مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

دخلت الشقة ولسة برفع عينى حسيت بقلم نزل على وشى - انت اتجننت 

مسك شعرى واتكلم _ ايوة اتجنينت ولسة هوريكى الجنون على أصولة

"كان بيكلم وعيونة حمرا بطريقة غريبة انا خوفت منة ومكنتش عارفة اعمل اية رحت زقيتة وجريت عشان اخرج من الشقة راح هو جرى وقفل الباب و وقف قصادى فضلت ارجع  وهو يقرب جة يمسكنى رحت عضاة وزقيتة وقعتة على الارض بس لقيتة اغم علية !! مش معقولة من زقتى  وقع اغم علية بصيت علية اشوف ممكن يكون اتخبط فى دماغة ملقتش اى دم رحت قومت بسرعة ورفعت فستان فرحى اللى انا لبساة ودخلت اول اوضة قبلتنى وقفلت عليا !! قعدت على السرير وانا عمالة افكر انهاردة المفروض فرحى واللى ضربنى دا جوزى فارس سرحت بأفكارى قبل شهرين لما اتقدملى فارس ساعتها كل اهلى كانوا شايفين انى لازم اوافق ازاى دا يترفض عريس لقطة زى ما بيقولوا وانا....عانس ! انا عندى 27 سنة وديما اهلى شايفين ان كدا خلاص قطر الجواز فاتنى وانا كنت تعبت من كلامهم ولما فارس اتقدملى ملقتش فى عيب شخص باين علية محترم ابن ناس اغنياء هو كان ناقصة حاجة واحدة انى مبحبوش او بمعنى اصح معرفوش اصلا لما قعدت معاة فى  الرؤية الشرعية متكلمناش اصلا هو فضل ساكت وانا مفتحتش كلام بس الغريب انى لما صليت استخارة حسيت انى مرتاحة فوافقت وبابا فارس صمم ان الفرح يتعمل بسرعة وفعلا اتحدد الفرح بكتب الكتاب بعد شهرين وفى الشهرين دول مشوفتش فارس كنت ديما بقول تلاقية مشغول فى ترتيبات الفرح !!!! طب المفروض اعمل اية دلوقتى اخرج واهرب بفستان فرحى ولا اتصل طب بأهلى طب حتى لو اتصلت هقولهم اية فوقت من سرحانى على خبط على باب الاوضة قومت بسرعة ومسكت الفاظة اللى لاقيتها جمبى "

= ملاك انتى هنا .... اكيد انتى هنا لان باب الشقة مقفول بالمفتاح والمفتاح اهو فى جيبى ...ملاك انتى قافلة على نفسك لية 

" قافلة على نفسى لية هو اهبل دا كان هيموتنى من شوية"

- انت عاوز منى اية 

ضحك= عاوز منك اية تقريبا انتى نسيتى ان انهاردة فرحنا افتحى يا ملاك 

- افتح عشان تضربنى تانى 

= اضربك تانى!؟ هو انا ضربتك اصلا 

" هو لأما بيستهبل لأما بيستهبل بردوا مفيش حل تانى "

= ملاك انا مش فاهم انتى بتقولى اية ممكن تفتحى الباب دا وتفهمينى 

" كان بيكلم بهدوء غريب وانا مكنتش عارفة اعمل اية افتح الباب فعلا ولا لا "

= متخافيش منى يا ملاك 

" جملتة دى حسيستنى بألامان !! غريب ازاى حد كان هيموتنى ودلوقتى وثقت فية !! فتحت الباب براحة وانا ماسكة الفاظة لاقيتة واقف بس اول حاجة لاحظتها ان عينة رجعت طبيعية تانى مش حمرا بصلى وشاف الفاظة اللى فى ايدى "

= اهدى انتى خايفة كدا لية انا مش هأذيكى 

" مش هتأذينى لا هتموتنى بس " 

- مش هتأذينى احنا اول لما دخلنا الشقة ضربتنى بالقلم 

= انا عملت كدا !! 

" كان بيكلم وهو متفاجئ ومصدوم "

= ملاك ارجعى اوضتك وانا هنام فى الاوضة اللى جمبك وياريت تقفلى الباب بالمفتاح 

" مدانيش فرصة ارد ودخل الاوضة التانية وقفل الباب وانا وافقة مصدومة رجعت الاوضة تانى وقفلت الباب بالمفتاح فعلا زى ما قالى وفضلت افكر لغايت ما النوم غلبنى صحيت تانى يوم على خبطة على الباب "

= ملاك اهلنا زمانهم جايين اصحى يلا 

- تمام ثوانى وهاجى 

"قومت و روحت عند المراية وبصيت على شكلى بفستان الفرح اللى نمت بية وضحكت بسخرية اللى وصلنى لهنا هو كلام الناس انى خلاص بقيت  عانس مع انى لو فكرت انا لسة فى عز شبابى حتى لو متجوزتيش كفاية انى انا فخورة بنفسى مش الشخص اللى بيجوز اسرع واصغر هو اللى فاز لاء الشخص اللى اتجوز الانسان الصح الانسان اللى مستعد يكمل حياتة معاة اصل دا جواز طول العمر لازم يكون اختيرنا صح عشان منتعبش طول عمرنا  غيرت الفستان ولبسيت دريس كشمير وعلية طرحة نفس اللون وجيت اخرج افتكرت فارس وتصرافاتة مبقتش عارفة اخرج ولا اعمل اية بس اطمنت لما سمعت صوت جرس  الشقة فتحت الباب لاقيت فارس بيسلم على باباة رحت وقفت جمب فارس وسلمت على باباة بس حسيت مرة واحدة ان فارس مسك ايدى قلبى دق جامد رفعت عينى لية لاقيت عينة مركزة على نقطة معينة بصيت عليها لاقيت مامتة داخلة " 

*مش هتسلم عليا يا فارس 

" بصيت على فارس لاقيت عينة بدأت تحمر محستش بنفسى غير وانا برد عليها "

- لا لا اكيد هيسلم على حضرتك اتفضلى اتفضلى 

" دخلتها وقفلت الباب وكل دا وفارس ماسك ايدى بصيت علية راح قرب منى وهمس فى ودنى "

= متسبنيش وخليكى جمبى 

" لما قالى كدا مكنتش قادرة اسيطر على دقات قلبى !! دخلنا انا وهو وكان لسة ماسك ايدى راحت مامتة بصيت علينا وضحكت بسخرية وانا لاحظت دا  وقررت انى لازم افهم اية طبيعة العلاقة بين فارس ومامتة قعدنا انا وفارس على الكنبة وكان فارس قريب منى وانا قربة دا موترنى "

- هجبلكم حاجة تشربوها 

" جيت اقوم لاقيت فارس مرضيش يسيب ايدى وباباة لاحظ دا "

- سيبنى يا فارس 

= هتسيبينى 

- عمرى ما هسيبك هاروح اجيب بس حاجة يشربوها وهرجع على طول 

= اوعدينى ان عمرك ما هتسيبينى 

- اوعدك 

" فارس ساب ايدى وانا روحت المطبخ وفضلت واقفة وانا مش فاهمة حاجة لاقيت بابا فارس وقف قدامى " ...تابع👌👌👌👌

 👇👇👇👇👇

👇😉

الجزء الثاني والاخير 

فارس ساب ايدى وانا روحت المطبخ وفضلت واقفة وانا مش فاهمة حاجة لاقيت بابا فارس وقف قدامى " 

+ عندو انفصام فى الشخصية 

" بصتلة بصدمة يعنى امبارح لما ضربنى مكنش فى وعية او بمعنى اصح كانت الشخصية التانية هى اللى مسيطرة علية " 

- واية سببة 

+ مش عارف

- مهوا مش معقولة صحى من النوم عندو انفصام اكيد فى اسباب 

+ .........

- عشان كدا خليت الفرح بسرعة 

+ ابنى محتاج  شخص معاة وانا حسيت انك الشخص دا ...... انتى اشتغلتى فترة فى الشركة عندى وشوفتك حسيت انك انتى اللى هتقدرى تقنعية انوا يتعالج 

- يتعالج ؟! ابنك عندو انفصام يعنى لازم يروح مصحة نفسية 

+.........

- لا صح عشان سمعتك هيقولوا اية ابن رجل الاعمال دخل مصحة 

" قطع كلامى دخول فارس وكان باين انوا خايف جة ومسك فيا "

= اية اللى اخرك كدا 

" بصتلة وحسيت انوا مسؤول منى وانى لازم اساعدة وقررت انى مش هسيبة"

- لا ابدا كنت بجهز الحاجة 

= طيب يلا وانا واقف معاكى اهو 

" هزيت دماغى بمعنى ماشى وبابا فارس خرج وانا وقفت انا وفارس نجهز عصير وخرجنا بية وقعدنا لغايت اما اهلى كمان جم وقعدوا شوية ومشيوا كلهم بس قام بابا فارس  قبل ما يمشى قرب منى  وقالى شكرا انك هتساعدى ابنى ومشى قفلت الباب وراهم ورحت قعدت جمب فارس وبصتلة كان هو ساكت وسرحان "

- اية رايك نجيب فيلم ونتفرج علية 

= مع بعض 

- مع بعض 

" قومت وشغلت فيلم بحبة وقعدنا انا وهو وكنت ملاحظة انوا مبسوط انو كان طول عمرة لوحدة واول مرة حد يشاركة وانا كنت مبسوطة لما حسيت انى انا الشخص اللى اول مرة يشاركة فضلت باصة لملامحة كانت ملامحة هادية بشكل مريح !"

- هو انت كنت بتبص لمامتك كدا لية 

= مش امى 

- اية 

= متدخليش فى اللى ملكيش فية 

- فارس انا ......

= قولتلك ملكيش دعوة وقومى خشى اوضتك يلاااا " كان بيزعق ولاحظت ان عيونة بتحمر تانى رحت جريت ودخلت الاوضة وقفلت على نفسى بس سمعت صوت قفل الباب فعرفت انوا نزل خرجت ومكنتش عارفة اتصرف ازاى دلوقتى الشخصية التانية اللى مسيطرة على فارس وممكن يعمل مصايب جريت على الباب عشان انزل الحقة لاقيتة قفلة بالفتاح واكيد المفتاح معاة قعدت على الارض قدام الباب وفضلت مستنياة !! عدا وقت كبير والليل ليل وانا بردوا قاعدة فى مكانى مستنياة لغايت انا لقيتة فتح الباب ودخل راحت جريت علية "

- فارس فارس انت كويس 

= اهدى متخافيش... انتى اية اللى مقعدك قدام الباب

- مستنياك 

" بصلى وسكت حسيت ان فى عيونة بنظرة مختلفة اكن اول مرة حد يهتم بية ! حسيت بصوت بطنى لانى مكلتش من الصبح وهو خد بالة  "

= انتى جعانة 

-...بصراحة اة 

ابتسم = طب تعالى يلا ناكل انا وانتى 

" فرحت انوا هياكل معاية وجريت احضر الاكل وهو راح غير هدومة وجالى على المطبخ كنت انا خلصت الاكل وهشيلة عشان احطة على السفرة راح هو خدة منى "

= انتى حضرتى انا اشيل بقى 

" ابتسمت ومشيت وراة وحط هو الاكل وقعدنا ناكل ولاحظت انوا كل شوية يبصلى "

= ملاك انا ممكن بتصرف تصرفات غريبة مرة واحدة ...بس صدقينى دا خارج هن ايرادتى 

مسكت ايدة- عارفة ومتخافش انا مش هسيبك لغايت اما تتعالج 

ساب ايدى = وانا مش مريض عشان اتعالج 

" فارس مش مقتنع انوا مريض ولازم يتعالج ودى مهمتى انى اخلية يقتنع "

- خلاص تمام اسفة مش مريض ياسيدى ويلا بقى لانى هاموت وانام 

" قومت وسيبتة لو كنت طولت فى كلام انوا مريض كان ممكن يقلب على الشخصية التانية وانا مش عاوزة دا فافضل حل الانسحاب مؤقتا شيلت الاكل وكنت داخل اوضتى بس وقفنى صوت فارس"

= شكرا يا ملاك .....تصبحى على خير 

ابتسمت- وانت من اهلة

" دخلت انام وانا مبسوطة كدا اول جولة كسبتها انى خليت فارس يثق فيا ودى تعتبر اهم خطوة "

- فااارس يلا اصحى يلا يا فارس .....صباح الخير

= صباح النور

" صحى لاقانى حضرت الفطار وقاعدة مستنياة وقعدنا فطرنا وشيلت الاكل "

-متيجى نخرج 

= هانروح فين 

- اى حتة يلا بس 

" مدتلوش فرصة وقومت عشان البس وهو مكنس قدامة حل تانى غير يوافق نزلنا "

- مش هركب العربية 

= لية 

- عاوزة اتمشى الجو ريحتة مطرة وشكلها هتمطر يلا يلا 

" شديتة ومشينا وهو مش فاهم اية اللى انا بعملة دا بس دا طبيعتى انا بعشق المطرة وريحة المطرة "

- يارب تمطر

" مكملتش كلمتى ومطرت فعلا كنت مبسوطة وفضلت اتنطت وهو باصص عليا ومبتسم " 

- يلا نرقص 

= اية 

- نرقص يلا بس 

" شديتة وبما ان مفيش اغانى طبعا فضلت اغنى انا وهو انسجم معايا وكنا بنرقص انا وهو تحت المطرة"

- تعرف ديما كان نفسى ارقص تحت المطرة مع الشخص اللى قلبى يختارة 

"فضل باصيليلى وساكت بس المطرة شدت واتطرينا نرجع البيت دخلت غيرت هدومى ورجعت كان فارس هو كمان غير وفضلنا واقفين فى البلكونة وساكتين "

= متخافيش هو مش هيأذيكى ...انا قولتلة انوا ميأذيكيش 

" فارس قال كدا  ودخل اوضتة وقفل علية انا فهمت انوا بيكلم عن الشخصية التانية ! دخلت اوضتى انا كمان وقررت انى خلاص كسبت فارس طالما قال للشخصية التاتية كدا جة الوقت انى افهمة انوا محتاح يتعالج ودا عن طريق انى استفز الشخصية التانية وعدى كام يوم وفارس بيعاملنى كويس ولما تسيطر علية الشخصية التاتية بتجاهلنى وبينزل اصلا وبيرجع لما فارس يرجع !   "

- هو اية سبب ان يعنى ....يعنى 

= ان يكون ليا شخصيتين 

- ايوة 

= هتستفادى اية لما تعرفى 

- ساعتها اقدر اساعدك 

= وانتى تساعدينى لية اصلا 

- عشان بحبك 

" هو اتصدم وانا شخصيا اتصدمت من اللى قولتة بس دى الحقيقة انا فعلا حبيت فارس حبيت برائتة وهو بيكلم حبيت لما اقول فكرة مجنونة يسكت كدا شوية بس بعد كدا يساعدنى انفذها انا حبيتة " 

= ادخلى اوضتك واقفلى عليكى 

- اية 

= اسمعى الكلام يا ملاااك 

" قال كدا وعيونة احمرت فهمت ان الشخصية التانية بتسيطر علية جريت ادخل الاوضة بس هو مسكنى زقيتة  وجريت ودخلت الاوضة وقفلتها وسمعت برا صوت تكسير عالى " 

- فارس فوق يا فارس فووق متخلهوش يسيطر عليك فوق يا فارس 

" فضلت اقول كدا وصوت التكسير برا يعلى لغايت اما لقيت مرة واحد الصوت وقف  مكنتش عارفة اعمل اية اخرج ولا لا بس لما اتخيلت ان ممكن يكون حصل حاجة لفارس جريت فتحت لاقيت فارس مرمى على الارض وكل حاجة متكسرة حولية وايدية مليانة دم جريت علية "

- فارس انت كويس فارس 

" فارس فتح عينة وبصلى "

= ملاك انتى كويسة انا مأذتكيش صح

- لا لا مأذتنيش قوم يا فارس قوم 

" قومتة وجبت علبة الاسعافات وقعت جمبة عشان اربطلة ايدة "

= هى السبب فى كل دا 

- مين .... مامتك 

= قولتلك مش امى .......دى تبقى مرات ابويا ....انا امى اتوفت وانا عندى 10 سنين ساعتها بابا اتجوز وقالى هجبلك ماما تكون احن من مامتك الحقيقة عليك بس جبلى حاجة تانية خالص كانت بتقعد تضربنى وتحذرنى لو قولت لبابا هتحرقنى وفى مرة اتجرأت وقولتلة ساعتها اتخانق معاها وبعدها جاتلة سفرية تبع شغلة وسابنى معاها ساعتها كانت بتحرقنى وتقولى قولتلك متقولش لحد بعدها اكتشفنا انها مش بتخلف فكرت انها كدا هتبقى حنينة عليا وتحبنى بس بالعكس بقت اسوء وفضلت على الحال دا لغايت اما بقى عندى 20 سنة تخيلى عشر سنين بتعذب ومقدرش اتكلم عشان متحرقش وفى الوقت دا بقوا يقلولى اتى عملت حاجات وانا احلف انى معملتش كدا ومن ضمن الحاجات اللى عملتها انى كنت بكسر البيت وبخرج بليل وبرجع الصبح وكل دا لما بفوق مش بفتكر حاجة لغايت اما ودونى لدكتور وقال انى عندى انفصام فى الشخصية رفضت انى اتعالج ومكنتش شايف ان دا مرض بالعكس كنت شايف ان الشخصية التانية دى بتعمل حاجات انا مقدرتش اعملها وبقيت اتواصل انا وهو وسيبت البيت وعشت هنا وابويا كان حاسس بالذنب انوا ساب مراتة تعمل فيا كدا فكتبلى كل شركاتة تقريبا بس عارفة لما عرفت مفرحتش انا كنت محتاجة هو مش محتاج شركاتة بعدها قرر انوا يجوزنى واحدة تاخد بالها منى يمكن تقنعنى اتعالج وانا وافقت يمكن جزء فيا كان بيقول حد اخيرا هيهتم بيك وجزء بيقول انت متخيل انها هتفضل معاك اصلا هى هتسيبك اول لما تعرف انك مريض وشوفتك يوم الرؤية الشرعية ومن ساعتها مرحتيش من بالى وبعدها اتجوزنا وانا كنت بحاول بشتى الطرق ابعدك عن شر الشخصية التانية لما بحس انها هتظهر بمشى على طول لغايت انهاردة 

" فارس قال دا كلو وحسيت ان فى دموع فى عينة رحت محستش بنفسى غير وانا بحضنة وبطبطب علية "

- انا هفضل معاك يا فارس هفضل طول العمر .....انت لازم تتعالج يا فارس 

= وانا موافق يا ملاك 

" بعدها رحت انا وفارس مصحة نفسية اتحجز هناك فعلا وكنت ديما بروحلة واقعد معاة وفارس اتحسن بكتير والشخصية التانية بالتدريج بقت تختفى وانا كنت مبسوطة جدا بالتحسن دا والدكتور قالى ان حالتة النفسية ليها عامل كبير  فى تحسنة دا  وانهاردة اخيرا فارس هيخرج "

- يلا يا فارس يلا

= اصبرى يا ملاك 

" شديتة وخرجنا من المصحة وكان بابا فارس واقف مستنينا وقرب منا ووقف قصادنا"

= جاى لية 

+ انا اسف يا ابنى 

= تتأسف على اية ولا على اية 

+ على كل حاجة على انى مكنتش اب كويس ليك انا طقتلها يا ابنى اول لما ملاك حكيتلى على اللى كانت بتعملة فيك انا مكنتش اعرف كنت مفكر سبب مرضك انك كنت قريب من مامتك و وبعد وفاتها وهى قالتلى كدا صدقنى مكنتش اعرف  

" فارس قرب من باباة وحضنة وانا واقفة مبسوطة انى قدرت اجمع ما بين الاب وابنة بعدها بابا فارس مشى وانا مشيت انا وفارس عشان نرجع بيتنا ركبنا العربية وكان كل شوية فارس يبصلى لغايت اما وصلنا واول لما دخلنا فارس شالنى وفضل يلف بيا " 

= انا مش عارف اشكرك ازاى يا ملاك لا انتى ملاكى اللى نزل من السما عشان ينقذنى من كل اللى كنت فية 

- فارس انا ليا طلب عندك 

= اؤمرى

- باباك يجى يعيش معانا هو دلوقتى طلق مراتة وبقى عايش لوحدة 

" فضل فارس باصليليلى وساكت انا اتوقعت انوا رافضل وكنت لسة هتكلم عشان اقنعة بس اتفاجئت لما حضنى"

= انتى بتعملى دا كلو لية 

- هقولهالك تانى يارب متقومش تكسر كل حاجة تانى ...عشان بحبك يا فارس عشان بحبك 

= وفارس بيعشقك مش بيحبك بس فارس عدى مراحل الحب من زمان 

تمت

ضعوا تعليق للقصه الجديده