مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

قصة عشق زين للكاتبة زينب محمد الجزء الاول

الحلقة 18:✌✌

فى بيت الجارحى

زين : ليليان ..

ليليان : زين .. دا كله انت اتأخرت اوى.

زين : هههه قولى بقا انك اكلتى وغدرتى عليا وانا غلبان وجعان.

ليليان قربت منه : اولا انت وحشتنى .. ثانيا انت اتأخرت وقلقت عليك جدا ... ثالثا بقا انا فعلا غدرت جوعت اوى واكلت بسيط بس هاكل معاك بردوا .

زين : ههههههه كويس انك اكلتى لان كنت هازعل اوى لو مكنتيش اكلتى حاجة .. وانا فعلا اتأخرت لغايه مالقيت مراد واتكلمت معاه و كمان انتى اللى وحشتينى اوى .

ليليان : زين ..عملت ايه انا حاسه الموضوع دا معقد اوى ... هما ممكن يطلقوا .

زين : هههههه لا يطلقوا ايه .... وهو فى الحقيقه معقد ومراد عكها جامد بس انا عندى امل ان سارة هاتسامحه ... وكمان انا كنت عاوزك تكلميها ونقابلها ونتكلم معاها شويه .

ليليان : لدرجاتى... هو انت ليه مش عاوز تقولى هما مالهم ليه زعلانين اوى كدة من بعض ... ليه رافض تقولى هو انا مش صاحبتها زى ماهو صاحبك المفروض اعرف .

زين : انا متعودتش احكى حاجة تخص حد لحد تانى ... هى صاحبتك تحكيلك .

ليليان : هو انا حد؟!

زين : ليليان انا راجع دماغى مصدعه من غباء مراد وعنادة ... وانتى مش مقدرة ان دة طبع فيا انا كدة مبحبش اتكلم واقول حاجة تخصهم وهى مش تبقى تحكيلك.

ليليان بزعل : ماشى يا زين ... تصبح على خير .

زين : ايه دا ايه القمصه دى انا مالى بيهم .. ومش هتاكلى معايا هاتسبينى جعان .

ليليان بعند : عارف انا اكتشفت طبع فيا انى مبحبش اقعد مع حد وانا زعلانه منه .. تصبح على خير .

( ليليان سابته ومشيت زعلانه وهو مش عارف يعمل ايه مش عاوز يفضل يكدب عليها الكدبه الوحيدة اللى كدبها هى جوازة سارة ومراد ودى علشان خاطر مصلحه مراد ويقربه من سارة ...).

زين : والله منا واكل حاجة .. الله يخربيتك يامراد وعلى اللى بيجى منك.

( ليليان طلعت اوضتها وعيطت لانها حست انهم بيبعدوها عنهم حست فى حاجة غريبه حتى علاقتها بزين علاقه غريبه فيها لغز مش فاهمه اى حاجة الغموض ماليهم وبعد تفكير قررت تبعت رساله لسارة ).

ليليان : سارة انتى مشيتى زعلانه من مراد وقولتيلى انا مش عاوزة اعرفكوا تانى وابعدوا عنى .. معرفش ليه جمعتنى بيه .. بس انا حاسه انك محتاجنى .. انا جنبك لو عوزتينى فى اى وقت انا موجودة .

*****************************

والدة سارة : ياحبيبتى مالك بقا من وقت ما جيت وانتى مش بطلتى عياط .. وكمان ابوكى كلمنى وقالى انك كلمتيه وعاوزة تسافرى دبى ليه وحصل ايه .

سارة : مش عاوزة اتكلم خلينى فى حضنك وبس .

والدة سارة : طيب متتكلميش معايا .. مش انتى بتحبى ليليان صاحبتك اتصلى كلميها احكى قولى اللى جواكى .

سارة : تؤتؤ مش عاوزة اكلم حد ... انا بس ذكرى موت رضوى جت وانا مخنوقه ومحتاجة ابعد .

والدة سارة : ياروحى .. ربنا يرحمها .. الواحد زعلان عليها وعلى موتها وعلى موت عمك قطعوا بالواحد .. بس دا نصيبها ربنا مقدر كدة .. ياحبيبتى ياقلبى عيشى حياتك متفضليش عايشه فى ذكرى موتها كتير .

سارة : انا حاسه ان عاوزة ابعد .. وكمان بابا وحشنى .

والدة سارة : طيب ودراستك ؟!

سارة : مش مشكله السنادى .... عادى .

والدة سارة : طيب .. اللى انتى عاوزة هايحصل .. من حق انا مش قولتلك .

سارة : لا فى ايه ؟

والدة سارة : اسكتى قولى شوفت مين واقف تحت .

سارة : قولى يا ماما بقا على طول هو انا هاقعد افكر كتير .

والدة سارة : استاذ مراد ... الواد الحلو اللى كان خبط ماهى بالعربيه .... اللى كان عند خالتك واحنا عندها.... وصلنا بالعربيه .

سارة قلب دق جامد: اه اه افتكرته... هو كان تحت ليه .

والدة سارة : مش عارفه لقيته واقف وساند على عربيته وانا شوفته روحت سلمت عليه والنبى الواد عسل كدا وقمر مشاء الله عليه.

سارة اتوترت : ايوا كان واقف ليه ؟

والدة سارة : قالى انه مستنى حد صاحبه .. وانا عزمت عليه يجى وهو رفض وقالى اسلم عليكى سلام كبير.

سارة : اممممممم هاقوم انام .

والدة سارة : قومى ياختى ... على فكرة انا زعلانه منك .

سارة : ليه ياست الكل انا عملت ايه .

والدة سارة : علشان هتسافرى وتمشى وتسيبنى لوحدى .

سارة بصدمه:هو انتى مش هاتيجى معايا .

والدة سارة : لا فى تصحيح الامتحانات وبهدله وممنوع الاجازات ... بس مش مشكله روحى وانا هاقعد عند خالتك.

سارة : ماما حبيبتى انا اسفه بس انا لازم ابعد .. حاسه انى مخنوقه ومش عارفه اتنفس .

والدة سارة : مش زعلانه ياقلب امك .. روحى غيرى جو .. انا هاقوم انام اصل صدعت .... تصبحى على خير.

سارة : وانتى من اهله .

( مامتها مشيت وهى فضلت تعيط كلامه مش راضى يروح من بالها وكمان البجح كان موجود تحت بيتها وبيبعتلها سلام وافتكرت تليفونها اللى كانت قفلته .. اتنهدت وفتحته لقت مسج ليليان وقرتها ..ومسج منه اترددت تفتحها بس قررت تفتح تشوف فيها ايه ).

مراد : كويس انك بعدتى عننا ... وهابقا مبسوط اكتر لو مشوفتش وشك بعد كدا .

( سارة فضلت تقرى فى المسج مرة وراها مرة وهى مش مصدقه بجاحته وصلتو لفين ).

سارة لنفسها : اه ياحيوووووان بقا مبسوط من اللى عملته فيا ... انتى بتعيبى على رضوى انها حبت غلط طب مانتى كمان حبيتى الشخص الغلط يا سارة ... لازم اخلص من حبك .

( قررت تبعت مسج لليليان وتودعها علشان هى مش تستاهل منها كدا ).

****************************

فى بيت الجارحى

زين : خلاص بقا بقالى ساعه بصالح فيكى وانتى حاطه وشك فى المخدة ... طب حطى وشك فى وشى حتى انا احسن من المخدة .

ليليان بتضحك بس مش عاوزة تبينله : ابعد عنى انا مخصماك .

زين : يادى النيله... خصام ايه بس ... انا مالى بيهم .

ليليان رفعت وشها وشعرها منكوش على وشها : لا مالك يا استاذ زين ... بص فى عينى وقولى ايه الحكايه بقا .

زين ضحك على منظرها وفضل يرتبلها فى شعرها : ياعنى عينك هاتخلينى اعترف .... طيب تعالى ابص .

ليليان : اهو .

زين بحنيه : بحبك .

ليليان تاهت فى نبرة صوته اللى بتعشقها : ها؟

زين بخفوت : بحبك .

ليليان : وانا كمان .

زين : انتى كمان ايه ؟

ليليان : بحبك .

زين قرب منها : طيب ماتجيبى بوسه .

ليليان اتكسفت منه : زين انت قليل الادب .

زين بصدمه : انا قليل الادب .. تعالى هنا والله لاخدها ماليش دعوة.

( ليليان فضلت تجرى وتضحك وهو بيجرى وراها وسمعت صوت تليفونها وقفت مرة واحدة) .

زين : مسكتك .

ليليان : هههههههه اوعى يا زين تليفونى بيرن فى مسج جتلى.

زين : ماليش فيه ...تعالى هنا .

ليليان : هههههههههههه اوعى بقا .. دى اكيد سارة .

زين وقف : هى سارة فتحت تليفونها .

ليليان : هو انت اتصلت عليها.

زين : اممممم وانا جاى فى الطريق .. اتصلت بس فونها مقفول .

ليليان : انا مجربتش اتصل بس انا باعتلها مسج وقولتلها انى جنبها لو عاوزة تحكيلى ... اكيد بعتت مسج ترد .

زين : طيب تعالى نشوف فى ايه .

ليليان : هههههه طيب اوعا .. انت ماسكنى زى ماتكون ماسك حرامى .

زين : ابدا والله ... علشان تهربى منى استحاله.

(ليليان ضحكت عليه وفتحت الرساله ).

سارة: انا اسفه ان كنت زعلتك .. انا مقصدتش... انا هاسافر يا ليليان ... محتاجة ابعد ... لما ارتاح هاتصل بيكى اطمن عليكى .

ليليان : دى هتسافر يا زين.

زين حاول يتحكم فى اعصابه : اممممم..... متقلقيش مش هتسافر اكيد مراد مش هايسمحلها .

ليليان :طب اتصل عرفوا ممكن ميكونش عارف .

( زين فعلا اتصل بمراد كتير مرة وراة مرة وكل مرة زين كان بيشتمه فيها وفى الاخر مراد رد ).

زين : ايه يا زفت انت فين .

مراد بنوم: ايه. ياعم مطلع زرابينك عليا ليه .

زين : انت متخلف انا اتصلت كتير وحضرتك نايم فى العسل ...المهم مراتك مسافرة .

مراد : مراتى مين ؟

زين: مرررررررراد ركزز علشان انا على اخرى سارة مسافرة .

مراد : مسافرة فين ؟

(زين بعصبيه من برودة ودى كانت اول مرة ليليان تشوفه جزء من عصبيته)

زين بنرفزة: مرررررراد اتظبط ... هاتكون مسافرة فين اكيد دبى لابوها .

مراد ببرود : طيب كويس ..فى ستين داهيه.

(زين قفل التليفون فى وشه وكان متعصب جدا من غباء صاحبه ).

ليليان قربت منه بحذر : زين انت كويس

زين حاول يتحكم فى اعصابه وفشل : لا و روحى نامى... تصبحى على خير .

*****************************

فى امريكا

عبد الرحمن : تعالى هنا ... امك هاتصحى على صوتنا .

ايمان بتجرى فى الاوضه : لا لا انا خايفه .

عبد الرحمن : خايفه من ايه يا خايبه ... وربنا دى حاجة حلوة اوى .

ايمان : لا بقولك لا يا عبد الرحمن.. ابعد عنى اصل اصوت واخلى ماما تصحى ...روح استر نفسك.

عبد الرحمن : مانتى كدة كدة ياروحى هاتصوتى ...تعالى بس .

ايمان : لا يا عبد الرحمن ..ابعد والنبى .. استر نفسك بقا انا مكسوفه ابصلك .

عبد الرحمن : استر ايه بس يا ايمى ... امال لو كملت وقلعت هاتعملى ايه .. تعالى بس يا ايمى دة عز الطلب .

ايمان : هههههههه انت قليل الادب .

عبد الرحمن : هههه ضحكت يبقا قلبها مال ... تعالى بقا ياروحى فرهدتينى وانا لسه معلمتش حاجة .

ايمان : عبد الرحمن انا بجد خايفه ... انت مش شايف نفسك عامل ازاى ونظراتك ليا عامله ازاى .

عبد الرحمن بحنيه : مالى عامل ازاى بقالى ساعه بجرى وراكى .... يا ايمى انا مستنى اللحظه دى بقالى ٢٠ سنه حرام بجد .. هو انت مبتحبنيش ولا ايه .

ايمان قربت منه بحذر : لا بحبك .. بس انا متوترة وبعدين انا....

عبد الرحمن شدها لحضنه : عمرك ما تخافى منى ... وبعدين خلاص بلاش دلوقتى نستنى يا ايمى .

ايمان : حبيبى يا بودى ربنا يخليك ليا يالا ننام بقا .

عبد الرحمن : ايه دا هو انتى صدقتى... انا بضحك عليكى ... تعالى ياحجه انا يا قاتل يا مقتول الليله دى .

ايمان : عاااااااا يا ما..

( عبد الرحمن قاطع كلامها بشفايفه ونسها هى كانت عاوزة تقول ايه شالها واخدها على السىرير وفضل يبوسها ويقولها قد ايه هو بيحبها ويطمنها ).

*نسيبهم بقا علشان كدة عيب *

فى بيت الجارحى

زين : اصحى بقا يا لى لى مش معقول دا كله نوم .

ليليان : اممممم سيبنى انام انا زعلانه منك.

زين : هو انتى بتزعلى منى كام مرة فى اليوم ... اصحى علشان عاوزك فى موضوع يخص سارة .

ليليان اتعدلت من نومتها :. ها عاوز ايه ... موضوع ايه دا .

زين كشر : والله ! علشان موضوع يخص سارة تقومى من النوم لكن ادلع فيكى علشان تقومى وتكلمينى عماله نفسك مقموصه.

ليليان : ههه تكشيرتك وحشه .... وبعدين انا ليا حق ازعل ... ينفع تكلمنى كدا امبارح وتقولى قومى نامى.

زين : حبيبى لما اكون مدايق او متعصب ابعدى عنى ... انا مبتحكمش فى نفسى .. وانتى اخر شخص مبحبش انه يشوفنى وانا متعصب .

ليليان : ليه يازين ..... مش ممكن انا اهديك واروق بالك .

زين : انا اتعودت لما اكون متعصب اطلع غيظى فى حاجة وبطلعها فى الرياضه ... مش عاوز اطلعه عليكى .. انا عصبيتى وحشه وانا مبحبش انك تشوفيها .

ليليان : اممممم ماشى ... طيب بردوا صالحنى

(زين قرب منها ولسه هايبوسها هى بعدت عنه.)

ليليان : هو انت كل ما تصالحنى .... تصالحنى كدا .... مفيش تغير .

زين شدها وباسها : امممم انا بصالح كدا .. واوعى تبعدى عنى تانى .

ليليان بدلع واتعلقت فى رقبته : امممم مش هابعد .. مش هاتقولى. موضوع ايه يخص سارة .

زين اتاثر من حركاتها : طيب شيلى ايدك من شعرى وهاتكلم .

ليليان بعند : لا

(زين حاول يتحكم فى نفسه مش عاوز يندم ويتسرع بدء نفسه يعلى وهى مش حاسه هو قد ايه بيحاول يسيطر على نفسه وبتعاندة وبتزيد من حركاتها اللى بتجننه )

زين بتعب : ليليان ابعدى ... خلينى اقولك بقا .

ليليان باسته : ليه يا زين .

زين : ليليان

(ليليان بعدت عنه وهى مستغربه ليه هو كدا اكيد فى حاجة المفروض انها مراته ليه بيبعد عنها ليه فى حدود بينه وبينها ... بس بينتله انها كانت بتهزر ).

ليليان : ههههههههه اهو خلاص بعدت قول بقا فى ايه .

زين : بطلى ضحك.. قومى البسى علشان هانروح لسارة وفى الطريق هاقولك تعملى ايه .

ليليان : ماااااشى هاروح بسرعه واجاى.

( ليليان مشيت وزين اخيرا اخد نفسه واتنهد)

زين فى سرة: شكلك مش ناويه تجبيها لبر يا ليليان .

********************

فى الشرقيه

يوسف : الو ها ؟ فى جديد .

: اه نزل من بيته مع واحدة شكلها مراته .

يوسف : شكلها ايه؟

: واحدة صغيرة كدة وحلوة انا صورتهم بالعافيه ..مش عارف اذا كان الصور هاتبقا واضحة ولا ايه ... حواليه كم حراسه فظيع.

يوسف : طب ابعت الصور وافضل راقبه وكل كبيرة وصغيرة بلغنى بيها.

: طيب .... سلام .

( يوسف فضل مستنى الصور واخيرا وصلت ..واتصدم من اللى شافه).

يوسف : ليليان !!

**********************

فى الاسانسير

زين : فهمتى يا حبيبتى

ليليان : اه فهمت انت هاتدخل معايا ولا ايه .

زين : لا انا هاوصلك لغايه باب الشقه وانزل استناكوا .. متتاخريش ماشى .

(زين نزل تانى وليليان رنت الجرس ووالدة سارة فتحت .. لقت بنت جميله لا جميله دى قليل عليها وابتسامتها حلوة ).

ليليان : صباح الخير يا طنط ..انا اسفه ان جيت الصبح كدة .

والدة سارة : لا يا حبيبتى عادى ... انتى مين ؟.

ليليان استغربت انها مش تعرفها : انا ليليان صاحبه سارة

والدة سارة : اهلا ياحبيبتى اهلا ياقمر .. مشاء الله جميله اوى اتفضلى جوة ... هاصحيلك سارة.

( والدة سارة دخلت تصحيها .)

: بت يا سارة قومى .

سارة : سيبنى انام عندى طيارة بليل .

والدتها : ياخرابى منك قومى ليليان صاحبتك مستنياكى برة .

سارة اتفزعت : ايه ليليان جت

والدتها : اه ياختى جت ... ايه البت القمر دى مشاء الله عليها ربنا يحميها لشبابها وايه الرقه دى دى بسكوته .ياختى اتعلمى منها .

سارة : امشى يا ماما روحى شوفيها تشرب ايه ... لغايه ما اطلعلها .

*******************

فى شركه الجارحى

( نورة بتتكلم فى التليفون بصوت واطى )

نورة : ايوا يا باشا .

على: ايه الاخبار .. زين جه الشركه .

نورة : لا مجاش ... بس مراد بيه هنا ومطلع عنينا زعيق وشخط واخر بهدله .

على : هه‍هههههههههههه ايوا بقا شكلها ولعت .

نورة : هههههههههه دى والعه على الاخر ياعلى باشا.

: نوررررررة

( نورة اتخضت والتليفون وقع منها اتكسر).

نورة : مراد بيه

******************

فى احد الكافيهات

سارة : خير يا زين بيه .

زين : اولا بلاش زين بيه. دى ... انا زى اخوكى .

سارة بتهكم : هو انت لو زى اخويا...هاتشك فيا .

زين : سارة انا مشكتش ثانيه فيكى ... بس انا كنت عاوز اجيب اخر مراد.

سارة عيونها دمعت : واهو جاب اخرة وضربنى واهانى وشك فى اخلاقى .

زين باحراج منها : عندك حق تزعلى وتعملى كل اللى نفسك فيه .

سارة : انا عملت ؟! انا عملت ايه....... انا معملتش اى حاجة انا اخدت اهانتى وسكت ومشيت... حضرتك جايبنى هنا ليه ...انا اصلا مش عارفه ازاى وافقت ليليان ونزلت معاها.

زين ابتسم : ليليان ليها سحر خاص... انا اصريت عليها تطلع وتقنعك وتنزلك علشان اتكلم معاكى .

سارة : انا وافقت علشان مزعلهاش وعلشان ماما متشكش فى حاجة .

زين : طيب كويس ... المهم ندخل فى اللى عاوز اقوله علشان ليليان تقريبا هاتولع ... وفى الف سؤال وسؤال فى دماغها دلوقتى

(سارة ابتسمت على حبه لليليان وانه مش مكسوف يبين حبها قدام اى حد وبيفكر فيها دايما ).

زين : سارة انتى مش المفروض تسافرى .

سارة : ليه علشان ليليان .. انت اهو معاها ربنا يخليك ليها ... هى هاتزعل شويه بس بعد كدة هاتنسانى .

زين : لا مش علشانها ... علشان مراد .

سارة : مراد.. مراد مين دة ...دة واحد حقيير اذانى نفسيا وبدنيا .

زين : اهدى يا سارة واسمعينى للاخر... مراد دة صاحب عمرى انا ماليش حد غيرة اصلا .. مراد كان ظابط فى المخابرات وكان متجوز.

سارة : ايه هو متجوز ؟.

زين : اهدى. قولتلك واسمعينى ... اه هو كان متجوز بنت اسمها كاميليا اتعرف عليها لماا اتصاب فى مرة وهى كانت دكتورة فى المستشفى ... كاميليا كانت رقيقه وبسيطه اوى و كانت بتهتم بيه وهو اتعلق بيها واتجوزها .. اتجوزها سنه وماتت .. كان ماسك قضيه تهريب لناس فى الدوله وامروا بقتلها ... وفعلا اتقلت قدامه وفى بيتهم وهو مكنش قادر يعمل اى حاجة شافها وهى بتموت وكانت حامل منه.. هو كان مسافر فى مهمه وصوروها وهما بيقتولها وبعتوهاله وهو كان مش عارف يتصرف وماتت مراد ادمر وبقا واحد تانى ومسكتش الا لما صفاهم كلهم وانتقم منهم وبعدها ساب شغله .. بقا بيسكر ويعرف بنات واتغير ... مشيت معاه مشوار من بدايته وخليته يدخل باسهم معايا فى الشركه علشان اشغله وهو كان رافض وفى الاخر وافق وبقا بيجى الشركه تسليه... انا كنت صابر على اللى هو فيه وساكت واقول بكرة يقابل اللى يحبها وينسيه ذكرى وفاه كاميليا ويحب ويعشق لحد مانتى جيتى .

سارة بتعيط : لا متقولش انه بيحبنى ..دة تقريبا مبيكرهش حد قدى ... هو فيه حد بيحب بيأذى بالشكل دة

زين : لا هو بيحبك وانا متأكد من كدة وهو اعترفلى بكدة ... بس غبى عاوز يبعدك عن طريقه فاكر ان كدة الصح ... على فكرة مراد مشكش للحظه فيكى بس هو اختار يبعدك بغباء .

(سارة مصدومه انه طلع بيحبها زى ماهى بتحبه ... فضلت ساكته مش عارفه تنطق وتقول ايه ) .

زين : سارة متبعديش عنه ... صدقينى هو بيحبك وانتى بتحبيه ليه تبعدوا.

سارة : لا انا مبحبوش .

زين : عيب انا مش عيل ... انا فاهم كويس انتى قد بتحبيه بس بتكابرى او يمكن مكسوفه .

سارة : لا مش بكابر ... حضرتك كنت شايفنا عاملين ازاى .

زين بضحك : الدنيا اسهل من اللى انتو بتعملو فى نفسكوا ...والحب حاجة حلوة لما تيجى امسكوا فيها بايديكو .

سارة : هههه مش كل الناس زيك .

زين : لا احنا اللى بايدينا كل حاجة. بس بنكابر وبنضيع فرص من دهب علشان شويه غباء .

سارة : انا اسفه مش هاقدر اكمل وارجع اتعامل معاه عادى حتى لو كنت بحبه ... انت قولت انه عاوز يبعدنى واختار طريقه غلط والطريقه دى جرحتنى ومفكرش فيا ... هو لو كان بيحبنى كان اتمسك بيا بس هو اختار طريقو وانا لايمكن افرض نفسى على حد.

زين بتنهيدة وفى سرة : دا مراد مطلعش هو كمان غبى حتى اللى بيحبها غبيه زيه.

سارة : على فكرة ليليان جابت اخرها .. انا هاقوم امشى واسلم عليها طيارتى بليل ....اشوفك على خير .

( سارة سلمت على ليليان وهما الاتنين عيطوا وزين قعد يحاول يهدى فى ليليان ) .

****************

فى عربيه زين

زين واخدها فى حضنه : اهدى بقا يا حبيبى ... انا حاولت اقنعها وهى رافضه اى كلام .

ليليان بتعيط : خلاص مبقاش ليا حد ولا اب ولا ام ولا اخ ولا اخت حتى صاحبتى سابتنى ومشيت .

زين : هشش اهدى يا قلبى ... علشان خاطرى اهدى ... انا جنبك انا جوزك وحبيبك وابوكى واخوكى وكل حياتك .

ليليان عيطت اكتر وخبت نفسها فى حضنه : اوعا تسيبنى يا زين .

زين : روح زين انتى .. انا عمرى ماقدر اسيبك .... ميبعدنيش عنك الا الموت .

( ليليان نامت فى حضنه من كتر ماهى عيطت واخدها وصلها البيت وشالها لغايه السرير ونيمها وفضل معاها يطمن عليها وبعدين سابها وراح الشركه ).

*******************

فى شركه الجارحى

مراد : اهلا ياعم الحبيب اخيرا جيت تعال شيل انا مش فاهم حاجة .. ايه القرف دة .

( زين قرب من مراد وهو ساكت ومرة واحدة ضربه فى وشه )

مراد : ايه دا يا زين انت اتجننت

زين بزعيق : انا ممكن اتجنن اكتر .. انت واحد قذر وتستاهل كل اللى بيجرالك ... اتبسط زمانها مشيت وسافرت وبعدت عنك وعن حبك المقرف زيك .

مراد بعصبيه: فى ستين داهيه ... وانت مالكش دعوة بيا.

( مراد خرج متعصب ولو كان حد وقف قدامه كان قتله).

*********************

فى الطيارة

المضيفه : لو سمحتى يا انسه ؟

سارة : نعم .

المضيفه : حضرتك المفروض تنزلى من الطيارة

سارة : نعم ؟! انا انزل ليه .

المضيفه: حضرتك دى تعليمات ... حضرتك ممنوعه من السفر .

سارة : انا ممنوعه من السفر .. ليه؟!

&&&&&&&&&&&&&&&&&&

 الحلقة 19:✌✌

 فى الطيارة 

المضيفه : لو سمحتى يا انسه ؟

سارة : نعم .

المضيفه : حضرتك المفروض تنزلى من الطيارة

سارة : نعم ؟! انا انزل ليه .

المضيفه: حضرتك دى تعليمات ... حضرتك ممنوعه من السفر .

سارة : انا ممنوعه من السفر .. ليه؟!

المضيفه : لو سمحتى المعلومات كلها تحت فى المطار ... فى مكتب الامن .

سارة : طيب بس على فكرة لو فيه لخبطه فى الاسماء والله منا ساكته وانتى اول واحدة هتتأذى فيها .

المضيفه : اتفضلى .. حضرتك

( سارة نزلت من الطيارة ولقت واحد ظابط مستنيها واخدها وراح على مكتب الامن الخاص بالمطار).

: باشا مدام سارة وصلت .

سارة داخله الاوضه : مدام سارة مين ... انا انس.... مرراد.

مراد بابتسامه : ايه ياقلبى حد زعلك.

سارة : ها؟

مراد: خلاص انا متشكر جدا ....على تعاونكوا معايا.

مدير امن المطار : العفو ياباشا دة احنا لينا الشرف انك تطلب مننا طلب صغير زى دة.

(سارة فى الوقت دا فاقت من الصدمه ) .

سارة بعصبيه : انا ممكن افهم فى ايه... ازاى تمنعونى انى اسافر .

مراد: انا اللى منعتك .

سارة بنرفزة : اسمع انا مبكلمكش.... انا بوجه كلامى لاستاذ اللى قاعد ومنعنى من السفر دون وجه حق .

( مراد شاور لظابط الامن انه يتكلم ) .

ظابط الامن : يامدام حضى...

سارة : انا مش مدددددددام ...

ظابط الامن : لا انتى مدام .. حرم مراد باشا الالفى .

سارة : لا ياراجل وانت بقا ادرى منى .

مراد فى الوقت دا قرب منها وهمس : طيب اسكتى احسن وربنا اطلع الورقه العرفى اللى انا مزورها انا مجنون واعملها مشيها حرم مراد الالفى .

سارة بعصبيه : انت مجنووووون انا هافضحك واسجنك.

ظابط الامن : تسجنى جوزك علشان عاوز يمنعك من السفر ... يامدام سارة حلوا مشاكلكو فى البيت احسن وبلاش كل مشكله تهربى وتسافرى السفر مش حل .

(سارة بعصبيه ومسكت فازة كانت هاتضربه بيها لولا مراد اللى مسكها وحاول يتحكم فيها ) .

سارة : طيب تصدق انا هاسجنك انت كمان... عاملى فيها اسامه منير وبتدينى نصايح !

مراد : اهدى بقا عيب كدة .

سارة : اوعا من وشى .. ماااااشى يا مراد ماااااشى

( سارة اخدت شنطها ومشيت والغيظ ماليها من مراد والظابط المغفل ومراد طلع يجرى وراها ).

مراد : اقفى بقا ... انا هاجرى وراكى .

سارة مرة واحدة وقفت وفى وسط صاله المطار وباعلى ما فى صوتها : اعاااااااااااااااااااااااااااااا ابعدددددددددد عننننننننننننى .

( الكل وقف يشوف مين المجنونه اللى بتصوت بالطريقه دى ومراد اتصدم من جنانها ) .

مراد: الله يخربيتك انتى طلعتى اجن منى.

*******************************

فى الشرقيه

(يوسف قاعد مصدوم من الصور اللى بيشوفها معقوله دى ليليان... مرة فى حضنه ومرة ماسك ايديها ومرة بتضحكله ومرة بتعيط وهو بيبوسها ومرة شايلهااا وهى ماسكه فيه ... خلاص هايتجنن ).

عاصم : يوووووسف .. قاعد مسهم فى الزفت دة ليه .

يوسف : ها ؟ انت دخلت امتى .

عاصم : من زمان ياخوياااا انت بس اللى مش حاسس .

يوسف : مصيبه يابابا ... بص خد شوف.

عاصم : مصيبه ايه ... هات كدة .

( عاصم شاف الصور واتجنن والشر اتحكم فيه) .

عاصم : ايه المهزله دى .... نهار اسود .

يوسف : انت كنت صح لما قولت حسن وعبد الرحمن عارفين مكانها ... انا كنت غبى ... شوفت نايمه فى حضنه ازاى بنت ال..... عامله محترمه وشريفه عليا .

عاصم : مصيبه ليكون متجوزها... يبقى كل حاجة ضاعت من ايدينا .

يوسف : والله لاقتلها واخلص منها .

عاصم : غلط طبعا اوعا تعمل كدة .

يوسف : لييييييه علشان ورثها ماهو هايجلنا لما تموت .

عاصم : غبببببببببى ولما تموت وهو يطلع متجوزها الفلوس هاتروحله .

يوسف بعصبيه : اماااااال انت عاوزنى اعمل ايه ... البت تمنع نفسها عنى وترتمى فى حضن غيرى.

عاصم : اهدى كدة وخلينا نفكر صح ... اولا حاجة حلوة اننا خلاص عرفنا هى فين .. ثانيا بقا الحاجة الوحشه ان الراجل دا مش سهل لازم نفكر ونلعبها صح.

يوسف : هاخدها منه .. ماليش فيه .

عاصم : نجيبها وبعدين اشبع بيها ... المهم خلى الواد اللى بيراقب يفضل يراقبها ويركز عليها .... هو ساكن فى فيلا.

يوسف : فهمته يعمل ايه طبعا من غير ماتقول .. لا ساكن فى برج على النيل بس كله حرس والمنطقه كلها متلغمه ...صعب اوى اللى بتفكر فيه ...ليليان لازم تكون لوحدها .. لازم .

عاصم : هاتكون ... وهانجيبها ومش هارحمها .

***********************

فى امريكا

تليفون عبد الرحمن بيرن

عبد الرحمن : الو

كريمه : ازيك يا حبيبى .

عبد الرحمن اتعدل من نومته : ازيك انتى يا امى. .. وحشتينى اوى .

كريمه : وانت كمان والله ياعبدة .. ها عروستك عامله ايه .. مبسوط منها .

عبد الرحمن : ههههههههههههههه اه مبسوط اوى ... شقيه انتى يا امى .

كريمه : هههه حبيبى يابنى بطمن عليك دة انت ابنى الوحيد .

عبد الرحمن : براحتك يا ست الكل .. قوليلى عامله ايه؟.

كريمه عيطت : تعبانه من غيرك يابنى وحيدة والدنيا فاضيه اوى .

عبد الرحمن بحنيه : يا امى منا قولتلك اخدك معايا وكدة ابقا مطمن .

كريمه : واسيب ابوك لمين .

عبد الرحمن : هو عرف ؟

كريمه : اه عرف يوم ما سافرت ... واتخانق مع عمك واظاهر قومه عليا وجه واتخانق معايا .

عبد الرحمن : اوعى يكون ضربك.

كريمه : لا يابنى من وقت ماهو تعب مبقاش يضربنى .

عبد الرحمن : بابا لو فكر يمسك قوليلى .

: هاتعمل ايه يابن امك .

عبد الرحمن : بابا ... احم ازيك ؟!

شاكر : ليك عين تسأل عن صحتى وانت خرجت عن طوعى .

عبد الرحمن : خرجت عن طوعك فين .. انا كل اللى انا عملته اتجوزت الانسانه اللى بحبها.

شاكر : وياترى مين الانسانه دى بنت حسن .

عبد الرحمن : ماله عم حسن .... راجل محترم .. مربي بنته احسن تربيه ... ماله عم حسن بتكرهه ليه ... علشان كان بيقف فى وشك انت وعمى لما بتيجو على جدتى وبيقف فى وشكو لما كنت بتضربوا ليليان .. ماله فى ايه .

شاكر : انت مش متربى .. هى كلمه طلق البت دى وانزل استنى بنت عمك ترجع انت احق بيها من يوسف كدة تبقا ابنى وحبيبى لو معملتش كدة يبقا تنسى ان ليك اب وام .

عبد الرحمن : انا اسف علشان هاقولك الكلام دة بس انا عمرى مهاطلق ايمان ولا هارجع .. ولا هاتجوز ليليان فى يوم من الايام .. وان كان دة عقابك يبقا انت اللى اخترت مش انا .. بس انا هايفضل ليا ام اسأل عليها واب اتمنى من ربنا انه يشيل الغشاوة من على عنيه .

( عبد الرحمن قفل مع ابوة واتنهد بحزن من ابوة اللى عمرة هايفضل كدة ماشى وراة الفلوس والطمع ).

********************

فى بيت الجارحى

زين : ليليان انتى صحيتى .

ليليان : اه انا صحيت ومش لقيتك وسألت عليك قالوا انك روحت الشركه .. نمت تانى وعرفت انك هنا فى المكتب .

زين : طيب تعالى يا قلبى قربى واقفه بعيد ليه .

( ليليان قربت وقعدت جنبه على الكنبه وهو حضنها هى حست انها قعدت قبل كدة هنا مرة وافكار كتير بتجيلها ومش مركزة ).

زين : مالك ؟!

ليليان : هو احنا كنا بنقعد هنا قبل كدة المكان دة بالذات حسيت انى قعدت فيه .. افكار كتير فى دماغى ومش قادرة اركز .

زين : اه قعدتى هنا معايا كنت بذاكرلك .. كنتى بتقعدى فى حضنى زى دلوقتى واشرحلك .

ليليان : هههه وكنت بركز .

زين : امممم كنتى شاطرة وبتركزى .

ليليان بحزن : هى سارة كدة سافرت خلاص .

زين : تؤتؤ مسافرتش .

ليليان : ايه بجد ازاى ... احكى يا زين وساكت ومتقوليش.

زين : هههههه طيب اهدى هاحكيلك ..انا رروحت الشركه وضربت مراد

ليليان بصدمه : ايه ضربته !!!

زين : امممم وزعقتله وهو زعق ومشى زعلان... خفت عليه كلفت حد يمشى وراة واحد يشوف هو رايح فين ... وهو راح قعد شويه مع نفسه ... وبعد كدة راح على المطار ومنعها من السفر .

ليليان : طيب ليه من الاول اصلا دة كله يحصل .. ليه سمحلها تاخد خطوة زى دى .

زين : علشان هو عنيد جدا وهى عنيدة والعند اتحكم فيهم .

ليليان : اممممممم ياعنى هى زمانها معاه اكيد بيصالحها .

زين بضحك : ههههههههههههه اه اكيد .

ليليان : طيب تعال نروحلهم بيتهم بكرة نزورهم .

زين : امممم لى لى اكيد هما عاوزين يرتاحوا بلاش نرخم عليهم .

ليليان : لا لازم نروح ... انا عاوزها اشوفها ... ابقى اتصل بيهم وقولهم .

زين : ماشى يا حبيبتى .

ليليان : ها قولى عملت ايه فى الشركه ؟.

زين باستغراب : عملت ايه فى ايه !!

ليليان : يومك كان ازاى .... لا استنى لو سمحت وقولى احنا علاقتنا ليه كدة انا حاسه فيها فتوور فيها حاجة غريبه ... انت تعرف ان ماما سارة مكنتش تعرفنى معنى كدة ان عمرى ماروحت بيتهم مثلا محضرتش فرحى ... انا محضرتش فرحهم ... انتو بتخبوا ايه .

زين : مبخبيش كل الحكايه ان فعلا علاقتنا فيها فتوور وبعاد عن بعض شويه .. ليليان هو ممكن متسأليش عن حاجة قبل فقدان الذاكرة ... الدكتورة نبهت عليا مفيش اى حاجة سلبيه اقولك عليها .. انا معنديش استعداد ان اخسرك.

ليليان : وتخسرنى ليه ... هى حياتى فيها ايه تخاف تحكهولى .. انا اعصابى تعبت منك يا زين .. وغموضك دا تعبنى جدا .. انا مش كل شويه هاقعد افكر الف سؤال فى دماغى وبردوا مبلاقيش اجابه .

( زين سكت ومردش ).

ليليان : تمام متردش .. انا هاقوم انام تصبح على خير .

*****************

( سارة وصلت البيت وبتضغط على الاسانسيرر علشان ينزل وبالفعل الاسانسير جه وهى ركبت ولسه بتقفل مراد دخل ).

سارة : انت جاى لغايه هنا . لو سمحت يا مراد امشى .

مراد : لا مش هامشى

سارة قربت منه والغيظ ماليها منه : انت عاوز ايه منى ... انت مش ضربتنى واهانتنى وزعقتلى وبعتلى رساله بتطلب فيها ان امشى واسيبك فى حالك.... جاى ورايا ليه .

( مراد مرة واحدة قرب منها وباسها فى خدها اللى قبل كدة ضربها عليه وهى اتصدممت وحبست انفاسها ).

مراد همس ليها : متزعليش علشان ضربتك انا اول مرة امد ايدى على واحدة ... وكمان متزعليش على اهانتك .. بس انا كنت جاى وراكى علشان كدة .. تصبحى على خير .

( مراد فتح باب الاسانسير ومشى وهى فضلت مصدومه فترة حطت ايديها على خدها واخيرا عرفت تتنفس وضغطت على الدور اللى ساكنه فيها والاسانسير اتحرك بيها ووصلت شقتهم ).

سارة : الله يخربيتك يامراد هاتجننى.

سارة : مامااااا انتى فين .

والدة سارة : سارة ! انتى جيتى ؟ مسافرتيش .

سارة: امممم لا الصراحه قلبى واجعنى عليكى .. قولت ازاى يابت يا سارة تسيبى امك حبيبتك لوحدها وتسافرى . رجعت تانى .. وقولت حرام اضيع سنه دراسه كامله من عمرى علشان شويه خنقه .

والدة سارة : والله انك مجنونه ..وقولت لابوكى بلاش تسمع كلامها قالى لا البت مخنوقه ... هاتقولى ايه لابوكى بقا .

سارة بخبث : مانا مش هاقوله انتى اللى هاتقوليلو انك منعتينى اسافر خايفه تقعدى لوحدك وهو يسكت علشان خاطرك.

والدة سارة : بت يا سارة انتى مخبيه عنى حاجة .

سارة : انا فين دة .. بقولك رجعت علشانك ... تقوليلى مخبيه عنك حاجة .. اوعى ياماما خلينى انام .

********************

فى بيت الجارحى

ليليان : زين اوعى انا مش بكلمك.

زين : حبيبتى اهدى بقا علشان انا زعلى وحش ... وبعدين انا مش عاوز منك حاجة انا عاوز اخدك فى حضنى وانام .

ليليان : بس انا مخصماك .

زين : عادى ... المهم انام انا متعودتش انك متنميش فى حضنى نااامى بقا.

ليليان : زين .

زين : عيونه.

ليليان حضنته هى كمان : انا بحبك اوى .... متزعلش منى

زين : وانا بعشقك ياررررروح زين ... وعمرى ما ازعل منك

*****************

عند سارة

سارة قاعدة على سريرها مصدومه من جنون مراد وعماله تقرى فى المسج )

(مراد: ردى عليا علشان انا مجنون وهالبس واجيلك ردى اخلصى ... عاوز اقولك حاجة مهمه).

سارة فى سرها : يخربيتك انا وقعت فيك ازاى .. باين عليه اهبل ... يالهوى بيرن تانى .. لا انا ارد احسن .

سارة : الو ..... عاوز ايه ؟

مراد : بعد كدة لما اتصل بيكى ردى على طول ... علشان معملش حاجة تندمى عليها .

سارة : بطل تهديداتك دى ... وقول ايه هى الحاجة المهمه.

مراد : ارغى .

سارة : نعم ! انتى اللى ترغى مش انا .

مراد : تؤتؤ ارغى انتى فى اى حاجة .. انا مش عارف انام.

سارة بعصبيه مكتومه : والله انك بارد .. بقى دى الحاجة المهمه ... انا هاقفل سلام .

مراد : طيب اقفلى كدة ... وربنا هاجى واصحى امك وتبقى ليليه سودة بقا .

سارة بتنهيدة : عاوز ايه يا مراد .

مراد : احكيلى حدوته .

سارة : هو انت عندك طفوله متأخرة .

مراد : اه .. احكى بقى اى حاجة .

(سارة اتنهدت جامد وشتمته بصوت واطى ).

مراد : دة اخرك فى الشتايم دة انا عندى قاموس ممكن اقولهولك دلوقتى عادى .

سارة : اسكت هاحكيلك خلينى اخلص منك ومن زنك .

مراد : امممم احكى ..

سارة : كان يامكان كان فى زمان ولد شقى جدا وقليل الادب .

مراد : اه واسمه مراد صح.

سارة : ههه اه المهم مراد دة قليل الادب مبيسمعش كلام حد وسافل وبتاع مصايب وكان عايش لوحدة كان فى قطه جميله وهاديه ولذيذة وعسووله .

مراد : اه عرفتها القطه دى ... بس مش هاديه دى شرسه.

سارة : اسكت خلينى اكمل .. المهم القطه دى كانت بتروح تلعب معاه وهو كان رخم وبيقعد يدايقها ويضربها .

مراد : ماهو باسها وصالحها خلاص بقا .

سارة بتحذير : مرررررررررراد .

مراد : سكت .. كملى .

سارة : القطه بعد ماكانت هاديه وجميله بقت شرسه علشان تعرف تضربه وتخربشه ... جة فى يوم مراد الوحش قالها امشى ابعدى عنى انا عاوز اعيش لوحدى مش عاوزك .. هى قعدت تعيط وتقوله حرام عليك انا ماليش بيت عاوزة ابقا معاك ... هو قالها لا امشى انا مبسوط كدة ... القطه زعلت ومشيت حزينه وقعدت تعيط .

مراد : وهى بتعيط ليه .. هى بتحبه .

سارة : كانت .. بس خلاص قررت تمشى وتدور على حد تانى تلعب معاه وتحبه وتعيش حياتها.

مراد : طيب ومراد هاتسيبه لوحدة .

سارة : مش هو اللى قالها تمشى ... يتحمل بقى.

مراد : بس هو كان غبى يمكن قالها فى عز غضبه.

سارة : اوقات الانسان بيقول اللى جواة فى عز غضبه وبيبقا حقيقه .

مراد : لا بس هى المفروض تفضل جنبه وتستحمله لغايه مايعدى الفترة دى ويفتح قلبه .

سارة بخبث : يفتح قلبه لمين ؟

مراد : ههههه للقطه ههههههههه .

سارة ابتسمت : الحدوته خلصت .. روح نام بقا ومتاخدش على كدة كتير .

مراد : لا هاخد ... سلاموز

سارة: بيئه.

مراد : اصمالله عليكى ياختى ... باى

سارة ابتسمت : باى ... مراد ؟

مراد : امممممم

سارة: هو ليه مراد الصغير عاوز القطه تفضل جنبه اذا كان هو مبيحبهاش .

مراد : عمرة مايطلب منها انها تفضل جنبه وهو مبيحبهاش .

سارة : ياعنى هو بيحبها .

مراد : هى مين دى

سارة : القطه هههه

مراد : انتى شايفه ايه !

سارة : امممم شايفه انك تقوم تنام .. تصبح على خير .

مراد بخفوت : وانتى من اهلى.

( مراد قفل وسارة قعدت تنطط من الفرحه .. )

سارة لنفسها : لا بس اتقلى يا سارة ... اتقلى واركزى كدة

*****************

صباحا

فى بيت الجارحى

ليليان : انا مبسوطه انك مسافرتيش... كويس انك فكرتى صح.

سارة: حبيبتى يا ليليو .. مقدرتش ابعدك عنك والله.

ليليان بخبث : هههههه عنى بردوا ولا عن مراد .

سارة : عنكوا كلكو هههههههههههه بس بقى بتكثف .

ليليان : كويس انك جيتلى .. كنت عاوزة اقعد معاكى حتى قولت لزين نيجى ونزوركوا بس قالى مراد فى شغله استلمه انهاردة .

سارة : اه فعلا راح شغله .. تتعوض مرة تانيه .. انا لما عرفت انك عاوزنى جيت على طول.

ليليان : ربنا يخليكى ليا ياسارة.

سارة: ويخليكى ليا انتى كمان .. ها قوليلى مالك عينك فيها كلام كتير.

ليليان : دة حقيقى فعلا... سارة انا هاسألك تانى علاقتى بزين كانت عامله ازاى قبل ما افقد الذاكرة .

سارة : زى ما قولتلك اتنين متجوزين بيحبوا بعض .. فى ايه بقى .

ليليان : فى ان زين غريب غامض مبفهموش اوقات بفهم من نظراته انه عاوزنى ..وفى نفس اللحظه بيبعد تانى .. فى ان بيتحكم فى نفسه معايا بدرجه رهيبه ... فى ان دولابى مفيهوش اى لبس واحدة متجوزة ... فى ان علاقتنا اصلا متوحيش اننا متجوزين .. انا مبقتش فاهمه حاجة ..والغريب انى لما سألته قالى ان فعلا فيه فتور فى علاقتنا مفهمتش سألته ليه مردش وسكت .

سارة : بصى حكايه اللبس اللى فى دولابك دة علشان انتى لما جيتى مع عم حسن زين حبك واتجوزك بسرعه ومفيش وقت لسه بتاخدو فيه على بعض روحتى واقعه وفقدتى الذاكرة ..انتى تقدرى تقربى منك زين .... بس على فكرة هو كدة متغيريش متهايلى طبعه كدة كنتى بتحكى عنه انه متفهميش هو بيفكر فى ايه...امال هو غول المعمار ليه .. ياليليان ياحبيبتى كل اللى عاوزة اقولهولك ان زين شاب مشاء الله غنى موت ووسيم جدا وشغله مليان بنات حلوة وبنات رجال اعمال واكيد عنيهم عليه بس. الحق يقال انه شخص محترم مالوش فى السكه دى وعلى فكرة هو بيحبك جدا ليليان كفايه اوى انه مبيتكسفش انه يبين حبه ليكى بالعكس بيظهرة وهو مبسوط ... لازم تفكرى تجذبيه ناحيتك تانى .

‏ليليان : طيب ازاى انا حاسه انى ميح معرفش حاجة.

‏سارة بتفكير : هاقولك اعملى حاجة جديدة... مثلا انتى بتعرفى ترقصى .

‏ليليان : معرفش.... مش فاكرة اذا كنت بعرف ولا لاه .

سارة : لا قومى ارقصى ... استغنى هاشغلك اغنيه.

( ليليان اتكسفت الاول وبعدين رقصت وكان رقصها جميل وسارة كانت مبهورة بيها ).

سارة : يابنت اللذينة ... انتى طلعتى رهيبه ..لا دا انا هاتعلم منك .

ليليان : طيب ادينى رقصت قولى هاعمل ايه ؟.

سارة : هاترقصى لزين .

ليليان : يانهار اسود ... لاااااا اهدى والنبى ارقص ايه دا انا بتكسف منه تقولى ارقص.

سارة : اه ترقصى وكمان تلبسى بدله رقص.

ليليان : يانهار اسود يا سارة البس ايه .

سارة : امال ترقصى بالبجامه بتاعت ميكى دى .. اسمعى كلامى .

ليليان : مفيش حل غير دة .

سارة : اه في هاتى ودنك وانا اقولك .

ليليان قربت منها : ها ؟ قولى .... اه يا قليله الادب لا الرقص احسن

سارة : مش قولتلك ... المهم لازم ننزل نشترى بدله حلوة كدة ..اتصلى على زين يالا .

ليليان : طيب اقوله ايه .

سارة : قوليله انا عاوزة انزل اشترى شويه حاجات من المول وسارة هاتكون معايا .

ليليان : ماااشى يارب يوافق .

****************

فى شركه الجارحى

زين : تمام الاوراق دى وديها الحسابات .

سهيله : تمام يافندم .

زين : بلغى الناس اللى شغاله فى غرف التحكم بتاعت الكاميرات فى اجتماع بعد ساعه.

سهيله بتوتر: تمام يافندم .. بقيه الورق حضرتك تمضيه

(تليفون زين رن وكانت ليليان واتعمد يرد قدام سهيله)

زين : الوو.

ليليان : ايوا يا زين.

زين : ايه ياحبيبتى خير.

ليليان : كل خير .. انا كنت عاوزة اخرج مع سارة نروح المول نشترى شويه حاجات .

زين : لا

ليليان بصدمه : ايه لا على طول كدة يا زين .

زين : اممممم ... انا مش فاضى يا لى لى لما اروح نتكلم فى الموضوع دة .. سلام .

ليليان : سلام

( زين خلص ورفع وشه لقى سهيله مركزة معاه جدا بصلها بحدة وشاورلها تاخد الورق وتمشى ) .

زين لنفسه: مانشوف استاذ مراد فين .

مراد : الو يابرنس .

زين : برنس ايه يابنى ... ارتقى بقا .

مراد : انا وقح وعارف نفسى .. عاوز ايه .

زين : انت فين مجتش الشركه ليه ؟!

مراد : مش جاى .... ورايا مشوار .

زين : مشوار ايه ؟

مراد: هاقولك علشان الفضول هايموتك ... رايح المول اشتررى هديه لبنت اللواء معانا فى الجهاز .

زين : وانت مالك ببنت اللواء هو انت مش عاتق يخربيتك .

مراد : هه‍ههههه لا والله برئ بس راجل عزمنى واصر وبنته كانت معاه واصرت عليا فقولت اروح علشان الاحراج وانت عارف انا بؤحرج ههههه.

زين : هههههه انت هاتقولى .. على فكرة سارة عندى فى البيت.

مراد بضيق: امممم ومش قولتلى من بدرى ليه .

زين : حضرتك مبتردش عليا من الصبح. ..وكنت واقع فى مصيبه والصراحه هى اتصرفت .

مراد : مصيبه ايه ؟!.

زين : ليليان كانت راكبه دماغها وراسها والف سيف تيجى تزورك انت وسارة فى البيت .. واتصلت بيك مردتش اتصلت بيها واتفقت معاها انك رايح تستلم شغلك وهى هاتيجى هى وجت وزمانها معاها .

مراد : تصدق انك مش تمام ...فيها ايه ماكنتوا تيجوا عندى ونمثل .... هههههه انا حبيت التمثليه دى اوى .

زين : طيب خد خطوة وخليها جد وحقيقى.

مراد : مش وقته يا زين .. اسيبك انا سلام

زين : سلام

************************

عند سارة وليليان

ليليان : قولتلك مش هايوافق .

سارة : يالهوى طب ادلعى اعملى اى حاجة تخليه يوافق.

ليليان : مش زين اللى كدة .

سارة : طيب والعمل ؟

ليليان : مش عارفه ... طب ماتفكرى فى حاجة بس تكون مؤدبه .

سارة قامت وقفت : لا انا هاروح انا المول واشتريها انا اعرف كام محل تحفه هناك .

ليليان : طيب مش هاتتكسفى ؟!

سارة : عادى .. المحلات دى مفيهاش رجاله .. وبعدين كلها بنات .... المهم اطلعى انتى اتظبطى كدة و روشنى كدة لغايه ما اجيلك مع انك مش محتاجه مشاء الله.

ليليان : ماااااشى

********************

فى المول

( سارة ماشيه بتدور على محل تشترى منه واخيرا لقته وهى داخله مراد لمحها وشافها واستغرب هى بتعمل ايه مع ان زين قاله انها فى البيت عندة وداخله محل زى دة ليه راح وراها يقفشها ).

(سارة بتكلم ليليان على التليفون )

سارة بزهق : يوووووووة خلصى بقا يا ليليان انا زهقت .

ليليان بحيرة: منا معرفش يا سارة ... طب اقولك هو مفيش حاجة محترمه عن اللى انتى مصوراهم دول

سارة بصوت واطى : انت هاتستعبطى ياعنى بدل رقص عاوزهم يكونوا بايه بطرحه .

ليليان : طيب الحمرا ولا الاسود .

سارة : معرفش ... هو انا اللى هالبسهم.

ليليان : هو انت مش بتساعدينى ليه ..اعملى حاجة بدام انتى مخنوقه عليا كدة.

سارة : علشان قولتلك نتزفت وننزل ونقى مع بعض .

ليليان : طيب اعمل ايه في زين مرضيش واتكسفت اقوله ... انا اصلا مش عارفه هالبسها ازاى .

سارة : لا انتى هاتلبسى ابوها .... ركزى بس معايا انا شايفه الحمرا تحفه .. شخلعه على الاخر ههههههههه.

: امممم هى حلوة اوى بس هاتبقا احلى لو نقيتى لون غير الاحمر .

سارة اتصدمت ولفت لقت مراد واقف. وراها ومبتسم وبيغمزلها .

مراد : خدى الاسود يا سوسو هاتبقا جامدة .... وانا هاتبسط مووووت

&&&&&&&&&&&&&&&

قصة عشق زين للكاتبة زينب محمد الجزء الأول 

الحلقة 20:✌✌

( ساره لما شافت مراد اتصدمت وقفلت السكة فى وش ليليان ).

سارة : انت بتعمل ايه هنا يا مجنون..اطلع برة .!

مراد قاصد يغلس عليها : ابدا والله منا خارج ..... سيبنى يالا انقى معااكى ... فى حاجات هنا تفتح النفس .

سارة شدته من دراعه : اطلع يا قليل الادب ... انت بجد سافل .

مراد : وزودى عليهم وقح.....هههههههههه.

( جت بنت بتشتغل فى المحل عليهم واتكلمت بكل دلع ) 

: احم حضرتك ... شوفت حاجة ولا تحب انقى معاك .

سارة : ياختى اصمالله عليكى .

مراد شد سارة لحضنه : هههههههههه لا شكرا المدام معايا.

سارة بهمس : نزل ايدك يا مراد... مدام فى عينك انت استحليتها .

البنت : اممممم كنت عاوزة اساعد بس.

سارة بعصبيه : ما قالك خلاص يا طعمه .... ايه قله الادب دى .

( سارة شدته وخرجت برة المحل )

مراد : اه حاسبى هااقع وانا دعييييييف.

سارة : بطل هزارك دة ... ممكن افهم انت ماشى ورايا ليه ؟

مراد : وربنا ما حصل . انتى اللى وقعتى تحت ايدى .. قولت اقفشك .

سارة: طيب اللى عملته جوا دة عيب وميصحش .

مراد : وكخ ههههههههه .

سارة : يابطنى بطل هزار بقا ... يالا شوف انت رايح فين .

مراد : مش رايح فى حته انا مستنيكى .

سارة : هو انت مش قولت انك مش ماشى ورايا يبقا مش تستنانى يالا امشى .

مراد : لا هاستناكى ... روحى اشترى الحاجة اللى انتى عاوزها ... بس وعد تقوليلى لونها ايه نفسى ازل زين .

سارة : انت عرفت هى لمين ؟!

مراد : ههههههههههههههههههه ياسوسو انا واقف وراكى من وقت ماقولتى الو .

سارة : ازاى انا محستش بيك .

مراد : مخابرات بقا .... يالا اخلصى اصلا الوقت اتاخر .. اكتبى العنوان ليهم وهما هايبعتوها ويالا اروحك .

سارة بتنهدة : ياربى معرفش طلعتلى منين بس .

***********************

فى شركه الجارحى

زين : انا عاوز اعرف ازاى الكاميرات تتعطل وفين فى اهم دور فى الشركه كلها ... فين حضراتكو مبلغتونيش ازاى .

: يا زين باشا والله بلغنا سهيله ... وهى طنشت ... وبعدين احنا قولنا نفس الكلام لمراد بيه .

زين : امممممم هو مكنش فيه كاميرات سريه محطوطه برقم سرى انا بس االلى ليا الحق افتحها ... انا بقا بحاول افتحها ومش عارف .

واحد من عمال الفنى : ياباشا الكاميرات ليها برنامج يتسطب وتشوف كل اللى متسجل .

زين : طيب خد اللاب توب اهو وسطبه قدامى .

( بعد فترة من تسطيب البرنامج ).

: اهو ياباشا البرنامج اتسطب وبقى تمام وتقدر تشوف كل اللى حاصل من بدايه لما فتحنا الشركه .

زين : طيب خلاص روحوا انتو ولو حد سألكوا برة قولوا ان الكاميرات اتعطلت ومش عارفين تجيبوا التسجيل .

( زين جاب اليوم اللى ليليان وقعت فيه .. وشاف نورة هى بتحط الورقه على الاسانسير وبتكب زيت على سلم الطوارئ وراحت بعد كدة على مكتب مراد ركز لقاها هى اللى اخدت الشنطه وادتها للبنت وراحت لسهيله تتكلم معاها ... فتح المايك وسمع كل كلامهم ... جرى التسجيل وشاف ليليان وسارة والبنت وهى بتدى سارة الشنطه وليليان وهى بتقع وقد ايه عانت علشان تقف بس وقعت بردوا .. اتخيل للحظه انها لو مقدرتش تتحكم فى رجليها واخدددت السلالم كلها كان ممكن يحصلها حاجة ..)

زين فى سرة : واقسم بالله لادفعكو تمن اللى عملتو فيها غالى ... دة انة هادفنكوا صاحين .. اه يا ولاد الكلب ... بتأذونى فيها .

***************************

سهيله : انا مش مطمنه يا نورة زين باشا شكله ناويها وهايجيب عليها وطيها .

نورة :يووووووة انتى. خايفه من ايه ما قولتلك متخافيش عادى.... طيب ما مراد عمل نفس اللى عمله وعدت عادى .

سهيله : اسكتى علشان انتى مش فاهمه حاجة زين الجارحى دة حووويط .. محدش يقدر يعرف هو بيفكر في ايه ولو حد غلط بيعاقب و عقابه شديد اوى .. بالك يا نورة لو عرف اننا اللى وراة اللى حصلها والله يدفنا ومحدش يقدر يقوله انت بتعمل .

نورة : انتى هاتخوفينى .. ليه .. هاتعدى صدقينى .

**************************"

عند سارة ومراد 

سارة : شكرا على التوصيله دى نردهالك لما اجيب عربيه .

مراد : متشكرين ياعم الحج.

سارة : حج ايه .... كل ما احاول اصفالك واكلمك حلو بتستفزنى وبتضايقنى .

مراد : ههههههه طيب ماتيجى وانا اعلمك السواقه ... دا انا عليا تعليم سواقه مش على حد.

سارة : شكرا .

مراد : طيب بقولك عندى مناسبه معزوم على عيد ميلاد بنت اللواء ماتيجى معايا.

سارة : اممممم طيب مش عارف تجبلها هديه كبيرة لعبه عروسه احسن من العلبه الصغيرة دى .

مراد : ههههههههههه لعبه عروسه ايه دى شحطه ههههههه

(سارة ادايقت منه ومن برودة وان رايح مخصوص يجيب هديه لواحدة).

سارة قربت منه ورفعت صوباعها فى وشه : انت ايه ياشيخ مش عاتق حد رقاصه وبنت خالتى مرة ودكتورة مرة و بنت اللواء مرة ارحم نفسك .. بس انا هاقولك اهو انا غيرهم فاهم و لا لاه .

( مراد قرب منها وباس صوباعها وبص فى عنيها) 

مراد : لا انتى غيرهم .. كلهم ميهمونيش .. انتى غيرهم اوعى تحطى نفسك مع الناس دى ابدا .

(سارة ارتبكت جدا وتقريبا كان هايغمى عليها وتاهت منه كل اللى قدرت تعمله انها متردش وتنزل من العربيه ... مراد دا مجنون وهايجننها معاها .

*************************

فى بيت الجارحى 

(ليليان بتكلم سارة على التليفون ).

ليليان : مالك يا سارة صوتك مش طالع ليه .. ومراد كان معاكى ازاى ..مش قولتى انه فى شغله .

سارة بتحاول صوتها يكون طبيعى : انا كويسه .. ومراد شافنى وانا فى المحل وزعقلى انه ازاى انزل من غير اذنه ..

ليليان : يانهار ابيض .. طيب ايه شاف البدله .

سارة بكذب : لا مش شافها ... علشان كدة بعتها عن طريق المحل ..هى حلوة.

ليليان : اه تحفه بس دى سافله اوى انا مكسوفه جدا.

سارة: لا مكسوفه من ايه ركزى كدة وشخلعى الدنيا .

ليليان : طيب اقفلى زين طلع من المكتب تحت .

سارة : اشطا ابقى احكيلى بكرة .... من حق عاوزين نروح الجامعه بكرة نحضر اى حاجة .

ليليان : طيب طيب... اقفلى بقا .

( ليليان قفلت مع سارة وكانت لابسه البدله و لونها احمر وسايبه شعرها ولبست خلخال زى ما سارة قالتلها بالظبط وكانت جميله .. وقفت فى نص الاوضه والباب كان مقفول ومستنيه زين يفتحه وقلبها هايخرج من مكانه ).

زين : ليلي........ ايه دة .

ليليان بخوف : ايه .

زين : ها ؟ ايه دة .

ليليان فى سرها :دا باينه علق .

زين : الله يخربيتك .

ليليان بدموع : هى وحشه .

زين قرب منها : لا وحشه ايه بس ... انتى اتجننى ..هو انتى هاترقصى .

ليليان : اه هارقص ... انا اخدت قرارلازم نقرب من بعض اكتر من كدة وانا فكرت وقولت لازم اعمل حاجة جديدة نغير بيها حياتنا.

زين : ياقرارتك اللى هتتودينى فى داهيه ..... اممممم طيب ايه مش هاترقصى .

ليليان بكسوف: طيب روح شغل اى اغنيه .

زين : لا اتمشى انتى قدامى انا عاوز اتفرج .

ليليان : هههه زين بطل قله ادب .

زين قرب منها وهمس : قله ادب ايه هو انا لما اشوفك لابسه كدة انا هابطل قله ادب .

ليليان : طيب ابعد .

(زين قرب اكتر منها وفضل يبوس فيها وفى اللحظه دى مكنش قادر يستحمل ... وجاب اخرة ).

ليليان : زين .. ابعد ... هاتبوظ... الليله.... كدة .

زين كان مش عارف يبعد واخيرا قدر : انا .. بعدت اهو ... يالا شغلى اغنيه لغايه ما ادخل الحمام واجيلك .

ليليان : ماشى .

( زين دخل الحمام وطلع تليفونه من جيبه واتصل على مراد).

مراد بخبث: ايه يا شبح .

 

زين بهمس: مراد بعد عشر دقايق .... لا لا بعد نص ساعه اتصل عليا ولو مردتش افضل اتصل لغايه ما ارد ماشى .. اه.. وكمان قولى انك عاوزنى فى حاجة مهمه .

مراد : ليه ياعم فى ايه .

زين : مالكش دعوة .

مراد : طيب .

( زين قفل مع مراد وخرج لقى ليليان مشغله اغنيه وواقفه مكسوفه وندمانه انها سمعت كلام سارة ).

زين حس بيها وحب يبعد كسوفها : ارقص معاكى .

ليليان مصدومه: انت بتعرف .

زين : لا انتى دماغك راحت لفين انا هاسقف بس .

ليليان : ههههه ماشى .

( وبالفعل ليليان كانت مكسوفه فى الاول من نظراته ليها بعد كدة هو بدء يحركها لغايه مانسيت نفسها ورقصت وهو وقف يتفرج عليها ومش قادر يبعد عينه من عليها من بدايه رقصها للبدله اللى هى لابسها لشعرها اللى بيموت فيه لدلعها فى اللحظه دى هو شدها ومقدرش يستحمل وشالها واخدها على السرير وهى كانت مستسلمه على الاخر)

زين بهمس : بحبك .

ليليان : وانا كمان بحبك اوى .

(زين فقد كل ذرة عقل فيه بسبب نبرةصوتها اللى بتقتله وبدء يقلعها البدله ).

ونسيبهم شويه مع بعض علشان عييب .

******************

فى الشرقيه 

عاصم : انت لازم تسافر القاهرة انهاردة وفى اسرع وقت .

يوسف : ليه ؟

عاصم : علشان ياغبى تستغل اى فرصه البت تبقى. فيها لوحده.

يوسف : طيب هاسافر انهاردة وانا كلمت الواد اللى قتل الشيخ عزت يبقا معايا هو ورجالته .. هاكلمهم دلوقتى يسبقونى على القاهرة .

عاصم : كدة تمام خليك هادى وانتهز اى فرصه .. بس تكون فرصه صح. 

يوسف : طيب .

*******************

عند ليليان وزين 

ليليان : زي.. زين .. فى حد بيتصل .

زين مش عارف يبعد عنها : سيبه .

ليليان بعدت عنه : لا يا زين فى حد بيتصل كتير رد يمكن حاجة مهمه. 

زين شدها تانى : انتى بعدتى ليه تعالى .

ليليان : ههههه لا رد.... انا معاك اهو هو انا هاطير.

زين : لا انا اللى هاطير.

(وطبعا دة مراد اللى عمال يتصل ).

زين اتنهد ورد على مراد : ايوة

‏مراد : ايه ياعم مش قولتلى اتصل .

‏زين : اممم فى حاجة. 

‏مراد : اه تعال بطنى بتوجعنى .. جعان هاات اكل وانت جاى .

‏زين : طيب طيب جاى .. سلام .

ليليان : فى ايه .

زين : مراد عاوزنى فى ورق فى الشركه لازم اروح وافتح الخزنه .

ليليان : ياعنى هاتسيبنى وتمشى .

زين : طيب اعمل ايه ياحبيبتى حاجة مهمه ... ولازم اروح .

ليليان : طيب متتأخرش.

زين : هاحاول .... نامى انتى.

*********************

عند مراد 

مراد : ايوا ياعم جاى افتح ... متسربع على ايه .

زين : ساعه ايه القرف دة ماتفتح من بدرى.... خد اطفح. 

مراد : ميرسى يا بيبى .

زين : بيبى فى عنيك .. اعملى قهوة .. دماغى هاتنفجر .

مراد : هههههههه ليه هى كانت صدمتها وحشه .

زين قرب منه : صدمه ايه يامراد انا ليه حاسس انك بتلمح على حاجة .

مراد : ههه‍ههههههههههههه جة اليوم اللى ازلك فيه يا زين ياجارحى هههههههه بس لونها شديد ... احمر مش كدة ... احمر على ابويا بطيخ .

(زين فى الوقت دا اتعصب ومسكه من لياقه تيشرته لمجرد انه حس ان مراد اتخيلها وهى لابسها ) .

زين : واقسم بالله يا مراد .... هاقتلك لو فكرت تفتح الموضوع دة تانى. 

مراد : هههه‍ههههه خلاص ياعم اوعا .. بوظت التيشرت .

زين : انت بارد ياله بتضحك على ايه .

مراد : والله ماحد بارد الا انت .... فى حد يسي...

زين قطع كلامه بحدة :مررررررررررراد قصر فى كلامك .

مراد : خلاص ياعم .. هاروح اعملك القهوة .

**********************

صباحا 

(ليليان صحيت من النوم ملقتش مراد بس لمحته بيلبس فى اوضه هدومه قامت وراحتله ) .

ليليان : زين صباح الخير.

زين بحدة : صباح النور

ليليان : مالك يا زين حصل حاجة امبارح فى الشركه .

زين : لا 

ليليان : امال بتكلمنى كدة ليه. 

زين: مفيش .

ليليان : ايه ياززي..

زين زعق ودى كانت اول مرة يعلى صوته عليها: ليليان خلاص خلصنا.

( هى سكتت وعيطت ومشيت دخلت الحمام قعدت على البانيو تعيط مش عارفه هو بيعملها كدة ليه ... اظاهر انها غلطت لما اخدت خطوة فى علاقتهم امبارح ) .

( هو سمع عياطها وقلبه وجعه عليها ومقدرش يستحمل فتح باب الحمام لقاها قاعدة على البانيو بتعيط ودافنه وشها فى ايديها .. اتنهد وقومها واخدها قعدها على سرير) .

زين : متعيطيش .

ليليان : ياعنى تزعقلى وبلاش اعيط .

زين : ليليان انا زعلان منك ... هو انتى حكيتى لسارة على اللى حصل بينا امبارح لما مشيت .

ليليان :لا متصلتش بيها .

زين : امال مراد عرف منين انك كنتى لابسه بدله رقص.

ليليان اتكسفت وفهمت ليه هو عصبى : احم .علشان انا خليت سارة تنزل تشتريها وهو تقريبا شافها وهى بتشتريها بس والله انا سألت سارة وهى قالت انه مشفهاش .

زين : اولا انتى غلطتى لما خليتى سارة تشتريلك البدله ... انا موجود قوليلى نفسك فى ايه وهابعتلك اللى نفسك فيه ... ثانيا هى غبيه علشان مراد ظابط مخابرات وبيلاحظ ادق التفاصيل .

ليليان : امممم انا اسفه... انا فعلا غلطت .

زين : خلاص ياروحى عدت ..متزعليش ان كنت اتنرفزت عليكى بس انا اتجننت لما لقيته عارف .

ليليان : خلاص اول واخرة مرة.. انا كنت عاوزة اطلب منك طلب وتوافق .

زين : اؤمرى .

ليليان : كنت عاوزة اروح الكليه انهاردة مع سارة يمكن افتكر حاجة .. واهو اغير جو .

زين : حبيبى مش انا قولتلك هانعدى سنادى .. علشان شكل فقدان الذاكرة مطول .

ليليان : خلينى ااروح يا زين.. ولو حسيت انى مش فاهمه حاجة .. مش هاروح تانى .

زين : ماشى ياقلبى روحى .

*************************

فى الجامعه 

سارة : خلاص بقا زعلك وحش اوى ... بقالى ساعه بصالح فيكى .

ليليان : علشان انتى غلطتى لما كدبتى عليا وقولتيلى انه مشفهاش .

سارة : اعمل ايه كنتى عاوزكى تنجزى فى الموضوع ... خلاص اسفه متزعليش بقا يابطه... طب تصدقى انا هاقوم واعزمك على عصير علشان ترضى عليا.

ليليان :هههههههه طيب قومى .. متتأخريش بس.

( سارة قامت تجيب عصير وسابت ليليان لوحدها وليليان لقت واحد بيقعد قدامها ).

: ليليان !

ليليان : نعم حضرتك انت تعرفنى. 

&&&&&&&&&&& 

 الحلقة 21:✌✌

فى الجامعه

: ليليان !

ليليان : نعم حضرتك انت تعرفنى.

: نعم ! انتى مش عارفنى .

ليليان : انا اسفه جدا بس انا حصلى فقدان ذاكرة ومش فاكرة حاجة .

: انا يوسف ابن عمك !

ليليان بصدمه : ايه يوسف وابن عمى ... هو انا ليا اعمام عايشين فى مصر وكمان اولاد اعمام .

( يوسف اكتشف انها فعلا مش بتكدب. وكان لازم يستغل الوضع دة كويس وفى صالحه) .

يوسف : اه طبعا انا يوسف ابن عمك عاصم .... ليليان احنا قالبين الدنيا عليكى ..وانتى هنا و طلعتى فاقدة الذاكرة بس خلاص عذرك معاكى .

ليليان : طيب ليا اعمام غير عمى اللى هو باباك دة .

يوسف : اه طبعا عمى شاكر وله ابنه عبد الرحمن .

ليليان : طيب ابويا وامى فين ؟!

يوسف: مموتين نفسهم عليكى .. احنا قلبنا الدنيا بجد عليكى .

(ليليان بخوف وصدمه ومش عارفه كلام مين صح كلام زين ولا كلامه).

ليليان : ياعنى ابويا وامى عايشين .

يوسف : اه حتى بصى خدى تليفونى اتفرجى على صورهم وصور بابا وصور عمى وابنه عبدالرحمن وانتى وتيته ... تيته هاتموت عليكى .

(ليليان اخدت التليفون وقعدت تقلب الصور ومش مصدقه ليه زين كدب عليها ).

ليليان : طيب انا كنت فين ؟ وليه مش معاكوا ... طيب ليه انا متجوزة زين .

يوسف بعصبيه خفيفه : لا انتى مش متجوزة حد ... زين دة انسان مريض نفسى خطفك وخباكى عندة واكيد هو السبب فى فقدان الذاكرة .. انتى اصلا مخطوبالى .

ليليان بخوف : لا متقولش هو انا مش متجوزة ... وكمان مخطوبه ليك .

( ليليان لقت كلام زين في كدب كتير وخصوصا انه مش راضى يقولها حياتها قبل فقدنها الذاكرة ازاى وصدقت كلام يوسف ).

ليليان : طيب انت عرفتينى ولا شوفتنى ازاى .

يوسف : انا كنت جاى لواحد صاحبى دكتور هنا وشوفتك ومصدقتش عينى.... ياعنى احنا نقلب عليكى الدنيا وتطلعى هنا عايشه حياتك وامك وابوكى وجدتك اللى هايموتوا عليكى!

ليليان : طيب تعرف تودينى ليهم.. عاوزة اشوفهم .

يوسف بمكر : طبعا يالا بينا..

ليليان : استنى فى حراسه كتير برة هاطلع ازاى معاك اكيد هايمنعونى ويبلغوا زين .

يوسف : مالكيش دعوة .. مش انتى عاوزة تمشى من هنا انا هاطلعك بس امشى معايا يالا .

ليليان : يالا.

( سارة جت عليهم ومعاها العصير ولقت ليليان ماشيه مع واحد اول مرة تشوفه مشيت وراهم وطلعوا من بوابه تانيه غير البوابه اللى كانت عليها الحرس وكانوا لسه هايركبوا العربيه ).

سارة : ليليان انتى رايحة فين .. ومين دة .

ليليان : سارة .. دا يوسف ابن عمى شوفتى طلع ليا اعمام واب وام عايشين وجدتى كمان وزين طلع كداب وبعدين هو مش...

سارة قطعت كلامها : مش قولتلك ان ليكى اهل وزين كداب.... اهلا حضرتك انا سارة صاحبه ليليان لسه متعرفه عليها جديد.

( ليليان استغربت كدبها وحست ان فى حاجة مش مظبوطه بس هى كل همها تشوف اهلها ).

يوسف : اهلا .. عن اذنك هاخد ليليان ونروح .

سارة : اشطا انا هاجى معاكوا .

ليليان : هاتيجى .. طب وم..

سارة : محاضرات ايه هو من امتى انا بحضر .. ياستى هاجى وخلاص يالا ... ولا استاذ يوسف عنده مانع .

يوسف بخبث : مفيش مشكله تعالى يالا .

( ليليان ركبت قدام جمب يوسف وسارة وراة وقلبها هايقف من الخوف ولاحظت ان فى عربيات ماشيه معاهم بس مش عربيات الحراسه بتاعت ليليان ..اكيد العربيات دة معاه .... عاوزة تطلع التليفون وتبعت رساله بس هى مش عارفه هما رايحين فين اصلا ) .

سارة : الا قولى يا استاذ يوسف احنا رايحين فين .

يوسف : ماهى ليليان قالتلك .. رايحين نشوف اهلها .

سارة : اااا ايوا اقصد ياعنى رايحين فين .

يوسف بخبث : الشرقيه .

سارة : يانهار ابيض .. الشرقيه .

يوسف : امممممم ...

( سارة لاحظت ان مراد بيطلع بخاخه وبيرش منها براحه من غير ماحد يحس وهو حاطط مننديل على وشه كانه بيمسح عرقه .. عرفت انه مخدر طبعا ليليان كانت قريبه شمت كتير واخدت النصيب الاكبر اما سارة حاولت على قد ماتقدر تكتم نفسها بس مقدرتش اتنفست حاولت تطلع تليفونها من غير ما يحس واخيرا قدرت تطلعه وعملته صامت وجابت الاتصال لقت رقم مراد اتصلت عليه ).

**********************

فى شركه الجارحى

زين: طلعت نورة هى اللى عملت كدة فى ليليان.

مراد : اه منا عرفت .

زين : عرفت ازاى ؟!

مراد : سمعتها وهى بتكلم على الباشا بس بينت ان انا اهبل ومسمعتش حاجة وهى خافت واتوترت والفت حوار اهبل كدة عليا.

زين: ومتقوليش يابارد.

مراد : انت ادتنى فرصه .. يومها جيت وضربتنى علشان سارة مسافرة وانا انشغلت. بموضوعها وامنعها ازاى من السفر .

( تليفون مراد رن وكانت سارة واستغرب لانها عمرها ما اتصلت بيه )

مراد باستغراب : سارة غريبه .

زين: غريبه فى ايه .

مراد : شكلها وقعت ومبقتش قادرة تعيش من غيرى .

زين : هى بتتصل طيب ماترد .

مراد : طيب هارد .... الو .... الو ... سارة .... سارة انتى فين ..مين ده اللى بيتكلم .

زين : فى ايه يامراد مالها سارة .. افتح الاسبيكر دة .

( مراد فتح الاسبيكر وسمعوا صوت سارة بتتكلم بضعف ) .

سارة المخدر اثر فيها :ل ... لييان ... انتى نمتى.

يوسف : ههههه اه نامت ... نامى انتى كمان .

سارة : ه.هو..يا ..يووسف ... انت واخدنا ...في ...فين .

يوسف : ما قولتلك يا مزة عند اهل ليليان .

سارة وخلاص المخدر اتحكم فيها : ف.. شر..قي..ه.

يوسف : تؤتؤ مكان ابعد ... نامى بقا وارتاحى.

(زين ومراد اتصدموا ... بعد كدة مش سمعوا صوت سارة ولا حد بس مراد فضل على المكالمه ...زين طلع رقم الحراسه واتصل عليهم ).

زين : الو....ليليان هانم فين.

: جوة حضرتك فى الجامعه .

زين بغضب : وانتو مش معاها ليه .

: هى رفضت ووقفنا برة نستنااها .

زين بصوت جهوورى : انا هادفنكوا مكانكو ... ياشويه بهايم اتخطفت .. اطلعوا على طريق الشرقيه هابعتلكوا عنوان اقلبوا الدنيا وهاتولى الناس دى .

مراد : اهدى يا زين .. اهدى خلينا نسمع اى حاجة فى صوت حد بيتكلم وانا مش سامع شكل التليفون وقع منها.

( سكتوا. .. بس برضوا مش سمعوا شكل يوسف كان بيتكلم مع حد وبعد كدة المكالمه فصلت ).

زين بخوف : المكالمه فصلت يا مراد هاتصرف ازاى .

‏مراد بتفكير: هو قال مش هايوديهم الشرقيه ... وهو مش غبى علشان يوديهم فعلا الشرقيه ... وقال مكان تانى .. ياترى ايه المكان التانى ....يقدر يخبيهم فيه . ‏

‏زين : معرفش بيت مثلااا ..

‏مراد : اتصل بعبد الرحمن واسألو لو عمه عاصم دة عندة بيوت فى حته تانيه ... بص كلام سارة بيوحى انهم ماشين معاه بارادتهم ولما سارة اتصلت بيا اتأكدت اكتر هى عارفه كانت بتعمل ايه ... هى بتنبهنى انهم معاه .. اتصرف واسأله .

‏زين : طيب.

‏( زين اتصل على عبد الرحمن )

‏زين : الو عبد الرحمن .. لو سمحت كلمينى بعيد عن اى حد.

‏عبد الرحمن: اهلا يابشمهندس زين ... انا لوحدى فعلا.

‏زين : طيب لو سمحت ركز معايا عمك عاصم عندة بيوت تانيه او ابنه عندة .

‏عبد الرحمن : لا معندوش ليه .

‏زين : ابن عمك خطف ليليان .

‏عبد الرحمن : نهار اسووود .. خطفها .. معندهمش... لا ثوانى يوسف عندة شقه فى اسكندريه .. ممكن يكون اخدها هناك .. لا مش ممكن دة اكيد مفيش حد غيرى يعرف بمكانها .. هو اصلا كان شاريها علشانها .

‏زين : طيب ابعتلى عنوانها.

مراد : ها قالك حاجة .

‏زين : قالى... فى شقه فى اسكندريه ابن عمها كان شاريها ومحدش يعرف بمكانها غير عبد الرحمن .

‏مراد : طيب يالا انا كدة اتأكدت انه واخدهم على هناك .

‏*********************

‏( يوسف كان سايق باقصى سرعه وفجأه مخدش باله من المطب واتخبطوا جامد وسارة وقعت على كنبه وشها بقا كله تحت ويوسف مش شايفها وفاقت من الخبطه شافت تليفونها واقع تحتها حاولت تمد ايديها لغايه ماوصلتله و حاولت تفوق تانى اتصلت على مراد وحطته فى صدرها ).

‏*****************************

( زين كان سااااايق باقصى سرعه وعربيات الحراسه وراة بتحاول تلحقه ..تليفون مراد رن وكانت سارة ).

زين : مين ؟

مراد : سارة

زين : طب افتح واسكت وافتح الاسبيكر .

(مراد عمل كدة فعلا وسكتوا وعرفوا ان دى سارة لما همست باسمه ).

سارة بهمس شديد : مراد .

مراد : سارة لو كنتى سمعانى ... اعملى اى حاجة .

( سارة كانت سامعه لان السماعه قريبه منها جدا ).

سارة بهمس : امم.

مراد : كويس ... انتو لسه فى الطريق .

سارة بهمس : امم.

مراد : طيب حاولى تشوفى طريق دة طريق ايه ... طيب دا طريق اسكندريه .. انتى اكيد عارفه .

(سارة سكتت ومش عارفه ترد وهى مش هاتعرف تتكلم ).

مراد : طيب مترديش خلى المكالمه مفتوحه ... وانتى مثلى انك نايمه .

( زين دة كله على اعصابه ان ليليان مسمعش صوتها ... كان قلبه بيتقطع وتقريبا مكنش مركز فى الطريق ... اتمنى للحظه انه يسمع صوتها يطمن قلبه .. وكان القدر استجاب له وسمعها ).

ليليان بتوهان : اه .... ز..يي..ن .

يوسف : نامى يا حبيبتى .. نامى .. قربنا نوصل .

( زين اتجنن لما سمع الحيوان و هو بيقولها حبيبتى ... لو كان قدامه كان شرب من دمه ).

يوسف وصل المكان ولقا ابوة مستنيه ونزله من العربيه .

عاصم : هى فين .

يوسف : فى العربيه .. معاها واحدة صاحبتها .. قبل ما تسأل نطلع بس الاول وبعدين احكى.

(فى الوقت اللى يوسف نزل فيه .. سارة اتعدلت براحه وشافت البحر قدامها ... وعرفت هى فين ) .

سارة بهمس : مراد .

مراد : انا معاكى متخفيش .

سارة بهمس : اسكندريه .

مراد : طيب تمام احنا خلاص عرفنا مكانكو ... مثلى بس انك نايمه مش عاوزهم يحسوا بيكى .

سارة بهمس : انا.. خايفه .

مراد : هو نزل من العربيه .

سارة بهمس : اه ومعاه ناس تخوف .

زين : ليليان فين .

سارة بهمس : نايمه .

( الباب اتفتح ويوسف امر واحد يشيل سارة وهو شال ليليان ).

( مراد حاول يركز فى الاصوات عرف ان الناس اللى معاه من سينا ... ).

طلعوا ا الشقه

يوسف : خلاص حطها هنا.. وامشوا انتو بس سيبولى اتنين تحت العمارة ... يكونوا تحت ايدى .

: امرك

( الرجاله مشيت ... وزين سايق باقصى سرعه ومراد بيسمع حوارهم ).

عاصم : تقدر تقولى مين دى ...وازاى تسمح انها تيجى .. وليه تجبنا هنا اصلا ... ما كنت تاخدها على الشرقيه .

يوسف : مش هاينفع لما هو يعرف انها اختفت اول حاجة هايفكر فيها هى الشرقيه ... لازم مكان ابعد وميخطرش على باله .

عاصم :طيب والبت دى مين؟.

يوسف :دى صاحبتها بس استعبطتنى ومثلت عليا وتقريبا عارفه الحكايه كلها واصرت تيجى .

عاصم : اه طبعا وانت ريلت عليها صح .

يوسف : وماله البحر يحب الزيادة .. خليها تيجى وهاخد اللى انا عاوزو وارميها فى اى طريق زراعى ولا صحراوى مش فارقه .. وهابدء بيها علشان اخلص منها .... وافضى لليليان .

( فى اللحظه دى سارة خافت .. ومراد خاف عليها ).

مراد همس : متخفيش قربت .

( وهى سمعته واتمنت يوصل بسرعه وفضلت تدعى ربنا فى سرها انه يحفظها ).

عاصم : مش وقته ... البت دى انت قولتيلى انها فقدت الذاكرة .

يوسف : اه كنت واقف وهى داخله الجامعه وعينها جت فى عينى ومعرفتنيش ومعملتش اى رد فعل استغربت فضلت مراقبها لغايه مالقيتها لوحدها وقعدت معاها ومش عرفتنى بردوا .. وقالتلى انها فقدت الذاكرة ...وانا اخدتها فرصه وضحكت عليها.وجت بإرداتها .

عاصم : ماهى ممكن تكون بتمثل .

يوسف : لا فضلت تسأل اذا كان ليها اهل والبت صاحبتها بردوا من كلامها اتأكدت انها مش بتكدب ... وعلى فكرة ...هى طلعت متجوزة ابن الكلب زين الجارحى .

( زين كان سايق وسمع كل كلام يوسف وعاصم ).

زين : انا هاوريك ابن الكلب هايعمل فيك ايه .

مراد : استن نسمع .

عاصم: طيب مش وقته نحنحه ... البت دى هاتفوق امتى ؟!

يوسف : المفروض افوقها دلوقتى .

عاصم : طيب فوق يالا وهات الورق خليها تمضيه .. خلينا نخلص وبعد كدة اعمل اللى نفسك فيه... مش عاوز حاجة تعطلنى .

( يوسف فعلا فضل يفوق فى ليليان لغايه مافاقت )

ليليان.: اه ... انا فين .

يوسف : انتى هنا فى بيتى .

(ليليان بصت حواليها لقت واحد واقف ودة شكله عمها اللى شافته فى الصورة )

ليليان : انت عمى ..بابا يوسف .

عاصم بتهكم : اه يا حبيبتى .

ليليان : طيب فين بابا وماما عاوزة اشوفهم .... هو انا نمت ازاى .. ايه دة سارة نايمه كمان .

عاصم بخبث : معلش تعبتوا فى الطريق ... خدى بقا يا حبيبتى امضى الورق دة .

ليليان : ورق ايه دة ؟.

عاصم : ورق محضر ان زين الجارحى مش يتعرضلك تانى ولا يخطفك ... امضى .

(سارة فى اللحظه دى مقدرتش تفضل تمثل انها نايمه وقامت مرة واحدة وقفت )

سارة باندفاع : اوعى تمضيه ... دول عاوزين يمضوكى على ورثك .

يوسف قرب منها وضربها وشدها من طرحتها: اخرسى يابت دا انا هاطلع عين اللى جابوكى ... اخرسى .

سارة بصريخ : ابعد عنى يا حيوووان ... اوعى تمضى يا ليليان .

ليليان صرخت : سيبها انت بتضربها ليه.

عاصم ضرب ليليان على وشها : اخلصى وامضى علشان مش اموتهالك دلوقتى .

( مراد لحظه موت كاميليا بتتعاد قدامه .. وسارة بردوا مش عارف يحميها ) .

مراد بغضب : ززززين كووول الطريق .

عاصم ماسك ليليان من طرحتها : اخلصى. امضى.... انتى قرفتينا لغايه ماجبناكى .

سارة بضعف : اوعى تمضى .

يوسف ضربها فى بطنها برجله : اخرسى قولتلك .

سارة بضعف : ااااااه.

ليليان : خلاص خلاص هامضى. .. هات الورق

( زين وصل تحت العمارة ونزل هو ومراد جرى والحراسه لحقتهم ومراد ضرب الاتنين واقفين تحت العمارة بمهارة تليق بفهد المخابرات والحراسه كملت الباقى .. وزين عرف منهم هما فى شقه كام طلع جرى يلحقها )

( ليليان كانت بتمضى على الورق وعارفه ان نهايتها قربت وكانت بتتعمد تتأخر وعاصم لاحظ كدة مسك راسها وخبطها كذا مرة فى الترابيزة وهى داخت والرؤيه اتشوشت و فى ناس كتير ظهرت قدامها وهى بتقع على السلم وصوت زين بيظهر والدنيا بتغيب )

عاصم : اخلصى يابت .. امضى .

( هنا الباب اتفتح او تقريبا اتكسر )

زين هجم على عاصم : دة انا هاخلص على امك .

يوسف طلع مطوة من جيبه وقرب من زين بسرعه .

سارة صوتت : حاااااسب .

بس يوسف كان اسرع وجرح زين فى جنبه بس مراد لحقه وتقريبا كسر ايدة .

(مراد فضل يضرب فى يوسف بغل ).

مراد وهو بيضرب يوسف مسك المطواة وجرحه بيها فى كذا مكان : دى علشان بس مديت ايدك عليها ... ودى علشان فكرت فيها تفكير شمال ... ودى علشان زين الجارحى مش ابن الكلب يارووووح امك .

زين : مررراد خلاص سيبه ... خدوهم ودوهم المخزن واتوصوا بيهم شويه .

: امرك يا افندم .

( الحراسه اخدوا عاصم وويوسف ومشيوا.... زين قرب من ليليان اللى سارة كانت واخدها فى حضنها) .

سارة بضعف : تقريبا اغمى عليها ... ضربها جامد فى راسها.... لازم تروح مستشفى .

زين قرب واخدها فى حضنه وشالها وهو خارج : مراد هات سارة وتعال ورايا .

مراد قرب منها ومسك ايديها قومها من مكانها : كان بيضربك فين .

سارة بضعف : برجله فى بطنى .. هههه .كان رحيم بيا.

(مراد بصلها وغمض عينه بالم .. وسارة حست بيه مسكت فى ايدة جامد ).

سارة : يالا سندنى .

مراد : اشيلك .

سارة : نفسى والله بس مش هاينفع هههه .

مراد : انتى ليكى نفس تضحكى .

سارة : امممم عماله دماغ تمام .. يالا خلينا نلحقهم .

******************

فى القاهرة

والدة سارة : والله ماعارفه الزفته دى فين ... قالتلى هاتيجى من الجامعه على هنا .

خاله سارة : طيب جربى اتصلى تانى .

والدة سارة : منا اتصلت ادانى مشغول كتير وبعد كدة اتقفل .

خاله سارة : الغايب حجته معاه وبعدين الدنيا مش ليلت اوى ... تلاقيها مع صاحبتها اللى حكتيلى عنها .

والدة سارة : تعرفنى بردوا .. والله لاربيها الكلبه دى.

*********************

فى المشفى

زين : خير يا دكتورة هى كويسه.

الدكتورة : اه تمام الحمد لله .. للى عرفنا منها انها اتضربت فى راسها جامد ودا كانه اثرة واضح وهى حست ان فى صداع وافكار كتير بتجيلها وناس بتشوفها بتظهر قدامها وبتختفى وبعد كدة اغمى عليها ... ودة نتيجه عن انها كانت فاقدة الذاكرة .

زين : ايوة فعلا .. هى وقعت جامد من على السلم ونزفت وفقدت الذاكرة بس كان مؤقت .

الدكتورة : حصلها تشوش فيها.. وهى مع الخبطات دى اثرت عليها.. كل اللى اقصدة انه الخبطات اللى كانت فى دماغها زى ماليها اثر سلب ليها نفع بردوا .

زين : ياعنى هى دلوقتى فاكرنى .

الدكتورة : حياتها رجعت طبيعيه جدا ... تقدر تدخلها .

(زين دخل جرى عليها .. لقاها نايمه بتعيط ).

زين : ليليان ..حببتى .

ليليان : زين... شوفت اللى حصل .

زين : خلاص يا رووحى كان كابوس وانتهى .

ليليان : انا شوفت كل حاجة من وقت ما وقعت على السلم ..لغايه دلوقتى... شفت حياتى كلها .

زين : معلش ياقلبى فترة وانتهت .

ليليان : كنت خايفه.

زين قربها منه : ياروحى انا هاحاسبهم على خوفك دة وضربهم ليكى .. انا كانت روحى بتتسحب منى لما عرفت انه خطفك ... الحمد لله ان قدرت الحقك.

ليليان : سارة فين .

زين : مع مراد بيطمن عليها عند الدكتور .. والله كتر خيرها من غيرها مكنتش اعرف اوصلك .

ليليان : ليه عملت ايه .. انت ازاى قدرت توصلى .

زين قرب منها وهمس قدام شفايفها : لا دة موضوع يطول شرحه .. سيبنى اشبع منك الاول .

ليليان بكسوف : زين احنا فى المستشفى حد يدخل .

زين بهمس : تؤتؤ مش هابعد .. انا اصلا ما صدقت الذاكرة ترجعلك ... انت تعبتى اعصابى وانتى مش فى وعيك.

ليليان باستعباط: ليه عملت ايه .

زين : عملتى بلاوى .. بطلى كلام .. خلينى اشبع منك .

( زين باسها وقربها منها ودخلها بين ضلوعه وكان بيضغط عليها وهى حست بخوفه مدت ايديها وحضنته ).

زين : بحبك .. بحبك اوى .

ليليان : وانا كمان بحبك يا زينى .

(زين لما سمعت منها كلمه بحبك اتجنن اخيرا قالتها هو اه سمعها منها قبل كدة بس وهى فاقدة الذاكرة واتمنى يسمعها وهى فى وعيها قرب من شفايفها وباسها مرة بعنف ومرة برقه ومكنش عارف يتنفس ونسى نفسه هما فين ... وهى كمان ماصدقت تبقا فى حضنه .. حضنه اللى بيحسسها بالامان واستسلمت هى كمان لمشاعرة واحساسيه ).

**********************

عند مراد وسارة

سارة قاعدة على السرير ومراد قدامها بيبصلها وهى اتكسف وحبت تقطع السكوت ونظراته اللى بتوترها

سارة : خلاص كدة اطمنت عليا.

مراد : امممم

سارة : سيبنى بقا اروح لليليان اطمن عليها .

مراد بهدوء : جوزها معاها .

سارة : وايه ياعنى مش فاهمه فين المشكله فى كدة .

مراد : واحدة كانت مخطوفه.... وجوزها كان هايتجنن عليها ... اكيد عاوز يطمن عليها بطريقته .

سارة بغباء : بطريقته ازاى. مش فاهمه .

مراد : اقولك ومتزعليش .

سارة بتسرع : اه قول وانا ها زع... ايه خلاص متقولش خلاص .

مراد : ههههه اتكسفتى هو انتى بتتكسفى .

سارة : استغفر الله العظيم ... ياخى بردوا انا كنت مستغرباك حنيه وهدوء رجعت تانى لقواعدك سالم غانم .

مراد باستفزاز : مين سالم غانم دول قرايبك .

سارة : مراد بص اسكت .

مراد قام وقف: انا نازل اجبلك اكل وحاجة تشربيها

سارة : مش عاوزة ..شكرا مش جعانه.

مراد: مش بمزاجك .. خدى تليفونك اهو كلمى مامتك رنت كتير وانا اضطريت اقفلله (سارة اتخضت وافتكرت انه التليفون كان فى صدرها وحطت ايديها على صدرها )

مراد فهمها وابتسم وقرب منها ونزل جسمه لمستواها : هههه متخفيش انا وقح اه بس مش معاكى انتى .. قولتلك قبل كدة انتى غيرهم كلهم .. هو اظاهر وقع منك والحمار دة بيضربك وماخدش باله .. الحراسه ادتهولى .

سارة : طب ابعد.

مراد قرب اكتر : ابعد ليه .

سارة : علشان انا مش زيهم يا مراد .. انت لسه قايل كدة .

مراد بعد عنها : طيب ابقى كلمى مامتك وبلاش تقوليلها انك اتخطفتى علشان متقلقش اكتر... معلش اكدبى اى كدبه بيضه .

سارة : انا اصلا من ما وقت ماعرفتك وانا بقيت اكدب .

مراد وهو ساند على الباب : براحتك قوليلها كدة وجربى وان مش منعتك عن ليليان مبقاش انا ... متطلعيش برة الاوضه هاجبلك اكل وجاى تانى ... سلام .

سارة فى سرها: سلام ياخويا .. وانا قولت هايتغير معايا وهايخاف عليا ... للى في فيه عمرة مايتغير ابدا .... ما اتصل على الحجة ربنا يستر... بسم الله .

سارة : الو .

والدة سارة بزعيق: انتى فين يا زفته ... انا كنت هانزل ابلغ وادور فى كل حته عليكى ... وقعتى قلبى .

سارة : اهدى يا ماما .. هاقولك.

والدة سارة : قولى.

سارة : انا فى اسكندريه .

والدة سارة : نهار اسود انتى سافرتى لوحدك .. ليه يا سارة.

سارة : احم كنت عاوزة ازور قبر رضوى وحشتنى .. لو كنت قولتلك مكنتيش هاتوافقى .

والدة سارة هديت وحبت متضغطش عليها لانها عارفه قد ايه موت رضوى مأثر فيها : بس انتى غلطتى انك روحتى لوحدك كنتى قوليلى هاجاى معاكى ... وتليفونك كان مشغول ليه.

سارة : دى خاصيه فى التليفون كنت عاملها ... وانا مش لوحدى معايا ليليان مسابتنيش ومعاها عربيه وسواق وهانيجى خلاص ).

والدة سارة : طيب متتأخريش ... ولينا كلام لما ترجعى.

************************

عند ليليان وزين

( زين اخيرا قدر يبعد عنها بس لسه قريب من وشها... وشها اللى مسابش مكان فيه الا وباسها فيه وشفايفها اللى ورمت ووشها كل احمر ... ليليان حطت وشها فى صدرة وغمضت وسندت بايديها على جنبه ..حست بحاجة غريبه بحاجة لزجه فى ايديها .. بعدت عنه بسرعه .. لقت دم .. صرخت ).

ليليان بصريخ : زين دم ....دم .

زين : اهدى دة جنبى مجروح بس جرح بسيط .

ليليان : بسيط انت مش شايف الدم .. هاتشوفوا ازاى بالاسود اللى انت لابسه دة ... طيب مش حاسس بوجع.

زين : وجع خوفى عليكى كان اكبر منه... احساسى ان اشبع منك كان اكبر من اى احس باى وجع فى جسمى .

ليليان : حبيبى قووم خلينا نخيطه .. قوم.

زين : قوليها تانى يا لى لى ... واوعى تبطلى تقوليها .

ليليان : عمرى ما ابطل اقولها ابدا ... انت فعلا حبيبى وكل ماليا ... بس علشان خاطرى يالا نقوم نروح لدكتور .

زين : خليكى هاكلمهم يجبوا دكتور هنا .

**********************

عند سارة ومراد

مراد : امممم واضح انك مش جعانه ... دة انتى مش هان عليكى حتى تقوليلى خد حته.

سارة : يووووة وانا اقول بطنى بتوجعنى ليه اتاريك باصلى فى الاكل .. خد حته اهى علشان ميحصلش حاجة.

مراد : طيب اكليهالى فى بوقى .

سارة والاكل فى بوقها : مررراد .

مراد : خلاص بطلى قرف .. ابلعى .

سارة : هييييح ... الحمد لله تصدق كنت جعانه .

مراد : اه واضح فعلا كنتى هاتاكلينى كمان شويه .

سارة وهى بتشرب العصير: تعرف تسكت ... خلينى استمتع بالعصير .

( مراد سكت وفضل يبصلها كتير ومرة واحدة قرب منها وشد العصير منها وحطه جمبه وحاضنها جامد ودفن وشه فى رقبتها ).

سارة مصدومه : مراد ... ابعد مينفعش كدة .

مراد بيتكلم بصوت مبحوح : كنتى هاتضيعى منى زى ماهى ضاعت.

سارة فهمت هو له عمل كدة : وادينى مضعتش ... متفضلش فى ذكرها عايش.

مراد : كنت خايف عليكى .... حسيت بنفس الاحساس ..العجز

سارة فى اللحظه دى نسيت كل حاجة وضمته وعيطت : كنت بتحبها .

مراد : معرفش .

سارة سكت وحبت تعيش اللحظه دى يمكن متتكررش تانى ... لسه موت مراته حاجز ما بينهم.

*******************

عند بيت سارة

والدة سارة بتكلم اختها تطمنها

والدة سارة : بس لما تيجلى هاشدها على مروحها من غير ماتعرفنى. .

خاله سارة : طيب براحه عليها بردوا

والدة سارة : طيب اقفلى اشوف مين بيرن الجرس ...شكله بتاع المكواة

( راحت وفتحت وملقتش حد بس لقت ظرف كبير ومكتوب عليها اسمها ( مدام سعاد ) استغربت واخدته وقفلت وراحت تفتحه لقت فيه صور واتصدمت من اللى شافته .... صور. لبنتها وهى مع مراد وكتير وفى اوضاع كتيرة ...ورقه مكتوب فيها).

( بنتك فى اسكندريه مع حبيبها مراد الالفى ... فاعل خير) .

لو عجبتكم القصة وحابين تعرفوا باقي القصة يا ريت تتفاعلو

 قصة عشق زين للكاتبة زينب محمد الجزء الاول

الحلقة 22:✌✌

فى الطريق من اسكندرية للقاهرة

ليليان بهمس : ههههه خلاص بقا يا زين دى مكنتش غلطه غلطتها...بوزك وحش.

زين بعصبيه مكتومه : انتى بتتكلمى معاه ليه اصلا .

ليليان بهمس : والله يا حبيبى كنت خايفه عليك ... كنت بطمن على جرحك.

زين : هو انا كنت اشتكيت ... انا كان هاين عليا اقوم اولع فيه بابتسامته الملزقه دى.

ليليان بهمس : يانهاااارى دة كله وعاوز تولع فيه .. الدكتور كان ناقص يغمى عليه من نظراتك ...خلاص بقا وبعدين انت ازاى مبوز وزعلان منى وواخدنى فى حضنك.

زين : انا زعل ادايق اخاصمك المهم انك متبعديش عن حضنى دة مكانك واوعى تبعدى عنه.

ليليان بتنهيدة : هو انت بتجيب كل مرة الكلام الحلو دة منين .

زين شاور على قلبه: بجيبه من هنا ... الكلام دة بيبقا جوة هنا ومبيطلعش الا ليكى .

ليليان حطت ايدها على جرحه وهمست : بيوجعك .

زين بنفس همسها: لا كان بيوجعنى .. بس دلوقتى خلاص.

ليليان : سامحنى ... انا السبب.

زين : اوعى تقولى كدة تانى .. فداكى عمرى كله ... وبعدين بطلى تبصيلى كدة انا اصلا مش قادر استحمل لغايه مانروح .... والله انزل عم اكرم ونتمسك هنا بفضيحه.

ليليان : هههههههههه لابلاش خلينا مستورين ..هما سارة ومراد فين .

زين : مراد اخدها وروحها زمانهم وصلوا دلوقتى .

ليليان : ربنا يستر ومش يتخانقوا.

زين : الهى يولعوا .. ملناش دعوة بحد .

ليليان: ههههههه لا حرام متقولش كدة قول ربنا يصلح حالهم.

زين : الاتنين اغبى من بعض واعند من بعض .

ليليان : ربنا يهديهم.

*******************

عند مراد وسارة

مراد : وصلنا اى خدمه تانيه يا برنسيسه .

سارة : شكرا بجد على كل حاجة .. وشكرا انك ودتنى ازور رضوى .

مراد : اى خدمه عدى بس الجمايل .

سارة : ههههههههه هاعدها حاضر..... هو انتو هاتعملوا ايه فى عم ليليان وابن عمها.

مراد : معرفش الحكايه تخص زين ... وزين مش سهل يسيب حقه .. وفى. نفس الوقت هو صاحب عمرى اه بس اوقات متتوقعيش ردة فعله ... بس انا خلاص اخدت حقى وخلاص..

سارة بمكر : حق ايه وانت مالك ... الموضوع يخصهم .

مراد مسك ايديها : حقى لما ضربك ولما فكر تفكير شمال دة حقى وانا اخدته فى وقته .

سارة شدت ايدها بكسوف : على فكرة بقى انت جرئ وبقيت تمسك ايدى كتير ومرة تحط ايدك عليا ومرة تحض...

مراد : ههههه كملى قطعتى فى الكلام مرة واحدة ليه كدة .

سارة : يوووة يا مراد انت بجد قليل الادب .

مراد : شئ مفروغ منه يا بيبى ... الا قوليلى انتى ليه ركبتى معاهم وليه مش اتصلتى من الاول .

سارة بتنهيدة : انا كنت سايبه ليليان وروحت اشترى عصيرر ولما رجعت لقيتها ماشيه مع حد وخارجه من بوابه تانيه غير اللى الحرس واقفين عليها مشيت وراهم لقيتها بتركب مع حد ناديت عليها وحكتلى انه بن عمها يوسف وليليان طبعا كانت حكايلى قبل ماتفقد الذاكرة عنهم .. الصراحه خوفت قعدت افكر وهما بيتكلموا اصوت والم الناس ماهو ممكن ياخدها ويجرى بسرعه طيب ارجع انادى الحرس بردوا كان هاياخدها ويمشى ومنعرفش مكانها وبعدين ببص على الناس لقيت حواليه رجاله شكلهم غريب قولت بس دول مجرمين ومعاه .. فكرت ان انا استعبط عليه واركب معاهم واحاول اتصرف فى الطريق واحنا ماشين طلع بخاخه وقعد يرش براحه ليليان كانت سرحانه فى الطريق انا اللى كنت مركزة معاه واتأكدت انه مخدر لما حط المنديل على وشه طلعت التليفون. براحه وكلمتك وبس الباقى انت عارفه .... هو انت بتضحك علي ايه .

مراد : هههههه ههههههههه اظاهر ان بهت عليكى وبقيتى تفكرى تفكير مخابراتى .

سارة : امال يابنى انا مفيش حد فى ذكائى ... ايه دة ماما بتتصل .

مرراد : طيب ردى .. احنا قعدنا نرغى ونسينا اننا فى الشارع .

سارة : الو

والدة سارة (سعاد): بدام انتو واقفين على اول الشارع وقاعدة فى العربيه كدة ومهمكيش حد خليه يطلع معاكى وكملو كلامكو هنا .. دة لو كان راجل اصلا.

ساره بخوف : احم مين دة يا ماما وشارع ايه.

سعاد : مراد الالفى اللى انتى صايعه معاه وكنتى معاه فى اسكندريه .

سارة بخوف: ماما انا ان..

سعاد بحدة : اطلعى يالا .

سارة بخوف : حاضر.

( سارة قفلت مع مامتها وعيطت ومراد فهم من طريقه الحوار ان في حاجة ).

مراد : فى ايه بتعيطى ليه ؟

سارة : ماما عرفت انى معاك وقالت اسمك مراد الالفى وبتقولى لو راجل خليه يطلع معاكى وعرفت انى كنت معاك فى اسكندريه .

مراد : وهى عرفت منين .

سارة : معرفش .

مراد: طيب يالا انا هاطلع معاكى .

سارة : تطلع فين انت مجنون ... لا طبعا خليك .

مراد: لا هاطلع انامش عيل علشان اهرب ... وبعدين مش انتى قولتى انك لما عرفتينى مبطلتيش كدب سيبينى اصلح بقا كل حاجة .

سارة بخوف : ربنا يستر..... انا حاسه ان فى حاجة غلط.

مراد : متخافيش يالا

*********************

فى قصر الباشا

الباشا : غلط والف غلط اللى انت هببته .... انت كدة بتقولهم انا اهو وانا السبب فى اللى حصل .

على : يولعوا بجاز وسخ...... انا ميهمنيش حد .. المهم انفذ اللى فى دماغى و انتقم من سارة .

الباشا : يابنى متتعبش قلبى ... انا اصلا خايف عليك من زين وغضبه ... هايبقا مراد كمان .

على : جة الوقت اللى نلعب فيه على المكشوف .. ويانا ياهما .

الباشا : هاضيع كل حاجة .

على : بطل قلق انت بس ...وانا ماشى فى السليم.

الباشا : سليم ايه ... انت اصلا غلطت اكبر غلطه لما انتقمت من زين فى مراته .. وكمان غلطت لما كررتها مع مراد الالفى .

على: لا هو انا كدة انتقمت من زين ... خالص لسه التقيل جاى وارة .. دى تعتبر قرصه ودن بس علشان يعرف ان اقدر اوصلها فى اى وقت .. واما بقا مراد الالفى مكنتش اقصد مراد بس هو جة فى طريقى بقا حظه ... وبعدين مراد مبيحبهاش مراد هلاس .

الباشا : علشان اثبتلك انك غبى .. مراد الالفى رجع شغله ..عارف ياعنى ايه شغله ياعنى خلاص كدة مراد الهلاس اختفى .. وعارف دا سببه ايه انه قلبه رجع تانى يعيش ويحب .. وعارف بيحب مين ساررررة ... وعارف سااارة مين ... سارة اللى علمت عليك زمان بسبب بنت عمها اللى ماتت بسببك.. وانت بكل غباء رايح تبعت صور لامها ياخى الله يخربيتك ويخربيت غشوميتك ....استنى بقا ياحلو زيارة قريبه من زين الجارحى وقرصه ودن محترمه منه .

على : متخفش ...... ماسكه من ايدة اللى بتوجعه.

الباشا : عملت ايه تانى من ورايا... وماسك ايه.

على: مش هاقول علشان لما اضربهم فى مقتل تبقا تفرح بيا احسن من انك تقعد تبكت فياااا كدة... مع ان كل اللى بعمله علشان خاطرك .

الباشا : لا مش علشان خاطرى... زين وانت بتكرهه من صغرك علشان احسن واذكى منك فى كل حاجة وناجح وقدر يحقق كل حاجة فى وقت قياسى .... اما مراد وسارة مش محتاج اقولك العلامه اللى فى وشك موضحه كل حاجة .

على بغيظ : انا مش هارد عليك ... علشان انت بس ابويا .

الباشا : لا ياخى محترم ... انت متقدرش ترد عليا علشان خايف احرمك من كل حاجة الفلوس والشركات ... على انت مستحملنى بالعافيه وبتتمنى موتى انهاردة قبل بكرة .

على ببرود : كويس انك عارف ... انا ماشى حرقت دمى .

الباشا : غبى فى ستين داهيه تاخدك.

( على مشى و طلع تليفونه واتصل على رعد اللى بينفذة كل اللى هو عاوزو )

على : الو

رعد : ايوا ياباشا تحت امرك .

على بغموض : نفذ اللى قولتلك عليه وانهاردة .

رعد : اعتبرة حصل .

****************************

عند سارة

سعاد: بجح انت ياخى طالع وبقلب جامد ومهمكش حاجة... ماهو العيب مش عليك .. العيب على المحترمه اللى ماشيه معااك .

مراد فى سرة : استغفر الله العظيم شكل طوله اللسان وراثه فى ام العيله دى .

سارة : ماما حضرتك انا ممكن افه

(سعاد قطعت كلامها بقلم على وشها لدرجه ان سارة وقعت فى الارض ومراد اتنفض جرى عليها يقومها ) .

سعاد : تفهمينى ايه يا سافله يا قليله الادب ياخسارة تربيتى فيكى ... شوفى سافلتك وصلت لفين وجايه تضحكى عليااااا وتكملى كدب.

( سعاد رمت الصور فى وشهم ... ومراد اخد الصور يشوفها اتصدم من الاوضاع وهما فى عربيته وكمان وهى نازله من شقه اسكندريه وهو مساندها بس ملعوب فيها بطريقه قذرة وصورهم فى المول.... سارة شافت الصور سكتت مقدرتش تتكلم هى غلطت من الاول انها كدبت وخبت واداى النتيجه ).

سعاد : ايه ما تتكلموا انطقوا .. سكتوا ليه .

مراد: حضرتك حكمتى ونفذتى من غير ماتفهمى ... الصور دى كدب وسهل اوى اخدك دلوقتى من ايدك لاى حد بتاع فوتوشوب والحقيقه هاتبان ..انا منكرش ان انا وسارة كنا مع بعض فى كل الاماكن دى فعلا بس مش بالاوضاع دى ولا بالطريقه دى .. بنت حضرتك محترمه ومتربيه وبنت اصول .

سعاد بزعيق : حتى لو متفبركه ... هى كدبت عليا وكانت بتخرج معاك من ورايا ... واخرهم انهاردة .

مراد : ياست الكل فعلا كانت معايا بس الاوقات مختلفه والصدف اللى بتجمعنا .

سعاد : مهما تقولو وتبرروا انا خلاص فقدت الثقه فى بنتى .. اخص عليكى .

مراد بتسرع : طيب انا طالب ايديها منك ... انا عاوز اتجوزها.

سعاد بتهكم: ايه عاوز تستر عليها .

مراد بنرفزة : استغفر الله العظيم ... استر ايه ... بقولك بنتك مفيش فى ادبها.

سعاد بزعيق : طيب وانا بقولك انت لو اخر واحد فى الدنيا دى مش هاتتجوزها ... جوازكوا على جثتى... واتفضل امشى برة .

مراد : طيب انا ماشى... وهاتجوزها بردوا غصب عن عين اى حد.

( مراد مشى متنرفز ورزع الباب وراة... ودة كله سارة حاطه وشها فى الارض مكسوفه من امها )

سعاد : واحد قليل الادب... سافل.

سارة : ماما انا اسفه.

سعاد : اخرسى...مسمعش صوتك ... ادخلى اوضتك واعملى فى حسابك فى اقرب وقت هنسافر لابوكى وانا معاكى ومفيش نزول مصر تانى ... حتى كليتك انسيها... غورى من وشى .

فى بيت الجارحى

ليليان : هو انت على طول قالع تيشترك كدة البسه تاخد برد.

زين قرب منها واخدها فى حضنه : لا هو فى برد فعلا بس طول مانتى موجودة ببقا حران .

ليليان باستغراب: حران ! ليه وانا مالى بالعكس انا على طول سقعانه وايدى ورجلى تلج .

زين: فى حاجات صعب تتشرح ياحبيبتى.

ليليان : اممم ... طيب ممكن اتكلم معاك فى حاجة .

زين : هو دا وقته كلام .. انتى وحشانى .

ليليان : واحشك ايه يا زين انا تقريبا طول الوقت معاك .. حتى لما اتخطفت جبتنى بعدها بكام ساعه بس .

زين : اولا انتى بتوحشينى فى كل وقت حتى وانتى نايمه ببقا نفسى اصحيكى اسمع صوتك وتقعدى كدة قدامى .. ثانيا انتى ناسيه انك فقدتى الذاكرة ياعنى كنت معايا بنص عقل .. انا ماصدقت رجعتلك علشان اقولك كل حاجة نفسى فيها .

ليليان : لا بص براحه كدة عليا ... ابقا وزع كلامك الحلو دة على مراحل فى اليوم انا قلبى بحسه هايخرج من مكانه .

زين : هههه حاضر مش هاتكلم... انا هاعمل .

ليليان بعدت شويه عنه : يا زين اهدى انا عاوزك فى حاجة مهمه .

زين : ياصبر ايوب .. قولى .

ليليان : بس اوعدنى انك تتفهم كلامى للاخر .

زين : ليليان قولى على طول .. انا مبكرهش فى حيااتى قد المقدمات .

ليليان : انت ناوى على ايه مع عمى ويوسف .

زين بنرفزة : متنطقيش اسم الكلب دة على لسانك تاانى .... وانتى مالك اصلا بتسألى ليه .

ليليان : يا زين انا مالى ازاى ... الموضوع كله يخصنى دة عمى ودة ابن عمى .

زين : لا ميخصكيش فى حاجة ... ايه خايفه عليهم .

ليليان بخوف : ايوة ..... بس مش عليهم .. عليك انت وعليا انا كمان .. على حياتنا يا حبيبى .

زين : مالها حياتنا وايه اللى مخوفك .

ليليان : يا زين انت هاتنتقم منهم ... طب وبعدين هاتفضل دايرة الانتقام شغاله .

زين بغموض: وانتى مين قالك انها هاتفضل شغاله.. هاتنتهى للابد .

ليليان بخوف منه : يا زين متخوفنيش ... واوعى تعمل حاجة زى دى وتقتلهم .

زين بحدة : انا ممكن اقتل اى حد يفكر يبصلك .. مابالك بقى بااللى خطفك واذاكى .

ليليان : لا متقولش قتل وكلام دة احنا اصغرر من اننا نقتل .. القتل دى حاجة كبيرة .. وعقابه كبير عند ربنا .. ارجوك اهدى متخليش شيطانك يغلبك .

زين : انتى عاوزة ايه يا ليليان ؟!.

ليليان : عاوزك تسيبهم فى حالهم ... واحنا فى حالنا هما خلاص عرفوا انا فين ومع مين ومتجوزة مين .. وهايخافوا يقربوا مننا تانى صدقنى دة عمى وانا عارفه كويس.

زين : طيب ودة عمك وابن عمك هايخاف من ايه .

ليليان : ابن عمى ماشى مجنون بس فى حاجة ممكن تبعدة عننا .

زين بهدوء: وياترى ايه هى ؟

ليليان : الفلوس... انا هاديهم جزء من مراثى علشان يهديوا ويبعدوا عننا وكمان ها ادى عمى شاكر وبكدة ابقا راضيتهم وابقا خلصت منهم وانا اعيش معاك حياتى وانا مبسوطه وسعيدة ومبقاش خايفه من حاجة .

زين : ولما انتى عاوزة تديهم جزء من ميراثك ... مش عملتى كدة من الاول وليه تهربى وليه وجع القلب دة .

ليليان بزعل : بقا انا وجع قلب يا زين ... شكرا .. بس احب اقولك انا مهربتش علشان الفلوس بالعكس انا عرضت عليهم ياخدو ميراثى كله بس يسبولى بيت تيته الله يرحمها اعيش فيه بس هما رفضوا وكانوا عاوزين يخلصوا منى و عاوزين يجوزونى لشيخ عزت راجل قد جدى كبير ... مكنش قدامى الا حل واحد ان اهرب والقدر وقعنى فى طريقك ... معلش بقا على وجع القلب .

(زين شدها لحضنه .. ودخلها جوا ضلوعه لدرجه انها حست ان جسمها هايتكسر بين ايديه ).

زين بحنيه : متزعليش يا حبيبتى انا مقصدتش الكلمه دى .... وبعدين انتى لو فعلا وجع قلب... هايبقا احلى وجع قلب .. ليليان انا كل يوم بحمد ربنا على انه رزقنى بيكى .. انتى حلم بعيد اوى واتحقق ... افهمى كلامى انا كل اللى اقصدوا ان ابوكى كتب ميراثه باسمك تيجى انتى وتوزعى على اعمامك يبقا حرام عليكى .

ليليان عيطت : مين قالك انه حرام .. بالعكس الصح اللى انا هاعمله يا زين .. الفلوس دى بتاعت تيته الله يرحمها وهى حرمت اعمامى منها وكتبتهم باسم بابا وطبعا بابا عمل نفس اللى عملته وكتبهم باسمى انا ..وهما الاتنين ميعرفوش انهم ولدوا حقد وكرة من ناحيه اعمامى ليا وميعرفوش انا قد ايه هاتعب فى حياتى ... يا زين انا اخر همى الفلوس.. انا كان نفسى فى ضهر وسند ليا والحمد لله لقيتك ونفسى فى بيت وعيله وهانعمله مع بعض ... علشان خاطرى لو بتحبنى ريحينى سيبهم لحال سبيلهم واديهم جزء وعمى شاكر جزء وناخد تعهد عليهم انهم ينسونا .

زين : خاطرك دة عندى بالدنيا كلها... حاضر يا ليليان هاريحك ... بس يتعاقبوا الاول مش هاعديها كدة ... وخلى ميراثك زى ماهو.

ليليان : مش فاهمه ... انت هاتعمل ايه ياعنى لما ميراثى يفضل زى ماهو .

زين : ريحى دماغك الحلوة دى... وهاعملك كل اللى فى نفسك .

ليليان : اوعدنى قتل لا .

زين بهدوء : اوعدك ... يالا صالحينى بقا .

ليليان : اصالح ايه .. هو انا زعلتك!! .

زين : اممم زعلتينى .. عمال اقولك وحشتينى وانتى بترغى فى مواضيع وسايبنى كدة .

ليليان بخبث : انا سيبتك فين... وبعدين اليوم كله متعب وعاوزة انام.

زين : بصى هناك كدة على الترابيزة دى هناك كوبايه لبن اهى ... يالا هاتيها اشربيها .

ليليان : ههههههههههه بجد انت رهيب.. انت رجعت تانى للعقاب .

زين : هه‍هههههه هو انا مش قولتك ان العقاب هايتوسع المرادى وهايبقا شامل حاجات كتير .. تعالى احكيلك .

ليليان قربت منه وبدلع : امممم احكيلى .. عقابك اهون من اللبن .

زين : ماهو دلعك دة هايودينى فى ستين داهيه .

ليليان بدلع : مش مشكله .. هاتبقا احلى داهيه .

زين : طيب انا اخر مرة قولتلك ان بحبك امتى .

ليليان : بقالك شويه صغنتتين مقولتهاش.

زين باسها : اخص عليا ... لا انا لازم اقولها قولا وفعلا... بحبك .

ليليان : وانا كمان بحبك اوى يا زين .

زين : معرفش لما بتقوليها بتخلينى حاسس بحاجات غربيه .

ليليان : ههههه‍هه‍ههههه‍ههههه

( زين لسه هايقرب منها ويبوسها لقى الباب خبط )

زين بنرفزة : ميين .

دادة سميحه : يابنى معلش صحيتك مراد تحت وعاوزك ضرورى.

زين : طيب .

ليليان : ههههههههههههه .

زين : بطلى ضحك ... ابقا انا متنرفز وانتى بتضحكى .... الله يخربيتك يا مراد ويخربيت اللى يعرفك .

ليليان : ههههه طيب خد تيشترك اهو .... انت ازاى نازل كدة .

زين : والله لانزله كدة علشان البجح دة يفهم انى متجوز وميجيش فى اوقات زى دى .

ليليان : ههههههههههههه اهدى بس عيب تنزل كدة .

زين : اسكتى انا حلفت خلاص هانزل كدة ياعنى هانزل كدة .. ريحى انتى لغايه ما اجيلك بس متريحيش اوى .

********************

مراد : ايه ياعم انت نازل قالع التيشرت ليه ماتستر نفسك

( زين واقف باصله بغيظ ومش بيتكلم )

مراد : خلاص مش تستر نفسك ... فى مصيبه حصلت .

زين : استر... قول خير .

مراد : فى حد بعت لام سارة صور لينا واحنا فى اوضاع مش تمام .

زين : ازاى ... واوضاع ايه .

مراد : زين خلاصه الموضوع فى حد مراقبنى وصورنا مع بعض لما بوصلها ولما كنا فى المول واخرهم انهاردة فى اسكندريه ولعبين فى الصور فهمت .

زين : حد مين دة ويتجرأ ويعمل كدة ازاى .

مراد :هو مفيش غيرة .

زين : قصدك على الباشا.

مراد : اه يا زين .... نهايته على ايدى الحيوان .

زين : اممممم متقلقش... هايتربى على كل اللى عمله .

مراد : انا مضايق امها بهدلت الدنيا .... وضربتها قدامى .

زين : حقها .

مراد: حق مين ياعم .. المفروض هى عارفه مربيه بنتها ازاى.

زين : تمام بس الوضع مختلف فى صور وحضرتك موجود ياعنى فى علاقه بجد .

مراد: امها دى ايه لسانها طويل زى بنتها بالظبط ... وحلفت منا متجوزها .

زين باستغراب: وايه جاب سيرة الجواز.

مراد : انا طلبت ايديها لجواز .

زين بنرفزة : انت مجنون يا مراد ياعنى الست مدايقه من كدب بنتها وشايفه صور ليكوا وفى اوضاع زفت ... وتطلب ايديها لجواز ..وفى وقت زى دة.

مراد : اعمل ايه ... انا شوفت ان كدة صح افتكرت هاديها ... طلعت عنيدة زى بنتها.

*********************

عند ليليان

( بتكلم سارة فى التليفون).

ليليان : ياحبيبتى اهدى .. انا معرفش حاجة . ... انا لسه عارفه منك .

سارة بتعيط: هاموت يا ليليان ... انا غلطت وغلط كبير ... ماما زعلانه منى اوى .... دى اول مرة تكلمنى كدة وتضربنى .

ليليان : اعذريها. يا حبيبتى ... معلش انا السبب .. اظاهر ان فعلا وجع قلب لكل اللى اعرفهم.

سارة : متقوليش كدة وانتى مالك انا اللى غلطت وكدبت .

ليليان : طيب اهدى وانا هاجيلك بكرة واتكلم معاها.

سارة : دى قالتلى اننا هانسافر دبى ...تعالى يمكن اخر مرة اشوفك .

ليليان : لا انشاء الله مش هاتسافرى ومش هاتبعدى عنى ..مراد مش هايسكت ويمنعكوا من السفر .

سارة بعصبيه : متجبيش سيرته ..الاستاذ طلب ايدى بطريقه زى الزفت .

ليليان : معلش تلاقيه مش عرف يتصرف ففكر ان كدة صح .. بصى حاولى تنامى وانا بكرة هاجيلك وانشاء الله مامتك تهدى .

سارة : ماشى .

( ليليان قفلت مع سارة وفكرت انها تنزل تتكلم معاهم بس خايفه من رد فعل زين بس قررت انها تنزل وزى ماتيجى اخدت تيشرت له ونزلت ).

*********************

زين بعصبيه : ياخى انا نفسى اقوم اضربك على اللى انت عملته .. مكنتش تطلع احسن يامراد احسن من الهبل دة .

(الباب خبط وكانت ليليان ودخلت مرعوبه من صوت زين وقررت انها تدخل فى الموضوع على طول ).

ليليان : احم ازيك يا استاذ مراد .

مراد : تمام كويس

زين باصلها بحدة وساكت .

مراد : خد يا زين من مراتك .....جايبلك التيشرت تلبسه .

زيين : هاتى .

( زين اخدة منها ولبسه وهى فضلت واقفه وهو باصلها بحدة).

ليليان بتوتر : زين ... سارة اتصلت وحكتلى ومنهارة من اللى حصل .

زين : امممم منا عرفت .

ليليان : مامتها اصرت انهم هايسافروا فى اقررب وقت ومش هايرجعوا تانى .

مراد بعصبيه : يخربيت قرارتهم السريعه.

زين : متلومش الا نفسك .. انت السبب .

مراد : ما خلاص بقا يا زين حاسبتها غلط .

ليليان لقت الجو متكهرب حبت تهدى الوضع : احم الموضوع بسيط .. انا ممكن يا زين اروحلها بكرة واتكلم مع مامتها وافهمها كل حاجة .

مراد : اه والنبى اتكلمى باسلوبك الحلو دة وامها هاتجيب وراه على طول .

زين : ياخى والله كل ما احاول اهدى انت تعصبنى تانى ... اطلعى فوق يا ليليان... وانت قوم امشى ختقتنى بما فيه الكفايه .

مراد : ماشى ياعم متزقش .. اشوفك فى الشركه .

******************

( ليليان طلعت ومستنيه تاخد نصيبها من زعيقه وزين دخل بكل عصبيته ).

زين : ليليان

ليليان بخوف : نعم .

زين : انا سمحتلك تنزلى والمتخلف دة تحت .

ليليان : اهدى محصلش حاجة لدة كله ... يا زين سارة منهاره وانا نزلت اقولك علشان نتصرف.

زين : متنزليش بردوا استنينى.

ليليان : خلاص بقا عديها .

زين : يالا ننام اليوم كله انضرب بسبب مراد الزفت .

ليليان : ماشى .. هاتسيبتى اروح لمامتها .

زين : اما اشوف بكرة .

ليليان : ربنا يستر .. بتعك من كل حته .

********************

صباحا

فى شركه الجارحى

مراد : ياعنى ليليان قاعدة مع امها دلوقتى .

زين : اه انا وصلتها بنفسى.

مراد : طيب ربنا يهدى امها.

زين : ويهديك .

مراد : مالى ياعم ماانا هادى اهو ... هاقوم اروح شغلى.

( سهيله خبطت ودخلت )

سهيله : زين باشا فى ظابط برة وعاوز يدخل.

(زين استغرب شاورلها تدخله ).

زين : ظابط ايه دة .

مراد: تلاقيه ظابط ايقاع ولا حاجة .

زين : يخربيت برودك يامراد هاتموتنى قريب.

: السلام عليكم .

زين : وعليكم السلام... اتفضل خير.

: احم انا النقيب هيثم .. وجاى اقبض الى سيادة الرائد مراد الالفى .

مراد : نعم ... تقبض على مين ... انت مش عارف انت بتكلم مين ولا ايه .

هيثم: عارف يافندم.. بس دى اوامر .

زين : تقبض عليه بتهمه ايه.

هيثم : بتهمه قتل الانسه نورة صلاح الدين .

زين ومراد : ايه ...نورة.

&&&&&&&&&&&&&&&

الحلقة 23:✌✌

فى شركة الجارحى

: احم انا النقيب هيثم .. وجاى اقبض الى سيادة الرائد مراد الالفى .

مراد : نعم ... تقبض على مين ... انت مش عارف انت بتكلم مين ولا ايه .

هيثم: عارف يافندم.. بس دى اوامر .

زين : تقبض عليه بتهمه ايه.

هيثم : بتهمه قتل الانسه نورة صلاح الدين .

زين ومراد : ايه ...نورة.

مراد : نورة مش دى اللى بتشتغل هنا يا زين.

زين : امممم

هيثم : اتفضل معانا يا سيادة الرائد.

(مراد قعد مكانه تانى )

مراد ببرود : هو انت فاكر ان ممكن انزل معاك واجاى وتحقق كمان تبقا بتحلم .

هيثم : حضرتك انا بنفذ القانون.

مراد بنفس برودة: قانون ايه انت معاك اذن نيابه معاك اذن من قيادتك علشان تقبض على واحد فى نفس مكانتى ... فين الادله اللى انت ماسكها عليا .

هيثم : انا مش محتاج اذن من حد علشان اقبض عليك ... وانت قتلت والمفروض تنزل معانا بالذوق علشان منستخدمش القوة معاك والادله هاتعرفها فى المكتب عندى واحنا بنحقق معاك .

مراد : اممممم ههههههه قوة اه صح ... طب اقولك شايف الاوضه دى فيها كام حيطه .. نقى بقا انت اتخن حيطه واخبط راسك فيها .

هيثم شاور للعساكر: يبقا انت اللى اخترت ... خدووة

زين بحدة : انت اتجنننت ولا ايه واقسم بالله بتليفون واحد واشيلك الرتب اللى على كتفك دى .

هيثم : زين باشا احنا بنفذ القانون .

زين بزعيق : قانون ايه .

هيثم : مراد الالفى مشتبه فيه بقتل نورة صلاح الدين .

زين : اديك قولك مشتبه مش قتل ... وبعدين انت مجنون علشان تقبض على ظابط مخابرات ... لما تحب تتكلم ابقا جيب حد اكبر منك يتكلم ... انا مستنى تليفون من حد اكبر منك يبلغنى انه وجود مراد مهم فى التحقيقات ووقتها هانروح ... يالا طرقنا بقا .

(هيثم مشى مغلول ومدايق من الاتنين وطلع تليفونه واتصل على حد ).

هيثم بحدة : انا عاوز اسألك بس سؤال هو مراد الالفى رجع شغله.

: ههههه اه ليه .

هيثم : انت اتجننت ياعلى ... انت ناوى على خراب بيتى ... انت عارف مكانه مراد الالفى ايه ورتبته ايه .

على :هههههههه براحه قولى اللى حصل ايه .

هيثم : روحت اقبض ياخى اتكلم باسلوب زفت وزين الجارحى دة ايه صدق اللى قال عليه غول .... وبهدلنى ومشيت .

على بضيق : ياعنى مقبضتش عليه .

هيثم : لا طبعا .. انا ممكن اروح فى سين وجيم لو عملت كدة .

على : طيب روح انت مكتبك ... وانا هاصعد الموضوع .

هيثم : طيب

***********************

عند مراد وزين

زين بتفكير : قتل ... ونورة .. اممم وانت .

مراد : مفيش غيرة وعلى فكرة زودها اوى ولازم يتربى .

زين بغموض : على قصدك ...هى كانت اصلا على علاقه بيه ... بس تمام اوى كدة هو زودها ومحتاج منى قرصه ودن محترمه علشان يتربى .

مراد : زين هى ليليان هناك عند سارة صح .

زين : اه ليه فى ايه .

مراد : طب اتصل بيها وقولها لو حد جة وخبط عليهم تصر انها تفتح ولو لقت جواب او اى حاجة تاخدها هى .

زين : اشمعنا .

مراد : على مش غبى علشان يتهمنى بقتل نورة وهو عارف ان هاخرج منها زى الشعرة من العجين هو عاوز يحصل بلبله فى شغلى وفى مكان تانى .

زين : قصدك عند سارة طبعا .

مراد: امممممم زى مابعت الصور ...هو حب يكمل فاهم .

زين : هى مش قالت انه بيكرها ... طيب اللى بيكرة حد بيبقا عاوز يأذيه وخلاص بس مش يأذى اللى معاه .

مراد : هى قالت انه بيكرها وانا متأكد انه بيحبها وهى مأثرة معاها وعاوز يبعدنا عن بعض بس عاوز يسوء سمعتى .... الحق بس اتصل على ليليان الاول .

زين : طيب .

***********************

عند سارة

ليليان برقه : والله ياطنط هو دة كل اللى حصل ... انا مكذبتش عليكى فى حرف واحد.

سعاد بتنهيدة : مصدقاكى يا حبيبتى ... بس انا صعبان عليا نفسى انها تخبى عليا حاجة زى دى ... يا ليليان انا طول عمرى مربيها على الصراحه ومديها ثقه كامله فى كل حاجة ... ليه تكدب .. ليه .

ليليان : يا طنط اعذريها الفترة اللى انا فقدت الذاكرة فيها الكل كان متوتر وهى اكيد كانت متوترة وبزيادة هى كدبت خوفا انك تمنعيها عنى لانى عندى مشاكل زى ماحكتلك...واخرهم خطفى انا وهى .

سعاد : هى تعرف عنى كدة انا ممكن امنعها عن واحدة صاحبتها بسبب حاجة ملهاش ذنب فيها ...سارة كانت وحيدة قبل ما تعرفك وبعيدة عن كل الناس وملهاش حد بس لما عرفتك اتغيرت وبقت واحدة تانيه وقتها انا لاحظت كدة عليها ودعيت تفضلوا مع بعض .... بس انا عارفه بنتى كدبت ليه .

ليليان : ليه ؟

سعاد : علشان حبت.... حبت مراد الالفى .

ليليان : طيب والله مراد كمان بيحبها نظراته وافعاله بتقول كدة صدقينى ... مراد شخص طيب ومحترم جدا ومالوش حد الا زين وزين مالوش حد الا مراد .... هو بس اللى لسانه طويل شويه .

سعاد : وانا عند رأى لو اخر واحد مش هاتتجوزوا .

ليليان : ليه يا طنط .. ولا حضرتك من انصار اللى بنتى تحبه متتجوزش وتتجوز واحد تانى .

سعاد : لا ياعنى لا مراد دة اخر واحد تفكر فيه .

ليليان : طيب سيبك من مراد دلوقتى...ممكن نناديها وتصالحك وتتاسفلك علشان خاطرى حبيبتى مموته نفسها من العياط علشان خاطرك .

سعاد : ناديها .

( سارة اصلا كانت واقفه وراة الباب بتسمع كلامهم واول ما امها قالت ناديها فتحت الباب ودخلت جريت حضنت امها ).

سعاد : انتى بتتصنتى علينا .

سارة عيطت: والنبى ما تزعلى منى .. انا اسفه انا غلطت ومش هاكدب تانى ابدا .

سعاد : انا واثقه فيكى انك معملتيش حاجة غلط.... بس ليا ازعل من كدبك دة هو انا ام بتكهرب ولا بتضرب بالعكس انا سايبكى براحتك علشان انا عارفكى على ايه .

سارة : معلش يا ماما فترة تعب ليليان وكمان كملت بخطفنا امبارح خلتنى مش عارفه افكر صح.

سعاد: خلاص اللى حصل حصل .. بس مراد الالفى تنسيه .

سارة : انتى عاوزة الصراحه ولا الكدب .

سعاد : هانكدب تانى .. الصراحه طبعا.

سارة : مش هاقدر انسى يا ماما .

سعاد بصت ليليان : مش قولتلك يا ليليان حبته .

ليليان : ههههههه الحب ولع فى الدرة .

سعاد : يبقا تسيبنى اربيه اصل انا مدايقه من طوله لسان .

سارة : لا فى دى عندك حق دوسى وبراحتك .

سعاد : الا قوليلى مين اللى بعت الصور دى وليه قاصد يعمل كدة .

سارة : معرفش والله .

ليليان : طنط مراد ظابط فى المخابرات واكيد له اعداء ... سارة مفيش حد بيكرها .

سارة : ههههه اه والنبى دة انا سكر وعسل اوى.

( تليفون ليليان رن وكان زين وهى استأذنت تتكلم برة فى الصاله ).

ليليان : الو .

زين : حبيبتى ... عامله ايه .

ليليان : كويسه الحمد لله ... ايه هو انا لحقت اوحشك.

زين : انتى على طول وحشانى ... عملتى ايه مع مامت سارة اوعى يكون حد زعلك بالكلام .

ليليان : ههه‍هه‍ لا بالعكس الست ذوق جدا واتفهمت الموضوع .

زين : طيب كويس ... ياعنى خلاص كدة .

ليليان : لا لسه قافله من ناحيه مراد شكله عكها جامد امبارح.

زين : مش مشكله .. دة كله هايعدى .. المهم كنت عاوز اقولك حاجة .

ليليان: امممم.

زين : ليليان ركزى ونفذى اللى اقولك عليه ومتسأليش ليه دلوقتى ... لو حد جة وخبط عليكو اتحججى باى حجه وافتحى انتى و لو لقيتى ظرف او علبه خديها وخبيها بعيد عن ام سارة .

ليليان : ليه .

زين : هو انا مش قولت متقوليش ليه .

ليليان : حاضر .... بس هاتفهمنى بليل .

زين : اوك. .. خلى بالك من نفسك .

ليليان : وانت كمان ... سلام .

*******************

فى مكان مهجور

( عاصم ويوسف مربوطين ومتبهدلين ضرب ).

عاصم بتعب : اه هاموت واشرب.

يوسف : ابن الكلب والله منا سايبه .. هاقتله.

عاصم : انت تخرس خالص .... ربنا يستر من اللى هايحصلنا ... دة كله وحصل ولسه مجاش امال لما يجى .

يوسف : اموت واعرف .. عرف مكانا منين.

عاصم : احنا حاسبنها غلط. .. الراجل دة مش سهل حد يلعب معاه .

يوسف : طيب والعمل .

عاصم : لما يجى سيبنى انا اتكلم وانت تخرس خالص .

يوسف : هايجى امتى بسلامته.

عاصم : الله اعلم .... المهم يجى اصل تعبت

فى شركه الجارحى

زين : هى تمام يا عبد الرحمن متقلقش .

عبد الرحمن : عمى ويوسف مش هايجبوها لبر .... مش هايسكتهم غير الفلوس.

زين : متقلقش الموضوع هايخلص وينتهى للابد.

عبد الرحمن : احم بشمهندس زين هو ابويا كان معاهم.

زين : لا

عبد الرحمن بتنهيدة : الحمد لله .. سلميلى على ليليان .

زين : الله يسلمك .... وسلميلى على الحجه توحيدة وايمان .

عبد الرحمن : يوصل ...هاسيبك انا علشان معطلكش .

زين : سلام

( مراد دخل وبيضحك جامد ).

مراد : ههههههه‍هههههههه

زين : بتضحك على ايه .

مراد : مش قولتلك على عاوز يعمل بلبله ... الخبر انتشر فى الشركه ههههه انى قتلت نورة والكل مستغرب ليه مقبضوش عليا .

زين : وبتضحك !

مراد : اه مااضحك.... اضحك يا زين لما تكون فاهم اللى قدامك كويس .. على فكرة رئيس الجهاز كلمنى والموضوع وصلوا وطلب منى اروح وانهى الموضوع دة .. انا هاروح بقا .

زين : استنى هاجاى معاك .

مراد : هو انت هاتفضل لغايه امتى فى ضهرى يا زين .

زين : لغايه اخر نفس فيا.

مراد : ربنا يخليك ليا يا زينو لو كان ليا اخ مكنش هايعمل معايا كدة .

زين : اعمل ايه بقا قدرى الاسود فى الحياه ... يالا خلينا نروح ننهى المهزله دى.

*********************

فى قسم الشرطه

هيثم : حضرتك زين باشا دة تحقيق رسمى .... مينفغش تحضرة .

زين : لا هاحضر .... شوف شغلك.

مراد : زين قوم انت متقلقش انا هاخلص الموضوع واجيلك .

زين : مراد

مراد : اسمعنى بس .. قوم انت خلص مشاوريك ... مفيش تحقيق رسمى ولا حاجة .. حضرته هايقول الادله وانا هاعلمه يبقا ظابط ازااى ... قوم انت .

زين : طيب ..... خليك انت هابقا اجاى اخدك.

( زين خرج وهيثم ارتبك من نظرات مراد وبدء يحس انه بيشك فيه وحب يلطف الوضع )

هيثم : باشا احنا بنتأسف طبعا.. بس عندنا شك ولازم نتأكد... ياريت تعذرنا.

مراد : قول اللى عندك.

هيثم : نورة علاقتك بيها ايه.

مراد : تؤتؤ قول الادله ... انا مبقولكش اسألنى .

هيثم : الادله ... لما سالنا فى الشركه قالو انك على علاقه بيها وكمان بواب العمارة اللى هى ساكنه فيها شافك بتتردد علي شقتها كتير وبتفضل وقت كبير هناك وكمان هى كاتبه فى ورق عندها انها بتكرهك علشان انت على علاقه بيها وهى حملت منك وانت هددتها انها لازم تنزل الطفل ياما تقتلها وهى رفضت وانت قتلتها وبواب العمارة قال انك كنت نازل يومها مرتبك وخايف جدا وبتجرى على عربيتك ... و ادله البحث الجنائى لقوا ميداليه مكتوب عليها مراد واقعه هناك فى شقه القتيله .

مراد : خلصت .

هيثم : ايوة اتفضل قول اللى عندك.

مراد : هاقولك اولا انت غبى اوى علشان متأكد ان الادله دى كلها غبيه وعلشان انت متأكد ان الادله دى كلها عبارة ان العيار اللى ميصبش يدوش ... بس هارضيك وافهمك يمكن تكون اهبل وماشى وراة حد ومش فاهم حاجة

اول حاجة ..لما سالنا فى الشركه قالو انك على علاقه بيها ... سألت مين ؟.

هيثم : انا هنا المحقق مش انت .

مراد بحدة : رد سألت مين .

هيثم : ناس بتشتغل فى الشركه.

مراد : لا انت ظابط مباحث المفروض تقول اسماء ومراكزهم ايه فى الشركه .

(هيثم سكت ومش عرف يرد ).

مراد : ههه‍ههه‍هه طيب بلاش دى نشوف دليل تانى ..... البواب شافنى بتردد كتير ... هى العمارة دى فيها كاميرات .

هيثم : لا مفيهاش .

مراد : لا ياما انت بتكدب ياما انت مبتشفش شغلك كويس ... انا باتصال واحد قبل ما ادخلك عرفت عنوانها وسألت وقالوا فيه كاميرات... طيب انا متأكد ان انت عارف ان فى كاميرات بس هانقول انك كسلت تفرغها .. ماشى نقول كدة .. طيب هل انا المفروض ظابط بحقق اسلم بشهادة البواب طب ما البواب ممكن حد يقوله قول ان هيثم قاتلها وخدلك قرشين اهم وهو ولا يعرف هيثم ولا حاجة ..... او ممكن يكون هو اللى قتلها بزقه من حد .

هيثم : لا البواب اتعرف عليك .

مراد : هو فين دة اللى اتعرف عليا انا مشوفتش حد ... طيب ياسيدى نفترض انك ورتوا صورتى وهو قال اه دة طيب ماهو ممكن نفس اللى الحد اللى اداله فلوس يقول بص صورته اهى و قول ان هو دة اللى طلع هنا كذا مرة ..... دليل تانى انت قولت انك لقيت ورق بخط ايديها انى على علاقه بيها وحامل وحوار اهبل كدة .. الورق دة راح لخبير واتاكدت انه خطها مظنش لانها ميته امبارح الساعه ٢ بليل متلحقوش تودوا الورق للخبير ...

هيثم : وانت ايه عرفك انها ميته ٢ بليل .

مراد : هههههه بتنسى بسرعه انا قولتلك قبل ما ادخل طلبت المحضر وجابوا وقريتوا واستفهمت على كام حاجة كدة بعلاقتتى.. منهم الكاميرات والورق اللى هى كاتبه والطب الشرعى اللى لسه مطلعش تقريرة وانت بكل بجاحه جاى تتهمنى انى قتلتها ... اه ثوانى انت قولت ان البواب شافنى مرتبك وخايف صح .... انت عارف انا بشتغل ايه .

هيثم : احم حضرتك رائد فى المخابرات .

مراد :وعارف ياعنى ايه ظابط فى المخابرات .. ياعنى انا بقتل بدم بارد مبخافش مبرتبكش هو انا اول مرة اقتل حد.

هيثم : طيب والميداليه اللى عليها اسمك .

مراد : تعرف انا مبكرهش فى حياتى قد الغباء او اللى قدامى يبقى غبى وعنيد .. انت اهبل انا ممعيش ميداليات باسمى اصلا واللى قتلها سهل يحطها .... بص ياله انت خنقتنى والله قووم نادى حد اكبر منك اتكلم معاه مش ناقص وجع دماغ.

هيثم ارتبك : خلاص ياباشا القضيه هاتتحفظ ضد مجهول .

مراد : لا ... انا كلمت اللواء شريف يشيلوك من القضيه دى وحد تانى اذكى يمسكها... ووصيت عليك تروح موسيقى الشرطه تطبل وارة حد دة ... انت شاطر فى الحكايه دى .. وعلى فكرة انا اصريت اجيلك بنفسى علشان اديك درس تفتكرة عمرك كله ... اصل انا بموت وادى دروس .

**********************

فى قصر الباشا

الباشا : زين اهلا... شرفت

زين : طبعا انت مستغرب انا جايلك انت ليه .. ومروحتش لابنك .

الباشا : لا انت تيجى فى اى وقت وابنى تروحله فى اى وقت .... بس مش فاهم فى ايه .

زين :لا انت فاهم .. ابنك لعب فى عداد عمرة وبيكمل لعب وانا سايبه بمزاجى .. ابنك غلط غلطات كبيرة اوى وانا بحبه ولما بحب حد بحبه يغلط علشان لما اجاى احطه فى دماغى يتربى صح .... وميرجعش يعيط زى النسوان .

الباشا : هو عمل ايه بس .

(زين قام من مكانه وقرب عليه ونزل بجسمه ناحيه الكرسى اللى قاعد عليه الباشا وهمس فى ودانه ).

زين بهمس : اوع تكون فاكر ان مشوفتش اللى عملته فى ابويا وامى زمان او تكون فاكر ان كنت صغير مش هافتكرك ولا افتكر كلامك ولا افتكر ضحكتك وابويا وامى بيولعوا فى العربيه ... تؤتؤ تبقى غلطان لو افتكرت كدة بس شوفت انا صبرت عليك قد ايه ولسه عقابك مش جة ... وابنك جة وكمل مكانك المسيرة بس انا الصراحه صبرى بدء ينفذ وايدى بدات تاكلنى ان اقتلكوا بس فكرت وقولت لسه شويه عليكوا مش قبل ما احرق قلبك بس انهاردة هتاخدوا اكبر ضربه فى حياتكوا عارف مصنع الحديد اللى بتبنوة بقالكوا تلات سنين... انا بقا جيت و فى ثانيه وسويتتوا بالتراب مبقاش له وجود ... دى اول قرصه ودن والتقيل لسه جاى وراة .. انا عاوز انبهك على حاجة مش انت قاعد فى قصرك وحواليك حراستك بس انا بقا بعد عليك انفاسك حتى وانت نايم ... اسيبك بقا مع صدمتك .. سلام .

( مشى زين والباشا حس انه هايجراله حاجة وجاب تليفونه واتصل على الشركه واتاكد ان المصنع بيتهد بامر من الحكومه والخساير كبيرة جدا )

الباشا بعصبيه: رععععععععد

رعد : ايوا ياباشا نعم .

الباشا : على فين .

رعد : احم على باشا سافر شرم يغير جو.

الباشا : الحيوان له نفس اتصلى بيه خليه يجى .

رعد : ياباشا قافل تليفونه.

الباشا : هاتلى الحيوان دة من تحت الارض يجى يشوف المصايب اللى نازله علينا بسبب غشوميته .

**************************

عند سارة

( جرس الباب رن وليليان اصرت تفتح هى زي ماقالها زين وفتحت فعلا ومالقتش حد بس لقت ظرف اخدته وخبيته ودخلت اوضه سارة تبلغ زين وسارة شافتها ودخلت وراها ) .

سارة : قفشتك ايه اللى معاكى دة

ليليان : اخص عليكى يا سارة والله اتخضيت .

سارة : اممم سلامتك ياقلبى ايه اللى انتى مخبياة دة .

ليليان : والله ماعرف زين اتصل وقالى ان لو جرس الباب رن افتح انا واخاد اى ظرف ومامتك متشوفش .... هى مامتك فين

سارة : بتعمل الغدا ...طيب هاتى نفتحه .

ليليان : ممكن زين يزعق.

سارة :ليليان دة جاى فى بيتنا زين مالوش دعوة ... هاتى بس .

( سارة اخدت الظرف وفتحته ولقت صور لنورة وهى مقتوله ومعاها ورقه مكتوب فيها.)

: حبيب بنتك مراد الالفى قتل نورة اللى بتشتغل عندة علشان كان علي علاقه بيها وهى حامل منه خاف من الفضيحه واقتلها وهو محبوس دلوقتى ... فاعل الخير.

( ليليان شافت الصور انهارت من العياط وارتعشت من الخوف ).

سارة بخوف : مين دى يا ليليان .

ليليان عيطت : دى نورة اللى زين جابها مكانى فى الشغل صاحبه سهيله .

سارة : وايه علاقتها بمراد ... هو مراد قاتلها فعلا .. هى كانت حامل منه.

ليليان : لا طبعا دة كدب ... مراد مش كدة اوعى تكونى بتشكى فيه اللى بيحب حد ميوصلش لمرحله الشك ابدا .

سارة عيطت : طيب مين دة اللى بيعمل كدة فينا واشمعنا يبعت صور لامى ومراد فعلا محبوس ... اتصلى على زين اطمن عليه .

********************

فى قسم الشرطه

زين : ياعنى انت هنا قاعد بتاكل وبتشرب شاى وانا برة بغلى .

مراد : ايه ياعم جعان وهاموت لو مأكلتش .. انت كنت فين .

زين : كنت فى مشوار .

مراد : ايوا فين عند عم ليليان وابنه.

زين : لا دول سايبهم شويه يستوا على الاخر هو انا هاروحلهم كدة بسهوله لازم يجيبوا اخرهم ... كنت بعمل الصح مع على وابوة الباشا .

مراد : احبك وانت قاسى كدة .

زين : والله انك بارد .

( تليفون زين رن وكانت ليليان ).

زين : الو ... ايه دا مالك ياقلبى بتعيطى ليه .

ليليان بتعيط : زين فى ظرف جه وانا اخدته وفتحته انا وسارة .

زين : وفاتحه ليه يا ليليان انا قولتلك افتحيه .

ليليان عيطت : سارة اصرت.

زين :طيب اهدى يا حبيبتى .. فى ايه الظرف دة .

ليليان : فى صور لنورة اللى انت جابتها مكانى سكرتيرة مقتوله يا زين .

زين : طيب اهدى انا هاجيلك دلوقتى .. متخافيش من حاجة .

ليليان : هو مراد معاك .

زين : اه معايا ليه .

ليليان : هو محبوس فعلا .. هو فعلا اللى قاتلها .

زين : لا طبعا ... زى القرد قدامى اهو .

ليليان : طيب سارة عاوزة تطمن عليه .

زين : خد التليفون.. سارة عاوزة تطمن عليك.

مراد : هات .... الو

سارة عيطت : مراد

مراد : عيونه .

سارة : انت اللى قتلتها .

مراد : وقشرتها وكلتها هههه‍هههه

سارة : هههه انا بتكلم جد انت محبوس .

مراد : اه وبيعذبونى وبيكبوة الشاى السخن على رجلى.

زين : هههههههه والله انك بارد .

سارة سمعت زين : والله زين عندة حق ... انت ايه ياخى متعرفش تتكلم جد.

مراد : لا مبعرفش .... المهم امك اخبارها ايه لسه حريقه زى ماهى .

سارة : اتكلم على امى باسلوب احسن من كدة .

مراد : الصراحه امك مستفزة اوى .

سارة : مراااااااد ... انا هاقفل

مراد: اقفلى ..... بس هاقولك حاجة انا هاتجوزك غصب عنها .. Take care beby

زين : عنيف انت اوى فى حبك .... ايه الاسلوب الزفت دة

مراد : ههههه الله ايه ياعم انت مركز معايا ليه .

زين : مركز ايه يا اهبل انت واقف فى وشى وبتتكلم .

مراد : هههه‍ههه عادى ... المهم قولى ايه الظرف اللى اتبعت .

زين : صور لنورة وهى مقتوله .

مراد : يابن ال.....

زين : اهدى بس عليا .... هو كدةخد صدمه لسه التانيه جاى وراها علشان يبقا يفكر يجى جنبك تانى .

مراد : خد الظرف من ليليان واحرقه مش لازم يوصل لتحقيقات ... سارة هاتروح فى سين وجيم وامها هاتحلف طلاق تلاته ماهى مجوزهالى .

زين : هههه‍ههه امها هاتحلف ايه يا مراد .

مراد : طلاق تلاته .

زين : بيئه انت ... المهم يالا نروح علشان اجيب ليليان .

مراد : ماتاخدنى عندكوا وغدونى انا جعان .

زين : والله يا مراد ان لمحتك جاى عندى فى البيت لاموتك .

مراد : مش جاى ياعم .... دة حتى اكلكو وحش .

زين : طيب يالا انجز.

***************************

عند سارة وليليان

سارة : مبيعرفش يقول كلمتين على بعض جد .

ليليان كانت باصه فى التليفون: ههههههه معلش... على فكرة زين باعت مسج وبيقولى اجيب الصور .

سارة : طيب لميهم لغايه ما اشوف مين بيرن الجرس.

ليليان : طيب

( ليليان لمت الصور والورقه وحطتهم فى الظرف وخبته فى شنطته وسارة راحت تفتح الباب وتفاجئت باللى واقف قدامها ).

: ازيك يا سارة .. وحشتينى 

لو حابب توصلك باقي القصة تفاعل

فصة عشق زين للكاتبة زينب محمد الجزء الأول 

الحلقة 24:✌✌

:ازيك يا سارة .. وحشتينى .

سارة : بااااااابا وحشتتتتنى اوى .

عبد الله ( والد سارة ) : انتى اللى وحشتينى اوى يا روحى .

: اوعى يابابا كفايه سلامات عاوز ادخل .

سارة : ساااامر وحشتنى اخيرا نزلت ياخويا وشوفناك .

سامر : انتى كمان وحشتنى اوى ياختى .

(والدة سارة جت على الصوت وكمان ليليان).

سعاد بفرحه : عبد الله انت جييييت وحشتنى اوى .. وكمان جبت سامر.

سامر : وحشتينى اوى ياماما ... احم مش تعرفونا مين القمر دى .

سارة: دى ليليان الجارحى انتيمتى يابابا.

عبد الله : اهلا يابنتى .

ليليان : اهلا بيك ياعمو..... حمدلله على سلامتكو .

سامر همس لسارة : ايه البت دى يخربيتها عليها جوز عيون يقتلو اى حد.

سارة ضغطت على ايدة : اتلم هو الداء الاسود دة لسه فيك .

سامر بخبث : لا تووووبت وشكلى هاتجوز قريب.

سارة: طيب ياخويا بركه .

( ليليان حست انهم بيتكلموا عليها واتكسفت من نظرات سامر ليها وماصدقت زين اتصل وقامت تستأذن ).

ليليان : عن اذنكوا بقا يا جماعه .. لازم اروح .. اتشرفت بمعرفتك ياعمو .

سامر : عمو بس .

ليليان بكسوف : لا وحضرتك كمان .

سعاد : اقعدى يابنتى اتغدى معانا.

ليليان : معلش والله يا طنط مرة تانيه... زين تحت ولازم انزل .

سعاد: ماشى يابنتى .

سارة : تعالى هاوصلك لغايه الباب .

سامر بهمس : ماما .

سعاد : ايه يا واد .

سامر : مين زين دة .

سعاد : زين الجارحى ج...

(تليفون سامر رن وقطع كلامه والدته )

سامر : خلاص يا ماما عرفت... هاقوم ارد على التليفون .

**********************

فى العربيه

زين : وحشتينى اوى يا قلبى.

(ليليان ماصدقت شافته استخبت فى حضنه تطلع الضغط اللى كان عليها من بدايه كلامها مع والدة سارة وكمان صور قتل نورة وفى الاخر نظرات سامر ).

ليليان بهمس: وانت كمان وحشتنى اوى .

زين : مال صوتك فى حاجة غريبه ليه .

(ليليان طلعت الظرف وادته لزين .. وزين فاتح وشاف الصور وقلبه واجعه انها شافت صور بالمنظر دة ومكنش بتمنى انها تتعرض لموقف زى دة ).

زين : معلش متزعليش انا اللى حطيتك فى موقف زى دة .

ليليان عيطت : مش زعلانه منك بس زعلانه عليها مكنتش تستاهل تموت بالمنظر دة .

زين اتنهد : طيبه اوى انتى يا ليليان ... تعرفى انها السبب فى وقعتك من سلم الشركه .

ليليان : لا يا زين متظلمهاش محدش وقعنى انا اللى وقعت لوحدى.

زين : لا الكاميرات جابتها وهى بتكب زيت على السلم وهى اللى عملت كل دة فيكى ... انا كنت هاوريها العذاب انواع بس القدر سبقنى واتقلت .

ليليان : وهى تعمل فيا كدة ليه انا عمرى ما اذيتها ... بالعكس انا مشكلتى مع سهيله .

زين : علشان فى حد دفعلها تعمل كدة فيكى .

ليليان : حد مين ؟!.

زين : واحد متعرفيهوش منافس ليا فى الشغل .

ليليان :زين انت غامض اوى وبتخبى عليا حاجات كتير ودة بدا يضايقنى .

زين : انا مخبتش اى حاجة ... انا جاهز لاى اسئله .

ليليان : مش وقته لما نروح فى هدوء نتكلم .

زين : اممممم طيب ... الا قوليلى مشكلتك مع سهيله ايه .

ليليان اتعدلت من حضنه : بتحبك..... البت دى بتحبك.

زين بخبث: ماهى لازم تكون بتحبنى هى تكرهنى ليه .

ليليان : والله !

زين بضحك: اه و الله .

ليليان : زين ... على كدة بقا حضرتك بتحبها مانت هاتكرها ليه .

زين قرب منها وهمس : لا الحب دة معرفتوش الا لما شفتك انا ولا بحبها ولا بكرها ... عارفه الحب متلخص فيكى انتى .

ليليان : انتى متعرفنيش لما بغير بتحول على طول خاف منى .

زين :ههههههههههههه .. قلبى جامد مبخافش .

ليليان : ضحكتك حلوة اوى يا زينى ... اضحك على طول.

زين : هاضحك بس بردوا ليكى .

ليليان : بحبك .

زين : لا اوعى تقولى الكلمه دى برة البيت ... انا مبمسكش نفسى لما تقوليها .. اهدى شويه.

ليليان : ههههههههههههه... من حق مش والد سارة جه من السفر.

زين : بجد !.….. طبلت على دماغ مراد من كل حته .

ليليان : مامتها مش موافقه خالص يا زين .

زين : احسن خليه يتربى .

***************************

فى مبنى المخابرات

: مراد باشا فى واحد اسمه هيثم عاوز حضرتك .

مراد بخبث : دخله .

( هيثم دخل ولقاه مراد حاطط رجل على رجل وكانه عارف انه جاى ).

مراد : تعال يا هيثم اقعد .

هيثم : انا متشكر ياباشا انك رضيت تقابلنى .

مراد : ومرضاش ليه يا هيثم ... انت ليك معزة خاصه عندى .

هيثم : مراد باشا انت فعلا وصيتهم يعاقبونى و ينقلونى موسيقى الشرطه .. ياباشا انا عارف ان غلطت ان قدمت ادله كلها غلط واندفعت بس ياعنى مستاهلش العقاب القاسى دة .

مراد :هههه لا تستاهله ... وتستاهل اكتر من كدة كمان .

هيثم : ليه ؟

مراد : علشان مينفعش تكون ظابط محترم وفى مكانتك دى وتتملى من حد وتمشى وراة وانت مغمض عينك دة فى حد ذاته غلط .

هيثم بلع ريقه بالعافيه : وراة حد مين .. مش فاهم.

مراد : على الباشا .

هيثم : احم على الباشا مين !؟.

مراد : تؤتؤ كدة غلط ... ياهيثم ياحبيبى ابقى اعرف انت بتكلم مين الاول .... دة انا سامع بودانى مكالمتك له .

هيثم : مكالمه ايه !

مراد : اللى انت بتزعقله فيها علشان هو السبب فى كل اللى حصل وتقريبا كنت بتلوم نفسك انك مشيت وراة بس ياترى على الباشا ماسك عليك ايه.... ياترى ياهيثوووم .

هيثم : مش ماسك حاجة عليا .

مراد : لا ماسك عليك مش انت تقريبا متورط فى تهريب اثار .

هيثم اتوتر: اثار !

مراد : اممممم اثار وهو علشان صاحب عمرك جريت زى الاهبل تترجاه يطلعك منها وهو علشاان له علاقات طلعك منها وبقيت كمان بطل .... بس انت يا حرام اهبل فاكر انه ساعدك علشان صاحبك بقا .. بس اللى انت متعرفوش عنه انه مبيعملش حاجة لله فى لله كدة ... واهو جه الوقت اللى بيهددك فيه انه يفضحك لو معملتش اللى هو عاوزو ... شفت انا خطير ازاى .

هيثم بغضب : انا ماشى.

مراد : بالسلامه .. على فكرة انا وصيت عليك فى موسيقى الشرطه ... متخافش ههههههههههههه .

**********************

عند سارة

سارة : بس قولى جيت فجأه يابابا ومقولتش ليه .

عبد الله : انتى قلقتينى من اخر مرة ... وكمان الاستاذ سامر عاوز ينزل ويتجوز .

سعاد : يا حبيبى اخيرا يا سامر ... انا هاشوفلك عروسه تجنن .

سامر : لا يا ماما فى واحدة فى دماغى كدة .. هاشوفها الاول وبعدين اقولكوا .

عبد الله: طيب انجز لانه اجازة شهر بس .

سامر : متخافش هانجز .

سعاد : بت ياسارة مش دة تليفونك اللى بيرن فى الاوضه دة .

سارة : اه دى ماهى المقرفه عاوزنى انزل معاها المول وانا مطنشه مش ناقصه فاقعه مرارة .

سعاد : قومى يا نيله ردى عليها عيب كدة ..... دى بنت خالتك .

سارة : يوووووة حاضر .

( سارة دخلت اوضتها و لقت تليفونها بيرن بس مكنتش ماهى كان مراد قلبها دق بسرعه وقفلت الباب براحه ) .

سارة : الو .

مراد : احلى الو دى ولا ايه.

سارة بهمس : عاوز ايه يا مراد.

مراد : موطيه صوتك ليه .. هى امك جمبك .

سارة : تؤتؤ انا لوحدى .... بس بابا جة هو وسامر .

مراد : سامر مين .

سارة : اخويا .

مراد:اه وابوكى جة ليه .

سارة :وانا ايش عرفنى مايجى .. هاقول لابويا جاى ليه .

مراد : طيب قوليلى هو ابوكى لسانه طويل زى امك ولا ظروفه ايه.

سارة : مراد اتلم .. دى ماما .

مراد : ايه يا ماما ياعنى .. اعملك ايه ... ما امك حريقه الصراحه .

سارة بغيظ : يابنى متتكلمش على امى كدة .

مراد : طيب ابوكى ظروفه ايه .

سارة : مش فاهمه ظروفه فى ايه .

مراد : انتى هاتستعبطى يا سوسو... قصدى حراق زى امك كدة وهايرفض جوازنا .

سارة: استغفر الله ... والله يا مراد لو مالميت لسانك على امى انت حر ... وبعدين انت عاوز تتجوزنى ليه ... خلاص وفر عروضك ... ماما خلاص رضيت عنى .

مراد بغيظ: عرووووض ماشى ماااشى يا سارة ..اقفلى خنقتينى .

سارة : سلام

( سارة قفلت معاه ولقت ماهى عماله تتصل ).

سارة : الو يا ماهى عاوزة ايه ؟.

ماهى : مبترديش ليه ... مانتى كنتى انتظار دلوقتى .

سارة : اوووووف عاوزة ايه اخلصى ... مش جايه معاكى المول انا.... انتى بت باردة وانا مش بطيقك .

ماهى : مش تطقينى براحتك ... انا عاوزكى معايا معزومه على حفله بليل وماما مش راضيه الا لما تيجى خايفه عليا..... عاوزة البودى جارد معايا.

سارة : انا بودى جارد يا معفنه .

ماهى : اه ويالا اجهزى على ٩ بليل ... ابقى البسى حاجة حلوة بس... سلام

سارة: ماشى يا ماهى الكلب اما وريتك مبقاش انا .

*************************

فى بيت الجارحى

ليليان : بتعملى ايه يا دادة .

دادة سميحه : بعمل الغدا يا ست البنات .

ليليان : يوووة الاكل دة وحش اوى... بطنى بتوجعنى منه .

دادة سميحه : ياحبيبتى زين عايش عمرة كله على الاكل الصحى ومانع الاكل زى المحاشى والمكرونات والذى منه .

ليليان : بس انا نفسى فى مكرونه بالباشمل وبانيه .. اوعى ما اعملهم .

دادة سميحه : لا يابنتى استأذنى زين .

ليليان : استأذن ايه يا دادة هو علشان عاوزة اعمل اكل بحبه لازم اخاد الاذن من زين ... زين ايه دخله اصلا .

دادة سميحه بهدوء: مفيش حاجة بتحصل فى البيت الا لما ناخد رأيه الاول حتى فى الاكل .. هو شخص بيحب النظام بيعشقه قد عنيه وشخص عملى جدا ... اسمعى كلامى روحى واستأذنى .

ليليان : طيب ... هو فى مكتبه .

دادة سميحه : لا هو بيلعب رياضه فوق .

( ليليان راحتله ودخلت ووقفت على الباب وكان هو بيلعب ومندمج ومحسش بوجودها..وهى وقفت وسرحت فيه وتقريبا نسيت هى كانت جايه ليه وافتكرت هو بيقولها انها حلم بعيد واتحقق وحست لا المفروض يعكس الكلام لانه هو اللى حلم بعيد واتحقق وبقى بين ايديها وفضلت مبتسمه بتتفرج عليه وهو حس بوجودها من ريحتها اللى ملت المكان

....ريحتها اللى بتجننه ).

زين : هاتقفى كتير يا لى لى تتفرجى عليا .

ليليان انتهبت لنبرة صوته اللى بتعشقها : بتقول ايه ؟.

زين : بقول سرحانه فى ايه .

(ليليان مشيت وراحت لعندة وهوقاعدها على رجله خلاص هو بقا مدمن يقعدها كدة ).

ليليان : انا مش سرحانه انا شوفتك مندمج قولت اسيبك براحتك .

زين : والله هههههههه.. لا انتى حضرتك كنتى سرحانه وكمان مبتسمه .

ليليان : اممم مبسوطه بيك .

زين : وياترى مبسوطه ليه .

ليليان : مبسوطه علشان جوزى مش بكرش ومربى عضلات وكدة ياعنى هههههه .

زين : ههههههه يا شيخه ... قوليلى جايه ليه .

ليليان : هو انا ممنوع اجاى .

زين : ياخبر ممنوعه ايه بس... دة البيت وصاحب البيت تحت امرك.

ليليان : اممممم لما دة كله تحت امرى ... امال ليه هما مانعنى تحت ان اعمل غدا .

زين باستغراب : مين مانعك ؟!.

ليليان : دادة سميحه قالتلى ممنوع اعمل الاكل اللى بحبه ... حضرتك مانع الاكل دة فى البيت .

زين : اكل ايه ؟!.

ليليان : عاوزة اعمل مكرونه بالباشمل وبانيه .

زين : انتى ليكى فى الاكل دة.

ليليان : اه طبعا .... امال انت ليك فى ايه يا زين .

زين : معرفش انا طول عمرى متعود على الاكل الصحى مبحبش الاكل دة حتى لما كانت عايشه معايا عودتنى على ان الاكل يكون صحى.

ليليان : لا بقا حضرتك من هنا ورايح امور البيت تخصنى وحضرتك مالكش دعوة .... وهاعمل انا الغدا.

زين : امال ليا دعوة بايه ؟.

ليليان بمكر : اممم ليك دعوة بيا انفع .

زين : هههههههه ليليان هانم بتستخدم اسلحتها انا حاسس بكدة .

ليليان : اه اسلحه دمار شامل.

زين قرب منها : وريهالى .

ليليان : هى ايه دى ؟.

زين : اسلحه الدمارهههههه .

ليليان : ههههه تؤتؤ ممنوع .... ها يا بشمهندس مسموحلى اعمل الاكل ولا لاه .

زين قرب من شفايفها وباسها بكل رقه وحب : انتى مسمحولك بكل حاجة يا رووح قلبى .

ليليان اتجرأت وردتله نفس بوسته برقتها اللى بتجننه : انا بحبك اوى ...ربنا يخليك ليا ومتحرمش من وجودك فى حياتى ابدا يا زين الرجال .

زين : وانا بموت فيكى ياعشقى الاول والاخير.

فى قسم الشرطه

على : انت متعرفوش انا مين ولا ايه.

: ولا عاوزين نعرف ... انت ممسوك متلبس وليك عين تتكلم .

على: والله لاشيلك من وظفيتك دى ياحييييوان .

: الحيوان دة انا...... طيب والله لاربيك ... ياعسسسكرى تعال خد الزفت دة وربيه كويس ..

(على خرج من اوضه الظابط ووقف واقنع العسكرى يعطيه تليفونه يعمل مكالمه مقابل فلوس ) .

على : الو يا رعد .

رعد : ايه ياباشا انت فين ... دة الباشا الكبير قالب الدنيا عليك .

على : بطل رغى.. تعال على شرم ضرورى انا محبوس وهات معاك محامين .

رعد : محبوس ليه ياباشا .

على: فى قضيه اداب ... اخلص .

رعد : مسافه السكه .

********************

فى قصر الباشا

الباشا : الزفت دة ماله .

رعد : على بيه محبوس فى شرم.

الباشا : ايه محبووووس ليه ؟!.

رعد : احم فى قضيه اداب .

الباشا: يانهار اسود ... ياخراب بيتك يا حمدى الله يخربيتك ياعلى ... لو الصحافه شمت خبر هانروح فى داهيه .

(تليفون الباشا رن )

الباشا : الو فى ايه .

السكرتيرة : حضرتك لازم تيجى الشركه فى مصيبه تانيه.

الباشا : هو انا هاستنى لما اجاى ... اخلصى قولى فى ايه .

السكرتيرة : فيه خبر نزل على نت ان على باشا ممسوك فى قضيه اداب وصورته وهو مقبوض عليه نازله على النت واسهم الشركه فى النازل .

الباشا : اقفلى واعرفيلى مين صاحب الموقع اللى نزل كدة .

رعد : خير ياباشا .

الباشا: زين الجارحى سن سكاكينه علينا .... اللى خايف منه بدء يحصل .

رعد : ياباشا ياما قولتلك بلاش زين الجارحى دة راجل مش سهل ... وقولتلك بلاش على بيه يدخل فى الانتقام .

الباشا : ياريتنى سمعت كلامك يارعد .... على دخل بغباء انا كنت منفذ الخطه وهو كان هايمشى عليها زى ما انا قايله بس اتعامل من دماغه ... وادى دماغه وقعتنا ولسه زين الجارحى مش هايسكت .

رعد : طيب والعمل ؟.

الباشا : روحلو وخد محامين معاك وطلعه ادفع اى حاجة وطلعه منها .. وانا هاعرف مين اللى نشر الخبر دة واحاول لمه واحاول اروح لزين الجارحى اتكلم معاه مع انى مكنتش عاوز اوصل لكدة ابدا .

رعد : وتروحله ليه ياباشا .. انشاء الله هانطلع على بيه منها .

الباشا : هو انت فاكر ان زين كدة خلاص مش هاينتقم منى تانى ... تبقا اهبل هو كدة بياخد بحق صاحبه مراد .. لسه حق مراته ولسه حقه منى .. روح يارعد روح انت .

***************************

فى بيت الجارحى

زين : تسلم ايديك الاكل كان حلو اوى .

ليليان : بالهنا يا زينى .

زين : ايه بقا زينى دى انا اسمى زين .

ليليان : تؤتؤ انا اقولك يا زينى علشان انت زينى انا وبس.

زين : قولى اللى تقوليلى .. بس اوعى تقوليها قدام مراد اصله فضيحه .

ليليان : ههههه يا حرررام والله عسل وكلكوا فاهمينه غلط.

زين بحدة : ليليان .... ايه عسل دى حافظى على كلامك.

ليليان : ياخرابى يا زين منك خلاص بتلقب فى ثانيه .... ممكن اسال سؤال .

زين : قولى .

ليليان : عملت ايه فى موضوع عمى .

زين : لسه ومتسأليش فيه تانى بدام هانفذلك اللى انتى عاوزة يبقا خلاص انا لما بقول كلمه لايمكن ارجع فيها ابدا .

***********************

عند سارة

سعاد : ايش ايش ايه الحلاوة يا سارة .

سارة : ههههههه ايه رايك .

سعاد : اول مرة اشوفك لابسه كدة وحاطه مكياج كمان.

سارة : علشان بنت اختك ماهى بتتحدانى ... قال ايه البسى حلو ... انا هاوريها انا مين .

سعاد : الله يخيبك بتحطى عقلك بعقل عيله .

سارة : دى عيله دى اسكتى والنبى يا ماما دة انا اللى عيله.. المهم انا نازله بقا اصلها بقالها ربع ساعه تحت بترن وانا مطنشها علشان تتعلم الادب .

سعاد : متتأخريش لو هاتتأخرى كلمى سامر يجيبك .

سارة: اوك

(سارة نزلت ولقت ماهى تقريبا هاتولع منها واتغاظت اكتر بعد لما شافت سارة لابسه ايه ).

ماهى : ايه دا انتى اللى لابسه دة انتى اول مرة تلبسى كدة وتحطى ميكب .

سارة : علشان تتعلمى الادب ومتتحدنيش يالا وقفى تاكسى خلينا نخلص من المشوار المقرف دة .

( وقفوا فعلا تاكسى وركبو لكن ماهى فى نص الطريق واصرت انهم ينزلوا )

سارة : ممكن افهم ليه نزلتينا فى الطريق .

ماهى : استنى فى حد مستنياه جاى .

سارة : يادى النيله يابنتى احنا بنتين واقفين فى شارع ضلمه وفى وقت زى دة الناس هاتفهمنا غلط .

ماهى : خلاص بطلى كلام .. اهو جة

(سارة بتلف وراها شافت عربيه مراد بتركن وهو نازل منها وجاى مبتسم ).

مراد : ازيك ياماهى ايه القمر دة

ماهى : ميرسى مراد كلك زوق.

سارة :انتوا بتستهبلوا .

مراد همس لماهى : ماهى روحى على العربيه واركبى لغايه ما اقنع بنت خالتك علشان متبوظش الليله.

ماهى بدلع : اوك.

( ماهى مشيت ومراد طلع منديل من جيبه )

مراد بهدوء: خدى المنديل امسحى القرف دة .

سارة : قرف ! .. وانت مالك.

مراد : امسحيه اصل والله يا سارة هامسحه انا بطريقتى .

سارة : مش هامسح حاجة يا مراد واقولك والله منا جايه معاك انت والسنيورة بتاعتك فى حته سلام.

مراد : سنيورة ايه وهبل ايه ... انا اصلا عامل دة كله علشانك انتى .

سارة عيطت : اه صح بدليل تتصل تعزمها على حفله واول ما تشوفها تقولها ايه الحلاوة دى وهى اصلا مأفورة وانا متقوليش اى حاجة ولما تفكر تقولى تقولى امسحى القرف دة .. انا قرف يا مراد .

مراد : انتى هبله ... هى تحط وتلبس وانا مالى ... لكن انا مالى بيكى انتى.

(سارة عيطت وسكتت وودت وشها الناحيه التانيه وهو بص على ماهى لقاها مشغوله فى التليفون قرب منها ومسح دموعها بالمنديل براحه ومسح الروج اللى جننه اول ما شافه وهى حبست انفاسها من قربه ولمسه ايدة على وشها وحاولت تتماسك علشان متقعش مدت ايديها بعفويه ومسكت فى ايدة التانيه وهو مستمر بعذابها ولمسته اللى بتاخدها دنيا تانيه ).

مراد بهمس: اهو يا ستى مكنتيش عاوزة تمسحى الميكب انا مسحته كلها .. دة انتى كدة قمر .

سارة : ها ؟.

مراد :ها ؟... ههههههههه انتى حالتك حاله.

سارة بغيظ : والله انك بارد .

مراد : عارف .

سارة : قول للبت دى تنزل من قدام علشان اركب انا.

مراد: ههههه عاوزة تركبى جنبى.

سارة : مراد قولها علشان مامسكش فيها.

مراد : طيب يالا .

( مراد فعلا طلب من ماهى تنزل وخوفها بان سواقته سريعه وهى هتخاف وسارة ركبت جنبه وكل شويه يتعمد يلمس ايديها وهى ترتبك وتبصله بحدة علشان يسكت وهو مستمع جدا بنظراتها وتوترها).

مراد : وصلنا نزلنا .

سارة : ايه دة nightclub.

مراد : اه عيد ميلاد بنت لواء عندى فى الجهاز هنا يلا انزلوا .

سارة : وبتعمل عيد ميلادها هنا ... وابوها عادى .

مراد : ابوها جوة يابنتى ... الدنيا حلوة اوى بس انتى اللى خايبه .

ماهى: قصدك قفل ... اصل سارة اول مرة تسهر فى اماكن زى دى هههههههههه.

سارة : استغفر الله العظيم بقولك سيبك منى علشان منكدش عليكى .

مراد : يالا ندخل وقفتنا مش لطيفه.

( جم يدخلوا مراد شد سارة ومشها جنبه).

ماهى : بقولك يامراد ماتيجى نرقص... الجو هنا تحفه .

سارة : ماتلمى نفسك بقا يا زفته انتى.

مراد : روحى انتى وانا هاجى وراكى اقعد بس بنت خالتك..واسلم على الناس واجيلك .

ماهى وهى ماشيه : اوك هاروح انا .

سارة بسخريه: لا تقعدنى ايه هو انا عيله .... هاقعد انا متخافش روح هز براحتك.

مراد : هههههههههه هاتموتى من الغيرة يا سوسو .

سارة : ولا هاموت ولا حاجة .

: ايه دة مراد انت جيت طيب متسلمش عليا وانا صاحبه عيد ميلاد .

مراد : انسه لارا ازيك .. كل سنه وانتى طيبه ... اتفضلى هديتك اهى .

لارا واتعمدت تتجاهل سارة: كلك زوق يا مراد بجد انت جنتل مان .... تعال ماعرفك على اصحابى وبابى عاوز يشوفك

مراد همس لسارة : راجعلك .

سارة فى سرها: اووووف ياريتنى ما جيت ايه الخنقه دى... كل البنات عنيهم عليه وهو مش مقصر مبيزعلش حد.

: يالهوى سارة سرسورة هنا .

سارة : ايه دة مهاب ... وحشتنى يابن الايه .

مهاب شدها لحضنه : تعالى فى حضنى وحشتينى اوى يا قلب مهاب .

( دة كله ومراد متابعهم واول ما شافها بتحضنه عفاريت الدنيا جت قدام وشه ).

مراد : سسسسارة .

سارة اتخضت بعدت عن مهاب: مراد

********************

فى بيت الجارحى

فى مكتبه

(زين بيتكلم مع حد على التليفون ).

زين : ههههههه جايب اربع محامين لدرجاتى هه‍ههه يبقا يقاابلنى لو طلع منها .

: دا هايموت انا صورتو وبعت الصورة للابوة زى ماطلبت .

زين : هههه برافو ومكتبتش حاجة عليهم.

: لا طبعا كتبت مع تحيات (زين الجاااااارحى).

زين :تمام ... لو فى جديد بلغنى اول باول ... يالا روح انت شوف شغلك .

(زين قفل التليفون وركز فى الورق اللى قدامه وفجأه سمع صوت دبه فى الارض. قام يشوف فى ايه ... انصدم لما شاف ليليان مرميه فى الارض مغمى عليها ).

زي: لييييليييييان

الحلقة 25:✌✌

فى بيت الجارحى

(زين قفل التليفون وركز فى الورق اللى قدامه وفجأه سمع صوت دبه فى الارض. قام يشوف فى ايه ... اتصدم لما شاف ليليان مرميه فى الارض مغمى عليها ).

زي: لييييليييييان ...ليليان حبييتى .... دادة سميحه .

(دادة سميحه جت تجرى على صوته العالى).

دادة سميحه : ايوا يابنى .... يالهوى مالها ليليان.

زين شالها : مش عارف اتصلى على المستشفى يبعتوا دكتوره حالا .

************************

عند مراد وسارة

سارة : مراد .

مراد شدها من حضن مهاب بعصبيه : حسابك معايا بعدين.

مهاب : حساب مين يا جدع انت ازاى تشدها كدة .

مراد : وانت مالك ياروح امك.

مهاب : انا روح امى!! ... طيب انا اروح امى فعلا تعالى بقا اوريك روح امه هايعمل ايه فيك.

(مراد زق سارة بعيد واتخانق هو ومهاب ورغم ان مهاب فى نفس جسم مراد ولياقته لان مراد خبرته اعلى وقدر يتغلب عليه وطلع سكينه صغيرة وعورو بيها فى دراعه ) .

مراد : سورى بقا يا روح امك... مراد الالفى لما بيضرب حد لازم يعلم عليه .... واديك اخدت الشرف اهو .

( الكل وقف يتفرج ومحدش قادر يدخل بينهم وسارة واقفه تعيط ومش عارفه تعمل ايه ومنظر مراد خوفها وخوفها اكتر لما سحبها وراة وخرج من المكان كله ).

سارة : مراد ممكن تهدى انا هافهمك كل حاجة .

مراد بغضب : اخرسى .

سارة وقفت مراد : مراد اهدى والله انا معملتش حاجة غلط .

مراد بصووت عالى لدرجه انه فزعها : لا غلط... وقولتلك اسكتى .

مهاب خرج وفى ايدة مسدسه : انت فاكر انك هاتهرب منى واسيبك انت مش عارف انت عملت ايه ياله .

مراد : ياله انا ياله .

سارة وقفت فى وش مهاب ومراد فى ضهرها : مهاب ارجوك نزل سلاحك مينفعش كدة .

مراد : اوعى من وشى مااشوف الاهبل دة بيعمل ايه .

(مهاب ضرب طلقه جت جنب مراد بالظبط وسارة صوتت واستخبت فى حضن مراد ).

مراد بصوت جهورى : انت مجنون انت كنت هاتموتهاااا.

مهاب : هو انا مقولتلكش ان ظابط فى عمليات الخاصه وبعرف نشانى رايح فين .

مراد : حصلنا القرف ياخويا.

(سارة كانت بترتعش جامد فى حضن مراد ...واخيرا صوتها طلع ).

سارة عيطت : مهااب .. مراد لو سمحتوا اهدوا بقا حرااام كدة .

مهاب : مين دة وازاى واقفه فى حضنه.

ماهى اتكلمت : دة الرائد مراد الالفى ظابط فى المخابرات يامهاب .

مهاب : الله الله وانتى كمان جايه ... ايه الحلاوة دى .

(سارة انتبهت انها فى حضن مراد ... حاولت تبعد عنه بس هو رفض وحاوطها بايدة).

مراد : ماهى يالا خلينا نمشى .

مهاب : انطقى قولى مين دة .

ماهى : انت بتزعقلى ليه .. اتكلم باسلوب احسن من كدة .

مهاب : والله اتكلم ازاى بقا يا ابله ماهى .

سارة همست لمراد : مراد علشان خاطرى سيبنى ... اروح افهمه مهاب وماهى علاقتهم متوترة اصلا وكدة هاتبوظ اكتر.

مراد : علاقتك بالزفت دة ايه؟ .

سارة : ابن عم ماهى واخويا فى الرضاعه.

مراد : روحى واقفى بعيد واياكى حتى تقربى منه سنتى واحد انتى حرة .

سارة : حاضر

مهاب : اخيرا قدرتى تخرجى من حضنه ياست سارة .

مراد : استغفر الله العظيم .... انت ناوى على موتك انهاردة .

سارة : مهاب لو سمحت ممكن نتكلم على جنب .

مراد بحدة : نتكلم على جنب فين اتكلمى قدامى هنا.

سارة: مراد انا قدامك اهو ... سيبنى اخلص الموضوع دة .

مراد : خلصى الزفت علشان مخلصش عليه .

***********************

فى بيت الجارحى

زين : ها يا دكتورة عندها ايه.

: خير يافندم هى بس عندها التهاب فى جدار المعدة ومعدتها حساسه جدا واظاهر عكت فى الاكل جامد .

زين : ودة سبب اغمائها .

: هى ضعيفه ومش بتتغذى كويس واظاهر ان الالم كان شديد ومش استحملته.

زين : تمام متشكر يا دكتورة .. اتفضلى انتى .

(دكتورة مشيت وزين دخل لقاها نايمه مبتسمه وهو باصلها بغضب ).

ليليان : ممكن تيجى .

زين : لا ونامى انتى .

ليليان : اخص عليك يا زين هاتسيبنى تعبانه وتمشى.

زين : انا زعلان منك.

ليليان : ليه عملت ايه ؟.

زين : انتى اكيد كنتى عارفه كويس ان معدتك حساسه صح.

ليليان : صح .

زين : عكيتى ليه بقا فى الاكل .

ليليان : انا مش هاقولك ليه غير لما تيجى وتقعد جنبى .

(زين اتنهد وراحلها وقعد قصادها وهى قامت وقعدت فى حضنه ).

ليليان : انا معدتى حساسه فعلا .. بس انا يا زين بعدت فترة كبيرة عن الاكل دة طبيعى لما ارجع اكله تانى اتعب .

زين : خلاص مفيش اكل من دة تانى وهاتاكلى صحى وبس.

ليليان : لا ماخلاص انا اخدت الصدمه الاولى ههههه مش هايحصلى حاجه تانى .

زين : انتى بتضحكى !!.

ليليان : امممم خوفت عليا .

زين : انت بتسألى !...... انا فى الاول مكنتش بخاف على حاجة .... لكن دلوقتى بقا خوفى متمثل فيكى انتى .. انا لو هاطول اخبيكى من الدنيا بحالها هاعملها ومش اتردد ثانيه .

ليليان : طيب ما تخبينى يازين انا عاوزة استخبى .

زين : قريب اوى يا روح زين هاخطفك واخبيكى ... قريب اوى .

***********************

عند سارة

سارة : فهمت بقا يا مهاب ..ماهى ملهاش دعوة بحاجة .

مهاب : فهمت بس خروجك معاه غلط ولسه مفيش بينكوا حاجة .

سارة : عارفه. .... بس خلاص هو هايتقدم .

مهاب : وايه معطله بقا مش حضرته رائد فى المخابرات له وزنه ياعنى فين العطله .

سارة : العطله عندى انا ... كنا مستنين بابا واهو جة من السفر .

مراد قرب منهم : مش كفايه كدة ياهانم ولا ايه .

سارة : خلاص خلصت .

مراد : يالا علشان نروح .

مهاب : لا مش هاتروحهم انا اللى هاروحهم .

مراد : وقسما بالله ثانيه كمان وهاقتلك فعلا.... انا على اخرى منك .

سارة اخدت مراد بعيد : مراد انا لازم امشى معاه علشان الامور متتعقدش اكتر .

مراد : لا .

سارة : مراد دة اخويا .

مراد : ماشى ياسارة .. انا هاوافق بس علشان امك متعرفش وترفض بزيادة .... وهامشى وراكوا بالعربيه.

**********************

عند عاصم ويوسف

يوسف بتعب : انا خلاص جبت اخرى... هو هايجى امتى .

عاصم : مش عارف .

يوسف : معقول عم شاكر مبغلش عن اختفائنا المفاجئ دة .

عاصم : لا يبلغ ايه وهو دلوقتى بقا عدونا ... بعد ما كان حبيبنا .. قلب ضدنا .. وبعدين يوم ماكنت مسافر اسكندريه وسألنى رايح فين قولتله رايح اصيف .

يوسف : تصيف ايه يابابا فى الجو دة ..... ياعنى ايه هانموت هنا ومحدش يحس بينا .

عاصم : شكلها كدة .

فى بيت الجارحى

( زين واخد ليليان فى حضنه ونايمه من التعب وهو سرحان فيها تليفونه رن ).

زين : خير مبتتصلش بليل الا اذا كان فى مصيبه .

مراد : انا تحت البيت اطلع ولا لاه .

زين : اطلع انا صاحى .

ليليان بنوم : مين دة .

زين : دة مراد جاى يقعد معايا شويه نامى انتى واياكى تنزلى تحت .

ليليان بنوم: لا انا هنام .

زين : نامى يا قلبى .

******************

فى الشرقيه

شاكر فى سرة : ياترى انت فين يا عاصم ...مصيف ايه فى الجو دة .

كريمه جت عليه لقته سرحان: ايه بتفكر فيهم.

شاكر : قصدك فى مين ؟.

كريمه : فى عاصم ويوسف .

شاكر : ايوة .. انتى تعرفى هما فين .

كريمه : اه اعرف.

شااكر : انطقى قولى ..تعرفى ايه.

كريمه : بياخدو جزاتهم .

شاكر : جزاة ايه .. ماتنطقى على طول يا كريمه.

كريمه : اممم انت تعرف انهم عرفوا مكان ليليان وراحوا علشان يخطوفها ويمضوها على ميراثها من وراك .. بس ياحرام زين الجارحى مسكهم وعلمهم الادب.

شاكر : مين زين الجارحى .

كريمه : جوز ليليان .

شاكر : هى ليليان اتجوووززت !.

كريمه : اه .. وهما كانوا عارفين ومخبيين علشان تعرف بس ان عاصم بتاع مصلحته وبس .

شاكر: طيب وانتى عرفتى منين دة كله .

كريمه : عرفت وخلاص عن اذنك .

******************

فى بيت الجارحى

زين : مالك.

مراد : مخنوق. .. حاسس الدنيا بتبعدها عنى كل شويه .

زين : ولا بتبعدها ولا حاجة انت بس اللى مش قادر تاخد قرار صح .

مراد : طيب قولى اعمل ايه اروح لابوها.

زين : غلط متروووحش لابوها روح لامها وكلمها الاول.

مراد : اروح لامها يا زين وابوها موجود.

زين : اه يامراد روحلها على المدرسه انت لو اقنعت امها يبقا ابوها اعتبرة اقتنع.

مراد : ربنا يستر وممسكش فى امها واتخانق معاها .

زين : وتتخانق ليه ... اللى عاوز حاجة بيستموت عليها استموت على سارة لغايه ماتبقا مراتك وام عيالك.

مراد : هى اه هاتبقا مراتى ... بس مش ام عيالى .

زين : ليه ؟.

مراد : انا مش عاوز اخلف .

زين : انت اتجننت يا مراد مش عاوز تخلف ازاى وليه اصلا؟.

مراد : لا متجننتش انا صح انا مش هاخلف وارجع اتوجع نفس الوجع تانى يا زين ... كفايه اوى انى حبيتها وهاتجوزها .

زين : لا والله كتر خيرك بجد .

مراد : انت عاوزنى اخلف ويحصلها حاجة واحس بنفس الوجع تانى ويبقا المى مضاعف هى وابنى .

زين : انت خلاص قررت انها هاتخلف ويحصلها حاجة هى وابنك .

مراد : انت بتتكلم كدة علشان محستش بنفس بوجعى .

زين : قولتلك لا حسيته يا مراد لما ابويا وامى ماتوا واتكسرت ... احساس الوجع واحد يامراد بس ببختلف من شكل لشكل .

مراد : طيب انا معاك فى كل اللى بتقوله ... ليليان لما اتخطفت كنت هاتموت عليها ولا لاه.

زين : اه طبعا كنت هاموت وكنت خايف يجرالها حاجة .

مراد : اهو طيب ولو ليليان كانت حامل بقا يا زين كان هايبقا احساسك ايه .

زين : نفس الاحساس هاموت عليها هى ...انا مش هاموت على عيل لسه مجاش الدنيا يامراد انا هاموت على اللى حبيتها وعشقتها ... انت موت على كاميليا وابنك لما ماتوا مع ان ابنك كانت كاميليا لسه حامل فى كام شهر فيه ... عارف ليه علشان محبتش كاميليا انت حبيت العشرة .

مراد : مش مقتنع بيك يا صاحبى .

زين : براحتك متقتنعش بيا بس هاتزعل اوى لما العمر يجرى ومتلاقيش حته عيل تسند عليه .

مراد : طيب انت ليه ماخدتش خطوة جد فى حياتك انت وليليان لغايه دلوقتى.

زين : علشان مش عاوز اخدها كدة والسلام عاوز افرحها اعملها حاجة تفضل فاكرها عمرها كله وبتحكيها لعيالنا .

مراد : عيالك ! انت نفسك تخلف .....انت مكنتش كدة.

زين : طبعا نفسى اخلف ويبقا عندى عيال ولما اكبر اتسند عليهم ... يمكن اقبل ما اقابل ليليان كنت عادى مش فى دماغى ... بس بعد ما قبلتها وحبيتها لا انا نفسى اجيب منها دسته عيال ....عارف ليه علشان بعشقها.

مراد : يبقا انا لسه معشقتش سارة.

زين : لا عشقتها بدليل انت واقف بتناقشنى فى حاجة ونفسك فى عكسها ... بس انت سايب الخوف متملك منك .

مراد : مش هاقدر يا صاحبى اعيش نفس اللى عيشته تانى ... مش هاقدر .

*****************************

عند سارة

سعاد : وانت بتحكيلى ليه دلوقتى .

سارة : بحكيلك علشان ما تقوليش بتخبى وبتكدبى عليا .

سعاد : طيب ليه كدبتى على مهاب انك انتى اللى خارجه معاه مش ماهى.

سارة : ياماما ماهى ومهاب علاقتهم باظت اوى وبسبب اللى عمله مهاب فيها هى اتدمرت وبقت واحدة تانيه ... طيب والله بتصعب عليا اوقات رغم لسانها اللى عاوز اقطعه ... مش سهل ابدا ياماما تشوف اللى بتحبه بيخونها ... وكمان هو مدهاش اسباب و كمان سكت ... وادى النتيجه بعدوا عن بعض بس قلوبهم متعلقه ببعض.

سعاد : طيب يا سارة انا مبسوطه جدا انك حكتيلى ومخبتيش حاجة عنى .. هى دى بنتى اللى اعرفها .

سارة : ست الكل انا اسفه على الفترة اللى فاتت دى كلها .... مش هاترجع تانى صديقنى .

***************************

صباحا وتحديدا فى المدرسه اللى بتشتغل فيها والدة سارة .

: مدام سعاد فى واحد برة عاوز يقابلك ندخله .

سعاد : دخله .

مراد : السلام عليكم .

سعاد : لا انت بجح بقا وجاى برجلك لغايه عندى ...امشى اصل اصوت والم المدرسه كلها عليك .

(مراد قعد وبكل هدوء )

مراد : اقعدى يا حجه بس الكلام اخد وعطا.

سعاد : مفيش كلام ما بينا يا سيادة الرائد ... برة

**************"*********"*

عند عاصم ويوسف

زين : قالولى انك عامل دوشه وعاوزنى خير.

يوسف : انت حابسنا باى. وجه حق .

زين : بحق انك خطفت مراتى .. وكنت تقريبا عاوز تمضيها على ميراثها.

يوسف بحدة : بس متقولش مراتك .. فين موافقه اهلها .

عاصم : اسكت انت يا يوسف .

زين : مراتى غصب عنك وعن ابوك وعن اى حد يتشددلك .

عاصم : ياباشا قول طلباتك .

زين : حاليا ماليش... بس هافكر ...كملو بقا قعدتكوا مع بعض.

(زين ماشى وامرهم يديوا عاصم ميه بس وعلى فترات بعيدة وويوسف يتوصوا بيه فى الضرب ).

عاصم : انت غبى انا مش قايلك تسكت وتتكتم وانا هاتكلم .

يوسف : اعمل ايه عصبنى بدخلته دى .

عاصم : اخرس يا متخلف ... اخرس خالص. ابقا قابلنى بقا لو جه تانى وادينا اهو محبوسين وشكلنا هانموت هنا .

**********************

فى الجامعه

ليليان : الامتحانات دخلت وشكلنا هانسقط .

سارة : هههههه اه الصراحه فاتنا كتير بس لازم ننجح ... فى الاجازة يا ليليان فى تدريب فى شركه هندسه حلوة اوى وكبيرة موت اسمها العز للمعمار كل سنه بياخدة احسن الطلاب وتدريب يبقا فيها كله خبرة .

ليليان : تمام شدى حيلك انا هاخلى زين يذاكرلى وانتى لو مفهمتيش حاجة قوليلى وانا افهمك .

سارة : ربنا يخلى زين الجارحى لينا ... مشهيصنا والله .

*********************

فى شركه الجارحى

سهيله : زين باشا ... الباشا حمدى عاوزك .

زين : دخليه بس بعد ربع ساعه علشان معايا مكالمه تليفون مهمه .

سهيله : امرك يافندم .

( سهيله خرجت وبلغت الباشا وادايق جدا )

الباشا فى سرة : بقا كدة يا زين تعمل كدة ... عاوز تكسرنى .... ليك حق ماهو ابنى هو اللى عمل فينا كدة من الاول ولعبها غلط ....وادينى اهو درسى تحت ايدك

*******************

عند سعاد

سعاد : ادينى سمعتك اهو طلبك مرفوض.

مراد بضيق: ليه ؟.

سعاد : علشان انت متجوز قبل كدة انا اية اللى يلزمنى انى اجوز بنتى واحظ كان متجوز وكمان مراته كانت حامل منه .

مراد : اللى يلزمك .. انى بحبها .

سعاد : لا انت مبتحبهاش... انت واخدها بديله لمراتك يامراد وانا بنتى مش بديله لحد .

علق ب10 ملصقات لتصلك باقي القصة👉

قصة عشق زين للكاتبة زينب محمد الجزء الأول 

الحلقة 26:✌✌

عند سعاد

سعاد : ادينى سمعتك اهو طلبك مرفوض.

مراد بضيق: ليه ؟.

سعاد : علشان انت متجوز قبل كدة انا اية اللى يلزمنى انى اجوز بنتى واحد كان متجوز وكمان مراته كانت حامل منه .

مراد : اللى يلزمك .. انى بحبها .

سعاد : لا انت مبتحبهاش... انت واخدها بديله لمراتك يامراد وانا بنتى مش بديله لحد .

(مراد سكت وفضل شويه وقت يبصلها وهى اتوترت من نظراته اللى مش قدرت تحدد هى ايه بالظبط حست انه بيتحداها او ممكن فعلا بيحب بنتها بس فى الاخر نظرة الحزن مش قادر يخبيها ).

مراد بهدوء: انتى معترضه على قضاء ربنا.

سعاد : لا طبعا .

مراد : انا كمان معترضتش ورضيت بحياتى ... انا يمكن لو كنت قابلت سارة قبل كاميليا كنت حبيتها فعلا ويمكن سارة كانت مكانها دلوقتى ...... .

( سكت فى اللحظه دى وحس انه اتخنق ومش قادر يتخيل فعلا لو كانت سارة مكان كاميليا كانت حياته هاتبقا ازاى من بعدها .. اتخنق لدرجه انه عاوز يمشى وشال فكرة جواز سارة من دماغه ).

مراد قام وقف : انا ماشى .

سعاد: ايه هربت ومكملتش ليه .

مراد : لانك مصرة تحطينى فى خانه انا مش عاوز اوصلها ... انا عاوز اعيش اللى باقى من عمرى مع اللى الانسانه اللى بحبها... انا حبيت سارة لدرجه ان خالفت عهد انا عهدته لنفسى ان مبحبش ولا افتح قلبى حد وانا اول مرة اخلف عهد انا عهدته .

سعاد بتنهيدة : خطوبه تلات سنين .

مراد : تلات سنين ليه !

سعاد : هو كدة انا هابقا مطمنه اكتر واشوفك حبيتها فعلا ولا مجرد تعلق بيها .

مراد : هاثبتلك ... بس عاوز اكتب كتابى .

سعاد : لا .

مراد : لا هاكتبه انا عاوز انزل معاها براحتى واقابلها براحتى وامسك ايديها مش عاوز قيوود ومتخافيش انا فاهم فى الاصوول كويس .

سعاد : اليوم اللى هاتيجى فيه فى التلات السنين تقولى انا عاوز اتجوزها بجد هاقولك وقتها سيبهااا لازم تكون قد الوعد .

مراد : انا مبرجعش فى كلمه قولتها لحد .. مع انى مش فاهم وجهه نظرك بس انتى ام وادرى .

سعاد : بكرة لما تخلف ويبقا عندك بنت .. هاتعرف وقتها معنى خوفى ووجهه نظرى .

مراد بغموض : انشاء الله .... اجاى اتقدم امتى ؟.

سعاد : هاقول لباباها الاول واخليها تكلمك تبلغك بالميعاد وتجيب اهلك .

مراد : ماليش اهل ... ماليش الا خال وحيد وعايش فى النمسا وله حياته ومش فاكرنى ... ماليش الا زين الجارحى هاجيبه هو مراته طبعا ... عن اذنك .

سعاد: ماشى يابنى ... انشاء الله خير .

*********************

فى شركه الجارحى

زين: خير يا باشا جاى بنفسك شركه الجارحى ليه ؟.

الباشا : ايه هو ممنوع اجاى .

زين : لا تعالى فى اى وقت بس انا خايف عليك من حرقه الدم لما تدخلها كدة وانت كنت فى من الايام هاتموت عليها وتبقا قاعد مكانى .

الباشا بغيظ : بلاش نتكلم فى الماضى يا زين .

زين ببرود : ليه بلاش .

الباشا : علشان منزعلش من بعض .

زين : تؤتؤ بلاش نتكلم فى الماضى علشان انت خايف ادفنك مكانك هناااا بسبب اللى انت عملته زمان .

الباشا : زين انا جاى علشان تخف على ابنى شويه .

زين : ليه هو ابنك ماله .

الباشا : انت عارف كويس ماله .

زين : ههههه اه قالولى الصبح انه مقبوض عليه فى قضيه اداب ههههه صورو ماليه الدنيا وهو ملفوف فى الملايه .

الباشا : اللى انت عاوزو خدوة بس طلعه منها .

زين : هههه وانا مالى هو انا وزير الداخليه .

الباشا : لا بس كلنا عارفين مين زين الجارحى وبكلمه منه يقدر يقلب البلد .

زين : ولما انت عارفنى كدة بتلعبوا مع حد انتو مش قدة ليه ... زقيت ابنك فى طريقى ليه وانت عارف ان مصيرة الموت .

الباشا : من شباه اباه فما ظلم ... كلك ابوك .

زين : ههههه لا غلط انا كلى ابويا فى الشكل اه فى النجاح اه فى الذكاء اه فى القوة اه لكن انا مش نفس طيبته ...هو طيب لدرجه انه اكتشف ان صاحب عمرة اللى جابه من الشوارع وعمله بيه كبير بيسرق من وراة وسابه ومحبسهوش ... ولا حتى طالب بفلوسه اللى الخسيس سرقها ... من كتر طيبته طمعك فيه وخلالك تفكر تموته .. عارف هو لو نص شرير مكنتش قدرت تعمل معاه اللى انت عملته ... علشان كدة بقولك انا مش طيب ... انا عايش عمرى كله عاوز انتقم منك واهو بدأت ولسه التقيل جاى وراة انا هاخليك تدوق العذاب انواع .

الباشا : طلع ابنى وانا هاصفى املاكى واخاد ابنى واهاجر برة البلد .

زين : لا .

الباشا : يبقا انت اللى بدأت وزى ما لعبت مع ابنى وحرقت قلبى عليه هاحرق قلبك على مراتك .

زين قام من مكانه وراح لغايه عندة ونزل بجسمه لمستواة : دة انا اقتلك واشرب من دمك لو فكرت فيها مجرد التفكير بس .... انا قولتلك انا غير ابويا .... انا غول ... خاف منى ... ويالا اطلع برة .... وقتك خلص معايا .

*************************

فى بيت سارة

عبد الله : امال انت كنت فين امبارح متأخر كدة يا سامر .

سامر : كنت عند مهاب .

سارة بخوف : احم مهاب مين ... مهاب اخويا .

سامر : اه ماهو انا كلمته بعد ما اوصلك انتى وماهى وجه قعد معايا شويه واتأخرنا فى السهرة .

سارة بخوف: اممممم .

عبد الله : عامله ايه سارة فى الدراسه .

سارة : الحمد لله يابابا خلاص هانمتحن اهو .

عبدالله : اتجدعنى كدة .

سامر : سارة ساقطه يابابا دى فاشله .

سارة : اهو الحقد بان اهو .

سعاد : اشربوا العصير واسكتوا علشان عاوزة اتكلم مع ابوكوا شويه .

عبد الله : خير .

سعاد : فى عريس متقدم لسارة .

سارة بخوف : ايه... عريس ايه ياماما انا لسه مخلصتش .

سامر : والنبى اتنيلى انتى لايقه حد ... دة اكيد امه داعيه عليه .

(سارة عيطت بس مش من كلام سامر ... بسبب خوفها من العريس الجديد وشكل امها مقتنعه بيه ).

سامر : ايه دة يا سوسو .. انتى طلعتى بتحسى زينا .

سعاد : بس ياسامر ... وانتى امسحى دموعك ... اسمعى الاول ظروفه ايه .

عبدالله : ظروفه ايه ....ومين دة .. وليه جالك انتى مجاليش انا ليه .

سعاد بصت لسارة : اسمه مراد الالفى ... ورائد فى المخابرات مشاء الله عليه طول بعرض ومقتدر باين عليه وظروفه حلوة اوى ومشاء الله لبق فى الكلام وشارى ست سارة .

سامر : ايه دة انتى بقيتى تعرفى ناس نضيفه يابت ياسارة .

عبد الله : هو شافها فين ؟.

سعاد : يبقا صاحب زين الجارحى اللى حكتلك عليه امبارح ... شافها مع ليليان وجالى علشان يتقدم ميعرفش انك جيت من السفر .

عبد الله : وانتى رايك ايه ؟.

سعاد : الواد كويس اوى وممعروف وبعدين انا كلمت كذا واحدة صاحبتى ولادهم ظباط يسألوا عليه ومشاء الله عليه فعلا شخص كويس وبعدين بقولك صاحب زين الجارحى ...هو زين دة اى حد ولا ايه .. وبعدين انا من رأى تخليه يدخل وتتكلم معاه ولو عجبك اطلب خطوبه تلات سنين .

سامر : ايه خطوبه تلات سنين واحنا مش موجودين لا طبعا ... وبعدين سارة لسه صغيرة مش مستعجلين عليها .

عبد الله : سامر عندة حق .

سعاد بهدوء : لا مش عندة حق انا ام وشايفه ان دى فرصه كويسه .

سامر : ياماما انتى شدك المظاهر بس .

سعاد بحدة : وانا من امتى كدة يا استاذ سامر ..الواد راجل.

سارة فى سرها: لو سمعك وانتى بتقولى عليه واد هايقتلك ياماما .

سعاد : اسمع كلامى خليه يجى ويتقدم وشوفه واطلب منه خطوبه تلات سنين وانشاء الله خير وبعدين يا استاذ سامر ابوك سايب راجل وراة امك مش اى حد انا اعرف احمى بنتى كويس .... انا ربيتكوا انتو الاتنين وهو مسافر وكنت لوحدى .

سامر : ست الكل انا اسف بس انتى اكيد فاهمه كلامى.

سعاد : ها اقوله ايه ؟.

عبد الله : هاتخلصى امتحاناتك امتى ياسارة .

سارة: كمان شهر يابابا .

عبد الله : خلاص بعد امتحانات سارة .

***************************

فى شركه الجارحى

سهيله : ايوا يا افندم .

زين : سلمى شغلك لمدام وفاء هاتمسك الشغل مكانك .

سهيله بخوف : ليه يافندم!

زين : كدة ... انتى عارفه كويس انتى ههببتى ايه فى الايام الاخيرة .. وعارفه كويس عاقبك كان ايه .. بس انا رأفه بحاله امك المريضه هاطردك من شغلك ... واياكى اشوفك معتبه مكان ملك لجارحى تانى...يالا طرقينا.

فى بيت سارة

سعاد : بتعملى ايه .؟.

سارة : بذاكر ياماما .

سعاد : كلمتى مراد .

سارة : لا والله ياماما .

سعاد :طيب كلميه قوليله بابا وافق تيجى بس بعد الامتحاناات وقصرى فى الكلام معاه هما كلمتين وبس ... انا خارجة اشوف ابوكى واخوكى .

(سارة اتصلت على مراد بس مردش عليها فكرت تتصل بمهاب وتشكرة انه مقالش لسامر حاجة ).

سارة : هوبا .

مهاب : ايه ياختى .

سارة : عاوزة اشكرك علشان مقولتش لسامر حاجة .

مهاب : انا مقولتش لسامر حاجة علشان انا واثق فى اختيارك وكمان انا مش غبى وشوفت هو بيحبك ازاى .

سارة : ربنا يخليك لينا ياهوووبا وبعدين خلاص هو جة واتقدم ...... ادعيلى انت بس.

مهاب : وقعتى على بوزك يا سوسو .

سارة : هههههه اه . الا صحيح انت مقولتليش رجعت امتى من اسكندريه .

مهاب : دى اجازة بسيطه وخلاص روحت اسكندريه تانى .

سارة بتنهيدة : اتخانقت مع ماهى بردوا .

مهاب : امممم .

سارة : معلش يا هووبا ماهى صغيرة وبكرة تفهم الوضع كله .

مهاب : يارب تكبر لانى خللت جنبها والله .

سارة : انشاء الله الصغنن بكرة يكبر.... بقولك هاقفل معاك اصل معايا ويتينج .

مهاب : سلام ياختى روحى كلميه .

سارة : هههههه سلام يا هوبا .

( سارة قفلت مع مهاب وردت على مراد ).

مراد : حضرتك انتظار مع مين دة كله.

سارة : دة كله ايه انا مكملتش ثوانى .... وبعدين انت اللى كنت فيه اتصلت مرتين مردتش .

مراد : كنت فى شغلى ... كنتى بتكلمى مين .

سارة : مهاب .

مراد بحدة : ليه ؟.

سارة : كنت بكلمه علشان اشكرة ان مقالش لسامر حاجة .

مراد: امممم

سارة : مالك ؟.

مراد : مفيش متصله ليه .

سارة زعلت من طريقته وحست انه ندم انه جة واتقدم : مفيش .. سلام .

مراد : سارة قمصه هانم .. انا فى شغلى ولما بكون فيه ببقا واحد تانى غير اللى تعرفيه ... قولى فى ايه .

سارة بزعل : ماما كلمت بابا واقنعته وبابا قال يجى يتقدم بعد الامتحانات دة لو انت عاوز .

مراد : ايه لو انت عاوز دى .... طيب ليه بعد الامتحانات ما اجاى انهاردة .

سارة : معرفش هو قال كدة .

مراد : عيله قفله ودماغها جزمه .

سارة : عن اذنك .

مراد بتنهيدة : خدى هنا .. انتى اتقمصتى .

(سارة عيطت لانها مش عارف مراد حبها فعلا ولا هو مش عاوز يطلع عيل ويطلع قد كلمته فضلت السكوت).

مراد : متزعليش بقا يابطه.. انا لما ببقى فى شغلى ببقا واحد تانى .

سارة : انا مش بطه وبطل تقولها علشان بتعصبنى .

مراد : طيب يابطه سلام علشان اشوف اللى ورايا .

سارة : يوووووة والله انك رخم.

مراد : ههه‍هههههههه اوى .

*************************

فى بيت الجارحى

زين : دادة ... ليليان فين ؟.

دادة سميحه : ست البنات مطلعنا كلنا من المطبخ علشان تعمل كيكه بالشوكلاته.

زين : ياعنى هى فى المطبخ لوحدها .

دادة سميحه : اه يابنى

( زين دخل لقاها واقفه فى المطبخ لابسه قميص قطنى قصير هو كان مثير بس ليليان دمرت المنظر بالكلوك اللى فى رجليها على هيئه ارنب ورافعه شعرها لفوق وبتغنى ومندمجه مع الكيكه ..جة هو من وراها وحضنها من ضهرهاودفن وشه فى رقبتها اللى بتجننه ).

ليليان : يالهوى اتخضيت يا زين .

زين بهمس : كملى الاغنيه .

ليليان : لا اوعى عيب حد يشوفنا .

زين بنفس همسه : محدش يقدر يدخل بدام انا موجود هنا .

ليليان : احم طيب اوعى اعمل الكيكه .

زين : انتى بتعملى كيكه واكل تانى وانا مش هااكلك منه.. انا مش ناقص اشوفك بتتوجعى تانى.

ليليان بمكر: ههههههه اوك وانا مش هاغنيلك.

زين : خلاص هاخليكى تاكلى حته صغننه .

ليليان : ههههه‍ههههه خلاص هاغنى حته صغننه.

زين : ماتهدى وتبطلى ضحك اصلها والعه لوحدها والله مش محتاجه .

ليليان.: ههه‍هههههههههههه

زين : اسكتى قولتلك ... وغنى .

ليليان : طيب اوعى علشان اعرف اغنيلك .

زين : لا هاتهربى منى ... غنى وانا حاضنك وبعدين وطى صوتك وانتى بتغنى عاوز اسمعه انا بس .

ليليان غنت وكان صوتها جميل جدا وغنتله بهمس زى ما طلب وهو كل كلمه فى الاغنيه كان بيبوسها فى مكان شكل :كان لك معايا اجمل حكايه في العمر كله سنين بحالها مافات جمالها على حب قبله .شهوررر ومرت زي الثواني في حبك انت ....وان كنت اقدر احب تاني احبك انت .....كل العواطف الحلوه بيننا

....كانت معانا حتى في خصامنا

وازاي تقول انساك واتحول وانا حبي لك اكتر م الاول

واحب تاني ليه واعمل في حبك ايه

دا مستحيل قلبي يميل ويحب غيرك ابدا

اهو ده اللي مش ممكن ابدا.

زين : صوتك حلو اوى .

ليليان تاهت من لمساته : عارفه .

زين : بس قوليلى هى باين سنين وعدت فى حبك انت... مش شهور وعدت .

ليليان لفتله : لا هى شهور انا اعرفك من شهور وهى عدت زى الثوانى فى حبك انت .... ههه‍ههه‍هههههه

زين : ماقولنا بطى ضحك. ....هو انا بقولك ايه علشان تضحكى .

ليليان : هههههههههههه اصل غريبه زين الجارحى واقف بنفسه فى المطبخ ... قالولى انك عمرك ما دخلته.

زين : هههه اممم زين الجارحى حصونه بتنهار والله .

ليليان غمزتله بعنيها.: ولسسسسه .

زين : ههههههه مانشووف ..... اقولك على خبر حلو .

ليليان : قوول .

زين : تؤتؤ .. هاتى بوسه الاول .

ليليان : هههههههههههه لا ارجع زين الجارحى ابوس ايدك .. انت مالك فى ايه .

زين : ههههه‍ه والله انا مستغرب نفسى .. بس برضوا مش هتنازل عن البووسه .

ليليان جريت منه : ابقى قابلنى ه‍ههههههههه.

(طلعت تجرى على الجناح الخاص بيهم والشغالين فى البيت شوفها والصدمه الاكبر ان زين الجارحى كان بيجرى وراها وبيضحك وبعدين وقف لما شافوة ورجع زين الجارحى تانى ).

زين بحدة : ايه فى ايه عمركوا ماشوفتوا حد بيجرى فى بيته .... يالا كل واحد على شغله .

زين فى سرة : انت انهرت فعلا يا زين .

*****************************

مر الشهر بسرعه من انشغال ليليان وسارة بالامتحانات وزين مكمل انتقامه فى الباشا وعلى ابنه اللى بيلبسه كل شويه قضايا مختلفه مرة تهريب اثار مرة مخدرات واخيرا قتل نورة.... وعاصم ويوسف اللى لسه محبوسين وبيتمنوا مجيه زين بفارغ الصبر ومراد اللى رجع لشغله وحياته تانى ومناقرته مع سارة اللى مبتخلصش ابدا وتعلق سامر بليليان اللى كان بيتعمد يوصل سارة لكليتها علشان يشوفها ويكلمها ... وتحمل زين بالعافيه لشهر دة وعاوزو يعدى بفارغ الصبر وجة اليوم المنشوود يوم مراد وسارة

*******************

فى الاسانسير

مراد : ايه رايك فيا يا ليليان قمر صح .

زين : والله ارزعك بوكس فى وشك ابوظلك خريطه وشك.

مراد : عنيف انت يا زين .. وبعدين متكلمنيش كدة دة انت فى مقام ابويا .

زين : ابوك مين يا حيوان انت..... وبعدين فى حد يدخل على الناس بورد اسود .... انت رايح عزا يا مجنون.

ليليان : ههههههه

زين باصلها بحدة : اسكتى .

مراد : ايش فهمك انت فى الذوق العالى .... دة اللون الاسود دة فخم كدة ... وبعدين علشان يفهموا انهم لو ضايقونى هاخليها سواد على دماغهم .

زين : بس بس لم لسانك الزفر دة ... انت رايح تتقدم ولا رايح تتخانق .

مراد : وصلنا .... بقولك اقبل ما اخبط ابقى الحقنى اصل اعك وانا مش حاسس .

زين : طيب خبط .

( سامر فتح الباب وابتسم اول ما شاف ليليان وعينه مشالهاش من عليها وزين رافعله حواجبه )

مراد: احم هانفضل كتير ولا نتفضل ندخل.

سامر: ها ؟.

مراد : اصمالله عليك يا خويا ... ايامك فى الدنيا بقت معدودة .

سامر : احم ... اة.... اتفضل .

( مراد دخل وزين مسك ايد ليليان مسبهاش لحظه ... ومش عاوز يتهور علشان ليله مراد تعدى ).

سعاد : اهلا اتفضلو. .. ايه دة يالهوى يابنى ورد اسوود .

سامر : ههههه شكله معقد يا ماما .

مراد بهمس : يا ظرافه امك.

( بعد المجاملات وكلام كتير وخروج سارة اللى مراد طول ماهو قاعد بيغمزلها وبيوترهاش )

زين بهمس : اتلم شويه... ابوها قاعد

مراد : احم ... ندخل فى الموضوع بقا يا حج .

عبد الله : قول الى عندك يابنى .

مراد بص لزين : اتكلم .

زين اتصدم : اتكلم ايه .

مراد بهمس : قول انا نسيت اللى حفظته.

زين : احم يا حج ... احم مراد صاحب عمرى وشريكى وراجل يعتمد عليه انا مبشكرش فيه علشان صاحبى بالعكس انت ممكن تسال عليه... احم هو لما شاف الانسه سارة اعجب بيها وحب يدخل البيت من بابه .. و احنا طالبين ايد الانسه سارة واللى تطلبه اكيد طبعا احنا موافقين عليه .

عبد الله : انا سألت فعلا وطلع شخص محترم .

مراد : تسلم يا حج .

عبد الله : انا ماليش طلبات كل اللى انا عاوزو يعامل بنتى بما يرضى الله انا ماليش غيرها وهى نور عنيا .

مراد : فى عنيا يا حج .

عبد الله : باذن لله خطوبه هاتكون تلات سنين .

زين : مش كتير يا استاذ عبد الله .. خصوصا مراد مقتدر وجاهز ياعنى مش محتاج يكون نفسه .

عبد الله : كدة احسن اهو يعرفوا بعض لو فهموا بعض تمام خير وبركه ... مقدروش يبقا الموضوع خلص من غير خساير.

مراد : اللى انت شايفه ... بس عاوز اكتب الكتاب .

سامر : وليه الاستعجال دة .

مراد : علشان اقدر اخرج معاها واجيبها اوصلها اقدر ادخل البيت .. الاصول بتقول كدة .

عبد الله : خلاص يوم الجمعه الخطوبه وكتب الكتاب.... نقرى الفاتحه .

سعاد : مبروك يا ولاد.

زين : مبروك يا صاحبى .

مراد : الله يبارك فيك يا كبير.

ليليان : مبرووك يا سارة مبرووك يا استاذ مراد .

مراد بخبث : الله يبارك فيكى ...عقابلك ياسامر .

سامر بص على ليليان وابتسم : قريب انشاء الله .

&&&&&&&&&&&&&&&

الحلقة 27:✌✌

 

 عند سارة 

سعاد : مبروك يا ولاد.

زين : مبروك يا صاحبى .

مراد : الله يبارك فيك يا كبير.

ليليان : مبرووك يا سارة مبرووك يا استاذ مراد .

مراد بخبث : الله يبارك فيكى ...عقابلك ياسامر .

سامر بص على ليليان وابتسم : قريب انشاء الله.

زين بص لسامر بحدة : نعم ! .

سامر اتوتر من نظراته : اصل انا نازل الاجازة دى وناوى اتجوز .

مراد همس لزين : ابوس ايدك عدى الليله دى بس على خير وانا هاجبهولك بنفسى .

زين : عن اذنكوا احنا .

سعاد : ياخبر يا بشمهندس زين لازم تقعدوا تتعشوا معانا .

زين : متشكر جدا... فرصه تانيه انشاء الله .

سعاد : ماتقولى يا ليليان للبشمهندس حاجة خليه يقعد .

ليليان : معلش بقا يا طنط .. ربنا يتمملكوا على خير ... عن اذنكوا .

***********************

فى العربيه

ليليان : زين انت ليه مشيتنا بدرى كدة كنا سيبنا نقعد شويه معاهم .

زين بحدة : نقعد ايه وزفت ايه ..... هو اخوها دة متخلف واقسم بالله لولا مراد وسارة لكنت طربقت البيت على اللى فيه .

ليليان : ليه فى ايه لدة كله .

زين : انتى مش شايفه الزفت اخوها كان بيبصلك ازاى.

ليليان: لا مشوفتش ومبشوفش الا انت وبس .

زين : حضرتك بتثبتينى.

ليليان : ابدا والله يا حبيبى .

(زين اتنهد وسكت ).

ليليان: الا قولى احنا رايحين فين كدة دة مش طريق البيت .

زين : هاخطفك .

ليليان : بجد هاتخطفنى هههه.

زين : اه مبسوطه .

ليليان : اى مكان يا زينى هابقا مبسوطه معاك فيه .. بس قولى هانروح فين.

زين : هو اللى بيخطف بيقول ... مفاجأه .

******************

عند سارة

مراد : بلكونتك حلوة اوى .

سارة بغيظ : عارفه .

مراد : مالك يابطه .

سارة بعصبيه مكتومه : متقولش بطه .

مراد : لا بطه ونص .

سارة بغيظ : يووووووووة وربنا انا حاسه ان غلطت فى حق نفسى ان وافقت على خطوبه دى .

مراد ببرود : ليه ؟.

سارة : فى حد يا مراد يجى بيخطب بورد اسود ..

مراد : اه انا .

سارة : اسود ... فى ورد ابيض اصفر احمر .

مراد : جينا لاهم نقطه احمر .... اياكى اشوفك لابسه لون الزفت دة ولا المحه فى حياتنا .

سارة : لا هالبسه .

مراد شدها من ايديها لزقها فيه : سمعينى كدة هاتلبسى ايه .

سارة : يخربيتك اوعى يا مجنون لو حد دخل تبقا مصيبه .

مراد بعند : لا مش هابعد... اقولك هاتى بوسه بقا .

سارة : مراد ابعد بطل جنان .

مراد : هاخدها ياعنى هاخدها .

سارة : والله العظيم انت فعلا مجنون .... بص بعد كتب الكتاب .

مراد : لا بعد كتب الكتاب هاخد حاجات تانيه .

سارة : اه يا سافل .

مراد بهمس: انا مراد سافل وقليل الادب.

سارة : والنبى ابعد .

مراد : انتى هطلللله اوى يا سارة خايفه من بوسه .

سارة : ماشى مقبوله بس ابعد .

مراد: هابعد بس بشرط .

سارة : موافقه .

مراد : اسمعى الشرط الاول .

سارة : طيب قولوا وانت بعيد .

مراد : لا .

سارة : قولوا اخلص .

مراد : بعد كتب كتاب انتى اللى هاتيجى من نفسك وتدينى البوسه .

سارة وشها احمر من جرأته : على فكرو بقا انت مش محترم.

مراد : خلاص تعالى بقى انتى اللى جنيتى على نفسك .

سارة : لا لا لا خلاص موافقه ... ابعد بقا فى حد جاى .

( مراد جاى يبعد قرب منها بسرعه وباسها جنب شفايفها ...وسامر دخل فاجأه ).

سامر شك فيهم : انتو بتعملوا ايه .

مراد: بقولها بحبك .

سامر بصدمه : انت جرئ اوى يا اخى... طبب اتكسف على دمك واعمل حساب لاخوها .

مراد بسخريه : اه انشاء الله المرة الجايه.

سامر بغيظ : طيب مش هاتمشى بقا ولا ناوى تبات.

سارة : سامر .

مراد فى سرة : وحيات امك لاوريك .

سامر : فى ايه الساعه ١٢.

مراد : لا ماشى ... باى يا قلبى بكرة اشوفك .

************************

عند زين وليليان

ليليان : ايه دة ...طيارة .

زين : امممممم واقفه كدة ليه ... يالا نركب.

ليليان : هى طيارة دى بتاعتك .

زين : اممممم .

ليليان : يالهوووى انت غنى اوى كدة .

زين : ههههه ايه يا حبيبتى مالك .... دى هليكوبتر عادى .

ليليان : انت بتكلمنى كدة وكان دى عربيه .

زين : جوزك زين الجارحى عادى ياعنى لما يكون عندة طيارة .

ليليان : اوع تقول انك هاتسوقها .

زين : ههههههه لا طبعا مش اوى كدة ...يالا بقا اخرتينا .

***********************

فى قسم الشرطه

الباشا : شوفت اخره وساختك وصلتنا لغايه فين.

على : انت مش هاتصدقنى انها تلفقيه من زين الجارحى.

الباشا : ليه هو انت صغير علشان تتخدر فى بار وبعدين البت تسحبك زى الاهبل وراها وتاخدك شقه مشبوهه .... طيب فين الحراسه يابيه اللى عليك.

على : انا كنت مشيهم .

الباشا : على انا متاكد انك روحت برجليك بس بعد ما تقلت فى الشرب .... سمعتى فى الارض ... اسهم الشركه فى النازل ... وزين الجارحى نازل دبح فيااا... حتى الصفقه اللى كنت بتمنى اخدها منه وتعوضنى عن تعب السنين اللى فاتت انت ضيعتها بغبائك .

على بخبث : انت مين قالك انى ضيعتها.... ورق الصفقه معايا كله .

الباشا : ازاى .

على : خرجنى من هنا الاول.

الباشا بغضب: انت بتسااااوم ابوك يا على ... ابوك اللى اتزل وراح لزين الجارحى علشان يستسمحوا ويعفو عنك ومشى من عندة مكسور بتساومه ياعلى بعد دة كله.

على : يابابا مقصدتش صدقنى .... بس انا خلاص جبت اخرى والمحامين بيقولولى انه القضايا اللى عليا توصل للاعدام .

الباشا بهدوء: متخفش وحياتك ابوك .. لو ما زين الجارحى طلعك منهم لاقتلك مراته .

على : اه يابابا خد بحقى ... بص ركز انت فى الصفقه الايام دى وانا هاستحمل وانت بعد ما تضرب ضربتك طلعنى من هنا انشالله تهربنى .

الباشا : هاطلعلك منها ياعنى هاطلعك انا لايمكن اسيبك هنا اكتر من كدة... قولى الورق فين ؟.

على: ورق الصفقه هاتلاقى فى خزنه فى البنك باسمى انا خبيتها هناك قبل ما نورة الزفته تتكل على الله .

الباشا: هى اللى جبتهولك ؟

على : اه جبته وساومتنى عليه الورق قصاد اكتب عليها رسمى علشان الهانم كانت حامل ... اقنعتها انى هاكتب عليها بنت التيت مش رضيت تدهولى ... روحت بعت رعد مخلص عليها والورق تحت ايدى .

الباشا : طيب ليه فكرت تلبسها لمراد ليه الشوشرة دى اهو زين الجارحى فتح علينا ابواب جنهم .

على : كنت عاوز اعمله بلبله فى شغله وعند ام سارة انا عاوزسارة كدة مش عاوزها تتجوز وتحب وتتحب .

الباشا : على فكرة اللى لبسك قضيه قتلها.. مش زين .. دة مراد الالفى .. ابن ال... جاب البواب واعترف على رعد وعليك ... بس انا سفرت رعد برة مصر لغايه مالموضوع يهدى وينزل باسم جديد .

على بتهكم : ياعنى تسفر رعد اللى شغال عندك برة ... وانا ابنك سايبه فى القسم محبوس مع الاوباش دول .

الباشا : غبى وهاتفضل طول عمرك غبى ... رعد لو اتمسك احنا هانروح فى داهيه ... رعد بير اسرارنا انا وانت ... وفى نفس الوقت بيخلصلى حاجات كتير... رعد له فى كل خرابه عفريت .... وانا محتاجه علشان ادب زين الجارحى على اللى عمله .

**********************

فى امريكااا

عبد الرحمن : ارحمينى بقا بقالنا ٥ ساعات بنلف .

ايمان : يووووة يا بودى هو انا لاقيت حاجة عجبتنى وجبتها .

عبد الرحمن : يا حبيبتى امك ست بسيطه عاوزة حاجة بسيطه زيها .

ايمان : مش عاجبنى هى دى مامتك ولا مامتى .

( تليفون عبد الرحمن رن وكان شاكر ابوة وملامح وشه اتغيرت )

ايمان : مين يا بودى .

عبد الرحمن : بابا .

ايمان : طيب روح رد عليه وانا هاقف هنا استنى الاشارة تفتح واعدى هناك اروح المحل دة شكله فيه حاجات هاند ميد جميله .

عبد الرحمن : طيب

( عبد الرحمن فعلا اتحرك بعيد عن ايمان علشان يرد على اتصال )

عبد الرحمن : الو

شاكر : ايه يا استاذ لسه زى مانت مزهقتش.

عبد الرحمن : ازهق من ايه يابابا ... انا اتجوزت هو انا بلعب علشان ازهق واسيبها.

شاكر : لو كنت اتجوزت حد غيرها يمكن كنت رضيت وسكت .... بس طول مانت متجوز بنت حسن عمرى ما ارضى عنك ابدا .

عبد الرحمن بتنهيدة : براحتك يا والدى.

شاكر : امك حكيتلى ان ليليان اتجوزت واحد اسمه زين وهو خاطف عمك وابن عمك .. انا عرفت انك ليك كلام معاه .. اتصل عليه قولو يسيبهم .. هى البلد مفيهاش قانون ولا ايه.

عبد الرحمن : انا اسف مش هاتصل وسيبهم يتربوا على الى عملوا فيها .... والله انا مبسوط فيهم .

شاكر : مش بعيد تكون انت مبلغ عنهم ..... بتقف مع الغريب على عمك وابن عمك .

عبد الرحمن بغضب : عمى وابن عمى كانوا بيتمنوا موووتى علشان يوسف يتجوز ليليان ومش اقف فى طريقه ... عمى وابن عمى كانوا عارفين بجوازى من ايمان ومش قالولك علشان ابعد عنهم وانت ميكونش ليك الحق فى حاجة ... عمى وابن عمى خطفوها وكدبوا عليك وادى جزاتهم الجزاة من جنس العمل.

شاكر : اقفل حرقت دمى

( عبد الرحمن قفل مع شاكر ولف بيدور على ايمان لقاها جايه من الاتجاة المقابل له وجايه بسرعه وبتضحك ).

عبد الرحمن : مجنونه استن..... ايممماااأااااااااااان حاااااسبى ... ايمماااااااااااااااااااااااااااااان .

عند زين وليليان

ليليان : زين خلاص بقا شيلى البتاعه اللى على عينى انا حاسه ان هاقع .

زين : حبيبى متخافيش انا ماسكك كويس ..وبعدين خلاص وصلنا .

ليليان : يوووة لسه كتير .

( زين شال الرباط من على عنيها وهى فتحت لقت نفسها قدام يخت كبير ومتزين بطريقه جميله ... والمفاجأه مكتوب عليه).

ليليان بهمس : عشق الزين .

زين ضمها من ضهرها : امممم انا سميته عشق الزين .... اول ما شفته عجبنى اشتريته مخصوص ليكى وكتبت عليه عشق الزين .

ليليان : عشق الزين دى انا صح.

زين باسها من خدها : طبعا انتى ومفيش حد عشقى الا انتى.... انا اشتريته بعد شهر ما عرفتك وظبطته على مزاجى علشان يعجبك ...و ملقتش احلى من الاسم دة .

ليليان : ياعنى انت هاتخطفنى هنا .

زين : امممم اسبوع لغايه معاد كتب كتاب مراد .

ليليان : اسبوع هانقعد هنا ولوحدنا .

زين : اممم لوحدنا ومحدش هايشوفنا ولا نشوف حد .. يالا تعالى اطلعك علشان نتحرك باليخت .

(زين اخد ليليان وفرجها على اليخت اللى مجهزو على اعلى مستوى كان كبير جدا وفيه كذا غرفه ومش ناقصه اى حاجه ).

ليليان : انا عمرى ما شفت كدة فى حياتى حتى على النت .

زين : معايا انا هاتشوفى كل حاجة ... ادخلى جوة الاوضه دى هاتلاقى فستان فرح انا نقيته على زوقى .

ليليان : فستان فرح ؟.

زين : اممم البسى وتعالى هاحكيلك كل حاجة .

( ليليان دخلت الاوضه واتصدمت من الفستان المتعلق ... لونه ابيض قصير جدا وضهرو كله مكشوف لا مفيش ضهر اصلا..... ومعاه الجزمه وكل اللى هاتستخدمه ).

ليليان : يانهار اسود دة فستان ... وانا اللى فاكرك مؤدب يا زين طلعت قليل الادب ... لا لايمكن البسه .... مش هاتلبسيه يا ليليان وتزعليه ياعنى هو بيحلم باليوم دة وانتى تيجى تبوظيه .

(ليليان فعلا لبسته وكانت جميله فيه ... بس قصير جدا لدرجه انها قعدت تدور على حاجة تغطى بيه نص ضهرها ورجليها وقعدت كتير مكسوفه تطلع بالمنظر دة لدرجة انها قعدت ساعه مخلصه لبس وخايفه ودة خلى زين يزهق حاول يفتح الباب لقاه مقفول .. الباب خبط ).

ليليان ارتبكت : ايوا .

زين : حبيبتى ليه قافله بالمفتاح.

ليليان : كنت بلبس .

زين : طيب افتحى .

ليليان : احم ضرورى.

زين : لي لي افتحى انا زهقت .

(ليليان فتحت الباب نص فتحه وطلعت راسها بس واتصدمت انه هو كمان لابس بدله ومعاه بوكيه ورد رقيق جدا ).

ليليان : ايه دة انت غيرت هدومك .

زين : اممممم بقالى ساعه وزهقت ... انتى واقفه كدة ليه اطلعى .

ليليان : زين الفستان قليل الادب اوى ... انا بجد مكسوفه اطلع بيه .

زين مثل انه زعلان : خلاص انا مش هاضغط عليكى اقلعيه وتعالى .

ليليان : لا خلاص .. هاطلع اهو .

( ليليان طلعت فعلا من وراة الباب وكانت حوريه من الجنه الفستان كانه متفصل ليها مخصوص هو كان متخيل يبقا حلو بس مش لدرجاتى الفستان والجزمه وشعرها ورقتها .. زين قرب منها وباسها من شفايفها ).

زين بهمس : انا كنت متخيل يطلع حلو بس مش اوى كدة الفستان حلو عليكى اوى ... لفى ورينى ضهرك .

ليليان : لا بلاش تحرجنى .

زين : طيب تعالى نطلع على سطح اليخت .

ليليان : لا مينفعش حد يشوفنى .. انا محجبه.

زين : اولا انا اتحركت باليخت فى عرض البحر... مفيش حد حوالينا .... انا عاوزك براحتك ... القريه دى كلها ملكى انا امرت محدش يتحرك ولا يطلع بالمركب او يخت اسبوع علشان نكون براحتنا .

(زين اخدها وطلع على السطح اللى كان متزين بالورد والبلالين ).

زين : عجبك ياقلبى .

ليليان : اوى ربنا يخليك ليا .

زين قرب منها ومسك ايديها : ليليان من اول ما عرفتك وانا اتمنيتك لياااا فى كل لحظه .. عمرى ما حبيبت .. حبيتك انتى ... عمرى ما خوفت .. خوفى متثمل فيكى ... بقيتى جزء منى ... بقيت معرفش انام الا وانتى فى حضنى ... بقيت اعشق ضحتك كلامك هزارك حتى دموعك شعرك ريحته دة كله بقيت مهووس بيهم .... انا عنيت كتير وانتى جنبى فى كل مرة كنت بتحكم فى نفسى علشان مقربش منك .... علشان حاجات كتير اولها ان اسمع كلمه بحبك منك ... وتانى حاجة مكنتش عاوز اليوم اللى هاتبقى فيه مراتى بجد مش على الورق بس ...يبقا يوم عادى ... انا قعدت افكر كتير ازاى اسعدك ... فكرت فى اليخت فكرت اسمى عشق الزين فكرت فى الفستان وقعدت اتخيلك فيه كتير .... اليوم دة لازم يكون محفور فى ذاكرتنا بكل تفاصيليه .. عارفه انا اشتريت اليخت كبير علشان ولادنا انا هاخلف منك دسته انا عاوز عيله كبيرة اوى حواليا ... عاوزهم يجو اليخت ويبقوا شاهدين على قصه حبنا انا وانتى ... عاوز لما اكبر اجيبهم هنا وانتى معايا...ليليان انتى موافقه تكملى حياتك معايا .. موافقه تبقى مراتى بجد .

ليليان : انت بتسالنى ؟.. اليوم اللى شفتك فيه خوفت منك حسيتك قاسى نظراتك جامدة بس كان فى حاجة دايما بتقولى دة امانك .. انت بقيت امانى بقيت ابويا واخويا ... انت محور حياتى .. انا متخيليش حياتى الا بيك .. انا بحبك .

زين قرب من شفايفها وباسها بكل رقه ومع كل كلمه كان يبوسها : انا بحبك .... وبعشقك ... انتى روحى وقلبى ...انتى عشق الزين .

(ليليان تاهت فى لمساته اللى بترفعها سابع سما.....وهو شالها وقرر انه يلغى كل الفقرات اللى كان مجهزها وهى استسلمت لزينها ... استسلمت لزين الرجال ).

************************

فى امريكا

وتحديدا فى المشفى

عبد الرحمن: ?What is my wife

دكتور امريكى : Your wife has been hit by an accident . Which led to the presence of some fractures in different areas of the body .. And lost Bibi

عبد الرحمن :What do you mean she lost the Bibi

: عبد الرحمن انت هنا .. بتعمل ايه .؟

عبد الرحمن : نورسين ازيك ... مراتى هنا عملت حادثه .

نورسين : طيب ادينى دقيقتين اكلم الدكتور وافهم حالتها

(نورسين صديقه عبد الرحمن ودكتورة نساء بتشتغل فى امريكا ).

نورسين : عبد الرحمن اللى انا فهمته من الدكتور اللى مشخص الحاله انها تعرضت لحادث كبير وفيه كسور فى جسمها... وللاسف فقدت البيبى .

عبد الرحمن بحزن: هى كانت حامل .

نورسين : امممممم فى شهرين .

عبد الرحمن : ازاى احنا مكناش نعرف ... معقوله متكونش حاسه .

نورسين : ممكن مكنتش عارفه وفى بنات كتير اوى مش بيحسوا فى اول شهور الحمل بحاجة..... هما بيعملوا اشاعه على الرحم وانشاء الله خير.

عبد الرحمن : نورسين لو سمحتى تابعى حالتها ... المهم هى تكون كويسه دة اهم حاجة عندى .

نورسين : تحت امرك .... هاروحلها واشوف وصلوا لغايه فين واجاى اطمنك .

************************

عند زين وليليان

زين : مبروووك يا احلى لي لي ... بقيتى ليليان الجارحى اسما وفعلا .

ليليان خبت وشها فى المخدة : هههه‍ اممم.

زين :من حق... كان المفروض ان اقدملك خاتم .. بس اظاهر ان استعجلت ونسيت ههههههه.

ليليان رفعت وشها وكان محمر وشعرها متبهدل وكشرت : نسيت تقدملى الخاتم يا زين ... وياترى نسيت ايه تانى .

زين بخبث : ههه مش عارف .. تعالى نعيد اليوم من اوله وانا افتكر ههههههه.

ليليان : نعيدة ازاى .

زين شدها عليها : هههههه تعالى اقولك .

ليليان : لا اوعى انت بقيت قليل الادب اوى على فكرة.

زين باسها فى رقبتها : انا ببقى قليل الادب معاكى انتى بس ... تعالى بقا علشان افتكر علشان هازعل اوى لو نسيت حاجة .

ليليان : طيب استنى فين الخاتم .

زين : مش فاكر ... هابقا افتكر وانا براجع

ليليان : هههههههههههههه

************************

عند سارة

سعاد : صباح الخير يا ست سارة .... نموسيتك كحلى .

سارة : صباح النور ياماما .. معلش بقا صحيت متأخر .

سعاد : خارجه مع مراد .

سارة : اه جاى معايا علشان ننزل ننقى الشبكه والفستان .

سامر : يالا انا جاهز.

سارة : انت جاى معانا .

سعاد : انت رايح معاهم يا سامر .

سامر بعند : اه لازم اروح معاهم لسه مكتبش كتابه علشان تخرج لوحدها معاة .

سارة : ياسلااام .

سعاد : اختك واثقين فيها يابنى وسيبهم براحتهم .

سارة: قوليله ياماما .

سامر : هى كلمه انا رايح معاكوا

(سارة نزلت وهى سامر وكانت هاتفرقع منه وخافت عليه من ردة فعل مراد لقوا مراد واقف مستنيها وساند على عربيته ).

مراد: ايه دة مكنش له لزوم توصلها لتحت ..منا واقف مستنيها اهو .

سامر برخامه : لا... انا جاى معاكوا .

مراد رفع حواجبه : جاى معانا فين .

سامر : وانتوا بتنقوا الشبكه والفستان.

مراد : ايوة دى خطيبتى ... واحد وخطيبته ... ايش دخلك انت .

سامر : والله دى اختى وانا حر انزل معاها .

مراد : استغفر الله العظيم ... اركبوا

(مراد اخدهم على الصايغ ونقوا الشبكه وبدء يفقد اعصابه بسبب تدخل سامر الرهيب فى كل حاجة وسارة بتحاول تلطف الجو ومراد مبقاش قادر يستحملوا ...راحوا الموول.. ينقوا الفستان ).

مراد : لا انا قولت فستان زفت لونه احمر لا.

سارة : يامراد جميل عليا .

مراد : لا .

سامر : الصراحه يا سارة انا شايف الاحمر اشيك وفظيع عليكى .

مراد : انت مالك يابارد انت ..

سامر : الله اقول رأى .... سارة حببتى خدى الفستان دة جميل اوى عليكى .

سارة بصت للبنت اللى فى المحل : انتى رأيك ايه ؟

: حضرتك شوفى رأى خطيبك ايه .

مراد : سارة قولت لا .

سامر: لا خديه.

مراد : واقسم بالله لو ماسكت لارنك علقه مخدهاش حمار فى مطلع .

: اهدوا كدة ... هو حضرتك تقربلها ايه .

مراد شاور على سامر واتريق : الاستاذ يبقا امها .... يبقا حماتى .

سامر: احترم نفسك .

سارة عيطت : والله منا منقيه حاجة ... شكرا

(سارة مشيت وطلعوا يجروا وراها ومراد لقاه واحدة بتصوت ومشكله وسارة تاهت منهم وكل واحد مشى من اتجاه ).

مراد : فى ايه يامدام بتعيطى ليه ؟.

: شنطتى اتسرقت فى واحد شدها ومشيت .

مراد : يبقا فعلا اللى سمعته صح .

: سمعت ايه ياباشا

مراد : فى اتنين كان بيخططوا يسرقوا شنطه واحدة انا شوفت واحد منهم .

: دلنا عليهم والنبى دة فيها مبلغ كبير .

مراد : شايفين الراجل اللى واقف فى الاتجاه التانى اللى بيتلفت وراة هو دة اللى كان بيتفق مع التانى .

: انهى ... اللى لابسر قميص ابيض.

مراد : اصمالله عليك هو .. يالا نروح نديله العلقه التمام علشان يقول على التانى .

(طبعا مراد شاورلهم على سامر وناس جريت ونزلوا ضرب فييه وهو مشى بيضحك ودور على سارة لغايه ما لقاها ).

مراد : سارة استنى .

سارة : عاوز ايه يا مراد .

مراد : بتعيطى ليه بس يا حبيبتى .

سارة : انت مش شوفت عملتوا فيا ايه كسرتوا فرحتى .

مراد : معلش يا روحى تعالى فى. محل شوفته وانا بدور عليكى لقيت فيه فساتين حلوة تعالى ننقى وفرصه سامر اخوكى بيدور عليكى .

سارة : بس يزعل مننا .

مراد : يطق يفرقع .. المهم عندى مش عاوز ازعلك يالا ياقلبى .

**********************

عند زين وليليان

(ليليان صحيت بدرى عن زين وطلعت على سطح اليخت ووقفت تتفرج على الميه والسما والجو كان جميل ).

زين : حبيبى مصحتنيش ليه ؟.

ليليان باسته من خدة: صباح النور .

زين : صباح الفل والياسمين عليكى يا روح قلبى .

ليليان : زين هو انا ممكن اسالك سؤال.

زين : قولى ياقلبى .

ليليان : عملت ايه فى موضوع عمى وابن عمى.

زين اضايق جدا واتعصب : بقا انا سايب الدنيا تضرب تقلب وجاى واخدك لوحدنا علشان مفيش حد يعكر مزاجنا وانتى بتفكرى فيهم .

ليليان : فى ايه يا زين .. انا غلطت فى ايه .. انا سالت سؤال .

زين : لا غلطتى لما تفكرى فيهم ... المفروض تفكرى فيا.

ليليان باندفاع : على فكرة انت انانى .

زين الكلمه صدمته : انا انانى.... تمام .... شكرا

يا ريت تكون  عجبتكم حلقات اليوم

مع تحياتي👇👇

  

       قصة عشق زين للكاتبة زينب محمد الجزء الأول 

الحلقة 28:✌✌

ليليان : عملت ايه فى موضوع عمى وابن عمى. 

زين اضايق جدا واتعصب : بقا انا سايب الدنيا تضرب تقلب وجاى واخدك لوحدنا علشان مفيش حد يعكر مزاجنا وانتى بتفكرى فيهم .

ليليان : فى ايه يا زين .. انا غلطت فى ايه .. انا سالت سؤال .

زين : لا غلطتى لما تفكرى فيهم يبقت غلطتى... المفروض تفكرى فيا. 

ليليان باندفاع : على فكرة انت انانى .

زين الكلمه صدمته : انا انانى.... تمام .... شكرا .

ليليان : زين ... انا مقصدتش.

(زين سابها وراح دخل الاوضه وهى دخلت وراة ) .

ليليان دموعها بدات تظهر : زين والله .

زين بعصبيه :. بس اسكتى ... اظاهر ان اتسرعت اول مرة ابقا عيل اوووى كدة ... لدرجه ان عيله زيك تقولى انت انانى ... كله الا الاهانه يا ليليان ... وانا فعلا دلعتك واخدتك عليا بزيادة .

ليليان : حبيبى انا اسفه .. سامحنى.

زين : انا مش حبيبك بطلى تمثيل مفيش حد يحب حد ويكرة قربه ويكون بيفكر فى غيرة .

ليليان: ادينى فرصه افهمك .

زين بزعيق : اطلعى برا عندك اوض تانيه. .. مالكيش دعوة بيا ..يلا علشان انا اتخنقت .

***************************

عند مراد وسارة 

سارة : حلو دة يا مراد .

مراد : اه حلو اوى عليكى ... يالا نشتريه انا دماغى كلتنى من كتر ماقستى فساتين .

(مراد دفع حق. الفستان وجابوا واخدها وخرجوا من المول ).

مراد : حاسبى دماغك وسقف العربيه.

سارة : شكرا .

مراد : ها يابرنسيسه عاوزة تروحى فين .

سارة : لا روحنى كفايه عليك كدة باين عليك اتخنقت منى.

مراد : ياسلام على التمثيل ... لا متخنقتش منك ولا حاجة .

سارة : طيب مش كنا استنينا سامر .

مراد بهمس : ربنا معاه ياعينى دة زمانه بقا من الاموات.

سارة : بتقول ايه مسمعتش.

مراد : مبقولش.... سيبك منه هو عيل بارد اصلا تلاقيه فى حاجة شدته ونسينا .

سارة: مراد ممكن اسالك سؤال ؟

مراد اندهش : مراد ممكن اسالك سؤال ... ايه الادب دة اول مرة ياعنى .

سارة : ياربى لازم تعصبنى ... مينفعش تبقا هادى شويه .. اقف هنا على الكورنيش خلينا نتكلم .

مراد : وقفنا يا سوسو .

سارة : ليه بتكرة اللون الاحمر .

مراد : يادى ام السيرة الزفت .

سارة : مراد انت خلتنى مشتريش الفستان اللى هاموت عليه علشان بتكره اللون دة يبقا فيه سبب قوى .

مراد : امممم وانتى خايفه السبب يكون كاميليا .

سارة بتوتر : كاميليا مين ؟.

مراد : عادى يا سارة مش لازم تخبى ياعنى زين قالى ان اتكلم معاكى قبل ما تسافرى دبى وانا حكيت لمامتك واكيد كاى ام مصريه هاتحكى ياعنى لبنتها.

سارة : امممم كرهك للون دة مرتبط بيها. 

مراد : لا .

سارة : امال .

مراد: لازم ياعنى تعرفى .... عادى بكرهه وخلاص .

سارة : قول .

مراد : اوعى تضحكى .

سارة : حاضر 

مراد : ياستى وانا صغير كنت طفل.... لا استنى الاول تتوقعى كدة كنت طفل عامل ازاى؟.

سارة : كنت شقى اكيد ومجنن الكل .

مراد : بالعكس كنت اهبل وهادى جدا وبضرب من اى حد انا فاكر زمان كنت ازن لامى علشان انزل العب مع العيال فى العمارة وامى دى كانت غلبانه اوى كانت توافق تنزلنى مرة معرفش اتكسر مرة اتعور جامد كنت اهبل من الاخر ... كان فى بقا ياستى بت بقى سووووووكه كانت هارينى ياسارة ضرب ضرب ...

سارة : ههههههههههههه ههههههههه 

مراد : قولتلك متضحكيش.

سارة : هههه اهو خلاص كمل ... مالها البت دى .

مراد وطى راسه : بصى بين شعرى هنا ... ايوا هنا ... البت بنت ال.... فتحتلى دماغى عمرى ما انسى اليوم دة ابويا اتخض عليا وطلع يجرى على المستشفى يقول مين عمل فيك كدة وانا اعيط واقوله البت اللى لابسه احمررر .... من يومها وانا كرهت الاحمر واللى بيلبسوووة.

سارة : هههههه ياحرام يامراد ههههه‍هههه انت عانيت اوى .

مراد : يالا الله يجحمها مطرح ما راحت .

سارة : هه‍ههه‍ طيب ازاى ظابط مخابرات وتتضرب وانت صغير كدة وتتهبدل .

مراد : ياعنى انا مولود ظابط انتى كمان .

سارة : بس تصدق قصه مؤلمه ههههههه .

مراد : جدا ومحزنه ومبحبش افتكرها اصلا مفيش حد يعرفها غيرك انتى وزين وكاميليا الله يرحمها .

سارة : هما والدك ووالدتك اتوفوا ازاى .

مراد : اتوفوا وانا فى اعدادى اتوفوا فى حادثه .

سارة: وعشت مع مين ؟.

مراد : مع خالى وجاله فرصه عمل فى النمسا وسافر ودخلنى مدرسه دخلى ..واتعرفت على زين هناك فى المدرسه ومن يومها واحنا اصحاب .

سارة : كنت بتحبها ؟!.

مراد : هى مين المدرسه ؟.

سارة : لا ... كاميليا.

مراد : اممم اكيد .

سارة : اعترفتلها بحبك امتى وازاى. 

مراد : بعد ما عرفتها ٧ شهور كنا اصحاب وبعد كدة حسيت انى مش قادر على بعدها روحتلها المستشفى ومسكت الميكرفون اللى فى الريسبشن وقولتلها بحبك .

(سارة الكلام وجعها اوى وحست انها عمرها ما توصل لربع الحب اللى هو حبه لكاميليا ..واتاكدت ان مراد بيكدب على الكل وهى مجرد تاديه واجب وبس لغايه دلوقتى مقالهاش بحبك ... حبست دموع فى عنيها ).

سارة : طيب يالا روحنى .

مراد : ليه ما احنا قاعدين مع بعض والجو حلو.

سارة بحزن : معلش تعبت اوى انهاردة .

مراد : طيب 

***************************

فى امريكا 

عبد الرحمن : ها يا نورسين طمنينى .

نورسين : عبد الرحمن انا اسفه فى اللى هاقوله الحادثه كانت شديدة جدا عليها البيبى نزل والرحم اتأثر جدا وفيه مضاعفات كبيرة ... انا اسفه بس انتو هاتقعدوا فترة كبيرة لغايه ماهى تقدر تحمل وتخلف. 

عبد الرحمن :لا حول ولا قوة الا بالله .

نورسين : عبد الرحمن .. اهم حاجة نفسيتها بعد ماهى تفوق لازم تعرف لازم اللى يقولها ينقلها الخبر براحه علشان تقدر تستوعبه .... نفسيتها عامل اساسى جدا فى علاجها .

عبد الرحمن : طيب ..هى هاتفوق امتى ؟.

نورسين : هاتفوق بكرة انشاء الله .

عبد الرحمن : طيب لو سمحتى خلى بالك منها لغايه ما اجيب والدتها من البيت بس .

نورسين : فى عنيا ... روح ومتحملش هم .

( خرج عبد الرحمن مهموم مانع دموعه انها تنزل بالعافيه .....راح لتوحيدة وهو مش عارف يقولها ايه .).

‏توحيدة : كدة يا عبد الرحمن تتأخروا عليا كدة ... ايه دة ايمان فين ...عبد الرحمن مالك ؟.

( ‏عبد الرحمن ارتمى فى حضنها وعيط كانه طفل صغير واتكلم مرة واحدة وكانه عاوز يطلع كل اللى جواة )

عبد الرحمن : اه يا امى.... انا مش قد المسؤلييييه ... ايمان ضاعت منى ....ايمان عملت حادثه .... عربيه خبطتها وانا واقف مكانى مش قادر انقذها ... عندها كسور ... وكمان البيبى نزل ...شوفتى كانت حامل .. وابننا نزل .. ايمان مش هااتقدر تخلف تانى..... ااااااااه انا السبب.

توحيدة دموعها نازله على بنتها : اهدى يابنى ...انت مالكش يد فى كل اللى حصل .. دة قدر ومكتوب ... المهم سلامتها بالدنيا .... وتعيشوا وتخلفوا وتجيبوا عيال الدنيا لسه قدامكوا .

عبد الرحمن : مش هاتقدر .

توحيدة : استحاله ولا ممكن بعد فترة .

عبد الرحمن : لا بعد فترة بس ممكن توصل سنين .

توحيدة : وانت زعلان .

عبد الرحمن : انا زعلان انى اضعف ان اقولها خبر زى دة .... ايمان كانت بتحلم بالبيبى دة مش هاقدر اقولها .

توحيدة : لا قولها انت علشان انت الوحيد اللى هاتحسسها بالامان وان موضوع خلفه مش فارق معاك .

عبد الرحمن : الموضوع صعب اووووى.

توحيدة :ولا صعب ولا حاجة ... طيب مانا وحسن اهو اتجوزنا وقعدنا سنين مخلفناش ... ومكنش فيه اى مانع صبرنا لغايه ما ربنا اراد ... انتو كمان اصبروا يابنى ... الصبر مفتاح الفرج .

عبد الرحمن : حاضر يا امى .

توحيدة : قوم يابنى ودينى اروحلها .. زمانها محتاجلنا ... يالا واحمد ربك انه لطف بينا ياحبيبى .

عبد الرحمن : الحمد لله .

*****************************

عند زين وليليان

( زين قاعد زعلان من حب عمرة انها تقول عليه انانى ... انانى علشان عاوزها لوحدة ... معقوله تفهم حبه غلط ... معقوله هو دة الاسبوع اللى كان بيحلم بيه ... فاق على تخبيط الباب).

زين : ايوا .

ليليان بانكسار و بتعيط: ممكن ادخل .

زين قلبه رق ومقدرش يستحمل صوتها كدة : احم ادخلى.

(ليليان دخلت بتعيط وبتاخد نفسها بصعوبه وحاطه وشها فى الارض).

زين حاول يضغط على قلبه : اممم عاوزة ايه .

ليليان رفعت وشها : عاوزة انام.

زين : ماتنامى حد ماسكك ... عندك اوض كتير نقى واحدة منهم .

(ليليان جت تقرب .. هو مانعها بايدة وشاور تقف مكانها ).

زين : متقربيش واطلعى برة .

(ليليان بصتله كتييىر ودموعها نازله ومقدرتش تستحمل رفضه ليها خرجت بهدوء وقفلت الباب نفسها بدء يقل ودى عادة فيها لما بتزعل مبتعرفش تاخد نفسها وبتوصل للامر انها يغمى عليها .... حست انها هاتموت هى عاوزة حضنه لو مدخلتش فى حضن زينها هاتموت بجد ... دخلت عليه الاوضه تانى وجريت عليه حضنته وبدات تعيط بصوت عالى ونفسها يقل وصوتها يتخنق ).

زين مقدرش يقسى عليها اكتر من كدة : اهدى ياروحى ... اهدى اتنفسى .

( زين رفع وشها من حضنه لقاها وشها احمر وشفايفها بتزرق ونفسها بيقل ...اتجنن وخاف من حالتها دى مكنش عارف يعمل ايه ...فضل يبوسها مرة وراة مرة علشان تهدى وتحس بوجودة ).

زين : لي لي اهدى يا حبيبتى ... انا معاكى اهو .

ليليان بتتكلم وبتقطع فى كلامها : لا ... انت ....هاتسيبنى .

زين : مقدرش انتى روحى مقدرش اسيبك ياقلبى ... اهدى علشان خاطرى.

ليليان: ان ..انام ..فى حضن..ك.

زين: نامى ياحبيبتى.... انا كلى ملكك ياقلبى ...انا بحارب فى الدنيا علشانك ..نامى يا حبيبتى .... نامى بس اتنفسى .

( ليليان نامت فى حضنه وفضلت ماسكه فيه كانه هايهرب منها.. حس انه قسى معاها بالكلام هى مهما كان صغيرة واندفعت ... مكنش المفروض يقسى عليها بالشكل دة .... وخصوصا بعد حالتها دى اخد قرار عمرة ما يقسى ابددا عليها ويتعامل معاها كانها بنته ... ويفهممها غلطها بالراحه ).

عند مراد وسارة 

 

سعاد : الله يا سارة الفستان تحفه ... وكمان الشبكه .

سارة بحزن: عجبوكى ؟.

سعاد بفرحه : جدا...تعيش وتجبلها يا مراد .

مراد: انا تحت امرها بس الست سارة ترضى عنا .

( سارة رفعت وشها ناحيته وبصتله وسكتت )

سعاد: انتى يا هانم ياللى سرحانه فى خطيبك ..الجرس بيضرب قومى افتحى .

سارة بهدوء:حاضر .

(سارة فتحت ..واتصدمت من منظر سامر هدومه متقطعه ومتبهدل على الاخر وابوة ساندة ) 

سارة: سامر مالك ؟.

سامر : اتبهدلت ياختى .

سعاد : يالهوى ابنى ... مالك يا ضنايا .

عبدالله : سندو معايا يا مراد وقعدو بس.... اصله عامل زى التور قطم ضهرى.

سامر : تشكر يا حج.

مراد : ايه اللى عمل فيك كدة.

سامر : اه يا اخويا اخدتها وخلعت وسبتنى ... وانا بدور على الهانم فى المول ..لقيت مجموعه ناس جايه جرى وبتضررب فيا .. اللى فهمته وانا بنضرب انهم متهمنى ان سرقت شنطه واحدة ... امن المطار جه واخدنى على القسم وفين وفين لما مسكوة الواد والحمد لله طلعت سليم واتصلت على بابا يجى يضمنى فى القسم. 

(سارة فى اللحظه دى مقدرتش تمسك دموعها اكتر من كدة جريت وعيطت فى حضن اخوها ) 

سارة : انا اسفه انا السبب .. لو مكنتش خرجت وزعلت مكنش دة حصل فيا .

سامر : لا متقوليش انك بتحسى زينا .. وبتعيطى وخايفه عليا .

( اتكسفت من سامر وجريت على اوضتها ومراد اضايق منه ).

مراد يضيق: مكنش لازم تحرجها كدة.

سامر : مالكش فيه .

عبدالله : سامر احترم نفسك مش عاملى حساب ولا ايه .. انت غلطت فى اختك وعيب كدة .

مراد بضيق: عن اذنكوا .

عبد الله : ما تقعد يابنى دا انا ملحقتش اشوفك .

مراد : لا عن اذنك ياحج 

عند زين وليليان 

(ليليان صحيت من النوم ملقتش زين جنبها عرفت انه لسه زعلان منها .. هى فعلا غلطت بس خانها التعبير .... فضلت تفكر كتير تروحله وتكلمه تانى ممكن يصدها تانى طيب لو صدها تانى هو كدة خلاص فعلا استغنى عنها ... فكرت مرة وراها مرة فى الاخر قررت تروحله وزى مايحصل ..يحصل ) 

ليليان : زين .

زين لف وشافها واقفه بعيد خايفه تقرب : تعالى . واقفه بعيد ليه .

(ليليان اتحركت بصعوبه قد ايه هى مكسوفه من نفسها على اللى عملته لدرجه انها حطت وشها فى الارض ومعرفتش تتكلم ).

زين قرب منها وباس جبنيها : ارفعى راسك دايما لفوق انتى ليليان الجارحى اوعى توطى راسك لحد ابدا. 

ليليان عيطت.: بس انت مش حد ... انت زين ... جوزى وحبيبى انا غلطانه واسفه ... بس والله خانى التعبير .انا .. انا .. انا يازين مكنتش اقصد انك انانى بمعنى الكلمه .. انا غبيه مش المفروض اقول كدة... بس والله مش عارفه اوصفلك عن اللى جوايا... انا حياتى صعبه جدا وشوفت حاجات كتير فى حياتى ... انا مش عاوزك تفضل فى دايرة الانتقام الدايرة دى وحشه هاتخسرنا بعض ... زين انت كنت نايم وانا صحيت شوفت البحر سرحت وافتكرت كل حاجة مرت فى حياتى افتكرت عمى واللى عمله فيا علشان كظة لما شوفتك سألتك بحسن نيه ... حبيبى اسفه سامحنى عارفه انى غلطت وانت من وقت ما شوفتنى عمرك ما قولتيلى كلمه واحدة تزعلنى .

زين بهدوء : خلاص خلصتى .

ليليان : اه انا راضيه باى حكم .

زين باستغراب من كلامها : حكم ايه ؟.

ليليان : ياعنى انت لو مش مقتنع بكلامى دة حقك ... وعاوز تبعد وتتخلى عنى .

زين شدها جامد فى حضنه : انتى مجنونه ... اوعى تقولى الكلام الاهبل دة تانى ... انسيه بقيه حياتك ... انا اه زعلت من كلمه انانى ... وزعلى دة كنت اقصد بيه ابين لحبيبتى ان كلمتها وجعتنى ... بس انتى هاتفضلى حبيبتى وروحى وعمرى ما افكر احب ولا اعشق غيرك يا لي لي .

ليليان: ربنا يخليك ومتحرمش من وجودك يارب .. انت فعلا زى ماقولت ابويا واخويا وحبيبى .

زين ضحك : هههههه اقولك على السر ....انا فعلا زى مانتى قولتى انانى فى حبك انتى .

ليليان : عارف يا زين اوقات كتير مكنتش بفهم ليه عم حسن دايما يقول عليك زين الرجال بس دلوقتى فهمت ... انت فعلا زين الرجال .

زين بتنهيدة : الله يرحمه ..... هانقضى الليله كلها كدة غمضى عيونك....وانا براجع المنهج معاكى امبارح افتكرت جزئيه مهمه جدا.

ليليان : هههههههههههههه .الله اكيد عاملى مفاجاه تانى. 

زين : غمضى بس .

( ليليان غمضت عيونها وكانت المفاجاه خاتم الجواز وكان رقيق جدا بس معاه سلسله فيها اسمهم واساميهم متداخله فى بعض وكانت رقيقه جدا وبسيطه ).

ليليان : الله السلسله حلوة اوى يا زين .

زين : البسيها ياقلب زين وعمرك ما تقلعيها ابدا .

(ليليان وقفت وبصتله ومرة واحدة رفعت نفسها وباسته من شفايفه وبعدها همستله ).

ليليان بهمس: بحبك .

زين غمزلها و بنفس همسها : وانا بعشقك .... تعالى بقا اصالحك علشان انتى زعلانه منى .

ليليان: ههههههههههههههههههه....اه زعلانه جدا.

*******************

عند عاصم ويوسف 

عاصم : وبعدين يا يوسف انا خلاص حاسس انى هاموت .

يوسف : استحمل هانعمل ايه .

عاصم : لا الراجل ده صعب يخربيته..... انا مشوفتش زيه انا حاسس انى هاموت واعفن هنا ومحدش يسال عليا.

يوسف : انا اتهريت من كتر الضرب .

عاصم : كله من غبائك ... طب انا جاهل مش عارفو كويس ... انت مش تعرفه تسمع عنه .

يوسف : يوووووة لو كنت قولتلك على اللى عرفته عنه مكنتيش هاتخلينى اجيبها .... اعمل ايه فكرت غلط وقولت عمرة مايعرف مكانا بس طلع قاااادر فعلا.

***********************

فى امريكا 

(ايمان فاقت وعبدالرحمن بلغها والصدمه كانت شديدة عليها لدرجه انها فضلت السكوت ... ومهما حاول هو وامه يطلعوها من اللى هى فيه مقدروش.. هو حس انه وحيد ومحتاج حظ يتكلم معاه. .. ففكر فى نورسين وراحلها فعلا . ) 

عبد الرحمن : نورسين .... كنت محتاج اتكلم معاكى .

نورسين : نعم يا عبد الرحمن. ... اخبار مراتك عامله ايه ؟.

عبد الرحمن بحزن : انا بموت بالبطئ يا نورسين .

(نورسين مسكت ايدة وشدته وحضنته... وعبد الرحمن اتفاجئ من حركتها وبعد عنها بسرعه ) 

عبد الرحمن : ايه الجنان دة .... انتى لسه زى ما انتى.

نورسين : عبد الرحمن انا بواسيك فى منحتك... انا عاوزة اقولك ان جنبك على طول فى اى وقت حتى لو وانت ومراتك فكرتوا مثلا انك تتجوز علشان تخلف انا جاهزة وموافقه.

عبد الرحمن : وانتى بايعه نفسك اوى كدة .... للاسف انتى لما قولتيلى انا جنبك انا فهمتها تقفى جنبى فى منحه مراتى .... بس للاسف طلع للاغراضك انتى .

نورسين : وفيها ايه لما ااكون عاوزة اساعدك ونتجوز ونخلف وتبقا سند ليا فى الغربه ... عبد الرحمن بص انا من رأى انكو متنفعوش لبعض هى صغيرة وانت ناضج وعاوز واحدة تكفيك ...

عبدالرحمن : بس اخرررررررسى ... انا غلطت لما اقنعت نفسى انك اتغيرتى ... بس انتى زى مانتى عمرك ما تتغيرى ... من هنا ورايح مالكيش دعوة بمراتى .... ولا بحالتها ولا بيا ولا باى حاجة تخصنى ....اقولك انا هاخدها واسيبلك المستشفى بحالها.

***************************

عند مراد وسارة 

مراد : ايه ياسارة ياعنى مخرجك ومفسحك وانتى ساكته كدة .

سارة : اممم اخبار زين وليليان ايه؟.

مراد : تلاقيه هايص ابن الايه ....ومكتوباله فى القفص الواد زين دة .

سارة : ربنا يخليهم لبعض ... هو بيحبها وهى يتحبة والاتنين يستاهلوا كل خير.

مراد : ويخلينا لبعض .

سارة : ليه هو احنا بنحب بعض .

مراد : يا شيخه !.

سارة: احنا بنحب بعض ؟.

مراد : انتى شايفه ايه ؟.

سارة : مش شايفه حاجة ... شايفه راجل كتر خيرة انقذ واحدة وادبس فى جوازة .

مراد : قولى والله !.

سارة : لو هاتتكلم كدة هاقوم امشى .

مراد : لا هاتكلم كدة بدام انتى غبيه... ومصرة تحطى نفسك فى خانه قصاد حد .... اركزى كدة وافهمى يا سارة انا قولتلك قبل كدة انتى حاله على بعضك .. وانتى غيرهم كلهم ...وانا مبعملش حاجة غصب عنى ولا شهامه ولا نيله ... ماشى ولا لاه...ويالا قومى خلينى اروح بلا قرف حبستى دمى .

سارة : امشى انت المكان عاجبنى ... انا عاوزة اقعد يمكن اعرف اخاد قرارتى صح .

مراد همس فى ودنها : واقسم بالله لو ما اتعدلتى لاعدلك صح ...انتى مالك قلبتى على الزفت سامراخوكى كدة ليه...... اتظبطى كدة وعدى الايام دى على خير .

سارة بعند : وان مش عدتها على خير ... هاتعمل ايه ؟.

مراد : هانشوفى الجنان اللى على اصوله.... انتى لسه مشوفتيش حاجة من جنانى ...هاتتصدمى .

سارة : بطل تهددنى ... فيها ايه لما تقولها وتريحنى. 

مراد : لا مش هاقولهاااا واخبطى راسك فى الحيطه .

سارة : ربنا ياخدك يامراد و انت حابس دمى على طول كدة .

مراد: مبقاش مراد الالفى لو معملتش كدة ..وحبست دمك .

*********************************

عند زين وليليان

(زين فى البحر وبيحاول يعلم ليليان العوم وهى خايفه وماسكه فيه ).

زين : ياقلبى سيبى رقبتى انتى قافشه فيها كدة ليه هو انا هاهرب.

ليليان بخوف : لا يازين....انا لايمكن اسيبك ... يالهوى انا لو سيبتك هاغرق والله .

زين : طيب امسكى فيا براحه... انتى زى مايكون قافشه فى حرامى .

ليليان بخوف : كان نفسى ارد عليك واقولك كلام حلو ... بس للاسف خايفه .

زين ضحك بصوته كله : هههههههههههههههههه .

ليليان الخوف مسيطر عليها : زين تعال نطلع اليخت. 

زين : لا الميه حلوة والجو حلو.

ليليان : زين لازم حد يكون فينا فى اليخت .

زين باسها من خدها : ليه ياقلبى ؟ 

ليليان : علشان سمك القرش .. انت مشوفتش الفيلم دة ... بص انا ناسيه اسمه بس مجموعه صحاب راحوا باليخت بتاعهم رحله ونزلوا البحر وسابوا بيبى جوة وسمك قرش كلهم واحد وراة التانى والبيبى ياحرام قعد يعيط وامه تعيط علشان مش عارفه تطلع له والدور جاى عليها وسمك القرش هاياكلها .

زين : هار اسود تصدقى انا نسيت حاجة زى دى .

ليليان : حاجة ايه ؟.

زين : المنطقه دى .

ليليان بخوف : مالها .

زين : فيها سمك قرش كتير ... بسرعه يا ليليان خلينا نطلع .

ليليان : اعااااااااااااا يالا اجرى .

زين : ههههههههههه ههههههههههه 

ليليان :انت بتضحك عليا ..... بتعمل فيا مقلب .

زين : سمك قرش ايه بس ياحبيبتى ..سيبك نفسك خالص ياروح قلبى ياعنى انا وانتى والميه والمايوة اللى انتى لابسه دة .... مش حاسه بحاجة .

ليليان بكسوووف: يوووووة مش تفكرنى بالمايوة عليك تحكمات رهيبه .

زين : وربنا فظيع عليكى .

ليليان : عيب تشوفنى كدة .

زين : عيب.. عيب دى اكيد عين مراد الفقر .

ليليان : وسارة كمان دى افقر منه هههههههههه.

******************

عدى الاسبوع بسرعه على كل ابطالنا

عند زين وليليان اللى قضوا احلى فترة فى عمرهم وفصلوا نفسهم عن الدنيا والعشق كبر مابينهم .

ومراد وسارة وجنانهم وخناقاتهم وعندهم مع بعض بتزيد مش بتقل .

وسامر اللى بيتمنى ليليان تظهر باى طريقه علشان يخطبها .

وعاصم ويوسف اللى مستنين رجوع زين الجارحى ليهم بفارغ الصبر.

وتخطيط الباشا علشان الصفقه تتم ويكسبها ويقدر يكسر زين .

وعبدالرحمن وايمان اللى الصدمه لسه مأثرة فيهم .

وجيه اليوم المنشوووود يوم ( كتب كتاب مراد وسارة ))....ورجوع زين وليليان .

الحلقة 29:✌✌

 المأذون : بارك الله لكما وبارك عليكما وجمع بينكما فى خير.

سعاد بدموع : مبرووك يا ولاد عقبال ما اشوف ولادكوا .

سارة : حبيبتى ليه بتعيطى .

ليليان : دى اكيد دموع الفرح يا سارة .. عقبال الليله الكبيرة.

سامر بهيام وهو بيبص على ليليان : صح عقبال الليله الكبيرة .

زين بحدة : ليليان يالا احنا.

سامر: لا والله هو انت كل مرة يا بشمهندس تمشى ومنلحقش نشبع منكوا .

زين : نعم تشبع مننا ازاى ياعنى .

مراد بهمس : قولى لاخوكى يهدى شويه ... علشان زين ممكن يتحول زومبى ويموتنا دلوقتى.

سارة بهمس ': اقول لاخويا يهدى ليه عمل ايه ؟.

مراد : ولا حاجة يا بييى ..... خليكى نايمه فى العسل.

زين بحدة : يالا يا ليليان ... خلينا نروح .

ليليان قربت من سارة تسلم عليها : حبيبتى انا هامشى .... حاولى تبقى تجيبوا مراد وتيجوا تقعدوا عندنا شويه.

سارة : اشطا كلمتى زين فى حكايه التدريب اللى حكتلك عنها ولا لاه .

ليليان : لا ..لسه هاكلمه ...ربنا يستر بقا .... ويوافق .

سارة بخبث : استخدمى اسلحتك هايوافق على طول .

زين : ليليان يالا .

( زين وليليان مشيوا والبيت كله بقا فاضى ومبقاش موجود الا سارة واهلها ومراد ).

مراد : ممكن يا عمى اخاد سارة ونخرج شويه .

سامر : لا مش ممكن .

عبد الله : خدها يابنى هى دلوقتى بقت مراتك ... بس مكتوب كتابكوا وبس .

مراد : متخفش فاهم فى الاصول كويس .. يالا يا سارة غيرى هدومك .

***********************

فى بيت الجارحى

ليليان : اخيرا الواحد روح البيت .

زين : مكنتيش مبسوطه فى اليخت.

ليليان : لا والله كنت مبسوطه اوى ... بس مكنتش بنام كويس بسبب الافكار الوحشه اللى فى دماغى .

زين بضحك : قصدك اسماك القرش هههههه‍هه .

ليليان : متضحكش عليا هههههه والله اعصابى كانت تعبانه مكنتش عارفه اتبسط من الهواجس اللى دماغى.

زين : ههههههه‍هههه طيبه انتى اوى يا ليليان.

ليليان : ههه عارفه ... ايه رايك اعمل عصير وناخد كيك ونقعد فى التراس شويه .. الجو حلو اوى .

زين : ماشى يا حبيبى روحى انتى اعمليلى العصير ....وانا هاعمل مكالمه لغايه ماتخلصى .

ليليان : اوك .

****

زين : الو

:احم ايوا يا باشا .

زين : خير في ايه مبطلتوش اتصال ليه ؟..

: احنل اسفين ياباشا ... بس الراجل اللى حضرتك امرت بحبسه هو وابنه. .. تعبان خالص وابنه مش مبطل زعيق جوا علشان ابوة.

زين : امممم جيبوله دكتور يكشف عليه وفكوة ريحو شويه وانا هاجيلكوا بكرة ... واتوصوا ابنه ..وقولوله صوتوا ميعلاش فى مكان ملك لزين الجارحى .

: تمام يا افندم .

*********************

عند سارة ومراد

سارة : ايه دى احنا وقفنا هنا ليه ؟..

مراد : انزلى .

سارة : انزل فين هو انت واخدنى فين بالظبط يامراد.

مراد : هانطلع شقتى .

سارة : انت مجنون ..نطلع شقتك وبتقولها فى وشى عادى.

مراد : هو انتى مش مراتى ؟.

سارة : مراتك ..ماشى ... بس بردوا لا مينفعش اروح شقتك .

مراد : بطلى تخلف .. انا راجل مش عيل وعلى فكرة انا اخاف عليكى من نفسى .. انزلى يالا .

سارة : ايوا ايه سر انك تجبنى شقتك .

مراد : هاتعرفى بعدين ... يالا.

(مراد اخدها فعلا وطلعوا وهى كل الوقت دة مرعوبه من مراد .. لانه مش شخص سهل تقدر تتوقع هو عاوز ايه ... وهو كان حاسس بيها وبخوفها منه ومش هاين عليه يطمنها ).

مراد : ادخلى يلا .

سارة : طيب بس سيب الباب مقفول .

مراد رزع الباب وراة وقفله : اه وماله.

(سارة فى اللحظه دى ارتعبت وخافت من نظرات مراد هربت منه ومن نظراته اللى بترعبها اكتر .. بصت لشقه لقتها جميله جدا و ذوقها عالى جدا )

سارة : دى شقتها .... جميله اوى بس انت جايبنى هنا ليه ؟.

مراد : بقت شقتك انتى .

سارة بصتله واتكلمت بعصبيه : انت ازاى بتتكلم كدة وكانها حاجة عاديه ... انا عمرى ما ارضى اقعد فى شقه حد.... انت عاوز تعيش معايا و قلبك وعقلك معاها .

مراد قرب منها : انتى شايفه كدة .

سارة بنرفزة : اه شايفه كدة ..ومتقربش منى .

مراد ببرود : لا هاقرب ... انتى مراتى.

سارة عيطت وبعدت عنه : لا مش مراتك ....انا غلطت لما وافقت واتجوزتك .. انا فهمت دلوقتى انت جبتنى هنا عااوز تكسرنى ... واديك اهو كسرتنى .

مراد شدها وحضنها وقرب من شفايفها : معاش اللى يكسرك ياروحى ...دى شقتى فعلا بس مش شقتى انا وكاميليا ...الشقه دى اشتريتها قبل ما اعرف كاميليا وقولت اللى هاحبها هاتجوزها وهانعيش هنا... فرشتها على ذوقى ...لما عرفت كاميليا واتجوزتها مقدرتش اقعدها هنا لقيت نفسى بخبى عليها موضوع الشقه دى ... ولما ماتت سبت شقتها ونقلت هنااا...لما قابلتك وحبيبتك اتمنيت اليوم اللى هاتكونى فيه مراتى وشايله اسم مراد الالفى ..واتمنيت اجيبك هنا علشان لو كان فى حاجة مش عاجبك تغيريها .

سارة همست : ياعنى ايه .. انا .... انا حبيبتك .

(مراد باسها من شفايفها ومقدرش يبعد عنها ايدة اتجرأت عليها وفك طرحتها وزراير بلوزتها اللى بدء يفك فيهم واحد وراة التانى...فى اللحظه دى مراد حس انه خلاص بدء يفقد كل ذرة عقل مبقاش قادر يتحكم فى نفسه . عاوز يبعد ومش قادر ...ورغم ان خبرتها قليله لكن جننته ....حست خلاص ان حصونها بتنهار بدئت تزق فيه بضعف .)

سارة بضعف : م...مراد .

مراد : مش .. قادر .

سارة : مينفعش .

مراد بعد عنها شويه بس فضلت فى حضنه : ساره ... انا بحبك .

سارة بصتله مش مصدقه انه اخيرا قالها : بتحبنى انا

؟.

مراد : اه بحبك انتى ...انتى وبس اللى فى قلبى ...بحبك من اول مرة شوفتها فيكى وقت ما كنت بتجرى من عيال اللى بيجروا وراكى .... ملامحك كلها حفظتها من يومها .... كنت بتعمد ادايقك علشان تفضلى معايا اطول وقت ممكن.

سارة: وانا كمان بحبك اوى .

مراد : انا جبتك هنا علشان دى هاتبقا شقتنا ... انتى اللى دخلت قلبى وملكتينى ... عارفه انا كنا مأجل كلمه بحبك لبعد كتب كتاب علشان انا عارف نفسى كويس مش هاقدر امسك نفسى لما اقولهالك ... انا مش عارف امك دى مصرة على خطوبه تلات سنين .

سارة : ههههه علشان مش واثقه فيك .

مراد رفع حاجبه : نعم ! مش واثقه ازاى ياعنى.

سارة بتريقه: اصلها سألت عليك ..ولقت سمعتك زى الجنيه الدهب .

مراد :هههههههههه اه فهمت ... كنتى قوليلها انك غير اى حد .

سارة بتحاول تظبط نفسها وهدومها ومكسوفه منه: مقولتش بقا .

مراد : انتى مكسوفه.

سارة : ليه هو انا بنت ومش بتكسف ولا ايه.

مراد : لا انتى مش وشك كذلك والله .

سارة بغيظ : انا مش وش كسوف يا مراد.

مراد : قلبتى فى ثانيه ازاى هههههههه .

سارة : طيب يالا علشان منقعدش مع بعض اكتر من كدة .

مراد : ههههه خايفه على نفسك يابطه .

سارة بغيظ : اه خايفه ....وانا مش بطه ... بطل تقولهالى.

فى بيت الجارحى

ليليان : الله منظر النيل حلو اوى .

زين : اممممممم منظره حلو علشان انتى قاعدة معايا .

ليليان باسته من خدة : ربنا يخليك ليا ... زين هو انت ليه مش عايش فى فيلا ... ليه عايش هنا فى شقه..

زين : علشان ابويا كان شارى الارض للى عليها البرج وكان عاوز يبنها علشان امى كانت نفسها تعيش على النيل ملحقش يبنيها ...انا بنيت البرج وخصصت اخر دور ليا اعيش فيه .

ليليان : احلى حاجة عملتها على فكرة البيت هنا موقعه ممتاز .

زين : كويس انه عجبك ياقلبى .

ليليان : زين كنت عاوز اقولك ان فى تدريب فى شركه اسمها العز للمعمار انا كنت عاوزة اروح وادرب.

زين : هو انا كنت بطلعك من شغلك اللى كان عندى علشان اوديكى شركه تشتغلى فيها ... لا طبعا .

ليليان بهدوء : لا مفيش انك تقول لا فيه هافكر حاضر ... وعلى فكرة التدريب بعد بكرة ... رد عليا بكرة .

زين : طيب متزعليش بقا من قرارى .

ليليان باسته من خدة : لا مش هازعل علشان عارفه ان زين الرجال عمرة ما يزعل حبيبه قلبه ليليان .

زين : هههههههههه لاممكن يزعلها عادى وبعدين اصالحك .

صباحا

فى المخزن ..

يوسف : قول للباشا بتاعك ابويا تعبان .. خليه يجى ... دة ايه العذاب دة .

عاصم بتعب : ماتسكت يا يوسف .

(زين دخل عليهم ... ومعاه ناس ).

زين : ليه يسكت ما يتكلم ويرغى ويغلط اكتر علشان يفضل هنا عمرة كله .

عاصم : قول اللى عندك واحنا موافقين .

زين : ابوك اعقل منك .

عاصم : قول يا زين باشا .... انا تعبت .

زين : انت عاوز ايه ... بتخطف مراتى ليه. . ايه السبب .؟.

عاصم بتعب : ارجع حقى.... ميراثى .

زين : وميراثك دة يسوى كام ؟.

يوسف بزعيق : انت بتتدخل ليه ؟.

زين : كلمه كمان واقسم بالله هالغى عرضى وانا اتمنى كدة والله .

عاصم : اسكت انت يا يوسف ..... قول يا زين باشا .

زين : ٢مليون ليك انت واخوك.... حقك انت واخوك وتنسوا انكو ليكوا بنت اخ ..... ودة مهر ليليان ... وكدة كدة البلد كلها هاتعرف انى متجوزها .. واهو ينولك من الحب جانب .

عاصم الرقم عجبه جدا : موافق طبعا .

زين : بس فى شويه حاجات كدة الاول لازم تتعمل قبل ما تاخد الفلوس.

عاصم : ايه هى؟.

زين : هاتمضوا على شويه شيكات انتو الاتنين علشان لو فكرتوا بس مجرد التفكير تفكروا فى ليليان يبقا السجن مستنيكوا دة غير اللى هاعملوا فيكوا ... دة طبعا اولا... ثانيا بقا انت هاتطلع لكن ابنك لا هايستنى معايا شويه .

عاصم : ليه طيب ؟.

زين : هو كدة..... انت هتاخد الفلوس انت واخوك .... والواد دة هايفضل هنا شويه انا لسه مرحبتش بيه.

يوسف : مش عاوزين منك حاجة ولافلوس ولا حاجة .

زين : خلاص.... خليكوا انا ماشى .

عاصم : خلاص مووووافق .. وخلى يوسف شويه .

(يوسف اتصدم من كلام ابوة انه باعه لزين الجارحى .. وانه فضل الفلوس عليه ... وعاصم لف وشه الناحيه التانيه بعيد عن يوسف علشان ميواجهش كميه الاتهامات اللى فى عيون يوسف ).

****************************

فى بيت الجارحى

(ليليان بتكلم سارة على التليفون).

ليليان : اعمل ايه ؟ زين مش بيوافق بسهوله ؟.

سارة: اتشقلبى كدة يا حلوة وخليه يوافق الشركه دى كبيرة جدا ...والتدريب فيها تحفه .

ليليان.: خلاص هاخليه يوافق ... ربنا يستر منه .

سارة : يارب .

ليليان : انتى ومراد كويسين .

سارة بفرحه: اسكتى يا لي لي مش طلع بيحبنى .

ليليان بضحك: انتى هبببله ههه‍هههه‍ دة كله ومش عارفه هو بيحبك ولا لاه.

سارة : مكنتش عارفه .... وعرفت امبارح .

ليليان : عرفتى ازاى ... قالك ايه ؟.

سارة : هاحكيلك .......

**************************

فى شركه الجارحى

مراد : ايه دة سامر ايه جابك هنا.

سامر : احم انت اللى هنا ليه ؟.

مراد بخبث : كنت عند زين ... قولى فى حاجة .

سامر : انا كنت جاى اطلب ايد الانسه ليليان من بشمهندس زين .

مراد : انسسه !!! وماله .

سامر : انا محروج اوى ما تدخل معايا وتعلى من موقفى عندة .

مراد بخبث : لا انت تدخل زى الوحش كدة وتفرد نفسك ... انت مش اى حد بردوا وبعدين دة زين بيعزك اوى .... ولما تدخل قولها بقلب ميت انا بحب الانسه ليليان الجارحى .. ونفسى اتجوزها .

سامر : بس مش كدة غلط المفروض اهدى فى الكلام اول مرة اقول بحب وكدة .

مراد : ايوا يابنى.. زين صاحبى وعارفه بيحب شجيع السيما الواد الوحش اللى بيدخل فى الحديد .... وكمان افضل شكر فيها وفى حلاوتها وادبها .. اسمع كلامى دة انت هاتلاقى رد فعل من زين هايرفعك سابع سما .

سامر : من ناحيه هاشكر فيها فانا هاشكر فيها ..دة انا بحلم بيها ليل نهار .

مراد : ايوة حلوة الحته دى قولها (بتحلم بيها ليل نهار ) .... هاتعجب زين اوى .

سامر : ماشى اسيبك انا وادخله .

********************

فى قصر الباشا

الباشا بغضب : اه يابن الجارحى لتانى مرة بتدينى على قفايا ...... وبتضربنى فى مقتل

رعد : اهدى ياباشا والله لما طلبتنى جيت من السفر بسرعه .

الباشا : زين الجارحى ..ضحك على الاهبل ابنى وحط ورق غلط فى الشركه وقدم ورق تانى للمناقصه ... لا وبعتلى رساله تعيش وتاخد غيرها .

رعد : انت تأمر بايه يا باشا .

الباشا : نحرق قلبه.... واللى يحرق قلبه مراته ... انشالله اموتها وبعدين انا اموت عادى هابقا مبسووط.

رعد : خلاص سيب الموضوع دة عليا .

الباشا بغموض :. ما علشان كدة بعت وجبتك يارعد .

**********************

فى شركه الجارحى

زين بهدوء : ها يا سامر... خير ؟.

سامر بتوتر : احم بشمهندس زين انا كنت جاى اطلب ايد الانسه ليليان .

زين : نعم ؟!!!!!!.. انسسسه ؟.

سامر : ايوا الانسه ليليان .. حقيقى انا نزلت من السفر عجبتنى جدا مشاء الله جمالها وادبها ورقتها ..تحسها بسكوته وقليل لما تلاقى بنات كدة ... انا اعجبت بيها جدا ودخلت دماااغى ونفسى تبقا مراتى .

(زين قام من مكانه وراح عند سامر وشدة من قميصه ).

زين : اه قولى بقا يا روح امك نفسك تبقا مراتك ازاى ؟.

سامر باستغراب : فى ايه يا بشمهندس .... ايه روح امك دى ... انا جاى اطلبها لجواز .... انا بحبها.

( زين مكنش عارف هو بيعمل ايه تقريبا كسر المكتب عليه والشركه كلها اتجمعت ومحدش كان عارف يخلصه منه ازاى ).

مدام وفاء سكرتيرة زين : مراد باشا الحق زين باشا ماسك واحد جوة فى مكتبه مسبش فيه مكان الا وضربه فيا دة كسر اوضه المكتب عليه .

مراد وهو بياكل : بجد ليه كدة .

مدام وفاء : يامراد باشا سيب الاكل وقوم فض الموضوع دة .

مراد : حاضر

( مراد دخل واتفاجئ من منظر الاوضه وزين اللى ماسك كرسى بيكسرو على سامر ... جرى شد الكرسى من ايدة )

زين بعصبيه :اووووعى من وشى .

مراد بمكر : اهدى.. حصل ايه لدة كله .

سامر بتعب: الله يخربيتك يا مرررراد .

زين : ابن ال.... جاى يطلب ايد مراتى منى .. جاى عاوز يتجوز مراتى ... بيحبها .

مراد بصدمه وبتمثيل : يخربيتك يا جبروتك جاى تطلب ايد مراته منه ... دة انت خارق .

سامر بغل وهو بيحاول يقف : ماااشى يا مرراد .. انا والله ما اعرف انها مراتك.

زين بزعيق : لييييييه اعمى مابتشوفش .. مسالتش حد من اهلك ... اختك امك مراد اى حد .

سامر بتعب : والله انا ما سالت كل اللى قولته اسمها ايه قالو ليليان الجارحى وانت اسمك زين الجارحى افتكرتها اختك .... انا اسف .

زين : اطلع برا علشان مكملش ضرب فيك بسبب غبائك دة .

مراد : تعال اوديك المستشفى .

سامر : اه ودينى ياخويا حسبى الله ونعم الوكيل فيك.

***************************

فى المشفى

سامر: اه يانى .... ربنا يسامحك والله لاعكها فوق دماغك يا مراد.

مراد بمكر : ليه ياخويا هو انا مالى انشاء لله ... انت للى اهبل وعبيط انا بحسبك اهبل وبتهزر ودة هزارك اصل انت غبى وهزارك متخلف زيك .. وبعدين مش خايف من ردة فعل ابوك وامك وانت رايح تقولهم انا رايح اتجوز مرات زين الجارحى ...ههههههههه....يالهوى على اللى هايعملوا فيك .

سامر بغيظ : انت دااااهيييه يا مراد ...كان يوم اسود يوم ما اتجوزت اختى ياخى والله .

مراد : شكرا يا معلم ... فكر بقا وقول ازاى هاتقول لابوك على كل ضربك .

سامر : الله ياخدك يا شيخ ... اه يانى ... دة طلع تووور انا مكنتش عارف اخاد نفسى من كتر الضرب .

مراد فى سرة : احسسسن .

(سارة وسعاد وعبد الله دخلو واتصدموا من منظر ابنهم اللى متكسر).

سعاد : مالك يابنى ... يالهوى مين عمل فيك كدة .

سامر : دى خناقه تاكسى ياماما .... سواق التاكسى اتغبى عليا.

عبد الله : ومتصلتش عليا ليه ؟.

سامر : محبتش اقلقك .... واتصلت على مراد ... ربنا يكرم اصله جة جرى ووجب معايا اوى .

سارة : انا من رأى تسافر وخلاص يا سامر .. اصل انت بوظت خالص ..... والعروسه هاطير منك .

سامر بحسرة وفى نفسه : هى لسه هاتطير .... ماهى طارت خلاص

****************************

فى بيت الجارحى

( ليليان وزين بيتعششوا وزين متعصب وملامحه قاسيه ومتكلمش معاها من وقت ما جة وهى متوترة وخايفه يرفض ).

ليليان : احم ...حبيبى

زين بجمود : نعم ؟.

ليليان بتوتر : فكرت فى موضوع امبارح.

زين : انهى موضوع ؟.

ليليان اتنرفزت من برودة بس كتمت غيظها منه: موضوع التدريب فى شركه العز للمعمار .

زين ببرود : لسه مفكرتش .

ليليان اتعصبت وصوتها غصب عنها بقا عالى وخبطت بايدها على السفرة بنرفزة : ايه دة يا زين ... انا قايلك تقديم الورق بكرة والتدريب هايبدء .

زين ساب الاكل واخد نفس وبصلها بهدوء: ليليان هو انتى خبطتى بايديك على السفرة ولا انا متهايلى .

ليليان بخوف : انا .....

لتصلك باقي القصة علق ب20 ملصق   

قصة عشق زين للكتابة زينب محمد الجزء الأول 

الحلقة 30:✌✌

ف بيت الجارحى

( ليليان وزين بيتعشوا وزين متعصب وملامحه قاسيه ومتكلمش معها من وقت ما جة وهي متوتره وخايفه يرفض ).

ليليان : احم ...حبيبى

زين بجمود : نعم ؟.

ليليان بتوتر : فكرت فى موضوع امبارح.

زين : انهى موضوع ؟.

ليليان اتنرفزت من برودة بس كتمت غيظها منه: موضوع التدريب فى شركه العز للمعمار .

زين ببرود : لسه مفكرتش .

ليليان اتعصبت وصوتها غصب عنها بقا عالى وخبطت بايدها على السفرة بنرفزة : ايه دة يا زين ... انا قايلك تقديم الورق بكرة والتدريب هايبدء .

زين ساب الاكل واخد نفس وبصلها بهدوء: ليليان هو انتى خبطتى بايديك على السفرة ولا انا متهايلى .

ليليان بخوف : انا ..... انا مين دة لا طبعا وهاخبط ليه السفرة... انت شوفتنى وانا بعمل كدة ولا متهايلك .

زين : لا شوفتك .

ليليان : بجد !.

زين : اول مرة واخر مرة تتكرر يا ليليان فاهمه ولا لاه و من هنا لبكرة متكلمنيش لو سمحتى..... عن اذنك.

ليليان.: زين انا اسفه ... بص بلاش التدرريب لو كان دة اللى هايزعلك منى .... بس بلاش موضوع الخصام دة .

زين : خلاص موضوعنا انتهى ... كملى اكلك واطلعى نامى .

*******************

عند سارة ومراد

سارة بشك : انت ليك دخل فى اللى حصل لسامر دة يا مراد

مراد : المحل دة تحفه والايس كريم فيه تحفه يا سوسو.

سارة بغيظ : مراد متعصبنيش ... ايس كريم ايه دة اللى انت بتاكله و متجاهل كلامى .

مراد : نعم يا حبيبى ... عاوزة ايه ؟.

سارة: انت ليك يد فى اللى حصل لسامر؟.

مراد: هو قالكوا ان انا ليا يد فى اللى حصله .

سارة : لا بس ... غريب يتصل عليك انت و على بابا لا وغريب ان سامر يتخانق مع سواق التاكسى ... سامر طول عمرة بيكرة الخناقات وكدة .

مراد بتريقه : اممممم علشان هو شاب لذيذ فى نفسه .

سارة : قلبى بيقولى انك ليك يد فى كل الضرب اللى هو اخدة دة ..... اوعى يكون انت اللى ضربته كل الضرب دة .

مراد قرب منها جدا : اولا انا مضربتوش ... انا لو ضربته والله اخوكى ما هايقوم منها .

سارة : طيب ابعد عنى فى مكان عام .... وايه ثانيا بقا .

مراد قرب اكتر بهمس : هو قلبك دة مبيقولش الا مصايبى بس .

سارة بضحك : لا بيقول حاجات تانيه والله ههههههه .

مراد : بيقول ايه يا قلب مراد .

سارة : عيب يا ميمو.

مراد رفع حاجبه : ميمو مين دة ؟.

سارة : انت .

مراد : بقا انا مراد الالفى ... اللى بيتهزلى اكبر شنب فيكى يا جمهوريه يتقلى يا ميمو .

سارة بدلع : اممم انا بقول يا ميمو براحتى .

مراد : طيب اهدى من الدلع دة احنا فى مكان عام اصل والله ارزعك بووسه قدام الناس دى كلها.

سارة بدلع : ههههههههه براحتى .

مراد : لا دة انتى مصرة بقا.

سارة : بس عيب .

مراد فى سرة : عيب ايه بس على اللى هاعمله فيكى بعد جواز هاتموتى منى يا سوسو.

**************************

فى الشرقيه

شاكر : انت ظهرت يا عاصم اخيرا وانا بدور عليك كل دة ..

عاصم بتعب : طيب سيبنى ادخل بيتى واريح انا تعبان اوى.

شاكر : انت كنت فين ويوسف فين؟.

عاصم : ماقولتلك رايحين نصييف ويوسف بيقضى شويه وقت .

شاكر : ودة منظر واحد بيصيف. ..... انت فاكرنى اهبل ومش عارف انك كنت محبوس انت وابنك عند زين الجارحى جوز ليليان بنت اخوك.

عاصم : طيب مادام انت عارف كل حاجة بتستعبط عليا ليه .... وسع من طريقى يالا .

شاكر : مش قبل ما اعرف يوسف فين وهو ازاى خرجك.

عاصم بغيظ : يوسف لسه محبوس ....وانا صعبت عليه وخرجنى علشان تعبى ....وسع بقا مش عاوز اشوف حد.

شاكر : اتفضل يا اخويا ... اتفضل بس مسيرى هاعرف كل حاجة

*******************

فى بيت الجارحى

( زين نايم على جنبه ومتجاهل ليليان وهى عماله تتقلب فى السرير وتعمل صوت وهى عارفه ان زين بيضايق من الحركه والصوت وقت النوم ).

زين بعصبيه: ليليان فى ايه مش عارف انام .

ليليان ببراءة : عاوزة انام .

زين بنرفزة : ماتنامى وتريحينى .

ليليان عيونها دمعت وقامت تنام على كنبه.: حاضر هاريحك .

زين : والله !!!.

ليليان بصتله وعيطت : شكرا .

زين : ههه‍هه‍ه والله حاسس ان متجوز عيله دى منظر واحدة زعلانه .

ليليان : متكلمنيش.

زين : تعالى طيب علشان تنامى .... مش انتى عاوزة تنامى فى حضنى بردوا.

ليليان : لا .

زين : تعالى ياحبييتى .

(ليليان قامت بتعيط وراحت عندة وهو اخدها فى حضنه وباس جبينها ).

ليليان : زين انا مش بستحمل تخاصمنى والله قلبى بيوجعنى.

زين : سلامه قلبك يا روح قلبى .... انا بخاصمك علشان ببقا مدايق منك ومش عاوز اضايقك او اخرج عن شعورى.. بفضل ابعد عنك علشان متزعليش منى .

ليليان : بعدك بيموتنى .

زين : على عينى يا حبيبى بعدك دة. .. بس اعمل ايه انا شخص وقت غضبى ببقا حد تانى ... بخاف عليكى .

ليليان : طيب انا لو عملت حاجة غلط ابقا فهمنى وقتها بس متبعدنيش ولا تسيبنى اتفاقنا .

زين بنوم : حاضر يا لي لي .

*********************************

فى قسم الشرطه

على : ايه انت بتقول ايه ؟.

الباشا:زى ما بقولك زين الجارحى مخطط لكل حاجة حتى دخولنا حياته مشنا زى ما هو عاوز .

على : اه يابن ال ...................

الباشا : انا وعدتك هانتقم منه .... انا بعت جبت رعد مخصوص وكلفته بقتل مراته فى اقرب يومين مرات زين الجارحى قول عليها يا رحمن يا رحييم .

على : اه ياما نفسى اشوفه ونظرة الضعف فى عنيه .

الباشا : اهدى رعد بيظبط اليوم اللى هايموتها فيه ...وبعدها هايشوف اى طريقه يهربك من السجن ونسافر برة .

على: انا هاصبر يابابا اليومين دول بالعافيه .

الباشا : اصبر انا مقدرش اسيبك هنا .

******************************

فى شركه العز للمعمار

سارة: ها وبعدين اقنعتيه ازاى .

ليليان : لا هو اقتنع لوحدة ووافق ... مكنتش مصدقه نفسى وهو بيقولى ماشى روحى .

سارة : الحمد لله انتى مش شوفتى الشركه عامله ازاى دى تحفه يابنتى وفيها قامات علميه كتير .

ليليان : زين سألنى مين مديرها قولتله معرفش والله .

سارة : انا سمعت المالك بتاعها مسافر وبشمهندس كارم هو الرئيس التنفيذى .

ليليان : اممممم... طيب وبعدين بقا هانفضل كلنا متجمعين كدة ...سارة هى البنت اللى هناك دى بتبصلنا كدة ليه ؟.

سارة : دى رغدة بت لزجه كدة وحاجة قمه فى الاستفزاز شايفه نفسها على الكل وان هى حاجة والناس كلها حاجة تانيه خالص ... بتغش طوله السنين من بت صاحبتها وبتاخد مجهودها وبتنجح بتقديرات.... وتلاقي اسمها جة فى التدريب ... اتفرجى بقا على المياعه والسفاله وقله الادب طول التدريب .

ليليان: ملنااااش دعوة بيها خلينا فى نفسنا .

: انتبااااه لو سمحتوا ... طبعا كلكوا عارفين ياعنى ايه شركه العز للمعمار شركه كبيرة احنا بنجيب هنا اعلى الطلاب .... لو سمحتوا تلتزموا بقوانين الشركه وقواعدها وهاتستفادوا فى كل حاجه .... انا بشمهندس معتز .

فى الشرقيه

عاصم : اوووف مين بيرن على الصبح كدة ... الو .

زين : اخبارك ... قولت اطمن .

عاصم انتفض من مكانه : احم اهلا زين باشا .

زين. : اممممم انا حسيت كدة انك هاتطلع واطى وتطمع فى ٢ مليون جنيه مرة واحدة .

عاصم : احممم ... مش فاهم ؟.

زين : اديت لشاكر اخوك حقه ولا لاه .

عاصم بتوتر : لسه معرفتش اقعد معاه ... لما اقعد معاه هاديله على طول .

زين : هههه انا حسيت كدة بردوا ... على العموم انا عملت واجب بعت رساله لاخوك وفهمته على كل حاجة .

عاصم بغيظ : مكنتش تبعت حاجه كنت هاديله حقه. .. هو يوسف ابنى هايطلع امتى ؟.

زين : لسه ومتسألش تانى علشان مبعتش واجيبك تقعد جنبه ... من غير سلام .

عاصم : سلام ياباشا .

(شاكر قعد يخبط ويرزع على الباب الشقه ... وعاصم فتح ).

عاصم : فى ايه يا شاكر على الصبح .

شاكر : عمال تكدب وتلف وطلعت واخد من جوز ليليان ٢ مليون جنيه عاوز تطمع فيهم لوحدك.

عاصم : كنت هاقولك بس كنت تعبان جدا وعاوز انام ... وانت مش هاتهدى نفسك لو عرفت فيها فلوس.

شاكر : انت هاتقولى .... صدقت كريمه لما قالت انك طماع وغدار.

عاصم بنرفزة : كرييمه .... طيب يا اخويا انا بقا مش مديك حاجة واعلى ما فى خيلك اركبه .

شاكر: وانا هاتصل على زين الجارحى واقوله ... واخليه يتوصى بابنك شويه .

******************************

فى شركه العز للمعمار

فى قاعه الاجتماعات

ليليان بهمس: سارة ..... زين بيتصل .

سارة بهمس : كنسلى عليه .

ليليان بهمس : مقدرش دة منبه عليا ان ارد عليه لو كان مين معايا .

سارة : استأذنى واطلبى تروحى الحمام وربنا يستر .

ليليان : احم بشمهندس معتز .. ممكن اروح التواليت .

(معتز بشمهندس فى شركه رئيس قسم عينه زايغه وبتاع بنات بس من تحت لتحت محدش يعرف عنه كدة ).

معتز باصلها من فوق لتحت وعجبته وعاجبها جمالها الهادى وعيونها الخضرة : روحى يابشمهندسه بس دى اخر مرة ... واعملى فى حسابك انتى هاتكونى فى قسمى.

ليليان : احم بس انا مع بشمهندس محمود فى القسم .

معتز : وانا هنا رئيس القسم وبقولك تعالى فى قسمى انا ناقص معايا شخص واخترتك ... فيه اعتراض .

ليليان : لا .. عن اذنك .

(ليليان دخلت الحمام جرى من الخوف من زين).

ليليان : الو يا حبيبى .

زين : انا مش قولتلك تردى على الطول .

ليليان بتنهج من الجرى : اسفه يا حبيبى لغايه ما استأذنت وروحت الحمام .

زين : بتنهجى ليه ؟.

ليليان : اصل كلنا كنا فى اجتماع ... واستأذنت وروحت الحمام .

زين : ماتردى فى الاجتماع تردى فى الحمام ليه ؟.

ليليان : زين انا مش عاوزة اعرف حد انا مين ومرات مين عاوزة اتعامل كانى شخص عادى ... ممكن ؟.

زين : طيب الحراسه هاتيجى تاخدك الساعه ٥ ...... خلى بالك من نفسك ماشى .

ليليان : حاضر يا حبيبى .

*********************************

فى المخزن

زين : اخبارك يا يوسف .

يوسف بغل : فكنى ... انت مش اخدتها خلاص .

زين : اخدتها ... اممم هى حرقاك اوى كدة يا جو .

يوسف : ايوا انا احق بيها منك انت.... انت مين اللى اخدتها واتجوزتها فى يوم وليله ..وانا بقالى سنين نفسى فيها وبتتمنع عنى .

زين : ماهو البعيد مش بيحس .

يوسف : بحبها.

زين : قولها تانى كدة .

يوسف : بحبهااا .

زين :تعالى بقا يارووووح امك ... انا هاعرفك معنى الكلمه دى وانت بتقولها فى وشى .

***********************

( الايام عدت وزين رافض يفرج عن يوسف ....وسامر وعبد الله سافروا ..... ومراد وسارة اتقربوا اكتر من بعض والحياه مبتخلاش من مناقرتهم .....وزين وليليان حبهم بيزيد الا ان زين متخانق من بعد ليليان عنه بسبب التدريب ... والباشا منتهز الفرصه علشان ينتقم من زين الجارحى ).

*************************

فى شركه العز للمعمار

سارة : ايوا ياعنى مش فاهمه انتى بالذات ليه ؟.

ليليان : معرفش والله يا سارة بس بشمهندس معتز محترم ... اكيد عاوز مصلحتى لما اروح واشارك فى مؤتمر زى دة .

سارة : ماشى ... بس بردوا اساليه مين رايح معاكى من زميلنا .

ليليان : طيب المشكله فى زين هايوافق ازاى دة كل يوم مبوز فى وشى علشان التدريب ... هايرضى اروح اسوان ولوحدى .

سارة : قوليله وانتى حظك .... المهم يالا نمشى علشان مراد مستنينى .

***********************

عند مراد وسارة

مراد : وحشتينى يابطه .

سارة : يوووووة بطل تقولها بكرهك وانت بتقولها .

مراد : عمرى ما ابطل اقولها.... انتى بطه قلبى .

سارة : والله يامراد انزل من العربيه وما اروح معاك.

مراد : ماتجيبى بوسه.

سارة : بعنيك ..... ابدا وبعدين بطل قله ادب بقا .

مراد : بطلنا ....دايما سادة نفسى ... هاتى فونى شوفى مين بيرن وافتحى الاسبيكر.

(سارة فتحت الاسبيكر وكانت صوت بنت )

: الو ازيك يا مرااد.

سارة : مين معايا .

: انتى اللى مين ..وبتردى على تليفون مراد ليه ؟.

سارة : انا مين.... انا مرات مراد الالفى ... وبرد على تلفيونه ليه جوزى ارد براحتى .

: ايه دة هو مراد اتجوز .

سارة بغيظ : اه اتجوز ... انتى مين ؟.

: انا لارا... ابقى قوليله يكلمنى .. باى .

سارة : ميييين دى يا مراد .

مراد : اهدى ... فى ايه دى لارا اللى كنا حضرنا عيد ميلادها .

سارة : وانت ضارب معاها صحوبيه .

مراد : لا طبعا هى كانت معاها رقمى وبتقعد تتصل كل شويه عليا.

سارة : وانت بقا حينين وبترد صح.

مراد : صح.

سارة : طيب نزلنى بقا هنا .

مراد : لسه احنا فى اول الشارع لما نوصل بيتكوا هاتنزلى.

سارة اتعصبت : بقولك اقف ونزلنى .

مراد: لا

سارة فتحت الباب وهو سايق : اقف .

مراد وقف فاجاه : وقفت اهو ...انتى مجنونه ازاى تعملى كدة .

سارة : سلام يا مراد يابتاع لارااااااا

****************************

فى بيت الجارحى

ليليان : زين ممكن ادخل ؟.

زين : تعالى يا لي لي .

ليليان : فاضى اتكلم معاك شويه. .... بالك رايق .

زين شاورلها تيجى تقعد على رجله : تعالى ... وقولى اللى نفسك فيه.

ليليان : انت لازم تكون رايق ... علشان اللى هاقوله هاينرفزك ..... بس اوعدنى انك تفكر يا زين .

زين باسها من خدها : قولى على طول ... انا مبكرهش فى حياتى قد المقدمات .

ليليان : زين فى مؤتمر تبع الشركه اللى انا بدرب فيها فى اسوان وبشمهندس معتز اختارنى انا من بقيه زمايلى علشان اروح اسافر معاهم واكسب خبرة وكدة .

زين : مؤتمر ايه وشركه ايه ؟.

ليليان : شركه العز للمعمار ... ومؤتمر تبع الشركه بتاعتى فى اسوان فى فندق تبع الشركه.

زين بغموض : اممممم... ومين معتز .

ليليان : رئيس القسم بتاعى .

زين : امممم وهو بقا اختارك انتى الوحيدة تروحى معاه.

ليليان : اه يا حبيبى .

زين بغموض : اممممم ... اوعدك انى هافكر والرد هايجيلك بكرة .

&&&&&&&&&&&&&&&&&&

 

 الحلقة 31:✌✌

 فى امريكا 

توحيده: قوليلى بقا هتفضلى فى الحاله الزفت دى لغايه امتى .

ايمان : لغايه ما عبد الرحمن يطلقنى .

توحيدة بغضب : يطلقك يا ايمان ... حب عمرك سهل كدة تسيبه وتتطلقى .

ايمان ببرود : ايوة .

توحيدة : ليييه يا ايمان ... وعلشان ايه ؟. علشان الخلفه ؟.

ايمان : ايوة علشان انا مبخلفش ... خلاص مبقاش منى فايدة .

توحيدة اتنرفزت : انتى متخلفه هو الجواز خلفه وبس

.... دة مودة ورحمه مش خلفه وبس.

ايمان : ايوة اشمعنا انا اتحرم منها .. انا نفسى فى بيبى نفسى فى عيال... فاجأه كدة اتحرم منهم.

توحيدة : استغفرى ربك الاول .

ايمان: استغفرالله العظيم من كل ذنب عظيم .. انا مقصدتش انا بطلع اللى جوايا بس .

توحيدة : يابنتى ربك حاسس بيكى وباللى جواكى .. ودة حكمه لا يعلمها الا الله ... يابنتى ارضى بقضاء ربنا وقولى الحمد لله .. وبعدين ياعنى انتى اتحرمتى عمرك كله من الخلفه ولا هى مسأله وقت يوم شهر سنه سنين الله اعلم ياحبيبتى .... احنا ايه فى ايدينا ايه غير اننا نمشى وراة الطب وبس ونرمى حمولنا على ربنا .

ايمان : ونعم بالله. ... حاضر ياماما هامشى وراة الطب وهانشوف اخرتها .

توحيدة : اخرتها خير انشاء الله ... صالحى جوزك بقا انهاردة انتى من يوم الحادثه وانتى معيشاه فى قرف وخناق وزعيق والله انا لو منه هاسيبك واطلقك واخلص من قرفك دة .... انا عارفه هو بيحبك على ايه .

(عبد الرحمن كان واقف وسامع كل كلامهم وقرر يدخل ويتكلم علشان يقفل موضوع الخلفه دة نهائى ).

عبد الرحمن : انا اقولك يا امى .. انا بحبها علشان هى بنتى دى كبرت على ايدى وانا ربتها وشوفتها وهى بتكبر انا حافظها اكتر من نفسها وعارف كلمه طلقنى دى من وراة قلبها .. هى متقدرش تبعد عنى لحظه مش صح يا ايمى .

ايمان بحب: طبعا صح ... انا كنت هاطلق بس هافضل معاك بردوا مش هاسيبك مقدرش اعيش من غيرك .

عبد الرحمن قرب منها واخدها فى حضنه : يا حبيبتى وليه البعد ما تفضلى قريبه منى على طول .... اولا انا مقدرش اطلقك ابدا ... ثانيا خلفه ايه انا مش عاوز خلفه اصلا .... ربنا رزقنى ببنتى الاولى انتى يا ايمى ... ثالثا زى ماما توحيدة قالت سيبها على ربنا سنه اتنين تلاته عشرة عادى فى يوم من الايام ربنا هايفرحنا ... انا عاوزك ترجعى ايمى حبيبتى انتى وحشتينى جدا كفايه نكد ابوس ايدك .. اتفقنا يا ايمى .

ايمان : ربنا يخليك ليا ومتحرمش منك ابدا يابوودى .. خلاص اتفقنا وايمان النكديه هاتمشى خلاص ... وهاروح لدكتور وربنا يسهلها من عندة .

توحيدة : ربنا يهدى سركواا يا حبايبى يارب. ... ويبعد عنكوا الشيطان .

***************************

عند سارة 

سارة : الو .

ليليان : انتى فين ؟.

سارة : نازله اهو ورايحه اركب وهاجى على الشركه .

ليليان : ليه مراد مش هايوصلك .؟.

سارة : لا متخانقه معاه .

ليليان : والله انتو مجانين انتو لحقتوا .

سارة : وربنا رخم اوى وبيحب يدايقنى .... المهم انا خلاص نازله على بوابه اقفلى علشان اشوف تاكسى .

ليليان : خلاص متتأخريش .. باى .

(سارة نزلت وشافت مراد واقف ساند على عربيته ).

سارة : خير جاى ليه ؟.

مراد : جاى اوصل مراتى شغلها ... ملكيش دعوة بيا.

سارة : والله !... ومراتك بتقولك اتفضل من هنا .

مراد : انتى مراتى ؟... بتتكلمى ليه يا عسل انتى .

سارة : مرررراد بطل استفزاز .. يالا امشى من هنا .

مراد : يووووة نفسى اعرف انتى مقموصه منى ليه ؟.

سارة : علشان بتخونى .

مراد : طيب بذمتك يا شيخه ... ....انا لو بخونك دة هايبقا منظرك.

سارة : مالو منظرى بقا !.

مراد بتنهيدة : بتدلعى عليا يا سارة ... وانا بدأت ازهق انا عاوز حبيبتى اقضى معاه فترة الخطوبه فى فسح وانبساط مش خناق وبوز وخيانه وهبل .

سارة : اعمل بلوك للبت دى يامراد... انا بغير عليك .

مراد : عارف انى عسل وقمر وبصراحه ليكى حق تغيرى عليا .

سارة : براحه بس الغرور يوقعك على وشك .

مراد : تعالى يالا اوصلك ... اخرتينى على الشغل وهاتكدر بسببك .

سارة : هههههه عادى براحتى .

مراد : كل حاجة عملتيها فيا والله لاطلعه عليكى بس اصبرى .

**************************

فى الشرقيه 

عاصم : كدة خالصين يا شاكر .

شاكر : ههه اه يا عاصم .. مالك وشك بيجيب الوان الطيف ليه؟.

عاصم : متلقحش كلام انت مش قدة وقصر فى الكلام علشان مزعلكش .

شاكر: لا انا قد كل كلمه ... الا ابنك فين ؟ لسه عند زين الجارحى ياخى انت مش همك ابنك وهمك الفلوس وبس .

عاصم بنرفزة : شاااااكر ملكش دعوة بيااااا فاهم ولا لاه وملكش دعوة بابنى ...اقولك انت ماخدتش الفلوس وارتحت خد بقا مراتك وسافر لابنك .

شاكر : لا انا هنا بلدى وابنى مسيرة يرجع بلدة وهو مراته .

عاصم بتريقه : بقا دلوقتى مراته .... مانت كنت مش طايقها علشان بنت حسن. 

شاكر : عادى حبيتها.... اهو الواحد بيتغير وطبعه الاصيل بيبان ... ولا انت متعرفش حاجة عن الاصل. 

عاصم بغضب : اخرج برة و من هنا ورايح مالكش دعوة بيا .

شاكر : خارج ياعنى انت بتخرجنى من الجنه اوى ياخويا... سلام.

***************************

فى شركه عز للمعمار .

سارة : اممم ووافق بسرعه كدة .... زين دة غريب اوى .

ليليان : لا هو موافقش ولا حاجة هو وعدنى انه يفكر .... ادعى بقا يوافق .

سارة : يا سلام دة كله علشان تروحى المؤتمر دة .

ليليان : اه طبعا ..... دة مؤتمر عالمى وغير كدة اسوان تحفه.

معتز دخل عليهم : ازيكوا يابنات ..

سارة : تمام يا بشمهندس .

ليليان : كويسين يا بشمهندس.

معتز : سارة .. بشمهندس محمود عاوزك وبيدور عليكى .

سارة قامت تمشى وحست انه بيوزعها : عن اذنكوا .

معتز : ها يا ليليان قولتى لاهلك .

ليليان : احم قولتلهم ... وهما وعدونى يفكروا ويردوا .

معتز : طيب بسرعه بقا ...على فكرة لو جيتى معايا.. احم اقصد معانا هاتتبسطى اولا وهاتستفادى جدا من الخبرات اللى هناك ...وانا استثنيك عن الكل .

ليليان : ميرسى جدا يا بشمهندس وانشاء الله اهلى يوافقوا واكون عند حسن ظن حضرتك .

معتز بهيام : انتى على طول عند حسن ظن حضرتى .

ليليان اتوترت : ميرسى.

موظف : بشمنهدس معتز ..لو سمحت عاوزك.

‏معتز : عاوز ايه ؟.

‏موظف : فى اجتماع مهم علشان رئيس مجلس الادارة جه فاجأه فى الشركه ...وهايبدء بالطلاب الجدد.

‏معتز : طيب روح انت .

‏ليليان : هو فى اجتماع يا افندم .

‏معتز : اه بلغى زمايلك وجهزوا نفسكوا ...وبلغيهم مڜ عاوز اى غلطات ..... علشان الراجل دة مبيرحمش حد.

‏ليليان : متقلقش يا بشمهندس .

‏******************************

‏فى امريكا 

عبد الرحمن : الو ... ازيك يا والدى .

شاكر : الحمد لله يا عبد الرحمن ... اخبارك ايه فى البعثه .

عبد الرحمن مستغرب من ابوة : كويس اوى يا بابا.

شاكر : واخبار مراتك ايه ؟

عبد الرحمن : حلوة يابابا ... هو حضرتك كويس .

شاكر : اه كويس ... انت مستغرب علشان بسالك عن مراتك ؟.

عبد الرحمن : اه الصراحه .

شاكر: عادى يابنى دى اختيارك وخلاص مفيهوش رجعه ....انت محتاج فلوس ابعتلك .

عبد الرحمن : لا شكرا ... شايلك للعوزة .

شاكر : ماشى يابنى .... انا موجود على طول .

عبد الرحمن.: ربنا يديمك سند يا بابت ويخليك ليا.

فى شركه العز للمعمار 

(الطلاب كلهم اتجمعوا ومستنين امر يدخلو قاعه الاجتماعات والكل متوتر من ظهور رئيس مجلس الادارة المفاجئ وفعلا دخلوا معادا ليليان اللى كانت بتكلم زين ).

ليليان : حبييى زمانهم دخلوا غرفه الميتينج وانا هتأخر .

زين : وايه ياعنى ميهمنيش .

ليليان : ماشى يا زين ...انت بتتعمد تعمل كدة علشان تأخرنى ورئيس مجلس الادارة يزعقلى يطردنى من التدريب .

زين : ولا عاش ولا كان اللى يزعقلك يا حبيبتى ... انتى مش عارفه قيمه نفسك ولا ايه .

ليليان : طيب سيبنى بقا اروح .

زين : براحتك روحى .

ليليان : زين. متزعلش .. وعلى فكرة انا بحبك .

زين : وانا كمان بحبك ... يالا روحى .

(ليليان خرجت من الحمام جرى على غرفه الميتينج ولقتهم فعلا دخلوا اتوترت وخبطت ودخلت ).

ليليان : احم انا اس....

( اتفاجئت بوجود زين قاعد على رأس التربيزة والكل بيبصلها ومستنين ردة فعله انها جت متأخر وهى مصدومه من وجود جوزها فى الشركه دة كن لسه بيكلمها ).

ليليان بصدمه وهمست : زين .

زين : اتفضلى اقعدى .

(قعدت جنب سارة اللى هى كانت كمان مصدومه انه موجود ).

كارم : طبعا كلكو عارفين ان انا رئيس التنفيذى للشركه .. بس الشركه ملك لبشمهندس زين باشا .

زين : انا زين عز الدين الجارحى ... والشركه دى كل سنه بتاخد اعلى الطلاب فى كليه الهندسه يدربوا هنا وكل سنه انا باجى بنفسى بعمل اجتماع ... واشوف مستواكو ... بس الغريب فى حاجة انا عاوز اسال عليها بشمهندس معتز .

معتز : انا .. احم خير يا افندم .

زين بحدة : انا سمعت ان فيه مؤتمر فى الفندق المالك لمجموعه الجارحى فى اسوان ... والمفروض المؤتمر يبقا تبع الشركه وان حضرتك رايح انت وكذا حد ومعاك طالبه من الطلاب الجدد .

كارم : حضرتك مؤتمر ايه مفيش مؤتمرات للجموعه اصلا .. واسوان ايه ... ايه الكلام دة يا معتز .

معتز وشه جاب ميه لون ولون وبص لليليان : مؤتمر ايه ... الكلام دة مش صح .... انا معرفش حاجة عن الكلام دة .

زين : لا انا متأكد من الكلام دة .

معتز : وايه اللى مخلى حضرتك متأكد كدة ومين الطالبه دى .

زين شاور على ليليان : اتكلمى. 

ليليان وشها احمر من الاحراج: اتكلم اقول ايه .

زين بحدة : اتكلمى قولي اللى قولتهولى .

ليليان دمعت من حدة زين وعرفت انه مش مصدقها : حضرتك بشمهندس معتز مش قولتلى ان فيه مؤتمر فى اسوان تبع الشركه واستثنتى انا وهاروح معاكوا .

معتز : معانا مين يا ماما .... ومين اللى رايح اصلا وانا ايه علاقتى بيكى انا رئيسك فى الشغل وبعدين اهو هاسأل رؤساء الاقسام قدامكوا ... فى حد يا جماعه عارف ان فيه مؤتمر للشركه فى اسوان .

(الكل رد ب لا وبصوا لليليان باتهام وانها كدبت وقعدوا يشكروا فى معتز وادبه واخلاقه العاليه حتى كارم شكر فيه وان هو شخص ملتزم ... وليليان بصت فى الارض وعيطت ومقدرتش تاخد نفسها والحاله بدات تيجلها ).

كارم : انتى اكيد واحدة مش مظبوطه علشان تتهمى رئيسك كدة .

رغدة هنا اندفعت فى كلام وحبت تلفت انتباة زين : ايوا انا اصلا بشوفك بتقعدى تتحججى لبشمهندس معتز كل شويه واخر مرة صدك جامد وزعقلك .

سارة : انتى واحدة كدابه .

(زين قام من مكانه والكل متابعه وراح عند ليليان وقومها واخدها فى حضنه وباس جبينها وخدها قصاد ذهول الكل ).

زين بصلهم بحدة: اللى عيبتوة فيها دى مراتى ... مرات زين الجارحى اللى هو رئيس شركتكوا اللى بتشتغلوا وبتاكلوا فيها من خيرى .

كارم اتصدم : احم مراتك .

زين بحدة : اه مراتى .. اللى جت تستأذنى علشان تروح مؤتمر تبع الشركه فى اسوان وانها مبسوطه انها هاتستفاد من الخبرات .... وانا بقا رئيس مجلس الادارة معرفش حاجة قولت اجاى استفهم لتكونوا قررتوا تعملو مؤتمر من غير ما ترجعوا للشركه الام .... ايه كلكوا اتخرستوا ... انتو كنتوا بطبلوا لحيالله رئيس قسم مابالكوا بقا بمرات رئيس مجلس الادارة .

( الكل سكت وبصوا للبعض وخافوا من منظروا ونظراته الحادة ورغدة كانت هاتولع من النار اللى جواها ).

زين : معتز انت مطرود مع توصيه منى كدة على كل الشركات انك ممنوع تشتغل وكل ترقياتك مسحوبه منك....علشان تبقا تفكر تلعب بديلك من تحت لتحت ...انا مراتى مش كدابه ... وانت يا كارم هاكتفى بانك تنزل من رئيس التنفيذى لدرجه اقل رئيس قسم علشان تبقا تشوف شغلك حلو ... وانتى اسمك ايه ؟.

رغدة بتوتر : انا؟.

زين : اه انتى ... محرومه من التدريب ويالا اطلعى برا الشركه ... يالا كل واحد على شغلكوا.

( الكل خرج ماعدا ليليان اللى كانت فى حضن زين ومخبيه وشها من الكل ).

زين : ايه يا لي لي ما كفايه عياط بقا .

ليليان بعدت عنه بحدة : كفايه عياط بسهوله لما تضحك عليا وتخبى ان الشركه ملكك واتفاجئ زى زى اى حد يا زين ... وانا عامله زى الاطرش فى الزفه ... لا وكمان تيجى علشان تحرجنى قدام الكل ... وكلهم يتكلموا فى حقى كلام مش كويس .

زين : مانا رديت اعتبارك اهو .

ليليان بنرفزة : والله انت كدة رديت اعتبارى ... لا يا زين باشا انت اتسببتلى فى اهانه كبيرة ... برافو اوى يا زين.

زين بغضب : ليليان وطى صوتك ... والزمى حدودك معايا فى الكلام اعملك ايه مانتى اللى هبله وبتصدقى اى حد .. قولت اديكى درس علشان تتعلمى .

ليليان بصدمه: الزم حدودى. ....و انا هبله ....وبتدينى درس... شكرا اوى يا زين ادينى اتعلمته اهو .. عن اذنك .

زين مسك ايديها : انتى رايحة فين وسايبنى .

ليليان : تعبانه عاوزة اروح.... متخفش مش ليا مكان الا بيتك اروحه .... عن اذنك.

*********************

سارة : استنى يا ليليان .

ليليان منهارة : لو سمحتى مش عاوزة اتكلم... سيبنى دلوقتى .

(ليليان جريت برة الشركه وركبت العربيه وعربيه الحراسه مشيت وراها ).

*********************

مجهول ١: ايوا يا باشا الهدف طلع اهو من الشركه ودخلين على الطريق المقطوع .

مجهول ٢: طيب انا مستنيكوا انا والرجاله .

*********************

( كريم ماشى وشاف عربيه ماشيه وراهم وشك فيهم .. كلم الحراسه وبلغهم وليليان اتوترت ).

ليليان بتعيط : فى ايه يا كريم ؟.

كريم : مش عارف يا هانم انزلى فى العربيه من تحت وربنا يستر .

(ليليان حست انها هاتموت طلعت تليفونها وكلمت زين ).

زين : الو 

ليليان بخوف : زين 

زين حس بصوتها فى حاجة : مالك يا روحى .

ليليان : باين عليا هاموت يا زين ... انا بحبك اوى .

زين : تموتى ايه ... انتى فين .

ليليان : انا فى طريق وناس بتضرب نار علينا ...زين انا بحبك اوى ومحبتش حد فى الدنيا دى قدك .

زين الخوف اتملكه: انا جايلك يا قلبى ... متخفيش ... مش هاسيبك .... الو ..الو .

( ومفيش ثوااانى وضرب النار اشتغل على عربيه ليليان من كل حته فى الطريق وكريم اتصاب وحاول يتفادهم وانحرف بالعربيه فى الاتجاه التانى واتقلبت بيهم ).

( المكان دة كام قريب من الشركه وزين قدر يوصل بسرعه وشاف عربيه حراسه كل اللى فيها مقتول وعربيه تانيه بتجرى بسرعه وحراسه زين جريوا وراهم ... جرى يدور على عربيه ليليان ... لغايه ما لاقاها مقلوبه فى الاتجاه التانى جرى عليها وملاقاش حد فيها الا كريم وهو كمان مات ).

زين بهمس : ليليان !.... كريم اصحى ليليان فين ؟

التفاعل قل فياريت تتفاعلوا

قصة عشق زين للكاتبة زينب محمد الجزء الأول 

الحلقة 32:✌✌

عند مراد وسارة

مراد : اوصلك فين يا قلبى .

سارة : وصلنى عند خالتو.

مراد : ههههه رايحه عند ماهى ..سلميلى عليها ...دى حبيبتى .

سارة بغيظ : حبك برص يا مراد احترمنى وبطل تضايقنى .

مراد : هههههه بهزر على فكرة ... وبعدين والله البت ماهى دى بتحبك ..... طيب فاكرة يوم ماروحنا عيد ميلاد الموكوسه لارا وقابلنا مهاب الزفت انا كنت متفق معاها اصلا.

سارة : متفق ازاى ؟.

مراد : قولتلها ان انا بحبك وعاوز اقرب منك وانتى مشاء الله عليكى زى الدبش وهاترفضى وطلبت منها تساعدنى وتطلب منك تيجى معاها وتستفزك فى حوار اللبس بس انتى صدمتينى بحوار الميكب دة ... بس من وقتها و عرفت انها طيبه وبتحبك .

سارة بتنهيدة : طيب مانا بحبها ... بس هى متخلفه وهاتضيع مهاب من ايديها .

مراد : امم ماهى ومهاب ازاى .؟.

سارة: هما كانوا بيحبوا بعض بس ماهى صغيرة ومهاب شاب وانجرف وراة البنات وكلم بنات وكان بيقابلهم وهى اكتشفت خيانته ليها من وقتها وهى كدة بتمثل انها صايعه ومش فارق معاها حد فاكرة انها بتجرحه ياعنى وبتدوقه من نفس الكاس بس هى بتأذى نفسها قبل اى حد... غلبت احكي معاها واتكلم وكل مرة نطبش مع بعض علشان هى مقتنعه ان بدافع علشان خاطر مهاب .... وانا والله مش عاوزها تضيعه من ايديها ...وهو من يومها عاهد نفسه مفيش ولا بنت فى حياته الا هى وراح الصعيد .. والبعيدة مش بتفهم.

مراد : امممم الموضوع معقد فعلا

(تليفون مراد رن وكان زين ).

مراد : الو ازيك يا بوص .

زين :مراد ..... ليليان اتخطفت انا مش لاقيها مش عارف راحت. فين انا حاسس ان انا هاموت والله .

مراد : اهدى يا زين ... اتخطفت ازاى احكيلى .

زين : معرفش يا مراد مشيت من الشركه وبعدها بربع ساعه بالظبط لقتها بتتصل وبتعيط وبتقولى فى ناس بيضربوا نار على عربيتها روحت جريت لقيتها فى الطريق المقطوع الى قبل شركه ابويا وعربيه الحراسه كلهم ميتين وعربيتها مقلوبه فى الاتجاه التانى من الطريق روحت لقيت كريم ميت وهى مش موجودة .

مراد : طيب انت فين وانا جايلك .

زين : فى الطريق رايح للباشا .. اكيد هو اللى اتجرأ وعاملها .

مراد : طيب جايلك اهو .

(مراد قفل مع زين وساق بسرعه ).

سارة بقلق : مالها ليليان يا زين فيها ايه ؟.

مراد : مفيش اتخطفت .

سارة : يالهوى اتخطفت تانى .... هو عمها وابن عمها زين سابهم.

مراد : لا مش هما اكيد دة الباشا ابوة على .

سارة: يالهوى ليعملوا فيها حاجة... دول ناس قادرة.

مراد : متخفيش انشاء الله خير.. انزلى بس انتى واطلعى لخالتك ومتروحيش الا لما اروحك.. ماشى .

سارة : حاضر ابقا طمنى .

**************************

فى قصر الباشا

زين : شوفت اهو جربت تجرى وتسافر برة ....بس رجالتى جابوك من قفاك .

الباشا : انت عاوز ايه يا زين ... انا مسافر وسايبلك البلد كلها .

زين : مراتى فين ؟.

الباشا : مرات مين وانا ايش عرفنى .

زين بغضب : متستعبطش عليا مراتى فين ؟.

البباشا : مش عااارف .. وانا مالى .... شوفها راحت فين يمكن طفشت منك .

زين بصوت عالى : انت عمال تكدب وتلف وتدور وفاكرنى اهبل امال ايه الناس اللى انت بعتهم دول علشان يموتها.

الباشا : مبعتش حد .

زين : لا دة الاستعباط زاد عن حدة .... انت يابنى دخله الناس اللى مسكتوهم ورعد دراعه اليمين .

(دخل الرجاله اللى ضربوا نار على ليليان وكمان رعد متكتف ومضروب ...زين شاور لواحد من الرجاله يتكلم ويحكى).

واحد من الرجاله : الباشا كلف رعد ورعد كلفنا واحنا خططنا واستنينها فى الطريق المقطوع وضربنا عليهم نار علشان نموتها .

الباشا بزعيق : دة كداب انت شارى ناس تألف حوار عليا وتلبسنى انا الموضوع .

زين ببرود : اممم دة الكدب بيجرى فى دمك بقا ... طيب بلاش الراجل دة ... نخلى رعد دراعك اليمين انت وابنك يتكلم ... اتكلم يا رعد .

رعد بخوف من تهديد زين : اااا ... ااالباشا سفرنى برة مصر وبعت جابنى هنا علشان اقتل مراتك ويحرق قلبك.

زين : وكان ناوى على ايه كمان يا رعد .

رعد : يسافر ويسيبنى انا اهرب على ابنه وابعتله على البلد اللى كان هايروح فييها.

زين قرب من الباڜا : شوفت اهو كاتم اسرارك فتش كل حاجة بمجرد تهديد بسيط له قال على كل بلاويك .... قولى بقا بالذوق مراتى فين ؟.

الباشا بغل: معرفش ..... اسالهم مش هما اللى كان بيضربوا نار انا مالى .

زين شاور لرعد : اتكلم قوله .

رعد : للباشا كان متفق معانا ان فى عربيه هاتراقبنا وفعلا كان فيه واحدة ماشيه معانا .

الباشا : لا كان حوار عامله عليكوا علشان تنجحوا بقتلها ..

انا اجرت واحد فعلا بس مالوش فى اى حاجة .

زين : وانا المفروض اصدقك .

الباشا بغل :. عاوز تصدقنى .... مش عاوز براحتك .

زين :براحتى .... دة انت مش فارق معاك حاجة .....جهزولى قبر يليق بالبااشا علشان يندفن فيه وهو صاحى .

الباشا : والله ماعرف مراتك فين ؟.

زين : ماليش فيه .... انا عاوز مراتى .... تقولى مراتى فين اعفو عنك ... تفضل تكدب والله ماهاسامحك وهادفنك وانت صاحى .

***************************

فى مكان شعبى

: يالهوى يا محسن البت نايمه ومش بتقوم دى شكلها تعبانه اوى .

محسن : طيب استنى اجرى اروح اجيب دكتورة اللى فى اخر الحى تيجى تكشف عليها .

: يالهوى استن تروح تجيب ايه .. دى اكيد كشفها غالى هانجيب فلوسها منين .

محسن : امال اعمل ايه؟. ...... اشيلها وهى متبهدله كدة اروح بيها فين .. لا سيبها هنا واجيبلها الدكتورة وانشالله استلف حقها من اى حد ... بس خليكى جنبها .

****************************

عند زين

مراد : ها ؟. عملت ايه؟.

زين بتعب : مش عارف اختفت ..... انا مش عارف راحت فين ..... العربيه مقلوبه يا مراد وكريم كمان مات ياعنى اكيد هى حصلها حاجة انا هاموت من الخوف عليها ... مش عارف بتعمل ايه تعبانه ولا لاه .... انا حاسس انى عاجز ومش عارف افكر .

مراد : طيب مفيش كاميرات ولا اى حاجة .

زين : لا دة طريق مقطوع ... وكل اللى كانوا معاها ماتوا ... هى هايكون حصلها ايه يا مراد .

مراد قرب منه وطبطب عليه : متاخفش يا صاحبى ... انشاء الله خير ...بدام هى مش موجودة يبقا هى تمام يمكن طلعت وجريت مثلا .

زين : تجرى ايه العربيه مقلوبه بيهم ... انا فى دماغى ميت الف سينااريو وكلهم اسوء من بعض .

مراد : طيب العيال اللى مسكتهم ظروفهم ايه ؟.

زين : قالوا ان الباشا هو اللى وزهم عليها وقالهم يموتوها بس مش اخدوها مش لحقوا وحاولوا يهربوا .... بس قالوا ان الباشا كان ممشى وراهم عربيه علشان يتأكد منهم. انهم قتلوها ...وهو بيقول مش عارف عنها اى حاجة ... بس واقسم بالله لو ما نطق لادفنه حى فى قبر ولا يرمشلى جفن .

مراد : طيب خليك انت معاه وانا هابلغ وهاقلب الدنيا لغايه ما نلاقيهاااا متقلقش يا صاحبى .

**************************

دكتورة : ايه دة ياعم محسن ايه البهدله دى مين عمل فيها كدة .

محسن : دى حادثه يابنتى على الطريق وانا معرفتش اتصرف ولا اوديها فى مستشفيات جبتها على هنا .

دكتورة : اممممم هى كويسه بس دى اغماءة بسبب الحادثه والحمد لله الجنين كويس .

محسن : هى حامل ؟.

دكتورة : اه حامل تقريبا كدة فى شهرين .. انا هاكتبلها ادويه تجيبها وتاخدها وغذيها كويس اوى ولما تفوق جيبها عندى نعمل سونار على الجنين ونطمن عليها اكتر.....عن اذنكوا .

محسن : طيب حسابك ؟.

دكتورة : مش عيب عليك يا راجل يا طيب كفايه انك لما بتوصلنى بالتاكسى بتاعك مبترضاش تاخد فلوس خالص منى ... ربنا يعينك بس على العلاج .

(الدكتورة مشيت ونزل محسن جاب العلاج ورجع تانى ).

محسن : ها يا فوزيه ... الابله عامله ايه ؟.

فوزيه مراته : نايمه يا حبه عينى شكلها تعبان اوى .

محسن : طيب انا جبتلك فرخه اعمليلها اكل وادى العلاج نديهولها .

فوزيه : جبت الفلوس دى كلها منين ؟.

محسن : ربك بيسهلها يا فوزيه الدكتورة رفضت تاخد فلوس وانا عملت نص يوميه بالتاكسى جبت فرخه وجبت العلاج اتبقى عليا فلوس والباقى هابقا ادفعه .

فوزيه : ربنا يجعله فى ميزان حسناتك ... بس قولى بقا ايه اللى حصل بالظبط .

محسن : مفيش يا ستى ... انا كنت ماشى على طريق عادى ... الطريق دة مقطوع شويه ...لقيت ضرب نار جامد خفت الصراحه وركنت التاكسى ونزلت تحت لغايه ما يخلصوا شويه وسمعت صوت عربيه بتتقلب ببص كدة لقيت العربيه اللى فيها الابله دى اتقلبت فى الاتجاه اللى انا واقف فيه ... انا اترددت انزل ولا لاه ... قولت هانزل واتوكل على الله قومت جريت وروحت لقيت واحد شباب كدة بيصارع الموت قدام على الدريكسون والابله وراة مغمى عليها والشاب دة قالى

(فلاش باااااااااك )

كريم : ابوس ايدك خدها وشيلها واجرى بيها .

محسن : طيب اشيلك انت الاول يابنى ؟.

كريم : لا ..ل... لا انا كد كدةة ميت .. خدها وشيلها واجرى بيها هايموتوها .

محسن : هما مين دول ؟.

كريم: اه ... اه. ... مش وقته الكلام ... خدها بس .

(بااااااااك)

محسن : وبس شيلتها وجريت بيها وسوقت باقصى سرعه لغايه ماجبتها هنا .

فوزيه : يالهوى دة اظاهر ان وراها حوار جامد يا محسن واحنا مش قدة .

محسن : وايه ياعنى العمر واحد والرب واحد ....اتكلى على الله يا فوزيه ... قومى بس اعمليلها الاكل علشان لما تفوق نرم عضمها من الحادثه .

فوزيه : طيب قايمه اهو ... ربنا يستر بقا .

*************************

(مراد قلب الدنيا والامن بيدوروا فى ناحيه...وزين كان هايموت عليها وخايف ومرعوب ومش عارف يعمل ايه ... كل شويه بيخطر على باله سيناريوا شكل وكلهم اسوء من بعض ... الخوف اتملكه للاول مرة ... وذكرى موت ابوة وامه بتمر قدامه ونفس احساس العجز وقتها .. بيحسه دلوقتى .. بس هو قدر وكمل وعاش بعد موتهم ... لكن هى لو حصلها حاجة هايموت وراها مش هايقدر يعيش هو اصلا عايش فى الدنيا دى علشان خاطرها بيعافر فيها بسببها ... ملحقش يتمتع بيها ولا يعيش معاها ... معقوله بسهوله كدة حكايتهم هاتخلص ... معقوله بسهوله كدة هاتروح منه .)

ليليان بتحاول تفتح عينها : اه .... مش قادرة .

فوزيه : براحه يابنتى على نفسك .... قومى براحه .

(ليليان فتحت عينها براحه...لقت نفسها فى اوضه غريبه وراجل واحدة متعرفهمش واقفين و الخوف فى عنيهم ).

ليليان : انتو مين؟.

محسن: انا يابنتى اللى شيلتك وجبتك هنا ؟.

(ليليان افتكرت الحادثه وضرب النار وزين والعربيه وهى بتتقلب بيها وانها شافت الموت بعنيها ...وزين حبيبها ).

ليليان بدموع : انا عاوززة زين .

محسن : زين .. مين؟.

ليليان : جوزى .

محسن : طيب يابنتى هاتصل عليه حافظه رقمه ؟.

ليليان: اه.

محسن : طيب هانزل اشحن رصيد ونتصل عليه ... جهزيلها الاكل يا فوزيه واديها العلاج.

ليليان بخوف :لامش عاوزة حاجة ... شكرا .. بس عاوزة زين.

محسن : يابنتى متخفيش انتى هنا فى امان والله ... انا سواق تاكسى ولما شوفت اللى حصل شيلتك وجريت بيكى على هنا ... اطمنى احنا ناس طيبه .

ليليان : مقصدش ...بس عاوز زين .

محسن : حاضر يابنتى هانزل اهو اشحن ... وانتى ياستى كلى وخدى دواكى حتى علشان اللى فى بطنك دة .

ليليان : مين اللى فى بطنى .

فوزيه : يووووة هو انتى مش عارفه انك حامل .

ليليان بصدمه : انا ... حامل .

محسن : اه حامل جبتلك دكتورة تكشف وتطمن عليكى وقالت انك حامل فى شهرين .

ليليان عيطت وفرحت : طيب والنبى ياعمو انزل بسرعه واتصلى على زين .

محسن : بس اوعدينى انك تاكلى وتاخدى دواكى .

ليليان بابتسامه : حاضر .

*****************************

فى مكان مهجور

(مراد واقف وجنبه زين اللى نظراته كلها غضب ).

الباشا : انت مجنون انت هاتدفنى وانا صاحى ... قولتلك معرفش مراتك فين .

زين : اخر مرة بقولك مراتى فين؟.

الباشا : معررررررفش والله ماعرف راحت فين .

مراد : قول اصل هو مش بيهزر وهايدفنك فعلا .

الباشا: بقولك مش عارف ... انا اه امرتهم يقتلوها بس معرفش هى راحت فين .

زين : طيب انت بقا اللى جنيت على نفسك .... حطوة واردموا عليه ... خلصونى منه ... انا غلطت زمان لما سبتك تعيش كان لازم تموت .

(تليفون زين برقم كنسل عليه واتصل تانى ).

مراد بهمس: مين ؟.

زين : رقم غريب .

مراد : طيب رد بسرعه يا زين يمكن حد تبع ليليان .

زين رد : الو

ليليان : زين .

زين : ليليان ... انتى فين ياقلبى ؟.

ليليان : معرفش يا حبيبى انا عند راجل طيب هو اللى انقذنى ... تعال خدنى .

زين : طيب هاتى اكلمه .

محسن : الو يابنى .

زين : انت مكانك فين ؟.

محسن : عنوانى ........

زين : طيب انا جايلك ... خلى بالك منها .

محسن : متخفش يابنى فى عنيا .

مراد : ها ؟ ليليان كويسه ؟.

زين : اه يا مراد واحد انقذها ..انا هاروحله .

مراد : طيب روح ... اعمل ايه فى الزفت دة .

زين : انت مش ظابط وعندك دراعه اليمين اعترف على كل بلاويه خدة ولبسه كل القضايا دى وخلصنى منه هو وابنه .

مراد : انا اصلا حطيت ابنه فى سجن مشدد ... ودة بردوا كان رأى كل البلاوى اللى هو عملها كفيله تخليه يموت فى السجن .

زين : طيب اتصرف زى مانت عاوز ... انا هاروحلها بقا .

**********************

عند سارة

سارة : يووووة رد بقا يا مراد دة كله مش شايف الاتصالات دى كلها .

مراد : الو .

سارة بلهفه : انت كويس .

مراد : اه يا حبيبتى تمام .

سارة : طيب وليليان لقيتوها ؟.

مرراد : اه وكويسه الحمد لله وزمان زين عندها كمان .

سارة : الحمد لله ... انا كنت ميته من الخوف .... هى كانت فين ؟.

مراد : لا مش دلوقتى حكاوى ... المهم اطمنى ... انتى لسه عند خالتك ؟.

سارة : اه مستنياك تخلص.

مراد بتنيهدة : انا مش عارف امك دى مخليه الخطوبه تلات سنين ليه ؟. انا هاموت عليكى .. هاموت وارجع بعد الضغط دة واليوم المتعب دة ارجعلك وانام فى حضنك .

سارة: معلش يا مرادى استحمل .

مراد : مانا فى ايدى ايه غير ان استحمل ... المهم هاخلص واجيلك اوعى تنزلى لوحدك .

سارة : حاضر .

مراد : احبك وانت مطيع كدة .

سارة : هههههههه طول عمرى بس انت اللى مش واخد بالك .

مراد : انت هاتقوليلى ... سلام يا بطه قلبى .

سارة : يوووة على بطه وسنينها .. سلام.

************************

(زين تقريبا كان بياكل الطريق وماصدق انه وصل وطلع وقابل محسن ).

زين : هى فين ؟.

محسن : طيب خد نفسك يابنى ... هى كويسه وجوة

زين : لا عاوز اشوفها .

محسن : طيب اتفضل معايا جوة فى الاوضه لللى هناك دى .

(زين دخل وشافها نايمه تعبانه فى السرير وقف مش عارف يتحرك ... وهى بصتله وهمست باسمه جرى عليها واخدها فى حضنه وفضل يبوس فى كل مكان فى وشها وفى ايدها وباسها من شفايفها ومعملش حساب لاى حد واقف اشتياقه ليها وخوفه عليها خلى ينسى انه زين الجارحى هو دلوقتى زين وبس ودى حبيبته اللى ضاعت منه وما صدق لقاها .... محسن وفوزيه اتحرجوا وخرجوا وقفلوا الباب عليهم .... واخيرا قدر يبعد عنها ) .

زين : انا كنت هاموت من الخوف .

ليليان عيطت : انا شوفت الموت بعنيا يا زين ..... وكريم مات .

زين : حبيبتى انا اسف انا السبب فى كل حاجة حصلتلك سامحينى ... وكريم انا حزنت عليه انا كنت بحبه وهو بيشتغل معايا من صغرة بس هاعمل ايه قضاء ربنا ... بس اهله فى عينى وحمايتى .

ليليان : تعرف وصى عم محسن عليا قبل ما يموت وقاله يخدنى ويجرى علشان الناس اللى بيضربونا بالنار مش يموتنى .

زين : الله يرحمه طول عمرة جدع ومحترم .

ليليان : زين هى مين الناس دى .

زين : مش وقته يا قلبى .

ليليان كشرت : امال امتى ... انت بتخبى عنى كل حاجة .

زين : والله ما قصدى اخبى بس انا خايف عليكى من التعب وعاوز اطمن عليكى واوديكى مستشفى .

ليليان : عمو محسن كتر خيرة جابلى دكتورة وكشفت عليا.

زين بتنهيدة : الحمد لله .

ليليان : بس لازم اروح لدكتورة اطمن على حاجة .

زين : حاجة ايه ؟... هو انتى تعبانه.؟. فيكى حاجة بتوجعك؟. .

ليليان اخدت ايدة وحطتها على بطنها : تؤتؤ مش تعبانه ... بس فيه نونو صغير هايجى بعد كام شهر ويشرف الدنيا .... ولازم نطمن عليه .

زين بفرحه : انتى حامل ؟.

ليليان. : امممم حامل فى شهرين ... الدكتوره قالت كدة .

زين : الحمد لله ... احلى حاجة حصلتلى بعد سلامتك ... انك حامل منى ... ياعنى كمان كام شهر هاتجيبى بيبى صغير ليا وهايكون منك انتى .

ليليان : اه يا حبيبى .

زين : طيب يالا ياقلبى ... قومى نروح نطمن عليكى وعليه .

ليليان : استنى الاول عمو محسن دة راجل طيب اوى انقذنى وجابلى دكتورة هنا وزى مانت شايف حالته على قدة وهو صرف كتير عليا اكل وادويه ..ياعنى اقصد ...

زين قطع كلامها : من غير ما تقولى يا روحى ... انا هاعمل معاه الواجب ... الراجل دة لولا كان زمانى بقلب الدنيا عليكى وبعدين دة هو وش السعد وبسببه عرفت احلى خبر انك حامل ... انا هاسفروا يعمل عمرة هو ومراته وهايبقا مسؤول منى ... انا مش قليل الاصل يا لي لي .. انا لايمكن انسى جميل حد عمله معايا ابدا.

ليليان بحب : علشان كدة عمو حسن الله يرحمه كان بيقول عليك زين الرجال .. صدق فى كلمته .

**********************

(زين اخدها فعلا للدكتورة واطمن عليها وعلى البيبى وروحها البيت ومراد تحت اصرار سارة راحوا وزورها واطمنوا عليهم وزين كان ناقص يطردهم ومشيوا بعد معاناه ).

زين : اووووف اخيرا مشيوا ...مراد دة رخم بشكل .

ليليان. : هههههه على فكرة هما كانوا قايمين ماشيين بس كلامك ليهم وهو بقا رخم وعند معاك و قعد ورخم عليك .

زين : مش صاحبى ... بس طول عمره بيحب يدايقنى .... والله استحملته بالعافيه علشان خاطر سارة .... يالا اهو كفايه عقاب حماته له .... دة كفيل بيه والله .

ليليان.: ههههههه طنط سعاد مفتريه .

زين : سيبك انتى من طنط سعاد وسارة ومراد والناس دى كلها انتى وحشتينى .

ليليان قربت منه وباسته فى خدة : وانت كمان كنت خايفه اموت ومش اشوفك علشان كدة اتصلت عليك وكلمتك اسمع صوتك .

زين : ياروحى انا .... انا اللى كنت بموت فى ثانيه الف مرة....كنت حاسس ان انا عاجز يا ليليان .... انا فشلت فى حمايتك .

ليليان مسكت وشه بايديها : حبيبى متقولش كدة وبعدين دة مش بايديك وفى المرة اللى فاتت انت لحقتنى والمرة دى ربنا وقف جنبنا علشان نيتنا صافيه .

زين : بس عيشتى وبسببى وقت صعب وضرب النار والخوف اللى كان فى صوتك ....دة كله كان بيقتلنى .

ليليان : مين دول يا زين وكانوا عاوزين منك ايه ؟؟.

زين اخد نفس طويل : هاحكيلك يا ليليان ... هاحكيلك كل حاجة يمكن النار اللى فى قلبى تهدى ... وانا ابطل تفكير .

ليليان : احكى ياقلبى وقول كل اللى فى نفسك .... وطلع اللى جواك .

زين : الحكايه بدأت ..................

الحلقة 33:✌✌

زين اخذ نفس طويل : هحكيلك يا ليليان ... هحكيلك كل حاجة يمكن النار اللى فى قلبى تهدى ... وانا ابطل تفكير .

ليليان : احكى يا قلبى وقول كل اللى فى نفسك .... وطلع اللى جواك .

زين : الحكاية بدأت .... لما ابويا ورث شركة عن جدى وكبرها وكانت شركة كبيرة اوى اللى هى العز للمعمار اتعرف على صاحب اسمه الباشا وبقي صاحب عمرة ابويا دخل فى كل حاجة حتى بيته دخله بيته كان بيحبه اوى وخلاة شريك معاه فى الشركه بمجهودة مع انه مبيعملش اى حاجة الشغل كله على ابويا والصفقات وكله ... وبعدها بابا وماما خلفونى ... على فكرة ماما كانت بتكرهه اوى وكنت افتكر دايما طاشش كلام كدة مع بابا انها بتكرهه وانه خبيث وبتنصح بابا يبعد عنه ... وفى يوم من الايام بابا اكتشف فى الشركه فى قسم الحسابات انه بيتاخد مبالغ مش هينه كل فترة اتعصب وقلب الدنيا طلع الباشا دة هو للى كان بياخد والموظفين مبيتكلموش لان الغلط غلط ابويا هو اللى مدخله فى كل حاجة فسكتوا .. ابويا بقا اتعصب واتخانق معاه وقاله مالكش حاجة فى الشركه ومتجيش تانى والغريب ان بابا مطلبش حتى فلوسه اللى اتاخدت ...ابويا كان بيكرة الكدب قد عنيه فمعنى انه صاحبه يعمل معاه كدة ويسرقه وهو كل يوم معاه وابويا مڜ عارف حاجة زعل منه واكتفى بطردة من الشركه عدى شهر اتنين تلاته وفى يوم وانا وابويا وامى ماشين بالعربيه ابويا اكتشف ان مفيش فرامل ... ملاقاش الفرامل معرفش يتحكم فى العربيه اتقلبت بينا امى كانت تقريبا ماتت مش فاكر بس فاكر نفس بابا نفسه كان تقيل وفاجأه ومن غير. اى مقدمات ظهر الباشا وهو بيضحك ووطى على العربيه ابويا لما شافه قاله الحقنا يا حمدى شلنا قبل ما العربيه تولع بينا قاله لا وقعد يضحك ... قاله موت يا عز انا مستنى االلحظه دى من زمان واهو كلها ثوانى وتموت وتسافر فوق ومشى وسابنا كلامه كله فى دماغى مرحش من قدام عينى كنت طفل بس مستنى الموت غمضت عينى وانا مستنى ان هاموت خلاص فاجأه لقيت ايد بتشدنى فتحت عينى لقيت راجل غريب قعدنى على الطريق وحاول يشد ابويا بس خلاص العربيه كانت بتولع بعد عن العربيه واخدنى ومشى النار كانت بتاكل فى ابويا وامى يا ليليان وانا عاجز مش عارف اعمل ايه كانت بتاكلهم ماتوا قدام عنيا مفيش لحظه عدت فى حياتى الا وانا فاكر موتهم بكل تفصيله ..

ليليان كانت بتعيط على اللى زين مر بيه : طيب وروحت فين عشت فين .

زين مسح دموعها وباسها من جبينها : بطلى عياط وانا احكى .. غير كدة مش هاحكى .

ليليان بتحاول تسيطر على نفسها: حا... حاضر .

زين: الراجل اللى شدنى من العربيه كان عم حسن .... كان بيشتغل سواق على مقطورة ... اخدنى عندة البيت وصرف عليا رغم انه كان فقير وعلى قد حاله بس عمرة ما حسسنى بنقص بعدها انا بقيت تمام وبقيت اعرف اتكلم وقولتله على اسم عيلتى واخدنى وودانى لجدتى وكتبلى ورقه بعنوانه علشان لوحصلى حاجة اول واحد افكر فيه هو ... كان بيحبنى اوى وانا بحبه اوى جزء كبير من شخصيتى اتكون بسببه..... فضله عليا عمرى مانساه .. انا فاكر لما رجعت الباشا اتجنن ازاى رجعت تانى معنى ان رجعت من الموت ياعنى كل حاجة هاترجع باسمى تانى وقتها جدتى خافت عليا اوى وسفرتنى برة وكنت بنزل اجازة كل فترة وفترة انا فاكر اول مصروف حوشته اشتريت بيه تليفون لعم حسن وروحت اديتهلو علشان ابقا اكلمه براحتى كبرت فى مدراس دخلى واتعلمت ودخلت كليه هندسه ورجعت الشركه اللى تقريبا كانت واقعه وكبرتها وكنت بنحت فى الصخرعلشان اكبر واحقق حلم ابويا .

ليليان : طيب ليه شركتك انت الشركه الام مش شركتك بابك.

زين : علشان انا كونت فلوس من شغلى وحبيت اعمل شركه من مجهودى واخليها الشركه الام فاهمه ..على فكرة يا لي لي عندى شركات كتير اوى مش فى المعمار بس مجموعه الجارحى كبيرة اوى وعندى فنادق وقرى انا الحمد لله كبرت فى كله .

ليليان: ربنا يزيدك يا حبيبى ... علشان كدة عمو حسن الله يرحمه لما جابنى ليك وقالك اتجوزها اتجوزتنى على طول انا استغربتك اوى .. طب اقولك انا استغربت نفسى وقتها ان وافقت بسرعه .

زين : لازم اوافق على طول واحد انقذنى من الموت واخدنى عندة وكان صاحبى وواقف فى ضهرى. انا كنت برتاح معاه اوى فى الكلام كنت بحس براحه نفسيه ....وبعدين دى احلى حاجة حصلتلى انه جابك واتجوزتك .

ليليان : هههههه كان زمانى متجوزة حد تانى .

زين بحدة: بس متقوليش كدة .. انتى بتاعتى انا انتى متنفعيش لحد غير ليا انااااا .

ليليان قرب منه اتكلمت بدلع : لدرجاتى بتغير عليا يا زين .

زين : انا بحبك اوى انا عديت الحب دة ... ربنا زرع حبك فى قلبى من اول مرة شوفتك فيها يا ليليان انا كنت بجاهد نفسى بطريقه مريبه علشان اعصابى متفلتش معاكى كنت بتمنى اليوم اللى هاتبقى فيه مراتى بجد يا ليلي وبعدين حضرتك مستغربه نفسك فى ايه بقا؟. ... دة اسمه النصيب ربنا مقدر كل حاجة علشان تبقى مراتى .

ليليان : احلى نصيب فى الدنيا يا زينوو.... بس مش قولتلى مين ناس دول بردوا للى كانوا عاوزين يموتونى .

زين ضربها على دماغها بخفه : هبله انتى امال بهرى فى ايه بقالى ساعه ... الباشا يا قلبى هو اللى بعتهم .

ليليان : ليه بعد السنين دى كلها ؟.

زين بتنهيدة : الباشا غبى فاكرنى مش فااكر الكلام اللى قاله لابويا وهو بيموت وانا استعبطت هو بعد عنى وعمل كذا صفقه مشبوهه وكسب فلوس غير الفلوس اللى سرقها مننا وعمل شركه وكبرها من شغل مشبوة وانا سيبته يكبر وابنه يكبر طبعا هو زرع الكرة فى قلب ابنه من ناحيتى وابنه جالى علشان يشاركنى وانا وافقت وعملت لعبه عليه .. على فكرة ابنه هو اللى زق نورة علشان تموتك وتحط الزيت على السلم وانا حبست ابنه وربيته وحرقت دمه على فلوسه وشركاته اللى وقعت فقرر انه ينتقم منى فيكى واجر ناس وبعتهم يموتوكى .. بس الحمد لله ربنا وقف جنبنا ورجعتيلى .

ليليان : وانا اللى فاكرة ان عشت فى الم وكرة وحقد ومشاكل ... طلعت انت كمان ازاى .

زين : ياقلبى كل واحد عاش الم بس السبب مختلف ... بس الالم واحد والوجع واحد .

ليليان بتنهيدة : خلاص سيبك انت مش انتقمت وخلاص خلينا نرتاح ونعيش حياتنا مستقرة بقا وكمان علشان البيبى يجى فى جو حلو مش مشاكل وقرف .

زين : خلاص خلصنا واحنا تحت امر الباڜا الصغير وام الباشا الصغير.

ليليان : لا لسه يا زين عمى اللى انت حابسه وابن عمى.

زين : انا افرجت على عمك واديته ٢مليون هو وعمك شاكر... بس لسه ابن عمك لازم يتربى شويه .

ليليان : يانهار اسود ٢ مليون ايه .. دة انا ورثى ميجبش دة كله يا زين .

زين : دة مهرك وعلى فكرة انتى تسوى اكتر من كدة كمان بس حبيت اربيهم علشان طمعهم .

ليليان : بس بردوا كتير موووت ... طيب خد فلوس ورثى انا مش عاوزهم .

زين: انتى مجنونه ولا ايه ورثك دة بعيد عنى ... انتى مراتى ودة مهرك واهو اعمامك عرفوا انك متجوزة والامور بقت تمام.

ليليان : لسه مش تمام ... لسه ابن عمى .

زين : حاضر يا لي لي هافرج عنه بس لو فكر يقل باصله والله لاقتله واخلص .

ليليان باسته من خدة : حبيبى انا ... ربنا يخليك ليا .. انا مبسوطه انا حاسه ان الدنيا بقت حلوة .

زين : طيب هانقضى ام الليله دى فى الكلام انا زهقت ... انا اول مرة ارغى كدة اصلا.

ليليان : ههه‍هه انت بقيت زين الجارحى من وقت ما عرفتنى .

زين : هه‍ههه‍هههههه لا انا اتغيرت اوى ... بطلى كلام بقا.... على فكرة انتى وحشتينى اوى .

ليليان بهمس: هههههه الدكتورة قالت مينفعش .

زين : مالكيش فيه هههه بطلى رغى بقا .

ليليان بدلع : بطلنا يا زينى.

*****************************

فى امريكا

توحيدة : ها يا ايمى ماشيه على العلاج مظبوط .

ايمان بتنهيدة :اه ياماما ... ادعيلنى والنبى .

توحيدة : متزهقيش بس وارمى حمولك على الله ... العبد فى التفكير والرب فى التدبير.

ايمان : ياااااارب ... هاقوم اعمل اكل علشان عبد الرحمن زمانه جاى من الجامعه .

توحيدة : قومى يابنتى .

عبد الرحمن : انااااا جيت .

ايمان : ايه دة انت جيت بدرى ولا ايه.

عبد الرحمن : خلصت بدرى وجيت .. اوعوا تكونوا جايبن فى سيرتى .

توحيدة: هههه بكل خير والله يا ابنى .

عبد الرحمن : اناعارف انك هاتجبيها بخير يا امى لكن ايمان لا هههههه.

ايمان بغيظ : كدة ماشى يا سى عبد الرحمن خلى ماما تتفعك...انا ماشيه .

عبد الرحمن : ههههه خدى يا ايمى هاصالحك ايمان ياام قمصه هههههه.

توحيدة : هههه قوم يابنى صالحها ... ربنا يهدى سركوا.

(كدة توحيدةوعبد الرحمن وايمان قصتهم انتهت معانا )

*****************************

بعد مرور ٦ شهور

فى شركه الجارحى .

زين : خير ايه رماك علينا ... مانا كنت بتحايل عليك امبارح علشان تحضر اجتماع الشركه السنوى .

مراد: يووة يا زين مانت عارف ان مش عارف حاجة فى ام الشغل دة انا كنت باجى اهزر واروح .... سيبك انت هى ليليان عامله ايه فى الحمل ...سمعت انها تعبانه ؟.

زين : مرة تعبانه ومرة كويسه ومرة زعلانه ومرة فرحانه ومرة بتكرهنى ومرة بتحبنى ومرة بتكرة ريحتى ومرة بتعشق ريحتى مرة مناخيرها كبرت مرة مناخيرها صغرت مرة تخنت مرة رفعت ههههههه واهو استحمل يا زين .

مراد : ههههه فعلا استحمل يا زين لغايه الباشا مراد ما يوصل بالسلامه .

زين : مراد مين انا هاسميه عز الدين على اسم ابويا.... وبعدين مش كفايه مراد واحد فى حياتى انت عاوزهم مرادين كتير عليا يا مراد دة انا مستحمالك بالعافيه .

مراد : اصمالله عليك وعلى حواليك يا خويا ماله اسم مراد....دة حتى كل اللى اسمهم مراد عسلات .

زين : هههههه سارة بهتت عليك على فكرة .

مراد : طيب كويس بدام جبت سيرتها ... انا جايلك علشان طالب خدمه منك .

زين : خير ؟.

مراد : عاوزك تروح لام سارة سعاد المفتريه انا طهقت يا زين انا هاموت على البت والمفتريه عامله خطوبه تلات سنين .

زين بخبث: ابقا صبر نفسك فى تلات سنين .

مراد : يوووووة مبقدرش حاسس ان هاجى فى يوم واعكها .

زين : ودة كان اتفاق يا مراد ومينفعش نرجع فيه واستحمل .

مراد بغيظ : ياعنى انت مش هاتساعدنى يا زين .

زين : لا ... ويالا علشان ورايا اجتماع مع جيرمين .

مراد بخبث: جيرمين مين ؟.

زين : انت مسططووول يابنى جيرمين البنت اللى بنتعامل معاها فى لبنان علشان شغلنا ... دة انت كنت هاريها معاكسه ياخى ... ايه من كترهم بقيت تنساهم .

مراد بخبث : لا سلام اسيبك مع جيرمين باى .. وعلى فكرة انا زعلان .

زين : ههههه اتفلق .

( مراد كان هايموت وينتقم من زين وفكر فى فكرة وقرر ينفذها رغم انه عارف ان زين ممكن يولع فيه ).

مراد: الو يا سوسو .

سارة : ايوا يا مرادى .. مش انت لسه مكلمنى ؟.

مراد: كنت عاوز منك رقم ليليان مرات زين ومتسألنيش ليه بعد كدة هابقا احكيلك؟.

سارة: ليه ؟.

مراد : يابنتى اخلصى بقا هاتيه مش انا قولتلك متقوليش ليه ؟.

سارة : طيب ربنا يستر شكلك بتفكر فى مصيبه .. الرقم اهو ٠١٠...…...........

مراد : طيب سلام .

(مراد قفل مع سارة واتصل على ليليان )

ليليان : الو

مراد : الو ازيك يا ليليان .

ليليان باستفهام: استاذ مراد ؟.

مراد: ايوا .... انا اسف انى بتصل عليكى بس كنت عاوز اسالك هى سارة عندك .

ليليان : لا معنديش مجتش.

مراد : اووووف انا عمال اتصل بيها وتليفونها مقفول ... اصل قولتلها انا ورايا اجتماع انا وزين مع انسه جيرمين فى الشركه وروحت الحق الاجتماع لقيت زين قفل الباب ومنع اى حد يدخل حتى انا.... فقولت اروح لسارة بقا...بتصل بيها فونها مقفول .

ليليان بغيرة : جيرمين مين ؟.

مراد بخبث : دى واحدة لبنانيه ليها شركه فى لبنان وبتخلص لزين شغله هناك .... صديقه زين من زمان اوى بيحبها اوى هو وماصدق تنزل مصر .

ليليان : طيب سارة مش عندى .. انا هاقفل

(مراد قفل معاها وقعد يضحك : احسن يا زين علشان تبقا تتحدانى ومتساعدنيش تانى ).

  

فى شركه الجارحى

وفاء: مدام ليليان ازيك ... جيتى فاجأه .

ليليان بحدة : عاوزة ادخل لزين .

وفاء : زين باشا فى اجتماع ندخلك غرفه الاستقبال ونطلبلك عصير لغايه ما يخلص ويجى لحضرتك .

ليليان: والله ! تطلبيلى عصير لا اوعى من وشى كدة .

(ليليان دخلت عليهم فاجأه لقيتهم قاعدين على كنبه واحدة وبيتكلموا فى الشغل وماسكين اوراق فى ايديهم وجيرمين جميله لا جميله ايه دى قمر وحلوة جدا ليليان اتجننت اكتر وزين اتصدم بوجوها وجرى عليها يطمن عليها ).

زين : حبيبتى انتى كويسه .. جيتى هنا ليه ؟...فى ايه ؟.

ليليان : انت مش كنت عاوزنى اجاى واشوفك وانت بتخونى .

زين : اخونك ؟!.

ليليان : اه مع البت ام شعر احمر دى .

جيرمين : مين هى يا زين؟.

ليليان بغضب : انا مراته يا حبيبتى .

جيرمين : شو معقول انت اتجوزت ؟.

ليليان : اه ياختى اتجوز فيها حاجة دى .

زين : ممكن تهدى ... فى ايه ؟.

ليليان : لا متكلمنيش ببرود .. اصل وربنا انا هاطق .

زين : تطقى من ايه وبراحه شويه العصبيه مش كويسه علشانك .

ليليان لفت لوفاء : انتى مش كنتى هاتجبيلى زفت عصير هاتى اصل زين هايموتنى .

زين : روحى يا وفاء ....وانتى يا جيرمين نبقا نكمل كلامنا بعدين .

جيرمين : بس زين انت بتعرف منيح انه طيارتى بكرة.

زبن : مفيهاش مشكله الشركه هاتمدلك يوم ونأجل معاد سفرك ... اتفضلى انتى .

جيرمين : اوك .... فرصه سعيدة مدام زين.

(ليليان بصتلها من فوق لتحت واستنت لما تطلع ).

ليليان : بتخونى يا زين ؟.

زين : بخونك ايه ... ممكن افهم فى ايه؟.

ليليان : مش جيرمين انت بتحبها من زمان وصديقتك وعامل اجتماع مغلق ومانع اى حد يدخل حتى مراد وكمان قاعد معاها على كنبه واحدة .

زين: مرررررراد ... انا شميت ريحته بردوا فى الزفت الموضوع .

ليليان : وهو مراد ماله ... ولا زعلان علشان فتش عليك .

زين قرب منها وباسها من شفايفها : على فكرة مناخيرك كبرت .

ليليان بصدمه : حق .

زين : امممم وبتكبر اكتر لما بتتعصبى .

ليليان : انا حسيت كدة بردوا .

زين : انا زعلان منك .

ليليان : مين يزعل من مين ؟.

زين : وانا غلطت فى ايه انا ورايا اجتماع مهم ومراد كدب عليكى علشان ينتقم منى علشان موافقتش اساعدة ان اكلم مامت سارة وتقدم معاد الجواز ... وبعدين انا يا ليليان ابص لواحدة غيرك .... انا .

ليليان عيطت : ماهى حلوة اوى .

زين : انتى احلى على فكرة ... دى كلها صناعى لكن انتى طبيعى ... انتى عشقى يا لي لي .

ليليان : زين هو انا مناخيرى صغرت ولا لسه كبيرة .

زين : صغرت شويه صغنين هاتى بوسه بقا علشان اهديكى وتصغر اكتر .

(زين فضل يبوسها ويدلعها وهو من جواة هايولع من مراد على عمله .... بعد عنها شويه ).

زين : ليليان على فكرة انا لازم اسافر تركيا بليل .

ليليان : طيب وانا .

زين : والله فرع الشركه اللى هناك فى مشكله كبيرة اوى ولازم اروح انا بنفسى واحلها ... سامحينى بس انا مش هتأخر اخرى يومين بس .

ليليان : يومين بس يا زين .

زين : يومين بالعدد يا روح زين .

************************

(اول يوم عدى بسلام وكان كل شويه زين يتصل بيها يطمن عليها بس الامور اتلخبطت فاجأه .. وليليان تعبت واتصلت على زين اللى كلم دكتورها بسرعه ودكتور قال لازم تيجى المستشفى لانها بودار طلق مبكر ... زين اتصل على مراد اللى اخد سارة وراحوا اخدوا ليليان على المستسفى وليليان ولدت بسلام وشرف فرد جديد فى عيله الجارحى وزين سافر على اول طيارة وجه على مصر ).

فى المستشفى

(زين دخل يجرى لقاه مراد فى وشه ).

مراد : حمد لله على سلامتك ... تعال شوف النونه .... دة احلى من الصورة اللى بعتهالك .

زين: لا ليليان الاول ... انا اعصابى تعبت يامراد لغايه ماولدت وانا مش جنبها ... عاوز اشوفها .

مراد :حقك .. تعال اطمن عليها ... وانا اروح اجيب البيبى.

(زين دخل الغرفه اول ماشافها جرى عليها وحضنها وفضل يعتذرلها كتير على غيابه وهى عيطت علشان كانت محتاجله فى وقت زى دة ).

(بعد وقت بسيط).

زين : حمد لله على سلامتك يا حبيبتى .

ليليان بتعب : شوفت البيبى .

زين : اه ياقلبى .. الممرضات هايجيبو دلوقتى .. معلش يااروحى ان مكنتش معاكى الظروف اقوى منى .

ليليان بتعب : المهم انك رجعت بالسلامه .

سارة : يتربى فى عزكوا ... بجد البيبى امووور اوى واخد منكو كتير.

( مراد دخل مع الممرضات ) .

مراد : اتفضل اهو يا سيدى الباشا الصغير خرج من الحضانه .

زين : هاته اشيله .

مراد : خد بس متاخدش على كدة كتير .

زين : اخاد على ايه .. دة ابنى .

ليليان : ههههه والله كتر خيرك يا مراد على اللى عملته .

زين : غصب عنه على فكرة ولا كتر خيرة ولا نيله .

ليليان : زين عيب .

سارة : انتو هاتسموا ايه .

ليليان وزين : عز الدين .

مراد بمكر : ماهو مش هاينفع تسموة كدة .

زين : ليه بقا يا استاذ مراد .... اسم ابويا مش عاجبك .

مراد : علشان هو اتسمى اصلا .

زين : اتسمى ازاى مش فاهم.

مراد : انا روحت ثبته وسميتو .

زين بغضب : نهارك اسود ومنيل انت ازاى تاخد خطوة زى دى من غير ما اعرف .

ليليان : سميتو ايه.؟.

زين بصوت عالى : انطق .

مراد : سميته على اسمى مررراد .

زين بصدمه : نهااااارك اسود يا مررراد سميت ابنى من ورايا ... وكمان على اسمك .... موتك على ايدى ..... انا هاقتلك .

مراد جرى فى الاوضه وراح ناحيه سرير ليليان : والله لو ما بعدت عنى انت حر.... انت ايدك طرشه ياعم .

زين بزعيق: بقا تسمى ابنى على اسمك يا مراد مش كفايه انت فى حياتى .

ليليان : زين الواد هايتفزع وانا تعبانه ومراد عمال يهز فى السرير وانا مبقتش قادرة .

زين بعصبيه : ابعد عنها يا زفت انت ... وبتسال ليه حماتك عامله خطوبه تلات سنين علشان تتربى يا مراد.

مراد : متفكرنيش وخلينى ناسى .

سارة : هه‍ههه‍هههههههههه .

مراد: اضحكى ياختى اضحكى مانتى مش تعبانه انا اللى هاموت .

زين قعد بتعب : الله يخربيتك يا مراد الكلب ياعنى اتحرم ان اكون مع مراتى وهى بتولد وكمان اتحرم من ان اسمى ابنى كمان.

مراد : معلش المرة الجايه اوعدك يا زين هاسيبك تسمى ابنك براحتك .

ليليان : خلاص بقا يا زين والله اسم مراد جميل .

مراد : شوفت الناس اللى بتفهم .... شكرا يا لي لي .

زين بعصبيه : والله لاموتك يامراد انت بتدلعها فى وشى تعال هنا.

سارة وليليان : هههههههههههه

***************************

( عدى التلات سنين بالعافيه على مراد وكل يوم مشكله شكل مع سعاد وسارة واللى مصبرة مراد الصغير اللى كان متعلق بيه جدا وبيحبه جدا ودة كان مضايق زين لان تربيه مراد من وجهه نظرة زفت وهايخلى مراد ابنه نسخه مصغرة منه لدرجه انه علمه التف وكان بيتف على اى حد حتى زين ومراد الصغير كبر وليليان حامل وكان يوم اسود على زين يوم ما عرفت انها حامل لانها تعبت من تربيه مراد وزين كان بيمثل قدامها انه زعلان علشان حملت بسرعه بس من جواة فرحان وعندة عزيمه يكمل مسيرته فى الخلفه .... اما عاصم ويوسف اكتفوا بالفلوس اللى اخدوها لكن يوسف النار لسه جواة وشاكى اتقبل ايمان وكان بيكلمها يطمن عليها ... والباشا لبس قضايا واخد اعدام فيها وابنه هايقضى عمرة كله فى السجن وكل حاجة بقت تمام وابطالنا عاشوا فى سلام وجه يوم فرح مراد وسارة ).

فى. القاعه

زين بيقعد ليليان غصب عنها ومراد الصغير فى ايدة : اقعدى بقا انا مش هاخاد بالى منك ولا من ابنك .

ليليان بفرحه : زين سيبنى ارقص .

زين : هاترقصى بس لما نروح.

ليليان : لا انا عاوزة ارقص مع سارة .

زين : مش هارد عليكى .. علشان انتى عارفه ردى .

مراد الصغير : بابا ثيب ماما ترقث براحتها انت خنننيق اوى.

زين : استغفر الله العظيم هاستنى ايه من تربيه مراد.

مراد الصغير : مث تتكلم على مراد ثاحبى كدة .

زين : والله هاضربه يا ليليان الواد دة بيستفزنى .

مراد الصغير: مث ليك دعوة بيها كلمنى انا... انا بثتفز....بثتفز.

زين بضحك : بستفزك .... ههههههههه با ابو نص لسان مش عارف تتكلم.

مراد الصغير كشر: مراد قالى ابوك معقد وبيقول كلام غريب .

زين : اهو هايتجوز وينساك وانا هاعرف اربيك ازاى.

ليليان : هههههه روح يا مارو ارقص معاهم روح يا حبيبى مش كفايه بابى مكلبش فى مامى .

زين : مالى بقا ممكلبش فيكى علشان خايف عليكى وعلى اللى فى بطنك .

ليليان: خايف عليا ولا غيران من سامر اخو سارة هههههههه.

زين : متجبيش ام السيرة دى بتعصب لما بشوفه .

ليليان : قولى انك بتحبنى يا زين .

زين : تعرفى احلى حاجة فى الحمل دة ... انك رومانسيه فيه اوى يا لي لي .. انا متفائل انشاء الله تطلع بنت.

(فرح مراد وسارة كان فرح بمعنى الكلمه كانوا مهيبرين وبيرقصوا والكل كان فرحان ليهم والفرح خلص ومراد وسارة طلعوا سويت بتاعهم ومراد الصغير شبط فى مراد الكبير وزين اقنعه بصعوبه انه هايجيبه بكرة يشوفه ويبات معاهم).

سارة : ايه مراد الصغير مشى .

مراد : اه ابوة اخدة بصعوبه ... عاوز يبات .

سارة : حرررام ما كنت تخليه يبات معانا يا مراد.

مراد قرب منها : انتى هبله يبات مع مين دة انا بقالى سنين بحلم بام الليله دى .

سارة رجعت بخوف : اهدى يا مراد انا تعبانه من كتر الرقص فى الفرح .

مراد : وانا مالى ... انا قولتلك وفرى مجهودك لما نطلع .. انتى اصريتى ترقصى .. اشربى بقا .

سارة : طيب سيبنى اغير هدومى الفستان تقيل اوى.

مراد : غيرى براحتك يا موزة انا معاكى للصبح .

سارة : طيب ادخل الحمام وانا هاغير هنا .

مراد : اشطا .

*********************

فى بيت الجارحى

( زين بينم مراد الصغير بعد وصله عياط مستمر على مراد الكبير).

زين : خلاص بقا يا مراد كفايه عياط يا حبيبى .

مراد الصغير بيعيط : بابى انا زعلان من مراد .

زين بيمسح دموع ابنه : ليه يا حبيبى .

مراد الصغير : علثان مث رضى ياخدنى ابات معاه .

زين : يا حبيبى هو تعبان هو وطنط سارة وعاوزين يناموا والاوضه مفيهاش الا سىرير واحد انت بقا هتنام فين ؟.

مراد الصغير ببراءة : انا ومراد على الثرير وطنط ثارة على الارض.

زين باسه من جبينه : ههههه حرام عليك انت ترضى مامى تنام على الارض.

مراد الصغير : لا انا ومامى جنب بعض وانت على الارض.

زين بصدمه : هاتنيمنى على الارض يامراد... وانا اللى كنت هاخدك ونروح الملاهى بكرة .

مراد الصغير بفرحه : بجد .

زين : اممم بس توعدنى تبطل عياط و تنام وبكرة الصبح نروح نقضى يوم كله مع بعض.

مراد الصغير غمض عينه بسرعه : نمت اهو.

زين باسه من خدة : تصبح على خير يا مارو.

مراد الصغير: وانت من اهله يا بابى .

*****************************

عند مراد وسارة

(مراد خرج من الحمام ملقاش سارة قعد يدور عليها وعرف انها استخبت منه ).

مراد: ياترى انتى فين يا بطه قلبى .... ساااارة انتى فين ياترى فى الكمدينو لا انتى تخينه عليه ولا وراة ستارة ... لا بردوا بيبقا فى الدولاب .... قفشتك .

سارة بضحك : ببببببببببخ .

مراد : يامى يامى خوفت الحقووونى .

سارة : قفشتينى بسرعه .

مراد كشر : انتى لابسه السيدال ليه يا سارة ناويه تتوبى انهاردة .

سارة : لا يا خفيف علشان نصلى مع بعض.

مراد : خفيف!!! يخربيت الرومانسيه يا سارة ... انا عارف ان الليله هاتبوظ بسببك هاتبوظ بسببك يالا نصلى ياختى .

( مراد وسارة صلوا وخلصوا وسارة جت تجرى مراد مسكها وشالها ).

مراد: هو احنا فينا من الجرى ... انا مفياش حيل لدة كله .

سارة : مراد عييبب على فكرة.

مراد حطها على السرير ومسك كوبايه عصير : لا دة العيب كله هايحصل ... خدى اشربى .

سارة : هههههههه ايه دة مش عاوزة .....انت بتسقينى حاجة اصفرة .

مراد : لا اشربى يا سوسو علشان متتفرهديش منى بدرى... اشربى يا قلبى .

(ونسيبهم بقا علشان كدة عيب).

الحلقة 34 والاخيرة:✌✌

بعد مرور ٧, شهور

فى بيت الجارحى

ليليان: يا زين انا تعبانه مش مرتاحه .

زين بتعب : يا لي لي نامى الدكتور قال لسه شويه .

ليليان : الدكتور دة حمار مبيفهمش حاجة انا تعبانه حس بيا بقا يا زين .

زين : طيب اعمل ايه يا قلبى ...انا عاوز اريحك .

ليليان : انت السبب انا قولتلك مش عاوزة دلوقتى انت اصريت يا زين ... واهو اداى النتيجة هاموت من الالم .. طيب افرض موت بقا مين هايربى مراد .

زين بغضب : بس اسكتى ... موت ايه و زفت ايه ليليان اول مرة واخر مرة اسمعك بتنطقى الكلام دة .

ليليان ببراءة : الموت علينا حق يا زين .

زين بغضب : يوووووة قولت اسكتى فى ايه .

ليليان : طيب انت بتزعق ليه ؟.

زين بحدة : بتقولى كلام يحرق الدم يا ليليان ... موت ايه انتى حامل عادى الاعراض دى .... ولا دة كله علشان متخلفيش منى .

ليليان بعتاب : طيب وبالنسبه لمراد والنونه اللى فى بطنى دى ايه يا زين دة كله و مش عاوزة اخلف منك .

زين : انا قولتهاالك قبل كدة انا هاخلف كتير انا عشت طول عمرى وحيد عاوز سند لينا .... عاوزهم سند لبعض مش عاوز مراد وحيد.

ليليان : انا مش ارنبه يا زين .

زين حضنها : لا انتى ارنبه جميله وهاتجبيلى عيال كتير اوى منك ... طب تيجى نتفق اتفاق.

ليليان : اتفاق ايه ؟.

زين : تيجى نخلف كمان كام مرة لو جبنا بنت انا هاسكت ومش نخلف تانى .

ليليان : وافرض مخلفتش بنت اقعد اجيب ولاد .

زين : هههههههه لا يا ستى انا هابقا اركز انشاء الله وربنا هايوفقنى ونجيب البنت .

ليليان بمكر : بشرط انا اللى اسمى اسم النونه اللى فى بطنى ...انا مبعملش حاجة ببلاش .

زين : هو اسم بابا وحش.

ليليان : لا حلو بس اهو بعند معاك وخلاص .

زين : ماشى يا لي لي اعندى قولى بقا هاتسميه ايه .

ليليان بتفكير : ادهم .

زين كشر : اشمعنا ادهم .

ليليان : بحب الاسم دة .. ها موافق ولا نلغى الاتفاق .

زين بتنهيدة : موافق ... ادهم زين عز الدين الجارحى .

********************

عند مراد وسارة

( سارة قاعدة مبوزة وزعلانه من مراد لانه رافض يروح لدكتور يكشف على تاخير الحمل)

مراد : الهانم هاتفضل مبوزة كتير؟.

سارة : ملكش دعوة بيا .

مراد : اوووف يا سارة انتى كدة لو منفذتش اللى انتى عاوزاه تبوزى فى وشى .

سارة عيطت : ايه اللى انا عاوزة يا مراد ... حاجة بسيطه اوى .

مراد : انتى عاوزنى اروح اقول لدكتور سورى شوف مبنخلفش ليه ؟. اصل انا ومراتى متجوزين من ٦ شهور طيب والله يضحك علينا .

سارة : انت مش على باالك لانك عارف انك بتخلف لكن انا بقا نظامى ايه ؟.... مش من حقى اطمن على نفسى .

مراد : انتى زى الفل يا سارة .

سارة عيطت : انت ايه اللى عرفك انت دكتور .

مراد بغضب : يوووووة دى عيشه تقصر العمر يا شيخه لسه زفت عرسان وبتفكرى فى الخلفه طيب واقسم بالله مانتى رايحة لحد واعلى ما فى خيلك اركبيه ... انا ماشى من وشك .

سارة مسكت ايدة بسرعه : مراد استنى .... انت ليه كدة بتزعقلى ومش بتستوعب كلامى .

مراد : علشان مش عاجبنى كلامك.

سارة انفجرت فى العياط: طيب اعمل ايه ؟.... اتكلم مع مين المشكله تخصنا احنا الاتنين يامراد ... طيب انا .... انا كنت عاوزة اطمن على نفسى بس خلاص بدام انت مش عاوز خلاص هاسكت .

مراد شدها لحضنه وفضل يطبطب عليها علشان تهدى: عاوزة ايه يا سارة تروحى لدكتور حاضر بليل هاخدك ونشوف اخرتها معاكى ايه .

*********************

فى المستشفى

دكتور: انتى تمام يا مدام سارة مفيش مشكله .

سارة : طيب ليه مفيش حمل ؟.

دكتور: طبيعى دى مسأله نصيب فى الاول وفى الاخر ... وكتر التفكير بيلخبط هروماناتك والحمل بيتأثر بكدة ... ريحى اعصابك وسيبها على الله انتو لسه ٦ شهور يا جماعه .

مراد : قولها والنبى .

(مراد وسارة خرجوا من عند الدكتور مراد فرحان لانه اثبت انه صح وانها مسأله وقت مش اكترر... تليفونه رن وكان زين ).

مراد : ايوا يابومراد .

زين : ليليان بتولد يا مراد ...احنا فى المستشفى .

مراد : انهى مستشفى .

زين : بتاعتى .

سارة : فى ايه يامراد ؟.

مراد : ليليان بتولد .

سارة بخضه : يالهوى دى لسه فى اول التامن لسه بدرى .

مراد : يا زين هى مراتك على طول بتولد بدرى عن معادها .

زين بتوتر : مش عارف ...تعال علشان تاخد مراد الصغير عنى .

مراد : طيب مسافه السكه .

*********************

مراد الصغير: الله دة ادهم اخويا .

مراد الكبير: اه ايه رأيك ؟؟

مراد الصغير : انا احلى منه .

مراد الكبير: تربيتى يابنى كل يوم بتثبتلى انى نجحت فى تربيتك .

زين قاعد وماسك ايد ليليان : تربيه سودة .

مراد الكبير : يا غيااااار هاتموت من الغيظ منى ... وانشاء الله ادهم هاينضم للحزب بتاعى .

زين: بعينك يا مراد ولا ادهم ولا كمان مراد مش كفايه سلكوياته الزفت .

مراد الصغير ساب ادهم وجرى على زين وقعد على رجله : بابى مراد قالى انك هاتحب ادهم اكتر منى .

زين : انا ؟!. لا طبعا استحاله انا هاحبكم زى بعض انتوا ولادى يا حبيبى ياعنى انا لو سألت انت بتحبنى اكتر ولا ماما هاتقول انتو الاتنين .

مراد الصغير ببراءة : لا بحب ماما ومراد اكتر حد .

زين بص بغضب لمراد صاحبه وبعدها بص بعتاب لابنه: كدة يا مراد بقا مبتحبنيش .

مراد الصغير : لا بحبك بس مراد اكتر .

زين بحزن: ماشى يامراد حب اونكل مراد براحتك اكتر منى ... انا مش هاغصب عليك .

(ليليان ضغطت على ايد جوزها علشان ميزعلش .. لانه على طول متأثر من بعد ابنه عنه وبيحاول يعوضه بس مفيش فايدة بيحب مراد اكتر منه ).

مراد : طب انا هاخد سارة ومراد معايا ونروح علشان مارو ميتعبش ليليان .

زين بهدوء: طيب .

مراد الصغير حس ان ابوة زعل منه راح جرى على زين : انت عاوزنى افضل معاك .

زين باسه : اه طبعا ... لو انت تحب انا موافق.

مراد الصغير:خلاص يا ميرو روح انت مع سارة وانا هاقعد مع بابى .

مراد الكبير: ماشى هاجيلك بكرة اشوفك يالا يا سارة.

سارة بحزن: حمد لله على سلامتك يا ليليان.

ليليان شدت سارة بضعف وهمست : مالك؟.

سارة : بعدين .

(سارة ومراد مشيوا وليليان نامت من التعب ومراد نام فى حضن ابوة وزين كان فرحان بيه انه اختارة ).

ليليان صحيت من النوم : هو نام ..... انا اخر حاجة فاكرها بيسالك احنا بنجيببهم ازاى .

زين : اممممم نام بعد تعب وكميه اسئله رهيبه .

ليليان بحنيه :متزعلش منه يا حبيبى هو متعلق بس مراد .

زين : انا عمرى ما ازعل لما يتعلق بمراد بالعكس افرح مراد دة اخويا وصاحب عمرى ... بس انا بزعل لما بيقول انه مش بيحبنى وبيقولها على طول وفى وشى ..

ليليان : لا هو بيحبك بدليل انه حس بزعلك واختارك انت ونام فى حضنك .

زين :طيب هو انا عمرى قصرت معاه ...ولا زعقتله ولا كان نفسه فى حاجة ومعملتهاش .

ليليان : لا بالعكس ... بس هو مراد اتعلق بيه من صغرة ومراد كلامه يشد اى حد فاتعلق بيه فاهم .

زين : انتى هاتقوليلى على كلامه .. ربنا يهديه والله .... سيبك منه انتى لسه تعبانه .

ليليان :اه تعبانه ... انتوا مبتحسوش بينا قد ايه بنعانى .

زين مسك ايديها وباسها : ربنا يخليكى ليا ليليان ... انا من كتر حبى فيكى نفسى اجيب منك عيال كتير اوى .... نفسى اعمل عيله كبيرة والاهم نفسى فى بنت منك ... عارفه لو بعد كدة جبتى كله بنات انا راضى .. البنات رزق ونعمه وعاوزهم زيك حلوين وقمرات كدة .

ليليان :لا انا بوظت يا زين هو انا بقيت قمر .... الحمد لله مش مدينى فرصه .

زين : فين دة انتى لسه زى مانتى ولا تخنتى ولا حصلك حاجة ولسه جميله بس مناخيرك كبرت هههههههه.

ليليان : هههههخ متفكرنيش كنت عبيطه اوى فى حمل مراد .

مراد الصغير اللى نايم فى حضن زين : بطلوا كلام بقا عاوز انام مث عارف من ثوتكوا يا ناس .

*******************

(بعد مرور سنه على ولادة ادهم ).

سارة : الو .

مراد : ايوا يا حبيبتى .

سارة : مراد هانزل اروح اجيب هديه لادهم علشان عيد ميلادة .

مراد : طيب خليكى انتى وانا راجع من الشغل هاجيبها .

سارة : لا عاوزة اتمشى فى المول لو عاجبنى حاجة اشتريها .

مراد : طيب الفيزا عندك فى الدرج الكمدينوا خديها واشترى اللى نفسك فيه..... من حق ابقى كلمى مامتك زعلانه منك من وقت ما سافرت وانتى مبترديش على حد ولا بتكلمى حد.

سارة بحزن : كلمتهااا.... يالا هاقفل واروح علشان متأخرش.

(سارة فعلا لبست ونزلت المول واشترت الهديه بس مروحتش راحت على دكتورة نساء وتوليد راحتلها من وراة مراد).

الممرضه : مدام سارة عبد الله اتفضلى معايا معادك جة .

‏(سارة قامت ودخلت وقعدت ميته من الخوف ليكون التحاليل اللى عملتهااا فيها حاجة ).

الدكتورة بابتسامه : اخبارك يا مدام سارة ؟.

سارة بخوف : كويسه حضرتك ..... هى التحاليل فيها حاجة.

الدكتورة : المرة اللى فاتت لما انتى جيتلى تشتكى من تأخير الحمل الكشف المبدأى على السونار كان تمام ووقتها قولت لحضرتك نعمل تحاليل علشان نطمن اكتر ... بس الغريب يا مدام انك بتشتكى من تأخير الحمل وانتى بتاخدى حبوب منع الحمل بانتظام ليه الشكوى بقا .

(سارة وشها احمر والدنيا لفت بيها حبوب منع الحمل ايه وانتظام كمان اكيد فيه حاجة غلط).

سارة بلعت ريقها بصعوبه : حبوب ايه يا دكتورة لا فى حاجة غلط انا مكنتش باخد حاجة اصلا وبعدين حضرتك ممكن التحاليل غلط ممكن نعيدها تانى.

الدكتورة بهدوء: لا انا متأكدة انتى قبل ما تجيلى اكيدسمعتى عنى وعن المستشفى بتاعتى ونسبه الغلط عندنا لا تذكر.. انتى بتاخديها بانتظام علشان كدة اخرت الحمل عندك .

سارة تاهت وقلبها وجعها مش عاوزة تشك فى مراد: ازاى انا مبخدش اى نوع حبوب .

دكتورة : اسفه المشكله عندك... التحاليل بتقول كدة .

سارة : طيب مفيش مشكله عن اذنك .

(سارة مشيت تعيط الدنيا ضاقت بيها مش عارفه تروح فين قررت تهدى وتروح البيت ...فكرت كتير وكتير قامت دورت فى كل مكان ملقتش حاجة... حست انها هايغمى عليها من كتر التفكير راحت تشرب ميه فتحت التلاجه شافت قدامها العصير اللى مراد بيصر ةنها تشربه قبل اى علاقه بينهم غمضت عينها بألم وافتكرت كل حاجه ).

فلاش باااااااك

مراد. : اشربى يا سوسو العصير.

سارة بزهق: يوووة يا مراد اناماليش مزاج اشرب حاجة ... ودة وقت تفصلنا فيه.

مراد بمكر : لا مانتى بتفرهدى بسرعه منى ... وانا عاوز كل طاقتك .

سارة : ههههههههههه اه يا قليل الادب .

مراد : انا بموت فى قله الادب ... اشربى يا روحى

بااااااااااااااك

(افتكرت كل مرة بيصر يشربها و فكرت وقررت قرار واخدته استنت معاد وصول مراد ولبست بيبى دول شيك وجديد وجهزت نفسها واستنته فى الصاله وهو دخل واتفاجئ بيها ).

مراد : ايه الجمال دة كله .... لا انا حد داعيلى.

سارة : شوفت لقيته حلو قولت اجيبه والبسه .... ايه رأيك .

مراد قرب منها وباسها : تحفه .

سارة بدلع : طيب تاكل .

مراد بمكر : لا اكل ايه بقا ..... احنا فاضين للكلام الفارغ دة .

سارة بدلع : طيب يالا خد شاور وانا مستنياك .

(مراد دخل اخد شاور وطلع لقاها قاعدة على السرير ماسكه كوبايه العصير ).

مراد بهدوء: ايه دة ؟.

سارة : العصير يا قلبى .... قولت بدل ما تخرج وتجيبه وتتعب نفسك اجيبه انا واشربه واتسلى فيه .

مراد بهدوء: بس انا جوعت وعاوز ناكل الاول .

سارة ببرود : ليه هاتحط حبوب منع الحمل فى الاكل ..معرفتش تحطها فى العصير تقوم تحطها فى الاكل .

مراد : حبوب ايه ؟.

سارة : منع الحمل اللى انت بقالك من وقت مااتجوزتنى بتحطها فى العصير وانا بشربها زى المتخلفه ماشيه عاميه وراك ههه‍هههه لا واعيط واقولك نفسى فى بيبى منك يا مراد... هههههه واتحايل عليك نروح لدكاترة ههههه وانت تقول لا انتى كويسه ...اممم مانا فعلا كويسه وطلعت باخد على قفايا منك.

مراد : سارة انا .....

سارة انفجرت فيه : انتتتت ايييييه؟...ياجبرووووووتك ياخى عايش معايا وبتكرهنى مش عاوز خلفه منى كارهنى لدرجاتى.....بتحطلى حبوب منع الحمل علشان مخلفش ليييييه يا مررراد وعلشان ايييييه دة انا حبيتك وعشقتك انامحبتش حد فى الدنيا دى قدك لدرجاتى .... طيب اقول بتكرة العيال لا مانت حزنت على ابنك اللى مات فى بطن امه ومش شوفته اصلا معنى كدة انك بتحب العيال طيب مانت بردوا بتعشق مررراد بن زين وكمان ادهم بتحبه وبتقعد تلاعبهم وتييجى لغايه عندى وتكرة الخلفه.... لا انت بتكرها منى انا... مش عاوز عيال منى مش عاوز تربط نفسك بيا يا مراد علشان لما تزهق منى وتطلقنى تخلع خفيف خفيف ... مش صح .

(مراد لاول مرة عيونه تدمع ويحاول يسيطر على نفسه ميعرفش ) .

مراد بصوت مبحوح : لا مش صح..... انتى عارفه كويس ان بحبك اوى ..

سارة قطعت كلامه : اسسسسكت.. كفايه كدب .

مراد بضعف : لا بحبك ... بحبك اوى بس اعمل ايه انا انا مش قادر اتحكم فى نفسى ... كل ليله وانتى نايمه فى حضنى بتخيل وانتى مكان كاميليا نفسى بيضيق بتخنق انا حبيبتك بجنون يا ساااارة مش عارف اعيش حياتى طبيعى انا فضلت اعد الايام والليالى لتموتى بعد سنه من جوزانا وارجع وحيد خايف اعيش حياتى طبيعى وتروحى منى وكمان يبقا فى حته منك واتعذب اكتر .... انا جوايا احساسيس كتير متلخبطه انا تعباااان ومفيش حد حاسس بيا ... مش عارف انطق واقول اللى جوايا ذكرى موتها قدام عنيا وكل مرة بتخيلك مكانها .... انا كل مل احس ان بحبك اكتر احاول اتحكم فى نفسى افشل..قولت لما اتجوزها الحب هايقل لا بس دة زاد .... انا .... انا فكرت كتير اروح لدكتور نفسى بس مكانتى وشغلى يمنعونى .... انا مش عارف اوصفلك احساسى ... افهمينى .

سارة : متكلمتش معايا ليه يا مراد يمكن كنت قدرتك وقتها ..... واخدنا قرار مع بعض.... يمكن انا اكون قدرت اقنعك برأى .

مراد فى اللحظه دى دموعه نزلت : اتكلم معاكى .... مكنتش هاقدراستتحمل وانتى بتتحايلى عليا علشان تخلفى منى .. والله كنت هاتوجع.

سارة : ومتوجعتش دلوقتى لما اكتشفت ان حب عمرى كله بيحطلى حبوب منع الحمل .

مراد قعد مكانه وغمض عينه بالم : اتوجعت وكل مرة كنت بحطها كنت بتوجع ..... ومكنتش بعرف انام من كتر التفكير.... كنت بحلم بكوابيس انك لما تعرفى تقررى تسيبنى كنت بخاف انام ... بس كدة اهون مليون مرة من انك تعرفى ان مش عاوز اخلف علشان هواجس و ابقا ضعيف قدام عنيكى ... وانتى بتحاولى تضغطى على نفسك علشانى .

سارة : وكدة انت مش ضعيف قدامى .

(مراد سكت وحط وشه بين ايديه .... سارة فضلت تبصله كتير قلبها بيقولها روحيله دا روحك مهما يعمل هو غصب عنه اللى مر بيه مش سهل وعقلها بيقولها دة بيكرهك مفيش حد بيحب حد بيأذيه بالشكل دة وفضلت فى صراع قلبها وعقلها فضلت تبصله كتير مستحملتش وقلبها كسب وجريت عليه ارتمت فى حضنه وفضلت تعيط وتتعلق فيه اكتر هو اخدها فى حضنه ودفن وشه فى شهرها وفضل يتأسف ويعتذر بس غصب عنه ).

مراد بعد عنها شويه ومسك وشها بين ايديه : والله انا اسف بس غصب عنى سامحنى .... بس اعمل ايه يا سارة

سارة بدموع و باسته : متتأسفش دة غصب عنك .... بس الطريقه اللى عرفت بيها صعبه ... خلاص انا مش عاوزة خلفه ... انا بس كنت بجرى عليها علشان خايفه يكون فيا عيب وتطلقنى .

مراد : انا اطلقك علشان كدة ... انا !!! .. ياااة يا سارة انا لو قالولى قبل الجواز انك مبتخلفيش كنت اتجوزتك بردوا .... انتى ليه مش عاوزة تصدقى ان والله العظيم بحبك اوى .

سارة : مصدقه بس اى حد مكانى كان فكر كدة .

مراد : لا انتى لا يمكن يكون حد مكانك اصلا انتى وحدك ملكتى قلبى .

سارة : خلاص انسا اللى حصل ... وتعال نبدء من جديد .

مراد بهزار : صح وبما ان قدرت احكى واقول اللى جوايا فعادى بقا بلاها عصير.

سارة : لا خد وقتك وفكر وانا معاك فى اى قرار .

مراد: لا زقيينى انا لو اخد وقتى هافضل محلك سر ... بلاها عصير ههههههههه ونجرب من غيرة .

سارة : نجرب من غيرة هههه‍ههههه وماله .

( مراد وسارة حياتهم استقرت وحملت بعد اربع شهور و قضت فترة الحمل فى نقار مع مراد اللى قافل دماغه يسمى اسم البنت على اسم امه فاطمه او اسم امها سعاد وكان ردة الوحيد على اختيارة للاسماء دى ).

مراد : انا حر بنتى وانا حر فيها وبعدين انا بحب الاسماء العتيقه .

سارة :على جثتى يا مراد تسميها كدة ولا امى ولا امك .

(وولدت سارة وجبت بنوته شبه ابوها نسخه منه مفرقتش عنه كتير ).

ليليان : الله حلوة اوى ولون عيونها جميل .

مراد بفرحه وهو شايلها ومش راضى حد يشلها حتى سارة : علشان شبهى حلوة زى .

زين : ربنا يخليهالك يا مراد تتربى فى عزك .

سارة بتعب: يا مراد نفسى اشوفها هاتها بقا .

مراد بعند : لا دى بتاعتى محدش له دعوة بيها.

زين همس لليليان : اهى لو مطلعتش قليله الادب ورقاصه تربيه مراد هاتكون ايه .

مراد الصغير : الله النونه هاتطلع رقاصه هييييبه دة انا هارقص معاها .

زين : بس يا حبيبى اسكت هاتفضحنا .

مراد الكبير : مين دى اللى رقاصه يا مارو .

مراد الصغير : البت اللى انت شايلها ... بابا بيقول كدة .

مراد الكبير : ومالو يا حبيبى وانتو هاتمسكولها الطبله انت واخوك وتطبلوا وراها.

ليليان : ههههههه .

زين : هيييييه خفه يا مراد .

ادهم كان بيحاول يشب من ايد زين ويوصل لبنت مراد : ننه. ننننه ..ننه .

ليليان : عاوز النونه يا دومى .

زين : دومى ايه انتى كمان .... مش كفايه مارو بوظتى العيال .

مراد : لم ابنك ادهم يا زين عينه من البت .

زين : انت تطول دة ادهم باشا الجارحى .

مراد : ودى بنت مراد الالفى .

ليليان : هاتسموها ايه .؟.

سارة : كاميليا باذن لله .

مراد باصلها بصدمه وبعدها ابتسم : هو انا بحبك من شويه .. (بهمس) كاميليا مراد الالفى .... نورتى الدنيا يا روح ابوكى .

*********************

(مرت الايام والسنين و الامور مستقرة مابين ابطالنا مراد اترقى وبقا مقدم وبيمسك قضايا صعبه فى الجهاز وسارة قررت تكمل دراسات علياة وتكتفى مؤقتا بكاميليا اللى مجننها بسبب حب مراد ليها وهى على رأيها ( اتركنت على الرف ). وزين وليليان اللى عشقهم بيزيد اكتر وطبعا زين عند وعدة مع نفسه واتفاقه مع ليليان ومكمل مسيرته فى الخلفه وجاب أسر بعد ادهم اللى لليليان اصرت تسميه هى بدام جه ولد وزين مقصرش خلها تحمل تانى لغاية ما جاب البنت واصر يسيمها لييااان قريب من اسم عشقه (عشق الزين ليليان )....وسارة اللي تغيظ فى ليليان ومسميها ارنبه هانم وليليان اللى كل شويه تتخانق مع زين بسبب العيال وقررت تبطل خلفه ومراد اللى كل ثانيه وتانيه ينق على زين ( هو انت مبتاخدش هدنة مبتضيعش وقت يازين ارحم وحس يينا ) ... ومراد الصغير اللى شخصيته بقت غريبه ميكس من زين الجارحى ومراد الالفى وادهم اللى على طول يفرض حمايته على كاميليا ومراد الكبير كل شويه يتخانق معاه وأسر اللى مجنن الكل ومبيطولش نقار فى اى حد وليان اللى مش مبطله زن وجعانه على طول ... وبيت الجارحى بعد ما كان زين عايش فيه لوحدة بقا مليان وعمران وفيه دفا وحب ).

&&&&&&&&&&&&&&

فى بيت الجارحى

ليليان بدموع : يعنى يا دادة مصرة تسيبنى لوحدى .

داده سميحه : اعمل ايه يا بنتى كبرت وان الاوان ارجع بيتى وبلدى بقا .

ليليان : انا مقدرش استغنى عنك .... انا حبيتك اوى ... متسبنيش بقا و اقعدى معايا هتسيبنى مع القرود دول لوحدى .

داده سميحه : الله يحفظك يا ليليان ههههه ولادك قرود .... طب والله هادين ومحترمين ... وبعدين يعنى انا كنت عملت ايه معاكى انتى ماشاء الله عليكى ام ونعم يابنتى .

ليليان : طيب اقعدى معانا .

داده سميحه : سيبنى بقى و متتعبيش قلبى انا مش هاين عليا اسيبكوا بس خلاص انا تعبت وكبرت وكان نفسى اشوف ولاد زين ماشاء الله اهو شوفتهم مشاء الله عليهم ربنا يباركلهم .... مين يصدق البيت اللى كان فاضى وكان على قد زين بس ... البيت دة كبر وبقا فيه زوجه زى القمر زيك واولاد مشاء الله عليهم ربنا يحميهم ... خلى بالك من زين هو اصله طيب و انا مش محتاجه اوصيه عليكى هو بيحبك اوى .

ليليان بدموع : هاتوحشينى اوى يا دادة ابقى تعاليلنا ومتنسيناش .

دادة سميحه : عمرى ما انساكوا .... سلميلى على زين .

(دادة سميحه مشيت و زين اتصل با ليليان ).

زين : كنت متأكد انك بتعيطى .

ليليان مسحت دموعها : هه‍هههه فاهمينى انت على طول .

زين : اممم احس بيكى ... داده سميحه مشيت .

ليليان : اه مشيت خلاص .

زين : معلش يا روحى متزعليش .. امال فين الاولاد .

ليليان : تصدق انا مش سامع لهم صوت بقالى فترة...يالهوى ما اروح الحق ليكون اسر بيأكل ليان .

زين : ازاى ياعنى بيأكلها دى لسه بترضع .

ليليان بخوف : لا مانا الصبح اكتشفته جايب مكرونه وبيأكلها .

زين : ليليان خلى بالك من ليان علشان ماجيش وازعلكوا كلكوا الا ليان .

ليليان : حتى انا يا زين .

زين : ههههههه هزعلك نص نص ... روحى بسرعه اطمنى عليها .

ليليان : طيب .

(فى جناح زين )

ادهم : الله الاوضه دى جميله فيها العاب اكتر من النادى .

مراد : بابا لو عرف هايولع فينا .

ليليان : نهار اسود انت بتعملوا ايه هنا؟ .

اسر : بنلعب فى حاجات بابى .

مراد : عادى يا ماما بنلعب شويه رياضه .

ليليان : عادى ايه....هو بابا مش منبه عليكوا محدش يطلع الجناح دة كله اصلا ولا يلعب فى صاله الرياضه بتاعته.

ادهم : بجد هو نبه امتى انا مسمعتش ... انت سمعته.

مراد : مش فاكر الصراحة .

اسر: انا سمعته يا مامى .

ليليان : برة كلكوا واياكم تكسروا كلمة بابى تانى.

مراد : ماشى ياماما ابقى شوفى مين هايجبلك شوكلاته تانى من وراة بابا .

ادهم : ايه دة انت بتجيب لماما شوكلاته من وراة بابا ... مش متهايلى يا ماما بابا منبه عليكى متاكليش شوكلاته .

ليليان : انتوا بتهددونى .... ماشى ... بس مش ليليان الجارحى اللى تهدد يا ولاد زين .

*********************

فى بيت مراد الالفى

مراد : يا ترى انتى فين يا كوكو .

كاميليا : هههه انا مش هنا يا بابى .

مراد : قفشتك .... تعالى هنا .

(كاميليا جريت على سارة واستخبت وراها ومراد راح يجرى وراها ).

سارة : كوكو ادخلى اوضتك ... عاوزة اكلم بابى .

كاميليا : يووووووة يا سوسو غيارة اوى .... بتغيرى لما بلعب مع بابى .

مراد بضحك وغمز لسارة : هههههه انتى كمان عاوزة تلعبى يا سوسو .

سارة : كاميليا ادخلى يالا اوضتك .

( كاميليا دخلت اوضتها مكشرة من امها لانها قطعت لعبها مع ابوها )

مراد : فى ايه يا سارة ؟.

سارة : كنت فين امبارح ؟.

مراد : ومن امتى انت بتسألينى كنت فين ولا حتى بعمل ايه ؟.

سارة : انا بسألك سؤال بسيط يا مراد ... وعاوزة اجابه بسيطه عليه ... كنت فين امبارح ؟.

‏مراد : علشان ارضى فضولك ....هاجاوبك ... كنت فى الشغل ... فى حاجة تانى ؟.

‏سارة : شغل ؟!!. امممم ..... لا مش عاوزة حاجة كمل لعبك مع كاميليا عن اذنك.

‏************************

‏فى بيت الجارحى

(زين قاعد شايل ليان وبيلعب فى شعرها اللى لون شعرها زى لون شعرة بص على يمينه لقا مراد اللى قاعد بيتفرج على التلفزيون وبيضحك على الفيلم مراد كان واخد لون عيون امه وشكل زين وجنبه ادهم اللى واخد عيون ابوة وغمازات امه اسر اللى نايم على رجل ليليان واللى هو وليان نسخه من ليليان ) .

ليليان باسته من خدة واتكلمت بهمس : سرحان فى ايه ؟.

زين بتنهيدة وبنفس همسها : لو كان حد قالى زمان انت هاتخلف دة كله وبيتك هايتغير كدة وانت هاتتغير كدة مكنتش صدقت .

ليليان : طيب والتغير دة للاحسن ولا للاوحش .

زين : طبعا للاحسن كفايه انك موجودة فيه .... لما دخلتى البيت دة كان طابقين وهادى وروتينى وملل بس اول ما دخلتيه وانتى غيرتيه البيت كبر وبقا له ريحة حلوة كدة ريحه جو العيله اللى وحشتنى من ايام موت امى وابويا .... انا مش مصدق نفسى ان ربنا رزقنى بيكوا .

ليليان : لا صدق يا زين ..انت طيب وتستاهل كل خير ....الا قوليلى يا زين ... فاكر اول ليله جيت هنا فيها ... وكنت لابسه سدال وانت وقتها اتعصبت وقولتلى اخلعى الطرحه ماهو مش معقول مش هاتعيشى عمرك كله بالطرحه ....وبعدها قولتلى انك هاتجيب مهندس يعملى اوضه الا هو فين دة .

زين : مين دة ؟.

ليليان : المهندس اللى هايعملى الاوضه !.

زين : بتهزرى طبعا مكنتش هاجيب حد ... ياماما انت مكانك قريب من قلبى مينفعش تبعدى عنى اصلا .

ليليان بدلع : طيب ماهو انا بعيد والست ليان نايمه على ييرجلك .

زين رفع ايدة وهى دخلت جرى فى حضنه : دة مكانك ولوحدك ... انا مبحبش حد فى الدنيا دى قدك حتى ولادك حبى ليكى اكبر منهم .

مراد : بابا هانروح امتى يخت ماما نقضى الاجازة.

زين : كمان اسبوعين هانروح .

ادهم : ينفع اخاد كاميليا معايا.

زين : لو اونكل مراد موافق تمام .

مراد : لا مراد عمرة ما يوافق .... دة مش بيطيقك يا ادهم .

ليليان : ليه بقا مش بيطيقوا .

زين: علشان كاميليا بتحب ادهم اكتر ومراد بيغير .

ليليان بضحك: ههههه سبحان الله الزمن بيعيد نفسه .

*******************

(عدت الايام والشهور وسارة حاسه ان مراد مخبى عليها حاجة تصرفاته غامضه وكل ما تسأله البرود يكون اجابتها... دماغها بدأت توديها للخيانه وترجع وتقول لا مراد لا يمكن يعمل كدة ..... بس تصرفاته كلها بدل على كدة ... طيب وليه لاه مراد كان له علاقات بستات كتير اكيد واحدة رجعت منهم ... فى يوم قررت تتكلم مع ليليان .

(سارة بتكلم ليليان فى التليفون.).

سارة : ليليان انا قلبى واجعنى وخايفه افضل افكر كدة .

ليليان : حبيبتى اهدى كدة دى كلها اوهام والله ..... اسكت يا اسر هاقول لبابا والله .

سارة : لا مش اوهام والله يا ليليان مراد بيخونى انا اوقات بحس بيه مراد فى نظرته ليا متغير فى حاجة عاوز يقولها ومش قادر انا تعبانه من كتر الخووف .... خايفه فى يوم اصحى الاقيه فعلا بيخونى .

ليليان : سارة اهدى بقا والله التفكير غلط فى الحاجات دى .... وقله الثقه دى غلط مراد بيحبك وحبه واضح ليكى .

سارة عيطت : لا هو حبه مش واضح بدليل كل اللى عمله فيا يا ليليان ..... انا تعبانه اوى .

ليليان : اهدى يا حبيبتى ..... طيب اقولك راقبيه يا سارة .

سارة : دة ظابط مخابرات مش سهل امسك عليه حاجة .

ليليان : لا اقصد اول ما يقولك انا طالع خدى بعضك واطلعى وراة وامشى براحه خالص لغايه ماتشوفى هو بيروح فين .

سارة : انا هاعمل كدة بس مش بعربيتى انا ها أجر عربيه من شركه وهاروح ورااة وربنا يستر ويطلع احساسى غلط ... بس اوعدينى متقوليش لزين حاجة

ليليان : هايطلع غلط صدقينى مراد بيحبك اوى ... واوعدك ياستى مقولش لزين حاجة .

سارة هديت شويه ومسحت دموعها: الاولاد فين ؟.

ليليان : مراد وادهم فى النادى فى التدريب وليان لسه منيمها واسر بيناقر فيا لغايه ما دماغى ورمت منه.

سارة : ربنا يعينك عليهم يا قلبى .

ليليان : طيب انتى مش ناويه كمان مرة .

سارة : كنت ناويه فى للايام دى بس مظنش هايحصل حاجة طول مانا بالخوف دة .

ليليان : صدقينى دى اوهام . . انسى وعيشى حياتك ..

سارة بعزم : مش قبل ما اتأكد يا ليليان وارتاح من الخوف االى عايشه فيه .

********************

مراد : ساااارة انا نازل ... خلى بالك من كاميليا ومن نفسك انا هتاأخر شويه .

سارة : شغل بردوا ..... على فكرة انت ظابط مش رجل اعماال علشان عشاء العمل المتاأخر.

مراد : امممممم لا انا اه ظابط بس ليا فى كله .

( سارة حست ان مراد بيكدب عليها جت تنزل لقت كاميليا فى وشها اضطرت تاخدها .. اخدتها و نزلت وراة وركبت عربيه كانت مأجراها وتسوقها هى علشان تعرف تمشى وراة براحتها وهو مش يحس فضلت ماشيه وراه لغايه ما وقف عند عمارة قلبها وقع فى رجليها جريت تطلع وراة ملحقتوش سألت البواب ).

البواب : دة قصدك على اللى طالع من شويهة..... دة طالع عند الانسه لارا فى الدور ١٥،.

سارة ناولته فلوس: طيب خلى بالك من بنتى هاطلع ثوانى وجايه .

كاميليا : ماما هاتسيبنى هنا .

سارة : اه ثوانى وجايه .. اوعى تتحركى .

كاميليا : حاضر

(سارة ركبت الاسانسير وفضلت تفكر مين لارا هل معقوله تكون لارا بتاعت عيد الميلاد بنت رئيسه فى الشغل لا بس هو قطع علاقته معاها من زمان وقفت برة الشقه شويه وبعدها قررت تخبط بهدوء .)

(لارا فتحت الباب وكانت لابسه بيبى دول ... سارة اتصدمت ).

سارة بلعت ريقها : مراد هنا .

لارا : اممممم هنا ... مين انتى ؟.

(سارة زقتها و دخلت تجر رجل وارة رجل وبتدعى ربنا انها تكون بتحلم .... واتصدمت من مراد اللى قاعد قصدها قالع قميصه ونايم على كنبه مغمض عينه ).

سارة : مراد .

مراد اتفزع من مكانه واتصدم من وجودها : سااارة .. انتى هنا ازاى .

سارة بدموع : معقوله ... قلبى كان حاسس.

لارا : فى ايه يا مراد مين دى ... اوعا تكون مراتك اللى مطلقها .

سارة بهدوء : مطلقها!!!! فعلا انا مراته اللى مطلقهاااا ... عن اذنكوا .

( سارة جريت باقصى سرعه ليها نزلت واخدت بنتها وجريت بالعربيه ومراد حاول يلحقها مش عرف.... اختفت من قدامه .... فضل يجرى بالعربيه يدور عليها مش لاقياها راح على. البيت لقى العربيه بتاعتها مركونه تحت البيت طلع على الشقه لقاها زى ما سابها وهى مش موجودة حتى كاميليا مش موجودة فضل يستنى فيها بس هى اتأخرت واتأخرت دور عليها فى كل مكان اتصل على زين وقاله على كل حاجة وزين اتجنن ونشر رجالته فى كل مكان والساعات بتعدى وهو مش عارف هى فين بعد يوم اتنين جاله الخبر اللى غير مجرى حياته ).

: الو المقدم مراد الالفى معايا .

مراد : ايوة انا... خير ؟.

: حضرتك احنا مصلحه الطب الشرعى .. ياريت تتفضل عندنا .

مراد قلبه كان هايقف : طيب هاجى.

زين : فى ايه ؟.

مراد : مصلحه الطب الشرعى .... عاوزنى .

زين حس بخوف صاحبه : احم طيب يالا نروح .

(مراد وزين وصلوا مصلحه الطب الشرعى وهناك مراد اتصدم صدمه عمرة ).

الظابط : حضرتك انت لما عملت بلاغ واحنا بندور جالنا بلاغ من شركه اسمها (.…..) .... والبلاغ بيقول ان مدام سارة عبدالله متأجرة عربيه من عندهم وان معاد العرربيه جه استلامها ومدام سارة مش موجودة اخدنا بيانات العربيه وعملنا دوريات على كل الطرق ولقينا العربيه عامله حادثه مع عربيه بنزين والعربيه مولعه وفيها جثتين لواحدة مواصفات مرات حضرتك وبنت حضرتك ... احنا فى الاول خفنا نبلغك يطلع جثث حد تانى طلبنا منك عينه من دمك علشان نعمل تحاليل واكتشفنا انها بنت حضرتك اللى كانت فى العربيه ومرات حضرتك .

مراد : ههههههه انت عبيط ايه الكلام الاهبل دة ... اسكت خالص ... بطل تخلف ..... قوله يا زين... قوله مراتى وبنتى كويسين وعايشين .

زين : اهدى ... فين التقارير .

الدكتور : اتفضلوا اهى .

(زين قرى التقارير وعرف انهم كانوا متفحمين وحس انه فى كابوس الدنيا بدأت تتهد وبص لصاحبه وسكت ).

مراد بزعيق : سكت ليه ... ايه انت صدقتهم دول متخلفين .

زين دموعه اول مرة تظهر : اهدى علشان خاطرى

مراد : اهدى ... انت بتتكلم جد بقا .

زين : ابوس ايدك اهدى .

مراد مسك قلبه : مااااتووا ... انا السبب فى موتهم ... قلبى مراتى وبنتى يا زين .

زين زعق لدكتور : شوفه ماله مش عارف ياخد نفسه ... مراد اتنفس والنبى .

مراد بضعف : مرر... مراتى يا زين ..بنتى .. ماتوا .

زين غمض عيونه بألم : ياااااااارب .

*********************

بعد خمس سنين .

فى المقابر

مراد : جاى ورايا ليه؟. انت عارف ان بحب اكون لوحدى ....وكمان انهاردة عيد ميلاد بنتك .

زين قرب من صاحبه : جاى اقرالهم الفاتحه ... واقف معاك .

مراد بضعف : عاوز اتكلم معاهم شويه يا زين .

زين : هاستناك برة تكون خلصت .

(زين مشى وساب مراد قدام قبر مراته وبنته ).

مراد بدموع : وحشتونى ....انهاردة عيد ميلاد ليان بنت زين كان نفسى تكونوا معايا اوى ... فراقكوا صعب اوى ... انا مش عايش يا سارة من غيرك .... امك كل يوم ببتتصل بيا بتلومنى وكمان ليليان نظراتها ليا لوم وعتاب .... انا مش حاجة من غيرك .. انتى وحشتينى ...رجعت وحيد تانى ... زين وليليان بيحاولوا يعوضنى بس عمرهم ما يعوضنى عن حضنك .... تعرفى ليليان جابت عز الدين هههه ارنبه فعلا على رأيك .... سارة هو انت بتسمعينى بتحسى بيا .... حاسه قد ايه انا موجوع ....وحشتينى اوى يا حبيبتى .... انا عمرى ما خنتك بس كان غصب عنى ..هاجيلكوا بكرة واقولكوا حصل ايه فى عيد الميلاد وهاجبلك ورد احمر .

*******************

فى بيت الجارحى

(ليليان قاعدة على السىرير بتعيط وماسكه صورة وزين دخل عليها قعد جنبها ).

زين : ربنا يرحمهم يا روحى .

ليليان : هى كمان راحت .... زين انا حاسه هاتدخل عليا فى يوم وتقولى بخ بعمل فيكى مقلب.

زين : علشان خاطرى اهدى ... مراد لازم نكون جنبه ونحسسه بحبنا كفايه انه اتغير ٣٦٠ درجه ..انا خايف عليه ذبحه دى ممكن تيجى فى اى وقت ... علشان خاطرى بلاش نظرات اللوم والعتاب انا حكيتلك انه مالوش ذنب كان ضحيه شغله .

ليليان : غصب عنى ... احلى حاجة راحت .

زين : الله يرحمها يا حبيبتى ... قومى يالا علشان ليان فاضحه الدنيا تحت علشان التورته .

ليليان : هههه حاضر .

زين : استنى غمضى عينك الاول .

ليليان ابتسمت : انت لا يمكن تتغير فى كل عيد ميلاد لعيل من عيالك تجيبلى هديه .

زين : طبعا مش انتى اللى جبتيهم. .. يالا غمضى

( ليليان غمضت عيونها اتفاجئت بسلسله جميله فى رقبتها ).

ليليان برقه : عشق الزين .

زين باسها من شفايفها : امممم انتى عشق الزين ... عشقى انا .... عشقى الاول والاخير ... انتى عشق زين الرجااال &&&&&&&&&&&&&&&

 إلي هنا تكون نهاية الجزء الأول من قصة عشق الزين إلي عجبتنى القصة يتفاعل ولو التفاعل قليل مش منزل الجزء الثاني مع تحياتي لكم

                                                                       👉👉Hadil Alsghai