 |
-هو اى ي هند هو انا كل ما اجى المسك تبعدى عنى هو فى اى
كنت نايمة على السرير ساكتة ومبردش وسرحانة
لقيت صوته على فجأة
-انا مبكلمش فى نفسى أما اكلمك تردى عليا فى اى
انتبهتله
=نعم عاوز اى
- هى اى الطريقة اللى بتكلمينى بيها دى مش عاوز حاجة نامى
= خلاص متزعقش طالما انت مش عاوز حاجة
فجأة مردش عليا وقام بعصبية فتح الدولاب وغير هدومه وخرج وسمعت رزع فى الباب جسمى اتنفض ، هو ليه مصطفى بقاا كداا ليه أما يعوزنى يلاقينى وليه انا اما بعوزه مش بلاقيه ليه أما ببقا محتاجة لحنانه وكلامه الحلو بيبقا حد تانى هو فعلاً بقاا حد تانى مش ده مصطفى اللى حبيته واتجوزته مصطفى اللى حبيته كان حنين كان بيحبنى بجد كان أما يقول كلمة احبك كنت احسها لكن دلوقتى بقيت بالنسباله شهوة يعاملنى حلو عاشان يوصل للى عايزه وبعد ما ياخده يرجع تانى مصطفى اللى معرفوش فضلت صاحية طول الليل سرحانة لحد ما لقيت الباب بيتفتح دخل الأوضة كان ساكت غير هدومه وجه نام من سكات انا بطبيعتى اما بكون موجوعة اوى بحب اطلع وجعى بالكلام
-مصطفى ،بصلى ورد
=نعم
اتكلمت بس الفرق وانا بتكلم كنت بتكلم وانا دموعى بتنزل
- هو انت لى بقيت كداا لى اتغيرت معايا كداا لو مش حاببنى طلقنى وريحنى من وجعى ده
= هو احنا مش هنخلص من الموال بتاع كل يوم ي هند
قومت واتكلمت بعصبية
- لا مش هنخلص ي مصطفى انا تعبت ي اخى حس بيا ولو لمرة واحدة حس ان الانسان اللى حبيته واتعلقت بيه واتجوزته قعد شهر معايا كويس بعدين بقاا حد تانى حد تانى معرفوش
= عاشان انتى طفلة وفاكرة نفسك لسة بنحب بعض اعقلى ي هند احنا اتجوزنا ولازم نشيل مسؤولية شوية
- مسؤولية مين هو احنا خلفنا علشان نشيل مسؤولية
= ما انا كل ما اجى المسك واقربلك تبعدى عنى هنخلف ازاى
- اه صح هنخلف ازاى ما انا بالنسبالك شهوة لكن حبيبتك دى كانت قبل الجواز اه وانا طفلة وانت متغيرتش ولازم نشيل مسؤولية يااااه تصدق انت عندك حق
= شوفتى
- اه شوفت انا معرفش انا واجعة دماغى ليه وواجعة قلبى ليه
= ايوا كداا ي حببتى اعقلى ، قام وقف وقرب منى باس دماغى وبيقرب اكتر زقيته
- طلقنى ي مصطفى
= هو انتى اى ي شيخة اى كل حاجة تقلبيها نكد
- اه انا كل حاجة بقلبها نكد طلقنى واتجوز بقاا وخلف وابعد عنى وسبنى اشوف طريقى
= هو انتى عاوزة اى ي هند
-مش عاوزة حاجة عاوزاك تطلقنى
= ي هند اعقلى انا بحبك مقدرش اطلقك
ضحكت بسخرية
- حب اه ما هو واضح
= اه بحبك يا هند اش حال متجوزين عن حب
- مبقتش بحسها ي مصطفى
= هى اى ي هند
- حبك ليا مبقتش بحسه مبقتش بتقول الكلمة دى زى الاول كنت الاول تصالحنى أما ازعل دلوقتى أما بقيت بزعل بتزعلنى اكتر ما النصيبة أن احنا متجوزين عن حب يعنى متعودة على حبك ليه ي مصطفى تعودنى على حاجة وتيجى تغيرها ، قربت منو
-ي مصطفى افهمنى والله العظيم انا ما ببقا عاوزة انكد بالعكس أنا عاوزة نعيش مبسوطين وزى اى اتنين بيحبوا بعض ومتجوزين ي مصطفى مشكلتى انى حبيتك بزيادة ، ضربته على صدره
= بس انت بتوجعنى بتغيرك ، لقيته ساكت ومبيردش مسحت دموعى لميت شعرى وطلعت الشنطة ولقيت نفسى بلم هدومى ، قرب منى
- ي هند بلاش تمشى على حاجة تافهة اعقلى خلاص هرجع تانى بس متبعديش عنى
= لو هترجع علشان ترضينى مش علشان جواك مش عاوز ترجع ولا حاببنى يبقا مترجعش ي مصطفى واظن أن كنت بعيدة أو قريبة فمش هيفرق معاك في حاجة
= هو انتى دماغك دى اى بتجيب الكلام ده منين
- من قلبى قلبى اللى اتعلق بيك وحبك قلبى اللى انت عمال توجعه بتغيرك
- الوقت متأخر ي هند مش هسيبك تخرجى دلوقتى
= لا انا بجهز حاجتى وبكرة همشى
- خليكى انا اللى هسيبك البيت
= اللى انت عاوزه اعمله
بدل ما يصالحنى بيقولى اسيب البيت بيعقد الموضوع اكتر
-انا شايفة انك عقلك عقل اطفال ده جوزك ي بنتى بالمسياسة اكسبيه
= حتى انتى ي ماما هو أصلا مبقاش بيحبنى بقاا حد تانى
-شوفى اى مغيره اسأليه
-سألته ملقتش رد ي بابا
لقيت بابا مش عاجبه الكلام قام وهو قايم قال
-ربنا يهديكى ي بنتى عقلى بنتك ي ام محمد ، دخل الأوضة ينام وانا كنت بعيط
- هو انتى مش بعدتى عنه بتعيطى ليه دلوقتى
= بحبه ي ماما مش هاين عليا اللى بيحصلى
- والله ي بنتى انا شايفة ان مفيش سبب للزعل أصلا الرجالة ي هند مش زى ما انتى فاهمة هما عايزين الليونة اكسبي جوزك ي هند لقتيه متغير روحى وفى ايدك ترجعيه
= فى ايدى ازاى يعنى
- مشكلتك ي بنتى انك طيبة وعلى نياتك متخربيش بيتك ي هند وانا متأكدة أن مصطفى بيحبك بس هو اتلاقيه مضغوط بس حبة اصبرى انتى مشوفتيش عمل اى علشان يتجوزك ده عارضنا كلنا ي بنتى واتجوزك عند فينا كلنا ورغم أن كنا مش موافقين بس هو متخلاش عنك مع أن واحد غيره بعد كل ده كان اتجوز وسابك بس هو أصر عليكى كل ده علشان بيحبك اتغير بعد الجواز ما كل الرجالة كداا فهمتى ي حببتى عاوزة تريحى أعصابك شوية اقعدى بس متخربيش بيتك وبعدين يختى انتى حلوة على الفاضى ما تستغلى حلاوتك دى انا معرفش طالعة هبلة لمين انا داخلة ربنا يهديك ي بنتى
كنت ساكتة هو ليه الكل شايف انى غلطانة هو أنا فعلا غلطانة بقيت متلغبطة ومش عارفه اعمل ايه غير أن ادخل انام روحت فى النوم وانا نايمة لقيت حد بيحسس على خدودى فتحت عيونى
-وحشتينى واوى كمان
=مصطفى
- اه ما أنا مستحيل اسيبك تبعدى عنى يوم والله ي هند انا بحبك ومقدرش ابعد عنك انتى اللى معرفش دماغك فيها اى
= كلامك طريقتك بقوا متغيرين اسلوبك وتعاملك كل ده بيوجعنى ي مصطفى والله
- انا اسف مش هتغير معاكى تانى خلاص بقاا ، ولقيته بيغمزلى
ابتسمت
=تانى ي مصطفى
-الله ي بت انتى مراتى فى اى
ضحكت
-اخيييرا ضحكتى
=اممممم
- بحبك
"واضرب على ذاك القلب فأنه ينبض بحبك"
اللى عاوزة اقوله بأختصار بلاش تعودوا حد على معاملة وتتغيروا الحب جميل على فكرة بس اللى يستغله ويعيشه صح
ممكن ريأكت لو عجبك وياريت كومنت لطيف 💜💜✨
تعليقات
إرسال تعليق