مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية الجميلة والوحش الفصل الثالث 3بقلم سلسبيل احمد حصريه

رواية الجميلة والوحش الفصل الثالث 3بقلم سلسبيل احمد حصريه 

" اتفاجئت بـ موبايله اخيرا سايبه على السفره.. مسكته بسرعه وكنت بفتحه "

- انتي بتعملي ايه؟

رفعت عيني وبصتله: ايه!!

- ءءء انا.. كنت بشوف الساعة كام

" بصيت في الموبايل لاقيته مقفول فا اتنهدت وهو خده مني وبعدين بصلي "

- طيب تعالي..

" خرجت معاه للجنينه وانا حاسه ان فيه حاجه كده مريبه.. "

- بصي..

" كان فيه ترابيزه عليها حلويات و تورتة! "

= كل سنة وانتِ طيبة يا ليلي. 

- هي دي عشاني!!

" بصيت على التورتة وكان مكتوب عليها بدأت اقرأ"

- حبيبيتي ليلو كل سنة وانتي طيبة بحبك..

بصتله بصدمه: ده بابا !!! هو بابا بعتهالي!!!!

بابا هنا؟؟ هيجي..

هز راسه بالنفي: للأسف لا هو موصيني من اول يوم اخدتك فيه اعمل ده..

"كنت مصدومه و فرحانه في نفس الوقت"

- طب هو فين مينفعش خالص اشوفة

= بصي هو حاليا لاء بس يعني

طلعت موبايلي: تقدري تكلميه 

اتنطط مكاني: بجد شكرا شكرا شكرا!! 

طلب الرقم و اداني الموبايل حطيته على ودني بلهفه واول ما فتح اتكلمت: بابا !! 

- كل سنة وانتي منورة حياتي يا حببتي

عيوني دمعت: بابا!!!! بابا انت وحشتني اوي انا عايزه اشوفك انت هتيجي امتي!؟؟

= قريب ان شاء الله انتي كمان وحشتيني جدا هجيلك قريب يا حببتي 

- انت اول مره تسبني لوحدي كل الفترة دي يا بابا 

= خليكي متأكده انه غصب عني ، لكن عشان خاطر عيونك هشوفك قريب.. قوليلي عامله اي مع سيف اكلتي دماغه زي عادتك؟ 

بصتله وضحكت: مش اوي يعني.. هقدر اكلمك تاني؟ 

- كل ما اقدر اكلمك مش هتردد انا هقفل دلوقتي واسيبك تحتفلي بعيد ميلادك. 

= بابا الإحتفال الى بجد هيكون لما اشوفك

- إن شاءالله يا ليلى..

= بحبك يا بابا.. باي

- هاه خلاص ياستي ؟ 

بصتله بفرحه مفرطه: شكرا بجد يا سيف دي احلي هدية عيد ميلاد جاتلي فى الدنيا انا لو مكنتش كلمته كنت هبقي زعلانه لدرجه متتخيلهاش! 

= فيه حاجه تانيه..

بصتله بفضول: ايه؟

- الى متغطي هناك كده.. روحي شيلي الغطا

" بصيت بستغراب وبعدين روحت ولما قربت بدأت اخمن ده ايه! شلت الغطا ولقيتها البايك بتاعتي "

بصتله بعدم تصديق: بتهزر!!! جبتها ازاي!!

- بطريقتي

رفعت عيني ناحيته: هي دي بابا قالك تجبها؟

سيف ضيق عينه وبصلها: احم..لا.. انا الى جبتها

ابتسمت: طيب هتخليني اسوقها وكده؟

- اكيد لا..

كشرت: يعني ايه

= دي حْطر جدا مينفعش.. بس هحاول وتبطلي زن عيال ماشي؟

- موعدكش! ... سيف بس .. بابا صوته كان غريب كأنه مش مبسوط او مضايق 

سيف قاطعها بسرعه: بيتهيقالك اكيد بس مرهق من الشغل ولو زعلان فا يمكن عشان مش معاكي 

= ايوه صح معاك حق 

- طيب اخر حاجه بقا.. انا خت إذن رسمي اننا نخرج انهارده بس في أماكن معينه يعني

 في مكان محدد في دماغك؟

رديت بدون تفكير: عايزه اروح عند طنط هدي.

- ماما! طب فكري حتي نـ..

قاطعته: انا حبيتها وعايزه اروحلها مش عايزه تفكير وهات التورتة معانا ياريت والحلويات وتخلي امير يجي برضو

= اممم اي اوامر تانيه يا فندم

ضحكت: تؤ شكرا يا استاذ سيف تعبينك معانا 

************************************

' اللهم صلِ وسلم وبارك على محمد '

||في فيلا العقيد توفيق || 

هدي: ليلي !! ازيك يا حبيبيتي 

سيف بصلها بستغراب لما تجاهلته: طب انا ايه ؟ ابنك برضو

هدي حضنته: وحشتني يا حبيبي ادخلوا ادخلوا

سيف: هكلم فريده و امير ينزلوا 

هدي: ماشي يا حبيبي

ليلي: انهارده عيد ميلادي وقولت احتفل معاكم و جبت التورتة هي سايحه حبيتن بس حلوة 

هدي: تورتة؟ انتوا جبتوا تورتة! 

ليلي: اها بابا بعتهالي 

هدي: انا بعرف اعمل تورت خلي بالك لو كنتوو بس عرفتوني لكن ملحوقه انا هعملكم اكل الأول 

ليلي: لا لا انا جايه اقعد معاكم! هتسبيني وتعملي اكل وبعدين احنا اصلا مش جعانين

هدي: وبعدين معاكي بقا اقولك تعالي معايا ها لكن لازم اعملكم اكل 

ابتسمت: طيب.. هنعمل اي؟ 

هدي: محاشي خليت فريده تجبهم وكنت هكملهم بكره بس هي هتنزل وانتي موجوده اهو تساعدوني ونعمله

- اوي اوي عيوني يلا بينا 

" وفعلا بدأنا نعمل الاكل بعد ما فريده نزلت و حسيت نفس الشعور تاني..! الدفا و شعور العيلة الى كان المرة دي بزياده أوي لأني حسيتهم بيعاملوني كاني واحده منهم... وابتسامه سيف الى مكانتش بتظهر كل شوية بقت موجوده مع امير.. بقلمي سلسبيل احمد كنت حابة علاقتهم اوي ومبسوطه انه بيقضي وقت مع اهله.."

امير: لا لا ليلي اللعبي معايا متمشيش! لسه هنكمل

سيف: معلش بقي يا امير هي اتأخرت كده

ليلي: اوعدك هنتقابل تاني احنا صحاب فاكر!

هز راسه وابتسم: ايوه.

" خرجنا و ركبنا العربية وانا مكنتش عارفه اشكره ازاي على اللحظات الجميلة الى قضتها دي.. "

- سيف انا مش عارفه اقولك ايه بجد شكرا على كل حاجه

= العفو يا استاذة ليلي

ضحكت: هو مينفعش اخد موبايلي! 

- لاء دي لاء انسي 

= ليه

- من غير ليه 

= طب عايزه اشتري حاجه من السوبر ماركت استني هنا

- هتجيبي ايه! 

= حاجات شيبيسي كده 

- هبقي اجيب انا

= لاء انا عايزه اختار هو اي حاجه؟

- طيب ..

" ركن العربية على جمب و طبعا كان ورانا عربية تانيه ماشيه معانا كا تأمين فا نزل منها واحد "

- خير وقفنا ليه؟ 

= هنجيب حاجه من السوبر ماركت خليك هنا معاها يا وليد باشا لحد ما ادخل اتأكد انوه امان

" وفعلا لقيت سيف سابه معايا و دخل معرفش يأمن ايه بالظبط! "

" كنا واقفين قدام كافيه و قناة الاخبار شغالة على الشاشه مكنتش مهتمه..  مكنتش مهتمه لحد ما سمعت اسمه.. " 

( للأسف مازال رجل الأعمال الشهير أنور النصر في غرفه العمليات ولم يتم التأكد حول بقائه على قيد الحياه بعد عملية الاعْتـ ـيال التي تعرض لها و هو في طريقه لإحدي شركاتة ) 

" هي بتتكلم عن بابا؟ حسيت الدنيا بتلف بيا مكنتش واعيه لأي حاجه حواليا عايزه اروح البيت واشوفه! عايزة اروح الشركه اي مكان اللقيه فيه واتأكد انه عايش انا ازاي كنت مغـ ـفله كل الايام دي! 

معنديش فكره ازاي ده حصل طب الى كلمني في الموبايل من شوية مين انا متأكده انه كان بابا "

" جريت من قدامه بكل قوتي "

وليد زعق فى الجهاز: سيف باشا الهدف بيهرب !!!!

" جريت بسرعه وكأني بحـ ـارب كل الى سمعته!! لحد ما سمعت صوته ورايا وكان بيزعق عشان اقف لكن مش قادره .. وللأسف كان اسرع مني ومسكني" 

بزعيق:  انتي اتجنني ايه الى عملتيه ده !!!!!! 

زقيته بعيد عني: ابعد عني !!!! انت كداب 

- ابعد عنك ايه انتي ازاي تجري كده!!

زعقت فوشه بأنهيار: كل الفترة دي بابا كان تعبان و اتعرض لأعْـ ـتيال وانا معرفش !! ازاي قدرت تكدب عليا وانا قاعده معاك الايام دي كلها ازااي  !! انا عايزه بابا !! وصلني بيه انا مش هستني دقيقة واحده!! سامع؟؟؟

قرب مني ومسكني وكان خايف اتحرك: طب ممكن تهدي !! انا هفهمك كل حاجه بس اهدي 

- مش عايزه افهم فهمت خلاص!! عشان كده بعتوك ليا و قطعوا عني كل حاجه هو الناس دي عايزه 

تقتـ ـلني انا كمان ليه كل ده !!

بدأت اعيط واترجاه: انا عايزه اشوفه عايزه اطمن عليه انا مش هقدر اتحمل

= طيب انا هوصلك لي وهو كويس صدقيني

- هو الى كلمته في الموبايل صح؟؟ هو ولا حد تاني!

= لا كان والدك وهو بخير

 اهدي وبطلي عياط انا عارف إن بيجيلك إنهيار عصبي ومش بتقدري تسيطري على نفسك يا ليلي فا اهدي وهنعمل الى عاوزاه 

"بصتله بستغراب انه عارف ولكن مكنتش مهتمه كل الى فرق معايا بابا وبس" 

" رجعت معاهم العربية و فضلوا يعملوا اتصالات كتيرة وانا مستنيا في العربية بعيط.. بيدج الفيس بوك بتاعتي سلسبيل احمد بفكر ازاي عاش كل ده لوحده من غيري وانا كنت فكراه انوه بعيد بمزاجه وهو في العمليات !! "

- احنا هنروحه دلوقتي..

بصتله: ده بجد! صدقني لو بتضحك عليا انا مش هقعد معاك وهمشي بأي طريقه ومش هيفرق معايا! 

اتنهد: مش بضحك عليكي هنتحرك دلوقتي 

" هزيت راسي بمعني تمام و هو ركب العربية و بدأ يسوق و كان وراه زميلة الى بيأمن الطريق معانا.. " 

" العربية وقفت قدام مبني عليه حراسات مشدده ومبني شكله يخوف.. وكميه الحرس فيه مش طبيعيه.. نزلنا وطلعنا بعد ما عدينا منهم بتفتـ ـيش "

" كنت حاسه اني دخلت حصن منيع !!! او دخلت ورْارة الداحْلية!! فضلنا ماشين لحد ما وصلنا مبني المستشفى وكنا خلاص رايحين لـ بابا "

- ليلي انا عايز اقولك حاجه قبل ما تدخلي 

"بصتله وانا مكنتش طيقاه"

- اي حاجه هتعرفيها دلوقتي واي حاجه الريس انور عملها كانت عشان يحميكي مش أكتر.  

" مهتمش لكلامه ودخلت الاوضة منكرش اني اتخضيت من كم  الأجهزه الى حوليه!!!!!! ولكن حاولت اكون قوية قصاده.. قعدت قدامه ودموعي نازله " 

- متعيطيش يا ليلي انا كويس! 

= ليه!! ليه عملت فيا كده ليه معرفتنيش انك تعبان وسبتني ابقي جمبك

- مش بأيدي يا بنتي

= انا مش فاهمه حاجه خالص يا بابا وليه حضرتك في المكان ده..

- كل الى عايزك تعرفيه اني كويس هخرج ان شاءالله قريب ومليش غير طلب واحد لحد ما اخرج تفضلي مع سيف و تسمعي كلامه انا عارف انك عنيده يا ليلي هو بيأمنك وعايز مصلحتك فاهمه؟؟

= من مين! بيأمني من مين هما مين الى عملوا فيك كده يا بابا و ليه ؟؟  زمان كنت بتقولي انك بتحميني بالجاردات وخلاص من اي حد عشان اكون مطمنه وانت مش معايا دلوقتي بقينا متهـ ـددين ! حياتنا مُهـ ـددة  ليه ! 

- لما اخرج من هنا هشرحلك كل حاجه و هفضل معاكي مش هسيبك ابدا بس دلوقتي لازم تمشي

= انا مش همشي مش عايزه اقعد مع سيف ده ضحك عليا و استغفلني كل ده ! قالي انك في شغل

- ليلي انا الى طلبت منه كده وأكدت عليه ميعرفكيش

بعياط: و انا مش هسيبك يا بابا ! انا مش همشي 

= انا بوعدك اني هخرج ومش هسيبك لكن دلوقتي تكملي حياتك و تدخلي امتحانك مش دي الكلية الى صدعتيني بيها؟ وانا فنانة يا بابا! 

" ابتسمت من بين دموعي الكتير وهو فضل يكح الممرض دخل بسرعه و رجع له جهاز التنفس " 

- كده حْطر علي حالته جدا لو سمحتي اخرجي 

= لاء لاء طب لحظه بابا !! 

شاور للدكتور يصبر وشال الماسك: عشان خاطري ياحببتي روحي وافضلي مع سيف.

" عيطت ومكنتش قادره اسيبه لحد ما الممرض خرجني و سيف فضل يحاول يهديني  " 

- صدقيني الدكتور طمني عليه!!

- انا مش عايزه امشي انا عايزه افضل معاه!!

= طيب اهدي بطلي عياط جسمك كله احمر و كده مش كويس لحالتك

بصتله بعصبيه: وانت عرفت عن حالتي منين ! و ليه بابا مصر افضل معاك انا عايزه افهم ! هو مقاليش اي حاجه ! مفهمنيش فيه ايه؟؟

- هو الى قالي عشان اخد بالي منك و متتعرضيش لأي صدمه تأثر عليكي وعشان كده معرفكيش انوه تعبان و عاوزك تفضلي معايا لأنك معرضه للحْـ ـطر لو فضلتي لوحدك

= واشمعنا انت بالذات.. هو انت كمان طْابط زي الى موجودين هنا

- انا حرس شخصي.. وهو بيثق فيا

= اها واثق انك بتعرف تخدع الى قدامك و تضحك عليه صح برافو بجد ! 

" كنت همشي واسيبه وقف قصادي " 

- انا مقدر حالتك لكن ممنوع تبعدي عني انا بأمنك 

" مردتش عليه ومشيت معاه ولحد ما وصلنا الفيلا كنت ساكته.. طلعت اوضتي بصمت برضو ودخلت اترميت علي السرير و بصيت بعيني على باب الأوضه.. انا كنت خايفه اقفله.. فا سيبته موارب " 

>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

" فات يومين مفيش اخبار من بابا .. سيف رجع موبايلي لأنى خلاص عرفت الى كان مخبيه ولكن كان عامل حاجات غريبه فالموبايل وقالي هو كده متأمن..معاملتنا كانت بارده مع بعض لحد ما كلمني قبل امتحاني ب يوم " 

- محتاج اشرح لك كام عشان اقدر آمنك في الجامعة بدون ما نلفت الأنظار لينا..

= اتفضل 

- هديكي جهاز هبقي متابعك بيه شبه الاسوره هتلبسيه ف ايدك عشان لو حصل اي حاجه بمجرد ما تتكلمي فيه هسمعك وهدخلك انتي هتبقي في المدرج وانا هكون ع الباب بتاعه يعني مش بعيد عنك خالص و 

قاطعته: هو انت فاكر ان ممكن حد يبقي مخطط يقتـ لني فى المدرج مثلا؟ يعني حد دخل الكلية من الباب ب سلا ح؟ وخلاص داقت بيه الدنيا جايلي امتحاني قدام الطلبة طب على الاقل يحْطفني

بصلي بنص عين: انا شامم ريحه تريقه وسخريه

- ده حقيقي انا بتريق

= طيب ياريت تنفذي الى هقولك عليه بدون جدال فاهمه؟ انا لحد دلوقتي متعاملتش معاكي برخامه زي اي حارس شخصي بيأمن الهدف بتاعه وكل ده عشان بس مقدر ظروفك و بحترم والدك 

بصتلة بغيظ: ماشي

= خلصت كلامي

" قام سابني ومشي معرفش لو كنت بايخه معاه لكن 

انا حقيقي مضايقه منه و حاسه انوه ضحك عليا .. " 

>>>>>>>>>>>>>>>>>>>>>>>>>>>>>>>>>>

' سبحان الله وبحمده سبحان الله العظيم '

" تاني يوم الصبح صحيت بدري واستنيته ينزل و وصلني لحد الكلية وبعدين دخلنا و وقف على باب المدرج زي ما قالي " 

- أدخلي و انا هنا لو حصل اي حاجه 

= تمام 

" كنت حاسه اني هشيل المادة من كتر اللخبطه الى انا فيها ..! حاولت أركز وافتكرت كلام بابا معايا وبدأت اخد نفسي بهدوء و احل.. " 

- تمام يجماعه كده فاضل خمس دقايق  ونلم الورق نهائي من الى فاضلين

= مكنش باقي غيري انا وكام بنت و ولد الي فضلنا لآخر الوقت نحل.. 

" سلمت الورقه بعد ما خلصت و بعدين دخلت الحمام الى كان جوه المدرج.. "

" كنت ببص في المرايا وبعدل شكلي و هدومي لقيت حد بيخبط جامد على الباب من بره " 

" اتوترت ورفعت ايدي بسرعه وقبل ما اتكلم فالجهاز.."

" سمعت صوته من ورا الباب " 

- ليلي انتي جوه! 

فتحت الباب وخرجت بدهشه: هو انت جايلي الحمام ! فعلا !

= انتي مقلتيش انك داخله الحمام ولما مخرجتيش اكيد كان لازم اشوفك فين

- مش للدرجه دي يا سيف انت خضتني اصلا وبعدين مكملتش تلت دقايق !

= مانا لقيت الباب مقفول

- قصدك اني عبيطه بقا هحبس نفسي تاني

-  ما علينا يلا نتحرك 

" خرجنا و ركبنا العربية " 

- سيف

= ايوا

- هو انت مضايق مني؟

= لاء

- طب انا عايزه اكلم بابا ممكن تخليني اكلمه!

= أكيد هو لو يقدر يكلمك هيتصل.

- انا عايزه اطمن عليه مينفعش نروحله تاني؟

= ممنوع و المره الى روحنا فيها دي اصلا كانت غلطه اصلا بسبب تهـ ـورك والي حصل انتي فعلا بتتصرفي زي العيال وانا مش بحب الطريقة دء

" قال كلامه بنرفزه خفيفه.. فا عرفت انه اضايق مني

- انت الى خبيت عني! ضحكت عليا..!

= ماشي

" فضلنا ماشين بصمت ولكن شوية وحسيت ان سيف مرتبك وعماله يبص وراه.. "

" رفع ايده واتكلم في الجهارْ "

- وليد... سامعني..انـ..

" سيف مكملش كلامه وهو عينه على العربية الى فيها وليد بتأمنهم وفجأه لقي عربية خبطتها واتقلبت..!! وبعدها علطول قربت منهم عربية.. وبدأت تصْرب عليهم نار.. "

ليلى بصريحْ: سيف !!

" سيف حط ايده على راسها بسرعه ونزلها فالدواسة وبدأ يتعامل معاهم ويصْرب عليهم هو كمان "

ليلي برعب: سيف هو فيه ايه !!!

" وسك كل الصْرب الى شغال سيف كان عمال يزعق في الجهاز بتاعه "

- انا سيف عثمان... سيف عثمان وبتعرصْ للصْرب وانا بأمن الهدف انا محتاج دعم 

" كنت حاطه ايدي على راسي برعب من صوت الرصا..ص لحد ما فجأة الصوت بدأ يهدي.. ولما رفعت عيني على سيف لقيت د..م! "

يتبع...

>>>>>>>>>>>>>>>>>>>>>>>>>>>>>>>>>>>

" اعتبروا دي بداية اللعنة🤡🩷 عشان الجي جـ ـثث"

تكملة الرواية من هناااااااا 

لمتابعة باقى  الرواية  زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملة  من هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا