مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

صراع مع الزمن

البارت الاول "

مكنتش اعرف ان الدنيا هتيجى عليا اوى كده ،وتاخد طفولتى وحياتى كلها وان اعيش باقى عمرى بين غدر وخيانه وموت ،ايوة انا موت مرتين ، كان مشوار وطريق لازم امشيه وانهى مابدات وديه قصتى مع صراعى مع طمع وجحود البشر اللى الفلوس عمتهم وحولت قلوبهم الى حجر 

(انا حوريه منصورالدويقى ) انا من الفلاحين من قريه  كفر ابو جبل التابعه لمحافظه الشرقيه قريه بسيطه وناسها كويسين فى حالهم ،اسمى مكنش اسم على مايسمى ،ده بالعكس كان مفروض يسمونى سجينه حبيسه وقصتى بدات ،من وانا طفله كان عندى خمس سنين لما 

ابويا نزلنى الغيط اشتغل فيه، كنت اكبر اخوتى ومعنديش  اخوات ولاد كنا تلات بنات

كان ابويا قاسى وطماع كان بيلوم امى انها مجبتش له الواد ،كان يقول لها يا مخلفه البنات ياشايله الهم للممات ،كان اخرنا فى التعليم الاعداديه ،طفولتى مكنتش سعيده ،بس كانت اسعد لحظات حياتى لما اروح المدرسه عشان اتعلم  كنت شاطره اوى فى الدراسه ،لكن ابويا ميعرفش ده كان عنده استعداد يبيع بناته لليدفع اكتر وفى يوم ابويا قال لامى 

منصور " كريمه فينك  ياوليه ،بقولك البنت بنتك مش هتروح المدرسه تانى

كريمه " منصور ليه كده البت شاطره وبتحب الدراسه وبكره تكون دكتوره جد الدنيا 

منصور "معنديش الكلام ده البت اخرها بيت جوزها 

كريمه "مش لما يجى عدلها ابن الحلال الى يصونها 

منصور "هو انا مقولتلكيش ابن الحلال جيه وطلب بنتك ديه حظها من السما لو تعرفى مين الى طلبها 

كريمه "مين يامنصور فرحنى 

منصور " الحج عبد الرحيم الدهشورى

كريمه "يامصبتى ياراجل عايز تجوز بنتك لواحد اكبر منك ده متجوز وعنده عيال اكبر من بنتك

منصور "اخرسى ياوليه انتى عرفا معه فلوس كام ولا الغيطان الى عنده، دة يشترى البلد ديه كلتها 

كريمه " ولو، ابدا بنتى ديه عيله عندها 15سنه اجوزها واحد عنده 55سنه ليه 

منصور " ضربها بالقلم على وشها ،انت ياوليه هتمشى كلمتك على ولا ايه مش كفايه مجبتيش واد اتسند عليه ،ده احنا مش لقين ناكل الراجل هياكلها ويشربها ده قالى هيكتب لها بيت باسمها وتبقى ست هانم

كريمه "بس البت مش هترضى يامنصور 

منصور "نعم ياختى ومن امتا عندى بنات بيقولو رايهم اتجرى من هنا حضرى البنت عشان العريس هيجى انهارده يقرأه الفاتحه 

كريمه "ينهار منصور قوام كده ،

- وبعدين لاحول الله  يارب هعمل ايه يارب اهدى الحال ،حوريه ياحوريه بت 

حوريه"ايوه ياما عايزه ايه خلينى اذاكر شويه 

كريمه "سيبى المذكره ديه مافيش مذاكره تانى ،انتى جيلك عريس

حوريه "يلهوى ياما انتى بتهزرى انا لسه صغيره ومذكرتى 

كريمه "ليه ياختى ده انا خلفتك وانا فى سنك نسيتى عوايدنا ولاايه يابت

حوريه "بس ياما انا بحب المذاكره وشاطره، ده انا بلم العيال واشرح لهم واعمل ليهم مذكرات وابيعها عشان اصرف على تعليمى ونبى ياما بلاش

البارت الثانى

كريمه "لاحول الله يارب ،يابنتى واخره الفقر ده ايه ،ده عريس غنى ومريش هيريحك وياكلك كل الى نفسك فيه ،يابنتى ياحببتى ده لمصلحتك وهتعيشى متهنيه ده هيجبلك دار شرحه وبرحه باسمك يابت ،

حوريه "لا ياما ونبى عايزه اتعلم انا هصرف على نفسى

كريمه " يابت عايزة اريحك يضنايا ،انت عرفا مين الى جيلك ،الحج عبد الرحيم الدهشورى ،اغنى واحد فى البلد 

حوريه " يلهوى يلهوى يامصبتى،عايزة تجوزينى واحد اكبر من ابويا ومتجوز وعنده عيال كبيره 

كريمه "هو انا احكم فى حاجه يابنتى ياريت كان باايدى كنت دريتك من الناس كلها ،ابوكى حالف ميت يمين ،وبعدين فكرى يابنتى كويس ،هياكلك ويشربك مش ممكن تكلميه وتخليه يكمل تعليمك ،وتبعدى عن ابوكى 

حوريه "ياما دة كبير هبص فى خلقته ازاى 

كريمه "حبيبتى الراجل مش بشكله مش ممكن يطلع حنين وكويس ويعوضك القرف الى شوفتيه وتتعلمى 

حوريه "يعنى هيرضى اكمل تعليمى ونبى ياما 

كريمه "حبيبتى انتى وشطارتك بقا ، يلا يابنتى ربنا يهديكى روحى البسى هدمه نضيفه وظبطى نفسك ،ده جاين انهارده يقرأوا فتحتك

حوريه"قوام كده ياما ،حاضر امرى الى الله

-كنت عيله صغيره مش فاهمه حاجه ولما جيه كانت امى ملبسانى الى على الحبل كله عشان اعجب الحج عبد الرحيم وجيه معه ولده الكبير حمدان 

منصور " اتفضل ياحج عبد الرحيم نورت الدار 

الحج عبد الرحيم " ازيك يامنصور الدار منوره باهلها ده ولدى حمدان الكبير 

منصور "ياهلا وسهلا بالحبايب اتفضلو 

عبد الرحيم " اومال فين عروستنا يامنصور مش هتجيب الشربات ولا ايه 

منصور "يسلام ياحج طبعا هتيجى يابت ياحوريا انت يابت 

كريمه " يالا ياضنايا ابوكى بينادى يالا

حوريه " خيفا ياما ونبى بلاش عشان خاطرى ده عجوز 

كريمه "مش اتكلمنا فى الموضوع ده يابنتى ده هيبغددك ويريحك بدل عشتنا قومى بدل ماابوكى يبهدل الدنيا ،يالا ياحببتى ربنا يهديكى 

حوريه " تمسح دموعها ،حاضر ياما طالعه اهو

كريمه "ظبطى نفسك وخدى الشربات ليهم

عبد الرحيم " مشاء الله زى فلقه القمر تعالى اقعدى ياعروسه ،اسمع يامنصور احنا هنقرأ الفاتحه ،وبعد اسبوعين كتب الكتاب والفرح وخدها بالهدمه الى عليها لبس العروسه عندى ،انا عارف الظروف يامنصور

حوريه "كنت بسمع الكلام فى صدمه مش عارفه اتكلم ولقيت حمدان ابنه الكبير بيبص لى بغيظ اوى  ،لدرجه خوفت من بصته 

منصور "يسلام ياحج  كله ذوق ومفهوميه ،ده انا اوصلهالك لغايت الدار

حوريه "كنت بسمع كلام ابويا حسا انى سلعه بيبيعو ويشترو فيها لكن الى زى بايده ايه احنا الى زينا الفقر والجهل دمرونا 

- وكان خلال الاسبوع الحج عبد الرحيم كان بيجيب هدايا واكل لي ولاخواتى ومشفهواش قبل كده وابويا كان سعيد بالهدايه الى زغللت عينيه 

منصور "شيفا ياكريمه ولا بناتك بقى ليهم قيمه طاقه القدر هتتفتح من وراهم 

كريمه " شوفى ياحوريا الحج عبد الرحيم جبلك ايه فستان ودهب وغير الاكل الى برا اخواتك فرحنين ده عمرهم ماشافو الحاجات ديه 

حوريه "كنت بسمع كلامهم وانا بتقطع من جوايا ،لكن لما شوفت اخواتى قد ايه هما فرحانين الحزن اتشال وجيه مكانه فرحه ليهم وصبرت نفسى ان كفايه اهلى هيكونو سعدا 

- يوم الفرح لبسونى الفستان ومكيجونى ،وكل ستات البلد جم يفرحو ويهيصو لى كنت حسا انها جنازتى مش فرحى ،كنت قاعده وسط الستات وكلهم فرحانين وفجاه جت ست فى حدود خمسه واربعين سنه وقربت جنب ودنى وقالت.

انتى فكرا هخليكى تتهنى بيه ولا بفلوسه حته عيله مفعوصه زيك دي اسود ايام حياتك جايه

-كنت بسمع ومصدومه وخفت من كلامها مين ديه وبتقولى كده ليه وسمعت امى بتقول

- كريمه "اهلا وسهلا بالست ام حمدان نورتى وكمان جايه بنفسك دي الدار نورت

حوريه"سمعت اسمها وجسمى اتنفض وخوفت اكتر انا مش عارفه هعيش مع الناس ديه ازاى 

-وبعد الفرح ماانتهى كل روح اتبسط واكل وكانو بيحكوه ويتحاكو على اكبر ليله اتعملت لبنت منصور وقد ايه هى محظوظه

وروحت مع الحج عبد الرحيم البيت......

متنسوش الكومنتات عشان يوصل الأجزاء الباقيه، واى تشابه فى الاحداث لايوجد لها اساس من الصحه القصه خاليه  ويارب تعجبكم ♥️♥️♥️

البارت الثالث

عبدالرحيم " اتفضلى ياعروسه الدار ديه كلتها هتبقى ليكى ومراتى الاولى والعيال فى الدار الى وراكى انا وعدت ابوكى هتكونى لوحدك عشان محدش يدايقك ،ادخلى برجلك اليمين 

حوريه"اول مادخلت لقيت دار كبيره وحلوه ،كنت ببص عليها وفاتحه بوءى من شكلها ،شافنى الحج عبد الرحمن 

عبد الرحمن " اومال لما تتطلعى اوضتك وتشوفى الخلجات الى جبتهالك ،الدار ديه بقت ليكى لوحدك وانا يابنت الناس رجل اعرف ربنا وعمرى ماغصبك على حاجه ،انتى زى بنتى انا اتجوزتك لما لقيت ابوكى عايز يجوزك للراجل الحشاش وده معروف انه بيبع البنات ،انا عملت الى يمليه على ضميرى وهتفضلى معززة فى دارك 

-حوريه " كنت بسمع كلام الحج عبد الرحيم ومبسوطه ،حسيت امى عندها حق ان الدنيا هتفتحلى دراعتها اخيرا،وطلعت الاوضه وشوفت الخلجات الى جايبها وكمان كتبى القديمه ،فعلا الحج عبد الرحمن راجل طيب ،بس الى حزنى اوى لما سمعت ابويا كان عايز يعمل فيا ايه 

- وعدى اسبوعين كنت سعيده مع الحج عبد الرحيم ،لكن تهديدات مراته كان فى ودنى وخوفى منها كان معكر عليه حياتى وفى يوم جاتلى فى البيت ،

- ام حمدان "جيت ابارك للعروسه واشوف الدار الى جيبهالك ابو حمدان ،اسمعى وركزى معى كويس احسلك متحمليش ولاتفكرى تخلفى اصلى الهلومه ديه كلها لى ولعيالى ،لو فكرتى بس او حصل هقرا عليكى الفاتحه فى القرافه فهما يابت انا مش بهدد انا بنفذ ،يلا ياختى فوتك بعافيه 

- حوريه" بعد مامشيت انا خوفت منها اوى شكلها ست شرانيه ،فجاه لقيت الباب بيخبط كنت خيفا تتطلع هى رحت ناحيه الباب مين 

-انا امك ياضنايا 

امى حبيبتى 

- كريمه "حبيبتى مشاء الله بيتك يشرح القلب ايه الجمال ده جوزك راجل امير وكويس كل يوم يبعت لينا اكل ولبس لخواتك ،مالك ياضنايا شكلك متاخد كده ليه

- حوريه "حضنت امى وقاعدت اعيط واحكيلها الى حصل وانى هحكى للحج الى حصل 

- كريمه "بلاش يابنتى تكلمى هتخربى على نفسك ديه ام عياله ومش هيسكتو لو حصل مشكله بسببك ،لو هيختار عياله هيجبره عليكى ،تلاقيها بتهوش كلمتين من حرقت قلبها ،الضره مره يابنتى اعزريها 

- وعدى 5 شهور على موضوع ده وخلال الوقت ده الحج عبد الرحيم كانت صحته فى النازل كل فتره وانا كنت جانبه مسبتهوش ولقيته بيقولى 

-عبدالرحيم "تعرفى ياحوريه انت احسن حاجه اخترتها انتى الوحيده إلى وقفتى جنبى فى مرضى عيالى ومراتى مش مهتمين بحالتى انا خايف عليكى لو حصلى حاجه 

- حوريه "متقولش كده ياحج ربنا يديك الصحه ،

- وبعدها بيومين لقيت الباب بيخبط جامد وصويت 

،بيقولى الحقى الحج عبدالرحيم وقع طب ساكت فى الغيط وعياله خدوة 

-جريت اجرى على البيت لقيت صويت وناس داخله وخارجه ويقولى الحج تعيشى انت ،رقعت بصوت ،لسه هروح اشوفه 

-لقيت عياله اتلمو على هما وامهم ورمونى فى الشارع اجرى يابت من هنا ومشفش وشك تانى،منعونى احضر العزاء

- وروحت البيت وانا مكسوره والدنيا اسودت فى وشى ده الراجل الوحيد اللي  خاف عليا اكتر من ابويا  وعاملنى زى بنته ومكنش حد يعرف انه اتجوزنى عشان يحمينى من ابويا 

ولقيت الباب بيخبط ،وفجاه مراته وعياله مسكونى ورمونى برا الدار

ام حمدان "يلا يابت ملكيش حاجه هنا ومات ياختى الى كان عملك واحده ، يالا برا يابت زى ماجيتى وحتى ملقيش خلجات ده خدك شحاته مش لقيه تلبسى

حوريا " قعد اعيط واترجاهم يدونى جلابيه سوده استر نفسى بدل الجلابيه البيتى 

فجاه لقيت راجل كباره شكله من البندر مسك ايدي وشدني.....

شكرا على المتابعه ومتنسوش الكومنتات عشان يوصل الأجزاء القادمه  واى تشابه فى الاحداث لايوجد لها اساس من الصحه ❤️❤️❤️

البارت الرابع 

الى بيحصل هنا ميصحش كده وديه ليها حق زيكم واكتر كمان

حمدان "حق ايه يافندى ومين انت وايش دخلك انت امشى شوف حالك

-انا المحامى عصام الحسينى محامى والدك وهو سايب وصيه ولازم تتنفذ بالقانون ياسى حمدان

- الجميع اتصدمو وانا منهم سترنى بعد وفاته 

-ودخل المحامى وبدا يقول الوصيه ،قال 

الورث يتوزع كالاتى الدوار والارض الزراعيه والمنحل هيكونو ملك حوريه منصور الدويقى والاراضى الزراعيه والدوار التانى والمزارع ومصنع الالبان ملك العيال واى ايراد يطلع من الارض يعطوه التلت لحوريه 

- انا كنت بسمع ومش مصدقه معقول اد ايه راجل طيب وعارف ممكن يحصلى ايه من مراته وعياله وامن مستقبلى 

ام حمدان "الى بتقوله ياباشا انت اتجننت فى عقلك مين ديه الى تورث زى عيالى، بنت منصور الشحات 

- اسمى المحامى عصام الحسينى" وده قانون واى حد هيخالفه هيتعاقب عليه ،واتفضلو فى بيتكم لغايه مالتركه تتقسم 

حوريه "كنت بسمع وانا فرحانه بس خايفه ،هم مش هيعدو الموضوع بساهل دول اشرار ،مش هيسبونى فى حالى ،وفعلا الى حسبته لقيته 

-بعديها بيومين خبط الباب فجاه ولقيت مرات حمدان جايه تكلم معى وتقولى الصلح خير وانتى بقيتى زينا ومرات عمى بتحبك بس انتى عارفه قلبها محروق عشان جوزها سبها وراح لبنت قد حفيدته وهى تعبانه واجب عليكى تشوفيها ،

- كنت بسمع كلامها ومش مصدقه بس واجب على اشوفها ست كبيره

وبعدها اخدت زياره ورحت اطل عليها خبطت الباب فتح لى رجب ابنه الثانى وقالى امى مريضه فوق 

طلعت عشان اشوفها ،ولسه بفتح الباب ،لقيت قلم على وشى من ام حمدان ومسكت شعرى وفضلت تضرب فى وعيالها اتلمو على يضربونى هما كمان

ام حمدان "انت فكرا يابت هسيبك تتهنى بفلوسى ده استحملته عشان الفلوس وعيالى هما إلى يورثو ،مش تورثى انتى  واهلك ،وفضلت تضرب فيه وربطتنى وحبستنى وقالت مش هسيبك يابت 

-حوريه "حرام عليكو انا عملتلكم ايه سبونى امشى خدو إلى انتو عايزينه

ام حمدان "عملتى ايه مش هسيبك غير بموتك عشان عيالى يورثو يابت، دا انا اللي هاخد روحك

رجب "لا ياما لو ماتت اهلها هما إلى هيورثو

حمدان " خلاص نموت اهلها كمان 

- حوريه " حرام عليكم اهلى ذنبهم ايه هعمل الى انتو عايزينه والله مش عايزه حاجه امى واخواتى بلاش انا مش عايزه فلوس خدوها 

- ام حمدان "اخرسى يابت انا حذرتك من الاول وانتى مسمعتيش الكلام بعد ايه، اسمك فى الوصيه خلاص انا مش هسيبك  انتى ولا اهلك عشان تطلبى بالفلوس، متخافيش مش هتعرفى تزعلى عليهم عشان هتحصليهم 

حمدان اربطها كويس واربط بوقها كلمت الراجل 

حمدان " ايوه ياما كلمته وكله تمام واديته قريشين عشان يروح بيته وميجيش 

ام حمدان "عفارم عليك ياولا طالع لامك  ،سبونى بقا مع السنيوره شويه 

حمدان "يالا يارجب حضر العربيه ويالابينا وعقبال ماالكبيره تخلص

ام حمدان "اقولك على سر يابت بما انك هتقابلى وجه كريم كمان ساعه ، انا قتلت عبدالرحيم بسم بطئ كده ،كنت جيباه مخصوص ليه لما قرر يتجوز ويبعتر فلوسه على شحاتين الى زيك كنت كل مايجى اقطرله فى الشاى لغايه ما مات افتكرت خلصت منه والتركه انا وعيالى هنتهنا بيها لكن سابك فى ارابيزى ،لكن مافيش حاجه تصعب على بدريه 

حوريه " كنت بسمع الكلام ده ومصدومه ازى  الناس ديه ايه الشر والغل ده كله ،لكن اهلى ،ومش عرفا هيعملو فيا ايه  ،وفجاه ضربتنى على دماغى، اغمى عليا

- ولما فقت لقيت نفسى فى مكان ضلمه ضيق اوى مقفول كنت خايفه اوى ومش قدره اخد نفسى ، وقعدت اصوت عشان حد يسمعنى ويجى ينقذنى

متنسوش الكومنتات عشان يوصل الأجزاء القادمه وشكرا على المتابعه ❤️❤️❤️

البارت الخامس "

معقول انا فى الترب وبدات اعيط وانادى محدش سامع صوتى وقعدت اصوت ياناس الحقونى انا بموت ،وفضلت اقراء قران واستعيذ بالشيطان وادعى يارب انجدنى انا مليش غيرك 

- وفجا لقيت حد بيفتح الترب بسم الله الرحمن الرحيم ايه يابنتى الى جابك هنا انت مين ،بسم الله الرحمن الرحيم يعنى لو معدتش بالصدفه عشان اشوف الترب افتحها عشان فى ميت كنتى موتى حكمتك يارب، الواد مغورى فينه اختفى كده بدل ما يفضل جنب الترب يسيبها لما اشوفه الواد ده

- كنت بسمع الكلام وانا بترعش وحسا انى فى عالم تانى وحمدت ربنا انه نجانى وافتكرت اهلى ،جريت على الدار بتاعتنا وفجاه الدار بتولع كلها وكله بيطفيها وبيقولو لاحوله الله يارب العيله كلها ماتت جوه النار كلتها 

-كنت بسمع الكلام وانا فى عالم تانى مش عرفا بيحصل معى كده ليه وقعدت جنب شجره اعيط بحرقه على بيحصل لى وفجاه افتكرت كلام ام حمدان وان هى السبب وهى قتلت اهلى كلهم 

- ولقيت كلهم جاين بالعربيه اتجاه البيت وبيقولو حوريه جواه لاحول الله وبيعيطو قدام الناس ،واستخبيت ورا الشجره ولما الناس مشيت لقيت الست بدريه بتضحك وتقول عفارم عليكو ياولادى كده التركه بقيت لينا يبقى كلهم ماتو  

- انت يولا دفت على حوريه كويس عايزها تفطس عايزة نسل العيله ديه يختفى 

-حوريه " سمعت كل ده وانا خيفا ومش عرفا اعمل ايه كنت عايزه اقتلها بايدى هى وعيالها زى ماقتلت كل عيلتى ودمرت حياتى مصيرك هتكونى تحت ايدى  ، لكن دلوقتى انا وحيده وسهل يقتلونى ،جريت فضلت اجرى اجرى لغايت ماطلعت برا البلد ولقيت عربيه كانت نزله مصر ،ركبت فيها، مكنتش عرفا اروح فين ولالمين ومليش حد فضلت اعيط على حظى وحياتى 

 نزلت من العربيه بقيت ماشيه فى الشوارع مصر ومش عرفا حاجه انا مجرد عيله عندها 16سنه ،والجوع والبرد قرصنى وانا فى الشوارع ماشيه لغايه ما عربيه كانت جايه باقصى سرعتها خبطت فى العمود ،وفى واحد فى العربيه سايح فى دمه ،والعربيه هتولع ،جريت فتحت الباب ،ونديت الناس تنزله معايا والاسعاف جات ورحت معه عشان معهوش حد ،وفى المستشفى افتكرونى بنته ماهو كان راجل كبير وقالو متسبهوش لغايه لما يفوق ويعرفو هو مين ،انا اصلا مليش مكان اروح فيه ،والمستشفى كانت بتوزع اكل على المرضى ،خت  واحده وقاعدت اكل كان جسمى بيترعش من الجوع،

-وكلت وفضلت جنب الراجل وكان بيقول اسم واحده كل شويه يقوله سلمى سلمى ،ويعيط قربت منه اطبطب عليه ،وفتح عينه مره واحده وقالى سلمى وحشتينى روحتى فين ليه موتى وسبتينى  ،وغمض عينه تانى

- صعب على اوى وافتكرت اهلى وقاعد اعيط جنبه وافتكر كل حاجه حصلت لغايه مانمت على الكرسى  .

- تانى يوم لقيت حد بيصحينى بيزق فى ويقولى 

- انتى اصحى انت مين والى جابك هنا 

- حوريه" لا معلمتش حاجه ونبى بلاش تضربونى ،

- اهدى متخفيش فوقى انت مين 

-حوريه " لما فقت بصت حوليا لقيت نفسى فى المستشفى ،افتكرت الى حصل ولقيت الراجل الى عمل حادثه وهو بيكلمنى ،قولته انت بخير دلوقتى ،قالى 

-انت مين والى جابك هنا ،انتى بتفكرينى بيها اوى 

حوريه" انا اسمى حوريه كنت موجوده يوم الحادثه وفضلت جنبك لغايه ماتفوق عشان كمنى مش معاك حد وانا كمان مليش حد قولت افضل جنبك ،انت كويس دلوقتى ،اسيبك انا

-استنى انتى بتقولى ملكيش حد طيب فين اهلك يابابا

- حوريه "يااه يااستاذ ديه حكايه طويله بعد اذنك دلوقتى 

-استنى انا اسمى عصام الغورى " انا عرفت من المستشفى انك انقذتى حياتى ،تعرفى انك بتفكرينى بيه اوى سلمى كانت شبهك

- حوريه " اة سمعتك بتقول اسمها وانت نايم وناديتنى بيه مين ديه يااستاذ عصام 

- عصام " اة فى حزن وبكاء، ديه بنتى سلمى ماتت من يومين

- حوريه "انا كمان عيلتى كلها ماتت قتلوها ،

- عصام "لاحول ولاقوه الا بالله  اهدى ياحبيبتى قولى قصتك ايه

- حوريه " وحكت له قصتى كلها من اول جوازى ليوم دفنى فى الترب وقتل اهلى 

- عصام "معقول فى ناس كده احنا ايه الزمن الى وصلنا فيه ده وازى طفله زيك يجوزوها لواحد اكبر من ابوها العادات السيئه ديه عمرها بقى ماهتتمنع من بلدنا، طيب كده لو حد شافك ممكن يقتلك ،ملكيش حد

- حوريه "لا مليش حد غير ربنا عرفا انهم هيقتلونى انا هربت منهم وميعرفوش ان لسه عيشا ،ديه عويدنا يابيه انا يمكن ربنا سترها معايا وطلع راجل محترم ،اعتبرنى زى بنته بس فى زى كتير بيدمرو حياتهم ويمنعهوم من ابسط حقوقهم التعليم ويقدور يكبرو صح 

عصام " اسمعى ايه رايك تكونى بنتى ،تعرفى هى كانت قدك فى السن وشبهك اوى،معرفش ديه حكمه ربنا انه بعتك لى فى الوقت ده عشان يصبرنى على فراقها بعد ماكانت حياتى تنتهى من بعد فراقها

- حوريه "شكرا ياسعت البيه ده انت ربنا بعتك لى ،  فرحت بس خيفا انا معرفش لسه نيته ايه من ناحيتى 

-عصام "طيب يالا عشان هنمشى دلوقتى نطلع من جو المستشفيات ده

- طلعنا من المستشفى وركبنا عربيه وفى طريق وقفت بينا قدام بيت كبير اوى وعليه سور

-حوريه " اول مره اشوف دار كبيره كده وفيها جنينه كبيره لا وفيه ترعه بس انضف شويه ،من الى حدانا فى البلد

- عصام " ده بسين ياحوريه ههههههههه

-حوريه" اول مادخلت لقيت دار كبيره قوى وفيها سلالم كبيره وفيها صوره كبيره  لبنت عسوله اوى تيجى قدى فى السن ولما استاذ عصام شافنى ببص عليها

-عصام "فى حزن ،ديه بنتى سلمى الى ماتت لسه دافنها بايدى 

-حوريه "هى ماتت ازاى يااستاذ عصام

متنسوش الكومنتات عشان يوصل الأجزاء القادمه شكرا على المتابعه ❤️❤️

البارت السادس

-عصام "قولى يابابا عايز احس انى لسه بسمعها منها،بنتى ماتت بسرطان فى المخ ،رغم كل الفلوس الى معايا وسافرتها برا ومافيش بردو علاج، وجبتها من برا فى نعش ودفنتها ومحدش يعرف ودفنت نفسى معها

-حريه " انا زى بنتك يابابا متزعلش بس ليه مقلتش لحد

ان بنتك ماتت

- عصام "طبعا ياحبيبتى خصوصا انك فيكى منها ،دي موضوع كبير هتعرفيه فى وقته ،المهم اطلعى الاوضه الى فوق استريحى وشويه انزلى نتغدا

-حوريه "طلعت على الاوضه كانت زى اوضه الاميرات كنت فرحانه وقلت اكيد ده عوض ربنا ،وبعد شويه نزلت اتغدا مع بابا عصام

-عصام "الاوضه عجبتك ياحببتى

-حوريه "اة يابابا جميله

- عصام "عايزة اقولك حاجه من هنا ورايح هيكون اسمك سلمى على اسم بنتى عشان محدش من اهل جوزك يعرفو انك عيشا ،وهاخدك ونسافر امريكا عشان تكملى دراستك

-حوريه " ايه اسافر برا،  معقول واتعلم كمان ،ده حلمى انا اكمل دراستى، بجد شكرا جدا يابابا عصام

-عصام "ايوة وهيكون اسمك سلمى عصام الغورى  ،انا كلمت ناس وهظبط الدنيا وجهزى نفسك خلال يومين هنسافر

-وفعلا خلال يومين كنا برا مصر فى امريكا تحديدا فى كاليفورنيا فى مقاطعه لوس انجلوس وكان بابا عصام عنده بيت كبير هناك زى الفيلا الى كنا فيها اصلى بابا عصام كان غنى اوى واهتم بتعليمى ودخلنى مدرسه هناك وخلصت ودخلت اكبر جامعه فى كاليفورنيا واشهرهم فى اداره اعمال مع انى كنت نفسى ادخل طب بس بابا كان عايزنى امسك شغله مكانه وعدى (عشر سنين ) واحلى سنين عمرى بس منستش فى لحظه الى حصلى ولاحصل لااهلى 

-وجيه وقت رجوعنا  مصر انا وبابا وانه قرر ينقل كل اعمالنا فى مصر مع ابن شريكه الى مسؤل عن اعمالنا فى مصر ،ورجعت مصر واول منزلت من الطياره فرحت انى فى بلدى 

-عصام "حمدلله على السلامه ياحبيبتى اخير رجعنا مصر

-سلمى "الله يسلمك يابابى 

- عصام "بقولك جهزى نفسك عشان تروحى الشركه بكرا عشان تظبطى الدنيا انتى هتبقى مكانى 

- سلمى "ربنا يديك الصحه يارب حاضر من عينيه بس انت اكيد مش هتسبنى

-عصام "متخفيش  ادم هناك هيساعدك فى كل حاجه ده ابن صديق عمرى 

- تانى يوم فى الشركه 

-سلمى " جهزت نفسى ورحت الشركه ، واول مادخلت الشركه ،كانت الناس بتجرى ورا بعضها وسامعه صوت زعيق جامد 

من الدور الثانى كان وصلى من على باب الشركه ،وسألت  واحد ،قال اصلى المدير مبهدل الدنيا عشان الشغل والشريك الامريكى جاى ،انت مين حضرتك 

-استغربت من الى بيحصل ،وطلعت على غرفه الى فيها زعيق وصوت عالى ،ودخلت على طول لقيت واحد بيقول

- اصلى ناقصه انت مين انت وايه الى دخلك هنا هى وكاله من غير بواب اه مااليوم ده مش هيعدى بساهل

-سلمى "دخلت وقاعدت على الكرسى ،وقلت اكيد مش هيعدى لما مدير الشركه زى حضرتك صوته جاى لاخر الشركه تفتكر اى عميل هيجى هيقول على صحاب الشركه ايه 

-وانتى بقا جاى تعلمينى اتعامل ااى فى شركتى ،فين الامن الى هنا ،

-سلمى "الامن انت هتجبلى انا الامن انت عارف بتكلم مين   

- واحد داخل بيقول ،الحق ياادم والدك بيتصل وبيقول الشريك الاجنبى زمانه فى الشركه دلوقتى 

- ادم "الله يخربيتكم على الصبح ،ظبط الدنيا خلينا نشوف اخره الشريك ده ايه مش عارف بابا بيدخل شريك فى الشركه ليه

-سلمى "اكيد لازم شريك عشان حضرتك مش عارف تتدير الشركه كويس بالاسلوب الهمجى ده 

-ادم " انتى اتجننتى انتى مين اصلا انتى لسه ممشتيش والامن مجاش ليه هنا 

- سلمى " قومت ،روحت على تليفون جنب المكتب وطلبت رقم طلع السكرتاريه ،قلت هاتى اتنين ليمون هنا عشان فى ناس محتاجها هنا وحضرى اجتماع واعلنى الشريك الاجنبى فى مكتب المدير دلوقتى ومحتاجه اجتمع بالكل

- ادم " كنت مصدوم ،هى ديه الشريك الاجنبى ،بس ازاى تسمح لنفسها تكلمنى كده ،بس شخصيتها قويه ده النوع الى بحبه فى الشغل

- ادم " طيب ماتقولى انتى مين بدل الحوارات ديه كلها وشغل الساسبنس ده

- سلمى " والله حضرتك متدنيش فرصه انا اول مادخلت سامعه زعيق المواظفين بتجرى ورا بعضها

-ادم "ده شغل انتى لسه جايه من برا وشغل امريكا غير هنا انا كمان كنت شغال هناك وعارف ،لما تشتغلى هنا هتعرفى 

-سلمى" فى سرى ،اكيد مش هكون بالهمجيه ديه

- ادم " دلوقتى هنبدا اجتماع اتفضلى فى الاوضه الاجتماعات عشان نعلن وصول حضرتك 

- سلمى " فعلا الشركه كلها عرفت انا مين ،وكان فى الاجتماع بيناقشو عن مصنع الانتاج الخاص بشركه ابى وكان الصدمه المصنع  فى قريه كفر ابو جبل فى الشرقيه ،لا المصيبه بيتكلمو عن صاحب الارض حمدان الى الاتفاقيه هتكون معه ،اعصابى سابت والورق وقع من ايدى واعتذرت منهم سبت الاجتماع ومشيت 

- روحت البيت لقيت راجل غريب مع بابا ،واول ماشفنى جرى على وقالى سلمى كبرتى بس شكلك اتغير اوى وحلوتى كمان ،ولقيت بابا وشه اصفر واتغير، انا كمان اتخضيت اوى

شكرا على المتابعه ومتنسوش الكومنتات الكتير  عشان توصل القصه ليكم 💓💓 

البارت السابع "

- انتى مش عرفانى ولاايه ياسلمى انا عمك مراد نسيتى  ولاايه 

-عصام " ايوة يامراد سلمى بقالها كتير مشفتكش واحنا لسه جاين من السفر وهى كانت فى الشركه اطلعى حبيبتى استريحى 

- سلمى "طلعت الاوضه فى حاله حزن وخوف من الماضى كله رجع تانى ينغص على حياتى ،افتكرت ان الدنيا ضحكت فى وشى لكن انا عمرى مانسيته ،وبصيت لنفسى قلت انا سلمى حوريه ديه ماتت وادفنت خلاص ،انا سلمى عصام الغورى ،بلاش تخافى انتى بقيتى شخصيه مهمه انتى مش ضعيفه

-عصام " اول ماشوفت اخويا مراد شبح الماضى رجع تانى مراد اخويا من ابويا كنت انا الوحيد الى قدرت اتحمل المسؤليه واكبر الشركه وبنيت اسمي بمجهودى بعد ماكل اخواتى اخدو نصيبهم وخسرو، لكن كلهم طماعين فى ويتمنو موتى ،جيه الوقت إلى سلمى لازم تعرف كل حاجه

-سلمى "تانى يوم الصبح نزلت افطر مع بابا ومسألتش عن اخوه ولااتكلمت معه على الى حصلى ورحت الشركه 

- ادم " ايه ماشيه كده طيب مش تصبحى ولا ايه   

-سلمى "صباح الخير ياادم اسفه مختش بالى

-ادم " ولايهمك انا بس بهزر  ،جاهزه للشغل انهارده هندخل فى الجد

-سلمى " تمام انا قدها 

-ادم " كنت بكلم معها فى حاجه بتشدنى ليها اوى وديما بتلكك عشان اشوفها او اكلمها ،كنت عايز اعرفها اكتر 

-سلمى " دخلت مكتبى عشان الشغل ،لقيت ملف عن ارض المصنع ، بس جسمى اترعش ،الملف وقع من ايدى

-ادم " انتى كويسه خدى الفايل متجهديش نفسك ،لو عايزة تعرفى حاجه قولى انا هقولك بدل ماتتعبى نفسك ، ارض المصنع ياه تعرفى فى قصه مشهوره فى البلد ديه 

- سلمى "قصه ايه 

- ادم "عن عيله البيت كلها ولع بيها واموهم الوحيده الى اتنجت بس بيقولو اتجننت 

- سلمى "ايه ،الحادثه ديه من كام سنه حصلت

-ادم " عشر سنين كانت بنتهم الزوجه التانيه لابوه حمدان صاحب الارض

- سلمى " ايه امى عيشا مش قدره اصدق،محستش بنفسى غير لما اغم على ،لما فقت كنت فى المستشفى وادم جنبى وشكله قلقان 

-ادم "انتى كويسه ياسلمى كده تقلقينى عليكى انتى كويسه باباكى اتصل وجاى فى الطريق 

- عصام " سلمى حبيبتى انتى بخير مالك ايه الى حصل

- سلمى " انا بخير يابابا متقلقش مافيش حاجه ده ضغط الشغل مش اكتر

- ادم " والله ياعمى ماضغط عليها بنتك بسكوتك مش بتستحمل وانا افتكرتها عبده موته اول مادخلت على فى المكتب 

-عصام " ههههههه طلعت دمك خفيف تعرف انا اخر مره شوفتك فيها كان عندك عشر سنين كنت صغير وشقى والكوره مش بتفارق ايدك 

- ادم " ههههه افتكرتك ياانكل ديما كنت بتيجى عندنا، تعرف افتكرت سلمى شفتها معاك كانت عندها سبعه سنين وعمله ضفرتين 

- عصام " سلمى اة اة  ،معلش ياادم ممكن تخلص اجرأءات المستشفى عشان هاخد سلمى وامشى 

- فى العربيه ،سلمى عايزه احكيلك على حاجه ضرورى ،اخويا مراد لما جيه يسلم عليكى انا قلقت لانه عارف مرض بنتى ،وده مش سهل  ،كنتى  مرة سألتينى ليه خبيت موت بنتى ،دلوقتى اقدر اقولك السبب 

-وفجاه جات عربيه بااقصى سرعتها ضربت العربيه بتاعتنا قلبتها انا وبابا فيها

- فى المستشفى كان فى ناس بتجرى ووانا شيفا ناس حواليه وغرفه عمليات والدنيا سكتت ،وبعد كده روحت فى نوم عميق 

- لما فقت كان ادم الوحيد الى جنبى وماسك ايدى وحزين اوى

-ادم " انتى كويسه دلوقتى 

-سلمى "تعرف انك تانى مره تقولها فى نفس اليوم ،بابا فين دلوقتى ياادم

- ادم "بس احنا مش نفس اليوم، سلمى ،عدى شهر وانتى فى غيبوبه كنتى 

-سلمى "ايه بتقول ايه ،فين بابا دلوقتى 

-ادم " انكل عصام ،كويس  

- سلمى " فين بابا ياادم

- ادم " اهدى بس وقومى بسلامه ،موجود 

- سلمى " ادم انت بتلف ودور ليه فين بابا ،انا هروح دلوقتى اشوفه بنفسى

-ادم " بصى ياسلمى انا عايزك تشدى حيلك هو راح للاحسن البقاء لله شدى حيلك ياسلمى

- سلمى " لا لااااااااا،انت بتكدب لا هو ممتش اكيد انا هقوم اشوفه اكيد هنا

-ادم " سلمى ارجوكى اهدى انتى تعبانه لسه 

- سلمى " الحزن اتكتب فى حياتى اكن حالف مايمشى كل مااحس ان الدنيا ضحكت لى شويه ترجع تانى،ولاانا إلى  على لعنه اى حد يحبنى بجد يموت هو الى كان فضلى هو الى غير حياتى ،ياترى الدنيا مخبيه ايه تانى

- طلعت من المستشفى على المدفن اشوفه الاول وحسيت انه حاسس بى وقرأت الفاتحه له وقاعدت ابكى جنبه ، وبعد كده روحت على البيت حسيت انه بقى اطلال حيطان لو اتكلمت هتصرخ من الحزن على صاحبها ،ياترى هو سعيد دلوقتى عشان راح لبنته الحقيقيه

-دخلت على مكتبه ، وحسا انه فيه وريحته كمان ،لقيت فلاشه فى ظرف مكتوب عليها اسمى حوريه ،فتحتها وكانت المفاجأه

شكرا على المتابعه ومتنسوش الكومنتات الكتير  عشان توصل القصه ليكم والى مش عارف يوصل للاجزاء الأولى يضغط على هشتاج أسمى  💓💓

البارت الثامن "

غريبه فتحتها لقيت بابا بيتكلم يقول (حريه ازيك يابنتى لما تشوفى الفيديو ده يبقى انا ميت دلوقتى ،انا كنت عايز احكيلك على سر عدم اعلان وفاه بنتى ياحوريه هو بسبب طمع وجشع  اخواتى من ابويا فى فلوسى ولما يعرفو عن وفاه بنتى كان هيسهل الامر عليهم يتخلصو منى عشان يورثونى ،لما شوفتك حسيت ربنا بعتك لى عشان تعوضى مكان بنتى  وتكونى انتى وريثتى وبنتى التانيه ،انا عايزك تخلى بالك من نفسك لانهم مش هيسكتو خصوصا اخويا مراد عارف بمرض بنتى وانه صعب شفائه مش هيسيبك انا عملت وصيه باسمك الحقيقى واسم بنتى فى حال تم كشفك انتى بنتى التانيه وخليفتى  مع السلامه يااجمل حوريه ) خلصت الفيديو ، وجالى حاله انهيار اد ايه هو حمانى وضمن مستقبلى حتى وهو ميت ،بس يااه الفلوس لعنه للدرجه ديه كله يطمع فيها قبل كده حاولو يقتلونى عشان الفلوس ودلوقتى ممكن كمان يحاولو يقتلونى .

- انا لازم امن نفسى واحضر نفسى الى هيحصل 

- تانى يوم جبت رجال امن حوالين الفيلا ،وعينت اتنين معى لحراستى 

- ورحت الشركه ولقيت عمى مراد قاعد مع ادم

- مراد " بنت اخويا عمله ايه دلوقتى انا كنت هزورك عشان اطمن عليكى

- سلمى " ايه الى جابك هنا 

-مراد " جاى اشوف الشغل انا قولت انت بنت اخويا وملهاش حد غيرى اسيب شغلها وحالها يوقف وبعدين فى الاول والاخر حاجت اخويا 

- سلمى " متقلقش ياعمى انا اعرف اشوف شغلى كويس ، 

- وفى وسط الكلام الباب خبط ،والصدمه الى شلت حركتى ،حمدان واخوة رجب لقيتهم قدامى ،لقيت شريط حياتى بيعدى مسكت نفسى بالعافيه عشان محدش يعرفنى 

- ادم " اتفضل ياحضره العمده ايه اخبار الارض  

- حمدان " بخير ادم بيه مصنع بتاعكم مشاء الله والمحصول هيوصل ليكم فى معاده والأرض خلاص بقت بتاعتكم ياباشا

- ادم " تسلم ياعمده ده العشم بردو،اعرفك بشريكتى فى الشركه استاذه سلمى 

- حمدان " اهلا وسهلا بست الهانم ، انا زى مااكون شفتك حضريتك قبل كده

- سلمى " انا وشى اصفر  وقولت مفتكرش انا عشت حياتى كلها فى امريكا

- مراد " بس اعتقد سافرتى وانتى عندك 16سنه صح ياسلمى 

- سلمى " بصت له ،ايوة ياعمى سافرنا عشان رحله العلاج ومرجعناش مصر غير من قريب 

- حمدان " ادم باشا هتيجى انت والجماعه هتعاين الارض والحاجه امتا وبعدين متنساش انتو معزومين عندنا انتى والست هانم 

- ادم " يسلام من عينيه ياعمده 

- سلمى " استاذنكم انا عشان ورايا شغل كتير ، وخرجت جرى وقلبى كان هيوقف

- مراد " سلمى ،سلمى بقولك 

- سلمى " ايوه ياعمى 

- مراد " بمناسبه رحله العلاج ،عمله ايه دلوقتى اصلى حلتك كانت صعبه ونسبه شفائك صفر ، انا بقول كده بس عشان اطمن عليكى

- سلمى " انا بخير دلوقتى وبعدين الاعمار بيدى الله 

- الانتقام ده بس الى جيه فى بالى ولازم اخليهم عبره كلهم ،وامى الى اتجننت ومش عرفا هى عيشا ولاماتت ،بس لازم كله يتخطط له ،ولا الى اسمه مراد ده مش هيسكت بابا عصام كان عنده حق احنا فى غابه والشاطر هو الى يمشى مع اللعبه ويكسب

- لما روحت كلمت ادم ، وعزمته لان كان لازم شخص معايا يقف جنبى وادم كان الشخص الوحيد ،وفرح جدا 

-ادم " انا بجد فرحت لما كلمتينى تعزمينى 

-سلمى " اصلى كنت تعبانه فى الشغل ومعرفتش اتكلم معاك فى الشغل ومحتاجه اعرف شويه حاجات 

- ادم " عشان كده ،ماشى ياستى انا تحت امرك عايزة ايه 

- سلمى " حمدان ،مش ده اسمه عايزه اعرف كل حاجه عن البلد والعيله كلها عشان هنشترى ارضه وهندخل بيته لازم اعرف عنهم

- ادم " تمام بكرا يكون عندك فايل بكل تفاصيل عنهم قبل ماناخد اى خطوة

- سلمى " وفى حاجه عمى انا مقلقه منه طول عمره علاقته بابا مش حلوة وكان بابا بيحكيلى انه عايز فلوسه وبيتمنى موتنا انا خيفا منه

-ادم " متخفيش طول ما انا معاكى متقلقيش واذا كان كده همنعه يدخل الشركه تانى كده كده والدك كاتب الثروه كلها بيع وشراء باسمك يعنى ملهوش حاجه 

- سلمى " ده الى مخوفنى اكتر ياادم

- ادم   " من ايه ياسلمى انا قولتك انا فى ضهرك 

- سلمى " الفلوس بتعمى وممكن يحاول يقتلنى اصلا انا شكا فى حادث العربيه مكنتش طبيعى ابدا

لان كان المرور تمام فجاه عربيه جات معرفش منين وضربتنا والفاعل مجهول 

- ادم " معقول قصدك انه يكون هو كان عايز يقتلكم عشان يتخلص منكم عشان الفلوس 

- سلمى " مش بعيد ياادم

- ادم " لو كده يبقى عمك جيه لاقضاه سبيلى الموضوع ده انا هكلم صاحبى ضابط يدور ورا الحوار ده ومتخفيش من اى حاجه لو حسيتى باى حاجه كلمينى 

- سلمى " شكرا ليك ياادم انك واقف جنبى ، قرب ومسك ايدى 

- ادم " انتى غاليه عليا واستحاله اخلى حد يمس شعره منك ، يلا سلام وملف هيكون عندك ولو فى حاجه كلمينى 

- سلمى " تمام ،فى سرى  انا اسفه ياادم انى بستغلك بس محتاجه حد يكون معى ويحمينى مش هكون ضحيه بعد كده هكون الاسوء

- وبالفعل ملف كل حاجه عن عيله حمدان والخنشوره امه لسه عيشا ،وبتتحكم فى الورث ،وعيالها بينفذو اومرها ومرات حمدان بقت ست دار لانها شبه حماتها نسخه منها 

- كلمت مكتب تحريات وتواصلت مع واحد فيهم ،واديته مبلغ كويس مقابل يجبلى كل صغيرة وكبيره عن العيله ديه ويشوف امى عيشا ولا لا

وفعلا الى حسبته لقيته....

شكرا على المتابعه ومتنسوش الكومنتات الكتير  عشان توصل القصه ليكم 💓💓 💓💓

البارت التاسع "

العائله الكريمه مهما وصلت هيفضل اصلها الواطى موجود، الملف كان فيه عن حمدان الى بيدور على حل شعره مع كل واحده شويه ولا مراته الى كام صوره جات مع واحد معرفهوش شكلها بتخون جوزها 

والاخ التانى الى متعرف على غازيه بيلف وراها فى الموالد ولا الاخير الى الحشيش اكل عقله ،ده انا هخليكو تلفو حوالين نفسكم اصبرو على 

- واخيرا امى ،الى طلعت عيشا ممتش شوفت صورها بتمشى تكلم نفسها فى الشارع من حزنها علينا ،كنت هموت وقاعدت اعيط وابوس فى صورتها

- بعت حد من طرفى ياخد امى ويوديها مستشفى بعيده تحت اسم مجهول وفضل اسمى بعيد اما  عيله حمدان فضلت اخطط ليهم .

- اتصلت بالمخبر بتاعى يعرف مين الراجل الى بتكلمه مرات حمدان وياخد شويه صور ليهم ويعرف مين الغازيه الى ماشى معها رجب وياخد شويه صور ليهم ويجبلى رقمها 

- وبدات اللعبه عرفت من الصور ان ده واحد قرايبها كان مسجون قبل كده وجوزها ميعرفش عنه حاجه وانها بتسرق من جوزها فلوس عشان تبعتها معه لااهلها عشان تشترى اراضى باسمها وده عرفته لما اديت لقرايبها قرشين وخدت كام صوره ليها وهى بتدى له الفلوس وكام صوره ممكن اى يفتكرها مش كويسه لكن لما ببتاخد من كذا طريقه توصل للناس بصوره ديه ،وخت رقم الغازيه وبعت ليها حد يتواصل معها ويديها فلوس على انها تكبر فكره فى دماغ رجب انه ليه هو ميكنش  الكبير ويتحكم فى الورث ،وطبعا شغل زن الستات ،وكل ده وانا خلف الستاره بحركهم باشاره منى ،ام الست الكبيره عايزه تكتيك تانى ،وعرفت بعد كده ان اخوهم الصغير مشى فى طريق الادمان ،قلت ده مش محتاج شغل هو بيدمر لوحده ،

-  بعد كده جبت رقم خاص وبعت لحمدان رسايل على  انه واثق فى مراته طيب خلى بالك انا واحد خايف على مصلحتك كنت بسخن فى الاول

- اما سى رجب الغازيه قامت بالواجب اكلت عقله ومليته بالكره ناحيه اخوة

- اما حمدان الشك كان هيجننه من الى بيبعت الرسايل ،وفعلا راقب مراته ،وطبعا المخبر بتاعى كان فى البلد مسبهاش لحظه  عشان يوصلى كل اخبارهم

- ووصته محدش لازم يعرف بحاله ابنهم الصغير خليهم الفلوس تعميهم وينسو ابنهم 

- اما انا متوصتش لما بعت الصور كلها لجوزها ، وهنا كانت الفتيله الى اشعلت النار فى البيت كله ،

- حمدان " شد مراته من شعرها ،بتخونينى يابنت ---- بعد مانضفتك وعملتك واحده ،وفضل ضرب فيها ،وطلعت مسدس عشان اقتلها واغسل العار إلى لوثنى 

- بدريه " انت اتجننت نزل مسدس تروح فطيس عشان ديه وبعدين مين الى بيبعت الرسايل ورينى صور ،وانتى يابت انطقى مين ده 

- ده قريبى ،والله مش بخونك انا ببعت معه فلوس لاهلى 

- حوريه  "كنت عرفا الموقف هيمشى ازاى وبعدين  بعتله صور عقود الاراضى الى باسمها وانه اشترتها بفلوسه

- حمدان " وصلت لى رساله ياما تانى ينهار طين، يابنت --- فلوس لاهلك ولابتسرقينى عشان تشترى ارضى لنفسك وصور العقود بصى ياما 

- بدريه " اه يابنت عرفان الشحات نسيتى اصلك بتجيبى اراضى على جفانه يابنت نفيسه الدلاله ، حمدان البت ديه اربطها وارميها فى المخزن وتمضيها تنازل على كل الاراضى وبعده كده ارميها رميه الكلاب

حوريه "الخبر وصلى من المخبر ان قريبها شك انه مسكوها وحبسنها

كده الاول فاضل التانى ،وده بقا على اخره اتملئ حقد ضدد اخوه وحبه للغازيه عمى قلبه 

-رجب " حمدان ،حمدان 

- حمدان " ايه يارجب فى ايه انا مش ناقصك على الصبح

- رجب " وعلى ايه ياخويا، انا عايز نصيبى فى الارض والمصنع 

- حمدان " فى ايه يارجب انت مش الايراد بيوصلك اول شهر 

- رجب " انت فاكر انى لسه عيل صغير اياك انا عايز نصيبى وكل الورث يتوزع بينا ياحمدان وكل واحد يتصرف فى نصيبه ،انت فاهم، ولا فاكر هتضحك على بقرشنات إلى بترميهم لى كل شهر

- حمدان " انت اتخبلت فى عقلك عايز تاخد الفلوس عشان تضيعها مش هطول جنيه 

- رجب " فلوسى هاخدها ياحمدان انت فاكرنى زى حوريه الى قتلتها ده انا لحمى مر 

- بدريه " رجب ، وقلم على وشه طراخ ،كلم اخوك الكبير عيدل ومش عايزه السيره ديه تيجى على لسانك مفهوم ،اختفى من وشى دلوقتى، أمشى ردت المايه فى زورك عيل قليل الربايه

- حمدان " اهدى ياما ،متحرقيش فى دمك الضغط يعلى 

- بدريه " فى حاجه بتحصل ياحمدان غريبه قلبى حاسس

- حوريه " كنت براقب الاوضاع من بعيد من الغازيه الى طماعها فى الفلوس خلها تعمل اى حاجه ،وبلغتها انها تفضل تزن على رجب ان لازم حقه ياخده ،وبعت رساله لاهل حمدان بس مش بطريقه مباشره ان ابنهم غازيه لفه عليه وعايزه تبيعه الى ورا والى قدامه 

- فى وسط كل ده اهملت شغلى شويه بس كنت معتمده على ادم ، ولقيت ادم بيتصل 

-ادم " عمله ايه ياسلمى انا بتصل عشان ابلغك ان الضابط عمل تحريات على عمك بس الغريب ان كان مسافر البلد سعتها يوم الحادثه 

- سلمى " طيب العربيه الى خبطتنا معرفش مين صاحبها 

- ادم " للاسف لا لسه بس انا مش ساكت وبدور على الحوار ده ،حاولى تيجى الشركه فى ،شغل كتير ناقص 

- سلمى " تمام ياادم شكرا ليك ،وقفلت مع ادم بس فى حاجه مقلقانى من مراد حسا فعلا انه هو الى ورها 

- وتانى يوم جيت اخرج ،لقيت ظرف قدام البيت ،بفتحه ولقيت المفاجاه شهاده وفاه باسم سلمى

من عشر سنين ، انا اتصدمت الى بيحصل معقول فى حد عرف حقيقتى ،وبيدور ورايا ،ولقيت رقم بيتصل خاص

شكرا على المتابعه 

البارت العاشر والاخير " 

- ايه وصلك الظرف، خوفتى صح انتى فكرا الراجل يموت وانتى تنتحلى شخصيه بنته عشان تورثيه

- سلمى " انت اتجننت انت مين وورقه ايه ديه مزورها وجاى تهددنى

- ما بلاش الجو ده الورقه ديه طلعت من المستشفى الى ماتت فيها تحبى اصورك هى مدفونه فين ايه اتصدمتى طيب كفايه عليكى كده ،واستنى مكالمتى الجايه ،سلام

- سلمى " الو الو ،وبعدين مين ده انا خيفا يكون حد من البلد لازم اخلص من حوار العيله ديه ،وكلمت المخبر بتاعى عشان يشوف لو حاجه جادت

- بدريه " حمدان عايزاك تخلص حوار الغازيه شفلك صرفه ،المهم تبعد عن رجب 

- حمدان " من عينيه ياما 

- سلمى" لما راح حمدان يشوف الغازيه حيليت فى عينيه واغرأها بالفلوس وهى مع الى يدفع اكتر ، وهوب شفهم رجب اتجنن من الى عمله اخوه ، وده إلى وصلى من المخبر

رجب" الدم جرى فى وعروقى وجريت على البيت مسكت المسدس واستنيت حمدان ،عشان اهدده يبعد عنها

- حمدان " انت اتجننت اياك عشان غزيه ترفع على مسدس 

-  رجب  " عشان انت طماع وواطى بتحب تاخد حاجتى من واحنا صغار حتى امى عينتك الكبير وبقيت تسيطر على الورث والبيت بقيت شبها 

- بدريه " قلم على وشه ،اخرس يلعن البطن الى جابتك عايز تقتل اخوك 

- رجب " وسعى انتى ياما ابعدى من وشى السعادى

- حمدان " جريت اخد المسدس وجيت اشدو جامد وزقيته راح طلعت رصاصه فى قلب رجب ،وقع مات 

- بدريه " رجب فوق رجب يامصيبتى قتلت اخوك 

- حمدان " اسكتى ياما انا مقتلتهوش هو الى شده هتفضحينى انتى عايزة تودينى فى داهيه اياك هو مات خلاص

- بدريه " يلهوى ولدى ولادى الاثنين ضاعو 

- حمدان " اما ،اهدى ونبى مش هضيع بس لازم ننقل جثه من سكات من هنا قبل ماحد يدرى 

- بدريه " انت عايز كمان تتاوى اخوك فى الترب يامرارى يانى 

- حمدان " ياما ابوس ايدك هروح فى داهيه ساعدينى الله يخليكى ،وفعلا كلمت الواد الى بيفتح الترب على طول لينا ودريت رجب فيه لكن امى اتحسرت وجلها شلل نصفى فى ايديها وبوقها من الحزن عليه

- سلمى " كنت قاعده هتجنن من المكلمات والرسايل الى كنت خيفا يكون اتعرف حقيقتى ، وكان يوم السفرللبلد عشان نعاين الارض كنت خيفا اسافر ، لكن خات القرار وسافرت مع ادم بس الاتفاق ان نشترى الارض ونسافر ،كنت طول الطريق ، بتصل بالمخبر تابعى مش بيرد ،كنت هتجنن ، لما وصلنا البلد اشتقت ليها وريحتها وناسها الطيبه ،روحنا على الارض بس غريبه كانت نظرات حمدان غريبه وشه متغير ،وصمم يعزمنا فى البيت ادم رفض قاله عشان نلحق الطريق ،وفجاه لقينا رجاله كتير طالعه ومعها شوم ولقيت واحد ضرب ادم على دماغه ،وواحد جيه ورايا خبطنى على دماغى انا كمان 

- لما فقت لقيت ادم جنبى متكتف وكنت فى بضروم بيت حمدان ايوا انا فكرا كويس، اتحبست فيه قبل كده وقلت ديه نهايتى ، وبدات انادى علي اادم

- ايه ياسنيوره لسه مفقش بطلك الهمام 

- معقول انت ،مراد انت الى جابك 

- مراد " لا كده ازعل ياحريه مش كده بردو ،تعرفى اخويا غبى اوى ،فاكر انى مش هدور وراه واعرف ان بنته ماتت وجاب بنت من الشارع عشان تورث حقى انا واخواتى ولاايه ياعمده 

- حمدان " عندك حق يجناب البيه، كنتى فاكره مش هعرف انك ليكى ايد فى إلى بيحصل بس طلعتى مش سهله قطه بسبع ارواح عرفتى تنفدى من الترب بس المره ديه هقتلك باايدى 

- بدريه " بس اكتمو انا الى هقتلها زى مااتحصرت على ابنى بسببها 

- حوريه " انتو فكرينى حوريا بتاعت زمان ولا ايه 

- مراد " ياحلوة ، انتى تيجى فينا ايه تعرفى انا الى قتلت اخويا العزيز بس الصراحه كنت قاصدكم انتو الاثنين ، واول ماشفت حمدان فى الشركه وشكلك إلى اتغير ،شكيت ودورت وراكى كويس وروحت لحمدان 

- حمدان "بالمناسبه ياسنيوره قبضت على المخبر بتاعك والغازيه قالت كل حاجه لما رميت قرشن بس تعرفى ،بسببك عرفت بلاوى عن مراتى  ،

- قرب من ودنى وقال واتخلصت من اخويا بسهوله كده كل الورث  ليا انا هههههههههههههه

- حوريه " كنت هتجنن ومش عرفا اعمل ايه ،معقول ديه النهايه بس ادم ملهوش ذنب ،قلت سيبو ادم انا معاكو هو ملهوش ذنب 

-مراد " ليه عايزة يمشى عشان يبلغ علينا مصيركم اتحدد هتموتى وانا اورث بنت اخويا وانا الوريث الشرعى ولا ايه

- بدريه " هات المسدس اقتلها بيدى 

- حريه " اخر لحظات حياتى وغمض عينى وكانت رافعه المسدس قدامى

وفجاه الطلقه طلعت فى الهواء فتحت عينى كان ادم زقها بعيد وضرب حمدان

- ادم " انتى كويسه ياحوريه 

- حوريه " انت عرفت منين 

- ادم " مش وقته ،

- مراد "فى ايده مسدس، رايح فين يادنجوان  ،انتو هتموتو هنا الورث لازم يكون لى انا و الفلوس ديه من حقى وزى ماقتلت اخويا هقتلكم

- ادم " يعنى بتعترف انت قتلته واتفقت مع العيله ديه عشان تقتلنا ،

- مراد " وهخلص عليكم دلوقتى 

- فجأه، مش هتلحق يامراد بيه يالا خدوهم كلهم من هنا على البوكس 

- ادم " تمام ياحضره الضابط دول كلهم وديه عائله حمدان الكريمه واعترفو بارتكاب الجريمه  

- حوريه " جريت على ادم انت عارف كل حاجه 

-ادم " ايوة حوريه انا اعرف سلمى ومتربى معها ولما عمى جيه يموت حكى لى انتى مين وايه قصتك ووصانى احافظ عليكى بعد ماعرف انى انى بحبك ياحوريه ،وطبعا لما عرفت انتى بدورى وراهم كلمت الضابط والمحقق كمان تبعى عشان اعرف الى بيحصل وكنت بساعده نكتشف العيله ديه ،بس كان لازم كلنا نيجى البلد عشان البوليس يعمل ليهم كمين ويعترفو بكل حاجه ،اسف انى عيشتك كل ده من جديد 

- حوريه " وبدات ابكى ،من الى حصل وبدا يطبطب على وفجاه ، الست بدريه ،زقت العسكرى ومسكت مسدس وقالت مش هسيبك تتهنى ابدا زى ابنى مات بسببك الاخوات قتلو بعض بسببك ورفعت المسدس وجت تقتلنى بس ربنا اعلم بالنيات وقلبها الاسود الضباط مسكوها وشدو المسدس لكن مسكتة، وادم بعدنى بعيد وجات تشد المسدس وتضرب جات الرصاصه فى ابنها حمدان 

قتلته 

- بدريه " حمدان لا ابنى لا عيالى ميضعوش منى لا انا قتلت ولدى الا انت ياولدى لالا ايوه انت صاحى لازم تاخد الفلوس باسمك مين هيورثنى يابنى الفلوس ديه ليك لا ههههههههههههههه انت مت 

- حوريه " ام حمدان اتجننت بس صعبت على مش سهل موت عيالى ،لكن ده اخره الشر وطمع الفلوس وكان لازم تعرف الفلوس متسواش حاجه قدام حد عزيز غالى يموت منك لكن الطمع عمها وجننها 

-ولما البوليس عرف ان ابنهم رجب مات مقتول بدا يدور على الجثه بس طبعا انا اكتر واحده عرفا بيودو الى عايزين يتخلصو منه فين 

- وبالفعل بلغت الضابط بمكان الترب وطلعو جثه رجب، وامهم اتجننت وحولوها لمستشفى الامراض العقليه بعض كمان ماعرفت ان ابنها الثالث مات بجرعه زايده 

- وانا اخيرا روحت اشوف امى كان اول مره اشوفها من ساعت ماعرفت انها عيشا كنت خيفا اروح قبل كده حد يعرف مكانها ياخدوها منى ،واول ما دخلت الاوضه بتاعتها وشافتنى عرفتنى على طول وقالت أسمى حوريه بنتى  وتحضن فيا مش مصدقه انى عيشا ولاانا مصدقه انها خفت وافتكرتنى

- والبوليس قرر يسلمنى الورث عيله حمدان لانى الوريثه الوحيده لكن رفضت اخده لانه فلوس ملعونه وقررت بالفلوس اتبرع بها للبلد وابنى مدارس واعلم كل بنات القريه ببلاش واعمل منحه للبنات المتفوقه فى دراستها واتكفل بتعليمها واشوف كل بنت اهلها عايزين يغصبوها على جواز المبكر ويمنعها من التعليم، كنت بساعده بمبلغ واتكفل بمصريفهم  ،وبنيت اكبر مستشفى فى البلد  

- وبعدها ادم اتقدم لى ووافقت لانه اكثر انسان كان عارف حقيقتى ووقف جنبى بعد بابا عصام الى ساب ثروته باسمى الحقيقى عشان اقدر اورث وارجع لحقيقتى فى يوم من الايام واتجوزت ادم  باسم حوريه منصورالدويقى الى مبقتش اخاف حد ينادينى بيه ، 

- وقدرت اغير النظام ولو بجزء بسيط من جواز القصرات واجبارهم ،وعدم حرمان اى بنت من حقها فى التعليم وتحقيق حلمها بان تصبح شخص مهم يغير من تقاليد المجتمع 

وانتهت القصه برساله موجه لكل اب لكل ام اولادكم امانه فى ايديكم هما الجيل المستقبل لايقل شانه عن دكتور او دكتوره اوعالمه من حقهم الاختيار فى المستقبل الى يناسبهم (واحنا علينا النصيحه 

وهذه القصه من واقع خيالى لاتمد للواقع بصله لكن الجواز المبكر هى عاده منتشره فى مجتمعنا العربى

وشكرا على المتابعه ومتنسوش الكومنتات الكتير عشان يوصل ليكم كل جديد شكرا جمهورى الجميل ❤️❤️

انتظروني في قصص أخرى 

محمد السبكي