رفضت راعي الغنم علشان فقير… وبعد سنين دخلت شركة الأحلام واټصدمت لما عرفت مين رئيسها 😳🔥
رفضت راعي الغنم علشان فقير… وبعد سنين دخلت شركة الأحلام واټصدمت لما عرفت مين رئيسها 😳🔥
قالها انا عايز اخطبك . فقالتله ايه مستواك الدراسي ؟؟ قالها انا برعى الغنم قالتله ترضى لاختك تتجوز راعي غنم ؟؟ قالها ايوه قالتله يبقى دورلها على واحد منهم . قالها وانتي مستواكي الدراسي ايه ؟؟ قالتله انا دلوقتي بكمل دراستي وهدخل اشتغل . مشي وراح معاه كل امله .
وفي يوم من الايام كانت عايزة تشتغل . قعدت مستنية دورها ولما دخلت لقت قدامها اسم مكتوب بحروف دهب السيد فلان رئيس الشركة . معرفتوش في الاول لكنه عرفها فورًا . ولما دخلت المكتب . قامت من على الكرسي احترام ليه فابتسم كان شكله مهيب جدًا كأنه عقيد في الجيش الصرامة واضحة
على وشه لكنه شال النظرة دي بابتسامة جميلة .
قالها اهلا بيكي . قالتله اهلا بحضرتك يا فندم قالها ايه اللي جابك هنا ؟؟ قالتله لقمة العيش يا فندم قالها اديني ملفك فضل يقلب في الورق لكنه كان باصلها باهتمام حط الملف على الترابيزة . وقالها بصراحة كده انتي تعرفيني ؟؟ فقالتله لا معرفتش حضرتك فقالها انا مقولتش عرفتي .. انا بس سألتك تعرفيني ؟؟ قالتله اسفة مخدتش بالي بس لا معرفكش . وكان الخۏف واضح عليها . فقالها انا وافقت تشتغلي معانا بس بشرط تكوني امينة مكتبي ؟؟ السكرتيرة العامة .
فقالتله ايوه ايوه . شكرًا جدًا يا فندم .. قام
وسلم عليها وكانت ماشية علشان تخرج ولما وصلت الباب قالها شكرًا جدًا يا فلانة بصتله وقالتله حضرتك عرفت اسمي منين . رفع الملف من على الترابيزة وقالها من ده .!!!! فضحكت من غبائها وقالت جواها يا ويلي انا غبية اوي . فقالها بكرة الساعة ٨ تكوني هنا . فقالتله حاضر حاضر .
خرجت والحيرة مالية قلبها كل احساسها اتلخبط مش علشان الترحيب اللي شافته من صاحب الشركة . لكن علشان اتقبلت في الوظيفة . ازاي لا وهي من اكبر المؤسسات واللي يشتغل فيها يبقى حقق واحد من اكبر احلامه وهو الاستقرار المادي حطت خدها على المخدة وبدأت تحلم وبعدها راحت في
نوم عميق ازاي لا وكل تفكيرها بقى في الشغل صحيت الصبح وكانت اشعة الشمس داخلة من شباك اوضتها بصت لجمال المنظر لكن فجأة افتكرت حاجة ايه ده ؟؟
يا نهار ابيض !! الشغل الساعة بقت ٩ . قامت تجري وسط زحمة الشوارع وهي بتقول هيفصلني هيفصلني وصلت متأخرة وهي مططية راسها من الخۏف علشان متخسرش الحلم اللي كانت بتحلم بيه ولما دخلت مكتب الامانة قابلتها موظفة وقالتلها ادخلي البيه مستنيكي . قالت جواها يا نهار اسود اكيد هيفصلني خبطت على الباب .
قالها اتفضلي اقعدي قعدت فقالها مالك ؟؟ ليه مجتيش في المعاد المحدد ؟؟ فقالتله اسفة يا فندم والله
نمت ومصحيتش غير الساعة ٩ !!! سامحني ارجوك ومش هتتكرر تاني . فابتسم وقالها تحبي اقولك سر يفضل بينا ؟؟ فسكتت .
قالها وانا صغير كان ابويا دايمًا يقولي يا كسول . لكن كان فيه انسانة ادتني دفعة علشان افوق من اللي كنت فيه . انسانة حمقاء لكني حبيت حماقتها لانها كانت السبب اني اوصل للي انا فيه دلوقتي . هسامحك المرة دي لكن خلي بالك انا مش من النوع اللي بيسيب الغلط يتكرر . مفهوم ؟؟؟
قالتله بسرعة حاضر يا فندم اوعدك مش هتتكرر تاني . ولما وصلت عند الباب ناداها باسمها بصتله . فقالها شكرًا ليكي .!!! فقالتله باستغراب على ايه يا فندم ؟؟
فقالها ولا حاجة .
قفلت الباب وخرجت وهي مستغربة من شكره ليها . ولما رفعت راسها لقت كل الموظفين باصينلها باستغراب . علشان متعودين يسمعوا صوته وهو بيزعق لأي حد يغلط لكن معاها كان مختلف . راحت قعدت على مكتبها وبدأت اول يوم شغل ليها اللي هيغير حياتها كلها .
بدأت الشغل وهي كلها امل وحماس كانت عايزة تغير حياتها وطبعها . كانت زمان مغرورة ومتكبرة لكن بقت كلها ابتسامة وتعاون . وكانت طول الوقت تحت نظر الرئيس يناديها ويستشيرها في كل صغيرة وكبيرة وده خلا الموظفين يغيروا منها وكتر الكلام عليها لكنها مكنتش تعرف ايه اللي بيتقال ورا
ضهرها وكل ما الناس تضايقها كان هو يتمسك بيها اكتر وكل مرة يغلطها فيها كان بيقومها مش بېهينها .
وفي يوم راحت الشغل كعادتها لكن الحزن كان واضح على وشها عينيها كانوا محمرين من العياط . ناداها ودخلت . قالتله صباح الخير يا فندم . قالها صباح النور . بصلها ولاحظ انها مش زي كل يوم . قالها مالك ؟؟ قالتله مفيش يا فندم شوية تعب بس .
قالها تحبي تاخدي اجازة ؟؟ قالتله لا يا فندم مقدرش انا محتاجة كل جنيه بقبضه علشان اصرف على اهلي . قالها تحبي تاخدي سلفة من الشركة ؟؟ قالتله ايوه يا فندم بصراحة كنت مكسوفة اطلب بس محتاجاها علشان عملية
امي هي تعبانة جدًا .
قالها محتاجة كام ؟؟ قالتله على المبلغ فقالها روحي لمدير الحسابات واديه الظرف ده وهيديلك اللي انتي عايزاه . قالتله شكرًا جدًا يا فندم . فقالها متشكرنيش انا اللي المفروض اشكرك بصتله باستغراب وقالتله ليه حضرتك بتشكرني كل مرة ؟؟ فابتسم وقالها علشان بشوف فيكي نجاحي وتحقيق احلامي .
خرجت وهي مستغربة وبعدها خرج وطلب كل الموظفين يجتمعوا . وقالهم زي كل مرة عندنا حد محتاج مساعدتنا فلانة والدتها تعبانة ومحتاجة عملية وكلنا لازم نساعدها . وفعلاً جمعوا مبلغ كبير من الفلوس .
بعد شوية ناداها دخلت عنده قالها اقعدي
. وطلع ظرف
وحطه قدامها . قالتله ايه ده يا فندم ؟؟ قالها فلوس هتساعدك في العملية . قالتله لا يا فندم السلفة كفاية . قالها خديهم دي مساهمة من الموظفين احنا هنا عيلة واحدة .
قالتله شكرًا ليكم كلكم . وحقًا انا اتغيرت . فقالها فعلًا انتي بقيتي اجمل من الاول . فقالتله هو حضرتك تعرفني من زمان ؟؟ فقالها انا عمري ما نسيتك .
بصتله باستغراب وقالتله ازاي ؟؟ قالها بلاش تسأليني دلوقتي انتي محتاجة تركزي مع والدتك وبس وخدي اجازة لحد ما العملية تخلص .
خرجت وهي تايهة في تفكيرها ليه بيعاملني كده ؟؟ وليه بيتوتر كل ما يكلمني ؟؟ وليه عمره ما زعقلي زي باقي الموظفين ؟؟ هو ممكن يكون بيحبني ؟؟ لا لا اكيد انا بتخيل .
بعد اسبوع رجعت الشغل وكانت فرحانة علشان والدتها بقت كويسة اول ما شافها ابتسم وقالها حمدالله على السلامة . قالتله الله يسلمك يا فندم . امي بتدعيلك دايمًا
. قالها بلغيها سلامي .
وكان معاها علبة حلويات . قالتله اتفضل يا فندم . دي بسيطة علشان اشكرك . قالها انا معملتش حاجة ده واجب علينا كلنا . وبعدين لاحظ انها سرحانة . فقالها مالك ؟؟ فيه حاجة مضايقاكي ؟؟ قالتله لا يا فندم مجرد ذكريات مش عايزة افتكرها .
طلب منها تدخل المكتب . دخلت . قعدت . فقالها احكيلي . قالتله انا كنت مدللة ومغرورة جدًا وده خلاني ابص للناس بتكبر ولما وقعنا في مشاكل محدش وقف جنبنا . ابويا خسر كل حاجة بسبب القماړ وبقينا محتاجين لقمة العيش .
قالها وليه مشتغلتيش من زمان ؟؟ قالتله علشان مكنتش قادرة اتقبل اني اشتغل عند ناس كانوا زمان بيشتغلوا عندنا كان عندي غرور رغم اني متخرجة بقالي اكتر من خمس سنين .
قالها متيأسيش يمكن انتي كنتي السبب في ان حد يرجع للحياة من تاني . استغربت جدًا من كلامه وبعد الضهر ناداها تاني وقالها هحكيلك
حكايتي علشان كل اسئلتك تلاقي اجابة .
قالها انا اتربيت في عيلة غنية وعندنا مزارع كبيرة وكنا ٣ اخوات وفي يوم غلطت في حق راعي عندنا فابويا عاقبني وخلاني اشتغل مكانه ومن وقتها اتغيرت وبعدها حبيت بنت وهي اللي خلتني افوق لنفسي .
قاطعته بسرعة وقالتله مين البنت دي يا فندم ؟؟ وايه اللي قالتهولك ؟؟
ابتسم وقالها كانت قاسېة لكنها كانت السبب اني اتغير وبعدها اختفت هي واهلها ومكنتش اعرف هما راحوا فين .
راحت البيت وهي عقلها هيطير من التفكير مين البنت دي ؟؟ وليه حاسه ان الموضوع ليه علاقة بيها ؟؟
وفجأة تليفونها رن . الو . ايوه يا فندم . ايه ؟؟ حضرتك جاي البيت عندنا ؟؟ اهلا وسهلا طبعًا ايه ؟؟ ومعاك والدك
ووالدتك والعيلة كلها ؟؟ نورتونا والله .
جريت على امها وقالتلها يا امي البيه جاي عندنا البيت هو واهله كلهم !! نعمل ايه ؟؟ قالتلها امها مټخافيش
يا بنتي الناس دي مش بيهمهم المظاهر .
ومن الصبح فضلت ترتب البيت وتنضف وتجهز الاكل . لحد ما الجرس رن . فتحت الباب وقالت اهلا بيكم اتفضلوا .
قعدوا كلهم . وكانت امه باصه عليها بابتسامة . وقالت ماشاءالله هي دي اللي غيرت ابني ؟؟
البنت كانت واقفة مش فاهمة حاجة . وفجأة امه قالتلها هو انتي مش فاكرة راعي الغنم اللي جه يتقدملك زمان ؟؟
سكتت شوية . وبعدها افتكرت كل حاجة . وقالت ايوه فاكرة بس ايه علاقة ده بالموضوع ؟؟
فقالتلها امه هو ده رئيسك في الشغل .
بصتله پصدمة وقالتله بجد ؟؟
قالها ايوه دي الحقيقة .
وفجأة كل المواقف والكلام والمعاملة عدوا قدام عينيها .
اعتذرتله على كلامها زمان فقالها بالعكس انا بشكرك انتي كنتي السبب اني اتغير وابقى الشخص اللي انتي شايفاه دلوقتي .
ومعرفش بعد كده اتجوزوا ولا لا لكن اللي اعرفه ان القدر ساعات بيكتب النهاية
بطريقة محدش يتوقعها
تعليقات
إرسال تعليق