 |
اسكربيت سحر اسود:
فى منطقه شعبيه بالتحديد في حاره من حوارى القاهر ست كبيره في سن الخمسين قاعده قدام راجل ملتحي وباين علي وشه غضب ربنا ولبس جلباب ابيض وقدامه مبخاره كبيره
حامد: قولتيلي عوزه تعملي فيها ايه يا ست سُريه
سُريه بشر: عوزه اندمها علي اليوم اللي فكرت تاخد فيه ابني الواد من يوم متجوزها مبقاش يهتم بيا كل اهتمامو ووقته ليها شكلها سحرالو
حامد: لو سحرالو هنفكو وهناذيها كويس
سُريه: هتعمل ايه يا شخنا
حامد: سحر اسود هخليها تلف حولين نفسها وابنك يفكرها مجنونه ويطلقها
سُريه بفرحه: الله ينور عليك يا شخنا هو ده المطلوب
حامد: بس هتقدري علي طلبات الاسياد
سُريه: اللي تؤمر بيه يا شخنا
حامد: طب اسمعي....
طبعا الطبيعي هيطلب منها طلبات وفلوس اد كده وهي من غباها وكرهها لمرات ابنها هتدفع بكل عما وتخلف،كل زنب مرات ابنها ان هي مهتميه ب بيتها وجوزها وجوزها بيحبها فى نظرها هي كده خدت ابنها منها،ده حال ناس كتير عماهم الجهل والتخلف
سُريه: طلبتك وطلبات الاسياد اومر يا شخينا
حامد: عال اوي جبتي حاجه من ريحتها
سُريه: اه انا عامله حسابي
حامد: حلو بكره هيبدا العمل يشتغل كل اللي هتعمليه هتتفرجي عليها وهي بتدبل زي الورده لحد متموت
سُريه: هو ده المطلوب
تاني يوم في شقه محمد ابن سُريه ومى مراته
مي: يا محمد بطل رخامه بقا هات المسلسل
محمد: بعد الماتش يا مي بطلي شغل اطفال
مي: اطفال طب انا زعلانه منك يا مودي
محمد: يالهوي يا ناس علي اللي بيزعل ده وانا مقدرش علي زعلك يا قلب مودي
محمد في لحظه رومانسيه بتحصل بين اي اتنين متجوزين وبيحبو بعض بيقرب علي مي لكن هي بعدته عنها بكُره واشمزاز
محمد بستغراب: في ايه يا مي بعدتيني عنك كده ليه
مي: مش عارفه مالي يا محمد بس اضايقت فجاه كده
محمد: طب اهدي يا حبيبتي وادخلي ارتاحي شويه
مي: حاضر شويه وصحيني عشان احضر العشاء
محمد: لو تعبانه خاليكي نايمه وانا هبقا اكل اي حاجه
مي: لا يا حبيبي صحيني
محمد: حاضر
دخلت مي تنام وبعد شويه بدات تصرخ بصوت عالي ومحمد دخل الاوضه بسرعه لقها ضمه نفسها بخوف علي السرير وبعيط
محمد: مالك يا حبيبتي فيكي ايه
مي بخوف: صراصير،صراصير كتير وفي كل مكان
محمد: مفيش حاجه يا حبيبتي تلقيه كابوس
مي: انا خايفه اوي يا محمد
محمد خدها في حضنه: متخفيش يا حبيبتي انا معاكي
مي: انا هقوم اغسل وشي واحضر العشاء
محمد: بلاش خاليكي مرتاحه
مي: لا انا كويسهي
قامت مي ودخلت الحمام تغسل وشها فتحت المايا بس نزل دم مش مايا
مي يصريخ: عااااااا محمد دم الحقني
دخل محمد بسرعه: في ايه يا مي دم ايه
مي بخوف: دم مش مايا نازل
محمد بستغراب: دم ايه يا حبيبتي مفيش حاجه مايا اهي نزله
مي بصت ل المايا اللي نزله واستغربت
مي: بس انا متاكده اني شوفت دم
محمد: ممكن بيتهيالك عشان خايفه من الحلم يروحي،تعالي نتفرج علي التلفزيون ونطلب اكل من بره
مي: حاضر
مرت ايام وايام وكل يوم مي بيتهيالها حاجات غربيه وبتحلم بكوابيس علي طول بس ده ماثرش علي علاقتها مع محمد بالعكس كان دائما جمبها وبيدعمها
محمد عند امه في البيت
سُريه بكره: تاوك افتكرت ان ليك ام تسال عليها
محمد: حقك عليا والله يا امي بس غصب عني مي تعبانه بقالها فتره ومش عارف اسيبها لوحدها
سُريه بترقب: مالها
محمد: كش عارف بيتهيالها حاجات غريبه
سُريه: زي ايه مثلا
محمد: مره تقول صراصير في كل مكان ومره تقول دم نازل من الحنفيه مره تقول عفش الشقه بيتحرك لوحده من مكانه مره نبقا بنتفرج علي التلفزيون القيها تصوت وتقول في شبح خارج من التلفزيون وفي كل مره تتخيل حاجه تفضل سرحانه بعدها بالسعات انا مش عارف مالها
سُريه: مراتك باين عليها مجنونه انا قولتلك من الاول بلاها الجوازه دي واتجوز بنت خالك
محمد: انا مش عارف انتي مش بتحبها ليه هي عملتلك ايه دي بتحبك جدا
سُريه: وانا احبها ولا اكرها ليه اصلا
محمد: تحبيها عشان مرات ابنك
سُريه: ابني اللي خدته مني صح كده
محمد: خدتني منك ازاي يا ماما ده طبيعي اني ابدء في تاسيس عيله خاص بيا مش هكون زي الاول يا ماما
سُريه: بردو خدتك مني
محمد: اللي انتي شايفه يا ماما عن اذنك انا ماشي
سُريه: اه روح لحبيبه القلب
محمد: هروحلها يا ماما سلام
سُريه: ان ما وريتك يا بنت نجاح مبقاش انا لسه اللي جاي سواد
عدت ايام وشهور والحال بيسوء مع مي ومحمد هيتجن اخد اجازه من شغله وبقا معاها علي طول،وفي مره كانت مي نايمه شبه الاموات وشها بقا بهتان وتحت عينها اسود وخسيت جدا بقت جلد علي عضم،محمد بيكلم نجاح ام مي
محمد: انا مش عارف فيها ايه يا ماما نجاح مش عارف اعمل ايه
نجاح: هات مراتك ويلا نسافر البلد حالا
محمد: هنسافر البلد ليه
نجاح: هنروح لشيخ بركه هناك هو اللي هيجبلنا قرار الموضوع ده
محمد: بس
نجاح: مفيش بس يا محمد انا مش هسيب بنتي تروح مني
محمد: حاضر يا ماما ادخلي صحيها وجهزيها ل السفر وانا هنزل اجهز العربيه
فعلا سافرو في قريه صغيره تبع محافظه كفر الشيخ
نجاح: هو ده اللي حصل يا شيخنا
الشيخ صادق بداء يقراء قران ويسمي ويصلي علي النبي
صادق: بنتك معمولها سحر اسود المقصود منه يفرقو بينها وبين جوزها بيه
محمد: مين عامله
صادق: مقدرش اقولك بس كل اللي اقدر اقولهولك خالي بالك من مراتك واوعي تسيبها لاي سبب من الاسباب
نجاح: طب والعمل دلوقتي يا شيخنا
صادق: العمل هيتفك وبنتك هترجع لطبيعتها متقلقيش
صادق فك العمل زي مقال ومي فاقت ومحميد ونجاح فرحو جدا
محمد بفرحه: حمدلله علي سلامتك يا حبيبتي
مي بستغراب: ليه هو انا كنت فين
محمد: كنتي بعيده اوي يا مي بس انتي رجعتي الحمدلله
نجاح: تومرنا با ايه يا شيخنا
صادق: الامر لله واحده انا مش عوز حاجه
محمد: ازاي بس
صادق: زي مسمعت خد مراتك وارجع بيتك وخالي بالك منها
تفوت سنين وتعدي سنين وسُريه ربنا يبتليها بمرض يسببلها شلل وفى الوقت ده محدش شالها ولا وقف جمبها غير مي وفي مره مي بتاكلها وقاعده قدامها لقيتها بتعيط
مي: مالك يا ماما هو الاكل مش عجبك
سُريه: سمحيني يا بنتي
مي: اسمحك علي ايه يا ماما
سُريه: انا اللي كنت عملالك السحر يا بنتي حبي ل محمد عماني وكنت مفكره انك خدتيه مني
مي بصدمه: انتي
سُريه: كنت غبيه ومش فهمه انتي اد ايه بنت حلال وطيبه وبتحبي ابني، امانه عليكي يا مي تسمحيني ومتقوليش حاجه ل محمد متخليهوش يكرهني في اخر ايامي يا بنتي
مي: بعد الشر عليكي متقلقيش انا مش هقولو حاجه ومسمحاكي وفهمه ان تصرفك ده بسبب حبك ل محمد بس شيطانك كان اقوي منك وهيالك الغلط
سُريه: واهو ربنا ابتلني عشان ربنا قال كما تدين تدان بس انا فهمت ده متاخر
مي: خلاص يا ماما حصل خير،ويلا بقا كملي اكل
النهايه💜
تعليقات
إرسال تعليق