(فتاة القطار)
الفصل الرابع والخامس. والسادس
كانت امامي مرتديه تنوره بيضاء تنظر الي من بعيد وخصلات شعرها الكستنائيه تتدلي من فوق منكبيها تضمني عينيها الرماديه بنظرات حب لم اراها من قبل شعرت وكأني مسلوب الاراده وانا اقترب منها
اقتربت اكثر لمست يدها وقبلتها في باطنها اغمضضت عينيها وما ان هممت بضمها الي صدري حتي فتحت اعيني لاكتشف ان رؤيتها مجرد حلم !
نظرت الي الساعه فوجدتها التاسعه والنصف من الصباح
اخدت حمام دافئ وارتديت ملابسي
فبشائر اليوم قد بدأت برؤيتها في حلمي
حاولت الاتصال بها ولكن هاتفها كان مغلقا لربما كانت لازالت نائمه
نزلت علي عجل حتي لا اتأخر على موعدي مع محطه الحب احم اقصد محطه مصر
استقليت مترو الانفاق ووصلت الحمد لله قبل موعدي بنصف ساعه والحمد لله تم قبولي كنادل لكافيتيريا المحطه
بدائت عملي على احر من نار الجمر وانا انتظر محبوبتي تري لماذا كل هذا التأخير انا ف الاساس وافقت على العمل حتي اكون معها بخفه ظلها وليونه كلماتها
مرت ساعه اثنان ثلاث او سنه لا اعلم حقيقه كم مر من الوقت ..... حتي اشرقت شمس بسماتها ورأيتها من بعيد مبتسمه
لازالت ساره محتفظه بابتسامتها :... صباح الخير ياعم مبروك عليك الشغل
خالد مبادلا لها الابتسامه :.. الله يبارك فيكي متشكر ليكي اوي علي فكره
ساره تغمز باحدى عينيها.:. يابني قولنا انا شبراويه يعني اعمل الجدعنه وتديني مرتبك ههههههههه اقصد يعني الجدعنه بلا حدود
فرغ خالد فمه قليلا ثم ابتسم قائلا :.. ههههههه طيب يا جدعه متشكرين وبعدين اتأخرتي ليه صح
ساره :. اه مانتا جديد متعرفش حاجه انا بدرس ف كليه
اعلام فببدأ شغلي الساعه 2 العصر بحضر المحاضرات واجي علي طول
خالد :. ياااه من الاول انا عارف بنت بمليون راجل
بس هو باباكي بيشتغل
ساره.. لا بابا الله ير.... اه بقولك يلا بقي متعطلنيش عشان الحق اغير هدومي وابدأ شغل
خالد :. طب بتغيري الموضوع ليه !!
ساره : .. امممم مش قاصده بس عموما هحكيلك بعدين...
كان يوما طويلا بحق ولكن وجودها اطاح بالوقت ساعات طويله انتهت وكأنها ثواني معدوده
واخيرا انتهت ساعات العمل فطلبت من ساره ان اتكلم معها في اشياء عده
شعرت بالفرح حين وافقت ترجلنا خارج المحطه حتي دخلنا كافيه قريبا من محطه مصر
ساره :. انا بحب الكافيه ده اوي انت تحس انه قهوه بلدي اساسا بس الكاست اللي شغال كله ناس نضيفه
خالد;. ايوه بقي وكمان بنقعد علي قهاوي ده ناقص نلعب عشره طاوله
تكلمت ساره بطفوليه واضحه :. ايه جه انت بتعرف تلعبها ؟
خالد بابتسامه :. اه طبعا ليه انتي بتعرفي !!!
ساره بتحدي :. طبعا ايه رايك توريني نفسك انا بحب العب طاوله جولبهار
خالد بمكر :. انا معاكي في اي نوع طاوله .. واحد وتلاتين جولبهار... محبوسه.. يهوديه.. انجليزيه المهم تبقي اد كلامك
ضحكت ساره فضحكت علي اثر ضحكتها ثم اتي النادل فطلبنا منه قهوه زياده لساره وعصير ليمون لي لانني كنت متوترا اكثر من اللازم
وبدأنا اللعب دون ان نتكلم لن اكذب واقول اني غلبتها لانها اكتسحتني حتي ان نظرات رواد الكافيه كانت تسخر مني لان بنت غلبتني في لعبه مخصصه للرجال خصوصا مع صيحاتها وقت انتهاء اللعبه
انهيت اللعب رغما عنها فضحكت كثيرا من هروبي تعللت اني اريد التحدث معها
خالد:. عارفه انتي شبه مين ؟
ساره :. مين؟
خالد :. شبه سما حبيبتي
ساره :. اوبااااا انت بتحب ايوه بقي
خالد:. اه بحب بنوته اسمها سما وبكتب قصايد عنها هي شبهك بالظبط وللسبب ده لما شوفتك في محطه مصر مقدرتش ابعد عيني عنك مكنتش اتصور اني اقابل سما اساسا
ساره:. مش فاهمه هو انتوا يعني مش بتتقابلوا?
خالد:. هي مكانتش موجوده غير لما قابلتك
ساره بتعجب :. برضه مش فاهمه
خالد :. موضوع يطول شرحه بس كل اللي اقدر اقوله اني كنت مستنيكي من زمان وكنت بدأت افقد الامل لدرجة اني كنت راجع تاني لاسكندريه .....جايز تفتكريني بقول اي كلام او بشتغلك بمعني اصح
ساره:. مش فاهمه يا خالد عايز تقول ايه بالظبط؟
خالد:. بتؤمني بالسحر ؟
ساره:. مذكور ف القران يبقي لازم اؤمن بيه حتي لو مجربتش بس ايه علاقته بكلامك؟
خالد:. مادام بتؤمني بيه يبقي هتفهميني اولا انا مش فاكر تفاصيل كتير في حياتي تقريبا فاكر ملامح ابويا وامي فاكر اخويا الاصغر مني فاكر تفاصيل وانا طفل بس مش فاكر لما كبرت حصل ايه
مش فاكر ماتوا ازاي حتي كل اللي اعرفه انهم ماتوا في حوادث
لحظات كتير بسمع كان نفسي احسها
ساره:. زي ايه؟
خالد:. اللي فاكره بس احاسيس عن حنيه امي بس مش فاكر تفاصيل حتي شكلها مش فاكره اوي
كان نفسي اشوف شدتها وعقابها
كان نفسي اشرب سجايري ف الحمام من الخوف
اخاف اكلم بنات فتزعل وتقولي ترضاها لاختك
اخاف اسهر او اغلط فاتمنع من المصروف
حاجات كتير اللي الناس بتخاف منها نفسي اجربها
زي مثلا اني البس خفيف وامرض والدكتور يقول راحه اسبوعين في السرير والاقيها جنبي خايفه عليا
اكح جامد فتقرصني وتقولي طبعا مانتا بتشرب سجاير
اسهر علي تليفوني وبعدها بشهرين تلاته يجيلي برد فتقولي الفون السبب
او مثلا تطلب مني اظبطلها المنبه وبعد سنتين فونها يبوظ فتقولي انت السبب مانتا ظبطتلي المنبه من سنتين
حاجات كتير سمعت عنها ومشوفتهاش يا ساره
ساره:. علي فكره انا زيك اخويا مات في حادثه ومش فاكره مات ازاي وابويا نفس الحكايه معرفش سبب موته حتي امي مش بتقولي
نظرت ساره إلي نظره مطوله قم اكملت قائله :.تفتكر تعارفنا كان صدفه؟
خالد :. معتقدتش يا ساره لاني فعلا اعرفك اعرفك من غير ما اقابلك ولا نتكلم اعرفك من غير ما اسمع صوتك اعرفك من قبل ما اشم حتي ريحتك..
ساره:. بس برضه ايه علاقه ده بالسحر يا خالد ؟
خالد :. قريت في كتاب قديم عن نظريه بيسموها الاسقاط النجمي ودي بتكون خروج يشبه خروج الروح
في علميا اسمه خروج الجسد المادي عن الجسد الاثيري
ساره:. ايوه يعني ايه مش فاهمه !!!
خالد:. كنت اعرف ان اثناء النوم روحنا بتروح لمكان اسمه البرزخ وده اللي بتتجمع فيه ارواح الاموات بنكون نايمين وبنتنفس رغم ان الروح خرجت !!
لما بحثت في الموضوع ده اكتشفت ان الروح مش بتخرج بره الجسم اساسا لان محدش يعرف اي شئ عن مكنون الروح ربنا نفسه قال ان علمها عنده
قعدت فتره ابحث لحد ما عرفت ان اللي بينفصل عن الجسم هو الجسد الاثيري مش الروح
الجسد الاثيري بيقدر يتواصل مع ارواح الموتي في البرزخ
ساره:. طب واحده واحده بس عشان افهم
خالد :. اللي اقصده اني حاولت اوصل لاي حد جربها لكن فشلت ابتديت ابحث في كتب السحر لحد ما وصلت لكتاب اسمه السحر الاسود
من الكتاب قدرت احضر اسوء ملوك الجن غلظه وشده
ومنه قدرت اوصل لطريقه الاسقاط ومش بس كده
دانا شوفت ابويا وامي واتواصلت معاهم
ساره:. يعني تقصد انك حلمت بيهم ؟
خالد:. لا يا ساره الموضوع مش مجرد حلم اناكنت قاعد في مكاني ونفذت طلسم كان عباره عن رسمه في نجمه داوود علي كل راس للنجمه مرسوم دايره في قلب كل دايره حطيت شمعه وابتديت اردد عزيمه اخدتها من الكتاب نمت مكاني بس زي ما يكون مكنتش نايم حسيت ان روحي طلعت وشوفت نفسي قاعد في النفس المكان يس دي مكانتش روحي ده كان جسدي الاثيري خرج من الاطار المادي كنت بتحرك بانسيابيه
قدرت اسافر لاماكن كتير في ثواني معدوده لاني مجرد طيف
روحي سافرت للبرزخ وقابلتهم عارفه حصل ايه ؟
ساره :. حصل ايه ؟
خالد:. ارواحهم رفضت تقابلني وقالولي انت ملعون !!!!
ساره:. ملعون! طب تفتكر ان اللي قابلتهم دول ارواحهم اساسا؟
خالد:. اه طبعا ارواحهم ماهو مش معقول اغلط في شكل اهلي يا ساره واكيد هكون عارفهم خصوصا اني حققت نظريه الاسقاط
ساره:. بص معتقدتش ان جسدك الاثيري مهما تخطي الزمن مس هيقدر يوصل للبرزخ خلينا نقول ان وقتها مكنتش مدرك فنتركزش مادام بتصلي متخافش بس برضه مقولتليش ايه علاقتي بالسحر
خالد:. ماهو زي ما قولتلك بدايه الحكايه كانت عن طريق السحر انتي نفسك بحس ان ظهورك في حياتي سحر
عموما يا ساره يلا نقوم دلوقتي عشان الوقت اتاخر ولازم تروحي ولو ينفع اتصل بيكي لما تروحي هتصل عشان اقولك ايه علاقتك بكل ده
(في شقه ساره)
ساره .. ازيك يا بطوط عامله ايه
الام .. الحمد لله يا بنتي عملتي ايه ف الجامعه والشغل
ساره.. اه يا ماما الحمد لله قوليلي يا ماما صح هو بابا مات ازاي
الام... يابنتي هوني علي نفسك احنا هنفضل كل شويه نفتح ف السيره دي سيبي اللي مات مات خليه يستريح في دفنته الله يسامحه ويغفرله
ساره.. الله يرحمه بس برضه لازم اعرف علي العموم هسيبك ترتاحي دلوقتي وبعدين نتكلم عن الموضوع ده
الام... تبتلع ريقها طيب يابنتي
ساره تأخذ هاتفها لتتصل بصديقتها هدير
ساره .. ايه يا دود صحي النوم انتي نمتي ولا ايه
هدير .. لا والله صاحيه بس قاعده قلقانه
ساره .. طب عندي خير ليكي بمليون جنيه وهتبوسيني كمان
هدير.. خير فرحيني اوعي يكون اللي ف بالي
ساره.. ايوه يا ستي دكتور ف المقطم اسمه رياض علوان هيخلصلنا الموضوع ب4 الالاف جنيه
هدير .... الحمد والشكر ليك يااااااارب
ساره .. ميعادنا بكره الساعه 10 الصبح
هدير... من 9 هكون عندك ف البيت الحمد لله الحمد لله
ساره... ماشي هستناكي
صوت رنين الهاتف ثانيا
(في شقه اسلام)
لم يكن حال اسلام يختلف عن صديقيه فالوحده والفراغ يصنعان من العالم فاسد ربما الفراغ قاتل اكثر من اصدقاء السوء
فمن يوم مولده لم يعرف له اب او ام كان يظن انه من نسل شيطاني
قضي طفولته مترجلا من زقاق لزقاق حتي اشفق عليه احدهم وقرر ان يتبناه
فاحسن تعليمه ولكنه تمرد عليه فيما بعد فالحرمان الذي عاناه لم يكن شيئا هينا
تعرف وقتها علي تجار للمخدرات بالمنطقه علموه كيف يصرفها لاصدقائه بالمدرسه ثم الجامعه حتي اتم تعليمه واصبح شبه ثري يجول الطرقات ليلا خفيه حتي لا يقع تحت طائله القانون
لم يتخذ له صديقا ابدا حتي الاقربون كان يحترس منهم فالغدر كان طابعا بداخله لم يستطع ان يغيره مما عاناه فكان ينتظر ان يوقع باقرب الناس اليه في الازمات حتي لا يوقعونه يوما ما
كان نائما علي مضعجه سمع رنين هاتفه يهتف باغنيه يا مرسال المراسيل لفاتنه الشرق
فتح عينيه بتثاقل :. الو مين ؟
ليجيبه الطرف الاخر :. ايه يا شقيق انا عصام انت لسه نايم
اسلام:. لا صحيت في حاجه ولا ايه؟
عصام:. اه عايزين حاجه حلوه زيك كده وتجيلي علي شقه الزمالك عشان عندنا قاعده حلوه
اسلام:. يابني اهمد بقي انت فرحك قرب وفر مجهودك ده لعروستك
عصام:. لا مانا مجهوداتي كتير فكك انت وهاتلنا ازازتين فودكا عشان كمان سالي معايا
اسلام:. وكمان سالي معاك طب مش عاملي مفاجاه وخليتها تجيب نادين صاحبتها ؟
عصام:. لا نادين ع وشك تابت
اسلام:. ههههههههعهه يابني هما دول بيتوبوا قولها اسلام هيجيبلك ازازه براندي هتلاقيها قلعت الاسدال وجت جري
علبس واجيلك اشطا
عصام :. يارب بس نلاقيلك نادين فاضيه فاضيه دلوقتي يلا سلام
اسلام:. ماهي طول عمرها فاضيه هههههه سلام
(في شقه خالد)
استيقظت مبكرا ف الثامنه خدت حمام دافئ وابدلت ملابسي ودخلت الشرفه
ظللت انظر للناس الماره ف الشارع كم من روايه تسكنهم وكم من مآساه تضنيهم وتؤرق انامهم
كم من ليل طويل مر عليهم اكلهم عقلاء ام منهم من هو مثلي لا اعلم ولكن ما هذا !!!!!!!!!
خالد :... ايه ده ساره ايه اللي معديها من الشارع ومين اللي معاها دي !..........
الفصل الخامس
نزلت من بيتي مسرعا كي الحق بساره وصديقتها ولكنني لمحتها وهما يهمان بالدخول لبيت الدكتور رياض فهو طبيب نساء وتوليد فصل من النقابه بعدما تسبب في موت معظم مرضاه ويعمل الان بلا قيد في العمليات المشبوهه ما بين اجهاض او تصحيح عذريه(ترقيع)
كدت ان اكذب نفسي تسحبت وراءهما كي اعرف سر هذه الزياره المريبه لمثل ذلك الطبيب سئ السمعه
وقفت خارج البيت لبعض الوقت بالتقريب نصف الساعه او اكثر
حتي سمعت صرخات اقشعر بدني لها
دخلت سريعا لاجد صديقة ساره غارقه ف دمائها وساره تضرب الطبيب بكل ما بها من عزم
خالد لائما اياها :. ايه ده ايه اللي حصل هنا ومين دي ؟
نظرت ساره الي صاحب الصوت فوجدته خالد فردت بفزع :.. خالد انت جيت هنا ازاي !!!
الطبيب :. خدوها بسرعه علي اقرب مستشفي ولو حصل حاجه متجيبوش سيرتي
نظرت اليه ساره باستحقار واردفت محذره إياه قائله ... وحياه امي ما هسيبك لو حصلها حاجه فاهم
خالد بسلاسه :.. احنا ف ايه ولا ف ايه يلا بسرعه
اخذت صديقة ساره وساره واستقلينا اول سيارة اجره لاقرب مستشفي
خالد بلوم:.. انتوا ايه اللي جابكم هنا اصلا ده دكتور زباله جدا وشغله كله شمال
ساره بتلعثم .. والله غصب عني يا خالد هدير صحبتي عندها مشكله وفرحها قرب وهي مش بنت اضطريت احللها المشكله بس الدكتور طلع واطي وحاول يغتصبها بدل ما يساعدها
نظر اليها خالد خائبا الوفاض :. ايه !!!! بتقولي ايه ؟
ساره برجاء:. مش وقته دلوقتي الاهم ياخالد نطمن عليها
ظللت صامتا اثر الصدمه حتي اخرجنا السائق من صمتنا
سائق التاكسي.. يلا يا استاذ وصلنا
خالد .. حاضر ياسطي اتفضل حسابك اهه
اخذت هدير صديقه ساره وحملتها الي المستشفي حتي اتي المسعفون سريعا من استقبال المستشفي لعمل اللازم
اتصلت بصديقي اسلام حتي يساعدني ف مصيبتي ولم يتاخر بالعكس ظل بحذونا جانبا الي جنب
تقرير الطبيب كان انه انتهاك لجهاز هدير التناسلي مما سبب لها نزيفا
والحمد لله استفاقت هدير ظلت ناظره لساره فاخبرتها اني بالخارج طلبت هدير ان تراني بالتاكيد كان خجله مما حدث
دخلت انا واسلام اليها ولكن الصدمه كانت اكبر مما ينبغي
نظرا اليها اسلام لدقائق مصدوما ثم خرج عن
صمته قائلا
اسلام... ايه ده هدير وساره ايه اللي حصل
ساره.. اسلام هو انت صاحب خالد
اسلام .. ايوه يا استاذه صاحب عصام خطيب صحبتك المحترمه
ساره.. يابني انت مش فاهم حاجه هدير مضحوك عليها ضحيه مجني عليها
خالد:. ياجماعه فهموني ف ايه
ساره.. انت تخرس خالص انت السبب ف كل اللي بيحصل ده
خالد واسلام ف نفس واحد ليه هو انا اللي مش بنت بنوت ولا ايه ولا انا اللي فرطت في نفسي!!
ساره.. طب متقولوش لعصام حاجه لحد مانفهم الحكايه مممن
اسلام غادر المستشفي بعدما همهم همهمات غير مفهمومه
وظللت انا معهما اريد ان افهم ما يجري
خالد. والله يا ساره انا معرفش ان هدير خطيبه صحبي والله مكنت اعرف حاجه فعلا
ساره.. خلاص اللي حصل حصل
خالد:. عمتا انا هسيبكم دلوقتي والف سلامه عليكي يا هدير وانا اخدت رقمك وهتصل بيكي دلوقتي سجلي رقمي وانا هقف جنبك ف اي وقت متخافيش من اي شئ بجد
هدير باكيه .. اسفه جدا ومتشكره ع وقفتك معايا
غادرت المستشفي ف الحال لم يكن لي رغبه ف العمل هذا اليوم انطلقت الي بيتي افكر فيما حدث اليوم من ساره وهدير وماذا سيفعل عصام حين يخبره اسلام بما حدث ......
ظللت افكر ف رد فعل عصام حين يخبره
اسلام بما حدث
غرقت في كم طويل من الافكار اللامتناهيه اواسي صدمتي بكلام ساره فربما صديقتها تكون مجني عليها حتي رن هاتفي برقم هدير
خالد:. سلام عليكم ازيك يا انسه هدير دلوقتي
هدير... لا يابني انا مش هدير انا مامتها بنتي حكتلي على اللي انت عملته عشانها وعايزاك تيجي تتعشي معانا عايزه احكيلك كل حاجه
خالد:. متشكر يا امي انا ماعملتش حاجه المهم هي كويسه؟
الام.. تعالي بس هبعتلك العنوان ف رساله دلوقتي عشان هدير حكيتلي كل حاجه وعايزاك تقف جنبنا انا عارفه هنتعبك معانا بس صدقني يابني ملناش غير ربنا ويمكن يكون ربنا رمانا في سكتك عشان تساعدنا خصوصا يعد كلام ساره عنك وانك جدع وابن بلد
خالد:. حاضر يا امي مستني الرساله سلام
ماهي الا دقائق معدوده حتي رن هاتفي ليخبرني برساله بها عنوان هدير
ارتديت ملابسي للمره الثانيه
ولكني اتصلت بساره لاخبرها بأمر المكالمه وطلبت ان اقابلها قبل الزياره فوافقت علي الفور
انتظرتها في نفس ذات المكان الذي تقابلنا فيه بالامس لاكثر من نصف ساعه حتي أتت بابتسامه باهته تحاول ان تداري بها خجلها مني
وقفت ومددت يدي لاسلم عليها
ازيك يا ساره انا اولا بعتذرلك على كل اللي حصل صدقيني مش ذنبي انا لما شوفتك انتي وهدير داخلين العياده دي اتصدمت وعشان كده جيتلكم
ساره:. مش ملاحظ حاجه يا خالد ؟
خالد:. حاجه ايه ؟
ساره :. اننا بنتقابل في كل مكان بنروحه حتي صحبتي طلعت خطيبه صاحبك مش غريبه دي؟
خالد:. انا عارف انك ممكن تفتكري اني براقبك او مم.....
قاطعته ساره قائله:. لا مكنتش بفكر في كده انا كنت بحلم بحد شبهك كتير بس مش فاكره ايه الحلم في وغوشه مش عارفه
لدرجه اني لما شوفتك حسيتك تشبه اخويا حسام
اسلوبك نفس الاسلوب حسيتك نفس الدم
وللسبب ده حابه تكمل كلامك اللي قولته امبارح
ساره:. عايزاك تكمل كلام المره اللي فااتت يا خالد
خالد:. اني كلام ?
ساره:. لما كنا في الكافيه فاكر كنا بنقول ايه ؟
خالد:. اه طبعا موضوع الاسقاط وانتي وقتها قولتي انك قريتي عنها في كتاب للسحر لقيتيه عندك
ساره:. لا انا عايزاك تحكيلي عني انا خصوصا انك قولت انك تعرفني من قبل ما تشوفني صح كده؟
خالد :. تمام بصي يا ستي هحكيلك الحكايه من اولها
ايام مراهقتي واول حب وده هيربطلك كل الاحداث ببعضها
ساره بفضووول:. احكي
خالد:. لما يكون شاب وحيد تماما وفقد كل عيلته بيحس بفراغ موحش جدا بيحس انه لو مات محدش هيعرف بيحس انه زي الارض البور اللي جار عليها الزمن لا بتفيد حد ولا بتنفع حد اي كلمه من اي حد بتاثر فيه
بيكون ماشي ودايما خايف .....خايف حتي من خطواته .
ده اللي حصلي يا ساره.... انا شخصيا تعبت كتير جدا
لحد ما ابتديت اخد علي كده ......واشتغلت في ورشه من الورش الحرفيه
كان في سنترال علي اول الشارع كنت بتصل بصاحب الشغل يوميا اتابع معاه اللي بعمله خصوصا ان مكانش معايا فون وقتها....
ساره:. وبعدين كمل
خالد:. كان في بنت اصغر مني بسنه بتقف في السنترال فيما بعد اكتشفت انه سنترال ابوها ....من اول ما شوفتها مبقتش حاسس بنفسي
بقيت كل تلت دقايق اروح اعمل اتصال حتي لو لارقام مجهوله عشان بس اشوفها
وفي يوم لقيت ابوها مكانها في السنترال عرف اني شغال في الورشه اللي جنبهم
وعشان صغر سني عرض عليا اشتغل معاه بدل البهدله اللي كنت فيها بصراحه مترددتش ثانيه ووافقت ماهو فعلا قدملي شئ كنت بتمناه كان كفايه جدا اكون جنبها
وبقيت شغال معاه عشان بس اشوفها .....
ساره:. تقريبا انت كنت مراهق صح
خالد:. اه تقريبا سن 18سنه بس منسميهاش مراهق لان اول حب ده بيفضل معانا لحد اما نتجوز ونخلف وولادنا يتجوزوا
اول حب هو الحب الوحيد اللي منقدرش ننساه......
سوري زي اول لمسه ايد اول بوسه اول كلمه بحبك
زي ليله العيد في قلب طفل
زي ليله الفرح في قلب عروسه بكر
ساره:. احم كمل يا خالد
خالد:. اشتغلنا سوا كنت بفضل طول الوقت متابعها بعيني
مش بعمل حاجه ابدا غير بس ابصلها
اخدت بالها اكيد ماهو الحب فضاح مبيستخباش يا ساره
ساره:. زي نظرتك ليا كنت بتبصلها نفس النظره ؟
خالد:. انتي حقيقه تانيه يا ساره وليكي معايا قصه طويله اووي مش عارف اساسا عيشتها ولا تخيلت اني عيشتها
لو 1+1=3 زي ما اثبت علماء الرياضه يبقي انا عيشت الحقيقه
ساره:. وايه هي الحقيقه ؟
خالد:. اني شوفتك وقعدت معاكي بس خلينا نكمل حكايه غاده وبعدها حكايتي معاكي
ساره:. طب كملها بسرعه طاه
خالد:. هههه حاضر
المهم فضلت معاها فتره لحد ما اعترفتلها اني بحبها وقتها مفرقش معايا الشغل لاني اساسا وافقت علي الشغل عشان اكون جنبها وارتبطنا وبقينا صبح وليل سوا
لحد ما في يوم شوفتها وكانت مبسوطه جدا
والله كنت مبسوط عشانها بس سالتها ايه مفرحها كده
عرفت ان ابن صاحب البرج اللي هي ساكنه فيه اتقدملها
وانها موافقه كمان تخيلي !!!
سألتها طب وانا ؟!!
قالتلي اني لسه صغير ادامي سنين عقبال ما اقدر اتقدم
وكمان انها مش هتسيب بيت ابوها غير لو راحت بيت اكبر
ماهو مش هتسيب بيت صاحب السنترال وتتجوز واحد شغال عندهم
علي فكره ده كان كلامنا ولازالت الجمله محفوره في دماغي (انت شغال عندنا يا خالد )
ساره:. والله انت الكسبان يابني غارت في داهيه
بص يا خالد دايما اللي بيبص للمظاهر وينخدع فيها بيقع في واقع اسود يسود عيشته
المهم كمل رد فعلك كان ايه احكيلي ?
خالد:. سلبي كالعاده سيبتلها المنطقه بالقاهره كلها وسافرت اسكندريه
منا مليش حد في القاهره
ساره:. طب واهلك يا خالد فين انت قولت المره اللي فاتت ان ليك ذكريات معاهم بس مش فاكر كل حاجه معني كلامك انك فقدتهم وانت كبير طب هما فين
خالد:. كل شئ له وقته يا ساره انا بحكيلك وبجمع اللي اعرفه ها اكمل ؟
ساره :. كمل يا خالد
الفصل السادس
خالد:. بقيت ماشي في اسكندريه لحد ما وصلت للبحر ونزلت الميه اللي فعلا بكرهها نزلت وانا مغمض ومستسلم زي ما استسلمت ليها لما كسرتني نزلت صرخت بصوت عالي للبحر انا مش عايز حاجه لو تقدر تخلصني خلصني
حسيت ان الموج بياخدني ونفسي اتكتم وروحت في عالم تاني
بس في حد طلعني من الميه كنت مستسلم تماما
عارفه مين اللي طلعني ؟
ساره:. مين ؟
خالد :. انتي ياساره انتي اللي انقذتيني من الموت بصتيلي بنظره كلها امومه نظره اتحرمت منها نظره ام بتحب ابنها
طلعتيني وطبطبتي عليا ومشيتي غمضت عيني تاني ولما فوقت ملقيتكيش يا ساره
اختفيتي من ادامي ؟
ساره بذهول :. مش انا يا خالد اللي طلعتك من الميه جايز حد شبهي
خالد بابتسامه:. عارف يا ساره انه مش انتي لانك استحاله تنقذيني مرتين
ساره :. مرتين !!!!
خالد:. ايوه مرتين بس هحكيلك بعدين بقيت الحكايه لانك اتاخرتي
ساره:. لا مستعده اسمع دلوقتي يا خالد
خالد:. لا روحي عشان محدش في الشارع يبصلك بصه وحشه بسبب تاخيرك يلا بينا
طلبت فاتوره الحساب وترجلنا خارجين
ولكنها اتصلت بي ثانيا بعدما خرجنا لارد عليها
خالد :. طبعا عندك فضول تعرفي شوفتك تاني ازاي
ساره:. بصراحه اه اصل اما انت مجنون او انا اللي مجنونه
خالد:. الحياه عموما مهيئه للجنون سيناريو مش متوقع بتوقيع القدر
بس انا متاكد انك مش انتي جايز جسمك الاثيري هو اللي انقذني يا ساره
ساره :. بس جسمي الاثيري هيكون طيف طب ازاي هينقذك
خالد :. هتفهمي بعدين يا ساره
المهم بس متخيله الوحده ممكن تعمل ايه ممكن تخليكي تقعدي علي الانترنت اربعه وعشرين ساعه من غير ملل او كلل
لحد ما اتعرفت عليها
كانت بنت جميله جدا تحسيها حوريه من الجنه
زمان يا ساره قبل الانترنت الحب كان جميل جدا البوسطجي وهو بيبعت رسايل الحب المعطره بعطر الياسمين
اغاني عبد الحليم في اسطوانات للجرمافون
دلوقتي معظم علاقات الحب بتكون عن طريق الانترنت وده اللي حصل معاها
اتعرفت عليها في جروب وكانت بتنزل بوستس كتير جدا وانا كنت بعلق عندها في كل بوست لحد ما اتعرفت عليها واتكلمنا علي الخاص
كلمه في التانيه واتفقنا علي يوم نتقابل فيه
وفعلا اتقابلنا ومكنتش مصدق نفسي ....
اظن ان اللي كتب قصيده كامل الاوصاف لو شافها هيكتب قصيده بعنوان حوريه الجنه
بس للاسف يا ساره مفيش حد كامل الاوصاف
لو قولتلك اننا عيشنا قصه زي القصص الاسطوريه اللي بيتكملوا عنها سواء قيس وليلي او انطونيو وكليوباترا مش هتصدقي
بس ده اللي حصل
حسيت انها عوضتني كتير اوي
من سنين كتير ياساره وانا لقيت نفسي لوحدي امتي وازاي مش عارف
كل اللي اعرفه ان ابويا وامي واخويا ماتوا بس من شهادات وفاتهم
طب ازاي ماتوا يا ساره مش عارف ومش قادر افتكر حتي
حسيتها ام ليا وائتمنها علي كل شئ
حتي مستقبلي مفرقش معايا ضيعته عشانها
ساره :. ضيعته ازاي ؟
خالد:. هي لعبت معايا نفس اللعبة بتاعت كل البنات
ان ابوها جابلها عريس ومش هتعرف ترفض بس جايز لو انا اتقدمت تقف جنبي ضد الدنيا وضدهم
ساره:. وطبعا اتقدمت رغم انك من جواك متاكد ان مفيش لا عريس ولا بتنجان
خالد:. بالظبط كده وطلبوا مني شبكه بمبلغ ضخم وقدرت اجيبها
حددنا المواعيد وطبعا روحت لوحدي لاني فعلا لوحدي وتمت الخطوبه الغريبه انهم وافقوا عادي اساسا رغم ان معظم الناس بتخاف من اي عريس مقطووع من شجره!!!
الفرح كان متتحددله ميعاد بعد تلت سنين لاني كنت بدرس في الجامعه
اضطريت ادخل جمعيه مع اهلها بمبلغ كبير
وده كان شئ مرهق مع دراستي ولاول مره احطها في مقارنه مع مستقلبي وللاسف اختارتها
ساره:. اعتقد ان الوقت اللي اختارتها فيه مفكرتش اصلا
انت تقريبا حتي محطيتهاش في مقارنه يا خالد مع مستقبلك
خالد:. انا هكلمك ع اعتقادي يا ساره
لما تعرفي ان في سمكه في البحر والسمكه دي في جوفها جوهره هتطمعي في الجوهره وهتبني عليها مستقبل حتي لو مبتعرفيش تعومي هتنزلي وتجازفي بحياتك وكمان هتكوني مصره انك تطلعي بالسمكه وجايز لو موتي هتموتي وانتي ماسكه السمكه
هو ده بالظبط اللي حصل معايا طمعت
شوفت معاها حياه تانيه... شوفت عيله واهل ...شوفت ام جديده
نسيت نفسي ورميت مستقبلي عشانهم
ساره:. وبعدين حصل ايه ؟
خالد:. في يوم لقيت ابوها بيتصل بيا وبيشتمني كنت مستغرب جدا جدا من اللي بيحصل حتي لساني وقف عن الرد تفكيري عجز عن التفكير فسكت
وكمان حددلي ميعاد اروح اقعد معاهم
روحت لقيتهم عاملين قاعده عرب.... تخيلي البنت اتهمتني اني اتحرشت بيها !!!
ساره:. بس اللي اعرفوا ان قاعده العرب لازم يكون فيها شهود علي اللي حصل هل كان في شهود؟
خالد:. ههههههه ده في حاله لو عيلتين كبار قعدوا مع بعض
لكن دي كانت عصابه قصاد شاب صغير معندهوش اي خبره تفتكري هيحصل ايه !
سكتي !!!!
طب هقولك هيحصل ايه هيلبس هو الحق
ويتاخد شبكته والمبلغ اللي ائتمنهم عليه ولو عنده املاك يقدروا ياخدوها وده بالعرف وبيحصل
هيتاخد منه كل شئ ويطلع حتي من غير هدومه
وده اللي حصل اخدوا كل شئ
ساره:. وطبعا انت محملهم كل شئ ضياع دراستك وضياع فلوسك وطبعا حلمك
عارف ليه لانك كنت سلبي يا خالد
ومكنتش حتي بتفكر
خالد:. او عشان لوحدي معنديش سند يسندني
انا يعدها رجعت لنقطه البدايه وانتحرت للمره التانيه يا ساره وشوفتك انتي
ساره:. مش يمكن بيتهيألك يا خالد مش معقول تكون شوفتي مرتين بنقذك
خالد:. مش بيتهيألي لاني من وقتها يا ساره وانا بقيت بكتب عنك بقيتي شاغله كل تفكيري
سميتك سما نكون زي بعض
انا بقت شهرتي بحر بعدها بقيتي انني السما ....
عارفه زمان لما كنت بسمع ان السموات 7 كنت بسال ليه السموات مش 8 اكتشفت انهم فعلا 8 لما عرفتك رسمتك في خيالي
وحتي رسمت ليكي رسومات كتير في اوضتي عشان اشوفك كل يوم ادام عيني
بقيت اكتب روايات وانتي بطلتها
صنفت نفسي بطل لرواياتي بس بشرط انك تكوني البطله
كل حكاياتي كنت بسميها بحر وسما
انا عارف ان الكلام ده جايز يكون جنوني بس صدقيني انا بحبك
انتهت المكالمه بعد ساعه ونصف تقريبا
كنت امام بيت هدير
استقبلتني امها استقبال حافل وعرفت من كلامها معي انها تعيش هي وابنتها وحديهما بعدما انفصلت عن والدها من عشر سنوات ولم يعرفا شيئا عنه منذ ذلك
خرجت الينا هدير مطأطأه راسها كي تحكي لنا ماحدث
خالد:. ازيك يا هدير دلوقتي ؟
هدير .... الحمد لله كويسه انا هحكيلك كل حاجه عشان عارفه انك انسان كويس وهتصدقني انا مش بنت وحشه والله انا هحكيلك كل حاجه من البدايه خاااالص
من اربع سنين
(فلاش باك)
هدير .. ماما اطلعي بره مش عايزه اقعد مع حد سيبيني لوحدي بقي
الام.. يابنتي ايه اللي جرالك لا بتاكلي ولا بتشربي ولا حتي عايزاني اكون جنبك
هدير ... ليه فارقه معاكي اوي مانتي زي طليقك مع اول فرصه تجيلك هتسيبيني انا اصلا مكانش ليا غير تيته الله يرحمها سيبيني بقي
كنت غارقه ف دموعي انعي حزني علي جدتي والده امي فهي كانت املي الوحيد ف الحياه بعدها هرب ابانا مننا من ست سنوات حتي وف يوم من الايام تحدثت مع صديقه ليا اوهمتني بانني استطيع تحضير روح جدتي واعيش حتي ولو مع طيفها
صدقتها وامسكت طرف واهي من حبل الاوهام كنت اظنها صديقتي الصدوقه كان عليا ان اذهب معها الي شيخ او كما اوهمتني انه عالم كبير ف علم الروحانيات وانه سيساعدنا لوجه الله حتي استرد شتات ما تركني
وبالفعل قابلتها وياليت هذا ما حدث
هدير.. ازيك يا نهي عامله ايه
نهي بابتسامه صفراء :.ايوه يا عم وشك مورد النهارده مانتا خلاص هتوصل للسر اللي نفسك توصليله
هدير.. انتي بتتكلمي بجد يعني فعلا ممكن الشيخ حسني ده يوصلني للير اللي ابويا هجر امي عشانه
نهي.. طبعا يابنتي ده حضر روح عمي ادامي قبل كده وساعات لما بكون محتاجه اكلمه بلاقيه حواليا واحلي حاجه في مولانا انه مش بياخد فلوس
خالد:. معلش هقاطع كلامك يا هدير انتي كنتي مصدقه ان ف حد يقدر يحضر روح ميت ده ربنا نفسه بيقول ويسئلونك عن الروح قل علمها عند ربي
طب كنتي مصدقه انه يقدر يتواصل مثلا مع ارواح ناس عايشه ويعرفلك سر من الغيبيات ؟
هدير:. تتكلم شبه باكيه..... انا مفكرتش ف حاجه ومتنساش اني كنت لسه صغيره وماما كانت بعيده عني ومكانش ليا اب يفهمني و يعلمني كنت عايزني اعمل ايه يعني وغير كده اعرف ان الغيبيات سهل نعرفها بالقرين لان في فرق بين الغيبيات والغيب
الغيبيات دي بتكون حصلت زمان اما الغيب ده اللي هيحصل لسه فاهمني
الام :. حقك عليا يا بنتي انا اللي غلطانه لو كنت حكيتلك كل حاجه من الاول مكنتيش وصلتي للي وصلتيله
خالد مقاطع كلام الام :. يلا مش وقته دلوقتي كملي
كلامك
يدق جرس الباب تقوم الام من مجلسها
تفتح الباب لتفاجئ بعصام يقف بنظره متهجمه بالخارج
اذنت له الام بالدخول فتفاجئ بوجود خالد بالداخل جالسا وامامه هدير
عصام... اهلا وسهلا بخالد الجدع الكويس . والله كنت حاسس اني هلاقيك هنا ايه يا كويس عرفت ان خطيبه صحبك واخوك طلعت شمال فجاي تاخد نصيبك؟
خالد:. انت بتقول ايه يا مجنون انت هو اسلام قالك ايه بالظبط ياغبي
الام.. طيب يابني اقعد وافهم كل حاجه مننا بدل الفضايح دي
عصام.. بدل ايه يا حاجه اقصد بدل ايه يا ام الـ ياام المحترمه الفضايح هو انتوا مش مفضوحين!!!
هدير... انت تخرس خالص مكنتش اعرف انك ندل كده على فكره
عصام .. اه ندل انتي لسه شوفتي نداله يلا يا بت انتي هاتي شبكتي ومش عايز اعرف عنك حاجه تاني وإلا قسما بالله هفضحك في كل حته بجد
اغرورقت عيون الام بالدموع فتكلمت علي استحياء قائله : .. يابني استهدي بالله ده فرحكم بعد كام يوم اقعد بس والله هنفهمك كل حاجه وبعدها قرر براحتك انا بنتي والله مفيش احسن منها
ضحك عصام ثم اردف قائلا: ... فرحي ع مين ع المومس دي ليه فكراني بقرون بالنسبالك وانت ياخالد طلعت شخصيه وسخه زيهم مش عايز اعرفك تاني.
لم اتمالك اعصابي فانهلت على عصام بوابل من اللكمات حتي سال الدم من فمه
عصام ... طيب يا خالد وحياه امي هتموت النهارده
خالد . هدير ارميله شبكته وغوريه من هنا بدل ما اصورهولكم قتيل
اخذ عصام شبكته وخرج مسرعا الي حال سبيله
مكثنا ف حاله من الذهول والصمت مما جري ومما يجري ومما سوف يحدث
تعليق كتير ومتابعه انزل الي بعده
 الفصل الرابع والخامس. والسادس كانت امامي مرتديه تنوره بيضاء تنظر الي من بعيد وخصلات شعرها الكستنائيه تتدلي من فوق منكبيها تضم…){kind=link}
انا متابعة حضرتك وكل القصص حلوه شكرا
ردحذف