(فتاة القطار)
الفصل الاول والثاني والثالث
(مستوحاه من قصه حقيقه)
ها انا من جديد اكتب عنك حبيبتي اكتب عن احلامنا عن ذكريات كانت ولا زالت تقتلني تغيم على ابتسامتي ليلا لتلقيها بين رماد الاحزان ...
الا تتذكري يومنا الاول حين تقابلنا ف محطه مصر
كنت اتيا من المقطم على عجله من امري حيث تأخرت عشر دقائق فقط ليفوتني القطار المتجه للاسكندريه
لم اكن احب ابدا السفر لتلك المدينه المليئه بالغموض فانا اؤمن ان كل ما له بحر له سر
وقد رميت اسراري داخل اعماق شاطئها لاخرج منها شخص اخر ككائنات الزومبي بلا روح ربما تشعر فقط بالمعاناه اما عن الحب الشهوه الغريزه الامل فلا
فقد ظننت انها تركتني في ذلك اليوم الذي قررت الخلاص فيه من حياتي السوداء اسفل غيابات البحر لمرتين متتاليين ظننت وقتها اني غير مرغوب بي في الحياه وايضا الموت لا يريدني كالجرثومه التي قضي الديتول علي تسع وتسعون من عائلتها وتركها وحيده تعاني سكرة الموت لا الحياه تريديها ولا الموت يبغيها
اما عن اليوم فالتأخر كان مني ليفوتني قطار الموت لربما اراد الله تأخيري لكي لا اعود لشاطئ الموت
عذرا فالموت الاسود سيد الكلمات
قررت الاستراحه بكافيتيريا المحطه منتظر القطار الذي يليه
ولحسن حظي اراكي على المنضده المواجهه لي سارحه في الفراغ او ربما سابحه في كوكب اخر فلم اكن اعرف ان تلك الارض قد يخرج منها ما يشبه اهل السماء
انتي الفتاه التي اقتلعت قلبي من جذوره
كنتي تبدين وكأنك ف الخامسه عشر من عمرك بعيونك الرماديه وشعرك الكستنائي وشفتيكي المكتزه
كنت اريد ان الفت انتباهك ان اقتحم عقلك مثلما تسللتي الي اعماقي بانسيابيه عروس البحر في قاع المحيط
ظللت احدق بكي كثيرا
حتي اتاني نادل الكافيتريا لقطع حبل افكاري ويسئلني ع طلباتي اللعنه عليك وعلي كافيتريتك وعلي قطارك اللعنه عليكم اجمعين
نظرت له بشرود بعدما سببته في نفسي ثم طلبت شطيرتين وعصيرا فقط لاعبر ثانيا عبر مجرات عينيكي
تركني النادل ليوافيني بطلبي
وفجأه اختفيتي من امام ناظري
يالصدمه اكنت اتوهم وجود الملاك هذا ام انها كانت موجوده بالفعل واختفت
ايعقل ان تختفي النجوم فجأه من باطن السماء
اذا كانت اجابتك لا فأنا جننت
مر بعض الوقت لا اعلم هل كانت دقايق ام سنينا
لقد بدوت متوترا كثيرا
وفجاه سمعت صوت ساحرا اطرب اذاني بل سرقني من الارض عابرا بي ثانية لعنان السماء
حضرتك طلبت سندوتشين وواحد عصير ؟
اغمضت عيني استمتع بهمساتها وفتحتها لاجدها امامي باسمه
ايوه اه انا طلبت كده
وضعت امامي الطلبات وذهبت
لاكتشف انها عامله ف كافيتيريا المحطه
كانت بالنسبه الي فرصه ذهبيه لاتعرف اليها نسيت مشاكلي وهمومي نسيت نفسي بل ظننت اني فقدت الذاكره
فانا الشاب الذي عاش فتره طفولته مدللا ف احضان امه التي لا اتذكر عنها شيئا
فعقد من الزمن قد تاه معي
نسيت كل ما حدث نسيتي سنيني الاولي اتذكر اشياء بسيطه اما عن حياتي فلا اما عن ابي وامي واخي
اعرف انهم قد ماتوا ولكن كيف ؟ متي؟ فالحقيقه لا
ظللت اعمل حتي الجامعه تركتها منذ امد بعيد
حاولت التقديم ف عده وظائف ولكن لاننسي اننا ف مصر ولن نجد ما نريده وحينها قررت ان ارحل لمكان اخر
مللت من قله فرص العمل ف القاهره وجال ف خاطري البحث ف مدينه الاسكندريه حيث موسم الصيف وهو الفصل الحافل بالنسبه لها
كنت سابح ف اعماق اعماقي افكر فيما مات من عمري هباء وما سيأتي حتي سمعت صوتها ليخرجني مره اخري من شرودي قائله :. انت كويس
انا بذهول . اه اه تمام هاه اشمعنا ؟؟
الفتاه بحرج.. لا اصل لقيتك عينيك مدمعه اسفه لو بتدخل بس ممكن اقعد معاك شويه
انا بفرحه.. اه طبعا ياريت اقصد اتفضلي
الفتاه بابتسامه حرجه :. ماشي يا سيدي
يعني ولا شربت ولا اكلت الاكل هو مش عاجبك ولا ايه وشكلك شايل هموم الدنيا ع كتافك
انابابتسام صفراء :.لا والله الحمد لله بس بفكر ف بكره والقطر اللي فاتني ولسه هدور ع شغل وحالي بالبلي الازرق يعني
الفتاه بحنو واضح .. طب احنا محتاجين حد يشتغل معانا ايه رايك اكلمك المدير وتنزل من بكره
انا ... بجد
الفتاه :. طبعا بجد هو الكلام ده فيه هزار بس قولي اسمك ايه ومنين وكم سنه وكل حاجه يلا عشان نخلص تحقيق قالتها وهي تضحك
انا .. طيب يا ستي حققي براحتك
انا خالد وعندي 25 سنه ومن القاهره اه اه وبكالوريوس تجاره كمان
الفتاه .. تشرفنا يا عم وانا ساره برضه من شبرا 22 سنه شغاله هنا من فتره ومبسوطه في المكان جدا
بص هسيبك انا عشان شكلي بقي وحش جدا من قعدتي معاك وده رقمي كلمني بكره عليه هكون ظبتلك مع المدير موضوع الشغل ومش تسافر بقي ورب هنا رب هناك
خالد.. حاضر متشكر اوي اوي مش عارف اقولك ايه
ساره. متشكرنيش يا عم دانا شبراويه يعني اجدع ناس ف بلدك
#يتبع
(فتاة القطار)
الفصل الثاني
غادرت محطه القطار بعد ان ودعت ساره لابدء حياه جديده ممزوجه بالامل والتفائل. استقلت اول سياره اجره من محطه مصر للمقطم واخيرا وصلت لمنزلي بعد محادثات ومفاوضات كثيره مع سائق التاكسي عن الكره والسياسه وموضوعات كتير لا احبها من الاساس ولكن مضطر في التحدث عنها معه فالسائق كان ثرثارا كعادة اصحاب تلك المهنه
دخلت منزلي لاجده خاليا كعادته بلا نفس بلا روح بلا حياه تنبض بعد
شعرت باحتياجي الي الله فتوضأت وقررت الصلاه بعد سنوات في الظلام
ان اخبرتكم اني بحثت عن سجاده الصلاه لاكثر من نصف ساعه لن يصدقني احد ربما قررت السجاده الرحيل بعدما يأست من ان اقتنيها في أي يوم
يبدو ان بيتي لم يعد يشبه أي بيت من بيوت المسلمين ولكن بعد مشقه وجدتها في حاجيات امي الراحله بلا سبب .... الحاضره في قلبي
ربما كانت عائلتي اخر صله بيني وبين الاسلام حتي قررت التوبه من جديد
(في محطه القطار)
تسير ساره مضطربه حتي تصل الي مكتب صاحب الاستراحه بالمحطه
طرقت علي الباب مرتين فأذن لها بالدخول
ساره.باضطراب:.. استاذ محسن ممكن اطلب من حضرتك طلب ؟
محسن :. اتفضلي يا ساره
تلعثمت ساره ثم اردفت :. امممم في شاب جه النهارده وسئل ع شغل وانا عارفه ان حضرتك محتاج ويتر معانا
ضياء .. تمام ماشي خليه يعدي عليا بكره وانا اشوفه لو لبق وعنده خبره هنزله
بدت الفرحه علي ملامح ساره بعدما قالت : .. متشكره جدا لحضرتك يا استاذنا وعموما حضرتك شوفته امبارح كان قاعد وسط الزباين وطلب سندوتشين وعصير اكيد شوفته صح ؟
نظر اليها ضياء رافعا احدي حاجبيه وهو يخفي ابتسامته ثم اردف قائلا :. ع اساس ياساره ان هو طلب حاجه مختلفه فهاخد بالي منه ولا انتي شايفاه مميز في حاجه
احمرت وجنتي ساره فتراجعت خطوتان الي الوراء ثم قالت بعجل تريد ان تنهي ما بدأته :. هاه اه فعلا عندك حق اسفه
ضياء تملكه الفضول فتنهد قائلا :. غريبه اوي !
مهتمه بيه كده ليه خصوصا اني اول مره اشوفك مبسوطه عشان هشغل حد...
ساره متفكره :. انا لالا ابدا بس عشان بيفكرني باخويا الله يرحمه فيه شبه منه فحبيت اساعده وبس وللسبب ده حسيته مميز فيمكن عشان انا ركزت فافتكرت حضرتك اخدت بالك زيي
ضياء بحنو .. الله يرحمه انا اسف يا ساره طيب يلا شوفي شغلك عشان ورديتك قربت تخلص
ساره بارتياح:. . بعد اذنك يا فندم
ضياء بابتسامه :. اتفضلي يابنتي
لم تفارق ابتسامه ضياء حتي اختفت من امام ناظره
اسرعت ساره في المضي من امام ضياء وظلت تتفكر هل سيظن انها تحبه
نفضت افكارها ولكن ف داخلها كانت تنتظر مكالمه خالد لتخبره عن موافقه المدير حتي تدخل البهجه الي قلبه من جديد
انهت ساره ورديتها بالعمل بعد ساعه فاتجهت الي مترو الانفاق متجهه الي شبرا وما ان وصلت الي بيتها حتي تفاجئت بأمها مستلقاه علي الارض مغشيا عليها
خرجت مسرعه لتستنجد بالجيران ولحسن حظها كان الطبيب ماهر الذي يقطن بجوارها لازال بالبيت وعلي فوره استجاب لندائها احضر حقيبته الطبيه ثم حقنها بالجلوكوز انتظروا وقتا ليس بالقليل حتي استفاقت الام لتجد ابنتها ساره جالسه هي باكيه بجوارها وحين افاقت ظلت تقبل يدها ورأسها شاكره الله علي سلامتها
فتحت الام عينيها بثقل فوجدت ساره تقبلها فتعجبت !!
الام .. ايه ياساره حصل ايه؟
ساره.. ماما حمدلله علي سلامتك مش انا قولتلك متعمليش حاجه لحد ما اجي من الشغل كده تقلقيني عليكي يا بطوط
الام بحنو :. والله انا قلت اخف الحمل عليكي بتروحي الجامعه وتخلصي تروحي شغلك وكمان بتيجي تخدميني حبيت يكون عندي دم واشيل عنك
ساره بلوم :. ياماما ده كله علي قلبي زي العسل وبعدين انا ما اشتكيتش بالعكس انا مبسوطه اوي اوي يلا يا ماما متعمليش كده تاني عشان خاطري
شوفتي كمان جيراننا بيحبوكي ازاي وكلهم كانوا جنبي وكانوا خايفين عليكي جدا
تنظر الام لتجد انها محاطه بنظرات الجيرات المبتسمه لها لتتكلم بخجل :. انا متشكره اوي ليكم مش عارفه من غيركم كنت عملت ايه
ابتسم الطبيب اليهم ثم اردف قائلا .. لا شكر علي واجب يا حاجه ولا اقولك يا بطوط هههه عمتا انا كتبتلك علي ادويه هتجيبيها وساره تديهالك بانتظام واهم شئ الراحه التامه
تكلمت ساره آمره وكانها هي الام وليست الابنه :. سمعتي اهه مجيبتش حاجه من عندي
شعرت الام بالخوف فسألت الطبيب .. هو انا عندي ايه يا دكتور
لا يزال الطبيب يحمل ابتسامته فاجابها مبتسما .. متقلقيش ضغطك كان واطي بس لازم تستريحي عشان الضغط يتظبط واكمل بابتسامه مطمئنه :. اطمني يا حاجه انتي بخير يلا ياجماعه نسيبها عشان تستريح
يخرج الجيران ومعهم الطبيب بعدما اطمئنا عليها تخرج بعدهم ساره مسرعه لتشتري لها الدواء
ساره بابتسامه :. يلا بطوط خدي الدوا بسرعه عشان ناكل واحكيلك ع يومي بالتفصيل
الام بلهفه :. يلا بينا واحكيلي واحنا بناكل
علي ترابيزه السفره
ساره. يالهوي يا ماما النهارده كنت ف الكافيتريا ودخل
علينا واد انما ايه شبه اخويا حسام الله يرحمه
الام بحزن :. الله يرحمه وبعدين
ساره .. ولا قبلين حسيت انه مهموم وواضح انه كان فاته القطر وشكل الدنيا مبهدلاه اوي افتكرت حسام وافتكرت ازاي كان واقف لوحده وشايل همنا فكلمته وعرضت عليه يشتغل معانا وكلمتله المدير ومستنيه اتصاله
الام.. واديتيله رقمك ليه بس مخوفتيش يكون حد مش كويس
ساره .. متقلقيش ع بنتك يا بطوط انا بمليون راجل وانا بفهم ف الاشخاص دا ياعيني كان عامل زي الطفل خصوصا لما شوفته وعنيه مدمعه فكرني بحسام بجد دخل قلبي من اول ما شوفته
الام .. اهم شئ تعملي حدود بينكم حتي لو زي اخوكي برضه ده ميمنعش انك تاخدي حذرك منه
سمعت ساره رنين هاتفها فامسكته لتجد ان الاتصال من رقم مجهول
ساره .. الو
خالد بلهفه .. الو انسه ساره معايا انا خالد اللي قا..
ساره بتفكر :. ايوه ايوه ازيك عامل ايه كنت لسه بحكي لماما عنك دلوقتي
خالد :. عني انا اشمعنا؟
ساره:. لا متقلقش بس انا متعوده احكي لماما كل حاجه علي العموم بكره تيجي المحطه الساعه 12 الظهر عشان الانترفيو ولو عجبت صاحب الشغل هتستلم شغلك ف نفس اليوم ومتقلقش انا موصياه عليك معاك بطاقه
خالد:. ههههههههه هتحبسوني ولا ايه
ساره:. لا طبعا بس عشان هياخد صوره للبطاقه وكده
خالد :. اه تمام هجيب صوره بطاقه ليا نسيت اقولك
متشكر اوي ليكي بجد
ساره مقطبه حاجبيها .. من غير شكر ع فكره لو انا مكانك وادامك شغل اكيد هتقولي
خالد :. اه طبعا من غير ما تقولي والله اه صحيح في حاجات كتير حابب اقولك عليها مش عارف ليه ومش عارف امتي هحكيها بس عارف اني لازم احكيها فاهمه حاجه من اللغبطه اللي قولتها دي؟
ساره :. عارفه انت تقصد ايه احيانا بنحاول نطلع شئ جوانا بس مش بنلاقي المساحه او الوقت المناسب اللي نتكلم فيه بس اظن ده بيكون بعد عشره مع الشخص نفسه مش من اول كام ساعه هيكون جوانا كلام !!!
خالد :. لو كونتي مكاني كنتي فهمتيني احنا عباره عن مسلسلات ماشيه ع الارض كل واحد فينا ليه سيناريو ملتزم عليه مبيخالفوش بس التغيير للسيناريو بيكون عن طريق وجه جديد فبيحصل اندماج بين السيناريوهين ونتيجه ده اما نجاح دائم او موت محقق
ساره:. قصدك ان تعارفنا مكانش صدفه وانه ترتيب القدر لسبب ما ؟
خالد :. بالظبط كده اتمني مكونش تقلت عليكي هسيبك تقفلي وتريحي مني شويه ومن الشغل وبكره هقولك حاجات كتير حابب اقولها
ساره :. اتفقنا تصبح علي خير
وانتي من اهلي..... اقصد من اهله
انتهت المكالمه لتسبح ساره ف قسمات اخاها الجديد اما خالد فيتوهم باحساس اخر وتبداء رحله الاحلام
تعلقات ومتابعه وانزل بعده
(فتاة القطار)
الفصل الثالث
(ف شقه خالد)
اغلقت المكامله مع ساره وظللت ناظرا للسماء من شرفه المنزل اداعب القمر بعيوني هل انت اجمل مع حوراء القطار ساره هل انت احق بمكوثك ف السماء ام انها لو ظهرت لاطفأت نورك هذا ..ام انها هي من تعكس نورها عليك لتنير به طريق العاشقين ليلا ...
هل احببتها ؟ لا اعلم فقد نسيت طريق الحب منذ سنين عده تركت خيوطه يومها اسفل البحر المسجور تركتها تحترق بعدما رفض البحر ابتلاعي ليخرجني ثانيا لجحيم الشاطئ
قطع خيط افكاري صورت رنين هاتفي
يااااه هو ده وقته
خالد.. االو ايه يا اسلام في حاجه ولا ايه
اسلام .. يابني هو عشان انت نزلت اليكس خلاص هتنسي صحابك بتوع كايرو اه ياعم لعبت معاك خلاص
خالد .. اصلا مسافرتش لقيت شغل ف القاهره هنا ف محطه مصر ومسافرتش
اسلام.. بجد الف الف مبروك ماتشوفلي حاجه معاك انت عارف ان اخوك مأشفر زيك
خالد..هههههه حاضر ياعم بكره لو قبلت ف الانترفيو هنزل بس واثبت نفسي يوم ولا اتنين واكلمهم عنك ادعيلي بقي
اسلام .. ماشي يا عمونا متنساناش بس ع العموم انا كنت بتصل بيك عشان اقولك انا فرح عصام صاحبنا الاسبوع الجاي وهو قالي اعزمك
خالد.. والله طب هو معزمنيش انا ليه ومخليك انت تعزمه فكك مش رايح
اسلام.. ياض هو بيحسبك ف اليكس اصلا وسايبلك دعوه معايا قالي اديهالك
خالد.. ماشي يا اسلام لما اخلص الانترفيو بكره نقعد نتكلم
اسلام .. خلاص سلام
انتهت المكالمه احسست باشتياق كبير لاسمع صوت ساره ولكني فضلت ان اراها بالغد خوفا من ازعاجها لذا قررت النوم لربما زارتني في انامي حتي يأتي الغد المشرق بوجهها الباسم
(ف جامعه القاهره)
''كليه الاعلام""
تنزل ساره من اتوبيس 18 وتدخل من البوابه الرئيسيه بوجهها البشوش
ساره . صباح الخير يا عم حمزه
امن الكليه .. صباح الخير يا بنتي مالك جايه مبسوطه ليه النهارده
ساره مبسوطه عشان شوفتك ها شوفت حد من شلتي النهارده
امن الكليه. اه كلهم جوه جايين من بدري
ساره .. طب تمام هدخل اخد منهم المحاضرات. والحق اروح شغلي
امن الكليه . ربنا معاكي يا بنتي
كانت ساره معروفه لدي كل من في الجامعه وليس كليه الاعلام فقط فقد كانت معروفه بطيبتها واخلاقها العاليه وخفه الظل والجدعنه التي قليلا ما نجدها في هذا الوقت....
كل من يرى ساره بالجامعه كان يلقي بالسلام عليها وكأنها احدي الشهورين لما لا وبصماتها تغزو قلوبهم بين مساعدات لهذا وذاك حتي واخيرا وجدت صديقتها المقربه هدير
تضع سااره يديها علي عيني هدير لتلعب معها تلك اللعبه التي لا يمل منها اي صديق مع صديقه وبالاخص ساره
ساره ... انا ميين
هدير .. مفيش غيرك يقدر يلمسني يا ساره
ساره .. عاااااا عرفتيني زي كل مره هههههههههههه وحشتيني يا جزمه مبتسئليش عليا بقالك كام يوم ليه!!
تنهدت هدير وكأنها تجبر لسانها علي الكلام ثم قالت :. . والله غصب عني اهه بحضر للفرح وخلاص مش باقي غير اسبوع وعصام مستعجل وعايزه أاجله ومش عارفه
اغمضت ساره عينيها باسي ثم اصطنعت ابتسامه لتطمئن صديقتها اخذتها في حضنها ثم همست في اذنها :. مستخسره في نفسك وفينا نفرح ليه يا هبله اعملي الفرح في ميعاده وهتبقي احلي ليله في عمرك دانا هرقصلك من بالليل للصبح هو انا عندي اعز منك يا دودتي
اخدتها هدير جانبا ثم قالت بصوت شبه عالي :.. انا خايفه عصام يكتشف اللي قولتلك عليه
ساره ناهره إياها :.. هسسسس لما نبقي لوحدينا هفهمك تعملي ايه يلا بقي من هنا نجيب المحاضرات وننقلها ونتكلم بقي ف كل حاجه
رفعت هدير احدي حاجبيها وابتسمت بمكر :.. هو انتي بتحبي اسلام صاحب عصام
ساره باستحقار :.. لا هو لمحلي اكتر من مره انه عايز ييجي يقابل ماما بس مش ف دماغي اصلا ده يابنتي عيل تبت ورخم
بمناسبه الرغي فكرتيني صحيح هحكيلك ع واحد اتعرفت عليه امبارح ف الشغل
هدير:. خير اشجيني بس واحنا في الكافيتيريا بقي
يلا بينا
ساره :. يلااااا بينا (بصوت عبدالله الشريف )
ظلتا صامتتين حتي وضع نادل الكافيتيريا المشروبات
تنهدت ساره قائله :. في المحطه امبارح جه شاب اسمه خالد كان واضح انه نفسيته متدمره صعب عليا جدا قعدت اتكلمت معاه فكرني بحسام اخويا الله يرحمه
الله يرحمه وبعدين ؟ قالتها هدير
فاكملت ساره قائله :. بس يا ستي اتكملنا شويه وبعد كده كلمت صاحب الشغل وهينزل معايا
هدير :. طب والله انتي بنت جدعه جدا جدا
قطع حديثها مني قائله :. شجره واتنين لمون هنا للمزز لو سمحت ماهو من لقى صحابه نسي احبابهو
ساره :. لا بضرب معسل ما تيجي ترسيلي حجر ههههه
هدير :. خلاص يا مني يبقي قرص معسل وسجاره بانجو ببذره بتعرفي تبرمي هههههههه
ضحك الجميع علي كلمات ساره وهدير
(في شقه عصام )
عصام ليس له احد سوى ابيه وامه يعملان بالخارج ولذلك كل طلباته مجابه يعيش حياه شبه مترفه
كان جالسا علي المنضده وامامه سجائر ملفوفه
ينفث احدهما باستمتاع
يااااااه السجاير دي احلي حاجه في الدنيا بعد النسوان والله مش عارف من غيرهم كنت عملت ايه
انفتح باب الحمام لتخرج منه فتاه ثلاثينيه قصيره نوعا ما ولكن جسدها ممشوق بيضاء كالحليب وكانها عارضه ازياء ترتدي قميص نوم اسود
تكلمت بغنج قائله:. مكنتش هتيجي يا حبيبي
عصام :. هاه مش فاهم يا سالي
سالي:. ما هو لو ابوك مكنش بيشرب ومكانش متجوز امك كنت هتيجي منين
عصام :. انتي هتقبحي ؟
سالي:. هقبح ايه يابني دي نظريه شديده الاهميه
الكيف والنسوان من قواعد الايمان
عصام :. الايمان بايه يا روح امك!! متدخليش الدين ف الكلام ده
سالي :. هو الايمان بيكون ف الدين بس طب والله شكلك مسطول انا اقصد ان الكيف عموما لذه الحياه لو ملوش لذه مكانش هيحصل تعمير ف الارض اساسا
عصام :. طب وانتي متجوزتيش ليه وايه محببك انك كل يوم مع راجل ؟
سالي :. ماهو عشان انت اهبل وسألتني السؤال كذا مره وكل مره بجاوبك عليه فبتنسي بس برضه هجاوبك
بص ياسيدي انا زمان حبيت شاب وفضلنا خمس سنين سوا كان دايما يقول ظروفي متسمحش اتجوز دلوقتي
وكنت مصدقاه جدا جدا لحد
لحد ما في يوم قالي انه ليه واحده جارته بتعمل جمعيات بمبالغ كبيره ودي الحل الوحيد لجوازنا فحبيت اساعده اتفقت معاه اني اشتغل زيه وفلوس شغلي علي شغله هندخل الجمعيه ونتجوز بيها
وفعلا ده اللي حصل نزلت اشتغلت وبدأنا الجمعيه وبقيت كل شهر اديله مرتبي كله حتي مكنتش باكل ف شغلي عشا خاطر اللي بحبه
فضلنا علي كده اربع سنين لحد ما قبضها وفعلا اشتري الشقه وطلب مني اروح معاه عشان اشوفها
ولما روحتها اغتصبني قاطعها عصام:. ايه؟
اه والله زي ما بقولك كده بس مش بالعافيه ده حطلي منوم في الشاي واستني لحد اما نمت وعمل اللي عمله
لما قومت قولتله اني مش هسيبه وهسجنه
كلمني ببرود وقالي اني هفضح نفسي وانه كمان مصورني
يعني بعد حب تسع سنين منهم اربع سنين مقطعه نفسي شغل عشانه طلع كداب
بعد ما اتهانت ف الشغل طلع بيضحك عليا
اتعرفت بيه وانا تمنتاشر سنه وسابني وانا داخله علي التلاتين
الغريب انه طلع اساسا متجوز وكل ده انا مش حاسه واكيد مراته كمان مش حاسه
عصام:. هو ده اللي خلاكي تشتغلي شغتلك دي؟
سالي :. نسيت اقولك انا اسمي الحقيقي فاطمه مش عارفه ليه حكيتلك حكايتي كامله بس جايز عشان تعرف ان مفيش حب كله كدب انت خاطب صح اؤكدلك انك مبتحبهاش لانك اساسا بتخونها
واعرفك ان الحب من القلب للقلب رسول فاكيد هي مس بتحبك
عصام :. لا علي فكره هي بتحبني وصدقيني لو حصل ايه مقدرش اسيبها مش كل الناس زي حبيبك ع فكره
سالي :. الله يرحمه بقي مانا نسيت اقولك انتي يومها قتلته وسلمت نفسي للشرطه وقدمت شريط الفيديو اللي كان هيذلني بيه
هو كده كده كان هينشره يا اما افضل شغاله واديله فلوس
فالاحسن اتخلص مني وارجع لنفسي جزء من حقي
وبس ياسيدي اخدت خمس سنين سجن مع الشغل ووقتها اتعرفت علي بنات جديده ولما طلعت اشتغلت الشغل ده
انا كنت قبل السجن باخد في الشهر كله الف جنيه دلوقتي الساعه بس بالفين جنيه
عصام :. طب وحياتك والاسره والعيله م فارقين معاكي
سالي :. مكدبش عليك انا كان نفسي اكون بيت بس هجيبهم الدنيا عشان يدعوا عليا
انا نسيت اقولك اني بقالي فتره مبطله شغل بس بشتغل كل كام فتره عشان مزاجي بس
عصام :. مزاج ايه انتي طيرتي الچوان من دماغي
سالي :. طب يلا ولعلنا سجارتين عشان ننسي اللي حكيناه
.......
استيقظ خالد من النوم ع الساعه التاسعه حضر وجبه افطاره واخد حمام دافئ ارتدي ملابسه علي عجل ونزل سريعا للحاق بالمقابله
ولكن كانت المفاجأه
تفاعلو معي ومتابعه وانزل كمان
 الفصل الاول والثاني والثالث (مستوحاه من قصه حقيقه) ها انا من جديد اكتب عنك حبيبتي اكتب عن احلامنا عن ذكريات كانت ولا زا…){kind=link}
تعليقات
إرسال تعليق