مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

مريم : بص انت هتروح دلوقتي تقولهم معجبتنيش ، مش بالموصفات الي انا عاوزها... 

مؤمن : ده الي هي ايه بس عشان ابقى عارف.. 

مريم :  هتطلع تقول لبابا كل شئ قسمة ونصيب ، بص قولهم  مثلا انا كنت عاوز واحدة مش منتقبة، قولهم ان أنا طلعت بخوف ، شكلي معجبكش اي حاجه ... قولهم اي حاجه المهم تبوظ الجوازه دي... 

مؤمن : طيب انا عاوز اشوف وشك ؟

-: وشي ايه الي تشوفه ده أنا اسيح دمك ولأني ارفع نقابي قدام راجل ...

-: أحم...هو انا جيت غلط ولا ايه هو مش دي الرؤية الشرعية والمفروض اني جاي عشان اشوفك... 

-:  انت عارف اخر واحد قالي عاوز اشوف وشك عملت فيه ايه!! 

-: عملتي ايه ؟وهو مين الي اتجرأ وقالك كده اصلا... 

-: ده موظف البنك بيقولي عاوز يشوف وشي قال ايه عشان يتأكد انه مطابق للصورة ولا لأ...

-: صح ده طبيعي ...

  -: يلا الله يرحمه ميجوزش عليه إلا الرحمة... 

-: مااااات ..... قتلتيه !!!

-: لا ده قضاء وقدر البنك دخله عصابة وفجروه وهو كان من الضحايا  ..

-: لا حول ولا قوة إلا بالله..  طب ده ايه علاقته بيه 

-: طب انت عارف كان في عريس كان قاعد مكانك هنا من يومين ...

-: وطلب يشوف وشك بردو.. 

-: لأ منا رفضت وهو صمم وكان جي مرة تانيه عشان الرؤية الشرعية 

-: وبعدين!! 

-: شوف سبحان الله يشاء القدر ان وهو ماشي تحت بلكونتنا بالصدفة تقع على دماغه اصيصة زرع 

-: ماات بردو!!! 

-: منا قولتلك لأ .....جاله بس فقدان فالذاكرة... 

-: طيب الحمد لله... 

-: ها رأيك ايه هتطلع تقولهم كل شئ قسمة ونصيب ولا لسه مصمم تشوف وشي... 

-: احم طب مفيش اختيارات اصل انا مغصوب بردو عالجوارة دي 

-: ليه ان شاء الله كان ابوك هددك انه يقعدك من الكليه ولا هيحبسك فالبيت... 

-: لا هددني انه هيطردني من البيت ومن الشغل اصل انا بشتغل عند ابويا موظف بالشركة 

-:يا عيني يا بني تصدق صعبت عليه... 

-: ده انا حالي يصعب عالكافر وافقي بس واتبني حالتي...  ولا اقولك احنا هنخليها خطوبه وكتب كتاب على طول... 

-: خطوبة ايه وكتب كتاب ايه...  انت مبتتعظش من الكلام الي سمعته ...

-: مانا مطلبتش اشوف وشك اهوه زيهم انا هخدك زي مانتي كده وابقي اشوفه بعدين ....

-: لا إله الا الله 

-: محمد رسول الله ... نقول مبروك 

-: مبروك ايه  انت بتستعبط ولا انت مش فاهم..  انا مش عاوزة اتجوز... 

-: خلاص سهلة اطلعي قوللهم انتي انك مش عاوزه تتجوزي واهي تبقى جت منك وينوبك ثواب فيه... 

-: ماهو لو كنت هقدر كنت عملتها من بدري ارجوك قدر موقفي... 

-: وانا مين يقدر موقفي طه ، دانا وافقت اتجوزك من غير ما شوفك... 

-: طب بص انا جتلي فكرة انت هتمشي دلوقتي وبعد ما تروح تتصل تقولهم كل شئ قسمة ونصيب ، وانا لو  سألوني عن رأي هقولهم بردو كل شئ قسمة ونصيب وتبقى جت مننا احنا الاتنين... 

-: ماشي موافق ديييييل.. 

-: انت بتمد ايدك ليه انا مبسلمش... 

-: استغفر الله لا ده الشيطان مش انا..

        يتبع... 

� مريم � بقلمي روني محمد

تفاعل بقى عشان أنزل الجزء الثاني

مريم بقلمي روني محمد 

الجزء الثاني 

مؤمن : طلعت وحشة أوي يا ساتر يارب 

هنا (أخت مؤمن) : انت اتعميت يا بني وحشة ايه دي قمر...  قمررر

مؤمن : الجمال ده نسب يعني ممكن انتم تكونوا شايفنها حلوة بس انا معجبتنيش 

هنا : كداااب..  اذا كان انا بنت واتبهرت بجمالها...

مؤمن : اوووف ايه يعني معجبتنيش وخلاص 

الاب : حيث كده انا اتفقت انا وباباها، على كل حاجه ويوم الخميس هنجيب الشبكة وتلبسوا الدبل 

مؤمن : طب مش كنتوا تعزموني ولا أنا مش معزوم !!

الأب : انا قلت الي عندي عجبك ماشي مش عجبك سيب البيت وسبلي مفاتيح عربيتك قبل ماتمشي وروح لصحابك الصيع الي كنت ماشي معاهم ، خليهم يجوزوك واحدة من الرقصات الي كنت تعرفهم... 

هنا : رقاصات يالاهوي وهو انت يا مؤمن تعرف رقاصات !!

مؤمن : رقاصات ايه بس يا حج هو انا وش كدة يعني... 

الأب : أمال لما ألاقيك بتسهر لوش الصبح وجي ريحتك سجاير يبقى ايه !

مؤمن : يبقى بلاستيشن يا حج بنسهر فالبلاستيشن 

الأب : ألعن يعني بتعد تتفرج على حاجات استغفر الله العظيم...  يابني انا لما كنت في سنك كنت متجوز امك ومخلفك كمان... 

 

مؤمن لنفسه : الأسطوانة المشروخة بتاعت كل يوم 

مؤمن : مالأخر يا بابا عاوز مني ايه ؟

الأب : تتجوز مريم لأنك لو لفيت الدنيا مش هتلاقي زيها... 

عند مريم 

مريم : ده طلع حاجة كده استغفر الله عظيم ، يلا انا مش هغتابه ربنا يسهله... 

الأب : خلاص يعني ارد عالراجل واقوله تبقى شبكة وكتب كتاب مع بعض.. 

مريم : بقولك دمه تقيل ومش ملتزم ده كان عاوز يسلم عليه تخيل.. 

الأب : بكره ربنا يهديه وانتي معاه واحدة واحدة يا مريم وعلميه اصول دينه.. 

مريم : يا بابا انا مش مرتحاله 

الأب : منا لما جيت أخطب أمك مكنتش مرتحلها بردو.. 

مريم : يا بابا انا مش عاوزة اتجوز دلوقتي طب اديني فرصة اخلص دراستي.. 

الأب : أنا قلت الي عندي يوم  الخميس هنقرا الفاتحة ونتفق على كتب الكتاب... 

يوم الخميس 

مريم : هو ده الي اتفاقنا عليه!! 

مؤمن : ولله انا اتفاجأت زي زيك بالشيخ أبو عمه الي قاعد ده... 

مريم : خلاص أحنا لسه فيها قوله انك مش عاوز تكمل... 

مؤمن : ومين قالك اني مش عاوز اكمل..  انا خلاص تبت الى الله ونويت أكمل نص ديني.. 

مريم : وانت جي تكمله هنا ما تشوف واحده تانيه تكملهولك.. 

مؤمن : لأ ابويا مقتنع انك مفيش منك اتنين.. 

مريم بغرور : ماهو انا مفيش مني اتنين فعلا!! 

مؤمن : لا اله إلا الله ايه الغرور ده طب مش هشوف وشك قبل كتب الكتاب.. 

مريم : ولا هتشوفه بعده وحياتك.. 

مؤمن : أمال هشوف ايه!! 

مريم : هتشوف العجب...  معايا هتشوف الي عمرك ماشوفته !!!

المأذون : بارك الله لكما وبارك عليكما وجمع بينكما في خير..... 

--------مريم بقلمي روني محمد 

مريم : بس بقى عشان نبقى على نور بما أننا اتفرضنا على بعض وخلاص الموضوع بقى رسمي ففي شوية حاجات لازم تعرفها... 

مؤمن : ولله انا كنت حاسس اني هقع على جدور رقبتي هو أنا كنت عملت ايه بس في دنيتي عشان يحصلي كده.. 

مريم : ششششش اسمع وانت ساكت متفكرش انك هتضحك عليه بكوبيتين العصير دول والبحر الي انت مقعدني فيه لأ انا ولا كل ده هيأثر فيه.. 

مؤمن : انا ولا جايبك ولا نيلة ده أخويا الي لقيته حجزلنا اليخت ده وقال يعملها مفاجأة... 

مريم : روح يا شيخ ربنا يطمنك ، أصل جو البلالين والشموع دي بصراحة اثار القشعريرة في نفسي 

مؤمن : أصاب ايه ياختي !!

مريم : القشعريرة 

مؤمن : طيب كلي كلي خلينا نروح ونخلص من الليلة دي 

مريم : طيب 

مؤمن : هو أنا مش هشوف وشك بقى !!!

مريم : اه يا عديم النخوة انا فكرت هتكون غيور عليه عاوزني أكشف وشي قدام الناس 

مؤمن : ناس مين ده أحنا في مركب ولوحدنا وفي عرض البحر ، ده حتى السمك طفش لما سمع صوتك.... 

يتبع 

---------مريم بقلمي روني محمد

مريم 

الجزء الثالث 

     روني محمد 

مريم : مش عارفة ليه حاسة اني مش هكمل معاك 

مؤمن : سبحان الله القلوب عند بعضها ، بصي انا زهقت روحي لأبوكي وأنهي الموضوع 

مريم : أنت هتحطني في وش المدفع لا ابدا ولا يمكن تيجي مني... 

مؤمن : طب هقولك نروح أحنا الاتنين لأبويا وننهي وتقوليله انك مش عوزاني وبعدين نروح لأبوكي ونقوله ان أنا الي مش عاوزك.. 

مريم : يسلم مخك يلا بينا... 

******بعد وقت ......بقلمي روني محمد 

مريم : اده ده أبويا هنا قاعد مع أبوك... 

مؤمن : طب كويس وفروا علينا الطريق.. 

مريم : ها مستعد 

مؤمن : مستعد يلا ندخل بقلب جامد.. 

هنا : لووووووويييييي

مؤمن : ششششش صوتك مزعج بتزرغطي على ايه؟ 

هنا : أصل خلاص حددنا الفرح 

مريم : ألف مبروك يا حبيبتي ربنا يتمملك بخير.. 

مؤمن : اسكتي دي مش مخطوبة..  فرح مين الي أتحدد

هنا : فرحك يا مؤمن أنت ومريم 

    كادت مريم أن تسقط... 

مؤمن بقلق : مريييييم مالك يا مريم انتي كريسة !!

مريم : وسع كده انا جالي كرشة نفس هي البت دي كانت بتقول ايه ؟

مؤمن : بتقولك مبروك خلاص ادبسنا 

مريم : انت بتعدهالي تاني كده في وشي ده أنا داخلة على ذبحة صدرية.. 

    -------بعد اسبوعين بقلمي روني محمد 

بعد الفرح 

مريم : بص احنا سمعنا كلامهم وعملنا فرح ولولولي وهيصة ، قولي بقى احنا هنعيش مع بعض ازاي.. 

مؤمن : عادي يعني زي أي اتنين متجوزين.. 

مريم : نعم...  لا بقولك ايه ده أنا ممكن أسيح دمك لو قربتلي... 

مؤمن : أنتي نيتك وحشة على فكرة ، انا قصدي اننا هنعيش قدامهم ونرسم اننا متجوزين ولكن في بتنا لوحدنا كل واحد في حالة... 

مريم : روح يا شيخ ربنا يطمنك زي ما طمنتني ، انا هروح اغير الفستان الي مشكوكني ده واتعشا عشان مكلتش بقالي يومين.. 

بعد كام يوم 

مريم : أحم هو انت حافظ كام جزء فالقرآن انا نسيت أسألك.. 

مؤمن : الحمد لله حافظ جزئين "عم- وتبارك "

مريم : ومالك مفتخر كده وكأنك حافظ القرآن كله 

مؤمن : طب وانتي بقى حافظة كام جزء ؟

مريم : أحم زيك بالظبط 

مؤمن : هههههههه ده أنا فكرتك هتقوليلي الفاتحة بس 

مريم : بلاش تريقة ممكن طلب 

مؤمن : اتفضلي 

مريم : أحم بما أننا أعدتنا هتطول مع بعض ايه رأيك لو تحفظني سورة البقرة... 

مؤمن : طب ما تحفظيها لوحدك ولا تروحي دار تحفيظ.. 

مريم : كل ما اروح دار تحفيط بيكون مواعيدهم مش مناسبة عشان كليتي وامتحاناتي وانا مش عارفة أحفظ لوحدي عشان التجويد بتاعي مش أوي محتاجه بجد حد يساعدني .. وبعدين ده فضل حفظ سورة البقرة ده عظيم جدا 

مؤمن : ايه هو ؟

مريم :  قراءة سورة البقرة وحفظها والعمل بها سبب في شفاعتها لصاحبها يوم القيامة، فقد جاء في الحديث: (يُؤتَى بالقرآن يومَ القيامةِ وأهلِه الذين كانوا يعمَلون به، تقدُمُه سورةُ البقرةِ وآلُ عمرانَ، تُحاجَّانِ عن صاحبِهما).

مؤمن : يعني ايه ؟

مريم : هقولك يعني ايه يوم القيامة سورة البقرة وأل عمران تشفعلك  وهتكون  سبب ان ربنا يغفرلك ذنوبك ده غير البركة فالرزق في الدنيا وغيرو وغيرو 

مؤمن : خلاص من بكرة نبدأ...

مريم : قصدك من النهاردة...  قوم هات المصحف... 

   -----مريم.  بقلمي روني محمد 

مؤمن : لابسة كدة ورايحة فين ؟

مريم : معلش يا مؤمن تعالا معايا بسرعة عوزاك توصلني لمشوار مهم.. 

مؤمن : مشوار ايه ده ؟

مريم : كلموني  وقالولي ان سارة وقعت ودماغها اتفتحت 

مؤمن : سارة مين ؟

مريم : سارة بنتي  خلص يلا بسرعة  ...

مؤمن : بنتك ازاي!!!  وانتي متجوزتيش قبل كده 

مريم : ماهو..  بصراحة انا مكنتش  عاوزة اقولك 

مؤمن: اخلصي انطقي خلفتي ازاي... 

    يتبع بقلمي روني محمد 

قولولي رأيكم ؟؟؟؟

مريم 

    الجزء الرابع والأخير 

بقلمي روني محمد 

مريم : أصل...  أصل انا متبنية سارة 

مؤمن : متبنياها ازاي!! 

مريم : سارة بنت يتيمة بباها ومامتها ماتو في حادثة ومش ليها حد فأنا اتكفلت بيها ولأن مامتها كانت صحبتي فأنا قررت اني اعتبرها بنتي... 

مؤمن : كاتباها بأسمك يعني!! 

مريم : لأ طبعا دي باسمها الحقيقي... 

مؤمن : امال مقولتليش ليه قبل كده ؟

بصراحة انا مكنتش عاوزة أقولك عشان مضيعش الأجر طالما مش بصرف عليها من فلوسك...

مؤمن : وانتي فاكره اني هعارض حاجه زي دي 

مريم : بجد يا مؤمن يعني انت مش زعلان 

مؤمن : لأ طبعا دي حاجة تفرحني انك لما تاخدي فلوسي وتصرفيها على الايتام حتى لو مكنتش اعرف انا يا سيتي مسامح 

مريم : مؤمن....  احنا نسينا البت يلا بسرعة نروح نشوفها... 

---------------بقلمي روني محمد 

بعد اسبوع

مريم : مؤمن 

-: نعم!! 

-: أحم ممكن أطلب منك طلب 

-: أتفضلي 

-: عاوزة أطلع عمرة نفسي بجد أزور الرسول صلى الله عليه وسلم... 

-: عليه أفضل الصلاة والسلام...  ماشي يا مريم شوفي الوقت المناسب ليكي وأحجزلك انتي وماما وممكن بابا يطلع معاكم.. 

-: لا ما هو مينفعش من غيرك!! 

-: ليه ؟

-: أصل انا مينفعش أسافر من غير محرم لازم انت تكون معايا 

-: بس انا عندي شغل 

_: انت طول السنة بتشتغل.. مفيهاش حاجه لو أخدت أجازة اسبوعين اعتبرهم مصيف ولا اي حاجه 

-: ماشي ربنا يسهل هشوف وابقى ارد عليكي.. 

-: لأ انت مش هتشوف انت هتاخد الأجازة عشان خاطري يا مؤمن متكسفنيش... 

بعد شهر 

مريم : يااااه البيت كان واحشني أوي... 

مؤمن : شكرا يا مريم... 

مريم : العفو بس على ايه؟

مؤمن : انتي خلتيني أنتظم فالصلاة..  وأواظب على الجماعة ، خلتيني أحفظ نصف القرآن بحجه اني بحفظك وانتي حافظة القرآن كله ، ساعدتيني ان أكفل يتيم ودي حاجه عمري ما فكرت فيها ... انا كنت من غيرك ضايع وتايه فالدنيا وسط ذنوبها ومعاصيها... 

مريم : انا معملتش حاجة يا مؤمن ، انت شاب كنت غرقان فالمعاصي يمكن ربنا يكون بعتني عشان اكون وسيلة تقربك ليه... 

مؤمن : مريم تقبلي تكوني شريكة حياتي بجد... 

مريم : يعني ايه؟

مؤمن : أنا بحبك يا مريم...  وحلمي انك تكوني أم ولادي.....  . 

مريم : ---------

مؤمن : ها رأيك ايه ؟

مريم : موافقة ... بس بشرط 

مؤمن : اتفضلي اشرطي براحتك 

مريم : أحم...  أنا الي همسك مصروف البيت 

-: ده أنتي داخلة على طمع بقى!! 

-: لا انت بصراحة مبذر تبذير أوفر وانا من هنا ورايح لازم ألم فلوسك الي بترميها يمين وشمال ،  عيالنا أولا بيهم.. 

-:هههههههه هما فين العيال دول!؟

-: هيجو ... هيجو ان شاء الله  ...... 

   أختار دائما الرفيق الذي سيأخذ بيدك الى الجنة ، لا الي النار ،،، ليس هناك أجمل من الحب الحلال الذي يتوجه الزواج....  كل عام وأنتم الى الله أقرب ربنا يجعلنا صحبه فالجنة 😍

     وطلب أخير محتاجه رأيكم بجد!!!!!

اسكريبت الظابط من هنا