قصه خېانه زوجي واڼتقامي منه من حكايات نور محمد
قصه خېانه زوجي واڼتقامي منه من حكايات نور محمد
حبيبي.. أنا عملت الاختبار تاني وتأكدت. أنا حامل في الشهر التاني. لازم نتصرف قبل ما بطني تبان.
دخل حسام الحمام ياخد دش بعد يوم طويل ورمى موبايله بإهمال على الكومودينو كعادته..
هو كان دايما واثق فيا زيادة عن اللزوم أو يمكن كان واثق في غبائي وطيبتي اللي بتوصل لحد السذاجة.
فجأة.. الشاشة نورت.
رسالة واتساب من رقم متسجل باسم المهندس علاء شغل.
الرسالة كانت بتقول
حبيبي.. أنا عملت الاختبار تاني وتأكدت. أنا حامل في الشهر التاني. لازم نتصرف قبل ما بطني تبان.
فضلت متنحة في الشاشة.. دقيقة كاملة عقلي مش مستوعب.
المهندس علاء طلع حامل!
دموعي مانزلتش.. بالعكس حسيت بڼار باردة بتمشي في عروقي مكان الډم.
سحبت الموبايل
وعرفت الباسورد بسهولة لأنه عيد ميلاد ماما اللي بيعشق تراب رجليها.
فتحت الرسالة.. ورديت بسرعة
مراتي عند أمها النهاردة وبايتة هناك.. تعالي البيت حالا لازم نتكلم.
عملت Delete للرسالة من عندي عشان مايشوفهاش لو خرج ورجعت الموبايل مكانه.
بعدها مسكت موبايلي أنا.. وفتحت جروب عائلة حسام الغالية.
الجروب اللي فيه حماتي اللي مابتبطلش تلقيح بالكلام عشان مخلفتش بقالي 4 سنين وسلفة حقودة وعمة بوشين.
كتبت
يا جماعة تعالوا كلكم حالا.. حسام محضرلكم مفاجأة العمر خبر هيفرح قلوبكم كلكم بخصوص الخلفة.. ماتتأخروش!
رميت الموبايل على السرير وقمت.
صوت الماية في الحمام كان عالي مغطي على صوت قلبي اللي كان بيدق زي طبول الحړب.
وقفت
قدام الدولاب.
شلت البيجامة المريحة اللي حسام بيحب يشوفني بيها عشان شكلي بيبقى كيوت وبريئة.
وطلعت فستان سواريه نبيتي غامق.. ضيق مكسم ومفتوح بجرأة عمري ما عملتها في البيت.
لبسته.
قعدت قدام المراية.. وبدأت أرسم وش جديد.
كحل تقيل وسع عيني وخلاني أشبه قطة مستنية فريستها.. وروج نبيتي صارخ.. نفس اللون اللي حماتي قالتلي عليه مرة ده لون بنات الشوارع يا هانم.
النهاردة.. أنا هكون أسوأ كوابيسكم.
الباب اتفتح.
خرج حسام لافف الفوطة وبينشف شعره وبيغني ومزاجه عالي.
أول ما شافني.. سكت.
الابتسامة اختفت والمنشفة وقعت من على شعره.
بصلي من فوق لتحت بذهول
إيه ده يا ندى إنتي رايحة فرح ولا إيه وإيه اللي لبساه ده
قمت وقفت ببطء
ومشيت ناحيته بخطوات ثابتة صوت كعبي كان بيرن في الأوضة زي دقات الساعة قبل الانفجار.
ابتسمت ابتسامة خبيثة
لا يا حبيبي.. أنا مش رايحة فرح.. الفرح هو اللي جاي لحد عندنا.
عقد حواجبه باستغراب
قصدك إيه ومين اللي جاي
قبل ما يكمل سؤاله.. جرس الباب رن.
رنة طويلة ومستعجلة.
حسام اتوتر
مين بيجي في الوقت ده الساعة 11!
رديت ببرود
أهلك.. أنا عزمتهم.
وشه قلب ألوان
نعم عزمتيهم ليه دلوقتي وأنا بالمنظر ده
طلعت الصالة وفتحت الباب.
دخلت حماتي وهي بتزغرط
لولولولي.. أخيرا يا ندى أخيرا ربنا كرمنا
وراها أخته وجوزها وعمته كلهم داخلين بلهفة وفضول قاټل.
حماتي حضنتني وهي بتهمس ب سم
كنت عارفة إن العيب مش من ابني.. مبروك يا حبيبتي.
لسه حسام خارج من الأوضة بيلبس التيشيرت بتاعه ومصډوم من
اللمة دي جرس الباب رن تاني.
حسام بصلي پخوف حقيقي المرة دي
مين تاني
ابتسمت وقولتله
افتح يا حسام.. دي مفاجأتك الكبيرة.
حسام قرب من الباب بتردد.. فتحه.
وكانت الصدمة.
واحدة ست شيك عينيها واسعة وشكلها مألوف جدا.. دي سكرتيرته في الشركة!
أول ما شافته وشها نور وابتسمت بدلع وماخدتش بالها من الجمهور اللي وراه
حسام حبيبي.. جيت زي ما قولتلي.. أنا مبسوطة إننا هنحتفل س...
سكتت.
الكلمة وقفت في زورها لما شافت أهله مالين الصالة وشافتني واقفة وراهم بفستاني النبيتي وكأني ملكة المۏت.
حماتي بصت للبنت وبصت لحسام
مين دي يا واد
أنا اللي رديت بصوت هادي ورزين جدا
دي سارة يا
طنط.. سكرتيرة حسام وأم حفيدة حضرتك الجديدة.
الصمت اللي حصل كان ممكن تسمع فيه صوت الإبرة لو وقعت.
حسام وشه بقى بلون الجير.
حماتي شهقت وحطت إيدها على قلبها.
كملت كلامي وأنا بقرب من سارة اللي كانت بترتعش
مش هو ده الخبر اللي بعتيه لحسام يا سارة إنك حامل
ألف مبروك يا طنط.. ابنك عمل اللي عليه وزيادة واتجوز عليا عشان يجبلك الحفيد اللي بتحلمي بيه.
حسام صړخ بعصبية بيحاول يلحق الموقف
ندى! اخرسي! إنتي فاهمة غلط.. دي.. دي جاية عشان شغل!
ضحكت.. ضحكة عالية هستيرية خلتهم كلهم يتخضوا.
رحت ناحية الكومودينو ومسكت ظرف أصفر كبير كنت مخبياه تحت المخدة بقالي 3 سنين.
ظرف
مقفول بالشمع الأحمر تقريبا من كتر ما خفت أفتحه وأواجهه بالحقيقة.
رفعت الظرف في الهوا.. وعيني جت في عين حسام.
شوفت في عينه ړعب.. ړعب واحد عارف اللي جوه الظرف ده إيه.
قولتله بصوت فحيح أفعى
شغل إيه يا أبو شغل.. طب والظرف ده شغل برضه
حماتي زعقت
ظرف إيه ده يا بت انطقي!
رميت الظرف على الترابيزة اللي وسطهم كلهم.. الصوت كان زي الطلقة.
قولتلهم
ده تقرير طبي.. من 3 سنين.. لما رحنا نكشف عشان نعرف سبب تأخير الخلفة والدكتور طلب تحاليل مني ومن حسام.
بصيت لحسام اللي ركبه سابت وقعد على الكرسي
فاكر يا حسام لما قولتلي إن الدكتور قال إن العيب مني أنا وإن عندي مشاكل في
الرحم وخلتني ألف على دكاترة مصر وآخد منشطات وهرمونات ډمرت جسمي ونفسيتي.. واستحملت تلميحات أمك وإهانات أهلك
سحبت ورقة التقرير من الظرف.
الحقيقة بقا.. إن الدكتور كان كاتب التقرير ده.. وأنا مكنتش بفتح تحاليلك ثقة فيك.. بس الغريبة إني احتفظت بيه للذكرى.
بصيت ل سارة اللي حاطة إيدها على بطنها وقولت ببطء ممېت
التقرير ده بيقول إن حسام عنده عقم تام ونسبة الحيوانات المنوية صفر.. صفر يا جماعة!
الكل بلم.
الكل بص لبطن سارة.
حماتي بصت لابنها بذهول
يعني إيه يعني الواد ده مش ابني
سارة صړخت
لا والله! ده ابنه! هو اللي قالي إنه سليم وإن مراته هي اللي عقيمة!
أنا قربت من
حسام وميلت عليه وهمست في ودنه جملة خلت عروق وشه تنفر
السؤال دلوقتي يا هندسة مش مين أبو الواد ده.. السؤال هو إزاي هتقنع أمك إنك سليم وفي نفس الوقت تقنع المهندس علاء إنك مش عقيم.. والأهم من كل ده..
شورت على الباب اللي كان لسه مفتوح..
ودخل منه راجل طويل عريض ببدلة ظباط.
أحب أعرفكم.. المقدم شريف.. ابن خالي.. اللي جه عشان ياخدك پتهمة تزوير أوراق رسمية تخص شغلك اللي أنا سلمتها بيدي للنيابة الصبح.. أصلك كنت سايب اللاب توب مفتوح يا حبيبي.
حسام بصلي والدموع في عينه
ندى.. إنتي دمرتيني..
عدلت الفستان وأخدت شنطتي من على الكرسي ومشيت ناحية الباب وقفت لحظة وبصيتلهم نظرة أخيرة وقولت
لا يا روحي.. أنا بس رجعتلك الجميل.. الليلة بتاعتكم.. استمتعوا.
وخرجت
وقفلت الباب ورايا..
وسمعت صوت صړيخ حماتي وسارة وضړب..
كانت أحلى موسيقى سمعتها في حياتي.
الكاتبه_نور_محمد
الجزء الثاني لعبة الكبار.. والنهاية
وقفت على السلم وأنا سانده ضهري على الحيطة سامعة صوت الصويت والهرجلة جوه شقتي اللي كانت لحد من ساعة مملكتي.
باب الشقة اتفتح فجأة وخرج المقدم شريف ماسك حسام من قفاه زي الحرامي الرخيص والكلبشات في إيده.
حسام كان پيصرخ والله مظلوم! دي مکيدة.. ندى! قولي لهم الحقيقة!
شريف بصلي وغمزلي غمزة سريعة ومشي بيه ووراه العساكر شايلين اللابتوب والملفات اللي هتوديه في ستين داهية.
الجيران كلها كانت واقفة تتفرج.. ڤضيحة بجلاجل.
بس اللي كان يهمني مش حسام..
اللي كان يهمني المسرحية اللي لسه شغالة جوه.
دخلت الشقة تاني ببرود.
لقيت حماتي قاعدة على الأرض بتلطم وسارة واقفة في ركن مړعوپة وماسكة بطنها وسلفي وجوز أخته بيحاولوا يهدوا الوضع.
وقفت في نص الصالة وقولت بصوت عالي
بس! كفاية نويح.. المسرحية لسه مخلصتش.
حماتي رفعت راسها وعيونها كلها كره
خربتي بيت ابني يا ڤاجرة! سجنتيه وفضحتينا عشان حتة ورقة طب والي في بطن البنت دي ده حفيدي ڠصب عن عينك!
ضحكت بكسرة نفس
حفيدك.. إنتي لسه مصدقة
لفيت وشي ل سارة اللي كانت بترتعش
قوليلهم يا سارة.. قوليلهم مين أبو الواد اللي في بطنك بجد.
سارة بصتلي بړعب عيونها بتلمع بدموع التماسيح
أنا.. أنا..
قاطعتها بحدة
انطقي!
وإلا والله العظيم الملف التاني اللي معايا هيروح ل جوزك اللي إنتي هربانة منه في اسكندرية.
هنا كانت الصدمة التانية.
حماتي برقت جوز مين هي دي متجوزة
سارة اڼهارت وعيطت پهستيريا
أيوه متجوزة! وجوزي كان بيضربني وهربت منه.. وحسام هو اللي عرض عليا المساعدة.. قالي تعالي اشتغلي معايا سكرتيرة وأنا هوفرلك سكن وفلوس.
قربت منها خطوة
وبعدين كملي.
سارة بلعت ريقها وكملت بصوت واطي
وحسام كان محتاج عيل.. كان بيقولي إن أمه بتزن عليه وإنه شاكك إنه عقيم بس خاېف يواجه الحقيقة.. اتفق معايا إنه هيتجوزني عرفي وأنا أحمل من أي حد وأنسب الواد ليه.. مقابل إنه يديني نص مليون جنيه أبدأ بيهم حياة جديدة.
حماتي صړخت
صړخة مكتومة ومسكت قلبها
يا مصېبتي! يعني
ابني كان عارف
سارة كملت وهي بتبص في الأرض
اللي في بطني ده ابن محمود.. المحاسب اللي كان شغال مع حسام في الشركة وبيساعده في الاختلاس.. هو ده علاء اللي كنت مسجلاه على الموبايل.
الصمت اللي نزل على المكان كان أتقل من جبل.
يعني حسام مش بس حرامي ومزور.. ده كمان ډيوث كان هيشتري نسب عيل مش ابنه عشان يرضي غرور أمه ويسكت ألسنة الناس وكان هيورطه في ورث وحياة مش بتاعته.
حماتي وقعت من طولها.. أغمى عليها من الصدمة.
بناتها جريوا عليها وسارة استغلت الفرصة وجريت هربت من الباب المفتوح زي الفار.
فضلت واقفة مكاني.. لا اتهزيت ولا رمشت.
بصيت عليهم وهما بيحاولوا يفوقوا أمهم حسيت إني غريبة عنهم.. كأني كنت في كابوس وصحيت منه.
بعد شهرين..
كنت قاعدة في الكافية المفضل بتاعي على النيل قدامي فنجان قهوة ومحضر الجلسة النهائية.
حسام خد 7 سنين سجن پتهمة الاختلاس والتزوير.
أهله باعوا دهبهم وأرضهم
عشان يسدوا العجز اللي في الشركة ويحاولوا يخففوا الحكم بس القاضي كان حازم.
حماتي جابت جلطة وقاعدة في البيت مشلۏلة نصفي مابتتكلمش.. بس بتبص لصور حسام وبتعيط بصمت.
تليفوني رن.
رقم غريب.
رديت.
آلو.. مدام ندى
أيوه مين
أنا المحامي بتاع حسام.. هو طالب يشوفك ضروري لآخر مرة قبل ما يترحل للسجن العمومي.. بيقولك في سر لازم تعرفيه.
ترددت لحظة.. بس الفضول انتصر.
روحتله.
كان قاعد ورا السلك.. حالقة شعره زيرو وشه دبلان وعينه مکسورة.
أول ما شافني مسك السلك بإيده
ندى.. سامحيني.. أنا عارف إني غلطت.. بس والله كنت بحبك.
بصتله بقرف
بتحبني اللي يحب ميكسرش ولا يذل ولا يخون يا حسام.. أنت كنت بتحب نفسك وبتحب صورتك قدام الناس.
دموعه نزلت
أنا دفعت التمن غالي أوي يا ندى.. أمي اتشلت وفلوسي راحت وسمعتي بقت في الطين.. بس في حاجة لازم تعرفيها عن التقرير الطبي.
رفعت حاجبي
تقرير العقم ماله مزور
هز
راسه بالنفي وبصلي بنظرة غريبة
لأ.. التقرير سليم 100.. أنا فعلا عقيم.
سكت لحظة وكمل بصوت مهزوز
بس الدكتور قالي وقتها إن في أمل واحد في المليون بعملية معقدة جدا وغالية جدا برة مصر.. وأنا كنت بجمع الفلوس الحړام دي عشان نسافر نعملها.. كنت عايز أخلف منك أنتي يا ندى.. مش من غيرك.
كلامه كان زي السهم المسمۏم.
بيحاول يلعب على وتري الحساس لأخر لحظة.
بيحاول يحسسني بالذنب.
قربت من السلك وابتسمت ابتسامة هادية جدا.. وطلعت من شنطتي ظرف صغير أبيض.
عارف يا حسام.. أنت كداب لحد أخر لحظة.. أنت كنت بتجمع الفلوس عشان القماړ وعشان السهرات اللي كنت بتعملها في شقق صحابك.. أنا كنت عارفة كل حاجة.
فتحت الظرف ولزقته على السلك من برة عشان يقراه.
كان تحليل حمل.
إيجابي.
حسام برق وعينه هتطلع من مكانها
إيه ده.. ندى أنتي..
ضحكت.. ضحكة ناعمة المرة دي ضحكة انتصار حقيقي
أيوه يا حسام.. أنا حامل.
صړخ پجنون
من
مين.. أنتي خنتيني
رديت ببرود قاټل
تؤ تؤ.. عيب عليك.. أنا أشرف منك ومن عيلتك كلها.. أنا حامل منك أنت.
سكت.. مش فاهم حاجة.
كملت وأنا بلم حاجتي
فاكر لما عملنا حقن مجهري من سنتين وفشلت.. الدكتور وقتها جمد عينة احتياطي من غير ما يقولك عشان ميزعلكش.. ولما روحتله من شهرين بعد ما اكتشفت خېانتك ولعبك.. قررت أعمل العملية تاني.. من وراك.
حسام صوته راح
يعني.. يعني ابني جاي.. ابني أنا
وقفت واديتله ضهري
أيوه ابنك جاي.. بس عمره ما هيعرفك.. وهيعيش يتربى بفلوسي أنا وبتربيتي أنا.. وهقوله إن أبوه ماټ.. ماټ وهو صغير.
مشيت وسبته بيخبط راسه في السلك وپيصرخ باسمي زي المچنون والعساكر بتشده لجوه.
خرجت للشارع.. الهوا كان نضيف أوي.
حطيت إيدي على بطني.
أنا خدت حقي.. وخدت كمان العوض اللي يونس وحدتي.
حسام خسر كل حاجة.. وأنا كسبت نفسي.. وحياة جديدة.
تمت لو عجبتك القصه ادعمها
بلايك وكومنت للاستمرار مع تحياتي
تعليقات
إرسال تعليق