 |
احضرلك الغدا!!؟
-لا مش عايز.
سابنى ودخلت اوضته زى كل مره،انا وأدم ولاد عم و متجوزين بقالنا شهر،أدم بيحب بنت تانيه وكان هيتقدملها لكن عمى رفض وصمم يطلب ايدى انا من بابا وانا وافقت لانى بحبه رغم إن انا عارفه إن هو مش بيحبنى وقلبه مع غيرى.
دخلت اوضتى وانا زعلانه من اللى حصل واللى بيحصل وانا لما بزعل بعيط وبنام ودا اللى انا عملته فعلا.
صحيت تانى يوم روحت الجامعه وكنت بسوق وانا مش مركزه من كتر التفكير وعملت حادثه وإيدى اتعورت من إزاز العربيه اللى اتكسر،سوقت براحه و وصلت الجامعه متأخر و أدم اللى كان عندى اول محاضره،أدم يبقا دكتور ومعيد فى الجامعه،خبطت ودخلت لاقيته واقف وبيبصلى ورجع بص فى الساعه اللى فى أيده.
-حضرتك كنتِ فين!!؟
خبيت ايدى ورا ضهرى لان انا مش عايزاه يلاحظ حاجه،بصيت لسلمى بخوف لانى عارفه اللى هو هيعمله
-كنت فى البيت.
-ومنزلتيش من البيت بدرى ليه!!؟
-الطريق كان مقفول و وصلت متأخر.
-برا.
-نعم!!؟
-بقولك اطلعى برا.
-الدموع اتجمعت فى عينى ومشيت بسرعه من قدامه،ركبت العربيه و رجعت البيت تانى،عقمت الجرح ولفيت ايدى بالشاش الطبى وقعدت فى الرسيبشن افتكر اللى حصل وعيط.
-انا عارفه إن هو مش بيحبنى لكن مش من حقه يعاملنى المعامله دى،الضهر أذن قومت صليت،خلصت صلاه ولاقيت سلمى بتتصل،كلمتها وعرفتها إن انا روحت ومش فى الجامعه وطمنتها عليا وقفلت الموبايل،سمعت صوت الباب بيتفتح،دخلت اوضتى لانى مش عايزة اشوفه،ثوانى ولاقيت الباب بيتفتح،قومت بسرعه من على السرير وانا بقوم سندت على ايدى فتألمت ولاقيت ايدى كلها دم تانى،جرى عليا وقعد جمبى ومسك ايدى
-ايه اللى حصل!!؟ايدك مالها!!؟
-محصلش حاجه.
-محصلش حاجه ازاى وإيدك بتنزف كدا.
-جرح بسيط وهيخف.
-كل الدم دا وتقوليلى جرح بسيط!!؟
قام جاب علبه الاسعافات ومسك ايدى،شديت ايدى وقومت من جمبه.
-متتعبش نفسك هقدر اعقم الجرح لوحدى.
مسك ايدى وقعدنى،حاولت اسحب ايدى لكن هو ضغط عليها جامد.
-ممكن تهدى وتفهمينى الجرح دا من ايه!!؟وايه اللى حصل لعربيك!!؟
-مهتم تعرف!!؟
-اكيد
-عملت حادثه بالعربيه.
-كنت مركزه معاه لانى عايزة اشوف ريأكشنات وشه لكن صدمنى لما لاقيته هادى وبيتكلم ببرود
-ودا السبب اللى خلاكِ تتأخرى على المحاضرة!!؟
-ايوا
-ومقولتليش ليه!!؟
-هتفرق معاك لو قولتلك!!؟
-.............
ابتسمت بوجع
-عارف انت مشكلتك ايه!!؟،انك هتفضل ساكت لو قولتلك وسكوتك بيوجعنى اكتر لان انا بحس إن انا مش فارقه معاك،ولا ليا قيمه عندك،فانا بسكت لانى مش عايزة أتوجع يا أدم،عرفت ليه انا مقولتلكش!!؟
مسحت دموعى وخرجت من الأوضه،وهو راح أوضته.
-فضلنا كتير مبنكلمش بعض زى العاده،بقيت بروح الجامعه لكن مبحضرش محاضراته.
النهارده فرح صاحبه ولازم اروح معاه.
لبست فستان رقيق لونه اسود ولبست الحجاب هو لبس بدله روحنا الفرح وكان طول الوقت سرحان ركزت معاه لقيته مركز عليها هى،مركز مع حبيبته القديمه وتقريبا تبقا صاحبه العروسه،مقدرتش اتحكم فى غيرى وقعدت الكاس على الأرض كسرته لكن هو مش ملاحظ
-أدم لو سمحت عايزة امشى.
بص فى ساعته.
-لسه بدرى.
-مش هقدر اقعد هنا اكتر من كدا
قام واخد موبايله و فتاح العربيه وشاورلى بإيده امشى،وصلنا و نزلت من العربيه وطلعت الشقه بسرعه،خمس دقايق ولاقيته طلع وقعد على الكرسى وقفت قدامه ومقدرتش امنع نفسي من الكلام.
-وحشتك!!؟
بصلى وقام وقف.
-هى مين!!؟
-اللى كنت مركز معاها طول الوقت فى الفرح.
-وانتِ ايه اللى مزعلك!!؟ #يتببع
تفاعل ب 25 ملصق وفجرو زر لايك 💨💙💨👍🏻
لو لقيت تفاعل كبير وعجبتكم هنزل بارت تاني فورا💨
ملحوظة👈 مش بحب اخر القصص عشان الاحداث مش تتنسي بس ادعمونا بتفاعلكم واول باول هنزل💨💙💨
للكتابه ايه بلال✅
البارت التاني 🌗💙. ✋
اللى كنت مركز معاها طول الوقت فى الفرح.
-وانتِ ايه اللى مزعلك!!؟
-عايزنى اشوف جوزى بيبص لواحده تانيه و مزعلش!!؟انت ايه معندكش دم!!؟مش حاسس بيا ولا بالنار اللى جوايا،انت مستحيل يكون عندك قلب.
قرب منى خطوه.
-متنسيش إن انا متجوزك غصب عنى،ومتنسبش كمان إن انا مبحبكيش.
بقيت عاجزه عن الرد من كلامه،ليه لما نحب حد بيجرحنا اوى كدا!!؟
سابنى ومشى وانا قعدت على الأرض بعيط،فى الوقت دا موبايلى رن وكان جدو مسحت دموعى وحاولت اكون طبيعيه وكلمته وقالى إن انا و أدم لازم نكون فى بيت العيله بكرا الصبح لأن فى عزومه،العزومه دى جدو بيعملها كل خميس والعيله كلها بتكون موجوده،يمكن دى اجمل حاجه جدو عملها لأن انا فعلا محتاجه ابعد عنه.
صحيت بدرى ومشيت من غيره و بعد حوالى ساعه سمعت صوته بيهزر و بيضحك مع ولاد عمى،حاولت مهتمش ولا أركز معاه،روحت المطبخ وحضرت معاهم السفره وقعدنا نتغدى كنت ببص للطبق و ساكته.
-مبتكليش ليه!!؟
-شبعت يا جدو.
بص لطبقى وبصلى بإستغراب هو وكل اللى قاعدين.
-أكلتى ايه يا بنتى دا انتِ طبقك زى ما هو،هو أدم مزعلك ولا ايه!!؟
سكت شويه وقاومت رغبتى انى اعيط وابتسمت.
-لا مش مزعلنى،كل الحكايه إن انا مجهده شويه،عن اذنكوا.
طلعت اوضتى بسرعه وانهارت فى العياط،هديت وفضلت نايمه على السرير ابص للاشئ،وحاجه واحده بفكر فيها وهى الطلاق،لازم نطلق لأننا مش هننفع نعيش مع بعض،مش هقلل من كرامتى اكتر من كدا.
اليوم خلص وروحت لوحدى فى عربيتى زى ما جيت لكن اتفاجأت إن هو فى البيت،دخلت اوضتى ونمت بعد تفكير كتير.
بقيت اروح الجامعه وبرضوا مبحضرش محاضراته لانى بصراحه مش طايقه اشوفه ولا اسمع صوته حتى.
شوفته خارج من المحاضره وانا قاعده مستنيه سلمى لاقيت البنات كلها حواليه بيسألوا عن حاجات واقفه معاهم فى المنهج،مش عارفه ليه اتضايقت وكنت رايحه عندهم لكن افتكرت كلامه ليا"متنسيش إن انا متجوزك غصب عنى،ومتنسبش كمان إن انا مبحبكيش."
اخدت سلمى و مشيت روحنا المول واشترينا حاجات ومشينا.
روحت تعبانه دخلت اخدت شاور لكن لاقيت دبلته على الرف اللى فى الحمام فضلت واقفه وببصلها كتير وبكل هدوء خلعت دبلتى وسيبتها جمبها وخرجت استنيته لما يوصل،اول ما دخل البيت وقفت قدامه واتكلمت من غير مقدمات.
-طلقنى.
-نعم!!؟
-بقولك طلقنى.
بصلى بصدمه.
-بتهزرى صح!!؟
-لا مبهزرش
-انتِ مستوعبه اللى بتقوليه!!؟
-ايوا.
-وهتقوليلهم ايه لما يسألوكِ عن سبب الطلاق!!؟ #يتببع
البارت التالت 🌗💙. ✋
وهتقوليلهم ايه لما يسألوكِ عن سبب الطلاق!!؟
-متقلقش،هقول إن انا وانت متفقناش مع بعض.
-وانتِ
-انا ايه!!؟
-قد قرارك!!؟
-ايوا،وياريت تطلقنى دلوقت.
-اخد نفس طويل وبصلى وفضل ساكت شويه.
-انتِ طالق.
كنت بدعى جوايا إن هو يتمسك بيا وميقولهاش،لكن انا دايما بوهم نفسى.
مشيت بسرعه من قدامه دخلت اوضتى حضرت هدومى فى الشنطه وانا بعيط،خرجت بعد ما خلصت لاقيته لسه قاعد بصيتله لآخر مره ومشيت لكن نظرته ليا كانت غريبه اوى،نظره انا اول مره اشوفها،نظره ندم.
عدى شهور قليله على طلاقنا وانا ولا بشوفه ولا اعرف عنه اى حاجه،الفتره اللى عدت كان من أصعب الفترات اللى مريت بيها،كنت دايما فى اوضتى نايمه وبعيط ومنعزله عن العالم،لما عيلتى عرفوا زعلوا جدا وسألوا عن سبب الطلاق لكن انا متكلمتش،مكنش عندى طاقه للكلام اصلا.
كنت بروح الجامعه خلال الفتره دى،لكن الغريبه إن هو مبيحضر،مهتمتش اعرف حاجه عنه ولا اعرف سبب غيابه.
كنت خارجه من المحاضره لاقيت مالك ابن عمى بيكلمنى وبيقولى إن ماليكه أخته بتولد مكملتش بقيت المحاضرات و روحتلهم المستشفى،ماشاء الله العيله كلها كانت موجوده لكن الحمد لله إن هو مكنش موجود.
ماليكه خرجت والبيبى راح الحضانه،اتطمنت عليها و روحت اشوف البيبى،وقفت عند الباب الازاز اللى فى الحضانه لان مينفعش ادخل،فضلت واقفه كتير اوى لان انا بصراحه بحب الاطفال،قلبى دق بسرعه لما شميت ريحه البيرفيوم بتاعته قريبه منى.
بصيتله وضربات قلبى زادت اكتر،حاولت انسي كل اللى حصل بينا واتعامل معاه على إن هو ابن عمى وبس،هو واحشنى اوى،انا عارفه إن مش من حقى اقول كدا لكن بجد هو واحشنى.
-كنت عارف إن انا هلاقيكِ هنا.
-وبعد ما تلاقينى!!؟
-كنت عايز اقولك وحشتينى.
بصيت حواليا لأنى افتكر أن هو بيكلم واحده تانيه.
-انت بتكلمنى انا!!؟
-مفيش غيرنا فى المكان.
-بص على ايدى كدا،مفيهاش دبله صح!!؟وكمان احنا متطلقين ولا نسيت!!؟
-كُنا متطلقين.
-يعنى ايه كُنا!!؟
-يعنى انا رديتك تانى وانتِ دلوقت مراتى.
-ايه اللى انت بتقوله دا!!؟
-اهدى وانا هفهمك كل حاجه
--افهم ايه!!؟انت اتجننت!!؟ازاى تقرر حاجه زى دى ما تغير ما اعرف!!؟
-صوتك ميعلاش،واتكلمى بإسلوب احسن من كدا.
--انت عارف انت عمل ايه!!؟
-عملت اللى كان لازم يتعمل من الاول يا آيه.
-مكنش ينفعش نكون لبعض من البدايه اصلا،انا استحملت كتير اوى،استحمل برودك واهمالك ليا،استحملت وجع مفيش واحده تانيه تقدر تستحمله،استحمل إن اشوف جوزى بيفكر فى واحده تانيه واسكت واقول بكرا ينسى،وفعلا نسيت لكن نسيتنى انا ومنستهاش هى.
قولى بعد كل دا ينفع نرجع!!؟صدقنى مش هينفع،مش هينفع.
مشيت من قدامه لكن هو مسك ايدى.
-عارف إن انا غلطت فى حقك كتير اوى،وعارف إن انا اذيتك كتير،لكن والله عرفت قيمتك بعد ما مشيتى،عرفت يعنى ايه معنى وجودك في حياتي.
عيونى دمعت.
-عرفت قيمتى دلوقت!!؟عرفت إن مفيش واحده بتحبك ولا هتحبك قدى!!؟.
-عرفت وندمت صدقينى.
بعدت أيده عنى.
-روحلها يا أدم وابعد عنى،روحلها وشوف حياتك وانسانى زى ما انا نسيتك وسينى انا كمان اشوف حياتى.
قرب منى خطوه.
-نستينى!!؟لو نستينى ليه الدموع دى!!؟انتِ فعلا لو نستينى كنت انا نسيت.
-صدقنى مبقاش ينفع،انا مبقتش عايزاك ولا عايزه اى رابط يكون بينا.
-يعنى ايه!!؟
--يعنى تطلقنى يا أدم،تطلقنى وتبعد عنى.
-مقدرش.
-لا تقدر،افتكر كلامك ليا وانت تعرف انك تقدر،فاكر كلامك ليا ولا نسيته!!؟فاكر لما قولتلى متنسيش إن انا متجوزك غصب عنى،ومتنسبش كمان إن انا مبحبكيش!!؟
فاكر صح!!؟.
غمض عيونه ولف وشه الجمب التانى.
-هستنى ورقة الطلاق توصلى يا دكتور.
مشيت من قدامه ومن المستشفى كلها وسيبته واقف مكانه،مشيت ولاول مره احس إن انا انتصر عليه واخدت جزء بسيط من حقى،ايوا انا لسه بحبه وفرحت لما قالى إن انا لسه مراته لكن دى ميمنعش إن انا هقبل ارجعله تانى.انا وأدم مش هننفع نعيش مع بعض تانى.
........................................
النهارده سبوع أسر ابن ماليكه جهزت ونزلت تحت كان هو موجود بصيتله لاقيته👀👀 #يتبببع
لتكملة القصه للنهاية اضغطي من هنا
تعليقات
إرسال تعليق