مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

سكريبت الصبر كامل بقلم حور حمدان 

سكريبت الصبر كامل بقلم حور حمدان 

لية انسان ممكن يتظلم بالشكل دا وهو اصلا معملش اي حاجة

كل دا عشان مجرد كلمة كلمة عادية جدًا طلعت مني بشكل عادي ولا كان في نيتي اي حاجة سألت سلفتي من كم يوم عادي هي بتعمل بادكير فين

ويوم سبوع ابنها القمر اللي ربنا يحفظه ليها كان فيه ناس كتير اوي ما شاء الله

كان الجو مبهج بس انا للاسف مكنتش مرحب بيا ودا كان باين من تعاملها معايا

لية

عشان انا السلفة اللي متجوزة الاول ولسا ربنا مأكرمهاش بطفل

فغالبا هي كانت خايفة على ابنها مني او مش عارفة بس اللي عرفاه ان فاقد الشي يعطيه وبشدة كمان وانا عمري ما اتمنى اي حاجة وحشة ليها ولطفلها الجميل ولا حتى لغيرهم

دموعي نزلت وانا بقرأ رسايلها للمرة المليون

كانت باعتالي صورة رجلها كانت وارمة فعلًا اوي بس ممكن من تعب الولادة

او ضغط الوقفة يوم السبوع او ممكن حد تاني اللي حسدها اذا هنحسبها بحسد

لان انا عمري ما ابص لحد بصة وحشة عشان واثقة في كرم ربنا ليا

كانت باعتالي 3 مسدجات ورا بعض اول واحد

قعدتي تقولي بتعملي بادكير ازاي

شايفة رجلي

فاكرة وقتها اني كنت لسا هسألها مال رجلها واتصدمت من المسدج وتاني رسالة اللي حقيقي وجعتلي قلبي وروحي

منك لله يا شيخة دا انا لا لاقية ليها علاج ولا سبب يخليها تورم كدا وكشفت ومش لاقية علاج لية لية بجد تبصي وتحسدي حد ما تروحي يا اختي تدفعي وتعملي اللي انتي عايزاه ما انتي الدهب في ايدك من هنا لهنا

اللي يوجع انها كملت وقالت

اياكي تطلعي عندي تاني دا انتي عينك صعبة يساتر يارب منك

انا عارفة ان الحسد مذكور في القرآن الكريم ولكن انا والله بتمنالها من كل قلبي الخير كله وعمري ما بصتلها

طول فترة الحمل انا اللي كنت مخليّة بالي منها بما ان جوزي وجوزها مسافرين واحنا قاعدين لوحدنا في البيت كنت بخاف اسيبها لوحدها لتتعب او تدوخ ومحدش يلحقها فكنت اغلب الوقت عندها

مجرد اسكربت خيالي لا يمت للواقع بشي هو من خيالي فقط

قفلت الفون ومسحت دموعي وقومت لبست ونزلت المسجد

معرفش لية

"مجرد اسكربت خيالي لا يمث للواقع بشيء هو من خيالي فقط" 

او حتى اي السبب بس بمجرد ما سمعت الاذان نزلت على طول

كان فيه بنت قاعدة تحفظ مجموعة من الاطفال القرآن وللحظة سمعت اية من طفلة

كانت بتقول بسم الله الرحمن الرحيم

"ولقد نعلم انك يضيق صدرك بما يقولون فسبح بحمد ربك وكن من الساجدين واعبد ربك حتى يأتيك اليقين" 

صدق الله العظيم

اول ما سمعت الاية دي قومت سجدت على طول ودموعي نزلت

دموعي كانت بتنزل بشكل لا ارادي قلت بصوت كله وجع يارب

يا الله يا حبيبي يا الله يارب انا عارفة انك سامعني ومطلع على اللي في قلبي يارب يارب ارزقني يارب

كنت بعيط لحد ما حسيت فجأة الدنيا بقت ضباب قصاد عيني مكنتش شايفة حاجة

بس محستش بنفسي غير وانا بفتح عيني معرفش بعدها بقد ايه بالظبط بس كنت في المستشفى

وكان جوزي جنبي

هو نزل مع ادم قبل ما سارة اللي هي سلفتي تدخل العمليات بحوالي شهرين

ادهم كان قاعد بيبصلي بنظرة عمري ما هنساها ولا هقدر انساها

كلها فرحة

قلتله بحيرة

انا جيت هنا ازاي وايه اللي حصل

ابتسم وهو بيطبطب على ايدي وقال

مفيش اغمى عليكي وانتي بتصلي في الجامع وطنط ام محمد كلمتني وجيت جبتك هنا للدكتور

ابتسمت بالعافية وانا بفتكر كل حاجة لحد ما لقيت ادهم كمل وقال

عشان الحمد لله اعرف انك هتكوني اجمل ماما في الدنيا كلها قريب

بصيتله وانا مش فاهمة اي حاجة فكمل وقال

ربنا الحمد لله كرمنا وانتي حامل يا نور

يا نوري يا انثى خُلقت من نور قلبي

وياسر رعشة الروح في وهج حبي

عيناك مرآة الجنة حين تباغتني

فيغدو الكون طفلًا بين كفيك

اشتاق ان اغفو على صدرك المترف

واحتمي بدفء انفاسك المنساب

فأنتِ وطن لقلبي الضائع الظامئ

وملاذ رجل عشقك حتى الفناء

"بالمناسبة النص دا من كتابي رواية اهداني ضحايا مع اختلاف اسماء البطلة بس النص كان لاسيل" 

كنت بسمع كل حرف وانا قلبي بيرقص

شكرت ربنا على كل حاجة كرمني بيها

ومن اليوم دا وانا لازم اروح المسجد كل يوم وبدأت احفظ القرآن كمان مع الاطفال من البداية خالص

مر الوقت دا 4 شهور

وانا من فترة عرفت ان من فضل وكرم ربنا عليا انه رزقني بطفلين الحمد لله

وحقيقي عوض ربنا اذا احل انساك مر ما فقدت

#تمتت

#حكاوي_كاتبة

#الصبر

#حور_حمدان