 |
اسكريبت 💖
كنت واقفة قدام المرايا ولابسةفستان فرحي علي الانسان اللي وافقت اتجوزه بإرادتي بس رغم كده مكنتش فرحانة....لان الانسان الوحيد اللي حبيته رفض يتجوزني وقال اني عيلة صغيرة وعشان انساه قررت اتجوز اول واحد يتقدملي وده اللي حصل !...لسه فاكرة كلماته كأنها حصلت امبارح
فلاش باك
عبير :يعني انت مش بتحبني يا قاسم ...طب وهزارك معايا ...كلماتك ليا ...انت مش كنت دايما بتقولي انك مش هتتجوز غيري
قاسم بملل:يا عبير ده كان هزار ....كنتي ساعتها صغيرة وهزرت معاكي زي ما بهزر مع اي بنت صغيرة ليه بتاخدي كل حاجة جد كده
عبير بدموع: :هزار ؟قلبي ومشاعري بالنسبالك هزار يا قاسم انا رخيصة كده !
مسك قاسم ايدي وقال :عبير انتي زي اختي الصغيرة وأكيد مش هلعب بمشاعرك بس انا فعلا كنت بهزر معاكي ....عبير اتجوزي واحد من سنك يحبك ويخاف عليكي ...لكن انا مبحبكيش .
زقيته وانا بقول بعصبية :
مش واحد زيك هيقولي انا اعمل ايه وخلاص يا قاسم بيه متقلقش انا هختفي من حياتك واشوف واحد.يحبني
وبعدين جريت من قدامه وانا حاسه قلبي بيتكسر للمرة الأولي.
باك .
مسحت دموعي وانا بقرر اني خلاص هطلع قاسم من دماغي وهعيش مع عمر وبس ...مش هفكر في حد الا عمر .
حسيت بحركة ناحية الشباك ...بصيت بحيرة وقربت من الشباك لحظات وقاسم ظهر قدامي كنت هصرخ لولا انه حط ايده علي بوقي ...وبعدين جاب منديل وحطه علي مناخيري وساعتها محستش بنفسي الا وهو شايلني علي ظهره وكان الصبح صبح ....اترعبت وانا بخبط علي ظهره جامد وبقول :
-نزلني يا مجنون ...نزلني والا هصوت والم انا لا اله الا الله عليك واقول انك بتتحرش بيا !
-تحرش مرة واحدة مطلعتيش سهلة يا بيرو
عبير برعب :قاسم ...قاسم انا اتفضحت هيفتكروني هربت يخربيتك
قاسم :وهو ده المطلوب يا حبيبتي
قعدت اضرب فيه وانا بصرخ لقيته بيقولي ببرود
- بت انتي اتخطفي وانتي ساكتة وبلاش صداع ...محدش هيسمعك هنا احنا خرجنا من البلد اصلا
-عبير :حرام عليك يا قاسم ...عمر زمانه...
قاسم بغيرة:متجبيش اسم الخروف ده علي لسانك ....عيب تجيبي اسم راجل غريب قدام جوزك المستقبلي عشان انا بغير
عبير برعب :جوزي المستقبلي مين ...يا ابني أفهم امبارح كان فرحي علي عمر ...عمر هو خطيبي مش انت !
قاسم :انتوا لسه مكتبتوش الكتاب يعني انا في السليم ...ودلوقتي هنتجوز انا وانتي ولما ترجعي لأهلك هتقولي انك غيرتي العريس
عبير :هو فردة شراب يا قاسم ؟
قاسم :ما هو اصلا لو اتجوزتيه انا هقتلك وهقتله واقتل نفسي....
عبير :ليه بقا ان شاء الله مش انت قلتلي شوفي واحد قدك وانك مبتحبنيش
قاسم :واكتشفت اني بحبك ....بحبك يا بت نفيسة
...
دخلني مستودع قديم وربطني كويس وبصلي بإبتسامة شريرة وقال :
-دلوقتي امضي علي ورقة الجواز .
-انت مجنون مستحيل امضي
-براحتك يا جميل حقك ...وانا مش هبقي ديكتاتوري واجبرك بس هعمل حاجة الطف
راح وطلع علبة كده من جنب ودخل ايده وخرج صرصار حي
عبير بصراخ:يالهووووووي صرصار الحقيني يا ماما
#الحب_انت
الجزء الثاني والأخير 💖
عبير بصراخ:اعقل يا قاسم ورجعني وابعد الصرصار ده
قاسم :ما هو لو ما اتحوزتنيش هأكلك الصرصار ده
بصيتله بقرف وقلت :الله يقرفك يا اخي ...قلت مش عايز اتجوزك ايه هو عافية!!!
قاسم ببرود :ايوة عافية
بكيت وانا بقوله :حرام عليك انت معندكش عيال ...اخوات ...اي حد
بصلي بنظرة غريبة ...حسيته فجأة ان لمعة عينيه انطفت وان ضحكته انطفت فجأة...قالي بصوت غريب:
لا معنديش حد ....انا معنديش غيرك انتي بس .
رغم اني مجروحة منه بس قلبي وجعني عليه ...حسيت قد ايه هو وحيد وحزين ....قاسم ملهوش حد فعلا اهلوا ماتوا وساعتها جه يعيش مع جدته اللي ربته لحد ما كمل تمنتاشر سنة وماتت هي كمان ...كان عمري وقتها تسع سنين واتعودت العب معاه واتعود هو يقولي اني لما أكبر هيتجوزني.
كان نفسي أوافق اتجوزه فورا او أستسلم بس قاسم جرحني حتي لو بهزار ...قلتله بجدية :
- مش معني اني هتجوز يبقي هطردك من حياتي يا قاسم انت اخويا
قاسم بألم :اخوكي ؟!للدرجادي يا عبير قلبك اسود
عبير :قلبي مش اسود ولا حاجة ...انت فعلا زي اخويا ومعزتك كبيرة يا قاسم كل كلامي علي اني بحبك كان مجرد احلام واحدة مراهقة انا دلوقتي عقلت وبحب خطيبي حتي لو اجبرتني اني اتجوزك هيبقي جواز باطل لأني مش راضية عنه .
حسيت انه خاب أمله لمجرد أنه افتكر اني هوافق بالسهولة دي ...بالنسبالي انه يكسر قلبي حاجة سهلة وبس يقولي كلمتين حلوين هسامح ...هو فاكر نفسه ايه .بصيتله بعند وقلت :
-ها هتكمل مسرحية الجواز السخيفة دي ولا هترجعني فرحي !.
.........
تاني يوم .
قلبي اتكسر لما شوفت بابا ضرب قاسم بالقلم بعد ما اعترف انه اللي خطفني من الفرح
الاب:عمري ما كنت اتخيل انك تعمل كده يا قاسم ...معقول انت ...انا كنت بعتبرك ابني تدمر سمعة بنتي بالشكل ده ؟
قاسم بص في الأرض ومقدرش يرد ...حسيته انه انكسر ومعرفش ليه حسيت بالذنب ...ليه احس بالذنب هو اللي خطفني وبوظ فرحي !
مشي قاسم وهو بيوعد بابا انه مش هيقرب مني تاني وكلمني عمر وقال إن فرحنا هيكون خلال يومين ..رغم كل حاجة عمر كان لسه متمسك بيا بس رغم كده عيون قاسم لسه بتطاردني...حزنه مأثر فيا وللاسف لسه بحبه ! .
بعد يومين .
كنت واقفة قدام المرايا وبحاول اقنع نفسي ان ده هو الصح ...عمر انسان كويس وهيسعدني لكن قاسم لا والحب مش كل حاجة .ماما نزلتني تحت عشان اقعد جمب عمر وهما بيكتبوا الكتاب...حسيت كأني رايحة لحبل المشنقة ....نزلت وقعدت جمب عمر وجه المأذون عشان نكتب الكتاب...وساعتها كل حاجة مرت في عقلي كلمات قاسم وحزنه....هو كان قادر يجبرني اتجوزه بس معملش كده ....طيب ليه انا دلوقتي هتجوز عمر....صح الحب مش كل حاجة بس برضه مينفعش اتجوز واحد وانا في قلبي واحد تاني .
قمت وقلت بسرعة :
-انا مش هتجوز
الاب :عبير انتي اتجننتي
مردتش عليه وانا بجري لبرا وادور علي قاسم ...كان الناس مستغربين وهما شايفين العروسة المنتظرة وهي بتجري في الشارع ...حسيت بحد مسكني ببص لقيت بابا
الاب بزعيق :عبير مالك ؟فيكي ايه ؟
-انا بحب قاسم يا بابا بحبه اووي ....ومش هقدر اتجوز حد غيره ....بابا ابوس ايديك متبوظش حياتي انت اتعودت دايما تخليني اخد قراراتي لوحدي وده اهم قرار .
ابتسم بابا وقال:وانا كنت مستنياكي تقولي كده ...انا وقاسم مستنينك من زمان ترجعي عن قرارك .
قاسم :مش يالا نتجوز يا عروسة
بصيت ليه بصدمة وانا مش قادرة اتكلم ...طب والفرح ..وعمر ...معقول دي مسرحية.
-ايوة مسرحية .
قالي عمر وكأنه قرأ أفكاري
-عمر ؟!
-ايوة يا عبير ابوكي عمل المسرحية دي كلها لما عرف انكم بتحبوا بعض ....قاسم من زمان بيحبك بس ظروفه منعته يأخد أي خطوة ...عشان كده قرر أنه بس لما يكون جاهز هيتجوزك وعشان نحفزه اكتر جيت انا واتقدمتلك وانا عارف انه مش هيسكت.
حطيت ايدي علي راسي وانا مش مستوعبة حاسه اني في مسلسل هندي ....لا ايه الأوفر ده انا في مسلسل هندي فعلا ...وبعدين فقدت الوعي .
صحيت علي ضربه قلم خلت ودني تصفر
- ايه يا بابا فيه ايه!
-قومي يا بت عشان نكتب الكتاب عايز اخلص منك
-طب انا دلوقتي هتجوز مين مش فاهمة
قاسم دخل وقالي :يعني يا ربي يوم ما اتجوز اتجوز واحدة غبية....لا يا عم صابر سايبلك بنتك انا مش هتجوز ...انتوا عقدتوني في الجواز .
ضحك بابا وهو بيشدني وبصلي بسعادة وقال: فعلا زي ما قلت الله يكون في عونه اللي هياخدك .
وبس طلعت وكتبتنا الكتاب وقعدت مع قاسم
-ما كان من الأول تقولي بحبك بس استنيني ..بس انت بتحب الفرهدة
قاسم ضحك وقال :معلش يا حبيبتي احنا الرجالة مهما احيانا بيقفل علي حاجات غريبة
- انت هتقولي!
ضربني بكتفه وغمز وقال:بس انتي قمر النهاردة يا بيرو
-مالك يا عم فيه ايه .
مسك ايدي وقرب وقال : ما تيجي
- يا لهووووووي متحرش في بيتي
-متحرش مين يا حوله انا جوزك .
تمت
لو عجبتك اعمل متابعه للمدونه وضع تعليق
تعليقات
إرسال تعليق