 |
=هتوحشني
_لازم أبعد مش عايزة أكون سبب في غضب ربنا عليكِ، أو أكون سبب أنكِ تخوني أهلك.
=هشتاقلك
_هرجعلك بس وأنتِ حلالي
=امتى؟
_لما أكون قادر أسعدك، وأكون ليكِ الزوج الصالح.
=هستناك
مش هتأخر عليكِ، سلام وهشوفكِ قريب.
=متتأخرش
_أوعدكِ مش هتأخر، استنيني بس لو اتأخرت شوفي حياتكِ، بس مع حد يستاهلكِ.
=مش عايزة غيرك
_وأنا طالما عايش مش هكون لغيركِ، بس مش عارف بكرة هكون موجود أو لا لو موجود مستحيل اسيبك، لو مت...
=متكملش
_لا لو مت عيشي حياتك بس مع حد يستاهلك ويحافظ عليكِ، بحبك وهفضل أحبكِ لأخر نفس ليا.
=طب ليه هتبعد؟
_علشان أكون جدير بيكِ.
=من غيرك هموت
_بعد الشر عليكِ، سلام على وعد بلقاء قريب.
سلام.
(دَ كان أخر لقاء بينا كل ما افتكره دموعي تنزل وبحس أنه الجرح دَ حصل من امبارح بس)
لسه مستنياكَ، اتأخرت أوي لسه عايشة على أمل أكون ليكِ، لسه فاكرني ولا بقيت ماضي وراح، عدى علىٰ فراقنا ٣ سنين دلوقتي، ومش قادرة أنساه أو اطلعه من قلبي.
لو التفاعل حلو حخلص الاسكريبت كله النهاردة❤️❤️❤️❤️
لسه مستنياكَ، اتأخرت أوي لسه عايشة على أمل أكون ليكِ، لسه فاكرني ولا بقيت ماضي وراح، عدى علىٰ فراقنا ٣ سنين دلوقتي، ومش قادرة أنساه أو اطلعه من قلبي، ليه بيحصل معايا كده يا نهى أنا عملت ايه علشان قلبي يتوجع كده، وكل يوم بابا يجيلي عريس وكالعادة برفض وكله تعب مني علشان يعرف السبب أقولهم ايه كنت بحب واحد من وراكم وبعد ولسه عايشة علىٰ أمل أنه يعود، طب لحد امتى هستنى، دَ بقا دعوتي في كل صلاة وفي كل ركعة بقا حلم وعايشة على أمل أني أحققه وأكون ليه
=لأ أنتِ غلطي وذنبك كبيير جدا أولًا لأنك دخلتي في علاقة حرام ازاي ترتبطي هو فيه حاجة اسمها ارتباط أصلا ليه تعملي كده وتقللي من نفسك،ال بيحب بجد بيتعب علشان يوصل لحبيبه في الحلال مش بتكون مجرد شات، مافيش حب بيخلي الواحد يجي على كرامته أو يغضب ربنا وكل دَ ليه علشان تعيشي جو الارتباط وأنه معاكِ الإنسان ال يحبك وبيهتم بيكِ بس بعد كدَ ايه، طب أنتِ عارفة أنه إنسان كويس جدا لأنه اختار يقرب ليكِ في الحلال، من الرغم إنكِ كنتِ فاتحه ليه كل الأبواب الحرام، بس لأ هو طلع راجل لأنه قرر يجيلكِ بالحلال، لازم تفوقي بقا وتبطلي كل ال بتعمليه دَ، دَ حتىٰ لو نسيكِ وتزوج من غيركِ مش هيكون عليه لوم أو حتىٰ مش هيكون غلطان عارفة ليه؟ علشان كنتِ سهلة معاه سمحتيله يكلمكِ أو يعبر عن مشاعره ليكِ في الحرام، طب سؤال أنتِ لو متِ وأنتِ بتكلميه هتقولي لربنا ايه؟ بحبه يارب دَ هو محترم وكويس جدا دَ بيشجعني على الصلاة ولا هتقوليلو ماما عارفة! كل دَ مش مبرر أبدًا الغلط غلط لو عملوه او عرفوه كل الناس أنتِ غلطي لما كلمتيه وبعاده عنكِ دَ الحساب دَ غير غضب ربنا عليكِ، يرنا طريق الغلط نهايته زواج، بينما الحلال بدايته زواج.
=كفاية ليه بتقسي كدَ عليا أنتِ أقرب حد ليا، ليه بتوجعني وبتعمقي جروحي
_علشان عايزاكِ تفوقي وتعرفي أنه كل ال عملتيه دَ غلط، وأنه انتظاركِ ليه غلط خلاص هو مشي وزمانه شاف حياته، ولازم تتوبي لربنا وتشوفي أنتِ كمان حياتكِ قبل ما تتدمر أكتر من كده
=حاضر والله حاضر بس كفاية بقا أنا تعبت، تعبت من كل حاجة مش عارفة هلاقيها منين ولا منين من قلبي ال مليان نار من فراقه وشوقي ليه، ولا من عقلي ال بيخليني أموت ميت موته كل لما ابص لبابا وماما لأني خونت ثقتهم وكلمت غريب عني، ولا من كلامك ال بيخليني أتمنىٰ الموت، ولا من ضغط كل ال حوليا علشان عايزين يفرحوا بيا وأنا أصلا قلبى مش ملك أديا خلاص بقا يارتني أموت وارتاح
_لا فوقي كده وانسي كل ال فات ومتفكريش في حاجة غير أنكِ تتوبي لربنا وتطلبي منه هو يختارلكِ وال بتحبيه ادعي ربنا يكون من نصيبكِ لو في الخير بس كده، قومي وصلي ركعتين واغسلي وشكِ أهلك بيموتوا ميت مرة وهم شايفينك حزينة كدَ، ووقت ما تلاقي الشخص المناسب وافقي واعتبري ال فات صفحة من حياتكِ واتقطعت.
(عدى 6 شهور بعد كلامي أنا ونهىٰ، عايزة أقول أنه أنا دلوقتي بس اقدر اقول أنا اتغيرت وبقيت رنا جديدة خالص مش هقدر أقول نسيته بس بقا عندي قناعة لو من نصيبي هيكون ليا م من نصيبي عادي، وحذفت كل صوره والشات وكل ذمرى كانت بينتا، والتزمت في الصلاة جداا وبقيت مش بسيب فرض، بقيت احفظ قراءن وبعدت عن صحاب السوء، صح نسيت اقولكم أنه ال وصلني للطريق دَ صحابي أصلهم لما كانوا بيشوفوني كانوا بيتريقوا عليا لأني كنت مش مرتبطة وكدَ وكانوا بيقولوا أني وحشة وماحدش هيبصلي علشان كدَ كنت عايزة أوريهم أني زيهم مكنتش أعرف أنه الشيطان ال زينلي دَ كله وخلاني ابرر لنفسي أخطائي وامشي في طريق غلط، بس دلوقتِ عرفت أخطائي، وبقيت بحفظ قراءن وحفظت دلوقتي ١٥ جزء وان شاء الله اكمله وبقيت مختمرة وحسيت براحة قي طريقي دَ الحمد لله وحسيت أنه ربنا طبطب عليا وعرفت اد ايه كنت مقصرة في حق كل ال حوليا والحمد لله أموري كلها بخير، وانهاردة ماما قالتلي أنه في عريس متقدملي فقررت أشوفه مناسب أو لأ خلاص مش هعلق قلبي بحاجة مش هتحصل بس عندي قناعة أنه مش هيحصلي غير الخير وخصوصًا أني صليت استخارة وحسيت براحة كبيرة فقررت أشوفه) جيه يوم الرؤية الشرعية وكان معايا نهى خرجت لما بابا قالي
رنا:كنت متوترة جدًا وخايفة على غير العادة وقلبي بيدق جامد وبصيت في الأرض مش عارفة في ايه لأول مرة مش قادرة ابص في وشه دخلت سلمت على والده ووالدته وقعدت معاهم كل دَ أنا لسه مشفتوش أهله وأهلي استأذنه علشان نعرف نتعرف على بعض لقيته بيقول يزن:هي السجادة حلوة للدرجة دِ، طب بصيلي بس طيب
يلا 20 كومنت ورأيكم
نهاية الاسكريبت (تفاعل كتير عشان نستمر ❤️❤️🥰)
رفعت عيني دَ صوته ااه متقابلناش وكلامنا كان شات وفون بس شوفت صورته وعارفة صوته كويس أوي أنا مستحيل انسى صوته ولأول مرة ارفع عيني ليه لقيته هوا بس كان متغير أوي كان الأول تحسه طايش كدَ وشاب عايش حياته بالطول والعرض بس دَ إنسان جديد دَ شاب جديد عنده لحية بسيطة جدًا النور بيشع من وشه في راحة غريبة أنا حسيت بيها، حسه بفرحة ياا يارب أنتَ كريم أوي استجبت دعوتي أخيرًا وربنا جبر بخاطري بس بعدين افتكرت أنه قدامي أصلا الصدمة كانت لجمت لساني كل حاجة بتحصل جوايا بس أنا مش قادرة انطق
يزن:هتفضلي تبصلي كدَ كتير مش هتقولي حاجة
رنا(دموعها نزلت) :أنتَ لسه فاكرني، أنا قولت أنكِ نستني وعيشت حياتكَ
يزن:أنا مش وعدتك أني هرجع عارف إني اتأخرت عليكِ بس مكانش بإرادتي و كان لازم أكون زوج صالح ليكِ، وكل الفترة ال فاتت دِ كنت بعمل دَ الحمد لله بعد ما كنت بعيد عن ربنا بقيت قريب بصلي كل السنن والفروض حفظت القراءن، وبقيت امام في جامع، واتوظفت في وظيفة حلوة جدا بمرتب كويس اشتريت ليكِ بيت بفلوسي أنا وتعبي أنا، دلوقتي بس أقدر أقول أني هاكون زوج صالح ليكِ، وأب كويس لولادي أنا منسيتكيش ولا يوم بس كنتِ دعوتي الثابتة بدعيها كل يوم أن ربنا يجمعني بيكِ في الحلال والحمدلله جيه اليوم ال تتحقق دعوتي
رنا:الحمد لله، بس ايه غير تفكيرك يعني ايه..
يزن (بمقاطعة) :فهمت سؤالك دَ لأنه أعز صديق ليا وكان معايا في كل وقت وكل حاجة بعملها كان زيي، وكان بيقولي احنا عندنا خوات بنات ليه منخفش علىٰ بنات الناس وأنا كنت باستهزء بكلامه لحد ما اكتشف أنه أخته كمان بتكلم شباب وقتها جيه وكان بيلومني أني السبب وأنه كان عايز يتوب بس أنا ال كنت بضيعه بس الحمد لله بعد أخته عن الطريق دَ ومن يومها عرفنا أنه كما تدين تدان ولأني فعلا حبيتكِ قررت ابعد واجيلك في الحلال ومن يومها اتخلق كل إنسان فينا إنسان جديد بس كدَ
تزوجوا رنا ويزن عاشوا حياة جميلة جدا، حياة في طاعة الله، صح غلطو في الأول بس لما لقوا فرصة أنهم يتوبوا تابوا ورغم أنه كل منهم كان بيعاني بسبب بعد حبيبه بس اتحملوا وقرروا يجتمعوا بس في الحلال، دايمًا باب التوبة مفتوح مهما تخطئ لك فرصة لكي تعود إلى طريق الخير مجددًا، الطريق الصح زي ما الوصول ليه صعب لكن نتيجته الجميلة بتدوم، بينما الطريق الخطأ يسهل لك تحقيق هدفكَ بس في المقابل لن يدوم ولن تشعر بفرحة وصولك لأنكَ وصلت إليه بسهولة دون تعب.
*(الطريق الحلال على مقدار صعوبته وتحقيق الهدف فيه يكون مقدار فوزكِ والفرحة عندما تحقق هذا الهدف، بينما طريق الشر يكون سهل تحقيق الهدف فيه ولكن لا تدوم فرحته ولاتشعر بملذة تحقيقكَ لهذا الهدف*)
يلا ٢٠ كومنت ورأيكم ❤️❤️❤️❤️❤️ وانشاء الله حنزل اسكريبت احلي النهاردة
#تمت
متابعه للمدونه توصلكم جميع القصص واترك تعليق بالقصه الي تحبها علشان انزلها كامله هنا
تعليقات
إرسال تعليق