مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#الحلقه_الاولى

       "معقوله الإنسان بيحب بالشكل"

قالتها وهي قاعده لوحدها ف البلكونة،  ندت عليها اختها بصوت عالي "فرييييييده" ...

_اوف البنت دي ع طول كده سرحانه. 

.فريده عندها ٢٦ سنه بنت متوسطة الجمال  لبسها مش شيك ذوقها ف اللبس ليدي جدا يكبرها عشرين سنه فوق سنها عكس اختها تماما

.اختها رنا عندها ٢٠ سنه جميله جدا وبتحب شخص وممنوع تتجوز قبل اختها فريده عندهم ف العيله ممنوع الأخت الاصغر تتجوز قبل الكبيره .

                                 *****

رنا: بنده عليكي بقالي ساعه مش سامعه كل ده ...

فريده: كنت سرحانه معلش كنتي عايزاني ف حاجه ؟...

رنا بكل حمااس قالت .

_فرصه ان بابا وماما مش ف البيت اي رايك اتصل بمصطفي خطيبي ييجي هو وصاحبه وبالمره  يتعرف عليكي هو كان بيدور ع عروسه وياخدها ويسافر ...

فريده: اللي انتي شايفاه  تفتكري انه هيعجب بيا ؟...

رنا : اكيد ياروحي انتي مفيش زيك حلوه من جوا ومن برا بس انتي بطلي عدم التفائل ده وجهزي نفسك يلا عشان هكلموا ييجو ع طول ماشي ...

فريده بكل استسلام..

_حاااضر 😔

                                 ***** 

_مصطفي كلم صاحبه أمير.

مصطفي: نص ساعه وتكون قدامي.. 

امير: تمام بس انت محكتليش عنها حاجه هي حلوه.😍

مصطفي : انت هتشوفها بنفسك بس يلا بسرعه...

امير: تمام...

                                *****

فاريده بتحضر نفسها بس طبعا لابسه لبس واسع ف واسع وطويل ومش حلو هي من النوع اللي بيتكسف شويه  ولبسها ليدي شويه بيكبرها عشرين سنه فوق سنها ومش بتحط ميك اب خالص اختها اتحيلت عليها انها تحط روج حتي بس هي رفضت ، وامير وصل هو و مصطفي .

رنا فتحت الباب وقالت.

_اهلا وسهلا نورت يا امير اتفضل وسلمت ع مصطفي ودخلو الاتنين، رنا دخلت الاوضه علشان تنادي فريده، وفريده خرجت معاها، واول ماامير شاف فريده اتصدم، وكان نفسه يضرب مصطفي بس مينفعش فضل ساكت .

رنا: اقدملك اختي فريده ...

فريده: أهلا وسهلا ومدت ايديها ليه وهو كان متردد يمد ايده بعد ثوان سلم عليها ...

رنا ومصطفي وامير بيتكلموا مع بعض مواضيع عاديه موضوع بيجيب موضوع وناسيين ان فريده قاعده معاهم وبعد ساعتين فريده منطقتش بكلمه هي من طبعها هاديه ومعندهاش خبره انها تفتح موضوع وتتكلم.

امير استأذن انه لازم يمشي وقال ل رنا  اتشرف انه اتعرف عليها وسلم عليها وتجاهل فريده ومصطفي مشي معاه 

رنا لسه عندها امل ان مصطفي يتصل بيها ويقولها ان امير أعجب ب فريده .

رنا لاقيت محفظة امير ع الكرسي اللي كان قاعد عليه فاجريت ع فريده وقالت لها:

_اجري بسرعه هما لسه نازلين روحي ل امير اديله دي نسيها وبالمره تتكلمي معاه ويمكن يعجب بيكي يلا 

وكانت متحمسه اوي لأنها اخيرا هتتجوز هي ومصطفي 

فريده سمعت كلام اختها ونازله ووصلت لباب العماره وشافت امير ومصطفي واقفين قدام عربية مصطفي وانصدمت اما سمعته بيقول ؟؟؟!

_ياتري قال عليها اي يخليها تنصدم🤔 

نكمل ف الحلقه القادمة  ........  #يتبع،،،،

لو عجبتكو الحلقه ⁦👇🏽⁩⁦👇🏽⁩

     علقو ب 20 ملصق 

                    ومتابعه 

عشان انزل الجزء الثاني 😉 بسرعه

#قدري

#الحلقه_الثانيه

فريده وصلت لباب العماره وسمعت امير بيتكلم عنها مع مصطفي وقفت ورا الباب عشان تسمعه.

                                      *****

امير: انت صاحبي ولا عدوي...

مصطفي: ليه يجدع بتقول كده ع فكره فريده شخصيه كويسه ااوي...

امير: شخصيه كويسه اي بس انت مش بتشوف ،بقي تاخد انت رنا الجميله وتديني بواقي الزباله ،دي متنفعنيش دي مفيهاش حتي انوثه خالص بجد حرام عليك...

مصطفي: يعني اتصل ب رنا اقولها اي دلوقتي ...

امير: معرفش انت اللي حطتنا ف المشكله دي اتصرف بقي...

                                       *****

طبعا فريده انهارت وانكسرت اما سمعت كده وفقدت الامل انها تتجوز او تتحب ،كانت طالعه ع السلم وهي منهاره لدرجه انها وقعت ع الارض وتعيط وصوتها كان عالي لدرجه ان الشقه الي قدامها خرج منها شاب وراح ناحيتها ومد ايده وقال:

_انتي كويسه...

.

رفعت رأسها لاقيته جارها الصايع ااه هو مشهور بكده لانه كل يوم بنت شكل عنده ف الشقه والجيران ع طول بتشتكي منه ، هي عرفه سمعته فجريت ع شقتها، هو وقف ف مكانه شويه مستغرب وبعد كده رجع لشقته تاني .

                                      ***** 

رنا:هاكلمك قالك ااي .😃

طبعا فريده ساكته ومش بتتكلم هتقول ااي ،دخلت اوضتها وحزينه جداا من اللي سمعته وكلامه اثر فيها وبذات (مفيهاش حتي انوثه)..

قامت بصت ف المرايا وتشوف شكلها وتعيط وجه ع بالها انها فعلا لازم تتغير لازم تبقي انثي والا اختها مش هتتجوز ابدا .

                                       *****

رنا كلمها مصطفي وقالها طبعا ، رنا اتصدمت وعرفت اختها زعلانه ليه .

رنا دخلت الاوضه وقالت:

_ فريده انتي مخبيه عليا حاجه ؟...

فريده: لا مش مخبيه وهخبي اي ...

رنا: انا بفهمك اكتر من اي حد وبعدين مصطفي كلمني وقالي ...

طبعا هنا فريده انهارت تاني وقالت:

_هو انا فعلا وحشه مش فيا انوثه ...

رنا: لا طبعا انتي ست البنات والله انتي قموره جدا بس لو تسمعي كلامي هتلاقي الكل اعجب بيكي عيشي سنك انا ساعات بحس انك اكبر من ماما بس مش بحب ااقولك بخاف ع زعلك ، ياريت دلوقتي تسبيلي نفسك تمام... 

فريده كالعاده استسلمت وقالت:

_حاضر.😔 

                                         *****

تاني يوم 🌤🌞

فريده صحيت من النوم وخرجت ف الصاله ولاقيت العيله ع السفره والفطار جاهز.

فريده: صباح الخير...

الكل رد عليها .

والد فريده: رايحه الشغل النهارده ولا اجازه زي...

فريده: لا للاسف عندي شغل...

والدة فريده: ماتخليكي النهارده بلاش تروحي الشغل قلبي مش مطمن...

فريده: ليه ياماما ف حاجه ...

والدتها: لا ياحبيبتي صاحيه من النوم  قلبي بيوجعني وخصوصا عليكي.

فريده: متاخفيش ياست الكل انا مش هتاخر تمام...

فريده خلصت فطار وجهزت نفسها عشان تروح الشغل ، ودعت الكل ونازله ع السلم وهي نازله شافت باب شقة "علي"(جاره الصايع) ..،،،مفتوح ع الاخر بصت ع جوه وقالت :

_اي ده ازاي؟؟؟؟؟!.......

نكمل الحلقه القادمه...

ونعرف هي شافت ااي؟... 

لتكمله القصه ووصول اشعار الجزء الثالث ،،،

عشان انزل الجزء الثالث والرابع كمان 😉

#الحلقه_الثالثه والرابعه

فريده بصت ع شقه ادهم وقالت:

_ايه ده ازاي دم ع الباب كده؟ وف الارض هو ف ااي...

دخلت الشقه لاقت ادهم مضروب وغرقان ف دمه وفضلت تقوله :

_مالك حصل ااي طب رد عليا يااا وبعدين اتصرف اازاي؟...

ومكنش بايديها تعمل حاجه غير انها تتصل بدكتور واتصلت باختها رنا لانها صعب تبقي لوحدها ف مشكله زي دي .

                                           *****

فريده اتصلت ب رنا.

فريده: رنا ممكن تنزلي ع الدور التالت انا ف مشكله بسرعه بس من غير ماتحسسي ماما او بابا بحاجه ماشي...

رنا: طب ممكن افهم ف ااي .

فريده: انا بقولك عيزاكي انتي لسه هتسالي انزلي بسرعه...

رنا: انا نازله طب اقفلي ..

                                          *****

فريده فضلت تفكر تعمل ايه ده بيموت قدام عينيها ودكتور لسه مجاش ، رنا دخلت عليها الشقه ولاقيت ادهم بالمنظر ده خافت وقالت:

رنا: ااي ده هو ااي ده انتي ازاي هنا وهو ازاي كده ...

فريده: انا والله لاقيت الباب مفتوح وهو بالمنظر ده انا طلبت الدكتور بس لسه مجاش ونا خايفه...

رنا: احنا لازم نطلب الاسعاف بسرعه مش تطلبي دكتور افردي ماات...

فريده:  لا مش هيموت انا خوفت اطلب الاسعاف عشان الناس هتعرف اني دخلت عنده او انا السبب وانتي عارفه سمعت الراجل ده...

رنا: طب هنعمل ااي ؟...

فريده: انا بقول بدل الرغي ده نحاول ننضف الجرح او نعمل ااي حاجه لحد مالدكتور يوصل .

رنا: انا خايفه لا انا بقول نستني الدكتور ..

فريده حاولت تتصرف ونضفت الجرح اللي ف اايده واكتشفت ان ف قطع زجاج ف ايده..

الدكتور وصل وخيط الجرح اللي راسه وربط ذراعه واداله حقنه عشان يفوق ، والدكتور كلم فريده ورنا وشرحلهم حاله ادهم وقال: 

_ متقلقوش هو هيبقي كويس هو حصل ااي بظبط ..

فريده: انا مش عارفه بصراحه انا كنت نازله ع السلم وشوفت الشقه مفتوحه وهو كده ...

الدكتور: طب تماام هو بتهيالي كده اتعرض لضرب ع راسه وايده بشئ زجاجي لاني لاقيت قطع الزجاج وكويس انها مكنتش صغيره والا كان ضروري يروح المستشفي ، ممكن بقي حد يجيب الحاجات دي ويرتاح اليومين دول عشان الجرح اللي ف راسه ولو حصل حاجه معاه كلموني. الدكتور مشي ورنا خايفه ان باباها يعرف انهم ف شقة الصايع.

فريده: رنا اطلعي انتي وانا هفضل معاه لحد مايفوق انا خايفه حد من اهلنا يعرف اننا هنا اطلعي انتي وانا اكني ف الشغل ماشي.

رنا: طب خالي بالك من نفسك ها ولو عايزاني اتصلي بيا هنزلك ع طول ولو صحي وعمل حاجه قوليلي...

فريده: حااضر ياحبيبتي اطلعي انتي بس يلا بسرعه. 

رنا: تمام ، سلام ...    #يتبع⁦👇🏽⁩⁦👇🏽⁩

_________________

🌷🌷🌷🌷🌷🌷🌷

#الحلقه_الرابعه

عده من الزمن ساعه .

ادهم ابتده يفوق ويهلوس بأهله ويقول: 

_ ماما سامحيني مكنش قصدي، بابا بلاش تعمل كده لالالااااا...

فريده: انت كويس؟....

ادهم فضل ساكت لثوان يستوعب وضعه ثم قال: 

_  انتي بتعملي ااي هنا

فريده: احم ااانا ك ك كنت نازله ووولاقيت الباب مفتوح وووانت مغمي عليك هو هو اي اللي حصل؟...

 ادهم: ملكيش دعوه عموما شكرا ومع السلامه.

فريده: اي قله الذوق دي ع فكره بقي انت كويس بسببي يعني المفروض تتعامل معايا احسن من كده...

ادهم: وانا قولت شكرا ليكي جدا بس انا عايز ارتاح ممكن تسبيني لوحدي..

فريده: حاضر انا همشي بس الدكتور قال لازم ترتاح ومتقومش من ع السرير عشان الجرح اللي ف راسك وانا هبقي اعدي عليك ف وقت تاني بعد اذنك.

 وفريده مشيت وراحت شغلها وطول الوقت بتفكر فيه واي اللي حصل معاه؟...

تاني يوم..🌤🌞

فريده عدت ع ادهم وفتحلها الباب لقاها قدامه اتخنق وقال: 

_ هو انتي .

فريده: ع فكره انا كنت جايه اطمن عليك واشوفك اتحسنت ولا ع العموم انا ماشيه ..

ادهم: استني خلاص ادخلي ..

فريده دخلت وف دماغها سؤال واحد اي اللي حصل معاه لازم تعرف.

ادهم: انتي هتفضلي متنحه كده انا بقيت كويس شكرا ليكي ..

فريده: هو انا طب ينفع اسال سؤال لو مش هتضايق 

ادهم: سؤال ااي قولي..

فريده: هو اي اللي حصل يعني مين اتخانق معاك وليه مشتكتش عليه..

ادهم مش طايقها بس متطر يرد عليها عشان متزنش كتيير وقال:  

_ بصي هي مشكله حصلت معايا كتير انا عرفت بنت وجات عندي حبيبها عرف انها عندي جه واتخانق معايا ونا كنت سكران فامعرفتش اضربه فامسك ازازة الخمره وكسرها ع دماغي وعمل فيا زي ماشوفتي ..

فريده اما سمعت كلامه وقفت من الخوف وقالت: 

_ يعني الكلام اللي بيتقال عليك حقيقي.

ادهم: واي بقي الكلام الي بيتقال؟...

فريده: بيقولو عنك انك صايع وبتاع بنات وانك خطر ع بنات العماره .

ادهم: واي الجديد ماانا كل عماره اسكن فيها بيتقال عني كده..😂  

فريده: هو انت ع طول بالاسلوب ده ؟..

ادهم سرح شويه ف اهله وبعد كده قال:

_ دي حاجه متخصكيش .

فريده اتضايقت بسبب اسلوبه واحراجه ع طول للي قدامه وفكرت تمشي وهي قايمه وقعت من شنطتها مجله مكتوب فيها ازاي تبقي حلوه هو شافها وقال: 

_ هو انا مش بتدخل ف خصوصيتك بس لي معاكي مجله زي دي انتي عايزه تبقي شبه اللي ف  الصوره 

فريده: هقولك بس متقولش لحد ، هو انا معرفكش بس حابه احكيلك انا لازم اتجوز عشان اختي الصغيره تتجوز لخطيبها ومحدش بيعجب ببنت لبسها وطريقتها قديمه شويه فالازم ابقي كده عشان يعجب بيه عريس كويس واتجوزه 

ادهم ضحك وقال:

يااه معقوله عموما عشان اردلك الجميل انا ممكن اساعدك انا اعرف ناس كتير تقدر تخليكي متعرفيش نفسك اساس ااي رايك 

فريده ردت عليه وقااالت.. #يتبع......

~~~~~~~~~~~~~

اللى عاوز يعرف باقى الاحداث ⁦👇🏽⁩⁦👇🏽⁩

 علق

ليصلكم اشعار الحلقه الخامسه بسرعه

#الحلقه_الخامسه

ادهم: انا اعرف ناس كتير تقدر تخليكي متعرفيش نفسك اساسا اي رايك...

فريده فضلت تفكر ف كلامه وبعد كده قالت: 

_ طب وانت ليه تعمل معايا كده...

ادهم: رد جميل مش اكتر...

فريده: لا شكرا مش محتاجه مساعده..،، انا ماشيه بعد اذنك.

ادهم: برحتك مع السلامه.

                                         *****

فريده طول الوقت بتفكر ف كلام ادهم هل هي المفروض كانت وافقت ع مساعدته ولالا ، خلصت شغل وروحت وقالت لرنا كل حاجه وكان رد رنا:

_ طب وفيها ااي انتي ع طول كده متسرعه كنتي وافقتي...

فريده: تفتكري ..،،مش عارفه بصي انا هفكر ف الموضوع تاني...

رنا: من غير تفكير انتي تكلميه بكره وتقوليله موافقه انا عايزه اتجوز بقي ونبي...

طبعا بعد كلام رنا ليها فضلت تفكر طول الليل توافق اممم طب تجيبهالو ازاي بعد مارفضت مساعدته فضلت تفكر لحد مااخذت قرار

                                          *****

تاني يوم🌤🌞  

فريده كالعاده رايحه شغلها وركبت الباص ولاقيت ادهم بالصدفه قاعد ف الباص اعدت جنبه وقالت:

_ ادهم عامل اي دلوقت بقيت كويس...

ادهم: ااه الحمدلله بقيت كويس انتي رايحه فين كده

فريده: رايحه الشغل وانت

ادهم: لا انا عادي بنزل اتمشي وبسهر بره عادي يعني...

فريده طبعا عايزه تقوله قرارها بس مش عرفه تجيبهالو ازاي لحد ماادهم قال بنص ابتسامه :

_ قولي يافريده عايزه تقولي ااي انا عرضي لسه موجود

فريده استغربت وقالت:

_ طب وانت عرفت منين اني عايزه اكلمك بخصوص الموضوع؟...

ادهم: لو كنتي شوفتي نفسك كنتي قاعده بتفكري ازاي كنتي فهمتي انا فهمت ازاي .

فريده قالت بضحكه خفيفه: 

_ عايزه اقولك ان انا منمتش اصلا من التفكير لان عمري ماطلبت مساعده من حد دي هتبقي اول مره عشان كده متردده شويه بس بصراحه هبقي متشكره ليك جدا لو ساعدتني 

ادهم: انتي رايحه بكره الشغل؟...

فريده: ااه رايحه لو عايزني مروحش انا ممكن استأذن.

ادهم: حلو اوي يبقي نتقابل بكره ع ميعاد شغلك وده رقمي كلميني.

فريده: شكرا ع اللي بتعمله معايا بجد.،، مع السلامه...

ادهم:باي

                                           *****

تاني يوم🌤🌞

فريده كلمت ادهم واتقابلو وادهم قال:

_ من اللحظه دي انتي هتبقي واحده تانيه مش شكل بس لا واسلوب كمان اتفقنا  ودلوقتي هوديكي عند اعز صاحب ليا . 

فريده: تمااام...😊

                                           *****

وصلو المكان اللي فريده هتخرج منه واحده تانيه اتولدت انهارده .

ادهم: فريده اعرفك باافضل مصمم ازياء ف مصر  "الكحيان" .

صاحب المكان: ماشي ياذوق مش باخد منك غير الهزار الرخم ده ، معلش هو بيحب يهزر كده بيقول عليا كحيان عشان معنديش شركه لحد دلوقت برغم الفلوس اللي بكسبها عموما انا اسمي عز 🤝🏼

فريده: اهلا تشرفت بحضرتك...

ادهم: ركز معايا كده انا قولتلك كل حاجه ف التليفون دي فريده تمام اتعامل بقي...

عز: بصي يافريده اولا انا مش بحب حد يعارضني يعني اللي هعملهولك هتوافقي عليه تمام.

فريده: اللي حضرتك شايفه 

عز: كويس اوي ..،،واعرفك بمراتي سالي هي اللي هتبقي مسئوله عن الميك اب والشعر

فريده: تماام.🌚.

عز: سالي تعالي ساعديني في اختيار لبس ليها فريده تعالي معايا عشان تجهزي...

فريده: حاضر.،، ادهم انت هتفضل هنا صح؟...

ادهم: انا هفضل متقلقيش 

فريده دخلت وعده من الزمن ساعه وادهم لسه مستني وشبه زهق بس لازم يستني ميقدرش يرجع ف كلامه وطلع التليفون عشان يضيع من وقته وفجاه خرجت فريده والتفت لها ووقف من الاندهاش😍 فريده كانت مبسوطه جدا وقاالت: 

_ اي رايك يا ادهم شكلي حلو انا مش مصدقه اني بقيت كده هاا اي رايك...

ادهم: ................

فريده: يا ادهم انت معايا بقولك اي رايك؟...

وبعد دقائق من الاندهاش رد عليها وقااال؟....

#تااابعونى........ #رايكم يهمنى بالكومنتات

نكمل ف الحلقه القادمه ونعرف رده كان ااي😍

#الحلقه_ 6 و 7

فريده: ادهم انت معايا بقولك اي رايك؟...

وبعد دقائق من الاندهاش رد عليها وقال:

_ هو ده مقلب ولا اي فريده دخلت من شويه خرجولي واحده تانيه ...

فريده بضحكه عاليه 😄 قالت:

_ انت بتهزر للدرجادي اتغيرت وكنت وحشه ؟...

ادهم: انا مكنتش بشوفك وحشه بس ااه انتي اتغيرتي كتيير انتي بقيتي احلا من ملكه الجمال 😍

فريده: بجد شكرا، انت اصلا سبب اللي انا فيه دلوقتي مش عارفه اشكرك ازاي بجد...

ادهم: متشكرنيش انا معملتش حاجه بس هطلب منك طلب صغير ...

فريده: طبعا اطلب اللي انت عايزه ...

ادهم: ينفع اعزمك ع فنجان قهوه ف اي كافيه احتفال بالتغيير الفظيع ده 😅...

فريده: هههههه اكيد طبعا معنديش مانع... 

ادهم: حلو ااوي يلا بينا..♥

                                         *****

وصلو الكافيه..

ادهم: تشربي ااي؟...

فريده: اي حاجه اللي تشربو  ...

ادهم: طب اتنين قهوه لو سمحت تكون مظبووط،  هاا ناويه تعملي اي بقي؟...

فريده: مش عارفه والله انا اتقدملي عرسان كتير وكلهم اول مابيشفوني بيغيروا رايهم اكمني بنت تقليديه ف لبسها وشكلها وكده...😏

ادهم: دلوقتي بقي اللي هيشوفك هيتجنن عليكي مع انك نفس البني ادمه مش حد تاني...

فريده: للاسف.😞، الفكره بقي ان المفروض خلال الشهرين دول حد يتقدملي لان مصطفي خطيب اختي عنده فرصة شغل برا مصر وهيساافر وبابا استحاله يوافق ان اختي تتجوز وتسافر معاه غير اما اكون مخطوبه او متجوزه ...

ادهم: امممم دي مشكله تانيه...

فريده: متشغلش باالك انت بالموضوع ده كفايه اللي عملته معاايا شكرا جداا...

ادهم: انتي هتفضلي تشكريني كده كتيير يلا اشربي قهوتك عشان متتأخريش ع البيت لانهم فاكرين انك ف الشغل..

  

                                          ***** 

فريده وادهم وصلو البيت وفريده طلعت شقتها ومامتها فتحت الباب واتصدمت من شكل بنتها الجديد وقالت:

_اي ده فريده انتي ااي اللي عاملاه ف نفسك ده؟...

فريده: اي ياماما شكلي وحش...

مامت فريده: وحش اي وحلو اي انتي عامله ف نفسك كده ليه؟...😱

فريده: عشان اتجوز ياماما انتي شايفه ان كل العرسان اللي اتقدمولي معجبتهومش صح ولازم اتجوز عشان رنا ومصطفي لان بابا رافض تماما انهم يتجوزو قبلي ولا انا غلطانه ، وبعدين قوليلي رايك بقيت حلوه صح . 😁💃🏻

مامت فريده: انتي اصلا حلوه ياحبيبتي بس انتي دلوقتي بقيتي احلا اختك رنا هتغير منك كده هههه ...

فريده: ههههه حبيبتي ياماما هي رنا فين 

مامت فريده: رنا ف مشوار مع صحبتها...

 فريده: بس انا جعانه جدااا...

مامت فريده: انا قربت اخلص الاكل ادخلي غيري هدوك دي قبل ماباباكي ييجي ده لو شافك كده هيطلع عينك...

فريده: حااضر ياست الكل ياقمر انتي ياللي خاايفه علياا..😘💃🏻 

مامت فريده: ااخيرا شوفتك مبسووطه يابنتي ....

__________________ #يتبع⁦👇🏽⁩⁦👇🏽⁩⁦👇🏽⁩

🌷🌷🌷🌷🌷🌷

#الحلقه_السابعه 

تليفون فريده بيرن ...

فريده: ده ادهم الو ادهم....

ادهم: فريده كنت عايزاكي ينفع تنزليلي...

فريده: اعتقد انه مش هينفع عشان بابا قرب ييجي...

ادهم: خلاص مفيش مشكله بس الموضوع مهم عشان كده كنت عايزاكي ضروري...

فريده: طب هحاول انزلك اكني هجيب حاجه من تحت سلام...

                                        *****

فريده: ماما انا هنزل اجيب حاجه من تحت ومش هتاخر...

مامت فريده: حاجه اي اتصلي برنا تجبهالك وهي طالعه...

فريده: لااا ماهو رنا اللي كانت عايزاني اجبلها حاجه وانا نسيت ولو جات هتزعل مني اني نسيت فاانا هنزل ومش هتاخر سلام بقي قبل ماتيجي...

                                         *****

فريده نزلت عند ادهم ودخلت عنده وقالت: 

_ ها ياسيدي كنت عايزني ف ااي ؟...

ادهم: بصي انتي هتشوفي الموضوع غريب بس انا حبيت اساعدك...

فريده: طب ماتقول انت بتتكلم بالالغاز ليه...

ادهم: بصي.............👀

فريده: هااااااا ااايه؟؟؟.....

ادهم: ...............

فريده: متنطق يادهم ف اي خوفتني...😳

ادهم: اناااا انا حطيت صورتك وبياناتك ف ابلكيشن ارتبااااط....

فريده: .....................

ادهم: اي انا غلطت؟...

فريده: انت....، طب ليه مقولتليش قبل ماتعمل كده....

ادهم: مش عارف بس انا عملت كده...

فريده:😒😒.....،، طب حد يعرفني ممكن يشوف اللي انت عاملته ده..

ادهم: لا خااالص متاخفيش ، المهم ان فيه كذا حد شافك وحابب يتعرف عليكي تعالي اختاري واحد فيهم ونحدد معاه ميعاد عشان تقابليه...

فريده: انت بتعمل معايا كل ده ليه؟...

ادهم: مش عارف يمكن عشان من ساعت مابقيت اساعدك بقيت مشغول بيكي ومبقتش اسرح ف الماضي او احلم بكوابيس يعني بقيت ااحسن من الاول ...

فريده: امممم وانت بتحلم بكوابيس اي وماله ماضيك اي اللي حصل معاك؟...

ادهم: انسي حاجه مش مهمه، انا قايم اعمل قهوه تكون انتي اختارتي شاب تماام...

فريده: طب متتاخرش عشان بصراحه مش هعرف اتكلم مع حد هتكسف وف نفس الوقت هخاف اقول كلمه واحده...

ادهم: حااضر مش هتاخر ...

بعد دقائق قليله🕒......

ادهم: انتي بتعملي اي عندك اي اللي انتي ماسكاه ف ايدك ده ؟.....  #يتبع...... 

لتكمله باقى اجزاء القصه كامله ⁦👇🏽⁩

#الحلقه_8 و 9

ادهم: انتي ااي اللي انتي مسكاه ف ايدك ده؟...

فريده: انت ليه حاطت  صوره رشدي كابر في برواز ؟...

ادهم: ونتي تعرفيه منين؟...

فريده: مين ميعرفش الرسام المشهور ده اتشهر اكتر اما انتحر بعد وفاة مراته...

ادهم: طب خلاص اسكتي واطلعي شقتك يلا...

فريده: ماالك هو ف حاجه انا اسفه لو ضايقتك بس انا عملتلك ااي؟...

ادهم: مفيش بس سبيني لوحدي بعد اذنك اتفضلي امشي...

فريده: طب انا همشي واما تهدي ابقي كلمني ...

  

                                          *****

الساعه اتنين صباحاا..🕑

تليفون فريده بيرن🤳🏻

فريده: الو ادهم انت اي اللي مصحيك لحد دلوقتي؟...

ادهم بحزن شديد باين ف صوته:

_ فريده انا اسف انا تعبان وعايز اتكلم ممكن اشوفك ؟...

فريده: الوقت اتاخر ياادهم اشوفك ازاي دلوقتي ؟...

ادهم: عشان خطري انا عايز اشوفك دلوقتي...

فريده: طب انا هتصرف سلام...

فريده قفلت وفضلت تفكر ده وقف جنبي كتير وهو دلوقتي محتاجلي انزله؟... بعد ثوان اتسحبت لحد يسمعها انها نازله من البيت ونزلت لادهم ع طول من غير ماحد يحس بيها..

فريده: مالك ياادهم انت مخوفني عليك جداا فيك ااي؟...

ادهم: تعبااان جداا ومحتاج حد معايا جنبي يسمعني انا كاتم الوجع جوايا بقالي كتير بس مبقتش قادر ...

فريده: طب انا سمعاك احكيلي خفف عن وجعك ونا سمعاك...

ادهم: ونا صغير كان عندي 10سنين  كنت بلعب بالعجله قدام فيلتنا وامي كانت جايه من الشغل ع البيت بعربيتها وعشان متدوسنيش اتخبطت ف الشجره اللي قدامنا وع ماوصلت  المستشفي كانت ميته وبابا انتحر بعد موتها لانه كان بيحبها جداااا ...

فريده: طب ونت ليه عامل ف نفسك كده بعد المده دي كلها انت ملكش ذنب ف حاجه ده قضاء ربنا ..

ادهم: ازاي يعني انا لو مكنتش بلعب وكنت ف اوضتي وسمعت كلام بابا مكنش كل ده حصل ، انا تعبان يافريده تعبان جدااا انا كل يوم احلم بيهم انهم بيلوموني 

وفجاه حضن فريده وهو بيعيط كان زي الطفل  ،  هنا حصل احساس غريب بينهم هي استغربت ف الاول بس بعد ثوان حضنته هي كمان وقفلت عينيها وسرحت ف الحضن اللي حسسها ولاول مره انها عايشه وبتتنفس ، استمر الحضن لدقائق ...

فريده: ااااا ادهم انا لازم اطلع انت بقيت كويس دلوقتي...

ادهم مسك ايديها وقال:

_ انا مش عايزك تمشي..

فريده: بس انا لازم امشي عشان محدش يصحي ويعرف اني هنا، ااه كنت عايزه اقولك ان الشاب اللي كلمته قالي انه عايز يقابلني ف كافيه باسكوا اللي ف مول العرب فالو مش هتقدر تيجي معايا انا هتصرف وهروح عادي..

ادهم: لا انا كويس وهاجي معاكي بكرا ...

فريده: طب تمام نتقابل بكرا بااي...

                                      *****

تاني يوم 

رنا: ملكه جمال الكون مش هتصحي بقي..

فريده: صباح الخير ...

رنا: انا مش قادره اصدق انك بقيتي كده...

فريده: بطلي بقي هو انا كنت للدرجادي  وحشه...

رنا: بصراحه يعني..😅 ، ياااه لو امير يشوفك دلوقتي ..

فريده: متجبليش سيرة الزفت ده تاني..

رنا: خلاص خلاص انتي هتعملي ااي دلوقتي..

فريده: رايحه مشوار كده اما اجي هحكيلك .....

                                        *****

ادهم: صباح الخير...

فريده: صباح النور...

ادهم: مستعده...

فريده: هو انا خايفه بس وجودك جنبي مطمني شويه...☺

ادهم: تمام....

                      

فريده وصلت الكافيه وقالت:

_ بيتهيألي زياد هو اللي قاعد هناك ده انت هتقعد فين؟...

ادهم: انا هقعد قدامك وهبقي متابعك عشان لو حصل حاجه...

             

                                         *****

فريده: انت زياد مش كده...

زياد: انا جاي قبل الميعاد بساعه خايف انك تيجي قبلي...

فريده: اسفه ع التاخير...

زياد: ولا يهمك..😊♥

الموعد استمر ساعه وادهم ع نار مستني الموعد الرومنسي السخيف ده يخلص ، فريده قامت مع زياد عشان يتمشو وبصت ل ادهم  عشان تفهمه انهم هيتمشوا وادهم غصب عنه مشي وراهم بس عشان يطمن عليها وبعد ما مشيو طريق طويل زياد وقف عشان يودع فريده وقرب منها عشان يبوسها من خدها وهنا ف نار كانت بتحترق جوا ادهم ومكنش عارف ليه الاحساس ده جواه هو مش بيحبها ، فريده سابت زياد وقربت ع ادهم وهي طبعا فرحانه عمرها ماقابلت شاب وعاشت الاحساس ده ، راحت لادهم وقالت:

_ ادهم انت مش متخيل انا جسمي بيترعش ازاي طول الوقت بابين نفسي اني عادي بس انا كنت مكسوفه جداا...😂💔

ادهم: ااه انا كده اطمنت عليكي سلام...

فريده: استني اي ده مالك؟...

ادهم: مفيش مالي؟...🤨

فريده: عايز تمشي كده ونا لسه مكملتش كلامي ولا قولتلك حصل اي معايا ...

ادهم: مش عايز اعرف انتي دلوقتي بقي ف حد ف حياتك وبقي يبوسك عادي وبكره ييجي يتقدملك واللي انتي عيزاه حصل مبقاش وجودي ليه لازمه انا مااشي....

فريده: هو ماله بيعاملني كده ليه ..😥

                                           *****

_ادهم اتغير يا تري اتغير من ناحيتي فجاه ليه؟...

قالتها وهي محتاره وكانت طالعه ع سلم عمارتها  ووقفت قدام باب شقة ادهم وقالت :

_ انا لازم اعرف هو اتغير من ناحيتي فجأه ليه، ايه الصووت العالي اللي جاي من جوا ده ..،، هو ده صوت اختي رنا.🧐😳

🌷🌷🌷🌷🌷🌷🌷🌷 #يتبع⁦👇🏽⁩⁦👇🏽⁩

#الحلقه_التاسعه

معقوله ده صووت رنا؟...

فريده فضلت ورا الباب وسمعت ادهم ورنا بيقولو:

ادهم: انا عملت كل اللي انتي طلبتيه مني كفايه بقي لحد كده...

رنا: اهداا ماانا جيبالك الفلوس اللي طلبتها مني انت بتزعق ليه مش فاهمه...

ادهم: لاني مش هقدر اكمل خلاص، نفسي بس افهم انتي ليه قولتيلي انه اما يتجوزها بعد فتره يطلقها وياخد الفلوس...

رنا: لانه مكنش عايز يتجوزها فقولتلو انه يتجوزها من ورا اهله وبعد كده عايز يطلقها يطلقها...

فريده: انا مش قادره اصدق معقوله اللي بسمعه اختي تعمل فيا كده...😥💔

فريده مقدرتش تسمع ااكتر من كده وطلعت ع اوضتها بتعيط ومش قادره تستوعب اللي سمعته...

ادهم: وانا مش هقدر اعمل كده مع فريده انا اكتشفت النهارده اني بحبها...

رنا: نعم بتحب مين هههههه خلاص تعالي اتجوزها انت....

ادهم: ياريت ع الاقل انقذها من شرك بس للاسف اهلك مش هيوافقو بيااا...

رنا: خلاص يبقي تسمع الكلام وانت ساكت وهديلك فلوس زياده انا عارفه انك مش بترفض الفلوس اابداا وده اخر كلام عندي زياد ييجي الاسبوع ده لبابا ماااشي، سلااام...

ادهم: انا لازم ااعمل حاجه مش هقدر اشوف فريده يحصل معاها كده...

                                           *****

طبعا فريده منهاره ومكسوره.

_معقوله اختي تعمل فيا كده انا كنت بعمل المستحيل عشانها وهي عايزه تخلي حياتي تعيسه ولا فارق معاها...

رنا طلعت ودخلت اوضه فريده عشان تشوفها وفكره طبعا ان فريده متعرفش حاجه..

رنا: العروسه...💃🏻اللي احلي واحده ف الدنياا...

فريده حاولت متبينش قدام اختها أي حاجه عشان متفهمش انها سمعت كل حاجه وفهمت نواياها وبعد كده قالت:

_رنا انا مبسوطه اوي...

رنا: عارفه يا حبيبتي احكيلي بقي بالتفصيل بس ثواني انتي كنتي بتعيطي؟...

فريده: هااااا اااه ده من الفرحه اصلي فرحانه اوي مكنتش اتخيل اني هعيش يوم زي ده...

طبعا الغل اللي جواا رنا عمي عينها وقلبها ومخلهاش شافت الحزن اللي باين جدا ع فريده.

رنا: يارب تبقي ع طول مبسوطه هاا احكيلي بقا عملتي اي مع المز...

فريده: اتعرفت عليه وطلع ابن عيله كبيره ومحترمه وشكله محترم وكويس وهقولوا ع مشكلتي هشوف هييجي يتقدملي بسرعه ولالا...

رنا: هييجي اكيد هييجي...

فريده: انتي متأكده كده ليه...

رنا: هااا انا بقول اكيد هو هيلاقي احلا منك...

فريده: ااه هنشوف بس انتي ادعيلي...

رنا: حبيبتي ربنا معاكي وانشاءلله هتبقي اسعد الناس هسيبك انا بقي ..

فريده: اسعد الناس هتشوفي والله لأكشف لعبتك...

   

                                             ***** 

تاني يوم 🌤🌞

تليفون فريده بيرن...

فريده: الو ادهم....

ادهم: صباح الخير...

فريده: عايز ااي؟...

ادهم: واضح انك مضايقه مني من امبارح وحقك بس انا عايز اشوفك محتاج اتكلم معاكي...

فريده: لا انا مش زعلانه ومش هقدر اشوفك مش فاضيه ورايا حاجات كتير...

ادهم: متأكده انك مش زعلانه...

فريده: قولتلك لا...

ادهم: بس صوتك طريقتك حاسس فيهم غضب جامد وكنتي بتعيطي صح...

فريده ف سرها:

_وانت عرفت منين ااه دي تمثليه جديده انا مش قادره اصدقك انا كنت ابتديت ارتحلك واحس انك شخص كويس وطيب ...

ادهم:الو الو فريده انتي معايا...

فريده: ااه معاك انا مش فاضيه خالص انا لازم ااقفل سلام...

ادهم: كده فيه حاجه تخليها تقفل بالطريقة دي انا لازم اعمل حاجه واخليها تعرف كل الحقيقه.... #يتبع

~~~~~~~~~~~~~

لتكمله الجزء الاخير من القصه ⁦👇🏽⁩⁦👇🏽⁩

علق ب 20 ملصق

      #قدري

#الحلقه_العاشره والاخيره

فريده كانت حاسه ان اختها بتخطط لحاجه، راحت وراها من غير ماتحس ووقفت ورا الباب وشافتها بتتكلم ف التليفون وبتقول:

_ ايوه يا زياد اسمع الوقت بيعدي انت لازم تتصل بفريده دلوقتي وتقولها كلام حلو وانك عايزه تشوف بابا الأسبوع ده وأنها تحدد ميعاد مع بابا عشان تيجي تطلب ايدها يلا اتصل دلوقتي...

طبعا فريده سامعه كل كلمه رجعت اوضتها بسرعه لأن رنا كانت جيالها.

رنا: بقولك اي يا فريده ما تيجي ننزل نتمشي وتكلمي زياد نقابله لاني حابه نتعرف عليه... 

فريده: انا اللي اتصل بيه 😲واقوله نتقابل؟....

رنا: اااه عادي يلا بس اتصلي...

فريده: استني ده هو بيتصل، الو زياد ازيك...

زياد: الحمد لله...

رنا: طب انا هخرج واسيبك تتكلمي براحتك...

                                        *****

فريده : رنا زياد عايز ييجي يطلب ايدي من بابا قالي انه حبني أول ما شافني ولما قعد اتكلم معايا ارتاحلي جدا...

رنا: بتهزري الف الف مبروووك يا روحي 😍 انا لازم اقول لماما

وهي تفتح الموضوع مع بابا...

فريده: اهدي بس شويه هو ينفع اخليه ييجي علي طول كده...

رنا: ايوه طبعا ده واحد شاريكي وحبك اول ما شافك وبعدين مش هتلاقي حد احسن منه 😂

فريده بتقول في سرها :

_ اكيد انتي مستعجله عشان تخلصي مني بس والله لاكشف كل حاجه...

                                          *****

بعد اسبوع.........

رنا: العريس وصل لولولولولولولولي...........

والد فريده: اهلا وسهلا اتفضل يابني

زياد: اهلا ياعمي اعرفك ده اخويا  ياسر كنت اتمني اجيب والدي ووالدتي معايا بس للأسف هما متوفين...

والد فريده: الله يرحمهم يابني ربنا يديك العمر...

تليفون رنا بيرن...

رنا:  اوووف مش وقتك خالص، الو عايز ايه؟...

أدهم: زياد بيعمل ايه عندكم اوعي تقولي جاي يتقدم لفريده..

رنا: اكيد طبعا امال هييجي يعمل ايه... 😏

ادهم: طيب فريده بقالها كذا يوم مش راضيه تكلمني ولما بشوفها نازله بلاقيها بتتهرب مني، تفتكري عرفت حاجه؟...

رنا: اكيد حاست انك معجب بيها فابقت تتهرب منك وبعدين لو كانت عارفه حاجه مكنتش وافقت أن زياد ييجي النهارده، يلا سلام بقي عشان مش فاضيالك.... 

ادهم: طيب اطلع وقول كل حاجه بس كده ممكن اخسرها ع طول ولا ااعمل اي انا لازم اتصرف.. 😖

                   #يتبع،،⁦👇🏽⁩

 💝💝💝💝💝        💝💝💝💝💝💝

#الحلقه_الاخيره

زياد: ها ياعمي نقول مبرووك ونقرأ الفاتحه... 

فريده: بس انا عايزه اقول حاجه، اااااااه هوووو..... 

رنا: الباب بيخبط انا هقوم افتح، اي ده انت اي اللي جابك هنا يلا امشي.. 

ادهم: اوعي من وشي... 

فريده: أدهم انت بتعمل اي هنا؟... 

والد فريده: مش انت الواد الصايع اللي ساكن تحت، انت بتعمل اي هنا؟...

ادهم: عمي بعد اذنك عايز اقولك حاجه مهمه... 

رنا بكل خوف قالت:

_ حاجه مهمه ااي احنا مش فاضيين عندنا ضيوف اتفضل مع السلامه... 

ادهم: اخرسي انتي... 

والد فريده: انت بتزعق كده ازاي ف بيتي انا لو مش عندي ضيوف كنت اتصرفت معاك بطريقه تانيه، اتفضل اطلع برا... 

ادهم: مش همشي غير لما ااقول اللي عندي...

زياد: احم طيب استاذن انا... 

والد فريده: لا يا ابني معلش ع اللي بيحصل هو اللي هيمشي... 

ادهم: لا هو اللي هيمشي مش انا، ارجوك يا عمي لازم تسمعني اسمحلي بس اتكلم المره دي واللي انت عايزه اعمله بس اما تسمعني... 

والد فريده: هو ف اي انا مش فاهم حاجه، حاجة اي اللي عايز تقولها؟... 

ادهم: ده مش جاي يتجوز فريده... 

والد فريده: نعم انت بتخرف... 

ادهم: والله مابخرف ده واحد انا اللي مأجره عشان يتجوز بنتك اسبوع بس ويطلقها، وانا بقول الحقيقه والله حتي اسأل بنتك رنا... 😒

والد فريده: ورنا اي دخلها بالموضوع ده؟... 

رنا: اي الكلام الفااارغ ده  وانا هعرف منين انا اول مره اشوف زياد وبعدين انت اكيد بتكدب وانك متعرفش زياد ده اصلا، خليه يمشي يابابا ده واحد نصااب... 

فريده: كفااايا بقي، انا ساكته لحد دلوقتي، ومش عايزه اتكلم، وبصراحه بقي أدهم جيه قال كل الكلام اللي كنت عايزه اقوله، انا عارفه كل حاجه من يوم اللي شوفت فيه زيااد... 

رنا: انتي بتقولي ايه كل الكلام ده كدب انا اختك حبيبتك... 

فريده: حبيبتي😏 عشان كده كنتي عايزه تخلي حياتي تعيسه وانتي تبقي مبسوطه، يابابا رنا اتفقت مع أدهم واديتله فلوس عشان يجيبلي واحد من الشارع يتجوزني وكمان من غير ماهله يعرفه هو أهله مش متوفين ولا حاجه ده كدااب ورنا كانت متفقه معاه انه اول ماهي تتجوز يطلقني قبل مااهله يعرفوا...

والد فريده: انا مش قادر أصدق بنتي انا تعمل كده ف اختها... 😳

رنا: ماهو كله بسببك وفيها اي لو اتجوزت قبلها وفيها ااي لو تفضل عانس ولا انا المفروض اعنس جنبها...

والد فريده: مين اللي بيتكلم ده انتي مش ممكن تكوني بنتي انتي شيطان روحي اتجوزي مصطفي بس انتي من النهارده ولا بنتي ولا اعرفك ولا واحد فينا هيحضر فرحك امشي اطلعي بره، وانت ياحيوان امشي اطلع برا انت واخوك ده لو كان اخوك ااصلا اطلعوا بره...

ادهم: سامحيني يافريده بجد انا كنت بعمل معاكي كده عشان مكنتش اعرفك لاكن لما عرفتك لاقيت انك متستهليش يتعمل معاكي كده، انا اسف يعمي انت لو تعرفني كويس هتعرف اني مش وحش انا اللي عشته محدش عاشه انا ساعات بتصرف تصرفات بتبقي غصب عني انا همشي من العماره خالص عشان محدش فيكو يشوف وشي تاني...

                                         *****            

بعد نص ساعه فريده نزلت لادهم عشان تشكره.

فريده: أدهم مع اني مكنتش حابه اشوف وشك ابدا عشان طلعت بتضحك عليا بس بجد شكرا انك وقفت جنبي وعرفت غلطتك...

ادهم: فريده انا عرفت غلطتي عشان حبيتك بجد مكنتش قادر ااشوف بيتعمل معاكي كده وافضل ساكت وكان نفسي نتقابل ف ظروف ااحسن من كده بس اوعدك انك مش هتشوفي وشي تاني...

ادهم كان ماشي وهنا فريده مسكت ايده عشان ميسبهااش وقالت:

_ ادهم انت عايز تسبني...

ادهم: فريده انتي.....

فريده: اااه انا بحبك وكنت معجبه بيك من بدري ع فكره فكل مره كنت بتساعدني فيها كنت بحبك ااكتر بذات اللي عملته فوق ده...

ادهم: طب بمناسبه اللحظه الرومانسيه دي،احم فريده تتجوزيني...

فريده: طبعا موافقه☺♥

ادهم: بحبكككك...

فريده: وانا بموووت فيك...

ادهم: تفتكري اهلك هيوافقو ع جوازنا؟...

فريده: بصراحه بعد اللي انت عملته قدام بابا ده هيخليه يفكر وبعدين انت قليل دانت ابن اشهر رسام والكل عارفه انا هتكلم مع بابا وهحكيله كل حاجه عنك وانا متاكده اما يفهم كل حاجه هيوافق....

                                          *****

بعد مرور سنتين....

رنا متجوزتش لان مصطفي عرف كل حاجه عملتها فبعد عنها وهي دلوقتي مسافره برا مصر ومحدش يعرف عنها حاجه، وادهم وفريده اتجوزوا وخلفو مالك وعايشين ف فيلة باباه  وادهم بقي رساام مشهور وبيكمل مشوار والده وعاشو ف تبات ونباات......

                  🌷النهايه🌷

اللي حابه اوصلوا ان الانانيه عمرها مابتدينا اللي احنا عايزينوا بالعكس بتاخد مننا كل حاجه ف النهايه وان القلب الابيض الصافي ديما هو اللي بيفوز وبيعيش حياة عمره ماكان يتخيلها نصفي قلوبنا ونبطل انانيه ... 

ويارب تكون عجبتكم