 |
الجزء الاول
..النهارده صاحبتى كانت عندى وكانت مخنوقه ومضايقه لدرجة مكانتش قادره تتنفس انا لما شوفتها اتخضيت عليها بالرغم انها خانتنى اه خانتنى اصل خاين الأمانه ده مالوش امان انا بقى أئتمنتها على الإنسان اللى حبيته ونشأ بينهم علاقه حب وكل ده من وراه ضهرى ومش كده وبس لأ ده خروج وفسح وتليفونات وانا يا عينى عليه معرفش حاجه لحد ما جه اليوم اللى عرفت فيه انهم اتخطبوا انا طبعا بعدت عنها وعنه خالص يمكن اتصدمت بس مش فيه هو لان ده طبعه الخيانه انا اتصدمت فى صاحبه عمرى اللى كنا بناكل فى طبق واحد مع بعض ومدى حبى ليها انا كنت بقول لناس دى مرايتى لدرجه كنا بنلبس مع بعض كان كل اللى يشوفنا يقول اخوات ولو واحده فينا مش مع التانيه يقولوا فين نصك التانى بس الحمد لله على كل حال انا بعدت عنها خالص لحد ما جه اليوم اللى ربنا عوضنى بالحب الحقيقى اللى فعلا حب بجد واتخطبت هى بقى عرفت انى اتخطبت واتصلت بيه وانا شوفت اتصالها بجد كنت مذهوله ايه ده معقول دينا بتتصل بيا وكمان ليها عين بس من حبى فيها معلش برضه اصل انا عندى اصل ومش بنسى العشره بسرعه روحت رديت عليها لقيتها بتقولى ولاء الف مبروك على الخطوبه انا بجد فرحانه بيكى يا حبيبتى 😍 ان ربنا عوضك خير...
انا سكت وفكرت وقولت انا حاسه من نبره صوتها انها بتتريق لأ وكمان بتغظينى روحت رديت عليها وقولتلها الله يبارك فيكى يا دينا وشكرا على سؤالك وقفلت فى وشها مش عارفه انا حسيت انى هربت منها ومن نفسى وحسيت بخوف مع ان ربنا عوضنى بخطيبى وحبيبى نادر وهو فعلا نادر فالزمن ده شاب صالح بيصوم وبيصلى وبيغض البصر وكمان بيتقى ربنا فيه وغير كده بحبه وذاد حبى لى لما اتقدملى وكمان حكيت له على حبى الأول ياسين حبيب عمرى وسمع ليه وقولتلوا انى مسلمتش من غدر الصحاب وصاحبتى خدت حبيبى منى واتخطبوا وكمان هيتجوزا قريب وبصراحه نادر سمع ليه اوى وفهم انهم وجعونى وجرحونى وخد بإيدى وعوضنى عن كل ده لحد ما جه اليوم ونادر كان عندى وبيعيد عليه ولقيت دينا جايه وتعبانه ومش قادره تتنفس ولما فتحت الباب انا اتخضيت من شكلها لأن كانت شفايفها زرقاء وتعبانه اوى وقالت الحقينى يا ولاء انا بمووت وسألتها وانا متعصبه لأنى مش طايقه اشوف وشها مالك يا دينا بس هى مردتش ونادر خطيبى قام وقالى انا هكشف عليها ما خطيبى نادر دكتور صدر بس انا وشى بان عليه الزعل وعاوزه اقول لنادر دى دينا اللى جرحت حبيبتك يا نادر بس انا سكت وقولت خلاص ده شغله وانا مش همنع الخير وفعلا كشف عليها وسأل دينا على أهلها علشان يوصلها بس دينا يتيمه ملهاش غير مرات ابوها لأن امها ماتت وهى بتولدها وباباها اتجوز ومات بعد ما اتجوز بسنين وفضلت عايشه مع مرات ابوها فى ذل ومهانه لأن ابوها كتب لمراته كل حاجه حتى الشقه...
ودينا رددت على نادر وقالت انا ساكنه فالمعادى ونادر قالها انا هوصلك وفجأه حسيت ب دينا ان التنفس عندها بقى كويس والحياه بقت كويسه وصحصحت وفاقت لما عرفت ان نادر هيوصلها ونادر استأذن منى وخرج يوصل دينا الخاينه ونزلوا مع بعض جريت على البلكونه وفتحت الستاره وبصيت عليهم لحد ما نادر فتح باب العربيه وانا ببص عليهم لقيت دينا بتكلم نادر وفجأه دينا داخت ووقعت فى حضن نادر.....
يتبع
تكمله بعد التفاعل
اذا اتممت القراءة علق ب 20ملصق وتفاعل حتي يصلك اشعار عند نشر الجزء الاخير ملحوظه لن يصل الجزء الا للمتابعين والمتفاعلين
# الجزء_الاخير
# وجع_الحنين
دينا داخت ووقعت فى حضن نادر انا اتجننت وشديت الستاره بكل غل وقولت تانى تانى يارب صدمه تانى بجد حرام هى دينا دى عاوزه منى ايه ودخلت قعدت عالسرير وفضلت افكر نادر بيعمل ايه دلوقت وهى يا ترى فاقت ولا حصل ايه انا مستحملتش وفضلت أعذب نفسى بالتفكير واقول ياريتنى لما داخت روحت معاه اهى كانت حجه انزل بيها وبعد نص ساعه تفكير مسكت تليفونى واتصلت ب نادر بس للأسف كنسل وده خلانى اتجنن اكتر نادر عمره ما كنسل عليه غير وهو فى عيادته واتصلت تانى ويكنسل واتصل ويكنسل وفى الأخر قفل التليفون قولت معقول ده يقفل التليفون وينام من غير ما يكلمنى مسكت البطانيه واتغطيت وكنت بردانه اوى واليوم ده كان ساقعه والنوم طار من عينى قومت عملت كوبايه لبن ودخلت اوضتى وقعدت على السرير وفتحت التليفزيون اوبا جت رساله ان نادر فتح الفون مسكت الفون وقولت اتصل بس حاجه جوايا قالت ازاى اتصل لازم يكون عندى كرامه انا اتصلت بيه كذا مره وهو كنسل عليه لازم هو اللى يتصل بيه فجأه لقيت الوقت عدى وانا مستنياه يتصل بيه والساعه بقت 6 الصبح وملقتش فايده روحت نمت وقومت على اتصال من نادر وكانت الساعه 12 الضهر لقيته بيقولى صباح الخير يا ولاء رديت وانا مستغربه ولاء!..
نادر : مش اسمك ده ولا ايه
ولاء: انت من وقت ما اتخطبنا وحبينا بعض بتقولى يا لولو
نادر : اسف بس مكنتش اقصد المهم دينا تعبت اوى وبصراحه لما داخت معرفتش البيت حتى تليفونها كان فاصل
ولاء : وبعدين
نادر : خدتها ع بيتى ونامت مع ماما
ولاء : طيب شكر الله سعيك 😂
نادر : بتهزرى انا عاوز اعرف بيتها
ولاء : معرفش اسألها سلام
معقول نادر يعمل كده وياخدها ع بيته يا نهار اسود خلاص كده اكيد هى هتاخده بس فى داهيه علشان خاين زيها انا كده خلاص اتجننت والشك دخل قلبى وفضلت اعيط والحال ده استمر اسبوع
ولاء: ماما انا مش عاوزه نادر
الام : ليه يا ولاء الولد محترم ودكتور محترم
ولاء : المحترم ده بيخونى وعدى اسبوع وحتى مسألش عنى انا زهقت من الرجاله وأفعالهم مفيش راجل عينه مليانه بالانسانه اللى بيحبها
الام : ايه اللى حصل ممكن افهم
ولاء : خودى يا ماما دى الدبله وطقم الشبكه وانا مش عاوزاه
الام : انا هتصل بيه وافهم فى ايه ولا اقولك انا هروح البيت عندهم
ولاء : برحتك طبعا بس لو سمحت اعملى حساب لكل كلمه بتتقال دى كرامتى
وبعد مرور اسبوعين ونادر حتى مبيسألش على ولاء ولام استنت علشان تديله فرصه بس صبرها نفذ وراحت لنادر تفهم منه حكايته ايه وليه اتغير كده بس الام رجعت حزينه
الام : ولاء انا روحت لنادر مكنش فالبيت واتكلمت مع مامته وادتها الشبكه بعد ما اتكلمت معاها وعرفت نيتهم
ولاء: قدر الله وما شاء فعل الحمد لله
وفى يوم ولاء كانت فى الشارع وبالصدفه شافت عربيه نادر وكانت دينا معاه وفوضت أمرها لربنا وبعد فتره الام دخلت على ولاء وقالت فى خبر وحش انا سمعت ان دينا هتتخطب لنادر
ولاء: ههههههه ده العادى زى اللى عملته مع ياسين بالظبط والباب خبط
ولاء قامت تفتح الباب بصت اوى وقالت مين ياسين
ياسين : انا بجد اسف انى خسرت انسانه زيك احترام وأدب وأخلاق وكمان بتحبينى ووالله انا كمان كنت بحبك انا جاى النهارده اطلب ايدك
الام : مين ياسين عاوز ايه بعد ما وجعت بنتى وخونتها مع اعز اصحابها
ياسين : انا عرفت انها مش محترمه وسابتنى وخانتنى زى ما خانت ولاء وعرفت انها هتتخطب بس انا بحبك انتى يا ولاء ابوس ايدك ارجعيلى ابوس رجلك
ولاء: بره بره انا مرجعش لواحد زيك خاين
وياسين مشى وكان مضايق بس ولاء بقت فرحانه وفى عز فرحتها وقالت عارفه يا ماما ربنا كبير شوفت ياسين مذلول يوم ما سابنى انا صعب عليه نفسى بس النهارده كرامتى رجعتلى
الام : الحمد لله حبيبتى انا عاوزاكى يوم الخميس تلبسى احسن فستان عندك وعاوزاكى ملكه كل سنه وانتى طيبه يا حبيبتي ❤️
ولاء : وانتى طيبه يا احلى ام
وولاء دخلت اوضتها فرحانه وحست بفخر ان كرامتها رجعت لها واول مره تنام مرتاحه وفى صباح اليوم التالى ولاء صحيت ولقت امها بتعزم كل اصحابها وقريباها ع عيد ميلادها وكانت فرحانه اوى
وبعد مرور 6 ايام ويوم الخميس ولاء قامت من النوم ولبست فستان ابيض جميل وعملت ميك اب وكانت ملكه والساعه دقت 7 وابتدت الناس تحضر واصحابها كلهم وقريباها وفى وسط لمه العيله دينا حضرت عيد الميلاد ومعاها نادر ودينا مبسوطه اوى ب نادر
ولاء : ماما انتى عزمتى نادر ليه
الام قالت لولاء بأعلى صوتها تعالى يا نادر استلم خطيبتك وبعد دقايق هتكون مراتك
ولاء : ماما بتقولى ايه!!...
نادر : انا اللى هقول انتى حبيبتى وخطيبتى وان شاء الله هتبقى مراتى وهتبقى ام لعيالى يا ولاء ازاى الشك يسيطر عليكى انا محدش يملى عينى غيرك وبعدين انتى ناسيه حبتينى ليه
ولاء: علشان بتتقى ربنا فيه 😍
نادر : ولحد ما اموت هتقى ربنا فيكى يا أعز الناس
دينا : نادر انا بحبك
نادر : انتى احقر انسانه شوفتها يعنى مكفكيش تاخدى حبيب صاحبتك وتتهنى بيه وكمان مش عاوزها تتهنى بخطيبها يا شيخه اتقى ربنا اهو ياسين راح منك زى ما اعز اصحابك راحت منك وضيعتيها من ايديكى بس هو خاين زيك وانا قصد انى ارجع كرامه ولاء أطهر انسانه عرفتها يلا اطلعى بره
الام : المأذون وصل وفى وسط زغاريط الموجودين احتفلت ولاء بعيد ميلادها وكتب كتابها
ولاء : انت كنت قاصد بقى
نادر : اه طبعا وكنت على اتفاق مع حماتى
ولاء : احكيلى ممكن
نادر : هى عملت نفسها دايخه ونامت فى حضنى انا بقى خدتها فالعربيه وخدتها لحد البيت وقعدت مع ماما وقامت بالليل وابتدت اساليبها الزباله تعملها معايا وانا بقى خدتها ع قد عقلها لحد ما سابت ياسين وانا كنت عارف ان هيجيلك ورجعتلك كرامتك يا ام ولادى
ولاء : يااااه انا بحبك اوى
وبعد مرور شهرين ولاء ونادر اتجوزوا وراحوا شقتهم وولاء بقت حامل وخلفت بنت ويوم سبوع بنتها سمعت خبر وفاه دينا وياسين فى حادثه وكأن القدر مكتوب يموتوا مع بعض
ولاء معقول دينا ماتت الله يرحمها 😭
نادر : معقول بتعيطى عليها
ولاء : دى صاحبت عمرى وعشره عمرى انا مكنتش باكل من غيرها الله يرحمها
نادر : سبحان الله يعنى ياسين رجع لها وماتوا مع بعض وكأن القدر بيقول اهم الخاين والخاينه ماتوا مع بعض..
ولاء :
ممكن اطلب منك طلب
نادر : قولى يا حبيبتى 😍
ولاء: عاوزه أسمى بنتنا دينا لو ده ميزعلكش منى
نادر : حاضر ربنا يبارك فيها دى هتبقى احلى دينا وكفايه انها هتبقى تربيه ولاء
وبعد مرور سنه دينا اتعمل ليها اول عيد ميلاد
وبعد ما طفوا الشمع ولاء فضلت تعيط وقالت انا مبسوطه انى اتجوزت نادر وكمان ربنا جبر بخاطرى بدينا وان شاء الله هتكون احلى بنت وهربيها احسن تربيه بس مفيش غير حاجه جوايا وجعانى وجع الحنين لصاحبتى وعشره عمرى ربنا يرحمك ويسامحك يارب ❤️❤️
نادر : يلا يا ولاء دينا بتعيط
ولاء : ياااه البنت دى هتطلع شقيه هههههههههههه
وتمت القصه 😍
وعسى أن تكرهوا شيئا وهو خير لكم محدش يزعل ع اختيار ربنا لى واشارته ليكم فعلا ياسين خاين وميستهلش ولاء لأن الخيانه دى فى دمه
علشان ربنا كاتب لها الزوج الصالح المناسب ليها وده من تدابير ربنا لينا وعوضه الجميل اذا عوض ربنا حل انساك كل ما فقدت
الحب الحقيقى بيفضل وطول ما فى حب حقيقى فى بنت تملى عين الإنسان اللى بتحبه وكل زوج بيحب مراته بجد هتملى عينه غصب عنه علشان بيحبها بجد
ربنا يصلح حالكم جمعيا 😍
# الجزء_الاخير
# وجع_الحنين
# بقلمى_كوكى_سامح
علق 20 ملصق ليصلكم كل جديد
تعليقات
إرسال تعليق