 |
البارت الرابع 🌗💙
النهارده سبوع أسر ابن ماليكه جهزت ونزلت تحت كان هو موجود بصيتله لاقيته بيبصلى اتجاهاته وروحت لماليكه وشيلت البيبى وكنت مبسوطه اوى وانا واخداه فى حضنى بصيت لملامحه الهاديه والبريئه وابتسمت واتخيلت إن انا شايله ابنى من أدم ويكون شبهه فى ملامحه وكل حاجه لكن ميبقاش شبهه فى قسوة قلبه.
حسيت بإيد على كتفى وكانت ماليكه.
-مش كفايه اللى انتوا فيه دا ولا ايه!!؟
-لا مش كفايه يا ماليكه.
-ليه ميبقاش في فرصه تانيه!!؟
-لان الفرصه الاولى متقدرتش.
بصتلى وبصتله وشاورتله يجى،لما وصل وقف جمبى وبصلى وانا لفيت وشى الجمب التانى،ماليكه قالتلى اخلى أدم يشيل أسر و هو بياخده منى لمس ايدى حسيت بكهربا فى جسمى سحبت ايدى بسرعه ماليكه بصتلى بصه اللى هو مفيش فايده،وطلعت اوضتى خلعت الحجاب و وقفت فى البلكونه وببص على الورد،وحسيت بإيده بتتحرك على شعرى.
-هتفضلى زعلانه وبعيده عنى كدا كتير!!؟
لفيت وقفت قدامه.
-مين قال إن انا زعلانه!!؟
-لو مش زعلانه ليه مش عايزانا نرجع!!؟
-لان انا وانت مش هينفع نكون لبعض تانى.
-لكن أنتِ لسه بتحبينى.
-كنت ومبقتش يا أدم.
-لكن انا بحبك.
قلبى دق بسرعه لما سمعته بيقولها.
-لكن انا لا
-لا ايه!!؟
-مبحبكش
-بصيلى وانتِ بتقوليها.
فضلت ابص على الأرض.
-بصيلى يا آيه.
-أمشى يا أدم.
قرب منى وهمس.
-همشى،لكن قبل ما امشى عايز اقولك إن حُبك باين فى عيونك اللى حرمانى اشوفك،وعايزة اقولك كمان إن لو أنتِ كرهتينى هخليكِ تحبينى تانى،اصل فى النهايه أنتِ ليا وملكى انا وبس،لكن أنتِ لو مش من نصيبى مكنش ربنا خلق حبك فى قلبى،زى ما خلق حبى فى قلبك.
-باسنى من خدى ومشى،وانا واقفه مش مستوعبه اللى حصل،حطيت ايدى على وشى وضحكت وعيطت فى نفس الوقت،اللى عمله معايا مش هقدر انساه بسهوله،لازم اعاقبه على اللى عمله فيا.
فضلنا على الحاله دى كتير هو بيحاول أننا نرجع وانا ببعد.
فى يوم كان ابن خالى عندنا بيزورنا كنت قاعده جمبه وأدم قاعد جمب جدو قصادى،ادم كان قاعد متضايق اوى،كان بيبصلى كل لما اضحك أو اهزر،قام مشى وشاورلى اروحله،طلعت لاقيته قاعد فى اوضتى.
-ممكن افهم ايه اللي بيحصل تحت دا!!؟
قعدت ببرود.
-ايه اللى حصل!!؟
-كل الضحك والهزار دا وتقوليلى ايه اللى حصل!!؟،وبعدين ايه شعرك اللى طالع من الطرحه دا!!؟
قام ودخلى شعرى جوا الطرحه وبصلى بعصبيه،وانا حبيت استفزة اكتر.
-وايه يعنى دا ابن خالى زى ما انت ابن عمى.
--انا جوزك يا هانم ولا نسيتى.
-تصدق اول مره اعرف.
-آيه!!
قومت من مكانى مفزوعه من صوته وعصبيته لكن من جوايا فرحانه من غيرته عليا.
-مش عايز اشوفك تحت تمام!!؟
-لا هنزل.
-مش هقرر كلامى تانى.
بصلى وقام مشى وقفل الباب جامد،ضحكت على تصرفاته وغيرته اللى اول مره تظهر،طبعا منزلتش تانى وفضلت قاعده فى اوضتى.
تانى يوم فى يوم روحت الجامعه حضرت كل المحاضرات و كان فاضل محاضرته،دخلت انا وسلمى وهو اول ما دخل البنات كلها ابتسمت واللى تقول ياريت دا يبقا جوزى،هو فى دكتور قمر كدا !!؟،دى اجمل محاضره محاضره دكتور أدم،وانا قاعده بتحرق من نار الغيره إللى جوايا ما هو مينفعش يكون لابس القميص الابيض اللى بيخليه قمر وميتعاكس،بصيتله بعصبيه ولفيت وشى.
--اهدى يا بنتى دا انتِ هتولعى وانتِ قاعده.
-انتِ مش شايفه اللى بيحصل!!؟
--شايفه لكن مش هنقدر نعمل حاجه.
بدأ يشرح وانا كل ما هو يبصلى ابصله بنظرات غريبه،قبل المحاضره ما تخلص قالنا إن فى امتحان الأسبوع اللى جاى وانا مكنتش بحضر محاضراته اصلا،شاورلى اروحله مكتبه،خبطت ودخلت.
-اقعدى.
-عايزنى فى ايه!!؟
-وحشتينى وكنت عايز اشوفك.
-أدم لو سمحت بلاش الكلام دا.
-ليه هو انا قولت حاجه غلط!!؟
بصيتله بزهق.
-أدم.
-طيب قوليلى اعمل أيه لما توحشينى!!؟
-متعملش اى حاجه.
-انتِ ليه بتعاندى!!؟
-انت عايز منى ايه يا أدم!!؟
-عايزك ترجعى بيتك وكفايه بُعد بقا.
-وارجع ليه!!؟. #يتببببع
يتبع
البارت الخامس 🌗💙 الف لايك وانزل الخاتمه 💨💙🌗
انت عايز منى ايه يا أدم!!؟
-عايزك ترجعى بيتك وكفايه بُعد بقا.
-وارجع ليه!!؟
-ارجعى لان انا مش عايزك تفضلى بعيده عنى اكتر من كدا
-انت اللى أجبرتني على البُعد.
-وانا اللى بقولك ارجعى.
-مش بمزاجى قلبى لسه زعلان منك.
قام من مكانه وقعد قدامى ومسكت ايدى الاتنين.
-وانا ميهونش عليا زعل قلبك.
-ليه عملت فيا كدا!!؟رغم إن انت عارف إن انا كنت بحبك.
-كنتِ بتحبينى ومازلتى بتحبينى.
-لا.
مسح دموعى بإيده.
-لو مش بتحبينى ليه شاغله تفكيرى طول الوقت!!؟ليه دايما شايفك قدامى!!؟ليه عايزك تبقى جمبى ومتسبينيش!!؟كل الاسئله دى إجابتهم حاجه واحده،وهى إن انتِ بتحبينى وعايزانى زى ما انا عايزك لكن انت بتكابرى.
-لو فاكر إن كلامك هيخلينى ضعيفه قدامك واقولك نرجع تبقا لسه بتوهم نفسك يا أدم.
-عارف إن انت قويه،ورغم قوتك ضعيفه لكن انتِ بتعاندى.
-من حقى اعمل اكتر من كدا.
-وانا سايبك براحتك،واللى أنتِ عايزاه انا هعمله.
-وهى!!؟
-اكتشفت إن انا محبتهاش وكنت معجب بيها مش اكتر،يعنى انا لو فعلا حبيتها قوليلى ليه غيابك فرق معايا!!؟ليه لما مشيتى حسيت إن فى جزء منى غايب!!؟
-كنت عايزة احس بقيمتى عندك بقالى كتير اوى،كنت محتاجه احس إن انا جزء منك لكن انا مكنتش فارقه معاك ودايما كنت بعيد عنى.
-قيمتك غاليه عندى اوى،وانتِ بس مش جزء منى،انتِ منى وانا منك واللى يفرق بس اسمك،انتِ انا،آيه انا بجد بحبك ومش هقدر ابعد.
-لكن انا محتاجه ابعد لو لفتره يا أدم.
-وانا معاكِ المهم تكونِ مرتاحه.
بصلى وضحك.
-ومش لازم يعنى تتقلى دا انا حتى واقع وإسألى
ابتسمتله.
-تمام يا دكتور،سلام.
-خلى بالك من نفسك.
-حاضر.
عدى الاسبوع وعندى امتحان بكرا،فتحت الكتب وفضلت ابص فيها بصمت ودقيقه كمان وهعيط والله من المذاكره المتراكمه عليا،مسكت الكتاب بعصبيه.
-انا عارفه إن هى ماده رخمه شبه اللى بيدرسها.
-ومين الرخم اللى بيدرسلك الماده دى بقا!!؟
صوت من رعبتى لما لاقيته واقف ورايا و مربع إيده.
-يا أدم خضتنى.
-انا رخم!!؟
-مين قال كدا !!؟
لاقيته بيقرب قومت جريت
-تعالى هنا.
-يا جدوو.
-متتعبيش نفسك مفيش حد منهم فى البيت.
وقفت عند السفره وهو قصادى من الجمب التانى.
-ولما انت عارف إن مفيش حد هنا جيت ليه وانا لوحدى!!؟
بصلى بصه اللى هو انت بتقولى ايه!!؟وبعدين بصلى بمكر.
-انا هقولك جيت ليه.
-جريت لما جرى ورايا،فضلنا نجرى كتير و فى النهايه نمت على الأرض من كتر الضحك ولاقيته نام جمبى ومش قادر يتنفس،بصلى وضحك
-بتضحكى!!؟والله حرام عليكِ اللى انتِ بتعمليه فيا دا.
-بعمل فيك ايه!!؟
-بصلى وبص للبيچامه اللى لبساها.
--ولا حاجه،بس انتِ ازاى جميله كدا!!؟
سكت و وشى احمر.
-ميرسى.
قمت بسرعه لكن هو شدنى من ايدى ولاقيت نفسى فى حضنه،حاولت اقوم لكن ضمنى جامد.
-انت بتبصلى كدا ليه!!؟
-عارفه لو كنتِ روحتى منى انا كان هيحصلى حاجه.
بتلقائية حطيت ايدى على بوقه.
-بعد الشر عليك،وحياتى عندك بلاش تقول كدا،انسى اللى حصل وساعدنى انسى يا أدم.
باس ايدى اللى كانت على بوقه.
-خايفه عليا!!؟
--انت بجد بتسأل!!؟
-عايز أتأكد.
--أدم انت مش بس جوزى،انت بالنسبالى كل حاجه حلوه فى حياتى،حاجه انا مقدرش استغنى عنها مهما حصل.
بصلى وشال شعرى من على وشى وقرب منى وهمس
-بحبك
-دفنت وشى فى رقبته.
-وانا كمان.
--انتِ كمان ايه!!؟
الخاتمه 🌗💙 يارب نتفاعل 😒
دفنت وشى فى رقبته.
-وانا كمان.
--انتِ كمان ايه!!؟
-انت عارف.
--لا معرفش وعايز اسمعها.
-بحبك
-ضمنى لحضنه.
-موافقه نرجع بيتنا!!؟
سكت شويه افكر.
-موافقه.
قام وشدنى من ايدى.
-حضرى شنطتك بسرعه وخمس دقايق وتكونى عندى عشان نلحق نروح واذاكرلك الماده الرخمه اللى هتمتحنيها بكرا.
-حاضر مش هتأخر.
روحنا البيت وذاكرلى ومعرفش انا نمت ازاى،صحيت لاقيت نفسى نايمه فى حضنه وهو صاحى بيمسح على شعرى.
-صباح الخير.
باسنى من راسى.
-صباح الخير،هو انا نمت ازاى!!؟
-وانا بذاكرلك لاقيتك نمتى على كتفى مردتش اصحيكى وشيلتك ونيمتك على السرير.
-تعبتك معايا.
-وانا حابب تعبى لو منك،يلا قومى إجهزى عشان اوصلك للامتحان.
-حاضر.
جهزت ومشينا وكنت متوتره اوى مع أن انا عارفه إن الامتحان هيبقا سهل لكن انا عندى رهبه من اللجان والامتحانات،مسك ايدى وبيحاول يهدينى.
-عايزك تهدى ومتخافيش،وبلاش توتر عشان تعرفى تركزى.
-أدم انا خايفه.
-متخافيش انا معاكِ،ركزى أنتِ بس وهتعرفى تحلى.
-حاضر.
--هستناكِ فى مكتبى.
-تمام.
دخلت الامتحان وكان سهل الحمد لله لكن فى سؤال مكنتش واثقه من إجابته اوى،سمعت اتنين بيتكلموا على نفس السؤال و واحده بتقول لتانيه إجابته غير اللى انا عملتها بعد ما سلمنا الورق،انا فى المواقف اللى شبه دى بعيط،جريت على مكتب أدم وانا بعيط اول ما دخلت بصلى وقام وقف بسرعه مرعوب وانا اترميت فى حضنه.
-اهدى بس وقوليلى مالك!!؟
-عندى سؤال غلط.
-اهدى وتعالى نراجع مع بعض.
قعد واخدنى فى حضنه وراجع معايا الامتحان وطلعت إجابتى هى اللى صح.
-اجاباتك كلها صح،بتعيطى ليه بقا!!؟
-كنت خايفه تكون غلط.
-لا متخافيش،هتنجحى وهتبقى الاولى على دفعتك زى كل سنه.
........................................
الساعه كانت 2 باليل وانا بعيط من غير سبب.
-فهمينى بس بتعيطى ليه!!؟
-معرفش.
-فى حاجه مضيقاكِ!!؟
-لا.
-فى حاجه تعباكِ!!؟الحمل تاعبك!!؟
عيطت اكتر وهو قعد جمبى بيحاول يهدينى.
-لا.
-طيب فهمينى ايه سبب العياط!!؟
-معرفش.
- أنتِ فى الشهر التامن ودى هرمونات حمل يعنى حاجه طبيعيه
بصيتله وعيطت تانى.
-طيب انتِ ايه اللى يريحك وانا اعملهولك!!؟
-امشى يا أدم.
-يعنى لو مشيت هترتاحى!!؟
-ايوا.
-تمام.
مشى خطوه.
-يعنى انت هتسبنى وتمشى!!؟
حط أيده الاتنين على وشه بمعنى إن انا مبقتش فاهم حاجه،حضنى ومسح على شعرى
-مش همشى،بس ممكن تهدى!!؟
-هديت،ممكن تسيبنى لوحدى!!؟
-طيب مش هتنامى عشان ترتاحى!!؟
-لا عايزة أفضل لوحدى.
-تمام.
انا بعيط وبجد معرفش السبب،اوقات اعيط وفى نفس الوقت اضحك وأوقات مكنش طايقه نفسى ولا طايقه اللى حواليا وأوقات اكون مبسوطه من غير سبب الحاله اللى انا فيها دى من اول ما عرفت إن انا حامل فى زين.
خرج وفضلت أنا قاعده لوحدى لحد بعد الفجر وكان هو كل شويه يجى يتطمن عليا،كنت هنام فى اوضه زين لكن انا مبعرفش انام لوحدى واتوعدت انام فى حضن أدم،روحت أوضتنا لاقيته نايم،نمت فى حضنه وضمنى
-بقالى كتير مستنيكِ.
-كنت عايزة ابقا لوحدى شويه،انت ليه منمتش لحد دلوقت!!؟
-انام ازاى وانتِ بالحاله دى!!؟المهم طمنينى بقيتى احسن دلوقت!!؟
-ايوا متقلقش.
عدت شهور وكنت ولدت زين فى يوم دخلت اوضه زين لاقيت أدم نايم على ضهره وزين نايم على صدره وأدم حاضنه،ابتسمت لما شوفتهم بوستهم هما الاتنين وخرجت وقفت فى البلكونه بشرب النسكافيه وبغنى.
-وعدتك إني أبقالك وأقدّم عمري من قلبي وروحي تملي رايحالك وبتطمن عشان جمبي كفاية تكون في أحضاني.
-حسيت بيه بيضمنى من ضهرى، وبيكمل الاغنيه.
-عيونك تبقى ندهاني أنا حابب حياتي معاك ولا عايز حبيب تاني.
ضحكتله وحضنته.
-أدم.
-عيونه
-انا بحبك اوى
-وانا محبتش ولا هحب غيرك.
إنى لا أملك من أمر قلبى شئ،فلا تسألنى كيف أحببتك يوماً.
تمت فضلا اترك تعليق للتشجيع على النشر
تعليقات
إرسال تعليق