رواية غریب ساکن ابني الفصل الثانى 2 بقلم نور محمد حصريه في مدونة موسوعة القصص والروايات
رواية غریب ساکن ابني الفصل الثانى 2 بقلم نور محمد حصريه في مدونة موسوعة القصص والروايات
"عدى أول يوم.. والسكوت اللي في البيت كان أرعب من أي صريخ، بس الرعب الحقيقي بدأ لما الشمس غابت!"
بعد الليلة اللي ياسين نطق فيها بالحكم ده، شريف ومنى مناموش ولا دقيقة. شريف حاول يقنع نفسه إن الولد "نابغة" أو لقط الكلمتين من التلفزيون، بس قلبه كان بيقوله غير كده خالص.
أول ما الفجر شقشق، منى قامت تجري على أوضة ياسين.. لقته قاعد في نص السرير، مبيعيطش، مبيضحكش، بس باصص للحيطة وبيرسم بإصبعه دوائر في الهوا.
"ياسين.. حبيبي، انت كويس؟" منى سألت بصوت مهزوز.
ياسين بص لها بابتسامة باردة متطلعش من طفل، وقال ببرود: "باقي يومين يا ماما.. هما بدأوا يجهزوا المكان."
منى رجعت لورا ووقعت على الأرض. "مين دول يا ابني؟ تقصد مين؟" بس ياسين رجع يلعب بصباعه وكأنه منطقش ولا كلمة.
الساعة 12 الضهر :
شريف كان واقف بيعمل قهوة عشان يركز، فجأة شم ريحة وحشة جدًا.. ريحة زي ما يكون "لحم بيتحرق". بص حواليه مفيش حاجة، بص على البوتاجاز لقى العيون كلها مقفولة، بس فجأة..
عيون البوتاجاز الأربعة اتفتحوا لوحدهم! والنار طلعت منهم بلون أزرق غريب ووصلت للسقف!
شريف صرخ وجرى قفل المحبس الرئيسي، وياسين كان واقف عند باب المطبخ، مربع إيده وقال:
النار مجرد تحذير.. الضيف مبيحبش المتطفلين
شريف هنا مقدرش يمسك نفسه، شال ياسين من إيده بعنف وقال: "إنت مين؟ وإيه الضيف ده؟ إحنا في بيتنا!"
ياسين بصله بعينين وسعت فجأة وبقت سودة تمامًا وقال: "ده مكنش بيتكم أبدًا.. إحنا بس كنا مستأجرين الأرواح اللي فيه، والإيجار خلص!"
الليلة الثانية - الساعة 3 فجرًا:
البيت بقى تلج، رغم إننا في عز الصيف. منى وشريف قرروا إنهم مش هيستنوا لليوم التالت.
"إحنا لازم نمشي دلوقتي يا شريف، سيب كل حاجة وخد الولد وننزل نبات في أي لوكاندة!"
شريف وافق وهو بيترعش. لموا شوية لبس في شنطة بسرعة وياسين واقف بيتفرج عليهم بهدوء مريب.
شريف مسك يد الباب عشان يفتح ويخرجوا..
الباب مبيفتحش!
الباب حديد، والمفتاح بيلف، بس الباب كأنه ملحوم في الحيطة. شريف خبط عليه بكل قوته، نده على الجيران، مفيش صوت بيطلع برا الشقة، كأنهم اتعزلوا عن العالم
فجأة، الكهرباء قطعت.. والبيت كله غرق في ضلمة كحل.
سمعوا صوت "خربشة" جاية من سقف الصالة.. خربشة أظافر قوية بتمشي فوق دماغهم.
ياسين ضحك في الضلمة ضحكة عالية، ضحكة راجل عجوز، وقال:
"هو هنا.. الضيف وصل قبل معاده بيوم.. والباب مش هيفتح إلا للي هيخرج في الكفن!"
منى شغلت كشاف الموبايل وهي بتصوت، ونورته ناحية ياسين.. بس اللي شافته خلى قلبها يقف.
ياسين مكنش واقف على الأرض.. كان "طاير" على بعد شبر، وضله على الحيطة كان ضل كائن ضخم بقرون، والضل ده كان بيمد إيده ناحية رقبة شريف!
یتبع... نور محمد
#غریب_ساکن_ابنی
#الفصل_الثانی
يا ترى شريف هيقدر يهرب من "الضل" ده؟ وإيه السر اللي مخبيه البيت ده من سنين؟ واليوم التالت لسه مجاش.. يا ترى هيحصل فيه إيه
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق