مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية عشق زين للكاتبة زينب محمد الجزء الأول 

 في مكتب رئيس مجلس إدارة شركات الجارحى :

 

زين باشا 

زين : امممممم 

سهيله سكرتيرة زين : فى واحد عاوز يقابل حضرتك اسمه عم حسن 

زين :دخليه فورا

سهيله :امرك

استووووووووووب 

زين الجارحى عمرة ٣٠ سنه من اغنى اغنياء مصر يمتلك ثروة كبيرة جدا شاب وحيد والده ووالدته توفوا وجدته ربته عايش لوحدة زين طويل شعره اسود وكثيف و وعيونه عسلى وله ذقن خفيفة وسيم يهتم بجسمه ورياضته جدا ناجح في شغله الجميع بيتعمله الف حساب ذكى جدا وقدر يكون امبراطوريه الجرحى من جهده وتعبه 

********

زين :عم حسن وحشتنى يا راجل يا طيب اخبارك ايه ؟

عم حسن : انت الى وحشتنى يا زين الرجال

زين : يااااه ياعم حسن انت عمرك ما هاتتغير وهاتفضل تقولى زين الرجال

عم حسن : انا عمرى ما هاتغير وعمرى ماهاقولك غير زين الرجال 

زين: ايه بقا قررت تيجى تعيش معايا انا مش عارف ليه عاوز تقعد ف الشرقيه 

عم حسن : بيتى وحياتى هناك يا زين ....المهم انا كنت عاوز اطلب منك طلب 

زين: انت تطلب وانا انفذ على طول انا تحت امرك انا عمرى ما انسى فضلك عليا ابدا 

عم حسن بهدوء: اهدى يابنى مش يمكن ترفض الطلب صعب مش سهل توافق بسرعه 

زين :قول ياعم حسن الى انت عاوزو ومن غير مقدمات قولتلك قبل كدا انت غلاوتك عندى كبيرة والى انت عاوزو هايتنفذ 

عم حسن : دا العشم بردا .... الحكايه وما فيها ان انا ليا جار مهندس محترم ومراته ست محترمه اتوفوا وسابوا بنت و والدة المهندس ربتها وكبرتها وعلمتها المشكله ان الست كمان مرضت وتعبت واتوفت .. بعد وفاتها ولادها عاوزين يجوزها لابن واحد فيهم عشان ورثها البنت ضعيفه ملهاش حد قعدت ترفض وتحجج اخر ما زهقوا منها قرروا يكسروها ويجوزها لراجل كبير من سينا ف يوم كتب الكتاب هربت وجتلى وانا جبتها على هنا اهلها دول يا زين يابنى زرعه شيطانى واكيد دلوقتى قالبين الدنيا عليها 

زين :كمل ياعم حسن انت طالب منى ايه 

عم حسن : طالب منك تاخدها تعيش عندك وتكمل دراستها هنا هى فى كليه هندسه وتعيش تحت حمايتك اظن ان زين الجارحى محدش يقدر يقرب منه ولا من بيته ولا من حاجة تخصه انا كنت ممكن أجر شقه ليها تقعد فيها بس زى ما قولتلك اهلها دول زرعه شيطانى هايوصلوا ليها ف اى وقت 

زين : طب هى فين ؟

عم حسن : استنى يا زين قبل ما تسأل عليها انا لسه مخلصتش كلامى. .... انا كنت عاوزك تتجوزها

زين باستغراب: نعم اتجوزها ليه هو انت مش واثق فيا ولا ايه 

عم حسن : لا واثق يابنى بس انا طلبت منك تقعد ف بيتك عشان الحرمانيه بس 

زين : عم حسن انا بيتى في ناس بتشتغل ياعنى مش هاكون انا وهى لوحدنا

عم حسن : يابنى انا واثق فيك والله بس معلش ريحنى علشان اكون مطمن انك عمرك ما هاتخذلنى وتبطل تحميهاا

زين : ماشى يا راجل يا طيب 

عم حسن : تسلم يا زين الرجال .... انا كنت عاوزها تشتغل عندك تكسب ثقه ف نفسها البنت ضعيفه وبتخاف من اى حاجة وبردوا عشان عزة نفسها 

زين : ماشى ياعم حسن هى فين 

عم حسن : تحت يابنى قاعدة هى متعرفش لسه حاجة عن اتفاقنا انا هانزل افهمها براحة وربنا يهدى الامور من عنده 

زين : انزلها وخد وقتك انا هاخلص شويه ورق. وانزلك نتمم الموضوع 

عم حسن بفخر : انا مغلطتش ابدا لما فكرت فيك

**********

ف الاستقبال 

نلاقى بنت قاعدة على كراسى مخصصه لاستقبال الوافدين 

هى دى بطله قصتنا

ليليان عمرها ٢٠ سنه طولها متوسط وعيونها خضرة وبيضه شعرها كنستنائى اللون وطويل جدا محجبه جميله ملاحمها هاديه جدا بتدرس ف كليه هندسه وف خدها الايمن فيه غمازة بتظهر لما بتضحك 

عم حسن : ليليان انتى فين عمال اكلمك وانتى مبترديش 

ليليان : معلش عم حسن ماخدتش بالى كنت سرحانه 

عم حسن : اسمعى يا بنتى. مفيش وقت انتى لما جتيلى عشان انقذك منهم كنتى واثقه فيا 

ليليان : ايوا طبعا تيته الله يرحمها قالتلى عمك حسن هو الوحيد الى تثقى فيه وانا بحبك جدا عشان كدا جتلك من غير ما افكر 

عم حسن : بصى يا بنتى انتى لازم تختفى من انظارهم لاجل غير مسمى عشان كدا جبتك القاهرة لزين الجارحى انا الى مربيه وعارف قد ايه هو محترم وراجل وزين الرجال انا عاوزك تتجوزى زين وتعيشى معاه معاه ف بيته وانا قولتله يخليكى تشتغلى وتكملى دراستك ف الجامعه هنا المهم يابنتى تكونى فى حمايته واهلك بس لو عرفوا انك ف حمايه زين الجارحى مش هايقدروا يقربوا منك 

ليليان : هو دا الحل ياعم حسن مفيش حل غير دا طب انا ممكن اقعد ف شقه لوحدى مش لازم الجواز ...طب اهله يقولو ايه عليا

عم حسن : اه دا الحل ومفيش وقت ولازم توافقى بسرعه ... ومتخافيش مالوش اهل عايش لوحدة .... وبعدين ياستى دا جواز على الورق بس لغايه ما نشوف موضوع اهلك هايوصل لفين

ليليان بتردد : ماشى ياعمو انا واثقه ف حضرتك 

جة عليهم زين 

زين : عم حسن 

عم حسن لف لزين : زين تعال سلم على ليليان 

زين باصلها لقاها جميله لا دى جميله جدا باين على وشها انها معيطه وتعبانه شكلها رقيق جدا

زين شد عم حسن بعيد عنها

زين: عم حسن هى بتعيط ليه انت غصبها على حكايه الجواز دى انا لسه عند وعدى هاحميها من غير جواز

عم حسن : لا يابنى هى بتعيط على حالها وكسرة نفسها يالا يابنى 

عم حسن اخد ليليان ومشى وراه زين ...ليليان بصت لاقت رجاله حراسات كتير وعربيات خافت منه هو اه جميل بس ملامحه جادة اوى عيونه قاسيه خافت تبصله ... عيونه حست انها اخترقتها وواثق من نفسه اوى

بعد فترة تم الجواز 

زين : انت لسه عاوز تسافر خليك معايا انهاردا 

عن حسن : مينفعش لازم اسافر لازم اعمام ليليان ميحسوش بحاجة ..... ليليان اسمعى كلام زين هو يابنتى حمايتك وسندك

*********

وصلوا عند برج كبير على النيل نزل زين وليليان معاه ركبوا الاسانسير 

وصلو اخر دور وكان مصمم بطريقه عصريه وجميل جدا وكان عبارة عن طابقين الطابق الاول فيه غرف الخدم وغرفه المكتب وغرفه الجلوس وحمام سباحه 

طابق الثانى خاص بزين فيه غرفه نوم واحدة وغرفه رياضه وغرفه جلوس خاصه بزين فيها مكتبه كبيرة فيها كتب كتير 

وطابق دا ممنوع اى حد يتخطاه 

زين : دادة سميحه 

دادة سميحة : ايوا يا زين 

زين : اعرفك دى ليليان مراتى. 

دادة سميحة بصدمه : مراتك احم اهلا يابنتى 

ليليان بتوتر: اهلا بحضرتك 

زين : لو سمحتى دادة جهزى الغدا

دادة سميحة : حاضر 

زين : احم تعالى معايا المكتب عاوزك ف شويه امور لازم نتكلم فيها

ليليان بخوف : حاضر 

*********

ف محافظه الشرقيه

راجل كبير باين على ملامحه القسوة والاجرام 

الشيخ : والله ما هارحمك ياعاصم مش الشيخ عزت الى. يتعمل فيه كدا ومين الى يضحك عليه واحد زيك 

عاصم عم ليليان : اهدى بس يا شيخنا والله انا ما اعرف هى راحت فين .... بس متقلقش هجيبها 

الشيخ : متنساش ياعاصم الفلوس اللى دفعها فيها لو انت متعرفش تجيبها اجيبها انا 

عاصم : لا لا هى ملهاش حد اصلا احنا هانسال عليها عند كذا حد ادينى بس مهله وانشاء الله هاجيبهالك لغايه عندك 

مشى الشيخ هو ورجالته

شاكر عم ليليان : انت ليه موافقتش يدور عليها معانا

عاصم : هاتفضل طول عمرك اهبل ولما يلاقيها ويتجوزها واحنا مش موجدين انت ناسى ان لازم الهانم تمضى على كل حاجة الاول قبل الجواز 

شاكر بتفكير: هاتكون راحت فين وقدرت تعمل كدا ازاى 

عاصم : هلاقيها دى بت خايبه وملهاش حد وهاتقع تحت ايدى ووقتها والله ما هارحمها 

لو عجبتكم القصة يا ريت تتفاعلوا وحنزلكم الجزء الثاني بإذن الله

عشق زين للكاتبة زينب محمد الجزء الأول الحلقة الثانية

فى بيت زين الجارحى وتحديدا فى اوضة المكتب .

زين : بصى انا وافقت عم حسن علشان الراجل دا افضاله عليا كتيرة بس لازم تفهمى شويه حاجات اولا الجواز على الورق ثانيا مينفعش حد يعرف انك مراتى انا رجل اعمال وليا مكانتى مينفعش اطلع كدا اقول ان اتجوزت...... عم حسن طلب منى انك تكملى دراستك وتشتغلى فى الشركه عندى انا قررت اشغلك سكرتيرتى الشخصيه تنظمى مواعيد وتحضرى اجتماعات و تسافرى معايا ومتخافيش لو الشغل هايعارض دراستك يبقا الدراسه فى المقام الاول

ليليان اتحرجت منه ومن كلامه : عمو حسن كان قالى انى هاكمل الدراسه هنا وانا ورقى ف الجامعه لسه هناك فى الشرقيه

زين : دى كلها امور بسيطه ...... زى مالحظتى البيت هنا دورين دور الى احنا قاعدين فيه وطبعا مفيهوش اوضه ليكى ودور فوق دا جناحى خاص بيا انا مبحبش حد يدخله دادة سميحة الى بس مسمحولها تدخله وانتى كمان هايبقا مسمحولك لانك هاتعيشى معايا فيه و انا شخص بحب النظام بكرة الفوضى

ليليان اتوترت من فكرة نومها معاه فى اوضه واحدة : انا ممكن انام مع دادة سميحة

زين : بصى زى ما انا فهمتك انك مش مسموح حد برا يعرف انك مراتى على العكس هنا طبعا كلهم عرفوا هنا فى البيت انك مراتى ومينفعش مرات زين الجارحى تنام مع اى حد من الى بيشتغل عندى ... مفهموم

ليليان بضيق منه : مفهوم

زين : طيب يالا اطلعى الجناح فوق زمان دادة سميحه رتبت هدومك

******************

فى الشرقيه

عاصم عم ليليان : ياعنى ايه مش لاقيها هاتروح فين دى ملهاش حد الا احنا مفيش غيرة حسن الزفت هو الى هربها اكيد

يوسف ابن عاصم : انا هاموت يابابا قلبت الدنيا عليها ...... كل ما افتكر انها خلاص راحت منى اتقهر

عاصم بغل: وحياتك عندى لاجبهالك واخليك تكسرها وفلوسها كلها هاتبقا لينا وبس

يوسف: فلوسها بس وجمالها يابابا بس انا مش هارتاح الا لما الاقيها واكسر نفسها وبعد كدا نبقا نرميها لشيخ عزت

عاصم: والنبى متفكرنيش بالزفت عزت ...... ركز بس معايا انت انا عاوزك تراقب حسن دا وتبلغنى بكل حاجة الصغيرة قبل الكبيرة

يوسف : انا مش عارف انت ليه شاكك دة راجل خايب ميقدرش يعملها

عاصم : انت الى خايب محدش يعرفوا قدى

يوسف : ماشى هاراقبه بس انا شايف انه تضيع وقت بس بدام واثق خلاص فى فكرة فى دماغى انفذها واعرفلك منه طريقها

عاصم : ربنا يستر من افكارك كلها متهورة ..... لازم نلاقيها يا يوسف اصل الشيخ عزت يقتلنا كلنا

يوسف :متقلقش يابوص

********************

فى مكان تانى فى الشرقيه

حسن : الحمد لله يا توحيدة قدرت اوصلها لزين

توحيدة زوجه حسن : الحمد لله يا ابو ايمان البت طيبه والله بس انا خايفه عليها من زين الجارحى دا راجل طبعه صعب وشديد والبت غلبانه ومش قدة

حسن : متقلقيش زين عمرة مايأذيها ابدا هو الوحيد الى يقدر يحميها منهم ومن شيطانهم ..... المهم لو حد سألك قولى معرفش هى فين حتى بنتك اوعى تتكلمى مع حد

توحيدة : حاضر من عنيا

***************

فى القاهرة. تحديدا فى بيت الجارحى

‏

ليليان واقفه ف الجناح وتايهه متعرفش هى بتعمل ايه هنا دا مش مكانها ولا دى حياتها حست انهامخنوقه لا هى عاوزة ترجع بيتها هى حاسه انهادخلت فى عالم مش بتاعها عالم كبير عليها بصت حواليها لقت الجناح كبير جدا فيه سرير وف مكتبه فيها كتب وتلفزيون و غرفه ملابس وف ركن خاص بمفاتيح عربيات كتيرة شكله مهووس بالعربيات واخيرا لقت هدومها

زين : بتفكرى فى ايه

ليليان اتخضت من وجودة المفاجئ: يالهووووووى ...... احم اتخضيت

زين : اتخضيتى !!!!!!!! الجناح هنا مبيدخلوش حد الا انااا فامتتخضيش كتير

ليليان ارتبكت : حضرتك هو انا هنام فين

زين شاور على السرير : هتنامى هنا

ليليان بتوتر : وحضرتك هتنام فين

زين : هنا بردوا

زين اخد نفس وببرود : بصى انتى لازم تستحملى الوضع لغايه ما ابقا اشوف مهندس يوسع الجناح ويعملك اوضه

وسابها وخرج

ليليان فى نفسها : اوووووف عليك انسان ياشيخ تقول كلام وتمشى ميستناش ارفض ولا اوفق

ليليان دخلت الحمام واخدت شاور ولبست سدال وخرجت من الحمام

زين : انتى لابسه طرحه ليه ؟ اقلعيها دا بقا بيتك خلاص

ليليان بارتباك : احم انا كدا هاكون مرتاحه

زين : امممم بصى انا اكتر حاجة بتعصبنى اقول كلمه ومحدش ينفذها .... اظاهر انك مش فاهمه ليه عم حسن كتب الكتاب واصر على كدا عشان انتى تبقى براحتك وانا كمان محسش انى مجبور ف بيتى ان اتحرك بحذر وبعد كدا متستنيش منى انى ابررلك اى حاجة الى اقولو ياريت تنفذى على طول

زين سابها و خرج

ليليان فى نفسها لا ياربى كدا كتير ليه كدا ياعم حسن تجوزنى لواحد زي دا دا زين الرجال دا وحش الرجال تنين الرجال

****************

على السفرة

زين : دادة .... ليليان طبعا هاتعيش معايا ف جناحى ياريت تفهميها طبعى

دادة سميحه : حاضر يابنى ...... بسم الله مشاء الله

زين استغرب من طريقه سميحه وبص ناحيه السلم لاقاها نازله لابسه بجامه جميله من اللون الروز الى ماشى مع بشرتها وفردت شعرها

زين فى نفسه : الله يخربيتك ياريتنى ما قولتلك اقلعى الطرحه

زين بهدوء: ورقك اتحول لجامعه القاهرة

ليليان متوترة من نظراته ليها : يااه بالسرعه دى انا فكرت هاياخد على الاقل شهر

زين باصلها وبعد كدا بص على الاكل وبدء ياكل بهدوء هو شاف انه يتجاهلها احسن علشان كل لما بتتكلم بيبقا مجبور يبص عليها وبتجيله افكار غريبه.... لا ..... لازم يحاول يسيطر على نفسه اكتر من كدا

***********************

الساعه ٣ الفجر فى بيت الجارحى

‏

‏ليليان بتتحرك على السرير بعنف وبتعيط : بابا لا لا متسبنيش ماماااااااا الحقينى هاقع ف الحفرة لا بابا الحقووونى

‏

‏زين قام من النوم مفزوع وقرب منها : ليليان اهدى اصحى دا كابوس

‏

‏ليليان بتعيط وبتشد فى نفسها وصوتها بدء بيعلى

‏

‏زين قرب منها جامد واخدها فى حضنه وضامها وبدء يهديها ويطبطب عليها. لغايه ماهديت ونامت

‏

‏زين فى نفسه : باين عليكى حكايتك لسه فيها حاجات كتير معرفهاش

‏*****************

‏صباحا فى بيت الجارحى

‏

ليليان قامت من النوم على صوت منبه مزعج فتحت عينها لقت زين ف وشها وملامحه هاديه وجميله وشعره مش مترتب تنحت شويه فيه وبعد كدا فاقت لنفسها وافتكرت هى فين وهو فين حتى هى بفلوسها متجيش في بيته وشركته حاجة ومسيرو يزهق ويسيبها

‏

زين فتح عيونه من حركاتها ف السرير

‏

‏ليليان اتكسفت منه : احم انا اسفه انا اكيد دايقتك بكابوس ومسكت فيك اكيد مقصدتش

‏

‏زين ببرود : لا عادى مفيش مشكله

‏

‏قام وسابها دخل الحمام

‏

‏ليليان لنفسها: انتى هبله بطلى بقا تتعاملى مع الناس بسرعه كدا وتاخدى عليهم ....لا بس انا ادايقت دا رد يردوا عليا لا عادى يرد كدا بس والنبى انه بارد

‏

‏زين واقف وراها : شكرا

‏

‏ليليان اتصدمت انه سمعها وشها جاب ميه لون : احم انا انا

‏

‏زين : بلاش كلام كتير على الصبح دى تانى قاعدة ليكى

‏

‏ليليان بابتسامه صفرا : ماشى

*****************

فى الشرقيه

ايمان بنت عم حسن بتكلم فى تليفون : معرفش هى فين ياحبيبى دا حتى بابا ميعرفش هى فين

‏

‏المتصل : ازاى انا متاكد ان ابوكى يعرف مكانها

‏

عم حسن دخل عليها فاجاه

ايمان بتوتر : ماشى يا سهى اشوفك بقا فى الجامعه ......سلام

عم حسن بشك : بتكلمى مين

ايمان بتوتر : مانت حضرتك سمعت سهى

عم حسن مش مصدقها بس حاول انه يصدقها دى مهما كان بنته الى مربيها استحاله تهز ثقته فيها : امممممم حاولى تبعدى عن البنت دى عشان انا مبحبهاش ..... يالا عشان اوصلك

ايمان : حاضر يابابا

عم حسن خرج وايمان اخيرا عرفت تتنفس:. يالهوى لو عرف دا يقتلنى

&&&&&&&

الحلقة الثانية خلصت

ياترى ايمان كانت بتكلم مين ؟ وايه مصيرها لما ابوها يعرف

ليليان هاتقدرتكمل فى عالم زين الجارحى

إلي عايز يعرف يعلق ب 20 ملصق لتصلك باقي القصة

شكرا لكم لتفاعلكم الحلو 💙💙 اليوم الحلقة الثالثة والرابعة

قصة عشق زيت للكاتبة زينب محمد الجزء الأول

الحلقة الثالثة : 

فى بيت الجارحى 

زين قاعد على السفرة وليليان جت وقعدت وبدات تمثل انها بتاكل وبتفطر

زين : انتى مش بتفطرى ليه 

ليليان : مبحبش افطر 

زين بجديه : لا كدا غلط وافطرى كويس واشربى كوبايه اللبن دى 

ليليان بتهكم : انا اشرب اللبن انت بتكلمنى انا 

زين ساب الاكل وبتحدى : اه اشربى اللبن ... واه بكلمك انتى 

ليليان : لا انا مبحبوش شكرا بجد لاهتمامك 

زين : لا العفو .... اشربى يالا 

ليليان : ههههههه انت بتتكلم جد اشرب ايه هو انا رايحة المدرسه 

زين بحدة : انا مبهزرش وهاتشربى اللبن وايه رايك بقا مرة بليل ومرة الصبح ومن غير نقاش 

ليليان : بص انا ممكن اسمع كلامك فى اى حاجة الا دى 

زين بخبث : تمام انتى كدا حكمتى على نفسك

ليليان : حكمت فى ايه مش فاهمه

زين : اصل انا عندى قانون ماشى على الكل الى مينفذش كلامى يتعاقب وانتى حكمتى انك تتعاقبى 

ليليان: ماشى اتعاقب بس ماشربوش معدتى بتقلب منه 

زين بخبث : تمام اوى مطيعه انتى يا ليليان ..... تعالى بقا قومى كدا زى الشاطرة وتعالى اقعدى على حجرى وبوسينى 

ليليان كانت بتشرب ميه ولما سمعت كلامه شرقت جامد ووشها جاب ميه لون

زين بتريقه : ايه دا مالك هاتموتى ولا ايه 

ليليان وهى بتكح جامد : حرام ....عليك ايه الى الهزار دا 

زين بحدة : وانا فى بدايه الكلام قولت مبهزرش انا مش عيل عشان اقعد اهزر معاكى ..... واخلصى بقا اخرتينى 

ليليان مسكت كوبايه كلها وشربتها مرة واحدة 

زين: شاطرة احبك انا كدا ..... انتى مش قد زين الجارحى ....... يالا خلصى قومى فى سواق تحت اسمه كريم هايوصلك الجامعه وهايكون معاكى فى كل مكان 

ليليان لسه هاتعترض بصلها بحدة فضلت السكوت عشان هى مش قده فعلا

*****************

فى العريش 

الشيخ عزت لواحد من رجالته: ها بشرنى عرفتوا حاجة 

.:: احنا قلبنا الدنيا مختفيه .... واعمامها بيدورو عليها 

الشيخ عزت : خلاص اهرب من وشى حالا 

الشيخ عزت لنفسه : ياترى انتى فين يا بنت ال.....الله فى سما مانا سايبك وهاجيبك 

*******************

ف الجامعه القاهرة وتحديد كليه الهندسه

ليليان ماشيه تايهه بصت ف ايديها وضحكت وافتكرت وزين وهو بيديها الجدول فى الاسانسير وكميه الغرور اللى هو فيها واستغرابها وقتها انه ازاى لحق يعمل كل وازاى قعد يديها وصايا ومنهم ملهاش دعوة بحد و فاجأه خبطت فى حد

ليليان : اسفه مقصدتش 

: عادى يا قمر محصلش حاجة انتى شكلك جديد ولا ايه تايهه كدا ليه 

ليليان : اه فعلا انا نقلت من جامعه الزقازيق وجيت هنا ... انتى اسمك ايه ؟ 

: اسمى سارة فى كليه هندسه ورينى كدا الجدول دا وانا افيديك 

ليليان: اتفضلى 

سارة : ايه دا انتى طلعتى نفس الدفعه لا بقا دة احنا نبقا اصحاب 

ليليان : اه ياريت طبعا انا اسمى ليليان 

سارة : امممم اسم جميل ......سيبك انتى من جو التعارف دا وتعالى نلحق اول محاضرة اصل دكتورها رخم دكتور نادر النوادر 

ليليان : هههه‍هههه مين نادر النوادر دا 

سارة : لا تعالى احكيلك بقا واحنا رايحين 

استووووووب 

سارة بنت محجبه وجميله جمالها هادى قميحه وعيونها عسلى واسعين شعرها اسود وقصير عايشه مع مامتها بابها فى دبى مدير بنك واخوها بيشتغل مع ابوها وهى طيبه وبتحب الهزار وعنيدة جدا

***************

فى شركه الجارحى 

سهيله : احم هو انا حضرتك قصرت فى حاجة 

زين : لا مقصرتيش ...... بس مزاج وخلاص 

سهيله : امرك يا باشا ..... طب هى الاستاذه محدش قالها على مواعيد العمل 

زين بحدة : لا بقولك ايه الزمى حدودك كويس ........ هى تيجى فى الى وقت الى هى عاوزة وتمشى بردوا براحتها انشالله متجيش خالص محدش له دعوة ...... وحسك عينك اعرف بس ان فى حد فى الشركه حاول يدايقها والله هافرموا بايديا 

تليفون زين قعد يرن كتير واخيرا زين افرج على السكرتيرة الى كنت هاتموت من الرعب منه ورد على المتصل 

زين : الو .. السلام عليكم 

عم حسن : وعليكم السلام يابنى .......... ازيك يا زين الرجال وليليان اخبارها ايه 

زين: كويس الحمد لله ...... وهى كمان كويسه مش موجودا فى كليتها ...... متقلقش عليها

عم حسن : عارف يابنى مش قلقان خلى بالك منها ومتقولهاش انى اتصلت بيك عاوزها تنسانا خالص مش عاوزها تحن تانى يابنى ...... ليليان قلبها طيب وحياتها بسيطه ووممكن تخاف منك ومن طباعك وحياتك فتفكر تحن وترجع تانى وانا عاوز اطمن عليها 

زين : متقلقش قولتلك انت لما جتلى كنت واثق فيا وانا لايمكن اخذلك

عم حسن بتعب : معلش يا زين حطيتك فى وضع صعب بس اعمل ايه

زين قلق من نبرته صوته: مالك ياعم حسن .... انت تعبان ولا ايه 

عم حسن : لا تعب ايه بس انا تمام وزى الفل متقلقش عليا المهم حافظ على الامانه

زين : حاضر ياعم حسن 

*****************

فى الجامعه 

ليليان : ياااااه اخيرا خلصنا 

سارة بضحك : هههههه وجع دماغ صح مش قولتلك دا نادر النوادر المهم تيجى نشرب اى حاجة 

ليليان افتكرت اللبن وبخفوت : ربناا يسامحك يا شيخ 

سارة : بتقولى ايه مش سامعه 

ليليان : لا بقولك مش هاقدر اشرب وبعدين لازم امشى عشان الشغل

سارة : انتى بتشتغلى ... وبتشتغلى فين 

ليليان: فى شركه الجارحى 

سارة : يابنت الايه وصلتى ازاى هناك دا مش اى حد يقدر يتعين هناك

ليليان حبت تتهرب عشان سارة متسالهاش اكتر من كدا

ليليان : بعدين هابقا احكيلك اشوفك بكرا 

*************

فى الشركه 

ليليان وصلت وركبت الاسانسير ولقت شخص كمان معاها 

: انتى طالعه فين ياعسل 

ليليان : نعم حضرتك بتكلمنى انا

: لا بكلم الى وراكى 

ليليان لقته بيتريق سكتت ومردتش 

: هو انا مش بكلمك الاسانسير دا خاص بس لرؤساء الاقسام وانا اول مرة اشوفك 

ليليان : انا سكرتيرة زين باشا 

باب الاسانسير فتح وليليان سألت على مكتب رئيس مجلس الادارة وراحت 

ليليان : لو سمحتى انا ليليان ممكن تقولى لزين باشا ان انا جيت

سهيله بقرف : اممممم هو انتى بقا السكرتيرة الجديدة .... ادخلى مستنيكى 

ليليان فتحت الباب وجت تدخل بس سبقها الشخص الى معاها فى الاسانسير ودخل قبلها 

زين : اهلا مراد تعال .... ايه المشروع تمام 

استوووووووب

مراد الالفى صديق زين المقرب طويل جدا وبشرته بيضه وعيونه رمادى من الاخر هو وسيم جدا جدا بس غير زين .... بتاع بنات و بيحب الهزار وله اسهم ف شركات الجارحى وله سر فى حياته هانعرفه بعدين 

مراد : اه طبعا رسيت انت شاكك فى قدراتى 

زين : تمام 

زين بص على ليليان الواقفه وبتسمع الحوار ولقاه مراد بيبص باعجاب

مراد : مش تعرفنا يا زين

زين اضايق من نظرات مراد ليها : اه طبعا ليليان الجارحى مراتى ...... ليليان دا مراد الالفى صاحبى وشريكى

مراد بصدمه : مراتك .... انت اتجوزت من ورايا 

زين : ليليان لو سمحتى ادخلى الاوضه الى هناك وفيه شويه ايميلات ترجميهم 

ليليان : حاضر 

ليليان راحت على مكتبها وقفلت الباب 

مراد : انت بتشتغلنى ولا ايه مراتك ولا بتشتغل عندك 

زين : لا هى مراتى وبتشتغل سكرتيرتى الشخصيه .... قبل ما تفتح وتقعد تتكلم انا هاحكيلك

وحكاه لمراد كل حاجة باستثناء الجواز على الورق معرفشى ليه عمل كدا بس عاوز يمحى من دماغ اى حد انه يفكر فيها 

مراد :بردوا عرفنى انا صاحبك يا شيخ 

زين بهدوء :. انت كنت مسافر عشان المشروع اعرفك ازاى ..... بقولك الموضوع تم بسرعه 

مراد بتهكم : لا كتر خيرك .

مراد حب يضايقه سكت شويه وبعدين اتكلم 

مراد بمكر : ماشى ابقا قولها بقا انا مين عشان متتخضش وانا بكلمها 

زين : وانت كلمتها فين 

مراد : فى الاسانسير

زين فهم ان مراد بضايقه:. عادى يا مراد انت اخويا وبعد انا مرضاش اقوم ارزعك قلمين عشان اطفلت وكلمتها مرة بس اوعدك المرة الجايه هاديك العلقه التمام

مراد :. هههههههه يخربيتك مش سهل حد يضايقك يا شيخ 

************

فى الشرقيه 

عاصم : مفيش اى اخبار عن حسن الزفت 

يوسف : لا عايش حياته عادى .... الا قولى الراجل دا مبيشتغلش ازاى بيصرف على بيته 

عاصم : كنت سمعت انه بيشتغل عند رجل اعمال كبير وبعدين لما تعب طلعو معاش تلاقى الراجل دا بيعطف عليه ولا حاجة 

يوسف : اممممممم بس انت ليه متأكد اوى كدا ان هو الى هرب ليليان

عاصم : هو اللى ليليان تقدر تروحله وتتحامى فيه وتثق فيه بقولك ما تظبط البت ايمان بنته يمكن تقع بحاجة 

يوسف : لا انسى دى بت قفل اوى ووخدها جد وملهاش فى كدا بس انا مظبط البت سهى ووعدتنى تعرف منها اى حاجة 

عاصم زعق من غباء ابنه: انت مجنون ازاى تعمل كدا سهى مين وزفت ايه والموضوع اصلا ازاى يطلع برا ياغبى 

يوسف : اهدى يابابا سهى دى اصلا شمال وبتكرة ليليان اوى وتحب انها تساعدنى دى فى ايدى يا حج 

عاصم : ربنا يستر واللى بعمله ميروحش هدر 

يوسف : متقلقش 

********************

فى مكان اخر فى الشرقيه 

سهى : الا قوليلى بيقولوا ليليان هربت مع واحد صح 

ايمان بضيق منها : بقولك ايه يا سهى كله الا ليليان مش علشان بتكريها تطلعى عليها كلام مش مظبوط انا مش هاسمحلك 

سهى : اهدى يابنتى انا قولت انك هاتقوليلى الحقيقه عشان هى بتحبكوا واقرب واحدة ليكى 

ايمان : معرفش وبعدين انا هاسيبك بقا اروح اصور ورق 

ايمان مشيت تصور ورق وهى واقفه لقت حد واقف جنبها لفت تبص لقت 

ايمان : عبد الرحمن 

عبد الرحمن ابن عم ليليان يبقا ابن شاكر : اه انا يا ايمان الى قفلتى فى وشى السكه 

ايمان : يوووووووة هو انا هاقعد كتير اعتذر واحلف ان والله بابا دخل فاجأه عليا عاوزنى اعمل ايه 

عبد الرحمن اضايق من طريقتها معاه : لا متعمليش ياهانم وشكرا على طريقتك فى الكلام معايا

ايمان حست انها زودتها : عبد الرحمن بجد انا اسفه اعذرنى بس انا بتوتر وبخاف لما بحس ان بابا بيشك فيا انت عارف ياعنى ايه بابا يعرف انى بكلمك 

عبد الرحمن بهدوء : خلاص الموضوع عدى ومتخافيش مش هايعرف حاجة بطلى خوفك الزايد دا .... ويالا عشان تروحى اتاخرتى 

****************

فى شركه الجارحى 

مراد : اظن كدا عملت كل الى قولت عليه 

زين : اه اخلع انت بقا 

مراد : اخلع ليه مش خالع انا .... ولا عاوز تستفرد بالمزة 

زين : مزة ايه وهبل ايه بطل اسلوبك دا 

مراد بضحك : هههههه يا زين متضحكش عليا انت عاوز تفهمنى انها مش عجبتك 

زين بغيظ : والله يا مراد لو متظبطش لاظبطك متنساش دى مين 

مراد بخبث : مين يا قلبى؟.

زين بحدة : دى بقت ليليان الجارحى فاهم ولا لاه 

مراد : فاهم. ياخويا متزوقش كدا .... هاطير انا بقا 

مراد مشى وخلص اليوم وزين اتصل على ليليان تجيله

ليليان : ايوا يا زين بيه 

مراد : خلصتى اللى طلبته منك 

ليليان : ايوا اجيبه لحضرتك 

مراد : لا... ويالا عشان تروحى 

ليليان استغربت طريقته هى عملت علشان يكلمها بالاسلوب دة: حاضر .... هو انا حضرتك عملت حاجة غلط 

مراد بحدة : فى البيت نتكلم يلا 

***************

فى بيت الجارحى 

على السفرة 

ليليان قاعدة بتاكل بصمت وخايفه من زين اللى كل شويه يبصلها بحدة

ليليان : الحمد لله خلصت هاقوم انام

زين بحدة: متقوميش من مكانك قبل ما تشربى اللبن ومش عاوز اقعد كتير اتكلم فى الحوار دة

ليليان : لا ارجوك انا بطنى بتوجعنى ولو شربته مش هاعرف انام 

زين : خلاص تعالى نفذى عقاب الصبح وعلى فكرة العقاب دا قايم على كل مرة ترفضى تشربى اللبن فيها 

ليليان اتنهدت وشربته كله وقامت تجرى على الحمام 

******* 

ليليان خرجت من الحمام بعد ما غسلت وشها و واخدت نفسها وبتلف لقت زين قاعد على السرير ماسك كاتب بيقرا وقالع التيشرت ولابس بنطلون بس اتكسفت وبصت فى الارض

‏

‏ليليان فى نفسها : يادى النيله عليا مش يلبس هدومه لا انا هاسكت الا يقولى عقاب تانى مش كفايه عقاب البوسه داطلع سافل وقعدت السرير ولسه بتشد الغطا وتنام 

‏

‏زين : انتى قابلتى مراد انهاردا 

‏

‏ليليان باستغراب : مراد مين 

‏

‏زين : الى دخل قبل ما تدخلى وعرفتك عليه 

‏

‏ليليان : اه. فى الاسانسير 

‏

‏زين : واتكلمتو فى ايه 

‏

‏ليليان حكتله على الى حصل وهو اتبسط نوعا ما لانها مش كذبت وحكت الحقيقه وانها كمان مكنتش فاكرة مراد 

‏

زين : طيب ياريت تقصرى فى الكلام مع اى راجل سواء مراد او غيره تعاملك فى الشركه معايا انا وبس

ليليان : ليه هو شخص مش كويس 

زين : لا طبعا مراد صاحب عمرى وهو عارف موضوعنا بس انا قولت هو او غيرة 

ليليان :طيب..... انا هنام انا بقا 

زين : تصبحى على خير

ليليان برقه وصوتها كله تعب : وانت من اهله 

**************

الساعه ٣ الفجر 

‏تليفون زين بيرن كتير قام واتعدل ورد 

زين : الو 

شخص: الحق يا باشا ..... عم حسن اتوفى 

زين انتفص من مكانه : انت بتقول ايه ؟.

': البقاء لله يا باشا هو لسه فى المستشفى

ليليان قامت من النوم : فى حاجة؟ 

زين : مفيش .... فى مشكله ف مصنع الحديد اقوم اشوفه كملى نومك

ليليان : متاكد

زين هز راسه بمعنى ايوا وقام يغير هدومه 

لو عايز المزيد علق بعشرة ملصقات 👍👍

الحلقة الرابعة :

فى كليه الهندسه

سارة : مالك يا ليليان. وشك اصفر ليه

ليليان : مش عارفه قلبى مقبوض

سارة : من ايه..... طيب تعالى كدا نقعد فى الكافتريا وتحكيلى ايه اللى قلقك كدا

ليليان وسارة قعدوا مع بعض

سارة : ها ياستى فى ايه.

(ليليان سكتت كتير مش عارفه تقول ايه بس هى مخنوقه اوى لازم تحكى مع حد )

ليليان : سارة انا ارتحتلك اوى ونفسى تبقى صاحبتى ونفسى احكيلك وجعى ومشكلتى .... بس اوعى يا سارة الكلام الى هاقولوا دا يتقال لحد

سارة : انا عذراكى عشان متعرفنيش بس بكرة تعرفى هى مين سارة

ليليان : صدقينى انا حبيتك عشان كدا هاحكيلك

*************

فى الطريق من الشرقيه لقاهرة

ظابط الحراسات : زين باشا هانطلع على فين

زين بتعب وحزن : اطلع على البيت

ظابط الحراسات : ماشى يا افندم

زين بص من الشباك واخد نفس طويل وافتكر موت عم حسن الراجل الى بيحبه..... قد موته كسر قلب زين

فلاش باك

زين غير هدومه بسرعه وعقله واقف عن التفكير وبيتمنى ان الخبر دا يطلع غلط نزل جرى وسافر الشرقيه وامر الحراسه يقفوا بعيد عن بيت عم حسن ونزل هو علشان محدش يعرفه ووصل المستشفى وراح لتوحيدة

زين : عم حسن فين

توحيدة بعياط : زين يابنى عمك حسن مات خلاص مات وسابنا

زين حاول يمسك نفسه قدامها وفضل يهديها وخلص اجراءات المستشفى و الغسل والدفن ووقف كمان اخد العزا وخلاص مبقاش له لزمه هايطلع لحجه توحيدة يتكلم فاجاه سمع حد نادى عليه

: زين باشا

زين لف لقى شاب صغير فى بدايه العشرينات قرب منه زين

زين : نعم انت تعرفنى

: اه انا احمد الى مأجر دكانه عم حسن فى السوق

زين : امممممم اهلا

احمد : حضرتك متعرفنيش اكيد بس انا عارفك من كلام حسن عنك دا بيحبك اوى

زين : انت باين عليك ان عم حسن كان بيعزك اوى لدرجه انه يتكلم معاك عليا

احمد حزن : ايوا عشان هو الى مربينى لما ارتميت من الملجأ وهو اتأجرلى اوضه فوق سطح وقعد يدفعلى إجارها وكمان ادانى دكانته ببلاش افتحها واستزرق منها.... انا لو قعدت عمرى كله ما اقدرش اوفى نص افضاله وحنيته عليا

زين فى نفسه : يااااااه ياعم حسن انت افضالك على الكل موتك كسرنى اوى انا موت ابويا مكسرنيش قد ما موتك كسرنى كدا

زين فاق لنفسه :. احم ... انا سعيد ان اتعرفت عليك يا احمد وانا مكان عم حسن موجود فى. اى وقت. ..... دى ارقامى اتصل عليا فى اى وقت اعتبرينى اخوك الكبير

احمد : ربنا يعزك يا باشا

زين سابه وطلع لتوحيدة وخبط عليها. وتوحيدة فتحت

توحيدة بهدوء : اتفضل يابنى

زين : شكرا يا حجه ..... بقواك يا حجه توحيدة اجهزى انتى وبنتك عشان نمشى

توحيدة : نمشى فين دا هنا بيتى واهلى وناسى كتر خيرك يا زين

زين : معلش ريحينى يا حجه انا هاكون مطمن عليكوا وانتو جنبى

توحيدة : انا مقدرة خوفك علينا وصدقنى لو فى اي حاجة هاجيلك بسرعه دا انت الغالى حبيب الغالى

زين : حضرتك عاوزنى اصدقكوا تانى انك ممكن تيجلى لو فى مشكله مش كفايه انك كذبتوا وخبيتوا عليا ان عم حسن قلبه تعبان وعاوز عمليه بسرعه

توحيدة : والله يابنى كان مخبى عليا انا كمان هو طبعه كدا مش عاوز يقلق حد عليه

زين : انا مش قادر اسامح نفسى انى قصرت واهملت معاه

توحيدة : هون على نفسك يابنى دا قضاء وقدر

زين : الحمد لله على كل حاجة....... انا عاوز اقولك ان انا موجود فى اى وقت اطلبينى بس وانا هاجيلك فى ثانيه .....عم حسن مماتش انا معاكوا

توحيدة بحزن : عارفه يابنى ..... نفذ وصيته يا زين اوعى تزعلها او تكسرها عشان قلبه يرتاح

زين : فى عنيا متخافيش ..... انا مضطر اسافر اشوفك على كل خير

****************

فى القاهرة وتحديدا فى كليه الهندسه

سارة : يااااااااه يا حبيبتى انتى عيشتى كتير اوى فى حياتك ..... بس احمدى ربنا انك وقعتى فى حد زى زين الجارحى

ليليان بتهكم : ليه ياعنى يا سارة ما يمكن زى اعمامى .....

و كملت بخفوت : انا اصلا مش مطمناله بعد حوار البوسه والعقاب دا

سارة : لا يا ليليان زين الجارحى رجل اعمال معروف ومعروف اوى كمان ....ماسك البلد كلها بيستثمر فى كل حاجة كلمته مسموعه وبتمشى على اى حد وسمعته كويسه انا عمرى ما سمعت انه بتاع بنات ولا كدا

ليليان : اللى شوفته خلانى اشك فى كل الناس ربنا يسامحهم

سارة : طيبه انتى قولى ربنا ياخدهم ...... ايه دا مش دا السواق بتاعك جاى علينا

ليليان : خير يا كريم

كريم بصوت واطى : زين باشا على تليفون عاوزك

ليليان اخدت منه التليفون : الو

زين : ليليان كريم هايوصلك على البيت ... انا فى البيت مرحتش الشركه

ليليان حست بصوته انه تعبان او فيه حاجة : احم هو حضرتك كويس

زين : ايوا ويالا تعالى

ليليان : تمام

ليليان عطت تليفون لكريم وكريم مشى وقامت وقفت

ليليان : سارة هاقوم امشى زين روح وعاوزنى اروح انا كمان

سارة : تمام ياقلبى اشوفك بكرا

****************

فى الشرقيه

عاصم بضيق:حسن مات وانا معرفتش البت فين هاوصلك ازاى انا بقا

يوسف : يابابا انت كان تفكيرك غلط حسن ولا حد من عيلته يعرفوا مكانها وانا اتأكدت بنفسى من كدا ..... وبعدين موته حاجة كويسه اكيد لو اللى كان مخبيها هاتظهر

عاصم : وممكن متظهرش

يوسف: بابا اسمحلى انا بقا امشى بطريقتى وادور عليها واوعدك هالاقيها فى اسرع وقت

عاصم : متعرفش مين الراجل االلى كان واقف فى كل حاجة انهاردا

يوسف : لا ... بس انا شوفته بيتكلم مع احمد الى متأجر دكانه حسن ..... بس لو عاوز تعرف ادينى نصايه هاجبلك تقرير عن كل حاجة عنه

*****************

فى القاهرة

ليليان وصلت البيت ولقت دادة سميحة فى استقابلها

دادة سميحه : يالا روحى غيرى هدومك زين قاعد على السفرة مستنيكى

ليليان راحت غيرت هدومها بسرعه بس نفسها تشوفه تطمن عليه متعرفش ليه قلبها وجعها عليه وعلى منظرة امبارح لما سمع خبر المصنع غيرت ونزلت

على السفرة

زين قاعد مهموم وحزين

ليليان : احم

زين بانتباه : ليليان يالا اتغدى

ليليان :هو حضرتك كويس

زين : اممممممم

زين كان طول الوقت بيفكر هايقولها ازاى ولاقى انه انسب وقت وهى جايه تنام

*******************

فى الشرقيه

سهى : البقاء لله يا ايمان ..... معلش اجمدى عشان مامتك

ايمان : قلبى واجعنى اوى يا سهى بابا راح خلاص مش قادرة

سهى : معلش يا حبيبتى ..... الا قوليلى يا ايمى هو مين الجدع الحليوة الى كان واقف ياخد العزا دا

ايمان بضيق: انتى فى ايه ولا ايه بقولك ابويا مات بتسالينى على حد معرفوش

سهى استغبت نفسها : معلش يا حبيبتى مكنتش اقصد انا كنت مستغربه بس اصل عمرى ماشوفته هنا ولا حتى عندكو

ايمان : معرفهوش يا سهى

سهى : طيب خدى العصير دا اشربى يمكن تهدى شويه

وطلعت تليفونها وبعتت مسج ليوسف : سالتها والبت بنت ال ...... زعقت وقاتلى متعرفهوش

*****************

بليل فى بيت الجارحى

زين قاعد على السرير وحاطط راسه بين ايديه ومغمض عيونه

ليليان ببرائتها وجت جنبه : هو انت كويس

زين رفع وشه وفضال باصلها. كتير: ليليان انا كنت عاوز اقولك خبر

ليليان : خبر ايه خير

زين : عم حسن

ليليان بخضه : ماله جراله ايه اكيد زعلان منى عشان مكلمتوش .... بس مم

زين قاطعها : عم حسن مات ... البقاء لله

ليليان بهدوء: قولى قولى انك بتهزر ...... ازاى هو وعدنى يفضل جنبى

زين سكت وحط وشه فى الارض ومعرفش يقول ايه

ليليان دموعها نزلت كتير : مش كل مرة حد احبه يتاخد منى كدا ومين الى ياخدة المووووت

زين قام ومسكها : هشششش اهدى الموت علينا حق ودا أجله

ليليان بدات تعيط بهستريا : ااااااااااااه محدش حاسس. بيا ااااااااااه انا ضهرى اتكسر خلاص

زين قطعت فى قلبه منظرها شدها لحضنه: ضهرك متكسرش ولا حاجة طول مانا موجود اوعى تقولى كدا

ليليان قعدت زى الطفله : لا انا ضهرى اتكسر انت مين. ... انت مش تعرفنى عشان تخلينى فى بيتك ..... انت مجرد مخلينى عندك عشان عم حسن وافضاله

......... طب اهو ماات ووعدك خلاص مات بموته

زين اتسرع ومعرفش هو قال كدة ليه : لا الى رابطنا اكبر من وعدى لعم حسن صدقينى اكبر بكتير

زين اخدها على السرير وقعد يهديها ويطبطب عليها ويقولها الكلام الى يطمنها. لغايه ما نامت

زين اتنهد فى نفسه بيفكر. هو من امتى كدا من امتى بيهمه حد من امتى بيخاف على زعل حد اشمعنا هى دى لسه ميعرفهاش الا من يومين ليه عياطها وجعه وزعله .... طب ليه قالها الى بينهم اكبر من وعدو لعم حسن ليه الكلام طلع منه مرا واحدة اول مرا يبقا كدا اتنهد واستسلم لنوم وعقله مبطلش تفكير وقلبه واجعه عليها وعلى حزنها

*********************

فى الشرقيه

احمد نازل من عند توحيدة بعد ما سألها لو عاوزة حاجة لقى فى وشه يوسف

يوسف : احمد ازيك

احمد : اهلا استاذ يوسف خير

يوسف : خير دا انا شوفتك طالع عند الحجه توحيدة

قولت استناك نتمشى مع بعض

احمد : اه

يوسف : الله يرحمه عم حسن كان راجل ونعم الناس

احمد بحزن : الله يرحمه كان ابويا واخويا

يوسف : الله يرحمه ..... الا من حق مين الجدع الى كان واقف فى كل حاجة دا انا عمرى ما شوفته انت تعرفه

احمد : اه طبعا اعرفه

يوسف بمكر : مين

احمد: دا استاذ زين ..............

&&&&&&&&&

خلص البارت الرابع

ياترى فعلا زين الى بينه وبين ليليان اكبر من وعدو لعم حسن ؟

ايه مصير الحجه توحيدة وايمان بعد موت عم حسن ؟

ياترى احمد هايقول ايه ليوسف ؟ ويوسف كدا خلاص قدر يوصل لليليان ؟

لتصلك باقي القصة علي ب 10 ملصق وشكرا لكم.

قصة عشق زين للكاتبة زينب محمد

الجزء الأول الحلقة الخامسة:

احمد : دا استاذ زين محاسب فى السعوديه قريب الحجه توحيدة من بعيد بس ايه محترم اوى وعايش عمرة برا 

يوسف بشك: ومتجوز ولا عينه على ايمان

احمد ألف قصه بسرعه : لا متجوز ومخلف تؤام مراته سوريه اصلا

يوسف : اه ..... بس دا مش قعد حاجة ومشى على طول

احمد : اصل الحجه بلغته ان عم حسن مات وهو جة بسرعه وساب شغله ومراته فاكيد رجع عشان خاطرهم

يوسف : طيب ياحمد اشوفك بعدين بقا .... سلام

بعد ما يوسف مشى احمد طلع تليفونه واتصل على توحيدة

توحيدة : الو

احمد : معلش ياحجه ان بكلمك دلوقتى

توحيدة : لا يابنى عادى خير انت لسه كنت عندى

احمد : اصل انا لما نزلت من عندك لقيت فى وشى يوسف ابن عم ليليان وسالنى على بشمهندس زين

توحيدة بخوف : وقولتله ايه يابنى

احمد : قولتله انه قريبك من بعيد وبيشتغل فى السعوديه محاسب ومتجوز ومخلف تؤام وهو صدق

توحيدة بفرحه : كتر خيرك ياحمد انا متشكرة انك مش قولتلة على زين

احمد : عيب يا حجه توحيدة ...... اصل انا مبطقش يوسف دة وحسيت منه ان هو عاوز يستفهم على حاجة معينه وانا عملتله اهبل واتكلمت معاه .... وبعدين دا عم حسن مكنش بيطيقه اروح اتكلم معاه

توحيدة : خلاص يابنى اى حد يسالك على زين قوله الكلام دا

احمد : حاضر يا حجه توحيدة ..... وزى ما قولتلك انا تحت امرك فى اى وقت

توحيدة : تسلم يابنى

توحيدة قفلت معاه وبصت على صورة حسن وعيطت. :. الى زرعته فى دنيتك بنحصدة اهو يا حسن ومكملناش يوم على وفاتك ربنا يرحمك يا حبيبى

**************

فى بيت الجارحى

زين نايم وواخد ليليان فى حضنه قام مفزوع على صوت عياطها

زين بفزع : فى ايه ..... ليليان مالك

ليليان بتعيط جامد : مخنوقه ........ قلبى واجعنى مش قادرة اخاد نفسى

زين بقلق : اتصل على الدكتور يجى

ليليان سكتت وحطت وشها بين ايديها وفضلت تعيط جامد

زين اتعدل من نومته وقام وعدلها وقعدها

زين : اشربى الميه دى

ليليان اخدت الميه ويدوب بللت شفايفها بس

زين : ليليان انا عاوزة اقولك حاجة ....... انا يمكن اول مرة اتكلم مع حد كدا بس انا كمان زيك على فكرة وحيد ماليش اهل وابويا وامى ماتوا قصاد عينى وااللى ربتنى جدتى حتى هى اتخلت عنى وسافرت وعاشت فى تركيا..... وانا فضلت لوحدى مكنش ليا اللى الا عم حسن واهو مات .... بصى هى سنه ودايرة على الكل

زين سكت وبعدها اتنهد جامد : طب انا عاوز اسألك سؤال

ليليان رفعت وشها : اتفضل

زين : عم حسن كان بيتمنى ايه بس امنيته من ناحيتك انتى بالذات

ليليان صوتها بيقطع من كتر ماهى بتعيط: نفسه ..... يطمن عليا

زين : يطمن عليكى ازاى؟

ليليان : اكمل تعليمى واعيش بعيد عن اهلى ومتعبش فى حياتى

زين : شوفتى اهو كملى حياتك بقا عشان هو يرتاح فى قبرة ولا انتى عاوزة يفضل تعبان

ليليان :لا طبعا انا عاوزة يكون مرتاح

زين : برافو عليكى ...... نامى يالا عشان تروحى جامعتك

ليليان : حاضر يا زين باشا

زين بضحك : هههههههه انتى هبله ولا ايه

ليليان استغربته انه بيضحك اول مرا تشوفه هادى وبيضحك قد ايه ضحكته حلوة وجميله غريب اوى الانسان دا حتى المفروض فى عز وجع قلبه بيضحك

ليليان مبستمه : احم انا هبله ليه ؟

زين : ياعنى قاعدة فى سريرى وتقريبا فى حضنى ومراتى وبتقوليلى زين باشا

ليليان بغباء : امال اقول ايه

زين : قولى زين وبس

ليليان بهدوء : مينفعش

زين : ليه مينفعش

ليليان اتوجعت وهى بتتكلم كدة : علشان زين باشا دى على طول هاتفكرنى دايما انك فى يوم من الايام هاتتخلى عنى ولما يجى اليوم دا قلبى مش يوجعنى

زين كلامها وجعه اوى رغم انها لسه صغيرة بالنسباله اوى وقالت كلام مش مترتب بس قالته بمليون كلام مترتب

زين بحنيه : مش المفروض انا قولتلك قبل كدا ان اللى بينا اكبر من وعدى مع عم حسن

ليليان بارتباك : وايه هو الى بينا ؟

زين : معرفش.... بس اكيد هانعرف .... ومن وقتها لغايه ما نعرف قوليلى زين وبس وابقى ياستى قولى فى الشغل بشمهندس زين .... اتفقنا

ليليان بابتسامتها الرقيقه: اتفقنا

*****************

فى الشرقيه

يوسف : وهو دا الى حكاه الواد احمد

عاصم : اممممممممم ..... الشيخ عزت اتصل بيهددنى. ...اعمل ايه ؟.

يوسف : طب ماتسيبنى اخلص على امه ونخلص من قرفه دا ومن غير ماحد يحس

عاصم. بتفكير : ماشى بس من غير شوشرة ماشى

يوسف بضحك: متقلقش يابابا ..... ياعنى هو انا لما خلصت على جدتى حد حس

عاصم : هششششش الله يخربيتك اسكت هاتفضحنا ..... اللى حصل دا يموت ما بينا ولا حتى تفكر تفتحه فى يوم من الايام

يوسف : طيب سكتنا اهو ...…وانت بقا ياعزت دورك جة اصل انا اتخنقت من امك

**************

فى القاهرة فى بيت الجارحى

على السفرة

زين : ليليان مش كل يوم هاقولك اشربى اللبن انا مبرجعش فى كلمه بقولها لو الدنيا من حواليا اتهدت

ليليان : حقيقى والله انا تعبانه انا مبحبوش …... ليه اشرب حاجة مبحبهاش

زين : عشان انا عاوز كدا ويالا والعقاب لسه موجود

ليليان بضيق منه : اووووف ... حاضر

زين : ابقى وافقى واشربيه من الاول احسن من حوار كل يوم دا

ليليان : بيبقا عندى امل انك تقدرنى وتوافق مشربوش

زين بتريقه : امل ماتت متفكريش فيها كتير ....يالا عشان تروحى جامعتك

*****************

فى شركه الجارحى

مراد : ايه يا جدع بتصل بيك من امبارح مبتردش

زين : كنت مسافر

مراد : مسافر فين ؟

زين : الشرقيه .... عم حسن اتوفى

مراد : لا حول ولا قوة الا بالله ... البقاء لله يا زين .... طيب مقولتش اروح معاك ليه

زين : عرفت بليل متأخر وجريت على هناك

مراد : طب وليليان عرفت ؟.

زين بهدوء : اه قولتلها والحمد لله عدت على خير

مراد : طب ايه يا صاحبى ناوى على ايه ؟

زين باستعباط : مش فاهم ناوى على ايه بالظبط

مراد : لا انت فاهم كويس يا زين ...... ناوى ايه على علاقتك انت وليليان

زين : معرفش علاقتنا بتجرى بسرعه اوى يا مراد

.... والسرعه دى مضايقنى ومبقتش قادر اوقفها ...... ومش عارف اذا كان السبب منها هى ولا منى انا

..... بس الاكيد انا لسه عند وعدى مع عم حسن وعدى مماتش بموته مش زين الجارحى للى يعمل كدا

مراد : زين سيب نفسك وبطل تسيطر على مشاعرك كدا غلط

زين بشرود : انا مبقتش قادر حتى اسيطر على مشاعرى

زين فاق على تصفير مراد

زين : تصدق انك رخم .... قوم يالا روح ظبط الامور عشان الوفد

****************

فى الجامعه

سارة : مالك يا ليلو شكلك تعبان كدا

ليليان : اممم انا تعبانه فعلا بس مش جسمى قلبى ... قلبى الى وجعنى

سارة : ليه كدا فى ايه مانا سايبكى امبارح كويسه

ليليان : فاكرة عم حسن اللى حكتلك عنه ..... اهو مات هو كمان وسابنى

سارة ضمت ليليان لحضنها: البقاء لله يا حبيبتى .... ياقلبى عشان كدا قلبك كان مقبوض امبارح

ليليان : انا ضهرى انكسر بجد

سارة : متقوليش كدا زين موجود وانا كمان اهو مش هانسيبك ومعاكى وفى ضهرك

ليليان : زين ....فى يوم من الايام يزهق منى فى يوم من الايام هايحب واحدة ويتجوزها ويطلقنى فى يوم من الايام هارتمى فى الشارع وابقا وحيدة

سارة : لا انا كدا ازعل منك وربنا خلاص يا ليلو انتى بقيتى صاحبتى واختى ولا يمكن اسيبك ابدا

ليليان : ربنا يخليكى ليا يا سارة

***************

فى الجامعه بس فى مكان تانى بعيد عن ليليان وسارة

: عمر باشا سرحان فى ايه

عمر : هايكون فى ايه اكيد فى الصاروخ اللى هناك دا

: بس يا عمر دى مش سكتك باين عليها ملهاش فى الشمال

عمر : لو ملهاش يبقا ليها يابا ....... انا سبحان ماصبرنى عليها اصلا انا مبقتش قادر من اول يوم شوفتها وانا نفسى فيها

: خلاص البنات دى مبتجيش الا بالغصب

عمر : صح..... انت صح الغصب احلى حاجة

عمر الليثى ابن رجل اعمال ساقط وبيعيد كتير مالوش الا فى البنات مدلع اوى وبيسقط بمزاجه عشان الجامعه المكان الوحيد اللى بيوقع البنات منه

**************

فى الشرقيه

ايمان بتتكلم فى التليفون وبتعيط

ايمان : عاوز ايه يا عبد الرحمن .؟

عبد الرحمن : ايه عاوز ايه دى هو انا غلطت فى ايه انا بتصل بيكى اواسيكى تقومى تكلمينى بالطريقه دى

ايمان : شكرا مش محتاجة شفقه من حد

عبد الرحمن : اخص عليكى يا ايمى بقا انا بعد دا كله بشفق عليكى .... ايمان انا بحبك

ايمان : ولما انت بتحبنى مجتش تتقدملى وابويا عايش ليه؟.

عبد الرحمن بنرفزة : انت بتتكلمى وكانك مكنتيش معايا خطوة بخطوة فى القرف اللى كنت فيه .... لكن هافضل اقولك وابررلك ان كنت مستنى موضوع ليليان بنت عمى يهدى واهى الحمد لله موضوع خلص بهروبها

ايمان : وانت مفكر ان ابوك خلاص هايسكت هو ولا عمك لا دول هايجبوها ويجوزهالك علشان انت الكبير

عبد الرحمن : والله ما بحبها يابنتى دى طول عمرها اختى الصغيرة يا ايمان انا بحبها فعلا بس اختى .... طب تعرفى انا حزين ان هى هربت وعاشت لوحدها مهما كان دى بنت وخايف عليها من الزمن اذا كان وهى عايشه فى وسط اهلها كانوا بيأذوها مابالك بقا بالغريب

ايمان بتنهيدة : ربنا معاها بابا كان بيحبها وانا كمان بحبها اوى دى كانت صاحبتى الوحيدة ..... بس لو كانت معايا فى الظرف دا كانت هونت عليا كتير

عبد الرحمن : معلش يا قلبى .... مسيرها نلاقيها بس بعيد عنهم .... على فكرة انا قدمت فى البعثه ولو وافقوا باذن لله هاجى واتقدملك واخدك انتى ووالدتك ونسافر

ايمان بقلق : طب واهلك ... وبابك هايوافق دا مكنش بيطيق ابويا الله يرحمه

عبد الرحمن : هاتجوزك غصب عن الكل .... يوافق ولا ميوافقش مبقتش فارقه كله بيدور على مصلحته .... يا ايمى ازاى ممكن تتخيلى ان انا اتخلى عنك دا انتى حب الطفوله

ايمان : ربنا يعدى الفترة دى على خير .... جرس الباب بيرن شكلها سهى

عبد الرحمن بضيق : انا زعلان منك مش انا قولت بلاش سهى الزفته دى تانى ولا هى شكلك ولا من تربيتك ولا من اسلوبك .... دى شمال

ايمان : طب اعمل ايه والله ما عارفه اخلع منها لزقت فيا ... وبعدين انا بكرة اسلوبها جدا بس جت وعزتنى ووقفت جنبى مينفعش اقفل بابى فى وشها

عبد الرحمن : طيب لاخر مرة بقولك ابعدى عنها

ايمان : حاضر

عبد الرحمن : يلا انا هاقفل هاتعوزى حاجة اجبهالك

ايمان : لا يا عبد الرحمن شكرا

عبد الرحمن : سلام يا قلبى

ايمان قفلت وخرجت تشوف مين كان بيرن وسألت مامتها

ايمان: ماما مين كان بيرن الجرس ؟.

توحيده : دا احمد كان جاى يسألنا فى حاجه عاوزينها

ايمان: اه فيه الخير ..... انا كنت بحسب سهى

توحيدة بضيق : لا مش زفته

ايمان : اه من حق يا ماما مين الراجل الى كان واقف فى كل حاجة يوم ميت بابا

توحيدة بارتباك : وانتى شوفتيه فين ... انتى كنتى تعبانه ونايمه هنا

ايمان : دى سهى اللى يومها سألتنى.

توحيدة : دا قريبى من بعيد وبيشتغل فى السعوديه ومتجوز ولما عرف جة على طول ومشى عشان سايب مراته لوحدها...... وبعدين قصرى من البت دى عشان هاتوقعك فى مشاكل

ايمان : حاضر .... والله انا كمان مخنوقه منها دى لازقه فيا لزقه.

****************

فى شركه الجارحى

سهيله : زين باشا ..... الوفد الالمانى وصل

زين : طيب حضرى الورق وبلغى مراد

سهيله بخبث : تمام .... بس فى مشكله ليليان مجتش لغايه دلوقتى

طبعا سهيله كانت فى نيتها توقع ليليان فى مشكله لتاخيرها

زين : مش مشكله عادى انتى الى هاتحضرى معايا الاجتماع .... جهزى كل حاجة

سهيله خرجت وفى نفسها لا بقا دا اكيد الموضوع فى إن ولازم اعرفها

****************

فى الجامعه

سارة : تعالى يابنتى نشرب حاجة انا صدعت ولسه اليوم طويل

ليليان بتعب : صدقينى مش قادرة روحى انتى

سارة : طيب ... خليكى وانا هاروح واجاى بسرعه

ليليان واقفه لوحدها جه عمر الليثى عندها ووقف فى وشها وقرب

عمر الليثى : ايه الجميل واقف لوحدو ليه

ليليان بصتله وقامت ومشيت وسابته وهو اضايق منها اوى ..... راح وراها

عمر مسك ايد ليليان جامد : لا يا مزة مش عمر الليثى الى واحدة زيك تسيبه وتمشى دى الجامعه كلها بتقفلى على رجل انتى فاهمه

ليليان بخوف : اوعا احسنلك ....هاجبلك الامن

عمر : امن مين يابنت ال *****.... انتى هاتيجى زى الشاطرة معايا تركبى العربيه نقضى يومين حلوين

وقرب منها وقالها فى ودانها : هايبقوا يومين حلوين اوى ..... عارفه لو رفضتى انا ممكن ادفنك مكانك ولا حد يقدر يقولى انت بتعمل ايه

ليليان عيطت جامد وعليت صوتها : سارة الحقينى

سارة جت جرى عليهم : انت بتعمل ايه يا جدع انت سيبها احسنلك

ليليان بصتلها بحذر انها متقولش اسم زين مش عاوزة تعمله مشاكل ولا تعرف حد انها مراته زى ما منبه عليها وسارة فهمتها

كريم شاف الموقف كله جه جرى عليهم

كريم: لو سمحت سيب ايديها عشان مطلبش الامن

عمر شاور لحارس بتاعه يجى يضرب كريم واتخانقوا وكريم مش قدر عليهم لانهم اطول واعرض منه والموضوع وصل لعميد

****************

فى غرفه العميد

عمر : البت بنت ال****...دى بتعرض عليا حاجات مش مظبوطه

سارة باندفاع : انت كداب وحيوان انت اللى كنت ماسك ايديها

ليليان بتعيط جامد : لا طبعا هو كداب محصلش

دكتور نادر ادخل علشان عمر : اخرسى يابت انتى وهى هاتمضوا على فصلكوا من الجامعه عقاب ليكو علشان فكرتو تيجوا جنب عمر باشا

ليليان : لا لا سارة ملهاش دعوة انا هامضى لوحدى

سارة : انتى مجنونه تمضى ايه لا طبعا

*************

برا غرفه مكتب العميد

كريم عمال يتصل بزين مبيردش

كريم : رد يا باشا

سهيله ردت بقرف : الو

كريم : احم انسه سهيله لو سمحتى عاوز الباشا

سهيله : الباشا فى اجتماع مهم ..... سلام

كريم : اهدى يا انسه ... ليليان هانم واقعه فى مشكله كبيرة فى الجامعه لازم يعرف

سهيله : انت مجنون ليليان ايه وهبل ايه هو الباشا ماله بحته بسكرتيرة واقعه فى مشكله ولا لاه ..... وبعدين هو فى اجتماع مهم سلام

وقفلت السكه وكريم : اعوذ بالله منك يا شيخه

كريم فضل يفكر يعمل ايه وافتكر ان الوحيد اللى يقدر يوصل لزين هو مراد الالفى جاب رقمه واتصل وحظه ان مراد كان واقف فى مكتبه بيظبط ورق الاجتماع لقى رقم بيرن كتير

مراد : الو

كريم باندفاع: مراد باشا انا كريم سواق ليليان هانم

مراد باستغراب : امممممم فى حاجة يا كريم

كريم : ايوا ليليان هانم فى مشكله كبيرة فى الجامعه وانا مش عارف اتصرف وعمال اتصل على زين باشا سهيله ردت وقولتلها و رفضت تقوله

مراد : طب اقفل وعطل كل حاجة عندك لغايه مازين باشا يجيلك

كريم : يا باشا انا اصلا مش عارف بيحصل معاها ايه جوا منعونى ادخل

مراد : طب ااقفل

******************

مراد جرى على زين واخدة بعيد عن الوفد

زين : فى ايه يا مراد ..... فى حاجة فالورق

مراد : لا المشكله مش فى كدا .... ليليان واقعه فى مشكله فى الجامعه

زين مستناش يسمع بقيه الكلام وجرى على الجامعه

مراد اعتذر للوفد وقالهم ان اهو الى هايكمل الاجتماع مكان زين وبعدها بص على سهيله وقالها بهمس

مراد بهمس : استلقى وعدك بقا من زين لما يعرف اللى انتى هببتيه

****************

زين وصل الجامعه ودخل بهبيته الكبيرة ورجاله الحراسه حواليه محدش مصدق ان غول المعمار موجود فى الجامعه محدش كان بيعرف يوصله

زين لقاه كريم جاى جرى عليه

كريم : باشا ليليان هانم فى مشكله الحقها ومنهارة جدا

زين فتح الباب فجأه

زين : انت بتعمل ايه يابن ال******........

وصلنا إلي نهاية الحلقة الخامسة إنشاء الله تكونوا عجبتكم الحلقة

لتصلكم باقي القصة علقوا ب 20 ملصق.

قصة عشق زين للكاتبة زينب محمد الجزء الأول 

الحلقة السادسة:

زين دخل فجأه عليهم لقاه الدكتور ماسك ليليان من ايديها وبيزعقلها وهى بتعيط زين هجم عليه

زين : انت بتعمل ايه يابن ال....... دا انا هاطلع روح امك فى ايدى 

كل الى فى المكتب حاولوا يخلصوا الدكتور من ايد زين محدش قدر ابدا عليه كان هايج و غضبه كان يهد جبال وعمال يشتم فى كل الموجدين 

واخيرا قدروا يخلصوا الدكتور من ايد زين 

زين بص على ليليان لقاه وشها متبهدل وطرحتها باين انها مشدودة منها وفى صوابع حد على خدها زين قرب منها ومسك وشها 

زين بصوت مخيف : مين اللى عمل فيكى كدا

ليليان ساكته خايفه من منظرة الى مبيبشرش بالخير ابدا 

سارة باندفاع : عمر الليثى هو الى ضربها تحت قدام الجامعه كلها

زين لف وبيبص على عمر الليثى دة لقى واحد واقف فى اخر الاوضه مرعوب زين قرب منه جامد 

زين : انت الى اتجرأت ومديت ايدك 

عمر : ايوا عشان هى واحدة مش مظبوطه دى بتعرض عليا تركب معايا العربيه ونقضى يومين 

طبعا عمر كان بيحاول يهز ثقه زين فى ليليان وميعرفش ان اللى قاله كله غلط وهايجى على دماغه فى الاخر 

زين بصوت مخيف جدا : انت عارف لو كنت سكت كان اكرملك من الى هاعمله فيك بعد كلامك دا 

زين شاور لحراسه ياخدوا ويمشوا 

رئيس الجامعه دخل عليهم : ممكن افهم فى ايه 

زين بحدة : انا افهمك 

رئيس الجامعه : اهلا زين باشا محدش ادانى خبر ليه انك موجود 

زين بغضب : خبر ايه وزفت ايه دا انا هاطربقها على دماغكوا كلكو 

رئيس الجامعه : ليه بس زين باشا .... قولى لو فى اى مشكله اقدر احلها .... مين البنات دول عملوا حاجة ؟.

زين قرب من ليليان واخدها فى حضنه : ليليان الجارحى مراتى 

رئيس الجامعه : اهلا يا هانم ... مالك بس يا باشا قولى على اللى هما غلطوا فى ايه وانا هاعاقب الى غلط 

سارة باندفاع :عمر الليثى اتهجم على ليليان وقالها كلام مش كويس وكان عاوز ياخدها معاه فى العربيه ولما الموضوع كبر وجينا للعميد ...دكتور نادر أصر على أننا نمضى على ورق فصلنا من الكليه والعميد موافق على كلامه 

زين : سمعت الى قالته 

رئيس الجامعه : اللى انت تؤمر بيه هايتنفذ وحالا

زين : الواد اللى اسمه عمر الليثى يتفصل من الجامعه .... ودكتور نادر يتفصل هو كمان يالا اهو الجزاء من جنس العمل وسيادة العميد نكتفى بس بلفت نظر من مجلس التاديب ... وياريت دة كله يتنفذ وبسرعه.

زين اخد ليليان و خرج وفضل حاضنها وهو ماشى كانه بيدى رساله لكل اللى فى الجامعه انها تخصه محدش يفكر يبصلها 

***************** 

دكتور نادر زعق واضايق : ليه انشاء الله اتفصل هو مين دا الى يأمر كدا وحضرتك تنفذ 

رئيس الجامعه : احمد ربنا انه فصلك بس مدفنكش مكانك .... ولو انت مش تعرف زين الجارحى ابحث عنه واعرف انه غول المعمار فى الوطن العمرى واستثماراته فى كل حاجة فالبلد ومن اكبر راس فى الدوله لاصغر حد بيعمله الف حساب ... اهدى بقا 

العميد : الحمد لله انا اتنفست لما مشى دى دخلته علينا سحبت الدم من جسمى 

دكتور نادر : اكيد الليثى باشا مش هاسيبوا 

العميد : تبقا بتحلم تلاقيه بكرا بيجرى عليه علشان يرحموا من الى هايحصله هو وابنه 

****************

زين وليليان قربوا من عربيه الحراسه وليليان وقفت تدور على سارة 

زين : لو سمحت يا زين ممكن تنادى سارة البنت اللى كانت واقفه معايا 

زين شاور لواحد من الحرس يناديها وسارة جت عليهم 

سارة : نعم يا ليليان 

ليليان : انا مش عارفه اشكرك ازاى بجد يا سارة وقفتك معايا هاشيلها فوق دماغى العمر كله

سارة : متقوليش كدا انتى صاحبتى واللى حصل دا ميرضيش ربنا .... بس اول لما تروحى شوفى اى كريم يهدى وشك 

ليليان حطت ايديها على خدها وافتكرت ضرب عمها ليها : لا انا متعودة على كدة فترة وهاتعدى 

سارة : طيب متجيش بكرا المحاضرات وانا هاحضر متقلقيش و متتعبيش نفسك انتى ....استأذن انا بقا سلام يا ليلو 

طبعا دا كله وزين بيتابع الحوار بهدوء 

***************

فى العربيه زين واخد ليليان فى حضنه ومش راضى يسيبها ابدا وعمال يتنفس بسرعه ليليان خافت منه هى اه كانت بتخاف منه بس خوفها زاد بعد الحاله اللى كان عليها فى الكليه 

زين بحدة : مين سارة دى 

ليليان رفعت وشها له : دى ساره صاحبتى اتعرفت عليها .. والله هى طيبه وجدعه وكمان محترمه ووقفت جنبى انهاردا 

زين بهدوء : ماشى هانبقى نشوف الحوار دا بعدين 

ليليان خافت يمعنها عن سارة قعدت تدعى ربنا يعدى الامور على خير

**********************

فى بيت الجارحى

زين قاعد على السرير والغضب باين عليه

زين : ابن الكلب لازم يتربى الاسهم بتاعته كلها تقع يا مراد 

مراد بضحك : هههههههه طيب اهدى بكرا تسمع خبرة فى التلفزيون والجرايد 

زين : انت بتضحك على ايه يابنى ادم انت متنرفزنيش

مراد : اصل الصراحه اول مرة اشوفك كدا انت مشوفتش منظرك وانت طاير من غرفه المتينج وسايب الصفقه وكل حاجة تولع 

زين : ماتولع اى حاجة فى الدنيا دى مراتى 

مراد بضحك : ههههههههه يا حنين 

زين : والله انك بارد 

مراد : لا بس انت لازم تشد سهيله شويه 

زين : ليه 

مراد : كريم اتصل عليك والهانم ردت ورفضت تحولك المكالمه ولولا الواد دا يا زين مكناش عرفنا حاجة 

زين : وحياه امها لاوريها بكرا بنت ال.... 

مراد : انت مالك يابنى بقيت سافل كدا ليه وعمال تشتم كل شويه انا مش متعود عليك كدة 

زين : ههههه اسكت امال لو شوفتنى وانا فى الكليه الصبح دا انا قولت الفاظ حسيت ان انا مش انا 

مراد بضحك : ههههه ليه يابيبى لازم تاخد عليك كدا انت لما بتتعصب بتقلب ..

زين : ماتلم نفسك ياعم انت 

مراد : الله ياعم وانا مالى انا هاقفل سلام 

زين : بقولك قبل ما تقفل فى بنت صاحبه ليليان عاوزك تجبيلى عليها معلومات وتشوف هى تمام ولا لاه

مراد : ليه الباشا شاكك فيها 

زين : مش حكايه شاكك بس دا طبع فيا اللى يقرب منى او من حد يخصنى لازم اعرف نيته ايه .... يالا هابعتلك اسمها كامل فى رساله سلام 

مراد : سلام 

ليليان خرجت من الحمام بعد ما غيرت هدومها وكان باين عليها التعب

زين شدها وقعدها جنبه على السرير 

زين : ليه مقولتيش انك مرات زين الجارحى

ليليان عيونها كلها دموع : خفت منك انك تزعقلى لو جبت اسمك فى المشكله 

زين زعق: انتى اتجننتى انتى لو كنتى قولتى اسمى مكنش حد قدر يقرب منك .... بعد كدا اتصلى عليا متخليش كريم الى يكلمنى 

ليليان باستغراب : انا اصلا مقولتلوش يتصل عليك 

زين بتنهيدة كلها غضب : ياعنى كمان هو اللى اتصل بيا من نفسه ..... اول واخر مرة تحصل يا ليليان فى اى مشكله تحصلك وانا مش موجود عرفى بنفسك للموجودين 

ليليان برقه : ياعنى انت مش هاتزعل منى 

زين بهدوء: لا مش هازعل 

ليليان : هو انا ممكن اسالك سؤال

زين : اسالى

ليليان : هو انت هاتحرمنى من سارة ؟.

زين : ليه بتقولى كدا ؟

ليليان برقتها الى بتخلى قلب زين يلين : علشان انت نبهت عليا قبل كدا معملش صدقات وانا عصيت كلامك بس والله انا بخاف ابقا لوحدى انا اسفه .... بس خليها صاحبتى مش تمنعها عنى انا بحبها 

زين : انا كلفت حد يسال عليها لو فى اى حاجة. مش عجبتنى هابعدك عنها 

ليليان بابتسامه : لا لا انشاء الله مش هاتلاقى انا متأكدة 

زيت ابتسم على سذاجتها وطيبتها الزايدة وبعدها لاحظ خدها

زين بخفوت : هو بيوجعك 

ليليان باستغراب : هو ايه دا 

زين : وشك 

ليليان : لا اتعودت على كدا انا كنت بنضرب امر من كدا 

زين بغضب حاول يداريه : مين اللى كان بيضربك 

ليليان وهى بتعيط : عمى عاصم ويوسف وعمى شاكر احيانا..... عمى عاصم كل ما يشوفنى يضربنى بسبب او من غير سبب تصدق انا معرفش هو بيضربنى وبيكرهنى اوى كدا ليه .... ويوسف عشان بيحبنى عاوز يمتلكنى وانا مش بطيقه و عمى شاكر دا ساعات احسه طيب وساعات لا بس عموما هو ماشى وراة عمى عاصم مفيش حد حنين عليا الا جدتى 

زين قرب منها ومسك وشها بين ايديه : طول مانا موجود محدش يقدر يلمسك تانى انا ضهرك وسندك متخافيش من حاجة وانسى اللى فات 

ليليان : ياعنى انت مش هاتضربنى 

زين : انا عمرى ما مديت ايدى على واحدة ...... مابالك بقا بمراتى هامدها عليكى انتى 

ليليان : امال ليه دايما بتتكلم على العقاب 

زين بخبث : مش كل العقاب ضرب يبقا فى عقابات تانيه بتبقى زى العسل 

ليليان ضحكت جامد واول مرا تبان غمازة اللى خدها 

ليليان : ربنا يخليك ليا 

زين قرب منها وهمس بين شفايفها : ويخليكى ليا 

تليفونه رن 

زين بغيظ : الو يا زفت عاوز ايه مش انا لسه قافل معاك. 

مراد بضحك : هههههههه شكلى قطعت عليك عليا النعمه انا جدع وجامد 

زين بنرفزة : ماشى يا مراد اغلط كمان وانا هاعدلك كويس 

مراد : انا اللى غلطان ان اتصلت افكرك انك لغايه دلوقتى مبعتش اسم البنت 

زين بعد التليفون وعمل كتم للصوت 

زين : ليليان هو اسم صاحبتك سارة ايه ؟ ليليان ؟ 

زين شافها لاقها رايحة فى النوم باس راسها واتنهد 

زين : مراد بكرا هابقا ابعتلك اسمها فى رساله ... سلام 

زين اخدها فى حضنه ودفن وشه فى شعرها : معرفش حبيتك امتى بس انهاردا اتاكدت من كدا لما شوفتهم بيأذوكى غضبى كان هايحرقهم كلهم 

**************

فى. الشرقيه 

توحيدة دخلت على ايمان وهى بتكلم عبد الرحمن فى التليفون 

ايمان ارتبكت وقفلت السكه فى وشه 

توحيدة بغضب : هو انا منبهتش قبل كدا متكلميش الزفت عبد الرحمن دة

ايمان عيطت : يا ماما ليه بس ؟ عبد الرحمن ماله ؟ والله هو شخص كويس وبيحبنى ... دا انا قولت انتى الى هاتفهمينى 

توحيدة :. افهمك !!!....... لو نفترض انه شخص كويس مع انى اشك كملى بقا ابن مين ابن شاكر وعمه مين عمه عاصم ولا عيلته مين يابنت حسن 

ايمان : ملناش دعوة باهله انا عاوزة هو وبس 

توحيدة : وهو ولو اخر واحد فى الدنيا مش هاتخديه يا ايمان ومش هارجع فى كلامى فاهمه ولا لاه 

ايمان : ليه يا ماما دا لو بابا موجود مكنش عمل كدا بالعكس كان قعد معاه. 

توحيدة بحزن : ابوكى لو كان موجود كان قتلك وخلص منك ....... اوعى تكونى فاكرة انى ساكتلك وراضيه بالعكس انا كنت مكتومه وساكته خايفه من غضب ابوكى عليكى ..... واهو راجلك مات ومبقاش ليكى غيرى وانا لايمكن افرط فيكى لاى حد 

توحيدة خرجت وايمان عيطت جامد ودعت ربنا يهدى امها ويحنن قلبها عليها 

&&&&&&&&&

خلصت الحلقة  السادسة

ياترى سارة هاتطلع شخص كويس ولا لاه ؟

وليليان وزين علاقتهم هاتوصل لفين 

وياترى عبد الرحمن وايمان الى هايحصلهم لو عاصم وابوة عرف بعلاقتهم ؟

لو عجبتكم تفاعلوا ليصلكم باقي القصة

قصة عشق زين للكاتبة زينب محمد الجزء الأول 

الحلقة السابعة :

صباحا فى بيت الجارحى

زين بيحاول يقوم من غير ما ليليان تحس ...بس حست بيه قامت وعنيها كلها نوم

ليليان : هو احنا امتى ؟.

زين : احنا الصبح نامى ... نامى ومتروحيش الجامعه انهاردا شكلك تعبان

ليليان :. ماشى

زين : ليليان قبل ما تنامى ... اسم صاحبتك ايه بالكامل

ليليان : اسمها سارة عبد الله .......

*****************

فى الشرقيه

يوسف : بقولك الموضوع يخلص ومحدش يحس بيه .... اصلا فى العريش الامور مش متظبطه فى الامن ماشى

مجهول : متقلقش يا يوسف بيه الموضوع هايخلص وهاتسمع خبر الراجل دا .... مهما كان هو مين دا مياخدش فى ايدينا غلوة

يوسف قفل معاه ولف اتكلم مع ابوة اللى مستنيه بفارغ الصبر

عاصم : ها ؟ هايخلص امتى ؟

يوسف : يابابا الناس دى ليك انك تقولهم وهما عليهم امتى وازاى ملناش دعوة

شاكر دخل عليهم وهما سكتوا

شاكر : ايه سكتوا ليه ياعاصم انت وابنك

عاصم : لا سكتنا ولا حاجة .... دى امور عائليه بقا يا اخويا

شاكر : اه ..... وبعدين بقا ياعاصم فى البت المخفيه دى الموضوع بيزيد وبيطول ومحدش عارف هى فين

عاصم : والله انا مش ساكت حتى الواد يوسف قالب الدنيا عليا زى مايكون فص ملح وداب

شاكر : لو مكنتش امى بس كتبت كل حاجة باسم فارس وفارس استنصح وكتب هو كمان كل حاجة باسم بنته مكنش دا كله حصل

عاصم : بطل بقا تفتح فى ام السيرة دى كل شويه عفاريت الدنيا بتتنطط قدامى كل ما افتكر اللى حصل

شاكر : اعمل ايه ياعنى بلاش اتكلم مع حد ...... حتى ابنى ربنا مخيبنى فيه مش شايل الهم معايا زى يوسف ابنك ماهو شايله معاك

يوسف بخبث : احسن ياعمى عبد الرحمن قلبه ضعيف وطيب وبعدين دا دكتور فى الجامعه خليه هو فى شغله وانا معاكوا اهو مكانه ..... واول ما اوصل للبت هانجيبها ونجوزهاله على طول خليه نايم فى العسل كدا

عاصم ابتسم على ذكاء ابنه اللى قدر يثبت عمه ويسكته

*****************

فى القاهرة

زين فى عربيته رايح على الشركه وامرهم يطلع على مكان الاول قبل الشركه والمكان دا كان مخزن قديم

زين : الحيوان دا فين

واحد من رجاله زين : متكتف جوا وعمال يصوت زى النسوان

زين دخل لعمر لقاه مرمى على الارض ومتبهدل من كتر الضرب

عمر بغضب : انت مش عارف اللى عملته دا هايحصلك ايه بسببه

زين بتريقه : ايه اللى هايحصلى احكيلى كدا عشان اتخيل

عمر زعق : ابويا مش هاسيبك يا حيوان

زين عينه احمرت : انا حيوان !!!؟ وابوك مين دا اللى مش هايسيبنى ؟ طب تصدق والله لاجيب ابوك هنا قدامك ويشوفك وانت بتنضرب ياروح امك ويترجانى وانا هارفض ايه رايك ؟. بس لازم تتربى الاول بس على ايدى

زين قرب منه ومسكه من هدومه ووقفه : انت عارف قربت من مين ؟ انا اقولك قربت من مراتى ؟ عارف انا ممكن احرق اللى يبصلها ويفكر فيها ؟ عارف بقا انت عملت ايه انت مسكتها و ضربتها كمان لا وبتعترف وجرئ .... انت بقا متخيل انا هاعمل فيك ايه انت وابوك انا هاحرقكم مش هاخليكم تسوووا حاجة ... مفترى انا صح

زين قرب من ودانه : انا كل ما افكر اضربك مالقيش مكان اضربك فيه بس الصراحه رجالتى عملوا اللى عليهم وزيادة ..... انا مش هاضربك انا لايمكن اوسخ ايدى فى واحد زيك صايع وبعدين انا مش عيل علشان العب مع عيل زيك انا هالعب مع ابوك راجل وانا راجل

زين زقه على االارض ونادى على رجالته : الواد يتمنع عنه الاكل والشرب وابقوا سلموا عليه كل نص ساعه مثلا

*********************

فى شركه الجارحى

زين دخل الشركه والغضب لسه جوا واقسم انه هايعاقب كل الى غلط اليوم دا

سهيله شافته كدا وخافت وارتبعت منه منه : استر يارب

زين :اهلا سهيله هانم اهلا

سهيله : احم زين ب....

زين : هشششش اسكتى اسكتى خالص ..... بقا انتى يا حيوانه حد يتصل بيا يقول عاوزنى ضرورى تردى على لسانى ومن دماغك

سهيله : ياباشا حضرتك كنت فى اجتماع مهم وانا خفت اقولك تعاقبنى وتزعقلى .... ارجوك يا باشا انا غلطت سامحنى وبعد كدا لو غلطت تانى وكررتها عاقبنى زى مانت عاوز

مراد دخل وانقذ سهيله من غضب زين

مراد : زين عاوزك

زين : اخرجى ودا اخر انذار ليكى وخليكى فاكرة انتى اللى حكمتى على نفسك

سهيله خرجت بتتنفس : الحمد لله يالهوى كنت هاموت الحمد لله عدت على خير

عند مراد وزين

مراد : انا سالت على البت دى وهى كويسه مفيش عليها اى غبار وامها بتشتغل فى مدرسه وابوها محاسب فى دبى وواخد اخوها معاه .... الدنيا تمام متقلقش

زين :تمام كدا .... عملت ايه فى موضوع الليثى

مراد : انت مقرتش الجرايد اسهم شركاته وقعت فى الارض

زين : ملحقتش كنت بصبح على ابنه

مراد: تلاقيه جاى دلوقتى يترجاك على ابنه عمله

زين : انا مبعملش كدا عشان حد يترجانى انا بعمل كدا عشان ابنه غلط مع اللى مينفعش حد يغلط معاها وبعدين ابنه مش متربى فقولت اتولى المهمه دى واربيه انا

مراد : ههههههههه ياجدع اقنعتنى والله

سهيله خبطت ودخلت : زين باشا رجل الاعمال محمد الليثى عاوز حضرتك ضرورى

زين : خليه يدخل

مراد: العب يا كبير

زين : طيب طير انت بقا ... علشان العب براحتى .

الليثى دخل وكان مرتبك ومش عارف يقول ايه .....زين الجارحى مش ممكن يسامحه ابدا ولا هو ولا ابنه

محمد الليثى : باشا انا جاى اعتذرلك على اللى عمله ابنى اعتبره عيل وغلط

زين: اممممممم اعتذراك مقبول

محمد الليثى بفرحه : بجد يا باشا ده ولد صايع تلاقيه بس ميعرفش انها مرات حضرتك

زين : يعرف ولا ميعرفش مش فارقه ..... بس قولى انت جاى عشان افرج عنك ابنك وارحمه من اللى بعمله فيه ولا عشان الاسهم بتاعت شركاتك اللى وقعت .... بس مظنش انك تفكر فى مصلحه ابنك ... انت لو بتفكر للحظه فى مصلحته مكنش دا بقا حاله

محمد الليثى : ياباشا العقاب شديد اوى عليا وعلى ابنى

زين : لا بالعكس انا شايفو عادى جدا .... طب اقولك انا ممكن درجات العقاب عندى توصل للقتل بس انا مرضتش حرام دا شاب بردوا وزى مانت قولت صايع وعاوز يتربى ... وانا ربيته بما فيه الكفايه

محمد الليثى : بس ياباشا.....

زين : خلاص المقابله انتهت واللى عنده قولته فرصه سعيدة

محمد الليثى بغل : انا اسعد ياباشا .... متشكر

زين بابتسامه صفرا : لا العفو على ايه بس

*****************

فى بيت الجارحى

ليليان : صباح الخير يا دادة

دادة سميحه : هههههه صباح الخير ايه يس قولى مساء الخير دا كله نوم

ليليان : مش عارفه جسمى متكسر ... يمكن من جو الاكشن اللى عشت فيه امبارح .... هو زين فين

دادة سميحه : زين خرج من الصبح راح الشركه

ليليان : طيب هاروح اذاكر بقا شويه .... الا قوليلى يا دادة هو انتى معاكى تليفون اعمل مكالمه

دادة سميحه باستغراب : عاوزة تكلمى مين ؟

ليليان: هاكلم سارة صاحبتى هاشوف عملت ايه فى الجامعه انهاردا

دادة سميحه : امممم خدى اهو

ليليان: شكرا يا دادة

ليليان اخدت التليفون وراحت طلعت الكتاب اللى سارة كاتبلها فيه رقمها واتصلت بيها

سارة : الو

ليليان : الو ازيك يا سوسو

سارة : ليليان يخربيتك بتكلمينى من فون مين اوعى يكون المز

ليليان : ههه‍هههه لا ياختى مش المز لسه مجاش .... دا تليفون دادة سميحه

سارة : الله عندكو دادة زى الناس الاغنيا هههههههههه

ليليان : ههههههههههعه والله انتى هبله.... قولى انتى عملتى ايه فى الكليه انهاردا

سارة : عملت كل خير ومادة الدكتور نادر مسكها دكتور ارخم منه وقال ايه ياختى عاملين امتحان فيها بكرا

ليليان : يادى النيله ....انا مفهمتش حاجة فى المادة دى امتحان ايه بس

سارة : بقولك ما تكلمى زين يكلمهم يلغى الامتحان.... لا اقولك كلميه يلغى المادة اصلا

ليليان : انتى هبله ههههههههه يلغى ايه بس

سارة : اشطا خلينا نسقط هههههه دا حتى السقوط جميل ولذيذ

ليليان بضحك : ههههه انتى بتضحكى ولا همك حاجة

سارة : ياختى اضحكى محدش واخد منها حاجة

ليليان: صح... انا هاقفل واشوفك بكرا فى الامتحان

ليليان قفلت التليفون لفت لقت زين واقف وراها حاطط ايدة فى جيبه

زين : كنتى بتكلمى مين ؟

ليليان اتوترت من موجودة المفاجئ : كنت بكلم سارة بسألها على المحاضرات

زين : اممممممم وجبتى التليفون منين

ليليان : تليفون دادة سميحه

زين : طب وكلمتيها ليه مش منبه عليكى هاسأل عليها الاول

ليليان : وسألت ؟ كويسه صح ؟ والله هى طيبه وجدعه

زين : امممم كويسه

ليليان : الحمد لله اكلمها عادى صح

زين : اه صداقه جامعه وبس يا ليليان

ليليان : اه طبعا انت هاتقولى صداقه جامعه وبس

زين : طيب عندك امتحان بكرا

ليليان : اه امتحان فى مادة وحشه كدا معرفش متسربعين على ايه

زين : بعد العشا تعالى على المكتب اشرحلك فيها علشان تعرفى تنجى فيها.... انا مش هاقبل بالسقوط ابدا

ليليان : ولا انا على فاكرة سقوط ايه بس وانا بتاعت الكلام دا

زين : اه منا واخد باللى

****************

فى ملهى ليلى

مراد : ايه دا يا كوكو الحلاوة دى انتى شقلبتى المسرح رقص

كوكو واحدة بترقص فى البار : ههههه‍هههه عسل يامراد باشا

مراد : والنبى انتى اللى عسل مش يالا بينا ياقمر بقا

كوكو : اه يالا طبعا..... الا قولى يا باشا هو زين باشا مش هاتجيبوا معاك مرة

مراد : هههههههه لا زين ايه بس ... زين الجارحى مالوش فى الشمال

كوكو : وانت ليك بقا فى الشمال يا باشا هههههه

مراد : ههههههه انا ليا فى الشمال واليمين .... انا ليا فى كل حاجة

مراد اخدها وركب عربيته وهو ماشى لمح بنت بتجرى من مجموعه شباب وقف العربيه ونزل راح ناحيتهم والبنت جريت عليه واستخبت فى ضهرة

واحد من الشباب:. احسنلك سيبها هى كدا دخلت عداد فى الموت

مراد : عداد موت ... واحسنلى .... انت عارف الاول بتكلم مين يا توتو

واحد من الشباب: طب عرفنا يا شبح

مراد طلع مسدسه وضربه فى رجله : عرفت يا توتو

كلهم جريوا واخدوا صاحبهم وخافوا منه

مراد لف ومسك ايديها وراح عند عربيته : اركبى

البنت بصت فى العربيه لقت واحدة قاعدة افتكرت انها مراته: ماشى هاركب شكرا

البنت دى كانت سارة صاحبه ليليان

سارة: احم انا متشكرة جدا

مراد : العفو .... بعد كدا متمشيش فى شوارع ضلمه وفى وقت زى دا

سارة : احم ماشى .... ممكن حضرتك توصلنى لاى اقرب شارع عمومى وانا هاكمل

مراد : لا قولى عنوانك فين انا هاوصلك

سارة : لا والله حضرتك كتر خيرك وعلشان معطلكش انت والمدام

كوكو : اووووف طيب يالا ياختى انزلى ضيعتلنا الليله

مراد: اخرسى يا حيوانه ... انتى مين اذنلك تتكلمى اصلا

كوكو : يالهوى انت بتقلب فى ثانيه ليه اهو انا مبحبكش علشان القلبه دى مالكش امان

مراد وقف العربيه

مراد بحدة : طب انزلى بقا يا روح امك مش عاوز اوريكى القلبه اللى بجد

كوكو وهى نازله : ياخويا انت حر انت الخسران

سارة : احم هو انت ازاى تسمح انها تنزل كدا ... انا السبب اناوعملت مشكله بينكم ... روح نادى على مراتك وانا هانزل

مراد استغرب : مراتى ايه دى واحدة شاقطها .

سارة مصدومه: شا... ايه يا عنيا

مراد : قطها .....شاقطها

سارة : اه يا سافل يا قليل الادب شاقط واحدة ومخلينى اركب معاك وعاملى فيها شهم ايه كنت عاوز اقضى معاكوا الليله

مراد باستفزاز : لو انتى موافقه معنديش مانع .

سارة بغيظ : لا فعلا معنديش... طب تعال بقا .

سارة مسكت مراد من رقبته وعضته فيها جامد

مراد حس بوجع فى رقبته: اه يابنت العضاضه سيبى

سارة سبته وخرجت من العربيه جريت باقصى سرعتها

مراد : اه يابنت العضاضه دى ورمت هو يوم اسود اصلا .... اكيد زين اللى باصصلى فيه

*****************

فى بيت الجارحى

ليليان خبطت ودخلت المكتب لقت زين قاعد وقدامه اوراق بيرجعها

ليليان : ممكن ادخل ؟

زين : مانتى دخلتى اصلا مالوش لزمه تستأذنى

ليليان محروجه منه : احم هى عادة فيا معلش استحملنى

زين قام من على المكتب راح عندها ومسك ايديها واخدها وقعدها على كنبه صغيرة تاخد شخصين وقعد جنبها

زين : ادينى الكتاب

ليليان ادته الكتاب وكانت متوترة جدا علشان قاعدة جنبه بالطريقه دى وفى نفسها : يا نهار اسود هاركز فى كلامه انا ازاى دلوقتى

زين بضحك : متخافيش هاتركزى ههههههههه

ليليان مصدومه : انت سمعت ؟!

زين شدها لحضنه ولف ايدة حواليها وبايدة التانيه مسك ورقه وقلم وبدء يشرح طبعا زين كان قاصد يخليها تتوتر وهو فرحان بقربها منه

ليليان فى الاول مكنتش مركزة بس بعد كدا حاولت واخدت على الوضع وفهمت كويس منه

بعد فترة

زين : ها ؟ فهمتى حاجة ؟

ليليان : اه طبعا فهمت .. بجد انت شرحك جميل ... هو انت ليه مبقتش دكتور فى الكليه

زين : علشان انا مش عاوز ابقا دكتور

ليليان : انت غريب بجد فى حد ميحبش يبقا دكتور فى الجامعه

زين : اه فى انا...... زين الجارحى

ليليان : هههه مغرور اوى

زين : عادى .. مش غرور

ليليان : انت بتخاف تضحك

زين : انتى ليه بقيتى تسالى كتير ... يالا علشان تشربى اللبن وتنامى

ليليان : يالهووى عليا وعلى اللبن فى يوم واحد

زين بحدة : ليليان

ليليان :سكت

*****************

ليليان : زين ممكن تليفونك اتصل بسارة .. نسيت اسالها الامتحان الساعه كام

زين قاعد جنبها على السرير: هاتكلميها دلوقتى ... الوقت اتأخر

ليليان : لا عادى بتسهر

زين : انتو اتصاحبتوا لدرجه انك عرفتى انها بتسهر

ليليان بضيق : خلاص مش عاوز اكلمها

زين : خدى كلميها

ليليان اتصلت على سارة

سارة بتنهج من الجرى : الو

ليليان:سارة مالك بتنهجى ليه كدا

سارة : اصل روحت اجيب لماما دوا من الصيدليه

ليليان : دلوقتى .... الوقت متأخر

سارة : اعمل ايخ كنت لازم انزل وفى شباب جريوا ورايا وفى واحد انقذنى منهم وكنت بحسبه محترم طلع قليل الادب البجح بيقولى فى وشى انه شاقط واحدة

ليليان : نهار اسود وعملك حاجة

سارة : لا متخفيش عضته وجريت غاظنى اوى بس ايه. امور موت خسارة فى الشقط

ليليان : ههههههه مجنونه الحمد لله انك كويسه .... كنت عاوزة اسألك الامتحان دا الساعه كام

سارة : الساعه ٢

ليليان:. ماشى اشوفك بكرا باى

ليليان ادت التليفون لزين

زين : فى ايه مالها صاحبتك

ليليان حكتله وزين ساكت مبيردش عليها

ليليان : لا انت مبتخافش تضحك وبس لا انت بتخاف تتكلم كمان

زين : اممممم بخاف على بوقى يوجعنى

ليليان : لا بجد اتكلم زينا زى الناس العاديه دى حتى فى رياضه اسمها رياضه الكلام

زين: امممم طب تعرفى من وقت ما عرفتك وانا بتكلم كتير

ليليان بفخر : طيب كويس علمتك حاجة ههههه

زين شدها لحضنه : تعالى نامى بقا مش كل شويه اصحى من النوم على صوت كوابيسك دى

ليليان : اسفه مش بايدى الكوابيس دى

زين : نامى وبطلى اسف وشكر كتير

******************

فى الجامعه تانى يوم

سارة: لا قوليلى بجد انتى بتذاكرى من ورايا ازاى حليتى كدا

ليليان : هههههههه والله دا زين اللى شرحلى

سارة : طيب زين دا ليه ميبقاش دكتور ويشرحلنا دا يبقا شرح زى العسل بس تصدقى ممكن نسقط بردوا هانركز فى حاجات تانيه

ليليان اتخيلت زين واقف بيشرح بوسامته وهيبته وشعره اللى بيجننها حست نار فى قلبها : لا كدا احسن خليه بعيد احسن

سارة : اوووو الله اكبر ايه دا ليليان هانم شايفه بتطلع قلوب من عنيها

ليليان : ههههههه مجنونه وربنا عليكى كلام

سارة : اه ياختى اضحكى ليكى حق ..... هو انا مش هاقع على واحد زى زين الجارحى

ليليان بخفوت : تؤتؤ زين الجارحى واحد وبس

**************

فى شركه الجارحى

زين : تمام كدا ياعلى اظن احنا متفقين على البنود

مراد : بس اهم حاجة عندنا الالتزام بمواعيد والبنود

على الباشا رجل اعمال: عيب يا مراد مش على الباشا الى يتقاله كدا

فى الوقت دا ليليان خبطت ودخلت

زين بصلها بحدة علشان دخلت ولقى على بيبصلها اوى

زين بحدة : فى حاجة يا على شايفك بتبص جامد

على الباشا : لا يا زين باشا دا انا ببص على الجمال الربانى دا .... اصل ياباشا الجمال ربنا خلقه علشان نتأمله

مراد بخفوت : الله هاتولع

ليليان اتحرجت جامد ووشها بقا احمر

زين باصلها تخرج وخرجت فعلا وزين قام ولف وراح عند على

زين شدو من قميصه: حسك عينك اشوفك بتلمحها بطرف عينك هانسى اى حاجة ولا شراكه ولا حتى معرفه قديمه

على الباشا : اهدى بس يا زين هى تخصك فى ايه مش دى سكرتيرتك بردوا

زين فهم انه شافها قبل ما يدخل

زين : لا هى مش سكرتيرتى .... هى مراتى

على الباشا بضيق : انت اتجوزت مبروك .. مكنتش اعرف انها مراتك

زين زقه على الكرسى : اديك عرفت

************************

فى الشرقيه

توحيدة : ايمان شوفى مين بيخبط

ايمان : حاضر

ايمان فتحت : عبد الرحمن ايه اللى جابك

عبد الرحمن : ممكن ادخل اقابل مامتك

ايمان فتحت الباب علشان تدخله : ماما تعالى

توحيدة : فى ايه مين اللى جاى

عبد الرحمن : انا يا حجه ممكن ادخل ؟

توحيدة بضيق : تعال يابنى اتفضل

دخلو الصالون

توحيدة : ايمان اعملى شاى

ايمان بارتباك من زيارة عبد الرحمن : حاضر يا ماما

توحيدة بتنهيدة : خير يابنى

عبد الرحمن : انا عارف انك مش طايقنى .... بس انا مخترتش اهلى يا حجه انا عارف انك مش بتحبيهم وليكى حق بس مش لازم كلهم يبقوا شياطين زى ما كان فيه ليليان طيبه وهى من نفس العيله وعمى فارس الله يرحمه وجدتى فى انا كمان والله يا حجه انا بحب ايمان اوى ياحجه ايمان دى حبى دى كبرت على ايدى انت ليه عاوزة تحرمينى منها لمجرد ان ليا اب وعم تفكيرهم فى الفلوس انا ماليش دعوة بيهم صدقينى انا شاريها والله وعندى استعداد احارب الكل علشانها

الحجه توحيدة : كلام جميل اوى ... والكلام دا مجتش تقوله لابوها ليه لما كان عايش ليه استنيت لما مات

عبد الرحمن : اقسملك بالله ان كان كل تفكيرى ان اساعد ليليان واخلص من موضوعها وكان عندى امل ان ابويا ينسى الفلوس بهروبها بس للاسف منسيش ....يا حجه انا اللى هربت ليليان ليله كتب الكتاب وجبتها على هنا لعم حسن .... وايمان عارفه دا كويس ... والله بتمنى ان ليليان تفضل هربانه اهو تبعد عن القرف اللى هنا

توحيدة : اهو اديك قولت قرف وزفت وحقد انا ايه اللى يخلينى اوافق على جوازك من بنتى

عبد الرحمن : اللى يخليكى توافقى حبى ليها ولو كان على القرف احنا مش هانعيش هنا. احنا هانسافر انا وايمان وانتى امريكا انا مقدم على بعثه وانشاء الله يوافقوا

توحيدة قلبها رق علشان شافت الحب فى عنيه ولهفته فى الكلام وانه عاوز يقنعها باى طريقه

توحيدة :طيب تقدر تقولى هاتقنع ابوك ازاى هو وعمك

عبد الرحمن : انا راجل مش عيل علشان استنى موافقه ابويا انا اصلا مش هاقوله ولا هاعرفهم حاجة مش عاوز حاجة تمنعنى عن ايمان.... بس امى عارفه وموافقه وهتيجى معايا وقت كتاب الكتاب انشاء الله لو وافقتى

توحيدة كلام عبد الرحمن عاجبها : طيب ادينى فرصه افكر وارد عليك

عبد الرحمن : ربنا يخليكى ياحجه ... وصدقينى مفيش حد هايحب ايمان زى .... وزى ما ليليان قطعت علاقتها معاهم انا كمان هاقطعها

عبد الرحمن مشى وايمان جت جرى على امها : شكرا يا ماما انك ادتيله فرصه وسمعتيه

توحيدة بهدوء : بتحبيه يا ايمان

ايمان : ياااااه ياماما بحبه بس ... انا كبرت على حبه ليا والله هو طيب اوى ومش ذنبه ان له اهل زى دول

توحيدة : هاعمل استخارة واقولك قرارى

ايمان بفرحه : ماشى يا ماما

******************

يوسف كان نازل من عند توحيدة وفرحان لانه حس ان توحيدة مالت لكلامه واتفاجئ من وجود يوسق تحت البيت

تيوسف : ايه يا عبد الرحمن كنت بتطمن على الحجه توحيدة ولا على ايمى

عبدالرحمن : اخرس متجبش اسمها على لسانك الوسخ دا .... مالكش دعوة بيها احسنلك

يوسف : ماشى ياعم الغيور

عبد الرحمن : انا ماشى من وشك

عبد الرحمن مشى ويوسف فى سرة : انا سايبك بمزاجى يا عبد الرحمن الكلب علشان لما الهانم تظهر تبقا لوحدى وبس

****************

فى شركه الجارحى

ليليان : زين باشا انا خلصت

زين : هو انا مش قولت قبل كدا بلاش باشا دى

ليليان لقته متنرفز حبت تهدى الوضع : حاضر بشمهندس زين

زين : يالا انا هاخدك تروحى معايا انا مشيت كريم من زمان

زين اخدها ووقفوا فى الاسانسير وليليان عماله تاكل فى شفايفها ودى عادة فيها لما بتوتر وهو مش على بعضه

زين زقها وسندت على المرايه وقرب منها باسها باسها بغل كل ما يفتكر كلام على الباشا عليها ليليان حاولت تاخد نفسها مش عارفه

ليليان : اه زين اوعى ... ابعد

زين بعد شويه وبعصبيه : اياكى اشوفك بتعملى الحركه الزفت دى تانى

ليليان هزت راسها وقلبها بيدق بعنف منه

**************

مساء فى بيت الجارحى

على السفرة

زين : عملتى ايه فى الامتحان

ليليان بخفوت : الحمد لله

زين : كويس

ليليان حاطه وشها فى الطبق ومش عارفه ترفع وشها

زين : ارفعى وشك

ليليان رفعت وشها وزين باصلها لقى شفايفها ورامه وحمرا فضل باصص عليهم وبيتنفس بصعوبه وليليان اتكسفت وعملت نفس الحركه لا اراديا

زين بحدة : قومى نامى

ليليان : ها ؟

زين بنرفزة: بقولك قومى من وشى

ليليان عيطت واتنرفزت : هو انت كل شويه تعاملنى كدا وتتعصب عليا.... انت غريب بجد ..... بص انا مخاصمك مش تكلمنى

زين :نعم.... ايه مخاصمك دى ؟!!.

ليليان عيطت : مخاصمك يا زين واياك تيجى ورايا واياك تقولى اشربى اللبن وربنا مانا شاربه بس ها.

وجريت وراحت على الاوضه ونامت على السرير وقعدت تعيط هى ليه مش فاهمه هو ليه كدا ليه بتحسه فيه حنيه الدنيا كلها وليه بتحسه قاسى وقلبه حجر وجارح زى اسمه بالظبط

***********

تانى يوم

فى الجامعه

ليليان : سارة انا هامشى بقا اتأخرت على الشركه

سارة : ماشى روحى انتى ومتنسيش تفكرى نخرج مع بعض يوم

ليليان : ماشى هافكر وارد عليكى

*************

فى الشركه

ليليان : انسه سهيله بشمهندس زين جوا

سهيله بسخريه : اه موجود ادخلى ... انتى هاتتبسطى اوى

ليليان بصتلها من فوق لتحت : مجنونه دى ولا ايه

خبطت ودخلت لقت واحدة واقفه جنب زين وبتتكلم فى شغل ايه دا لحظه دى بتتكلم فى شغلها مين دى

ليليان : بشمهندس زين

زين : اهلا يا ليليان

ليليان بصت على الواقفه جنبه باستفهام

زين بابتسامه : دى نورا سكرتيرتى الجديدا

ليليان : احم ..مكان سهيله

زين : لا مكانك انتى

ليليان : امال انا هاروح فين

زين : انتى مرفودة.

ليليان برقت مصدومه: نعم ... مرفودة ؟!

زين ببرود : اه ... استغنيت عن خدماتك .

ليليان : استغنيت عن خدماتى ... انت بتهزر يا زين .

زين : وانا اهزر معاكى ليه يا هانم ....... وبعدين اسمى بشمهندس زين

بعدها زين جاله تليفون ورد عليه ووقف واداها ضهرة وقعد يتكلم ونورا قعدت تبص لليليان بتهكم واضح

ليليان واقفه دموعها نازله فى سرها : استغنيت عن خدماتى ورفدنى مستنيه ايه تانى يا ليليان لا لا لازم امشى انا مش هاتزل تانى ولا انت هاتشوف وشى تانى يا زين حتى لو رجعت لاهلى

وجريت تعيط ونزلت شارع

لقت كريم فى وشها : مالك ياهانم ... حضرتك كويسه

ليليان بصتله : انا مش هانم ومالكش دعوة بيا اللى مشغلك رفدنى تقدر ترتاح

ليليان مشيت فى شارع بتعيط :

كان لازم تفهمى يا ليليان

بعد موت عم حسن ان الدنيا بتديكى انذااار مفيش حد هايفضل جنبك للابد ... واهو زين كمان استغنى عنك

 

لتصلكم  باقي القصة علق ب20 ملصق

قصة عشق زين للكاتبة زينب محمد الجزء الأول

الحلقة الثامنة:

فى شركه الجارحى

زين : سهيله ..... ليليان فين ؟.

سهيله :معرفش خرجت وقالت هاتروح الحمام

زين: ماشى لما تيجى دخليها على طول .

سهيله : اوك

سهيله خرجت ونورا قابلتها فى وشها

نورا : ليه قولتيله انها راحت الحمام ؟

سهيله بمكر : فتحى دماغك دى معايا اصل مش ناقصه .... عاوزنى يا ابله اروح واقوله دى خرجت معيطه علشان يجرى وراها

نورا : اه يا لئيمه انتى عاوزة تكسبى وقت تكون هى مشيت وغارت فى داهيه

سهيله : ايوة الله ينور عليكى فتحى دماغك الحلوة دى معايا .

********************

فى الشارع

ليليان ماشيه تايهه مش عارفه هى رايحة فين ولا اصلا هى فين حست بوجع الوحدة والخوف .... الخوف مالى قلبها طيب تعمل ايه تروح فين عقلها مش ساعفها ولا عارفه تفكر كل اللى هى بتفكر فيه كلام زين ليها

سارة فاجأه جت قدامها وافتكرت انها حفظت رقمها

راحت عند كشك صغير وطلبت منه تعمل مكالمه تليفون

ليليان : لو سمحتى عاوزة اعمل مكالمه ضرورى

صاحبه الكشك : اتفضلى يابنتى

ليليان : الو

سارة : ليليان ؟. ايه دا كل شويه ارقا... ايه دا هو انتى بتعيطى

ليليان عيطت: تعااليلى يا سارة انا محتاجكى اوى

سارة : طيب انتى فين ؟.

ليليان سألت صاحبه الكشك على مكانها وقالت لسارة

سارة : مسافه السكه متخافيش .

*****************

فى شركه الجارحى

زين : اهلا بالباشا انت فين من امبارح.

مراد : راحت عليا نومه

زين : والله انك بارد ...وكمان ..

زين لاحظ العضه اللى فى رقبه مراد

زين : نهارك اسود انت وصلت للمرحله دى .

مراد باستغراب: مرحله ايه؟!!!.

زين : ايه دا اللى فى رقبتك دا يا استاذ

مراد حط ايدة على العضه : اه مش تفكرنى .... دى نار قايدة فيها.....بتوجع اوى

زين اتعصب من برودة : انت اتجننت يامراد ازاى تسمح لواحدة تعمل معاك كدا انت مبقتش تركز ولا ايه فوق لنفسك من القرف اللى انت فيه

مراد: براحه يا زين .... انت فاهم ايه دا انا اتخانقت مع بنت واخدتنى على خوانه وعضتنى بنت ال ... لو اشوفها بس

زين : مين دى اللى اتخانقت معاك ... وازاى تاخدك على خوانه وبعدين ايه دا طب البس حاجة تدارى الفضيحه دى

مراد: موضوع كدا هابقا احكيهولك بعدين.... وبعدين محدش له عندى حاجة براحتى البس اللى يعجبنى

زين ومراد بيتكلم افتكر ليليان اللى اتأخرت قام وقف مرة واحدة

زين زعق : سهيله

سهيله دخلت على صوته : ايوا يا افندم

زين : ليليان فين

سهيله : احم معرفش مجتش .

زين طلع يجرى ونزل تحت الشركه وسأل الحراسه : كريم فين

واحد من الحراسه : كريم مشى اخد المدام وروحها

زين نوعا ما بقا اهدى شويه : طيب اطلع على البيت

مراد : زين فى ايه جرتنى وراك ... رد عليا

زين : مراد انا لازم امشى كمل انت مكانى

مراد : ليه هى ليليان فين؟.

زين : رفدتها .

مراد: ايه.... رفدتها ليه وازاى وامتى

زين : بعدين بقا .... سلام

*********************

عند سارة وليليان

سارة : تعالى يابنتى متتكسفيش... ماما مش موجودة بتزور صاحبتها وهتتأخر

ليليان بتعيط وعينها ورمت ومبقتش عارفه تاخد نفسها كويس

سارة : اهدى يا حبيبتى كدا هايجرالك حاجة علشان خاطر ايه دا كله

ليليان :ياريت يجرالى حاجة انا بقيت اكرة نفسى

سارة : لا اخص عليكى متقوليش كدا دا انتى اختى وحبيبتى وربنا يعلم من اول يوم شوفتك فيه وانا حبيتك اوى

ليليان : وانتى كمان كدا والله ... بقيتى اكتر من اختى. علشان كدا فكرت فيكى اول واحدة

سارة : ها؟ احكيلى فى ايه ؟

ليليان : زين رفدنى واستغنى عن خدماتى

سارة : ايه طيب ازاى .... اقصد عملتى حاجة غلط مثلا

ليليان : لا يا سارة معملتش اتفأجت لما دخلت بواحدة معاه ولما استفهمت لقيتها سكرتيرة الجديدة مكانى وقالى استغنيت عنك ورفدنى

سارة : طيب ايه مقالكيش اسبابه

ليليان : مستنتش جريت ومشيت اتخنقت

سارة : ليه مستنتيش تعرفى اسبابه ايه ...ليه مشيتى بسرعه

ليليان : لا طبعا ... عاوزة يقول ايه عليا ضعيفه ... دا كان بيكلمنى بطريقه وحشه جدا .... انتى عاوزنى استنى واروح البيت ويقولى انتى طالق

سارة : لا انتى خفتى تروحى يقوم يطلقك خفتى يسيبك

ليليان : انا مكرهتش فى حياتى قدة ..... انا عمرى ما هارجعله وكل اللى انتى بتقوليه غلط ف غلط انا مروحتش علشان مينفعش يفضل يكسرنى اكتر من كدا

سارة : هو كان كسرك قبل كدا فى ايه...؟

ليليان اتعصبت : سارة انا ليه حاسه انك بتدافعى عنه .... لو سمحتى هى ليله هاقضيها عندك وارجع على الشرقيه

سارة: يالهوى ترجعى لاهلك يا ليليان .... ترجعى بعد كل اللى حكتهولى .... ترجعى بعد ماقدرتى تهربى تروحى برجلك تانى

ليليان بشجاعه مزيفه : محدش فيهم يقدر يقربلى ..... وبعدين انا خلاص تميت السن القانونى وورثى بقا بتاعى محدش يقدر يمضينى على حاجة حتى لو كان على موتى

سارة : ماهما هايموتوكى فعلا علشان يورثوكى ....اهدى كدا امسحى دموعك دى وتعالى نامى شويه ولما تصحى قررى هاتعملى ايه وانا معاكى فى اى حاجة

*********************

فى بيت الجارحى

زين : دادة سميحه

دادة سميحه : اهلا يابنى امال فين ليليان

زين : ليليان!!!! .. هى مجتش

دادة سميحه : لا يابنى مجتش. وقلقت عليها بس قولت اكيد معاك

زين اتعصب وطلع تليفونه وجاب رقم كريم

زين : الو

كريم : ايوا يا باشا

زين بحدة : ليليان هانم فين ؟ وانت فين ؟

كريم : طلعت منهارة من الشركه بعد ما وصلتها بربع ساعه ولما سألتها انتى رايحة فين زعقتلى وقالتلى انك رفدتها واصرت تمشى لوحدها وانا والله حاولت الحقها بس ضاعت منى واختفت

زين بحدة : ومتصلتش ليه

كريم : تليفونى باظ والله ياباشا وبصلحه

زين قفل معاه واتصل على مراد

مراد : ايه يا زين ؟.

زين : بسرعه ادينى عنوان سارة صاحبتها

مراد : سارة مين !!!.... اه صاحبه ليليان طيب اقفل هابعته فى مسج

**************

عاصم : اخيرا ظهرتى يابنت فارس لا وايه جايه برجليكى .

ليليان بعصبيه : مالكش دعوة بيا .. محدش له دعوة بيا واييااااك تفكر تضربنى تانى

عاصم : لا وايه كمان ايه جايه بتخربشى . ..... انا مبسوط اوى انا انهاردا اسعد يوم فى حياتى دا ليله ليلتك انهاردا..... يوسف انت مش كنت عاوزها براحتك اهى عندك عاوز اسمع كل خير

عاصم خرج وليليان خافت وعرفت انها اكبر غلط عملته فى حياتها انها فكرت ترجع

يوسف : اخيرا يا ليلو جتيلى .... انتى جيتى علشان بتحبينى صح

ليليان : انا بكرهك ومبكرهش حد قدك

يوسف : وانا بحبك وبموت فيكى وبتمناكى فى كل لحظه تعالى يا قلبى

ليليان : ابعد هاموتك يا يوسف لو قربت منى

يوسف مسكها وقلعها طرحه وفضل يقطع فى هدومهاوهى بتصرخ جامد

ليليان : الحقونى

ليليان بتصرخ جامد : زييييييييييين

ليليان فاقت مرة واحدة وسارة بتهديها

سارة : اهدى يا ليليان دا اكيد كابوس

ليليان بتاخد نفسها : كابوس وحش اوى يا سارة

.. اكيد ربنا بيدينى انذار علشان مروحش لاهلى

فى الوقت دا رن جرس الباب

سارة : هاروح افتح تلاقيها ماما ونسيت المفتاح كالعادة

سارة فتحت اتفأجت بزين واقف قصادها

زين : ليليان فين ؟

سارة : احم اتفضل حضرتك

زين : ميصحش ادخل ومامتك مش موجودة ... لو سمحتى قولى لليليان تجهز علشان نمشى

ليليان خرجت مندفعه : انت عاوز ايه ها .... انت مش رفدتنى خلاص خلصنا كل واحد فى حاله ..

زين ببرود: البسى طرحتك كويس وهاستناكى تحت .. متتأخريش

وسابها ونزل وليليان اتغاظت من برودة فى سرها : ايه يا ليليان مستنيه يصالحك ببوكيه ورد

سارة : ليليان خدى نصحيتى ليكى روحى معاه واسمعى كلامه واحكمى عليه

ليليان بنرفزة : شوفتى جاى يكلمنى ازاى

سارة : معلش..انتى لو اتأخرتى ثانيه هايطلع وهايطربقها على دماغنا

ليليان حست ان كلام سارة صح زين وقت غضبه بيتحول تماما

فى بيت الجارحى

زين بصوت جهورى : انتى ازاى تسمحى لنفسك انك تمشى من دماغك كدا ايه مالكيش راجل.

ليليان : مش انت اللى قولتلى مستغنى عنك

زين : انتى مجنونه انا استغنيت عنك فى الشغل مش فى حياتى شغلى حاجة وحياتى حاجة

ليليان : لو اللى انت بتقوله صح .... كنت المفروض تفهمنى تقولى مش عاوزك فى الشغل وتقولى اسبابك ... انت عاملتنى وحش اوى يا بشمهندس زين

وقالت كلامها الاخير بتريقه

زين بنرفزة : انا معملتكيش وحش دى طريقتى وانتى عارفه كدا كويس ..... ومش زين الجارحى اللى بيوضح اسباب لحد

ليليان زعقت : وانا مش جاريه عندك

زين بحدة : الزمى حدودك علشان لو غضبى طالك هتخافى منى

ليليان بصريخ: بطل تهددنى بقا

زين خرج من الاوضه قبل ما يعمل حاجة ويندم عليها وراح اوضه الرياضه يطلع غيظه فيها احسن

*****************

فى الشرقيه

توحيدة : ايمان هاتى رقم عبد الرحمن

ايمان : احم ماما هو انتى خلاص قررتى

توحيدة : ايوا وهاتسمعى وانا بكلمه

توحيدة اتصلت على عبد الرحمن

عبد الرحمن : الو

توحيدة : ازيك يابنى

عبد الرحمن بفرحه : اهلا يا حجه ها؟ قررتى ؟

توحيدة : ايوا يابنى انا موافقه .. بس لسه موافقه قريبى االلى فى سعوديه زين هاتصل بيه ينزل فى اى وقت

عبد الرحمن : براحتك ياحجه المهم موافقتك.

توحيدة : لا المهم موافقه قريبى دة دا الكل فى الكل

عبد الرحمن : تمام ... ممكن ابقا اجيب امى وتقعد معاكوا شويه

توحيدة بتنهيدة :. ماشى يابنى تشرف فى اى وقت

*****************

عند عاصم ويوسف

عاصم : ها ؟ الراجل دا متصلش

يوسف : لسه مستنى اتصاله اهو

تليفون يوسف رن

يوسف : الو عملتوا ايه ؟

: اتصاب ونقلو العنايه المركزة

يوسف : هو انت باعتلى واحد حمار مش عارف الفرق بين الاصابه والموت

: متقلقش الامور تعدى ..... وهو فى المستشفى هانخلص عليه

يوسف : عاوز اسمع المرة الجايه كل خير علشان مزعلكش

يوسف قفل معاه وقعد متنرفز

عاصم : ابن الكلب هرب حتى من الموت ... يوسف عزت لو فاق هانروح فى داهيه

يوسف : متقلقش يابابا ... لو هما مش عرفوا هاروح بنفسى واخلص عليه

******************

فى بيت الجارحى

زين بيلعب رياضه وكانه بينتقم منه نفسه وكان متعصب وعلى اخرة تليفونه رن وكان رقم توحيدة قلق جدا : هو يوم مش باين اصلا

زين : الو

توحيدة : ازيك يا بنى

زين : الحمد لله ياحجه توحيدة اخبارك انتى

توحيدة : انا كويسه .. بس فى عريس كان جاى لايمان يوم الجمعه وكنت عاوزك تقعد معاه يابنى علشان انت راجلنا بعد حسن الله يرحمه

زين بهدوء : الف مبروك انشاء الله هاجيلكوا

توحيدة : بس انا يابنى معرفاهم انك عايش فى السعوديه ومحاسب ومتجوز ومخلف تؤام

زين : ههههههه ايه دة كله يا حجه ليه كدا

توحيدة : علشان اهل ليليان سألوا عليك وشكوا فيك ولازم اللى يتكلم معاهم يتكلم بثقه ويألف حوار عليهم

زين : ايوا مفهوم تمام...... مفيش مشكله

توحيدة : ليليان اخبارها ايه وحشتنى اوى

زين بتنهيدة : كويسه

توحيدة : شكلها مجنناك معلش استحملها والله هى غلبانه وبتتاخد بكلمه الحلوة

زين : ربنا يهديها

زين قفل مع توحيدة واتنهد ووقف يفكر يحل مشكلته ازاى معاها

دادة سميحه : زين يابنى .... رد عليا

زين فاق على صوتها : احم معلش يا دادة .... فى حاجة

دادة سميحه : ايوا مراد تحت وعاوزك

زين : طيب تمام هانزله ... لو سمحتى يادادة جهزى العشا لليليان وكوبايه اللبن قبل اى حاجة

********************

فى المكتب

مراد : ايه يا زين انت قلقتنى ولا فهمتنى اى حاجة ومشيت ومبتردش على فونك

زين : متقلقش يا صاحبى الامور تمام

مراد : ايه سبب المشكله دى وليه رفدت ليليان

زين : كدا رفدتها كدا عادى ياعنى ايه اللى فى الموضوع غريب

مراد : ايه الغريب انت بتهزر ..... انت رفدتها فاجأه ومن غير اسباب وجبت مكانها واحدة وانت اصلا مكنش عندك سكرتيرة شخصيه انت اخترعت الشغلانه دى ليها علشان تكون جنبك

زين ببرود : حبيت يكون عندى سكرتيرة شخصيه حبيت الوظيفه دى

مراد : زين بطل البرود دا .... انا فاهم كويس ليه رفدتها علشان على الباشا صح كلامه عصبك ... بس انت لو اى حد فكر يعاكسها قدامك ايه هاتقتلها وتخلص منها على كدا

زين بعصبيه : اى حد يا مراد يعاكسها قدامى هانسفه .... لو كنت سبتها وعلى الباشا فضل كل مرا يجى علشان خاطرها هاتبوظلى كل حاجة هاتبوظلى اللى بخططله من سنين عارف هاتبوظو ازاى لما تلاقونى قتلته قدامكوا كلكو

مراد : انا عارف كويس انك مبتحبوش بس..

زين قطع كلامه وهو متعصب : انا مبحبوش بس .... قول انا بكرهه .. قول انا عايش بس علشان انتقم منه واحرق قلب ابوة

مراد : طيب اهدى يا صاحبى دا مش حل انك تعيش علشان تنتقم طيب وزمان كنت ساكت ..... دلوقتى بقا فى ليليان

زين : مراد متمثلش المثاليه عليا ... انت لما مراتك وابنك اتقتلوا قصاد عنيك منمتش قبل ما تصفيهم كلهم صح

مراد :. زين انا قتلتهم علشان شوفتهم وهما بيموتهم قصاد عينى ليا حق .. بس انت بقا عدواتك مع على الباشا مبنيه على الباطل

زين بعصبيه : ومين قالك انها مبنيه على الباطل ... ومين قالك انى مشوفتش ابوة واحنا بنموت انا وابويا وامى وهو بيضحك ومبسوط و مين قالك ان ابويا متحايلش عليه علشان ينقذنا قبل ما العربيه تولع بينا وانا شوفته بيضحك وبيقوله موووووت بقا ياعز انت وابنك ومراتك انا اللى دبرت الحادثه دى وبتمنى اشوفك وانت بتموت واديك اهو خلاص كلها ثوانى وتسافر فوووق ومترجعش تانى وسابه ومشى ...... انت عارف ان كلامه لسه بيتكرر قدامى وكانه امبارح وفى ودانى على طول مين قالك ان مكنتش صاحى وشايف الموت ومستنيه وانا طفل صغير مفهمش حاجة .... لولا عم حسن لما كان ماشى بالصدفه هو اللى انقذنى يامراد كنت موت

ولما حاول ينقذ ابويا العربيه خلاص كانت هاتولع وعم حسن اخدنى وجرينا...... عارف ياعنى ايه اشوف ابويا وامى يتحرقوا قدام عينى والنار بتحرقهم وبتحرق قلبى. ..... ودا كله مش عاوزنى انتقم منه ومن ابنه

لولا عم حسن اللى خدنى بيته وربانى وعاملنى كانى ابنه ومقصرش معايا لحظه وكان راجل فقير محلتوش حاجة..... والتانى وهو ابنه مترمغين فى فلوسى وفلوس ابويا ..... الفلوس السبب اللى كانت فى موت ابويا وامى وهاتبقا السبب فى موتهم

مراد اتنهد : اخيرا يا زين اتكلمت .... دا انا كنت بعانى معاك علشان تتكلم وتقول اللى جواك

زين : وادينى اتكلمت هاتعمل ايه؟

مراد : هاقف جنبك يا صاحبى وهانوقع على الباشا وابوة

زين : فهمت ليه عاوز ابعد ليليان .... ليليان هى الحاجة الوحيدة اللى فاضللى هى الوحيدة اللى ممكن احارب الدنيا كلها علشانها ... انا كنت قافل قلبى ومش راضى افتحه علشان الانتقام مالينى ... بس هى جت وفتحته ودخلت وعمرها ما هاتطلع ابدا منه يا مراد

مراد : ربنا يخليهالك يا زين ومايحرمكوا من بعض ابدا يا صاحبى ..... وتجيبوا مراد الصغير قريب

زين : ههههههههه مظنش مراد تانى مش كفايه واحد

مراد : ههههه انت الخسران هو انا فى زى اصلا..... انا هامشى بقا

***************

عند ليليان ودادة سميحه

دادة سميحه : يالا يا ست البنات قومى علشان تاكلى

ليليان : مش عاوزة حاجة

دادة سميحه : لا كدا غلط يا ليليان انت باين عليكى التعب وبعدين زين هايزعل

ليليان بعصبيه : ما يزعل انا مالى وبصى متجييش سيرته قصادى

دادة سميحة : طب وطى صوتك يابنتى بلاش مشاكل .... اشربى اللبن ونامى

ليليان مسكت الكوبايه ورمتها فى الارض كسرتها من كتر العصبيه والغيظ منه

زين كان تحت وسمع حاجة بتتكسر خاف وجرى على ليليان يكون جرالها حاجة ودخل لقاها واقفه بكل عصبيه وبتعيط وبتتحداه فى نفس الوقت وكوبايه اللبن مكسورة

زين بحدة : اخرجى برا يا دادة حالا

دادة سميحه : يابنى انا اللى كسرتها وقعت غصب عنى

ليليان بعند : لا انا اللى كسرتها وكويس ان مكسرتش الصينه كلها

دادة سميحه خافت من ردة فعل زين : يالهوى ....

زين بصوت مخيف : اخرجى برا يا دادة وبسرعه

دادة سميحه خرجت ومنظر زين ميبشرش بالخير ابدا وليليان بعد ما كانت بتتحداه بقيت ميته فى جلدها من الخوف

زين : تعالى هنا قربى

ليليان بتبعد : لا لا لا انت دا هاتضربنى

زين بصوت عالى : ليليان تعااااالى هنا فورا

ليليان بخوف : قولتلك لا......

الحلقة التاسعة:

ليليان : قلت لك لا ......انت بتضربنى 

زين : هاعد من واحد لـ تلاته أن مجتيش انتى حرة 

ليليان وهى بتعيط وبتدراى نفسها علشان تتفادى ضربه : اهو جيت .. 

زين صعبت عليه لدرجاتى بتخاف منه ... شدها لحضنه وحاضنها وباس شعرها اللى بيعشقه ومؤخرا بقا عندة ادمان يشم ريحته : هو انا مش قولتلك انا عمرى ما اضربك خايفه ليه تيجى .... متزعليش منى 

ليليان خبت وشها فى حضنه وعيطت وكانها بتشتكى لابوها : انت زعلتنى اوى مع انى معملتش حاجة غلط ومبقولش غير حاضر 

زين بحنيه : مش لازم تعملى غلط علشان مش عايزك تشتغلى يا لى لى 

ليليان اتبسطت من دلعها دا بس بردوا لازم تفهم ليه رفدها 

ليليان : بس انا اتفقت معاك اشتغل صح 

زين : لا غلط انتى متفقتيش تشتغلى دا عم حسن الله يرحمه هو اللى كلمنى اشغلك ...... وبعدين ياستى حتى لو انتى اللى كنتى اتفقتى فانا غيرت الاتفاق فيها حاجة دى

ليليان : ماشى ....بس انت المفروض تقولى اسبابك ... وبعدين انت مش عاوزنى اشتغل عندك ممكن ادور على اى شغل تانى 

زين : ولا عندى ولا عند غيرى ... انا مش عاوزك تشتغلى اصلا ركزى فى دراستك وذاكرى 

ليليان : انا مقصرتش فى دراستى. وانا لسه عند كلامى قولى اسبابك ايه 

زين : وانا لسه عند رأى مش هاقول اسباب ريحى نفسك بقا 

ليليان : اووووووف 

زين بضحك : ههههههه اووف عليكى انتى... ليليان انا لما قولتلك انا رفدتك يمكن خانى التعبير بس مقصدتش للحظه ان هاسيبك ...... ياريت متكررش تانى اللى عملتى ... لان وقتها مش عارف ردة فعلى هاتكون ايه ....ممكن 

ليليان بابتسامه : ممكن 

زين مسك وشها بايديه وبخفوت : يالا نفذى العقااب 

ليليان بتوهان : عقاب ايه 

زين : عقاب اللبن يا لى لى. .. وكمان كسرتى كوبايه يبقا عاقبين دبل ياعنى 

ليليان اتكسفت : لا لا ابعد يا زين عيب 

زين : عيب ايه بس دا انا ناويلك على نيه سودا 

ليليان : زي

زين قطع كلامها وباسها برقه وهى للحظه تجمدت بس بعد كدا اتجاوبت معاه وضمته ليها جامد لانها حست انه ممكن يسبها وهى حبته وعشقته 

زين بعد فترة بعد عنها بياخد نفسه هو حس انه وصل لمرحله مبقاش متحكم فى نفسه وهو بيحبها وعاوزها تحبه ومش عاوزها تخاف منه وميعرفش انه بقا كل حياتها ليليان حطت وشها فى حضنه من كسوفها منه

زين بحنيه : يالا ننام علشان انا تعبت واليوم كان متعب وانتى كمان اكيد تعبتى 

ليليان مشيت معاه راحت على السرير ونيمها فى حضنه وهى مبسوطه ان زين الرجال مش سابها واحتواها 

*******************

فى الشرقيه 

ايمان بتكلم عبد الرحمن فى التليفون 

ايمان : بس انا خايفه من مقابله مامتك لينا دى 

عبد الرحمن : والله ما تخافى بالعكس امى حبتك جدا علشان انتى صاحبه ليليان .... امى طيبه اوى يا ايمى عكس ابويا ساعات بقعد افكر هى ازاى اتجوزت ابويا ووافقت تكمل معاه بعد اللى عمله هو وعمى عاصم فى جدتى وليليان 

ايمان: وليليان كمان بتحبها ودايما كانت بتقول عليكوا كل خير .... حبيبتى كانت نفسها تحضر فرحنا 

عبد الرحمن : ايمان بالمناسبه ... احم انا مش هاقدر اعملك فرح انا يدوب هانكتب الكتاب ونمشى انا وانتى ومامتك على طول 

ايمان : مش مهم يا حبيبى عادى مش لازم فرح .... انت فرحى يابووودى 

عبد الرحمن :. بودى هههههه ياااه لو الطلابه عندى فى الجامعه سمعوها هابقا تريقتهم 

ايمان بتكشيرة : محدش يقدر يقولهالك غيررى اصلا ومحدش بردوا يقدر يسمعها وانا بقولها

عبد الرحمن : ههههههههههه طبعا علشان المنظر العام بس ميقعش فى الارض ..... الا قوليلى مين الراجل اللى مامتك بتقول قريبها دا وهو الرأى الاول والاخير 

ايمان : دا استاذ زين اللى كان واقف فى ميت بابا يبقا قريب ماما من بعيد ومسافر السعوديه وماما وبابا الله يرحمه بيحبوة جدا وانت عارف مبقاش لينا حد ولازم يكون راجل موجود علشان ماما تطمن اكتر 

عبد الرحمن : انشاء الله بعد كتب الكتاب مش هتحتاجوا لقريبك دا ولا لحد اصلا هاكون موجود 

ايمان : انشاء الله .... امال انت فين كدا 

عبد الرحمن : عند احمد قاعد معاه فى الدكان بتاعه كنت بذاكرله وخلصت وهو بيقفل اهو وهانروح 

ايمان : سلملى عليه 

عبد الرحمن : الله يسلمك .... على. فكرة انا قولتله يكون موجود معانا وقت كتب الكتاب 

ايمان : وماله ماما بتحبه اوى وانا بعزة زى اخويا والمفروض يكون موجود 

عبد الرحمن : طيب تمام كدا ..... عاوزة حاجة يا قلبى ...سلام 

ايمان : سلام 

عبد الرحمن قفل مع ايمان وراح عند احمد اللى مستنيه 

احمد : ايه خلصت يا دكتور 

عبد الرحمن : اه يالا علشان نمشى ومتنساش يوم كتب كتاب تكون واقف جنبى 

احمد : لا عمرى ما انسااه ... بردوا مش هاتعرف ابوك 

عبد الرحمن : لا ياحمد لازم كل حاجة تخلص واسافر ويبقا يعرف براحته

احمد : وانا كمان شايف كدا .. علشان عمك عاصم ميقفش فى الجوازة

عبد الرحمن بشرود : بالعكس عمى عاصم مش هايقف دا لو طايل يسهلى الجوازة هايسهلها انا اكتر واحد عارفه .... نهايته انا مش عارف اشكرك ازاى لولا انت اللى قولتى اروح واتكلم مع الحجه توحيدة واتشجعت مكنتش وصلت لمرحله دى ابدا 

احمد : عيب يا عبد الرحمن انت صاحبى وانت جدع وطيب وبتحب ايمان جدا ....وهى اختى وبنت عم حسن الله يرحمه لازم اقف جنبكوا 

فى بيت الجارحى 

ليليان صحيت من النوم ملقتش زين جنبها غيرت هدومها ونزلت لدادة سميحه 

ليليان : صباح الخير يادادة 

دادة سميحه : صباح النور يا ست البنات

ليليان : حبيبتى يا دادة بتفكرينى بواحدة عزيزة جدا على قلبى .... اوعى تكونى زعلانه منى علشان كلمتك بنرفزة مقصدتش والله انا بس كنت مخنوقه 

دادة سميحه : لا انا عمرى ما ازعل منك اصلا ... يلا تعالى زين بيقولك افطرى واشربى اللبن ... واه فى العلبه دى سايبهالك 

ليليان : ماشى حضرى الفطار ..... ونفطر مع بعض 

دادة سميحه : لا انا هاحضر الفطار واقعد اشرب معاكى الشاى علشان انا بفطر من زمان 

ليليان : اللى تشوفيه المهم تقعدى معايا وانا باكل ... انا هاروح اشوف العلبه دى فيها ايه 

ليليان راحت قعدت وفتحت العلبه لقت موبايل احدث نوع فتحته لقت محطوط عليه صورة زين قعدت تضحك عليه تقريبا محاوطها من كل حته حتى فى التليفون ولقت مسج منه 

زين : الفون دا هديه منى ليكى علشان زعلتك اقبلى الهديه يا لى لى ... ولو قبلتيها كلمينى 

ليليان كانت مبسوطه جدا واتصلت عليه 

ليليان بهزار : الو لو سمحت ممكن اعاكس

زين : ههههههه اه ممكن عادى جدا و ممكن كمان اجيلك تعاكسينى براحتك 

ليليان : هههههه يالهوى مش خايف مراتك تعرف دى شرانيه خاف منها احسنلك 

زين : هههههه تؤتؤ مسمحلكيش تقولى عليها كدا دى ليليان هانم الجارحى 

ليليان : يااادى الغرور 

زين : فطرتى ولا لسه 

ليليان : لا لسه بس دادة بتحضر الفطار اهو .... واه هاشرب اللبن متخافش 

زين : شاطرة ... وذاكرى كويس الامتحانات قربت ولا ناويه تسقطى 

ليليان : انا اسقط طبعا لا انا اسقط ومعايا زين الجارحى 

زين : انتى ناويه على ايه بالظبط ؟.

ليليان : ناويه على كل خير... مش انت رفدتنى استلم بقا 

زين : هههههههه ...... احب استلم انا منك اى حاجة 

سهيله دخلت وزين بيكلم ليليان

سهيله : زين باشا ... لو سمحت فى اوراق عاوزة تتمضى 

ليليان سمعت صوتها اتغاظت جدا منهااااا وحبت تداقيها 

ليليان : زين ....

زين : نعم 

ليليان : قولى سلام ياليليان وبصوت عالى 

زين بابتسامه فهم ان ليليان عاوزة تغيظها : سلام يا ليليان 

وسهيله اتغاظت انها لسه موجود فى حياه زين اشمعنا هى اللى زين بيعاملها كدا ماهى فضلت قدامه سنين عمرها ماشافته بيضحك ولا بيخاف على حد قدها ولا بيعمل حساب لخوف حد زى ما بيعملها 

زين فهم ان سهيله كدبت عليه امبارح ان ليليان راحت الحمام من طريقه ليليان وكمان لما كريم قاله انها مكملتش ربع ساعه ونزلت بتعيط 

زين وهو بيمضى الاوراق : سهيله دا اخر انذار ليكى لما نشوف الغلطه التالته هاتغلطيها ولا ايه 

سهيله بخوف : زين باشا انذار ايه انا مش فاهمه حاجة 

زين بصوت جهورى : سهيله اخرسى .... انا مبطقش فى حياتى قد الكدب وهارجع واقولك تانى انا صبرى بينفذ بسرعه لو فضلتى تغلطى كتير مش عارف ممكن اعمل فيكى ايه .... يالا اخرجى برة 

مراد داخل لقاه سهيله بتلم الاوراق وهى مرتبكه وخرجت 

مراد : هو انت على طول كدة نرفوز يا زين 

زين : بت سافله فاكره انها ممكن تضحك عليا... انا سايبها بس بمزاجى ولغرض فى دماغى

مراد : اغراضك دى تودى فى داهيه .... طلبتنى ليه 

زين : عشا العمل اللى يوم الجمعه احضرو مكانى 

مراد : ليه ؟ 

زين. : مسافر الشرقيه للحجه توحيدة 

مراد : خير ؟ فيها حاجة ؟ لو عاوز انا اروحلها علشان متظهرش فى الصورة تمام عادى 

زين : تسلم .. بس انا لازم اكون موجود بنت عم حسن متقدملها عريس ولازم اروح واحضر 

مراد : مش غريبه الراجل لسه ميت ويتقدم عريس وكمان مراته وبنته يوافقو ...

زين : هى غريبه فعلا والاغرب بقا العريس يبقا مين 

مراد : مين ؟

زين : يبقا عبد الرحمن شاكر بن عم ليليان 

مراد : لا كدا جنان ياعنى الراجل قبل مايموت هرب بنتهم منهم وخاف عليها وتيجى مراته توافق ان بنته تتجوز من ابنهم ايه الهبل دا 

زين : هو فعلا جنان وهبل....

مراد : وانت عرفت ازاى هى قالتلك 

زين : تؤتؤ انا عارف ومن زمان وساكت ومستنى اجيب اخرة 

مراد : طبعا متبقاش زين الجارحى لو معرفتش كل حاجة عن كل واحد 

زين : انا كنت مستنى الموضوع دا من زمان اصلا .... وان الاوان الحكايه دى تنتهى علشان اخدت حجم اكبر من حجمها 

مراد : ياعنى هاتوقف الموضوع دا 

زين بص لمراد وسكت والله أعلم زين الرجال ناوى على ايه

لتصلكم  باقي القصة علق ب20 ملصق

 عشق زين للكاتبة زينب محمد الجزء الأول 

الحلقة 10:✌✌

فى الشرقيه

عاصم : ها عزت مات؟

يوسف : اه مات غار فى ستين داهيه تاخدة ...... انا اتأكدت بنفسى

عاصم : الحمد لله .... انا عاوزك تفضى بقى لليليان وجبهالى يا يوسف انا واثق فيك

يوسف : متقلقش انا مش ساكت والله وهاجيبها واهو عزت مات وعبد الرحمن شكله ماشى فى جوازته وكل حاجة ماشيه زى مانا عاوز

عاصم : هو عبد الرحمن ماشى فعلا فى جوازته من ايمان بنت حسن ؟ وابوة فين ؟

يوسف : اه كل يوم وهناك اظاهر بيتفق مع الوليه توحيدة ... وعمى شاكر ميعرفش حاجة لكن مراته عارفه كل حاجة

عاصم. : هايفضل طول عمرة شاكر اهبل هههههههه

يوسف : ياما نفسى اعمل مشكله لزفت عبد الرحمن واحرق قلبه ومخليش جوازته تتم من حبيبه القلب بس ساكت علشان خاطر ليليان لما ترجع مبيقباش غيرى

*******************

فى شقه عم حسن

توحيدة : يا مرحب يا كريمه نورتى البيت

كريمه ام عبد الرحمن : دا نورك يا حجه والله. ... ازيك يا ايمى

ايمان : الحمد لله يا طنط كويسه

كريمه : مشاء الله عليكى يا ايمان قمورة اوى ..... اصلا طول عمرك جميله ولما كبرتى بقيتى قمر بزيادة

توحيدة : دا من زوقك يا كريمه .... انتى اللى عينك جميله

كريمه : تسلميلى يا حجه. .... اتفضلى يا ايمان العلبه دى

ايمان : علبه ايه دى يا طنط

كريمه : دى شبكتك يا قلبى .... صحيح عبد الرحمن هايتجوز من غير مايعرف ابوة واهله بس انا موجودة ومنساش الاصول ابدا

توحيدة : بس احنا مش هانقدر نقبل الشبكه دى

كريمه : ليه ياحجه .. مش انتى وافقتى .. لسه فاضل ايه

توحيدة : موافقه زين قريبى انا بعتبرة ابنى وهو هايجى يوم الجمعه يقعد مع عبد الرحمن لو وافق هانكتب كتاب فى نفس اليوم

كريمه : باذن لله يوافق عبد الرحمن ابنى طيب وبيحب ايمان اوى ......طيب ممكن تخليها عندك يا حجه ويوم الجمعه لو قريبك مش موافق هاخدها عادى

توحيدة : مفيش مشكله

كريمه : هاقوم امشى بقا علشان متأخرش عبد الرحمن بيرن علشان انزل

توحيدة : ملحقناش نقعد معاكى مش كفايه العلاقه مقطوعه من سنين

كريمه : يالا ربنا يجازى اللى كان السبب

كريمه مشيت ونزلت لعبد الرحمن

عبد الرحمن : ها يا ماما عملتى ايه كل حاجة تمام

كريمه : متقلقش تمام بس الحجه توحيدة مرضتيش تلبس ايمان الشبكه الا لما قريبها يوافق

عبد الرحمن : اه هاقعد معاه يوم الجمعه ربنا يستر قلبى مش مطمنى

كريمه : متقلقش يالا نمشى نروح علشان ابوك

كريمه روحت ولقت شاكر قاعد ووشه مبيشرش بالخير ابدا

شاكر : كنتى فين ؟

كريمه : كنت بزور واحدة صاحبتى

شاكر :وصاحبتك دى توحيدة ..... مرات حسن

كريمه : اه فيها ايه الست جوزها مات وكل الناس راحت وعزتها الا انا مش عييب مهما كانت خلافاتك مع جوزها الله يرحمه ماليش فيه دا واجب ولازم اروح واعزى

عبد الرحمن : يابابا انا مش شايف ماما انها غلطت ... دا مجرد واجب وخلص

شاكر : اه طبعا ياخويا ماهو الموضوع على هواك ..... علشان حبيبه القلب ايمان ... انا قلبى مش مطمنى من ناحيتكوا انتو الاتنين

كريمه : ايه دا هو انت عندك قلب وبيعرف يطمنك زى الناس العاديه

شاكر بغضب : ليه هو انا مش بشر

كريمه : لا انت حجر ياشاكر

******************

فى القاهرة

فى قصر على الباشا

الباشا :خليك واخد بالك كويس من زين علشان هو مش سهل ابدا

على: متخافش وابنك كمان مش سهل

الباشا : لا زين ذكى ولماح ومعاه مراد فهد المخابرات واللى انت داخل عليه مش مريحنى

على : مراد متخافش منه استقال من زمان ومبقاش له فايدة بقا له فى الهلس والمسخرة وبس

الباشا : متستهونش بيه اوى كدا علشان دا فى شغله بيعملوله الف حساب ومش معنى انه ساب شغله يبقا خلاص بالعكس الطبع بيغلب

على : ريح بالك انت بس وسيب ابنك ينتقملك من زين الجارحى على نار هاديه .... وانا هامحيلك اسم عيله الجارحى من الوجود

الباشا بشرود : كنت واثق نفس ثقتك دى .... وكنت بقول كدا بردوا هامحى اسم عيله الجارحى من الوجود ... بس مقدرتش وزين عاش وبقا غول المعمار بقا غول عن ابوة

********************

فى بيت الجارحى

زين قاعد جنب ليليان على السرير وبيقرا فى الكتاب

ليليان بملل: زين

زين قفل الكتاب : ايوة

ليليان : ايه الملل دا ماتيجى نتكلم ف اى حاجة

زين : ملل ايه دى الساعه ٢ المفروض حضرتك تنامى

ليليان : لا بجد الحياه ممله انا عاوزة ارجع الشغل .. انا كان يومى بيبقى مليان .. يومى بقا فاضى اوى

زين : من يوم ... يوم واحد بقيتى حاسه الحياه ممله .. طيب اتعودى عليها علشان مفيش رجوع الشغل.

ليليان : ايوا صح تلاقيك خايف من ست السلعوة سهيله والمعفنه اللى انت جايبها مكانى

زين حب يدايقها: سلعوة ومعفنه .... وبعدين انا مبجبش حد معفن يشتغل عندى لازم كلهم يبقوا برفكت ونورا ممتازة جدا فى شغلها.

ليليان بغيرة : اممممم قولتلى اسمها نورا اسمها وحش وهى وحشه وبردوا معفنه

زين بضحك : هههههههه ماليش دعوة باسمها حلو ولا لاه ولاحتى شكلها انا راجل محترم ومتجوز وبحترم مراتى جدا

ليليان تاهت من كلاممه وقربت منه : ياعنى انا احلى منها

زين بحنيه : طبعا انتى احلى من اى واحدة فى الدنيا دى كلها .... وبعدين اصلا مفيش وجه مقارنه مابينك وبينها ... وعمرك ماتحطى نفسك مع اى حد علشان انتى مش اى حد

ليليان بضحك وغمازتها بانت : هههههههه ايوا صح انا ليليان الجارحى

زين قرب منها وباسها من خدها : تعرفى ان انا بحبها اوى

ليليان بصت فى عينه : هى ايه دى للى بتحبها

زين بخفوت : غمازتك

ليليان ابتسمت اكتر

زين: بتغرينى انتى كدا صح

ليليان اتكسفت وحبت تهرب منه

ليليان : شوفت اتكلمنا وضيعنا وقت ممل والنوم جه اهو يالا تصبح على خير يا .....

زين شدها له: يا ايه

ليليان برومانسيه : تصبح على خير يا زين الرجال

زين قرب من شفايفها وباسها بوسه رقيقه : لا انا زينك انتى وبس

اخدها فى حضنه زى كل ليله هو خلاص بقا متعود تنام فى حضنه واقسم بين وبين نفسه مينمش فى مرة الا وهى فى حضنه

صباحا

سارة : لو سمحت جبلى الدوا دا بسرعه

الصيدلى : ثوانى هاجبهولك من جوا

: السلام عليكم

سارة كانت ضهرها لباب الصيدليه

حست ان الصوت دا تعرفه قلبها دق : يا نهار اسود هى مالها ضلمت كدا ليه

الصيدلى : اتفضلى اهو يا انسه

سارة مرتبكه وبتحاول تغير صوتها : طيب خلص الاستاذ وانا بعدين اصل فى حاجات اسال عليها

الصيدلى استغرب منها ووجه كلامه للشخص: نعم اتفضل يا استاذ

مراد : عاوز اى حاجة لصداع

الصيدلى : اتفضل خد حبايه دلوقتى لو الصداع مستمر خدها بعد ٨ ساعات ... اتفضل ميه

مراد : شكرا معايا ... حسابك

مراد خلص واخد الدوا ومشى

سارة اتنفست اخيرا : الحمد لله ... قولى بقا حسابك علشان امشى

سارة اخدت الدوا ولسه خارجه من باب الصيدليه لقت اللى بيشد ايدها فى شارع جانبى

سارة : يالهوى اوع ايدى يا مجنون انت

مراد : بتغيرى صوتك فى الصيدليه فاكرنى مش هاعرف صوتك ... ياغبيه وبالنسبه لمرايات الصيدليه اللى مبيناكى دى

سارة : وربنا لو مشلتش ايدى لاكون عضاك نفس العضه والمرادى هاخليها تجيب دم

مراد : الله بموت فى البنات الشرسه اللى زيك كدا

سارة : اه يا حيوووووان .. ايدى بتوجعنى ... شيل ايدك وبطل كلامك السافل دا

مراد : انا بردوا اللى حيوان .... وانتى لما عضتينى كنتى ايه عصفورة .... تعالى نتفق اتفاق ايه رايك اعضك نفس العضه وفى نفس المكان ونبقا خالصين

سارة : يالهوووووووووووووى الحقونى

مراد : اتكتمى

الناس اتجمعت حوالينهم

: فى ايه يا انسه مالك

مراد : انسه ايه دى المدام

سارة : اخرس ... والنبى ابعدو عنى بيتحرش بيا

مراد : اتحرش بيكى ايه .... فى واحد يتحرش بمراته

: لا حول يا جماعه حلوا مشاكلكوا فى البيت مش فى الشارع كدا

سارة : بيت ايه وشارع ايه ياجدع انت .... ياتخلصنى منه يا تتزفت تمشى من وشى حالا

: الله يكون فى عونك عليها يا استاذ احنا اسفين ربيها زى مانت عاوز

سارة : الله يخربيتك .... فضحتنى لم الدور دا

مراد : مش انتى اللى صوتى انا مالى..... لمى انتى

سارة : خلاص يا جماعه جوزى وبدلع عليه يالا طرقونا

الناس مشيت مستغربين من المجانين دول

سارة : اوعى ايدى كفايه فضايح لغايه كدا

مراد :الفضايح دى انتى اللى عملتيها مش انا... وانتى اللى غلطانه من الاول لما عضتينى انا علشان راجل مرضتيش ارنك العلقه التمام ولا كان حد قدر يعملى حاجة

سارة : لا حول الله ... انا عضيتك لاسبابى

مراد : والله اقدر اعرف ايه اسبابك

سارة : انك سافل وقليل الادب وبتشقط بنات

مراد : وانتى مالك .... طب تعرفى كنت بفكر اسيبك واسامحك بس بعد اللى قولتيه والله لاعضك تعالى بقا

مراد مسك دراعها من غيظه وعضها فيه و بعدين سابها ومشى بغل اول واحدة تدايقه كدا وتعصبه طول عمرة بارد. زين دايما يقوله انت تلاجه يامراد ....مش سهل حد يعصبه بسهوله مش عارف ليه يمكن علشان شرسه وعنيدة ولا اول واحدة اتجرأت عليه وزعقتله وشتمته بس هى على بعضها كوكتيل استفزاز ولما شافها لابسه احمر وهو بيكرة اللون دا جدا كرهها اكتر

سارة : الله يخربيتك يا حيوان .... كان يوم مهبب يوم ما شوفتك ....

فى الجامعه

ليليان : ما لسه بدرى يا ست سارة سايبنى دا كله لوحدى

سارة : اسكتى يا ليليان انا عفاريت الدنيا بتنطط فى وشى

ليليان : ليه مالك يا حبيبتى

سارة : ايدى بتوجعنى اوى يا ليليان .... الهى يتشك فى قلبه البعيد

ليليان : ايدك مالها ومين البعيد دا

سارة حكت لليليان كل حاجة

ليليان : ههههههههه ههههههههه مش قادرة والله انكو مجانين

سارة : بتضحكى .. والله انك باردة

ليليان : يا سارة يا حبيبتى انتى اللى غلطانه من الاول لما فكرتى تعضيه عاوز منه ايه غير يكون فاكرك ويردلك اللى عملتيه .. وبعدين هو انقذك من الولاد اللى كانوا بيجروا وراكى وانتى ردتى اللى عمله بايه بانك تعضيه ههههههه

المفروض كنتى تعتذرى

سارة : اعتذر..... لا طبعا على جثتى .....انتى مسالمه اوى يا ليليان وانا مش كدا

ليليان : بالعكس انا مش مسالمه ... بس بالعقل كل حاجة هاتيجى طيب انتى تعرفى مينفعش اكون عنيدة مع زين الدنيا تخرب ما بينا .... حكمى عقلك شويه

المفروض كنتى تعتذرى

سارة : اعتذر..... لا طبعا على جثتى .....انتى مسالمه اوى يا ليليان وانا مش كدا

ليليان : بالعكس انا مش مسالمه ... بس بالعقل كل حاجة هاتيجى طيب انتى تعرفى مينفعش اكون عنيدة مع زين الدنيا تخرب ما بينا .... حكمى عقلك شويه

سارة : مع دا لا مفيش عقل ..... ربنا ياخدة الحيوان ورملى ايدى

ليليان : يادى النيله مفيش فايدة فيكى ابدا.... المهم انا مدايقه جدا وعاوزة ادايق حد

سارة : الله الله فين العقل يا ليليان هانم

ليليان : مالعقل اهو بستخدمه عشان ادايق حد

سارة : وياترى مين الحد دا

ليليان : سهيله سكرتيرة زين يا سارة بت رخمه وشايفه نفسها وملزقه كدا وبتلبس ديق وقصير زى مايكون مش جايه تشتغل ... لا دى جايه علشان تعمله اغراء ومعرفش بتكرهنى ليه وهى السبب اكيد فى ان زين يخلينى اسيب الشغل بصى مش عارفه هى السبب ولا لاه بس انا فعلا مبحبهاش

سارة : حاسبى بس الدخان اللى بيطلع منك هههههه انتى بتغيرى يابطه على زين ... وبعدين بعد كل كلام دا عليها ومش عارفه بتكرهك ليه ؟

ليليان : لا والله اناكنت عادى ومش فى دماغى بس هى اللى كرهها ليا واضح وبعدين يوم ما سيبت الشغل كانت فرحانه اوى

سارة : والمطلوب

ليليان : فكرى معايا كدا عاوزه اعرفها حجمها كويس واعرفها انا ابقا مين بس خايفه من زين متوقعش رد فعله عليا يبقا عامل ازاى

سارة : هاقولك تعملى معاها ايه ... وتعملى كمان مع زين ايه ... بس انتى هتحتاجى تروحى الشركه

ليليان : وماله مااروح تعالى نحضر محاضرات ونظبط الخطه

*****************

فى شركه الجارحى

سهيله ونورا قاعدين بيتكلموا

ليليان : هاى

سهيله : ايه دا ... انتى

نورا : هو انتى مش اترفدتى جايه هنا تانى ليه

ليليان اتجاهلت كلام نورا : قولى لزين انى موجودا

سهيله بتريقه : واقوله مين بقا انشاء الله ليليان سكرتيرتك القديمه اللى حضرتك رفدتها ومشيتها من الشركه كلها عاوزك

ليليان برقه : تؤتؤ قوليلو .... ليليان الجارحى مرات حضرتك

سهيله ونورا اتصدموا من الخبر سهيله كانت متخيله بينهم علاقه عابرة مش مراته

ليليان بتحدى : احسنلك تدخلى

سهيله خبطت ودخلت

زين مرفعش عينه من على الورق: فى ايه يا سهيله

سهيله : مرات حضرتك برا ليليان الجارحى

زين قام وقف وراح عند الباب : دخليها فورا و بعد كدا تدخل من غير اذن

ليليان دخلت والباب مفتوح وسهيله واقفه ونورا واقفه برا شايفهم

ليليان قربت من زين وبكل رقتها رفعت نفسها وباسته من خدة : انا جيت

زين فهم هى عاوز تعمل ايه وهو استغل الفرصه و باسها من خدها و ابتسم : نورتى الدنيا كلها .... وحشتينى

وبص لسهيله : اخرجى انتى واطلبى عصير فراوله لهانم

ليليان كانت مبسوطه اوى ان الخطه نجحت زى ما هى عاوزة واحسن كمان بس لسه ردة فعل زين وافتكرت كلام سارة

سارة : اتسهووووكى يا ليليان متعرفيش تتسهوكى

زين : تعالى نقعد .... ها شايفك جايه من غير ما تقوليلى فى حاجة

ليليان برقه : لا مفيش حسيت ان عاوزة اجاى واشوفك

زين : بجد طيب كنتى استنى ساعه بالظبط وهاتشوفينى معاكى فى البيت

ليليان بسهوكه زى ما سارة فهمتها وقربت منه : لا مقدرتش استحمل

زين : لا انا اللى مش هاستحمل... اهدى شويه ... احنا فى الشركه .... انتى منفذتيش اللى فى دماغك يبقا خلاص

ليليان : هو انت زعلان ان قولت مراتك يا زين

زين : لا طبعا ....الدنيا كلها عرفت ان متجوز عادى

ليليان بغيرة : امال الهوانم اللى برة دول لما عرفوا منى اتصدموا ليه

زين مستمع بغيرتها : والله هما اتصدمواا .... انا مالى بقا بيهم

ليليان : لا طبعا الغلط غلطك انت ليه مش معرفهم

زين : وانا اعرفهم ليه وبعدين يعرفوا ولا ميعرفوش انا مالى

ليليان : لا طبعا مالك ونص..... حضرتك المفر ...

قطع كلام ليليان دخول سهيله و فى لحظه كانت ليليان قاعدة على رجل زين ومحاوطه رقبته وزين اتصدم بس مبينش وقربها منه اكتر

ليليان : بيبى ودينى الملاهى

زين مقدرش يمسك نفسه من الضحك على عقلها : هههه حاضر ههههههه

سهيله شافت المنظر دا اتصدمت معقوله دا زين الجارحى دا اكيد اتغير وبقا واحد تانى لا وبتقوله ودينى الملاهى بيقولها حاضر لا اكيد فى حاجة غلط

زين مبتسم : شكرا يا سهيله حطى العصير هنا واتفضلى انتى شوفى شغلك

سهيله خرجت هاتولع من اللى شافته

زين قام ووقف ولبس جاكت بدلته : يالا

ليليان : ايه هاتودينى الملاهى

زين : ههههه لا هانروح فى ملاهى البيت هناك احسن

زين خرج وماسك ايد ليليان والشركه كلها اتفرجت وليليان مبسوطه ان خطتها مشيت زى ماهى عاوزة واكيد الخبر هاينتشر فى الشركه ومحدش يقدر يبص لزينها .

**************

مساءا

فى بيت الجارحى

زين بيكلم مراد على التليفون

زين : ظبط انت كل حاجة وخليك صاحى كويس لعلى انا عارف انا باعت مين يا مراد

مراد : متقلقش ...مظبط كل حاجة

زين :انا لولا موضوع الشرقيه دا كنت روحت انا بس اعمل ايه

مراد : قولتلك متقلقش ... انت مش واثق فيا ولا ايه

زين : مش هارد عليك ... علشان انت عارف لو كنت قدامى كنت عملت ايه فيك

مراد : سماح يا بيييه .. بس الا قولى ايه موضوع انهاردا الشركه كلها بتتكلم عليك انت و ليليان

زين : ليليان ههههه دى كانت جايه الشركه بتسن سكاكينها لسهيله وناويلها

مراد : ربنا يخليهالك يا زين انا عمرى ما شوفتك بتضحك ولا مبسوط قد الفترة دى

زين : ويخليك ليا يا صاحبى

مراد : خلى بالك من نفسك وخد الحراسه معاك

زين : ايه ياعم مراد هو انا رايح فين دا انا رايح الشرقيه

مراد : بردوا الامر ميسلمش ياعم .. سلام

زين قفل مع مراد ولف لقى ليليان واقفه بتبصله

زين: ليليان انتى واقفه هنا من امتى

ليليان : هو انت رايح الشرقيه ليه يا زين

زين : انتى بتتصنتى عليا ولا ايه

ليليان قربت منه وعيونها كلها دموع : فى ايه رايح ليه .... متروحش هناك . خليك جنبى

زين : انا جنبك متخافيش ... ومروحش هناك ليه هايعملوا فيا ايه

ليليان بخوف عليه : زين دول شياطين ... علشان خاطرى متروحش

زين : حتى لو الحجه توحيدة عاوزنى وقاصدنى

ليليان : ماما توحيدة عاوزك فى ايه

زين اخدها بهدوء وقعدها وقعد جنبها : تعالى فى حضنى

ليليان ارتمت فى حضنه ومش عاوزة تسيبه وعماله. تعيط شريط ذكريااتها بيمر قدام عنيها راح منها ابوها وامها و جدتها وعم حسن بس زين لا الوحيد اللى مش هاتقدر على فراقه

زين : اهدى يا لى لى

ليليان بتحاول تهدى : هى ماما توحيدة عاوزك فى ايه

زين : عبد الرحمن ابن عمك متقدم لايمان بنتها

ليليان بفرحه. : بجد اخيرا بودى اخد الخطوة دى

زين بضيق : بودى مين لامؤاخذة

ليليان : هههههه بودى ابن عمى شاكر بيحب ايمان اوى يا زين حب طفولته وانا كنت شاهدة

زين : مش سى زفت بودى كانوا عاوزين يجوزهولك بردوا

ليليان : ههههه لا عمرة ما وافق يا زين بالعكس دايما كان بيساعدنى لما عمى عاصم كان بيحبسنى ويمنع عنى الاكل والميه

زين : هما كانوا بيحبسوكى وبيمنعوا عنك الاكل و الميه

ليليان : اه الحمد لله بس خلصت منهم وادى عبد الرحمن قدر يخلص منهم

ليليان عماله تتكلم ومبسوطه ان عبد الرحمن هايتجوز ايمان

وزين كان فى دنيا تانيه كان بيتخيلها وهى بتعانى وبتعيط علشان كدا عندها كوابيس على طول فى سرة : يومكوا قرب اوى ومش هارحمكوا

ليليان : زين انت فين

زين : معاكى اهو... بتقولى ايه

ليليان :خدينى معاك

زين : انتى اتجننتى .. اخدك فين ... باين عليا غلطت لما قولتلك انا رايح فين

ليليان: ليه بس يازين .... افرض عملوا فيك حاجة ..لازم اكون معاك

زين : ليه هاتحامى فيكى

ليليان : انا مش هاسمحلك تروح لوحدك هاخاف عليك

زين بتنهيدة : انتى هبله هو انا عيل عندى ١٩ سنه علشان تكلمينى كدا.... انا راجل ...انا زين الرجال لو فاكرة

ليليان: طب اوعدينى انك هاترجعلى

زين : هارجعلك يا لى لى ... يالا نقوم ننام

ليليان : يالا ..... هما هايتجوزوا على طول

زين فى سرة: مش لو انا وافقت اصلا ......وبعد بودى دى مش هاواافق بردوا

&&&&&&&&&&&&&&&

علق ب10 ملصقات ليصلك المزيد 👉👉👍

الحلقة 11:✌✌

فى الشرقيه 

توحيدة بخفوت : ليليان كويسه يا زين

زين : اه كويسه الحمد لله بتسلم عليكو

توحيدة : الله يسلمها خلى بالك منها دى الغاليه حبيبه الغالى

زين : متخفيش فى عنيا .... هو مين اللى جاى معاه

توحيدة : هو وامه كريمه طيبه ومحترمه واحمد طبعا انت عارفه واحنا وبس

زين : اه بس فى واحدة مع ايمان مين دى

توحيدة : دى سهى بت قليله الادب لزقه فى ايمان اكيد يوسف هو اللى باعتها علشان تنقله كل حاجة

زين : لا لو سمحتى ياحجه توحيدة خلى ايمان تمشيها ... انا مضمنش ايه ممكن اللى يحصل

توحيدة : ليه يابنى هو انت هاترفض

زين : انتى لما جبتينى هنا علشان واثقه فيا صح... يبقا خلاص ثقى فيا ومتقلقيش .... بس مشوا البنت اللى جوا دى

توحيدة : طيب حاضر عن اذنك هاقوم اقول لايمان

توحيدة قامت ودخلت على ايمان ولقت سهى قاعدة معاها بتساعدها فى اللبس

توحيدة : خلصتى يا ايمان

ايمان : اهو خلاص ياماما هالف الطرحه وبس

توحيدة : طيب ..... ممكن يا سهى تروحى المطبخ تجيبلى ميه

سهى : اه طبعا يا طنط ثوانى.

(سهى كانت مبسوطه علشان تخرج تتكلم مع زين وخرجت )

توحيدة : ايمان مشى سهى مبقاش ليها لزوم هنا

ايمان : ازاى يا ماما امشيها .... انا هاتكسف والله .... انا اصلا مقولتش ليها حاجة هى اللى جت فجأه وعرفت كل حاجة

توحيدة : لا هى مجتش كدا بالصدفه ... يوسف اللى باعتها علشان تنقله كل حاجة ... مشيها علشان متبوظش الجوازة

ايمان خافت : طيب اعمل ايه ؟

توحيدة : معرفش مشيها قبل ما عبد الرحمن يجى ......

*************

زين قاعد بيتكلم فى التليفون بصوت واطى وشايف سهى وهى بتراقبه

زين : وحشتينى

ليليان : لا انا زعلانه انت ازاى تمشى الصبح وتضحك عليا ومتصحنيش

زين : لو صحيتى هاتعملى ايه

ليليان: هو انت بتتكلم صوت واطى ليه فى حد جنبك

زين : لا مفيش ... بس فى واحدة فى المطبخ بتراقبنى

ليليان : مين دى ؟ ايمان ؟ لا ثوانى بقا البت دى شعرها احمر

زين : اه سهى

ليليان بغيرة : هو انت لحقت عرفت اسمها مشاء الله ومش عاوزنى اجاى علشان تاخد راحتك

زين بضحك : اوعى تفهمينى صح .... هههههههههههه

ليليان بتحذير : زين

زين : عيونه

ليليان : متضحكش اوعى تضحك كشر ماشى. ...واوعى تكلمها وربنا هازعل البت دى بتكرهينى يا زين وسافله

زين : ههههههه بتكرهك ليه .. علشان انتى اجمل منها صح ... ماهو العين متكرهش الا احسن منها

ليليان : قولتلك متضحكش ... انت جاى تضحك وانا مش جنبك

زين : اممممممم اهو مبضحكش ... وعلى فكرة انا مكلمتهاش دى الحجه توحيدة اللى قالتلى على اسمها ... بس شكلها جايه تكلمنى دلوقتى

ليليان : اوعى تقفل هازعل وربنا

زين : حاضر يا حبيبى ....

ليليان بتوهان : حبيبك مين ؟ الكلام دا ليا

زين بضحك : هههه امممم ليكى ... احم ثوانى يا حبيبى

زين بجديه : افندم مسمعتش

سهى بدلع : بقولك عاوز تشرب حاجة اعملك ايه

زين : شكرا مش عاوز حاجة

سهى : تؤتؤ لازم تقول

زين : قولتلك مش عاوز ... لو عوزت حاجة هاقول لحجه توحيدة متشكر

سهى : انا وطنط توحيدة واحد وانا نفسى اعملك حاجة بايدى

زين : هو انتى مش ملاحظه انك عماله تضيعى وقتى .... وانا عاوز اكلم مراتى لو سمحتى شكرا لخدماتك

سهى : امممم ....وهو انت متجوز ..... مش باين عليك خالص

زين : اه متجوز .... وتتخيلى بقا انى سايب مراتى على التليفون .... وانتى واقفه بتتكلمى مش عارف فى ايه الصراحه .... بس اللى عارفو انها حاجة مش تخصك

سهى: اه بس....

زين قاطعها : باين حجه توحيدة بتنادى عليكى

سهى : اه عن اذنك

زين : اتفضلى

(سهى مشيت وطبعا دا كله ليليان كانت على التليفون ومتغاظه من سهى ودلعها على زين وفى نفس الوقت مبسوطه جدا من زين وهو بيكسفها).

زين : ايه يا لى لى انتى معايا ؟

ليليان : اه معاك... هى مشيت

زين : اه ... وانا هاقفل بقى .. خلى بالك من نفسك لغايه ما اجيلك .. سلام يا ...

ليليان قطعت كلامه : يا ايه ....

زين بضحك : يا لى لى هههههه

ليليان : والله انك رخم سلام

زين قفل معاها وهو بيضحك

توحيدة : كنت بتكلم ليليان

زين : اه ايه اللى عرفك

توحيدة : من ضحكتك اللى على وشك دى

زين : يا سلام ماهو ممكن بكلم حد تانى وبضحك بردو

توحيدة : لا بس الضحكه دى من القلب ومش هاتطلع الا اذا كان سببها حد خاطف قلبك

زين :. احم امممم هى خطفته فعلا .... ها البت دى هاتمشى

توحيدة : اه زمان ايمان بتقولها ... اطمن

************************

ايمان : سهى كدا كل حاجة مظبوطه

سهى : اه

ايمان : طيب انا متشكرة جدا .... تعبتك معايا .. تقدرى تروحى

سهى : لا عادى انا ممكن اقعد لغايه ماليوم يخلص

ايمان : لا روحى علشان اهلك ميضايقوش ... وبعدين دى لسه اتفاقات ياعنى

سهى اتكسفت ومبقاش ليها عذر علشان تقعد : ماشى يا ايمى .. سلام هامشى بقا

***********************

سهى وهى ماشيه بتتكلم فى التليفون

سهى : زى ماحكتلك كدا دا كله اللى حصل

يوسف : وليه ياعنى عاوزين يمشوكى

سهى : الوليه امها مبطقنيش اصلا علشان كدا تلاقيها عاوزه تمشينى

يوسف : امممم مش مشكله اقفلى انتى بقا

سهى : ايه مش هاشوفك

يوسف : بعدين .. سلام

***********************

عاصم : ايه مشوها .... اكيد توحيدة عرفت انك باعتها علشان تنقلك الاخبار

يوسف : المتخلفه قولتلها روحى متأخر .. راحت بدرى اهو مشوها بدرى قبل ما زفت يجى

عاصم : طب والواد دا متكلمتش معاه

يوسف : بتقول اتكلمت معاه وهو بيكلم مراته وكسفها

عاصم : ههههه مش قريب توحيدة وحسن عاوزو يكون ايه مثلا صايع لا طبعا لازم يكون من نفس عينتهم

يوسف كان قاعد بيفكر فى كلام سهى ان قد ايه زين دا وسيم اوى وشيك ويعجب اى بنت وقد ايه هى معجبه بيه وتخيل لو ليليان لو شافته ممكن تحبه ...

عاصم : ايه انت فين يا استاذ.... مش معايا خالص

يوسف : معلش ... كنت بتقول ايه

عاصم : بقولك مفيش اى اخبار عنها

يوسف : لسه انا كلمت واحد صاحبى بيشتغل فى البنك لو هى صرفت من الكرديت يقولى

عاصم : تمام .. تعجبنى بدات تفكر اهو

يوسف : متقلقش انا مش ساكت وهاجيبها

*****************

فى شقه عم حسن

زين وتوحيدة وايمان وكريمه وعبد الرحمن و احمد قاعدين

عبد الرحمن متوتر جدا من نظرات زين : احم .... اظن ان الحجه توحيدة قالتلك ان عاوز اتجوز ايمان وهى موافقه مبدئيا بس قالتلى ان لازم موافقتك.

زين مستغرب جدا من درجه الشبه بينه وبين ليليان لون عينها ونفس لون شعرها

زين بجديه : امممممم قالتلى ... وقالت انها موافقه هى وايمان ...بس الحقيقه انا مش موافق

الكلمه صدمت الكل

كريمه : ليه يابنى مش موافق عبد الرحمن الحمد لله اخلاقه كويسه ودكتور فى الجامعه ومقتدر ماديا ايه اللى يعيبه

زين : اهله مثلا .... حجه توحيدة كانت حكتلى عن اهلك وكنت سمعت عن شويه مشاكل من عم حسن الله يرحمه .... ولو عم حسن كان موجود كان رفضك .. اجاى بقا انا و اوافق

عبد الرحمن : وزى ما قولت لحجه توحيدة هاقولك بردوا انا ماليش دعوة باهلى انا اصلا عاوز ابعد عنهم انا هاخدها وهاخاد مامتها واسافر انا مقدم على بعثه فى امريكا .... انا مش عاوز حد من اهلى اصلا ... ليه انت تاخدنى بذنب اهلى.

زين : انا مباخدش حد بذنب حد .. بس دا اللى عندى انا مش موافق

عبد الرحمن اتعصب وقام ووقف : تطلع مين انت.. علشان ترفض ولا توافق .... امها موافقه وهى موافقه وبتحبنى وانا بحبها .... انت مالك اصلا ...ولا تكون حاطط عينك عليها

زين قاعد وبكل هدوء : اطلع مين .. اظن حجه توحيدة قالتلك ... اوافق ولا ارفض لا احب اقولك الموضوع فى ايدى .... حاطط عينى عليها .. امممم احب اقولك بردوا ان متجوز وبحب مراتى وايمان اختى ... وبعدين انا مش شايفك مناسب ... ممكن اكون شايف حد تانى مثلا مناسب عنك

عبد الرحمن : انت واحد مستفز ومين دا اللى حضرتك شايفه مناسب عنى بقا محدش يقدر يتقدملها البلد كلها عارفه انى بحبهاااا

زين : احترم نفسك وانت قاعد بتتكلم انت مش قاعد فى الشارع علشان تتكلم كدا .. وبعدين مش شرط يتكلم ويجى يتقدم انا لو طلبت منه يتجوزها هايتجوزها ومش هايرفض

عبد الرحمن بنفس عصبيته : يطلع مين دا

زين : احمد مثلا

(الكل اتصدم من كلام زين حتى توحيدة )

احمد :نعم انت بتقول ايه يا استاذ زين ... اهدى بس عبد الرحمن صاحبى وايمان اختى

زين : صاحبك دى تخصك متخصنيش وايمان مش اختك .... وعم حسن كان بيحبك لدرجه انه بيتمناك لبنته ... وانا بقا مكانه وبتمناك لبنته

عبد الرحمن : والله هاقتلك .... ايه اللى انت بتقوله دا احمد وايمان ايه انت عاوز توصل لايه قولى

كريمه : اهدى بس يا عبد الرحمن .. لا حول ولا قوة الا بالله ليه كدا بس يا استاذ زين تكسر بخاطرهم ... انت مش شايفه هايتجنن ازاى .....طيب بلاش ابنى ..ايمان انت مش شايف حالتها عامله ازاى... ما تتكلمى يا حجه توحيدة

توحيدة : انا قولت ان الموافقه والرفض فى ايد زين وانا مقدرش اتكلم

ايمان مبطلتش عياط من بدايه كلام زين : ماما ... ارجوكى

توحيدة : اسكتى

عبد الرحمن : وكلامى ليكى يا حجه ... انتى نسيتى

زين : الكلام سهل اوى ..... مثلا انا ممكن اكلمك واقولك كلام قد ايه انا بحبك وبتمنالك الخير وانا من جوايا مش طايقك وبتمنالك الشر كله

عبد الرحمن بنرفزة : قصدك ايه ان بضحك عليهم .... تقدر تقولى هاكسب ايه وانا بضحك عليها هاخاد ايه من ان اتجوزها واسافر بيها

زين : الله اعلم يمكن عاوز تكسرها ولا تحقق اغراض حد تانى ... هانعرفه مع الايام

عبد الرحمن : الزم حدودك ....وعلى فكرة انا عارفك كويس وعارف انك زين الجارحى

زين بسخريه : شوفت اهو انا قولت الايام هاتعرفنا انت عاوز ايه..... مجبتش سيرة الثوانى

عبد الرحمن : انا مش فاهم قصدك ايه... انت حد معروف اوى وانا شوفتك قبل كدا فمؤتمر فى جامعه القاهرة

زين : تفهم ولا متفهمش ... نهايه الكلام ....انا مش موافق

كريمه : طيب يابنى متشكرين... يالا ياعبد الرحمن

عبد الرحمن : يالا فين ... انا مش هامشى قبل ما اتجوزها

كريمه : يالا يابنى وعدى الامور دلوقتى وهانتكلم بعدين ... فرصه سعيدة عن اذنكوا

عبد الرحمن : انا هامشى دلوقتى .... بس ايمان ليا ومش لحد تانى .

عبد الرحمن مشى هو وكريمه

ايمان قامت وقفت : انا معرفش لحد دلوقتى انت مين وتقربلنا ايه وليه اصلا ماما مستنيه موافقتك ... بس انا كمان بقولك لو مش هاكون لعبد الرحمن عمرى ما اكون لحد تانى

توحيدة : بنت .. احترمى نفسك واتكلمى باسلوب احسن من كدا.... ادخلى اوضتك

ايمان دخلت اوضتها واحمد اتكلم

احمد : انا مش فاهم انت ليه عملت كدا يا بشمهندس زين ليه تزعل منى صاحبى وليه تكسر بخاطرهم اصلا

زين : صاحبك دا يخصك انت .. بس انت ياحمد لو انا فعلا وجيت قولتلك اتجوز ايمان هاترفضلى طلبى

احمد : انا يعز عليا ان ارفض طلبك بس اه هارفض علشان حاجتين مهمين .. عبد الرحمن صاحبى ... عبد الرحمن قرب منى وانا مش قدة ولا فى السن ولا التعليم ولا اى حاجة ووقف جنبى وانا لايمكن اعمل كدا فى اى حد مابالك بقا صاحبى اللى افضاله عليا .... والحاجة التانيه ايمان .. ايمان دى اختى فعلا واهم حاجة حبيبه صاحبى ..... عن اذنك يا بشمهندس

احمد هو كمان مشى ومفضلش الا توحيدة وزين

توحيدة : انا مش هاسألك انت رفضت ليه لانى واثقه فيك وواثقه انك عاوز توصل لحاجة معينه .... بس بلاش ايمان واحمد ... انا بنتى مش وحشه يا زين علشان اطلب من حد يتجوزها ... حتى لو رفضت عبد الرحمن هى هاتفضل لغايه مايجى نصيبها لغايه باب بيتنا .... ومتزعلش من ايمان هى قالت كدا من حبها لعبد الرحمن

زين : متقلقيش من اى حاجة ... ومش زعلان على فكرة منها لو مقالتش كدا كنت شيكت فى حبها .... انا هامشى بقا علشان سايب ليليان هناك لوحدها ... لو حاجة حصلت اتصلى وبلغينى

توحيدة : ماشى يا زين.. سلملى على الغاليه

احمد : استنى يا عبد الرحمن ... انا مش بنادى عليك

عبد الرحمن بعصبيه : عاوز ايه ... ولا خلاص ظبط الامور فوق وجاى تمثل عليا

كريمه: عيب يا عبد الرحمن دا مهما كان احمد اعقل كلامك

احمد : متشكر يا صاحبى .. عن اذنكوا

عبد الرحمن : استنى ... انت عاوزنى اكون ازاى ياعنى انت اللى حصل فوق دا يرضيك ... انا مخنوق يا احمد .... مخنوق وحاسس ان مبقتش قادر اتنفس .... انا اسف... سامحنى مقصدش ازعلك

كريمه : متزعلش ياحمد .... اعذرو يابنى والله لسه متخانق معايا علشان اخدته ومشيت

احمد : انت صاحبى وعارف اللى قولته دا من خنقتك بس ... وبعدين كلام مامتك صح انت مكنتش هاتوصل لنتيجه فوق وانت بالطريقه دى .... اهدى .... وانشاء الله خير

عبد الرحمن : اهدى ازاى ..وخلاص المفروض اسافر والباشا اللى فوق رافض ... انا لايمكن اسافر واسيبها

احمد : خلاص عافر متسكتش عافر لغايه مايوافق....وزى ما قدرت تقنع امها ... بردوا هاتقدر تقنع زين بس بالهدوء

عبد الرحمن : هدوء ايه بس هو دا ينفع معاه هدوء .... انا مشفتتش فى حياتى انسان مستفز زيه كدا

*********************

زين فى الطريق للقاهرة

زين : الو

مراد : ايه خلصت

زين : اه خلاص .... انت فين

مراد : سايق اهو رايح المطعم

زين : طيب لو قدرت اوصل بدرى وانت مكنتش خلصت لسه هاجيلك

مراد : طيب سلام

*********"********

فى بيت سارة

سارة : اروح فين انا ياماما .... انامالى اصلا ...هو انتى وخالتو مالكوش حد الا انا.... سارة روحى جيبى دوا لخالتك ... سارة الحقى بنت خالتك واقعه فى مصيبه روحى الحقيها .

: ياعنى خالتك متصله تعيط وتقول بنتها فى حد خبطها بالعربيه وهى مش قادرة تروح وبتستنجد بيكى و تقولى لا دى تربيتى ليكى

سارة : وايه بنتها ماتت .... اصل البت دى مدلعه وانا مبحبهاش

: يابنتى الله يهديكى قومى روحى شوفيها واطمنى عليها وجيبها

سارة : يوووووة يادى سارة وسنين سارة .... الله يخدك يا ماهيتاب الكلب

****************

سارة وصلت المستشفى وسألت على اوضه بنت خالتها

سارة : مانتى كويسه اهو وقردة امال ايه بتعيطى ليه

ماهيتاب بنت خاله سارة وفى ثانويه بس مدلعه : هو انتى اللى جيتى .... انا قولت لمامى بلاش انتى

سارة : مامى ... امال مش مامى متعشيش الدور يابنت فتحيه ... انا على اخرى منك ومن امك ومن امى

مهيتاب : ايه بنت فتحيه دى ..... وبعدين انتى مش شايفه قد ايه انا تعبانه انا رجلى مكسورة

سارة : هو فين اللى عمل فيكى كدا... علشان اشكرة

مهيتاب : تشكريه .... وانا اللى قولت انك هاتسجنيه علشان خبطنى

سارة: اسجن ايه .... بقولك عفا الله عما سلف مش مشكله رجلك اتكسرت عادى ياعنى .... خلينا اقومك واوصلك

الباب خبط

سارة : ادخل

: السلام عليكم

سارة : يانهار اسود انت .... انت ماشى ورايا ولا ايه

مراد : لا بجد مكنتش ناقصك ... لا وكمان لابسه احمر يانهار اسود ابعدى عنى وشى

سارة : ابعد عن وشك ايه يا اهبل انت.... انت الى جاى وبتخبط علينا

مراد : لمى نفسك علشان انا على اخرى ومش هاستحمل طوله لسانك

سارة : اطلع برا

مراد اتجاهلها : الف سلامه عليكى ياقمر ... انا مقصدتش اخبطك ابدا

سارة : قولى بقا انت اللى خبطها ....دا انا هاروح فيك فى ستين داهيه.... دا انا هاسجنك

مراد : انتى مالك انتى بتدخلى ليه اما انك باردة بصحيح

ماهيتاب : سارة انتى مش قولتى عفا الله .......

سارة : اخرسى انتى .... انا بقا مالى دى تبقا اختى

مراد : دى اختك

ماهيتاب : لا مش اختى دى بنت خالتى

مراد : اه وانا بقول القمر دا يبقى اخت دى ازاى

سارة : ومالى بقا يا عنياااااااا

مراد : هههههه بصى لنفسك للمرايه وشوفى نفسك

ماهيتاب : هههههههههههههه

سارة : عجبتك يا حيوانه .... مش كنتى عماله تقوليلى اسجنى اللى خبطنى

ماهيتاب بدلع : غيرت رأى ..... كفايه انك جيت واطمنت عليا

مراد : لا دا اقل حاجة ... ممكن ياقمر رقم تليفونك علشان اطمن عليكى

سارة : نهارك اسود بتشقط البت قدامى .... انت ايه صغير وكبير مش عاتق حد

مراد: انا لازم امشى ورايا حاجة مهمه جدا ... هاكلمك يا .....

ماهيتاب بدلع : ماهيتاب

مراد بضحك: مين اللى تاب هههه

ماهيتاب : هههههههه دمك خفيف

سارة : دا دمه يلطش .... بتضحكى على ايه دا ظريف

مراد : والله ماحد ظريف الا انتى ... بتتدخلى ليه

سارة : طيب يا توتو خلى البرنس يوصلك اظن انتى هاتموتى وتوصلى لدا .... انا ماشيه

سارة مشيت ورزعت الباب وراها

مراد : مين العنيفه دى

مهيتاب : دى سارة بنت خالتى ... بس مستغربها ليه عملت كدا معاك دى كانت عاوزة تشكرك علشان خبطنى اصلها بتكرهنى

مراد : ههههههه يخربيتها انا مغلطتش لما قولت انها عنيفه

طيب ياقمر ثوانى وراجعلك

********

مراد : انتى استنى .... يابنتى استنى

سارة : عاوز ايه منى ؟

مراد: مش جدعنه ابدا انك تسيبى بنت خالتك وتمشى

سارة : انا مش جدعه ..وصلها انت .. سلام

مراد بعصبيه : يوووووة ما قولنا مش فاضى ... يالا يا شاطرة وصليها

سارة : لا مش هاوصلها وفكك منى

مراد : سارة استنى بس اقولك حاجة

سارة : متنطقش اسمى ...عاوز ايه؟

مراد : لو سمحتى متلبيسش اللون الاحمر علشان بيعصبنى ...

سارة : وانت مالك ؟ ...

مراد قاطعها : اه وخدى الكشاف دا

مراد ضربها على وشها وتحديدا على قورتها ومشى بسرعه يضحك.

سارة فاقت من الصدمه : اه يا حيووووووان

مراد مشى وساب سارة فى صدمتها وماهيتاب اللى فاكرة انه هايوصلها

سارة : ايه ياست الحسن والجمال ... الباشا خلع

ماهيتاب : مش مشكله ... بس قد ايه زوق وعسل وجنتل مان وامور اوى

سارة : امور وجنتل مان دا حيووووان ... يالا ياختى علشان اوصلك

*******************

على التليفون بين مراد وزين

زين : ياعنى انت كويس ..... فيك حاجة ..

مراد : والله كويس او كنت كويس لغايه ماشوفتها عكرتلى دمى

زين : مين دى

مراد : بعدين.... انا ااتصلت بعلى وقولتله ان عملت حادثه بسيطه وانت مسافر واجلنا الاجتماع وهانبقا نبلغه المعاد امتى

زين : كويس وانا قربت اوصل ... اجيلك

مراد : ما قولتلك كويس يا زين

زين : انا غلطان .. سلام

***********************

فى الشرقيه

ايمان : ازاى تسمحيله يعمل كدا مين دا .. انا اول مرة اشوفه .... مين دا علشان يتحكم فيا

توحيدة : اخرسى ومتعليش صوتك عليا .... ودا قريبى قولتلك .... دا حبيب ابوكى .. ابوكى كان بيحبه اوى ... وبعدين عاوزة ايه عبد الرحمن يقول مالكيش رجاله

ايمان : اسفه يا ماما... يا ماما علشان خاطرى كلميه اقنعيه تانى والله عبد الرحمن كويس وغير اهله

توحيدة اتنهدت : ماشى .. بس بردوا عاوزة اقولك عبد الرحمن لو بيحبك هايعافر لغايه ما يوصلك ... سيبى ربنا يسرلك امورك يابنتى .... واللى فيه الخير يقدمه ربنا

ايمان : يارب يسرلى امورى

*****************

فى بيت الجارحى

زين: مساء الخير

ليليان : زين ... انت جيت

ليليان قامت تجرى عليه حضنته فرحتها بيه متتوصفش انه رجع بالسلامه كانت خايفه عليه ليقابل اعمامها

زين ما صدق حضنته ... قد ايه هو كان محتاج حضنها بعد يوم طويل زى دا

ليليان : انت كويس ... تعبان

زين : اه كويس ... الحمد لله

ليليان : عملتوا ايه .. شوفت عبد الرحمن

زين : اه شوفته ... فيه شبه كبير منك

ليليان : اه فعلا شبه بعض عمى شاكر شبه بابا جدا وانا شبه بابا .. فانا وعبد الرحمن شبه بعض.

زين : اممممممممم

ليليان: ها كتبتوا الكتاب ..

زين : لا ... انا رفضته.

ليليان بعدت عن حضنه : ليه يا زين .

زين شدها تانى لحضنه : متبعديش عن حضنى .... وليه متوجعيش دماغك الحلوة دى انا عاوزك تذاكرى وبس

ليليان : زين متكسرش قلبهم. .. انت ترضى حد يكسر قلبك

زين : مفيش حد يقدر يكسره غيرك انتى .... انتى ترضى تكسرى قلبى ؟

ليليان : عمرى ما اقدر اعمل كدا

زين : خلاص متحطنيش فى مقارنه مع حد ... وبعدين انا فعلا تعبان وجعان نوم وعندى بكرا يوم طويل فى الشركه ممكن ننام بقا

ليليان : اممممم ماشى انا سمحتلك تنام علشان انت بس تعبان .... واهرب منى براحتك

**************

فى الجامعه

ليليان : هههههه هههه‍هههههه بجد مش قادرة .... الله يا سارة نفسى احضركوا مرة هاموت على نفسى من الضحك

سارة : انتى بتضحكى وانا مش عارفه انام من الغيظ .. دا ادانى واحد كشاف يا ليليان

ليليان : ههههههههههههههه والله ما قادرة

سارة : اضحكى...... دا انا بطلب من ربنا يجمعنى بيه كمان مرة بس وانا انتقم منه

ليليان : ههههههه يارب ياستى تشوفيه بس هاتعملى فى ايه ايه سارة

سارة : هاخنقه هاموته البجح كان بيشقط بنت خالتى قدامى

ليليان : والله انه لذيذ.

سارة : لذيذ.... تمام استنى اسجلك وابعتها لزين

ليليان : لا زين ايه بس ... من حق كنت عاوزة اروحله الشركه

سارة : ليه ؟!.

ليليان : حوار كدا هاحكيلك بعدين... طيب اقولك تعالى معايا اتفرجى على الشركه مش انتى نفسك تروحيها واحكيلك واحنا ماشيين

سارة : اشطا يالا

*****************

ليليان وسارة تحت مبنى الشركة

سارة : بقولك اطلعى انتى لغاية ما اروح اجيب حاجة اشربها

ليليان : طيب متتاخريش

ليليان طلعت ووصلت مكتب زين والمرادى دخلت ومستنتش سهيله تتدخل تستأذن ودا غاظ سهيله جدا

ليليان : زين

زين : ليليان ...تعالى.. شايفك بقيتى تيجى الشركه اكتر ماكنتى بتشتغلى فيها

ليليان بقمصه : ماجيش ياعنى ايه المقابله الوحشه دى

زين : هههههه والله ..

ليليان راحت وقعدت على المكتب قدامه : لا انا زعلانه صالحنى

زين :طيب وطى كدا وانا اصالحك .

ليليان ضحكت ووطت وهو باسها من خدها : متزعليش يا لى لى

ليليان : عفونا عنك ..... انا كنت جايه اتكلم معاك فى موضوع

زين شدها وقعدها على رجله : اتكلمى براحتك بقا انا كدا اعرف اركز كويس فى كلامك

***************

سارة : يا ماما انا فى مشوار مش هاعرف اجاى وبعدين انا عملت اللى عليا امبارح وجبتها من المستشفى

: لازم تيجى يا سارة حتى لو شويه

سارة : طيب هاشوف كدا واكلمك ... ماما اقفلى بس بسرعه

سارة شافت مراد بيركن عربيته وداخل الشركه .. استخبت بسرعه وحلفت لتنتقم منه

سارة : هههه‍ه وقعت تحت ايدى

****************

سهيله : حضرتك مينفعش تدخل من غير معاد

: انا لازم ادخل ودلوقتى ..... اوعى كدا من سكتى

زين كان قاعد على كرسى و ليليان قاعده على رجله وتحاول تقنعه بموضوع عبد الرحمن وإيمان وهو مستمتع جدا بيها وتقريبا مش مركز مع كلامها وفجأه الباب اتفتح ودخل منه حد

: ايه ليليان

ليليان : عبد الرحمن 

ليصلك باقي القصة علي ب 20 ملصق وشكرا لتفاعلكم👍👍

قصة عشق زين للكاتبة زينب محمد الجزء الأول

الحلقة 12:✌✌

فى شركه الجارحى

ليليان : عبد الرحمن ..؟

عبد الرحمن : ليليان .. انتى بتعملى ايه هنا وازاى قاعدة على رجله كدا ..... انطقى

ليليان بخوف : ماهو ...اااااه

زين : ماهو ايه انتى كمان ... انت داخل شركتى ومكتبى وبتزعق احترم نفسك ...وبعدين يا محترم دى تبقا مراتى

عبد الرحمن : انت اتجوزتهااا ازاى ... وازاى اصلا تتجوز بدون علم اهلها

زين باستفزاز: هما فين اهلها دول ؟؟!

ليليان : زين لو سمحت .. سيبنى اشرح لعبد الرحمن

زين بعصبيه : تشرحى ايه ونيله ايه .... انشالله عنه ما فهم حاجة .. انا اللى عندى قولته انتى مراتى .. وبعدين انت جاى ليه هو انا مش رفضتك امبارح واظن انت عارف زين الجارحى ولو مش عارفنى اسأل عنى واعرف انى مبرجعش فى كلمه قولتها فاااااهم

عبد الرحمن راح قعد على كرسى وببرود : لا مش فاهم .... وعلى فكرة انت غصب عنك هتوافق على جوازتى من ايمان الا اذا

زين : الا اذا ايه ..... انطق...وبعدين حاسب على كلامك كويس معايا انا مفيش حاجة بعملها غصب ابدا

عبد الرحمن بعصبيه : عادى ممكن باتصال بسيط لعمى وابويا واقولهم على مكانها

زين : ايوا قول اللى جواك ... بس اقولك اعلى ما فى خيلك اركبه ولا يهمنى

ليليان بعصبيه : بس كفايه ... انتو عاوزين ايه منى .... انتوا واقفين لبعض على الكلمه .... ليه وعلشان خاطر ايه

عبد الرحمن : ومش سألتيه ليه هو رافض جوزاتى من ايمان .... ليه عاوز يفرقنا انا لغايه دلوقتى مش لاقى سبب معين لرفضه ليا

ليليان : زين لو سمحت اقعد خلينا نتكلم براحه وبهدوء.... على فكرة يا زين عبد الرحمن زى اخويا و على فكرة كمان هو اللى هربنى يوم جوازتى من الشيخ وعمرة ما أذانى ابدا ... انت ليه رافضه اوى كدا

 

عبد الرحمن بهدوء : على يافكرة يا بشمهندس انا بحب ايمان اوى انا مش عاوز حاجة غيرها انا هابعد عن اهلى واسافر ومش ناوى ارجع تانى ... ليليان مكنتش الضحيه الوحيدة فى العيله دى .. انا كمان ابويا طول عمرة ظل عمى وماشى وراة فى اى حاجة وعمرو ماحسسنى بحبه .. جدتى وامى وليليان اللى كانوا بيحبونى وانا بحبهم ... جدتى وماتت وليليان والحمد لله ربنا كرمها ومشيت بعيد عنهم وامى رافضه تسيب بيتها وابويا وعندها امل ان ابويا يرجع زى زمان وانا فقدت الامل فيه وعاوز اعيش مع الانسانه اللى بحبها

زين : ليليان لو سمحتى اخرجى

ليليان : نعم ؟ اخرج فين .. زين انت بتقول ايه

زين : اللى قولتهولك اسمعي واخرجى برا ..لو عاوزنى اسمع منه

عبد الرحمن : كلامه صح ... اخرجى انتى علشان نعرف نتكلم كويس

ليليان بخفوت وقربت من زين تاخد شنطتها : ماشى يا زين ..ماشى.

ليليان خرجت

زين : بتحبها بقالك قد ايه

عبد الرحمن : من ٢٠ سنه لما شوفتها بيبى صغننه حبيتها واتعلقت بيها جدا وكبرت قدامى وعلى ايدى وربتها ونفسى تبقا مراتى انا بقالى. سنين بعافر علشان خاطرها ولسه بردوا بعافر وعندى استعداد اعافر عمرى كله بس تبقا ليا

زين : ومروحتش ليه لابوها لما كان عايش

عبد الرحمن : كان هايرفض

زين : اديك قولت كان هايرفض .. انت عاوزنى انا بقا اوافق

عبد الرحمن : عم حسن كان هايرفض علشان مبيحبش ابويا ولا عمى عاصم .... بس انت قصدك ايه ان كنت مكنتش هاروح مثلا وهو عايش واتقدم واستنيت الفرصه لما مات واتقدمت

زين : امممم ماهو دا اللى باين

عبد الرحمن : لا طبعا لو عم حسن كان لسه عايش كنت روحت واتقدمت انا اللى مانعنى هو حاجة واحدة بس ليليان موضوعها كان لازم يخلص والحمد لله قدرت اهربها لعم حسن يومها وانا واثق ان عمرة ما هايفرط فيها ابدا .... ولما الحمد لله ليليان هربت مكلمناش حاجة وهو مات .. انا قدمت على البعثه ووافقوا وفكرت اتقدم واخدها واسافر ومرجعش تانى

زين : ولما تاخدها وتسافر مش هاتحن لاهلك

عبد الرحمن : هاسالك نفس السؤال .. ليليان بتحن لاهلها

.... اجاوب انا و هارد واقولك لا مبتحنش عارف ليه علشان مشفتش منهم الا كل شر وانا كمان كدا زيها مش هاحن الوحيدة الى هافكر فيها هى امى وانا فكرت ان كل فترة هابعتلها وتسافرلى

 

زين : انت عارف لو مكنتش جيت انهاردا .. كنت قولت انك بتمثل ومبتحبهاش وعلى فكرة انا كنت واثق انك جاى وكنت مستنيك علشان شوفت حبها فى عينك امبارح

عبد الرحمن باستغراب: طيب لما انت شايف حبها فى عنيا وواثق انى جاى.. وفهمتنى كويس ليه رفضتنى اصلا امبارح ليه عاملتنى كدا

زين بهدوء: لازم اعمل كدا .. عم حسن مكنش شخص عادى بالنسبالى ....لازم اتأنى وانا بسلم بنته لعريسها .. وخصوصا لو عريسها دا له اهل هو بيكرهم وجه قبل كدا وجوزنى بنتهم علشان يحميها منهم ... يبقا ليا الحق اخاف على بنته ولا لاه

عبد الرحمن : طبعا ليك حق ... بس انت عيشتنى اسود ايام حياتى ... بس اعتبر انك كدا موافق

زين بابتسامه : انت شايف ايه ؟

عبدالرحمن : طيب ايه هتقدر تيجى بكره نكتب الكتاب علشان المفروض اسافر بعد بكرة

زين : اممم انشاء الله هاجى

عبد الرحمن : احم كنت عاوز اقولك على حاجة واشكرك كمان

زين : اتفضل قول وشكر ايه دا

عبد الرحمن : شكرا انك حميت ليليان واتجوزتها وانت مش مجبر على كدا ... وعاوز اقولك انا بعفيك من الجوازة دى ....طلق ليليان وهاخدها معانا واحنا مسافرين وهما مش هايقدروا يوصلوا ليها

زين : تصدق بالله.... قول لا اله الا الله

عبد الرحمن: لا اله الا الله.

زين : انت لو فكرت تعيد الكلام اللى قولتة دلوقتى ....هاقوم واكسر الاوضه دى عليك حته حته وماهارحمك ابدا

عبدالرحمن بضحك : هههه ليه بس انا كنت بقو...

زين : دكتور عبد الرحمن لو عاوز تتجوز ايمان وبكرا وميحصلش اى تأجيل يبقا تسكت خالص .... وياريت متجبش سيرتها تانى على لسانك

عبد الرحمن وهو مستغرب : سيرة مين

زين : ليليان... ليليان الجارحى

عبد الرحمن : زى مانت خايف على ايمان انا كمان خايف على اختى وبنت عمى ... ومحتاج منك وعد لو زهقت من حمايتها وفكرت تسيبها مش تجرحها وانا موجود

زين : انا ولا هاسيبها ولا هازهق منها ...ويالا علشان تلحق تظبط امورك لغاية بكرة

 

عبد الرحمن: استأذن انا ... بس هى فين اطمن عليها قبل ما امشى

زين : يادى النيله اطمن عليها وانا مش جاى بكرا ولا فى كتب كتاب

عبد الرحمن : ههههههههههههه لا سلميلى عليها ... سلام

زين : عبد الرحمن مش محتاج اقولك بلاش حد يعرف ان ليليان اتجوزت ولا عندى ... هى. مش جاهزة تواجههم وانا ماشى معاها خطوة بخطوة ولما تكون جاهزة اللحظه دى انا هقولهم بنفسى

عبد الرحمن : من غير ما تقول ... انا كنت ناوى اعمل كدا ... عن اذنك

*******************

سارة بصوت واطى جدا : الو

ليليان : سارة انتى فين ... انتى مالك بتتكلمى بصوت واطى اوى كدا ايه ... انتى روحتى

سارة : لا مروحتش .. انا فى مصيبه

ليليان : مصيبه ايه... انتى فين

سارة : انا فى الزفته الشركه ... انا مستخبيه ومتسألنيش فين انا نفسى مش عارفه

ليليان : اهدى كدا انتى مستخبيه فين بالظبط وانا اجيلك

سارة : وربنا ما اعرف هو جوزك دا ايه دا كله مبنى فى ميه اسانسير وميه سلم .. بصى انا معرفش انا كنت بجرى ركبت اسانسير ووصلت اخر دور لقيت اوضه فتحتها لقيتها ضلمه ومفيهاش حد دخلت استخبيت فيها

ليليان : طيب تمام .. احنا كدا فى نفس الدور انتى فى دور رؤساء الاقسام ... هادور عليكى اهو

سارة : بس بسرعه قبل ماابولهب يلاقينى ويقتلنى

ليليان : ابو لهب ايه وانتى عملتى ايه

سارة : معملتش فاكرة الحمار اللى حكتلك عن الصبح ... اهو التور دا لقيته بيركن عربيته وبيدخل الشركه الصراحه الدم غلى فى عروقى.... قولت لازم انتقم ... روحت اشتريت جردل دهان لونه احمر وكبيته كله على العربيه وبالقلم اللى معايا ... مضتله على العربيه خربشتها ههههه

ليليان : يخربيت سنينك يا سارة انتى مجنونه ايه اللى انتى هببتيه دا

سارة: ههههه الصراحه انا مبسوطه .. تعرفى كتبتله ايه ..مع تحيات سارة عملك الاسود .. الاحمر يليق بك هههههههههههههه

ليليان : والله العظيم انتى هبله

.. طيب حد شافك

سارة : اه واحد جه جرى وقالى يانهارك انتى بتعملى ايه دى عربيه مراااد بيه واتصل يقوله فانا جريت طلعت الشركه استخبى .... ايه دا النور ولع ليه.... يانهار اسود

ليليان : سارة ردى عليا سارة فى ايه .. يانهار اسود ليه .. فى ايه

(نور الاوضه ولع فجأه وظهر مراد اللى كان قاعد على كرسى المكتب والشر باين فى عينيه )

سارة : اهدى كدا انا مش قصدى عليك .. ايه ليله السودا دى

مراد بصوت مخيف: انا حماااااار

سارة : مين قال كدا عليك

مراد : انا حماااار و كمان تووووور

سارة : مش انت بتكرة اللون الاحمر فاكيد فيه علاقه بينك وبينه زى التور واللون الاحمر كدا

مراد بصوت جهورى : انا تووووووور .... دا انتى ليله اهلك سودا مش هاسيبك الا لما اقتلك

سارة طلعت تجرى فى الاوضه : ينهار اسووود... اهدى ياشبح

مراد : شبح يا حيوانه يا قذرة يا بيئه .... انتى ازاى جالك الجرأه وتلمسى عربيتى وتكبى عليها دهان لونه احمر يا حيوانه

سارة: والله ماحد حيوان الا انت ... ما تلم نفسك يا جدع انت.... واقولك تستاهل اللى انا عملته فيك

مراد فى لحظه دى فقد اعصابه وطلع مسدسه : هاقتلك ... وربنا لاقتلك

سارة : يالهووووووى الحقووووونى ابو لهب هايموتنى

الكل اتجمع برا من الصوت وليليان جت وفتحت الباب واتصدمت من سارة اللى فوق المكتب وماسكه انتيكه فى ايديها كانها بدافع عن نفسها بيها ومراد واقف قدامها بيصوب مسدسه ناحيتها

ليليان وقفت قدام مراد: اهدى يا استاذ مراد.... معلش امسحها فيا انا

مراد : اطلعى انتى منها .. انتى مرات صاحبى

ليليان: وهى صاحبه مرات صاحبك .... لو سمحت اهدى وانا هاخليها تعتذرلك

سارة : اسكتى يا ليليان هو فاكر نفسه مين مازنجر ... فاكرنى هاخاف منه ولا من مسدسه تلاقى المسدس دا لعبه وبيرش ميه فى الاخر

مراد : مانا هاخليه يرش ميه عليكى دلوقتى

ليليان : اسكتى يا سارة انتى مش شايفه منظرو عامل ازاى دا هايصور قتيل

سارة : ولا يهز فيا شعرة.... لو جدع اضربنى بالمسدس

مراد ضرب طلقه وعدت سارة بسنتى واحد والكل صوت حتى ليليان اتخضت وكان هايغمى عليها

زين سمع صوت ضرب نار طلع يجرى ولقاه الكل متجمع وبيتفرج زعق بكل صوته : فى ايه بتتفرجوا على ايه .... اوعوا كدا

ودخل لقاه مراد واقف وليليان قدامه وملامحها كلها خوف ورعب وسارة على المكتب خايفه هى كمان بس مش مبينه وبتستعد لحاجة

زين : فى ايه يامراد .. انت ضربت نار ولا ايه

مراد مبيردش بس باصص لسارة بتحدى وبيستعد هو كمان لحاجة

زين قرب من ليليان واخدها فى حضنه : مالك خايفه ليه كدا جسمك متلج

ليليان بخوف: مراد ضرب نار علينا وكانت هاتيجى فينا

زين: مراد نزل الزفت دا من ايدك

سارة بتحدى رغم الخوف اللى جواها:اه كخ يا بابا نزله عيب كدا متلعبش بالحاجات دى

مراد فى لحظه دى ضرب طلقه تانيه فوق راسها الوضع كان مخيف جدا من بدايه موظفين الشركه اللى اول مرة يشوفوا مراد كدا وبالعصبيه دى و وزين الى كان بيحاول يقرب من مراد ياخد منه المسدس لانه حس ان صاحبه خلاص فقد كل ذرة عقل وليليان الخوف ماليها وبدات تفتكر لحظات مكنش عاوزة تفتكرها وسارة اللى خافت فعلا لان فى الطلقتين كانوا قريبين منها جدا ووممكن لو اتحركت لحظه كانت ماتت

زين : ليليان خدى صاحبتك واطلعى ..... روحى يالا

ليليان بتحاول تجمع اعصابها واخدت سارة وخرجت

زين : كل واحد على مكتبه مش عاوز واحد واقف هنا

***************

سهيله : انتى اتجننتى يا نورا ايه اللى عملتيه دا

نورا : يالهوى وطى صوتك بقا ... مش انتى اللى عاوزة تخلصى منها انا هاخلصك منها وللابد

سهيله : تقومى تفكرى تموتيها .. موووت ... زين الجارحى لو عرف حاجة هايقتلنا

نورا : صحصحى كدا معايا ولا هايعرف انا عطلت الكاميرات خلاص ... والاسانسير كتبت ورقه ان فيه عطل فنى ويرجى استخدام السلم ودور دا مفيهوش الا سلم الطوارئ دلوقتى هما هايروحوا يركبو الاسانسيىر هايلاقوا الورقه هايسألو عن السلم هايعرفوا هاينزلو وتلاقى الزيت وتقع تتكسر وتموت الموضوع بسيط مفيهوش اى خطورة ... وصاحبتها اللى هاتشيل الليله

سهيله : وافرض بقا يا ناصحه صاحبتها اللى نزلت الاول مش هى ايه العمل وقتها

نورا : لا متخافيش فى وقت الخناقه انا دخلت فى الاوضه واخدت الشنطه بتاعتها ومحدش اخد باله وكلفت بنت من الموظفين الجداد ينادوا عليها اول ما توصل للسلم علشان تديها الشنطه بس تكون النيله التانيه نزلت

سهيله : اما دا لو حصل زى ماانتى مخططه ليكى الشهد والله

نورة : متخفيش كل حاجة تمام

 

نورا : صحصحى كدا معايا ولا هايعرف انا عطلت الكاميرات خلاص ... والاسانسير كتبت ورقه ان فيه عطل فنى ويرجى استخدام السلم ودور دا مفيهوش الا سلم الطوارئ دلوقتى هما هايروحوا يركبو الاسانسيىر هايلاقوا الورقه هايسألو عن السلم هايعرفوا هاينزلو وتلاقى الزيت وتقع تتكسر وتموت الموضوع بسيط مفيهوش اى خطورة ... وصاحبتها اللى هاتشيل الليله

سهيله : وافرض بقا يا ناصحه صاحبتها اللى نزلت الاول مش هى ايه العمل وقتها

نورا : لا متخافيش فى وقت الخناقه انا دخلت فى الاوضه واخدت الشنطه بتاعتها ومحدش اخد باله وكلفت بنت من الموظفين الجداد ينادوا عليها اول ما توصل للسلم علشان تديها الشنطه بس تكون النيله التانيه نزلت

سهيله : اما دا لو حصل زى ماانتى مخططه ليكى الشهد والله

نورة : متخفيش كل حاجة تمام

رواية زين وليليان البارت 12 

ليليان : اووووف ايه اللى عطله دا بس

سارة : لو سمحت الاسانسير متعطل وبيقولو يرجى استخدام االسلم هو فين

احد الموظفين : هنا مفيش الا سلم الطوارئ استخدميه وهاتنزلى على الدور اللى بعدة هاتلاقى كذا اسانسير شوفى انهى واحد شغال

سارة : متشكرين .... فين السلم دا بقا

: اخر الطرقه على الشمال

ليليان : انتى مش شايفه انك زودتيها اوى مع مراد

سارة : ليليان متتكلميش لو سمحتى فى الموضوع دا ... ياعنى ضرب عليا نار وانتى كمان بدافعى عنه

ليليان : لا مبدافعش بس شايفه انك مكبرة الموضوع من الاول ومش مقتنعه باسبابك..... يللا خلينا ننزل

: لو سمحتى يا انسه

سارة وليليان لفوا والبنت شاورت لسارة تيجى تكلمها

ليليان : روحى شوفيها وانا هانزل الدور الى تحت اشوف العطل فى الشركه كلها ولا ايه

سارة : طيب

سارة راحت للبنت اللى ادتها شنطتهاا وسارة شكرتها جدا لانها ناسيها فعلا وكانت ماشيه

فى الوقت دا مخطط نورة وسهيله مشى صح وليليان نزلت على السلم اللى فى نصه بالظبط رجليها اتزحقلت بسبب الزيت وحاولت تتحكم فى نفسها لغايه ما قدرت توصل وتقف بس رجليها فقدت السيطرة عليها ووقعت اتخبطت فى حديدة واغمى عليها محستش باى حاجة ودا كله حصل فى ثوانى

سارة فتحت باب السلم ولسه بتنزل لقت ليليان مرميه فى فى اخر السلم بتنزف جامد من راسها سارة مستوعبتش الموقف للحظه وبعد جدا صرخت باعلى صوتها كله : ليلياااااان

******************

فى مكتب مراد

زين : عجبك اللى حصل دا من امتى وانت كدا .... دا انت المفروض ظابط وبتتحكم فى نفسك ازاى وصلت لمرحله دى يا مراد ... وتضرب نار على البنت مش خايف فى عز غضبك تموتها ونشانك يخونك

مراد ساكت وسرحان وباين على وشه الحزن

زين : متجننيش اتكلم انطق قول اى حاجة

مراد بحزن : كانت ذكرى وفاتها انهاردا وكنت واخدلها الورد وعربيتها اللى بتحبها ورايح ازورها ..... جت هى بكل غبائها كبت عليها دهان وخربشتها ... كانت عاوزة تنتقم منى وانتقمت فعلا فى اغلى حاجة عندى

زين : مراد اعذرها ... هى متعرفش اكيد .. طيب ادينى مفتاح العربيه وانا هاظبطها زى ماكانت

فى الوقت دا زين ومراد سمعوا صوت صريخ وكان قريب منهم لان السلم قريب من اوضه مكتب مراد

زين طلع يجرى لقاه الكل متجمع ومصدوم وسارة واقفه على السلم بتحاول توصلها وحد من الموظفين بيشدها علشان متقعش هى كمان .. زين لقاه ليليان مرميه فى اخر السلم وراسها وبتنزف حس ان روحه بتتسحب منه فاق على صوت مراد

مراد : اوعوا يا متخلفين افتحو الباب من الدور الى تحت ازاى سايبنها كدا وبتتفرجوا

: ياباشا الباب القفل بتاعه مكسور و مش عارفين نفتحه وبعتنا نجيب حد يقدر يفتحه

مراد : زين فوق كدا .. وتعال نكسر الباب اللى تحت .. بسرعه مفيش وقت

زين ومراد جريوا على الاسانسير وركبوة وفى الوقت دا مكنش فين ورقه على الاسانسير ونزلوا الدور اللى تحت وحاولوا يكسروا الباب وفعلا نجحوا وكسىروا وزين اخد ليليان وجرى بيها وسارة ومراد وراهم

زين حطها فى العربيه وساق باقصى سرعه على المستشفى

وسارة لقت مراد بيركب عربيه تانيه غير اللى بوظتها

سارة بتعيط جامد: لو سمحت خدنى معاك .. والنبى

مراد سكت وركب العربيه ومشى كان مخنوق منها جدا ... بس فى حاجة خلته يرجع تانى مش عارف ايه هى. يمكن صعبت عليه لما لقاها بالمنظر دا و يمكن حس بخوفها على صاحبتها ..... مراد رجع ووقف العربيه قدامها وفتحلها الباب

مراد : اركبى بسرعه

سارة بتعيط : متشكرة جدا

مراد :انا مش ركبتك علشان خاطر سواد عيونك .. انا ركبت علشان انتى متعرفيش زين هاياخدها انهى مستشفى ... والاهم عاوز اعرف وقت ما طلعتوا من الاوضه وايه وصلكوا لباب سلم الطوارئ

سارة : الاسان....

مراد: مش دلوقتى .. نطمن عليها الاول... نقطينا بسكاتك

************************

فى المستشفى

زين شايلها وقلبه خلاص قرب يقف بيجرى بيها فى المستسفى : انا عايز اى حيوان يجى يشوف مراتى

دكتور : اهدى يا حضرت احنا مش فى زريبه احنا فى مستشفى ومستشفى كبيرة كماااان وليها اسمها

زين بنرفزة من اللى قدامه بيديله محاضرة وسايب اللى فى ايدة بتنزف:: واحب اعرف المستشفى دى اسمها ايه

دكتور : مستشفى الجارحى

زين : وانا زين الجارحى واللى فى ايدى دى مراتى وبتنزف

دكتور ارتبك : احم اهلا زين باشا .... ثوانى بس ناخد المدام ونطمنك عليها

زين بعصبيه : لا .... عاوزة دكتورة وحالا

بعد فترة

زين اعصابه بدات تفلت منه وممكن ثانيه كمان يطربق المستشفى دى على اللى فيها

دكتورة سما خرجت من عند ليليان : زين بيه

زين : ها ؟ مالها ؟ وقفتوا النزيف

دكتورة سما: حضرتك هى كويسه وقدرنا نوقف النزيف .. بس

زين : بس ايه انطقى

دكتورة سما : المدام حصلها تشوش فى الذاكرة ياعنى فقدان ذاكرة مؤقت لان الوقعه كانت شديدة عليها

زين : ايه فقدت الذاكرة !!!!!!!!!!

دكتورة سما : متقلقش حضرتك مؤقت .. بس الاهم انت هتتعامل معاها ازاى ... المريض يبقا فى الحاله متتوقعش رد فعله .... كل اللى بنطلبه من حضرتك تفكرها بس بالحاجات الحلوة اللى فى حياتكو و اى سلبيات بلاش منها فى الفترة دى ممكن يحصل انتكاسه فى اى وقت

زين : مفهوم .... هى هاتفوق امتى

دكتورة سما : بعد ساعتين انشاء الله

مراد جة جرى على زين وسارة جت وراة

مراد : ها يا زين .؟ فيها حاجة ؟

زين : متقلقش الحمد لله ... بس فقدت الذاكرة

مراد : لا حول ولا قوة الا بالله

دكتورة. سما : مراد ازيك.. انت مش فاكرنى

مراد : اسف حقيقى مش فاكرك

مراد كان فاكرها كويس دى كانت جارته وبتحبه ومراته كانت بتكرها لانها دايما كانت بتحاول تقرب منه

دكتورة سما برقه: انا دكتورة سما جارتك فى العمارة القديمه قبل ما تنقل

سارة : والنبى سيبكى من جو التعارف دا ... قوليلى ليليان اخبارها ايه هى كويسه

دكتورة سما :وانتى مالك اصلا انا كنت كلمتك

زين : متشكر يا دكتورة ولما ليليان تفوق هابعت حد ينادى عليكى وتطمنينى عليها...... تقدرى تروحى تكملى شغلك

(دكتورة سما مشيت وسارة كانت واقفه بتشتمها فى سرها

وفجأه مراد وزين لفوا ليها وبصولها ونظراتهم كانت غريبه جدا مش قدرت تفسرها )

سارة : فى ايه يا جماعه ... مالكوا اتحولتو كدا ليه

مراد : اقعدى واحكيلنا ايه اللى حصل بالظبط من وقت لما طلعتوا من الاوضه

سارة : حاضر

سارة قعدت وقدامها زين ومراد مترقبين افعالها وحركاتها

مراد : خلى بالك مش هاسمحكلك تكدبى وقولى الحقيقه احسنلك

سارة بعصبيه : مسمحلكش ... انا هاكدب ليه

مراد : وطى صوتك .... وقولى ازاى وقعتيها من على السلم

سارة قامت ووقفت واتنرفزت : انت بجد حيووووان... انا هاوقع ليليان ...... دى صاحبتى

مراد قام هو كمان ومسكها من ايدها : احترمى نفسك... واوعى تنسى ان انا عديت اللى عملتيه فيا لا هاردو بس مش دلوقتى ... فاهمه ولا لاه .... اشمعنا مركبتوش الاسانسير وليه نزلتوا على سلم الطوارئ وليه هى وقعت وانتى لا

سارة عيطت جامد مش من وجع ايدها لكن من وجع اتهامه ليها: لو سمحت سيب ايدى ...ويعلم ربنا انا مزقتش ليليان

زين بهدوء : مراد سيب ايديها ... وانتى يا سارة اقعدى واحكيلنا اللى حصل

مراد ساب ايديها وهى قعدت وعيطت اول مرة حد يحطها فى اتهام زى دا وحست قد ايه هى بتكرهو

سارة : انا وليليان خرجنا ورحنا على الاسانسير ولقينا عليه ورقه مكتوبه ( الاسانسير متعطل ويرجى استخدام السلم )

مراد : الورقه دى مكتوبه بخط ايد ولا كمبيوتر

سارة : لا خط ايد

مراد : الخط كان صغير ولا كبير

سارة : مش متذكرة بس الخط كان كويس كانك مثلا بتحاول تكبر خطك

مراد : كانت محطوطه فين بالظبط

سارة : على باب الاسانسير

مراد : وبعدين ايه عرفكوا بالسلم الطوارئ

سارة : انا لقيت واحد واقف وسالته وهو قالى ان الدور اللى احنا كنا فيه مفيهوش سلم الا سلم الطوارئ وسالته هو فين وقالى اخر الطرقه على الشمال

مراد : وبعدين

سارة : روحنا وقبل ما نفتح الباب وننزل ... لقيت بنت بتنادى وبتقول لو سمحتى. بصينا انا وليليان شاورتلى وانا روحتلها وليليان قالتلى هتنزل الدور اللى تحته تشوف فيه عطل فى بقيه الاسانسيرات الموجودة ولا بس فى الدور اللى كنا فيه وسبتها وروحت للبنت وطلعت عاوزة تدينى شنطتى لانى كنت ناسيها فى مكتبك وشكرتها وروحت فتحت الباب علشان انزل لقيت ليليان واقعه اخر السلم وغرقانه فى دمها

مراد : البنت دى لو شوفتيها تعرفيها

سارة : اه طبعاااا

مراد : منزلتيش وراها ليه ؟

سارة : انا وقفت واتصدمت من الموقف ولما فوقت صوت والناس اتجمعت ومنعونى اكمل وانزل ... فى. حد قال ان فيه زيت مكبوب وقعدوا يشدونى

مراد : وانتى كنتى جايه الشركه ليه ؟ علشان تنتقمى منى ؟

سارة : اولا انا مكنتش اعرفك ولا اعرف اسمك حتى وانا جيت مع ليليان لانها عزمتنى اجاى اتفرج على الشركه ولما هى طلعت لبشمهندس زين وانا روحت اجيب عصير لقيتك بتركن عربيتك فالدم غلى فى عروقى وحلفت انتقم منك وبس لما حد شافنى وقالى انه هايبلغك خوفت وطلعت جريت استخبى واظن الباقى انت عرفته

مراد : وانتقمتى ؟

سارة بغل وضيق من اتهامه ليها : لا للاسف منتقمتش صح ... تصدق انا كان نفسى فى المسدس اللى معاك مكنتش اترددت للحظه وضربته كله فيك

مراد : لمى لسانك الطويل دا وعلى فكرة انتى لسه فى موضع الاتهام لغايه ما نتاكد ... ونشوف حقيقه كلامك

سارة : انت بجد حيوان انت لسه بتتهمنى

مراد بصوت جهورى : ماتتلمى بقى يابت .... هو ايه سكتناله دخل بحمارو

زين : بس انتو الاتنين كفايه .... برا لو سمحتوا مش عاوز اشوفكوا لو سمحتوا على الاقل دلوقتى انا فيا اللى مكفينى

&&&&&&&&&__

الحلقة 13:✌✌

فى المستشفى. 

فى كافتريا مراد وسارة قاعدين كل واحد على ترابيزة وكل لوحدة وعاوزين يولعوا فى بعض 

: مراد ممكن اقعد معاك. 

مراد : اهلا يا دكتورة اتفضلى 

دكتورة سما : هو انت مكنتش فاكرنى بجد 

مراد: اه هاكدب ليه 

دكتورة سما : معقول يا مراد السنين تنسيك كل حاجة 

مراد : اه كفيله تنسينى ....وتخلينى واحد تانى غير مراد اللى تعرفيه 

دكتورة سما : فعلا انت واحد تانى غير مراد بتاع زمان ....هى مين البنت اللى قاعدة هناك دى 

مراد. : معرفش ومتشغليش بالك بيها

سما مسكت ايد مراد : لو سمحت خلينى قريبه منك انا حاسه انك محتجلى 

*************** 

سارة فى سرها : لا حول ولا قوة الا بالله ... حتى فى المستشفى بيشقط مش مضيع وقت 

تليفونها رن 

سارة : ايوا يا ماما

: انتى فين مجتيش بردوا عند خالتك يا سارة 

سارة : اه ياماما علشان ليليان وقعت من على السلم وانا فى المستشفى معاها

: يالهوووى ... طيب وهى عامله ايه دلوقتى 

سارة بحزن : فقدت الذاكرة 

: طيب يا حبيبتى انشاء الله خير .. تعالى بقا الوقت تأخر عليكى وفقدت الذاكرة ياعنى مش فاكراكى 

سارة عيطت جامد. : لا طبعا يا ماما .. انا لايمكن اسيبها دى صاحبتى عاوزهم يقولوا عليا ايه 

: هما مين دول اللى يقولوا 

سارة : جوزهااا واهلها 

: طيب بردوا متتاخريش .. سلام 

*******************

سما : واضح انها مش فى بالك 

مراد :هى مين دى 

سما : البنت اللى قاعدة بتتكلم فى التليفون وبتعيط وانت مركز مع كل حركه بتعملها 

مراد قام ووقف : انا اسف بس لازم امشى فرصه سعيدة

مراد مستناش رد سما وركب عربيته وراح الشركه يتأكد من كلام سارة 

******************

فى الشرقيه 

عبد الرحمن : بس يا حجه هو دا اللى حصل وبكرة باذن لله هانكتب الكتاب 

حجه توحيدة : مبروك يابنى .. انا كنت عاوزة اقولك سيبك منى انا وسافر انت وايمان 

عبد الرحمن: لا مينفعش لازم تسافرى معانا .. مش هانعرف نسيبك كدا لوحدك هنا ولا ايمان هاترضى ... وفى نفس الوقت مش ضامن ردة فعل ابويا ايه بعد ما يعرف ان اتجوزت وسافرت

توحيدة : مش عاوزة اكون عبأ عليك يابنى 

عبد الرحمن : لا متقوليش كدا تانى ازعل ..... يعلم ربنا انا بحبك قد ايه.... انتى زى امى 

توحيدة : تسلم يا حبييى ... انت اللى خلاص بقيت غلاوتك من غلاوة ايمان بالظبط 

عبد الرحمن : ربنا يخليكى لينا يا ست الكل.. انا هاقوم امشى ابلغ احمد وامى بموافقه بشمهندس زين 

توحيدة: ماشى 

عبد الرحمن مشى وفى الوقت دا ايمان كانت نايمه من تعب التفكير فى رفض زين وعبد الرحمن اللى مكلمهاش من امبارح 

توحيدة : ايمان قومى اصحى .. كفايه نوووم 

ايمان : سيبنى يا ماما لو سمحتى مش قادرة اقوم 

توحيدة : فى عروسه كتب كتابها بكرة وتكون عاوزة تنام ...قومى علشان تلحقى تجهزى 

ايمان : كتب كتا... لا انتى بتقولى انة فعلا كتب كتابى بكرا ... والنبى قولى الحقيقه ازاى يا ماما 

توحيدة بضحك : اه ياختى كتب كتابك بكرة وزين خلاص وافق.... عبد الرحمن راحله انهاردة وقعد معاه وزين وافق

ايمان بغيظ: وكان رافض من الاول ليه بس 

توحيدة : افهمى يا غبيه لازم يعمل كدا اولا علشان يتأكد من نوايا عبد الرحمن وتانى حاجة علشان عبد الرحمن ميحسش انك سهله بالعكس لازم يعافر علشان يوصلك .. وتالت حاجة ودى الاهم يعرف ان ليكى ضهر لو فكر يدايقك. .....و زين موجود 

ايمان : المهم انه وافق هاقوم اجهز بقا واشوف البس ايه 

توحيدة : ههه‍ههههههه مجنونه والله ... قومى ياختى ربنا يسعدك ويتمللك على خير

************************

فى القاهرة ( المستشفى ) 

مراد : ها يا صاحبى ... فاقت 

زين : لسه.... عدى الساعتين ومفقتش ودكتورة سما بتقول عادى هاتفوق فى اى وقت 

مراد : طيب خير ... على فكرة انا روحت الشركه و...

زين قاطع كلام مراد : قبل ما تتكلم وتكمل كلامك.. انا زعلت جدا من اتهامك لسارة يا مراد ... الاتهام وحش جدا وكسرت نفسها وهى فعلا صاحبه ليليان وعمرها ما تعمل كدا... وانا واثق انك متأكد من كدا بس حبيبت تدايقهاا وبس

مراد : ياخى انا مش عارف من وقت ما ليليان ظهرت وانت بقيت حينين اوى 

زين : مش حكايه حينين يا مراد حكايه ان انا بعرف اقرى الناس كويس واللى انت عملته غلط اوى فى حقها 

مراد : واللى هى عملته مش غلط فى حقى 

زين : اه غلط بس انتو بتلعبوا لعبه القط والفار ورضيتوا من الاول تلعبوها يبقا كملوها للاخر ومتدخلش حد وسطكوا يا مراد 

مراد : قط وفار ايه بس .... انا حقيقى مكرهتش حد فى حيااتى قد ما كرهتها يا زين 

زين : اه ماهو باين.... وهى بردوا بتعزك اوى 

مراد : مع علينا... انا روحت الشركه وطلع كلامها صح كان فى ورقه موجودة على باب الاسانسير علامتها واضحه حد حطها وشالها تانى والاغرب ان كاميرات كانت متعطله فى الوقت دا والاغرب بقا ان الموكوسه فعلا خرجت من مكتبى من غير حاجة فى ايديها وانا فاكر كويس ان المكتب كان مفيهوش شنط حد ... وهى قالت ان فى بنت نادت عليهم وشاورت على سارة طيب اشمعنا ليليان وهى اصلا اللى المفروض اللى كانت بتشتغل فى الشركه وسارة اول مرة تيجى طيب عرفتها منين وعرفت منين ان دى شنطتها ... تفهم انت بقا ايه يا زين؟

سارة : نفهم انى مظلومه وانت لازم تعتذر وحالا

مراد : استغفر الله العظيم .. انتى عاوزة ايه يابنتى منى بس ... بصى ابعدى عن وشى انا مش طايقك 

سارة : اعتذر 

زين : لا لو سمحتوا كملوا خناقكو بعيد عنى انا مش قادر استوعب اللى انتو بتعملو دا والله لو عيال فى مدراس هايكونوا اعقل منكوا 

: زين باشا.... المدام فاقت تقدر تدخلها وانا هنادى على دكتورة سما 

زين : بصوا بقا خناقتكوا دى بعيد عن ليليان خالص ... الدكتورة قالت بلاش ضغط نفسى حواليها وانتو مشاء الله بارعين فى كدا انتو تعصبوا بلد بحالها 

زين دخل على ليليان لقاها قاعدة بتعيط وماسكه راسها وبتأن جامد

زين : ليليان انتى تعبانه 

ليليان : انت تعرفنى ... انا من وقت ما فقت مش فاكرة حاجة خالص 

زين قرب منها : اه اعرفك انا زين جوزك وانتى ليليان مراتى 

ليليان : طيب ايه حصلى ليه مش فاكرة حاجة 

زين : امممم علشان وقعتى من على السلم واتخبطى فى دماغك ونزفتى .. وعندك فقدان ذاكرة مؤقت 

ليليان :مؤقت .... ياعنى فى امل افتكر انا مين

زين : طبعا يا لى لى انا وانتى مع بعض هانفكرك بكل حاجة 

فى الوقت دا دخلو سارة ومراد 

مراد : حمد لله على سلامتك يا مدام ليليان 

سارة : الف سلامه عليكى ياحبيبتى 

زين : دا مراد صاحبى ودى سارة صاحبتك 

ليليان : هما متجوزين زينا 

زين : اه متجوزين ههههه

مراد و سارة فى نفس اللحظه: نعم؟!

زين اتجاهل استغرابهم :دلوقتى الدكتورة هاتيجى وهاتديكى مسكنات وترتاحى 

مراد : زين لو سمحت عاوزك برة ضرورى 

زين بص لسارة بنظرة تحذير انها متتكلمش فى حاجة : طيب 

***************

مراد : انت بتستعبط ولا بتستهبل ايه اللى متجوزين دى 

زين : وطى صوتك ليليان تسمعك 

مراد : ياخى ما تسمع ولا تتنيل انا مالى .... تدبسنى فى الحيوانه اللى جوة دى 

زين : على فكرة انا مش هاحاسبك على كلامك دلوقتى ... بس بعدين هاعرفك معنى كلامك كويس. ... وانت هاتسمع كلامى يا مراد وهاتتعامل مع سارة كانها مراتك وكويس كمان انا مش عندى استعداد يحصلها انتكاسه بسببكوا 

مراد : اوووووووف ياخى ياعنى هى هايحصلها انتكاسه لو قولنلها اننا مش متجوزين ماتعقل كلامك كويس يا زين 

زين : اه هايحصلها الدكتورة قالت كدا ... قالت ممكن على اهون سبب ... واللى هى عاوزة كله هايحصل يا مراد ومحدش بس يقدر يفكر يزعلها ولا يدايقها ...

مراد : انت اتغيرت اووى يا زين 

زين : اه اتغيرت عارف ليه.. علشان اللى جوة دى عشقى ... عشق الزين ... اوعى تكون فاكر انا مش فاهم اللى حصلها فى الشركه وان فى حد عاوز يموتها .... بس وحياه غلاوتها عندى لانتقم من اللى عمل فيها كدا 

مراد : اه صح انتقم براحتك ... بس ابعد عنى الجاموسه دى 

: والله ماحد جاموسه الا انت ماتلم لسانك يا جدع انت

مراد : الله يخربيتك انا حاسس لو دخلت الحمام هالاقيكى ورايا 

سارة : بطل قله ادب ... قال ياعنى انا اللى دايبه فى هواك 

مراد : ياحلوة انتى تطولى اصلا تبقى حرم مراد باشا 

سارة : اه اطول ياخويا انت مين انت ... تطلع مين انت 

زين : بس بقا كفايه ... بقولكوا ايه اللى هايحصل كالاتى. انتوا الاتنين متجوزين وبتحبوا بعض وبتموتوا فى بعض كمان .... مراد انت مش صاحبى ؟

مراد : ايوا طبعا صاحبك 

زين : وانتى يا سارة مش صاحبتها !؟ 

سارة : اه طبعا 

زين : يبقا ايه واجب الصحوبيه عليكوا ... انكو تسمعوا كلامى انا عاوزها تعدى الفترة دى على خير وفى نفس الوقت تشغلوا حيااتها علشان مفيش حد فى حياتها وهى هاتستغرب كدا فهمتو ليه قصدت اقول انكوا متجوزين ... ساعدونى بقا ... انا داخل لليليان اطمن عليها ... وانتوا روحوا بقا مبقاش ليها لزوم قعدتكوا وبكرة نبقا نتكلم ونشوف هانعمل ايه 

مراد : لا هاستنى اوصلك .. مش هاتقدر تسوق 

زين : لا الحراسه جت تحت ... متقلقش 

**********

سما : مراد لو سمحت دقيقه 

مراد بخفوت : يادى النيله السودة

سما: بتقول حاجة 

سارة كانت ماشيه وسمعتها وهى بتنادى على مراد رجعت تانى ومسكت ايد مراد: بيقول يادى النيله السودة

سما : لوسمحتى انا عاوزة مراد على انفراد 

سارة : انفراد ايه ياحبيبتى .... مش مكسوفه من نفسك ولا ايه وبتقوليها فى وشى .. فى وش مراته ... عيب ياماما 

سما : انتى مالك انتى ...انا عاوزة فى حاجة شخصيه 

سارة : شخصيه بردوا ولا عاوزة تعاتبيه انه ازاى مقالكيش ان انا مراته .... ههههه معلش بقا دا كمان نسى يقولك على البيبى اللى فى بطنى 

سما : بيبى ؟! طيب عن اذنكوا 

سارة : إذنك معاكى ياختى 

مراد كان طول الوقت ساكت ومبسوط وفسر انبساطه دا انها قدرت تبعد سما عن طريقه بس حب يبين انه مش مبسوط من اللى عملته 

مراد : ممكن افهم ايه اللى انتى عملتيه دا

سارة سابت ايديه بقرف. : اقولك انا .. فى الحقيقه الدكتورة دى رخمه كدا ولزجه قولت اغيظها واعرفها انى مراتك وهى بتكشف على ليليان خلصت كشف وطلعت تجرى وراك زى المتخلفه تشكيلك انك معرفتهاش انك متجوز... فقولت اجاى واكمل عليها 

مراد بص يمينه وشماله ملقاش حد زقها على الحيطه اللى وراها وقرب منها جامد : مش خايفه استغل الموقف 

سارة بتوهان : ها 

مراد بخبث ورفع ايدة يلمس وشها : ها ؟ ايه بس ... 

سارة : انت بتعمل ايه ؟ 

مراد فضل يحرك ايدة على وشها: بعمل كدا ...

سارة بمكر : وانا هاعمل كدا 

مراد : اه يا بنت العضاضه ... سيبى ايدى 

***************

فى الشرقيه 

عاصم : انت متأكد من اللى انت بتقوله دا 

يوسف : اه متأكد طبعا .. واحمد ابن الكلب طلع بيكدب عليا .. وطلع اسمه زين الجااارحى رجل اعمال مشهور جدا وله وزنه فى البلد 

الحلقة 14:✌✌

عشق الزين الفصل 14  

تعد رواية عشق الزين  واحدة من اجمل روايات رومانسية  والتى نالت شهرة كبيرة على صفحتنا على الفيس بوك وعلى الموقع وهى من روايات زيزى محمد ، نتمنى لكم قراءة ممتعة ، كما يمكنكم تنزيل رواية  عشق الزين  pdf كاملة  من خلال موقعنا .

يمكنكم قراءة احداث رواية عشق الزين كاملة من خلال موقعكم مجنونة رواية من خلال اللينك السابق ....

يمكنكم ايضاً قراءة :

رواية العنيد بقلم شيمو محمد 

رواية جميلة بقلم الشيماء محمد

رواية عشق على حد السيف بقلم زينب مصطفى 

رواية العشق الذى احيانى بقلم فاطمة محمد 

رواية زين وليليان البارت 14 

فى الشرقيه 

عاصم : انت متأكد من اللى انت بتقوله دا 

يوسف : اه متأكد طبعا .. وأحمد ابن الكلب طلع بيكدب عليا .. وطلع اسمه زين الجااارحى رجل اعمال مشهور جدا وله وزنه فى البلد 

عاصم : طيب واحمد بيكدب ليه الا اذا كانوا مخبيين حاجة ومش عاوزين حد يعرفها 

يوسف : طبعا مخبين .. انا شكيت فى الواد احمد دا اصلا ولا هو بيطقينى ولا انا بطقيه ... وبعدين يومها حسيت انه بيألف قصه عليا

عاصم : انت كدا صح ... تعجبنى كدا ... مش انا قولتلك قبل كدا ان حسن والعيله دى ليهم علاقه باختفائها 

يوسف : انا شكيت اصلا فى عبد الرحمن طول عمرة قلبه ضعيف من ناحيتها وكنت مكلف حد يراقبه ولما الواد قالى انه سافر القاهرة وقعد فى شركه لمدة ساعتين استغربت وسألته اسمها ايه ولا بتاعت مين قالى بتاعت زين الجارحى اسم زين حسيته مش غريب عليا دخلت على النت وبحثت عنه وشوفته هو اللى كان موجود يوم الميت ويوم الجمعه ... وقتها فهمت ان فى حاجة غلط

عاصم : راقب زين دا كويس 

يوسف : مش سهل الموضوع عاوز تخطيط ... زين دا راجل له وزنه وتقله فى البلد وبيمشى معاه عربيات حراسه كتيرة والكل بيعمله حساب 

عاصم : اتصرررف 

يوسف : حاضر ... بس انت ادينى وقت وهاتاخد اعلى شغل منى 

**********************

فى بيت الجارحى 

صباحا 

زين : بالشفا يا لى لى 

ليليان بابتسامه : شكرا 

زين : زى مانتى متغيرتيش 

ليليان : ازاى مش فاهمه 

زين : ياعنى ... شكرا واسفه بتقوليهم فى اليوم ميه مرة 

ليليان : طيب معنى كدا حاجة كويسه صح 

زين بحنيه : انتى كل على بعضك كويسه يا لى لى 

ليليان : معرفش ليه مش حاسه انك مش جوزى 

زين : نعم ؟! ليه بتقولى كدا ... تحبى اوريكى صورة القسيمه 

ليليان : لا طبعا انا واثقه فيك .. بس انا بتكسف منك . المفروض ياعنى مراتك متكسفش منك صح

زين : والمفروض انك وقعتى وحصلك فقدان ذاكرة ومش فاكرنى والمفروض انك بتتعرفى عليا كانك اول مرة تشوفينى 

ليليان: طيب قولى اول مرة شوفتك فين وامتى وكان شكلى عامل ازاى

زين اتوتر : اول مرة شوفتك عندى فى الشركه كنت جايه مع قريبك عم حسن 

زين استنى يشوف ردة فعلها ولما قال اسم عم حسن ملقاش اى ردة فعل منها فاتنهد وكمل 

زين : كنت جميله اوى زى دلوقتى .. انتى طول عمرك اصلا جميله 

ليليان : طيب وانت حبتنى امتى وانا اتجوزتك ازاى 

زين قرب منها ومسك وشها بين ايديه : اول مرة شوفتك خطفتى قلبى ... واتجوزتك من قريب على فكرة ... احنا لسه عرسان 

ليليان : بجد .. احنا لسه عرسان ...قول والله طيب اهو كلامى صح علشان كدا بتكسف منك 

زين : ياستى كسوف ايه بس ... هو احنا نقضى الفترة اللى انتى مش فاكرنى فيها مكسوفه... لا كدا هايحصلى حاجة 

ليليان : ههههههه‍ واحدة واحدة ... طيب فين مثلا امى ابويا اختى اخويا كدا انا لما فوقت مشوفتش الا انت وصاحبك وصاحبتى ودادة لما جيت هنا

زين : احم . مامتك وبابكى متووفين من صغرك واللى ربتك جدتك .. احم هى كمان اتوفت وعم حسن اخدك عنده وبعد كدا انا شوفتك وحبيتك واتجوزتك .. ومالكيش اخ ولا اخت 

ليليان عيونها كلها دموع : ياعنى انا ماليش اهل ...طيب عم او خاله طيب فين عم حسن دة

زين : اعمامك مسافرين ومالكيش خاله لان مامتك وحيدة زيك وعم حسن اتوفى هو كمان بعد ما اتجوزنا بفترة كدة .

ليليان فى الوقت دا عيطت جامد حسيت قد ايه هى وحيدة : ياعنى ماليش حد فى الدنيا ... ليه كدا 

زين اخدها فى حضنه : حبيبتى يا ليليان انا ابوكى واخوكى وامك وكل حاجة فى حياتك .. انا اهلك وانتى اهلى 

ليليان حضنته لانها حست فى حضنه بالامان وكمان ريحته مش غريبه عليها كانها عارفها وكانت بتحبها : ربنا يخليك ليا 

زين : حبيبتى انا لازم انهاردا اروح مشوار ...معلش هاسيبك بس هاجبلك سارة تقعد معاكى 

ليليان : ماشى 

زين : انتى زعلانه انى هاسيبك ... لو زعلانه خلاص مش هاروح 

ليليان : هو ضرورى .. اصل انا معرفش سارة دى معرفش هاقعد معاها ازاى ... حاسه انى متوترة اوى

زين : بصى المشوار دا ضرورى وعدت حد اكون عندة انهاردا وانا مبقدرش اخلف وعدى ابدا ... بس انتى لو خايفه اسيبك مش مشكله هاتصل واعتذر ... وبالنسبه لسارة دى عسوله اوى وانتى بتحبيها اوى ومتقلقيش هتاخدى عليها بسرعه زى ما اخدتى قبل كدا 

ليليان : ماشى خلاص روح مشوارك ... واتصل عليها خليها تيجى 

**********************

مراد بنوم : الو 

زين :انت لسه نايم ...قوم يا باشا

مراد : انت عاوز منى ايه ياعم .. سيبنى انام 

زين : قوووم عاوزك تتصل بسارة

مراد : متكملش ... متجبش سيرتها قدامى ... انا مش هاكلم حد 

زين : انت نسيت يا مراد اللى قولتهولك امبارح 

مراد : لا مش ناسى ... بس انت متعرفش الهبله دى عملت فيا امبارح

زين : ها عملت ايه ست سارة .. اصل انا فاضى ليكوا 

مراد : ولا عملت ولا سوت اطلع من دماغى يا زين ... انا مش هاكلمها ممعيش رقمها 

زين : معايا انا 

مراد : وانت جبته منين

زين : وظابط مخابرات .. وقال فهد المخابرات .... يا ذكى من فون ليليان 

مراد : اه ... بردوا مش هاكلمها 

زين : مراد كلمها وقولها تيجى تقعد مع ليليان ... علشان انا هاسافر الشرقيه علشان كتب كتاب ايمان وعبد الرحمن 

مراد : اووووف وانا مالى ياعم ... ماتكلمها انت قولها انت كل اللى قولته من شويه 

زين بخبث : انا ماليش كلام معاها ... لكن انت ليك .. وبعدين انا عاوزك تروح تجبها من بيتها وتطلعها على هنا وتدخلوا على ليليان كدا وتشوفكوا مه بعض علشان هى خايفه منكوا وليها حق الصراحه جوز اغبيه لايقين على بعض والله ... هابعتلك رقمها فى رساله واخلص 

مراد : زين .متسع.... قفل السكه ... يادى ليليان اللى طالعلى فى البخت ... معلش يا مراد اعصر على نفسك لمونه وكلمها وعدى الايام اللى جايه دى على خير 

.. كله علشان صاحب عمرك 

*****************

سارة نايمه ومدايقه من اللى عمال يتصل كل شويه 

سارة صوتها كله نوم ودا كان كفيل يخلى مراد ميركزش فى حاجة : الوو 

مراد : احم صباح الخير 

سارة مش مركزة : صباح النور

مراد : انا هاعدى عليكى بعد نص ساعه اخدك ونروح لليليان متتأخريش .. سلام 

سارة : سلام 

وقفلت فونها وكملت نوم 

: بت يا سارة قووومى .. انتى مش رايحه الجامعه

سارة : لا هانام

:والله انك فاشله .. انا هاروح المدرسه .. وبعد كدا اروح على خالتك والمرادى هاتيجى تسلمى على ماهى 

سارة رايحه فى النوم 

: طبعا جاموسه نايمه ولا عمرهت هاترد عليا

****************** 

فى شركه الجارحى 

سهيله : اهى مش ماتت ... رئيس الحسابات بيقول فقدت الذاكرة 

نورة : ماشى اهى فقدت الذاكرة حاجة كويسه ... نقدر نلعب على الحاجة دى ونخلى ثقتها تتهز فى زين باشا 

سهيله : قلبى مش مطمنى ... دة زين الجارحى عمرو ما غاب عن الشغل . وكمان مراد دا مش مرتحاله دى دماغه داهيه سم .. ربنا يستر 

نورة : متقلقيش.انا عطلت الكاميرات والبنت طردتها من الشركه استغنينا عن خدماتها والموضوع فى التمام 

سهيله : ربنا يستر 

***********************

مراد وصل تحت بيت سارة وكل.شويه يتصل بيها قفلت تليفونها قعد يشتمها ويشتم فى زين لانه السبب فى كدا 

وخلاص قرر يطلع ويخبط عليها واللى يحصل يحصل 

سارة كانت نايمه وجرس الباب مش مبطل رن وهى قامت 

ومش مركزة هى لابسه ايه وقامت فتحت 

سارة بنوم : نعم ... مين 

مراد بصدمه : ايه دا ..... الله ايه الحلاوة دى 

سارة فى اللحظه دى فاقت بصت على مراد واتصدمت انه جاى لغايه بيتها : يخربيتك .... انت ايه اهبل مجنون .. انت الحماس واخدك وجاى لغايه بيتى 

مراد بضحك : هههه‍ه والله انتى اللى هبله ... انتى مش قولتى ماشى اجاى علشان تروحى لليليان 

سارة : انا... فين دا اكدب بقا 

مراد : والله انك مجنونه .... انا مش كلمتك من قيمه شويه على فون وحكتلك انك لازم تروحيلها انهاردة وقولت بردوا هاعدى بعد نص ساعه وقولتى ماشى 

سارة : اناااا

مراد : اه انتى ... واخلصى ادخلى استرى نفسك .. احسن حد يشوفنا ومنظرنا مش لطيف 

سارة بتبص على نفسها: ليه ياخويا ..مال...

سارة افتكرت انها فتحت على طول من غير حجابها قفلت فى وشه الباب وجريت على المرايه وشافت نفسها كانت لابسه بجامه برمودة لونها اسود مناسب لبشرتها وشعرها منكوش حوالين وشها

: ياعنى كدا ياهبله تفتحى بالمنظر دا مش تركزى يقول عليكى ايه ... اووووف يالهوى على الكسفه اللى انا فيها .... هانزل ازاى دلوقتى 

*********************

مراد : اهو يا زين مستنيها .. وخلاص فهمت هافهمها بقا ... اقفل خلاص هى نزلت 

سارة : روح انت انا هاجيب تاكسى واجاى وراك 

مراد : اركبى يا حلوة خلينا نتكلم .. اخلصى 

سارة : نعم اهو ركبت عاوز ايه .. انت عرفت عنوان بيتى ازاى مظنش ان قولته كمان وانا نايمه 

مراد : لا مش انتى .. عرفته من زين زى ماعرفت رقمك منه 

سارة : هى ليليان كويسه ؟

مراد : اه كويسه بس زين وراة مشوار مهم وهايسافر الشرقيه وعاوزك تقعدى معاها 

سارة : تمام 

مراد : زين قالى اننا نطلع مع بعض ونتعامل كويس قدامها. وبعدين هاسيبك معاها ... وكمان قالى افهمك على شويه حاجات علشان متقعيش بلسانك قدامها 

سارة : طيب قبل ما تفهمنى ...اقف عند اى محل حلويات او ورد 

مراد : نعم ؟ ليه انشاء الله ... انتى فاضيه ولايه بقولك الراجل مستنينا

سارة : يووووووة .. اعمل حاجة واحدة اقولك عليها على طول ... يا استاذ مش احنا متجوزين لازم ندخل بحاجة .. هى مش عيانه ولا ايه 

مراد : هههههه والله انك تافهه بس اقولك الفاكهه احسن ٢ كيلو موز على ٣ كيلو تفاح اشيك 

سارة : بس بس موز وفاكهه ايه ... اقف عند محل الورد دا خلاص هانجيب بوكيه يالا 

مراد : خليكى انتى .. هانزل انا 

سارة : لا هانزل انا ... اكيد زوقى احسن 

سارة ومراد نزلوا ووقفوا ينقوا الالوان وعكس بعض فى كل حاجة وسارة اعتمدت تنقى اللون الاحمر 

مراد : يادى النيله السودا ماقولنا بلاش ... ام اللون دا بكرهه جدا 

سارة : وانا مالى بيك ...ليليان بتحب اللون دا جدا مالكش دعووة 

: على فكرة زوق حضرتك يجنن ... مفيش احسن من كدا الصراحه .

سارة : بجد ياعنى الالوان حلوة مع بعض

: طبعا انا هاعملك بوكيه يجنن ... علشان تبقى زبونتنا بقا 

سارة : ميرسى اوى وهات كارت اكتب

قصة عشق زين للكاتبة زينب محمد الجزء الاول

الحلقة 15:✌✌

فى الشرقيه 

والدة سارة: امال انتى واقفه زى الهبله ليه كدا يااخرة صبرى .

مراد : احم .. السلام عليكم.

والدة سارة : وعليكم السلام يابنى ... اتفضل .

مراد : تسلمى. ربنا يخليكى انا مراد الالفى .. انا اللى كنت خبطت الانسه ماهيتاب .. وجاى. اطمن عليها .

والدة سارة : يا اهلا وسهلا اتفضل .... ماتوعى من طريق الاستاذ.

مراد وهو داخل همس لسارة : اقفلى بوقك... الدبان هايدخل هه‍ه.

*********************

فى بيت الجارحى

ليليان : خد دى كمان من ايدى .

زين : ليليان مالك انتى كويسه ؟! .

ليليان : اه طبعا كويسه ... فى ايه .

زين: اصلك غريبه هو احنا مكناش الصبح مخطوبين ... ايه الخطوبه خلصت ..اصل من وقت ما جيت وانتى غريبه بجد.

ليليان : هو انت مدايق ان بهتم بيك ... انا اسفه ومش هاتكرر تانى .... عن اذنك .

زين شدها وقعها على رجله.: انا ازعل لما انتى تهتمى بيا طب تيجى ازاى... حبيبتى انتى وقلبى وروحى انا عمرى ما ازعل منك .. بس انتى متغيرة ولا دا مفعول سارة .

ليليان : احم ... اصل انا سألتها هو انا كنت بحبك قد ايه قالتلى انى بحبك اوى وكدا الصراحه قالت لازم اخاد بالى منك علشان مفيش واحدة تاخدك منى .

زين : هى مين دى اللى تاخدنى منك .. انتى ملكتى قلبى وكيانى .. انتى بنتى وامى وصاحبتى وكل حياتى .. انا مفيش واحدة تملى عنيا غيرك انتى .

ليليان تاهت فى كلامه : انت بتقول كلام حلو اوى .

زين : انتى عارفه انا عمرى ما حبيت ولا اعجبت بواحدة طول عمرى عايش لنفسى ... ولا عمرى فكرت فى يوم من الايام انى ممكن اقول كلام حلو لواحدة ... حتى كنت بقول هاتجوز علشان اخلف واوقات كنت بقول بلاش و تبقى حياتى عمليه احسن بس جيتى وبنظرة منك خطفتى قلبى وعقلى ... جيتى انتى وغيرتينى وقلبتى حالى جيتى انتى وبقيتى عشق الزين .. جيتى وغيرتى زين الرجال وبقيت مقدرش مفكرش الا فيكى ..عارفه حياتى كانت فاضيه اوى .. انتى ملتيها بضحكتك الحلوة دى .

ليليان : زين .... هو انت ليه لما قولت زين الرجال قلبى دق جامد .

زين قربها منه اكتر : شوفتى اهو علشان تعرفى ان قلبك حاسس بقلبى .

ليليان بهمس : اوعى تزهق منى لو مقدرتش افتكر ... بس انا هاحبك من اول وجديد .

زين : وانا راضى .

زين قرب من شفايفها وباسها بحب وبرقه كان مبسوط لانه قدر يطلع كل اللى جواه وقدر انه يقرب منها وميكونش السبب العقاب... بس هو لازم يبعد لازم يتحكم فى افعاله علشان ميندمش وياخد خطوة يدمرها بيها ... لازم يبقا زين الرجال فعلا .

ليليان كانت مبسوطه طايرة من الفرح من كلامه ليه كل كلمه بيقولها بتخطف قلبهاااااا ولما قرب منها حست انها بتتمنى قربه وبتتمنى اكتر من كدا ليه حاسه ان فيه حاجة غلط .. بس لازم تسمع كلام سارة هى مش هاتسمح لحد ياخد منها جوزها.

زين قدر يبعد عنها بعد فترة : حبيبى يالا بقا ننام انا تعبت اوى انهاردة .

ليليان خبت نفسها فيه مقدرتش تواجه بعد اللى حصل وهو شالها خايف تبعد عن حضنه وهى كانت مبسوطه اوى بيه وبحنيته .. حنيته اللى تكفى الدنيا وتفيض .

*************************

ماهى : انا متشكرة اوى يا استاذ مراد مجيتك دى غاليه اوى عندى .

مراد: متقوليش كدا انا مكسوف والله ان اتأخرت ... بس اعمل ايه ربنا وقعنى فى مصيبه وكنت لازم استحملها .

سارة : مصيييييييييبه .

الكل بص ناحيتها واستغرب انفعالها .

سارة : احم قصدى مصيبه خير .... انتى شكلك كيوت وهادى مش بتاع مصايب .

والدة سارة : كيوت ايه يا متخلفه انتى بتكلمى ابن اختك .

مراد: ههههه‍ههههه عادى يا طنط بس انسه ... معلش اسمك؟ .

سارة : سسسارة .

مراد : عادى انسه سارة شكلها مندفع فى الكلام ..ههههههههههه ... احم .

والدة سارة : قومى يا سوسو اعملى للاستاذ مراد حاجة يشربها .

مراد : مالوش لزوم يا طنط والله.

والدة سارة : ابدا والله .

مراد : قهوة مظبوطه بقا يا انسه سارة لو سمحتى. .

سارة : عنيييييا ... دا انا هاشيل عنيييييا واحطهملك فى القهوة يا استاذ ماااارد .

والدة سارة : ماااارد .. ايه يابت ما تتلمى بقا .... معلش يا استاذ مراد هى لسانها طويل بشكل والله احنا بنعانى معاها بس نعمل ايه بقا لازم نستحملها.

مراد فى سرة : هههههههههههه يا نهار اسووود دى. البلد كلها بتعانى.

( سارة راحت المطبخ ومن الغيظ قربت تنفجر )

مراد : طنط لو سمحتى فين التواليت .

والدة سارة : استنى اقوم معاك. .

مراد : لا شاورى بس وانا هاوصل .

والدة ماهى: اخر الطرقه على اليمين جنب المطبخ .

سارة كانت فى المطبخ : اه يا حيوان وجاى ورايا وبيمثل على امى وخالتى ... اهدى يا سارة اهدى .

مراد : اهدى يا سوسو ليطقلك عرق ولا حاجة .

سارة : نهارك اسود انت جاى ورايا المطبخ كمان .

مراد : انا جاى اقولك لمى لسانك الطويل دا انا مش هاستحمل كتير قدام امك وخالتك هافضحك ... اهدى كدا ...واعملى القهوة حلو دماغى مصدعه .

(مراد ساب سارة هاتموت من الغيظ وهى قرررت تعمل القهوة بس بدل السكر تحط ملح).

************************

فى. قصر الباشا

على : انت مدايق من ايه بس .. انا عاوزو مشغول بيها .. سيبه .

الباشا : انت هاتجننى .. دا لغى الاجتماع كذا مرة ... على فكرة بقا هو عاوز يبنلك حاجة وانت مش قادر تفهمها .

على : ايه هى بقا الحاجة دى ؟ .

الباشا : عاوز يبينلك انه فاهمك كوويس ومستهتر بيك . .. وهايجلك ضربه منه شديدة اوى ياعلى ركز بقا اللى جاى .

على : متخفش انا مظبط الدنيااا كويس .

الباشا : اوعى يابنى تفكر سكوته دة ضعف بالعكس دى دماغه سم تلاقيه بيحفرلك حفرة وهاتكون غوووويطه اوى لدرجه انك مش هاتقوم منها .

على بعصبيه : يوووووووووة لما انت مرعوب اوى منه... ليه كل السنين دى عاوزنى انتقم منه .. ولما جيت انتقم مش عاجبك اى حاجة .. اعملك ايه .

الباشا فى سرة : اظاهر. ان انا غلطت لما فكرت فيك .. ابنى طلع غبى وهايضيع كل حاجة .

***************************

مراد : احم ايه القهوة التحفه دى ... انا ممكن اجاى عندكو كل يوم علشان بس انسه سارة تعملى قهوة .

سارة : والله ! .

والدة ماهى : سارة دى سكرة العيله بس هى اللى خلقها ديق .

والدة سارة : اه والله بص عسل ازاى .

سارة : ماااامااا.. خالتووووو .

ماهىيتاب : انتى زعلانه ليه ... دا كويس اوى انهم بيشكروا فيكى قدام حد .

سارة : وانتى مالك يابت انتى .... شوفتى قولتلك مبحبش اجاى علشان المتخلفه دى .

ماهيتاب : انا متخلفه ... اهو انتى بقا دا انتى حتى قليله الذوق ولما شافت مراد فى المستشفى هزأته وبهدلته وكان لسانها طويل اوى ياخالتو دا انا كنت مكسوفه منهاااااااا .

سارة : طيب والله لامشى وبعد كدا لو امك اتصلت بيا علشان الحقك وربنا ماناجايه علشان انتى واحدة متستاهليش .... واللى بدافعى عنه سابك ومشى ومرضاش يوصلك .

ماهيتاب : مراد كان عندة حاجة ضروريه ولازم يرووووح العيب عليكى انتى يابنت خالتى لما سيبتينى حد غريب يوصلنى ومشيتى .. وكمان هو اتصل انهاردا كلمته وقالى هاجاى علشان اطمن .. شوفتى زوق ازاى.

مراد كان قاعد مستمتع جدا ومبسوط وهى شايفها كدا .

سارة : انا ماشيه هاتيجى معايا ولا هاتفضلى قاعدة .

والدة سارة : لاقومى يالا ... احنا اتاخرنا فعلا.

مراد : احم .. وانا كمان هامشى الف سلامه عليكى يا ماهى عن اذنكوا.

**********************

فى الطيارة

عبد الرحمن : هو زين كان عاوزك ليه .

ايمان : كان عاوزنى علشان يقولى انه فى ضهرى لو حصلى حاجة اتصل بيه ... وبيفهمنى ليه هو عمل كداا معاك.

عبد الرحمن : اممممم هو راجل محترم وفيه الخير والله .. ايمان فكرك ابويا عرف دلوقتى .

ايمان : اممممممم اكيد ... عبد الرحمن انت ندمان .

عبد الرحمن : انتى مجنونه بعد دا كله وابقا ندمان ... بس انا زعلان كان نفسى يبقا جنبى بس اقول ايه همه الفلوس وبس.

ايمان : معلش ادعيله ... ربنا يحنن قلبه علينا .

عبد الرحمن : بس انا خايف على امى .... خايف اوى كمان ... ياريتها كانت هى كمان جنبى كنت اطمنت وارتحت .

فى الشرقيه

شاكر: انت كنت عارف ياعاصم وساكت .

عاصم : وانا مالى ... جاى وتزعقلى ليه هو انا اللى غلطت ولا ابنك اللى خرج عن طوعك .

شاكر : لا ابنى اللى غلط ... بس انت غلطك اكبر لما تكون عارف ومش راضى تقولى .

عاصم : انا عارف فين دا .. دة انا اتفاجئت زى زيك بالظبط مش صح يا يوسف .

يوسف : اه ياعمى دا احنا حتى اتصدمنا اوى انه منيمنا فى العسل وبيتجوز .... ومين بنت حسن .

شاكر : انت هاتستعبطنى انت وابوك ... هو فى. حاجة بتحصل هنا من غير ما تعرفوا ... بس انا عارف انتو ليه سكتو ومش رضيتوا تعرفونى .

يوسف بسخريه : وياترى ليه ياعمى ؟ .

شاكر ': علشان تخلصوا منه .... علشان لما البت ترجع ابنك ياعاصم ميبقاش غيرة موجود ويتجوزهااا وانا ماليش حق اتكلم واطلع من المولد بلاحمص .

عاصم : تؤتؤ كدا ازعل هو انا بالوحاشه دى ... طيب و الشيخ عزت اللى مستنى يتجوزها دا .

شاكر : استعبطنى كمان ... هو انت متعرفش انى عارف انه مات .

يوسف : لا متقولش عزت مات ... طيب الحمد لله كويس كنا خايفين منه اوى ياعمى .

شاكر : لا ياروح امك عارف انه مات وعارف انكوا كمان موتوا ... الحركه الوسخه دى متطلعش الا منكوا انتو .

عاصم : شاااااكر الزم حدودك ... وبدام انت بدايق اوى كدا ومطلع زرابينك علينا ... روح لمراتك كانت ماشيه مع ابنك فى كل حاجة .. اصله ابن امه هههههههههه .

شاكر : ماشى يا عاصم .. اللى غلط هايتحاسب .. وابنى انا هارجعه ..... وهايطلق بنت حسن .

عاصم : ياريت ياخويا والله .... اصله جابلنا العار .. واهو لما بنت عمه ترجع يتجوزها.

شاكر : هايرجع ياعاصم هايرجع صدقنى .

*************************

والدة سارة : كتر خيرك يابنى على التوصيله دى .

مراد : عيب ياطنط متقوليش كدا ... انا حبيتك جدا والله .

والدة سارة : ياحبيبى تسلم ... انت اللى كلك زووق ... يابخت مراتك بيك .

سارة : يالا ياماما هانقضى الليله كلها فى الكلام والشكر .

مراد : روحى انتى ياطنط اصل بنت حضرتك تولع فينا دلوقتى .

والدة سارة : متأخذنيش هى نرفوزة كدا على طول طالعه لابوها خلقها ديق ..... عن اذنك .

مراد فى سرة : هى نرفوزة بشكل ..... هههههه‍ والنبى انا خطير .

**************************

فى الشرقيه

يوسف : انا كنت على تكه واقوم اموته قدامك .

عاصم : ههههه‍ههههههه‍هه‍ه اهدى ... خليك هادى حقك هايجلك دا مش بعيد يجيله صدمه ويقع يطب ساكت فيها.

يوسف : انشالله يارب ... بس هو عرف منين ان عزت مات .

عاصم : اكيد الخبر وصله من الراجل اللى عرفنا عليه... واكيد شك فينا .

يوسف : ههههههههه اصل الحركه الواطيه دى متطلعش الا مننا .

عاصم : هه‍هههههه.... المهم طمنى ... ها عملت ايه فى موضوع زين الجارحى .

يوسف : لسه .. بس اهو ماشى فيه وبحاول اشوف ناس حلوة تعرف تراقبه الموضوع مش سهل زى مانت فاكر.. لازم تخطيط وكمان يبقا تخطيط صح .

عاصم : انا واثق فيك .... خد وقتك .

***************************

صباحا فى بيت الجارحى

تليفون زين بيرن

زين بنوم : الو .

مراد : انت لسه نايم ياعم .... مالك يا زينو اتغيرت اوى ولا السهرة كانت صباحى .

زين : هاقفل فى وشك .. لم لسانك دة ... عاوز ايه على الصبح .

مراد : انت مش جاى الشركه .

زين : لا مش جاى .. روح مكانى . وبعد ما تخلص هات سارة وتعالى.

مراد : سارة مين ياعم انت استحليتها ولا ايه .... والنبى انا امبارح دماغى وجعتنى منها خلينى اجازة انهاردا اريح منها شويه .

زين : لا احنا عاوزينكوا .. وبعدين سارة دى جدعه اوى والله هههههه انا حبيتها .

مراد : ياخى حبك برص .... روح كمل نوم ياريتنى ما اتصلت .

زين : هانتسناكوا .. سلام .

زين قفل مع مراد وبص على ليليان لقاها نايمه .

زين : ليليان قومى بطلى نوم .

ليليان : اممممممم زين سيبنى شويه .

زين : لا قومى بقا بطلى نوم ...قومى اقعدى معايا نتكلم ... انتى هاتفضلى نايمه وانا ابصلك كدا كتير.

ليليان : نتكلم فى ايه يا زين ... هو انت مش هاتروح شغلك .

زين : لا قاعد معاكى ... عاوز اشبع منك .. وبعدين لازم نتصل على الدكتورة تيجى تطمن على جرحك ... وكمان سارة ومراد هايجوا يتغدوا معانا ويقضوا اليوم .

ليليان : اممم... اليوم طويل ياعنى .

زين : اه شوفتى قومى بقا اشبع منك. قبل ما دة كله يجى .

ليليان : هو انت بتحبنى اوى كدا .

زين : تؤتؤ... انا مش بحبك انا وصلت. لمرحله اكبر من كدا بكتير انا بعشقك .

ليليان : عينك حلوة اوى يا زين ..... فيها كميه حنان مش طبيعى .

زين : حبيبى الحنيه دى ليكى وبس ..... تعالى هنا انتى وحشتينى اوى وانتى نايمه .

ليليان : هههههههههههه اجاى فين وبعدين احنا هو مش نايمين مع بعض .

زين : امممم اه نايمين مع بعض بس انتى كنتى نايمه مغمضه عيونك الحلوة دى عنى ... وانا بحب اشوفهم منورين كدا.... وبعدين تعالى اقولك بصبح عليكى ازاى .

ليليان : ههههههه بتصبح ازاى .

زين : هاقولك بس غمضى عيونك .

ليليان : الله انت مش لسه قايل بتحب تشوفهم منورين .

زين : هههههههه‍ غمضى بس علشان انتى بتوترى وبتبوظى اللحظه ... وانا مابصدق اللحظه دى تيجى .

ليليان : ههههههههه ماشى اهو غمضت .

زين : ههههههههههههه مطيعه انتى يا لى لى

**************************

فى شركه الجارحى

سهيله : مراد بيه زين باشا مش هايجى .

مراد : لا مش جاى ... ايه يا سهيله اشتقتى لزين.

سهيله : احم مقصدتش يامراد بيه.... بس علشان نشوف الشغل هايمشى ازاى.

مراد: الا قوليلى يا سهيله .. هو ايه المفروض يحصل لما الكاميرات تعطل فى الشركه ... وخصوصا فى الدور دة .

سهيله : احم ... غرفه التحكم تبلغ علشان العطل يتصلح .

مراد : وغرفه التحكم بتبلغ مين .

سهيله بتوتر: زين باشا

مراد : وزين باشا كان فين .

سهيله : وقت المشكله كان عند حضرتك .

مراد : وانتى كنتى فين بتتفرجى على المشكله وسايبه مكتب رئيس مجلس الادارة مفتوح .

سهيله باندفاع : لا يافندم انا كنت موجودة فى المكتب مسبتوش لحظه .

مراد : طيب يا سهيله غرفه التحكم قالوا انهم بلغوا ان الكاميرات متعطله .

سهيله : لا مبلغوش.

مراد : لا بلغوا كلمونى وقالوا انهم كلموكى وانتى طنشتى

سهيله : كدابين انا مكنتش فى المكتب اصلا.

مراد : الله مانتى لسه قايله اهو انك مسبتيش المكتب لحظه .

سهيله : يافندم .اااااه... انا

مراد : خلاص كفايه عليكى كدا ... روحى على شغلك.

********************

سارة : بقولك ايه دخلينى احسنلك

نورة : وانا بقولك مينفعش .. هو اى واحدة تيجى عاوزة تدخل ولا ايه

سارة : يادى الزفت .. مررررررررررراد

سهيله : فى ايه .... الصوت دا

نورة : واحدة عاوزة تيجى وتدخل لمراد بيه

سهيله : اه مش انتى بتاعت المشكله

سارة : مرررررررررررررراد

مراد : نعم صوتك عالى ليه وطى صوتك

سارة : قول لجوز البهايم دول يبعدوا عن وشى .

مراد : تعالى جوة انا لو سبتك بالمنظر دة هتاكليهم

*********************

مراد : ها يا ستى فى ايه جايه متزربنه ليه .

سارة : والله انك بااااااارد ...ايه المسج دى اللى انتى باعتها

مراد : انا عملت ايه ... ايه بقولك صباح الخير

سارة : اعمل نفسك برئ ..... انا اقولك بعت ايه ( صباح الخير يا سوسو ... ها مرارتك بقت كويسه ولا اتفقعت امبارح).

مراد : هدى نفسك يا بطه

سارة : بطه فى عينك

سهيله خبطت ودخلت : مراد باشاا على باشا عاوزك

مراد : انتى شايفه انى فاضى

على الباشا : ايه ياباشا مش فاضيلنا ليه

سارة : على !

على : ساره

الحلقة 16:✌✌

رواية العنيد بقلم شيمو محمد 

رواية جميلة بقلم الشيماء محمد

رواية عشق على حد السيف بقلم زينب مصطفى 

رواية العشق الذى احيانى بقلم فاطمة محمد 

رواية زين وليليان البارت 16 

فى شركة الجارحى

سارة : على ؟!.

على : سارة !.

مراد : انتو تعرفوا بعض

سارة : لا معر..........

على : اه نعرف بعض كويس اوى .. مش صح يا سوسو ...كانت احلى ايام والله .

سارة : سوسو ايه يا متخلف انت .... انت هتاخد عليا .... وايام حلوة ايه اللى انت بتتكلم عليها .

على : ههههههههه.. لسه شرسه اوى زى مانتى ... ايام البيت القديم ناسيه ولا لاه .

سارة : والقديم دا ممكن اطلعه عليك من جديد .

على : هههههههههههه مش بقول شرسه .

(الاتنين فضلوا يبصوا لبعض نظرات كرة سارة مبتكرهش فى حياتها قد على ولا هو بيكرة فى حياته قدها والقدر حطها تانى تحت ايدة .. اما مراد كان متابع حوارهم وساكت )

سارة بصت لمراد لقت منه نظرات غامضه هى مش فاهمها : مراد .. انا هامشى

على: انتى تعرفى مراد... هههههه ... شاطرة مبضيعيش وقت

سارة : انت قليل الادب وسافل وقذر

على : ههههههه طيب بس بس ايه ماسورة واتفتحت فى الشتايم

سارة :مراد انا هامشى .. نكمل كلامنا بعدين .

على : لا .. خليكى انا اللى ماشى .. مراد شكله عاوز يكمل كلامه معاكى ... بلاش انا استحمل ... لكن انتى متستحمليش ... ومن حق سلميلى على ليليان الف سلامه عليها من فقدان الذاكرة .. سلام .

( على مشى ومراد كان خلاص جاب اخرة وبدات علامات الغضب تبان على وشه )

سارة: انت بتبصلى كدة ليه ؟!.

مراد قام وقف وراح ناحيتها واتكلم بصوت كله غضب : احنا دلوقتى هاننزل نركب العربيه ونروح لزين .. مش عاوز كلمه او اى اعتراض فاهمه ولا لاه .

سارة : اوك

فى الشرقيه

شاكر بعصبيه : ياعنى رايحة جايه عندهم انت وابنك وانا مغفل يا كريمه ...... ابقا انا مغفل وعاصم وابنه يضحكوا عليا .

كريمه : ابنك .. دا ابنك ايه .... فكر فى ابنك ..... قلبك دا حجر مبتفكرش غير فى الفلوس ... الفلوس حارقه قلبك

.... وزعلان اوى ان عاصم وابنه بيضحكوا عليك ... ماهما طول عمرهم بيضحكوا عليك وانت عارف كدة كويس زعلان ليه بقا دلوقتى .

شاكر : انا زعلان على الفلوس!!.. انا مش زعلان عليها ... انا زعلان على ابنى اللى خرج من طوعى .... زعلان على جوازة من بنت حسن .

كريمه : مالها بنت حسن يا شاكر .. بنت زى القمر ابنك بيحبها عمرة كله .... بيعشقها .. زيك كدا زمان لما كنت بتحبنى فاكر يا شاكر ... ولا قلبك خلاص بقا نسى حبنا .

شاكر : اهو هو دا الكلام الفارغ .. قلب وحب وزفت وكلام مبناخدش منه حاجة .

كريمه : انت تعرف انا كل يوم وانا بصلى بدعى على عاصم لانه السبب فى غشاوة قلبك ... انت مكنتش كدا .. انت كنت انت وفارس روح واحدة فجأه كدا بعد موته كرهته .

شاكر بغضب : لا مش بعد موته ... بعد لما سمعت امى وهى بتقوله قد ايه هو اغلى واحد عندها و كمان كتبت كل ميراثهااا له لواحدة واحنا انا وعاصم برة الليله كلها حتى .. حبها كله لفارس ومرات فارس وبنت فارس.

كريمه : ههههههه‍ه حتى دا كلام عاصم هههه‍ه بس انت بقا عارف كويس عاصم مبيكرهش فارس لله فى لله كدا ولا علشان الورث ولا علشان حب امك له اكتر .. عارف ليه علشان ليلى ام ليليان ... انت عارف انه كان بيعشقها وهى مرات فارس ... انت عارف يبقا قاعد جنت مراته وهو عمال يبص عليها .... انت عارف ان مراته ماتت من قهرتها منه ... انت عارف انه ماصدق مراته تموت وقال لليلى الله يرحمها انه بيحبها لدرجه انه ممكن يموت فارس علشان يتجوزها .... ووقتها ليلى عيطت وجريت على امك تعيط وتشتكيلها علشان لو كانت قالت لفارس كانت هاتحصل مجزرة بين الاخوات ... وامك جريت زعقتله وهو بقا انتقم صح بث سمومه فيك وكرهك فى فارس وامك ..... وانا متأكدة انه له علاقه فى موت فارس وليلى .... وحب يكمل وينتقم منه فى بنته ويكسرها وانت ماشى وراه ومش فاهم حاجة بس المهم انه صح .

شاكر : كل اللى قولتيه غلط ... انا وعاصم بننتقم علشان فارس ضحك على امى وخلها تكتب كل حاجة باسمه ... وحتى لو كل اللى قولتيه صح ميفرقش معايا انا همى ابنى وحقى يرجع وبس .

فى امريكا

عبد الرحمن : ها ؟ ايه ياحجه البيت كويس ؟

توحيدة : جميل اوى يا حبيبى ... يارب تتهنو فيه العمر كله .. انا عاوزة احفاد كتير عاوزة الحق افرح بيهم

عبد الرحمن : انت بس تؤمرى ... انا ناوى اجيب دسته اصل انا تعبت من موضوع الوحدانيه دا.... يمكن لو كان ليا اخ كان وقف جنبى .

توحيدة : ساعات يابنى الاخوات يبقوا نقمه فى حياه الواحد .... واوقات بيكونوا سند .. انت بس ربيهم صح ..وهما هايبقوا سند ليك ولبعضهم .

عبد الرحمن : امال حضرتك بتعملى ايه ... البركه فيكى ربى انتى العيال وانا اخلف

توحيدة : هه‍ههههه لا ياخويا العمر مبقاش فيه قد مامضى .

ايمان : الله يا عبد الرحمن البيت جميل اوى .

عبد الرحمن : عجبك يا ايمى .. اتفرجتى عليه .

ايمان : اه جميل اوى .

عبد الرحمن : الحمد لله ... انا مبسوط اوى ان ربنا راضى عليا وبعدت عن قرف اهلى واتجوزت اكتر واحدة بحبها فى الدنيا .. الحمد لله

توحيدة : ربنا يخليكوا لبعض يابنى

فى بيت الجارحى

زين كان قاعد وليليان فى حضنه وبيتكلموا

زين : بس انتى بقا فى كليه هندسه ... وانا طلبت تأجيل ليكى ... علشان انتى عمرك ماتقدرى تكملى وانتى فاقدة الذاكرة .

ليليان : اممممممم .. انا حاسه الدنيا ملعبكه خالص

زين: ولا ملعبكه ولا حاجة هو حد يطول ياخد اجازة من الدراسه .... ركزى انتى بس معايا .

ليليان : هههههههه يالهوى كل ما اقول حاجة ... يقولى ركزى معايا انتى بس ... هو انا لاقيه حد اركز معاه غيرك .

زين : طيب بذمتك مش انا التركيز فيا حلو .

ليليان : ههه‍هههههه اه الصراحه حلو اوى ... تعرف اول مرة شوفتك وانا فى المستشفى اعجبت بيك ... اصل انت حلو اوى .

زين : هههههههههه طب وربنا احلى حاجة حصلت فى الدنيا انك فقدتى الذاكرة ..... انتى بقيتى رهيبه يا لى لى.

ليليان : امممم مسكتك قولى بقا ... انا كنت ازاى قبل ما افقد الذاكرة .

زين : ههه يالهوى انتى ضحكتى عليا وجرجرتينى فى الكلام .

ليليان : هههههههه اعترف .

زين : مكنتيش .. كنا بحب بعض.... بس كنا تقال اوى على بعض ... انتى كنتى بتتكسفى وانا كسوفك كان بيوترنى ... لى لى انتى صغيرة عندك ٢٠ سنه وانا ٣٠ فرق ١٠ سنين كبير ... وكمان انا عمرى ماحبيت واحدة ولا لمست واحدة قبل ما اتجوزك كنت عايش راهب بس قبل ما تفقدى ذاكرتك كنت بخاف عليكى ... كنت بخاف حبى يأذيكى .... انا لما بحب بحب بجنون .. وانتى بقيتى حبى الاول والاخير وهاحبك بجنون .

ليليان : انا كنت هبله اوى .... بس كويس انى فقدت الذاكرة ... علشان اسمع الكلام داا.... كلام سارة صح. انا ممكن كنت بغبائى دة اضيعك وواحدة تانيه تخطفك منى .

زين : والنبى كلام سارة كله حكم ومواعظ اسمعى كلامها كتير ..... وبالنسبه لواحدة تخطفنى منك محدش يقدر قلبى دا ملكك وبس.

ليليان بكسوف : الا قولى انت من قيمه شويه كنت بتتكلم على العقاب وان كنت بتعاقب كتير ليه بقا كنت بعمل ايه .

زين : انتى عاوزة تعرفى العقاب ..... ياروحى تعالى دا كان احلى حاجة فى الدنيا .

ليليان : ههههه‍هعه ليه هو كان حلو اوى كدا

زين رفع وشها وقرب منها وهمس بين شفايفها : يالهوى دا اانا كنت بموت علشان متشربيش اللبن واعقابك كدا

(زين باسها بحب وبرقته المعهودة منه كانها حاجة غاليه خايف يجرحها او يكسرها وهى تاهت فى حنيته وحبه ورقته معاها اوقات بتحس انه شخصين مش شخص واحد....بس حنيته دى عاوزها ليها لوحدها وبس.)

الباب خبط عليهم وقطع لحظتهم الجميله

دادة سميحه : زين يابنى ... انت نمت ؟.

زين بيحاول يكون صوته طبيعى : احم ..ايوا يا دادة انا صاحى... فى حاجة .

دادة سميحه : اه مراد تحت ومعاه سارة مستنينكوا .

زين : طيب نازلين .

ليليان : ههههههههههه انت مبوز كدا ليه.

زين : اصل مراد دة زفت بيجى فى اوقات غلط ... يالا ننزلوا اصل يفهم غلط .. ودة دماغه اصلا شمال.

******************************

سارة : فى ايه يا مراد ... نظراتك ليا غريبه مش فاهمه انا عملت ايه.

مراد : اخرسى ... لغايه ما زين ينزل واياكى تتكلمى قصاد ليليان .

(زين نزل هو وليليان واستغرب من نظرات مراد وملامح وشه وخوف سارة وتوترها).

زين : ايه يامراد متصلتش ليه قبل ماتيجى .

مراد : عادى .. انت كنت قايلى انك عازمنا على الغدا .

زين : ودا وقت غدا .

ليليان : ايه يا زين دا يجوا فى اى وقت ... سارة ازيك ... انتى كويسه ؟.

سارة : اه كويسه ..... الحمد لله

(زين بص على مراد وفهم ان فيه حاجة غلط ومراد شاور على ليليان لازم تمشى علشان يتكلموا)

زين : طيب ايه رايكوا بدام جيتوا بدرى... نطلع نتغدى فى اى مكان ونقضى اليوم مع بعض .

ليليان : فكرة حلوة اوى .

زين : طيب تمام اطلعى البسى ... ونطلع

ليليان قربت منه وهمست: منا لابسه اهو يا زين.

زين : لا يا حبيبى لبسك مش عاجبنى .. ديق شويه .. البسى حاجة اوسع.

ليليان : امممم حاضر.. هما مالهم عاملين كدا ليه .

زين: معرفش .. سيبك منهم انا هاقعد معاهم وافهم فى ايه ...واحنا برة ابقى اسألى سارة لوحدكو ..ماشى.

ليليان : اوك .. عن اذنكوا هاطلع اغير هدومى واجاى .

فى بيت الجارحى وتحديدا فى غرفه المكتب

زين : ممكن افهم فى ايه .

مراد : اسأل الهانم اللى مستغفلنا وبتلعب علينا وعارفه على الباشا وكمان على علاقه بيه .

سارة قامت وقفت : انت بتقول ايه يامراد.. انا مش فاهمه انت فى ايه مالك ... وايه على علاقه بيه دى الزم حدودك معايا كويس.

زين : انتى تعرفى على الباشا يا سارة .

سار: عادى معر....

مراد : متكدبيش .... كنت عاوزة تكدبى قدامى وهو فضحك ... طيب مش هنسالك على علاقتك بيه حاجة شخصيه بردوا .... ايه مش هاتبعتى السلام اللى بعتوا لليليان..... هو عرف منين انكو اصحاب وانها فقدت الذاكرة محدش يعرف غيرنا .

سارة : انت مجنون انت بتلمح على ايه مش فاهمه ... انا استغربت انه قالى سلمى على ليليان .

(مراد اتعصب وقام وقف مسك ايديها وضغط عليها بكل قوته ووصل لمرحله انه كان هايكسرها فى ايديه ).

مراد : انطقى يابت. .. قولى تعرفى على الباشا منين

سارة منهارة من العياط: اوعا سيب ايدى ........انا مالى بيه بتزعقلى بسببه ليه

مراد بعصبيه :انتى هاتستعبطى يا رووووح امك ... امال ايه النظرات اللى كانت بينكم دى .

سارة : نظرات ايه ..... انا مسمحلكش ... احترم نفسك احسنلك

مراد مسك طرحتها وشدها منها : قوليلى بقا يا حلوة احسنلى ازاى .... احب اعرف اوى

سارة بزعيق : سيبنى يا حيوان سيبنى

مراد : وطى صوتك ولمى لسانك الطويل دا وقوليلى زى الشاطرة ... على الباشا اتفق معاكى على ايه.

سارة : والله ما اتفق معايا على حاجة ..... ولا شوفته الا دلوقتى .

مراد بعصبيه : شوفت يا زين قولتلك عنيدة ومش هاتقول ... تلاقيه متفق معاها انه يستر عليها .... ولا يمكن على الفلوس .

سارة : انت حيوووووووان لتانى مرة بتتهمنى بالباطل .... اوعى مش هاسامحك يا مراد .... رببنا ينتقم منك.

زين ببرود : مررررررراد سيبها هى هاتتكلم لوحدها .

سارة بصدمه : اتكلم فى ايه. ... انت كمان شاكك فيا ..

(زين قام وقف وراح ناحيتهم وشال ايد مراد من عليها ).

زين : طيب قوليلى تعرفيه منين .

سارة : وانتو مالكوا ؟ اعرفه ولا معرفوش

(مراد فى اللحظه دى اتعصب وضربها بالقلم على وشها )

زين : ايه اللى انت هببته دا يا مراد ... من امتى واحنا بنمد ايدينا على بنت .

مراد بعصبيه وخلاص مبقاش قادر يتحكم فى نفسه : ماهى اللى واحدة مش مظبوطه واقفه بتبجح فى اتنين رجاله بيسألوها علاقتها براجل ايه .

زين : بردوا اهدى بقا... سارة احم اكيد مراد مكنش يقصد .

سارة انهارت فى اللحظه دى : يقصد ايه هو كان ابويا ولا اخويا ... بس صح انا اللى غلطانه انا اللى سمحتلو يعمل كدا ... انا اللى هنت نفسى ..ولعبت معاكوا لعبه قذرة .... بس انا هاطمنكوا واعرفكوا علاقتى بعلى ووقتها مش عاوزة اشوفكوا حتى ليليان علاقتى بيها هاتتقطع .

( سارة سكتت للحظه تحاول تجمع اسوء فترة عدت عليها فى حياتها ) .

سارة : على كان جارنا فى بيتنا القديم ...بيت اسكندريه لما كنا عايشين احنا وعمى فى بيت واحد وهو كان جارنا ... وكان ليا بنت عم اسمها رضوى كانت كل حاجة فيا حياتى .. كل غلطها وثقت فى واحد مالوش امان خاين دخل عليها بالحب وهى كانت صغيرة لسه مراهقه متفهمش حاجة كنت بحاول انصحها وابعدها عنه .. بس هى كانت مغيبه ماشيه وراة ضحك عليها .. كان ييكرهنى لانى دايما كنت بشوفه على حقيقته كان بيحاول يبعدها عنى وفعلا نجح فى كدة وبعدها عنى وفهمها انى بغير منها علشان بحبه وهو مخلص لحبها الحيوان خلى بنت عمى واختى تكرهنى ... فى الوقت اللى بعدت عنى ضحك عليها وفهمها انه مش قادر على بعدها وفيها ايه لما يتجوزوا عرفى .. وهى علشان بتحبه سمعت كلامه وكتبوا ورقتين وكانت بتروحله بيته ولما حملت منه ..صدمها وبان على حقيقته ضربها وقالها تنزله وان هو بيلعب بيها وان هى مش فارقه معاه وهى زيها زى اى واحدة مش متربيه تستاهل اللى حصلها .... جت وحكتلى وعيطتلى ولومتها وزعقتلها وقعدت افكر مكنش قدامى حل انى اروحله وازعقله واهددة ان ابوها هايقتله. .. ولما روحتلو الحيوان صدمنى طلع عاملها فيدوهات كتير وهى معاه وقطع الورقتين العرفى قدامى وقالى كلام وحش وحاول يتهجم عليا وانا وقتها مسكت فازة وضربته فى راسه العلامه اللى فى حاجبه دى انا السبب فيها ...وبسبب العلامه دى وانة ضربته كان عاوز ينتقم منى بس معرفش حاول ينتقم منها هى وبعت صور وفيدوهات لعمى ... عمى شافها طب ساكت ماااااا وابوها مات بسببها وبسببى فضلت عايشه وحيدة بعد موت عمى انا كنت معاها وبحاول اعوضها بس هى فضلت انها تتنحر وتموت وتسيبنى .. هى انتحرت ماتتت مقدرتش تستحمل ابوها يموت بسببها ماتت وسابت جواب ليا انها غسلت عارها بايديها وبتحلفنى استر عليها ومقولش للابويا واحرق الفيدوهات ماتت وسبتنى وماتت وكسرتنى ماتت و سرها مات فى قلبى .. وقتها طلبت من بابا ننقل من اسكندريه كلها ونروح مكان تانى وهما وقتها فهمهوا انها ماتت علشان ابوها مات ... انا قعدت سنين احارب اخفى سرها من بدايه ابويا اللى كان شاكك فى موت اخوة وموتها والدكتور بتاع المستشفى اللى بوست ايدة علشان يستر عليها ومحدش يعرف ماتت وهى مش بنت وكمان حامل وطلبت منى ابعد عن على ومنتقمش منه علشان خايفه عليااا ... ونقلت من بيتنا لانى كنت بحس بالضعف لما بشوفه وهو عايش حياته وهى ماتت وفى كام واحدة بسببه ممكن تموت.. ابويا وقتها وافق علشان شافنى منهارة خافوا عليا وروحنا دبى وبعدها نزلنا انا وماما علشان اكمل تعليمى هنا وماما عاوزة تبقا جنب اختها .... عرفتوا انا ايه علاقتى بيه عرفتوا ليه مش عاوزة اقول علشان بحاول احفظ سرها وانتو جيتو وخلتونى ابقا خاينه ليها واعرفكوا سرها ... على فكرة يا مراد انت زيك زيه وانا بكرهك اكتر ما كرهته ... انا هامشى وانسوا انكو تعرفونى .

(ليليان كانت خلصت لبس ونازله تشوفهم لقت سارة طالعه من المكتب بتعيط ومنهارة )

ليليان : سارة استنى مالك فى ايه .

سارة : اوعى مش عاوزة اشوفك .. ولا عاوزة ااشوفكوا كلكوا ... انا بكرهكوا كلكوا.

ليليان : طيب اهدى يا حبيبتى... انا عملت ايه .. طيب وزين ومراد عملوا ايه .

سارة : قولتلك اوعى .. ابعدى عنى

سارة مشيت منهارة بتفتكر اسوء فترة فى حياتها كانها كانت امبارح اتخنقت وحست الدنيا بديق بيها طلعت تليفونها .

: الو ازيك يا ست سارة .... ايه مبتساليش على ابوكى ليه

سارة : بابا وحشتنى اوى

: مالك ياحبيتى ... فى ايه انتى كويسه ... انا لسه كنت بكلم امك وقالتلى انك عند صاحبتك العيانه

سارة: لا انا مش كويسه وعايزك جنبى.

: ياحبيبتى انا هانزلك ... اهدى متعيطش

سارة : لا انا عاوزة اجيلك

: انتى بتهربى من ايه ياسارة ... لما بتجيلى هنا بتهربى من حاجة

سارة : بهرب من ذكرى موت رضوى .... افتكرتها عاوزة اجاى هاخاد اجازة من الكليه. مش مشكله سنه عادى علشان خاطرى انا عاوزة اجاى.

: يابنتى لو تريحينى وتقوليلى فيكى ايه. .. بس حاضر هابعتلك التذكرة فى اقرب وقت .

فى بيت الجارحى

(مراد قاعد مصدوم من كلامها ومنظرها وهى بتعيط وبتحكى وحس انه عاوز يقتل على

وزين غضبه زاد من ناحيه على ومن ناحيه صاحبه اللى ظلمها وضربها وهو اكتر حاجة بيكرها راجل يمد ايدة على بنت .. ليليان دخلت عليهم )

ليليان : هو انا ممكن افهم فى ايه ... ومحدش يكدب لو سمحتووا ... وانت ازاى قاعد كدا ومراتك نازله من هنا منهارة بالشكل دا )

زين : اهدى يا حبيبتى

ليليان : اهدى ايه يا زين... انا عاوزة افهم فى ايه .. عملتوا فيها ايه خلاها تقولى الكلام دة

زين بتوتر : هى قالت ايه ؟ !

الحلقة 17:✌✌

رواية زين وليليان البارت 17 

ليليان : اهدى ايه يا زين... انا عاوزة افهم فى ايه .. عملتوا فيها ايه خلاها تقولى الكلام دة

زين بتوتر : قالت ايه ؟

ليليان : قالت انها مبقتش عاوزة تشوفنا تانى ونبعد عنها .. ليه يا زين طيب جوزها وزعلها انت مالك وانا مالى ... انا عاوزة افهم لو سمحت ... ومراد ازاى قاعد كدة وسايبها .

زين قرب منها ومسك ايديها وباسهم : ياروحى اهدى ... مفيش حاجة بس دى مشكله بسيطه بينها وبين مراد وهى عاندت مراد فى وقت مينفعش تعاند فيه وهو اتعصب وغلط وعمل حاجة عيب انه يعملها وانا غلطت الاتنين وسارة نرفوزة ومشيت معيطه بس دى كل الحكايه.

مراد : انا ماشى .

زين : اهو شوفتى مراد مش هايقدر يبعد عنها وهايجرى وراها اهو.

مراد : بس انا مش هاجرى وراة حد يازين ولا هاصالحها .. عن اذنكو .

(مراد مشى وزين شتمه فى سرة وليليان مصدومه من بجاحته معقول مزعل مراته وقاعد هادى كدة وكمان مش هايصالها ).

ليليان : ايه دا فى ايه بجد .. فى حد يعامل مراته كدا ... هو انت بتكدب عليا فى حاجة .

زين اخدها فى حضنه : انا مبكدبش.. بس صدقينى الاتنين غلطوا .... وهما بيحبوا بعض اوى ... بس يا حبيبتى دا كل اللى حصل .

ليليان : طيب وبعدين هانسيبهم كدا تعاال نروح على بيتهم ونحاول نهدى سارة .

زين : احم لا ما سارة عند مامتها اكيد ياعنى مشيت زعلانه مش هاتروح عند امها .. بصى يا حبيبى مش انتى عاوزة تصالحيهم ؟!

ليليان : اه طبعا .

زين : خلاص ياقلبى ... اسمعى كلامى ونفذى كل حاجة اقولك عليها واحنا هانصالحهم ماشى .... ودلوقتى بقا ممكن تسيبنى امشى اروح لمراد لازم اقعد واتكلم معاه

ليليان : ماااشى ... بس بردوا انت مقولتليش سبب المشكله .

زين : هى تبقى تحكيلك .. بلاش انا احكى علشان هى حاجة متخصناش .

ليليان : اوك .. ومتتأخرش عليا .

زين قرب منها وباسها وحضنها جامد : ربنا يخليكى ليا يا لى لى. ومتحرمش من وجودك فى حياتى ... بحبك.

ليليان : ويخليك ليا يا زين ... هو انت ممكن تعاملنى كدا زى مراد وتسيبنى امشى وانا زعلانه ومتجيش ورايا .

زين : انا ! استحاله تحصل انتى هنا دا مكانك قلبى مكانك البيت دة مكانك .. انا متخيليش ثانيه حياتى من غيرك .... انتى عشقى ... انتى عشق الزين ... مراد حب بس موصلش للعشق ولما يوصل عمرة ما يتصرف كدا ابدا .

(ليليان سكتت وبصتىله ... حست قد ايه هو غريب بيبقا شخص جامد وصارم مع الناس كلها الا معاها هى بيكون واحد تانى نبرة كلامه وطريقته فى كلامه ونظراته وحتى ضحكته .... بس هى دايما بتشوف الحب والعشق فى عنيه وبتبقا طمعانه اكتر فى كلامه وحضنه اللى بتتخنق لما بيبعد عنها ).

زين : مالك ياحبيبى ساكته ليه .

ليليان : ساكته علشان مفيش كلام اقوله اكتر من اللى انت قولته ... انا اوقات مبعرفش ارد كلامك بكلام . انت كلامك حلو اوى يا زين لدرجه انه بيخلينى اسكت

زين : اسكتى براحتك ومترديش كلامى عليكى بكلام بالعكس انا عاوزك تردى فعل .... لما تسمعى كلامى. وقتها شوفى نفسك تعملى ايه واعمليه .

( ليليان فهمت هو عاوز يوصلها ايه وقربت منه وحضنته ودى كانت اول مرة هى تعملها على طول هو اللى بيبدء وكمان اتجرأت وقربت من شفايفه وباسته برقه )

ليليان : انا لو كنت مبحبكش .... او كنت بحبك شويه صغيرين .. فانا دلوقتى بحبك كتير .... كتير اوى ... اوعى تبعد عنى .. خليك دايما قريب ... وحنيتك دى عمرها ماتروح ابدا ... خليك كدا بس الحنيه دى لوحدى وبس.

(زين اتبسط اوى انها اعترفت بحبها حتى وان كان فاقدة الذاكرة بس كان نفسه يسمعها منها الكلمه دى وهى مش فاقدة الذاكرة ... الكلمه دى بالذت ليها طعم تانى ... بس لازم يتحكم فى افعاله ... لغايه ما ترجع ذاكرتها وقتها هاتبقا ملكه ومراته فعلا مش على الورق بس.. لازم ميتسرعش ... لازم يحس بطعم كل حاجة بس وهى ليليان ... مش ليليان اللى فاقدة الذاكرة ).

زين اتنهد واخد نفس طويل : لا انا لازم امشى .... بعد كلامك الحلو دا هاقعد ومش هانطلع ولا نشوف حد ونسيب الاتنين الهبل دول يبعدوا عن بعض .

ليليان : ههههه‍ لا ميرضنيش روح يالا وراة ومش هاكل هاستناك .

زين : ماشى

( سارة روحت بيتهم ووقتها مامتها كانت فى شغلها .. فضلت تعيط وتفتكر كلام مراد وانه كسر قلبها واتجرأ وضربها ونظراته اللى كسرتها .. وقعدت تعيط وتندب فى قلبها اللى حبه .. قلبها اللى حب واحد ميستاهلش .... طلعت جواب رضوى وفضلت تقرى فيه مرة ورا مرة وافتكرت لما دخلت عليها ولقتها ميته وافتكرت احداث اليوم المشؤوم كله ).

سارة : ليه يارضوى... ليه عملتى كدة .. ليه حبتيه ليه سلمتى نفسك ليه بعدتى عنى ليه موتى .. ليه سيبتنى لوحدى ... لو مكنتيش عملتى كدة كنت زمانى مبعدتش عن اسكندريه ولا جيت هنا ولا قابلت مراد ولا حبيته. ولا كسر قلبى ولا كنت بسببه هابعد عن ليليان ... ليليان اللى بتفكرنى بيكى نفس طيبتك وضحكتك وبرائتك انا قلبى واجعنى اوى اوى ....لازم ابعد ..... ابعد عن كل حاجة ... ابعد عن ذكرى موتك اللى بطاردنى فى كل حته... وابعد عن ليليان اللى اقتنعت ان ربنا بعتها ليا علشان تعوضنى بيكى ...وابعد عنه ....ابعد عن مراد... ياررب ساعدنى .

زين راح لمراد بيته ومكنش موجود فضل يدور عليه كتير ..طلع تليفونه واتصل على شخص

زين : الو يابنى انا عاوز اعرف مراد بيه سهران فين .. وبسرعه .

: ثوانى ياباشا ونبعتلك العنوان ... حالا

(زين قفل معاه واتنهد من غباء صاحبه )

زين فى سرة : غبى وهايضيع كل حاجة من ايدة

( بعد ثوانى جاله مسج بالمكان اللى مراد سهران فيه )

************************

فى البار

كوكو : هههههه والله زمان يا مراد باشا وحشتنا

مراد : والله وحشتك !!! على كدا الشعب كله بيوحشك لما بيغيبوا !

كوكو : ههههههههههههههههههههههههههههههههه الله يحظك يا مراد بيه ... انت عسل اوى ..والله ووحشتنى من اليوم النحس اللى نقذت فيه البت اياها .

مراد : يووووووة ليه السيرة دى بس ماكنا كويسين .

كوكو : هههههههه على رأيك خلينا نفرفش .

مراد : ايوة فرفشينى ..... اصل انا اعصابى تلفانه اوى .

كوكو : لا ازاى ودى تيجى .. مراد باشاا هنا واعصابه تعباه ...يالهووى هو اللى انا شايفه دا بجد ولا كدب

مراد : شايفه ايه ؟!

كوكو : يالهوى دا بيقرب مننا ... زين الجارحى هنا بشحمه ولحمه .

مراد : زين هنا

زين : ايوا هنا ياباشا .

مراد : ايه اللى جابك ؟!

زين : جاى اخدك نتكلم شويه مع بعض.

مراد : مفيش كلام يا زين ....انسى ان اعمل اللى فى دماغك .

زين: يالا يامراد ومتبقاش تعمله .

كوكو : فى ايه ياباشا هو انت لحقت تيجى علشان تمشى ولا ايه .

زين : بس يا زباله ... اوعى توجهى كلام ليا ولا تتكلمى معايا .

كوكو حطت ايديها على صدره ودى اكتر حاجة غلط عملتها : ليه يا بس يا زين باش....

(زين كسر ايديها ومخلهاش تكمل كلامها )

كوكو : اه...... انت كسرت ايدى ... اه يالهوى .

زين : قولتلك بس يا زباله مسمعتيش كلامى واتجرأتى ومديتى ايدك عليا وانا مفيش واحدة تلمسنى ودة عقابك

مراد : هههههههههه يخربيتك يا زين عنيف انت اوى يا جدع كسرت ايد البت علشان حطتها على. صدرتك .. امال لو .. هاتعمل ايه يا جدع .

زين : بطل كلامك الشمال دة ... وتعال علشان ماكسرش راسك انت كمان .

 

فى امريكا

 

توحيدة : يابنى انت واخدنا على فين .. احنا ملحقناش نريح حتى .

عبد الرحمن : الصبر يا حجه .. بس لازم نعمل المشوار دة اول حاجة لان اعصابي خلاص مبقتش قادر استحمل.

ايمان : طيب ياعبد الرحمن ايه لزمته الفستان دا ... ماكنت البس اى حاجة .....وبعدين دة شكله غالى .

عبد الرحمن : مفيش حاجة تغلى عليكى يا روح قلبى ..يالا اهو وصلنا .

( عبد الرحمن وصلهم مكان على البحر وفى تربيزات وكراسى متزوقين بالابيض وفرقه بتعزف وورد احمر وابيض فى كل مكان )

ايمان : الله ايه المكان التحفه دا يا بودى .

عبد الرحمن : عجبكوا

توحيدة : حلو اوى يابنى منظرة جميل ويريح القلب.

عبد الرحمن راح وقف قدام ايمان : حببتى انتى طول عمرك نفسك تعملى فرحك على البحر ويكون مكشوف صح ويكون فيه ورد احمر وابيض وانا بقا مقدرش اتجوزك من غير ما احققلك كل اللى نفسك فيه... ومن غير فرح وفستان جميل زى اللى انتى لابسه دلوقتى ومن غير ما اشوف فرحه عنيكى ... انتى مش اقل اى بنت ...انتى حبيبتى ولازم نبدء حياتنا صح .

ايمان عيطت وحضنته : ربنا يخليك ليا ومتحرمش منك يابودى يا حبيبى ... دى احسن حاجة حصللتلى ... انت على طول فاكرنى وشايل همى .. وعاوز تفرحنى.. وانا مبقدرش اعملك حاجة خالص وافرحك .

عبد الرحمن باس ايدها الاتنين : انا عاوزك تتمنى وانا انفذ و مش عاوز تعملى حاجة بالعكس عاوزك تحبينى وبس ...واكتر فرحه حصلتلى انك بقيتى مراتى بعد تعب السنين دى كلها.

توحيدة قربت منهم : انا كنت هاندم لو رفضت جوازكو ربنا يخليكوا لبعض يا حبايبى ..... وبعدين يالا بقا تعالو نفرح ونتبسط بالمكان الحلو دة

عبد الرحمن باس ايد توحيدة : ربنا يخليكى يا ست الكل ... انتى هنا بقيتى امى التانيه .. منتحرمش من وجودك فى حياتنا ابدا

فى قصر الباشا

(نورة نايمه فى حضن علىى)

نورة : هو انت مبتخافش تجبنى قدام ابوك!

على: تؤتؤ. عادى ...بجيب كتير متقلقيش مش اول واحدة ياعنى .

نورة : انت غريب اوى وبجح اوى ومبيهمكش حد طيب اتكسف منى .

على : اذا متكسفتش من ابويا هاتكسف منك !

نورة : لابس انت غريب من وقت ما طلعت من عند مراد باشا وانت قالب .

على: اممممممم... شوفت اكتر واحدة بكرها فى حياتى.. ومع مين مع مراد الالفى .

نورة : قصدك على البت اللى جت الصبح لمراد بيه ..دى اعوذ بالله من لسانها .

على : امممم هى شرسه شويه ... الا قوليلى هما بيحبوة بعض!

نورة : لا مش عارفه .. بس مراد بيه مش بيطقيها .. دى اللى ضرب عليها نار ... دا بيبقا عاوز يخنقها .

على :امال نظراته ليها غير كدة ليه ..المهم انا ظبطها على الاخر مش انتى كنتى خايفه من اخر مرة مراد كلم فيها سهيله؟.

نورة : اه انا كنت مرعوبه ينادينى ويكلمنى .. انت عملت ايه .

على : لبستها فى البت اللى كانت معاه وهو صدق ههههههه وزمانهم بيولعوا فيها هو وزين هههههههههههههه

نورة : ازاى احكيلى .

على: مفيش حسيت انهم بيتخانقوا ووقتها افتكرتك وانتى بتحكيلى على الخناقه اللى كانت فى الشركه وفهمت ان هى دى .. رميت كلمتين وانا ماشى بس ولعوا الدنيا .

نورة : ايوا بقا ههههه المهم اكون فى السليم .

على : لا متخافيش انتى فى السليم .ههههههههه .

فى شقه مراد

زين : ممكن افهم فى ايه. ... انت عاوز ايه بالظبط

مراد : لا السؤال انت اللى تسأله لنفسك مش ليا .... عاوز ايه منى انا وسارة ليه بتجمعنا مع بعض ... ليه قولت لمراتك اننا متجوزين مع انك ممكن كنت تقول لا مخطوبين صحاب اى حاجة غير اننا متجوزين ... زين انا مش عبيط وفاهم كل حاجة بس استعبطت وسكت ورضيت العب اللعبه دى .. بس خلاص زهقت منها ومش عاوز اكمل .

زين : مش بمزاجك يا مراد.... بس خلينى اصححلك شويه حاجات ... انت مش استعبطت وكملت اللعبه لا اللعبه عجبتك وجت على هواك وكنت هاتكمل لولا اللى حصل من على ... انا مكنتش بجمعكو ... انت اللى كنت ما بتصدق وتشوفها ... اوعا تكون فاكر ان انا عبيط ومش فاهم نظراتك ليها ومش فاهم انت بتعمل ايه ... لا انا فاهم كويس بس واجبى ان انا اشجعك واقربك منها بدام انت خايف تقرب وبتلعب من بعيد لبعيد ..

مراد : لا يا زين... اوعى يكون اللى فى دماغك ... انا عمرى مااحب ان اقرب منها ولا احبها ... انا عمرى ماحبيت الا كاميليا وبس وهاعيش على ذكريتنا مع بعض .

زين : امممممم فعلا انت عمرك ما حبيت الا كاميليا بدليل كل ليله مع واحدة ونايم فى حضن واحدة ... مراد اللى بيحب حتى لو حبيبه غاب عنه العمر كله عمرة ما بيلجأ لحاجة تانيه .

مراد بعصبيه : قصدك ايه يا زين ... ان انا خاين لكاميليا ... طب ياخى بدام انا كدا انت عاوز منى ايه بلاش ام الصحوبيه دى وخليك فى مراتك ونفسك ومالكش دعوة بيا .

زين ببرود : مش بمزاجك انت صاحبى واخويا .... وانا عمرى مقدرش اسيبك ... عارف رغم ان انا وانت قد بعض فى السن .. بس ياخى سبحان الله بحسك ابنى مش صاحبى ...واجبى ان احمى ابنى من الغلط .... مراد انا كنت سايبك تسهر وتسكر وتعيش حياتك ومع كل يوم واحدة شكل .. بس كنت بصبر نفسى واقول معلش هو محبش كاميليا هو اتعود عليها وحب عشرتها معاه ... كنت بسكت وبقول فى يوم هاتيجى اللى تنسي مراد الالفى كل الحاجات دى. . واهى جت سارة ومن يوم ماعرفتها انت مسهرتش ولا سكرت ولا عرفت واحدة ..... طيب اقولك مش هى المفروض زعلت ومشيت وانت عملت ايه روحت البار بس اقسملك بالله انك مكنتش هاتروح مع الزباله دى مكنتش هاتقدر عارف ليه علشان انت شايفها قدامك فى كل حته وكل حاجة بتفكرك بيها .

مراد : ههههههههه زين انت واثق اوى ان خلاص حبيتها...دى تتحب دى هههههههه .

زين قام ووقف مراد قدامه : تعال فى حضنى

مراد : نعم ؟!

زين : بقولك تعال فى حضنى .

مراد : ايه ياعم دا بطل استعباط .

زين : بطل انت دماغك للى بتحدف شمال وتعال فى حضن اخو?

لتكملة الاجزاء للنهايه. من هنا