مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

_"يقوم بصفعها" مبررروك يا عروسه

= انت مجنون ! انت ازاي تمد ايدك عليه 

_ ليكي عين تتكلمي 

= "بزعيق" اسمع بقلك اي مش مسمحلك باي شكل من الاشكال انك تهني كده 

_ انتي لسه شوفتي اهانه انا هوريكو الاهانه نفسها .. تعملو معايه انا كده 

= انا كمان اضحك عليه مش زنبي 

_"بصراخ" عيزا تفهميني انك مكنتيش تعرفي انو اختك هتهرب يوم فرحها وتتجوزيني .....

="بالمثل" .. عايز تفهمني اني كنت هوافق اخلي اختي الي بتكلم عنها دي تهرب مع اخوك الي هو خطيبي ...

"فتره من السكوت ونظرات الكره"

" انا اميره وكان المفروض انو انهرده فرح اختي الي هو كان فرحي هربت مع خطيبي الي هو اخو ادهم الي هو بقي جوزي ...والموضوع ميتقفلش لاء العيله تجبرنا نتجوز عشان نعدي القضيحه دي والمفروض الي تكون امي تقول لاء ترفض دي حياتي ومحدش لي دخل فيها هي اول وحده وفقت علي كده فاهمه احساسو  بس انا اي زنبي"

= "يتحرك "رايح فين لسه مخلصناش كلمنا 

_ بقلك اي انتي ملكيش دعوه اروح ول اجي منين اسبوع بكتير ونطلق انا مش ناقص قرف 

=دي مش طريقه اسلوب ول معامله يا استاذ يا محترم

_ والله ده الي عندي والباب يفوت قطر مش جمل ههه اه صحيح اهلك مش معبرينك اصلا هتروحي فين يعيني 

= بس كفايه لحد هنا خلاص.." دخلت اوضه الاطفال وانا منهاره من كل حاجه حصلت انهرده كان مفروض اتخطب انهرده كنت هتخطب لاخه واختي تتجوزه كنت فرحانه انو ممكن تتغير حياتي بس اتحولت لكابوس اكبر انا مش حمل كده يا رب ساعدني"

_ خرجت من الاوضه وانا لبسه عبايه ولفه نص الطرحه علي شعري قولت اروح اكل لاني جعانه واعمله اكل رغم اني مش طيقاه بس انا مبحبش اكون وحشه مع اي حد 

خرجت ملقتوش خرج ! الساعه 2 الفجر ..

بعد الفجر .. "يجدها نائمه علي الاريكه" 

_ انتي .... "اسمها اي هه معرفش اسم مراتي"  يا بنتي 

= اي البيت ولع اختي رجعت في اي 

_مزفته هنا لي 

= كنت مستنيه حضرتك 

=_طيب روحي نامي 

=كنت فين 

_"يتركها ويذهب للغرفه " روحي نامي 

="في نفسها " اي قله الزوق دي انت لدرجه دي كرهني 

اليووم التالي ....

= ممكن بقي انبطل استهبال 

_عيزا اي 

= انت هتخرج تروح فين 

_ الشغل 

= اه يوم صبحيتنا ها 

_ صبحيتنا اه واي كمان تحبي اجي احضنك وابوسك من خدك واقلك عيزا اي يا حببتي ول اي 

= هو انا قتلالك قتيل ...انا عملت اي لكل الكره ده 

_ اختها ..لانك اختها لي خلتني احبها وهيه بتحب اخويا لي يعملو فيا كده لي اتخان من اخويا الي هوه لحمي ودمي وخطبتي الي كان نفسي اجبلها الدنيا اي رئيك تستهلي اكرهك ول لاء 

= لاء بردو مستهلش هما الي عملو كده مش انا هيه الي هربت مع خطيبي لو تفتكر اي زنبي فهمني 

_ انا همشي عشان اتاخرت 

= يا ادهم ماما ومامتك جايين اذا ايجو هقولهم اي اقلهم جوزي في الشغل 

_ لي محسساني انهم مش فاهمين حاجه هما عرفين الي فيها فبلاش كدب عليهم وعلي نفسنا قوللهم في الشغل 

" ده خرج فعلا خرج وسبني في ام الموقف ده نفسي انقد عليه اكسر راسه النشفه دي طب هعمل اي لو ايجو بجد "

ترن ترن ترن 

=احيييه دول ايجو بجد .... يا رب ساعدني 

ام ادهم : يا هلا بالعروسه القمر

= ازيك يا طنط عمله اي 

ام ادهم : طنط مين بقي انا حماتك دلوقتي قوليلي يا ماما  يا بنتي والله ما هلقي احسن منك لي 

= حاضر يا ماما تسلميلي 

ام  اميره : اهلا ببنتي اومال فين عريسك 

= ها اه خرج كنا بنفطر فحد رن عليه قال انو في مصيبه كبيره في الشغل ولازم يروح وكده 

ام اميره بهمس: مش عشان مش طايقك يعني

=.......

ام ادهم : تعالي يا بنتي عيزاكي في كلمتين في المطبخ 

="روحت المطبخ بدموع وبعد كده استوعب انها جمبي " ههه معلش يا ماما كنت بس...

ام ادهم : "تقوم باحتضانها" فهمه يا بنتي والله وعزراكي كان نفسي يوقفوا  الجوازه دي عشانك وعشانه بس مكنش بايدي والله عرفه انك بتمري بوقت صعب بس ادهم كويس يا بنتي والله مش وحش هو بس مصدوم خليكي معاه انا اسفه يا بنتي مش عرفه اساعدك 

" امه هي احلي حاجه طلعت بيها من العيله دي بجد بحبها من اول ما خطبت اخو ادهم وانا بحس بحنيتها وخوفها عليه بجد  "

= حاضر يا ماما متقلقيش عليه انا هكون كويسه ...

"الدنيا بقت ليل ولسه مجاش ومطرت المغرب وبردو مجاش انا مش قلقانه عليه ول حاجه لاء بس عندي فضول هل خبطتو عربيه ومات ونخلص من الكلام السم الي بقولة ده ول هيجي بليل ويقرفنا  هو صنف الحشيش مفيش غيره بيعمل معايه كده"

اليوم التالي ......

 = ممكن افهم بتروح فين وازاي متجيش امبارح خالص 

_ وانتي مالك اجي ول لاء 

=" كان شعره منكوش ومرفوع لفوق وعينه حمرا ولبس بجامه برتقالي هه كان شكلو جميل ..هو في اي"  الواحد غلطان انو بتكلم معاك اصلا 

_ وانت لبسه وريحه فين ان شاء الله 

= وانت مالك اروح فين ملكش دعوه بيه 

_ "يقوم بضم يده " بقلك اي مش عايز افقد اعصابي 

= والله دي حاجه ترجعلك الفطار علي السفره سلام 

_" يقوم بامساكها والشد علي يدها بقوه " بقولك مزفته ريحه فين 

= ادهم ايدي ادهم بتووجع 

_ "يشعر بنفسه فيترك يدها " اسف مختش بالي 

= عادي اضربت قلم يوم الفرح مجتش من مسكت ايد "تقوم بالخروج"

"عشان اقوي مني يعني انا بجد بكره ضعفي قدام اي حد بس مفيش حد اصلا عشان ابين قدامه ضعفي انا عندي 23 سنه كليه تمريض الحمد لله اشتغلت بعد الجامعة وده كان الحاجه الي بصرف بيها علي نفسي انطوئيه ومليش صحاب لاني بخاف بخاف اقرب من اي حد فعلطول لوحدي بس بحب شغلي ومن امهر  الممرضات في المستشفي"

احد الممرضات : مبروك يا اميره متعزمناش يا شيخه 

= والله جت بسرعه ومعرفتش 

احد الممرضات : ههه قصدك ادبستي فيها يا عنيه بعد اختك ما هربت 

= طيب انا همشي عن ازنك 

" تقريبا اليوم كلو كان عباره عني وعن فرحي ول الفضيحه ايهما اقرب  في الي تفهم وفي الي جرح بس معظمهم جرح لي الناس بقت كده لي محدش بسيب حد في حاله يترا سمع كلام في الشغل عشان كده بيتعصب يترا بيرد يقول اي عليه .. انا بفكر فيه كمان اصلها كملت "

الحمد لله روحت اول مره اكره يوم في المستشفي كده ومكنتش عيزا اروح بس معاه حق مليش مكان اروحه حتي اهلي مش قبلني ..

= ادهم انا جيت رجعت ول لسه 

دخلت لقات الصدمه ..

........يتبع

#روايه  حب بعد خيانه 

#اذا جابت تفاعل هكملها ..بتمني تشجعوني لاني بكتب بدعموكو 😊😍

#رايكم في كومنت ...💟💟💟😘

#روايه  حب بعد خيانه 2

= ادهم انا جيت رجعت ول لسه 

دخلت لقيت الصدمه ..كان واقع في الارض في نص الصاله جريت عليه... 

‌= ادهم!  ادهم انت كويس 

"لمست وشه لقيتو مولع نار  روحت شده بصعووبه شديده اصلي متجوزه كتلت عضلات لاء وزرافه يعني حاجه عنب دا انا برده صحيح... 

ديما بحتفظ بعلبه الاسعافات الاوليه  عندي لما اروح اي مكان بكون فيها كل حاجه بتفدني كشخص ممكن يكون تعبان ...علقتلو محلول ودني جنبو طول الليل اعملو كمدات

اليوم التالي.... 

" يقوم يجدها نائمه وهيه جالسه ويبدو عليها التعب "

_ احم انتي... يا بنتي

=اي...اي الي حصل موتنا ول لسه 

_ يا بنتي قومي اتفائلي مره بيومك الي شبه وشك ده 

= هدنك طول عمرك قليل زوق علفكره ده بدل ما تشكرني 

_شكرا بجد 

= خلصين...واه اسمي اميره عشان هيكون عيب اوي لما متعرفش اسم مراتك 

_"يقوم بنظر لها بحراج وتظهر غمازته" علفكره كنت عرفه 

=يسلام.."تقوم بوضع يدها علي جبينه"

_ "بتوتر" اي انتي بتعملي اي 

= بشوف درجه حرارتك نزلت ول لاء بس احسن من امبارح الحمد لله هروح اعملك شوربه خضار 

_لاء 

= لاء اي 

_ مش عايز حاجه منك "يقوم بنهوض فلا يستطيع المقوامه فيجلس مجددا"

= مش عايز حاجه مني ها 

_"ينظر لها بغيظ "

______________________

_ اتفضل...كُـل 

=.....

_ يبني كُـل

=...احم مبحبهاش 

_ههههه

=ممكن تبطلي رزاله

_ واحد في حضانه انت

=واضح اني اديتك وش زياده عن اللزوم

_ خلاص خلاص دا انت بتتحول في دقيقه...اقلك سر 

= اممم

_ انا كمان مبحبهاش فعملتها بطريقه بحبها فدوق هتعجبك 

= علي ضمنتك 

_علي ضمنتي 

"بعد انتهائه من الطبق" 

_علفكره طعمه مش حلو 

="طب امسح بكرامه اهله الارض دلوقتي ول اعمل اي" اه منا عرفه مكلتش الطبق كلو او حاجه لاء 

_ ده اسمو توفير انا شخص اقتصادي وانتي بتردي عليه شكلك كده 

= بص انا غلطانه اني عملتلك اكل اصلا بطريقتك المستفزه دي دا انت رخم 

_ لسانك الطويل ده يلم نفسه عشان ميزعلش 

= مبيعرفش يا خفه بجيلو حساسيه 

" ما شاء الله علي  الاحترام والحب الي ما بينا يعني الله ما لا حسد خساره فيك وقفتي في المطبخ اساسا "

العصر.....

= انت عايز تشلني صح 

_ به انتي صداع لي 

= رايح فين يا ادهم افندي 

_ الشغل 

= ومش عيزني اتشل 

_ ورايه شغل كتير 

= ادهم انت عندك سخنيه وواقف بالعافيه و كمان حالتك مش مستقره رايح الشغل تهبب اي 

_ انتي عرفه بشتغل اي الاول 

= امم بتشتغل في شركه باباك ومدير اعماله ويعتبر الي ماسك الشركه خدت المسؤليه دي بعد شهاده الثانويه وانت عندك 18 سنه حياتك هي شغلك وديما بتعمله علي اكمل وجه ومتقن فيه 

_واي كمان لسه معرفتهوش انا معرفش كل ده عني

= حماتي موجوده عشان كده عشان الي معرفوش ارن عليها اعرفو علطول 

_ لاء براڤو يختي 

=ميرسي 

_ انا ماشي سلام

= كاني بكلم نفسي بظبط دانتو صنف زباله صحيح بس عسل يحزني عليه انا...اميره انتي بتكرهي ولازم تكوني عرفه دا 

 بعد ساعه....

="يترا كويس" وانا مالي ما يولع مش حزراتو خلاص 

_"يقوم بفتح الباب ودخول " الحقيني مش قادر 

= مش قلتلك مش قلتلك بلاش 

_ راسي هتتفرتك وجسمي مرهق جدا 

= طيب اهدي هات الشنطه دي وروح غير وتعالي 

بعد فترة....

_"بتوتر" هتعملي اي 

= هركبلك محلول لانك محتاجه وبعد ما يخلص تتغطي كويس وهتكون زي الفل مع  العلاج الي هدهولك 

_" بقلق " لاء 

= يا بني في اي 

_بكره الدكاتره 

= انا ممرضه 

_ بكره الممرضات 

= متغلبنيش معاك انا ايدي خفيفه متقلقش والله يلا بسم الله

_"يقوم بامساك يدها " لاء بلاش ونبي طيب اي حاجه تانيه محلول لاء  

= ههه يلا يا كوكو عشان هجبلك شوكلاته 

_ وعد 

= صبرني يا رب...وعد هجبلك 

 "  كان شكلو قماار وهو بغمض عينه وخايف منها وهو شايب وطويل وهبل كده ههه اكتشفت شخصيه جديده فيه شخصيه  طفوليه ومرحه...لي بتعمل فينا كده هو انا استاهل كرهك بجد "

_ بتفكري في اي 

= ها لاء مفيش

_  علفكره ايدك حلوه موجعتنيش سيكا 

= ما انت قمور وطالع مع الترند اهو مالك منشفها علينا لي 

_ هتهزري معايا بقي ول اي 

= يخربيت التحول يا شيخ انت عندك انفصام في الشخصيه 

="سكت قليلا" كان باباكي وبابايا اصحاب بعد كده بدأت بينهم اعمال وبقو شوركه شوفت اختك تيسير واعجبت بيها وبعد كده اتخطبنا وعرفت انو عندها اخت الي هو انتي واخويا حبك وقالي انو عايزك وانا وفقت لاني ديما بشوفك ساكته ومحترمه  وجميله و انو انتي انسب لي بس  كان كل الي همه ينتقم مني وبس لما شوفت مسج منه قالي فيها خسرتك اغلي حاجه في حياتك ول هيه حببتك زي ما انت خدت كل الي ليه بعد ما هرب معاها ...  ديما كنت بسال  يترا عملت لخويا كل حاجه انهرده ورحلو واساله عايز حاجه كان همي رضي وكنت بعتبره ابني ازاي يعمل معايه كده هو انا استاهل ده منهم استاهل هيه كمان تعمل كده فيه  ....

= فهمه إحساسك كويس بس الي بحب بجد يا ادهم عمرو ما يخون ابدا تيسير لو بتحبك عمرها ما كانت سبتك كانت لمحتلك باي حاجه عن انو اخوك عايز يأذيك وتكون جمبك  وعمرها ما كانت تسيبك 

_ بس انا حبتها بجد 

= هيه مقدرتش ده هيه متستهلش تعمل في نفسك كده عشانها الي يخون يستاهل انو يتنسي ..

_.."ينظر لها بستغراب"

= مستغرب... انا هقلك انا مش اخت تيسير انا اختها من الاب بس ماما ماتت وانا عندي5 سنين وتجوز وخلفت بنت وهيه تيسير مرات ابويا مسيطره عليه كليا هيه الي ليها راي في كل حاجة كانت تيسير كل حاجه البنت الملاك الكاجول والاهتمام ودلع مكنش في حد بحبني فيهم حتى بابا مكنتش بهمه..انا عمري ما غيرت منها لاني ديما بشوف نفسي احسن منها بكتير عمري ما دوست علي حد بغرور وعمري ما كسرت قلب حد والي متاكده منو اني عمري ما هكون زيها في يوم 

_ حستي بايه ساعتها 

= كنت مكسوره...كنت حسه انو مليش حد اسند عليه بعد ماما كنت بحساب ابويا هيعوضني بس عمرو ما خد بالو مني 

_  اهم حاجه انك مطلعتيش وحشه وقلبك اسود وحقده علي حد وانك اتقبلتي كل حاجه وستنتي العوض 

= علفكره انت شخص جميل اوي ومتستهلش اي حاجه من الي حصلت معاك واعرف ان هما الي هيندمو عليك  مش انت

_ دا انا.... انتي ريحه فين 

= هجيب لب من المطبخ اصل القاعده هطول 

" اتمنيت ان المحلول مش يخلص انو نتكلم اكتر واكتر طلع  مزاجي جدا ولي شخصيه لوحده جدع ومخلص في الحب عشان كده بيتاذي انا نجزبت ليه انا خايفه خايفه اتقبله اذا طلقني هعمل اي....

بعد ثلاثه ايام 

_ اكلك حلو اوي علفكره واخيرا غيرتي اكل العاينين ده 

= يلا خت افراج انهرده

_ طيب انا همشي يلا 

= هو ينفع...يعني 

_"ببتسامه" هجي اتغدا حاضر مش هسيبك اليوم كلو تاني 

= وعد 

_ وعد 

" حسته بقي لين كتير عن الاول بقي بيتكلم بحترام معايا التطور مش كتير بس أهو كويس هو انا اطول...

في المساء....

_ مالك قاعده زي المطلقات كده لي 

= زوهقانه...

_ ممكن اطلب خدمه منك وتساعديني 

= قول خضتني... 

يتبع.....  

#حاجه بسيطه كده بتمني البارت التاني يعجبكو 💟

#شكرا علي الدعم 🙈🙈🙈🙈🙈🙈❣️❣️❣️❣️ بجد فرحت من قلبي والله العظيم 

#رايكم في كونت يشجعني لاني بتشجع بيكو 🙈♥

#روايه حب بعد خيانه البارت 3 

_ممكن اطلب خدمه منك وتساعديني 

= قول خضتني... 

_ احم ممكن تيجي معايا اجتماع نتعشى بره 

= "بفرحه " بجد بجد هنخرج 

_ "ببتسامه" اه اجهزي يلا 

" بحب الخورجات بحب الخورجات جدا جدا وكمان عشى لاء فرحت بجد اممم هلبس دريس ابيض هادي تحت الركبه بشويه وبنطلون اسود وجاكت اسود وطرحه كشميري وكوتشي كشميري حسا اني هكون قمر سيكا "

= احم اي رئ..."ينهار ملبس علي دماغك في اي يلا اي الجمال ده نهارك اسوح حسبي الله ونعمه الوكيل في جمال امك كفايه قله ادب بقي ..." احم شكلك حلو بالابيض 

_ امم وانتي هتيجي كده ول اي 

= اه مش حلو 

_ بقلك اجتماع ومطعم وخروجه ده تلبسي لما تروحي تشوفي امك يختي روحي غيري اجري 

= والله يا خفه لو كنت اعرف انها فيها بدل بيضه وحركات كنت ظبطك اصل انا اعجبك بردو 

_"بغمزه" ماشي يا عم التظبيط ممكن نخلص عشان اتاخرنا 

" ده غمزلي وربنا غمزلي نسيت اوصفهولكو بس هو الجمال عدا الكلام مش هزار ابيض وعليه غمازه قماار عيونه عسليه وابتسامته توقعك زي سبت الغسيل كده انا شكلي ضربت حشيش تاني متركزوش"

_وقفه متنحه كده لي روووحي غيري هنتاااخر 

=حاضر حاضر 

" لبست فستان اسود هادي مظبوط من فوق ونازل بوسع من تحت ولبست طرحه نبيتي وكوتشي نبيتي وحطيت ميكب خفيف "

="بحزن"يلا 

_امم بالتكشيره دي 

=يلا بس "مقليش كلمه حلوه حتي ده جبله اقسم بالله "

_ اميره 

= اممم 

_ شكلك حلو  اوي "ثم ينزل قبلها "

="احلي ادهم ده ول اي يا جودعان ده حتي اسمي قمر منك  "

امام المطعم ...

="تقوم بشد حزام الامان "هنزل 

_ لاء استني "يقوم بنزول ويفتح لها الباب ويمسك يدها "

= ادهم انت كويس تعبان او حاجه 

_ ششش بصي احنا جايين نقابل شريك في الشركه عندنا اسمه "وليام نيكو " هو ومراته وطلب مني اجيبك فاحنا نمثل قدامه اننا بنحب بعض وكده 

= يسلام يعني هنضحك علي الرجل 

_ في منافسه بيني وبين بابا علي الراجل الي هيجي ده الي يقنعو يوقع الورق هيخدو رحله هو ومراته لايطاليا وهو قابل بابا وحماتك يختي ولسه احنا ويقرر مين الي هيفوز وانا عايز افوز بزمتك 

=قولت رحله لفين !!

_ ايطاليا 

=اعتبر الرحله دي لينا ...

_ هبله مفيش كلام

في المطعم ......

ادهم : caio professor William "اهلا استاذ وليام"

 اميره :نعم يا خويا 

ادهم :ششش "بهمس " بكلم ايطالي 

اميره :ادهم احنا اخسرنا 

ادهم : ممكن تفصلي انا هتكلم 

وليام : caio adhamiya,noti vedo da molto tempo "اهلا ادهم لم اراك منذ زمن "

اميره:  بيقول اي هاها 

ادهم : بيقول اخرسي هفتح دماغك بالكبايه دي 

اميره:انت عنيف اوي علفكره بس مراته فورتيكا 

ادهم : يا لهووي عليه بتعاكسي مراته 

وليام :"يبتسم في صمت "  tua moglie è molto bella "زوجتك تكون جميله "

اميره : وحيات امك تقولي بقول اي 

ادهم : بيقول انك جميله 

اميره : والله عيونه هي الي جميله تسلم 

ادهم :"يضحك " مش قادر همووت 

اميره : هي مراته ساكته لي كده ول التلج الي حطاه في وشها ده مجمد شفيفها ول هي كده هو في حد ممكن يكون بنور كده 

زوجت وليام :"تقوم بضحك " حقا لا استطيع كم احببتها هههههه

اميره وادهم "ينظرون لبعضهم بصدمه "

وليام : نحن نتقن العربي جيدا وحقا ان المصريين لديهم حث فكاهي جيد ليس كذبه فحقا الامر مضحك كثيرا 

اميره : "بهمس" اتحرق دلوقتي  صح 

ادهم :  "بهمس "دا انتي تتبخري اهون والله 

زوجت وليام: لا تقلقي انتي رائعه أحببتك حقا  ... هل ناكل الان عزيزي 

وليام : حسنا عزيزتي 

" تقوم بشد علي يدوه بقلق "

ادهم : متقلقيش انا موجود 

" كان نفسي اقلو اني من ساعه ما مسك ايدي قدام المطعم وانا قويه بيه  كنت بهزر عشان اشوف ضحكتو دي حلو اوي احلي من غروب الشمس لما الدنيا تقرب علي الليل احلي من ريحه المطر الشديده في عز الشتا احلي من حياتي شخصيا ...اااه بينك وقعتي ول اي "

بعد الغداء 

وليام : حقا استمتعت بهذا العشاء كثيرا فانتم ثنائي رائع حقا 

ادهم : اتشرفت جدا اني تعرفت عليك انت وزوجتك وفرصه سعيده جدا 

*تقوم اغنيه بالتشغيل *

وليام : هيا نرقص 

زوجت وليام : لا ارقص بدونهم 

ادهم : لاء انا ...

وليام : اجل انها فكره رائعه هيا بنا 

ادهم :"يمد يده لها " يلا 

اميره : ......

ادهم : متقلقيش هتكون رقصه حلوه ثقي فيا 

" مديت ايدي من غير ما افكر كان نفسي افهمه اني بحب الرقص جدا وبذات الكلاسيكي كان نفسي اتجوز ويتعملي فرح عشان ارقصه مع حبيبي الي هعلمه ازاي  يرقصها بس اكتشفت اني تجوزت خبره "

_علفكره مصدوووم فيكي بجد  بتعرفي ترقصي حلو اوي 

=طول عمري بحب نوع الرقص ده وبحب ارقصه جداا 

_ كل ما اقرب منك  بكتشف حاجه جديده بتشدني ليكي  اكتر ..

= "بضحك " يبقي حاسب بقي تتشد اكتر لتحبني 

_ هو ده الي خايف منه 

"يقومون بالنظر لبعضهم البعض لفتره " .... وتتوقف الاغاني ويصقف الجميع علي رقصهم 

وليام : احم احم عزرا علي المقاطعه لكن الاغاني توقفت 

ادهم : "باحراج " ها اه خصلت ...تعالو نرجع مكانه تاني 

في خارج المطعم ...يقف وليام وادهم خارجا بمفردهم لتحدث في الصفقه 

وليام : الان رئيتك ورايت والدك سنري من سياخد الرحلة 

ادهم : عادي اي حد متفرقش المهم من العيله 

وليام : هههه ذاك الشبل من ذاك الاسد فلقد قال هذا ايضا 

ادهم : ههه 

وليام : زوجتك رائعه علمت ما حدث لكن اعتقد انه كان من الافضل حدوث ذالك اعطي نفسك فرصه اخري فهي حقا تستحق ذلك

ادهم :  " ينظر لها من بعيد بحب "تفتكر ممكن نكون زوج وزجه زي باقي ناس عادي

وليام : إطلع علي قلبك ستجدها تسكنه انت حقا تحبها لا تخدع نفسك فيكفي هذه النظر لي لاعلم تحبها ام لا 

ادهم : شكرا استاذ وليام  بجد وعلي العشا الجميل ده والخدعه الجباره دي امتي تعلمت عربي وكمان فاهم بقول اي 

وليام : منذ 5 سنوات تعلمتها انا وزوجتي وحقا رائعه ولقد استمتعنا كثيرا بخداعكم هههه

ادهم : ماشي ماشي مردوده 

_____________________________________بعد رحيل وليام وزوجته 

_ تيجيى نتمشي شويه مش قادر اسوق 

= ماشي عادي 

_يلا .....

= ادهم استني استني  هنا ....هروح اجيب حاجه وجيه

_طيب بسرعه 

= جيت خد بقي 

_ اي دي 

= شوكلاته ...وعدتك اني هجبهالك 

_ طيب هعين دي واكلها بليل وناكل الي في ايدك سوي 

= ومين قال اني هديك دي بتعتي 

_ وانا بحب شوكلاته بابلي كمان 

= مش شغلي كانت اخر وحده في المحل  وبتعتي 

_ هاخد بردو 

= لاء مش هديك

_ هاخد 

= ادهم ادهم متزهرش " تقوم بالجري ويقوم بالجري ورائها ويضحكون "

_ اميييره حسسسبي "يقوم بشدها اليه قبل ان تخبطها السياره " انتي كويسه اميره 

="تقوم بحضنه والبكاء" انت كويس 

_ انا بخير اهدي تعالي اقعدي في اي بتعيطي لي اهدي "يقومو بالجلوس علي كرسي بجانب الطريق"

= خوفت خوفت مشفكش تاني 

_ انا موجود زي القرد اهو متقلقيش انا كويس 

=  متقلقش هو بكون تراكمات عندي بدني شيله جوايه كتير لعند ما أنهار من اقل حاجه علطول انطوائيه مبحبش اتصاحب علي حد كنت بكره الوحده بس كنت بكره وشوش البشر الكدابه  اكتر انت الشخص الوحيد الي بثق فيه وجمبي دلوقتي خايفه اخسرك كمان .. "تقوم بمسح دموعها " هه عرفه اني اوفر شويه ...

_ انتي مش اوفر يا اميره انتي طيبه اوي شوفتي كتير وتاذيتي من البشر فقررتي تبعدي عنهم وصدقيني عمري ما هسيبك ابدا 

= ممكن اطلب طلب 

_ اي حاجة ساعتيني كتير انهرده فاطلبي الي انتي عيزاه 

= ممكن نكون صحاب 

_"ابتسم " ممكن 

________________________

 = الجاكت الاحمر ول الازرق 

_ الاحمر 

= تمام 

_ البنطلون الاسود فين 

= فرداه علي المكتب متبصليش كده عشان ينشف

_ ول اننا متاخرين كنت مسحت بيكي البلاط 

= احلف 

--------------

= بتضحك علي اي يالي تتشل في بطنك 

_ والله الفيلم جميل 

= بنسمع رعب 2 بليل وكمان 3d انت مش متخيل الي احنا بنهببه ده 

_طب والله جميل ههههه

= ادهم ادهم جي علينا جي علينا يلهوووي 

_ ههههه هموت 

= مستفز 

_ خوااافه 

-----------------

= ادهم متنمش بجد 

_ يا بنتي ارحميني الساعه 5 عيني بتقولي الحقووونييي

= حد قلك تسمعتي رعب البس بقي 

_ طيب متيجي تنامي جنمبي 

="بتوتر" مهو بص يعني ...

_"يقوم بخبطها علي جبينها " انا جوزك يا هبله مش شقطك من العتبه يلا 

= الفظك دي بتشنجني 

_ قومي هفطس وربنا ده عذاب 

= ادهم انت نمت .... شكلك قمر وانت نايم وشعرك حلو وطويل هو انت جميل لي 

_ اامم امي كانت ببتوحم علي عسل باين 

="ينهار اسود " لفيت وشي انحيه التانيه بسرعه وغطيت وشي من كسفتي والجزمه بيضحك ماشي 

" عدا اسبوع فرحت اوي بيه اتعوت عليه علي هزارنا  بروده ورخمته وبهدلته الي هو الاب في حته الجاكت في حته الجزمه في حته بلف زي النحله طول النهار اصل انا الخدامه الي جيبهالو امه بس علي قلبي زي العسل والله هه"

_ عندي خبر هيعجبك 

=اي قول بسرعه 

_جاهزه 

= جاهزه 

_ خدنا الرحله ...احنا الي فوزنا 

= هييييي بجد ههههه "تقوم باحتضانه " فرحت اوي 

_ وانا كمان 

= تقوم بالتحرك بسرعه ...طب انا هروح احطلك الغدا 

_ اميره انا بحبك 

= .... 

_ والله العظيم بحبك ... انا اكتشفت اني كنت اهبل لما فكرت احب اختك كان كل همها الفلوس والناس وبس وعمرها ما قدرت تفهمني زيك كده... بضحكه عفويه .... وقعتنيني فيكي ودي احلي وقعه في حياتي مش عايز نكون صحاب ول اخوات عايز اكون حبيبك وجوزك 

= انت بجد فجاتني انا ...

_"يقوم  بداخلها في حضنه " فكري برحتك جويا هنا يا شبر ونص 

= اهو رزالتك دي الي خطفتني يا عم ادهم 

_ بحبك 

= "تقوم بتشديد في حضنه " وانا كمان بحبك اوي 

___________________ترن ترن 

_ اميره افتحي الباب 

= انا مشغوله وريا روايه عيزا اخلصها  افتح انت 

_ قومي يا بت بدل ما احدفك بدوسيه ده 

= هديك نص الشوكلاته الي جوه 

_ خلصانه .... وهو يقوم بالفتح بس علفكره دي بفلوسي ....تيسير !!

تيسير: وحشتني اوي يا ادهم "تقوم باحتضانه ".......

=ادهم مين ......

يتبع ......

#بتمني البارت التالت يعجبكو 💟

#شكرا علي  تعلقاتكو القمر بفرح جدا جدا بكلمكو و بتمني البارت ده يجيب تفاعل كمان 💟

#بحبكووووووو اووووووووي ❤❤❤

#روايه حب بعد خيانه البارت الربع والاخير ❤

_ خلصانه .... وهو يقوم بالفتح بس علفكره دي بفلوسي ....تيسير !!

تيسير: وحشتني اوي يا ادهم "تقوم باحتضانه ".......

=ادهم مين ......

_ "يقوم باخراجها من حضنه بسرعه " انتي مجنونه

تيسير : في اي يا ادهم وحشتني 

_"بزعيق " لاء انتي مجنونه فعلا مش انتي هربتي مع اخويا 

تيسير: مش شبهك مش زيك يا ادهم عرفت اني غلطانه سبتو في نص الطريق ورجعت رجعت ليك انت وعيزاك ترجعلي تاني 

="تراقب في صدمه وصمت "

_ تيسير انا متجوز دلوقتي والي هيه اختك مفروض تقدري ده وتبطلي هبل وبتمني متجيش تاني 

تيسير: هترجعلي يا ادهم عرفه انك مش بتحبها هي متستهلكش صدقني 

="تنفعل بزياده " لحد هنا وكفايه انتي ازاي تكلمي جوزي كدا انا سكتالك من الصبح 

تيسير: هههه جوزك قصدك خطيب اختك السابق يا استاذه وبعودك انك هتندمي علي ده "تقوم بالمغادره "

__________________________

" حسه باحساس وحش جدا حساه انو الي جي اسوء انا مصدقت الاوضاع هديت بيني وبينه لي رجعت لي وازاي تحضنه حسيت ان قلبي تشق ميت حته ده مكاني انا معقول اخسرو "

_ "يقوم بوضع صندوق امامها" ترااا قلبي سرحان في اي

=.......

_ يا بنتي خلاص بقي 

="بحزن " مش منحقها مش منحقها تحضنك حسيت اني بموت وانا شيفها جواك لي تلمسك ولي متمنعهاش 

_ والله هي الي جريت عليه  وحضنتي واول ما ستوعبت شدتها علطول 

= "بدموع " بردو لاء مش هقدر ...

_بحبك 

= ادهم بقي 

_ اي بقي "يقوم بوضع كف يده علي وجهها" انا ملكك انتي وبس ول هيه ول عشره زيها يقدرو يخدو مكانك يا ست اميره  انتي حياتي كلها وغيرتك دي مفرحاني والله اوي ههه

=بارد 

_ غيووره  

= اي الصندوق ده بقي 

_ دي حاجه كده كنت جيبها لمراتي بس بدال قموصه كده هخدو 

= جيب يلا لعورك 

_ جربي تخدي 

= ادهم جيب بقي متهزرش "تقوم بالجري ورائه حتي يصلو الي الغرفه وتخبط في السرير ثم تقع فوقه " اااه 

_ هههه " تحاول النهوض فيشدها إليه " استني بس ريحه فين 

= هقوم سيب ايدي  

_ مفيش الكلام ده دنا مستني ده من زمااان 

= اه يا قليل الادب 

_ بغمزه طيب اي 

= اي 

_ هنسطعبت بقي ها 

 ترن ترن ترن 

_ "بنرفزه " وقته هو اصلها  وقته 

="تقوم بنهوض بسرعه " ههه عشان نوياك القذره 

_ بكره تقعي تحت ايدي وشوفي مين هينقذك 

= يلا يا مهزق ... اي دا شووكلاته لاء سمحتك خلاص

_ متنسيش تعدي الجمايل بقي... الو ..حاضر يا بابا جي 

= " وهي تمسك قطعه  الشوكلاته وتاكل منها  " اي في اي 

_"يمد يدها له وياخد قطعه ويقبل يدها " عادي عيزني... هرحله 

= ادهم !!!

_ اي دنا كنت ناوي انهرده علي كتير بس الحج بقي الله يسهلو 

= تعرف انك مشوفتش بربع جنيه تربيه 

_ عادي عادي مش جديده عيزا حاجه همشي 

= اشي سلام 

_ اميره

= اممم

_بحبك 

" قلبي بينبض بسرعه  حسه اني في عالم تاني ازاي قدر يحببني فيه كده مش عيب لما نبدا صفحه جديده لما نروح لشخص يستحقنا بجد يحبنا ويخاف علينا ويحترمنا احنا نستاهل نتحب بجد احنا نستاهل نفرح "

_نعم !!

ابو ادهم : انا اسف يبني 

_ بابا مستحيل قول انك بتهزر 

ابو ادهم : اذا فعلا عمل زي ما بقول الشركه هتقع يبني تعب ٢٥ سنه هيروح علي الفاضي ساعدني لان مش بايدي حاجه

_بس ده ابوها ازاي يعمل معاها كده 

ابو ادهم : قال انو لازم تنفصل عنها وترجع لتيسير تاني 

_ بابا دي حياتي مش هقدر اعمل فيها كده انا بحبها يا بابا بحبها 

ابو ادهم : انا اسف يبني والله انا اسف 

" لي يا رب الاختبار الصعب ده انا مش حمله والله ما حمله "

السكرتير : يا فندم مراتك بره 

_ اميره ... اي الي جبها هنا ...طيب دخلها  

تيسير : اهلا يا مدير 

_ انتي ازاي تيجي هنا انتي بتهزري امشي اطلعي بره مشفش وشك هنا تاني 

تيسير : اهدي بس "تقوم بالجلوس" انا لسه مقلتش الي عندي اقعد نتكلم 

_"يقوم بالجلوس امامها " بس برافو قدرتي تقنعي ابوكي يتقبلك بسرعه 

تيسير : دمعتين وحضن وشويه جروح مشو الليله بس اي رئيك عجبتك صح 

_ معرفش كنت غبي ازاي وحبيتك انتي واحده مغروره وجشعه 

تيسير : انت ملكي انا يا ادهم واذا مبقتش ليا هه مش هتكون لحد 

_ انتي لا يمكن تكوني طبيعيه انتي لازم تتعلاجي ..،انا همشي 

تيسير : هقتلهالك 

_ "يلف في صدمه "

تيسير: اي خايف عليها قوي 

_ اقسم بالله لو قربتي منها لدفنك حيه 

= ههه لسه شخصيتك بتجزبني يا ادهم يا خساره كنت غبيه ... بس مبهزرش اقدر يا ادهم اقدر امحيها من علي وش الدنيا 

 _ انا بكرهك بجد انتي وحده حقيره واذا لمستيها ...

= "بتقرب له " زي ما قلتلك اذا مبقتش ليا مش هتكون لغيري ...خد بالك من تحذيري كويس اذا بتحبها كده ابعد عنها احسن 

"ثم تتركه وتذهب"

___________________________________

= ادهم اخيرا رجعت كنت زهقانه لوحدي 

_ انا تعبان جدا هدخل انام 

= طيب اتعش....

=ادهم تعالي افطر يلا 

_ وريا شغل لازم امشي

= كل اي حاجه طيب 

_ مش هقدر يا اميره سلام 

= الو ... الساعه بقت10 وانا خايفه لوحدي هترجع امتي 

_ هتاخر انهرده نامي قبلي 

=ادهم مالك بقالك تلات تيام متجهلني ... هو في اي 

_ اميره احنا لازم نسيب بعض 

= ههه انت بتهزر صح

_ حاسس اني مش مرتاح ورجوع تيسير ده اكدلي اني لسه بحبها 

= ادهم انت بتضحك عليه صح قول انو ده مقلب طيب بابا قلك حاجه لو علشان الشركه هنعمل اننا هنسيب بعض وخلاص بس احنا هنتكلم انما انت اكيد بتهزر وبتضحك عليه  

_ اميره انا مبهزرش بتمني كل واحد يروح لحالو لاني مش مرتاح بجد انا رايح الشغل سلام 

"حقك علي قلبي والله انا اسف انا بموت الف مره وانا بتكلم بس ازاي اقلك انو اختك عيزا تموتك وابوكي عايزنا نطلق ويبعدك عني انا مش هقدر اقلك كده انا بجد اسف "

"حسه انو الدنيا كلها اسودت في وشي هو بجد قدر يقلها قدر يقولي اننا نبعد عن بعض اكيد في حاجه ادهم مش كده بس لي لي يعمل كده فيا "

ترن ترن ترن 

=الو يا ماما

ام ادهم : عيزاكي تعالي اقعدي معايه شويه 

= حاضر هلبس وجيه  

ام ادهم : مستنياكي 

="بدموع"يعني قلك انو هيسبني بجد قال اننا هنبعد عن بعض فعلا 

ام ادهم :"تقوم باحتضانها " انا اسفه يا بنتي والله هو قالي كده ومكنتش اعرف انو هيقلك بصي ده مفتاح شقه قريبه من شغلك اقعدي فيها فتره عبال ما الاوضاع تهدا وتستقر 

= مش عيزا اسيبو يا ماما

ام ادهم : ربنا يهديكو يا بنتي ويريح قلبكو انتو لسه صغيرين علي الغلب ده

" وفعلا روحت الشقه التانيه  حسه اني نسيت روحي هناك عنده ....ماسكني من قلبي مش عيزا اصدق انو هيسبني هو وعدني هيدنو جنبي علطول ...روحت توضيت وصليت ودعيت من قلبي اتعدي الفتره دي علي خير "

_ "بدموع" وحشتني اوي يا ماما 

ام ادهم : فهمه يا قلب ماما والله هتعدي هيه كويسه وانا هروح بين فتره وفتره اشوفها 

_ البيت فاضي من غيرها ضحكتها الي بشوفها كل يوم الصبح وتشغل اغاني وتصدعني ونتخانق وحشتني اوي 

ام ادهم :" تقوم بامساك يده وخبطها بلطف " هتعدي يبني والله مع انك انت الي قلتلي كده 

Flashback 

_ماما ماما 

ام ادهم : اهلا بابني الي مبشفوش غير في المناسبات مال وشك مخطوف كده لي 

_ محتاج خدمه منك ... بعد تلات تيام رني علي اميره وخليها تيجي وقللها اني قيلك اننا هننفصل وخدي مفتاح الشقه ده قريب من شغلها ومريح ادهولها بس متقلهاش انو انا الي مدهولك 

ام ادهم : لاء تفهمني براحه في اي 

_  انا هقلك الي حصل 

Back 

_ هخليهم يندموا علي الي حصل ده بوعدك يا اميره 

_____________________________________

= الو ...نعممم بابا عمل حدثه 

"جريت زي المجنونه بظبط كنت خايفه كنت عيزا ارن عليه كنت عيزا اقولو اني خايفه بس لاء هو مش عيزني ده حتي مفكرش يسال انا فين "

= طيب انهي مستشفي انا جيه حالا 

الدكتور: لازم راحه تامه عنده كدمات وجرح في رجله الشمال محتاج رعايه وحد يقف جمبه 

= انا اهو موجوده انا بنته قولي الدوه والعلاج وترتبهم وانا هعملهم 

"ابو اميره يراقب في ندم واحرج "

= ارفع رجلك ايوا شويه كمان كمان

ابو اميره : اااه كفايه مش قادر 

= خلاص كفايه انهرده 

= بص عملالك اكله رووعه 

ابو اميره : لسه فكره الاكله الي انا بحبها 

= طبعا دي من اهم الاطباق عندي 

ابو ادهم : ........

= وبعد كده البطل قالها لف عليكي  عقرب يموتك يا بعيده  ههه

ابو اميره : ههههه مش قادر وبعدان 

= وبعدان ....

" دني حوالي اسبوع مع بابا مرات ابويا وبنتها مزروش بابا  غير مره في المستشفي ناس كتير ايجو يزروه بس هو لاء معقول عشان عارف اني هنا مجاش هو بجد معدش بحبني "

ابو اميره : بتفكري في اي 

= ها لاء مفيش

ابو اميره : عمله اي مع ادهم 

="ضحكه بالم" لسه فاكر تسال علي كده ول فكرت تكون جنبي في اي حاجه اعرف اني وقفت جمبك لان ده وجبي بس مش سمحتك ول هسمحك وموضوعنا انا وادهم خلص خلاص 

ابو اميره : يا بنتي انا والله ...

= متبررش حاجه كل حاجه ضاعت مجتش عليه ...عن اذنك هروح اودي الاكل ده وامر علي الناس بالمره 

بعدا سااااعه ...."يقوم ادهم بدخول "

_ اهلا يا عمي انت كويس

ابو اميره: بخير يبني فينك 

_ كنت في ضغط بقي من بعد ما مشيت والشركه في حاله فوضي فوق كده ونشف يا وحش 

ابو اميره : ههه ماشي يبني قربت اطلع ان شاء الله 

_  اي رئيك تستاهل الي عملتو معاها 

ابو اميره : .....

_ اوعي تفتكر ان هيه ممكن تبعد عني كل ده ومكنش جمبها بالعكس انا بشوفها كل يوم بتجيلك كل يوم بتهتم بيك اه ممرضه بس اعيطها وخوفها عليك وسهرها طول الليل جمبك ده بردو عشان ممرضه قولي مراتك وبنتك ايجو كام مره قولي تيسير الي هي اغلي ما ليك دي عملت عشانك اي هربت وضيعت شرفك وسرقت فلوسك ودمرت مكانتك واميره الي شالت الليله وفي الاخر عيزني أطلقها وتجوز تيسير

 

ابو اميره : انا اسف يبني والله العظيم اسف ندمان و استاهل انها ترميني ومتسالش فيه بس انا الي غلطان رغم كل حاجه وحشه عملتها صنتني ووقفت جمبي ومسبتنيش كنت معمي بشويه ناس فلصو همهم الفلوس بس بوعدك هصحح ده 

_ اهلا بيك في العيله يا حمايه 

ابو اميره : سمحوني يا ولاد انتو بجد قدرتو تثبتولي انو الحب والاهتمام والاخلاص اهم من اي حاجه تغور الفلوس قصاد شخص بحبك بجد يصونك ويقف جمبك  في مرضك 

= بابا انا لازم .... ادهم 

_"بهمس" خد بالك منها ها في موضوع كده هخلص منه وهاجي اخدها منك 

ابو اميره :"بهمس" في الحفظ وصون وطول علي قد ما تقدر عشان عايز اشبع منها 

_ احم طيب هستاذن انا "وهو يخرج"

= ورقتي لسه موصلتنيش علفكره 

_ ول عمرها هتوصلك علي فكره "يقوم بالخروج"

ابو اميره :"يبتسم في صمت "

_ احم انا هروح اريح شويه وهجيلك بكره الدوه يتاخد في معاده و...

ابو اميره : اميره

_ اممم

ابو اميره : تعالي اقعدا قصادي .... انا اسف يا بنتي عارف اني جرحتك كتير فرقت بينك وبين اختك كتير بس فين اختك انتي الي شلتيني علي راسك ووقفتي جمبي لو عشت طول عمري ارد جميلك مش هعرف 

_  " تقوم بحتضانه "وحشتني يا بابا 

ابو اميره : بحبك يا قلب بابا 

_________________________________

تيسير: كنت عايزني في اي هترجعلي صح 

_ اه انا سبتها بقالي فتره وعرفت اني كنت غلطان

تيسير : لازم اهددك بموتها يعني عشان توافق ههه نورت مكانك يا ادهم 

_ كنت عرفه اني سبتها 

تيسير : اكيد ول اني متاكده انك سبتها وانك رجعتلي مكنتش سبتهالك تعيش 

_ مكنتش تقدري تاذيها 

تيسير: انت فاكر انو دي حاله التهديد  الوحيده ههه انا قتلت قبل كده 

_ مش خايفه اني اقول لحد

تيسير : محدش هيصدقك لانك ممعكش دليل ومش انت ارجعتلي ول اي 

_ احب اقللك انو كل ده اتسجل و تبعت لشرطه وخلال دقيقتين بكتير ههه ول دلوقتي 

المفتش: انسه تيسير انتي مقبوض عليكي بتهمه التهديد ومشبوها في قضيه قتل تم التاكد منها اتفضلي معانا 

تيسير: مش هسيبك يا ادهم هدفعك التمن سبوني انا معملتش حاجه هو كداب سبوني بابااا

" وبالفعل تيسير تقبض عليها وابو اميره طلق مراته وبقي هو وحماتي وحمايه مع بعض كده ومتسلطين علينا "

_ وحشتيني 

=جاك قلب تبعد عني كل ده 

_ كنت خايف عليكي اعمل اي بس 

= ومش عارف يا خويا تضربها بلحه في دماغها بعضلاتك دي ول لزينه بس 

_ ههه بحبكك اقسم بالله 

=ادهم هنتاخر علي الطياره بسرعه 

_ بالطبليه الي علي دماغك دي ول ايطاليانو وكده 

= دي من العتبه ب25 جنيه يابا 

_  لاء صريفه وبتحبي ادلعي نفسك 

= ادهم ادهم استني دقيقه "تقوم بالخروج من السياره "

_ ريحه فين ❤

= اجيب الشوكلاته الي في تلاجه ❤

* تزوجتك بالاجبار فكان عالم اخر اذا اجبروني عليه كل يوم ما مللت منه فكان يشبهك في وسامتك وكان يشبهني في حبي لك *💟💟💟

End

#بتمني النهايه تعجبكو ❤❤❤❤💟

#رايكم في كومنت يشجعني لاني بتشجعك بكلمكه جدا ورايكم في نهايه 💟💟😌

#دمتو ليا مشجعين 😘😘😘.