أمك ملهاش دعوة بيا
أمك ملهاش دعوة بيا .
أمك ملهاش دعوة بيا، وأنا مش خدامة عندها!
مروة نشفت إيديها في فوطة المطبخ وبصت في الموبايل بضيق. كانت الساعة ٦ المغرب يوم الخميس. وعارفة إن أحمد قدامه ربع ساعة ويدخل من باب البيت.. وعارفة الأسطوانة اللي هيسمعها لها، زي ما هي عارفة إن الشمس هتطلع بكرة الصبح بالظبط. بقلم منال علي
أمي كلمتني.. بتقول تعبانة ومرمية في السرير. ينفع ما نعديش عليها بكرة؟
مروة غمضت عينيها وخدت نفس طويل أوي. أربع أسابيع ورا بعض بنفس المنوال. كل جمعة طوال الشهر يصحوا فيها من النجمة، ويشدوا الرحال من فيصل لحد شبرا عند الست سناء أم أحمد. ومروة تقضي اليوم كله تتغندر بين الأوض، تنفض وتمسح وتغسل السجاجيد، والحماة قاعدة برستيج على الكنبة بتوزع أوامر
يا مروة.. نضفتي المنور؟ طب ورا النيش؟ الشيش ده ملمسوش مية من العيد الصغير! بقلم منال علي
السبت اللي فات كان التقيل بقى. الست سناء استقبلتهم عند الباب وهي ساندة على الحيطة ووشها مخطوف وبتمثل دور الضحية ببراعة.
يا أحمد يا ضنايا.
. أنا مش قادرة أصلب طولي. الضغط واطي والقلب عمال يدق طبل بلدي.. خايفة أموت قبل ما أشوف عيالك. متوفره على روايات واقتباسات
أحمد طبعاً قلبه رهيف، جري عليها سندها وقعدها على الكنبة، وجاب لها المية والدوا وهو مخضوض.
يا ست الكل، طب ما نكلم الدكتور ييجي يشوفك؟
كلمته يا حبيبي.. وقاللي استنيني ليوم الاثنين. بس أنا قلبي حاسس إني مش هكمل للساعة الجاية.. وقالت الكلمة من هنا وراحت باصة لأحمد بنظرة الوداع الأخير.
مروة كانت واقفة في الصالة بتتفرج ببرود. من شهرين كانت بتصدق وتتخض، بس دلوقتي الفيلم اتهرس قدامها كتير. لاحظت إن الست سناء بتنسى التعب والأنين فجأة أول ما سيرة الجيران تيجي. وصوتها بيرد فيه الروح لما تزعق يا مروة.. خدي الحمام في إيدك بالكلور.. وادعكي السيراميك بذمة! بقلم منال علي
لاحظت مروة إزاي وش حماتها بيورد والضحكة بتبان في عينيها وهي شايفة مروة مكسورة وقاعدة بتمسح البلاط على ركبها، وأحمد يسألها بهيام مرتاحة كدة يا ماما؟ نقعد معاكي شوية كمان؟
يومها مروة اشتغلت فاعل في الشقة ٥ ساعات.. غسيل ومسح وتلميع، وأحمد قاعد هدهد جنب أمه ماسك إيديها، وهي شغالة ندب في حظها وقد إيه هي وحيدة ومحتاجة اللي يحس بيها.
لما روحوا كانت الساعة دخلت في ٧ بالليل. مروة كانت جايبة جاز، ضهرها مقسوم وإيديها ريحتها فنيك. قالت له في العربية وهما راجعين
بقولك إيه يا أحمد، ما نجيب واحدة من اللي بيلفوا دول تيجي تنضف لها كل أسبوعين ونريح دماغنا؟
أحمد وشه اتنشف إنتي بتهزري؟ أمي تدخل ست غريبة بيتها تتفرج على حاجتها؟ وبعدين معاشها يدوب بيكفيها.
يا سيدي إحنا اللي هندفع.. فداها.
وليه الغريب؟ ما إحنا موجودين.. دي أمي يا مروة!
أمك إنت مش أمي أنا!.. الكلمة كانت على طرف لسان مروة بس سكتت وبلعت غيظها.
صوت المفتاح في الباب فزعها من سرحانها. أحمد دخل، باسها ودخل المطبخ يدوّر على حاجة يشربها.
يومك كان عامل إيه؟
كويس.. وإنت؟
هلكان في الشغل.. صحيح.. أمي كلمتني.
مروة قلبها وقع في رجليها.. وبدأنا الفيلم.
قالت إيه المرة دي؟
ضغطها علي تاني
ومصدعة. أنا قلقان عليها أوي يا مروة.. لازم نروحلها بكرة.
إحنا بقالنا شهر بنقضي الويك إند هناك يا أحمد!
يعني إيه؟ دي أمي ومريضة!
دي بتمثل يا أحمد! مروة انفجرت فيه فجأة.
أحمد تنح ووشه اتغير إنتي بتقولي إيه؟!
بقول إنها زي الفل وبتستغلك وتستغلني! كل خميس بالليل تتعب، ويوم الاثنين تنزل تشتري خضار المحشي وتلف في السوق! أنا شوفتها الأربع وأنا راجعة من عند أختي.. كانت ماشية تسبق الخيل!
أحمد خبط الكوباية على الرخامة بعصبية لدرجة العصير طار.
إنتي بتراقبي أمي يا مروة؟!
لا مش بمشي وراها! بس شفتها صدفة! أنا فوقت يا أحمد.. كانت بتطلب المساعدة مرة كل فين وفين، دلوقتي بقى مقاولة كل جمعة تنظيف وأنا اللي بتهد وهي تتفرج!
دي ست كبيرة وتعبانة!
دي أصح مني ومنك! صوتها عليّ أكتر. الأربع اللي فات لما نزلت تجيب عيش، شوفتها من الشباك وهي طالعة السلم جري! وأول ما سمعت مفتاحك في الباب رمت نفسها على الكنبة وبدأت تآآآن!
إنتي خيالك واسع وبتتبلي عليها.
أنا تعبت! أنا كمان بشتغل طول
الأسبوع وعايزة أرتاح! مروحتش عند أهلي
من شهرين، وعيد ميلاد أمي فات ومروحتش عشان خاطر الست الوالدة!
أحمد بدأ يتمشى في المطبخ وهو بيشد في شعره مروة، أنا فاهم إنك تعبانة.. بس أمي وحيدة، ملهاش غيري.
ليها جيرانها وأصحابها وهي أصلاً اجتماعية جداً!
ده غير ده.. أنا ابنها وده واجبي.
الواجب إننا نزورها، نودها، نجب لها أكل.. مش أبقى خدامة تنظيف ٥ ساعات متوفره على روايات واقتباسات
محدش غصبك على ال ٥ ساعات!
والله؟ ولما جيت أقولك يلا نمشي قامت متمارضة وحلفت مانتحرك، وإنت طبعاً صدقتها!
السكات ساد المكان.. أحمد بصلها بنظرة عدم استيعاب.
طيب يا مروة.. لو الموضوع تقيل عليكي كدة، خليكي. أنا هروح لوحدي.
أحمد...
خلاص يا مروة.. اطلعي منها إنتي، مش عايزك تيجي غصب عنك وتطلعي قرفك على أمي.
مروة حست بنغزة ذنب لثواني.. بس افتكرت ريحة
الكلور، فنشفت قلبها.
ماشي.. روح لوحدك.
تاني يوم أحمد صحي بدري ونزل. مروة قعدت تشرب قهوتها وبدأت تقرأ كتاب، بس عقلها كان شغال رادار. الساعة دقت ١ الظهر، الموبايل رن.. أحمد.
مروة.. إلحقيني.
في إيه؟
أمي تعبانة بجد المرة دي.. حرارتها مرتفعة ومش قادرة تقوم. طلبت الدكتور بس لسه قدامه ساعتين.. بالله عليكي تعالي.
مروة اتوترت.. طب لو كانت فعلاً تعبانة؟ أنا جاية حالاً.
وصلت في نص ساعة. أحمد فتح لها والرهبة في عينه هي في الأوضة جوه.
مروة دخلت الشقة، لقيتها قشطة ومتستفة كالعادة. دخلت الأوضة، لقيت الست سناء نايمة ومتغطية.
مروة.. جيتي يا بنتي. قالتها بصوت واطي جداً.
ألف سلامة يا طنط.. مالك؟
جسمي متكسر وسخنة نار.
مروة قربت منها.. شكلها مرهق فعلاً.. بس فيه حاجة غلط.
أحمد بيقول حرارتك عالية؟
كانت الصبح.. دلوقتي هديت شوية.
طب نقيس بالترمومتر عشان نتطمن.
لا يا حبيبي خلاص.. أنا بقيت أحسن لما شوفتك.
لازم نتأكد يا طنط. مروة جابت الترمومتر وحطتهولها. بعد شوية بصت فيه.. ٣٦ ٦.. درجة حرارة مثالية.
أهو.. شوفتي؟ نزلت لوحدها، قالت الست سناء بسرعة. بس أنا لسه مش قادرة أصلب طولي.
مروة لفت وشها وبصت حواليها في الأوضة.. لمحت كوباية شاي على الكومودينو، وجنبها جورنال مفتوح على صفحة الكلمات المتقاطعة ومحلول نصه بالقلم الجاف! الست سناء لمحت نظرة مروة للجورنال.. راحت لافة وشها الناحية التانية بسرعة وعملت نفسها بتكح.
إنتي بتكذبي! قالتها مروة في سرها، بس المرة دي كانت متأكدة.
الخلاف فضل شغال، أحمد مش عايز يصدق، ومروة مش قادرة تتنازل عن كرامتها. بس بعد كام يوم، الحقيقة ظهرت.
أحمد راح
عند أهله مفاجأة من غير ما يقول، لقى الست سناء في البلكونة بتضحك مع جارتها وبتحكي لها إزاي مشيت كلامها وخليتهم ييجوا.
أحمد رجع لمروة مكسور الخاطر كنتي صح.. أمي بتستغلني عشان خايفة من الوحدة.
مروة طبطبت عليه أنا مش ضدها يا أحمد، بس حياتنا ليها حق علينا.
ومن يومها، أحمد حط حدود واضحة الزيارة مرة في الشهر، وشركة تنظيف هي اللي تروح للست سناء، وفصل تماماً بين البر بالوالدين وبين استنزاف الزوجة.
الست سناء حاولت ترجع لنغمة أنا بموت، بس المرة دي رد أحمد كان قاطع ألف سلامة يا أمي، لو تعبانة هبعتلك الإسعاف فورا، لكن أنا ومروة عندنا مشوار.
مروة وقفت عند الشباك، وأدركت إن الجواز مش بس حب.. الجواز حدود وقدرة على الوقوف في صف واحد، حتى لو الضغط جاي من أقرب الناس. ولأول مرة من شهور.. مروة
حست إنها وأحمد أخيراً في مركب واحدة.
تعليقات
إرسال تعليق