 |
_ انا هتخطف
#جميلة = اييهه؟؟ بتهزر صح
يوسف : ههزر لية يا جميلة اكيد مش بهزر انا فعلا قررت اخطب
جميلة = عارفة انك بتحبني وبتموت فيا عشان كدا هتخطبني ، هتخطب بنت خالتك حبيبتك صح
يوسف : اييه حيلك حيلك لا انا بجد قررت اخطب واحدة كانت معايا ف الكلية بحبها وحصل بينا كلام من فترة
"اتبدلت ملامح وشي من الخوف والفرحة للصدمة ، انا بحب يوسف ابن خالتي من زمان م شايفة غيرة انا وهو صحاب جدا بيحكيلي علي اي حاجه في حياتة هو مفيش تفصيلة ف حياتي الا وهو مش عارفها ، عمري م قولتلو ان بحبو عشان انا واحدة خوافة ، ااة انا خوافة اخاف اقولو يطلع مبيحبنيش زي منا بحبة كويس ان مقولتلهوش ع اد منا حزينة وقلبي واجعني بس فرحنالة عشان هو فرحان ان هيخطب اللي بيحبها ، بس هو طول السنين دي مشافش حبي لية مشافش اهتمامي بية دا حب ، لمعة عيني كل ما بشوفو ملحظهاش طيب ، طب هو لية مقاليش ع حكاية البنت اللي بيحبها لية خلاني زيي زي الغريب.."
جميلة: مبروك يا يوسف ربنا يتمملك علي خير عن اذنكو
دخلت اوضتي ونا خلاص مش قادرة عيط ، عيط جامد معرفتش اعبر عن اللي جوايا بكلمة واحدة ، عيني من كتر العياط وجعتني ونمت ، صحيت تاني يوم لقيت يوسف عندنا ومعاة خطيبتة
خطيبتة كانت حلوة وجميلة جدا ملامحها حلوة اوي ، دخلت سلمت عليهم وقعدت معاهم شوية ودخلت اوضتي تاني ، خطيبتة كانت رقيقة وروحها حلوة وهادية ، قررت ان لازم اطلعو من قلبي واشيلو من تفكيري عشان مينفعش خلاص هما دلوقتي ف حكم المخطوبين ، يوسف مبقاش ليا حق فية زي زمان ، مش هنخرج كتير ونفضل نتكلم زي قبل كدة، بس خطيبتة متعرفش عنو كل حاجة متعرفش هو بيحب اية وبيكرة اي ، انا عارفة كل حاجة عنة انا اللي دايما اللي بهتم بية كأنة ابني مش ابن خالتي انا قلبي واجعني جدا فوق م اي حد يتصور وحزينة جدا بس انا حتي مش عارفة اعمل اية
يوسف خطب وبعدنا عن بعض جدا ، كانت ايامي مملة اووي انا مكنتش بخرج من اوضتي اصلا نفسيتي تعبت جدا والكل لاحظ دا ، بس كنت بتهرب من اي حد يسألني مالك عدي شهور ونا نفسيتي لسة تعبانة ومش عارفة اخرج من اللي انا فية ، مش عاوزة اخرج للشارع وللنور ،،كان هو دايما اللي بيخرجني ، كان مخليني مش عاوزة حد غيرة اصلا ف حياتي
" الخذلان ، صعب جدا تكون معلق كل حياتك علي شخص معين ويخذلك ، بالنسبالي دا خذلان ان شخصك المفضل اللي كنتو بتبقو مع بعض ف كل حاجة يبعد عنك مرة واحدة وكلة بيجي مع بعضة الموضوع بيبقي صعب ومتعب جدا"
انهاردة كتب كتاب يوسف ،كان فرحان بيها اوي ، كان نفسي ابقي مكانها بس ربنا اكيد لية حكمة ف كدا انا واثقة ان ربنا هيعوضني خير
(بارك الله لكما وبارك عليكما وجمع بينكما في خير)
يوسف خلاص بقي متجوز ونا مبقاش يحقلي فية اي حاجة من بعد م كنا اقرب اتنين لبعض ل ابعد اتنين ، كنت فرحنالة عشان هو فرحان كان شكلهم مبهج وجميل .
كنت بحاول اطلع نفسي من اللي انا فية ب اي طريقة غيابة عني وجعني مليش صحاب غيرة
كنت قاعدة ف يوم ف اوضتي وماما دخلتلي وقالتلي ان يوسف برا عاوزني ، استغربت جدااا ، يوسف وعاوزني مش عارفة لية خوفت بس خرجت عادي
_ اهلا ازيك يا يوسف عامل اية
يوسف = مقولتليش لية انك بتحبيني.
يتبع 🤍
تابع للحصول على الجزء الثاني علق ب 20 ليصلك اشعار
ملاحظة هناك شكوي من عدم وصول باقي الاجزاء وذلك بسبب قله التفاعل لذلك علق ب20 ملصقات ليصلك كل جديد فوري عند نزوله
قبل مانبدا في الحلقه يسلمو ياالغالين على تفاعلكم وتشجيعكم ♥حب كبيرررر لناس الي تدعمني وتتفاعل معاي في كل رواية وكل حلقه نزل فيها💜🔥ربي يجبر بخاطركم ويعطيكم كل خير
الجزء الثاني قصه #جميلة
_ اهلا ازيك يا يوسف عامل اية
يوسف= مقولتليش لية انك بتحبيني ؟؟
معالم الصدمة كلها اترسمت على وشي مبقتش عارفة انطق بحرف بس حاولت ان ابين ان مش عارفة هو بيتكلم علي اية اصلا
_ جميلة : اي دا مين قالك كدا اصلا
يوسف = مين قالي اية
جميلة : مين قالك ان بحبك
يوسف = ديي
وراح مديها مذكراتها ،"يوسف عارف ان جميلة بتكتب مذكراتها وان اي حاجة هو عاوز يعرفها بتبقي في مذكراتها "
جميلة واتصدمت اكتر بالمذكرات بتاعتها ، طب هو اي اللي وصلهالو اصلا ازاي دي كانت ف درج المكتب عندي "
جميلة :أأانت انت ازاي خدتها اصلا دي كانت ف اوضتي انت ازاي دخلت اوضتي اصلاا؟
يوسف= ردي علي سؤالي ،متجاوبيش سؤالي بسؤال
جميلة : انت عبيط؟ هو اية اللي ارد علي سؤالك ب سؤال انا اللي المفروض ويحقلي اسالك انت جبت المذكرات دي منين
يوسف=....
جميلة بعصبية وصوت عالي: مترد عليااا متعصبنيش اكتر من كدا ، انت جبتها ازاي اصلا ومين سمحلك تدخل اوضتي
يوسف = مامتك هيا اللي ادتهالي
جميلة وبصت علي مامتها بعصبية وعنيها كانت بتطلع شرار
جميلة : اممممم وانت عاوز اي دلوقتي يا يوسف
يوسف = انتي بجد كنتي بتحبيني
جميلة بتنهيدة : اااة يا يوسف كنت بحبك من واحنا صغيرين ، انا اللي كان يحقلي ان ابقي مكانها مش هيا انا اللي كنت بهتم بيك وحفظاك اكتر من نفسك مش هيا ، انا اللي من صغرنا ونا بحبك وانت ملاحظتش دا ،، طب ازاي ملحظتهوش يعني لمعة عيني اللي لما كنت بشوفك دي انت ملحظتهاش ، اهتمامي بيك دا حب ، طيب طول الفترة دي كلها معرفتش حتي تحبني ولو لمرة قلبك دا مدقليش مرة واحدة ، انا عمري م جيت قولتلك ان بحبك لان خوافة وانت عارف كدا ان بخاف ادخل ف اي علاقة تحت اي مسمي ، مكنش ليا اي صحاب غيرك عشان مكنتس عارفة اصاحب ولا احب غيرك كنت انت واخد كل طاقتي وحبي واهتمامي ووقتي ، بعد كل دا ومش عاوزني اتعلق بيك واحبك ، طيب هيا عارفة عنك اية تعرف انت بتحب اية طيب ، طب تعرف مقاساتك اي ؟، تعرف انت اي اكلتك المفضلة ، اية الاكلة اللي بيجيلك منها حساسية ، تعرف اية هيا عنك طيب هيا اهتمت بيك وقت تعبك وحزنك كانت بتواسيك ومعاك وقت حزنك وتعبك ، كل الاسألة دي جوابها لا ،،انت عارف انا اية اكتر حاجه مزعلاني ؟ ان انا كنت اقرب حد ليك وبرغم كدا عرفت زيي زي غيري بس عادي علي فكرة انت زيي اخويا يا يوسف ونا فرحنالك اكيد ب انك مع اللي قلبك اخترها واهم حاجة راحتك وتكون مع الشخص اللي بتحبة والف مبروك يبشمهندس ربنا يتمملكو ع خير
....
متدهوش فرصة يتكلم او يشرح حاجة ، سبتة ودخلت ع اوضتي انا مفيش حيل اسمع منة حاجة او ان ابرر حاجة انا طاقتي خلصت انا حقيقي طاقتي خلصانة وهلكانة
ماما دخلتلي الاوضة بعد ما يوسف مشي ، بصتلها وقولتها
_ ليييهه لييه ي ماما لية تديلة حاجة تخصني انا ، انتي لية عملتي كدا ، انا مكنتش عاوزاة يعرف حاجة اصلا عني
ماما وطبطبت عليا = غلطي لما مقولتليش ي جميلة ، مش انا امك وصحبتك لية محتكليش يحبيبتي لية خبيتي كل دا ف قلبك
جميلة =.....
الام : انا عارفة انك زعلانة مني بس والله هو اللي طلبها مني لانة لقاكي اتغيرتي مرة واحدة ومبقاش يشوفك وانا بروح عندهم كتير ف مش. بيشوفك معايا وانتي قاقلة تليقونك ف كلمني وقالي مالها قولتلو معرفش ف هو عارف انك بتكتبي كل حاجة ف مذكراتك ف طلبها مني وجبتهالو
جميلة = غلطي ي ماما لما تديلو حاجة تخصني انا وتخص حياتي مقولتلكيش لية لان كنت خايفة كويس ان متكلمتش اصلا
الام : خايفة من اية
جميلة = انا مش قادرة اتكلم خالص ي ومعنديش طاقة اتكلم حتي ممكن تخرجي وتسبيني لوحدي......
" طاقتي خلصت "
اول مره سمعت المصطلح ده مفهمتوش كويس او موصلنيش احساس حد بيقول طاقتي خلصت لحد ما جربته ؛ انا فعلا طاقتي خلصت اني اتكلم او اني اسمع حد او اشرح او ان اسمع مبررات طاقتي خلصت اني أعاتب ، بتبقي حاجة صعبة جدا ان اتقبل فكرة غياب شخص عني كان يعنيلي كل حاجة ومكتفية بية ، الموضوع بيبقي صعب جدا ان اي شخص يتقبلو وبيبقي ف حالة من الصدمة و الذهول ، الموضوع بيبقي صعب ف اولة بس كل ضربة بتيجي ببقي واثقة بعدها انها بتقويني مش بتضعفني واثقة ان هقوم وارجع احسن من الاول بكتير ، بقالي شهور متعودة ع غيابة مموتش وعايشة عادي وهو مش فارق معاة اصلا
يوسف اتجوز وعاش حياتة عدي شهور ، مراتة حامل دلوقتي ، قررت ان مش هوقف حياتي اكتر من كدا وهكمل لوحدي انا اتعودت ع غيابة ، قررت ان انزل الشارع اتمشي لوحدي
كنت ماشية عادي فجأة نور عربية جاي ونا م واخدة بالي منة لقيت النور ضرب ف وشي بعدها مشوفتش حاجة تاني.
يتبع
اسكريبت "بارت 3 و الاخير"
#جميلة
_ كنت ماشية عادي فجأة نور عربية جاي ونا م واخدة بالي منة لقيت النور ضرب ف وشي مشوفتش حاجه تاني
انا م شايفة حاجة قدامي خالص انا سامعة ناس بتقول الحقوها دي بتموت ، عاوزين نقل دم بسرعة المريضة بتموت ، صوت زعيق حواليا ، انا مش داريانة بحاجة خالص انا مش قادرة اقوم عاوزة اقوم اصرخ بس حسة ان مشلولة غمضت عيني وفتحتها وغمضتها تاني بس المرادي مش قادرة افتحها حتي، حسيت ان انتهيت حسة ان خلاص مُت ، كنت مستسلمة للوضع اللي انا فية انا مش عاوزة افوق مش عاوزة ارجع للحياة
....
يوسف : ها ي دكتور طمنا
الدكتور = المريضة دخلت ف غيبوبة ومش عارف ممكن تفوق امتا ممكن اسبوع ممكن شهر ، شهرين تلاتة ممكن سنة مش عارفين
مامت جميلة : ياااارب يارب بنتي يارب يارب نجيها يارب انا مليش غيرها ف الدنيا دي متحرمنيش منها يارب وقعدت تعيط وتقرأ قرأن ل جميلة
_ يوسف كان ف حالة صدمة من اللي حصل واقنع نفسة ان هو السبب للي حصل ل جميلة بس خلاص الوقت فات
....
عدي 3 اسابيع جميلة لسة مفاقتش م الغيبوبة ، مامتها حالتها بتسوء ومبتاكلش وتعبانة بسبب اللي حصل لبنتها وان ممكن تخسر بنتها ف اي وقت ، يوسف نفسيتة تعبت ف ال 3 اسابيع دول كان الوقت بيمر عليهم بالبطئ بسبب غياب جميلة
..........
عدي 3 شهور
3 شهور حصلت حاجات كتير اوي وبين مشاكل يوسف ومراتة كانت بتوصل للطلاق بس بيتراجعو هما الاتنين لاجل طفلهم
كانت مامت جميلة قاعدة بتقرألها قرأن زي كل يوم وفجأة لقت الاجهزة بتصفر جامد ، قامت نادت ع الدكتور بسرعة
الدكتور : اهدي اهدي حضرتك هندخل نشوفها
دخل الدكتور ولقي جميلة فاقت وخرج طمنهم عليها وقالهم ان جميلة فاقت
مامت جميلة ويوسف : طب ينفع ندخلها
الدكتور = هننقلها اوضة عادية وبعد كدا ادخلولها زي منتو عاوزين عن اذنكو
......
اتنقلت جميلة اوضة عادية ودخلت مامتها وحضنتها وقعدت تعيط ويوسف كان قلقان جدا عليها وراح سلم عليها
يوسف: حمدالله ع سلامتك ي جميلة
جميلة = الله يسلمك يا يوسف
وقعدو مع بعض كلهم ومامت يوسف جت وشوية وخرجو سابو جميلة ترتاح
......
عدي اسبوع وحالت جميلة اتحسنت كتير وخرجت من المستشفي
عدي فترة لخروج جميلة وتحسن حالتها النفسية والصحية ، قدرت تتخطي حاجات كتير
يوسف ومراتة كل يوم خناقاات ومشاكل كتير ، اكتشف يوسف ان فعلا كان بيحب جميلة بس كدب نفسة وان حبة لمراتة مكنش حب ، حصل مشاكل ل يوسف ف الشغل وساب الشغل ومن هنا بدأت المشاكل بينة وبين مراتة ملك ، اكتشف ان هيا بدور ع المظاهر والفلوس وهمها بس الفلوس وان معاها راجل حلو وشيك ومعاة فلوس ، يوسف وقت ما كان بيقع كان دايما بيلاقي ايد جميلة متمدية لية وبتساعدة وعلي طول معاة بس المرادي لما وقع كان منتظر من مراتة ام ابنة هيا اللي تساعدة وتدعمة بس ملقاش دا واكتشف ان شغفة من نحيتها اختفي
" انا مش عارفة جاي يكتشف كل دا بعد م اتجوزها وخلفت منة ، الرجالة لما بتحب يجماعه بقي😂"
جميلة عاشت حياتها ونزلت شغل جديد ليها ف جريدة كبيرة واترقت ف شغلها من اول شهر ، يوسف طلق مراتة وخدت ابنة وسافرت ، الفترة دي مكنتش سهلة وهينة ل يوسف نهائي كانت كل حاجة متعبة بالنسبالة ان يخسر شغلة ومراتة وابنة
"بتبقي صعب انك تتقبل فكرة انك تخسر حاجة كانت بالنسبالك كل شئ ، انك تخسر اي حاجة او اي شخص مهم ف حياتك بتبقي صعبة ، بس مبنكنش عارفين ان دا بيكون خير لينا احنا ، اكيد ربنا هيعوضنا بغيرة ، ثق تماما ان ربنا مش بيعمل حاجة وحشة لأي انسان ان يخسر حب ، شغل ، فرص ف حياتة ، ان يدخل تجربة خطوبة او جواز وتفشل ، اكيد بيكون في سبب بس احنا مش بنكون عارفين السبب دا ربنا بيبقي لي حكمة ف كدا وكل دا بيقوينا وبنقوم بعد كل صدمة جامدين ، ربنا بيعوض وعوضة حلو جدا بس للي يصبر خليك متأكد ان ربنا هيعوضك ع صبرك وتعبك اللي محدش عارف ولا شاف منة حاجة خليك واثق دايما ان ربنا هيعوضك 🤍 "
_ جميلة عرفت باللي حصل ل يوسف ومع كدا مشمتتش فية
كان يوسف قاعد ع البحر سرحان ، دقنة بقت طويلة شعرة طول وبقي مبهدل ف نفسة
جت جميلة وقعدت جمبة
جميلة: زعلانة منك ع فكرة
يوسف والتفت لصوت جميلة واتفاجئ بيها
يوسف = جميلة
جميل : اااة جميلة اللي كانت دايما بتبقي معاك لما بتقع واول واحدة بتمدلك ايديها وانت تمسك فيها عشان ترجع تقف من تاني بس المرادي معملتش كدا بالعكس استسلمت وحتي مساعتدش نفسك انك تقوم
يوسف بعياط = جميلة انا اسف بجد سامحيني حقك عليا انا السبب ف كل حاجة حصلت انا السبب ف انك تتعبي وانا اللي بعدت عنك ، هيا بعدتني عنك كانت بتحاول تكرهني فيكي ، اخدت مني ابني كانت واحدة كدابة حبتني بس عشان الفلوس والمظاهر بس لما سبت شغلي حبها راح
جميلة وطبطبت علية = صدقني كل ضربة بتاخدها بعدها بتقويك وتخليك انسان تاني انسان اقوي من قبل كدا ، ولو ع الشغل في مليون شركة تتمني انك تشتغل معاهم بس انت اللي مدورتش ومحاولتش تتعب نفسك انت بس مستسلم للي بيحصل فيك ، ولو ع مراتك ف هيا حقيقي متستاهلكش بجد انت في الف واحدة تتمناك ، ابنك هيا متقدرش تمنعك تشوفو
يوسف = ويتري انتي من الالف اللي بيتمنوني !؟
جميلة ووشها قلب الوان : احم متيجي نجري زي زمان
يوسف وضحك عليها = هناكل ونهزر ونرجع زي زمان
جميلة وابتسمت : هنرجع زي زمان
يوسف = بحبك 🤍
........
" صوابعك مش زي بعضهم مش كل اختياراتك صح ومش كل اختياراتك غلط ، اكيد بيجي ف حياتنا اشخاص بنكون فاكرينهم دول الاختيار الصح وبنخليهم محور الكون بالنسبالنا بس بيخذلونا ف الاخر واحنا اللي بنتعب ، المطلوب ان احنا اللي نقوم نفسنا بنفسنا ونسند نفسنا بنفسنا مش كل الناس هتقف جمبك ومش كل الناس هتسيبك ، بس بردو مش كل الناس الاختيار الغلط بيبقي في اختيار واحد صح هيدخل ع حياتنا هيغيرها ويشقلبها هنحب كل حاجة معاة دا بيكون "العوض" ، بيكون عوض ربنا ع صبرك وتحملك وطاقتك اللي خلصت ، اصبرو واتحملو وخليكو واثقين ان ربنا عمرة م هيخذلك بعدين وهيعوضك بكل خير .
"انا سنداك ومعاك فـ اللين والكرب،، وبحبك اد ما فـِ العالم من كُره وحُب♥️"
تمت 🤍
☝️للحصول علي قصص جديدة
عمل متابعه للمدونه واترك تعليق
تعليقات
إرسال تعليق