سكريبت يا خبر أبيض سيادة المقدم في اوضتي؟ كامل بقلم سلسبيل احمد
سكريبت يا خبر أبيض سيادة المقدم في اوضتي؟ كامل بقلم سلسبيل احمد
- يا خبر أبيض سيادة المقدم في اوضتي؟
= اقعدي يا زفـ ـتة عايزك
- خير يا سيادة المقدم عملت شيء مخالف ولا ايه
= يابت بطلي تناحه، انتي عندك 25 سنه ازاي انتي؟
- عايز نتكلم جد يعني يا يوسف
= اه بعد اذن سيادتك
- اكيد ياحبيبي اتفضل
= بالهداوه كده و من غير قلة ادب انا هحاول اخدك على قد عقلك كلمتك من يومين تلاته وحكيت لك عن صاحبي في الشغل حصل ولا لاء
- حصل يا يوسف
= قولتي انك موافقة تقعدي معاه و كويس انه من طرفي وبتاع
- حصل يا باشا
= يجي يقعد معاكي ترفضيه؟
- ماهو حضرتك بقالك يومين غايب من البيت ومتعرفش أسباب رفضي.. وانا بصراحه معرفتش اتكلم مع ماما عشان انت عارف ان انا وهي حريـ ـقة هي عايزه تجوزني وخلاص.. وأكيد مش هتكلم مع عمك الى سبته يقعد معانا وهربت يخويا يا جدع
= متلزقيهاش فيا يا كارما انا قايلك اليومين دول وضعي صعب فى الشغل
- ما علينا واديك جيت وهعرفك اسباب رفضي
= اتفضلي حضرتك
- صاحبك عنـ ـصري ومتحكم يا حبيبي عاوزني اقعدي في البيت
= حببتي انتي اصلا قاعده في البيت
- قولتله افرض حبيت اشتغل قالي لا
= مانتي لو قولتي لي هشتغل يا يوسف هقولك لا
- شكله بتاع بنات
= محصلش ده اكتر واحد محترم فينا
- ماهو بقا يعني.. عينه خضرا واي حد عينه خضرا معروفه توكسيك
يوسف بحده: كارما!
بصتله بأبتسامه توتر: ايه؟
- رفضتيه ليه؟ انطقي
= يعني يرضيك يكبتني ؟
- ده مش كبت دي رجولة اي راجل بيفهم مش هينزل مراتة تتبهدل و تشتغل و تحتك بالعالم
المقرـ ف ده بصي حواليكي وشوفي ايه الى بيحصل ثم انتي كدا كدا عارفه طريقتي وراضيه بيها وبتسمعي كلامي وهو نسخه طبق الأصل مني في التعامل و الدماغ الا لو انتي مش عاجبك طريقتي بقا
بصتله بأستسلام: لا.. انا عارفه انك بتعمل كده عشان خايف عليا وبتحبني و مع انك اكبر مني بسنتين بس بتعتبرني بنتك.. وحنين عليا من يوم وفاة بابا
- ما انتي عاقلة اهو و بتفهمي امال فيه ايه
بصتله وعيوني مدمعه: انت متعرفش بابا كان بيتمنالي عريس عامل ازاي صح
= اكيد كان عاوزة كويس واخلاقة كويسة وكل الحاجات دي انا عارف ده ايه علاقتة بالموضوع
- علاقته اني مكنتش مرتاحه لما قالي انوه مش بيصلي او انه يعني مش مواظب على الصلاة و بيقطع فيها بابا قالي اختار إنسان بيخاف على علاقته بربنا و عارف ربنا وقتها هيحافظ عليا.. انت قولت بنفسك العالم وحش وكل حاجه وحشه.. وانا والله مش قصدي اشكك في اختيارك بس انا عايزه حد يساعدني و يزقني اللتزم نكون إحنا الإتنين بنزق لبعض لطريق ربنا.. الى يقع فينا التاني يقومه.. عاوزاه يكون متدين عارف دينه و يعلمه لعيالنا.. وكل ده.. انت عارف اني كنت بغلط كتير وما صدقت اني اللتزم و علاقتي بربنا تبقي كويسة.. فاهمني
اتنهد تنهيده طويلة وبصلها: انتي مدتهوش فرصة.. او هو محبش يتكلم ويحكي كتير..
- مش فاهمه تقصد ايه
ابتسم بسخريه: احنا مسمينه الشيخ أدهم
= يوسف ممكن توضح
- بصي يا كارما.. أدهم حصله انتكـ ـاسه شديده.. بعد لما ابن عمه الصغير استُـ ـشهد.. كان بيحبه وكان زي اخوه.. من وقتها وهو تايه شوية واحنا جمبه وبنحاول نرده للطريق الصح وبنشيل شوية من الى علينا الكتيبة كلها كانت بتتجمع وتصلي بسببه.. وكان بيكلمنا كلنا.. بس هو نفسيا مش احسن حاجه دلوقتي الموضوع مفاتش عليه شهر هو طبيعيي مش هيقولك كل ده في اول مقابلة.. انتي الى ذكية حضرتك.. واتسرعتي
بصتله وقتها بدهشه: متحسسنيش بالدْنب
- لا متقلقيش كده كده هو كلمني تاني اكلمك..
بصتله بأحراج: ايه ده يعني احم قصدك ايه
= يعني هو عايز فرصة تانيه يختي
- طب هو اصلا من البداية اتقدم ليه ولا شافني فين
= في عزا بابا
- انت بتهزر من ساعتها؟
= اه من ساعتها بس مكنش جاهز.. لكن مكلمني من بدري
- وانت مش بتعرفني كل ده ليه
= دي جزاتي مش عايز اضغط عليكي.. مع ان كدا كدا انا هجوزك له بالعافيه
"فتحت بوقي بدهشه فا ضحك وهو بيحضني"
- انا مش هختار لك حد وحش او مش مناسب ولا حتي ميعرفش ربنا يا عبيـ ـطه انتي
حضنته بحب: بحب يا سيادة المقدم
- وانا بحبك يا زقرده.. جوايا حاجه برضو مش عاوزاكي تتجوزي وتسبينا.. بس الولد مناسب جدا وعلى ضمنتي
ضحكت وبصتله: هوحشك يا يويو؟
= في مقدم يتقاله يويو؟ بذمتك ينفع
- اه.. انا براحتي
ابتسم: ماشي.. ادلعي ياحببتي براحتك
" سابني وخرج وانا فضلت افتكر مقابلتي مع أدهم وكلامنا الى كان حاد شوية. "
- انتي متخرجه من هندسة صح..
= ايوه.. واحتمال اشتغل انا تعبت اوي في الشهاده يعني فا اكيد مش هقعد في البيت
- بس الشغل مُرهق فا طالما مش هتبقي محتاجه حاجه ليه شغل؟
= ما انا بقولك لأني تعبت في شهادتي
- ده علم ليكي واجتهاد وكل ده بس مش بالضرورة تشتغلي وتتعبي نفسك خصوصًا لو مش محتاجه الشغل.. فا ملهوش داعي؟
= انت يعني عاوز تقول انك رافض مبدأ ان مراتك تشتغل من اساسه
- عايز اقول ان لو حصل بينا نصيب اكيد مش هخليكي تشتغلي بدون نقاش
= اممم وبدون نقاش و ده طبعا غير موضوع انك حضرتك مش مواظب على الصلاه
- ربنا يهدي انا بحاول ارجع مواظب عليها
= هو ده اختيار يعني.. دي فرض
- أكيد لا مقصدش
بصتله بستغراب: و انا حاسه اني مش مرتاحه
= احنا لسه معرفناش بعض.
- هي باينه من اولها!
= على راحتك
" اتنهدت وانا بيتردد في دماغي جملة يوسف اخويا.. اني معرفش أدهم ان يوسف حكي لي حاجه عن الموضوع ده لأنه حَساس بالنسبه لـ ادهم. بقلمي سلسبيل احمد "
>>>>>>>>>>>>>>>>>>>>>>>>>>>>>>>>>>
اللهم صلِ وسلم وبارك على سيدنا محمد
|| بعد مرور تلت شهور ||
- كراميلا
= كراميلا؟ يبقي هتكلمني في موضوع أدهم ماهو صاحبك طبعا ولازم تدافع عنه
- وفي مقام جوزك
= ده مجرد كتب كتاب
- مجرد كتب كتاب؟.. مش نعقل بقا
= لا لا مش قادره خلاص
- طب هو بره اخرجي اتكلمي معاه
= هو بره !! عندنا !
- اه يا كارما اخلصي بقا
" اتنهدت بضيق خرج وبعدين حاولت اظبط شكلي والابتسامه كانت من الودن للودن!! مكنتش متخيله انه هيجي يصالحني.. "
- احممم
" يوسف بصلها وضحك "
- اقعدي ياحببتي
" سابنا ودخل فا ادهم قرب وحط قدامي ورده كبيرة لونها بينك و بوكس تاني لونه بنفسجي اكتر لونين بحبهم.. "
بصتله وابتسمت بحب: بتضحك عليا يعني
- مقدرش..
= طب وبعدين
- يعني ينفع تتقمصي كده واحنا كلها ست شهور ونعمل فرحنا ونروح بيتنا؟
= وهو ينفع تقعد اسبوع بحاله مش بتسأل فيا ولا مهتم بيا هو انا هخلص من اهمال صاحبك الاقيك انت كمان زيه؟
ضحك: طب هنعمل ايه شغلنا كده!
" ماما قاطعت كلامنا وجت حطت طبق حلويات و عصير وبصتلي "
- بطلي افترا منور يا حبيبي
" بصتلها بعدم تصديق وهي ماشيه وهو ضحك "
- أوعدك هبقي مُهتم بعد كده
= وعد يعني يا ادهم؟
- وعد يا كارما.
" قعدنا يومها في اجواء هاديه.. وفضلنا في البلاكونه حبه نتفرج على السما أدهم شخص هادي.. وحنين.. زي ما كنت بتمني من ربنا لاقيته.. "
" اديتة فرصة تانيه بعد لما اتأكدت انوه حاول عشاني مش كان متقدم وخلاص.. لاقيته شخص مُريح واتخطبنا.. ولكن طلع زي ما يوسف قالي.. الشيخ أدهم.. كان محافظ اوي على الحدود بينا.. لحد ما عملنا كتب كتاب حسب رغبته انوه مش عايز اي تجاوز ولا حد يتكلم عني.. كان كتب كتاب صغير للعيله و الجيران.. كان هادي شبهنا.. وبعدها اتفق معايا على الفرح لما نرتب امورنا والشقة بتاعته تخلص... "
- ها يختي اتصالحتو..
= يوسف..
- خير؟
= انا بحبك اوي
- ايه ده فجأة كده
= انا مبسوطه بأختيارك ليا.. الى عمره ما قل عن توقعي لو كان بابا عايش وهو الى اختار عريسي
مش عارفه اقولك ايه.. مش لاقيه كلام يوصف قد بحبك و فخورة اني عندي اخ زيك.. واب
"يوسف بصلها بحب وحضنها"
- انا الى فخور بيكي وانك طالعه بتفهمي كده مش زي البنات الى ربنا يهديها بتحب العناد وخلاص وبتتعب اهلها.. صحيح كل شوية انتي وماما تشدوا بس بتصالحيها
= صدقني انا مش ببقي غلطانه امك الى قماصة
- ايه امك دي اسكتي
= آمنه هانم هي الى بتحب تزعل حلو كده؟
يوسف انا عايزه اقولك حاجه.. هو انا لو اتجوزت وبعدين لقتني مش عايزه اكمل هتخلوني ارجع
يوسف ضحك جامد وبصلها: هو ايه تفكيرك ده امال هنرميكي فى الشارع يعني يا كارما وبعدين متقوليش كده انا واثق في أدهم
- ماشي يا سيادة المقدم.. عبال لما نفرح بيك.
>>>>>>>>>>>>>>>>>>>>>>>>>>>>>>>>>>>
" بصيت قدامي على عبدالرحمن و فريده وهما عمالين يتكلموا بحده وكل واحد فيهم بيقنع التاني انه بيصلي غلط.. "
- بتعملي ايه؟
" لفيت لأدهم الى حضني بحب ورجعت ابص عليهم"
= انت مُتخيل ان فات سبع سنين؟
- لا .. خالص
ضحكت: عمالين يتخانقوا على طريقه الصلاة الصح.. تفتكر مين انسب حد يعلمهم
- انتي عارفه انا حاولت معاهم كام مره؟ انا معتقدش فيه حد مناسب يعلمهم اكتر من واحده كده رفضت عريس زمان عشان قالها انوه مكنش مواظب على الصلاة.؟
ابتسمت: وهي دي حاجه قليلة سيادتك؟
= لا طبعا.. دي حاجه حْطيره.. كفاية انك فضلتي جمبي.. لحد ما عديت كل حاجه لو قعدت اشكرك عمري كله مش هيكفي
بصتله بحب: انا الي كنت مبسوطه انك شاركتني كل حاجه.. وقعدت تحكي بالتفصيل.. مخبتش عني او افتكرت اني ممكن احكم عليك و وثقت فيا
- وكنتي قد الثقة
" فريده جريت تشدها بأندفاع "
- ماما تعالي شوفي بقا بيقولي اني بصلي غلط
" ادهم ضحك لما لقي عبدالرحمن جاي وراها وهو متوقع هيقول ايه "
- بابا فريده صغيرة ومش بتسمع الكلام
أدهم: احلف لك بإيه انكم تؤام وقد بعض؟
كارما: براحة بس فهموني
فريده: خلاص انا زهقت منه مش هصلي تاني خليه هو يصلي بس
عبدالرحمن: لا يا فريده براحة
فريده بعْضب أطفال: بابا هو احنا ليه بنصلي على فكره فيه صحابي مش بيصلوا وعادي
" ادهم بص لـ كارما الى هزت راسها بمعني سبني اتكلم "
- طيب.. انتوا عارفين انا زمان وانا صغيره لما كنت بقول لـ بابايا مش عايزه اصلي بيقولي ايه؟
عبدالرحمن: بيزعل منك
- اكيد بيزعل و كمان ربنا بيزعل.. بس بابا قالي وقتها الصلاة دي بتغفر للإنسان عشان احنا بشر و بنغلط كتير! كتير اوي فا الصلاة دي رحمة من ربنا كا ما نصلي وندعي ربنا يغفر لنا وناخد حسنات كتير اوي عشان ندخل الجنة.. وان عقاب الى بيترك الصلاة كبير اوي! ربنا بيزعل منه جدا!
فريده: انا مش فاهمه يا ماما
- يا تخيلي معايا يا فيرو.. لو انتي لعبتي و اتوسختي كلك بس بعدها نزلتي في البانيو في المياه هيحصل ايه
= هبقي جميلة ونضيفه
- ده برضو يا روحي الى بيحصل لما توضي عشان تصلي بتبقي نضيفه وجميلة وكمان ربنا بيغفر لك لو عملتي غلط بيسامحك عليه وبتفضلي كده طول عمرك.. بس الفرق اننا بنتوضي كام مره
عبدالرحمن: تلت مرات
فريده: لا خمسه.. عشان بنصلي خمس مرات
كارما: صح كده.. خمس مرات يا عبدالرحمن.. يعني فالخمس مرات دول شوف بتنضف كل شوية ازاي وبتاخد حسنات كتييير!!
عبدالرحمن رد بثقة: انا علطول بستحمي ونضيف
ادهم ضحك: شاطر.. دي من الحاجات الجميلة.. لازم نبقي دايما نضاف.. الصلاة بتخلي الأنسان علطول طاهر ونضيف لانه مضطر يبقي نضيف وهو بيقابل ربنا ويصلي صح؟
فريده: وكده الناس الوحشه الى مش بتصلي ربنا مش بيحبها؟
ادهم ابتسم وبصلها: ربنا بيزعل منهم اوي.. بس لما يفوقوا يا فريده.. ويرجعوا لـ ربنا يتوبوا و يستغفروا وهما حاسين بالذنب ويفضلوا يدعوا ان ربنا يسامحهم.. فا بيرجع يحبهم تاني و يسامحهم لأن احنا ملناش غير ربنا نرجع له صح ولا ايه؟
ابتسمت: اممم ايوه.. خلاص يا بابا سوري..
انا هفضل اصلي علطول معاكم.
عبدالرحمن: ايوه صلي معاهم بدال ما كل شوية تلغبطيني كده
فريده بصتله بنص عين: انت اصلا صوتك عالي اوي وانت بتصلي !!
كارما ضحكت: هدوا نفسكم بس.. خلينا دلوقتي نفطر كلنا ونشوف الموضوع ده في صلاة الضهر أوكيه؟ يلا روحوا اغسلوا ايدكم
" جريوا على الحمام وهما بيتخانقوا مين يغسل ايده الأول كالعادة.. "
أدهم اتنهد: انا عارف انك بتتعبي اوي معاهم بس انا مقدر ده وفخور بتربيتك ليهم اوي يا كارما..
- البركه في بابا.. هو الى علمني كل ده.. بسببه عمري ما فوت فرض.. الصلاة غيرتني اوي لما اللتزمت بيها يا أدهم.. عشان كده كان مفاجئ بالنسبالي اكون مع حد مش بيصلي وفاكرها شيء عادي.. وهو ذنب كبير
باس ايديها بحنيه وحب: ومع ذالك مفقدتيش الأمل فيا.
وبالك برضو طويل مع الولاد.. ويطلع عينك معاهم
ابتسمت: مانت برضو بتساعدني..
= انا؟ انتي الى بتساعدينا يا روحي.
ضحكت: روحك اممم... لحسن تكون بترمي على اننا نخلف تاني ولا حاجه
غمز لها: كمان تؤام ومش هفتح بوقي
- لا لا هو انت كدا كدا مش هتفتح بوقك متخلنيش اكلم يوسف يجيلك
= هو فاضيلك ياحببتي ماهو مع مراتة وعيالة هو كمان والشغل عليه.. والله الرجالة بتتعب اوي
- ادهم؟
= عيونه
ضحكت: بقالك قد ايه مقلتليش بحبك
- 11 ساعه تقريبا..
= طب ايه؟
- بحبك يا كارما..
ابتسمت وحضنته: وانا بحبك يا ادهم..
- انا بموت فيكي يا قلب ادهم.
" سمعوا عبدالرحمن بيزعق "
- يا ماما فريده مش راضيه تسيب الصابونه !
كارما: لا روح شوف انت بقا
ضحك: عنيا ياحببتي.
" تمت ♥︎ "
>>>>>>>>>>>>>>>>>>>>>>>>>>>>>>>>>>>>
" حاجه خفيفه كده وهاديه هشوف رأيكم ايه.. قررت انزل حاجات كده قصيرة واحاول اخليها هادفه او فيها رسالة وتبقي جزء واحد.. لحد ما اكتب رواية جديدة هستني رأيكم بقا في الاسكريبت ده "
#slsbell_ahmed_سلسبيل_أحمد
#Salspil_A_Mahmoud
#سلسبيل_أحمد #بيلا 💗🌃
تعليقات
إرسال تعليق