في نص الليل اهل زوجها سابوا الحامل
في نص الليل اهل زوجها سابوا الحامل
في نص الليل اهل زوجها سابوا الحامل لوحدها قدام بيت مهجور لكن رجوع جوزها كشف سر محدش يتخيله
داليا... امشى اروح فين بس يا حماتى فى الليل ده طب استنى الصبح حتى
حماتها سعاد بضيق... هتمشى من هنا انا مش عايزه اشوف وشك تانى... حسام هو اللى فرضك علينا واهو مات.. اللى بينا وبينك راح اللى كان مقعدك غصب بح.. يلا بقى وشك مانشفوش هنا تانى انا كنت خايفه اما تعملى الصونار يطلع ولد ويورث بس طلعت بنت كدا مالكيش حاجه عندنا لا انتى ولا هى
داليا ببكى... طيب طيب اديني هدومي حتى هترميني في الشارع بالبيجامه يا حماتي ده انا حتى مرات ابنك
سعاد.. ضربتها قلم وقعتها على الارض وقالت..
اياكى ترجعي تقولي الكلمه دي تاني انتى سامعه.. هو مات مابقاش جوزك خلاص وانتى دلوقتي مجرد واحده اتفرضت علينا محدش مرحب بيها في البيت ده.. واحمدى ربك انى حرميكي بالبيجامه اللي انت مشترياها بفلوس ابني لولاه كنت رميتك من غيرها
وبصتلها وقالت... الحلق ده انتى مشترياه من فلوس ابنى اقلعيه بسرعه
داليا قلعت الحلق ودتهولها وسعاد قالت...
هاتى الدبله دي كمان
داليا بدموع... لا ابوس رجلك يا حماتي والنبي دي اخر حاجه فاضلالي من حسام الله يخليكى سيبيهالي ابوس رجلك والنبي الحلق اهو خدتيه بس والنبي سيبي الدبله عشان خاطر حسام
سعاد.. اسيبهولك ليه عشان تبيعيه وتجيبي بتمنه شقه تقعدي فيها
داليا... مستحيل ابيعه ده اخر ذكرى من حسام
سعاظ بقت تحاول تقلعه منها بس داليا حطت ايدها على المحبس وبقت تصرخ وتقول بصوت عالي...
اوعى مش هديهولك لو هتموتيني قلتلك
ده اخر حاجه فاضلالي من حسام سيبيهولي والنبي
جيه شاب ده نبيل اخو حسام وقال..
خلاص يا ماما دى هتلم علينا الناس سيبيهولها خليها تغور بيه واهو تعتبره حق بنتها فى فلوس ابوها احنا ما يرضيناش ناكل مال اليتيم
داليا... اى ده بقى... اه يعنى ما ارجعش اطالب بحقي كده لا حد الله بينك وبين مال اليتيم بصراحه..
بس سعاد جرتها من شعرها وقالت....
انتى لسه هترغي قومي معايا
ونزلت بيها وحطيتها في العربيه ومشيت وقفت في مكان قدام بيت مهجور وقالت
يلا انزلي هنا
داليا.... انزل اروح فين يا حماتى انت مش شايفه ان الحته مقطوعه حرام عليكى
سعاد... ده مقامك ترجعى للشارع حافيه يا حافيه
ونزلتها من العربيه وزقتها قدام بيت مهجور وسابتها ومشيت
داليا.. قعدت على الارض بدموع وبقت تفكر فلاش باك... كانت واقفه مع شاب جميل بيقولها...
حبيبتى انتى خايفه من اى بس
داليا... من ردة فعلهم اما يعرفو انك اتجوزتنى من وراهم
حسام... حبى ما تخافيش انا معاكى هما ميعرفوكيش عشان كدا بيقولو انك طمعانه فيا بس اما يعيشو معاكى هيحبوكى زى ما انا حبيتك يلا تعالى
ومسك ايدها ودخل بيها سعاد وقفت بغضب وقالت....
انت ماسك ايدها ليه وهى بتعمل اى فى بيتى انا مش مشيتها وقلتلها مش عايزين خدم تانى
حسام... ماما داليا مش هنا بصفتها خدامه لا هى هنا بصفتها مراتى على سنة ربنا ورسوله
سعاد ضربتها قلم قوى وقالت....
حطيتى عينك على اسيادك يا حشره يا حتت خدامه انتى مين انتى عشان تتجوزى ابنى انا
بس حسام وقف فى وشها وقال...
ماما لو سمحتى
داليا بقت مراتى وكرامتها من كرامتى واخر مره هسمحلك تمدى ايدك عليها واى حد هيضايقها يبقى بيمشيها من هنا بس هى مش هتمشى لوحدها انا همشى معاها ومش هوريكم وشى تانى
وباس دماغ داليا وقال.. حقك عليا يا حبيبتى تعالى
فاقت من شرودها على اصوات الديابه وقالت بخوف...
الله يرحمك ياحسام كنت حايش عنى كتير قوى
وبقت تمشى فى المكان بخوف وقطعت مسافه لحد ما لقت تاكسى وركبت فيه ونزلت عند بيت شكلو قديم وفتحتلها بنت عشرينيه دى سمر اختها وقالت...
فى اى اى اللى جابك فى الليل دا
داليا دخلت وهى بتقول.. حاسبى التاكسى يا سمر
وقعدت جوه وسمر طلعت تحاسب التاكسى وطلع شوقى جوز سمر من جوه وهو بيقول بضيق....
فى اى ع المسا هى البيوت مش ليها حرمه اى اللى جايبك فى نصاص الليالى كدا..
داليا بخنقه... احب افكرك يا جوز اختى انى اخت مراتك الوحيده اللى ما كنتش بنقصكم حاجه لا اكل ولا شرب ولا لبس
شوقى... دلوقت غير دلوقت اش ياخد الريح من البلاط
داليا... دلوقت اش ياخد الرياح من البلاط نسيت ايام ماكنت تاجى تاخد منى ومن جوزى فلوس وتقلى اختك ملكمش غير بعض نسيت اما قولت تقسمو الحلوه والمره سوا
شوقى قعد وقال.. انا قلت الحلوه عندك بس اللى تتقسم علينا حلونا احنا ومرك انتى لا.. بعدين دا لما زمان بقى لما كان حٌس عايش دلوقت غير.. وانا بقى عشان بحبك مش هرجعك عند مرات ابوكى قوليلى بقى اى رايك اشغلك شغله تاكلك الشهد عندى فى الغرزه
داليا ... يخربيتك انت برضو عايزنى ارقص احنا مش قفلنا الموضوع دا يا شوقى
شوقى.. لا رقص اى بكرش خالتك ده انتى نسيتى
انك حامل ولا اى
داليا... طب كويس انك فاكر انى حامل بس لو مش رقص هتشغلنى اى الا تكون تبت وهتشغلنى فى الحلال ازغرتلك ياجوز اختى وانا جوزى ميت
شوقى... لا حلال اى استغفر الله هو احنا بتوع كدا برضك طب انتى تصدقيها عليا
داليا بياس.. لا طب امال اى
شوقى... انا هشغلك فى العشه
داليا... يه هعمل اى فى العشه مش فاهمه افتح بيره للزباين مع مراتك
شوقى... اى دا هتقطعو على بعض ولا اى لا انا هشغلك اوض نوم مفيش بعد كدا راحه واهو ماتحسيش بغياب حٌس
داليا بغضب... اتوفو عليك يا عرة النسايب يا واطى يا رمه اخص عليك
شوقى.... طب خلاص غورى فقريه زى اختك مش وش نعمه الوش وش قمر والعقل عقل بقر... سنه ونص معاه الا ما كشفتى كتفك ولا عريتى رجلك وقلتيلو جبلى عربيه ولا اكتبلى شقه ولا حولى مليون جنيه فى حسابى قعدتى زى خيبتها كدا لحد ما رموكى قٌليع... اصرف عليكى انتى واللى فى بطنك انا دلوقت يعنى ولا اى لا ولسه مصاريف ولادتك...
داليا... ما تخافش يا شوقي مش هخليك تصرف جنيه على بنتى اصلا فلوسك حرام شوف عايز كام في الشهر وهدميهملك في وشك
شوقى... منين يا حسره ده انت ما جيتيش في ايدك خاتم دهب ده انت حتى دهبك خدوه محلتكيش الا دبله جوازك قولي دي هنبيعها وتولدي بيها طب والمصاريف
داليا... بقولك ايه الدبله دي تنساها خالص سمعت خالص عشان ما اخسركش انا خالص
شوقى.. يوم الهنا يوم ما تخسريني انتى بقيتي عاله دلوقتي يا حبيبتي عاله على المجتمع
داليا بخنقه... قلتلك انت هتشوف عايز كام وانا هجيبهولك بترغي ليه لوكلوك مش عايزه دماغي فيها اللي مكفيها الله يسترك وزايد عليها
شوقى... عايز 15 الف جنيه
داليا... مش فاهمه امتى يعنى
شوقى... عايز كل شهر 15 الف جنيه
داليا... بتوع اى دول هدفعلك شهريه 15 الف جنيه ليه
شوقى... ايجار شقه ومطرح يئويكى من الرجاله اللي في الشارع اللي بتنمر عليكى وراحت بال. علشان لو قعدتى عند مرات ابوكي هتنكد على اللي جابوكي واكل وشرب عرفتى بقى ليه 15 الف جنيه عشان ما ارجعكيش عند صبيحه وانتى عارفه لو رحتي قعدتي عندها ايه اللي هيحصلك منها وابن جوزها اللي مابيفوتش فرصه عشان يزنقك
داليا... هروح انام دلوقتي واريح جتتي والصبح نتكلم فى موضوع ال الف جنيه ده
شوقى.. تؤ ده اخر كلام عندي من بكره الصبح هتنزلي معانا الغرزه مش عايزه يا حبيبتي تشتغلي زي ما قلتلك امسحي واكنسي ولمعي المواعين والطلبات واختك هتطلع توديهم خليكي كده جوه مدفونه في المطبخ
داليا بضيق... حاضر يا شوقي اخر الشهر هديلك 15 الف جنيه وهنزل اشتغل معاك في الغرزه بس مش هتتعتع من المطبخ
ومشيت وهى بتقول..
خدك قطر يكون سواقه اعمى يا بعيد.... ما يعرفو يلمو الجته ولا يفصلوها عن الحديد
وراحت اوضتها وبقت تبوس الدبله اللي في ايدها ونامت في صباح يوم جديد نزلت عند اختها وقالت...
ازيك يا سمر
سمر.. اهلا يا حبيبتي انا جبتلك اكل اهو تلاقيكى امبارح ما اكلتيش
داليا.. شوقى رضيى تجيبيلي اكل قبل ما ادفع
سمر.. قلتله هنكتب كل حاجه سيبك منه ما انتى عارفاه اهبل وعشان الكلام اللي كان بيقولهولك انه هينزلك الغرزه انا والله مش قادره اعمل حاجه يعني انا مراته مع ذلك بيخليني انزل افتح زفت للزباين والله العظيم لو واحد طلبني ودفع فيا فلوس كثيره والله ما هيقوله لا نتن وانا عارفاه
جيه
من وراها وقال... ليه شايفاني عندي قرون
داليا بسخريه.... لا يا جوز اختي سلامتك منهم
شوقى... هم ايه دول يا بت
داليا.. القرون يا جوز اختي
شوقى بص لسمر وقال... يا بنت انتى في الحته الشمال بس مش هشعلك شمال دي ممتلكات خاصه يلا بقى انا ماشى... دودو انت الساعه 300 العصر تكوني في الغرزه يا دوبك تنضفي وتمسحي وتنفضي على بال ما الناس تيجي سلام
وسابها ومشى... سمر طلعت فلوس وقالت...
بقولك ايه خدي دول خليهم معاكي
داليا.. اي دول يا بنت عايزه شوقي يقفشك يموتك فيها
سمر... لا ما تقلقيش هو ما يعرفش بوجود الفلوس دي اصلا ده مبلغ كده كنت مخنصراه بخنصرلي كل يوم حاجه كده واحوشهم على بعض علشان لو في يوم عوزتلي حاجه كده ولا كده
داليا... خلاص هاتي بيه اللي عيزاه
سمر.... يا بت وانا هعوز ايه غير انك تكوني مرتاحه امسكي خلي الفلوس معاكي عشان لو احتجتي اي حاجه ما تقوليش عليها لشوقي انا عارفه انهم مش هيولدوكي ومش هيعملوا حاجه بس النوايا تسند الزير... عارفه انتى تقومي تشتري بيهم ماكينت خياطه احنا معندناش هنا غير خياطه واحده بس على اليمه التانيه كل الناس بتروح لحد عندها والناس لو لقوا خياطه هنا توفر عليهم المشوار مش هيروحوا غير عندك انا عارفه انك هتبقى تعبانه بين شغلك في الغرزه وكفيتك ع المكنه بس انا هساعدك كمان لما نرجع من الغرزه يعني معاكي من الصبح لحد 300 العصر.. صح صعب تشتغلي صبح وليل بس برايي احسن من الحوجه لشوقي
داليا... انتى عايشه معاه ازاي ده
سمر... عشان نفس الحاجه اللي خليتك تيجي على هنا وتستحملي غلاسه امه وما تروحيش عند مرات ابوكي اهو ارحم من صبيحه واللي
بنشوفه منها
داليا.... بس انا اما اتجوزت حسام قلتلك تعالي عيشي معانا وسيبك منه ما رضيتش تيجي مصيبه يا بت الا تكونى حبتيه يا موكوسه
سمر بتنهيده...... نصيبي بقى كل واحد ونصيبى
بالليل داليا كانت واقفه معاهم في الغرزه وقاعده جوه بتعمل الشيشه وكان فى راجل قاعد على التربيزه وعينه عليها... نادى لشوقى وقال..
خد تعالى يا شوك
شوقى.. عايز ايه يا باشا
قال... الغزال اللى في المطبخ ده تبع مين شارد من انهى ناحيه
شوقى... نظرك حديد يا بيه
قال... ما تلاوعش مين اللي في المطبخ دى
شوقى... اخت المدام بس جوزها ميت وجات تقعد عندنا
قال... امم ليها في الشغل ولا مستجده
شوقى... بقولك اخت المدام يبقى ملهاش فيه
الراجل طلع فلوس كتير حطها قدامها وقال...
طب ما تلين ريقها يمكن تلين ريقك وريقي معاك
شوقى بص للفلوس بطمع وقال...
نصايه واكون عندك
وراح عندها وزق الشيشه من ايدها وقالت...
في ايه يا شوقي مش قلتلي اعملي الشيشه
شوقى.. شيشة اى بس شايفه الراجل اللى هناك ده
داليا... اه راجل بارد مشالش عينه من هنا
شوقى.. كويس انك واخده بالك اختك قالتلي على الكفيه اللي عايزه تكفي نفسك فيها هو انتى يا وليه بطنك قدامك 3 متر وعايزه تتكفي الصبح على المكنه وتتكفي بالليل في الغرزه
داليا... انا مافيش حد هيلمسنى بعد حسام انسى
شوقى... يا بت يا بت خليكي وش السعد بدل وش الفقر اللى راكب امك ده الراجل هيدفع فلوس حلوه قوي في ليله ليله لو كان سبع الرجاله اخرها ساعه عشان خاطري طريها اختى طريها الناس لبعضيها هتاخدي مبلغ ما تحلميش بيه هتولدي
منين يا فقريه
داليا.... وبنتى لما تكبر تلاقيني شغاله ايه يا شوقي
شوقى... روحي معاه دلوقتي وهى البنت ما جاتش الدنيا ولا هتعرف حاجه واحنا مش هنروح نقول للناس يعني في الخباثه كدا قلتى ايه
داليا... قولت لو فتحت الموضوع ده تاني يا شوقي هسيبهالك مخدره وهمشى وشوف الخير على قدوم الواردين شوفي الناس اللي ملت الغرزه النهارده
شوقى.. اه فاكرينها طريه طلع نقبهم على شونه.. اقولو اى دلوقت
داليا... قولو قالت لا والفلوس اللى عرضها يمسح بيها لا مؤاخذه افاه
شوقى.. بقى كده
داليا... اه ومش هيكون غير كده
شوقى... هتولدي منين
داليا.. مستشفى حكومى ويوم ما اولد ما تحطليش 3 جنيه يا شوقي حلوه كده ليمها بقى الله ياخدك
طلع عند الراجل وقال بضيق.. مافيش فايده فيها مالكش نصيب بقى
الراجل... الفلوس مش مكفيه لو قليله نزودها
وحط فلوس تانى وقال.. معاك لحد مية الف البنت دخلت نفوخي وعششت
شوقى بصعوبه من منظر الفلوس... والله انا الود ودي تيجي دلوقتي بس اعمل ايه دماغ امها ناشفه حجر اكسر الحجر ده وما تكسرش دماغها فقريه بومه بعيد عنك
الراجل.... طب بقولك ايه هو انت لازم تكسر دماغها يعني ما ينفعش نكسر عينها
شوقى.. مش فاهم ازاي يعنى
قال...احنا ناس محبشه ونحب الخربشه
شوقى.. عايزها عافيه
الراجل.. عافيه مش هتلحق تقول حاجه وانت مش هتعمل حاجه انا هتصرف
وحط فلوس تانى وقال... عنينا ليك
شوقى بص للفلوس بطمع وبقى يبص عليها ويبص على سمر وقال بتوتر...
هو بصراحه اصلها اخت المدام... والمدام هتزعل منى
الراجل... طب ما انت ما لكش دعوه انت هتطلع من الموضوع يعني انت ادينا الاوكي بس واقبض فلوسك وانا هعرف اتصرف ها
قلت ايه انت لسه هتفكر
وطلع رزمه كمان وحطها على الفلوس وقال.. ده كل اللى معايا واظن كده فكرت
شوقى بص لسمر بتوتر ورجع بصلو وقال بضيق...
لا انا ما فكرتش ومش هفكر انا ما ليش في الجو ده ولو قربتلها انا هوقفلك
وسابو ومشي بضيق ورجعو البيت وكان قاعد وحاطط اديه على دماغو بحزن داليا بصتلو وقالت..
مالك قاعد ولا اللى تكب طبيخها كدا
شوقى... بتتريقي بتتريقي يا مخ البقر يا عيله فقر.. مش غاويه كده يدخلها خير عارفه الرزم اللي حطها لي على الترابيزه تساوي كام عارفه كان مستعد يدفع كام قال هيدينا مية الف جنيه قالى اخدهم لحالى عشان اطلع من الموضوع واسيبو يتصرف معاكي بالدراع
داليا بذهول.... عايز ياخدني غصب
شوقى.... اه يا اختي غصب وانا بغبائي قلتلو لا ولو قربتلها هوقفلك وعملت فيها حامى الحما منك لله ضيعتى النعمه يا جاحده
داليا... انت رفضت مية الف جنيه انا مش عارفه اصدقك جاتك منين
شوقى.. خفت يا اختي خفت اختك تسيبهالي مخضره وتمشي ما انا مقدرش تسيبنى وتمشى عشان انا افقر منك سبت كل البنات الحلوه واتشلبكت ف اختك وش الفقر زيك دى كان هيبقى معانا مية الف جنيه يا بنت الفقريه
داليا ضحكه جامد على شكلو وقعدت جنبو وقالت..
سبت الفلوس عشان اختي طب ما اهيك بتحبها وبتحبك امال زرار الغيره عطلان ليه ومش شغال عندك وهي بتفتح بيرا للزباين
شوقى بضيق... ما لكيش دعوه هو انا لقيت شغل غيرها وقلت لا.. خليكى فى خيبتك كان هيبقى معانا 100 الف بلبل دلوقتي على الترابيزه كده وبنتفرج عليهم لكن لا وش فقر
سمر قالت بفرحه... يسلملي
شٌوقى انا
شوقى.. اش انتى كمان وانا ناقصك
سمر.. شوقي انت عليت قوي في نظري والله النهارده
شوقى.. عالى في نظرك وغبى فى نظر نفسي سبت 100 الف جنيه عشان خاطر اختك الفقريه دي مش راضيه تروح... وانتى يا ست داليا اضحكي يا اختي اقولك على حاجه تضحكك اكثر خلي بالك بقى عشان ده شرانى واحتمال يخطفك وانتى معديه وهبيبقى من غير فلوس
داليا... طب خليه يقرب مني في الشارع كده عشان ارقع بالصوت والم عليه امه محمد كلها وافرجهم عليه وافضحه فضيحه اللحمه في السوق
شوقى.. قادره وتعميله اللى خلاكى قادره تفوتي 100 الف ياللى امك ماتت بحصرتها عشان رغيف عيش ناشف اكلت القطه بعد ما امك كانت حاطاه عشان تتعشى بيه
داليا وهى رايحه على اوضتها...... فشرت انا شبعانه من يومى وعيلتى كمان شبعانه ولو ما كناش عيله شبعانه ما كنتش سبت ال مية الف يا شوقي
ودخلت اوضتها وفضلت قاعده عندهم شهر وفي يوم كانت شغاله في الغرزه بس مسكه بطنها بالم وسمر قالت...
ايه مالك في ايه
داليا بوجع.... بطني بتموتنى
سمر.... انتى هتولدي دلوقتي ولا ايه
داليا بصراخ... اه
سمر... اه موجوعه ولا اه بتولدى
داليا... لتنييببيين اااه
سمر جريت عند شوقى وقالت...
شوقي يا شوقي الحق يا شوقي داليا هتولد
شوقى... لا بقولك اى خليها للصبح الله يباركلك احنا لسه ما طلعتش
سمى... هي ايه ده اللي تاجلها يا شوقي هو انا بقولك رايحه تجيب بطاطس بقولك بتولد
شوقى.. يعني سايبه اليوم كله في النهار وجاي تولد دلوقتي ساعه الشغل هاتيها هاتيها غورى... ياض يا حمص خد بالك ع الغرزه لحد مارجع..
مسكو
من قفاه وقال... عددهم المشريب عددها والشاى والسكر والبن وزنهم لو خنصرت حاجه هخرب بيتك.
واخدوها على المستشفى وقال.... اختك مش هدفعلها جنيه هي قالتلي يا شوقي ما تدفعليش 3 جنيه هي قالت كده من شهر مش سمعتيها
سمر... شوقي اختي جايبالها 2000 جنيه من المكنه هيخلصوا الليله بدرى... دى مستشفى حكومى.. بس الله يباركلك اسكت بقى وادعيلها تطلع بالسلامه هو ده همك دلوقتي
طلعوالهم البنت من جوه والممرضه قالت..
اتفضلوا جابت بنت زي القمر
شوقى... بنت ولازم يحط وراها زي القمر على اساس هتفرق بنت حلوه ولا بنت وحشه لو كانت جات ولد كان خد كل الورث بتاعه بس عشان حظنا المهبب جات بت
سمر.. مش عايزين من وشهم حاجه المهم اختي تكون بخير... شوف حلوه ازاي يا شوقي
شوقى... لازم تطلع حلوه ما امها حلوه بس بتعملو اى بالحلاوه بتضيعوا فلوس بيها ومش اى فلوس دول مية الف جنيه
سمر... انت لسه هناك عدى عليه شهر... بقول يا شوقي مش نفسك يبقى عندنا بنوته زي دي او ولد
شوقى بحزن... اه ولما يجي يلاقى ابوه ايه عندو غرزه وامو شغاله فيها انتى فاكره ان انا فرحان بشغلك فيها لا طبعا بس اعمل ايه
سمر.... طب ما نبطلها يا شوقي بطلها وتشتغل اي حاجه بالحلال ناخد رزق حلال ونعيش بيه ونجيب ولد وبنت
شوقى بسخريه... اه الشغل على قفا مين يشيل.. وكمل بضيق... انا مش هسيب غرزتي واقطمى بقى
وخدو داليا ورجعو على البيت وتانى يوم سمر قامت لقت داليا مقربه التربيزه عند الكنبه ومدده ع الكنبه وبتخيط وبنتها على رجليها سمر قالت..
يا بنتي قومي من على المكنه انتى لسه والده امبارح
داليا.
. اه ما تخافيش ما انا نايمه على الكنبه اهو قولت اشتغل اليومين دول هنا عشان مش هقدر انزل الغرزه
شوقى جيه وقال... احسن برده بدل قعدت الخايبه دى
داليا.... بقولك ايه يا شوقي انا عايزه اروح عند حماتي
شوقى... هتعملى ايه عند حماتك هي مش قالتلك مش عايزه تشوف بنتك ولا تشوف وشك
داليا.... يمكن يا شوقي لما اخدلها البنت وتشيلها كدا تحن عليها انا مش عليا والله انا صعبان عليا البنت تطلع في البهدله دي وفى عندها عيله مرتاحه حتى لو معايا فلوس كنت قومتلها محامي يجبلنا حتى شقه تقعد فيها وانا معيش حتى 2 جنيه في جيبى
شوقى.... ماشي نروح يمكن ربنا يهديها او يهدها
وتاني يوم راحوا عند سعاد اللى قالت بغضب..
ايه ده انتى ايه اللي جابك تاني انا مش قلتلك مش عايزه اشوف وشك جيتى ليه
داليا.... جيت اوريلك بنت ابنك شوفي حفيدتك شيليها
سعاد.... انا لا عايز اشوف حفيدتي ولا عايزه اشيلها ولا عايزه وشك انتى ولا هى ومش عايزه اي حاجه من وشك حتى لو كانت حفيدتي انتى تاخديها وترجعي على الزباله اللي جيتي منها
داليا بدموع..... انا جيت من الزباله ماشي.. اعتبرينى كدا.... بس انتى يرضيكي حفيدتك تعيش في زباله
سعاد... اه يرضينى اذا كان ابني نفسه راح اهني بنتك انتى ليه ما تعيش عيشتك دي غلطتك انتى انتى السبب. عارفه ليه عشان اتجوزتى واحد من ورا اهله وفكرك انك هتحطيهم قدام الامر الواقع اديكى انتى اترميتي في الشارع انتى وبنتك لو كنت بصيتي للى زيك زى اختك واتجوزتى واحد من مستواكي مكانش زمانك مرميه الرميه دي.. بس لا لازم تبصوا على اولاد الزوات وتوقعوهم فيكم اسلوب رخيص جدا ودا حصاد اعمالك
داليا... يعنى ده اخر
كلام عندك
سعاد.... اه اخر كلام عندي
اتقدم عليها اخوه نبيل وقال بشماته....
يلا بقى خدى بنتك وارجعي من مكان ما جيتي وشك ما اشوفوش هنا لو عتبتى برجلك هنا تاني هكسرهالك لاخر مره هطردك بالكلام المره الجايه هتصرف معاكي تصرف مش هيعجبك ولا هيعجب بنتك اه وكلمه حفيدتها دي ما تقوليهاش تانى... كفايه قوي عليكى اننا هنسيبك تسجليها باسم حسام ودي تروحي تحمدي ربك عليها صبح وليل انتى ما تحلميش انها تاخد حاجه اكتر من اسم ابوها وبس يعني لا تحلمي تاخد بيت ولا فلوس ولا شغل ولا تورث فيه طول ما انا عايش جنيه واحد مش هتحصله مننا...
داليا اخدت بنتها ومشيت ورجعوا على البيت... وتانى يوم كانت واقفه بالعافيه بتعمل اللبن لبنتها بس وقفت بصدمه وكل الحاجات وقعت من ايدها اول ما شافت حسام واقف عند الباب جريت بسرعه عليه وهوفتح ايديه داليا قربت عندو وبقت تتاكد من وجوده وكانت رافضه تسيبه ومتشعلقه فيه بتحط ايدها على وشه تتاكد انه موجود وقالت اخيرا بصوت طالع بالعافيه كانها بتجاهد عشان يطلع...
حسام انت حقيقي انت موجود هنا فعلا صح انت واقف قدامي مش كده وحشتيني قوي وحشتني انت كنت فين انا اتبهدلت قوي من غيرك يا حسام اتبهدلت قوي
حسام حط ايده على بطنها وقال بدموع..
مشوفتش ولادت بنتى انا
داليا بستغراب... انت عرفت منين انى جبت بنت
بس شوقي جري عليه وقال بفرحه.....
انت لسه عايش يا حس الحمد لله على السلامه يا راجل وحشتني قوي كنت فين كل ده بس امال مين اللي دفناه
حسام قعد وقال... واحد تانى قال وصلنى لاول الشارع وموصلناش والعربيه اتقلبت بينا انا اتدحرجت من الجبل وهو انفجرت فيه
شوقى... الحمد لله وحشتنى يا ابو نسب
حسام بدموع.... عارفه مين اللى قطع فرامات العربيه
داليا قعدت جمبه وقالت.... اكيد باظت لوحدها مين يعنى اللى هيقطعها...
حسام..... نبيل اخويا هواللى قطعها قطعها عشان كان فاكر انك حامل فى ولد كان عايز يموتك انتى وهو
داليا بصدمه... اى اللى انت بتقولو ده نبيل ده اخوك هيقطع فرامات العربيه ازاي يعني
حسام بدموع.. ما هو مكانش عايز يموتني انا عشان كدا قطع فرامات العربيه بتاعتك انتى عشان تركبى وتعملى الحادث انتى وتموتى انتى وابنك عشان ما يورثش ولولا ماعربيتى باظت وخدت عربيتك كان فعلا قتلوكم...
داليا..... مين اللى قلك الكلام ده
حسام....
انا لما العربيه عملت الحادثه انا حاولت انزل وقعت على اول جبل ما حسيتش بحاجه غير امبارح كانت غيبوبه تقريبا مش عارف صحيت لقيتنى فى المستشفى فى حته تانيه فكرت ان انتى هناك فى بيتنا يعني رجعت على هناك ما لقيتكيش روحت على بيتنا قولت يمكن لما ولدتى اخدوكي عندهم عشان ما تفضليش لوحدك
شوقى... اه ماهو كده
حسام. كان قاعد فى الجنينه هو ومراته كانوا بيتكلموا في تقسيم الورث عارفه انا كنت داخل على طول بس سمعت كلامو ما قدرتش اتحرك قالها انا ما كنتش اقصد اموته هو.. كنت اقصد مراته وابنه ما اعرفش هو ايه اللي طلعه في العربيه بتاعتها... ردت عليه قالتله يا حبيبي ربما ضاره نافعه انت كنت هتموت الولد كان ممكن يجيب غيره كدا مفيش حد خالص هيورث معاك وانت هتاخد فلوسهم كلها لوحدك لان انت بقيت الابن الوحيد للعيله... وهو ما قالهاش لا اخويا ولا اي حاجه خالص قالها عندك حق انا هخلي ماما تكتبلى نصيبها بس هى قالت لا خليها هى كدا كدا كبرت وخلاص هتموت وانت هتاخد الفلوس فبدل ما تعمل بنصيبها حاجه ولا تكتبها لحد كانوا بيتكلموا فى فلوس كل حاجه عندهم فلوس ما كانش في اي حاجه خالص عتي او عنك ولا اي حاجه خالص
شوقى... الفلوس اهم فعلا
حسام.... بعد كده وانا طالع شفت ماما داخله وقالتله ان انتى روحتى البيت ومشيتك انا مش عارف اقولك ايه انا مش عارف اقول لنفسي ايه انا مش عارف اعمل ايه
داليا... حبيبي ممكن ما تعيطش مافيش حاجه خالص مستاهله دموعك يعني الحمد لله ان انت عايش ومعانا
حسام... ازاى بس اخويا عايز يقتل ابنى من قبل ما يجي عشان ورث. وامي مشيتك ومشيت بنتي اللي من لحمهم ودمهم مش عارف اعمل ايه
شوقى... ترجع وتديهم على دماغهم وتاخد حقك تالت ومتلت تروح تقول لهم ان انت عايش وتاخد منهم الفلوس وتحبسو اه امال اى تحبسو وتاخد انت كل الفلوس
حسام..... ملعون ابو الفلوس يا اخي يلعن الفلوس اللي في الدنيا كلها اللي تخلي الناس تعمل كده في بعض احنا بنشتغل وبنعمل الفلوس عشان نعيش مبسوطين بيها نعيش مرتاحين بيها نكفي احتياجاتنا بيها مش عشان نقتل فى بعض عليها انا عمري ما اتكلمت معاهم في فلوس عمري ما اخدت فلوس زياده كل الفلوس اللي كنت باخدها الفلوس اللي تكفيني بس اكل وشرب ولبسي ما كنتش باخد حاجه كتيره ما كنتش بحط حاجه في جيبي ما كنتش بخبى منهم حاجه طيب ليه ابني كان هيعيش
زيى هياخد اللي يكفيه بس ليه يعملوا كده ليه
داليا... سيبك منه هو انت مش عارف شوقي ما بيفكرش اصلا هو ما يفرقش عنهم حيوان...
بس سكتت لما استوعبت جملتها وقالت... انا اسفه انا ما قصدتش حقيقي اسفه حقك عليا
حسام... حقك اصلا حقك تقولي اكتر من كده انا لازم اواجهه بس ازاي هخليه يعترف انه قتلني هو مستحيل يعترف بكل اللي قاله وانو قطع فرمات عربيتك
شوقى... هيقول وانا هسجلو
حسام... ازاى
شوقى... انا هقولك
بالليل كان واقف قدام باب اوضه اخوه وبيقول...
خلاص بقى يا زفت انت داخل كفايه انك دخلتني من البلكونه اصلا زي الحرامي
شوقى... يا ابني يلا مش عايز ترجع حقك يلا ادخلو وانا هصور اللي هيحصل يلا بقى...
حسام دخل الاوضه وكان اخوه لوحدو لان مراته كانت بايته عند اهلها قرب شويه وقال....
جايلك نوم بعد ما قتلتني
نبيل قعد على السرير برعب وبقى يبصله بصدمه وقال...
انت عايش ازاى انت شبح ولا حقيقى
حسام... انت فاكر انك بعد ما تقتلني هترتاح وتعيش حياتك عادى كدا
نبيل.. بسم الله الرحمن الرحيم انت مش مت
حسام بحزن... صح مت انت اخدت روحي وانا جاي اخد روحك مكانها
نبيل... انا ما قصدتش اقتلك والله العظيم ما قصدتش انا كنت عايز اقتلها هي انت ايه ركبك عربيتها
حسام.... تقتل مراتي وابني ليه عشان شويه فلوس طب ما انا كنت هزعل على مراتى وبنتي برده انا هاخد حقي منك
وبقى يقرب عليه... ونبيل يرجع لورا ويصرخ ويقول...
انا كنت فاكرها هتعمل حادثه بسيطه وتسقط الولد وخلاص
حسام بغضب.. بطل كدب انت قطعت فرامات العربيه انا سمعتك
نبيل بخوف.... ايوه انا قطعت فرامل العربيه بس مكانش قصدي تموت والله والله العظيم ماكنت قاصد اموتهم
حسام... انا نفسي اخد حقي منك بس مش قادر
ابقى زيك مع الاسف او الحمد لله لاني مش زيك والا ماكنتش هعرل نام نومتك دى ولا هعرف ابص في المرايه تاني بكرا الصبح هنروح مكتب المحامي هنقسم الفلوس وكل واحد هياخد حقه حقه اللى يرضى ربنا ربنا اللي نسيته لما عملت عملتك فيا وعشان خاطر امك كمان انت بس لو عقلك زلك وشفتك قريب من داليا او بنتى ساعتها مش هيبقى عندي حاجه اخسرها هقتلك بايدي.. وان شالله بعدها اعفن بالسجن مش هيفرقلي
نبيل نزل عند رجلو وقال.... سامحنى يا حسام سامحنى يا اخويا
حسام زقو وقال.... ما تقولش اخويا دي تاني بس
وسابه
ومشي... ورجع بيت شوقى اللى كان بيقول بهستيريا...
ليه ها ليه مش عايز تحبسه بعد ما اخدنا التسجيل
حسام... عشان قلبى الطيب اللى موقفنى اتكلم معاك بعد ما كنت هتشغل مراتى شغل شمال وبدفعها تمن وجودها فى بيتك..
شوقى سكت بحرج وداليا قالت... خير ما عملت كل اللي انت عملتو صح هى كانت زله شيطان انا متاكده انه ما كانش يقصد
حسام... حتى لو انا مش ملاك انا انسان وبزعل بكره هاخد حقى ونسافر انا وانتى وبنتنا مكان بعيد عن الناس دى
داليا.. ايه طب وامك واهلك
حسام بوجع... مين هيفرق معاه وجودى اخويا اللى كان عايز يقتل مراتى وابنى ولا امى اللى رمتيهم فى الشارع وماسألتش اظن محدش هيزعلو غيابى عموما انا مستكفى بيكى عن كل الناس دى
تانى يوم راحوا مكتب المحامي... وسعاد قالت...
هى السبب صح عبت دماغك كلام علينا دى بعد ما انت روحت حرمتنى من حفيدتى اللى هى اخر ذكرى ليا منك وقالتلى مش هخليكى تشوفيها تانى وهحرق قلبك عليها حرمتنى من ضناك يا ابنى
حسام مضى على الورق وقال..
كنت فاكر وجعى فى المستشفى اصعب حاجه امر بيها بس طلع فى الاسوء هو اللى انتو عملتوه كسر القلب والروح ياريت كنت مت فى الحادثه ولا رجعت وعرفت عنك وعنو كدا... داليااا تعالي امضي على الورق ده
داليا.. ايه الورق ده
حسام.. ايه مخوناني ولا ايه ما تمضي
داليا.... لا العفو انا امضى وانا مغمضه بس مستغربه
ومضت على الورق وقالت..
ها بقى اى اللي انت مضيتني عليه ده
حسام بص لامو وقال... ده يا داليا اقرار منى ان انا كتبت كل الاملاك بتاعتي باسمك انتى وبنوتي
سعاد بصتلو بصدمه وداليا قالت.. ليه كده بس انا مش عايزه حاجه كفايه انك رجعلتى بخير
حسام.... علشان انا ما عنديش غيركم انتى وهي عشان لو حصلتلى حاجه ابقى مئمنكم
داليا... بعيد الشر عليك ما تقولش كده تاني انا مصدقت انك طلعتلي بالسلامه
حسام... معلش انا كده كده مش هتفرق معايا احنا كدا كدا واحد
حسام... وهشغل شوقى فى معرض العربيات بتاعك اللى هنا يمكن يعيش حياه حلوه ولما تتعدل معاه يبطل البلاوي اللي بيعملها
داليا بفرحه... اكيد هيبطل محدش بيتولد وحش الحاجات دي احنا بنكتسبها من اللي بنشوفه ان شاء الله لما يبعد عن الاشكال الضاله اللي بيشوفها دى ربنا هيهديه
وسكنوا في بيتهم ورجعوا لحياتهم حياتهم اللي كانت عباره عن هو وهي والبنوته وبس...
تمت
تعليقات
إرسال تعليق