 |
رجعت للبيت بعد يوم شغل مرهق
أستغربت لما لقيت زوجي وصل قبلي
كان قاعد في الصالة
غريبة انك رجعت قبلي النهاردة!!
مفيش كان عندي مأمورية تبع الشغل وخلصت بدري
ورجعت قبل معادي
كنت حاسه أن شئ متغير فيه ،والاحساس دا بدأ من 5 شهور ..وبيزيد كل يوم عن اللي قبله
جهزت الغدا وأكلنا سوا ..احنا متجوزين
من سنتين ولسه معندناش أطفال
نزل شوية وبعدها رجع بالليل
طلع سيجارة وولعها
حبيبي انت من أمتى بتدخن!!
معلش مخنوق شوية
من ايه بس أحكيلي ؟
في ضغوط في الشغل ..متشغليش بالك
سابني ودخل البلكونه يكمل سيجارته
في حاجة مش طبيعية بتحصل !
نبرة صوته متغيرة بشكل طفيف ..ونظرة عيونه
لمعانها أقل ..شوية تفاصيل صغيرة ..من الوارد
تعدي على أي حد ..لكن بالنسبة ليا صعب جدا
أنا عارفة يوسف من زمان ..قبل الخطوبة والجواز
هو ابن خالي وعارفاه من واحنا عيال
لايمكن أغلط فيه أبدا ..
بعد الجامعه مر بظروف صعبة ..كان بيتنقل من شغلانه لشغلانه..لكن انا كنت دايما في ضهره وبدعمه
لغاية ما ربنا كرمه واشتغل حارس في مستشفى
أستثماري كبير ..ومع الوقت وبكفاءته مرتبه زاد
وتم تثبيته وقدر يشتري شقة وبعدها اتخطبنا واتجوزنا
يوسف حنين اوي عليا ..اكتر حد بحس معاه بالراحه والامان.
يوسف مش بس جوزي..هو ابني وصاحبي وحياتي كلها
عشان كدا انا واثقة انه متغير
فات يوم واتنين وابتدا احساسي بتغيرة يزيد!
في ليلة كنت واقفة في المطبخ ..بغسل المواعين
فجأة حسيت بيد لفت حولين وسطي
شهقت ولسه بلف لورا لقيت يوسف حاضني
باسني من رقبتي .. احساسي بيه مختلف
ريحته مش ريحة يوسف؟
قالي انتي تعبانه يا حنين ...خشي ارتاحي
وانا هخلص الأطباق وأحصلك
شيلت إيده من عليا وزعقت فيه
لأ
بص لي بأستغراب وقال مالك
لأ...مش تعبانه روح انت وانا هخلصهم
مش بقولك واضح انك تعبانه ..وفيها أيه اني اساعد
مراتي حبيبتي شوية
ودا من امتى بقى !!
بس ادخلي وانا هعملنا 2 لمون عشان تهدي اعصابك
سبت المطبخ ودخلت أوضتي
مين الراجل اللي ف المطبخ دا ؟
اكيد مش جوزي ..طب وبعدين انا خايفه ومرعوبه
عايشه مع حد معرفوش ..
أتسحبت من أوضتي ..وروحت تاني ع المطبخ عشان أراقبه بيعمل ايه
يوسف عمره ما طلب مني يساعدني في شغل البيت
ايه غيره .. يمكن يكون بيعرف وحده عليا
وعشان ضميره ميتعبوش ..بيحاول يكون رومانسي معايا
مش عارفه !!
بس يوسف بيحبني انا وعمره ما فكر يخوني
انا مهتمه بيه جدا ..خصوصا وأنه مفيش عندنا أطفال
ممكن يشغلوني عنه
قربت من المطبخ واتفاجأت لما لقيته خلص غسل الاطباق
بسرعه رهيبة ..
وبدأ في تقشير الليمون وتقطيعه ... فجأة وهو بيقطع
اللمونه بالسكين ..صباعه اتعور ..ونزف
حسيت قلبي وجعني عليه ودخلت اقوله سلامتك
قالي في ايه يا روحي ..ايه جابك تاني
خوفت اقوله انت اتعورت ..يقولي انتي بتراقبيني
مسكت إيده وقربتها مني ..وببص ليها
ملقتش أثر للدم ولا للجرح !!
بصيت له بأندهاش وقولت طب ازاي ؟
قالي ببرود ..أزاي ايه ؟
سبته ورجعت الأوضة ..لكني لفيت بسرعه
ولمحته ..ماسك السكين وبيلحس أثار الدم من عليها
حمدت ربنا انه مخدش باله اني شوفته
دخلت الأوضة وقفلت على نفسي من جوه
جاب العصير وخبط
أفتحي يا حبيبي ..قافله على نفسك ليه؟
كنت قاعده على سريري وضامه ركبي لصدري
وحاضنه نفسي وبعيط
طيب مالك بس ..فيكي ايه
كنت كاتمه صوت بكايا عشان ميسمعنيش
لكنه فاجأني وقال
للوصول للجزء الاخير نولع البسووووست بالتفااااااعل ❤
الجزء الثاني قبل الاخير
كنت قاعده على سريري وضامه ركبي لصدري
وحاضنه نفسي وبعيط
طيب مالك بس ..فيكي ايه
كنت كاتمه صوت بكايا عشان ميسمعنيش
لكنه فاجأني وقال
بتعيطي ليه طيب ..احكي لجوزك حبيبك
صرخت فيه وقولت
أبعد عني مش عايزه اسمع صوتك
سمعت صوت خطواته ..رجع الصاله
ونام هناك ع الكنبة
أول ليلة ينام بعيد عني
بس دا مش يوسف ..دا حد تاني انا معرفوش
تصرفاته غريبة بجد
فتحت باب أوضتي الصبح لقيته محضر لي الفطار وساب لي ورقة كاتب فيها
صباحك ورد يا حياتي
اتمنى ان مزاجك يكون احسن النهارده
الكنبة قسمت ضهري ..بس مش مشكله
المهم انك تكوني بخير .. اوعي تسبيني !!
حبيبك يويو
يويو !! انا عمري ما دلعته بالأسم دا
تلاقي السنكوحه الجديده اللي عرفها عليا
هي التي بتقوله كدا ..ومش بعيد انها تكون هي اللي قلبت أحواله بالشكل دا
وبعدين ايه اوعي تسبيني دي ؟
يمكن حس اني كشفته وخايف اطلب الطلاق مثلا !!
نزلت الشغل وفضلت طول اليوم مش مركزة
كل الاحداث الأخيرة ..بتدور قدام عيني وبشوفها
صوت وصورة ..كانه فيلم متسجل
كنت خايفه اليوم يخلص ..لأني هرجع تاني للبيت
ومعرفش ايه اللي ممكن أشوفه منه تاني
اليوم خلص ورجعت من تاني ..فتحت الباب ودخلت
وكان لسه مرجعش
الجو كان حر جدا ..دخلت مليت البانيو
ونزلت فيه
كنت سرحانه وانا بفكر في اللي بيحصل
وبحاول اقنع نفسي انه مفيش حاجه وكل الأمور بخير
نزلت تحت المايه لثواني ورفعت راسي من تاني
واتفاجأت بيوسف واقف قدامي
كان في أثر صابون على عيني ..صرخت بصوت عالي
ومسحت وشي بالمايه ، ولما فتحت ..
لقيته أختفى !!
ساعتها سمعت صوت باب الشقة اتفتح
وخطوات جايه جري ع الحمام
صوت خبط على الباب. ..#قلبي_أتفزع
وصوت يوسف بيقول
مالك يا حبيبتي ..انا سمعت صوت صرختك
من ع السلم ..حصلك ايه !
..
انتي كويسه طيب ؟
زعقت فيه وقولت
مفيش حاجة
كنت خايفه أخرج من الحمام ..ومش عارفه اعمل ايه
هو انا فعلا شوفته من شوية ولا كان تهيؤات !!
ويكون فعلا انا اللي اعصابي تعبانه وظالماه ؟
خبط تاني ع الباب
ايه يا قلبي هتنامي عندك ولا أيه
يلا اخرجي انا جهزتلك الأكل
خرجت من الحمام ولقيته عامل الغدا
قعدت أكل وهو باصص لي بأهتمام وحب
ايه مش هتاكل !
بالف هنا انتي..انا مش جعان كفايه عليا اشوفك
قدامي بتاكلي ومبسوطه
بس ايه الحنية الزايدة دي ..في حاجة غريبة
مرة تغسلي المواعين ..ومرة تحضر فطار ومرة غدا !؛
هو في ايه يا يوسف
خايف تضيعي مني!
قالها بنبرة حزينة وحسيت انه هيعيط
لكنه تمتلك نفسه وقال
انا هقوم اعملك الشاي بقى على ما تخلصي أكل
يوسف ..أستنى بس
سابني ودخل المطبخ
تصرفاته مش مفهومه ..هو ليه بقى متخيل اني ممكن اسئله او ابعد عنه ..هو حياتي وكل دنيتي
لولاش بس تصرفاته الغريبة الفترة الأخيرة دي
فات يوم والتاني والأمور كانت مابينا تمام
في اليوم التالت ..رجعت البيت وانا مبسوطه
وطايرة من الفرح ..لقيته قاعد في الصالة
وكان واضح عليه الحزن اوي
وقالي خلاص نسيتي حبنا
أيه مالك ؟
مش عارفه يعني ؟
لا مش عارفه ..نسيت حبنا يعني ايه ؟
انا مكنتش أتخيل ابدا انك ممكن تعملي كدا
يا حبيبي فهمني ..انا عملت ايه مزعلك اوي كدا
فجأة اتعصب وصوته علي وفضل يزعق
وابتدا يكسر في اي حاجة تيجي قصاده في البيت
طب اهدى بس وفهمني مالك !!
سابني وخرج وقفل الباب وراه
جريت بسرعه عشان الحقه ...بس كان أختفى !
حاولت اكلمه على موبايله كان مغلق
استني يرجع البيت واعرف منه ايه جراله
لكنه مرجعش
يا ربي ع الحيرة اللي انا فيها
هو ماله ..ايه مزعله مني اوي كدا
نمت وصحيت الصبح وبرضو مرجعش
كنت حاسه بتعب وارهاق. .منزلتش الشغل
واستنيته..قولت اكيد هيخلص شغل ويرجعلي
لكنه مرجعش .. لحد الليل ..وانا بتصل وفونه مقفول
اليوم اللي بعده ..روحت الشغل عشان اعرف منه
هو بيعمل كدا ليه
لو سمحت يوسف كامل فين..هو مجاش النهارده ؟
موظف الأمن بص لي وقال
لو لقيت تفاعل هكملها
موظف الأمن بص لي وقال
يوسف كامل دا شغال هنا عندنا ؟
ايوه حضرتك دا شغال من مدة كبيرة !
انا شغال هنا من سنه ومعرفش انه في حد
هنا ف الامن شغال معانا بالاسم دا
أزاي دا !! انت هتجننني؟؟
بعدها خرج موظف امن شكله كبير
ايوه انا عارفاك ..حضرتك مش فاكرني
قولتله اسمي
لا مش واخد بالي الحقيقة ..خير بتزعقي ليه؟
موظف الأمن الصغير قاله
دي بتسألني عن حد اسمه يوسف كامل وبتقول شغال هنا معانا !
الراجل ملامحه أتبدلت وكان مذهول
وقالي
انتي بتسالي عن يوسف كامل اللي كان شغال امن هنا
من 3 سنين ؟
ايوه حضرتك انا مراته ؟
اااه افتكرتك ..فعلا انا حضرت فرحكم
طيب تقدر تقولي هو فين ..ليه يومين غايب عن البيت
يومين !!
ايوه ؟
يومين أزاي بس حضرتك ..دا جوزك مات في حادثة
من سنه ونص ؟؟
سمعت الجملة اللي كانت زي الصاعقة عليا
وافتكرت كل حاجة
لحظة ما سمعت الخبر ..وجريت ع المستشفى
نظرته ليا وهو بين الحياة والموت..إيده لما فلتت مني
والدكتور بيجس نبضه وبيهز رأسه وبيقول في اسف
البقاء لله يا مدام
لحظتها افتكرت كل حاجة ...الدنيا لفت بيا
ووقعت على الأرض فاقدة الوعي
لما فوقت كلمت بنت خالتي وجات لي ع المستشفى
اول ما دخلت حضنتني
سلامتك يا حنين ..مالك يا قلبي
تقى ..يوسف يا تقى
اهدى يا حبيتي ..وقوليلي حصل ايه؟
حكيت لها على كل حاجة حصلت ..وتغيره معايا اخر فترة
لغاية ما ساب البيت من يومين معقول كل دا وانا عايشه في ووهم؟
لأ مكانش وهم يا حنين ؟
يعني ايه !!
بعد وفاة جوزك بشهرين ..كانت حالتك النفسية سيئة جدا وتصرفاتك كانت عدوانية مع الكل
في ست كانت بتيجي تنضفلك الشقة مرة كل اسبوع
اه فاكراها
لما شافتك كدا ..اقترحت توديكي لوحده تعرفها
بتحضر أرواح .وانتي عشان مكنتيش في وعيك
وحزنك على موت يوسف ..واشتياقك ليه
سمعتي كلامها وروحتي للست دي
وقدرت بطريقة ما تخليكي تتواصلي مع روح يوسف
نفسيتك أبتدت تتحسن ومع الوقت بقى عندك ادمان
على الموضوع دا
لدرجة انك قررتي تعملي دا بنفسك ف البيت
وبعد كذا محاولة حضرتي روحه ..وبقى عايش معاكي
مكنتش مستوعبه كلامها
بتقولي ايه !!
انتي من سنه او اكتر فاكرة نفسك عايشه مع يوسف
وصدقتي الكدبة اللي كدبتيها
لكن مع الوقت ابتديتي تفوقي لروحك
خصوصا اخر 5 شهور ..لما شريف ظهر في حياتك وابتدا يقربلك
ايوه شريف صح
يوسف ف البيت كان مسيطر عليكي ..وعرف أن في راجل دخل حياتك ..عشان كدا تصرفاته اتغيرت معاكي من وقتها
ساعات كان بيبقى حنين عشان متبعديش عنه
وساعات يعمل امور تخوفك ..لما تزعليه بحكاية شريف
اللي كان بيخليكي تنسيه اول ما رجلك تدخل البيت
انتي كنتي في صراع نفسي رهيب .
وانا كنت دايما بحاول اخرجك منه ..بس هو كانت سيطرته اكبر عليكي مني ومن أي بشر
ومن 3 ايام تمت خطوبتك على شريف
ودي دبلته اللي ف ايدك
بصيت لأيدي وشوفت الدبله وافتكرت ليه انا كنت راجعه
سعيدة يومها وطايرة من الفرحه
وعشان كدا يوسف كان غضبان وفضل يزعق
ويكسر ..لأنه كان غيران عليا
فضلت أعيط وأنا بسمع كلام تقى وبجمع الخيوط ببعضها
خلاص يا حبيبتي ..يوسف كدا سابك وعرف
انك مش ليه ..سابك تعيشي حياتك مع راجل غيره
امسحي دموعك بقى ..عشان شريف عرف انك تعبانه
وزمانه على وصول دلوقت.
لازم تنسي وتعيشي حياتك وكفاية اوي اللي حصلك لحد كدا
متقلقيش ..ربنا هيعوضك خير
تفاعل تشجيع لقصه جديده
تعليقات
إرسال تعليق