 |
#الجزء_الاول✋
#البيوت_أسرار✋👇
هطلق من جوزي و معايا بنتين و ولد اكبرهم 8سنين و اصغرهم 6 سنين لسه صغيرين جداً مع ان جوزي معاه فلوس كتيير و بيصرف، عليا و علي عياله كويس جدا و مدخلهم مدارس خاصه و اشتراك في النادي بيصرف علينا كويس و مش بخيل ابداً بصراحه لكن عصبي جداً و تصرفاته غريبه و بقت اغرب رغم الفلوس اللي معاه دي كلها الا انه مش بيشتغل ولا عنده اي مصدر للفلوس دي كلها قبل ما نتجوز اهلي سألو عليه و طلع شخص معروف بأدبه و احترامه كان مخلص جيش و كان بيشتغل سواق تاكسي و حكي كل ظروفه لأهلي و قال انه عنده شقه 180 متر بيجهز فيها و خلال خمس شهور هتكون جهزت و يبقا فاضله العفش اللي بيكون ديماً ع العريس او علي حسب الاتفاق كلنا عارفين الكلام ده طبعاً المهم اتفقنا علي مدة سنه و نتجوز علشان انا برضو مش كنت جاهزه ف كان قدامي سنه علي ما اهلي يجهزوني و اتفقنا علي كده و الحمدلله عدت السنه و يرتها ما عدت و اتجوزنا و زي ما حكيت لكم فوق كان ميسور الحال عدت سنه في التانيه في التالته و باع التاكسي بحجة ان نظره ضعف و ضهره بقا يوجعه من السواقه كنت بتكلم معاه و اقوله متبعش التاكسي و شغل حد عليه قالي انا مضمنش حد يا دينا ممكن يبوظلي التاكسي و لو حبيت ابيعه سعره هيقل النص من سوء الاستخدام انا اقتنعت و فعلاً باع التاكسي ب ستين الف جنيه و كان معاه زيهم يعني كان معاه ميه و عشرين الف جنيه اتكلمت معاه اعمل بيهم مشروع علشان بنتنا و ابننا و اللي في بطني نعرف نربيهم كويس كان ديماً يقولي انا اعرف اصرف اموري و مش بحب حد يحددلي طريق امشي عليه و كان ديما بيزعل لو اتكلمت معاه في الموضوع ده سيبته و قولت هو حر و هو المسؤل عني و عن عيالي و بدأت ابعد نفسي عنه و هو زي ما هو بيصرف من الفلوس و في خلال شهر الفلوس قلت خمستاشر الف جنيه و كان بيعرفني يقولي انا صرفت كذا و اتبقي كذا و انا كنت بفضل ازعق معاه و اقوله انت تصرفاتك غلط انت صرفت خمستاشر الف جنيه في شهر علي كده الفلوس دي مش هتكمل معانا سنه حرام عليك انت بتظلمني و بتظلم نفسك فوق بقا سابلي البيت و مشي و فضل غايب عن البيت يومين اليوم التالت جالي خبر انه عمل حادثه و في المستشفي روحت لأهلي و اهلي عرفتهم اللي حصله و روحناله المستشفي و حصله كسور و شروخ و جروح اتبهدل صرف اربعين الف جنيه عمليات و علاج و لما خرج فضل في البيت اربع شهور بيصرف في فلوسه علينا و علي علاجه و نفسه الحمدلله خف و بقا تمام جه في بالي مشروع قولتله افتح مطعم اكل صغير قالي منين يا حصره انا مش معايا غير سبع الاف جنيه قولتله طلقني انت فاشل و مش هتقدر تعيشني انا و عيالي قالي عايزه تطلقي يا دينا عايزه تمشي و تسيبيني في محنتي قولتله انا فضلت معاك للأخر و كنت في ضهرك قالي و لما الفلوس خلصت عايزه تطلقي انتي مش بتحبيني انتي بتحبي فلوسي انا طبعاً بحبه و خايفه علي مصلحته لكن هو فهمني غلط لكن قالي انتي طالق يا دينا امشي انا مش عايزك في حياتي خلاص بالسلامه لميت هدومي و خدت ابني و بنتي قالي دول عيالي انا خدي هدومك بس و امشي و لما تولدي و تفطمي اللي في بطنك هاخده منك قولتله انتي مش فايق لنفسك هتفوق لتربية عيالي راح ضربني بالقلم و طردني بره الشقه و خد عيالي روحت لأهلي و حكيتلهم اللي حصلي منه قالولي سيبك منه و عيالك هنجبهم بالقانون غصب عنه عدي اسبوع و لقيت جوزي جالي بيت ابويا و قالي العيال عايزه تشوفك يا دينا اخواتي و ابويا زعقوله و قالوله انت ملكش ضرب علي بنتنا و ضربو جوزي و خدو منه عيالي قالي انا جاي اسيبلك العيال و همشي و اسيب البلد خالص هتيجي معايا ونفتح صفحه جديده ولا هتعيشي مع اهلك و ابعتلك ورقة طلاقك ؟ انا فوقت لنفسي خلاص و هعدل اموري و بداء يقنعني بكلامه و فعلاً اقتنعت و قولت لأهلي هروح مع جوزي و فعلاً روحت مع جوزي بس اهلي مش وافقو اسافر معاه قالوله سافر انت و جهز سكن في البلد اللي هتسافر فيها و ابقي ابعت لمراتك تعيش معاك و الحمدلله رجعت معاه البيت و ربنا هداه قولتله هتسافر امتي قالي كمان اسبوع عدي اسبوع و مش سافر قالي السفاريه فاتتني قولتله انت ضحكت عليا قالي لا والله ابداً قولتله عيالك اول الشهر هيدخلو المدارس و اللي انت بتعمله ده مينفعش هتصرف علينا منين قالي متخافيش انا بظبط لكام حاجه و قريب اوي هيجلي مبلغ محترم المهم عدي شهر و الحال كان ماشي الي حدا ما و لقيته مقدم لعيالي في مدارسه خاصه لغات و اشتراك في النادي جبت الفلوس دي منين قالي هو اكل و بحلقه انا بشتغل بجيب فلوس بالحلال و بقا يجبلي دهب و الفلوس بقت كتيره معاه و ديماً بقا يقولي روحي ودي العيال النادي و ديماً كنت بحس انه بيسربني من البيت الشك هيموتني فضل ع الحال ده فتره و الفلوس بتزيد و بيصرف الفلوس علي اتفه الحاجات و انا مش عارفه جاب منين كله ده جاله في مره ضيوف و كان معاهم اقفاص فيها فراخ و بط و وز استغربت مين دول قالي دول صحابي اللي كنت هسافر معاهم و هما نزلولي مخصوص علشان يشوفوني قالي روحي النادي بالعيال و سيبيني معاهم لوحدي روحت بالعيال النادي اتصل عليا و قالي روحي عند اهلك النهارده مترجعيش البيت نفذت كلامه بس ديما شكه في تصرفاته و مستغرباه هتجنن منه مش عارفه دماغه فيها ايه و الفلوس دي منين ربنا يستر
💜💙💚💛❤ برنس 💚💛❤💜💖
#الجزء_الثاني✋
#قصة_البيوت_اسرار 😱👇
لما روحت عند اهلي انا و اولادي متكلمتش مع حد في حاجه و قولت انا هعرف بطريقتي من غير شوشره و قلق اتصلت علي جوزي تاني يوم قولتله انت ليه خليتني مرجعش البيت و ليه متصلتش بيا النهارده قالي الناس دي جيالي من بلد تانيه و كان لازم يباتو معايا مينفعش يمشوا كان لازم يباتو معايا و مينفعش يا دينا تكوني موجوده اثناء وجودهم في البيت معايا مش هتعرفي تاخدي راحتك و لاهما هياخدو راحتهم اهو يوم و عدي المهم هترجعي و لا هتباتي النهارده عند اهلك؟ قولتله اللي يريحك قالي انتي وحشتيني انتي و العيال تعالي يا روحي بيتك محتاجك روحت البيت و رتبته و حضرت الاكل و كلنا و نمت تلفون جوزي رن الساعة تلاته الفجر و كان في عز نومه لقيته صحي و جري اتكلم في الصاله انا عملت نفسي نايمه و اتسنط عليه لقيته بيكلم واحد بيقوله (تمام كده اول ما يطلع النهار هتلاحظ ان اللي قولتلك عليه صح) و بعد كده رجع نام و في صباح اليوم التاني جاله ضيوف تاني و بنفس الزياره بس كانو جايبين خروف و تلت ديوك رومي المهم قالي روحي عند اهلك انتي والعيال انا شكيت ان فيه حاجه غلط بتحصل و علشان محسسوش بأني قلقت قولتله حاضر و خلي بالك من نفسك و مشيت و رجعت تاني يوم لقيت اوضة من الاربع اوض مقفوله زي ما قولتلكم انا شقتي كبير و لما سألته انت قافل الاوضه دي ليه قالي شايل فيها حاجه و هخلي الاوضه دي زي نظام مخزن فجأه سمعت صوت مرعب خارج منها صوت خروف انا خوفت منه اوي قالي متخافيش ده خروف جايلي هديه من ناس صحابي قولتله عاوزه اشوفه قالي بس كده تعالي دخلت معاه الاوضه لقيت الخروف بس مع ان كان فيه ديوك رومي و قبل كده كان فيه طيور كتير جاتله في الزياره الاولى سألته كان فيه طيور كتير راحت فين قالي انا بتاجر في الطيور و الحمدلله بكسب منها كويس و الظروف بدأت تتحسن معايا الحمدلله قولتله يعني انت عايز تعرفني ان الطيور دي بتجبلك الفلوس دي كلها قالي طبعاً.. طبعاً كلامه مدخلش دماغي بس حسسته اني اقتنعت بكلامه المهم هو قالي هسافر الصعيد اسبوع او اربع ايام يا دينا خلي بالك من نفسك و من عيالنا و قالي ابقي اكلي الخروف ده كويس المهم قولتله انت لازم تتصرف فيه مينفعش وجوده معانا في البيت الشقه ريحتها بقت مقرفه جداً قالي حبيبتي انتي فاضلك شهر و تولدي و انا هعملك عقيقه بمناسبه البيبي الجديد قولتله ماشي يا حبيبي اللي تشوفه قالي مش هتأخر عليكي المهم خدي المبلغ ده خليه معاكي اصرفي منه زي ما تحبي متبخليش علي نفسك ولا ع العيال ماشي قولته ماشي خدت الفلوس و رحت اشتريت كاميرات مراقبه و زرعتهم في الشقه كلها حتي في الحمام و اتبقي حوالي الف جنيه حاولت امشي نفسي بيهم المهم عدي يومين اتصلت علي جوزي قولتله تعالي بقا انت وحشتني جداً قالي انا راجع كمان اربع ايام يا حبيبتي قولتله انا و العيال خرجنا و اتفسحنا و رحنا الملاهي و كلنا في مطعم شيك جداً كانت نقصاك الخروجه دي قالي معاش ياروحي تتعوض لما ارجع بالسلامه المهم قفلت معاه لقيت فجأه باب الاوضه اللي فيها الخروف بيخبط جامد الخروف بيكسر في الباب و عايز يخرج و انا خايف جداً فتحت باب الشقه و دخلت غرفتي و قفلت علي نفسي انا و عيالي فتحت اللتلفون و بقيت اراجع الكاميرات لقيت الخروف بيرجع لأخر الاوضو بيجري بأقصي سرعه و بينطح الباب عايز يكسر الباب و يخرج خوفت اوي و قولت يارب يكسر الباب و يهرب اتصلت بجوزي قولتله اللحقني بسرعه قالي في ايه مالك يا دينا خيير؟ قولتله الخروف هاج و عايز يكسر الباب و انا خايفه منه و عيالي اتصرعو و مرعوبين منه اووي قالي انا جاي في السكه متخافيش ده بيلعب او ممكن يكون جعان قولتله اتصرف تعالي بسرعه قالي انا اتحركت و في الطريق خمس ساعات و هكون عندك قفلت معاه و فضلت ادعي ربنا ميحصليش حاجه الفون هيفصل مني و الشاحن بره في الصاله عايزه اخرج اجيبه خايف جدا من الخروف فجأه لقيت الخروف كسر الباب و خرج فضلت اصرخ... اصرخ خايفه منه اووي مسكت التلفون علشان اتصل علي جوزي لقيت التليفون فصل شحن فتحت بابا الغرفه علشان اشوف الخروف فين لقيت الخروف بيرجع لوره و بيجري و راح نطح باب الغرفه اللي انا فيها فضل يخبط الباب و عايز يكسره عليا عيالي بيصرخو و انا بصرخ و محدش سامعني و الخروف مستمر و عمال يكسر في الباب بس الخروف سكت و مش سمعتله صوت فجأه لقيت الخروف كسر الباب و دخل علينا و اول مره في حياتي........
#الجزء_الثالث✋
#قصة_البيوت_الاسرار 😱😱😱👇
اول مره في حياتي احس بخوف و اول مره في حياتي استخبي تحت السرير انا و عيالي الخوف احساس فظيع جدا فضلت ادعي ربنا انه ينجدني و في نفس الوقت بسأل نفسي هو في خروف متوحش كده معقوله ممكن ياكلني او يقتلني طب هو بيعمل كده ليه يارب انقذني انا و عيالي الخروف عايز يدخل تحت السرير و خل راسه و مش طايلني و واضح انه مش عارف يدخلي و انا صوتي راح من كتر الصريخ فجأه لقيت الخروف حد سحبه فرحت اوي انه بعد عني لقيت جوزي بشتم الخروف و بيقولي متطلعيش يا دينا خليكي زي ما انتي الخروف عفي و جوزي مش قادر عليه و انا عايزه اخرج اساعد جوزي لكن ولادي خايفين و مش عايزين يسبوني بصراحه انا قولت هما كده كده اتصرعو و لو مخرجتش علشان اساعد جوزي ممكن الخروف يقتله و ساعتها هيقتلني انا كمان طبعاً انتم مش متخيلين الموقف المهم انا خرجت لجوزي و قالي ارجعي يا دينا ايه اللي خرجك قولتله مش هسيبك لوحدك قولي اعمل ايه قالي هاتي اي حاجه اربطه بيها بسرعه فضلت ادور علي اي حاجه مش كان فيه قدامي غير اني اقلع بنطلوني و اديهوله حدفتله البنطلون و كان فيه بواقي خشب من الباب اللي اتكسر في الأرض روحت جبت خشبه كبيره و ضربت بيها الخروف لقيت الخروف بصلي و راح نطحني في جنبي خلاني فقدت الوعي و لما فوقت لقيت جوزي منيمني علي السرير و بيحاول يفوقني قولتله عيالي فين قالي جنبك متخافيش انا كتفت الخروف و بكره الصبح هدبحه ابن ال...... اللي بهدلني انا و انتي والعيال قولتله عايزه اكشف انا خايفه يكون حصل حاجه للبيبي اللي في بطني قالي متخافيش انتي كويسه و هنطمن اكتر الصبح انتي حاسه بوجع في بطنك يا دينا طمنيني عليكي قولتله لا بس مكان الخبطه بيوجعني قالي اول ما النهار يطلع هاخدك علي اكبر مستشفي و هكشف عليكي و خدني في حضنه ونمت فجأه سمعت صوت الخروف بيقول " مااااااااااااء " قولت لجوزي انا هموت من الخوف مشيه من البيت حرام عليك بدل ما يموت حد فينا قالي كلها كام ساعه و يدبح اهدي متخافيش يا دينا انا معاكي اهو مش هسيبك لحظه واحده قولتله حبيبي انا اول مره اشوف خروف متوحش بالشكل ده و بالحجم ده قالي ده خروف بري مش من مصر حاجه عليها القيمه و فضلنا نضحك انا و هو قالي نامي متخافيش نيمت العيال و بصراحه لا ولا جوزي جالنا نوم لحد ما النهار طلع جوزي قالي يلا نروح المستشفي قولتله انا عايزه تلفوني و الشاحن قالي خدي غيرات ليكي و للعيال علشان هتروحي لأهلك النهارده قولتله ليه بقا ان شاءالله قالي علشان هدبح الخروف و مش هينفع تكوني في البيت انا مضمنش ايه ممكن يحصل تاني المهم روحت المستشفي و عملت إشاعات و تحاليل و الحمدلله طلع مفيش حاجه خدت الاشاعات و كتبلي علي علاج وكده و جوزي جابلي العلاج و قالي خدي الفلوس دي خليها معاكي اصرفي منها لحد اخر اليوم و اول ما الخروف يندبح هتصل بيكي اقولك حضري نفسك و هاجي اخدك بالعربيه ماشي .. قولتله ماشي يا حبيبي روحت لأهلي و حكيت لهم اللي حصل فضلو يضحكو و كانو مستهترين بالموقف و مش كانو مصدقين اغلب كلامي و كل اللي عليهم بقا خروف يعمل فيكم كده و يفضلو يضحكو قولتلهم انا هدخل اريح شويه و دخلت اوضتي و شحنت التليفون و شغلت أبليكيشن الكاميرات و بدأت اراجع الكاميرات لحد اخر لاحظه و بقيت مركزه ع الخروف الخروف كان مربوط و هااادي جداً كأنه خروف تاني خالص المهم نمت ساعه زمن بالظبط و صحيت خدت شاور و جهزت الغدا و كلت مع امي و اخواتي و قعدة معاهم شويه و بعدين دخلت غرفتي و سبتي عيالي مع خلانهم و جدتهم فتحت ابليكيشن الكاميرات و راجعت كل الكاميرات لقيت كل حاجه زي ما هي و مفيش في الشقه غير الخروف و مربوط زي ما هو. !! راجعت الكاميرات لقيت جوزي دخل الشقه و معاه اتنين و كان بيزعق معاهم يقولهم انا مكنتش عايز اعمل حاجه زي كده في بيتي صحابه قالوله اهدي احنا هنبقي من اغنياء العالم اقراء الطلاسم دي و يلا خلص علي الخروف اخلص بسرعه مفيش وقت المفروض نروح قبل العشا مسك ورقه و فضل يقراء كلام بطريقه غريبه طلاسم زي ما اصحابه قالولو و كان فيه واحد من صحابه معاه تلت عصيان و شنطه سوده متوستط الحجم جوزي خلص قرأة الطلاسم و فجأه الخروف بقا عامل زي الطور الهايج جوزي و اصحابه مسكو الخروف و دخلو بيه الحمام و مسكو العصيان و فضلو يضربو في الخروف لحد ما الخروف اتكسر عضمه و كان بيطلع في الروح اصحابه جابو السكاكين و قطعو رجول الخروف و هو حي و فضلو يغرقو هدومهم بالدم و فضلو يقولو طلاسم في الحمام انا جسمي بداء يتلج عايزه اعرف هما بيعملو كده ليه و فضلت متابعهم لحد ما الخروف مات اصحابو قسمو الخروف نصين وحطو كل نص في شوال و مسحو الحمام و نضفوه و لبسو هدوم نضيفه و خذو الهدوم اللي فيها دم حطوها مع الخروف و قالو لجوزي يلا بسرعه مفيش وقت قالهم اسبقوني علي تحت خدو الشوالين دول و اسبقوني علي العربيه مش هينفع اسيب اثار الدم ده لو مرات عرفت اللي حصل هيحصل معايا مشاكل نزلو سابو جوزي بينضف الشقه فجأه لقيت جوزي...........
#الجزء_الرابع✋
#قصة_البيوت_اسرار😱😱4😱😱
فجأه لقيت جوزي اتشنج و وقع في الارض وفضل يخبط راسه في الارض بطريقه غريبه و سريعه كأن حد ماسك راسه و بيخبطها في الارض عمداً و فجأه بطلت تخبيط راسه في الارض و قام وقف علي رجله و فضل يضرب نفسه بالأقلام علي وشه و يصرخ و فجأه وقع في الارض ورجع يضرب الارض براسه لحد ما اتعور و بعدين سكت بداء يمسك رقبته بأيده و بقي يخنق نفسه هو شبه بيطلع في الروح خلاص هيموت من الخنقه اصحابه طلعو يستعجلوه لقيوه بيخنق نفسه فضلو يشيلو ايدو من رقبته مش قادرين عليه كأن ايده اتلحمت في رقبته واحد من صحابه طلع ورقه و فضل يقراء طلاسم و كلام مش مفهوم لحد ما جوزي فاق و رجع لطبيعته الحمدلله لحقوه قبل ما يموت نفسه شالوه و قفلو الشقه و نزلو بيه علي تحت راحو المشوار اللي كانو مستعجلين عليه اللي هو ايه بقا انا معرفش المشوار ده ايه حكاية واضح انهم بيعملو اسحار و دجل و شعوذه خوفت اوي و صعب اعيش معاه ده بقا متوحش و قلبه اتنزعت منه الرحمه قررت اقول لأهلي ع اللي حصل و قولت هفرجهم علي الفيديو اللي متسجل علي الكاميرا الخفية و ده اسلم حل اعمله و قررت اطلب منه الطلاق المشعوذ الدجال ده كرهتو و كرهت اسمه و كرهت كل ذكره حلوة كانت معاه التليفون شغال و ع الأبليكيشن و جايب كل ركن في الشقه ببص ع التليفون لقيت الخروف وشه في شاشة التليفون بيبصلي و مبرق بعنيه شكله بشع و مرعب فقدت النطق عايزه اصرخ مش قادره اعمل اي حاجه كل اللي بعمله بصه ع التليفون و مبرقه و مش قادره اتحرك حتي لقيت الخروف قال "ماااااااااااااااء" بصوت عالي و بعدين الشاشه غلوشت يعني الكاميرا فصلت و مش شايفه حاجه طيب عايزه اعرف ايه بيحصل في شقتي و حاجتي مفيش حاجه ظاهره خوفت اوي و حسيت بخطوره علي نفسي و انا مليش ذنب في كل اللي بيحصل ده اعمل ايه واتصرف ازاي فجأه لقيت تليفوني رن جوزي بيتصل عليا فتحت عليه قالي ازيك يا حبيبتي عامله ايه وحشتيني جداً النهارده اسعد يوم في حيات يا وش الخير عليا دينا مش بتردي عليا ليه الو...الووو دينا حبيبتي ردي عليا انا كنت في حاله مش طبيعيه اتشنجت و راسي كانت بتترج جسمي كله ثابت لكن راسي هي اللي بتتهز بطريقه مؤلمه حاسه ان مخي بيتشال من مكانه فجأه اغم عليا و محستش بنفسي نمت كتييير حوالي ساعه حلمت بالخروف و حلمت بنفسي وانا بضربه بالخشبه و حلمت بيه لما نطحني زي ما يكون الخروف بيفكرني باللي عملته فيه و فعلاً الخروف فكرني و شوفته بيرجع لورا بيرجع بيعد لورا و فجأه لقيته بيجري عليا بأقصي سرعه و دخل بقرونه في بطني قومت مفزوعه و فوقت لقيت جوزي بيتصل عليا فتحت عليه قالي مش بتردي عليا ليه انا قلقت عليكي كلمته بمنتهي العصبيه و قولتله اعمل ايه يعني التليفون متزفت بايظ و انا تعبانه و ضرسي بيوجعني قالي حبيبتي الف سلامه عليكي معلش انا اسف بس فيه خبر كنت عايز اقولو ليكي انا عملت مشروع دواجن و كسبت ملايين هنبقي من اغنياء العالم قولتله انا عايزه تليفون غير التليفون الزباله ده قالي عايزه تليفون نوعه ايه قولي و انا هجبلك اللي نفسك فيه بصراحه طمعت لما سمعت انه معاه ملايين انا كده كده هطلق منه بس لازم اطلع بأي مبلغ اقدر اعيش بيه قولتله هاتلي اتنين ايفون x واحد ابيض و واحد اسود قالي بس كده عينيا ليكي يا روح قلبي، انتي تأمريني و انا انفذ بس هتأخر عليكي يومين انا مسافر الأسكندريه و اول ما ارجع هاجي اخدك من عند اهلك و هجبلك هدايا كتتير و فيه مفاجأه محضرهالك يا دودي قولتله توصل بالسلامه مستنياك يا حبيبي
بصراحه حسبتها لقيت ان مفيش داعي اني اعرف اهلي باللي حصل و اللي شوفته و قررت العب لعبه لصالحي هتغير حياتي بعد ما اطلق من جوزي مسكت تليفوني و قولت احاول افتح الابلكيشن لقيت الكاميرات شغاله راجعت كل الكاميرات لقيت محدش دخل الشقه من ساعتها بس فتحت كاميرة الحمام لقيت الخروف وشه للحيطه و زي ما يكون بيعيط صعبان عليه نفسه انا مكنتش خايفه منه و عارفه انها روح شريره ساكنة الحمام بس انا عندي فضول زياده فضلت باصه عليه لقيت الخروف بينزف من جنابه فضلت اقرب الكاميرا عليه لقيت الخروف لف وشه و صرخ في وشي و بعدين الكاميرات فصلت انا شكيت اني مش طبيعيه و حسيت اني اتلبست او حصلي مس شيطاني قاومت نفسي و روحت لشيخ مشهور جداً في شبرا الخيمه كان بيعالج واحده صحبتي لبست هدومي و قولت لماما و اخواتي خلو بالكم من عيالي هروح مشوار و مش هتأخر عليكم امي قالتلي خلي بالك من نفسك يا دينا قولتلها حاضر يا ماما نزلت روحت للشيخ و حكيلته اللي حصلي في الحلم فضل يسألني طيب انتي اذيتي حيوان او ضربتيه بالليل قولتله اه كان عندنا خروف فوق السطح و قرب مني روحت ضربته بعصايه حكيتله اللي حصل بالفعل لكن بشكل مختلف المهم وصلتله اني فعلاً ضربت خروف قالي طيب غمضي عينيكي و سمي بالله عايزه اسمي بالله مش عارفه خالص قولتله مش عارفه انطقها يا شيخ قالي طيب غمضي عينكي قولتله حاضر غمضت عيني و فضل يقراء عليا الرقيه الشرعية لقيت نفسي في عالم تاني حاسه بحد بيضربني علي وشي و علي جسمي لكن مفيش وجع خالص شوفت الخروف و انا مغمضه عيني و لقيته بيرجع لورا بيرجع بيرجع و فجأه لقيته بيجري عليا بأقصي سرعه و كان شكله وحش اوي خلاص بيقرب عليا و عايز ينطحني سمعت الشيخ بيقول ستهزم بحق لا اله الا الله عليك اللعنه انت و اعونك خلاص الخروف بيقرب مني و رايح ينطحني لقيته بيولع و بقي رماد لقيت نفسي بعيط و بحمد ربنا الشيخ قالي قومي يا بنتي انتي خفيتي الحمدلله بوست ايده و قولتله خد الفلوس دي تمن وقفتك معايا الله يباركلك قالي يا بنتي انا معملتش حاجه انا بقدم المساعده دي لوجه الله مش باخد مقابل قولتله يا شيخ انت مطلبتش مني فلوس انا اللي بقولك خدها بالله عليك متكسفنيش خدهم و فضل يقولي متضربيش اي حيوان و ابعدي عن الضلمه اليومين دول و فضل يقولي نصايح كتير المهم شكرته و نزلت من عنده و روحت اشتريت ميك اب بحجة ان لما اخواتي و امي يسألوني كنتي فين اقولهم كنت بجيب ميك اب تمام رجعت البيت و فعلاً سألوني و قولتلهم كنت بجيب ميك اب دخلت خدت دوش و صرحت شعري وجهزت الاكل و كلنا و دخلت انا و عيالي نمنا في اوضتي فتحت الابلكيشن لقيت الكاميرات شغاله و راجعت كل الكاميرات لقيت كل حاجه زي ما هي و دخلت علي كاميرة الحمام ملقتش حد في الحمام قولت طيب الحمدلله نمت و خدت عيالي في حضني و صحيت تاني يوم في منتهي الراحه فطرت كالعاده و الساعه تلاته العصر لقيت الباب بيخبط فتحت لقيت جوزي خدني في حضه و فضل يبوسني و يقولي وحشتيني و انا اقوله و انت كمان وحشتني و انا اصلاً مش طايقه ابص في خلقته قالي جبتلك الايفونات اللي طلبتيهم و جبت لعيالنا كمان علشان ميبقاش حد احسن من حد قولتله ربنا يخليك ليا قالي مالك يا دينا متغيره كده ليه كان واضح عليا اني مش طايقاه قولتله زعلانه منك علشان بقيت تقدر تبعد عني باليوم و اليومين و الاسبوع كمان قالي ياحبيبتي معلش شغلي بيحكم عليا اسافر في اي وقت قولتله و لا يهمك يا حبيبي كان جايب هدايا لأهلي كلهم هدايا كتير اوي و بات معانا الليله دي و تاني يوم قالي يلا نروح بيتنا قولتله يلا يا حبيبي نزلت معاه لقيته راكب عربيه فخمه جداً و كبيرت اوي و طويله جدا قولتله يااااه العربيه دي بتاعتنا يا حبيبي قالي، لا دي بتاعتك انتي لوحد دي بأسمك يا دودي ركبت معاه لقيت راح التجمع الخامس و نزلني قدام فيلا كبيييره جداً جداً و قالي ايه رأيك في بيتك الجديد يا دينا عرفتي انا بحبك قد ايه اتأكدي ان الظروف كانت اقوي مني اهو ربنا كرمنا و فتحها علينا من وسع الفيلا دي بتاعتك انتي لوحد بأسمك يا روح قلبي فرحت جداً وكأني دخلت الجنه يااااه ع العز و الفلوس و الأملاك اما بقيت غنيه جداً قولت لجوزي انا عايزه اروح البيت القديم عايزه اجيب حاجاتي اللي هناك قالي ماشي يا حبيبتي يلا بينا روحت البيت القديم و طلعت لقيت الشقه متبهدله من اخر مره دخلت جبت كل، حاجاتي و قولت ادخل الحمام دخلت لقيت طراطيش دم في الارض و الحيطه قولت لجوزي هو من ايه الدم ده قالي انا استنيت الجزار يجي علشان يدبح الخروف اتأخر و مجاش قولت لازم اتصرف في الخروف ده و بصراحه كنت مغلول منه سحبته ع الحمام و جبت السكينه و قولت ادبحه انا لقيت الخروف فك و كان هيبهدلني روحت طعنته في بطنه بالسكينه كذا مره لحد ما مات و خدته في العربيه و رميته بيعيد اهو غار في ستين داهيه الحمدلله الخروف ده خلاني كرهت اللحمه الضاني ضحكت انا و هو و قالي يلا هاتي حاجتك اللي عايزها و يلا علشان نروح فيلتك الجديده قولتله تمام انا خدت كل اللي عايزاه قالي تمام قفل الشقه و نزلنا روحنا الفيلا الجديده اتعشينا و كنا مبسوطين و بدأت انسي اللي شوفته في الكاميرات و قررت افتح صفحه جديده معاه قولتله. حبيبي عايزه اسألك سؤال ممكن قالي طبعاً اسألي قولتله انت جبت منين الفلوس دي كلها قالي انا تاجر كبير دلوقتي قولتله فيه تجار اكبر منك و مش معاهم الفلوس دي كلها متكذبش عليا قولي الحقيقه قالي منا قولتك الحقيقه قولتله احلف بالطلاق ان دي الحقيقه قالي عايزه تعرفي ليه يا دينا قولتله عايزه اطمن ان الفلوس دي حلال و من حقك قالي عليا الطلاق بالتلاته الفلوس دي حلال و من حقي قولتله تمام ايه مصدرها يا حبيبي قالي بصي يا دينا انا بتاجر في الأثار و فتحت كذا مقبره و ده يعتبر كنز ملوش اصحاب و لو سيبته غيري هياخده قولتله و بتفتح ازاي المقابر هو انت بتكلم عيله هبله مش فيه حاجه اسمها لعنة الفراعنه و المقابر دي بتبقي ملعونه و مسحوره قالي فعلا قولتله قولي فتحت المقابر دي ازاي و متكذش علشان مخلكش تحلف بالطلاق انت حر بقا حلف بالطلاق و قالي والله هقولك علي كل حاجه و اعترفلي باللي عمله في الخروف و الطلاسم اللي قالها انا عملت نفسي اتأثرت و عملت نفسي زعلت منه قالي خلاص يا دينا دي غلطه و مش هتتقرر تاني صدقيني انا مش محتاج فلوس تاني و هأمن مستقبلك ومستقبلي و مستقبل عيالنا خلاص يا دينا توبت و احنا بشر و كلنا بنغلط يلا نفتح صفحه جديده و نفكر في مستقبل افضل لينا بصرحه اقتنعت بكلامه و قررت افتح صفحه جديده معاه بس قولت اخد حذري و اعمل حساب لأي غدر منه هو في نظري ملوش امان معرفتوش اني كنت بصوره و لا قولتله علي حوار الكاميرات ولا حوار الشيخ اللي اتعالجت عنده و فضلت محتفظه بالفيديوهات اللي متصوره
عندي و قولت لو حصل حاجه لقدر الله انا اقدر اخد حقي المهم عدي يوم و التاني و التالت عدي اسبوع و. كنا نايمين في حضن بعض لقيت تليفونه رن و طلع بره و فتح اتسنط عليه لقيته بيقول في التليفون الووو.... الو
"ها عملت ايه في اللي قولتلك عليه جبت الواد الأفريقي طيب تمام اوي هقابلك بكره في شقتي القديمه "
عملت نفسي نايمه و لا حسسته اني كنت صاحيه حتي دخل نام و صحي الصبح الساعه اتناشر، الضهر فطر و نزل قالي هسافر يومين او اسبوع شرم الشيخ ماشي خلي بالك من نفسك يا دودي قالي الي فكره انا فتحتلك حساب في البنك ب خمسين مليون دولار فرحت اووي لما سمعت الخبر ده و قولت انا ايه اللي مخليني متغيره من ناحية جوزي ده بيحبني و خلاني غنيه و معايا ملايين متلتله معقوله انا وش فقر اوي كده و فضلت اعاتب في نفسي علشان كنت متغيره علي جوزي و بدأت احلل الموضوع و قولت كنز و جوزي عتر فيه و اي حد مكانه كان هيعمل اكتر منه بكتيير خلاص اتأقلمت ع الوضع ده و طمعت و بعت ضميري المهم عدت ساعه و فتحت الأبلكيشن و راجعت الكاميرات لقيت مفيش حد، في الشقه فجأه لقيت جوزي فتح الشقه و دخل هو و اصحابي و كان معاهم طفل رضيع في اللفه مكملش عشر ايام لقيت جوزه بيقول لأصحابي الطفل ده هنفتح بيه اكبر مقبره و ساعتها هنبقي حكام مصر و العالم كله قال لأصحابه جهزو البخور و مسك الطفل طلعه من اللفه الطفل اسود اووي واضح انه افريقي لان بشرته سوده اوي فضل يقرا طلاسم علي دبوس كبير (ابره) و بعد بقا يقراء بصوت مزعج صوت عالي و فجأه مسك الأبر و...................
ايه اللي هيحصل بعد كدا دا هنعرفه من الجزء الخامس والسادس اللي لو تفاعلتم مع القصة وعملتم مشاركة هنزل بيهم مرة واحدة ...القصة فيها غموض شديد واثارة لو حابب تكشف الغموض تفاعل
#الجزء_الخامس✋
#قصة_البيوت_اسرار😱😱😱😱😱5👇
و فجأه مسك الأبره و فضل يتني فيها علي شكل دايره و بقا يقرأ عليها الطلاسم تقوم الأبره تتعدل و كأنه مش اتعوجت قبل كده الطفل بيبكي و منهار و بيصرخ انا قولت الولد ده قلبه هيقف من الصريخ عايزه اعمل اي حاجه مش عارفه طب اساعد الطفل ده ازاي واضح انه خايف او جعان هو مش مدرك اللي بيحصل بس اعتقد انه بسبب الطلاسم اللي بيسمعها فجأه صاحب جوزي خد الطفل و جاب جردل كبيير كان مليان ميه مسك الولد و غسله وشه و كان شبه بغسله بالميه اطمنت شويه و قولت الحمدلله انهم مش عملو حاجه في الطفل الصغير ده بعدين مسك الطفل نشفه بالفوطه و كان معاهم شنطه سوده طلع منها فروة خروف و لف فيها الطفل انا رجعت اقلق تاني و بيتكلمو صوتهم مش واضح ابداً او مش مفهوم حطو الطفل علي عتبة الحمام و فضلو ما التلاته يقولو الطلاسم بنفس واحد و جوزي معاه رق بيطل بيه الطفل كان عمال يهز ايده و رجله كأنه بيرقص فعلاً ده بيرقص بجد و بصقف بأيده مش عارفه ايه اللي بيحصل بس اطمنت انهم مش هيأذو الطفل انا كنت حاطه في اعتقادي انهم هيقتلوه فجأه التليفون فصل شحن و طبعاً البث المباشر فصل لكن كل حاجه اكيد متسجله علي الجهاز يعني هشحن التليفون و هراجع الكاميرات هشوف كل اللي حصل اكيد يعني بدور ع الشاحن مش لقياه خالص دورت عليه كتيير افتكرت انه في العرابيه نزلت فتحت العرابيه و خدت الشاحن و طلعت اشحن التليفون الشاحن ثلاثي و الأكباس بتاعت الكهربه كلها عاديه كان معايا وصله و واضح اني نسيتها في الشقه القديمه عايز اجيب وصلة شاحن بأي طريقه نزلت انا و عيالي ركبت تاكسي مع اني معايا عربيه بس مش بعرف اسوق قولت لسواق التاكسي عايزه اجيب وصلة شاحن من اي حته اقرب محل نزلني عنده و استناني علي ما اشتريه علشان ترجعني مكان ما خدتني انا معرفش اسم المنطقه دي ايه قالي حاضر يا مدام فضل يلف بيا طبعاً كلنا عارفين سواقين التاكسي و اغلبهم عندهم جشع و بيحبو يبعدو الطريق بدل ما يختصروه المهم انا قولت عادي اهم حاجه اللحق اشوف ايه اللي بيحصل دخلت المحل اشتريت وصلة الشاحن و رجعت مع سواق التاكسي و رجعني لحد باب الفيلا الجديده طلب مني 250 جنيه العداد كان فعلاً 250 جنيه قولتله اتفضل خد 300 قالي مش معايا فكه قولتله خلاص مش مهم خلي الباقي علشانك مهو انا دلوقتي معايا ملايين و لو عيشت طول عمري مش هعرف اصرفهم طلع حتيط التليفون علي الشاحن و الحمدلله بداء يشحن بس لازم استني ربع ساعه علي ما الجهاز يحمل اللي معاه تليفون ايفون عارف كده كويس دخلت خدت شاور و خرجت لابسه الباشكير فجأه لقيت جرس الباب بيرن مفيش غير جوزي اللي هيجيلي اكيد فتحت الباب لقيت سواق التاكسي بيقولي اتفضلي يا ست هانم الباقي انا مبحبش اخد اكتر من حقي قولتله مش قولتلك خلاص خلي الباقي علشانك قالي لا متشكر و عينه علي جسمي خوفت جداً منه قولتله هات و راحه اقفل الباب لقيته زق الباب في وشي و قعت في الأرض اعتدي عليا و اتحرش بيا فضلت اصرخ حرام عليك انا حامل هتموتني خد الفلوس اللي انت عايزها بس ابعد عني و اوعدك محدش هيأذيك فضلت اتوصل اليه يرحمني ابوس ايدك سيبني واضح ان ضميره صحي لكن مسك ابني الصغير و حط السكينه علي رقبته قالي هاتي كل الدهب اللي معاكي و كل الفلوس قولتله حاضر.. حاضر بس متأذيش الولد قالي اخلصي بسرعه و انا مش هأذيكي جبتله كل الدهب اللي عندي و خد 400 الف جنيه كانو في الفيلا خدهم و قالي لو صرختي محدش هيسمك انتي في منطقه هاديه وجديده و مفيش فيها غيرك انتي و العيال دي هطلع اخلص عليكي قولتله حاضر مش هتكلم امشي خد الحاجه و مشي روحت بصيت عليه من البلكونه لقيته ركب التاكسي بتاعه وهرب جالي هبوط ناتج من الصدمه اللي كنت فيها اغم عليا فوقت لقيت نفسي في المستشفي و جوزي معايا هو و اهلي و اهله قولتله انت كنت فين هو ميعرفش اللي حصل قالي يا دينا ما انتي عارفه ظروفي و ظروف شغلي حصل خير متزعليش قولتله و هيجي منين الخير طول ما انت ماشي، في السكه الوسخه بتاعتك دي قالي انا مش مقصر معاكي في حاجه ايه اللي حصل قولتله ع اللي حصلي بقا عامل زي المجنون و قالي انا هجيب الكلب ده حتي لو كان في سابع ارض و هقطعه بأسناني قالي متقلقيش انا مركب كاميرات مراقبه علي باب الفيلا اكيد هعرف اجيبه ابن الكلب ده قولتله اتصرف وهاتلي حقي حالاً الحمدلله انا بقيت كويسه و اقدر ارجع البيت رجعت البيت انا و جوزي و راجع الكاميرات و رقم التاكسي كان واضح وضوح الشمس قولتله بلغ عنه وانا عارفه شكله كويس جداً قالي هروح اقدم بلاغ دلوقتي خدني و نزلت و كل ده ناسيه تيلفوني في البيت عملت المحضر و تم البحث عن معلوماته و جاري القبض عليه جوزي عرف بيناته و اسمه و عنوانه و طبعاً كلنا عارفين حكومة البلد بالها طويل الظابط قال لجوزي تقدر تروح انت و المدام و المحضر هيتسلم النيابه و تجيلي بكره الصبح علشان نتكلم بخصوص الحاجه اللي اتسرقت منك جوزي قاله ان شاءالله هجيلك بكره و خدني و مشي قالي انا هجيب سواق التاكسي بنفسي و هاخد حقي بأيدي مش هستني حد يجبهولي اتصل بناس صحابه و قالهم الوضع كذا كذا و عايز اجيب الكلب ده معايا فيديو ليه و شكله واضح فيه صحابه قالوله هنجيبه و نوديه الشقه بتاعتك ماشي قالهم تمام بس اهم حاجه الدهب و الفلوس يجبهم انا عايزه هو والحاجات اللي سرقها و قفل معاهم و عدي حوالي 3 ساعات جاله تليفون خد بعضه و نزل وانا اصلاً كنت عايزاه يمشي فتحت الكاميرات و فضلت اراجع فيهم لقيت جالي اشعار ان فيه بث مباشر و فيه حركه في الشقه حالياً كنسلت التسجيلات و فتحت اللايف لقيت اصحاب جوزي ماسكين سواق التاكسي و جايبين الدهب و الفلوس و مكتفين سواق التاكسي و مبهدلينه ضرب حسيت ان حقي رجعلي و اكتفيت باللي حصله لكن جوزي مكتفاش لقيت جوزي دخل الشقه و مسك السواق قاله انا مش مش هاخد حقي منك بس لا انا هعمل بيك مشروع هيدخلي مكسب قد الفلوس اللي سرقتها مش 400 الف يا معفن لا 400 مليون دولار السواق فضل يعيط ويقوله انا اسف و يتوصل اليه علشان يرحمه قاله ابداً انت مرحمتش بنت الناس الضعيفه مراتي عايزني انا ارحمك فضل يضرب فيه و بهدله اخر بهدله الراجل مصعبش عليا لحظه و كنت فرحانه في اللي حصله المهم واحد من صحاب جوزي نزل جاب كلبين كبار و جوزي فضل يشرب كحوليات هو و صاحبه التاني قال للسواق انا هنزل و هرجعلك بكره في نفس المعاد معاك فرصه كبيييره انك تهرب انت مربوط بس الكلاب دي مش مربوطه فك نفسك واهرب لو هربت خلاص اعتبرني خدت حقي منك لكن لو رجعت بكره لقيتك هنا هتشوف اسواء ايام حياتك انت محتاج معجزه سلام و خد صحابه و نزل عايزه اعرف جوزي هيعمل فيه ايه هو اكيد هيفتح بيه مقبره كبيره لكن هيكون الشروط ايه فضلت قاعده بتفرج علي الراجل و الكلاب مستنيه بس يتنقل من مكانه علشان يكلوه الراجل بيحاوا يفك نفسه مش عارف فضل ساعه بيحاول يخلص نفسه فجأه لقيت جوزي فتح الباب و واقف قدامي ازيك يا دودي و جايبلي هدايا و الدهب بتاعي و الفلوس اللي اتسرقت قالي حاجتك جاتلك و بزياده طبعاً كانسلت اللايف بسرعه و عملت نفسي فرحت و قولتله ربنا يخليكي ليا قولتله جبتهم ازاي و عملت ايه في الراجل قالي انا جبت الحاجه و كسرت عضمه و قولتله لو فتحت بوئك بكلمه قتلك و رميته في الشارع قولتله حبيبي دا ممكن يبلغ عنك قالي متخافيش دي شغلتي انا بقا المهم انا عايز اتعشي انا وانتي في مطعم لوحدنا قولتله ماشي يلا بينا لبست و جهزت نفسي و خدني انا والعيال و دي العيال لأمي و روحنا اتعشينا انا و هو في افخم مكان في مصر بصراحة الأماكن دي بيكون ليها تأثير جذاب جداً و بيسحر الواحد بجماله نسيت نفسي ونسيت كل حاجه وحشه كانت مأثره عليا و الحمدلله نفسيتي اتحسنت رجعت البيت انا و جوزي و نمنا و صباح تاني يوم الساعه 10 الصبح جاله محضر من القسم قاله عايزين حضرتك معانا في القسم بخصوص محضر كذا كذا و قالهم روحو وانا جاي وراكم و فعلاً لبس و نزل وراهم و راح القسم انا قولت فرصه اشوف الطفل والراجل حصله ايه و فتحت الكاميرات و كانت المفاجأة......
#الجزء_السادس_والاخير✋
#قصه_البيوت_اسرار😱😱👇
لقيت الراجل بيبكي و عايز يخرج من محنته و خايف جداً من الكلاب هو فك نفسه لكن مش قادر يتحرك من الكلاب هو عارف انه ممكن يموت متقطع بسببهم الراجل كون اعصابه و كان بيبص حوالين منه عايز و فضل باصص علي حاجه مش عارفه ايه هي كان واقف متمسمر و بيحاول يجيب الحاجه دي فجأه جري و جاب سكينه من علي الأرض لكن للأسف غلط غلطة عمره و الكلاب قدرت تتغلب عليه وعلي السكينه و فضلو ينهشو فيه بأسنانهم و مخالبهم الراجل بيتاكل حي من حسن حظه الباب اتفتح لقيت اصحاب جوزي فتحوا الباب و دخلو لحقو الراجل من الكلاب لكن للأسف كان الراجل اتصاب بجروج مبالغه اتبهدل خالص لكن لسه عايش و كان بيقول لأصحاب جوزي انا عطشان هموت من العطش جابوله يشرب و رجعوا ربطوا تاني لكن مش بحبل بجنزير استغربت ليه يعني جنزير هو مش هيقدر يعمل حاجه تاني فضل يقرا عليه طلاسم و التاني بيسقف والسواق اتحول بقا عفي جداً و عايز يفك نفسه اكتشفت انهم عارفين ان بعد الطلاسم دي هيبقي بالوضع ده انا بصراحه مش كنت متاعطفه معاه خالص و كنت فرحانه اووي باللي حصله و كنت بقول احسن يتأدب ابن الجزم ده لكن افتكرته و هو بيعتدي عليا و افتكرته و هو بيقول ارحموني علشان خاطر امي و عيالي انا استحق اكتر من كده لكن انا ورايا كوم لحم بصرف عليه ابوس ايديكم ارحموني و افتكرت نفسي وانا بقوله حرام عليك انا حامل ارحمني و فعلاً رحمني علشان حامل و علشان عيالي لكن افتكرت حاجه غريبه تصرفاته كانت زي، تصرفات الخروف بالظبط قولت اكيد هيعملو فيه زي ما عملو في الخروف اكيد هيفتحوا بيه مقبره الرجل ده صعب عليا و انا اكتفيت بأللي حصله بس مش عايزاه يموت حرام طيب اللحقه ازاي هيقتلوه و هو وراه كوم لحم في رقبته اصحاب جوزي مشيو و سابوه و الراجل عمال يتحرك عايز يفك نفسه بس هو بقا متوحش فضلت مركزه معاه حوالي ساعه مره يرجع لطبيعته و مره يتحول و فضل علي كده .. قولت اراجع الكاميرات اشوف ايه حصل للبيبي الصغير براجع الكاميرات فجأه لقيت جوزي فتح باب الشقة و قالي دينا حبيبت قلبي وحشتيني قولتله انت اكتر يا حبيبي عملت ايه في القسم قالي حققوا معايا و طلبو مني يراجعوا الكاميرا و قالولي احنا بندور عليه مش لاقينه خالص قولتلهم وانتم هتلاقوه فين يا فندم ده سارق اتنين كيلو دهب و 400 الف جنيه اكيد سافر ولا هرب في اي مكان قولتله حبيبي مش ممكن يكون مات قالي ما يغور في ستين داهيه مش حرام فيه الموت ده كلب مسعور و قتله حلال بس انا اكتفيت بتأديبه قولتله انا خايفه يرجع و يقتلني جوزي ضحك بصوت عالي و قالي ده مش هيمشي في المنطقه دي خااااالص بعد كده انا واثق من كلامي قولتله اوعي تكون قتلته قالي عليا الطلاق بالتلاته مش قتلته انا خدت من الحاجات اللي سرقه و كلته علقه محترمه و رميته في الشارع قولتله مش ممكن يروح يعملك محضر قالي ياريت يعملي محضر ده الدنيا مقلوبه عليه و عتروا فيه فيه هيحبسوه انا طبعاً بكلم جوزي و عامله نفسي مش عارفه حاجه من اللي حصلت للراجل قولت لجوزي و عملت ايه تاني في القسم قالي فضلت ازعق و قولتلهم حكومه فاشله و صوتي علي و اتعمدت اقل ادبي عليهم بحيث انهم يهمولو الموضوع قالولي احنا مش فشله احنا مقدرين موقفك بس بلاش تتطاول بالكلام و الإهانه علشان متخذش قرار يزعلك اتفضل امشي و لما نمسك المتهم هنتصل بيك قالي مشيت و سيبتهم و كان لازم اعمل كده علشان احسسهم اني زعلان و متضايق من اللي حصل لمراتي و اهو مشيت ايه رأيك نخرج نتفسح شويه و نتعشا برا النهارده قولتله لا انا تعبانه و مش قادره اتحرك قالي ليه كده لما نخرج هتبقي كويسه يلا بينا اجهزي بسرعه انا عايز ابسطك و اخليكي اسعد انسانه في الدنيا دي كلها قولتله حاضر يا حبيبي هجهز حالاً و لبست و نزلت معاه و اتفسحنا و اتغدينا بره في اكبر مطعم في القاهره سألت جوزي هو انت ثروتك بقت كام قالي اكبر رقم سمعتي عنه كان كام يا دينا؟ قولتله تيلريون جنيه قالي انا معايا اتنين تيلريون قولتله و فلوسك دي هتصرفهم امتي و شايلهم فين قالي انا شايلهم في مكان محدش يعرفه غيري انا و بس لكن مبقتش لوحدي اللي اعرف قولتله مين يعرف غيرك قالي انتي قولتله ازاي قالي هعرفك مكانهم فين لما ارجع البيت قولتله بتحبني للدرجه دي قالي بموت فيكي مش بحبك بس قولتله انتي لو جاتلك فرصه تكسب فلوس تاني هتوافق قالي انا زي النار مبشبعش خوفت منه اوووي بعد الكلمه دي قولتله يلا علشان عايزه اروح البيت تعبت جداً قالي يلا يا روحي رجعت البيت و جوزي قالي تعالي اوريكي الفلوس فين طلعت الدور التاني فتح لوحة الكهرباء و رفع كبس لقيت الغرفه بتلف و لقيتها لفت في اتجاه باب حديد قالي الباب ده الباسورد بتاعه بأسمك انتي يا دنيا فرحت اووي فتح الباب لقيت فيه اربع شنط بس قولتله فين الفلوس بتاعتك خوفت اووي منه حسيت انه ممكن يغدر بيا قالي ادخلي قولتله لا انا خايفه من المكان ده ممكن الباب يتقفل عليان و نموت ضحك و قالي متخافيش هدخل انا دخل و فتحلي الشنط قالي عارفه ايه ده دي الماظ و ياقوت و دهب بندقي الشنط كبيره جداً بس مش متخيله انهم بالسعر ده قالي الشنطه دي بقا بتمن الشنط دي كلها قالي عارفه فيها ايه؟ قولتله لا قالي فيها اثار غاليه جداً المهم قفل الباب و رجع كل حاجه زي ما كانت قالي انا هبيع الاثار دي بكره هخدها معايا و هحول الفلوس علي حسابك انتي خد الشنطه و قالي هروح مشوار و هرجعلك بكره او بعده نزل و سابني انا كنت موهومه باللي شوفته قولت انا بقيت ملكه و معايا ثروه تشتري بلد بحالها بس عايزه اعرف عمل ايه في البيبي فتحت الكاميرات لقيت الراجل زي ما هو مربوط و بيعافر انه يفك نفسه بأي شكل راجعت الكاميرات علي اليوم بتاع البيبي لقيتهم مسكين البيبي و بيدبحو عليه ديك اسود و الدم بينزل عليه فجأه جوزي مسك الأبره و فضل يطعن بيها الديك و بعدين لقيته فض يقراء طلاسم غريبه مش عارفه معناها ايه و بعدين مسك الأبره و بقا يحطها في راس البيبي بيخرم بيها راسه مش مصدقه اللي، شوفته ده مستحيل يكون بني ادم صعب عليا اووي و بعدين صاحبه مسك الطفل دبحه بالسكينه فصل راسه عن جسمه و بعدين خد راس البيبي لفوها في قطعة قماشه و حطو البيبي في شنطه و خدوه و نزلو فضلت اعيط و زعلت جداً عليه و قولت لازم اتطلق من الحيوان ده بس ايه العمل فجأه لقيت جوزي بيتصل عليا قالي دينا في مفاجأه حاولت امسك اعصابي و كلمته عادي جداً خير يا حبيبي قالي حولتلك الفلوس علي حسابك مبسوطه قولتله اه يا حبيبي مبسوطه اووي قولتله انت هترجع امتي قالي بكره قولتله ترجع بالسلامه بعدها بساعه فتحت الكاميرات لقيتهم مسكو سواق التاكسي و فضلو يعذبو فيه و بعدين قتلوه بنفس الطريقه اللي قتلو بيها الخروف قسموه نصين و حطوه في شنطه و قبل ما ينزلو جوزي قال لأصحابه كده فاضل خطوه واحده بس علشان نفتح المقبره كل واحد فينا يحضر مراته واحد صاحبه قاله انا مش متجوز قالو تحضر اختك الصغير و انت تحضر مراتك وانا هحضر دينا مراتي هما دول الضحايا الجداد و المقبره مش هتتفتح الا بدمهم واحد صاحبه قال انا مش هقد اجيب اختي الا اختي يا جماعه لقيت الراجل ده اتشنج و فضل يخبط دماغه في الأرض و كان هيموت جوزي فضل يقول طلاسم و قال مفيش حد فينا هيقدر يعترض والا هنموت كلنا و هيقتلو الضحايا المطلوبه يا جماعه احنا اتورطنا في المقبره دي و لو مش فتحناها هتحل علينا اللعنه انا هحضر مراتي اول ضحيه و الا هنموت كلنا لازم اكمل و كلهم اتفقوا علي الكلام انا سمعت اللي اتقال خدت بعضي و جريت علي قسم الشرطه و فرجتهم علي الضحايا اللي اتقتلو و جوزي اتصل عليا و قالي جهزي نفسك يا حبيبتي هنخرج بكره مع بعض قولتله ماشي يا حبيبي انا بجيب حاجات من الأسكندريه عملالك مفاجأه قالي ماشي يا روحي خلي بالك من نفسك سلام الموضوع كبر جداً و خدو عنوان الشقه القديمه اللي كنت عايشه فيها واللي اتقتل فيها الضحايا فتحت الكاميرات علي اللايف (مباشر) و المباحث سمعتهم و هما بيتفقو عليا علشان يقتلوني انا و الضحيتين التانين المهم فضلو متابعين اللايف و تم القبض علي جوزي و اصحابه و تم حجز ثروته و ثروتي طبعاً انا مش عبيطه علشان اطلع من المولد بلا حمص حولت كل الفلوس علي حساب اخواتي و امي و اشتريت اراضي بأسمهم و الألماظ و الاثار وديتها لأهلي و عرفتهم كل اللي حصل و دي كانت فكرتهم اني احول الفلوس ليهم طبعاً تم جحز ثروتي و حجزوا ع الفيلا و العربيه و حسابي االي في البنك اللي هو مليون جنيه بس جوزي احبس و جاري التحقيق معاه و تم القبض عليا انا كمان بتهمة التستر علي الجريمه تاني يوم جوزي و اصحابي شنقو نفسهم و خدو الشر و راحوا مش عارفه ايه السبب بس عرفت ان دي لعنه و حلت عليهم تم الحكم عليا ب 6 شهور و اتحبست و قضيت 3 شهور و خرجت حسن سير و سلوك و حالياً بستمتع بحياتي و بقيت انا واخواتي من اغنياء العالم العربي بقيت الملكه دينا هانم
و توته توته خلصت الحدوته ايه رأيكم
اكتب قصص تاني ولا كفايا كده
لقد وعدت ووفيت بوعدي .. اريد معرفة مدي اعجابكم بالقصة .. تفاعلوا معي وانتظروا روايه جديده قريبا متابعيني
تفاعلكم معي يجعلني استمر
تحياتي الكاتب✍محمد السبكي✍ أحد كبار شخصيات الفيس بوك
اضغط لايك ضع 20ملصقا شير في مجموعه بتحبها عشان الكل يتابع مثلك منشنن حد بتحبوا يقراء ويتابع معاك عشان يدخل يعمل متابعه للبروفيلي مثلك #تفاعلوا متابعيني
شكرا شكرا شكرا علي المتابعه والدعم المستمر😍😍
💜💙💚💛❤ برنس 💚💛❤💜💖
تعليقات
إرسال تعليق