بعد اجهاضى
بعد اجهاضى
بعد إجهاضي فضلت فترة مابخلفش روحت أكشف اكتشفت إن جوزي اتفق مع الدكتور إنه يشيل لي الرحم والجنين!
الدكتور بص لي بشفقة وهو بيقولي الجملة اللي هدت حياتي يا مدام الرحم مش موجود أصلا عشان يحصل حمل إنت عاملة عملية استئصال كاملة! قصص وروايات أمانى سيد
وقعت من على الكرسي وأنا مش حاسة برجلي.. استئصال إزاي أنا دخلت أوضة العمليات عشان تنضيف بعد الإجهاض جوزي جمال وقتها قالي إنها عملية بسيطة وهنرجع البيت.
رجعت البيت وأنا زي المجنونة دمي غلي لدرجة إني مكنتش قادرة أتنفس. فتشت في الخزنة بتاعته اللي دايما قافلها ولقيت الكارثة.. لقيت تنازل ممضي باسمي تزوير طبعا وموافقة على استئصال الرحم بداعي وجود ورم خبيث وجنبها شيك بمبلغ خيالي طالع من حساب جوزي للدكتور عادل. قصص وروايات أمانى سيد
دخل جمال البيت ببروده المعتاد رميته بالورق في وشه وأنا بصرخ وبترعش عملت فيا كدة ليه يا جمال
جمال مقلعش حتى جزمته قعد على الكرسي وحط
رجل على رجل وبصلي بمنتهى القسوة وقال
أيوة يا همت أنا اللي اتفقت مع الدكتور.. ومكنش فيه ورم ولا حاجة مكنتش عايز منك عيل يربطني بيكي العمر كله.
وقعت تحت رجله وأنا بنهج ليه ده أنا حبيتك وخدمتك وخدمت أهلك! ليه تحرمني من الأمومة للأبد
رد بضحكة ساخرة خلت جسمي يقشعر
حبتيني ومين قالك إني حبيتك ودلوقتي هبة اطلقت وأنا مش مستعد أعيش معاكي وإنت شايلة في بطنك عيل يقرفني ويمنعني أتجوزها.. شلت رحمك عشان تطلعي من حياتي ومحدش غيري يرضى بيكي فتقعدي هنا خدامة ليا وليها لما تيجي ده لو فكرت أخليكي على ذمتي أصلا.
مكملش كلامه وفجأة الباب اتفتح..
خلصت يا حبيبي قولت لها إننا خلاص رتبنا كل حاجة
جمال قام قدام عيني وأنا مرمية على الأرض زي الجثة الهامدة وقالها
قولت لها يا روحي.. قولت لها إنها من النهاردة مالهاش لازمة لا ست بيت ولا أم.. هي مجرد خيال مآتة في البيت لحد ما تخلص إجراءات نقل الشقة باسمك وبعدين نرميها في الشارع تشحت لقمتها او ترجع بيت ابوها ده لو لقت بيت اصلا .
هبة قربت مني ودست بجزمتها على إيدي اللي كانت ماسكة ورق العملية وقالتلي ب غل
كنت فاكرة إنك أحسن مني عشان حامل أهو رحمك اللي كنت بتتباهي بيه بقى في الزبالة.. وجمال بقى ليا والبيت بقى ليا وإنت.. مالكيش حتى حق العياط. اشمعنى انا اللى مبخلفش وانتى تخلفى انتى احس منى فى ايه
اهو ده العدل زى ما انا عقيمه انتى كمان بقيتى عقيمه
همت كانت سامعة صوت ضحكاتهم الرخيصة وهي بتخترق ودنها زي السكاكين. هبة أختها اللي كانت بتلبس لبسها القديم وبتاكل من خيرها النهاردة واقفة بجزمتها
جمال ميل بجسمه على همت وبكل برود الدنيا مسك ورقة العملية اللي في إيدها وقطعها ميت حتة ورماها في وشها وقالها
الورق ده ملوش قيمة يا همت.. إنت دلوقتي خايبة لا تنفعي زوجة ولا تنفعي أم.. أنا هطلقك بس مش دلوقتي
هبة ضحكت ضحكة صفرا وقالت ب غل
عارفة يا همت أنا كنت بروح مع جمال للدكتور كل مرة وأنا اللي كنت بمضي مكانك في الأوراق.. أنا اللي قت’لت ضناكي قبل ما يشوف النور عشان مكانش ينفع يجي للدنيا ويبقى وريث لجمال وأنا موجودة.
همت في اللحظة دي محستش بالوجع اللي في إيدها حست ب نار قادت في صدرها. بصت لهبة وجمال نظرة خلت الضحكة تقف على شفايفهم. قامت وقفت ببطء مسحت دموعها بطرف طرحتها وقالت بصوت هادي ومرعب
إنتوا فاكرين إنكم كسبتوا فاكرين إن لما تشيلوا حتة من جسمي يبقى كسرتم روحي
بصت لجمال وقالت له إنت سرقت رحمي يا جمال بس نسيت إنك سرقت فلوس عيلتي كمان عشان تدفع للدكتور.. والتحويلات اللي إنت عملتها من حسابي لحساب الدكتور عادل كلها متسجلة في البنك والتوكيل اللي كنت عاملاهولك أنا لغيته من أسبوع لما بدأت أشك فيك.
الصدمة
وش جمال اتخطف وهبة بصت له بخوف. همت كملت وهي بتقرب منهم والشرارة في عينيها
والدكتور عادل اللي إنت شريته بفلوسي أنا سجلت له اعتراف كامل النهاردة الصبح قبل ما أجيلك.. سجلت له وهو بيساومني على صمتي مقابل مبلغ مالي لما عرف إني
كشفت الحقيقة.
طلعت همت موبايلها وشغلت تسجيل صوتي.. صوت الدكتور عادل وهو بيقول يا مدام جمال هو اللي طلب وقال لي إنك موافقة واداني شيك بمبلغ كبير عشان أخلص العملية بسرعة قبل ما حد يعرف.
همت بصت لأختها اللي كانت لسه دايسة على طرف الفستان وقالتلها
مبروك عليكي يا هبة.. مبروك عليكي راجل خاين ودكتور بايع ضميره وقضية جناية تزوير واستئصال أعضاء هتلمكم إنتوا التلاتة في زنزانة واحدة.. الشقة دي باسمي والدهب اللي في رقبتك ده بتاعي.. وقبل الصبح هتكوني إنت وحبيبك في المكان اللي تستحقوه.. ورا القضبان.
همت سابتهم واقفين زي الأصنام وخرجت من البيت وهي رافعة راسها مكسورة من جوه بس منتصرة بكرامتها وعارفة إن حق اليتيمة والمظلومة مبيضيعش عند ربنا.
بعد سنة كانت القاعة الكبيرة في دار
القضاء تضج بالحاضرين لكن همت كانت تجلس في الصف الأول بهدوء غريب وكأنها تشاهد فيلما لا يخصها.
خسرت همت رحمها لكنها استردت نفسها. خلال السنة الماضية تحولت من الزوجة المكسورة إلى قضية رأي عام.
جمال كان يقف خلف القضبان وجهه شاحب ذقنه نبتت بهمال والبدلة البيضاء التي كان يحلم أن يلبسها في فرحه على هبة استبدلها ببدلة السجن الزرقاء. بجانبه كان الدكتور عادل الذي سحبت منه رخصته المهنية وضاعت سمعته للأبد.
أما هبة فكانت تجلس في قفص الاتهام هي الأخرى بتهمة التزوير والاشتراك في جناية كانت تنظر لهمت بعيون مليئة بالغل والحقد لكن همت لم تنظر إليها ولو لمرة واحدة.
صوت مطرقة القاضي هز القاعة
حكمت المحكمة حضوريا على المتهم الأول جمال بالسجن المشدد 15 سنة وعلى المتهم الثاني الدكتور عادل بالسجن 10 سنوات وعلى المتهمة الثالثة هبة بالسجن 5 سنوات مع الشغل والنفاذ.
صرخة هبة هزت المكان وجمال سقط مغشيا عليه أما همت.. فخرجت من القاعة بخطوات واثقة لم تلتفت خلفها أبدا.
قصص وروايات أمانى سيد
بعد سنة من السجن والقضايا وبعد ما الرماد طار في الهوا ربنا أراد يبعت لهمت الرسالة اللي كانت محتاجاها عشان تلم أشلاء روحها. اتعرفت على عمر مهندس أرمل وعنده طفلين ياسين 5 سنين وليلى 3 سنين.
عمر كان بيدور على قلب مش بس زوجة وهمت كانت بتدور على سند يعوضها عن الغدر اللي شافته. من أول يوم شافت فيه الولاد حست إن ربنا بيقولها لو حرمتي من رحم يشيلهم فإنتي عندك قلب يسيع الدنيا كلها.
في حفلة صغيرة وراقية كانت همت لابسة فستانها الأبيض زي الملكة وعمر ماسك إيدها بحب واحترام ملوش حدود. ياسين وليلى كانوا ماسكين في طرف فستانها وبينادوها ب ماما من قلبهم.
عمر همس في ودنها وهو بيرقص معاها
عارفة يا همت الولاد دول مكنش ليهم أم وإنت مكنش ليكي ولاد.. ربنا جمعنا عشان نكون عيلة بجد وإوعدك إن مفيش دموع هتنزل من عينك تاني طول ما أنا عايش.
همت بصت للولاد وهما بيضحكوا وبيلعبوا حواليها وافتكرت جمال وغدره وافتكرت هبة وقسوتها وحست إنهم بقوا ذكرى باهتة لدرجة إنها مش فاكرة ملامحهم حتى.
رفعت راسها للسما وهي بتضم ليلى لصدرها وقالت بيقين
يا رب.. لو كان غدرهم وجعني فجبرك النهاردة داواني.. هما قفلوا في وشي باب وإنت فتحت لي جنة.
همت عاشت مع عمر وأولاده أجمل أيام حياتها وبقت هي الأم اللي الكل بيحلف بحنيتها ونسيت تماما إنها ناقصة لأن العوض لما بيجي من عند ربنا بيمحي كل أثر للوجع.
تمت
تعليقات
إرسال تعليق