مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

""""" عشقت زوجة ابي """""

"""""""""" الجزء الاول """""""""

انا كريم عمري ٢٠ سنة .. بدرس في الجامعة الامريكية ... ابن وحيد لرجل اعمال كبير  

ماما ماتت وانا كان عمري سنة .. ومن ساعتها وحتى الان بابا بيتجوز كل سنة واحدة .. والعجيب ان اي واحدة كان بيتجوزها مكنتش بتكمل معاه السنة وتتطلق وتاخد فلوس كتير اوي منه لدرجة اني حسيت ان الواحدة منهم بتتمني الطلاق عشان تاخد الفلوس الكتير دي ..  يعني بابا كان بالنسبة لهم مجرد مشروع مربح مش اكتر .. 

والمصيبة ان بابا مش عايز يفهم كده او فاهم ومش عايز يقتنع .. الله اعلم  المهم انا مكنش بيفرق معايا الموضوع ده خالص لاني اتعودت ان كل سنة اشوف ست جديدة في البيت واعرف انها مرات بابا الجديدة   

السنة دي بابا اتجوز بنت .. تقريبا هى من سني وبتدرس في كلية الطب ... هى بصراحة كانت جمال وادب .. بس دايما كانت حزينة وكلامها كان قليل جدا .. البنت دي لفتت نظري من اول مرة شوفتها فيها .. حسيت ناحيتها بالاهتمام واني عايز اعرف كل شئ عنها .. كنت بهتم دايما باخبارها وحاسس ان وراها غموض كبير اوي وانها غير كل اللي شوفتهم قبلها 

في مرة طلبت مني اوصلها الكلية بعربيتي .. وانا وافقت .. 

لقيتها بتقولي بلاش توديني الكلية .. انا عايزة اروح اي مكان اقعد فيه لاني مخنوقة اوي ...  

انا وديتها كافيه جميل وشاعري كنت دايما بروحه لما اكون متضايق وعايز مكان هادي ارتاح فيه ... فرحت جدا وشكرت في المكان وقالت انه فعلا مكان هادى ومريح وشكرتنى لاختيارى  

كلامها شجعنى انى اسألها عن سبب صمتها الدائم ونظرة الحزن اللى تملى باينة فى عنيها .. ردت عليا وقالت :  

انا فى مشكلة ياكريم .. ومش عارفة اتصرف فيها ازاى .. انا عاوزة اقولك علي سر خطير ..

قلتلها : اتفضلى قولي

قالتلي : انا وباباك متجوزين لينا شهور .. ولحد الان انا عذراء ..

انا انكسفت بصراحة وقلتلها : ده شئ ميخصنيش .. راحت قالتلي :

وكل اللي اتجوزهم باباك قبلي كانوا زيي بالظبط ..

 استغربت وقلتلها انتي عرفتي منين .؟!!

قالتلي :  هاقولك علي سر خطير .. بس اوعدني انك تحفظ السر وتساعدني كمان .. لان باباك عاوزني اعمل حاجة انا الموت اكرملي من انى اعملها .. انا بترجاك تساعدنى ياكريم . 

كارثة هيعرفها كريم فى الجزء الثانى

""""" عشقت زوجه ابي """""

"""""""" الجزء التانى """""""""

اثناء جلوس كريم وفرح زوجة والده في الكافيه وكانت فرح ناوية تقوله علي سر خطير

كريم : قوليلى يا فرح .. ايه هو السر الخطير اللى عايزة تقوليه ؟!!

فرح .. انا بصراحة مكسوفه اتكلم .. بس لازم اقولك .. انت ابنه واكيد هلاقي مبرر عندك ..

بص ياكريم ..  باباك من ساعة ما اتجوزنا مقربش ناحيتي خالص وانا لسة عذراء لدلوقتي زي ما قلتلك .. انا طبعا كنت مكسوفة اسأله هو ليه مقربليش لدلوقتي وقلت اسيبه براحته خالص .. لكن من يومين لقيت باباك جايبلي هدية غالية اوي .. ولما سألته ايه المناسبة قالي وجودك في حياتي اجمل واسعد مناسبه بالنسبة ليا .. 

المهم بعد ما اتعيشنا طلب يتكلم معايا في موضوع حساس .. انا فكرت انه هيتكلم في موضوع انه لسة ملمسنيش لحد دلوقتي وكده ... لقيته بيقولي انا يا فرح عندي مشكلة جامدة ..

انا اتعرضت لحادثة سببتلي عجز .. وطالب منك خدمة .. وبعدها هتكوني حرة وهديكي الفلوس اللي عايزاها واكتر كمان

كريم : وايه هي الخدمة دى ؟!!

فرح : باباك طلب مني اني اشغلك والف عليك واخليك تتعلق بيا لحد ما تغلط معايا وافقد عذريتي علي ايدك

كريم بتعجب شديد : انتي بتقولي ايه ؟!!

فرح : بقولك اللي حصل ياكريم .. هو حلفني اني مقولكش حتي لو رفضت اعمل كده .. لكن انا لازم كنت اقولك واعرف منك ليه باباك يطلب مني حاجة زى دى مع انه عارف اني بنت ناس ولا يمكن هقبل ان ده يحصل ابدا ؟!!!

كريم : فرح انتي بتتكلمي جد ؟ .. ابويا طلب منك انك تعملي كده ؟!!!

فرح : ايوة صدقني .. انا مش بكدب عليك .. انا مستغربة اكتر منك هو ليه خبي عليا موضوع العجز اللى عنده وليه طلب منى اعمل كده ؟!!

كريم : انا مش مصدق .. بابا يطلب منك طلب بشع زي ده ليه؟!!!

فرح : مش عارفة .. انا كمان هتجنن من ساعتها وخصوصا بعد ما اتصلت بيا طليقته اللي قبلي وقالتلي انها زيي لسة عذراء .. وانه طلب منها نفس الطلب ورفضت .. بس مرضيتش تقولك واكتفت بالطلاق والفلوس اللي اخدتها منه .. لكن انا مش عايزة فلوس ولا زفت .. انا اتجوزت باباك غصب عني لأني كنت مضطرة اتجوزه عشان يدفع ديون بابا للبنك اللي كان هيسجنه لو مدفعش الدين اللي عليه بعد ما خسر فلوسه وباع شركاته .. كريم .. انا ناوية اتطلق من باباك لانه نزل من نظري جامد ومش عايزة منه حاجة .. بس انت لازم تعرف ليه باباك عايزك تقع في غلط كبير زي ده .. مع اني شايفاك انسان مهذب وجميل ومحترم جدا واي بنت تتمناك

كريم : انا بجد مش قادر اصدق ولا قادر افكر بس مش عاوزك تطلبي الطلاق دلوقتي خالص لحد ما اعرف ايه القصة بالظبط

فرح : هتعمل ايه يا كريم ؟!!

كريم : انا لازم اعرف هو ليه عاوزني اغلط الغلط الكبير ده !!! ايه قصده من ورا كده ؟!!

فرح : يعني ناوي تواجهه وتقوله ؟!! .. اوعي يا كريم .. كده هيعرف اني قلتلك وممكن ساعتها يضرني ويضر بابا

كريم : لا طبعا مش هقوله لاني متأكد انه هينكر وساعتها هتطلعي كدابة وممكن ياذيكي فعلا وياذي والدك انتقاما منك لأنك وقعتي بينه وبين ابنه الوحيد .. لا انا لازم اعرف السر ورا طلبه اللا انساني ده من غير مواجهة ومن غير ما يعرف اصلا

فرح : ازاي ؟ .. ناوي تعمل ايه بالظبط ؟!!

كريم : بصي يافرح .. عاوزك تروحي تقوليله انك موافقة علي طلبه وانك هتعملي كل اللي قالك عليه

فرح : اوافق ازاي !!! .. لا طبعا

كريم : افهميني .. الموافقة دي كده وكده .. بيني وبينك يعني عشان نجاريه مش اكتر .. وعايزك تطلبي منه مبلغ كبير اوي عشان ميشكش في حاجة

فرح : وبعدين ؟!!!

كريم : هنسيب الدنيا ماشية عادي .. انتي هتوصليله الاحساس بأنك فعلا بدأتي تشغليني وانا بدأت افكر فيكي وهنشوف هنعمل ايه بعد كده .. المهم انا عايزه يقتنع تماما ان انا اتعلقت بيكي وحبيتك زي ما هو عايز ... وانا من ناحيتي هوصله فعلا اني بدأت افكر فيكي بجد وانك فعلا نجحتي انك تشغليني

وبالفعل .. فرح راحت لوالد كريم وقالتله انها موافقة علي كل طلباته وطلبت منه المبلغ الكبير اللي قالها عليه كريم ... والعجيب ان والد كريم وافق على طول وده اللي خلاهم يتعجبوا ويصروا انهم يعرفوا ايه غرض والد كريم بالظبط من القصة دي وبدأت فرح التمثلية ... بدأتها برسايل غرام لكريم ونظرات وابتسامات وتلميحات وكلام من تحت لتحت علي اساس انها فعلا بدأت تشاغله وكريم قام بدوره في التمثلية وعمل انه اتعلق بيها واتأثر بكلامها الناعم ومعاملتها الرقيقة وبدأ يرد علي رسايلها وانه فعلا بدأ يفكر فيها وكل ده كان بيحصل قصاد الاب وتحت اشرافة ... حاجة غريبة فعلا

لحد ما جات ساعة الصفر وكريم طلب من فرح انها تروح تقول لباباه ان كريم حاول فعلا يعتدي عليها وهو مش موجود لكن للأسف كريم فشل لأنه بكل اسف طلع عاجز جنسيا هو الاخر ..

""""" عشقت زوجة أبى """""

"""""""""" الجزء الثالث """"""""

 بلغت فرح والد كريم باللى اتفقوا عليه .. لكن بعد ما استمع لها مختار والد كريم قال : 

يعني ايه ابني عاجز جنسيا ؟!! .. انتي هتستعبطي .. انا ابني لسة مكملش 20 سنة .. والا انتي عاوزة تقرطسيني وتلهفي مني الفلوس دي كلها .. وفي الاخر تكدبي عليا كدبة هبلة زي دي وعايزاني اصدقك

فرح : انا مبكدبش عليك انا بقولك الحقيقة .. ابنك حاول ومقدرش يعمل حاجة

مختار : يعني ايه مقدرش يعمل حاجة ؟!! تلاقيكي انتي مكنتيش مستجيبة معاه كويس عشان كده مقربش منك

فرح : بالعكس انا عملت كل المحاولات اللي تخطر علي بالك وبرضه مفيش فايدة ... انت مش عاوز تصدق ليه ان ابنك عاجز زيك كده ؟

مختار : انتي بتعايريني يا فرح ؟!!

فرح : لا مش بعايرك .. بس مش كان المفروض قبل ما تتجوزني كنت تصارحني بحاجة زي دي !! وبعدين لما انت عندك مشكلة بتتجوز ليه من اساسه؟!!

مختار : وانتي مالك ؟!! انتي طلبتي فلوس وانا اديتهالك يبقي متسألنيش عن حاجة

فرح : وانت عليك بأيه تتجوز واحدة كل سنة ومتقربلهاش وتفضل عذراء زي ما هي لحد ما تطلقها وبعدين تاخد منك فلوس بالكوم وفي الاخر تطلقها .. انت كسبان ايه اصلا ؟!!

مختار : انتي عرفتي ازاي ان اللي طلقتهم قبلك كانوا لسة بعذريتهم

فرح : طليقتك اللي قبلي اتصلت بيا وحكتلي كل حاجة وقالتلي كمان انك طلبت منها نفس الطلب اللي طلبته مني

مختار : الحقيرة الواطية .. مع اني مأكد عليها انها متتكلمش

فرح : وبعدين اللي انا مش قادرة افهمه ولا استوعبه ازاي تطلب مني ان ابنك يدخل عليا بدالك ؟!! انت واعي لكلامك ده؟!!

مختار: اظن قولتلك متسأليش عن السبب وانتي وافقتي وقصاد ده اخدتي مني ١٠ مليون جنيه وانا متكلمتش .. المبلغ اللي طلبتيه ببوقك اخدتيه

فرح : وده اللي زود حيرتي اكتر .. ازاي تدفع مبلغ زي ده عشان ابنك ينام معايا ؟!! فهمني ارجوك

مختار : اللي اقدر اقولهولك ان حياتك وحياة ابني في خطر لو معملتيش اللي بقولك عليه

فرح : خطر !! ازاي يعني ؟!!

مختار : مش هقدر اوضح اكتر من كده .. بس لو معملتيش اللي بقولك عليه هتموتي انتي وابني ابشع موتة .. وده ابني الوحيد اللي مش هعرف اعوضه ابدا وانتي طبعا فاهمة ليه

فرح : طب ايه علاقة حياتي انا وهو بالموضوع ده ؟!!

مختار : انتي مبتفهميش ؟! .. بقولك مش هقدر اتكلم .. وعايزك تعرفي حاجة روح ابوكي في ايدي وممكن اخليه يقضي بقية حياته في السجن وانتي كمان انا ممكن ادمرك .. انا مش هسمح ابدا ان ابني الوحيد يضيع من ايدي .. انا هدفعلك تاني اي مبلغ تقولي عليه بس الموضوع ده يخلص في ظرف يومين تلاتة وهنا في اوضة نومي وهشوف اذا كان ابني عاجز زي ما بتقولي والا انتي بتكدبي عليا

فرح : هتشوف ازاي ؟!!

مختار : هركب كاميرات في الاوضة

فرح .. انت عاوز تتفرج عليا انا وابنك ؟!!!!

مختار : ما انا لازم اعرف اذا كان كلامك ده صح والا كدب ... ولو طلعتي بتكدبي عليا صدقيني مش عارف ساعتها ممكن اعمل فيكي ايه ..

ثم تركها وانصرف وفرح في حيرة شديدة .. لا تصدق ما سمعت ...

ايه اللي هيحصل بعد كده .. ده اللى هنعرفه من الجزء الرابع

""""" عشقت زوجة أبي """""

"""""""" الجزء الرابع """"""""""

استمعت فرح لكلمات مختار وشعرت بالخوف والحزن الشديد واصبحت لاتعرف ماذا تفعل ..

اتصلت بكريم وقالت له :

فرح : ايوة ياكريم .. انت فين ؟

كريم : انا في الجامعة .. خير يا فرح .. مالك ؟!!

فرح : الحقني .. انا في مصيبة دلوقتي ومش عارفة اتصرف ازاي

كريم : مصيبة !!! قولي يا فرح في ايه؟!!

فرح : انا قلت لباباك زي ما اتفقنا بالظبط .. بس صدمني برد فعله

كريم : ازاي ؟!! .. هو قالك ايه ؟

فرح : قالي انه مش مصدقني وانه عاوزني اعيد المحاولة معاك تاني وفي اوضة النوم بتاعتنا وانه هيراقب اللي بيحصل عن طريق الكاميرات . .واني لو مسمعتش كلامه هيدمر ابويا وهيدمرني انا كمان .. شوفت رد فعله؟!!

كريم : لا ده اكيد اتجنن !!!

فرح : أنا مش عارفة اعمل ايه .. وخايفة اقول لبابا تحصل مشكلة كبيرة وابويا فى الآخر هيكون هو الخسران .. قولى ياكريم اعمل ايه ؟!!

كريم : اهدى يا فرح .. متخافيش مفيش حاجة من دى هتحصل .. انا جنبك ومش هسيبك ومحدش يقدر يقربلك ابدا ... انا مش عارف هو بيعمل كده ليه وهو عايز يوصل لايه بالظبط

فرح : هو بيقول ان لو معملناش كده حياتك وحياتى هتكون فى خطر كبير

كريم : ده ازاى يعنى .. مش فاهم ؟

فرح : هو مرضيش يفهمنى وقالى مقدرش اتكلم اكتر من كده .. فى موضوع كبير مع باباك ومش عايز يقول لحد .. او بمعنى اصح خايف يقول ..

كريم : ده اكيد في مشكلة كبيرة ولازم اعرفها

فرح : هتعمل ايه يا كريم ؟!!

كريم : مش عارف .. بس انا شايف اني لازم اواجهه بكل ده

فرح : هيعرف اني قلتلك واكيد هياذيي

انت مشوفتش كان بيكلمني ازاي .. انا حسيت ان شوية كمان وممكن يقتلني

كريم : متخفيش قلتلك يا فرح .. لا بابا ولا غيره يقدروا يلمسوا شعرة منك

فرح : كريم خليك جنبي ارجوك .. انا خايفة اوي

كريم : انا جنبك من غير ما تقولي يافرح .. اتطمني

فرح : اوعي يا كريم تسمع كلام باباك وتعمل اللي بيقول عليه

كريم : لا اخلاقي ولا ديني يسمحوا بكده يا فرح

فرح : كريم .. انت انسان شهم جدا وطيب وانا فعلا بحس بامان لما بكلمك وبحس بامان اكتر لما بتكون جنبي

كريم : وانا كمان ببقي فرحان جدا لما بكلمك .. عارفة يافرح .. انتي الوحيدة من مراتات ابويا اللي لفتت نظري .. لأنك مختلفة عنهم .. انتى عندك مبدأ واخلاق ومبتهمكيش المظاهر والفلوس غير انك رقيقة جدا وجميلة .. بصراحة انا كنت بحسد ابويا عليكي وكتير كنت بقول لنفسي ليه مكنتيش من نصيبي انا !!! وزعلت جدا جدا من ابويا وتقريبا نزل من نظري لما طلب منك تعملي حاجة بشعة زي دي .. ازاي يهون عليه يفرط في شرفك اللي هو شرفه !!! خسارة بجد يا فرح .. ياريتني كنت قابلتك قبله ..

شاهد كريم فرح تبكي‎ فقال متعجبا : فرح انتي بتعيطي؟!!

فرح : انا اسفة .. بس كلامك اثر فيا جامد .. كان نفسي اتجوز شاب من سني احبه ويحبني .. لكن الظروف حكمت عليا اتجوز راجل اكبر مني بتلاتين سنة وطلع انسان مش سوي ابدا .. ولما لقيت الانسان اللي كنت بحلم بيه طول حياتى للأسف عمري ما هقدر اتجوزه ابدا .. فعلا حظي دايما وحش

كريم يفهم مقصدها ويدرك انها تتحدث عنه فيقول :

كريم : فرح انتي قصدك مين بالكلام ده ؟!!

فرح : قصدي انت يا كريم

كريم .. انتي بتحبيني يا فرح ؟!!

فرح : للاسف .. انا بحبك ياكريم .. لكن حبى ليك هيفيد بايه .. حتى لو اتطلقت من باباك عمرنا ما هنقدر نتجوز ابدا .. عرفت بقى ان طول عمرى ما حبيت حاجة واتحققت .. دايما مظلومة ومقهورة والدنيا جاية عليا

كريم : عشان كده دايما بشوفك حزينة ومش بتضحكى ؟

فرح : اضحك ازاى وكل يوم جرح جديد بيقطع فى قلبى وكيانى ؟

كريم : انا بحبك يا فرح

فرح : وهيفيد بايه يا كريم؟!!

كريم : انا معاكي انك حتي لو اتطلقتي مش هينفع ارتبط بيكي ابدا .. بس علي الاقل هقف جمبك ومش هسيبك ابدا .. هتلاقيني اخ وصديق بجد .. مع اني كنت اتمني ان علاقتنا تكون اكبر من كده .. بس هعمل ايه .. بجد انا بلعن الظروف اللي حطتنا في الموقف ده

فرح : ممكن اقفل بعد اذنك ؟

كريم : اتفضلي

تغلق فرح الخط ثم تبكي بكاء شديد علي ما فعلته بها الايام والظروف وكريم يشتد غيظه ويذهب لمواجهة والده بما حدث مستعدا للتضحية وتحمل جميع العواقب .. فهو يريد ان ينهي تلك المهزلة المؤلمة

كريم : بابا عايز اتكلم معاك كلمتين

مختار : في ايه يا كريم ؟

كريم : انت مش مخبي عني حاجة؟!!

مختار : هخبي ايه عنك ؟!!

كريم : يعني مش عاوز تقولي علي حاجة .. سر مخبيه عني؟!

مختار : آه .. لا .. لأ طبعا

كريم : انت متأكد ؟!!

مختار : ايه الحكاية يا كريم ؟!! بتلف وتدور علي ايه؟!! اتكلم على طول

كريم : انت طلبت ايه من فرح؟!!

مختار : فرح ..  هطلب ايه من فرح ؟!!

كريم : يعني مطلبتش من فرح انها تشغلني عشان انام معاها؟!!.

مختار : انت بتقول ايه ؟!! انت اتجننت ؟

كريم : ياريت يابابا اكون مجنون .. على الاقل هلاقى اجابة على الاسئلة اللى جوايا .. لكن للاسف دى الحقيقة .. انت ليه طلبت من مراتك فرح تعمل كده؟

مختار : انت بتكرر كلامك الخايب ده تاني ؟!! .. اكيد فرح هى اللي قالتلك حاجة زي كده عشان توقع بيني وبينك .. طب والله العظيم لامحيها هي وابوها ... البنت دي مش تمام

كريم : البنت دى احسن انسانة شوفتها .. قولى يا بابا ايه الحكاية بالظبط ؟! وحياتى ايه اللى فى خطر لو معملتش كده ؟ ... هو انت فى حد بيهددك بحاجة ؟

مختار : اسكت يا كريم خالص واتفضل امشي من قدامي حالا..‎

كريم : براحتك .. متتكلمش.. بس عايزك تعرف انك لو اذيت فرح او ابوها هتخسىرني للأبد

ثم يتركة وينصرف‎

مختار معلقا .. ولو معملتش كده برضه هخسرك للابد .. ماشي يا فرح .. يا ويلك مني

"""""""" عشقت زوجة ابي """""""

"""""""" الحزء الخامس والاخير """""

استمع كريم لتعليق والده فرجع له مرة اخرى وسأله قائلا :

حضرتك ليه مصر تقلقنى .. عرفنى مين اللى بيهددك وليه

مختار : ياريت كان ينفع اقول يا كريم .. كل اللى اقدر اقوله قلته .. حياتك انت وفرح هتكون فى خطر لو منفذتوش اللى بقول عليه

فى تلك اللحظة دخلت فرح واستمعت لكلمات مختار فقالت

انت اللى بتطلبه ده مستحيل حد يوافق عليه

مختار.. يلا يا كريم انت وفرح عاوزكم كدا تقلعوا هدومكم وتوروني وتمتعوني بأجمد فيلم بورنو ممكن اشوفه في حياتي وانا هسجل بموبايلي

كريم .. بابا .. ايه الكلام اللي انت بتقوله ده ؟!!! انت بتتكلم ازاي كده ؟!!

فرح .. ابوك ده مجنون مش طبيعي ابدا

مختار .. انا مجنون وهقتلك يا فرح دلوقتي لو معملتيش اللي بقولك عليه

فرح .. يبقي اقتلني احسن

مختار ..بقي كده ؟.. ثم اخرج مسدسه واطلق رصاصة لتخويفها

فرح تختبئ في حضن كريم

كريم متعجبا .. بابا انت هتقتلها بجد ؟!!

مختار .. ايوة هقتلها فعلا لو مقلعتش ملط قدامي دلوقتي حالا وانت كمان اقلع هدومك دي كلها

كريم .. خلاص يا بابا اقتلني انا الاول ..

مختار .. يا بني اسمع كلامي .. حياتك في خطر .. نفذ اللي بقولك عليه

كريم .. انا مش فاهم حاجة وانت مش عاوز تفهمني .. وازاي تطلب مني ومن مراتك اننا نعمل حاجة زي دي؟!! انا مش قادر اصدق ان في اب يجبر ابنه ينام مع مراته قدام عنيه .. وكمان عاوز يصورهم ؟!! انت لا يمكن تكون انسان طبيعي !!!

مختار .. انا مجنون يا كريم .. ارتحت بقي .. اقلعي هدومك يا بنت انتى لاحسن وديني هموتك .. يلا بسرعة ثم يطلق رصاصة اخري

فرح تنهار من شدة الخوف فأشار كريم لها بأن توافق وتخلع ملابسها خوفا عليها كى يكسب ايضا المزيد من الوقت حتي يجد حلا لهذه الورطة

بدأت فرح في خلع ملابسها هي وكريم وفجاة تدخل امرأة وتضرب مختار بقوة علي رأسه من الخلف فيسقط مغشيا عليه

فرح : ماما !!

الفت : ايوة يا بنتي ... الحق يا كريم كتفه بسرعة قبل ما يفوق

فرح : ايه الحكاية يا ماما فيه ايه بالظبط ؟!! وايه اللي جابك هنا دلوقتي ؟!!

الفت : انا هقولكم علي كل حاجة .. انا بعد ما أتطلقت من ابوكي لما لقيته خسر فلوسه وباع شركاته والديون بقت عليه متلتلة اتجوزت بعقد عرفي بواحد ملياردير اسمه رفعت الزعيم .. راجل وسخ وشغله كله في القذارة .. مخدرات سلاح غسيل اموال .. كل حاجة .. المهم استغلني في حاجات كتير وصفقات كتير بأسمي عشان لو انفضح اشيل انا الشيلة .. لكن انا طلعت اذكي منه وخليته كتبلي نص ثروته بأسمي .. ولما حس انه اتسرع في قراره ده وان المنفعة من ورايا انتهت وان البوليس بدأ يكشف امري طالبني بفلوسه .. انا رفضت وقلتله ده حقي .. قام قرر انه ينتقم مني وسلط مختار هاشم ابو كريم وطلب منه يصورك وهو بينام معاكي ويبعتله الفيديو قصاد مناقصة كبيرة هيرسيها عليه .. وده كله عشان يضغط عليا بيكي فارجعله فلوسه مقابل الفيديو اللى انتى فيه مع كريم .. وطبعا عشان مختار عاجز جنسيا قام عارض عليه حد تاني يقوم بالمهمه دي فطقت في دماغ رفعت ان اللي يقوم بالمهمه دي كريم ابنه علي اساس انه بكده يبقي ضربني في مقتل ومقدرش انطق بكلمة والا هتبقى الفضيحة هتكون على الملأ .. وبكده يعرف ياخد فلوسه مني .. ولان مختار اوسخ منه وافق وكمان عشان هدده لو منفذش هيقتل كريم

كريم متعجبا بشدة : بس ازاي اب يعمل في ابنه الوحيد حاجة زي دي؟!!

مفيش مبرر ابدا لده!!

الفت .. لأنه مش ابوك يا كريم

كريم .. ايه؟!!!!!

الفت .. ايوة .. مختار هاشم مش ابوك .. انت ابوك مات وانت لسة في بطن امك ومختار اتجوزها .. ولما ولدت نسبك ليه وكتبك علي اسمه .. مختار عاجز جنسيا وعقيم وعمره ما يقدر يخلف

كريم .. ازاي ؟!! ده بيتجوز كل سنه واحدة!!

الفت .. هههههه دي منظرة مش اكتر واغلبها مصالح لشغله

كريم .. لا يمكن ... ازاي ؟!!!

الفت .. صدقني انا بقولك الحقيقة .. انت ابوك اسمه عادل المنوفي جوز مامتك الله يرحمها الاولانى

كريم لم يصدق كلامها ولكنها قدمت له قسيمة الجواز واخبرته ان له اخت من ابيه من زوجه اخري كان قد تزوجها قبل امه

قام كريم بالبحث والتحري وتأكد من صحة كلامها وقام برفع دعوي لاثبات النسب وفعلا بفحص الحمض النواوي الذي اثبت بأنه ابن عادل المنوفي وليس مختار هاشم

حزن حزنا شديدا وفرح ايضا فرحا اشد .. حزن لأنه اكتشف ان الشخص الذي رباه طول عمره ليس بأبيه وفرح لأنه بذلك يستطيع الارتباط بفرح وانها ليست محرمة عليه .. وبالفعل تطلقت فرح من مختار وتزوجها كريم بعد ذلك الذي انتقلت لتعيش معه داخل منزل ابيه الحقيقي حيث فرحت اخته من ابيه به فرحا شديدا وانه قد ظهر لها اخ طيب شهم ليكون سندا لها بعد ابيها وحاول مختار الاتصال بكريم ولكن كريم كان يرفض ان يتواصل معه .. فقد سقط من نظره لكنه لم ينسئ ابدا .. فهو لم ينسى انه رباه تربيه حسنة ولم يحرمه من شئ قط .. فكان يوده من آن لآخر ...

عاش كريم مع فرح قصة حب جميلة تحاكي بها الناس .. فقد جمعتهما الصدفه بعد ان اصبح اجتماعهما سويا شبه مستحيل ..

"""" انتهت قصتي ولم تنتهي محبتي🌺🌹🌺 تقبلوا تحياتى