 |
احببتها بعد زواجنا
البارت السادس
كنا في اوضه في المستشفى و دخل علينا الدكتور
الدكتور: حمدلله على سلامتك
الله يسلمك يا دكتور
الدكتور: تقدر تخرجي النهارده و لازم ترتاحي و ان شاء الله تبقي كويسه
رديت بحزن ان شاء الله يا دكتور
خدني مؤمن بالكرسي المتحرك و مشينا و بعد ساعه كنا في الفندق
مؤمن: حمدلله على سلامتك يا حبيبتي
الله يسلمك
مؤمن: يلا علشان تاخدي العلاج بتاعك و تاكلي و تنامي
طيب هعمل اي هروح ازاي الكليه و المحاضرات
مؤمن: متشليش هم حاجه اهم حاجة صحتك تتحسن
طلبنا اكل و كلت و خدت العلاج و نمت من التعب و صحيت تاني يوم الساعه 8 كان مؤمن بيصلي
خلص صلاه
حرما
مؤمن: جماعا ان شاء الله
هو احنا هننزل امتى مصر
مؤمن: النهارده ان شاء الله مش هنقعد تاني انا اتصلت حجزت امبارح هنظبط حاجتنا هنا و هنمشي
مؤمن جهز الشنط بتاعتنا و لبس هو و انا مكنتش عارفه البس ازاي و انا مش عارفه اقف و كنت مكسوفة اخلي مؤمن يساعدني
مؤمن: اساعدك تلبسي
لا طبعا انت بتهزر😒😒
مؤمن: على فكره انا جوزك و عادي اساعدك
لا مش عايزه مساعده من حد
مؤمن: خلاص براحتك
قعدت نص ساعه احاول و معرفتش
مؤمن: هساعدك و من غير ما ابص هغمض عيني
اذا كان كدا ماشي
مؤمن ساعدني البس و نزل الشنط و شالني حطني على الكرسي و ربطلي الحزام و ركب و مشينا روحنا المطار ركبنا الطياره و خلاص ماشيين
مؤمن: هبه انتي تعبانه
ااه مش قادره عايزه انام
مؤمن: حطي راسك على كتفي و نامي
عملت كدا و نمت و بعد ساعتين صحيت
مؤمن: خلاص وصلنا اهو
نزلنا من الطياره لقينا عربيه مؤمن شالني و حطني على الكرسي و ركب و مشينا بس انا كنت حاسه اني تقيله عليه انه بقي هو بيعمل كل حاجه لوحده
مؤمن: مالك سرحانه ليه
هاا لا و لا حاجه دا انا تعبانه شويه بس
مؤمن: كلها نص ساعه و نوصل و ترتاحي
مش عارفه اشكرك ازاي يا مؤمن على كل اللي بتعمله معايا لو حد غيرك كان سابني
مؤمن: بطلي عبط يا بت انتي مراتي و من واجبي ان اساعدك و لما اسيبك كدا ابقى اناني و مبحبش غير نفسي
ربنا يخليك ليا يا مؤمن
مؤمن: و يخليكي ليا يا رب
و وصلنا البيت مؤمن حطني على الكرسي المتحرك و دخلنا الفيلا كنت حاسه براحه ان في بيتي
انا و مؤمن كنا فاصلين خاالص و بمجرد ما وصلنا نمنا على طول من غير حتى ما نغير
تاني يوم الصبح صحيت لقيت مؤمن نايم على الكرسي المتحرك بتاعي ضحكت و حاولت اتحرك اجيب الفون بدل ما اصحي مؤمن بس مقدرتش و وقعت من على السرير
اااه يا رجلي ااه مؤمن حوشني يا مؤمن
مؤمن: هبه اي اللي وقعك
بعياط كنت عايزه الفون و مكنش عاوزه اصحيك
مؤمن: يعني كان هيحصل اي لو صحتيني يا هبه انتي حاطه حواجز كبيره بينا يا هبه و انا قولتلك لما تحتاجي اي حاجه قوليلي
انا اسفه يا مؤمن
مؤمن: لا خلاص يا هبه
شالني حاطني على السرير و جاب لي شاي و فطار و العلاج و جاب اللاب توب بتاعه و قعد يشتغل
و كل ما اكلمه يتجاهلني و انا كنت متغاظه جدا من تغير معاملته معايا بس انا برضو غلطانه
فضلت قاعده ساكته و زهقانه لحد ما لقيت مؤمن جايب اكل و جايلي
مؤمن: يلا كلي علشان تاخدي العلاج بتاعك
رديت بعناد لا مش هاكل و مش هاخد علاج
مؤمن: طيب بطلي هبل يا هبه و كلي
لا يا مؤمن مش هاكل علشان انت مش عايز تعبرني و لا راضي ترد عليا و انا بكلمك انا مكنش قصدي يا مؤمن ازعلك انا مكنتش عايزه اصحيك و اقلقك بس انت لا زعلت و مش عايز تكلمني خلاص يا مؤمن شيل الاكل و العلاج انا مش هاكل و لا هاخد علاج
مؤمن بحب : هبه يا حبيبتي كنت عايز افهمك ان مفيش داعي انك تفرقي ييني و بينك و كان عادي تصحيني اجبلك اللي انتي عايزاه
برضو يقول إني بفرق بينا مؤمن انا حبيتك و عمري ما فرقت بينا يا هارسوح اي اللي انا قولته دا
مؤمن: و انا كمان حبيتك يا هبه مش عارف امتى بس من غيرك وحيد انتي ملتي الفراغ اللي في حياتي بحسك ان اختي و بنتي و صحبتي و مراتي و اوعدك مش هزعلك تاني
مؤمن انت احلى حاجه حصلت لي انت أبويه و اخويه و سندي كفايه وقوفك جنبي و انا كدا ربنا ميحرمنيش منك
مؤمن: و لا يحرمني منك يا قلبي ان شاء الله يلا كلي بقا علشان العلاج
كلت و خدت العلاج بتاعي مسكت ايد مؤمن و قولتله ربنا يخليك ليا يا احلى حاجه حصلت لي
مؤمن: و انتي كمان يلا نامي بقا و ارتاحي
حاضر يا مؤمن
و نمت تاني
**************************************
في الجامعه
ليلى خلصت محاضرات بتاعتها و ماشيه
احمد: متعبرنا يا مدمرنا
ليلى: احمد
احمد: القلوب عند بعضها يا مزه
ليلى: مش هرد عليك علشان انت سافل
احمد: ليلى اديني فرصه طيب اتكلم
ليلى: لا يا احمد علشان انت متستاهلش انت كل شويه مع واحده و انا مش اي حد
احمد: ما انتي اللي مش حاسه بيا
ليلى: و دا مبرر دا حتى صحبتي مسلمتش منك
احمد: كنت بعمل كدا علشان اخليكي تغيري بس انت و لا هنا
ليلى: و الله انت واحد غبي كان ممكن تيجي تقولي بدل كل اللي انت عملته دا
احمد: يعني مسمحاني
ليلى: هفكر
احمد: فكري براحتك يا قلبي
ليلى: هترجع لقلة الادب تاني 😒😒
احمد: لا خلاص انا ماشي
ليلى : احسن برضو
و مشيت ليلى روحت البيت
**************************
في بيت عمي
ام نجلاء دخلت على نجلاء الاوضه
ام نجلاء بخبث: مش بتكلمي هبه
نجلاء: لا مش بنتكلم و شكلها غيرت الخط
ام نجلاء: اه ما هي صدقت ما خلعت مننا
ملك : اه معاكي حق يا ماما
ملك دي بتكرهني جدا و بدون سبب و مش عارفه يمكن علشان كنت بجيب مجموع اعلى منها
نجلاء: حرام عليكم بقا انتو مش راحمين البت حتى بعد ما اتجوزت و سابيت كل حاجه
ام نجلاء: و الله ما حد هيشلني إلا انتي انا قايمه من وشك
نجلاء: احسن برضو
ملك؛ اتكلمي كويس مع ماما يا نجلاء
نجلاء: ملكيش دعوة انتي و اطلعي انتي كمان
ملك: حاضر يا اختي
طلعوا و نجلاء ناامت
#يتبع
احببتها بعد زواجنا
البارت السابع
مؤمن كان قاعد يشتغل على اللاب توب و انا فاتحه الفون بلعب في الفيس بوك كالعاده ما هو إدمان
مؤمن: مش هتنزل الجامعه غير لما تتحسني خاالص و هتذاكري من المحاضرات و كمان بكرا ان شاء الله هتبدأ برنامج العلاج الطبيعي و الدكتور دا صحبي و كويس خاالص
اتكلمت ببرود حاضر هكلم ليلى تجبلي المحاضرات
مؤمن: شطوره يا قلبي 😘😘💖
نينيني قال قلبي قال
مؤمن: ايوه قلبي عندك مانع 🤨🤨
لا معنديش مانع خلاص
خدت التليفون و اتصلت على ليلى
ليلى: ازيك يا هبه عامله اي
انا كويسه بس مش هقدر اجي الجامعه لفتره طويله و محتاجاكي تجبيلي كل المحاضرات
ليلى: ليه اي اللي حصل
و احنا في تركيا عملت حادثه و حاليا مش بقدر امشي
ليلى: الف سلامه عليكي يا قلبي حاضر هبعتلك المحاضرات كلها على الواتس
ماشي تسلميلي يا قمري
ليلى: يسلم قلبك يا رب ان شاء الله مع السلامه
سلام
مؤمن: ها عملتي اي يا قلبي
خلاص ليلى هتبعتهم واتساب
مؤمن: كويس و الله
نفسي اعرف مين اللي كان عاوز يأذيك
مؤمن: بس انا عرفت مين
مين يا مؤمن
مؤمن: دا منير الشافعي و دا واحد كان بينافس بابا الله يرحمه و كان بيكره بابا و حاليا انا بس انا اتصرفت معاه
ازاي عملت اي
Flash back
مؤمن : عايزاك تجبلي كل حاجه عن منير الشافعي
السكرتير: حاضر يا افندم
بعد يوم من كلامه مع السكرتير
السكرتير: ايوه يا افندم انا جمعت كل حاجه عن منير الشافعي دا طلع عامل مصايب سوده
مؤمن: خد المعلومات دي و روح بلغ بيها عنه
و فعلا اتقبض عليه و اتسجن
الحمدلله انه اتسجن هو يستاهل
مؤمن: يلا طيب نامي يا لمضه
حاضر هنام
عدا علينا شهر كان كل يوم مؤمن بيثبت حبه ليا كلامه طيبته حنيته معاملته ليا على أني بنته كان بيعمل كل حاجه اكل و تنضيف و غسيل و كان بيقعد يذاكر معايا و يوديني جلسة العلاج الطبيعي و الحمد لله بدأت اتحسن و بقيت اقدر اقف شويه احسن من الاول
مؤمن: متيجي و نجيب منيجي
ولا اتلم كدا و احترم نفسك
مؤمن: ليه هو انا شقطك دا انا زي جوزك
انا هروح انام في الاوضه التانيه
لسه هقوم لقيت مؤمن شدني ليه لحد ما بقي وشي في وشه و همس في ودني و قال
مؤمن: مش هتربي مني المره دي
و شالني و ............
تاني يوم صحيت لقيت نفسي في حضنه غطيت وشي ورجعت انام تاني و مؤمن صحي
فتحت عيني لقيته بيتأملني
مؤمن: انا بحبك يا هبه
و انا كمان يا روحي
مؤمن: ربنا يخليك ليا يا قلبي
و يخليك ليا يا رب
*********************
عند ليلى
كان احمد بيحاول يتغير علشان ليلى تسامحه بس ليلى مكنتش بتعبره و متجاهله تمام مع انه اتغير و بقي بيحبها و مش شايف غيرها بس هي قالت لازم تربيه الاول حتى لو هي بتحبه
احمد: ليلى انا اتغيرت علشان بحبك يا ليلى و عايزاك جنبي و انتي و لا حاسه بيا حرام عليكي اللي بتعملي فيا
ليلى: قلبي الصغير لا يتحمل اسد يلا في اي
احمد: ليلى انا هاجي اتقدملك النهارده و متأكد انك بتحبيني
ليلى: بابا موجود براحتك سلام يا حب
مشيت ليلى و روحت البيت
ليلى: سموعليكوو
ام ليلى: و عليكم السلام اي الدخلة دي
ليلى؛ هتقولي سرسجيه هقولك عارفه😎😎😂😂
ام ليلى: اجهزي علشان في عريس متقدملك
ليلى: هيترفض زي اللي قبله
ام ليلى: امشي من وشي و البسي و اخلصي علشان الناس قربوا يوصلوا
ليلى: يا رب اعمل اي طيب اكلم احمد بس هقوله اي انا مني لله ما كان بيجري ورايا انا اللي ضيعت من ايدي
نص ساعه و ابو ليلى وصل البيت
ام ليلى: حمد الله على السلامه
ابو ليلى: الله يسلمك كلمتي ليلى
ام ليلى: اه كلمتها
ابو ليلى: طيب كويس خليها تجهز علشان الناس زمانهم على وصول
الساعه 8
ام ليلى: يلا يا ليلى علشان تطلعي العصير
ليلى بحزن: حاضر يا ماما جايه
طلعت ليلى و كان لابسه فستان أسود و طرحه بيضه و مش حاطه اي حاجه في وشها و دخلت سلمت عليهم
ام احمد: بسم الله ماشاء الله ربنا يحفظك يا رب ان شاء الله
ليلى: شكرا يا طنط
ابو احمد: نسيبهم مع بعض شويه
و طلعوا برا و فضلت ليلى و احمد
ليلى فضلت باصه على الأرض و مش عايزه تشوف حد
احمد: مش عايزه تعرفي انا مين
ليلى: الصوت دا انا عارفه احمد معقول
احمد: اه امال كنتي مفكره ان هسيبك لحد غيري انتي ملكي انا بس يا ليلى انا جبت رقم باباكي و كلمته
ليلى بدموع فرح: انا بحبك يا احمد بس كنت بتدايق لما كنت بشوفك بتتكلم مع حد كنت بتقهر
احمد: انا كنت بحاول اخليكي تحسي بيا بس كنت غبي انا اسف يا حبيبتي .يعني موافقه
ليلى : اه موافقه
ابو ليلى ها يا ولاد
احمد : هات الشربات يا عمي
ام احمد: مبارك يا ولاد
و الكل باركوا ليهم و قرروا كتب كتابهم الخميس الجاي و مشيوا
*************************
في بيت ابو نجلاء
نجلاء نزلت دورت على شغل و لقيت شغل مناسب ليها و فرحت جدا بكدا
ابو نجلاء: عملتي اي يا نجلاء
نجلاء: الحمدلله يا بابا لقيت شغل
ابو نجلاء: ربنا يوفقك ان شاء الله
ام نجلاء: مبارك يا نجلاء
نجلاء: الله يبارك فيكى يا ماما
اما ملك كانت غيرانه جدا من نجلاء و مرضيتش حتى تبارك ليها و دخلت اوضتها و قفلت على نفسها
ام نجلاء: مكلمتش هبه برضو
ابو نجلاء: هكلمها اقولها اي بس
ام نجلاء: انا بصراحه تعبت اعمل اللي تعمله
نجلاء: تصبحي علي خير يا ماما تصبح على خير يا بابا
ام نجلاء: و انتي من اهله
ابو نجلاء: و انتي من اهله
و كل واحد نام
#يتبع
احببتها بعد زواجنا
البارت الثامن
صباح الخير يا أجمل ما رأت عيني يا زوجي يا قرة عيني يا حبيبي يا كل ما ليا يااا
مؤمن: اي الرومانسيه اللي على الصبح دي
انتوا الرجاله كدا مش عاجبكم حاجه اصلا و لا يعجبكم حاجه انا تاعبه نفسي معاك على الفاضي و انا غلطانه
مؤمن: خلاص يا دكتوره متزعليش اووي كدا انا كمان بحبك زي ما انتي بتحبيني و اكتر انتي عارفه انك بنتي قبل ما تكوني مراتي مفيش حد يزعل من بنوته او ميحبش بنوته
لا يا مؤمن انا عارفه كدا ربنا يخليك ليا يا زوجي يا قرة عيني
مؤمن: بطلي لامضه و قومي اعملي فطار يلا علشان هنزل الشغل النهارده خلاص كدا انتي بقيتي كويسه الحمدلله و تقدري تمشي و دي اهم حاجه عندي
و انا كمان هنزل الجامعه خلاص هانت كلها سنه و ابقى احلى اخصائيه و كمان ان شاء الله ابقى معيده في الجامعه و دى حلمي من زمان خلاص هيتحقق
مؤمن: ان شاء الله يا قلبي احلى دكتوره و يلا بقا
صليت و عملت فطار و مؤمن لبس و فطرنا و مؤمن راح الشركه و انا روحت الكليه
*******************
في الكليه
سموعليكووووو
ازيك يا ليلى عامله اي
ليلى: الحمدلله يا روحي انتي عامله اي
كويسه يا قلبي الحمدلله
ليلى: اسكتي مش انا و احمد كتب كتابنا الخميس الجاي
اي دا بجد يا ليلى مش تقوليلي طيب مبارك يا قلبي ان شاء الله
ليلى: كل حاجه حصلت بسرعه و الله انا نفسي مكنتش مصدقه
اهم حاجه تكوني بتحبيه و هو يكون شاريكي و بيحبك و مش شايف غيرك
و هما بيتكلموا دخل احمد
احمد: انا فعلا شاريها و مش شايف غيرها في حياتي هي كل حاجه حلوه ربنا يخليها ليا
ليلى: ربنا يخليك ليا يا احمد
طيب جو المحن دا ما تخلصوا علشان النفسيه
احمد: اسف يا هبه لو دايقتك بكلمه حقك عليا
يا ابني مفيش اسف و لا حاجه اهم حاجة انك عرفت غلطك
ليلى: طيب يلا ندخل الدكتور جه
دخلنا المحاضرات و حضرنا كل المحاضرات و بعدين روحنا
روحت البيت غيرت و صليت و عملت اكل و روحت اقعد قدام التليفزيون شويه و التليفون رن و كان عمي انا اتصدمت و مكنتش متوقعه انه يتصل بعد ما نسيني و خلاص مبقاش يعرفني اصلا بس رديت
عمي: الو يا هبه ازيك عامله اي
انا الحمدلله يا عمي بس انت لسه فاكر ان ليك وحدها تعرفها اسمها هبه يا عمي انت عاملتني اسوء معامله و لا كأني بنت اخوك كأنك لاقيني على باب جامعه فوق دا كله جوزتني غصب عني و الحمدلله ربنا كرمني بأجدع راجل في الدنيا هو كل حاجه بالنسبة ليا وقف جنبي و خلاني اكمل تعليمي مسبنيش حتى في أضعف اوقاتي و انت عايز مني اي دلوقتي
عمي: انا اسف و اتمنى تسامحيني
ربنا يسامحك يا عمي مش هقول غير كدا
قفلت لقيت مؤمن واقف جريت عليه اترميت في حضنه و فضلت اعيط زي العيله الصغيره مكنتش حابه اوصل لكدا
مؤمن: شششش خلاص حصل خير مفيش داعي لكل دا انسيه و خلاص انا معاكي و مش هسيبك
مكنتش حابه اوصل لكدا معاه بس معاملته ليا هي الي وصلتني لكدا
مؤمن: خلاص بقا علشان خاطري متعيطش دموعك غاليه اووي عندي
خلاص مش هعيط يلا روح غير و صلي على ما اجهز الاكل
مؤمن: حاضر رايح اهوو
مؤمن طلع صلى و نزل اتعشينا و نمنا من كتر التعب
*************************
اول يوم شغل ل نجلاء كانت مبسوطه و هي رايحه الشغل الجديد بس مستر آسر دا كان صعب شويه في طبعه و بيحب يقول الكلمه مره وحده و محدش يعارضه
مستر آسر: انتي السكرتيرة الجديده صح
نجلاء: اه انا
مستر آسر: طيب انا مبحبش أقرر الكلام كتير الكلمه بقولها مره واحده بس
نجلاء: تمام يا مستر آسر
مستر آسر: دلوقتي روحي هاتيلي ملف من المخزن تحت
نجلاء حاضر يا مستر
نزلت نجلاء تجيبه فضلت تدور و لقيته في رف من فوق
حطت الكرسي علشان تجيبه و الكرسي اتكسر لانه قديم هوب وقعت فقدت الوعي
مستر آسر: كل دا بتجيب ملف شكلها هتتفصل قريب انزل اشوفها
نزل مستر آسر يشوفها لقيها على الأرض واقعه
شالها خدها المكتب و حاول يفوق فيها شممها من البرفيوم بتاعه و فاقت
مستر آسر: اي اللي حصل
نجلاء بدموع: انا جيت اجيب الملف مطولتش حطيت الكرسي و كان مكسور و وقعت
مستر آسر: خلاص متعيطش روحي النهارده ارتاحي شكلك تعبانه
نجلاء: لا يا مستر انا كويسه
اسر: انا قولت بقول الكلمه مره وحده خلاص روحي
نجلاء : تمام يا مستر
و روحت نجلاء البيت
ام نجلاء: يعني جيتي بدري
نجلاء: مفيش حاجه يا ماما تعبانه شويه بس و مستر آسر قالي روحي ارتاحي و انا جيت
ام نجلاء: خلاص ادخلي ارتاحي
جه بعدها ابو نجلاء و كان باين على وشه الزعل
ام نجلاء: مالك زعلان ليه
ابو نجلاء: مفيش كلمت هبه و حكالها على اللي حصل
ام نجلاء: شوف البت اللي مكنتش بتعرف تتكلم طلع ليها لسان
ابو نجلاء: خلاص سيبيها في حالها بقا هو احنا الي كنا بنعاملها كويس
ام نجلاء: مش انت اللي ربيتها و قعدتها في بيتك
ابو نجلاء: انا داخل انام انا تعبان اووي
ام نجلاء: خلاص روح نام
احببتها بعد زواجنا
البارت التاسع
و ها قد جاء الخميس و اليوم الموعود احلى يوم بالنسبه لليلى لانه كتب كتابها هي و احمد و اخيرا هتتكتب على اسمه و هتبقى ملكه و بتاعته هو بس زي ما احمد كان دايما بيتمنى
النهارده يا مؤمن كتب كتاب اغلى صحبه عندي و مينفعش ان مكونش موجوده معاها و انت كمان لازم تكون معايا
مؤمن: حاضر ان شاء الله هفضي نفسي النهارده من الشغل و اروح معاكي ها اي تاني
هروح معاها البيوتي سنتر علشان مسبهاش لوحدها
مؤمن: ماشي روحي
سبت مؤمن و روحت لبست و روحت عند ليلى
بعد ساعه وصلت عندها و كانت مستنياني تحت البيت و روحنا مع بعض البيوتي سنتر
ليلى : انا متوتره اووي يا هبه مش عارفه اعمل اي
يا بنتي اهدي مفيش حاجه الميكب ارتست وصلت اهي و هنبدأ
ليلى لبست فستان نبيتي مع طرحه بيضه و بعض الميكب و لبست هيلز و كانت زي القمر اما انا لبست فستان بيبي بلو مع طرحه بيضه و ميكب خفيف و هيلز و كان شكلي عسل و دا مش ثقه و لا حاجه دا تكبر عادي😹😹
ربع ساعه و جه احمد و كان لابس بدله سوده و جزمه شيك و كان ماشاء الله عليه و دقيقتين و مؤمن كمان وصل
احمد: اي القمر دا يا ناس
ليلى: بس علشان بتكسف 😇
احمد: يعيني على اللي بيتكسفوا
مؤمن لاحمد: مبارك يا عريس انا مؤمن جوز هبه
احمد: الله يبارك فيك اتشرفت بيك
هو احنا هنقضيها كلام و لا اي ما يلا
مؤمن: لمضه و هتفضلي طول عمرك لمضه
طيب يا سيدي شكرا ع المعلومه
احمد ركب هو و ليلى عربيته و انا ركبت مع مؤمن
مؤمن: اي الحلاوه دي
لا بص متثبتنيش يا لتفي انا مش حلوه يعني
مؤمن: بس انتي حلوه في نظري و دي اهم حاجه
لا لا لا انا شكلي وقعت
مؤمن: اقعي و انا اشيلك يا قلبي
بص انا اتثبت متتكلمش تاني لحد ما نوصل
الحب عمره ما كان بالشكل يا جماعه اهم حاجه الروح الحلوه خليكي واثقه من نفسك دايما شوفي الجانب الحلو من حياتك و خليكي دايما واثقه انك حلوه في كل حالاتك و انك تستاهلي ان يكتفى بيكي و اهم حاجه عدم اليأس
و هيصه و وصلنا
مؤمن: هتتهوري هاخدك و نمشي علشان تبقي عارفه
يعني اي يعني مش هرقص احيييه
مؤمن : نننننعم ترقصي ابقي فكري بس تعمليها و الله اموتك
خلاص متبقاش افوش
دخلنا و المأذون وصل
المأذون: بارك الله لكما وبارك عليكما وجمع بينكما في خير
لولولولولولي
و ابتسمي عايزك تترسمي
كتبوكي على اسمي بقا رسمي
بقا رسمي
رسمي و لا نظمي 🌚🌚😹😹😹😹لازم الالش
احمد: انا عايز حضن كتب الكتاب
ليلى : سيد عيب
احمد: يا بت دا انا جوزك😹😹
و قام حضنها و الأخت ليلى كانت في قمة السعاده
و رقصت هي و احمد طبعا و مؤمن مرضيش يخليني ارقص
و انا مؤمن روحنا اه لان مؤمن دايما بيجبرني ان اذاكر كل يوم طبعا و لو كنت هموت و منكرش ان بفضله هبقى دكتوره و دي حاجه عمري ما انكرها
#يتبع
احببتها بعد زواجنا
البارت العاشر
انا و مؤمن روحنا نمنا بعد يوم متعب و طويل جدا و تاني يوم صحيت اتوضيت و صليت و جهزت الفطار و صحيت مؤمن اتوضى و صلى و لبس و فطرنا مع بعض و نزلت الجامعه و مؤمن راح الشغل طبعا
اول مره اوصل الجامعه قبل ليلى اه ما هي عروسه بقا و لازم تتأخر براحتها اقدر اتكلم علشان مخلصش منها و ادي قعده كدا لحد ما الست ليلى تيجي
احمد : صباح الخير يا هبه
صباح النور يا احمد عامل اي
احمد: بخير الحمدلله
هوب ليلى جت و احنا قاعدين
ليلى : سموووعليكوو
احمد: و عليكم السلام
و عليكم السلام اهلا بالسرسجيه اي اللي اخرك كل دا بقا
ليلى: معلش كنت تعبانه خاالص و دي مش محتاجه خاالص 😹😹💃💃💃
بت بت معلش هعمل بيها اي لا تشيل وجع و لا بتداويه 😹
احمد: انا ملاحظ انكوا اتهطلتوا او اتهبلتوا شويه
انا و ليلى بصوت واحد: طول عمرنا😎😎😹😹😹
احمد: يلا يا اختي منك ليها على المحاضرات و لا مش ناويين تجيبوا امتياز
يا ابني انا الإمتياز بيجري ورايا و انا بجري ورا الإمتياز دي مش محتاجه خاالص 😹😹
ليلى: طيب يلا يا اختي اخلصي
حاضر اهوو متزوقيش
و دخلنا حضرنا كل المحاضرات اللي علينا و كان حاجه آخر ملل
ليلى: يلا نروح نتمشى و ناخد احمد معانا
بصراحه حاسه اني تعبانه اووي و مرهقه كدا
ليلى: يلا بس نطلع نتمشى و انتي هتفكي
روحنا انا و ليلى اتمشينا و جبنا ايس كريم و كلنا و اتصورنا كتيير مع بعض و كان يوم جميل جدا و بعدين كل واحد روح بيته
انا روحت البيت و كنت على اخري و مقدرتش اعمل اي حاجه بس غيرت و صليت و قعدت قدام التليفزيون لحد ما مؤمن جه
مؤمن: مساء الخير يا جميل
مساء النور عليك عامل اي
مؤمن: الحمدلله انتي عامله اي
انا كويسه الحمدلله
مؤمن: مش باين عليكي كدا تعالي نروح للدكتور
لا بلاش مش مستاهله هرتاح شويه و هبقى تمام انت اطلب اكل و كل علشان مقدرتش اعمل اي حاجه من التعب
مؤمن: و انتي مش هتاكلي
لا انا كلت مع ليلى مش قادره
مؤمن: خلاص انا مش هطلب اكل هاكل ساندويتش و هنام انا كمان
خلاص انا هسبقك و اطلع انام تصبح على خير
مؤمن: و انتي من اهله
مؤمن صلى و كل و طلع ينام بس انا طول الليل منمتش خاالص من التعب و الإرهاق
مؤمن: انا هاخدك للدكتور و مش عايز اسمع كلمه
لبست و روحنا للدكتور كشف عليا
مؤمن: طمني يا دكتور اي اللي فيها
الدكتور: دي اعراض طبيعيه جدا
مؤمن: مش فاهم يا دكتور
الدكتور: المدام حامل في الشهر التاني مبارك
مؤمن: الله يبارك فيك يا دكتور مش مصدق ان هبقى اب
احساس انك تكون اب و ان تكوني ام اجمل احساس ممكن تجربيه و خصوصا لو من شخص بتحبيه
و روحنا البيت و مروحتش الجامعه
بقلمي فاطمه مصطفى
*****************************************
في الجامعه
احمد قاعد سرحان و ليلى دخلت عليه
ليلى: سموعليكووو
احمد: و عليكم السلام عامله اي
ليلى: كويسه يا قلبي طول ما انت كويس مالك تايه ليه
احمد: كنت باخد قرار مهم
ليلى: و اي هو القرار دا
احمد: فرحنا بعد 3 شهور
ليلى: و ليه الاستعجال دا
احمد: حابب تكوني معايا و جنبي
ليلى: ما انا معاك و جنبك
احمد: انا خدت قرار
ليلى: خلاص هقول لماما و بابا إلا هي هبه مجتش ليه
احمد: مش عارف يمكن تعبانه
ليلى: يمكن يلا نحضر المحاضرات
و حضرنا كل المحاضرات و مشينا انا و واحمد واصلني البيت
**********************
ام ليلى: حمدلله على السلامة
ليلى: الله يسلمك يا قلبي
أم ليلى: احمد عامل اي
ليلى: كويس الحمدلله و بيقول انه فرحنا بعد شهرين
ام ليلى: و ليه الاستعجال دا احنا مخلصناش كل حاجه
ليلى: مش عارفه بقا يا ماما قولي لبابا انا تعبانه و رايحه انام
**********
نجلاء مستمره في شغلها و يوم عن يوم بتكتسب خبره و شغلها عاجب مستر آسر و بدأ ياخد عليها و خصوصا انها بنت مطيعه و محبوبه و جاده في كل حاجه بتعملها
اما ملك اتعرفت على اصدقاء سوء بدأوا يخلوها تشرب لحد ما حياتها بدأت تنهار واحده واحده و هي مش حاسه بحاجه و مش عارفه انها بتعصي ربنا
ابو نجلاء؛ فلس بسبب طمعه و حبه للفلوس و بس و حالته بدأت تتدهور و مبقاش قادر يمشي
ام نجلاء: انكسرت ان جوزها فلس و بنتها بقيت خمورجيه و كمان صحت جوزها اتدهورت و حاسه بالندم
اشوفكم بكرا ان شاء الله على خير
بقلمي: فاطمه مصطفى
#يتبع
احببتها بعد زواجنا
البارت الحادي عشر
روحنا البيت و كنت مصدومه مش عارفه افرح و لا ازعل شعور مضطرب جدا حقيقي يا ترى هقدر اوفق بين الدراسه و البيت و كمان هبقى دكتوره و ليا شغلي و الطفل اللي جاي دا كمان مش عارفه اعمل اي بجد
مؤمن: احلى ام سرحانه في اي
مؤمن مش عارفه هشيل المسؤليه دي ازاي متنساش ان لسه بدرس و كمان هبقى دكتوره و حاجات كتيره عليا
مؤمن: انا معاكي متقلقيش متشليش هم اي حاجه ان شاء الله كل حاجه تبقى زي ما انتي حابه
يا رب يا مؤمن
مؤمن: ان شاء الله يا تصبحي على خير
و انت من اهله
و نمت بعد يوم متعب طويل جدا
تاني يوم
صباح الخير على احلى اب
مؤمن: صباح النور يا احلى ام
يوااااد🤨🤨
مؤمن: يا بت
انا جوعانه عايزه اكل اي حاجه الله يخليك
مؤمن: انا جهزت الفطار اصلا و انتي نايمه و يلا نفطر
حاضر قايمه اهو هصلي و انزل
مؤمن: متااخريش
حاضر ان شاء الله
قومت اتوضيت و صليت و نزلت افطر
مؤمن: هتروحي الكليه و لا لا النهارده
و الله مش عارفه اروح و لا لا
مؤمن: لو هتروحي اوصلك معايا علشان متتعبيش
اممم هروح النهارده و لا اقولك مش رايحه انا هطلع انام لان مش قادره اعمل اي حاجه و الله
مؤمن: تمام انا ماشي على الشغل عايزه حاجه
لا ترجع بالسلامه
مؤمن: خلي بالك من نفسك هاا
حااضر يا سيدي
اقوم اطلع الاوضه انام و لا افتح فيس طيب افتح التليفزيون لا لا انا هروح انام احسن
هسيب ليكوا حبه بمزاجي فكك مش عايز باقي
مين بيتصل ايتا دا دي ليلى الكلب
الو ازيك يا ليلى عامله اي
ليلى: الحمدلله كويسه انتي عامله اي
انا كويسه عندي ليكي خبر حلو
ليلى: قولي و اخلصي
انا حامل و هبقى ام
ليلى: بجد مبارك يا احلى ام
الله يبارك فيك يا قلبي عقبالك كدا ان شاء الله
ليلى: انا مشغوله في تحضير الفرح علشان احمد غير معاد الفرح يا اختي
حبيبتي ربنا يوفقكم كنت حابه اكون معاكي بس انا تعبانه جاامد و حتى مروحتش الكليه كمان
ليلى: و لا يهمك يا قلبي انا و ماما بنجهز مع بعض انا و هي و انا كمان منزلتش الكليه
خلاص كملي انتي تجهيزات و انا هروح انام مش قادره اقعد
ليلى: ماشي مع السلامه
سلام
و طلعت انام بقى و ما صدقت ما نمت
************&&&&&
عند نجلاء و آسر
نجلاء: سلام عليكم يا مستر آسر
آسر: و عليكم السلام يا نجلاء
نجلاء: ممكن حضرتك تمضيلي على الورق دا
أسر: هاتي امضيه
نجلاء: طيب أقرأه الاول
آسر: لا انا واثق فيكي هاتي اوقع
نجلاء: تمام يا مستر
اسر: حاجه تاني
نجلاء: لا شكرا يا مستر
قاعده نجلاء بتفكر في آسر و إعجابها بيه و جيت على بالها ف اتصلت بيا و انا تفاجأت من اتصالها
نجلاء: الو السلام عليكم
و عليكم السلام مين معايا
نجلاء: انا نجلاء بنت عمك
ازيك يا نجلاء عامله اي وحشتيني اوي
نجلاء" انا بخير الحمد لله انتي عامله اي و كمان انتي وحشتيني اوي والله
انا بخير الحمدلله
نجلاء: ممكن تسامحي بابا على اللي عمله انا عارفه انه غلط في حقكك بس هو حاليا تعبان خاالص و مش زي ما كان و عايز يشوفك
انتي بتتكلمي بجد عمي تعبان
نجلاء: اها و الله و ملك كمان بقيت تشرب و مصاحبه عيال شمال و ماما حيلها اتهد
كل دا حصل خلال الفترة دي و انا معرفش بصي انا هكلم مؤمن و هروح عندكم مسافة الطريق ان شاء الله
بقلمي فاطمه مصطفى
***********************************
عند مؤمن:
السكرتيره: مستر مؤمن مدام حضرتك بتتصل
مؤمن" هاتيها
مؤمن: الو يا هبه عامله اي
انا كويسه الحمدلله بس عمي تعبان اووي و لازم اروح اشوفه
مؤمن: بس انتي تعبانه
لا معلش لازم اروح اشوفه يا مؤمن
مؤمن: طيب البسي و اجهزي و انا جااي
حاضر يا مؤمن و قفلت معاه
مؤمن: ساره الغي اجتماعات النهارده انا ماشي
ساره: تمام يا مستر
*****************
لبست و جهزت و مؤمن وصل بعد ساعه و طلعت و هو كان في العربيه
ركبت العربيه و مشينا و بعد ساعه وصلنا و طلعنا رنيت الجرس و فتحت مرات عمي
مرات عمي: ازيك يا هبه عامله اي حقك عليا يا بنتي عارفه اننا غلطنا فيكي
متقوليش كده يا مرات عمي انتي زي والدتي حصل خير
مرات عمي: ازيك يا مؤمن عامل اي
مؤمن: الحمدلله يا طنط بخير
مرات عمي: تعالي سلمي على عمك
جريت على عمي اترميت في حضنه و فضلت اعيط على اللي وصل ليه مكنتش متخيله يكون تعبان كدا
عمي: حقك عليا يا بنتي سامحيني
متقولش كدا يا عمي حقك عليا انا
عمي: عارف ان غلطت سامحيني قبل ما اموت
بعد الشر عليك يا عمي ان شاء الله ترجع احسن من الاول
عمي: ربنا يحفظك يا بنتي
دقيقه و الجرس رن راحت مرات عمي فتحت و كانت نجلاء
نجلاء: هبه وحشاني اوي عامله اي
الحمدلله يا روحي انتي عامله اي
نجلاء: بخير و الحمدلله بس اي القمر دا
حبيبتي تسلميلي انتي اللي عسل بجد
نجلاء: تسلميلي يا رب ازيك يا مؤمن عامل اي
مؤمن: كويس الحمدلله انتي عامله اي
نجلاء: كويسه الحمدلله
مرات عمي: الاكل جهز يلا علشان تتغدوا
على اي تتعبي نفسك بس يا مرات عمي
مرات عمي: مفيش تعب و لا حاجه يلا بس
روحنا نتغدا بس تعبت و استفرغت كتير
مرات عمي: الف سلامه عليكي مالك شكلك تعبانه
انا تعبانه فعلا حامل جديد
عمي: مبارك يا بنتي ربنا يقومك بالسلامه
الله يسلمك يا عمي
مرات عمي: مبارك يا بنتي
الله يبارك فيك يا مرات عمي
مؤمن: تسلم ايدك يا طنط نستأذن دلوقتي علشان عمي يرتاح و كمان هبه تاخد العلاج
مرات عمي: خلي بالك منها
مؤمن: حاضر في عيني يا طنط مع السلامه
عمي: مع السلامه
و مشينا
#يتبع
احببتها بعد زواجنا
البارت الثاني عشر والأخير
عدا التلات شهور و جه معاد فرح ليلى و احمد استأذنت من مؤمن و روحت مع ليلى البيوتي سنتر و لبست فستان ابيض و طرحه و ميكب خفيف و كانت زي القمر تماما و انا لبست فستان نبيتي مع طرحه سوده و ميكب بسيط و بعد ساعه وصل مؤمن واحمد
احمد: قمر يا ناس اي العسل ده
مؤمن: عيب يا ابني مش هنا
ليلى: بس بقا يلا
و ركبت ليلى في عربية احمد و انا ركبت مع مؤمن و مشينا و بعد ساعه وصلنا القاعه و طبعا خلصت كل البوفيه و احمد و ليلى رقصوا مع بعض و الشباب ولعوا الفرح من كتر الرقص إلا انا مكنتش قادره ارقص اولا علشان تعبانه و كمان مؤمن مش هيرضى
و بعد 3 ساعات اغاني و رقص و فرح وصور و هيصه خلص الفرح و الأخت ليلى عيطت و ودعت مامتها و مشيت مع الاستاذ احمد ربنا يسعدهم
احمد: اتفضلي يا احلى ليلى الشقه نورت بيكي
ليلى: منوره بيك
احمد: احم هنفضل نتكلم كتير
ليلى: انا هروح اغير و جوعانه عاوزه اكل
احمد: استخدمي انتي حمام الاوضه و انا هستخدم حمام الريسبشن تمام و هطلبلك اكل على ما تخلصي
ليلى دخلت غيرت الفستان و لبست بيجامه برموضه و حطت ميكب و حطت بيرفيوم و فردت شعرها و كانت قمر و طلعت قعدت ساعه تاكل
احمد: مش ناويه تخلصي اكل
ليلى: احم جوعانه
احمد: انتي بتهزري صح و هوب شالها و دخل بيها الاوضه و ملناش دعوه بيهم
نرجع ل نجلاء و آسر اللي حب نجلاء و أعجب بيها و راح اتقدم ل عمي و وافق و كان كتب الكتاب و الفرح في نفس اليوم و نجلاء كانت احلى قمر يطل بالأبيض
و ملك دخلت مصحه و اتعالجت من الإدمان و بقيت تشتغل
و تصرف على بابها و مامتها
اما عمي فكانت صحته بدأت تتحسن و بدأ يقف على رجله و رجع يعمل شركته من تاني و ملك واقفه معاه
و بعد 6 شهور
مؤؤؤؤؤؤؤؤؤمن الحقني بولد
مؤمن: اعمل اي طيب
مستشفى وديني المستشفى
شالني مؤمن و ركبنا العربيه و وصلنا المستشفى و بعد ساعتين وصلت الاستاذه سيلا
مؤمن: بنتي العسل شبه مامتك
بنوتي حبيبتي نورتي حياتي
مؤمن: ربنا يخليكم ليا يا رب ان شاء الله
و يخليك لينا يا رب ان شاء الله
انا اتخرجت و بقيت دكتوره و مؤمن كان بيساعدني في كل حاجه مسابنيش و كان بيتحمل عصبيتي و تعبي عمره ما مل مني و لا من تعبي
و ليلى جابت الاستاذ ادم اللي كان شبهي طبعا و محدش يقدر يقول غير كدا
و نجلاء كانت حامل و جابت العسل ايلام
ملك رفضت فكرة الجواز خاالص و قررت تشتغل بس و هي و عمي رجعوا و كبروا شركتهم مع بعض و علاقتهم رجعت احسن من الاول بكتير
بالحب و الصبر كل حاجه ممكن تتغير عيشوا حياتكم حبوا بس الشخص الصح اللي يتقي ربنا فيكي و يشوفك ملكه و يشوفك بنته و اخته و صحبته و حياته مش اي حب و خلاص متفتحوش قلبكم لشخص غلط حافظوا على قلوبكم لحد ما يجي الشخص اللي يستاهلها
و بعد اربع سنين
سيلا: ماما هو انتي بتحبي بابا
اه يا قلب ماما بحبه هو انا ليا غيره ربنا يخليكم ليا يا رب
مؤمن: و يخليكم ليا يا كل حياتي
تعليقات
إرسال تعليق