#جاهله_الجزء_الثاني
#البارت ده هنعرف الشخصيات و تذكير للأحداث .
#بقلم_زوزه (Thę Quëëŋ).
قمر : هي بطلة روايتنا بنت محجبه بشرتها بيضه وعيونها زرقاء مثل لون السماء من يراها يسحر بجمالها فهي تشبه الاطفال بعفويتها وضحكتها تبلغ من العمر ٢٢ سنه تدرس في كلية طب في امريكا .
حسام : ده بطلنا عنده ٣٠ سنه شغال دكتور جامعي في كلية صيدله درس ففي الخارج من ثم رجع وتعين دكتور في كلية صيدله ذو بشرة قمحية وشعر بني ويشبه الممثلين كثيرا .
عدي : ده شاب لبناني من الاب ومصري من آلام عنده ٢٦ سنه كان عنده شركة هندسه صغيره في الاول وبعد كده بقيت شركة كبيره ومعروفه بشركة the moon القمر عدي ده كان شغال بجوار الشركه بيدرس في مدرسه خاصه بوالده ولكن ترك العمل بها منذ أربع سنوات واهتم بالشركه فقط وأصبح طبعه يختلف عن الماضي فأصبح أكثر جديه أكثر عصبيه ولكن كانت النساء يطمعون بماله وجماله فهو ذو شعر اصفر علي بني وعيون خضراء وبشرة قمحيه ولكنه كان لا يهتم بأحد فقلبه ملك واحدة فقط .
رزان : فتاة تبلغ من العمر ٢٥ عام تعمل دراسات عليا في امريكا في كلية طب ذو شعر أحمر ناري وعيون خضراء وبشرتها بيضاء فهي حقا جميلة جدا وذات قلب طفولي صديقه قمر في امريكا وهي التي ساعدتها في الهروب من لبنان .
شمس : ابنة خالة قمر ملامحها تشبه ملامح قمر إلي حد ما ولكنها ليست محجبه تخرجت من كليه تجارة وأصبح عمرها ٢٤ سنه تعمل مع عدي في الشركه ويحاول الاثنان الوصول إلي قمر ولكن دون فائده .
تذكير احداااث .
عندما كانت قمر تبلغ من العمر ١٨ عام توفي والدها ووالدتها فذهبت لتعيش عند خالها الحاج احمد رجل طيب يحب أن يري قمر سعيده ديما كانت قمر تعيش معه هو وزوجته ولكن كانت زوجته تكره قمر وتعاملها مثل الخدم فيوم اتيت إليها عمتها وحسام ابن عمتها واتوا لكي يطلبوا يد قمر ولكن كان حسام مجبور علي هذا اتيت إليهم قمر وانبهر حسام بهياتها الجميله فهو لم يراها منذ زمن طويل وهي ايضا انبهرت بجمالها فهي كانت تحبه منذ الطفولة ولكن لم تفحص مشاعرها لاحد من قبل قام حسام واخذ قمر معه للبالكون الخاص بالمنزل ليتحدثوا معا قليلا فقال لها حسام بقل قسوة أنها فتاة جاهله لم تتعلم ولا تفقه شئ في الحياة وظل يحدثها فتره ويكسر قلبها وبعد مدة دخلوا فرفضت قمر بكل زوق .
بعد مدة ذهبت قمر إلي خالتها نعمة التي تعيش في لبنان لكي تدرس في مدرسه خاصه لمدة اربعه سنوات وكانت خالتها وزوجها وابنة خالتها يساعدونها واتوا لها بشاب جار لهم اسمه مصطفي أن يدرس لها بالبيت بجوار المدرسه وكان مصطفي هذا تحبه شمس وظلوا هكذا .
تعرفت قمر علي مدرس الرياضيات الخاص بها وهو عدي فكان ونعم الصديق والاخ لها كان يدعمها كثيرا ويقف معها كثيرا كانوا قريبين في العمر بداو يخرجون سويا وكان عدي يعاملها بكل حب فهو اعتبرها صديقته الوحيده راهم مره حسام فحصل مشكله بين حسام وقمر وعدي عندما ذهب حسام للبنان ليعتذر منها ويطلب يدها للزواج مره اخري فهو احبها كثيرا ولكن هي رفضت وتحججت أنها لا تريد ذلك الآن ولم تقل له شئ عن تعليمها .
ذات مره دعي مصطفي شمس الي مطعم وقال لها أنه يحب قمر بشده صدمت شمس بشده وذهبت بسرعه لكي لا يلاحظ عليها ولكن كانت تدخل الي المطعم قمر ومعها حسام وعدي اللذان اتي معها فوجدة شمس هكذا فذهبت وسألتها فقالت لها شمس طلع بيحبك انتي وطلعت تجري وهي بتعيط ذهبت قمر خلفها بسرعه وهي لا تفهم شئ غير أنها علمت أن الموضوع بخصوص مصطفي ذهبت تركض خلفها ولكن صدمتها عربيه أثناء لاحقها بشمس أخذها حسام وعدي الي المستشفي ومعهم شمس ظلوا هكذا مده وبعدها خرجت قمر من المستشفي ولكن لم تريد أن تعيش مع خالتها بسبب مع حدث مع شمس بسببها فاشتري لها حسام منزل في لبنان واتي لها بمربيه وخادمه وحارس للمنزل ظلت قمر تدرس في لبنان اربعه سنوات وكانت متوفقه جدا .
بعد انتهاء مدة دراسه قمر اتي عدي وقال لها أن لها منحة في امريكا ولكن هي لم توافق ولكن صدمها شئ آخر وهو طلب عدي منها الزواج وهي كانت تعتبره مثل اخاها وصديقها فقط فهي تحب حسام ظل عدي يقول لها مدي حبه لها وعشقه ولكن هي لم توافق ولكن وسط هذا الحديث اتي حسام وسمع كلام حب عدي لقمر فاقتنع أن قمر كانت تقعد اربع سنوات في لبنان من أجل حبها لعدي وهو لم يعلم شئ عن دراستها صدمت قمر من حسام ولكن حسام اتي وجرحها بكلامه مره اخري فهو لا يفعل شئ الا جرحها .
ذهبت قمر إلي امريكا دون علم أحد وتركت لحسام رساله تخبره بها كل شئ وعن دراستها فندم حسام بشده ....
دي احداث الروايه.
تفاعلوا ياريت .
#جاهله_الجزء_الثاني
#البارت_الاول.
#بقلم_زوزه (Thę Quëëŋ).
اللهم صلي وسلم علي رسول الله .
_ يا ماما هتجنن مش عارف هي راحت فين اختفت من لبنان ومحدش عارف انها حاجه خاالص .
*كله منك يا حسام كل مره تظلمها حب ايه ده اللي تحبه ليها وانت علي طول بتظلمها ربنا يسامحك يابن بطني .
_ بحزن ولله العظيم بحبها يا امي بحبها اووي لكن هي اللي بتكدب عليا وآخرة الكدب وحشة يا امي.
* اللي بيحب بيكون عنده ثقه في حبيبه حتي لو شافه في اسوء الصور لازم يكون واثق في حبيبه لازم يحطله ألف عذر لغاية ما يفهم منه مش تجريح كلام كل مره تجرحها وهي تسمحك لغاية ما طعنتها في شرفها وأنها قاعده هناك عشان اللي ما يتسمي عدي واهي طلعت بتتعلم عشان تفرحك بيها وفي الاخر سابتك وسابته وهربت يعيني عليكي يا قمر من اللي شوفتيه .
_ يا امي هي غلطانه بردو هي خبت عليا ليه وليه تصاحب عدي وليه تكدب عليا يا ماما بردو هي غلطانه .
*هي اه غلطانه لكن انت غلطك اكبر منها وبعدين انت غلطاتك كتيره وهي كانت بتسمحك انت غلطت ولازم تدور عليها يا ابني دي بنت اخويا وانا عايزها يا حسام ده هي اللي فضلالي من ريحة اخويا بقلم زوزه .
_تحدث بحزن حاضر يا امي حاضر وقام خرج من المنزل بالفيلا بأكملها .
______________________________________
في لبنان .
' يا عدي يا ابني لازم تهتم بنفسك شويه انت معتش بتاكل من يوم ما قمر اختفت .
: طول ماهيا مختفيه مش عايز حاجه من الدنيا دي غيرها .
' انا معتش متكلمة خلي ابوك يكلمك هو انا تعبت ثم نظرت إلي زوجها ليحدثه .
: نظر إلي والده كأنه تذكر شئ ثم قال بابا هي منحة امريكا اللي كانت قمر مفروض تاخدها حصل فيها .
.. نظر له والده بارتباك ثم قال مفيش يابني انت زي ما عارف هي ايجت سحبت الملف وسلمت عليا ومقالتش حاجه تانيه والمنحه اديتها للطالبه تانيه .
: نظر له بخيبة أمل وقال يعني مش هعرف الاقيها .
.. قام وربت علي كتف ولده وقال اجمد يا عدي وبعدين قمر زمانها بتشوف مستقبلها وانت فوق لشركتك وارجع المدرسه تاني .
: نظر له بحزن وقال مش هرجع المدرسه تاني طول ماهي مش موجوده انا رايح الشركه عن اذنك ثم قام وذهب الي شركته التي قام بتغير اسمها الي The moon القمر.
__________________________________
في امريكا .
نجد بطلتنا تصلي وبعد أن انتهت قامت بتغير اسدالها إلي ملابس مريحه فاليوم إجازة لديها من الجامعه ارتديت بجامه مريحه ورفعت شعرها الي الاعلي وذهبت لتعد الطعام لها ولصديقتها وبعد مدة انتهت من إعداد الطعام وذهبت لتحدث خالها الذي يحدثها يوميا.
~كده يا قمر اتاخرتي عليا ليه في المكالمه .
_ مفيش يا خالو انهارده إجازة وصحيت متأخرة قومت عملت الأكل عقبال ما رزان ترجع من الشغل بتاعها وكلمتك علي طول متزعلش بقا .
~ مقدرش ازعل منك يا حبيبتي .
-حبيي يا خالو عامل ايه .
~ بخير يا بنتي وانتي عامله ايه محتاجه حاجه عندك ناقصك فلوس ابعتهالك يا بنتي .
- لا يا خالو ربنا يخليك ليا مش ناقصني حاجه الحمد لله .
~ ماشي يا غاليه لو عاوزتي اي حاجه قوليلي وانا ابعتلك علي طول .
- ربنا يخليك يا خالو بس كده كتييير .
~ ده كله من خير أبوكي وارضك يابنتي .
- بحزن وحشني هو وماما كتييير يا خالو .
~ متزعليش يا بنتي ده عمرهم وبعدين ايه انا مش مكفيكي والا ايه .
- ربنا يخليك ليا يا حبيبي ياااارب .
~ ويخليكي يابنتي يااارب هقفل انا بقا عشان مرات خالك شكلها بتصنت هتموت وتعرف انتي فين .
- هههههه ماشي يا حبيبي خد بالك م نفسك .
~ مع السلامه يا بنتي وقفل معها .
ظلت جالسة وبعد مدة دخلت عليها رزان .
؛ قمررررر يا قمررررر .
- وطي صوتك شويه انا اهو .
؛ لك اشتقتلك اكتييير .
- كنت معاكي امبارح بالليل وانتي سبتيني ومشيتي الصبح وانا كنت نايمه .
؛ طيب لك شو سويتي الينا اليوم .
- انتي كان نفسك في ايه .
؛ كان بدي كتيير المحشي المصري .
- وانا عملته ليكي يا ستي .
؛ ربنا يخليكي آليا يا قمري انا وظلت تقفز مثل الاطفال .
بعد مدة انتهوا من الطعام .
ومرت عليهم الايام هكذا بين اشتياق فرح تكوين صداقه جديده حب ....
بعد مرور ثلاثة أشهر لم يحدث بهم شئ .
في يوم ما .
كانت تجلس تبكي بصمت وتنظر الي الفراغ جلست بجوارها صديقتها وقالت لك شو بيكي يا قمر .
- نظرت لها بحزن ولم تتكلم ثم نظرت إلي الفراغ مره اخري .
؛ ليش ما بدك تحكيلي شو صار ليش تركتي لبنان والأصل ليش تركتي مصر من الاول .
- ظلت تنظر إلي الفراغ وتبكي بصمت .
؛ مابدك تحكي كيف ما بدك بس كوني واثقه اني ديما معك ثم قامت وتركتها.
- ظلت تنظر للفراغ وتتذكر تلك المكالمه ...
فلاش بااك .
- ازيك يا خالو وحشتني اووووي .
~ وانتي كمان وحشتيني كتييير يا قلب خالك ها عامله ايه يا دكتورتنا .
- بضحكه لسه مبقتش دكتوره يا خالو ده انا لسه في الكليه .
~ بردو دكتوره وقمر يا بنتي ولله انا فخور بيكي اووووي .
- شكرا يا خالو علي كل حاجه بتعملهالي .
~ يا حبيبه خالك انا مبعملش حاجه وبعدين انتي مش ناويه تقولي لخالتك علي مكانك .
- مش عايزه حد يعرف يا خالو انا حكيتلك عن كل حاجه بس مش عايزه حد يعرف مكاني عايزه أفضل بعيده وخالتو انت بطمنها عليا .
~ ماشي يا قمر اللي انتي عايزاه يا بنتي انا لولا كنت مقدر حالتك مكنتش هخليكي تسافري لوحدك بس انا عارف انتي علي ايه وواثق فيكي يا بنتي .
- وانا هكون ديما قد ثقتك فيا يا خالو وهخليك فخور بيا .
~ ده اللي واثق منه يابنتي صحيح عمتك جات سألت عليكي تاني.
- اوعي تكون قولتلها حاجه يا خالو .
~ لا يا حبيبه خالك استني كده يا حبيبه خالك أما اشوف مراتي بتنادي ليه .
- ماشي انا معاك علي التليفون يا خالو .
~ده صوت عمتك هقفل انا وشويه كده اكلمك .
- لا خليتي معاك علي التليفون وحشني صوتها .
~ ماشي يابنتي ثم وضع الهاتف بجواره ورحب بام حسام وقال يا اهلا منوره يا ام حسام .
* ده بنورك يا حاج عامل ايه .
~بخير انتي عامله ايه وحسام عامل ايه .
* بخير الحمد لله كنت عايزه اسالك علي قمر يا حاج .
~ قمر بنت اختي في الحفظ والصون يا ام حسام .
* بس انا عمتها وعايزه اطمن عليها .
~ دي رغبتها يا ام حسام وانا مقدرش اغصبها علي حاجه .
* ماشي يا حاج اهم حاجه تكون بخير المهم انت مهزوم علي خطوبه ابني يوم الخميس الجاي أن شاء الله .
~ مبروووك هو حسام هيخطب .
* الله يبارك فيك ايوه هيخطب واحده زميلته .
~ ربنا يتمم علي خير بس انتي عارفه يا ام حسام اني مليش في جو الحفلات ده فمش هعرف اجي واسيب الأرض والمشاغل اللي هنا .
* ماشي يا حاج بس ولله كنت عايزاك تنورنا .
~ معلش في الفرح يا ام حسام أن شاء الله تتعوض .
* ماشي يا حاج استأذن انا بقا .
~ لا اقعدي نأكل لقمه سوا .
* معلش يا حاج يدوب الحق عشان أعظم باقي الحبايب واروح .
~ ماشي يا ام حسام ربنا معاكوا ومبروووك لحسام تاني .
* الله يبارك فيك يا حاج ثم تركته وغادرت .
~ بعد أن غادرت تحدث مع قمر وقال متزعليش نفسك يا بنتي .
- تحدثت بدموع يعني هو نساني يا خالو .
~ يا حبيبة خالك هو اللي خسران سيبك منه وركزي في الكليه بتاعتك عايزك دكتوره كبيره وافتخر بيكي قدام البلد كلها .
- بدموع حاضر يا خالو هقفل انا بقا .
~ ماشي يا حبيبه خالك خدي بالك من نفسك .
- ماشي يا خالو مع السلامه وقفلت معه .
باااك .
- ظلت مثل ما هي تنظر إلي الفراغ بدموع وتقول بينها وبين نفسها نساني بس هو اللي شك فيا هو اللي ظلمني هو اللي مسمعنيش هو اللي كل مره بيجي عليا بس لا يا قمر فوقي لنفسك انتي لازم تتعلمي وتتفوقي ولما ترجعي تكوني حاجه كبيره تخلي الكل يتمني رضاكي فوقي يا قمر لنفسك ثم قامت من مكانها وذهبت لتتوضا وتصلي ....
________________________________________
في مصر .
_ كان يجلس بحزن وهو ينظر إلي والدته ويلبس بدلته فاليوم موعد خطبته علي تلك زميلته فهو لا يطيقها ولكن مجبور علي هذا .
* يا حسام خلاص بقا اعمل ايه فكرت لما اعمل كده هعرف اكلمها أو اوصلها ماهي الغيرة اللي بتحرك الحب يابني .
_ بس مش بالطريقه دي يا امي ده تهور تروحي تعزمي خالها والناس وانتي اصلا لسه مكلمتنيش ولا كلمتي حتي أهل العروسه بقلم زوزه.
* معلش يابني انا عرفت من مرات خالها أنه هو بيكلمها جوا ومش عاوز حد يسمعهم ولا يعرفهم واللي مرات خالها قالته أنه هي هتبقي دكتوره بس ازاي معرفش يابني .
_ بنظرة شك دكتورة طيب كويس انا هدور في كل كليات الطب في مصر علي اسمها وان شاء الله هنلاقيها وهدور في لبنان مع أنه مستحيل أنها تقعد لوحدها في بلد بعيده عن خالتها أو خالها وخالها مش هيسمح بكده اكيد هتبقي في مصر .
* بنظره امل ياااارب نلاقيها يااااارب.
_ طيب والعروسه اللي ادبست فيها دي يا امي اعمل ايه ده كتر خيرهم أنه ردوا في الميعاد المستعجل بتاعك ده .
* بعد فتره سيبها وقولها كل شئ قسمه ونصيب اتحجج باي حاجه تعملها وسيبها عشان ميبقاش الغلط عليك .
_ اووووف يارب صبرني واستحملها انهارده .
* يلا يابني الناس كلها في الفندق والعروسه زمانها علي انتظار .
_ الهي تولع انا مالي .
* يابني معلش تعالي علي نفسك عشان خاطري .
_ حاضر يا امي حاضر .
ولم يأخذوا بالهم عندما اتو للخروج من ذلك الذي سمع كلامهم .......
#جاهله_ الجزء_الثاني.
#مين اللي سمع حسام وأمه ؟؟؟؟؟؟
# ايه اللي هيحصل في الروايه ؟؟؟؟
توقعاتكواااااا.
#جاهله_الجزء_الثاني .
#البارت_الثاني.
#بقلم_زوزه (Thę Quëëŋ).
خرج حسام ومعه والدته ولم يأخذوا بالهم من الذي سمعهم وسبقهم إلي غرفة أخته قبلهم فهو اخ ميار ويسمي احمد ويبلغ 25 سنه من العمر ولكنه شاب طايش يعشق الفتيات عندما يري واحده يريدها أن تكون له مهما كان .
بعد دقائق طرق حسام ووالدته باب غرفة ميار فوجدوها ترتدي فستان بلون السماء عاري الصدر ذو أكمام من الشيفون مرصع بورود صغيره من علي الصدر وحزام من المنتصف ومفتوح من علي الرجل الشمال .
_نظر لها حسام بصدمه ثم تحدث بعصبيه وقال ايه القرف ده مش عارفه تجبيه مقفول شويه والا ايه .
" نظرت له ميار بمبالاة وقالت عادي ده كده محترم عشانك يا بيبي انا عارفه انك بتضايق من الفساتين المفتوحه وبعدين ده سمبل جدا ثم نظرت لوالدته وقالت ايه رايك يا طنط حلو صح .
* نظرت لها بمبالاة وقالت حلو ياروحي يلا يا حسام خد عروستك وانزل اتاخرنا علي المعازيم ثم قامت بخبطه في يده خبطة خفيفه .
_ اوما حسام برأسه لها ونزل إلي الأسفل معها .
نزل حسام وميار وكانت ميار لا تترك يد حسام نهائيا وتلقوا التهنئه من الجميع معا .
طلب منهم الدي جي الرقص معا قام حسام وهو غاضب فهو لا يحب تلك التي تقعد معه فهو يحب قمره الصغير يحبها بخجلها بهدوئها بحجابها بعيونها التي تأخذه الي الجنة عندما ينظر بهما فهو حقا يشعر بالراحه فقط عندما يتذكر ملامحها ظل يتخيل قمر ومدي حبه لها وكم يعشقها وهو يرقص مع ميار بعد مدة انتبه حسام الي صوت التصقيف وفاق من تخيله الي حبيبة قلبه ظلت هكذا حفلة الخطوبه إلي أن انتهت وذهب كل منهم الي بيته .بقلم زوزه .
_________________________________
في امريكا .
في الصباح في الجامعه التي تدرس بها قمر .
- كانت تقعد غير منتبها لشئ في المحاضره التي كانت تحضرها بثيابها الواسعه فكانت ترتدي جيب شيفون باللون البيج و قميص واسع من اللون الابيض وطرحه بيضاء وكوتش ابيض ظلت غير منتبهه إلي أن قال الدكتور المحاضره بعصبيه : Oh, Arabic, pay attention to here. We are here to learn, not to think, for you are really an ignorant people, and you do not understand anything.
(ايتها العربيه انتبهي الي هنا نحن هنا نتعلم ولسنا للتفكير فانتم حقا شعبا جاهل لا تفقهون شئ .)
- نظرت له بغضب ثم قالت
We are not an ignorant people, we are an Arab people, and we are proud that we are from the Arabs. The Qur’an was revealed in the Arab countries and all civilizations learned from the Arabs in the past. You used to take your knowledge from our Arab countries.
(نحن لسنا شعب جاهل نحن شعب عربي ونفتخر اننا من العرب فالقران نزل في الدول العربيه والحضارات جميعها تعلمت من العرب قديما كنت تاخذون علمكم من بلادنا العربيه )
..نظر لها بغضب وقال :
You are ignorant states, so look at your clothes, what are these clothes, and then you are the ones who learn from us. We export knowledge to you so that you come to learn here.
(انتم دول جاهله فانظري الي ملابسك ما هذه الملابس ثم انتم الذين تتعلمون منا فنحن نصدر اليكم العلم حتي انتي اتيتي لتتعلمي هنا .)
... قامت طالبة ليست محجبه ولكن ملابسها محترمه وقالت (
We, the Arabs, we dressed, even our Christians wear wide clothes too. We are Muslims or Christians. We Arabs are in one hand, and we exported knowledge to you. From our theories, you learned.
(نحن العرب هذا لبسنا حتي المسيحين منا يرتدون ملابس واسعه ايضا نحن مسلمين كنا او مسيحين فنحن العرب ايد واحده ونحن صدرنا العلم لكم فمن نظرياتنا انتم تعلمتم.)
ظلوا هكذا يتناقشون إلي أن قام طالب بهيبة كبيره يدعي زين عابدين ( هيبقي بطل الرواية الجديده )
وقال باللغه العربيه الفصحى ؛ انا ساتحدث معك بلغتي الام فأنا افتخر بها جداا أما نحن العرب فنملك كل شئ لدينا ثروات الله جميعها هذا لبسنا لان الله عز وجل كرم المرأة جعلها تغطي جسدها بالكامل لكي تكون من أجل زوجها فقط يتمتع بها هو بجمالها وليست سلعة للكل يراها فنحن نحافظ علي نساءنا أما العلم فالعالم جميعا يعلم انكم انتم من أخذتم العلم منا نحن اصحاب النظريات وأساسها ولكن انتم طبقتهم بعد منا وكل علمائكم الكبار حتي الاني تجد أصولهم عربيه احنا أمة محمد صلى الله عليه وسلم كرمنا الله احنا العرب هنفضل ايد واحده ديما .
قام صديق له يدعي كريم وترجم ما قاله الي الجميع ثم ذهب الي الدكتور الخاص بالمحاضره وهمس له في أذنه وقال ( زين عابدين صاحب شركات عابدين الامريكيه الخاصه بالمعدات الطبيه المصدر والمصنع الوحيد لي الادوات الطبيه داخل بأسهم في الجامعه ب 50 في المئه ياريت نعرف انت بتكلم مين ثم تركه وذهب الي مقعده مره اخري ) .
.. بلع الدكتور ريقه بصعوبه وقال :
The lecture ended. We meet next week, and every opinion is respected and left quickly.
(انتهت المحاضرة نلتقي الاسبوع القادم وكل راي يحترم وغادر سريعا .)
بعد أن خرجوا من المحاضره ذهبت تلك الفتاة باتجاهه قمر وقالت ازيك انا مرام مصريه وانتي .
- نظرت لها ثم مدت يدها وقالت قمر مصريه بردو .
• مسلمه صح .
- الحمد لله وانتي .
• مسيحية فينا نكون صحاب انا لسه جديده هنا ومعرفش حد .
- بابتسامه اكيد ومصريين شبه بعض بقا اكيد هنفهم علي بعض .
• ضحكت وقالت اكيد ده انا وحشني الاكل المصريه بطريقه مقولكيش .
- نظرت لها بضحك وقالت خلاص يا ستي انتي معزومه علي الاكل عندي انهارده هيعجبك .
• نظرت لها بفرحة طفلة وقالت بجدد .
- ايوه بجد ثم نظرت إلي ذلك الصوت الذي يقول يا آنسة لو سمحتي يا آنسة ثم ذهب باتجاههم هو وصديقه وقال السلام عليكم .
ردو السلام وقالوا عليكم السلام .
- شكرا جدا ليك لولا تدخلك مكنش الموضوع هيتقفل .
• مرام بفضول وشكرا ليك يا استاذ انت حضرتك اسمك ايه .
. كريم .
• شكرا ليك يا استاذ كريم بس هو حضرتك قولتله ايه عشان يخاف ويخلص المحاضره بسرعه .
. ضحك كريم وقال ولا حاجه عرفته علي زين ثم شاور عليه وهو مين وبس .
- بعدم فهم ازاي هو مين مش فاهمه .
.. زين بابتسامه تسمحوا لي اعزمكم علي عصير ونتعرف علي بعض .
- نظرت له بتوتر وبحزم نوعا ما ثم قالت لا مينفعش احنا اكيد مصرين زي بعض بس ده ميسمحش أننا نتصاحب أو او .
..نظر لها بضحك ثم قال متخفيش من حاجه انا زين عابدين صاحب شركات عابدين وده الكارت بتاعي ياريت لو احتاجتي اي حاجة تكلميني انا في الخدمه ديما واحنا اولاد بلد واحده .
- اخذت منه الكارت بهدوء وقالت شكرا .
.. العفو يا ستي اسمك ايه .
- اسمي قمر ودي مرام .
.. فعلا اسم علي مسمي المهم انا همشي واعتبريني اخوكي لو عاوزتي اي حاجه هنا كلميني وانا مش هتاخر أن شاء الله انتم زي اخواتي ثم نظر لمرام وقال حتي لو الديانه مختلفه آنسة مرام بس احنا اخوات وأولاد بلد واحد ثم تركهم وذهب هو وصديقه .
( بطل روايتي الجديدة الولا ده موووز اوووي بس مش هقولكوا دلوقتي 😂❤️) .
ذهبت مرام مع قمر الي المنزل ووجدوا رزان هناك تركتهم قمر مع بعضهم ثم ذهبت الي اعداد الطعام من أجلهم وتعرف الفتيات الثلاثة علي بعضهم ....
____________________________________
في لبنان .
في شركة The moon .
كان يجلس في مكتبه ويراجع بعد الأوراق دخلت عليه السكرتيرة وهي تقول : مستر عدي هلا ميعاد الاجتماع مع الشريك المصري الجديد .
: قام وأخذ الملف بيده وقال ماشي .
ذهب عدي الي مكان الاجتماع ورحب بصديقه الجديد حمزة وقال : ازيك يا حمزة .
حمزة بضحك : يا مرحب يا مرحب بعدي باشا عامل ايه .
: الحمد لله ايه اخر الاخبار في فرع مصر .
''' علي اخر السنه هيكون جاهز من كله .
: شكرا ليك يا حمزه انا عارف اني متقل عليك في مصر .
'''ياعم متشلش هم المهم ملقتهاش يا صاحبي انا بدور عليها في مصر بس مهياش موجوده محدش يعرف مكانها خالص .
: ياتري انتي فين يا قمر نفسي الاقيها يا صاحبي ثم مسك سلسلة خاصة بها التي كان اتي بها لها في عيد مولدها وقال وحشتني اوووي يا صاحبي نفسي اشوفها اطمن عليها مشيت وهي زعلانه مني ده انا فضلت معايا الاربع سنين عمري ما زعلتها ثم تحدث بقهر وقاال واخبار حسام ايه .
''' مفيش زي ما هو بس خطب زميلته اسمها ميار مره واحده علي أنه باين أنه مش بيطقها بس خطبها .
: طيب وايه سر ورا الموضوع ده .
''' معرفش يا عدي بس هو كان في حفلة الخطوبه ديما سرحانه وكأنه مش موجود تحسه بيفكر في حد غيرها .
: تحدث بحزن وقال اكيد بيفكر فيها هو اللي يعرفها يقدر ينساها أو يطلعها من باله ربنا يحميكي يا قمر ماطرح ويرجعك لينا تاني حتي لو هشوفك من بعيد بقلم زوزه .
''' هتلاقيها يا صاحبي أن شاء الله .
: يااارب يا صاحبي حااسس ابويا عارف مكانها بس مش راضي يقول .
''' حاول معاه وات شاء الله هيقولك .
: أن شاء الله .
''' امسك ده الملف واخر تطورات الفرع الجديد وانا هروح البيت لان لسه مريحتش من السفر .
: ماشي شكرا يا صاحبي .
''' العفو مع السلامه .
: ظل هو مكانه يفكر بها ثم أخرششج هاتفه وأخرج صورهم معا وهم يضحكون ويهزرون سويا فكانت طفلة في كل تصرفاتها ظل ينظر إلي صورها وعيناه بها الدموع ظل هكذا مدة ثم قال ارجعي يا قمري ارجعي وانا اعملك كل حاجه كل اللي نفسك فيه هعمله سامحيني يا قمر عشان خاطري سامحيني انتي وحشتيني اووووي ارجعي وانا هعملك كل حاجه نفسك فيها بتحبي حسام هخليه يتجوزك مع أنه ميستهلكيش وخطب واحده تانيه بس لو عايزاه هجبهولك هعملك كل اللي نفسك فيه بس اشوفك سعيده يا قمر وحشتيني اووووي وظل هما مده يبكي علي حبيبته وصغيرته التي عشقها ......
________________________________________
في مصر
في منزل حسام بعد أن عاد من خروجته مع خطيبته ميار نادي علي والدته وقال : ماااما يا ماااما .
* ايه يا حسام يا ابني عايز ايه .
_ انا اخدت قرار بخصوص موضوع ميار يا ماما .
* ايه يابني خير مينفعش تسيبها دلوقتي انتوا لسه خاطبين بقالكم مدة صغيره مينفعش .
_ بس انا مش هسيبها يا ماما .
* امال هتعمل ايه يا ابني
_ انا قررت اني افضل مع مياار يا ماما انا مش هسيبها انا مينفعش اسيبها يا بابا ......
* نظرت له بصدمه وقالت يعني ايه يا حسام .
_......
#جاهله_الجزء_الثاني.
#بقلم_زوزه.
_ليه قرار حسام ده؟؟؟؟
تتوقعوا ايه اللي هيحصل في الايام الجايه ؟؟؟؟؟؟
#جاهله_الجزء_الثاني
#البارت_الثالث.
#بقلم_زوزه (Thę Quëëŋ).
اللهم صلي وسلم وبارك علي سيدنا محمد ❤️
_انا قررت اني افضل مع ميار يا ماما انا مش هسيبها يا ماما ...
*نظرت له بصدمه وقالت يعني ايه يا حسام يا ابني في ايه وايه الكلام ده ومن امتا .
_ نظر لها نظرة مطوله وقال ميار بتحاول تعمل حاجه تسعدني بتحاول تغير من نفسها عشاني بتحاول ترضيني بكل الطرق اي حاجه ببقي عايزها بتعملها طريقه لبسها بتحاول تغيرها وحده وحده دي انسانه باقيه عليا يا امي دي اختارتني مع اني بعاملها وحش بس هي ديما باقيه عليا انا يا امي مش زي قمر اللي مشيت وسابتني مع انها غلطانه بس هربت خافت من المواجهه قمر حتي بعد ما اتعلمت لسه جاهله يا امي لسه جاهله حتي في قراراتها جاهله مبتعرفش تواجهه لازم تهرب وبس قمر عمرها حبتني يا امي اللي بيحب حد بيحارب عشان يوصله مره واتنين وتلاته وده اللي شوفته في ميار مع ان تربيتها غير تربيتي بس بتحاول تتغير عشاني وانا عايز زوجة زيها يا امي كل اللي يهمها انا وراحتي بتدور عليها وتعملها انا مش هسيب ميار يا امي الله اعلم قمر هتظهر والا لا انا عندي 30 سنه يا امي يعني معتش صغير الله اعلم قمر هتظهر امتا وهتظهر عائشه والا م... مقدرش يكمل الكلمه خس بوجع في قلبه وقال انا اخدت قراري يا امي وياريت متعارضنيش بعد اذنك ميار هي أنسب واحده ليا .
*ظلت تنظر له بصدمه ثم قالت طيب افرض قمر كانت بتاخد فترة راحه وهترجع تاني ليك وقتها هتعمل ايه هتختار قمر والا ميار يا حسام .
_ ظل ينظر لها بصدمه فعقله اختار له ميار بينما قلبه يعشق قمر ظل يفكر مدة ليست قليله ثم قال وهو يتنهد وقتها هختار الأنسب مع ان قمر باين عليها مش هترجع يا امي قمر لو بتحبني كانت رجعت عشاني اكيد كنت هوحشه اكيد هتبقي عايزه تطمن عليكي أو عليا بس اللي اخدت بالي منه يا ماما ان قمر عمرها ما قالتلي بحبك حتي ممكن اكون انا كنت بفسر تصرفاتها غلط ثم هز كتفيه كأنه لا يعلم شئ وذهب باتجاه غرفته لا يعلم هل القرار الذي اتخذه صحيح ام لا ظل يفكر ويفكر وتذكر مقابلته مع ميار .
فلاش باااااك .
كان يجلس بسيارته ينتظر ميار أمام منزلها لكي ينهي تلك الخطوبه فهو لا يطيقها وجدها تخرج بفستان طويل مقفول وترفع شعرها بطريقه رائعه وتضع اللمسات الهادئه من المكياج نظر له مدة وسحر بتغير مظهرها بالكامل فكيف هذا هذه ليست ميار التي ترتدي ما يظهر من جسدها أكثر ما يخفي هذه ليست التي تضع المكياج بهذه الطريقه ظل ينظر لها مدة .
" نظرت هي له بخجل وقالت برقة لو سمحت يا حسام ياريت متبصش ليا كده ثم نظرت له بصدمه وقالت ايه شكلي في حاجه مش مظبوطه في ايه يا حسام .
_ تنهد حسام وقال بجد طالعه جميله اوووي انهارده الفستان شكله جميل كلك علي بعضك جميله .
" نظرت له بخجل وقالت متكسفنيش يا حسام بقا اله .
_ ضحك علي خجلها وقال بس ايه التغير ده من امتا واحنا كده .
" تصنعت التوتر وقالت اصلا يعني انا عارفه انك بتحب النوع ده من اللبس وبتحب الحجاب وكده بس مقدرتش البس الحجاب بس بحاول واحدة واحده اغير من شكلي عشان يرضيك بقلم زوزه .
_ نظر لها نظرة مطولة وقال ليه لييه تغيري من شكلك عشان ترضيني .
" نظرت له بخجل وقالت يعني عشان عارفه انك بتحب كده فأكيد اي حاجه انت بتحبها هعملها بكل حب ورضا انا عايزه سعادتك وبس ولو كانت في اخر الدنيا وبعدين هو اللي بيحب حد بيدور علي سعادته ويعملها حتي لو هتوجعه بس يحب يشوف حبيبه مبسوط يحب يشوفه سعيد فبيحاول يعمل اي حاجه عشانه عشان يشوف بس الضحكه علي وشه .
_ نظر لها نظرة طويله نظرة اعجاب وقال اله وبعدين ايه الكلام الجامد ده .
" نظرت له بخجل وقالت اله يا حسام متكسفنيش بقا .
_ نظر لها بضحك وقال طيب عايزه تأكلي ايه يا ست ميار .
" نظرت له بحب وقالت انت بتحب تاكل ايه اللي بتحب تأكله انا هاكله انا اهم حاجه عندي هي راحتك وبس يا حسام اللي انت بتحبه هحبه زيك المكان اللي موجود فيه هكون موجوده فيه اللي بيحب حد بيبقي عايز يكون جمبه ديما متتصورش وانا بغير من طريقه لبسي قعدت اقول هعجبه والا لا طيب هو اتاخر ليه ده وحشني اوووي متتصورش يا حسام انا اليوم الي مش بشوفك فيه ببقي هجنن واسمع حتي صوتك يطمني عنك ببقي عايزاك جمبي ديما .
_ نظر لها نظرة مطوله وقال طيب فيه ناس بنحبها بس منعرفش إذا كانت بتحبنا والا لا .
" نظرت له وكأنها فهمت مقصده ولكن لم تبين له وقالت الحب مش كلام يا حسام الحب افعال يعني اللي بيحب حد بيحب يشوفه مبسوط اي حاجه بتضايقه بيتجنبها بيحاول يبعدها عنها قدر المستطاع عشان حبيبه يكون بخير واه مبخبيش حاجه عن حبيبه ماهو الكدب هو اللي بيدمر اي علاقة حب اللي بيحب حد بيحاول يثبت لحبيبه ديما أنه بيحبه أفعال وكلام وكل حاجه ولازم يكون بين اي اتنين ثقه حتي لو زعلوا من بعض يزعلوا وهما جمب بعض عشان يتراضوا لكن فيه ناس تدعي الحب ومع اول مشكله تلاقيها هربت ده مش حب ده كان اعجاب أو اي مسمي تاني بس مش حب لا .
_ نظر لها نظرة مطوله وقال ده نسميه جهل جهل في كل القرارات محناش عارفين ده إذا كان حب او اعجاب فيبقي ده جهل في قراراتنا لاننا مش عارفين نفرق بين الاي بيحبنا بجد واللي بيمثل علينا الحب أو اللي كنا واهمين نفسنا أنه بيحبها .
" نظرت له كأنها لم تفهم شئ وقالت قصدك ايه يا حسام .
_ ابدا مفيش يا ميار بس بجد شكرا لكلامك اللي فتح عقلي علي حاجات كتيره تعالي بقاا نأكل بيتزا انا عارف انك بتحبيها .
" وضعت يدها فوق يده وقالت طلما انت بتحبها اكيد هحبها ....
عوده من الفلاش بااااك .
فاق من شروده وهو يقول ليه يا قمر ليه مفهمتنيش ليه كتبتي رساله وهربتي وسبتيني ليه محاولتيش تصالحيني مره واتنين وتلاته المفروض اني حبيبك مفروض زعلت منك تحاولي تصالحيني مره واتنين وتلاته ظل هكذا يفكر وهو يمسك كوب ماء بيده فجرحت يده من كثرة ضغطه علي كوب الماء فانكسر بين يديه وجرحه .....
_________________________________
في امريكا فاقت من نومها وهي تشعر بيدها تؤلمها بشده ظل تدلك في يدها وهي تتحسها تحس ان يدها تنزل الدماء ولكن لا تجد شئ ولكن يدها توجعها بشدة ظلت تنظر ليدها وفي عيناها الدموع لا تعلم ما بيدها ظلت هكذا مدة ....
_________________________________
بينما في لبنان كان يجلس في منزله يعمل ولكن حس بوجع في قلبه مرة واحده حس أن قلبه يؤلمه بشدة ظل يدلك فيه وهو يقول اهدي يا قمري انا عارف ان فيه حاجه وجعاكي اهدي يا قمري انا معاكي اهدي وظل وكأنه يكلمها هي وليست قلبه فهو يعلم أن قلبه يشعر بها وبألمها ظل هكذا يفكر بها ثم بدأ يتلو آيات الله وهو يدلك قلبه .....
___________________________________
بعد اسبوع
في لبنان .
كان يجلس عدي مع والده وهو يقول له بابا انا عارف انك عارف مكان قمر عشان خاطري قولي وريح قلبي يا بابا انا ابنك .
.. نظر له وكان سيخبره ولكنه تذكر وعده لها عندما كانت تأخذ منه ملفالدراسه الخاص بها والمنحة للجامعه الامريكيه وقال : انا معرفش يابني حاجه .
: يا بابا انا عارف انك عارف مكانها عشان خاطري طمني عليها بس .
.. انا معرفش مكانها كل اللي اعرفه عنها انها بتشوف مستقبلها وبس يابني فين معرفش .
: يبقي اخدت المنحه الامريكيه يا بابا .
..بتوتر لا يابني بنت تانيه اخدتها .
: نظر له نظرة مطولة وقال هنشوف يا بابا هنشوف ثم قام وتركه .
.. ياارب تفكر صح وتلاقيها يا عدي يابني وتريح قلبك بقا .
بعد اسبوع
في امريكا .
كان يقف بكل شموخ ببدلته ونظارته التي جعلته أكثر وسامه امام الجامعه الخاصه بقمر دخل الي الجامعه ثم الي مكتب شئون الطلاب حاول كثيرا أن يبحث عن اسمها بين الطلاب ولكن صاحب المكتب رفض بشدة ولم يعطه اي شئ خرج من المكتب وهو يسب ويلعن في الجامعه والمدير والعميد وكل من يعمل بها أخذ قرار بأن يبحث عنها وسط الطلاب بنفسه ظل يبحث هنا وهناك وهو يبحث عنها ولك لم يجدها نهائيا تاكد انها ليست هنا لأنها لو كانت هنا لكانت ظهرت وسط هولاء الطلاب الذين في امتحان حجز طائرة وعاد الي لبنان مرة أخري وهو قلبه يؤلمه عليها فهو يحس بأن بها شئ ظل يدلك قلبه ويدعو الله أن يخفف ما بها وأن يأتي بالألم الذي بها به هو ......
_________________________________
علي الجانب الآخر في امريكا .
عند قمر كانت تجلس بجوارها رزان وهي تضع لها كمادات خافضه للحراره فهي اخذت نازلة برد شديدة حتي أنها لم تحضر امتحانها اليوم وأخذوا لها إجازة مرضيه .
- تحدثت بتعب وهي تقول هعمل ايه في امتحان انهارده اللي راح ده يا رزان .
؛ متخفيش من حاجه انا اخدتلك اجازه من العميد وقال هتمتحنيه بعد الامتحانات أما تخلص باسبوع متقلقيش انتي بس تعالي اكلك عشان تاخدي العلاج وتنامي يلا بقلم زوزه .
- اومات لها بتعب واكلت منها ثم أخذت دوائها ونامت في تعب شديد ....
_________________________________
في مصر
في حفلة .
كان يوجد حسام مع خطيبته يرقصون علي موسيقي هادئه ويحتفلون معا بحفله مولد ميار بعد الانتهاء من الرقصة قد حسام لميار سلسلة رقيقه مع خاتم رقيق اعجبت بهم ميار بشدة لدرجه انها حضنته من شدة فرحتها بهم ومن شدة فرحتها بحفلة اليوم الذي قام هو بإعدادها لها كانت تشعر بالسعاده وهي بجواره دائما .
_ بدلها الحضن براحه وقال لها كل سنه وانتي اجمل حاجه حصلتلي وعيد ميلادك الجاي في بيتي أن شاء الله.
" تصنعت الخجل وقالت إن شاء الله .
_ تسمحيلي البسهم ليكي .
" نظرت له بحب وقالت اكيد .
_ بدأ يلبسها سلسلتها وهو يتذكر عيد ميلاد قمر وأنها رفضت أن يلبسها السلسله ولكن نفض ذلك من عقله سريعا وقال في نفسه أنها رفضت لأنها لم تكن تحبه قط .
استمر الحفلة وسط الرقص والضحك .
_________________________________
في لبنان .
وصل لبنان فهو وجد طائرة عائدة الي لبنان في نفس اليوم عاد الي لبنان ولكن كان قلبه يؤلمه بشدة علي صغيرته ومدللته فهو يعلم أن بها شيئا ولكن ما بيده شئ يفعله من أجلها ظل في غرفته يجلس علي سريره وعيناه بها دموع يعلم أن بها شئ ولكن لا يستطيع حتي أن يخفف عنها يريد أن يطمئن عليها فقط ولكن لا يعلم كيف .
________________________________
ظلت هكذا الحياة تمر بدأت قمر تنسي تدريجيا حبها لحسام وتقبلت فكرة أنه خطب وأنه سيتزوج وفسرت ما كانت تشعر به بأنه هو اعجاب فقط لانه كان أول شاب بحياتها وايضا فسرت تعلقها بعدي بأنه هو كان بمثابة الاخ لها وهي حبت ذلك لأنها لم يكن لديها اخوة مرت الحياة وقمر تقتنع شيئا فشيئا بهذا ولكن كانت تكن لكل منهما الاحترام والحب وليس اي حب وانما حب من أجل ما فعلوه من أجلها فالبنهايه حسام ابن عمتها وعدي بمثابة أخاها وصديقها وبئر أسرارها كانت تدعو الله أن يريح قلوبهم دائما كانت تشعر بكل منهما عندما يتالموا تعلم أن بهم شئ ولكن لا تسطيع أن تفعل شئ بقلم زوزه .
بعد مرور عام علي وجود قمر في امريكا .
كانت تجلس شاردة تسمتع الي اغنية فيروز بعد علي بالي .
طل وسألني ﺇذا نيسان دق الباب
خبيت وجيي و طار البيت فيّ وغاب
طل وسألني ﺇذا نيسان دق الباب
خبيت وجيي وطار البيت فيّ وغاب
حبيت ﺇفتح له وعلى الحب ﺇشرح له
طليت ما لقيت غير الورد عند الباب
بعدك على بالي يا قمر الحلوين
يا زهرة بتشرين يا ذهبي الغالي
بعدك على بالي يا حلو يا مغرور
يا حبق ومنتور على سطح العالي
بعدك على بالي يا قمر الحلوين
يا زهرة بتشرين يا ذهبي الغالي
بعدك على بالي يا حلو يا مغرور
يا حبق ومنتور على سطح العالي
مرق الصيف بمواعيده والهوى لملم عناقيده
مرق الصيف بمواعيد والهوى لملم عناقيده
ولا عرفنا خبر عنك يا قمر ولا حدا لوحلنا بإيده
بتطل الليالي وبتروح الليالي وبعدك على بالي، على بالي
بعدك على بالي) يا قمر الحلوين)
يا زهرة بتشرين يا ذهبي الغالي
بعدك على بالي) يا حلو يا مغرور)
يا حبق ومنتور على سطح العالي
كانت شاردة في تلك الأغنية فهي حقا اشتقت لرؤيته ورؤية ضحكته ولكنها تذكرت عيد مولده سريعا فاتيت إلي راسها فكرة أن تفعل مثل ما فعلت في عيد ميلاد حسام وان تذهب له حتي لو تراه من بعيد ظلت تفكر وتفكر ماذا تفعل في عيد مولده الي اتيت إليها رزان وجدتها شاردة فقالت لها :
:قمررررر يا قمررررر لك شو فينك يا خيتي .
- نظرت لها وضحكت ثم قالت مش هتتعلمي مصري بقا بقالنا مع بعض سنه اهو .
: نظرت لها بضحك وقالت لك عم حاول اتكلم مصري لكن مو عم يظبط معي غير بعض كلمات .
- هتتعلمي هتتعلمي .
: طيب شو كنتي عم تفكري ها .
- وهي تفرك يديها بتوتر وقالت الصراحه يعني يعني .
: ليش التوتر شو صار والا اقولك بالمصري عملتي مصيبة ايه .
- نظرت لها بضحك وقالت مصيبه هي من ناحيه مصيبه فهي مصيبه .
: قلقتيني شو صار .
- الصراحه يعني هو عيد ميلاد عدي بعد اسبوع .
: امممممم وبعدين .
- مش هاين عليا مكلموش في عيد ميلاده .
: امممممم وهتعملي زي عيد ميلاد حسام صح .
- نظرت لها بضحك وقالت ده حسام كان ع اخر لحظه ويعرفني .
: لولا أني انقذتك في آخر ثانيه صح .
- تسلميلي يا رورو يا عسل انتي وبعدين ما انتي ببتتكلمي مصري اهو .
: بتعلم ياختي بتعلم.
- نظرت لها بضحك وقالت ها هنعمل زي حسام والا ايه .
: ماشي يا آخرة صبري مع اني مش عارفة ازاي زعلانه منهم وازاي فاكرة اعياد ميلادهم ومش عايزة تنسيها .
-صدقيني مش عارفه يا رزان بس كل اللي اعرفه اني كل ما افتكر عيد ميلاد حد فيهم عايزه افرحهم انا مشيت وسبتهم والاتنين مش غلطانين انا اللي غلطانه .
: بس ازاي مش زعلانه من حسام مع أنه خطب .
- خطب أو ماخطبش فحسام ابن عمتي وبس ووقف جمبي ديما وفرحني ديما وانا دي ابسط حاجه ليه عندي .
: بس شوفتي خطيبته عاملة ازاي تحسيها كده ماشيه بوش بوهيا علي وشها .
- بوهيا انتي لبنانيه انتي .
: ضحكت وقالت بعد من عندكم ياختي ..
- بضحك بس فاكرة اليوم ده .
: ما تفكرنيش ياختي .
فلاش باااااك .
يوم عيد ميلاد حسام .
: لك نازلين مصر مخصوص امشان عيد ميلاد هادا حسام لك بدي شاهد مصر .
- بت انتي اسكتي شويه وتعالي يلا نروح نودي الهديه ونمشي .
: لك بدي شاهد مصر وانتي تقولي هديه انتي قولتي لخالك انك رح تفرجيني مصر يلا بقا .
- هنودي الهديه ونمشي علي طول .
: طيب هندخل الجامعه ازاي.
- هندخل مع الطلبه ولو حد كلمنا هقول اني بنت عمة الدكتور حسام وعملاله مفاجأة ومش عايزه حد يقوله .
: تمااام .
.....
: اهو يا ستي دخلنا هنودي دي لحسام ازاي بقا .
- بصي هنشوف حد من البنات أو الشباب دول يديها ليه واحنا نستني من برا نشوفه هيدخل ليه وبعد ما نتأكد أنه اخدها نمشي اووووكيه .
: اوكيييه .
- وانتي اتظبطي اتكلمي مصري مش مره مصري ومره لبناني .
: اهو اللي يعرفه بقوله ويلا امشان بدي شاهد مصر .
- ماشي نادي انتي علي حد .
: طيب تعالي معايا ثم مسكت يدها وذهبوا الي مجموعه من الشباب والبنات اللي واقفين مع بعض وكان من ضمنهم مؤيد.
: هلا شباب .
- السلام عليكم .
الكل ؛ عليكم السلام .
- بخجل عايزين منكم طلب .
: انا رح احكيلهم بدنا منكم طلب شباب اكيد انتم عارفين دكتور حسام صح .
مؤيد : ايوه خير .
: وهي تشير إلي قمر لك هي بتكون قمر بنت عمته وهو اليوم عيد ميلاده وهي عملاله مفاجأة بس ما بدها إياه يشوفها وعايزين حد يوصل الهديه إله وشكرا الكن .
مؤيد : انا ممكن اوصلها عادي .
- بابتسامه شكرا ليك .
مؤيد: العفو اعتبريني زي اخوكي هاتي الهديه اوصلها وانتوا بصوا خليكوا وراي بس من بعيد.
( بطل رواية عشق حياة )
: شكرا الك .
ذهب مؤيد وهم خلفه ولكن من بعيد دخل مؤيد الي حسام وقال السلام عليكم يا دكتور .
_ اتفضل انت مؤيد الشناوي صح .
مؤيد : ايوه يا دكتور اولا كل سنه وانت طيب ثم اتفضل الهديه دي لحضرتك من بنت .
_ قام وقف وقام يفتحها وهو ينظر إلي تلك التي تدعي خطيبته وهي صديقته في العمل أيضا وهي تنظر له بغضب ثم قالت بغضب هديه من بنت ليه بقا يا حسام .
_ اهدي يا ميار أما نشوف من مين .
' يوه بقا انت حر وظلت تنظر معه وهو يفتح الهديه وجدته يخرج برفان من اغلي ماركة وساعة ذو ماركة عاليه ومعهم بوكيه ورد صغير ورسالة .
_ يااتري من مين دول بس ذوق الساعه والبرفيم جميل .
' اه ماهما من معجبه ثم نظرت إلي الرساله وقالت بفضول افتح الرساله دي أما نشوف من مين .
_ طيب ثم بدأ يقرأ ما في الرساله وهو يقول ( كل سنه وانت طيب يا حسام وعقبال مليون سنه ياارب وانت بخير وسعاده ومحقق احلامك كلها انا عارفه انت بتفكر ياتري من مين الهديه دي بس اكيد مني انا ايوه اللي جيت علي بالك كل سنه وانت طيب سلملي علي عمتو يا حسام وقولها أنها وحشاني جدا وعلي فكره انا مش زعلانه منك لاني عرفت انك بدور عليا بس مش عايزه حد يعرف عنواني وهرجع هخلي الكل يشاور عليا من بعيد وبس المهم انا اسفه علي اخر موقف كان بينا واكيد انت فهمت انا عملت كده ليه المهم الف مبروووك علي الخطوبه مع انها متاخره واتمني أن الفرح يكون قريب اتمنا لك حياة سعيده يا حسام انت اكيد مستغرب اني باعته كده بس انت كنت ديما بتفرحني فجلست افرحك واطمنك عليا كل سنه وانت بخير والف مبروووك تاني )
_ نظر الي الرساله التي بين يديه بدموع ثم بدأ يجري نحو الباب ثم نحو الخارج وهو يبحث عن مؤيد حتي رآه وقال له مؤؤؤؤيد.
مؤيد : نعم يا دكتور .
- البنت اللي جابت الحاجه دي فين يا مؤيد ضروري تقولي .
مؤيد : هي لسه ماشية يا دكتور .
_ مشيت منين وكانت لابسه ايه .
مؤيد : كانت لابسه فستان ازرق لون عنيها وطرحه بيضه ومشيت من الناحية دي وعلي ما أظن منهضتش تبعد .
_ نظر إلي المكان وشكره ثم ركض يبحث عنها .
_ خرج إلي الخارج ظل يبحث إلي أن وجدها تقف في الناحية الأخري من الطريق تنتظر شئ بدأ ينادي عليها قائلا قمررر يا قمررر يحاول أن يذهب إليها ولكن وجد أحد يمسك يده وهو يقول لك دكتور حسام كتير امنيح اني شوفتك كان بدي اسالك علي سؤال .
_ نظر لها وهو ينظر إلى قمر التي تبعد ثم قال معلش مستعجل .
: نظرت له بتوتر وهي تنظر إلي القمر التي تبعد لك انا بدي ياك في سؤال بس يا دكتور كتير امنيح اني شوفتك لك دوخت عليك من الصبح .
_ معلس خمس دقائق أو استنيني في المكتب وانا هجاوبك .
: وهي تنظر إلي قمر التي اختفيت يا دكتور بس انا كتير معجبة بيك و...
_ نفض يده وقال بغضب انا مش فاضي للكلام الفاضي ده ثم ذهب يركض يبحث عن قمر التي اختفيت وصار يسب ويلعن في تلك الفتاة ذو الشعر الأحمر التي لم تعجله يحدثها ولكنه راها وهي جميله لقد صارت اجمل من قبل وكانت مثل الحوريه بفستانها الذي لون عيناها وطرحتها البيضاء ظل يبحث عنها ولكنه لم يجده ثم رجع الي الجامعه مره اخري راي ميار علي وجهها الغضب فأخذ الهديه وقال له تعب بشدة وغادر وتركه دون أن يعطيها اي اعتبار .
عوده من الفلاش بااااك .
: بضحك لك عملت من حالي اضحوكه مشان الاستاذة قمر تهرب.
- بضحك لا وتقوليله معجبه بيك ده انتي هبله.
: نظرت لها بضحك وقالت امال اقول ايه عشان أوقفه بس يلا قدرنا ننفض منه .
- المهم عيد ميلاد حسام عايزين نحجز تذاكر علي لبنان .
: ماشي هحجزلك انا كنت هنزل بعد تلات ايام ايه رايك .
- ماشي تمام يلا ننام بقا ......
________________________________
بعد ثلاثه ايام
كانت تهبط من الطائرة هي وصديقتها رزان ومعهم حقائبهم ذهبوا باتجاه منزل رزان وجلسوا هناك سويا .
بعد مرور اول يوم .
- رزاااااان ها هنعمل ايه وهنوصل لعدي ازاي .
؛ بصي يا ستي هنعمل ......
#جاهله_الجزء_الثاني
#البارت_الرابع
#بقلم_زوزه (Thę Quëëŋ).
بعد ثلاثة أيام .
كانت تهبط من الطائرة هي وصديقتها رزان ومعهم حقائبهم ذهبوا باتجاه منزل رزان وجلسوا هناك سويا .
بعد مرور اول يوم .
- رزاااان ها هنعمل ايه وهنوصل لعدي ازاي .
؛ بصي يا ستي الحل يا نروح البيت ليهم يا الشركه .
- البيت هيبقي صعب نخرج لان أهله عارفني وكل اللي هناك عارفني .
؛ خلاص يبقي الشركه .
- طيب هندخلها الشركه ازاي .
؛ هنديها بتاع الأمن .
- بس انا عايزه أشوفه حتي لو من بعيد .
؛ هحاول اخليكي تشوفيه .
- طيب عايزه اروح لخالتو وشمس وحشوني اووووي .
؛ تمام هنروح ليهم بكرا .
- ماشي .
بعد مرور يوم اخر .
في صباح اليوم التالي نزلت رزان ومعها قمر ركبت رزان سيارتها وقادتها باتجاه منزل شمس .
؛ بصي انا مش هنزل لأنهم ممكن يعرفوا يوصلوا ليكي بعد كده مني اوك .
- اوك .
؛ هروح كام مشوار انا ولما تخلصي رني عليا وانا هاجي اخدك علي طول .
- ماشي تمام ثم ودعت صديقتها وذهبت الي منزل خالتها ولحسن حظها كانت شمس تجلس في الحديقه الخاصه بالمنزل وراتها وهي تأتي باتجاه المنزل .
•شمس بصرااااااخ قمررررر وحشتيني وحشتيني وحشتيني وذهبت تركض باتجاهها وتحضنها بحب واشتياق .
- قابلتها قمر بنفس الحب والاشتياق أيضا .
° خرجت علي صراخ ابنتها وهي تقول بتصرخي ليه يا شمس ثم نظرت إلي تلك التي تحضنها شمس بحب إلي أن تأكدت أنها ابنة اختها فوقفت مكانها وهي تقول قمررر بنتي .
- عندما رأت خالتها ذهبت تركض باتجاهها تحضنها وقابلتها خالتها العناق بحب واشتياق فهم حقا اشتاقوا لها كثيرا ظلوا هكذا فتره حتي اتي خالد والد شمس ورحب بقمر بحب أيضا ثم جلسوا سويا مع بعضهم .
° بقا كده يا قمر تمشي وتسبينا يابنتي ليه يابنتي تقطعي بينا كده .
- ولله يا خالتو مفيش قطوع ولا حاجه انا بكتل تعليمي بس .
''طيب انتي قاعده فين دلوقتي يا قمر .
- ولله يا اونكل خالد انا قاعده عند الكليه وخالو عارف مكاني .
• مش هتقولي كليتك فين يا قمر .
- معلش ده سر يا شموسه المهم سيبكم مني بقا انا وحشني اكلك اوووي يا خالتو .
° ياروح خالتك هقوم اعملك احلي اكل ثم قامت لتجهز لها الاكل الذي تحبه .
"" استاذن منهم خالد أيضا وقام ذهب الي مكتبه .
• مخبية ايه يا قمر .
- نظرت لها بضحك وقالت أنا أقدر اخبي عليكي حاجه بردو .
• نظرت لها بشك وقالت مش راضيه تقولي قاعده فين ليه .
- عشان عارفه انك قلبك ضعيف وممكن حسام أو عدي يعرفوا مكاني وانا مش عايزه حد يوصلي انا كده كويسه .
• هتفضلي في لعبة الهروب دي كتير يا قمر بقالك سنه هربانه خايفه تواجهيهم .
- بس ده اسلم حل .
• لا بالعكس ده اكبر حل غلط عمر المواجهه ما كانت غلط انتي بهروبك ده كده معلاقهم بيكي وانتي متعلقه بيهم لازم تظهري وتفتحي قلبك يا قمر للي حبك بجد بقلم زوزه.
- مش فاهمه كلامك يا شمس .
• انتي بتحبي حسام ولا عدي .
- نظرت لها نظرة مطولة وقالت أنا اكتشفت أن الفترة اللي عدت دي كانت فترة مراهقه طفله صغيره كانت بتحب ابن عمتها اللي بالنسبه ليها مفيش زيه لكن لما خرجت قبلت شاب تاني فبقوا صحاب كان بئر أسرارها وكانت بتعتبره اخوها في آخر المطاف تلاقيه بيحبها واللي كانت بتحبه يشك فيها ويهنئها عايزاها تعمل ايه يا شمس .
• ارجعي واجهيهم ارجعي اشرحي لكل واحد موقفك منه كان ايه ارجعي فهميهم ليه هربتي ارجعي قمر جديده بعد ما توضحي كل حاجه قمر واحده تانيه قمر شخصيه متفتحه تفهم اللي قدامها مش لازم تحبيهم انت لازم تنهي كل الماضي وتبدأي حياه جديده ممكن تحبي حد فيهم وممكن تقابلي شخص تاني تحبيه ويحبك بلاش وهم التعلق اللي الكل متعلق فيه لازم تواجههي عشان تنهي الماضي وتبدأي حياه جديده ايا كانت مع حسام أو عدي أو من غيرهم لازم تحددي موقفك بلاش الهروب يا قمر .
- نظرت لها نظرة مطولة وقالت عندك حق لازم اوجههم بس بعد عيد ميلاد عدي بعد يومين .
• مقررة تعملي ايه.
- كنت مقررة ابعتله هديه بس بعد كلامك لازم أقابله بنفسي .
• وده الصح .
قضيت قمر معاهم اليوم .
____________________________________
بعد مرور يومين .
اليوم هو يوم ميلاد عدي .
ارتديت قمر فستان باللون الابيض به الورود من الاسفل ومن علي الأكمام وطرحه كشمير وحذاء ابيض وكانت مثل الحوريات بالظبط بجمالها الهادئ الملفت للأنظار .

ذهبت قمر إلي شركة The moon .
دخلت الي الشركه وهي محط الأنظار فالكل ينظر إليها فهي لم تدخل شركة عدي من قبل فهذه أول مرة تدخلها ذهبت الي مكتب السكرتيرة الخاصه بعدي الذي دالها عليه أحد الحرس .
رفعت راسها الي السكرتيره وقالت بابتسامه : صباح الخير مستر عدي موجود .
. نظرت لها السكرتيره بتمعن ثم قالت قيلو مين .
- نظرت لها بنفس الابتسامه وقالت قولي ليه صديقه قديمه .
.. نظرت لها من فوق الي أسفل وهي تنظر إلي ملابسها وكأنها لا تعجبها ثم قالت اتفضلي هون عقبال اما اعطيه خبر .
- شكرا ليكي وذهبت وجلست .
دخلت السكرتيرة الي مكتب عدي وقالت : مستر عدي في برا واحده عايزه تقابلك .
: مش فاضي انا وبعدين واحده مين دي .
.. بتقول انها صديقه ليك وشكلها مش لبنانية .
: نظر لها باستغراب وهو يقول مش لبنانية ازاي وصديقه ليا منين وشكلها ايه دي .
.. شكلها مصريه وباين عليها محجبه .
: نظر لها بفرحه وهو يقول مصريه ومحجبه معقول تكون هي ثم خرج يركض من المكتب وهو يحاول أن ينظر إلي تلك التي اتيت وهو يدعي الله أن تكون هي خرج من المكتب سريعا وجدها تجلس في جانب بكل هدوء ما هذا الجمال اقسم عدي بداخله حقا أنه يري حورية بجمالها الطبيعي الهادئ ظل ينظر لها بحب وشوق ثم ذهب باتجاهها بسرعه وهو يقول بفرحه مختلطه بعتاب بحزن باشتياق بمشاعر ملخبطه وهو ينظر لها غير مصدق نفسه : معقوله انتي هنا صح انا مش بحلم انتي جيتي ليا صح انا مش بحلم انتي صح طيب ينفع المسك طيب طيب انتي مش زعلانه مني لا انا زعلان منك هونت عليكي خلاص خلاص سيبك مني انتي عامله ايه هو انا بقول ايه انا فرحان انا مش عارف بقول ايه غير أني فرحان اووووي .
- نظرت له بابتسامه ثم قالت ممكن تهدئ ده منظر مدير ده قدام الموظفين بتوعه مهواش عارف يجمع كلمتين علي بعض .
: نظر لها بتشتت ثم نظر حوله وحد السكرتيرة ومجموعه من الموظفين ينظرون له كيف اصبحت عيناه بها دموع وكيف هو متوتر هكذا وما سر هذه الفرحه كلها نظر إلي نفسه وكأنه استعاد وعيه وقال بصوت صارم كل واحد علي شغله ثم نظر إليها وقال بمزاح هضيعي هيبتي تعالي جوا عشان في كلام كتييير اوووي لازم نتكلم فيه.
- نظرت له بابتسامه وقالت انهارده مش وقت الكلام ثم أخذت البوكس الذي بيدها وقالت بابتسامه كل سنه وانت طيب يا عدي .
: نظر لها بحب وقال معقوله فكرة منستيش مع انك مشيتي وانتي زعلانه مني .
- قولتلك مش وقت كلام المهم ها مش هتعزمني زي زمان والا ايه .
: نظر لها بفرحه وقال اكيد هعزمك هجيب جاكت البدله والمفاتيح وهوا .
- نظرت إلي فرحته بابتسامه فهو مازال مثل ماهو لم يتغير معها ولن يتغير ابدا .
: خرج وهو مبتسم فرحان بشدة من أجل رؤيتها نظر إلي سكرتيرته وقال الغي أي اجتماع انهارده مش فاضي .
.. نظرت له السكرتيرة باندهاش ما هذا التغير السريع وماهي سر الابتسامه التي ترسم علي وجهه من ساعة رؤيه هذه الفتاة ومن هي تلك الفتاة التي لغي من أجلها كل الأعمال .
: اخذ قمر معه واخذها الي مطعم وهو لم يتكلم ينظر لها بحب من فترة الي اخري ظلوا هكذا قضوا اليوم معا وسط فرحة عدي بقمر التي تشع من عيناه .
بعد مرور ثلاثة أيام .
اتي حسام الي لبنان بعدما علم من شمس ان قمر تريد مقابلته في المنزل الخاص به .
ذهب الي هناك وجد قمر تجلس في الحديقه ومعها عدي ومعهم فتاة اخري بشعر احمر نظر لتلك الفتاه بتمعن ثم للحظة عرفها فهي التي عطلته يوم ميلاده عن رؤية قمر .
جلسوا الاربعه ثم بدأت قمر بالكلام قائله : اعرفكم رزان صديقتي .
رحبوا بها .
؛ نظرت رزان الي حسام بضحك ثم قالت ايوه انا هي اللي شوفتها قبل كده .
_ يعني انتي كنتي معاها .
؛ بضحك ايوه .
- نظرت لهم قمر وقالت أنا اختفيت من حياتكم.من غير اي سبب وانا عارفه أن الهروب غلط فجيت عشان نصفي كل حاجه بينا .
_ نظر لها حسام نظرة مطولة وقال قمر انا خطبت ميار عشان احاول .....
- متكملش يا حسام ده قرارك ايا كان ميهمنيش دي حياتك انت انا هنا لحاجه تانيه وقرارك عمره ما ياثر فيا انا قولت لازم نتجمع عشان نحط نهايه للي بيحصل ده بقالنا اربع سنين متعلقين ببعض ايا كانت الروابط ايه او المشاعر ايه انا عارفه اني غلطانه وغلطت كتيييير .
اول غلط ليا : انا مكنتش بتعلم عشان اعجبك يا حسام زي ما كنت فاهمه لا انا بتعلم لنفسي لشخصيتي انا انا زي ما قولت جاهله مش جاهله في العلم لا انا جاهله في قراراتي كنت عيلة صغير معجبه بابن عمتها اللي طول عمره كان بيشوف نفسه عليها حتي لما ايجه خطبها شاف نفسه عليها فلما هي رفضته كرمته وجعته وحاول يعمل كل حاجه عشان تكون معاه ده مش حب يا حسام ده اعجاب شوفت واحده حلوه شكلها حلو عجبتك طريقتها عجبتك رفضتك فاصرارك بالتمسك بيها زاد حتي لو هتستناها العمر كله بس ماشي انا عايز دي مع ان لو كنا اتجوزنا مكناش هنكمل سوا لان انت اعجبت بقمر كشكل مش روح وده غلط وانا كنت هغلط لاني كنت عيله لسه صغيره متعرفش حاجه متزعلش مني يا حسام انت ابن عمتي وبس انا من هنا ورايح قمر جديده معتش ههرب هبقي ديما ظاهره في حياتكم معاكم ديما اختكم لكن حبيبة لااا لان لو كنت بتحبني كنت هتثق فيا كان حاجات كتيره تثبت بس ده كان اعجاب يا حسام من ناحيتي ومن ناحيتك.
ثم نظرت إلي عدي وقالت من يوم ما اتقابلنا وانا اعتبرتك اخ ليا كان أسراري كلها معاك أنا ربنا كان حرمني من الاخوات بس كان عوضني بيك انت مع ان ده غلط لان الغلط اللي ارتكبته أن من مفيش صداقه بين بنت وولد لان آخرة الصداقه دي هتتفهم غلط هتترجم غلط زي ما حصل معانا انت هتفهمها غلط حسام هيفهمها غلط بس انا كنت عيله اتعلقت بصاحب ليها وماصدقت يكون ليها اخ زي الناس كلها فاتعلقت بيه زي الطفله لما بتتعلق بحاجه معينه بس ده غلط انا للاسف مكنش معايا لا ام ولا اب يفهموني ايه الصح من الغلط ايه اللي ينفع وايه اللي لا صدقوني انتم الاتنين كنتم اخواتي وبس الفترة اللي فاتت دي كانت اعجاب وبس .
- ثم نظرت لهم نظرت طويله وهي تقول أنا بجد نفسي انسي انتم الاتنين عزاز اوووي علي قلبي اعز من بعض بس مقدرش احب حد فيكم بشخصيه قمر القديمه ممكن قمر الجديده اه وممكن لا مش عارفه انا حبيت اجيبكم هنا وافهمكم أن الماضي خلص بكل حاجه فيه أن معتش قمر قديمه في قمر جديدة وبس ثم بدأ تسير إلي الخارج وهي تقول ياريت محدش يلحقني ثم بدأت بالركض إلي الخارج وهي تقول انتم اخواتي وبس قمر القديمه مااااتتت .....
يتبع
"
. قمر : هي بطلة روايتنا بنت محجبه بشرتها بيضه وعيونه…){kind=link}
تعليقات
إرسال تعليق