مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

"هو شمس وسط رمل ، هي حلوة بت سمره"

- ي نووور. 

- جاية ي ماما جايه. 

- انتي طول عمرك ي بت انتي دايما تعباني كده يعني الجيران يعايروني بانك سمرا وكمان لما اناديكي بتتأخري.

سرت حزنها ف صدرها - اديني جيت ي ماما عاوزه اي؟

- اتنيلي اقعدي تعالي نعمل البسكوت وكحك العيد.

- حاضر.

بنوم - صباح الخير ي ماما.

- صباح النور ي قلب ماما .

- اممم بتعملوا أي ؟

- بنعمل بسكوت ي روحي وكحك العيد.

- تحبي اساعدكم؟

- لا ي حببتي انتي ارتاحي بعدين تتعبي من الخبيز ، روحي هتلاقي الفطار ع الرخامه ف المطبخ كلي وخشي ذاكري.

_____________

انا نور تالته طب بشري يمكن انتوا فرحتوا بمجهودي واني دخلت طب بشري بس ده مكانش احساس اهلي وقتها ، طول عمرهم مش بيقدروني ولا بيفرحوا لفرحي كل ده عشان عيبي الوحيد وهو اني اتولدت ببشره سودا مش بيضا زي اختى ريهام ، دايما بلاقي التفرفه العنصريه دي من كل الناس هو فين العيب ي جماعه ف لون بشرتي مهو كلنا واحد عند ربنا ومايفرقناش الا العمل الصالح.. 

- امسكي شيلي الصيجان دي وديهم المخبز .

- ي ماما بس المخبز كله هيبقى رجاله ومش هينفع ادخل وسطيهم.

- اومال هنخلل الكحك والبسكوت جنبنا ولا يكون هنسيبهم يستووا ف الشمس قومي ي بت بلاش دلع .

باستسلام - حاضر ي ماما.

- عمو محمد .

- بتنادي ي انسه؟

- اها لو سمحت عاوزه اخلي الصيجان دي باسمنا هنا تستوي .

- وانتي تاعبه نفسك ليه وجايه ودلوقتي فيه رجاله ومش هتقدري تدخلي بينهم .

بعصبيه - وانت مال حضرتك يعني ماتخليك ف حالك انت بس ناديلي عمو محمد .

بهدوء - ممكن تهدي ؟

- انا هاديه شايفني بشد ف شعري يعني؟

ابتسم - احم لا انتي ست البنات ومفيش زيك بس اقصد عشان الناس بدأت تبص ناحيتنا.

- انت بتتريق عليا ؟

- والله ابدا وانتي فعلا ست البنات .

- احم طب ممكن تدخلي الصيجان دي وهرجع اجيب الباقي وتخليهم معاهم .

- ترجعي تجيبي اي؟

- الصيجان الباقيه.

بغيره - لا انتي ترجعي زي القمر كده بيتكم وتمشي قدامي وانا وراكي وهاخد انا الصيجان .

نور ف نفسها = بقولك اي انا بحبك.

- بس مش عاوزه اتعبك معايا.

ابتسم - مفيهاش تعب ي ستي اسمعي الكلام بس .

ابتسمت- حاضر.

___________

- عايروني و قالولي ي اسمر اللون ي لالاي.

واحد من أطفال حارتنا بيرخم عليا كالعاده كل ما يشوفني بس المره دي اتكسفت واتحرجت لأن الاستاذ الا شغال ف الفرن ده جاي ورايا واكيد فهم ان الكلام عليا.

- تعالى ي حبيبي هنا .

- اي ي عمو أدهم .

- تقدر تقولي اي الاغنيه الا بتغنيها دي؟

- اها دي اسمها عايروني وقالولي ي اسمر اللون ي لالاي.

- طب هو السواد عيب؟

- لا .

- طب ربنا بيكره الناس الا بشرتهم غامقه؟

- اممم برضو لأ.

ابتسم - طيب يبقى نحب الناس الا بشرتهم غامقه ولا نكرههم؟

- نحبهم طبعا .

- يبقى مسمعش الكلام ده منك تاني عشان ربنا مايزعلش منك لان السواد مش عيب وكلنا واحد عند ربنا وميفرقناش عن بعض الا العمل الصالح .

- حاضر ي عمو ادهم .

غمزله - اعتذر بقا .

- انا اسف ي دكتورتنا .

- حبيبي ي محمد انا مش زعلانه .

- طب هاتي حضن كبير بقا عشان اعرف انك مزعلتيش .

بدموع - احلى حضن لاحلى محمد .

- ممكن تمسحي دموعك وانا اسف والله ومعدتش هكررها بس انا مكنتش اعرف اني كده بعمل غلط ومحدش من اهلي علمني ده وكنت فاكر اني كده هكون روش والناس هتحبني بس مكنتش اعرف اني بزعلك مني ي دكتوره.

ابتسمت - وانا مش زعلانه والله .

فكر - حيث كده بقا صحاب ؟

ابتسمت - صحاب .

بصيتله لقيته واقف مربع ايده وبيبتسم حقيقي انا اول مره حد يدافع عني كده حتى اهلي ذات نفسهم عمرهم ما عملوها ، هفضل ممنونه ليه جدا طول حياتي. 

- اتفضلي هاتي الصيجان وانا هستناكي ع الباب. 

- ماشي بس حابه اقول لحضرتك حاجه.

ابتسم - لا شكر ع واجب ي ستي.

- عرفت ازاي؟

ابتسم - فهمت عاوزه تقولي اي من نظره عنيكي.

بكسوف - هروح اجيب الصيجان .

- مين بره ؟

- ده واحد جاي من الفرن وهياخد الصيجان .

- شكلك عملتي مشكله ولا زفت اوعي اما اشوف حصل اي؟

- السلام عليكم. 

- تعالى ي بني. 

- حضرتك انا جاي اخد الصيجان بتاعتكم ممكن تناوليهملي؟

للكاتبه الست نور💙

البارت التاني💨💫  

- حضرتك انا جاي اخد الصيجان بتاعتكم ممكن تناوليهملي؟

- بس ي بني مش عاوزين نتعبك ونور بنتي هتوديهم .

ابتسم - مفيهاش تعب ثم ده عشان العيد ومش هناخد فلوس ع الشيل وكل سنه وانتوا طيبين .

- وانت طيب ي حبيبي .

- هو ده أدهم ي ماما صح؟

- اها ي حببتي لسه جاي من السفر من اسبوعين. 

- كان مسافر فين؟

- كان في الكويت بيشتغل .

- بس هو قمر ي ماما والله ي بخت الا هتبقى من نصيبه.

ضحكت - بنت عيب كده .

كنت بسمع ماما وريهام وهما بيتكلموا عليه وكنت مبسوطه اوي معرفش ليه ، بس هو جميل فعلا وروحه حلوة .

- السلام عليكم. 

- وعليكم السلام ، نزلتي ليه كنت هبعتلكم الصيجان انا لما تستوي.

- انا كنت عاوزه عمو محمد.

ابتسم - طب مينفعش أدهم ؟

- مين هو ده ؟

بضيق - اسمي .

- عاشت الاسامي ممكن بقا تعديني عشان عاوزه اقابل عمو محمد. 

- استني كده ، واد ي هيما حد عند بابا جوا؟

- لا ي معلم ادهم .

- تعالي هدخلك ليه ، كنت فاكر ان حد معاه. 

- تمام. 

- حرما ي راجل ي طيب.

- دكتورتي الغاليه بنت الغالي .

- حبيبي والله ، الا اي الناس الا كل ما تكبر تحلو دي .

ضحك - اها ي بكاشه ، الا قوليلي اي الغيبه الطويله دي ومش بتيجي ليه؟

- والله الجامعه وامتحانات والصيام بقا انت عارف.

- ربنا يقويكي ي حببتي وعاوزين تقدير امتياز مش هتنازل .

- طب نمشيها جيد جدا. 

- والله ما يحصل هو إمتياز عشان تاخدي هديه المره دي هتعجبك اوي.

- طب ماتقولي هي اي وادعيلك ف ليلة القدر .

ضحك - مش هتضحكي عليا لاني عارف انك مش بتنسيني ف دعاكي .

- ي حول الله انت فعلا مكدبتش ، طب اعملك الكنافه الا بتحبها ؟

- انا هضعف كده .

- انت عارف ي عمو محمد اني مبحبش المفاجأت عشان بتخليني استنى واقعد افكر .

ضحك - عشان تحسي بطعم الحاجه لازم تصبري.

ابتسمت - فعلا.

كنت واقف وشايفها ازاي بتهزر مع بابا وكأنهم اب وبنته ، هي قد اي جميله وتتحب وتدخل القلب ، ي ريتني كنت مكانك ي بابا لاحسن دي مصدرالي الوش الخشب .

- اي ي حاج هو من لقي صحابه نسي احبابه ولا اي؟

- متقارنش نفسك بدكتورتي ي ادهم دي الغاليه .

ضحك - طب حبوني معاكم .

- احم انا هستأذن ي عمو محمد وهبقى اجي مره تانيه.

- خلاص ماشي ي حببتي ولو عوزتي حاجه تعالي انا مش غريب.

ابتسمت - عارفه والله تسلملي ي رب.

- مين دي ي بابا ؟

- دي نور بنت احمد صاحبي الله يرحمه .

- الا بتحبها انت ي حاج .

ابتسم بخبث - هنغير ولا اي؟

بتوتر - هاا انت بتقول اي ، انا هروح اكمل شغل.

- واد ي ادهم .

- نعم ي بابا.

- مش ناوي تفرحني بيك ؟

ابتسم - قريب ي حاج ادعيلي .

- ي رب تكون من نصيبك ي الا ف بالي ده يبقى من حظ ابني. 

- حبيبي ي حاج.

- انتي بت ي نور.

- نعم ي ماما. 

- روحي عشان تساعدي اختك جايلها عريس.

بفرحه - اي ده بجد .

تمط شفتيها بسخط - ومالك فرحانه لبه كده ولا كأنه جاي ليكي ، ده ان لقيت حد يقبلك بشكلك ده.

بصدمه - ليه كده ي ماما ، ليه بتعامليني كده حرام عليكي والله حرام عليكي هو انا لما تفرح لاختي عيب ، هو اما ربنا يخلقني سودا عيب ، انا اي ذنبي اني اتخلقت كده ، بسكت وبقول حاضر ومع ذلك بتكرهيني 

- انا بكرهك ي نور؟ #يتببببع

لتكملة الاسكريبت للنهايه من هنا