 |
البارت السادس
أم ابراهيم بصوت قوي خشن :اقلعها من رقبتك اقلعها بقولك وإلا فصلت رأسك عن جسمك
عبده بتوتر : متقدرش تجي جمبي طول ما السلسلة دي معايا من ساعة من طردني من البيت وأنا متاكد اني هاشوفك تاني عشان كدا روحت المقابر قبل ما اجي علي هنا وهناك لاقيت السلسلة دي وعليها الدم مدفونة في الأرض صحيح انا مكنتش هدفي الاقي السلسلة دي وجت كدا بالصدفة في طريقي أنا كنت عايز أعرف أنت موتت ولا لسه عايش ولا دي روحك ولا أي بس اهو لاقيت حاجة تحميني منك
ام إبراهيم بصوت قوي خشن : وأنت فاكر أن السلسلة ممكن تحميك مني
°°°°°°°°°°°°°°°°°°°°°°°°°°°°°°°°°°°°°°°°
يحيى بتوتر : كل كتب السحر دي مكتوب بلغة مش فاهمها ومعرفش جدي كان بيفهم الحاجات دي ازاي
سلوي بثبات : وريني كدا الكتاب اللي معاك
اخدت سلوي الكتاب من يحيى وبدأت تقرأ فيه
بيقول هنا أن السحر أنواع وأن أخطر أنواع السحر دا تجسيد الأرواح ما بين الموت ودا لازم الشخص يحضره قبل ما يموت
يحيى باستغراب : أنت ِ عرفتي تقرأي الكتاب ازاي
سلوي بثبات : كان بقعد مع جدي وهو بيقرأ في الكتب دي
يحيى باستغراب شديد : جدك!!!!
سلوي بثبات : أيوا جدي لأمي متعرفوش أنت
يحيى بتكلم نفسه : جدها اللي مات من عشرين سنة
°°°°°°°°°°°°°°°°°°°°°°°°°°°°°°°°°°°°°°°
عبده بثبات وشوية توتر : اليوم هو كل ما تبقي حتي نفذ الحيل وتعلقت الأرواح في حبال من الفناء
بمجرد ما قال عبده الكلام دا اختفي سالم ورجعت أم ابراهيم لحالتها الطبيعة ورجع البيت لحالته الاصلية
عبده بتوتر : أنتي كويسة ؟
أم ابراهيم بتعب : تعبانة حاسة أني كنت مقيدة ومحبوسة في حتة بعيدة
عبده بارتياح : الحمد لله أنكِ كويسة خليكِ هنا متخرجيش برا البيت دا فاهمني يا أم ابراهيم أنتِ والعيال
أم ابراهيم بقلق : ليه هو في إيه أنت عملت إيه
عبده : دخلت اللعبة خالص يا أم ابراهيم ويا أطلع منتصر يا اطلع خسران كل حاجة
أم ابراهيم بخوف: أنا مش قولتكِ ملكش دعوة بيهم وباللي بيحصل ليهم
عبده : مليش دعوة ازاي يعني اقعد اتفرج عليهم وهو بيخلصوا كدا واحد ورا التاني وأنا في ايدي اساعد واتاخر انتي ناسية يحيى دا ساعدنا ازاي وقف جمبنا وهو اللي عمل البيت دا وشغلنا عنده دا وقت نرد الجميل ليهم بقي
خرج عبده وساب أم ابراهيم في البيت وفقل عليها البيت هي والعيال وحط علي البيت السلسلة اللي كانت معاه عشان تحميهم وراح هو للبيت اللي في الجبل
°°°°°°°°°°°°°°°°°°°°°°°°°°°°°°°°°°°°°°°
بص يحيى علي رقبة سلوي مالقاش السلسلة اللي اديهالها
يحيى باستغراب : السلسلة فين يا سلوي
سلوي : سلسلة أي
يحيى بتوتر : لا مفيش حاجة وصلتي لايه في الكتب دي عرفتي إزاي هنخرج من هنا
سلوي : السحر دا مشترك فيه ابن وعائلته كلهم تقريباً
يحيى باستغراب : وبعدين هنخرج إزاي
سلوي : محتاجين حد يساعدنا من برا المكان زي ما حد برا المكان دا بيساعد الابن وأمه بردو
يحيى بتوتر : ومين دا اللي هيساعدنا من برا المكان
سلوي : مش دي المشكلة المشكلة الحقيقية الابن ممكن يتحد مع الأم في جسم واحد ودي المشكلة الحقيقية لأن قوتهم هتكبر
يحيى باستغراب : بتكلمي زي ما كان جدي بتكلم زمان
°°°°°°°°°°°°°°°°°°°°°°°°°°°°°°°°°°°°°°°
وصل عبده إلي بيت الجبل البيت نفسه عبارة عن كهف كأنه مقابر مش بيت المكان كله ضلمة وهياكل عظمية مرمية في الأرض وريحته وحشة جدا
عبده بتوتر : هو دا المكان اللي اتعلموا فيه السحر
مشي عبده لحد ما وصل لاوضة غريبة اتفتح لوحدها فجاءة دخل عبده فيها بمجرد أن دخل الباب اتفقل عليه وطلع من الحيطة جسم غريب اخد شكل طارق
°°°°°°°°°°°°°°°°°°°°°°°°°°°°°°°°°°°°°°°°
الأم في نفس الأوضة اللي ولدت فيها نادت علي ابنها اللي مكنتش ظاهر بجسمه بس صوته كان موجود وهو بيقولها أيوا يا ماما
مني بصوت جهور قوي : وقت الاتحاد جه خد جسمي كله ملكك اعملي اللي أنت عايزيه به وانتقم من اللي قتلتوا أبوك
بمجرد ما قالت مني الكلام دا لابنها ظهر حشرات سودة كتيرة وهاجمتها ودخل جسمها وتحولت من شكلها البشري لوحش كبير اختفي من الأوضة بسرعة
تفاعل كبير عشان تشوفوا باقي الرواية 👇👇
#ابن_الشيطان
#ايناس_اشرف
البارت السابع
عبده بخوف وارتباك : حد هنا
سمع صوت ازاز بيكسر وناس بتعيط بصوت عالي وصوت ست بتكلم بكلام مش مفهوم والاوضة كلها ضلمة
طلع عبده كشاف ضغير من جبيه كان جيبه معاه احتياطي وبدأ يكتشف المكان
°°°°°°°°°°°°°°°°°°°°°°°°°°°°°°°°°°°°°°°°
يحيى باستغراب : واحنا ممكن نوقف الاتحاد دا ازاي
سلوي : مفيش طريقة لوقفه دا أم وابنها بيهم رابط الدم ماينفعش حد يقدر يوفقه يسري جوز مني دا الناس كلها كانت بتقول عليه شيطان بسبب استخدامه لطرق سحر مدمرة بيقتل بيها الناس
يحيى باستغراب : وأنتي عرفتي كل الكلام دا منين
سلوي بثبات :الكتب دي فيها كل الكلام اللي بقوله دا
يحيى بتوتر : سلوي عايز اقولك حاجة
°°°°°°°°°°°°°°°°°°°°°°°°°°°°°°°°°°°°°°°°
حد جه من ورا عبده وخبط علي كتفه بص عبده بخوف وراه عشان يشوف مين دا
عبده بخوف شديد : مين طارق !!
طارق : أيوا أنا أنت بتعمل إيه هنا
عبده باستغراب : أنا هنا عشان....
سكت عبده في نص الكلام شوية وبعدين قال
مش مهم أنا بعمل إيه هنا أنت بتعمل إيه هنا
طارق : مش عارفة انا كنت مغمي عليا وصحيت لاقتني هنا
عبده باستغراب : أنت مش كنت معاهم هناك في القصر
طارق : أيوا كنت معاهم بس فجاءة حد سحبني واغمي عليا وصحيت لاقتني هنا ومش عارف أنا فين
°°°°°°°°°°°°°°°°°°°°°°°°°°°°°°°°°°°°°°°°
سلوي : حاجة إيه
يحيى بتوتر : جدي قالي زمان أن الروح بتنفصل عن الجسم وقت الموت باختصار يعني الروح بتعيش الجسد بس هو اللي بيموت والروح ممكن تاخد أي جسد
سلوي : كويس أنك كنت بتسمع كلام جدك صح
يحيى بتوتر : وطبعاً الروح بتعرف كل حاجة تخص أهلها
سلوي : أكيد
يحيى بقلق : أكيد وممكن تتدخل وتساعدهم في اي وقت
سلوي : أنت عايز إيه من ورا الكلام دا
يحيى بتوتر : عايز اعرف مين بيكلمني دلوقتي بالظبظ
°°°°°°°°°°°°°°°°°°°°°°°°°°°°°°°°°°°°°°°
عبده باستغراب : وأنت محاولش تدور علي يحيى ومراته
طارق : أنا لسه فايق دلوقتي ولسه بشوف أنا فين لاقيتك في وشي
عبده بقلق : إيه اللي هيستفيده سالم من انه يجيبك هنا أنا مش فاهم اي حاجة
طارق : انا اللي مش فاهم حاجة هو في إيه
عبده بتوتر : انت إيه اخر فاكرها يمكن نوصل لحاجة ونخرج بيها من هنا
باب الأوضة اتفتح فجاءة ودخلت ست السواد كان مغطيها ومش باين غير شعرها الطويل الاشقر
°°°°°°°°°°°°°°°°°°°°°°°°°°°°°°°°°°°°°°°°
سلوي : عايز تعرف إيه يا يحيى
يحيى : مين اللي بكلمه دلوقتي وفين سلوي !
تفاعل كبير عشان تشوفوا باقي الرواية 👇👇
#ابن_الشيطان
#ايناس_اشرف
البارت الثامن
سلوي : سلوي بأمان متخفش عليها
يحيى بخوف وصوت عالي : يعني إيه بأمان هي فين أصلا وأنتي مين
سلوي : أنا زي ما أنت شاكك جدك أمير حد استدعاني ومش اي استدعاء استدعاني بالدم عشان اجي بسرعة
يحيى بتوتر وخوف : كنت متاكد أنه أنت بس مين اللي استدعاك
سلوي : معرفش مين عمل كدا بس كويس أنه عمل اللي عمله دا لأنك محتاج وجودي معاك
يحيى بتوتر : طب هنخرج ازاي من هنا
°°°°°°°°°°°°°°°°°°°°°°°°°°°°°°°°°°°°°°°°°
عبده بقلق وخوف : أنتي منين
مكنتش باين من الست أي ملامح حتي بعد ما الإضاءة جت علي وشها كان كله أسود بردو بدا شعرها يطول أكتر و أكتر لحد ما وصل الشعر إلي رقبة طارق واتلف حواليها وكل دا وسط خوف وفرغ من عبده
عبده وهو بترعش : أنت مين وعايزة إيه
السيدة بصوت قوي خشن : أنا القدر اللي عمرك ما هتعرف تهرب منه
السواد اتشال من علي السيدة كانت وشها عبارة عن هيكل عظمي مرعب
°°°°°°°°°°°°°°°°°°°°°°°°°°°°°°°°°°°°°°°°°
يحيى بتعب : أنا تعبت يا جدي من الموضوع دا بجد وبفكر استسلم وخلاص بقي
سلوي : وتفكر دا حل يا يحيى هو إيه اللي حصل ما بينكم من الأول خلي حد زي سالم يعمل كدا
يحيى : اتخانقنا أنا ويسري وطارق علي الميراث ويعني زودت شوية ورق كدا عشان ازود حقي من الميراث أنا وطارق
ويسري مشي سنة بحالها محدش يعرف عنه ورجع متجوز بنت سالم دي وفي بطنها طفل أنا وقتها كنت عرفت غلطتي وعرضت عليه فلوس بس هو رفض وفي يوم صحينا لاقينه غرقان في دمه في أوضة هنا في البيت معرفش هو مات منتحر ولا اتقتل بس وقتها هم قالوا يعني أنه مات بالسحر بسبب اللي كان بيعمله مع سالم وقبل ما يموت فضل يومين يحذر من ابنه اللي هيجي يعذابنا ومن ساعة ما اتولد ابنه ومفيش حاجة ماشية صح
سلوي : في أنهي أوضة مات يسري
يحيى :في الأوضة اللي جمب دي بس ليه
°°°′°°°°°°°°°°°°°°°°°°°°°°°°°°°°°°°°°°°°°°
شعر السيدة اللي لفته علي رقبة طارق فصل رقبة طارق عن جسمه في غمضة عين واطلقت عليه حشرات سودة أكلت جسمه كله
عبده بيتفرج علي كل دا وهو مرعوب وبيقول لنفسه أنه أكيد هو اللي عليه الدور ومش هيطلع من هنا حي
°°°°°°°°°°°°°°°°°°°°°°°°°°°°°°°°°°°°°°°°°
يحيى : هي دي الأوضة اللي مات فيها يسري
سلوي : حد جه جمب الأوضة ما وقت مات يسري
يحيى : لا يا محدش قرب ليها كلنا كنا خايفين نقرب بسبب السحر اللي كان بيعمله يسري هو انت يا جدي مينفعش تخرج من سلوي
سلوي : لا مينفعش جسم سلوي وسيط بين عالم الأرواح والعالم دا
يحيى : فهمت طب هنعمل إيه دلوقتي
سلوي : أنت اللي هتعمل مش أنا
يحيى بقلق :يعني أنا اللي هاعمل مش فاهم
°°°°°°°°°°°°°°°°°°°°°°°°°°°°°°°°°°°°°°°°°
كسرت أم ابراهيم باب البيت وشالت الفقل اللي كان عليه ونادت حد من العيال
ام ابراهيم : اسمع يا ابراهيم أنت الكبير خدي بالك من أخواتك كويس محدش يخرج من البيت دا عندكم الأكل والشرب وكل حاجة اللي هيخرج من البيت هيتحرم من اللعب فاهم يا ابراهيم
الطفل إبراهيم : فاهم يا ماما بس أنتي رايحة فين يا ماما
أم إبراهيم : رايحة اجيب ابوكم واجي ادخل بقي وأنا مش هتاخر عليكم وهاجبيكم حاجات حلوة وانا جاية
دخل الطفل جوا وفقلت أمه عليه البيت وحطيت السلسلة عشان تحمي العيال
راحت لبيت سالم في الجبل وهي بتقول لنفسها بخوف "أنا جيالك يا عبده اسنتي بس شوية وأنا جاية "
تفاعل كبير عشان تشوفوا باقي الرواية 👇👇
#ابن_الشيطان
#ايناس_اشرف
البارت التاسع
سلوي بجدية : بص يا يحيى اللي جاي كله جد مفيش فيه هزار
يحيى بخوف : يعني إيه أنت قلقتني أوي
سلوي بجدية : لازم تقلق احنا بواجه حد اقوي مننا أضعاف حد كل هم ياخد حقه منك أنت وطارق بالذات
يحيى وهو مرعوب : طب أنا مطلوب مني وانا اعمله
سلوي : اقعد مربع رجليك وتغمض عينيك واياك مهما حصل ومهما سمعت تتحرك من مكانك يا يحيى فاهم
يحيى بخوف جامد : حاضر يا جدي متقلقش مش هتحرك
°°°°°°°°°°°°°°°°°°°°°°°°°°°°°°°°°°°°°°°°°
لفت الست شعرها حوالين رقبة عبده وهو بيقاوم فضل علي الحال دا خمس دقايق لحد ما وصلت ابراهيم وسمعت صوت صريخ جرت علي الأوضة اللي فيها الصريخ وفتحت الباب لاقيت الست بتحاول تقتل عبده
ام ابراهيم بصوت قوي وخشن : سبيه دلوقتي حالا
الست بصوت قوي : هاخدك معاه
شعر الست اتقسم ومسكت ام إبراهيم من رقبتها ولفت علي رقبتها الشعر
ملامح أم ابراهيم اتغيرت عروق وشها ظهرت وبصوت قوي خشن قالت : أنا قولتكِ تسبيه يعني تسبيه وقطعت شعر الست ومسكت اللي فاضي من الشعر شدت منه الست وخطبها في الحيطة خليتها اتحولت تراب في اقل من دقيقة
°°°°°°°°°°°°°°°°°°°°°°°°°°°°°°°°°°°°°°°°°
قعد يحيى علي الأرض مربع رجليه ومغمض عينه وضربات قلبه قوية جدا وسلوي رسمت حواليه دائرة بلون الأسود مكان ما مات يسري بالظبظ وكتبت علي الدائرة كلمات زي الدم والمفقود واستدعاء والليل
يحيى بقلق : أنا مش فاهم إيه اللي هنستفيده من دا
سلوي : هنستدعي ابن الشيطان عشان يجي لعبة القط والفار دي لازم تخلص بقي
يحيى بخوف جامد : لما نستدعيه مش هيخلص علينا انت بنفس بتقول أنه أقوي مننا أضعاف يا جدي
سلوي : أقوي لأنه بيحرك اللعبة وأحنا مش شايفينه بس هيبقي قدام عنينا وهنتصرف معاه كويس
يحيى بخوف : الاستدعاء مفيش منه خطر علينا صح انا حاسس أنك بتخطط لحاجة مخبيء عليا
°°°°°°°°°°°°°°°°°°°°°°°°°°°°°°°°°°°°°°°°°
عبده بتعب : أنتي اللي جابك هنا مش قولتك تقعدي مع العيال
ام ابراهيم :واسبيك ازاي في الوضع دا انا لو اتاخرت ثانية كنت بعد الشر حصلك حاجة أنت كنت واقع في مصيبة
عبده باستغراب : وانتي عرفتي منين أني واقع في مصيبة
ام ابراهيم :حسيت وبعتت وراك ناس وهم اللي قولي
عبده بعصيبة : أنتي رجعتي لشغلانكِ القديمة ولا إيه
ام ابراهيم : شغلتني دي هي السبب في أنك حي دلوقتي
عبده بعصيبة : يعني رجعتي للسحر تاني وشغل العفاريت
ام ابراهيم : عندك حال تاني وبعدين أنا بستخدم السحر في حمايتك وحمايتي أنت من يوم ما أنت اتجوزتني وأنا بعيدة عن الطريق دا بس الظروف حكمت هنعمل ايه يعني
°°°°°°°°°°°°°°°°°°°°°°°°°°°°°°°°°°°°°°°
رشت سلوي علي الأرض حوالين يحيى مية سودة وريحتها لا تطاق
يحيى باستغراب : ايه الريحة دي
سلوي : دي من بقايا الجثة اللي لاقتوها في الأوضة
يحيى باستغراب : وانت هتعمل بيها إيه ريحتها لا تطاق مقرفة
سلوي : أنت عارف الجثة دي كانت بتاعت مين
يحيى بثقة : أيوا عارف بتاعت طارق
سلوي :لا بتاعت يسري أبو المولود وجوز مني
يحيى بخوف جامد : يعني إيه انا شايف هدوم طارق عليها
سلوي : مش كل اللي تشوفه حقيقي السحر نصه وهم
°°°°°°°°°°°°°°°°°°°°°°°°°°°°°°°°°°°°°°°°°
عبده بتعب : عايزين نلحق يحيى وسلوي قبل ما الروح تخلص عليهم
ام ابراهيم : متخفيش في أمان
عبده باستغراب : ازاي في أمان أنتي تعرفي حاجة أنا مش عارفها
أم ابراهيم بتردد : أنا استدعت جد يحيى بدمي عشان يجي يلحقهم عشان كدا روح سالم عرفت تلبسني لاني كنت ضعيفة بسبب الطاقة اللي اديها لروح جد يحيى
عبده بعصيبة : انا مبحبش تستخدمي السحر ولا الحاجات دي ليه تستخدمي حاجة شر زي دي
أم إبراهيم : مفيش حل تاني لا أنا و لا أنت ينفع ندخل القصر دا ممنوع علي البشر يدخله بس جد يحيى روح يعني يقدر يدخل بسهولة وكمان فاهم وواعي وهينقذهم من اللي هم فيه
عبده بتوتر وخوف : أم ابراهيم بصي وراكي كدا الست رجعت تاني
°°°°°°°°°°°°°°°°°°°°°°°°°°°°°°°°°°°°°°°°°
خلص جد يحيى طقوس الاستدعاء وقعد وشه في وش يحيى وهم الإتنين مغصمين عينهم ومربعين ايدهم
سلوي بجدية : متفتحش عينك تحت اي ظرف فاهم
بدأ الجد يقول كلام زي الروح مسيرها ترجع لمكانها الروح مربوطة بالمكان والمكان مربوط بالدم وعلي الروح الاستقرار وكلام زي دا مش مفهوم معناه ومع كل كلمة كانت بتقال الارض كانت بتهتز كأن في زالزل بيضرب البيت والميه السودة اللي رشها جد يحيى بتجمع مع بعض وسمع صوت صراخ قوي لطفل وبعدين سمع صوت للناس كتير بيتكلموا مع بعض بعصيبة كلام مش مفهوم
يحيى بخوف : في إيه يا جدي أنا خايف
سلوي بثبات : متخفش مفيش حاجة المهم اوعي تفتح عينك
فضل الحال دا خمس دقايق لحد ما سمع صوت قوي خشن
بيقول " كفاية أنا وصلت كفااااية"
سلوي : أهو وصل اثبت بقي
تكون شكل من الميه السودة اللي حوالين يحيى وهاجمته بقوة لحد ما دخلت في جسمه وبعد شوية فتح عينه وكانت عنيه عبارة عن كتلة دموية مرعبة
سلوي : اهلا بيسري
يحيى بصوت قوي جهور : أنا مين اللي جابني هنا وأنت مين
تفاااااااااعل عشان تشوفوا باقي الرواية بسرعة 👏
#ابن_الشيطان
#ايناس_اشرف
البارت العاشر
تفااااااعا عشان تشوفوا باقي الرواية بسرعة 👇👇👇
بصت أم ابراهيم وراها وهي مرعوبة لاقيت وراها الست وافقة وبدأ تهجم عليها وعبده مش قادر يتحرك من مكانه قيده الست بسحرها في الأرض
عبده بخوف ورعب : فكيني وسابها وخدني أنا
الست بنظرة شر : هتحصلها متقلقش
°°°°°°°°°°°°°°°°°°°°°°°°°°°°°°°°°°°°°°°°
سلوي بثبات: متقلقش أنت هنا في مكانك
يحيى بصوت عالي خشن : أنت السبب ورا استدعائي دا
سلوي بثبات : آه أنا اللي جبتك هنا
يحيى بصوت قوي : ليييه وعايز ايه مني
سلوي بثبات : عشان لعبة القط والفار تخلص وكفاية عذاب لحد كدا بتحرك اللعبة كلها من بعيد وقاعد تتفرج عليهم تعال وشوفها بقي من قريب
يحيى بانفعال جامد : دا جسم يحيى اشمعنا دا بالذات
سلوي بنفس الثبات : أنتوا من دم واحد ومفيش غيره ينفع يبقي جسد يحتوي روح زي روحك ملاها الشر والسواد
°°°°°°°°°°°°°°°°°°°°°°°°°°°°°°°°°°°°°°°°°
في أوضة من أوض القصر بعيدا كل دا طارق ويحيى وسلوي متقيدين بخيوط سودة من السحر
يحيى بتعب : أنا فين وأي الضلمة دي
طارق باستهزاء : أهو جه مش قولتك أن الدور عليه يجي هنا
يحيى باستغراب : طارق !!!!
طارق : أيوا طارق وجمبك سلوي مراتك
يحيى باستغراب جامد وخوف : هو في ايه أنا مش فاهم حاجة
سلوي : في كارثة يا يحيى كلنا حاطين أملنا كله عليك
يحيى بانفعال : أنا مش حاجة حد يفهمني
°°°°°°°°°°°°°°°°°°°°°°°°°°°°°°°°°°°°°°
روح يسري بصوت جهور جامد :كل دا كان من تدبيرك أنت يا سامي
روح جد يحيى : يعني تجليلي الفرصة أني اشوفك وأنا اضيعها
روح يسري بصوت قوي : أنت عارف أنه مش أنا السبب أنا مجرد آلة في ايد سالم يعني حتي لو جبتي هنا عمرك ما هتعرف تجبيه
روح جد يحيى (سامي) : الابن هيجي يدور علي ابوه والجد هيجي يدور علي حفيده أكيد
روح يسري بصوت قوي : مين قالك أن دا هيحصل اللي في دماغك دا مستحيل يحصل يا سامي
°°°°°°°°°°°°°°°°°°°°°°°°°°°°°°°°°°°°°°°°°
طارق : يعني دا طار ما بينهم من زمان ما بين سالم وجدك
يحيى باستغراب : طار ازاي مش فاهم
طارق : جدك كان ساحر وسالم دا اتربي علي ايده وشرب منه السحر كله وبعد ما اخد اللي هو عايزيه اتقتله في لحظة غضب وجدك عايز يتنقم منه والفرصة جت لحد عنده لما سالم وبنته خططوا لانتقامهم مننا اللي استدعت جدك ام ابراهيم فاكر كانت ايه قبل ما تتجوز عبده
يحيى بخوف شديد : كانت شغالة عند جدي ولما جدي مات اتجوزت عبده يعني جدي اللي طلبت منها كدا
طارق : بالظبظ كدا
يحيى برعب شديد : طب واحنا هيحصل فينا إيه
في الوقت دا ظهر خيال لست شبه ام إبراهيم الإضاءة مكنتش واضحة بس الصوت كان مميز ليحيى
°°°°°°°°°°°°°°°°°°°°°°°°°°°°°°°°°°°°°°°
ام ابراهيم بصوت قوي جامد : الروح تعصف تزلزل وتحرق الجسد احترقي بقوة الموت
مجرد ما خلصت الكلام الست كانت تراب وقعت أم إبراهيم علي الأرض منهكة تماماً جري عليها عبده يشوف مالها حاول يقرب منها معرفش كان حواليها ابخرة سودة كتيرة
°°°°°°°°°°°°°°°°°°°°°°°°°°°°°°°°°°°°°°°
الأرض اتهتزت جامد وطلعت أبخرة سودة تطلع من الأرض
اتلفت حوالين نفسها وكونت شكل اقرب للشيطان عن الإنسان عيونه حمرا ضوافره طويلة بشعه وشعر كثيف مغطي ضهره كله
روح جد يحيى بكل ثبات : قولتك الابن هيجي يدور علي ابوه أكيد
#ابن_الشيطان
#ايناس_اشرف
البارت الحادي عشر (الاخير)
عبده بخوف ورعب : قومي يا ام ابراهيم قومي أبوس ايدك
ام إبراهيم بتعب : مفهاش قومة يا عبده خلاص
عبده بخوف وقلق : لا مقوليش كدا هتقومي أنا مقدرش اكمل من غيركِ والعيال لما اروحهم ويسالوني علي أمهم اقولهم إيه
عبدو قال الكلام دا وانفجر في العياط
ام ابراهيم بتعب جامد : قولتهم أني عملت واجبي ناحية ابوهم ومقصرش في اي حاجة وأنا لازم امشي أنت عارف القوانين
°°°°°°°°°°°°°°°°°°°°°°°°°°°°°°°°°°°°°°°°
روح يسري بانفعال : أنت عايز إيه يا سامي
روح جد يحيى : الخلاص والخلاص مش هيحصل غير لما انتقم من سالم واسجنه في بيته لابد
الشيطان بصوت قوي خشن : دا لو أنت فضلت عايش أنا لو قتلت جسم الوسيط دا مش هتقدر تكمل
روح جد يحيى بثبات : واضح كدا أن سالم مش هيظهر غير لما اخلص عليك أنت الأول
الشيطان بصوت قوي خشن : هنشوف مين اللي هيخلص علي التاني
روح يسري بانفعال شديد : خد بالك يا ابني سامي مش سهل والهدوء اللي فيه يقلق أي حد
روح جد يحيى : متأخر التحذير دا
°°°°°°°°°°°°°°°°°°°°°°°°°°°°°°°°°°°°°°°°
يحيى بتوتر : سامعين في حد بينادي علينا من بعيد
طارق باستغراب :صوت إيه أنا مش سامع حاجة
سلوي باستغراب : ولا أنا سماعة حاجة
يحيى بقلق : في صوت زي صوت ام ابراهيم بينادي علينا وطيف زيها كدا بيروح وبيجي تاني
طارق : دي تهيؤات يا يحيى ام ابراهيم أي اللي هيجبها هنا
يحيى بقلق : مش عارف هتجنن والله
°°°°°°°°°°°°°°°°°°°°°°°°°°°°°°°°°°°°°°°°°°
عبده بقلق : مكنتش لازمة تطلبي مساعدتهم وأنتي عارفة انهم هياخدكي معاها
ام إبراهيم بتعب :متخفش أنا هابقي معاك أنت والعيال بس من بعيد وقت ما تعوزني هتلاقيني معاك
الابخرة السودة اكلت جسم ام ابراهيم كله واختفت واختفت معاها ام إبراهيم ورجع عبده للبيت
°°°°°°°°°°°°°°°°°°°°°°°°°°°°°°°°°°°°°°°°
أمسكت روح جد يحيى عصاية سودة لما تدقق فيها اكتر تلاقي جواه حاجة زي مجري رفيع أوي بيجري فيه سائل أحمر شبه الدم فضل يكتب بيها في الهوا دقيقة كاملة وهو مغمض عينه لما خلص كتابة فتحت عينه بقوة وظهرت من الأرض تعابين ضخمة طالع من بوقها بخار أسود سام وبدأت تهاجم الشيطان وتلف حواليه بقوة وكانها عايزة تعصر جسمه
خرج من جسم الشيطان ابخرة قوية كانت بتحاول تقتل التعابين لكنها فشلت والتعابين كانت بتعصره عصر
روح يسري بانفعال : كفاية يا سامي كفاية ارجوك
سامي بصوت قوي : نسي أن أنا الأصل أنا الموضوع والحكاية والسحر محدش يعرفه ولا يعرف يسخر حد زيي عمل رأسه رأسي صدق نفسه الخادم
روح يسري : الموضوع ما بينك وبين سالم ابني ماله وبعدين دا مش ابني بس مراتي كمان معاه
سامي : مش هرحمه إلا لما سالم يظهر واشوفه قدامي
°°°°°°°°°°°°°°°°°°°°°°°°°°°°°°°°°°°°°°°°°
يحيى باندفاع : أهو الصوت بيقرب اهو سامعينه
طارق باستغراب : صوت إيه دا انا مش سامع حاجة
يحيى باندفاع : صوت ست شبه صوت ام ابراهيم بينادي علينا
سلوي : أنا بردو سامعة صوت جاية من بعيد ياريت مكونتش تهيؤات وحد يجي ينفذنا من اللي احنا فين
شوية بشوية الصوت بقي واضح صوت حد بيقول "أنتوا فين "
المكان كله ضلمة مفيش غير اضاءة خفيفة أوي ظهرت علي الحيطة وظهر معاها خيال لست
يحيى بتوتر شديد :مين هنا ردي
الست : أنا جاية أخلصكم من هنا
طارق : أنتي مين اظهريلنا عشان نشوفكِ
الإضاءة بدأ توسع وتوسع وظهرت ملامح الست بالتدريج
طارق بخوف وتوتر : أم إبراهيم
سلوي باستغراب : أنتي بتعملي إيه هنا يا أم إبراهيم
أم إبراهيم : جاية انقذكم من الحسبة دي
كان يحيى ساكت وبيفكر ان المكان دا اي بشري فيه بيدخل بيتقيد بدليل انه متقيد هو وطارق وسلوي بس أم ابراهيم وافقة عادي مفيش مشكلة
°°°°°°°°°°°°°°°°°°°°°°°°°°°°°°°°°°°°°°°
كانت صراخات الشيطان من التعابين اللي ملفوفة حوالين جسمه جامدة ومرعبة
سامي بصوت قوي : أكيد مش هتسبيني اقتل بنتك وحفيدك أنت عارف انهم جوا الشيطان دا
"صوت قوي جداً بيقول سبيهم خلاص أنا جيت أهو"
انسحبت التعابين وعادت إلي الأرض وقع الشيطان علي الارض وانفضل الإبن عن أمه
سامي بثبات : أخيرا ظهرت يا سالم فات وقت طويل علي اخر مرة اتقابلنا
ظهر سالم قدام سامي رجل بشري هادئ جداً محدش يصدق ان الراجل الهزيل دا هو السبب ورا اللي كان بيحصل دا كله
سالم بسخرية : أستاذي مين كان يصدق أننا هنقابل تاني
سامي : جسمك ضعف من كتر ما عملت عليه السحر
°°°°°°°°°°°°°°°°°°°°°°°°°°°°°°°°°°°°°°°
يحيى باندفاع : أنتي ازاي هنا أنتي روح مش بشري
طارق باستغراب وقلق : يعني إيه روح يا يحيى
يحيى : المكان هنا الأرواح بس هي اللي من حقها تتحرك فيه البشر اللي زينا بيتقيدوه فيه عشان محرم عليها دخول المكان
سلوي باستغراب : وعرفت الكلام دا منين
يحيى بقلق : كنت بقعد مع جدي زمان وكان بيحكالي عن المكان دا كتير
أم ابراهيم : صح أنا روح مش بشر بس أنا مش جاية لاذية انا جاية اساعدكم تخرجوا من هنا
يحيى بقلق : وهتساعدنا ازاي بقي
°°°°°°°°°°°°°°°°°°°°°°°°°°°°°°°°°°°°°°°°°
سالم بسخرية : والله مسبوط اني شفتك هنا يا استاذ ولاسف اخر مرة اشوفك
سامي : معاك حق هي آخر مرة فعلاً هنشوف بعض فيها
كرر سامي حركة التعابين وحاول عصر جسد سالم بيها لكن فشل في كدا وسالم حول التعابين دي لتراب
سالم بسخرية : لا حيلك القديمة دي مش هتنفع معايا عيب انا مش اي حد بردو
غمض سالم عينيه وحط ايديه جمبه وبدا يرتفع شوية بشوية عن الأرض ومن تحته دخان كثيف جداً اتكون من الدخان أشكال زي البني ادم من حيث شكل الوش يعني مفيش ليهم جسم ولا رجلين ومكان الرجلين كان ديل من الدخان
كأن سالم استدعه جيش من العفاريت معاه
في نفس الوقت كان سامي مستدعي جيش زيه وبدأ الإتنين الهجوم علي بعض وفي وسط الهجوم دا اتسلل سامي ورا سالم وبدأ يرسم تحته دائرة سودة وفي وسطها رسومات لحيوانات زي الفيل والنمر والأسد ورجع تاني مكانه من غير ما يلاحظه سالم
°°°°°°°°°°°°°°°°°°°°°°°°°°°°°°°°°°°°°°°°°
فكت ام إبراهيم القيود بتاعت يحيى وطارق وسلوي واكدت لهم أن نيتها خير مش شر
يحيى : هنعمل ايه دلوقتي هنرجع إزاي البيت
أم ابراهيم : لما جدك يخلص المهمة بتاعه ترجعوا البيت
طارق باستغراب : يعني إيه
ام إبراهيم : يعني جد يحيى مش عايز ضرر ليكم وهو حسبكم هنا بس عشان تكونوا بعاد علي اللي هيحصل هناك في البيت مش عشان اذية ليكم ولما يخلص اللي بيعمله هترجعوا تاني وكأن مفيش حاجة حصلت
يحيى بقلق : طب هو هيخلص أمتي اللي بيعمله دا
°°°°°°°°°°°°°°°°°°°°°°°°°°°°°°°°°°°°°°°°
اطياف العفاريت اللي استعدهم سالم هزموا أطياف سامي كلهم
سالم : قولتك قبل كدا التلميذ طول عمره متفوق علي استاذه عمر ما العكس هيحصل
سامي : فاكر وقتها أنا قولتك إيه مهما تفوق التلميذ علي استاذه يفضل الاستاذ استاذ والتلميذ تلميذ الأستاذ شجرة والتلميذ غضن ضغير علي الشجرة دي
سالم بسخرية : الاستاذ واقف قدامي عاجز مش عارف يعمل حاجة بعد ما هزمته
سامي : مشكلتك التسرع بص تحتك كدا
بص سالم تحته لاقي الدايرة السودة اللي رسمها سامي منورة جامد
سالم وهو مصدوم : أنت رسمت دايرة الحبس دي امتي
سامي : تلميذ وهتفضل كدا طول عمرك تلميذ خايب كمان
غمض سامي عينيه وقال " الفيل ضخم للحبس والنمر شرس للحرب والاسد يوقف السحر "
بمجرد ما قال سامي الكلمات دي بدأت الدايرة تسحب سالم وسحبت يسري معاه والأم مفضلش غير الطفل الرضيع اللي كان عمال يعيط علي الأرض
بعد شوية كل حاجة في البيت رجعت لطبيعتها ورجع يحيى وطارق وسلوي وسلوي اخدت الطفل وربيته زي ابنها
"ودي حكايتي يا ماجد حكاية ابن الشيطان اللي بقي باباك دلوقتي"
ماجد : حلوة الحدوته يا بابا كل يوم هتحكلي حدوته زيها قبل النوم أنت الحدوتة بتاعك أحسن من حدوتة ماما بكتير
#ابن_الشيطان
تمت
تعليقات
إرسال تعليق