سكريبت ملف استقالة كاملة بقلم سلسبيل احمد
سكريبت ملف استقالة كاملة بقلم سلسبيل احمد
- ايه الى جيتي رمتيه على مكتبي ده يا فريده؟
= ده فايل استقالتي
حضرتك مش بتعرف تقرأ يا مراد بيه.؟
- استقالتك مرفوضة والفايل رمتيه جمب
الـ20 فايل الى قبله
= مراد.. الاستقاله المره دي هتتقبل بدل ما اعملك
فضـ ـيحه في قلب الشركه سامع؟
ابتسم بسماجه: يا سلام..! اعملي.. انا بعشق الفصْايح!
رفعت عيني بدهشه: والله؟
= هاتي اخرك
- افتكر ان لينا بيت يلمنا يا مراد
= افتكري انتي عشان وانا بعجنك لما نروح بيتنا تبقي عارفه السبب يا فوفو!
رفعت حواجبها بدهشه: فوفو !!! و تعجني؟؟؟؟؟
- اه
= طب متبقاش تتقمص لما احدفك بالفازة
واجري وراك بطفايه السجاير
- ارجعي البيت ونشوف الموضوع ده
= في احلامك..
- لا مش في أحلامي
= انا مش هرجع البيت وهسيب الشركه... ولا اقولك
هكمل شغلي مع مستر اكرم
- تفي على خلقتي لو حصل الكلام ده!!
" خرج وساب لي المكتب.. تمام اوي..خرجت من مكتبي بعده و طلعت الدور الأخير قسم الرؤساء.. "
" انا مليش كلام غير مع صاحب الشركه ايوه.."
- ماهو بص بقا شوف حل مع ابنك ده
= يا فتاح يا عليم يا رزاق يا كريم
اقعدي يا فريده عمل ايه تاني؟
- رفض استقالتي للمره الـ21
= اممم يعني مراد كده رافض الطلاق و رافض الاستقاله انا لو منك اسيب له البلد وامشي
- انت بتهزر يا اونكل انا زهقت منه بجد! خليه يطلقني
= ابوكي موافق بالكلام ده؟
- طب و انت تعرف عن صاحبك كده؟
= خلاص يا فريده موقفك ضعيف ومحدش في صفك
- حماتي في صفي جدا.
= اشك.. لو عرفت انك عايزه تطلقي
مش هتبقي في صفك.. و محمود نفس القصه
- هو بابا.. هو اكبر مشاكلي!! يا اونكل عز انا عايزه حد يشوفلي حل لو سمحتو بابا اصلا هو الى لبسني في ابنك لامؤاخذه يعني
= متنكريش الواد حليوة!..
- اه! وكل البنات بتحبه خليه يشوف واحده منهم
=مهو عايزك انتي وبيحبك انتي
فكري يا فريده.. وارجعي بيتك.. بلاش عناد.. و اوعي تفتكري اني بدافع عنه عشان ابني.. انتي عارفه معزتك عندي ارجعي واتكلموا سوا
" اتنهدت.. وبعدين خرجت من المكتب.. بعد لما خلصت شغلي روحت عند بابا.. وكنت بفكر في مراد طول الطريق.. بقلمي سلسبيل احمد اكتر حاجه محسساني بالذنب اني عارفه انه بيحبني فعلا.. ومعملش حاجه تزعلني. "
>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
" مكنش بابا لسه وصل البيت فا فضلت قاعده لوحدي بفتكر قبل ما نتجوز انا و مراد.. "
فلاش باك
|| في ايڤنت كبير للشركه ||
" كانت فريده لابسه فستان لونه اسود..
و واقفة بتابع الحفله وبتتأكد ان كل حاجه تمام "
" وقتها مراد لمحها.. واستأذن من الناس الى كان واقف معاهم... و راح جمبها "
- احم معرفش ايه الحفله البيئة دي يا تري مين منظمها؟
" فريده كتمت ضحكتها وهي عارفه ان مراد يقصد ينكشها ولفت بصتله "
- معاك حق يا مستر مراد.. الحفله فيها ناس بيئة اوي معرفش اتعزمو ازاي
" نهت كلامها وهي بتبصله بتأكيد انها تقصده هو! "
مراد ضحك وبصلها: مع اني شايف ناس راقيه جدا دلوقتي.. و شكلها يعني جمـ..
قاطعته: ايه انت هتعاكس ولا ايه؟ حد قالك اني سنجل؟
بصلها برفعه حاجب: حلو اوي اوي.. خلي حد يقرب ناحيتك.. واتحملي ذنب الى هعمله فيه
- اسمه ايه ده بقا؟ بتتكلم بصفتك ايه؟
= ابن صاحبك ابوكي
- وايه كمان؟
= واكتر حد ابوكي بيحبه
- وايه كمان؟
= وابن صاحب شركه مستر عز الى انتي بتحبيه برضو الى هو برضو صاحب ابوكي محمود الانتيم شوفتي كميه الاسباب؟
" بصتله بملل وسكت فا قرب وقال بصوت واطي "
- و خطيبك بأعتبار ما سيكون
بصتله بغرور: في احلامك.
رد بثقة: لا مش في أحلامي.. ده انا واخد موافقة عبدالرحمن بيه.
- موافقتي اهم
= ماهو انتي هتوافقي
- بمناسبة ايه؟
= بمناسبة انك هتترقي قريب و هنشتغل سوا.. واحنا الجيل الجديد..لازم نمسك شغل عيلتنا.. مبتقريش روايات ولا ايه؟
- ريح يا مستر مراد حضرتك اهبل وبتاع بنات وانا مش هتجوزك لو اخر راجل في العالم
سابته ومشيت وهو وقف يكلم نفسه: هي قالت حضرتك وهي بتهزقني ولا انا بتخيل؟؟؟
باك
' لا إله إلا انت سبحانك اني كنت من الظالمين '
" ضحكت لما افتكرت اليوم ده.. "
" وعقلي راح لذكري اعمق من دي..
اول شهر لما اتجوزنا!!! "
- انتى يابنتى قومى
= امممم قايمه اهو اه الساعه كام؟
- خمسه ونص يا فريده قومي بقا
" فتحت عيني وبصتله بعدم تصديق "
- ينهارك مش معدي !! مصحيني خمسه ونص ليه؟؟ هننزل انا وانت نبيع لبن !!!
= لا هنحلب الجاموسه نفسها ونشرب احنا اللبن.
- يابن الـ!!!! انت هتهزر معايا
= فيه ايه؟؟ عايز شاي بلبن وفطار حلو كده من ايدك
- انت مصحيني خمسه ونص الفجر افطرك !!
= ايوا انا قايلك بصحي بدري.. وانتي كا زوجه مطيعه مفروض تـ
" مراد مكملش كلامه ولاقاها قامت مسكت الفازه ورايحه ناحيته جري فا جري هو كمان وخرج بسرعه وقفل عليها الباب "
فريده بزعيق: افتح الباب ده يا مراد !!!!
= خلاص وحيات ابوكي يا فريده بهزر كملي نوم
- ما صحتني خلاص !!! بعد ايه؟؟
لازم ابطحك يا مراد عشان تحرم
= خلاص وربنا حرمت بلاش جنان انا رجلي لسه وجعاني من الطفايه الى حدفتيني بيها اول امبارح وانا بحاول ابوسك
- ما عشان قليل الادب وتستاهل !! افتح الباب بقولك
= ياستي انا جوزك.. امال انا متجوز ليه!
هنفضل اخوات؟؟
- لو مفتحتش الباب هكسر الفازه على دماغي انا
واجبلك مصيبه
= خلاص قلبك ابيض مش هصحيكي تاني
- امضي وثيقه بالكلام ده
= وثيقه ايه هو احنا في عصر المماليك يا فوفو
- هتمضي ولا لاء!
= همضي خلاص حاضر الى انتي عايزاه..
باك
" فضلت اضحك لما افتكرت المواقف الى بينا.. والجنان بتاعنا.. وقاطعني دخول بابا.. "
- يا اهلا منورة ياحببتي.. بس هتبقي منوره اكتر لما ترجعي بيت جوزك
= يوههه بقا يا بابا بقا مانا لو تقيله عليك قولي!
- ايوه انتي تقيله عليا
بصتله بدهشه: ايه ده!! ايه!!
= ارجعي بيتك يا فريده
- بيت مين ياحج صلي على النبي..
انا جايه على طلاق
= عليه الصلاة والسلام الطلاق ده في احلامك
- لا معلش يا عبود دي كلمتي متقولهاش.. وبعدين انا خلاص مش هقدر اتحمل مراد تاني..
= الواد مجاش ناحيتك بطلي جبروت يا فريده
- لا جه انا بس زوجه اصيله ومش عايزه اقول عمل ايه واحكي وافضحه
= طب كملي جميلك وارجعي عشان
طلاق مفيش مش بنطلق
- ليه يا بابا احنا مسيحين ومخبي عليا؟
= ارجعي بيتك
- انت بتحامي له عشان ابن صاحبك! وشريكك! وبتحبه صح؟ جاوبني
= اعتبريها زي ما تعتبريها.. و هما جايين يتعشوا معانا بليل ياريت بقا تبقي تروحي مع جوزك وبعدين ايه ده ؟؟ روحي اللبسي حاجه عدله ايه البيجامه دي؟؟ لابسه سبونج بوب يا هايفه اوعي من وشي
مشي وسابها فا علت صوتها بغيظ: ده بطوووط!!!!!
" طلعت في اوضتي وفضلت قاعده.. و فتحت الدولاب اشوف هحضر ايه اللبسه.. واخترت بيجامه تانيه عليها روبانزل.. بيدج الفيس بوك بتاعتي سلسبيل احمد كدا كدا عمو وطنط مش اغراب.. ومراد طز فيه! "
" لكن بعد خمس دقايق جاتلي فكره تانيه.. وطلعت هدوم مُختلفه.. "
" و فتحت موبايلي بعدها و عملت مكالمه "
- ايه يا فيرو
= كيمو.. فاضي انهارده؟؟
- قدامي ساعه و اروح على البيت..
= متروحش.. تعالي اتعشى معانا!
- معاكم مين؟
= مراد وطنط وعمو.. احم وسلمى اكيد
- امممم.. سلمى.. طب هحاول
= بطل صياعه.. بعدين بقالنا كتير متقابلناش
وانا زهقت من القاعده لوحدي
- هو انتى لسه عند عمي يابنتي مرجعتيش
= بقولك ايه انجز بقا وحشتني والله
- حاضر ياستي
= متتأخرش بقا
- طيب
= وهاتلي معاك عصير من الى بحبه.
- اه انا مش مرتاح لك
ضحكت: عشان خاطري
= حاضر يا فيرو.. يلا باي..
>>>>>>>>>>>>>>>>>>>>>>>>>>>>>>>>>>>
' الله اكبر الحمدلله استغفر الله لا إله إلا الله '
|| في البيت عند مراد ||
- الله؟ بوكيه ورد و حاجات حلوة..
= لما نشوف اخرتها
- اخرتها تراضي مراتك..طالما زعلتها
= مزعلتهاش يا ماما.. هو انا اقدر
- هي مش هتسبلك البيت من فراغ يا مراد
اتنهد بتعب: والله يا ماما بحبها و معملتش حاجه صدقيني.. ممكن تتكلمي معاها؟
= لا انا مش هدخل بينكم.. اتكلم انت.
"جه عز من وراهم"
- انا بقول كده برضو غلطته يصلحها لوحده
= يجدعان صلوا على النبي هي فين الغلطه
- الله واعلم حد شايف حاجه
مراد ضحك: طب انت اكتر واحد عارف انا سبت بنات قد ايه عشان فريده
= يا واد يا مُضحي !!
ماجده: فريده مش اي حد يحبيبي برضو
" و اخر فرد في العيله حط التاتش بتاعه "
- دي حقيقة يا مراد.. حد يبقي متجوز واحده زي فريده و يزعلها؟ انا هقولها مترجعش ليك غير بعد سنه تكون عرفت قيمتها
مراد رفع حاجبه وبص لعز: خلي بنتك تترزع هنا دي مينفعش تيجي معانا! هتبوظلي الدنيا
ماجده: سلمى عيب..
سلمي عملت حركه سوسته على بوقها: اديني سكت.
>>>>>>>>>>>>>>>>>>>>>>>>>>>>>>>>
'سبحان الله وبحمده سبحان الله العظيم'
|| في فيلا عبدالرحمن ||
" الجرس رن فا روحت افتح.. سلمت عليهم كلهم بفرحه لأني بحبهم الحقيقه والعلاقة بينا كويسه ولقيت مراد داخل فالاخر.. جايبلي معاه ورد وحاجات من الى بحبها.."
" فريده بصتله بتوتر.. اما مراد فا كان سرحان في جمالها.. وشعرها الي كان مفرود زي ما بيحب شكله! "
- ايه الجمال ده يا فريده.
فريده بتوتر: احمم.. ءءء اتفضل ادخل
" حط الورد في ايدها وحط الحاجات على جمب ودخل وقعدوا مع بعض شوية وفريده كل شوية تبص فى الساعه.. "
عبدالرحمن: طيب يلا نتعشى يجماعه الأكل هيبرد
" روحنا للسفره وبدأنا ناكل "
سلمى: البشاميل خطيره يا فريده بجد
فريده ابتسمت: عملتها بسرعه جدا خوفت متبقاش مظبوطه..
ماجده: زي العسل ياحببتي
فريده ابتسمت لها: جربت كمان وصفة الكيكه بتاعتك من يومين وكانت حلوة اوي
مراد بصلها ببراءه وهمس جمبها: كده متخلنيش ادوق؟
فريده ضحكت على طريقته: ابقي تعالي دوق ومالو..
مراد غمزلها: طب ماتيجي انتي
- احترم نفسك يا مراد.
= انتِ مراتي انا حُر ابقي محترم ولا لاء
" جرس الباب رن فا تجاهلت مراد و قومت افتح اكيد كيمو وصل!"
" فتحت و كان هو فعلا و حضنته بفرحه "
- جبتلي العصير؟
رفع ايده بأبتسامه: بالخوخ.
مراد بصلهم:
يتبع....
>>>>>>>>>>>>>>>>>>>>>>>>>>>>>>>>>
- احترم نفسك
= انتِ مراتي انا حُر بقا ابقي محترم ولا لاء
" جرس الباب رن فا تجاهلت مراد و قومت افتح اكيد كيمو وصل!"
" فتحت و كان هو فعلا و حضنته بفرحه "
- جبتلي العصير؟
رفع ايده بأبتسامه: بالخوخ.
= حبيبي يا كيمو ادخل..
" مراد بصلهم بضيق ولكن سكت "
" كريم دخل وسلم على عبدالعزيز وكل الى قاعدين.. و مراد سلم عليه بالعافيه.."
عز: عامل ايه في شغلك يا كريم؟
كريم: والله بفكر اسيبه يا اونكل
مراد بصوت واطي: محدش مهتم
فريده سمعت وبصتله: مراد!
عبدالرحمن: مانا ياما قولتلك تعالي اشتغل معايا
كريم: ياريت والله ياعمي بس حضرتك عارفني بقا
كدا كدا مش بريح في اي مكان
مراد: احسن برضو
فريده بصتله تاني وردت بصوت واطي: مراد!! فيه ايه!!
"مراد ابتسم برخامه"
= ايه؟
عز: هو انت كنت جربت يابني.. ما تروح تجرب شهر مع مراد و فريده
مراد بصلهم: مع مين؟
فريده زغدته بأبتسامه: احمم اه طبعا وانا هعلمك واهو على الأقل نشوفك شوية بدل ما احنا مش عارفين نتجمع يا كريم
سلمى: هو حابب يشتغل في مجال معين.. حتي لو متعب شوية.. بس بيحبه فا بطلوا إجبار بقا
ماجده: الفيلسوفه بنتي بدأت المُحاضره
كريم: مهي معاها حق.. انا فعلا ببقي مرهق ساعات و بتعب بس مبسوط عشان طول عمري كان نفسي ابقي مهندس..
سلمى ابتسمت: انا كمان هطلع مهندسه بترول خلاص قدامي سنه وانطلق واسافر و اتـ..
عز قاطعها: تسافري اه.. امبارح كانت رايحه تخلص شوية ورق في الجيزة تاهت وكلمتني تقولي اللحقني يا بابا
" القاعده كلها اتقلبت ضحك على سلمى.... معادا مراد.. الى كان قاعد مضايق وبيبص لكريم بتوعد..."
كريم بصلها: لو ده الى عاوزاه فعلا هساعدك ملكيش دعوة بيهم
عز: ده بيحرصْها يا عبدالرحمن بيه ينفع كده؟
انا عايز بنتي تحت عيني
عبدالرحمن بخبث: متقلقش مهو كريم ثقة برضو يعتمد عليه
"سلمى سكتت و وشها احمر"
فريده ضحكت: انا شايفه كده برضو.. كريم هيساعدك جدا
"سلمى بصتلها بمعني اسكتي!"
كريم: انتي خلاص هتتخرجي السنه دي صح
سلمى: أيوه
كريم: خلاص هبعتلك كل التفاصيل بعد اذن عز بيه
عز بثقه: ابعت يابني زي ما تبعت كدا كدا هي مش هتخرج بره حدود القاهره
" ضحكوا مره تانيه وسلمى بصتله "
- انت مش واثق في قدراتي خلي بالك
ماجده: ياحببتي ما قدراتك دي اخرها على حدود القاهره فعلا
" مراد خلص اكله وقام وسابهم خرج الجنينه و الباقي قعدوا سوا بعد ما الاكل اتشال.. "
" كريم كان جمب فريده وميل عليها "
- مراد شكله زعل على فكره.
= اعمله ايه
- فريده قومي شوفيه.. متخلنيش اندم عشان جيت
= كريم انا معملتش حاجه تضايقه
- ياستي انا فاهم دماغه وطبيعي يضايق من وجودي هو بيغير وبيحبك وانتي عارفه
= يغير منك! ازاي يعني؟
- متنشفيش دماغك بقا اسمعي الكلام
' اللهم صلِ وسلم وبارك على سيدنا محمد '
" اتنهدت بزهق.. و بعدين خرجت كان واقف في الجنينه شارد.. لمحت سجاير في ايده فا اتجننت !! "
" روحت بسرعه شدتها منها رميتها "
- انتى مجنـ ـونه كنتي هتلسـ ـعي نفسك!
= انت من امتى بتشرب سجـ ـاير !!
- وانتي مالك!
= لا ليا! دي كمان حاجه جديده مكنتش اعرفها عنك؟؟
"مردش عليا فا بصتله"
- مراد!
= عايزه ايه؟ ما تدخلي تقعدي مع كريم!
- انا مش مصدقاك هو احنا هنرجع للخناقه دي تاني
= اه نرجع لها تاني وتالت و رابع انتي ازاي تحضنيه!! وبتقربي منه بشكل مستفز
- ده اخويا اكتبها لك على قورتي
= ده ابن عمك
- واخويا برضو!!!
= اخوكي في الرضاعه بلاش استعباط!!!
بصتله بسخريه: مضايق عشان بقرب من واحد شرعًا
اخويا!! معملتش حاجه غلط.. بس انا بقا لما اكتشف انك سافرت مع واحده كنت هتتجوزها في يوم من الايام مفروض اتصرف عادي؟ واعدي الموضوع و ارجع البيت كأن محصلش حاجه
- بطلي بقا انتي بتألفي حوار على مزاجك وتصدقيه!! انا حكيت لك بدل المره ميه قولتلك كان بينا شغل و نزلنا في نفس الفندق !!! مكناش سوا اصلا !!! ولا مرتب لحاجة الشخص المسؤول عن الرحله هو الى حجز كل حاجه مش انا
= طالما انت بريئ اوي كده!!! معرفتنيش ليه؟ وكدبت عليا!! ابقي قاعده فجأة الاقي صوركم سوا
- برضو هتقولي صورنا! يعني مش كل الجروب كان متصور عشان يحتفلوا بنجاح العقد مثلا؟ هل شوفتيني منزل صورة ليا معاها لوحدنا
بصتله: مراد!!!! انا طول الفتره الى فاتت دي واخده الموضوع بهدوء.. وبحاول اتعامل عادي.. وعاملين ننكش في بعض ونهزر بس انا الموضوع بالنسبالي انتهي وعايزه اطلق زي ما قولتلك
= هو انتي يابنتي عبيـ ـطه؟؟ هو الطلاق ده لعبه؟ اقل مشكله نطلق؟؟ انا الى معدي الموضوع بمزاجي وسايبك عماله تكرري الكلمه بس ياريت تفكري في الى بتعمليه انا مش هستحمل ده كتير!!
- متستحملهوش.. طلقني
- انا قولتلك بدل المره ميه يا فريده مش هطلقك وانا معملتش حاجه خليكي كده بالي في دماغك ده
افتكريني كل يوم مع واحده كمان لو ده هيريحك
رفعت حواجبي بدهشه: و هو ده مكانش بيحصل
مراد بصلها بصمت لثواني: انتى هتبدأي تقلبي عليا الفتره الى كنت طايش فيها كمان؟ بتفتحي القديم كله ؟ وتنسي اني اتعدلت عشانك.. وسيبت الدنيا كلها.. وعملت كل حاجه عشان ابقي معاكي و قصاد ده انتي عملتي ايه؟ قوليلي ؟؟ بقلمي سلسبيل احمد في اول شهور لينا منعتي موضوع اننا نخلف قولتي عايزه تخدي وقت.. ومكنتيش واثقة فيا!! وانا عدتها بمزاجي.. مع اني كنت بتمني اخلف منك انتي اكتر واحده عارفه قد ايه كان نفسي في طفل واني استقر وابني حياة معاكي انتي مش مع حد تاني..!!
"فريده دموعها نزلت لكنها مسحتها بسرعه وبصتله"
- ولسه مش واثقة فيك يا مراد.. ولا عايزه اكمل مع واحد حْاين زيك اخر كلام عندي انك لو مطلقتنيش.. انا هرفع قصْيه
مراد قرب منها ومسك ايدها: لآخر مره هقولك متخليش الموضوع يكبر!
بعدته عنى بزعيق: هو اصلا كبير
" كريم قرب ناحيتهم بسرعه لما شاف الى حصل وبعد فريده عن مراد "
- ايه ده !! ايه الى حصل !! اهدوا !! فيه ايه؟؟
" مراد فضلت عينه عليها.. و بعدين انسحب بهدوء..! من غير ولا حرف.. خد عربيته ومشي.. "
" فريده كمان دخلت وطلعت اوضتها "
' سبحان الله وبحمده سبحان الله العظيم '
" سلمى راحت عند كريم وملقتش مراد "
- فين مراد هو حصل ايه؟
كريم: تقريبا اتخانقوا جامد.!
= طب اطلع شوف فريده.. وانا هحاول اوصل لمراد
" كريم دخل.. و حصل توتر في الأجواء.. لكن عبدالرحمن اعتذر لعز وماجده.. ومكنوش فاهمين فيه ايه.. بيدج الفيس بوك بتاعتي سلسبيل احمد الموقف مر بهدوء بسبب قوة العلاقة بين العيلتين "
|| في اوضة فريده ||
" كريم خبط و دخل "
- فريده انتي كويسه!
" بصتله و وشها كان غرقان دموع ومن النادر ان فريده تعيط بالشكل ده "
" كريم راح عندها "
- حصل ايه طيب اهدي!!! اهدي بطلي عياط..
= انا زهقت منه مش طيقاه ! روح يا كريم اصْربه
- طيب ممكن تبطلي عياط بس اهدي
= سبني لوحدي طيب انا مش عايزه اتكلم دلوقتي
كريم طبطب عليها وباس دماغها بحنان: كل حاجه هتبقي كويسه انا معاكي متقلقيش
" كريم نزل و اتكلم مع عبدالرحمن.. وبعدها مشي "
" لكن عبدالرحمن مكنش عارف يعمل ايه ولما طلع قعد جمبها وفضل يتكلم معاها"
بصلها بعدم فهم وقعد قصادها: انا عايز افهم حصل ايه! انا قولت مش هدخل بينكم لكن الموضوع كده مش هينفع!
" فريده بصتله بعياط "
- انا مش هقول اسباب غير الى قولتها.. هو خاين وانا عايزه اطلق
= بس ده محصلش و مراد عمره ما خانك! مفيش راجل في الدنيا هيستحمل الى بتعمليه فيه ده؟؟ محدش هيقبله بس هو ساكت ومتحمل عشان بيحبك وانتي بتتصرفي غلط و هتندمي
- انا غلط يا بابا؟؟؟؟؟
= انتي سبتي كل كلامي ومسكتي في دي؟
- قصدك اني مجنـ ـونه.. طبعا.. مانا بنت البطه السوده.. وهو ابن صاحبك الى بتحبه
= يابت انتي اجننتي خالص فعلا مش معقول!!
- عايزه اطلق
" خرج وسابها بفقدان امل وفريده اتنرفزت "
- هطلق يا عبدالرحمن بيه اديني عرفتك وهقدم استقالتي كمان وخليه يقبلها
' لا إله إلا انت سبحانك اني كنت من الظالمين '
" رجعت راسي على المخده وانا بترمي بتعب و إرهاق.. والحقيقة.. ان كل كلامهم صح.. ومحدش هيستحمل الى بعمله مهما كان مين.. بس هو استحمله! عشان بيحبني.. ودي اكتر حاجه مخلياني كارهه نفسي.. بقلمي سلسبيل احمد ومش طيقاه.. مش طيقاه من كتر ماهو مصعب عليا الموضوع!! مصعبه اوي!! "
>>>>>>>>>>>>>>>>>>>>>>>>>>>>>>>>>>>
" معرفش نمت ازاي فجأه بهدومي و بدموعي
و صحيت على صوت الموبايل وهو عمال يرن من غير ما يسكت ! "
" فتحت عيني بإرهاق ونوم و بصيت فيه
لقيت رقم كريم "
- ألو ايه الزن ده على الصبح يابني
= فريده! انتي فين كل ده عمال ارن عليكي !!!
" فتحت عيني بتركيز وانا سامعه صوته وصوت دوشه ومش فاهمه حاجه "
= فيه ايه يا كريم؟؟
- انا داخل عليكي خلاص قدامي خمس دقايق
= كريم رد عليا فيه ايه تؤ رد عليا بقولك
- مراد يا فريده...
سكت وبعدين كمل بخفوت: مراد عمل حدثه
" فريده سابت الموبايل من ايدها وهي حاسه بصداع من الخبر! وبتتمني لو ده حلم "
" بدأت تتحرك بعشوائية بسرعه و نزلت على تحت وهي بتجري في الجنينه لقت كريم قدامها "
- ايه الى حصله !!! هو كويس !!
= اهدي .. هو بخير اهدي محصلش حاجه هو كويس وفي البيت
- كريم مراد كويس ؟؟!!!!!
= صدقيني كويس تعالي انا هوديكي
" ركبت معاه و راحو بسرعه و اول لما وصلوا فريده طلعت جري.. و كانت بس بتتمني متشفهوش في منظر وحش! "
- مراد..
" دخلت وهي بتنادي لحد ما شافته قاعد على السرير و الكل موجود "
" كانت رجله متجبسه و كمان ايده و دماغه فيها كدمه وشاش "
بصتله بدموع: ايه الى حصل !!!
بصت لعبدالرحمن: ازاي محدش يقولي !!!
ماجده: محبناش نقلقك يا حببتي هو الحمد لله كويس الدكتور طمنا متخافيش
مراد بصلها من فوق لتحت: انا اصلا مكنتش عايزك تيجي
عز: ما تحترم نفسك يا واد انت
مراد: هي مش حلفت متجيش هنا وكانت عايزه تطلق؟
فريده بصتله: والله؟ يعني انت مش عايزني دلوقتي
مراد بكدب: اه مش عايز حد خالص يلا بره
فريده بحده: انت بتطردني ايه رأيك اني مش ماشيه من هنا !!! ده بيتي مش عاجبك غور انت !
مراد بتمثيل: ينهار ابيض شايفين !! بتعايرني عشان مش قادر اتحرك !!!! بتقولي غور وهي شيفاني ميت
يارب اشهد عليها يارب
فريده بحزن: لا والله ما قصدي كده !!
كريم كتم ضحكته وغمز لمراد: طب تعالو يجماعه بره خليهم لوحدهم
" فريده راحت قعدت جمبه "
- مراد والله انا آسفه انا مكنش قصدي كل ده
= فكك من وش البريئة ده كلنا عارفين انك وليه قادره
- انا مش بهزر انا فعلا اسفه عشان خاطري متزعلش مني
" كانت دموعها بتنزل ورا بعض وهو مستحملش يشوفها كده "
= خلاص بقا! انا مش بحب عياطك انا كويس قدامك اهو زي القرد
- طب قولي ايه الى حصل
= محصلش.. انا وعربيه دخلنا في بعض
- فداهيه العربية! هجبلك غيرها
= شكرا يختي مش عايز من خلقتك حاجه
- انت قليل الادب خلي بالك
= وانتي بوشين.. مش كنتي عايزه تطلقي امبارح بليل
كمل وهو بيقلدها: وطلقني !! طلقني انا مش هكمل معاك انا هرفع قضيه
فريده ضحكت وبصتله وهي بتمسح دموعها: اسكت يا مراد اسكت!
= روحي روحي اجري ارفعي قضيه
- مين قالك اني مش عايزه ارفع يعني
= شوفوا البجاحه.. هو ايه مفيش احساس
فريده حضنته بتلزيق: لا فيه هفضل معاك لحد ما تخف يا كوتي بوتي
- ايه ده ايه ده!!!
ايه التلزيق ده وكوتي بوتي ده ايه؟
مسكت في حضنه جامد وضحكت: انت طبعا
مراد: اوعي من خلقتي يا فريده وسعي
- مستحيل
= ياستي هتخنقيني هموت مخنوق
- بعد الشر يا كوتي
= انتي جبتي التناحه دي منين
- حب.. ده حب يا حبيبي
= ياستي اكرهيني
ضحكت: مقدرش لا
" و من اللحظه دي.. قررت اكون جمبه.. مع اني لسه مش عايزه اكمل.. ومش عارفه هعمل ايه في المشكلة الى عندي.. مش عارفه اي حاجه.. الى اعرفه اني مش هقدر ابعد عنه دلوقتي.. وخايفه مقدرش بعد كده! "
>>>>>>>>>>>>>>>>>>>>>>>>>>>>>>>>>
' الله اكبر الحمدلله استغفر الله لا إله إلا الله '
" خرجت اطمنهم اني هفضل معاه
وكريم سابنا ودخل له "
- ايه رأيك يا معلم ؟ عشان تعرف اني في صفك بس
مراد بصله بنص عين: هحاول مكرهكش عشان حركه الجدعنه دي
= المهم الجبس تمام يا برنس؟
- تمام ايه.. انا مش قادر استحمله ده مـ ـقرف
= والله بقا الكوره في ملعبك دلوقتي وقت لما تحب تقولها انه مقلب قولها بس المهم تحذرني عشان اشوفلي مكان استخبي فيه منها
مراد ضحك: انا خايف تكسرلي رجلي بجد لما تعرف
- قلبي عندك يخويا والله.. يلا مع السلامه.
>>>>>>>>>>>>>>>>>>>>>>>>>>>>>>>>>>
' اللهم أغفر لنا وارحمنا برحمتك يا أرحم الراحمين '
- فريده عايز مياه لو سمحتي
= حاضر لحظه
" جابتها ورجعت "
- خد اهي
= دي مش ساقعه يا فريده..! خلاص انا هقوم اجيب
- لا لا خليك
" جابت مياه ساقعه و رجعت "
- فريده بقولك ما تعملي كيكه بقا
= هاخد وقت طويل وافضل سيباك لوحدك؟
- انا مش بموت يعني
= طيب عاوزاها ايه
- شوكولاتة.
= اوكيه.
- فريده.. احنا هنتغدي ايه؟
ما تعملي محشي
= بقولك ايه هو انا عندي ميت ايد اطلب حاجه واحده
رد بتمثيل الحزن: مش عايز حاجه خلاص
= تؤ.. وبعدين بقا في شغل القمص ده خلاص هعمل..
هبعت حد يشتري الحاجه..
" اليوم مر بسلام.. بعد لما مراد فضل يرخم على فريده قاصد!! "
" الساعه جت خمسه ونص الفجر.. و فريده كانت نايمه جمبه.. مراد فضل يبصلها بحب وهي نايمه "
- فريده.. يا فريده.. فيرو
" فتحت عينيها بنوم "
= ايوا يا مراد
- انا مش مصدق انك رجعتي.. ومبسوط انك معايا
" راحت في النوم تاني فا سابها.. صعبت عليه يكمل رخامته وهو عارف انه تعبها.."
>>>>>>>>>>>>>>>>>>>>>>>>>>>>>>>>>>>
|| تاني يوم الصبح ||
" صحي يدور عليها و كانت وقتها قاعده في اوضتها فاتحه اللاب ومركزه فيه اوي "
- فريده انتي هنا
" قفلت اللاب بسرعه وقامت بصتله "
- ءءء انت ايه قومك؟
= انا كنت داخل الحمام وبشوفك فين
- طيب تعالي اوديك
" مراد استغربها.. وحس ان فيه لكن تجاهل الموضوع."
" قعدوا بعدها سوا يفطروا "
- مصحتنيش يعني الساعه خمسه ونص الفجر
ابتسم: صعبتي عليا.. وشكلك كان حلو وانتي نايمه.. انتي بجد وحشتيني يا فريده
فريده غيرت الموضوع: انت مقلتليش امبارح صح الادوية بتاعتك فين عشان اتابع مواعيدها؟
مراد بلع ريقه بارتباك: ادوية!
- ايوه مش الدكتور كتب لك ادوية ؟
= لا مكتبش
" مراد كمل اكله وهي رجعت مسكت الموبايل وكانت مركزه فيه برضو.. "
بصلها بستغراب: بتعملي حاجه مهمه؟
فريده سابت الموبايل: لا.. فيه ايه
- تيجي نشوف فيلم؟
= ماشي.. اعمل فشار؟
- وهاتي من الكيكه
= اوكيه
" قامت و قبل ما مراد يتحرك سمع صوت مسدج على موبايلها.. ومقدرش يمنع نفسه من انه يبص عليها.. "
" مسك الفون وشاف المسدج "
كان مكتوب.....
يتبع..
>>>>>>>>>>>>>>>>>>>>>>>>>>>>>>>>>>>
" يا تري مراد شاف ايه؟🙂"
قامت و قبل ما مراد يتحرك سمع صوت مسدج على موبايلها.. ومقدرش يمنع نفسه من انه يبص عليها..
مسك الفون وشاف المسدج
كان مكتوب.....
" تم تأكيد موعدك غدا
مع دكتورة هاله الصواف "
" وقتها مراد خاف تكون فريده شكت فيه.. وكل الى فكر فيه وقتها انها عرفت المقلب هتوديه للدكتورة مثلا او حاجه.. "
" ساب موبايلها وفتح موبايله.. "
" بدء يبحث عن الدكتورة.. واتفاجئ لما عرف انها دكتورة امراض نسا.. خصوصا في مشاكل الحمل وكل ده وتأخير الخلفه.. وقتها مراد حس ان فيه جردل مياه ساقعه ادلق عليه! "
" ساب موبايله وهو مصدوم وبيتمنى يطلع غلطان فكل الحاجات الى فكر فيها.. اول مره فريده قالتله نأجل الخلفه.. وكل مره بيقولها لو فيه سبب وهي بتقوله انها مش جاهزه للأطفال.. وحاجات كتير كانت بتدور في دماغه لدرجه انه كان عايز يقوم يواجهه بكل حاجه.. بس قرر انه يسكت! ويستني يشوف اخرة الموضوع عشان ميعملش حاجه يندم عليها! "
" قاطعه دخولها وهي معاها الحاجه "
- كنت عارفه اني هرجع الاقيك مجبتش حاجه لسه يا مراد فين الفيلم!
مراد بتركيز: هجيبه اهو لحظه
" قعدوا يتفرجوا على الفيلم سوا ومراد مكنش مركز في اي حاجه.. لحد ما خلص "
- بقولك يا فريده
= قول
- انا بقول تروحي انتي المكتب عشان خايف الشغل بتاعي يتلخبط..
= انت بتهزر اكيد مش هسيبك الشغل مش مهم
- احنا لسه في بداية اليوم.. مش هتاخدي وقت اتأكدي بس ان كل حاجه تمام لأني مش هرتاح كده انا اصلا لو عليا عايز اروح
= يا مراد عادي ما اكيد لو فيه مشكله اونكل هيقولي او بابا
- محدش فاهم غيرك.. بعدين انا الى بطلب منك لأن فيه اجتماع عايزك تحضريه.. خلصي بقا انا مش عيل يعني وهعرف اصرف نفسي
ضحكت: ماشي ياعم الكبير
" قامت تلبس و مراد فضل مستني كل ده انها تخرج.. دخل الاوضة بعد لما مشيت وفتح اللاب "
" استغرب انها عملت له باسورد جديد
ومكانش يعرفه "
" فضل يحاول بكذا تاريخ وكذا حاجه لحد ما اتأكد ان فعلا فريده مخبيا حاجه.."
" قرر يتصرف عادي لحد تاني يوم و يشوف هتروح ولا لاء.."
>>>>>>>>>>>>>>>>>>>>>>>>>>>>>>>>>>
اللهم صلِ وسلم وبارك على سيدنا محمد
|| في الشركه | مكتب مراد ||
" فريده كانت بتراجع الحاجات و لقت ورقة بخط مراد مكتوبة وشايلها في درج مكتبة "
" فتحتها وقبل ما تقرأها دخلت موظفه "
- استاذة فريده فيه مشكله
" حطت الورقة في جيبها "
= خير يا اماني
- العميل طلب يقابل مستر مراد
= متخافيش انا هتصرف
- بس ده عميل صعب
= متقلقيش هظبط الدنيا هو الاجتماع امتى
- كمان ربع ساعه.. وهو موجود دلوقتي في غرفة الاجتماعات
" فريده دخلت هي و المدير التنفيذي اكرم "
" و بسلاسه طمنت العميل على الصفقه و الاجتماع مشي بهدوء.. "
" و لما خلصت طلعت لعبدالرحمن واتفاجئت بعز "
- ده انتم متجمعين بقا
عز: مراد الى قالك تيجي طبعا
- صمم اني اجي
مع ان مستر اكرم كان هيمشي الدنيا يعني
عبدالرحمن: وانتم اخباركم ايه؟
- كويسين يا بابا..
عز: صالحك ولا لسه
"اتنهدت وانا مش عارفه ارد بإيه"
- بنتكلم لسه سوا خليني اطمن عليه الأول.
يلا انا هروح بقا.. سلام يا اونكل باي يا بابا.
>>>>>>>>>>>>>>>>>>>>>>>>>>>>>>>>>
" سبحان الله وبحمده سبحان الله العظيم "
" فريده رجعت و مراد كان قاعد سرحان "
- كل حاجه مشيت زي الفل.. اي خدمه
= طيب كويس
بصتله: مالك يا مراد؟
- انتي مش ناويه نتكلم و نحل الموضوع الى بينا.. لو عندك حاجه عايزه تقوليها قولي
" مراد راقب حركاتها... و لاحظ انها عايزه تتهرب ومش عايزه تتكلم "
= مش وقته يا مراد
- ريحيني يا فريده! من فضلك!
" كنت عايزه اتكلم و اصارحه بكل حاجه.. اصارحه اني عامله كل ده علشان عندي مشاكل في الخلفه.. عندي عقد! عندي حاجات كتير اوي.. بقلمي سلسبيل احمد بس اقوله ازاي ان بعد كل ده المشكلة فيا؟؟ انا نفسي لسه مش فاهمه ولا عارفه اتقبل الموضوع! هل هو هيتقبل ده؟ او هيفهمني!! "
= ممكن تديني وقت.. وانا هحاول افهمك كل حاجه ونتكلم... يمكن لما تسبني شوية اهدى لوحدي وكل حاجه تتصلح
" مراد اتنهد وبصلها "
- تمام يا فريده.
>>>>>>>>>>>>>>>>>>>>>>>>>>>>>>>>>>>
" لا إله إلا انت سبحانك اني كنت من الظالمين "
" باقي اليوم مر طبيعي و فريده صحيت الصبح الساعه 7 عشان معاد الدكتورة.. اتأكدت ان مراد نايم و نزلت.. "
" لكن مراد كان اوردي مجهز نفسه و نزل بعد ما نزلت علطول و كان ماشي بعربيته وراها.. لحد ما شافها وهي داخله العياده لوحدها. "
" وقتها فضل دقايق يستوعب.. و كمل طريقه و راح يفك كل الجبس والحاجات الى كان عاملها.. "
" وبعدها رجع الفيلا مره تانيه.. بيدج الفيس بوك بتاعتي سلسبيل احمد دور على اللاب فضل يحاول يفتح فيه لحد ما قدر يفتحه "
" واتفاجئ بالتحاليل الى لقاها وكميه الحاجات الى كانت فريده بتابعها وبتسأل عنها كلها تخص الخلفه "
" وقتها اتأكد ان كل حاجه ربطها ببعض كانت صح! "
"فريده وصلت وكانت بتنادي عليه تشوفه فين"
- مراد... انت روحت فين
" دخلت الاوضة واتصدمت لما لاقته كويس و رجله و ايده كويسين وحتي راسه "
= ايه ده !!! انت ازاي؟
انت كنت بتضحك عليا!!!
" مراد بصلها بهدوء وكان ساكت "
- انتى كنتي فين
= كنت فين ايه؟؟ انت كويس اهو!!! انت ضحكت عليا ومعملتش حدثه !! وعربيتك لسه شيفاها تحت كويسه!!! واستغربت ازاي اتصلحت بالسرعه دي !! وهو مفيش حدثه من اساسه !!!
- كنتي فين يا فريده
" فريده مردتش عليه وفضلت بصاله فا اتحرك هو و مسك اللاب و حطه قدامها "
- كنتي عند الدكتورة مش كده؟
بصتله بصدمه: دكتوره ايه؟؟
= شوفي انتي.. تحاليل و بحث وحاجات عن تأخير الخلفه و المشاكل.. هتبقي دكتورة ايه يا تري
" فريده دموعها نزلت "
- مراد هفهمك.. الموضوع مش زي ما انت فاهم
= كل الفتره دي يا فريده محسساني اني وحش و خونتك و ان كل ده غلطتي وعايزه تطلقي.. عشان بس تخبي عليا ان فيه مشاكل؟؟ كل اللفه دي يافريده؟؟ احنا متجوزين بقالنا ست شهور منهم شهرين كاملين عامله بينا مشكلة عشان ايه؟؟
- ممكن نتكلم؟؟
= طلبت منك نتكلم كتير.. وتصارحيني بالحقيقه كان عندك بدل الفرصه عشره!
" كان هيتحرك فا مسكت فيه "
- مراد اسمعني !
" شال ايدها بهدوء و خرج من الفيلا وسابها "
" فريده وقتها فضلت تعيط..
وقعدت باقي اليوم لوحدها
فضلت في جنينه الفيلا لحد بليل
مراد وصل الساعه 1 ولقاها قاعده لوحدها
ومهانش عليه انه يدخل و يسبها"
" راح قعد جمبها على الزرع"
- بطلي عياط يا فريده لو سمحتي
" مسحت دموعها وبصتله "
- انت هطلقني ؟
" مراد بصلها بعد ما اتنفس بعمق "
= هو انتي لسه عايزه تطلقي؟
- كنت عايزه اطلق عشان مش هعرف اخلف..
وانت عاوز اطفال و بتحلم تبني عيله..
فكل مره كنت بحاول اعمل مشكله كنت بتهزر وتعديها.. كنت بكره طريقتك وانت بتعدي ليا كل حاجه صعبت عليا اني ابعد عنك او اقدر اخاصمك حتي.. انا كنت انانيه و وحشه معاك
عملت كل حاجه غلط ومع ذالك انت فضلت مستحملني.. بس انا مقدرتش اصارحك يا مراد..
انا مكنتش فاهمه ولا مستوعبه الموضوع
= احنا مش متجوزين عشان تخبي عليا يا فريده!
احنا شركاء في كل حاجه!! كان مفروض تيجي تصارحيني بده ونحل الموضوع سوا وابقي جمبك مش تفضلي شايله كل ده لوحدك
بصتله وهي بتعيط: انا خوفت اوي يا مراد لما عرفت اني عندي مشاكل ! انت عارف اني طول عمري وحيده! متربيه مع مرات عمي انا و كريم!! مشوفتش امي!! خوفت اخلف ومقدرش اكمل لحد ما اشوف بنتي! خوفت من كل حاجه !!
مقدرتش اجي اقولك واتصرفت بشكل وحش جدا انا عارفه.. انا مش لاقيه مبرر للي عملته بس
"مراد قاطعها وحضنها وفضل يطبطب عليها
اكتشف ان الموضوع مأثر عليها بشكل وحش
و زي ماهو عارف شخصيه فريده مش بتحب تبان ضعيفه! او عندها مشكلة.. فا فهم ان الموضوع كان حساس بالنسبالها!! "
- انا كنت عايز اجيب اطفال بس انا بحبك يا فريده! ومعنديش في حياتي اهم منك.. مش عايز غير اننا نفضل سوا تحت اي ظرف.. والطريق ده هنمشيه سوا.. وانا راضي بقضاء ربنا! لو لينا نصيب هنخلف..
لو ملناش فا كفاية ان احنا سوا.
>>>>>>>>>>>>>>>>>>>>>>>>>>>>>>>>>>
' الله اكبر الحمدلله استغفر الله لا إله إلا الله '
|| بعد مرور سنه كامله ||
|| في الشركه | داخل مكتب مراد ||
" فريده دخلت وحطت قدامه ملف "
- ايه الملف الى رمتيه على مكتبي ده بقا
فريده بصتله وضحكت: استقالتي يا مستر مراد.. اقرأ ولا مبتعرفش؟
" مراد ضحك مسكها وفتحها واتفاجئ انها تحاليل وفي اخرها اختبار حمل "
" مسكه بصدمه "
- ايه !!!! انتي حامل
" هزت راسها بفرحه "
= احلفي وحيات ابوكي! اوعي يكون مقلب !
- حامل بجد..
" مراد حضنها وشالها بفرحه "
= احنا هنعمل حفله انا مش مصدق نفسي !!!
- خلينا نفرح بكريم و سلمى الاول.
= وهي دي فرحه؟ ده انا هرنه علقه يوم الفرح
ضحكت جامد: عيب بقا.. ده انت هتبقي بابي
حضنها بسعاده: وانتي هتبقي احلي مامي يا فيرو.
تمت.💗🥹
>>>>>>>>>>>>>>>>>>>>>>>>>>>>>>>>>>>>>
#ملف_إستقاله3والاخير📄💗
تعليقات
إرسال تعليق