مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت الاول

 أنتي متاكدة من اللي شوفيه دا يا أم ابراهيم "

أم ابراهيم : أيوا يا أستاذ يحيى مرات أخوك ولدت والولادة شكلها كانت صعبة أوي والحريم بيقولوا أن في دم أسود نزل مع المولود والدكتور اللي جابوه يولدها في البيت مات بعد ما ولدت علي طول

يحيى : طب روحي نادي علي سلوي وخلها تجي حالاً أما نشوف هنعمل ايه في المصيبة دي 

مشيت ام ابراهيم وسابت يحيى بيفكر 

°°°°°°°°°°°°°°°°°°°°°°°°°°°°°°°°°°

 " مبروووك يا مني حمد لله علي سلامتكِ وسلامة المولود" 

مني بنظرة غريبة: الله يسلمك يا سلوي واتطمني ابني مش الشيطان مش اللي في دماغكِ وقاعدة بتفكري فيه دلوقتي 

بلعت سلوي ريقها وبخوف : عرفت إزاي اللي بفكر فيه يا مني 

مني بنفس النظرة : ملكش دعوة المهم ابني لو حد فكر يجي جمبه هاقتله يا سلوي انتي فاهمة 

سلوي وهي مرعوبة: أنا ماشية يا حبيبتي وحمد لله علي سلامتكِ 

°°°°°°°°°°°°°°°°°°°°°°°°°°°°°°°°°

يحيى بصوت عالي : أنتي فين يا ست هانم عرفتي اللي حصل 

سلوي : أيوا عرفت لسه جاية من عندها دلوقتي أحنا لازم نمشي من هنا حالا ومش هنقعد نستني الخراب اللي هيحصل 

يحيى بعصيبة : أنا مش هامشي  واسيب كل الفلوس دي ليها ولابنها 

سلوي مرعوبة : اسمعني يا يحيى دا مش وقت فلوس دي عرفت أنا كنت بفكر في إيه ومش هتخلي حد يجي جمب ابنها يعني متفكرش تقتله زي قتلت ابوه 

يحيى : أبوه هو اللي قتل نفسه من مرواحه لسالم الدجال بتاع التلاتة ورقات أنا هافضل هنا يا سلوي مهما كان التمن 

سلوي بعصيبة : أنت مبفكرش غير في الفلوس الفلوس وبس ابن عمك دا مراته ولدت النهاردة فاكر يا يحيى ولا عايزني افكرك أن ابن عمك قبل ما يموت هددنا بابنه دا وقال أن محدش هيقدر عليه ولا هيعرف يجي جمبه وانه شبه الشيطان هيقلب كيان العيلة دي كلها 

يحيى باستهزاء : يا شيخة دي كانت تخاريف قبل الموت هو في بني آدم هيكون شيطان يعني 

°°°°°°°°°°°°°°°°°°°°°°°°°°°°°°°°°°°°°

مني بصوت خشن مرعب وبتبص لابنها الرضيع :متخفش يا حبييي أنت في أمان معايا محدش يقدر يجي جمبك دم ابوك بيجري فيك 

الرضيع  لون جلده بيتحول ويبقي لونه ازرق غامق وبيظهرله ضوافر كبيرة في رجليه وايديه وعيناه بدأت تدخل لجواه وتختفي من اللون الاسود وتبقي عبارة عن حتة بيضا 

مني بنفس الصوت : عارفة أنك جوا يا يسري وقريب هتطلع وهتخليهم رماد مستنية اليوم دا بفارغ الصبر

°°°°°°°°°°°°°°°°°°°°°°°°°°°°°°°°°°°°°°

"عرفتوا اللي حصل مني ولدت ابنها"

يحيى : أنت لسه جاي يا طارق 

طارق : أنا جاي والبلد كلها بتكلم في موضوع مني 

يحيى باستهزاء : ماتقوليش أنت كمان أنك مصدق اللي الناس بتقوله دا 

طارق : يسري أبو الواد كان قاعد مع سالم الدجال دا ليل ونهار ومتجوز بنته وأنت عارف مين سالم دا 

يحيى : أنت دكتور يا طارق دول ناس جهلة هتبقي زيهم 

طارق : إيه علاقة الطب بكل اللي بيحصله دا 

يحيى : أكيد دي حركة من بنت الدجال دي هي و جوزها عايزين ياخدوا الميراث ليهم 

طارق : انا شفت بعيني يسري دا هو بيكلم مع الموتي والناس اللي خلهم تحت سيطرته وبقوا زي عيبد له الحيوانات بتهاجم الناس لما يأمرهم بكدا وعايزني مصدقش

يحيى : تخاريف كلها تخارف أنا مش هاسيب البيت دا أبدا

 

°°°°°°°°°°°°°°°°°°°°°°°°°°°°°°°°°°°°°

مني بصوت خشن : اجهز يا حببيي أكيد انت محتاج أكل عمك طارق جاهز لأكل 

كبر حجم الرضيع وجلده بقي خشن وقاسي وضوافره أكبر واختفي فجاءة

#ابن_الشيطان

#ايناس_اشرف

البارت الثاني 

طارق بعصيبة : انا ماشي من هنا يا يحيى ماشي ومش عايز حتي نصيبي في الورث دا 

يحيى : أمشي براحتك أنا قاعد مهو أنا مش هامشي ورا شوية تخاريف 

سلوي : خليك قاعد بقي لما التخاريف دي تبقي حقيقة 

انطفيء نور البيت وفي صوت زرع لأبواب البيت كله 

طارق بخوف ورعب : النور انطفيء ليه 

يحيى : بلاش جبن وأجمد كدا هاشوف اشوف الكهربا وارجع

طارق بصوت عالي : تروح فين محدش هيتحرك من هنا هم عايزين كل واحد يروح في حتة عشان يستفرضوا بينا 

°°°°°°°°°°°°°°°°°°°°°°°°°°°°°°°°°°°°°°°°

"أم ابراهيم البيت راح فين"

البيت اختفي تماماً من مكانه المكان بقي عبارة عن ارض فاضية 

أم ابراهيم بخوف : عملها سالم وبنته احنا لازم نمشي من هنا يا عبده وناخد العيال معانا قبل ما الخراب يحل 

عبده : نمشي نروح فين وسالم ماله ومال البيت اللي اختفي دا 

ام ابراهيم : هو أنت مش عارف سالم بنته ولدت امبارح وجابت ولد وابو الولد دا يبقي يسري اللي هو دراع سالم اليمين يعني كلهم شياطين في بعض وأهل يسري قتلوه عشان اللي كان بيعمله في الناس وقبل ما يموت هددهم بدمار هيبدأ من ولادة ابنه واهو بدا اللي وعد بيه 

°°°°°°°°°°°°°°°°°°°°°°°°°°°°°°°°°°°°°°°°

صوت تكسير خشب في البيت ولمبات بتفرقع وصوت عياط لأطفال 

سلوي وهي مرعوبة : صدقت يا يحيى سامع الأصوات احنا هنموت يا يحيى وكل تفكيرك في الفلوس وبس 

يحيى مستغرب : أومال فين طارق مش سامع له صوت

سلوي بخوف : معرفش الدينا ضلمة مش شايفة حاجة

يحيى : طب اهدي أنا هاروح اشوف الكهربا مالها أكيد لما النور يرجع الدينا هتهدأ 

سلوي بخوف : لا متروحش حتة أنا هاشغل الكشاف في موبايلي 

شغلت سلوي كشاف الموبايل بتاعها عشان تشوف كويس 

صرخت سلوي وهي بترعش من الخوف 

يحيى : مالك يا سلوي في إيه 

سلوي وهي بترعش من الخوف : دم يا يحيى علي الأرض

°°°°°°°°°°°°°°°°°°°°°°°°°°°°°°°°°°°°°°°°°

عبده : أنا صعبان عليا الناس دول وعايز اعمل حاجة تساعدهم 

أم ابراهيم : هتعمل إيه احنا مالنا بيهم اياك تفكر تعمل حاجة يا عبده نروح في الرجلين واحنا عندنا عيال عايزين يتربوا 

عبده : سالم دا بتاع تلاتة ورقات واللي يقولك بتاع سحر و مخاوي يبقي كذاب حتي لو كدا فربنا قادر علي كل شيء 

ام ابراهيم : خلاص ربنا يتولاهم برحمته بقي احنا مالناش دعوة وبعدين أنت لو اتشحرت في الموضوع هتموت زي ما هم هيموتوا سالم وبنته ويسري والواد اللي ولدت دول مش هيرحموك أبدا دول شياطين وليهم ناس تحت الارض كتير بتساعدهم

عبده : البيت بتاع سالم لسه مفقول زي ما هو من يوم مات صح 

ام ابراهيم : أنت ناوي علي إيه يا عبده 

°°°°°°°°°°°°°°°°°°°°°°°°°°°°°°°°°°°°°°°°

يحيى : الدم دا لو مشينا وراه هيوصلنا لحاجة أكيد 

سلوي وهي مرعوبة : معقول دا دم طارق يا يحيى 

يحيى : الدم دا نقط ورا بعض يعني أكيد لو مشينا وراه هنعرف يا سلوي 

سلوي وهي مرعوبة : لا مش هنمشي ورا حاجة احنا هنخرج من هنا 

يحيى : البيت مفقول علينا هنخرج ازاي احنا هنمشي ورا الدم دا مفيش حل قدامنا غير كدا

°°°°°°°°°°°°°°°°°°°°°°°°°°°°°°°°°°°°°° 

في أوضة من البيت جاي منها صوت تكسير زي صوت تكسير العظم وصوت حد عمال يتألم ويصرخ وينادي علي يحيى وفي خيال ماسك بسكينة وجاي من ورا سلوي 

°°°°°°°°°°°°°°°°°°°°°°°°°°°°°°°°°°°°°°°

راح عبده بيت سالم القديم فتحته هاجمته خفافيش بمجرد ما دخلت البيت اتفقلت عليه كل الأبواب وظهرله خيال شخص غريب بيكلمه  " جاي ليه الأمر نفذ خلاص"

#ابن_الشيطان

#ايناس_اشرف 

تفاعل كبير عشان يوصلك باقي الرواية 👇👇

البارت الثالث 

سلوي مرعوبة : إيه الصوت دا جاي منين 

يحيى وهو خايف : من تحت من أوضة يسري 

سلوي مرعوبة : دا تكسير عظم جامد معقول دا يكون طارق 

يحيى بقلق :  اسنتي هنا وأنا اروح اشوف مفيش كل غير كدا

يحيى بيلاحظ الخيال اللي ورا سلوي وبيص عليه برعب مش قادر يتكلم 

°°°°°°°°°°°°°°°°°°°°°°°°°°°°°°°°°°°°°°

عبده برعب : مين اللي بيتكلم والباب اتفقل ليه 

الصوت  : مش مهم مين اللي بيتكلم بس اللي جاي تدور عليه مش هنا ومش هيحصل 

عبده وهو مرعوب : سالم صح 

الصوت : أيوا سالم وملكش دعوة باللي بيحصل دا 

عبده : وعرفت منين أنا في إيه 

الصوت : جاي تطلب نجاتهم ودا مش هيحصل

 

°°°°°°°°°°°°°°°°°°°°°°°°°°°°°°°°°°°°°°°

يحيى وهو خايف : سلوي...

سلوي بخوف : مالك يا يحيى في إيه 

يحيى وهو مرعوب : بصي وراكي في خيال بيقرب ومعاه سكنية 

بتبص سلوي لورا وهي مرعوبة الخيال كان اسرع منها والسكينة دخلت في دراعها والخيال اختفي وصوت تكسير العظم اختفي بردو 

°°°°°°°°°°°°°°°°°°°°°°°°°°°°°°°°°°°°°°

سالم بصوت خشن قوي : اخرج من هنا ومتجيتش تاني ومالكش دعوة بحاجة 

عبده : يبقي كلام الناس صح أنت لسه عايش ومموتش 

سالم بصوت قوي جدا : قولتك مالكش دعوة واخرج من هنا

عبده : مش هاخرج قبل ما افهم الموضوع كله 

سالم بصوت قوي وغضب : قولتك اخرج من هنا دلوقتي 

جت ريح قوية وطردت عبده برا وفقلت الباب وراه 

°°°°°°°°°°°°°°°°°°°°°°°°°°°°°°°°°°°°°°

سلوي برعب وفزع : ايدي يا يحيى بنزف دم اسود 

يحيى بفزع : ايدك فيه حشرات بتاكلها يا سلوي 

°°°°°°°°°°°°°°°°°°°°°°°°°°°°°°°°°°°°°

أم ابراهيم :طردتك صح 

عبده بتوتر : مين اللي طردني يا ولية 

ام ابراهيم : سالم اللي روحته تترجاه يسبب الناس في حالهم 

عبده بخوف : وأنت ِ عرفتي منين أني روحته وطردني 

كل دا وأم إبراهيم وافقة بضهرها بتكلم عبده في نفس الوقت اللي وشها أتغير فيه وظهر فيه عروق ضخمة وعينها بقيت حمرا زي لون الدم 

تفاعل كتير عشان تشوفوا باقي الرواية 👇👇

#ايناس_اشرف

#ابن_الشيطان

البارت الرابع 

خلع يحيى الجاكت بتاعه وحطته علي ايد سلوي عشان النزيف يوقف

سلوي برعب وهي بتالم : ايدي يا يحيى مش قادرة حاسة بنار والعة فيها

يحيى بخوف : اهدي بس الحشرات دي فيها سم لو دخلت جسمك هتموني اهدي أرجوكِ 

سلوي وهي تتالم : مش قاردة يا يحيى مش قاردة حاسة اني بموت 

جسم سلوي اتغير لونه وبقي أزرق ورغم محاولات يحيى عشان يقف الحشرات بس محاولاته كلها فشلت والنزيف فضلت موجود

°°°°°°°°°°°°°°°°°°°°°°°°°°°°°°°°°°°°°°°°

عبده : بقولك إيه البيت اللي في الجبل اللي كان سالم بيروحوه وياخد معاه ابراهيم ابن عم الاستاذ يحيى ليه محدش بيقرب منه اكيد في حل للي بيحصل دا 

أم ابراهيم بصوت خشن : ملكش دعوة بالبيت دا اللي بيروح مبرجعش منه حي 

عبده باستغراب : صوتكِ ماله بقي خشن كدا ليه 

أم ابراهيم بصوت خشن : ملكش دعوة بصوتي البيت دا متقربش منه حارسه كتير وأنت مش قدهم 

عبده بخبث: مش دا المكان اللي الناس بتوع عليه بيت العفاريت والجن

أم إبراهيم بصوت خشن : أيوا

عبده باستغراب : لفي كدا يا ام ابراهيم عشان أقولك ِ حاجة وش لوش كدا

لفت ام إبراهيم وهي بشكلها العادي تراجعت العروق اللي في وشها وعينها رجعت لطبيعتها 

°°°°°°°°°°°°°°°°°°°°°°°°°°°°°°°°°°°°°°°

خلع يحيى سلسلة غريبة من رقبته في نهايتها دائرة مكتوب فيها كلام غريب مش مفهوم داخل في بعضه خلع السلسلة ولابسها في رقبة سلوي بمجرد ما بقيت السلسلة في رقبة سلوي الحشرات اختفت والدم وقف وكل حاجة رجعت لطبيعتها 

يحيى : الحمد لله السلسلة نفعت أخيراً 

سلوي باستغراب : إيه اللي حصل ايدي رجعت زي ما كانت والدم وقف 

يحيى بتعب : السلسلة دي من جدي كان اديها وانا ضغير قالي محدش يقدر يجي جمبك طول ما السلسلة دي معاك أنا معرفش السلسلة دي إيه بس عمري ما قلعها من رقبتي وفكرت انها ممكن تحميك لو بقيت معاك

سلوي بقلق : وأنت مين هيحميك منهم 

°°°°°°°°°°°°°°°°°°°°°°°°°°°°°°°°°°°°°°°

عبده بخبث : تعالي معايا نروح البيت اللي في الجبل 

ام ابراهيم : البيت مش هنروحه أحنا مش قد حارسه 

عبده : يا ولية أنت ِ بتصدقي في التخاريف دي 

أم ابراهيم بصوت خشن : تخاريف !

عبده بخبث : أيوا تخاريف سالم دا ميعرفش حاجة لا عن الجن ولا العفاريت وكل اللي بيعمله دا شغل اونطة نصب يعني

أم ابراهيم بصوت خشن قوي : سالم دا كان مسخر تحت ايد ناس من العفاريت وكان ليه حراسه متحاولش حتي تقرب من البيت 

عبده بخبث : يا شيخة كله شغل دجالين بينصبوا علي الناس لو كان قادر يظهر للناس كان ظهر و واجههم 

ام ابراهيم وقد ظهرت العروق في وشها وعيناها تحولت تاني وجسمها بدأت يتغير واخد شكل غريب 

°°°°°°°°°°°°°°°°°°°°°°°°°°°°°°°°°°°°°°°°

يحيى : سببها لربنا عايزين دلوقتي نشوف طارق فين 

سلوي : أكيد في الأوضة اللي تحت دي 

يحيى : لا دي أكيد خطة لاسترجعنا هو مش في الاوضة دي 

سلوي باستغراب : اومال هيكون فين 

يحيى بحيرة : معرفش ومعرفش أصلا هو حي و لا ميت 

سلوي : هو أكيد حي يعني من الواضح انهم قصادين يعذبونا بس 

يحيى باستغراب : مش فاهم 

سلوي : يعني هما كان في أيديهم يقتلوني بس دا محلصش وفضلوا يعذبوا فيا في الأول 

يحيى : يعني قصدك انهم بيعذبوا طارق الأول وبعدين يقتلوه 

سلوي : تقريباً آه 

يحيى : لو كدا فاحنا قدامنا فرصة نقذوه من العذاب 

سلوي : وهنعمل دا ازاي والمكان دا كله تحت سيطرة مني وابنها 

يحيى : يبقي لازم نخرج من هنا او نخلي سيطرتهم اقل وأنا عارف هاعمل كدا ازاي 

°°°°°°°°°°°°°°°°°°°°°°°°°°°°°°°°°°°°°°°°

مني بصوت خشن مرعب : عذابهم يا حبيي خليهم يدوقوا اللي أبوك داقه قبل ما يموت وريهم أنك قادر تمحهم من علي وش الدينا 

صوت من الأوضة ومش باين الشكل بيقول :خليهم يدفعوا تمن اللي عملوه في ابويا الأرض والشمس اتجمعوا النهاردة معايا 

مني بصوت خشن مرعب : كدا مفيش خروج من هنا إلا وهم تراب

تفااااااعل كبيييير عشان تشوفوا باقي الرواية التفاعل القليل هياخر نزول الرواية 

#ايناس_اشرف

#ابن_الشيطان

البارت الخامس

أخد يحيى سلوي ونزلوا إلي أوضة فيها كراكيب كتير وأوراق قديمة والأوضة كانت ضلمة النور فيها جاي من موبايل سلوي 

سلوي باستغراب : احنا فين 

يحيى : أوضة قديمة فيها كل العقود والأوراق الخاصة بالعيلة دي من أول جدي الكبير لحد دلوقتي 

سلوي باستغراب : طب وأحنا هنا ليه 

يحيى : هندور هنا نشوف أي حاجة تخرجنا علي رجلينا 

سلوي : تفكر هنلاقي حاجة هنا الموبايل هيفصل مني 

يحيى : لازم نلاقي يا سلوي لازم والا مش هنخرج من هنا 

°°°°°°°°°°°°°°°°°°°°°°°°°°°°°°°°°°°°°°°°

عبده بثبات : مكنتش اعرف أني مهم لدرجة أنك تجي هنا ورايا 

ام ابراهيم بصوت خشن قوي : أنا قولتك ملكش دعوة 

عبده : وأنا قولتك مش هسبيهم أي كان اللي عملوه ميستحقوش العذاب دا اللي مات مات بسبب شره مش بسببهم هم اه ممكن يكونوا طماعين بس الموت كان بسبب شر يسري وإبراهيم أخوه 

ام ابراهيم بصوت قوي جدا خشن : مش هتفتح البيت ولا هتجي جمبه يا عبده مش هتخرج حي من هنا عشان تعمل كدا 

°°°°°°°°°°°°°°°°°°°°°°°°°°°°°°°°°°°°°°°

سلوي باندفاع وخوف شديد : يحيى تعال بسرعة في حاجة هنا 

يحيى : إيه في إيه مالك

سلوي بخوف : في جثة هنا ورا الكتب دي 

شاورت يحيى علي شوية كتب كانوا مرمين علي الأرض باين من تحتهم رجل بني ادم قرب يحيى وشال الكتب وكشف عن الجثة

يحيى باشتمزار  : إيه الريحة دي الجثة متعنفة خالص 

سلوي برعب : شكلها لسه ميتة من فترة قريبة مش بعيدة 

يحيى بقلق : الملامح بتاعت الوش مش ظاهرة اوي عشان نعرف مين دا 

سلوي برعب كبير : الجثة دي لابسة نفس هدوم طارق وقت ما كان معانا يا يحيى 

°°°°°°°°°°°°°°°°°°°°°°°°°°°°°°°°°°°°°°°°°°

عبده بثبات : هافتحه وهاروح وهاطلع اللي فيه يا سالم 

ام ابراهيم بصوت خشن عصبي : مش هتروح يا عبده 

ابواب البيت اتفقلت وراها النور اتطفأ والأرض اتهزت بقوة كبيرة وكل حاجة في البيت وقعت علي الأرض كان في زالزال بيضرب البيت

حاول عبده ان يتماسك شوية بس فشل 

وصوت سالم بيقوله " وريني بقي هتطلع من هنا ازاي "

°°°°°°°°°°°°°°°°°°°°°°°°°°°°°°°°°°°°°°°°°

سلوي بخوف شديد : وبعدين هنعمل ايه يا يحيى 

يحيى بخوف : مش عارف يا سلوي يعني أنا اجي ادور علي حاجة تطلعنا من هنا ألاقي المصيبة دي 

سلوي بخوف : أنا مش فاهمة ازاي دي جثة طارق اللي كان معانا امبارح الجثة باين عليها أنه ميتة من أقل حاجة يومين تلاتة 

يحيى بقلق : لو دا يحيى اللي قدامنا يبقي اللي كان معانا مش يحيى حد تاني 

سلوي بخوف : حد تاني مين 

يحيى بخوف وقلق : سالم او يسري والأقرب يسري

سلوي بخوف شديد : يسري دا مات ازاي هيكون هو طارق.....

يحيى بتوتر وقلق : كان جدي بيكلمني وأنا ضغير عن انتقال الروح بين الأجساد أنا متاكد أن لما طارق مات يسري دخل جسم طارق وظهرلنا علي أنه طارق عمري ما صدقت أن دا ممكن يكون حقيقة في يوم من الأيام 

سلوي بخوف : طب وبعدين يا يحيى هنموت هنا ولا إيه 

من ورا سلوي ويحيى بيجي خيال لبني آدم  طلع من الحيطة وقرب عليهم لحد ما دخل جسم سلوي 

يحيى بتوتر : أحنا ممكن ندور في كتب السحر دي 

°°°°°°°°°°°°°°°°°°°°°°°°°°°°°°°°°°°°°°°°° طلع عبده من جيبه سلسلة غارقة في الدم و مكتوبة عليها كلام مش مفهوم داخل فيه أشكال حيوانات لبس السلسلة وبمجرد ما لبسها الارض هدأت والهزة اختفت 

أم ابراهيم بصوت خشن قوي : جبت السلسة دي منين اقلعها 

عبده بتوتر وخوف : مش هاقلعها طبعاً أنت عارف دم مين اللي علي السلسلة دي دم بنتك 

تفاعل كبير عشان تشوفوا باقي الرواية 👇👇

تكملة القصه والجزء السادس والأخير من هنا