه معروفه اصلا
صورت المرايا وفتحت الإنترنت
دخلت علي جوجل وبحثت
ظهر لي ترجمة لغة اورديه
افتح الماسنجر
فتحت الماسنجر لقيت رساله
لبنى ممكن تزور والدها هي والأطفال
بس انت لازم تيجي تاخدها وترجعها
اخد مين وارجع مين وازاى؟
وايه الي ظهر عندي، كنت بفكر بصوت عالي
كأني مجنون
والد لبنى اتصل بي، سألني مفيش اخبار؟
قلتله لا مفيش
كنت مقرر ان مليش دعوه بالموضوع ده خالص
وبفكر اسيب الشقه لو حصلت حاجه تاني
حتي التلفزيون بطلت افتحه
كنت بسهر وقت طويل بره ومرجعش غير على النوم
والي كنت بجيبه بالعافيه.
بدأت انسي الي حصل لاني مرديتش علي الرساله
ومفيش رسايل تاني وصلت
وانا نايم سمعت خربشه جايه من الحمام
استغفرت الله وخرجت من الغرفه ولعت النور
الصوت لسه جوه الحمام
خايف اخش، مش عارف اعمل ايه
خرجت من الشقه هربت ومرجعتش الا اخر الليل
قلت لو كان فأر او قطه اكيد مشي
دقايق والصوت رجع تاني
كان وقت متأخر مش هينفع انزل تاني
جيبت مصحف وحضنته
قعدت على الكنبه، الصوت استمر
بس كان قلبي جمد شويه معايا المصحف ومش خايف
لحد ما شعر ظهر من الحمام، لحظتها غمضت عنيه
من الرعب، قعدت استعيذ بالله من الشيطان الرجيم
الصوت وقف
فتحت عين واحده لقيت رأس بنت والشعر الأسود الطويل مكانه.
قالت اسمح لي بالظهور، انا رسوله لن اؤذيك
رسوله ازاي؟
قالت انا حارسة البرزخ، لبني لن تعبره دون موافقتي
سألتها برزخ ايه؟
اسمح لي بالظهور اولا !
قلتلها مش قادر، انا ميت من الرعب
قالت سأرحل اذا سأعود في وقت أخر.
هي اختفت من هنا وانا لميت هدومي ومشيت
مرجعتش تاني، قعدت عن صاحبي يومين
كان فيهم قط غريب دايما موجود
سألت صاحبي انت مربي قطط؟
قالي لا، من ساعة انت ما جيت القطه دي جات هنا
والدتي مرضتش تطردها
بعد اليومين لقيت شقه جديده
ونقلت فيها
شقه ضيقه بس نضيفه وحلوه
الحمام في وش غرفة النوم
دخلت الشقه قلت اخيرا هناك براحتي
يدوبك حطيت راسي على المخده وسمعت صوتها
انت مستعد ان أظهر الان؟
رفعت راسي بصيت على الحمام
كنت مرعوب لكن جوايه غيظ وخنقه كبيره
قلت انتي بتراقبيني؟
انا عزلت من الشقه بسببك
انا لا اراقبك لكن وقتي ضيق
البرزخ يحتاجني!
زعقت وانا في مكاني انا مليش دعوه بالبرزخ
ولا نيله ومش عايز اشوفك تاني
من فضلك ارحلي.
قالت انا لم احضر هنا من تلقاء نفسي؟
انت كتبت رسالتك التي اوصلتها
يعني انت استدعيتني لعالم البشر!
بعدين انت خايف ليه؟ انا مش هاكلك؟
قلتلها أظهري انا جاهز!
حسيت بقدر الحماقه والغباء الي مخلوط جوايه لما شفتها
قمر ماشي علي الأرض
عيون بلون المراعي الخضره، شعر طويل تتعلق فيه
بشره عاجيه، جمال خلاب خلاني سكرت.
هدومها كانت زي البشر، جيبه قصيره زرقه
بلوزه حمره وشعرها سايب ورا ضهرها
انت جنيه سألتها؟
قالت ايوه جنيه، كل ده ومش عارف؟
لا عارف بس مكنتش متخيل الجنيات حلوين كده
قعدت وقعدت جنبها كنت هلزق فيها
قالت من فضلك خليك مكانك
مش صح تلمسني
كنت هضحك واصرخ انتي جنيه بس جمالها ونبرتها سكتوني
دخلت في الموضوع علي طول، قالت لبني عاشان تزور والدها
انت بشخصك لازم تيجي تاخدها وترجعها.
ليه انا سألتها؟
لأنك زهوري ده اولا ولأنك الوحيد الي رديت علي رسالتها من بين اقرانك
سألتها هو فيه حد تاني اتبعتله الرساله
قالت اربعه غيرك، انت الوحيد الي رديت
طيب وايه زهوري دي؟
قالتلي يكفي انك تعرف انك قريب من العالم الاخر
ومرحب بك هناك
قلت ايه؟
قلتلها اديني وقت افكر
وقفت في مكانها وقالت انا لا أملك الوقت
لازم تقرر دلوقتي
اديني خمس دقايق بس
قالت ماشي
قلتلها هو فيه غيرك كتير؟
قالتلي لنا حارسة البرزخ الشمالي
طيب الموضوع ده هياخد وقت قد ايه؟
مش كتير ، سأحرص ان تعود فورآ
وقتها اتخذت اكتر قرار مجنون في حياتي
قلتلها موافق بشرط انك تكوني رفيقتي في الرحله.
#الرساله
#الأخيره
ستكون رحله قصيره احرص خلالها على عدم كشف هويتك مهما حصل!
قلت ! اذا سألني احد انت بشري؟
أنكر؟
ليست المشكله ان تكون بشري، عشرات الرجال والنساء ياتون ويرحلون متزوجون من الجان بطريقه ما
لكن انت الطمع فيك كبير؟
قلت مش فاهم حاجه؟
قالت! مش مهم تفهم اهم حاجه تنفذ وياريت متتكلمش خالص
سيبني انا ارد.
قالت ! سيخصلثون نوه، هانتيغ اغشوخ، نقبح، منتالببش،
زوالقفه، انفتح البرزخ، جذبتني نحوها بقوه حتي احتضنتني، ظهرت لها اجنحه في ظهرها ثم حلقت بي داخل البرزخ.
متنعم بقربها ملابس لجسدها البارد، غارق في عالم الالوان الذي نعبر خلاله أشعر بلذه ليس لها حد.
قالت وصلنا!
بسرعه كده تحججت!
كنا قرب وادي يحده جبلين، بدا لي فارغ لا جان داخله حتي قالت احذر!
توقفت عن المشي قالت كنت ستخطو علي طفل يحبو
قلت لكن انا لا اري شيء
قالت ليس كل الجان يستطيع التشكل لا تنسي
اننا في عالمنا.
دقيه ومرت من أمامنا طفله صغيره تركض لها جديله صفراء طويله ترفرف خلفها.
ثم بدأت اري بعض الجان، البعض له ارجل حيوانات، البعض الاخر جسده مملوء بالشعر وآخرين لهم قرون ووجوه بشعه.
التصقت بها من الرعب، كان بعض الجان يرمقنا بفضول لكن لم يتعرض لنا احد.
عبرنا بين اكواخ قالت هذه مساكن الجان الفقراء!
قلت حظك فقري يا لبنى حتي لم تتجوزي جان يطلع فقير!
قلت لك لا تتحدث ولا تفتح فمك، النجم عالي ومن السهل كشف هويتك!
ما انتي قلتي بشر كتير بيجو هنا، اشمعنا انا؟
لانك احمق لا تعرف قدر نفسك انت زهوري
يادي ام زهوري دي الي كل شويه تقوليها.
مرحبا كيرا؟
قال جان بمنتهى القوه والعضلات وهو يرمقنا
قالت كيرا مرحبا ولم تزد كلمه
جذبتني من يدي واسرعنا في المشي
اتمني ان لا يكون شعر بشيء، عانتون جان فاجر لا يهتم غير بنفسه
قلت وانا اضحك شكله بيحبك.
وضعت يدها على فمي اصمت قالت رائحتك ستفضحنا!
سألتها، هو انا معفن للدرجه دي؟
قلت لك اصمت انت غبي؟
طيب متزعقيش لو سمحتي!
طار من فوقنا جني بسرعه جعلني اصرخ من الرعب!
قالت كيرا، اقسم انك ستفضحنا وسنقع في مشكله بسببك.
قلت سأصمت خلاص.
واصلنا سيرنا بين الاكواخ الكثيفه وانا اري أطفال الجان يلعبون ونسائهم وبناتهم، ثم الح علي سؤال
قلت كيرا لماذا انتي جميله بهذا القدر؟
قالت كيف تقولونها في عالمكم لأن والدتي جميله
ارتحت؟
سكت خالص والجمت لساني
حتي وصلنا منزل لبني
كان أطفالها يلعبون خارج الكوخ، هي وزوجها ينتظرونا بالداخل، لازالت لبني جميله كما رأيتها في الصوره
المهم كتب زوجها العهد بأن نرجعها اليه سالمه وقعت عليه كيرا وانا بالدم!
حلقت بنا كيرا مره اخري في الجو كنت بدأت استمتع بحضنها حتي ارتطم بنا جان ضخم جعلنا نسقط علي الأرض
اعتقدت ان عظامي تكسرت لكننا سقطنا علي تلال من الرمل
غطتنا الرمال ووجدت لبني جواري
قالت خذ ساتر يا آدم
ساتر ايه؟ هو ايه الي حصل؟
كانت كيرا قد تحولت لكائن اخر عملاق لكن علي الناحيه الاخري كان عانتون مثل ثور هائج
وقفا أمام بعضهما، قالت افسح لنا الطريق ولا تعترضنا انت تتعدي علي القوانين
قال عانتون خذي الانسيه، ام ذلك الزهوري فهو ملكي!
أنه في عهدتي أيضا لن تصل اليه
سنري، قال ذلك وطار في الجو وارتطم بكيرا فأسقطها أرضا
لكنه نهضت بسرعه وانقضت عليه، نطحته برأسها في صدره وسمعت صوت الضربه
صرخ عانتون من الألم، لكن قوته لم يكن لها حدود سرعان ما لف يديه علي عنق كيرا من خلف ظهرها وخنقها!
رأيت كيرا تتألم وتنفخ نار غير قادره علي الفكاك منه
صرخت اركليه تحت الحزام يا كيرا
رفعت كيرا مؤخرة قدمها وضربته في مثانته تركها وهو يصرخ من الوجع
لكنه حرك يدها فطوحني أمتار في الهواء
سقطت علي الأرض اصرخ من الوجع، عانتون كان هائج جدا
نطح كيرا في معدتها ولكمها في وجها، احكم قبضته عليها ولم يتوقف عن ضربها!
اجبرها علي النزول أرضا راكعه تحت قدميه تتلوي من الألم، قالت لبني سيقتلها !
كنت اجر قدمي ولا اعرف ما علي فعله، كيرا تختنق
كان اصبعي لازال ينز دم من بصمتي علي عهد زوج لبني
قالت لبني اجعلها تلعق اصبعك
دمي يعني؟
قالت نعم سيجعلها قويه جدا، انت زهوري!
لو اقتربت منها سيقتلني عانتون
قالت استخدم عقلك
تقدمت نحو عانتون وانا ارفع يدي، قلت اتركها سأكون ملكك
خفف عانتون قبضته لكنه م يتركها
بكل رعب الدنيا سرت نحو عانتون وضعت يدي على رأس كيرا قلت انا اسف
ثم دفعت اصبعي في فمها
احتضنني عانتون واستعد للطيران بي
حلق خطوه واذا بكيرا تستعيد قوتها
امسكته كن قدمه وطوحت به أمتار بعيده
وطرت انا معه في الهواء لما سقطت اغفي علي
في عالم البشر بعد أن افقت علي سريري علمت من رساله شكر كيرا انها تغلبت على عانتون بسبب دمي الزهوري
وانا لبني زارت والدها وعادت لزوجها
أخبرتني ان علي ان احضن نفسي دومآ لان هناك من يعلم قصتي من الجان وسيسعي خلفي
لم انتبه لكل ذلك كنت افكر في كيرا وكيفية الوصول إليها
لقد أحببت كيرا ولن اتوقف عن محاولة البحث عنها
انتهت
تعليقات
إرسال تعليق