مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

● الجزء السابع عشر●

حكاية_قمر💕🌙

بقلم_ياسمين_علي••

نسترجع اخر احداث الجزء اللي فات مع بعض .. 

سليم : انتي بتراقبيني 

سهر : رد عليا .. ايه علاقتك بقمر 

سليم : علاقتي بيها موجودة من قبل مااشوفك .. وياريتني فضلت معاها ومجربتش احب غيرها .. قمر دي اللي كنت بحكيلك عنها زمان وعن حبي ليها .. اللي كنتي بتحاولي بكل الطرق تنسيهاني .. عرفتي قمر مين 

سهر : استحالة تحب غيري  ياسليم ..  مش هتنسا الي بينا علشان حب عيال كان بينكم 

سليم : اهو حب العيال اتطور .. وقريب هيكون جواز 

سهر : استحالة انت بتكدب عليا .. قمر بتحب زين مش بتحبك .. استحالة تتجوزك

سليم : هنشوف .. استأذنك بقا ممكن ادخل الحمام 

" سهر قعدة بتحاول تهدي نفسها لحد ما موبايل سليم رن وشافت اسم قمر والشر طلع من عينها وردت "

قمر : الو ياسليم .. انا فكرت ف كلامك . . وموافقة ع اللي طلبته مني  .. 

* سهر قفلت الموبايل ومشيت وهي بتتوعد لقمر *

قمر : الو .. الو .. (بتكلم نفسها ) هو راح فين ..ممكن ميكنش سمع !!

(اتنهدت) الحمدالله .. انا ايه اللي كنت ههبببه دا بس .. ازاي موافقة اديلو فرصة وانا بحب زين .. 

_ بس زين مش بيحبني ولسه بيحب الزفتة سهر دي ..

انا محتارة بس هو حتي لو مبيحبنيش .. انا بحبه مينفعش اعشم سليم وانا بحب حد تاني .. ( قطع تفكيرها دخول ليل. ) 

ليل : قمر انتي صاحية  

قمر :  اه ياليل تعالي 

ليل قعدت جنبها ع السرير : كنت عاوزة اتكلم معاكي ..

قمر : اتكلمي ياحبيبتي .. 

ليل : هو اللي انا عملتوا مع اسر دا صح ولا غلط .. 

قمر : بصراحة ياليل انتي مكنش ينفع تعملي كدا .. اسر مالهوش ذنب ف اللي حصل ..

ليل : انا عارفة ان اسر مالهوش ذنب بس ..

 قمر : مافيش بس .. كان المفروض تدي لنفسك وقت اكبر من كدا علشان نفسيتك ترتاح وتهدي  وتعرفي تفكري  صح .. اسر بيحبك بجد ياليل متخسرهوش 

ليل : ماهو انا كمان بحبه بس مش عارفة اعمل ايه 

قمر : اتصلي بيه واتأسفيلوا ..  ولا اقولك الاحسن تروحي لحد عنده ومعاكي بوكية ورد حلو كدا وتصالحيه 

ليل : نعم نعم .. هو انا اللي  المفروض اصالحه 

قمر : اه انتي  

ليل : وليه ميكنش هو اللي يصالحني ..

قمر : انتي عبيطة يابت .. مش انتي اللي مزعله  .. واتخنقتي معاه لما جه لحد عندك 

ليل : اه بس دا حصل علشان انا كان المود بتاعي وحش .. كان المفروض يستحملني  مش يمشي ويسبني .. وكل الفترة دي محاولش يطمن عليا 

قمر : ع فكرة بقا انتي ظالمه .. علشان اسر كل يوم بيكلمني او بيكلم ماما وبيطمن عليكي 

ليل : واشمعنا مبيكلمنيش انا بقا 

قمر : يابنتي متجننيش مش انتي اللي قولتيلو يبعد عنك .. 

ليل : وهو انا لما اقولو يبعد عني يبعد عني .. يعني لو قولتلو ارمي نفسك ف البحر هيسمع كلامي 

قمر : استغفرالله العظيم يارب واتوب اليه ... ياليل افهمي انتي غلطتي ف حقه ودوستي ع كرامته عاوزة  بعد اللي عملتيه هو الي يصالحك كمان .. 

ليل : مش بيحبني يصالحني 

قمر : لا لا كدا كتير بصراحة ..  قومي ياليل اتكلي ع الله انا عاوزة انام 

ليل : استني بس متزقيش هفهمك وجهة نظري 

قمر : مش عاوزة افهم ... يلا من هنا 

( موبايل قمر رن ) 

ليل : طب شوفي مين بيرن طب 

قمر : مالكيش دعوة بالزفت 

ليل : ايه دا وريني كدا .. دا سليم .. المز الجديد ( غمزتلها ) ايوة ياعم الله يسهله 

قمر : اطلعي برا يابت 

ليل : طب مش هتقوليلي بردك مين سليم 

قمر بتوتر : مانا قولت زميلي ف الشغل 

ليل : لا دا الكلام دا تقولي قدام ماما .. مش عليا انا .. لو زميلك ف الشغل بجد ردي عليه قدامي. 

(قمر اتنهدت ومسكت الموبايل وردت )

قمر : ايوة ياسليم .. خير في حاجة 

سليم : انا لقيتك كنتي متصلة بيا  .. انا اسف والله كنت ف الحمام ..

قمر  : بس في حد رد عليا 

سليم فهم ان سهر هي اللي ردت  : مش عارف  .. ممكن يكون الموبايل فتح لوحده بتحصل .. كنتي عاوزة حاجة  

قمر بتوتر : انا .. لالا .. انا كنت بطمن بس انك روحت  

سليم : اه وصلت من بدري .. شكرا ع سؤالك 

قمر : العفو .. تصبح ع خير بقا .. 

سليم : وانتي من اهله 

قمر قفلت وحدفت الموبايل : اهو كلمته قدامك اطمنتي ان مافيش حاجة بينا 

ليل رفعت حاجبها : لا بردك 

قمر : ليل امشي من وشي 

ليل : انا غلطانة اني جيت افضفض معاكي 

قمر :, اه غلطانة ويلا من هنا 

ليل : ماشي .. ماشي 

________________________________

 { في صباح يوم جديد }

كنزي : حازم .. حبيبي اصحا هتتأخر ع شغلك 

حازم فتح نص عين  : صباح الخير ياماما .. الساعة بقيت كام 

كنزي : ماما ايه .. انا كنزي 

حازم فتح عينه بخضة : كنزي  ( نط من ع السرير ومسك ساعته بسرعة.. يشوف الساعة ) 

كنزي : في ايه مالك  

حازم : الساعة 8 ونص 

كنزي : اه في ايه 

حازم :  استغربت ان انتي اللي بتصحيني  فكرت الساعة 4 العصر .. وراحت عليا نومة  .. انتي صاحية بدري   

كنزي ابتسمت : علشانك .. اصل انا قررت اني كل يوم هصحا بدري اصحيك تروح الشغل .. واعملك الفطار كمان .. 

حازم باستغراب : كمان  في فطار .. لا انا مش مصدق نفسي والله 

كنزي : اه طبعا .. مش انت جوزي حبيبي .. لو مدلعتكش هدلع مين  يعني 

حازم غمزلها : ايوة بقا 

كنزي : اه وكمان انا مش هستنا لما الست مروة تفطرك هي 

حازم باستغراب : مروة مين 

كنزي : مروة زميلتك ف الشغل 

حازم : انتي جبتي الكلام دا منين 

كنزي : من الفيس هما قالوا كدا .. فطري جوزك قبل مايروح الشغل ومروة زميلته تفطره هي 

حازم : اااه قولتيلي بقا .. يعني انتي عاملة كدا علشان  هما قالوا .. مش علشان جوزك حبيبك 

كنزي : لا والله علشان الاتنين

 حازم : ع العموم ياستي .. انا معنديش مروات ف الشغل .. 

كنزي  :  اومال عندك مين ان شاءالله 

حازم : عندي سيد وعبد العال وعم مصيلحي .. وكله شنبات وحياتك 

كنزي ابتسمت  : طيب الحمدالله طمنتني 

حازم : ايه هتلغي الفطار 

كنزي : لا طبعا .. انا مجهزة الفطار .. ادخل انت خد دش كدا وظبط نفسك وانا هروح اصحي ماما تفطر معانا 

حازم مسك ايدها : استني بس انا عندي حل احلي 

كنزي : ايه هو 

حازم : انتي تيجي معايا دلوقتي و بعدين نروح نصحي ماما كلنا 

كنزي : اجي معاك فين 

حازم : انتي قولتيلي اروح فين 

كنزي : قولتلك تروح تاخد دش 

حازم : يبقا انتي هتيجي معايا فين 

كنزي باستعباط : فين ! 

حازم : لا انتي بتتستعبطي بقا .. وانا  بصراحة بحب الاستعباط ( شالها ) .. تعالي بقا نستعبط سوا 

كنزي :  لا لا حازم  نزلني ..  

حازم : مافيش نزول . .. علشان تبقا تستعبطي تاني 

كنزي :  اخر مرة والله .. انا اسفة نزلني بقا 

حازم : لا 

طب هروح اصحي ماما بسرعة وهجيلك تاني 

حازم : لا بردك 

كنزي  بتستعبط  ومسكت بطنها : استنا بس .. اه اه بطني وجعاني اه 

حازم نزلها بسرعة : مالك .. فيكي ايه 

كنزي : ماليش كنت بستعبط   ( طلعتله لسانها  و خرجت من الاوضة بسرعة ) 

حازم باستغراب : بتطلعلي لسانها ! .. انا متجوز طفلة والله .. خدي ياببتتت ( طلع وراها ) 

كنزي شافته جريت بعيد عنه : الله بقا ماتدخل تلبس هتتأخر ع الشغل 

حازم بيجري وراها : مش رايح بقا انا قعدلك انهاردة .. 

(واقفوا حوالينا السفرة  هو ف ناحية وهي ف ناحية )

كنزي : لا ياحبيبي مينفعش انت تروح شغلك .. وانا هكمل نوم 

حازم :  مافيش نوم .. ومافيش شغل 

كنزي : وبعدين معاك بقا .. انا داخلة اصحي ماما   عن اذنك .. ( لسه بتمشي مسكها )

حازم : تعالي بقا .. كنتي بتقوليلي بطنك مالها  

كنزي : مالهاش والله .. انا كنت بهزار معاك بس .. 

حازم : لالا مش مصدقك لازم اتأكد بنفسي 

فريال خرجت من اوضتها ع صوتهم لقيت حازم حضن كنزي اتعصبت  : ايه المسخرة اللي بتحصل دي 

كنزي اتفجعت وبعدت بسرعة  : مافيش حاجة ياماما .. 

فريال : مافيش ازاي  واللي كان بيحصل دا ايه .. مافيش مرعاة خالص ان انا معاكم ف البيت 

كنزي : انا بس كنت جاية اصحيكي و....

فريال : وايه كملي .. بنت قليلة الادب بصحيح 

كنزي : انا !! 

حازم : ايه اللي بتقولي دا ياماما .. دي مراتي وانا جوزها .. مغلطناش يعني .. وبعدين كنزي مالهاش ذنب .. كلميني انا مش هي 

فريال :مالهاش ذنب ازاي .. انتو مش ليكم اوضة .. ثم ان هي ايه مصحيها دلوقتي اصلا .. 

كنزي : انا والله كنت بحضر الفطار بس 

حازم : انتي بتبرري ايه ياكنزي ..  ماتصحي ف الوقت اللي انتي عايزه  .. وبعدين ياماما متنسيش ان حضرتك اللي صممتي نعيش مع حضرتك  .. 

كنزي : بس  ياحازم ميصحش تكلم مامتك كدا 

فريال : وانتي بقا اللي هتفهميه يكلم مامته ازاي 

حازم : استغفرالله العظيم يارب .. انا رايح اللبس علشان عندي شغل ( دخل الاوضة )

كنزي : حازم استنا 

فريال مسكت ايدها : تاني مرة القرف اللي شوفتوا دا ميتكررش فاهمة ولالا 

كنزي : حاضر .. ممكن ادخل اهديه بس 

فريال : لا اتلقحي انتي هنا وانا هدخله .. انا عارفة ابني اكتر منك 

كنزي : ماشي 

__________________________________

 ف مكتب زين 

قمر : السكرتيرة قالتلي ان حضرتك عاوزني 

زين : حضرتك ! .. ماشي ياقمر  انا كنت بطمن عليكي .. اصلك معدتيش عليا زي كل يوم تبلغيني انك جيتي ف قلقت 

قمر : لا اطمن انا كويسة .. عن اذنك 

زين : استني ياقمر ( قرب منها ) انا كنت عايز اشرحلك سوء التفاهم اللي حصل امبارح  ... انا والله .. 

قمر قطعت كلامه : من غير حلفان ..انت حر تعمل اللي انت عايزه ... الموضوع ميخصنيش .. 

زين : ميخصكيش تمام .. 

قمر : تمام .. ممكن امشي 

زين : لا استني .. انا شوفتك انبارح وانتي بتركبي عربية سليم .. هو في ايه بينكم 

قمر : ميخصكش 

زين بعصبية :. نعععم !! 

قمر : زي ماسمعت 

زين : لا يخصني بقا

قمر :  دا ليه بقا  

زين : علشان .. علشان ( كاد ان ينطق ولكن اتراجع  )  علشان كان في بينا  معاد وانتي لغتيه وقولتي ف البيت مستنينك .. وفجاة القي حضرتك بتركبي مع الاستاذ عربيته .. دا اسمه ايه بقا 

قمر : وانا مكدبتش انا روحت البيت فعلا 

زين : وتركبي معاه ليه وانا كنت هوصلك 

قمر : معلش بقا اصل انا عندي نظر وخدت بالي انك مكنتش فاضي 

زين : شوفتي يعني انتي اهو بتتكلمي عن اللي حصل .. يبقا اديني فرصة اشرحلك بقا 

قمر بعصبية : وانا مش عاوزة اعرف 

زين بعصبية اكتر : بس انا بقا عاوز اعرف اللي بينك وبين سليم 

قمر : والله انا قولتلك دا حاجة متخصكش .. انت مالكش عندي غير انك تسألني ف الشغل وبس .. انما حياتي الشخصية لا  يازين .. عن اذنك (خرجت)

 زين اتعصب وزق الحاجة اللي ع المكتب  : ماشي ياقمر .. ماشي لما نشوف حوار ميخصنيش دا  

(من مكان اخر) 

قمر داخلة مكتبها متعصبة وبتكلم نفسها : انسان مستفز .. قال يشرحلي قال ..  يشرح ايه دا  انا شايفة بعيني وهي ف حضنه .. وجاي يحاسبني علشان ركبت مع سليم العربية .. اومال لو عرف انه اتغدي معانا كمان هيعمل ايه

السكرتيرة دخلت : استاذة قمر .. في واحد اسمه عربي  عاوز يقابلك 

قمر : عربي دا ايه جابه دا ... دخليه طيب 

السكرتيرة : تحت امرك يافندم

عربي : ست قمر .. روحتلك البيت ملقتكيش 

قمر : ماحضرتك مختفي بقالك فترة معرفتش ان مواعيدي اتغيرت وانهاردة مبقاش اجازة 

عربي : غصب عني والله ياست قمر .. انا كنت مشغول ف الموضوع اللي  مكلماني عليه .. انا خلاص عرفت البضاعة هتدخل المخزن امتا 

قمر : بتتكلم بجد يا عربي .. امتا  امتا 

عربي : انهاردة  بليل ع الساعة 10  بالظبط البضاعة هتدخل المخزن .. 

قمر : وعرفت الزفت دا هيكون موجود ولالا 

عربي : اطمني المعلم جعفر  اكيد هيكون موجود 

قمر : ومين آكدلك وعرفت الكلام دا منين 

عربي : كنت قاعد ع القهوة بالصدفة اتنين من صبيانه  .. كانوا قعدين قريب مني وكانوا بيتكلموا  وسمعتهم وقالوا ان البضاعة المرة دي غير كل مرة وهو هيكون موجود .. وحتي لو مش موجود ياست قمر المهم ان البضاعة انهاردة هتكون ف مخزنه .. يعني هيروح ف داهية 

قمر : ما ممكن يلبسها لاي عيل من صبيانه ويبقا كأننا معملناش حاجة 

عربي : متقلقيش ياست قمر .. انا متأكد ان هو هيكون موجود 

قمر : ماشي ياعربي انا هكلم الظابط حازم دلوقتي أبلغه .. وانت ارجع الحارة واي جديد بلغني 

عربي : من عنيا ياست قمر .. استاذن انا  

____________________________________________________________________

الدكتور  : اهلا اهلا استاذ سائر 

سائر سلم عليه : ازاي حضرتك يادكتور  

الدكتور : الحمدالله بخير .. تشرب ايه 

سائر : انا متشكر اوي .. انا جاي بس اطمن ع صافي 

الدكتور : والله حالتها بقيت  تسوء .. و مبقتش بتتكلم 

سائر  بعصبية  : يعني ايه  مش بتتكلم وحالتها بتسوء .. ازاي الكلام دا 

الدكتور : ممكن حضرتك تهدأ .. انا حاولت وعملت اللي اقدر عليه معاها .. ومافيش فايدة .. واخت حضرتك مش موجودة هنا من نفسها اخت حضرتك جاية هنا ف جريمة قتل 

سائر : عارف وعارف كمان ان اختي  هي او غيرها   هنا علشان يتعالجوا 

الدكتور : والله مش كل المجانين بيتعالجوا وبيخفوا 

سائر : بس انا اختي مش مجنونة .. وانت بنفسك اللي قايلي ع موضوع العلاج اللي كانت بتاخده دا 

الدكتور : اختك مكنتش مجنونة بس العلاج خلها تبقا كدا .. وعلشان تتحسن محتاجة فترة كبيرة ... وانا كلها كام يوم وهسافر بس متقلقش في دكتور مكاني هيجي يشرف ع حالتها .. 

سائر : ماشي لما نشوف الدكتور التاني هو كمان هيقول ايه .. عن اذنك 

__________________________________

{ كنزي خارجة من اوضتها  .. وفريال قعدة مع واحدة جارتها }

سنية : هي دي عروستنا 

فريال  : اخيرا صحيتي .. 

كنزي : اه ياماما صحيت 

فريال : طب تعالي سلمي ع خالتك سنية جارتنا 

كنزي مبتسمة : اهلا وسهلا

سنية : اهلا بيكي ياحبيبتشي  .. طبعا انتي مكنتيش بتشوفيني كل الفترة دي .. اصلي كنت مشغولة ف فرح بنتي شوية 

فريال : مقولتليش ياسنية البت سامية بنتك عاملة ايه ..   

سنية : الحمدالله كويسة .. وحامل كمان .. 

فريال : مشاءالله حامل ..  ربنا يكملها ع خير 

سنية :  وانتي ياحبيبتشي مافيش حاجة جاية ف السكة 

كنزي : حاجة ايه الي جاية 

سنية : حامل يعني ياحبيبتشي 

كنزي : لا مش حامل لسه ..

سنية شهقت : يامري .. كل دا ولسه .. طب ماتاخديها للدكتور يا فريال 

كنزي : دكتور ايه ؟ انا مكملتش شهرين 

سنية : وماله ياختي مانا بنتي لسه داخلة من اسبوعين .. ومشاءالله الله اكبر اهي حامل ..  وبنتي التانية بردك اتجوزت وحملت علطول  .. والبت بت تحيه اللي ف البيت اللي جنبنا  متجوزة بعدك بكام يوم وحملت ..دا الطبيعي ياحبيبتشي انتي بس اللي شكلك مش فاهمة 

فريال : ايوة صحيح يا كنزي .. انتي ازاي متحمليش لحد دلوقتي .. 

كنزي : ايه اللي بتقوليه دا ياماما .. دي حاجة بتاعت ربنا  مش بايدي 

سنية : وربنا قال اسعي ياعبد وانا اسعي معاك .. يعني ياحبيبتشي تروحي للدكتور علشان تعرفي العيب من مين 

فريال : فاااشر انا ابني مافيهوش حاجة ياسنية 

سنية : وغلاوتك ياحبيبتشي مااقصد سي حازم .. هو في زي سي حازم ف شارعنا كله  .. 

كنزي : يعني حضرتك تقصديني انا 

فريال : اللي ع رأسه بطحة بقا .. 

 سنية : انا من رأيي تفتحي حازم ف موضوع الدكتور دا 

كنزي :  انا شايفة ان دي حاجة بيني وبين جوزي ومش محتاجين رأي حد 

سنية لوت بوقها : الحق عليا اني عاوزة مصلحتك .. خايفة ليطفش ويروح يتجوز عليكي 

كنزي ( حاولت تتمالك اعصابها ) : انا داخلة اعمل حاجة تشربوها 

سنية : خشي ياحبيبتي خشي .. 

اقطع دراعي من هنا يافريال ان ما كانت البت دي مبتخلفش وخايفة تروح للدكتور وتتكشف 

فريال : ايه اللي بتقوليه دا ياسنية اسكتي اسكتي ..  نهار ازرق.. دانا مجوزة مخصوص علشان اشوف عياله .. يقوم جايبلي واحدة مبتخلفش .. دانا اخربها فوق دماغها 

سنية : لا تخربيها ولا تعمليها .. ياست فريال حرام نخرب ع البت ليه .. هو سي حازم يتجوز تاني وخلاص 

فريال : لسه هندور تاني ع عروسة 

سنية : تدوري وانا موجودة .. عندك بنتي لوزة .. كبرت واحلوت وانتي عارفها .. ومضمونة وهتبقا خدامه تحت رجلك كمان 

فريال : بجد يا  سنية يعني هتوافقي ان بنتك تدخل ع ضرة 

سنية : وموافقش ليه دا سي الاستاذ حازم ع سن ورمح .. هي بس بنتي اللي تطول 

فريال : متقوليش كدا دي لوزة دي زي القمر .. بس بس 

سنية : بس ايه 

فريال : اصل حازم بيحب كنزي اوي .. مظنش انه هيوافق 

سنية : لا ف  دي بقا انا هقولك تعملي ايه بالظبط 

فريال : يبقا اتفقنا 

سنية : اتفقنا ياحبيبتشي .. الا مقولتليش هي البت دي حازم عرفها منين 

فريال : شافها وهو عند صاحبه .. اصل امها وابوها عايشين هناك بحكم شغلهم وكدا 

( كنزي خارجة من المطبخ والصنية ف ايدها )

سنية : شغل ايه دا ياختي 

فريال : اصل ابو كنزي  شغال سواق عند ابو صاحبه .. وامها مربية  هناك 

 سنية : خدامة يعني .. امها خدامه وابوها سواق ومتعنطظة  ف نفسها ع ايه 

 كنزي رميت الصنية من ايدها : انتي اتجننتي ..  ازاي تتكلمي ع ماما وبابا كدا .. 

(سنية وفريال اتفجعوا  )

سنية : تف تف تف .. في ايه ياحبيبتشي انتي بتتصنتي علينا .. 

كنزي بعصبية : ردي عليا .. ازاي تتكلمي ع اهلي بالشكل دا .. مين انتي علشان تجيبي سيرتهم ع لسانك ها 

سنية : انا هتهزق في بيتك يا فريال ولا ايه 

فريال : عيب اللي بتعمليه ياكنزي دي ضيفة  

كنزي : واللي قالته مش عيب وحضرتك قعدة بتسمعيها وساكتة .. والضيف يقعد باحترامه  ويحترم اهل البيت اللي هو فيه .. مش يغلط فيهم بكل بجاحة 

سنية : بجاحة ! جرا ايه ياحبيبتشي انا سكتالك  كل دا علشان خاطر الست فريال بس 

كنزي : انتي مالكيش عين تتكلمي اصلا .. واحب اعرفك أنا ماما مش خدامة ولا بابا مجرد سواق وبس ماما وبابا ليهم مكانة كبيرة اوي ف البيت .. اونكل احمد نفسه عمره ماقال عليهم اللي  انتي قولتي طول عمره بيعتبرنا اصحاب بيت واكتر .. تيجي واحدة زيك  ف الاخر وتقولي كدا لا مش هسمحلك ولا هسكت كله الا اهلي 

سنية : ومالها ياحبيبتشي اللي زيي 

كنزي : امشي اطلعي برا 

سنية ضربة أيدها ع صدرها : انتي بتطرديني يا مفعوصة انتي .. عجبك كدا يا ست فريال بنطرد من بيتك 

فريال : حقك عليا يا سنية متزعليش .. كنزي ادخلي ع اوضتك 

كنزي : مش داخلة غير لما الست دي تطلع برا .. مش هستحمل وجودها ف بيتي 

فريال : بيت مين ياحبيبتي .. دا بيتي انا ولا شكلك نسيتي 

كنزي بصيتلها والدموع في عينها  ورجعت بصيت لسنية باستحقار .. ودخلت  ع اوضتها  وقعدت تعيط و مافيش حاجة بتيجي ف بالها غير كلام امها لما كانت بتحذرها

______________________________________

 " قمر وليل وهدي وتونة قعدين كلهم  و مندمجين مع المسرحية مشهد من (العيال كبرت) *

 سلطان : بابا احنا قررنا

رمضان : انتو .. انتو مين ان شاءالله 

سلطان : انا وسحر 

سحر : ايوة يابابا قصده يعني اتفقنا بس بعد موافقة حضرتك

سلطان : ايوة واعتبرنا موافقة حضرتك موجودة .. يعني تحصيل حاصل.. اي كلام يعني .. انا وافقت بالنيابة عنك 

رمضان : وافقت علي ايه 

سلطان : اختي سحر مشاءالله مشاءالله هتتوظف 

رمضان : من غير شهادة 

سلطان : لا الشغلانة دي مش محتاجة شهادة .. دي محتاجة ليونة 

رمضان : ايوة يعني هتشتغل ايه 

سحر : هشتغل فنانة يابابا

سلطان : ماشاءالله ماشاءالله

رمضان : فنانة هترسمي ولا هتكتبي شعر 

سلطان : ودا اسمه فن برده ياراجل ... ماشاءالله والله اكبر هترقص 

رمضان : ااااه بااليه يعني 

سلطان.  باليه !!! موصلتش لسه    ... لالا انت روحت فين .. دا البالية دا رقص راجعي .. دا مشاءالله  هترقص ع واحدة ونص مشاءالله مشاءالله تسكر وتفتح مشاءالله مشاءالله وتجبلنا رجالة مشاءالله مشاءالله 

هدي وتونة وليل : واقعين ع نفسهم من الضحك .. ماعدا قمر قعدة مركزة مع الموبايل ومستنية يرن "

تونة : وانا كمان ياماما عاوزة اشتغل رقاصة زي سحر 

هدي : لا ياتونة انتي هتروحي المدرسة 

تونة : لا مش عاوزة اتعلم انا عاوزة ارقص

ليل : اتوكسي دانتي لو اشتغلتي رقاصة هتوقفي حال الكبارية .. الناس هتطفش من وشك 

تونة : يارب صبرني ع البت دي ... ومقومش افتح دماغها  

 

هدي : انا مش هتكلم خلاص اتعودت .. اقولكم ع حاجة قوموا هاتوا بعض من شعركم (بصيت ع قمر) .. وانتي كمان سرحانة في ايه ومركزة ف الموبايل 

قمر : ها .. لا انا مش سرحانة .. انا بس مستنية مكالمة مهمة 

هدي : مكالمة من مين 

تونة : من الاستاذ لولو 

قمر : مين لولو دا 

تونة  : الاستاذ لولو (  وقفت و حطيت ايدها ع وسطها  و هزت كتافها ووسطها ) تبع مدرسة الفن الراقي الملحقة بكبارية النجوم هيهيهيهيهيهييي

ليل سقفت جامد : العب ياتونة  .. عليا النعمة البت دي هتنافس صافيناز 

*موبايل قمر رن*  

قمر نطيت بسرعة خدت الموبايل .. تحت نظرات واستغراب الكل 

قمر : الو يا عربي .. طمني حصل 

عربي : اطمني يا ست قمر .. جعفر اتقبض عليه خلاص 

قمر بفرحة : انت بتتكلم بجد ياعربي .. احلف كدا انه خلاص اتقبض عليه

عربي : والله العظيم ياقمر اتقبض عليه .. دي الحارة كلها بتتكلم والدنيا مقلوبة هنا .. انا بس قولت اتصل اطمنك 

قمر : الحمدالله .. الف حمد وشكر ليك يارب   

هدي : في ايه ياقمر .. و مين الي اتقبض عليه ياقمر 

قمر :  جعفر الكلب .. حقي وحقك وحقكم رجع خلاص .. 

تونة :  غدنفر اتحبس .. لولولولوليي 

ليل : انتي بتتكلمي بجد ياقمرر.. دا حصل ازاي 

قمر : اتقبض عليه ف مخزنه وهو بيستلم شحنه مخدرات 

هدي : وانتي عرفتي منين الكلام دا .. ولا تكوني انتي اللي .. 

قمر : ايوة ياماما انا .. انا اللي بلغت عنه .. 

هدي : لا حول ولا قوة الا بالله .. ليه كدا بس ياقمر .. مصممة تدخلي نفسك ف مشاكل ليه .. 

قمر : دا حقي ياماما وحق اخواتي .. ضيعلي شق عمري والبيت الي كنا بنتحمي فيه ف غمضة عين  لقيت نفسي انا واخواتي ف الشارع ...   من يومها وانا عهدت نفسي اني مش هسيب حقي .. وهيجي يوم واخده .. واهو جه الحمدالله وخدته .. ومش حقنا احنا بس .. وحق كل الشباب اللي دمرهم بسبب الزفت اللي بيبيعوا ..  حقك انتي كمان ولا نسيتي 

هدي : منستش ياقمر .. بس انا خايفة عليكي ياحبيبتي 

قمر : متخافيش ياماما .. خلاص هو اتقبض عليه .. واستحالة يعرف يخرج منها ابدا 

___________________________________

 * حازم داخل اوضته .. وكنزي شبه نايمة بس مازالت بتعيط .. وهو بيغير هدومه حس بيها * 

حازم : كنزي .. كنزي انتي كويسة 

كنزي ( حاولت تمسح دموعها وتعدل صوتها  ) : اه ياحازم كويسة .. ( قامت وهي مديالو ضهرها )  .. انا هروح احضرلك تأكل 

حازم : استني هنا .. اكل ايه اللي تحطيها انتي فيكي ايه ردي .. 

كنزي ( حاطة وشها ف الارض) : مافيش حاجة ياحازم 

حازم : لا فيه ياكنزي .. وبعدين انتي مش عاوزة تبصيلي ليه .. (رفع وشها ) .. انتي بتعيطي .. مالك ايه حصل .. ماما عملت حاجة تاني ؟؟ 

كنزي : لالا ماما معملتش حاجة .. انا بس اللي اتخنقت فجأة لوحدي .. هي مالهاش ذنب 

حازم : اتخنقتي من ايه .. حصل ايه طيب فهميني 

كنزي : معرفش يا حازم من ايه هو لوحدي كدا .. وكمان انت ايه اخرك كل دا 

حازم :  كان عندي شغل كتير انهاردة 

كنزي : طيب كنت اتصلت قولت انك هتتأخر 

حازم : يعني انتي اتخنقتي وكنتي بتعيطي علشان انا اتأخرت 

كنزي : اه 

حازم : ماشي ياكنزي هحاول اصدقك .. ع العموم انا اسف بعد كدا لما يبقا عندي شغل كتير هطمنك .. حاجة تاني 

كنزي : اه .. حازم هو انت ممكن تتجوز عليا وتطفش علشان اتاخرت ف الحمل

حازم : ايه اللي بتقوليه دا ياكنزي .. جبتي الكلام دا منين 

كنزي : عادي ياحازم .. دا مجرد سؤال بس 

حازم :  لا مش عاوزك تقولي الكلام دا تاني .. اولا احنا لسه متجوزين وانتي متأخرتيش ولا حاجة ... ثانيا انا مش مستعجل ثالثا بقا انا بحبك انتي واختارتك انتي ومش عاوز واحدة غيرك مهما كانت الاسباب ايه .. ف مش عاوزك تحطي الكلام دا ف دماغك وتزعلي .. وان شاءالله ربنا يرزقنا 

كنزي بفرحة حضنته : وانا كمان بحبك اوي ياحازم .. 

حازم : مش هتحكيلي بردك كان مالك 

كنزي : مانا قولتلك يا حازم 

حازم : عاوز اصدقك مش عارف  انا بعرفك لما بتكدبي .. وعارف ان امي هي اللي زعلتك مع اني مش عارف هي عملت ايه .. بس انا عاوزك تستحمليها علشان خاطري انا .. والله انا امي طيبة بس هي ممكن تكون لسه متعودتش  ع اني اتجوزت وكدا .. وبردك هفكرك انتي لو مش مرتاحة هنا احنا فيها لو عاوزة من بكرا ننقل شقتنا انا موافق 

فريال واقفة وسمعت كلامه : بقا كدا ياحازم عاوز تبعد عني علشانها ...  ماشي ياكنزي انا هوريكي ازاي تقومي ابني عليا ماشي ( مشيت) 

كنزي : لا ياحازم انا مرتاحة هنا .. وبعدين مش هينفع نسيب ماما لوحدها .. وصدقني انا مستحملة عادي وهو محصلش حاجة أصلا .. وان كان ع اللي حصل الصبح ف احنا غلطانين فعلا .. كان المفروض نراعي وجودها .. هي معاها حق وانا  مزعلتش منها وانت كمان متزعلش منها ولازم تعتذرلها ع طريقتك معاها .. 

حازم ابتسم : حاضر هعتذرلها اول لما اصحا 

كنزي : انا هنام بقا تصبح ع خير 

حازم باس ايدها : وانتي من اهله ياحبيبتي 

______________________________________

 

قمر : صباح الخير ياعلا

علا : صباح النور يافندم .. استاذة سهر ف انتظار حضرتك ف المكتب  جوا 

قمر باستغرب   : سهر !! دي عاوزة ايه دي 

علا : معرفش والله يافندم ..  

قمر : طيب روحي انتي وانا هدخلها 

علا : تحت امرك يافندم .. عن اذنك  

سهر قعدة وحاطة رجل ع رجل .. وقمر داخلت قعدت ع المكتب 

قمر : خير .. علا قالتلي انك عاوزني .. في حاجة ف الشغل عاوزة تتكلمي عنها 

سهر : اه انا عايزاكي .. بس مش ف الشغل 

قمر : اومال في ايه ؟

سهر :  عاوزة اعرف ايه علاقتك ب سليم 

قمر : افندم !!!

سهر : ايه مسمعتيش اعدلك كلامي تاني 

قمر : لا سمعت بس مش فاهمة 

.. يخصك في ايه علاقتي بسليم .. انتي مالك اصلا 

سهر : لا يخصني ياحبيبتي .. ويخصني اوي كمان لما تبقي بتلفي حوالين جوزي يبقا ساعتها لازم اقفلك 

قمر بصدمة : جوزك !! جوزك ازاي يعني 

سهر : والله مش مهم تعرفي ازاي المهم تعرفي ان هو جوزي ومش هسمحلك تقربي منه .. وبلاش بقا شغل البنات المش محترمة واللف حوالين   الرجالة دا عيب 

قمر : والله المش محترمة بجد .. اللي تكون متجوزة وتروح ترمي نفسها ف حضن راجل  تاني غيره .. 

سهر اتعصبت : انا مافيش بيني وبين زين اي حاجة 

قمر بابتسامة : والله انا مسألتكيش  .. انا بديكي مثال بس بمين اللي مش محترمة .. 

سهر :  انا جاية هنا علشان انصحك .. ابعدي عنه احسنلك

قمر بابتسامة استفزاز :  انا شايفة انك توفري نصيحتك لنفسك .. ولو فعلا زي ما بتقولي انك مراته ..  روحي كلميه هو وخلي يبعد عني .. وجودك عندي مالهوش لازمة ..  اتفضلي 

سهر : انا قولت اجي بس علشان احذرك .. بس الظاهر اني غلط اني جيت لواحدة تربية حواري زيك 

قمر : انا مش هرد عليكي احترام للمكان وشغلي بس مش اكتر .. انتي طبعا عارفة انا كان ممكن اعمل فيكي ايه .. اكيد منستيش صح ؟

سهر بابتسامة : لا منستش وعاوزكي انتي تفضلي فاكرة كويس اوي  انك لسه مشوفتيش ردي ايه 

قمر بتحدي  : وانا مستنية اشوف .. ( بصيت ف الساعة) .. معلش بقا كنت حابة اضايفك بس انا عندي اجتماع ومش فاضية للكلام دا  .. عن اذنك

___________________________________

 فريال : كنزي تعالي عاوزكي 

كنزي : نعم ياماما 

فريال : انا مش عاوزكي تزعلي بسبب اللي حصل امبارح .. انا كنت هرد عليها بس انتي مدتنيش فرصة .. وكمان عيب ياحبيبتي لما تغلطي ف حد يكون ف بيتك .. متزعليش مني انا شديت عليكي قدامها بس علشان هي ضيفتي .. حقك عليا 

كنزي :  مش زعلانة ياماما حصل خير 

فريال : طيب علشان اصدق بقا انك مش زعلانة ولا شايلة مني .. عاوزة اطلب منك خدمة صغيرة 

كنزي : اتفضلي ياماما .. عاوزني اعملك حاجة 

فريال : لا يااحبيبتي متتعبيش نفسك .. هو بس عاوزكي تشليلي الصندوق دا عندك ف الاوضة 

كنزي : دا في ايه دا 

فريال : دا في دهبي .. 

كنزي : اشيلوا عندي ليه 

فريال : اصل انا هجيب واحدة تنضفلي أوضتي وكدا .. علشان مش قادرة انضفها ومش عاوزة الدهب يكون  موجود .. لاحسن تطمع فيه ولا حاجة .. ف قولت اخلي عند حد بثق فيه وملقتش احسن منك 

كنزي : طب وليه ياماما تجيبي واحدة انا ممكن انضفهالك .. 

فريال : لا ياحبيبتي انا مش عاوزة اتعبك .. واهي ام عبير بتيجي كل فترة كدا تسترزق حرام ست غلبانة 

كنزي : ماشي ياماما هخليهم عندي 

فريال : وحاجة كمان .. لو حازم شافهم وسألك .. اوعي تقولي انهم بتوعي .. 

كنزي باستغراب : اومال اقول ايه 

فريال : تقوليله انهم بتوعك انتي .. مامتك اديتهملك اي حاجة كدا .. المهم متقوليش ان دا دهبي  .. اصل انا من يوم ماابو حازم مات الله يرحمه وانا مخليه حازم يعتمد ع نفسه ف كل حاجة .. ومكنتش بساعده لما يحتاجني علشان اخليه راجل وقد المسئولية .. لو عرف اني معايا الدهب  دا كله ممكن يزعل 

كنزي : يعني اكدب ع حازم

فريال : دي كدبة بيضة ياحبيبتي .. وبعدين مافيش فرق بينا انا وانتي واحد دهبي هو دهبك ولا ايه 

كنزي : ماشي 

فريال : يلا بقا ادخلي خبيه قبل ما حازم يجي 

كنزي : حاضر 

* الموبايل رن*

فريال : مين بيرن عليكي 

كنزي : دا حازم 

.. ايوة ياحازم .. انت جاي ياحبيبي احضرلك الاكل 

حازم : انا جاي اه بس متحضريش حاجة .. انتي بس اجهزي 

كنزي : اجهز ليه 

حازم : هنخرج نتغدا برا .. وتغيري جو شوية  

كنزي بفرحة : هتوديني الملاهي 

حازم بضحك : هوديكي الملاهي  حاضر .. 

كنزي : هييييه .. اه صح طب وشغلك هتعمل فيه ايه 

حازم : متقلقيش انا استأذنت بدري علشانك 

كنزي : ياحبيبي ربنا يخليك ليا ..  لا هلبس بسرعة متقلقش .. سلام 

فريال : ماله حازم 

كنزي بتلقائية : عاوزني اللبس علشان عازمني ع الغدا وهيوديني الملاهي 

فريال قلبت وشها : والأكل اللي انا تعبانة فيه دا هيترمي 

كنزي  اتضايقت :  لا ماهو احنا لما نيجي هنأكله .. لو حضرتك هتزعلي انا ممكن اتصل بيه والغيها 

فريال : لا وازعل ليه روحوا وانبسطوا انتو لسه عرسان 

كنزي : ماشي ياماما .. استاذن بقا اروح اشيل الحاجات دي واللبس .. عن اذنك 

فريال : روحي ياحبيبتي وانبسطي .. اتهني بالكام يوم دول 

________________________________

 " في الشركة "

قمر : سليم .. كويس انك هنا  كنت عايزك  

سليم : انتي كمان عاوزني .. خير في حاجة 

قمر : انا كمان ايه .. هو في حد غيري عاوزك

 سليم : اه زين اتصل بيا وقال عاوزني ضروري 

قمر باستغراب : زين عاوزك ليه 

سليم : مش عارف  .. طيب انتي كنتي عاوزة ايه 

قمر : مش هينفع هنا ..  هبقا اكلمك ونتقابل برا 

"زين شافهم من بعيد اتعصب وراحلهم "

 زين : الهانم خلصت الشغل اللي وراها ولا لسه 

قمر : لا لسه 

زين : اومال واقفة عندك بتعملي ايه 

قمر : كنت خارجة بصور ورق بس و ... 

زين :  انا اول مرة اعرف  ان تصوير الورق بقا عند استاذ سليم 

قمر : لا يازين  التصوير مش عند سليم بس انا قابلته صدفة وبحكم اللي بينا لازم اجي اسلم عليه 

زين بعصبية : اللي بينكم دا يبقا برا الشركة .. انتي هنا جاية تشتغلي وبس ياهانم .. مش فاتحينها كافية 

قمر بعصبية اكتر : انت ازاي تتكلم معايا كدا .. 

زين : انا هنا مديرك ومن حقي اتكلم زي مانا عايز انتي فاهمة 

قمر :  لا مش من حقك ولا من حق اي حد يكلمني بالاسلوب دا ..  

 سليم : ممكن تهدوا .. المواظفين بيتفرجوا عليكم 

قمر :  لو الشغل هنا هيديك الحق انك تعاملني بالشكل دا ف بلاها .. واستقلتي هتكون عندك من بكرا .. عن اذنك 

زين بعصبية : انتو بتتفرجوا ع ايه كل واحد يشوف شغله .. يلااا 

سليم : قمر ..  قمر استني

قمر : لو سمحت ياسليم  سبني لوحدي 

سليم : اسيبك لوحدك ازاي ف حالتك دي .. اركبي بس . . يلا ياقمر 

__________________________________ 

 

" ف الملاهي "

كنزي : اللله انا عاوزة اركب دي ياحازم ونبي ونبي 

حازم : حاضر حاضر استني هنا وهروح ادفع التذاكر وهجيلك

كنزي : هتركب معايا بجد 

حازم : اه  مع اني مش بحبها (غمزلها ) بس هركب معاكي

كنزي : هييييه .. يلا روح بسرعة 

(ام وابنها واقفين ) 

الولد : يامامي بليز انا عاوز اركب دي يامامي 

الام : مينفعش  تركبها لوحدك  ياحبيبي .. لازم حد كبير يكون معاك 

الولد : طيب يامامي ماتركبي معايا بليز .. انا نفسي اركبها اوي 

الام : ياحبيبي انت عارف اني مش بحبهم وبدوخ منهم .. تعالي بس نروح نشوف حاجة تانية تنفع تركبها 

الولد : لا يامامي بليز انا عاوز دي 

كنزي : انا اسفة انا كنت واقفة جنبكم وسمعت الكلام .. هو انا ممكن اطلب منك طلب 

الام : اتفضلي ياحبيبتي 

كنزي : ممكن اخده يركب معايا .. ومتخافيش والله هخلي بالي منه .. 

الولد : بجد ياطنط .. هتاخديني معاكي 

كنزي : بعد اذن مامي طبعا 

الولد : مامي وافقي علشان خاطري .. ومش هعمل حاجة تزعلك تاني ابدا ابدا 

الام ابتسمت : ماشي انا موافقة .. بس خليبالك منه انا معنديش غيره 

كنزي بفرحة  مسكت ايده : متقلقيش عليه خالص  

حازم : انا حجزت التذاكر  يلا بينا 

كنزي : مش هنركب لوحدنا ( لعبت حواجبها ) بص جبتلك ايه 

حازم : ايه دا يخربيتك خطفتي دا ولا ايه 

كنزي : اخس عليك ياحازم .. خطفته ايه ..  دا عاوز يركبها ومامته مكنتش عاوزة يركب لوحده .. وانا كلمتها ووافقت تركبه معانا 

حازم : وخدتي موافقتي انا 

كنزي بزعل : هو انت ممكن متوافقش

حازم (بص للولد) : اممم .. وانت اسمك ايه بقا 

الولد : انا اسمي فارس 

حازم : طيب  يااستاذ فارس  هات ايدك .. ( ابتسم ) يلا بينا 

كنزي بفرحة : هييييييه .. يلا يلا بينا 

_____________________________________

 سليم : هديتي شوية اقدر اتكلم معاكي 

قمر : متقلقش ياسليم انا كويسة 

سليم : هو زين متعود يتعامل معاكي كدا 

قمر : لا ... اه 

سليم : لا ولا اه 

قمر : مش عارفة .. ساعات بيكون كويس وهادي وحنين .. وساعات يكون زي القطر اللي بيدوس ع اي حاجة قدامه من غير مايحس

سليم : بس زين مش كدا . . واول مرة اشوفوا ف الحالة دي 

قمر : هو مبيعملش كدا غير معايا انا بس 

سليم ابتسم : طيب وانتي 

قمر : انا ايه  

سليم : ولا حاجة خلاص .. كنتي عاوزني ف اي صح 

قمر : هو انت متجوز سهر 

سليم : مين قالك كدا

قمر : مش مهم مين قالي المهم انت متجوزها

سليم : هي اللي قالتلك صح 

قمر : يعني كلامها صح 

سليم : لا مش صح .. انا اه اتجوزتها .. بس انا مطلقها من زمان اوي من قبل مااسافر وارجع .. 

قمر : ممكن اعرف ايه السبب 

سليم : مش عارف اقولك ايه .. بس سهر اللي اتجوزتها زمان او بمعني اصح اللي شوفتها اول مرة .. مالهاش علاقة تماما ببتاعت دلوقتي .. اتغيرت اوي .. ومكنتش قادر استحمل ولا اتعامل معاها بشخصيتها اللي اتكونت نتيجة حاجات حصلتلها ف حياتها .. كنت فاكر اني ممكن امحي كل حاجة وحشة حصلتلها بس فشلت وسيبتها 

قمر : ومقولتليش ليه .. كنت بتقول انك منستنيش

سليم : علشان دي الحقيقة انا منستكيش .. وقولتلك جربت احب تاني بعدك وفشلت

قمر : انا اسفة ياسليم .. بس اللي طلبته مني مش موافقة عليه .. انا مش هينفع اديك فرصة .. 

سليم : انا عارف و صدقيني مش زعلان .. انتي كبرتي ف نظري اكتر .. 

قمر : ليه بتقول كدا 

سليم : علشان انتي بتحبي زين . . 

قمر بعصبية : انا مبحبش حد 

سليم : عصبيتك دي اكبر دليل ع انك بتحبيه .. وع فكرة هو كمان بيحبك .. بس انتو الاتنين بتكابروا 

قمر : هو مبيحبنيش ومش بيحب حد .. هو مش شايف غير نفسه وبس .. 

سليم : صدقيني هو بيحبك .. انا كنت رايح ومش فاهم هو عاوزني في ايه .. بس طريقته معاكي لما شافك واقفة معايا فهمتني .. هو بيغير عليكي 

قمر : والله والغيرة بنسباله بقا انه يهني قدام المواظفين 

سليم : بس انتي خدتي حقك .. ردك عليه دا قلل منه وكأنك بتعرفي انه مش فارق معاكي 

قمر : ......

سليم : بتحبيه صح 

قمر : مش عارفة .. بس كل اللي اعرفه دلوقتي اني مش طايقة اشوف وشه .. علشان لو شوفتوا هفتحلوا دماغه ع رأي البت تونة 

سليم ابتسم : انا مستعد اساعدك  .. او اساعدكم بما انكم انتو الاتنين تعزوا عليا يعني 

قمر : بلاش ياسليم خلي كل حاجة زي ماهي .. مش حابة حد يتدخل ف الموضوع دا .. وياسيدي انا متشكرة اوي انك دايما بتقف جنبي .. وانك احترمت قراري ومزعلتش 

سليم : مينفعش ازعل منك انتي بالذات .. انا عندي استعداد انفذلك اي حاجة انتي تطلبيها .. انتي ليكي عندي جميل عمري ف حياتي ماهنسا ولا هقدر ارد جزء صغير منه 

قمر باستغراب : جميل ؟ جميل ايه 

سليم : هتعرفي كل حاجة ف وقتها .. دلوقتي انا هروحك البيت علشان متتاخريش اكتر من كدا 

قمر : ماشي 

___________________________________ 

حازم وكنزي وفارس  خلصوا ونازلين 

الام : ها مبسوط دلوقتي يافارس 

فارس : جدا جدا يامامي .. اونكل حازم وطنط كنزي دول لذاذ اوي  .. واتصورنا صور كتير وحلوة اوي 

الام : انا متشكرة اوي انك فرحتي ابني 

كنزي : والله انا اللي فرحت جدا انه شاركنا .. كانت هتبقى وحشة من غيره .. ربنا يخلهولك يارب 

الام : يارب .. ويرزقك انتي وهو بولد حلو زيكم 

كنزي : لو شبه فارس انا. موافقة والله 

 فارس : يعني لما تجيبوا ولد هتسموا ع اسمي  صح 

حازم : وعد مني اول ولد هيكون ع اسمك 

كنزي بفرحة  : و انا موافقة 

الام : يلا يافارس بوس طنط  واونكل  علشان هنمشي خلاص 

فارس : ماتخلينا شوية كمان يامامي .. انا لسه ماقعدتش معاهم

الام : ياحبيبي احنا اتاخرنا اوي  .. علشان بابي ميقلقش علينا 

حازم : طيب يافارس اسمع كلام مامي دلوقتي .. وخد رقمي اهو وكلمني ف اي وقت انت عايزه 

فارس : اوكيه 

( حازم وكنزي بصوا لبعض وهما فرحانين  وخدوا ارقام بعض ومشوا )

_________________________________________

 احمد : ايه الي انت هببتوا ف الشركة دا مع قمر 

زين : هي لحقت تبلغك 

احمد : قمر متصلتش ولا قالتلي حاجة 

زين : اومال عرفت منين 

احمد : المواظفين كلهم بيتكلموا ع اللي حصل واهانتك ليها 

زين : ومعرفتش بردك انها قالت هتقدم استقالتها .. يعني الشغل مش فارق معاها اصلا 

احمد : وعاوزها تقولك ايه يعني بعد اللي عملته .. عاوزة تقولك اوامرك يافندم هنفذ كل اللي تطلبه بالحرف .. ياغبي كل الوقت الي قضيتوا مع بعض ومفهمتهاش لسه .. وبعدين تعالي هنا .. اي التغير اللي حصل فجأة دا .. مش دي اللي وقفت قصاد فاروق علشانها .. دلوقتي انت بتعمل زيه 

زين : اللي حصل بقا .. كنت متعصب وطلع عليها .. المهم كلمها قولها متقدمش استقالتها 

احمد : وانا اكلمها ليه هو انا اللي زعلتها ولا انت .. قولها انت واتأسفلها 

زين : مش هتأسف لحد انا .. وترجع مترجعش براحتها .. انا مالي اصلا هي حرة  .. انا طالع انام .. تصبح ع خير 

احمد : وانت من اهله 

_________________________________ 

مر الايام ع ابطالنا 

قمر سابت الشغل وزين بيحاول يبين انها مش فارقة معاه بس ع مين البيت كله فاهمه .. واسر ووليد لا حول لهم ولا قوة  .. وليل بتقاوح مش معترفة بغلطها .. وسليم وقمر اتقربوا كأصحاب  .. اما بقا   حازم وكنزي فهما مبسوطين جدا ودا مزعل فريال ومخليها تصمم ع اللي هتعملوا ..  ياتري بتخطط لايه ؟

____________________________________ 

" ف المستشفي " 

عزيز :  معقول سائر  ..  واحشني جدا يابني .. انت رجعت من السفر امتا 

سائر :  من فترة كدا يا عزيز ..  انت كمان وحشني والله .. انت بتعمل ايه هنا 

عزيز : بعمل ايه هنا .. انا دكتور يابني  بس لسه منقول جديد .. انت اللي بتعمل ايه هنا 

سائر  بحزن : انا جاي هنا اطمن ع اختي 

عزيز باستغراب : اختك هنا .. !!

سائر : اه يا عزيز .. 

عزيز : مين هي  .. اسمها ايه 

سائر : صافي فاروق الكيلاني 

عزيز : مش ممكن ..  هي دي اختك .. اللي 

سائر : اه هي .. اللي قتلت .. بس والله غصب عنها .. مكنتش ف وعيها .. 

عزيز : اهدي ياسائر .. انا فاهم حالتها ..  انا منقول مخصوص  هنا علشانها  .. انا دارس كويس اوي نوع المخدر اللي هي كانت بتاخده وخطورته .. بس مكنتش  اعرف انها تبقا اختك .. متقلقش انا هعمل كل  حاجة اقدر عليها علشان تقدر تتحسن 

سائر : انا مش. عارف اشكرك ازاي والله 

عزيز : مافيش بينا شكر .. انت شكل السفر نساك احنا قد ايه كنا اصحاب .. 

___________________________________

الشاويش : جعفر السيد حسانين .. 

جعفر : افندم 

الشاويش : تعالي معايا  في زيارة  ليك 

قمر قعدة ومديالوا ضهرها .. 

جعفر : هي فين الزيارة 

الشاويش : ماهي قعدة 

قمر لفت وشها ونزلت النضارة وبابتسامة عريضة : جود مورنينج يا جعفر .. مفاجأة حلوة مش كدا 

________________________________

 

كنزي : حازم .. حازم قوم يلا عاوزك ف حاجة مهمة .. قوم بقا 

حازم : صباح الخير ياحبيبتي .. خير كنتي عاوزة ايه 

كنزي : نور اتصلت بيا هي وليل وقالوا انهم هيتجمعوا انهاردة ف بيت قمر .. وهما وحشوني اوي وعاوزة اشوفهم 

حازم : واهون عليكي تسبيني لوحدي يوم إجازتي كدا 

كنزي : معلش بقا ياحازم نعوضها الاجازة الجاية 

حازم : وهو انا باخد اجازة غير كل فين وفين 

كنزي : طب اعمل ايه هما وحشني .. طب اقولك ع حاجة انا هروح ومش هتأخر 

حازم :  خلاص ماشي وانا موافق .. يلا طفي النور بقا علشان اكمل نوم 

كنزي : تكمل نوم ايه قوم يلا الللبس علشان توصلني 

حازم : دلوقتي !!!! 

كنزي : اه دلوقتي .. يلا قوووم 

__________________________________ 

جعفر : جاية تشمتي فيا يابت غادة 

قمر : اخص عليك ياجعفر انا اشمت فيك بردك .. دانا جاية مخصوص ازورك .. ومش بس كدا انا جيبالك عيش وحلاوة .. اه انا اعرف الاصول كويس اوي 

جعفر : متشكر .. الزيارة خلصت

قمر : استنا بس يامعلم .. مش لما اقولك الاول مين ابن الحلال اللي عمل فيك كدا 

جعفر : من غير ماتقولي انا عرفته خلاص 

قمر : لماح يامعلم طول عمرك لماح .. بس ايه كدا نبقا خالصين 

جعفر :  مش خدتي حقك ايه جايبك 

قمر : اصل انت كان ليك عندي  واجب كنت جتلي بعد مولعتلي ف البيت .. انا قولت ارد الواجب مش اكتر .. وبعدين انا مخدتش حقي ولا حاجة .. اوعا تقول كدا انا حقي عند ربنا بقا .. انت اللي انت فيه دلوقتي دا بسببك انت والحكومة بقا تاخد حقها براحتها انا يادوب بس بلغتهم بالمعاد 

جعفر : ولما انتي سيبتي حقك للحكومة تجبهولك .. مبلغتيش عني ليه من زمان اني ولعتلك ف البيت 

قمر : ليه يامعلم هو انا عبيطة .. ابلغ عليك ف حاجة زي كدا علشان تخلع منها او تدبس حد من صبيانك وتشيلوا الليلة هو .. لا انا استنيت استنيت استنيت .. لحد ما وقعتك انت بنفسك ف حفرة مش هتعرف تطلع منها بسهولة .. زي ماتقول كدا صبرت ونولت 

جعفر : ومش خايفة بعد اللي قولتي دا ابعت حد يخلص عليكي انتي واهلك 

قمر : لا من الناحية دي متقلقش خالص .. كل رجالتك اللي برا زي ماتقول كدا مصدقوا انك غورت .. شوف ياسبحان الله حتي القرايبين منك مكنوش بيطيقوك ومصدقوا .. دانا عملت جميل للحارة  كلها والله 

جعفر بعصبية : ياشاووييش تعالي غورني من هنا 

قمر : استنا بس يامعلم .. مخدتش العيش والحلاوة 

___________________________________

 هدي : ياااه يابنات كنتو وحشني اوي .. لازم يعني قمر تتصل بيكم علشان تتجمعوا 

نور : والله ياطنط انا كنت مشغولة اوي ف كام حاجة كدا  ..  وكمان سائر اللي هو فيه مزعلني اوي  .. ياعيني هو محتاس من ناحية ابوه ومن ناحية اخته 

هدي : ان شاءالله كل حاجة تتحل .. سائر قد المسئولية متقلقيش 

قمر : انا جييت 

هدي : كنتي فين .. شكلك مبسوط يعني 

قمر : جدا جدا ياماما .. كنت بزور جعفر 

هدي : تاني جعفر ياقمر 

قمر : كان ليه عندي واجب بردهوله ياماما .. ماتشهدوا ياجماعة 

نور  : لا  طلما ليه واجب لازم تروحلوا .. ولا ايه ياليل 

ليل بتأكل لب  :  لا قمر عدها العيب وازح 

هدي : ماشي بس دي اخر مرة .. خلاص كدا صفحة جعفر تتقفل 

قمر : من عنيا ياروحي من غير ماتتعصبي بس .. ها كنتو بتتكلموا ع ايه بقا 

ليل :   كانت نور بتحكلنا ع سائر حبيب قلبها 

نور : اتريقي اتريقي 

ليل : لا والله مش بتريق .. بس عاوزة اعرف هنفرح امتا بقا 

قمر : يابت انتي معندكيش دم .. ابوه تعبان واخته ف المستشفي .. اكيد مافيش حاجة هتحصل دلوقتي 

نور : لا بصراحة هو سائر وعدني ان اول لما اخته حالتها تتحسن .. هيحدد مع بابا معاد الخطوبة 

قمر : بجد يا نور الف مبروك ياحبيبتي 

كنزي : الف مبروك يانوني .. 

هدي : مبروك ياحبيبتي .. ( بصيت لليل وقمر) .. عقبال اللي ف بالي 

" ليل بصيت للسقف وقمر كحيت "

هدي : مالك ياحبيبتي .. الكلام وقف ف زورك 

قمر : اه حبت ماية الله يكرمك

هدي : ماشي ياقمر هجبلك ماية 

نور : حرام عليكم والله اللي انتو بتعملوا دا .. هي عاوزة تفرح بيكم 

قمر : هي لازم  تفرح بيا بالجواز يعني .. ماتفرح بيا بحاجة تانية ياستي 

ليل : اه مثلا تفرح بيها ع شغلها 

هدي : اللي استقالت منه صح 

ليل : يوة يوة انتي لحقتي تجيبي ماية 

قمر : اه ياماما انا جيبالك خبر هيفرحك ..

هدي : ايه هو قولي 

قمر : انا قررت اخلي بيتنا اللي ف الحارة مشغل .. في ستات كتير اوي ف الحارة  محتاجة شغل .. يكون قريب منهم .. انا عاوزة اجمعهم كلهم واساعدهم .. ايه رايكم 

ليل :  انتي عمرك ماحكتيلي انك عاوزة تعملي كدا 

قمر : بصراحة انا كنت بفكر ف الموضوع .. ومش عارفة فجاة كدا القرار جالي 

هدي : هي الفكرة جميلة وعجبتني انك هتساعديهم .. بس بنسبالك انتي ايه مش هتساعدي نفسك وتشتغلي انتي كمان 

قمر : متقلقيش ياماما .. انا قدمت ف شركة  وان شاءالله هتقبل 

نور : ايه اللي بتقوليه دا ياقمر .. انتي بجد هتسيبي الشغل ف شركتنا .. يعني مش يومين وهترجعي

قمر : لا يانور مش هرجع طول ما البني دا شايف ان ليه حق يعاملني بالشكل دا 

نور : انا عارفة ان زين غلطان بس هو اكيد مكنش عاوزك تسيبي الشغل .. طب فكري شوية ممكن 

قمر : ان شاءالله 

ليل : ايه يا كنوزة قعدة ساكتة ليه 

كنزي : بسمعكم 

نور : واحنا عاوزين نسمعك .. انتي عاملة ايه ف حياتك وحازم عامل ايه معاكي

كنزي : انا كويسة الحمدالله وحازم كويس اوي معايا 

ليل : والعقربة عاملة ايه 

كنزي : ياعني .. شوية  كويسة وشوية بتقلب .. بس مش مهم انا خل

● الجزء التامن عشر  ●

حكاية_قمر 💕🌙

بقلم_ياسمين_علي••

نسترجع اخر احداث الجزء اللي فات مع بعض .. 

" فريال لمحت حازم جاي  زقيت الطربيزة.. ورميت نفسها ع الارض "

كنزي حطيت أيدها ع بوقها مش مصدقة اللي حصل .. وحازم جري ع فريال 

حازم : امي .. انتي كويسة ياامي .. قومي 

فريال : ليه كدا ياكنزي .. ليه كدا  اااه يارجلي .. اه مش قادرة اقوم ياحازم  .. حازم بص لكنزي ب شر

كنزي  بتعيط : انا معملتش حاجة .. والله ماعملت حاجة 

حازم ضربها بالقلم وشدها من أيدها  جامد 

كنزي  منهارة : حازم .. استني والله ماعملت حاجة .. اسمعني 

حازم بعصبية : اخررررررسييي .. (فتح باب الشقة  وزقها  )  مش عاوز اشوف وشك تاني.. انتي فاهمة

__________________________________ 

احمد : قمر واخواتها عاملين ايه يانور 

نور : كويسين يابابي متقلقش .. قضينا يوم حلو انهاردة 

كريم : تونة عاملة ايه .. سألت عليا 

نور : تونة دي فقرة كانت مشغلة اغاني وعمالة ترقص وخليتنا كلنا نرقص .. 

احمد : مشكلة البنت دي والله 

زين  :  ليل عاملة ايه و هدي  

نور : كويسين يازين .. اه صح فكرتني قمر قدمت ف شركة تانية وهتتوظف فيها 

زين : احسن بردك .. كويس انها جت من عندها .. كدا ضمنت انها مش هترجع تاني 

نور : يعني انت مبسوط كدا 

زين : اه جدا .. كلي كلي 

___________________________________

صافي قعدة  لوحدها و سرحانة  ..  فجأة شافت سارة قدامها 

صافي (وقفت وقربت منها ) : سارة .. انتي عايشة .. انتي مموتيش صح .

سارة : ليه عملتي كدا .. ليه حرمتيني من الناس اللي بحبهم ..  حرمتيني من اهلي . . ضيعتي نفسك وضيعتيني 

صافي : .. انا .. انا معملتش حاجة .. انا مكنتش عاوزة دا يحصل .. كان غصب عني ياسارة .. صدقيني انا معملتش حاجة 

سارة : انا مش مسمحاكي ياصافي .. مش مسمحاكي ( بتبعد وتختفي )

صافي  بتلف حوالين نفسها بتدور ع سارة  : سارة .. سارة استني .. انتي فين .. سارة ارجعي  .. انا معملتش حاجة 

( صافي حطيت أيدها حوالين رأسها والدنيا كلها بتلف بيها .. وصوت سارة بيتكرار ف ودنها " مش مسمحاكي " .. قعدت  تصرخ جامد   )  

الممرضات دخلوا بسرعة مسكوها وكتفوها وهي بتزق فيهم وتصرخ : ابعدووا عنننيي ..محدش يقربلي .. ابعدووا سبونييي .. انا مش عاوزة اقعد هنا .. انا عاوزة اروح عند سارة .. سبونييي .. 

عزيز : ايه الدوشة دي .. ايه اللي بيحصل هنا 

احدي الممرضات :  عمالة تصرخ يادكتور .. ومش مدينا فرصة نديها المهدأ 

عزيز : سبوها واخرجوا 

الممرضات بصوا لبعض 

عزيز : سمعتوا قولت ايه .. اتفضلوا 

خرجوا .. وصافي لازقة ف الحيطة وعمالة تعيط وتترعش ..

عزيز قربلها 

صافي : ابعد عني .. ابعد عني.. سبوني ف حالي .. ابعدوا كلكم 

عزيز : اهدي .. محدش هيعملك حاجة متخافيش.. مش هخليهم ياخدوكي بس انتي اهدي .. متخافيش انا هنا علشان اساعدك .. مش هأذيكي .. قوليلي انتي ليه حصلك كدا دلوقتي .. شوفتي ايه احكيلي 

صافي بتعيط وبتشاور   : سارة  .. سارة   كانت واقفة هنا . .. كانت بتكلمني .. سارة مماتتش .. سارة جتلي .. بس هي مش مسمحاني .. انا معملتش حاجة ..  انا اسفة ياسارة  ( عيطت جامد وقعدت ع الارض تصرخ  ) انا اسفة يااختي .. انا اسفة انا اسفة .. سامحينيي 

عزيز  دمع ع حالتها . .  وحاول يساعدها تقوم 

  .. بس الممرضات مكنش عجبهم اللي بيحصل  وكانوا شايفينها مجنونة ولازم ياخدوها يهدوها بطريقتهم  وهو منعهم 

__________________________________

 سامح :  نجلاء .. الباب بيخبط .. تعالي شوفي مين 

نجلاء : يوة ياراجل مش شايف ايدي مش فاضية .. قوم شوف مين انت 

سامح : حاضر حاضر 

" فتح الباب .. " 

سامح بصدمة : كنزي ايه اللي عمل فيكي كدا 

كنزي اترمت ف حضنه وقعدت تعيط 

سامح بيطبطب عليها : اهدي يابنتي .. فهميني بس ايه اللي حصل .. لا حول ولا قوة الا بالله .. 

نجلاء جت تجري : مالك يابت  ايه حصل ..  انطقي 

سامح : براحة عليها يانجلاء .. البت مش مستحملة ..  مالك ياحبيبتي .. قوليلي طيب ريحيني يابنتي 

" كنزي بتعيط بس مش بتتكلم "

نجلاء : روح كلم جوزها ياسامح .. شوف ايه اللي حصل.. هنفضل واقفين نتفرج عليها

سامح : ماشي هكلموا .. امسكيها بس انتي ومتسبهاش .. استرها يارب 

نجلاء : مالك ياحبيبتي ردي عليا ..  

( كنزي بتعيط  وفجأة اغمي عليها ) 

نجلاء : يلاهوي يلاهوووي  البت ..  الحقني ياااساممح 

_____________________________________ 

ليل : ياساتر يارب .. دا حصل امتا .. ماشي .. ماشي هنلبس وجايين 

هدي : في ايه ياليل مالك 

ليل : كنزي ياماما كنزي تعبانة اوي  وجابولها الدكتور 

قمر : مين قالك الكلام دا 

هدي : لا حول ولا قوة الا بالله .. ايه حصلها ماكانت زي الفل 

ليل : نور لسه قافلة معايا .. بتقولي انها راحت لنوجة وعم سامح و تعبت هناك  

قمر : تعبت من ايه طيب 

ليل : مش عارفة .. مش عارفة .. يلا نلبس بسرعة ياقمر ونروحلها 

هدي : استنوا انا جاية معاكم .. قومي ياتونة يلا اللبسي .. 

__________________________________

 

قمر وليل وهدي ونجلاء ونور وتونة وكريم  وسامح  واقفين .. الدكتور خرج والكل اتجمع حواليه 

سامح : طمني يادكتور  .. بنتي مالها 

الدكتور : اهدوا ياجماعة .. مافيش خطر .. هي بس اتعرضت لصدمة نفسية .. والحمدالله مأثرتش ع الي ف بطنها 

نجلاء : هي حامل .. الف حمد وشكر ليك يارب  .. 

سامح : طيب هي عاملة ايه دلوقتي يادكتور

الدكتور : انا اديتها مهدأ علشان تنام دلوقتي .. وهكتبلكم ع علاج   بس خليبالكم  .. لازم تبعدوا عنها اي حاجة تسببلها زعل ولو بسيطة .. 

سامح : ماشي يابني هنعمل كل اللي بتقول عليه بس بنتي ترجع زي الاول .. 

زين : شكرا يادكتور تعبناك معانا 

الدكتور : لا تعب ولا حاجة دا واجبي .. عن اذنكم 

زين : اتفضل معايا 

نجلاء قعدت وحطيت ايدها ع رأسها : كان مستخبيلنا فين دا كله ياربي .. كان مستخبيلنا فين 

قمر : صلي علي النبي يا حبيبتي .. ان شاءالله هتقوم بالسلامة متقلقيش 

ليل وهدي ونور : اللهم صلي وسلم و بارك ع سيدنا محمد 

نجلاء : طيب افهم بس ايه حصلها .. مين وصلها للحالة دي حد يرد عليا انا هتجن 

ليل : انا مستغربة دي كانت عندنا وكانت كويسة ايه حصل 

قمر : نور انتي لما وصلتيها حصل حاجة 

نور : لا خالص والله بالعكس دي كانت مبسوطة 

قمر : هو فين حازم طيب 

نجلاء : سامح بيكلموا مبيردش 

تونة : تكونش الولية ام اربعة واربعين حماتها هي اللي زعلتها 

ليل شدت تونة وكتمت بقها : اسكتي خالص 

نجلاء : والله العظيم وحيات بنتي اللي ماليش غيرها .. لو طلعت هي السبب ماهيكفيني فيها عيلتها وهأكلها بسناني 

هدي : اهدي ياحبيبتي ..  ودلوقتي  كنزي تصحي ونعرف ايه الي حصل 

سامح : حازم رد عليك يابني 

زين : لا والله ياعم سامح .. يمكن فالشغل ومش سامع الموبايل ..متقلقش انا هفضل وراه لحد مايرد 

____________________________________

 وليد واقف عند مقبرة سارة ومعاه ورد .. حاطه وقعد قدامها 

وليد : وحشتيني .. من وقت ماسبتيني مفرقتيش بالي لحظة .. مكنتش متخيل ان ممكن احب حد بالشكل دا ..  لو كنت اعرف انك هتسبيني مكنتش بعدت عنك .. كنت فضلت معاكي انا مشبعتش منك ياسارة .. كان في حاجات كتير اوي نفسي اعرفهالك .. واقولك اني كمان كنت بحبك واكتر منك .. كنت غبي لما سيبتك تبعدي ..كنت دايما بزعلك قصد وكنتي بتستحمليني .. ( مسح دموعه ) .. بس خلاص انا مش هزعلك تاني .. ووعد مني مش هفكر ف حد غيرك ياسارة .. صدقيني انا مش عاوز غيرك .. انا كمان هستنا لحد ماربنا يجمعني بيكي .. مش هنساكي ولا هبطل تفكير فيكي .. ومش عاوزك تسبيني ابدا .. حتي .. حتي لو هشوفك ف خيالي انا موافق .. بس متسبنيش ياسارة 

__________________________________

 زين : الو .. ايه يابني انت فين . . مبتردش ليه 

حازم : معلش كنت مشغول شوية .. في حاجة 

زين : في حاجة .. انت نايم ولا ايه .. مراتك جت هنا وحالتها وحشة .. انت فين ياعم تعالي شوفها 

حازم : مش عاوز اعرف عنها حاجة .. وورقتها هتوصلها 

زين : انت اتجننت ياحازم .. ايه اللي بتقولو دا 

حازم : زين لو سمحت متدخلش ف الموضوع دا خالص .. انا مش هرجع ف كلامي  .. سلام 

زين : الو .. الو .. حاازم .. اووف 

نور : مالك يازين .. 

زين :حازم بيقولي هيطلق كنزي 

نور : ايييييه .. ليه حصل ايه 

زين : مش عارف حاجة يانور .. انا هروح اشوفوا .. متقوليش حاجة لعم سامح لحد مااشوف ايه اللي حصل ماشي 

نور : اقولهم ايه بس يازين .. هما في ايه ولا في ايه ..  

زين : ادخلي انتي دلوقتي ومتحسسهمش بحاجة وانا مش هتأخر

نور : ماشي يازين ابقا طمني 

________________________________

 فريال بتفتح الباب 

زين : حازم موجود 

فريال : اه جوا ف اوضته .. اتفضل  .. وانا هناديهولك

زين : شكرا 

فريال ف سرها : ايه اللي جايبه دا كمان 

حازم خرج : افندم يازين 

فريال : انا هروح اعملكم حاجة تشربوها 

زين : ممكن افهم ايه اللي قولتو ف الموبايل 

حازم : وهي  مفهمتكش ايه اللي حصل بقا 

زين : هي مين .. مراتك رقدة ع السرير  .. ومش عارفين مالها 

حازم : ودي بقا كدبة جديدة .. اه ماهي اتعودت ع الكدب 

زين : كدب ايه انا مش فاهم حاجة .. 

حازم : انا هفهمك 

_______________________________ 

تونة : كنزي فتحت عينها .. كنزي فتحت عينها 

نجلاء جريت ع كنزي حضنتها :  الف حمد وشكر ليك يارب .. مالك ياحبيبتي قوليلي مين زعلك 

هدي : بلاش مين زعلها   يانجلاء دلوقتي .. كويس انها فاقت 

قمر (جاية بصنية فيها اكل ) : دلوقتي لازم تأكل كدا علشان تقوي وترجع احسن من الاول .. انا عملتلك شوية شوربة يستاهلوا بقك هتشربيهم كلهم 

نجلاء : هاتي انا هأكلها 

" كنزي زقت الاكل بإيديها " 

قمر : مينفعش كدا ياكنزي لازم تأكلي حاجة 

نجلاء : علشان خاطري ياكنزي .. كلي ياحبيبتي .. طب علشان خاطر اللي ف بطنك ..(كنزي بصيتلها باستغراب ) .. 

قمر بفرحة : ايوة ياحبيبتي انتي حامل (كنزي عيطت ) 

هدي :  لا حول ولا قوة الا بالله ..اهدي ياكنزي ياحبيبتي .. 

نجلاء : لا بقا كدا كتير .. انا لازم افهم بنتي مالها .. اعمل حاجة ياسامح هنفضل حاطين ايدينا ع خدنا كدا .. فين جوزها 

سامح : مبيردش عليا يانجلاء 

نجلاء : مبيردش يبقا تروحله وتفهم ايه اللي حصل للبت 

سامح : انا مش هروح ف حتة يا نجلاء .. انا هفضل جنب بنتي .. لحد ماتكون كويسة وفي ستين داهية اي حاجة تانية المهم بنتي تبقا كويسة 

قمر : صلوا علي النبي ياجماعة .. واستهدوا بالله كدا هو اكيد حازم بس ف شغله وميعرفش اللي حصل .. واول لما يعرف هيجي 

ليل : كنزي كانت بتقول ان هو كويس معاها .. يعني اكيد مافيش حاجة حصىلت بينهم 

نور بتوتر  : ان شاءالله  ميكنش حصل حاجة 

__________________________________

زين : انت مصدق اللي بتقولو دا ياحازم  .. كنزي عمرها ماتسرق .. 

حازم : عارف انها مسرقتش .. بس ليه كدبت ليه .. مش فاهم .. 

زين :  كنت افهم منها ليه عملت كدا .. مش تمد ايدك عليها وتطردها 

حازم : انا ممدتش ايدي عليها ولا كنت همدها .. غير لما زقت امي ع الارض .. كنت عاوزني اشوف امي مرمية ع الارض واروح اطبطب علي كنزي واقولها .. فداكي ياحبيبتي 

زين : حتي دي كمان مصدقهاش .. كنزي عمرها ماتمد أيدها ع حد اكبر منها .. ولا حتي اصغر .. كنزي مافيش اطيب منها .. هو انا هعرفها اكتر منك ياحازم .. ماتفكر شوية يااخي 

حازم : والله امي محكتليش حاجة .. انا شايف بعيني وامي واقعة ف الارض .. اكدب عيني يعني 

زين : لا متكدبش عينك .. خليك كدا زي مانت اعمل اللي يريحك يا حازم .. بس افتكر انت ظالمها .. لو حصلها حاجة هيكون بسببك .. عن اذنك 

فريال : ماتستنا يابني تشرب العصير 

زين : شكرا مش عايز 

________________________________

 نجلاء : ايه  !! هيطلقهاااا .. ازاي الكلام دا يازين .. انا بنتي معملتش حاجة من الكلام دا .. انا مربيها كويس .. استحالة كنزي تمد ايدها  وتسرق ... 

هدي : ومحدش فينا هيصدق الكلام دا ع كنزي يانجلاء 

زين : دا اللي قولتو والله .. بس حازم حاطت ف دماغه انها زقت امه 

ليل : الست دي كدابة دي بتفتري  ع كنزي .. 

نجلاء : وانا بقا مش هسكتلها .. وديني لاروحلها و اطلع عليها القديم والجديد 

سامح مسك أيدها : استني عندك .. انتي راحة فين 

نجلاء :  سبني ياسامح .. راحة اخد حق بنتي

سامح : مافيش خروج من هنا .. بنتك حقها هيرجع تالت ومتلت .. ومش هو قال هيطلقها يتفضل يطلقها في ستين داهية .. لا هنروح ولا هنيجي 

نجلاء : ايه اللي بتقولو دا ياسامح انت عاوز تخرب ع بنتك .. عاوز الست العقربة دي تفرح وتعمل اللي ف دماغها .. بنتك حامل منه لازم يرجعوا .. لازم تروح تكلم حازم وتفهموا 

سامح : عاوزني اروح للي مد ايده ع بنتي وطردها .. بقا انا عطيته اغلي حاجة عندي وامنته عليها وترجعلي بالشكل دا .. عاوزني اروح اترجاه علشان يرجع بنتي  .. لا يانجلاء  انا متأكد مليون ٪ ان بنتي مغلطتش ومتستحقش اللي حصل فيها دا .. بنتي هتفضل ف حضني .. في بيت ابوها واللي غلط هو اللي يجي لحد عندها ويعتذر كمان ولو رفضت يبقا مع السلامة 

نجلاء : يجي ايه .. بيقولك هيطلقها .. هيطلقها البت مبقلهاش شهرين ياسامح .. لو مروحتش انا اللي هروحله 

سامح : قسما عظما لو رجلك خطت برا البيت دا روحتيلوا .. مانتي راجعة تاني وهيبقا اخر يوم ليكي ع ذمتي 

نجلاء : هتطلقني ياسامح 

سامح : انا قولت اللي عندي .. وانتي حرة يانجلاء ف اللي هتعمليه  

قمر خارجة من الاوضة وبتقفل الباب : وطوا صوتكم  مصدقت كنزي  عرفت تنام .. متنسوش الدكتور قال نبعد عنها اي زعل 

هدي : استهدوا بالله ياجماعة .. دا شيطان ودخل بينكم .. تعالي يانجلاء معايا 

زين : اهدي ياعم سامح وكل حاجة هتتحل .. حازم بس يهدي وهيعرف انه غلطان 

نور : تونة نامت ياقمر .. انا هطلعها تنام ف اوضتي .. وانتي ياحبيبتي انتي وليل وطنط هدي هتباتوا انهاردة عندنا الوقت اتأخر .. مش هينفع تروحوا دلوقتي

زين : انا بقول كدا بردك

قمر :  لا معلش مش هينفع والله يا نور .. لازم نروح وان شاءالله هنيجي بكرا بدري

نور : طيب لو مصممة تمشي زين يوصلك .. ولا انت وراك حاجة يازين 

زين : لا عادي انا ممكن اوصلهم 

قمر بصيت لزين : لا شكرا مش عاوزين نتعب استاذ زين .. انا كلمت عربي وزمانه ع وصول ..*موبايلها رن * اهو ابن حلال جه ع السيرة .. يلا يا ليل صحي تونة وانا هنادي ماما 

ليل : حاضر 

" نور واقفة بتبص لزين اللي عينه هتطق شرار بسبب تصرفات قمر  معاه" 

__________________________________

مر ايام ع ابطالنا 

صافي بدات تتحسن وتستجيب للعلاج ومعاها الدكتور عزيز اللي مبقاش يسيبها لحظة .. وحازم بيحاول يبين انه طبيعي بس بُعد كنزي عنه مآثر فيه وبقا يكرهه يدخل اوضته وهي مش فيها .. اما ليل وقمر  ونور ف هما كل يوم لازم بيزورو كنزي ويحاولوا يخرجوها من اللي هي فيه .. بس كنزي مازالت مش عاوزة تتكلم مع حد .. 

_________________________________

 حازم ف مكتبه .. موبايله رن

حازم : الو .. مين معايا 

فارس : انا فارس ..  يااونكل حازم مش فاكرني .. انا اللي كنت ف الملاهي معاكم 

حازم ( افتكره وافتكر اليوم دا وكنزي .. قلبه وجعه ) :  لا فاكرك طبعا .. عامل ايه ياحبيبي .. 

فارس : انا كويس يااونكل حازم .. انت عامل ايه .. وكنزي عاملة ايه وحشتني اوي .. انا عاوز اكلمها هي فين 

حازم : كنزي .. كنزي مش جنبي دلوقتي .. اصل انا ف الشغل  لما اروح هخليها تكلمك 

فارس :  اوكيه يااونكل حازم .. انا هقفل دلوقتي علشان معطلكش عن الشغل .. باي باي 

"حازم قفل معاه وفضل مضايق قام استأذن من الشغل ومشي "  

___________________________________

هدي : لسه مافيش اخبار عن كنزي 

ليل : ادعيلها ونبي ياماما .. انا اول مرة اشوفها ف الحالة دي .. دي نوجة هتموت بس وتسمع منها كلمة واحدة 

هدي : وبعدين بقا .. وفين جوزها كل دا مسألش ليه .. بسهولة كدا تهون عليه 

ليل : انا مش فاهمه بجد  اومال لو مكنش بيحبها كان عمل ايه .. دا الحمدالله ان انا خدتها من قصيرها وبعدت عن الحب خالص اه خليني جنبك ياحبيبتي احسن 

هدي : نعم ياختي ..  انتي ايه مصدقتي لقيتي حجة .. بقولك ايه انتي وهي انا مش هفضل اتفرج عليكم كدا انا عاوزة افرح بيكم 

قمر : وانا مالي دلوقتي بتحشروني ف الكلام ليه معاكم 

هدي : انتي الكبيرة ياحبيبتي ولا نسيتي ..  المهم دلوقتي هتروحوا لكنزي ولا ايه 

قمر : لا مش هينفع انهاردة علشان راحة الحارة  اشوف  حوار المشغل اللي قولتلكم هعملوا .. وهبقا اروح بكرا  ان شاءالله 

هدي : وانتي ياليل 

ليل : مش هروح لوحدي طبعا 

هدي : ليه هتتخطفي .. ولا خايفة تقابلي اسر 

ليل بتوتر : وانا هخاف من ايه يعني .. خلاص مبقاش فيه بينا حاجة  .. هو ف حاله وانا ف حالي .. ( بتحاول تغير الموضوع ) اه صح ياقمر انتي عملتي ايه ف حوار الشركة اللي قولتي قدمتي فيها 

قمر : اسكتي ياليل احسن انا هتجنن بسبب الموضوع دا .. علشان رفضوني 

ليل : وايه يجننك عادي يعني بتحصل مش اول حد يترفض  

قمر :  انا مش زعلانة ياستي .. بس المدير كان مرحب بيا جدا .. وفرح اني هكون معاهم وكان باين عليه الموافقة .. ازاي بعد كدا يبعتولي رسالة اني متقبلتش مش فاهمة بصراحة .. 

____________________________________

سنية :  والله كان ليكي واحشة ياست فريال  .. الحمدالله خلصنا منها .. دي البت كانت لزقاله لازقة تقوليش سحراله ياساتر عليها   .. ليل نهار طالعين نازلين خروجات وكلام فاضي ..

فريال :  البركة فيكي وف افكارك .. جبتيها ارض ارض والحمدالله خلصت منها .. وهي زي العبيطة سمعت كلامي 

سنية : افكار ايه بس يا ست فريال .. دانا طلعت جنبك ولا حاجة .. دا كله كوم ووقعتك قدام ابنك دي كوم تاني .. لو مكنتيش عملتي انها زقيتك مكنش هيكرهها كدا ..  

فريال : بس انا قلبي واكلني علي حازم .. مش مظبوط كدا ومش بيضحك ولا فرحان زي ماكان معاها 

 سنية : البركة بقا ف  بنتي لوزة انا هخليها من حين لحين  كدا تطلع تقعد معاكي  ... وهو موجود وتلفت انتباه وتنسيهالو خالص متقلقيش 

حازم :  بقا لوزة بنتك هي اللي  هتعرف تنسيني كنزي  

سنية بخضة : بسم الله الرحمن الرحيم .. حازم بيه .. انا بس كنت بقول ان .. 

حازم :  انا كلامي مش معاكي انتي  ( بص لامه اللي وشها ف الارض ) .. انا كلامي مع اللي سمحتلك تعملي كدا ف ابنها ...

سنية : الست فريال معملتش حاجة 

حازم بعصبية : اخرسي ومسمعش صوتك ..  اطلعي برا ياست انتي .. واياكي اشوف وشك هنا تاني والا ورحمة ابويا لاكون حبسك انتي وعيلتك 

سنية : لا حبس ايه ياباشا .. انا هخرج ومش هتشوف وشي .. سلاموعليكو  ( طلعت تجري ) 

فريال : حازم انا .. 

حازم : انتي ايه .. انتي سمعتي كلام الشيطانة اللي كانت قعدة معاكي  و خربتي بيت ابنك  .. عملتلك ايه كنزي علشان تكرهييها دي قبلت باللي مافيش واحدة ممكن تقبل بيه وكانت راضية وساكتة  ..  بلاش كنزي .. عملتلك ايه انا علشان تكرهيني ف البنت اللي حبيتها وتخليني اعمل فيها كدا .. ردي ساكتة ليه 

 

فريال بتعيط : مستحملتش اشوفها بتاخدك مني .. كل لما كنت بتدافع عنها قدامي وتقف قصادي علشانها كنت بتخنق .. كانت دايما تقويك عليا علشان تكرهني .. كانت بتقولك انا بعمل فيها ايه من وراك .. عاوزني مكرههاش وهي هتبعد ابني الوحيد عني 

حازم : كنزي عمرها ماحكتلي حاجة انتي عملتيها فيها .. كانت دايما بتحاول متكرهنيش فيكي .. دي هي اللي كانت بتطلب مني اعتذرلك لما اغلط ف حقك .. ازاي كنتي شايفها وحشة كدا .. 

فريال : معرفش يابني .. بس انا غيرت عليك انا ماليش غيرك .. وانت حبيتها اكتر مني 

حازم : حبيتها اكتر منك !!! انتي مدركة للي بتقوليه دا .. انتي حاجة وهي حاجة .. ويوم لما اختارت اختارتك انتي .. مهنش عليا اشوفها تعمل فيكي كدا واسكت .. دوست ع قلبي علشانك .. وف الاخر تقولي كدا .. ولما كل دا هيحصل ليه خلتيني اتجوز .. لما انتي هتعملي كدا ف بنات الناس .. ليه ماكنت اتزفت من غير جواز .. فضلتي تزني تزني تزني لحد ماعملتلك اللي يريحك ..  وانا زي الغبي صدقتك .. ومدتهاش فرصة ..   ارتاحي خلاص .. انا مبقتش اثق فيكي تاني ولا هعيش معاكي  ( جه يمشي فريال مسكت فيه  )  

فريال : هتروح فين يابني .. 

حازم : في ستين داهية .. ومش راجع البيت دا تاني مهما حصل 

فريال بتعيط : لا.. لااا ياحازم متسبنيش يابني  انا اسفة انا غلط وبعترف بس متبعدش انا ماليش غيرك ياحازم  

(حازم شد ايده ومشي وهي فضلت تعيط ..  وتندم ع اللي عملته بس الندم مش كفاية لازم تصلح غلطتها   )

_____________________________________

 صافي قعدة ف حديقة المستشفي  .. وسائر قرب عليها 

سائر : عاملة ايه ياصافي 

صافي بلهفة  حضنت سائر  : سائر .. الحمدالله انا كويسة .. انت وحشتني اوي كلكم وحشتوني ..  

سائر : وانتي كمان وحشتيني اوي اوي 

صافي : بابا فينه مجاش ليه  هو كمان 

سائر بحزن : بابا .. بابا مشغول بس ياصافي اعذريه مقدرش يجي .. بس متقلقيش انا معاكي ياحبيبتي 

عزيز : شوفتي بقا انا نفذت وعدي ازاي وجبتهولك .. انتي كمان نفذي وعدك والتزمي بالعلاج ف مواعيده 

صافي : بس انا خفيت مش انت قولت كدا 

عزيز : انا قولت انتي بقيتي  احسن بس لسه مخفتيش .. وعلشان ترجعي زي الاول لازم تاخدي العلاج 

صافي : حاضر

سائر : صافي انا كنت عاوز اتكلم معاكي .. فاكرة ياحبيبتي المهدأ اللي كنت بتاخديه .. كان مين بيجبهولك 

صافي : سهر .. هي صحيح مجتش معاك ليه 

سائر وعزيز بصوا لبعض .. سائر : طيب انتي عرفتي معاد فرح حازم منين 

صافي : سهر قالتلي .. مردتش بردك هي فينها مشغولة هي كمان زي بابا 

سائر معرفش يقول ايه .. عزيز : طيب ياصافي مش تدخلي ترتاحي شوية ولا ايه 

صافي : حاضر ( بصيت لسائر ) .  هتجيلي تاني صح 

سائر : اه ياحبيبتي هاجي 

صافي : ماشي .. عن اذنكم 

عزيز : اتفضلي 

سائر :, انا متشكر اوي ياعزيز ع اللي بتعملوا مع اختي .. انا مش مصدق انها قدرت تعدي اللي حصل 

عزيز : مافيش شكر .. دا شغلي .. المهم انت هتعمل ايه مع سهر بعد مااتأكدت انها هي السبب  

سائر : حقيقي مش عارف .. كان نفسي صافي  تكدب تفكيري ...وتقول ان مش الشخصية اللي عاشت معانا كل السنين دي ضربتنا ف ضهرنا بالشكل دا ودمرت عيلتي ..  

عزيز : اهدي وفكر بالعقل ..  اهم حاجة هي لسه موجودة ف البيت ولالا 

سائر : لا طبعا انا طردتها من كل حاجة .. ومن وقتها معرفش عنها حاجة ولا عاوز اعرف 

عزيز : طيب روح انت دلوقتي و اهدي بس  .. علشان باباك  ميشوفكش كدا ويتعب اكتر انت مصدقت خف شوية 

سائر : ابقي طمني ع صافي لو حصل حاجة .. وانا هجيلها تاني 

عزيز : حاضر 

__________________________________

 " عدت فترة وبدأت كنزي تتكلم وتتحسن  بس مش زي الاول بردك .. ولسه لحد دلوقتي مافيش اخبار من حازم "

قمر : حمدالله ع سلامتك ياكوكي  

كنزي : الله يسلمك ياقمر 

 تونة : عاش من سمع صوتك ياختي 

كريم : في حد يقول كدا لحد تعبان .. 

تونة : اه انا 

كريم (غمز لقمر) : صحيح ياقمر عملتي اللي قولتلك عليه

قمر غمزتله : طبعا طبعا انا اقدر منفذش كلامك 

تونة : بتتكلموا في ايه  .. انتو وبتتغمزوا  كدا ليه انا شايفكم 

قمر : لا دا سر بقا وكريم يقولهولك 

كريم : لا ياقمر دا مش سر تونة لازم تعرف .. اني عاوزها تكون معايا 

تونة (عينها طلعت قلوب) : عاوزني اكون معاك  فين ياكرملتشي 

كريم : في المدرسة طبعا .. انا خليت قمر تقدملك ف مدرستي 

تونة قلبت وشها : مدرسة .. لا ياعم يفتحالله .. انا مش عاوزة اروح مدارس

هدي : ليه بس كدا ياتونة .. دانتي هتكوني مع كريم حتي

تونة : لا مش عاوزة اكون مع حد .. انا ع جثتي اتعلم 

ليل : سبوها دي كلها سنتين ونجوزها

 نور جاية تجري بفرحة : باركولي باركوليييي 

ليل : مبروك بس ع ايه 

نور : سائر كلم بابا وحددوا معاد الخطوبة كمان يومين 

قمر : لولولولولولولييييي .. اخيرا بقا 

هدي نجلاء  وكنزي : الف مبروك ياحبيبتي 

نور : الله يبارك فيكم 

تونة : هييييه عندنا فرح

ليل  : مبروك يانور .. يارب تكمل ع خير 

نور : يارب بقا .. 

نجلاء : نور ياحبيبتي وانتي جاية شوفتي عايدة 

نور : اه يادادة كانت بتحضر الفطار لأسر  .. خير في حاجة 

نجلاء : اصل كنت عاوزها .. هاخطف رجلي انا اروح اناديها 

ليل سمعت ان اسر جوا : لالا خليكي انتي يانوجة .. انا هروح اتمشي كدا لغاية هناك واجبهالك 

"قمر وهدي بصوا لبعض "

نجلاء : يبقا كتر خيرك والله .. انا رجلي وجعاني  اصلا 

ليل :  لا سلامتها ارتاحي وانا هروح

 ( راحت ع امل تقابل اسر جوا ويكلمها .. اول ماخرجت شافته فعلا بس هو عدا من جنبها وركب عربيته ولا كأنه شايفها اتعصبت ودخلت تاني    ) 

قمر : انتي لحقتي تناديها .. 

نجلاء : هي فينها  عايدة 

ليل بعصبية : منادتش حد 

هدي : مالك متعصبة ليه

ليل بعصبية : بسبب المستفز اللي اسمه اسر .. شافني وعدا جنبي ومكلمنيش ولا عبرني .. دا كانه مصدق .. وانتو اللي بتقولو صالحيه دا بيحبك .. حبه برص البعيد  .. قليل الذوق 

هدي : عيب كدا ياليل 

ليل بصيت لنور : لامؤخذة يانور .. بس اخوكي اللي عصبني

بصراحة 

نور ضحكت : لا خدي راحتك هو يستاهل  بصراحة ..  ازاي يفضل يسألني عليكي كل لما يشوفني ويشوفك ميكلمكيش 

ليل : عاوز يبان قدامكم مش غلطان .. وانا اللي غلطانة والمفروض اصالحه .. بس ع مين مش هصالحه 

الكل : متصالحهوش 

ليل :  اه مش هصالحه انا  مش غلطانة

الكل : اه مش غلطانة 

ليل ( راحة جاية .. راحة جاية ) : ماشي يا اسر ماشي 

____________________________________ 

اسر : خير ياوليد .. كلمتني وقولت عاوز تشوفني ضروري في حاجة 

وليد : خير يااسر .. انا كنت عاوز اودعك بس 

اسر : تودعني ليه .. مش فاهم 

وليد : انا هسافر .. خلاص قررت اروح اعيش مع اهلي .. مبقاش ليها لازمة القعدة هنا 

اسر : ايه اللي بتقولو دا ياوليد .. هتسافر وتسبني  انت عارف انت صاحبي الوحيد .. 

وليد : مش قادر يااسر اكمل هنا من بعد سارة .. حاولت مش عارف ارجع زي الاول .. 

اسر : طيب ع الاقل استنا لما تتخرج 

وليد : مبقاش ينفع خلاص انا هكمل تعليمي هناك .. وانا كلمت اهلي وهما مستنيني  .. متزعلش ياصاحبي

اسر :  كله  بعد .. مجتش عليك .. 

وليد : غصب عني والله يااسر  متزعلش .. هو انت  وليل لسه مرجعتوش 

اسر : لا 

وليد : طيب متحاول يااسر 

اسر : مش هجبرها ع حاجة مش عاوزها .. هي قالت ابعد وانا بعدت 

وليد : ربنا يصلح الاحوال 

اسر : يارب ..   المهم انت معزوم ع خطوبة نور كمان يومين  ..  ولا  هتقول مسافر 

وليد : لا اكيد هاجي

_____________________________________

 " يوم الخطوبة   "

نجلاء بتفتح الباب 

فريال : ممكن ادخل 

نجلاء : انتي  ايه اللي جابك هنا ياست انتي 

سامح : نجلااء .. الست في بيتنا عيب 

نجلاء : عيبب !! عيب ايه واللي عملته ف بنتي دا اسمه ايه .. ليها عين تيجي لحد هنا  كمان

فريال  بانكسار :  انا ماليش عين فعلا .. بس انا جاية هنا واملي ف ربنا كبير اني اقابل كنزي واصلح اللي عملته 

نجلاء : ربنا وانتي تعرفي ربنا 

سامح : نجلااااء قولت ايه 

كنزي خرجت :  سبيها ياماما تدخل .. 

نجلاء : انتي بتقولي ايه ياكنزي 

كنزي : معلش ياماما .. اتفضلي انا سمعاكي 

فريال : انا اسفة يابنتي .. انا غلط في حقك وفي حق ابني .. انا اسفة حقك عليا .. انا ندمت وعرفت غلطتي ..  انا غيرت منك  .. فكرتك هتاخدي حب ابني كله وهتخلي يبعد عني .. مفوقتش من اللي بعملوا غير لما ابني عرف حقيقتي ومشي وسابني واستحالة يرجع يثق فيا تاني 

نجلاء ف سرها : تستاهلي يابعيدة .. من حفر حفرة لاخيه وقع فيه  

فريال : انا ظلمتك وانتي متستاهليش كدا .. وظلمت ابني كمان ربنا يسامحني .. 

نجلاء بتريقة : ربنا  يسامحك اه 

فريال : وطمعانة ف انك  انتي كمان تسامحيني ياكنزي ..  انا عارفة انك قلبك ابيض وهتسامحي .. 

نجلاء : لا ياحبيبتي ربنا يسامحك دي حاجة بينك وبين ربنا .. انما بنتي اللي عملتيه فيها مش هتسامحك عليه .. ولا ايه ياكنزي 

سامح (شد نجلاء من ايدها )  : تعالي يانجلاء عاوزك .. 

نجلاء : بتشدني ليه استنا 

سامح : تعالي يلا 

فريال  : هتسامحيني ياكنزي 

كنزي  : اللي حصلي مكنش شوية علشان اقدر انساه 

فريال (وطيت ع ايدها بترجي ) : ابوس ايدك يابنتي .. ابوس ايدك سامحيني 

كنزي  قومتها : اهدي خلاص  ..  ماشي هسامحك 

فريال : شكرا يابنتي .. عاوزة اقولك ان حازم بيحبك ياكنزي .. حازم عمل فيكي كدا غصب عنه .. متزعليش منه .. وارجعوا لبعض ياحبيبتي ابني مش هيلقي احسن منك .. ومش هطلب منكم تيجوا تعيشوا معايا  تاني .. كل اللي طالبه بس تزوروني ومتسبونيش لوحدي 

كنزي بزعل : ان شاءالله لو رجعنا 

فريال : ان شاءالله هترجعوا .. حازم مش هيسيبك انا عارفة ابني 

كنزي : انا عاوزة اقولك ع حاجة .. انا حامل 

فريال بفرحة  : بجد ياكنزي ..  الف مبروك ياحبيبتي ( حضنتها ) 

كنزي : الله يبارك فيكي 

نجلاء دخلت لقيتهم حضنين بعض : ماشي يابنت بطني .. اللي يريحك 

كنزي راحت حضنتها : ربنا يخليكي ليا ياماما 

فريال  بابتسامة :  ربنا هيكرمك علشان عرفتي تربي بنتك .. متزعليش مني انتي كمان يانجلاء 

نجلاء : خلاص بقا  طلما بنتي مش زعلانة انا كمان مش هزعل ..( اتحولت )  بس ابقي اعملالها حاجة تاني وشوفي هيحصل فيكي ايه 

فريال بتضحك : ياماما انا الحق امشي قبل ماتأكلني 

نجلاء : لا تمشي فين  داحنا عندنا فرح انهاردة لازم تحضري معانا .. تعالي تعالي 

____________________________________________________________________

نور في اوضتها لابسة فستان توب لونه بيبي بلو ومنفوش الي حد ما  والبنات كلهم معاها 💙

نور  : ايه رايكم حلو 

قمر : جميلة ياحبيبتي .. ربنا يكملك ع خير 

كنزي : زي القمر والله 

ليل : نور زي القمر ف كل حالتها اصلا 

نور : حبايبي والله .. وانتي ياتونة مقولتيش رايك يعني 

تونة بفرحة :  حلوة اوي اوي يا نور 

نور : بجد ياتونة يعني هعجب سائر 

تونة  :  هو يطول اصلا  ..  دا كويس اننا وافقنا عليه 

ليل ( حطيت أيدها ع بقها ): ششش يخربيتك .. بتهزار بتهزار

اسر (دخل  صفر اول لما شاف نور   ) : يابختك ياعم سائر 

نور ضحكت .. اسر حضنها : مبروك ياحبيبتي 

نور : الله يبارك فيك يااسر  (  بصيت لليل ) عقبالك انت كمان 

اسر : لا انا صرفت نظر عن الموضوع دا 

ليل قلبت وشها : يكون احسن بردك 

اسر مردش عليها : انا هنزل ياحبيبتي استنا تحت لحد مالعريس يشرف .. يلا باي 

ليل بعصبية : شايفين مستفز ازاي .. مردش عليا تاني ولا كأني واقفة 

قمر : محدش قالك تكلميه 

ليل : وانا مكلمتهوش اصلا .. 

تونة : كانت بتكلم نفسها ..  اصلها اتجننت  

قمر : عندك حق والله يابت ياتونة 

ليل :  اه اتجننت عن اذنكم بقا .. احسن اطلع جناني عليكم ( مشيت) 

كنزي : ليل صعبانة عليا اوي 

نور : انا مش فاهمة هو بيعاملها ليه كدا وهو بيحبها 

قمر : تستاهل .. هي مش هتتعدل غير بالطريقة دي 

كنزي : لا ياقمر حرام 

نور : اسر مكبرها اوي  .. مش عادته يعني مستغربة 

قمر :   مانا اللي قايلاله يعمل كدا 

نور : بتهزاريي 

قمر : اه والله ان كان علي اخوكي ف هو واقع .. كان زي الاهبل هيروح يصالحها من زمان  .. لامؤخذة يانور 

كنزي : طب مايصالحها ياستي .. هو حد طايل 

قمر : لا يا كنزي مشكلتك غير مشكله ليل .. ليل غلطانة ولازم تعتذرله .. لو صالحها هتفضل تغلط من غير ماتعمل حساب مشاعره لأنها عارفة انه ف الاخر هيصالحها .. 

كنزي  : طب ودلوقتي ايه اللي حصل اهي اتجننت اكتر وزعلت  ومش طايقه اكتر من الاول 

قمر : لالا متقلقيش انا عارفة ليل مش هتيجي غير كدا ... زمانها اصلا نزلت تصالحه تحت .. اصبروا وهتشوفوا 

نور : ياسوسة انتي 

كنزي : طب احنا هننزل امتا 

نور : يلا بينا زمانهم جم تحت 

________________________________ 

اسر : كنت هزعل لو مجتش 

وليد : مقدرش ماجيش والله 

اسر حضنه جامد : هتوحشني ياوليد 

وليد : وانت كمان .. هبقا اكلمك دايما متقلقش .. ولو حسيت باي مشكلة معاك كلمني  .. كأني موجود هنا بالظبط 

اسر : اكيد دا اللي هيحصل 

ليل : وليد عامل ايه 

وليد : الحمدالله .. انتي عاملة ايه 

ليل : انا كويسة .. ياعني مش اوي 

وليد بصلهم هما الاتنين : طيب انا هروح اشوف حاجة كدا وراجع تاني 

ليل : ماشي .. اتفضل ( قربت من اسر ) .. متزعلش مني 

اسر متصنع الجد  : ازعل ليه انتي عملتي حاجة تزعل مثلا ( من جواه ) .. مين قالك اني زعلان اصلا

ليل : انا عارفة اني غلط ف حقك اخر مرة .. وقولتلك كلام مكنش ينفع اقولو .. اسفة 

اسر  : ماشي ولا يهمك (من جواه) .. ياروحي أنا ع الحلو اللي بيعتذر دا 

ليل بزعل : انت هتفضل قالب وشك وتكلمني كدا .. لو عاوزني امشي انا ممكن امشي 

اسر : لا متمشيش خليكي خلاص مافيش حاجة ( من جواه ) تمشي ايه انا مصدقت دانا عاوز ابوسك دلوقتي دلوقتي 

ليل : يعني مش زعلان مني خلاص 

اسر الفرحة اللي جواه ظهرت ع وشه وابتسم : لا مش زعلان خلاص ومكنتش زعلان  ع فكرة .. مقدرش ازعل منك 

ليل ابتسمت : بجد  

اسر مسك ايدها باسها :  بجد 

ليل قلبت وشها  وزعقت : اومال مكنتش بتعبرني ليه وكأنك معدي جنب ڤازة .. ولا كانك شايفني 

اسر : ياساتر يارب ايه اللي حصل اتحولتي كدا ليه 

ليل : وبعدين  انت اصلا مالكش حق تزعل .. انت اللي المفروض تستحملني وقت حزني واكتئابي 

اسر : لا اسيبك دلوقتي علشان شكلك مجنونة 

ليل : انت رايح فين  

اسر : اه منكم ياقالبين انتو .. ابعدي انا ناقص جنان 

ليل :  استنا انا لسه مخلصتش .. يااسرررر 

احمد : اهلا وسهلا اهلا ... نورتو 

سائر : بنورك ياعمي والله 

زين ( سلم ع سائر وحضنه ) : اهلا ياعريس   .. نورت 

سائر : اخيرا سمعت كلمة عريس .. 

احمد : منور يافاروق 

( فاروق قاعد ع كرسي بعجل ابتسم لاحمد وهز رأسه كرد ع احمد )   

اسر : منوريين ..

قمر واقفة ع السلم : لولولولولولولولولولييييييي

احمد : اهي العروسة نزلت كمان 

سائر شافها عينه لمعت وراحلها  ومسك أيدها الاتنين وباسهم : ايه الحلاوة دي  .. 

نور بفرحة : انت احلي  

سائر : انا لو اعرف انك هتبقي حلوة كدا .. كنت جبت الماذون وكتبت انهاردة 

نور : دا ع اساس ان قبل كدا كنت وحشة 

سائر : انتي حلوة دايما و في كل حالاتك 

نور بكسوف : ميرسي 

" قعدوا وسائر طلع خاتم الماظ ولبسوا لنور .. وقمر ونجلاء وعايدة واقفين يزرغطوا "

كنزي واقفة  لوحدها ومبسوطة .. لقيت حد حط ايده ع كتفها .. لفت وشها بسرعة 

حازم : وحشتيني 

كنزي جاية تمشي مسك ايدها : انا اسف .. انا مش عارف اعيش من غيرك ..  لو لسه ف معزة عندك ليا تسامحيني وترجعي  .. يارب ايدي كانت اتقطعت قبل ماامدها عليكي 

كنزي بتلقائية : بعد الشر عليك .. متدعيش ع نفسك 

حازم : يعني مسمحاني 

كنزي بصيت لابوها وامها اللي واقفين بعيد بيبصلهم .. ابتسموا هزوا رأسهم بالموافقة .. 

كنزي ابتسمت  :  هسامحك 

حازم بفرحة : وهترجعي معايا 

كنزي  : اه  

حازم شلها ولف بيها 

نجلاء : ايييه حيلك حيلك براحة ع البت 

حازم : شكلك ياحماتي انتي لسه زعلانة مني 

نجلاء : ومين قالك اني مش زعلانة منك .. بس انا مش بقول براحة علشاني .. انا بقول براحة علشان اللي ف بطنها 

حازم : ايه !!

كنزي بفرحة : انا حامل 

حازم من فرحته شلها تاني ولف بيها 

نجلاء : يخربيتك .. اتهد بقا دي لسه ف الاول 

حازم : انا اسف ياحماتي والله بس من فرحتي .. مش مصدق ياكنزي انتي بجد حامل 

كنزي : اه والله حامل

نجلاء : اسكتي بقا ليشيلك .. والتالتة تبته 

كنزي : ماما روحي  هاتيها  

نجلاء : حاضر ياحبيبتي .. ربنا يكملك بعقلك   

حازم : تجيب مين 

كنزي : هتعرف دلوقتي 

حازم : مش عاوزك تكدبي عليا تاني  خالص .. مهما حصل واينكان مين قالك 

كنزي : حاضر .. ممكن اطلب طلب 

حازم : انتي تؤمري وانا انفذ 

كنزي : مش انا سامحتك 

حازم : اه انا مش مصدق والله 

كنزي شاورتله : يبقا انت كمان لازم تسامح 

حازم لف وشه لقي امه  .. قلب وشه : كنزي لو سمحتي 

كنزي : لو سمحت انت .. زي مانا سامحتك انت كمان هتسامحها 

فريال :  حقك عليا يابني .. مش هعمل كدا تاني .. انت عارف اني ماليش غيرك .. بلاش تبعد عني 

حازم : حاضر ياامي 

فريال فرحت وحضنته وحضنت كنزي وباستها 

هدي راحت لليل واسر : ها ياحلوين خلاص اتصالحتو 

اسر : مش عارف لسه والله اصلها بتتحول فجأة 

ليل  بعصبية : قصدك ايه يعني

اسر : اهي اتحولت 

هدي بتضحك : نصيبك بقا كدا  .. معلش ياحبيبي 

اسر : راضي والله وساكت .. هي اللي 

ليل : هي اللي ايه كمل 

اسر ضحك : هي اللي في قلبي اما انتو مالكوش عازا .. ياختي علي الغمازة .. لون عنيها كفيل يخضني 

ليل بكسوف : ميرسي ميرسي .. بس ع فكرة صوتك وحش 

اسر : طيب سمعيني انتي الصوت الحلو 

ليل : عاوز تسمع صوت حلو .. من عيوني .. استنا 

اسر : وريني كدا 

ليل راحت خدت المايك .. والكل مركز معاها .. : احم احم ..  بدل السكوت اللي احنا فيه دا .. احب اطلب من قمر تغني 

قمر : الله يخربيتك ياشيخة .. ايه اللي هببتي دا 

الكل بص لقمر : ايه دا بجد قمر بتعرف تغني 

كنزي : اه صوتها حلو اوي اوي 

ليل : ما تيلا ياقمر غني بقا 

قمر بتجز ع سنانها : غوري من وشي ..  احسن مااولع فيكي 

نور : يلا ياقمر علشان خاطري 

قمر : معلش ياجماعة .. والله مش هينفع خالص 

زين باستفزاز : سبوها ياجماعة متحرجهاش ... يمكن صوتها وحش 

قمر بصتله بتحدي وراحت خدت المايك تحت انظار الجميع :  تحبوا تسمعوا ايه 

زين : في قلبي مكان 

قمر بدءت تغني :

 

في قلبي مكان مكانش بيوصله 

انسان ❤️ ... لانه آمان مكانش بيدي حد آمان ..  فتحته انا ليك دخلته انت وقفلت عليك🗝️ .. بقا ملكك ولا قبلك ولا بعديك✊🏻

في قلبي مكان مكانش بيوصله 

انسان ❤️ ... 

لانه آمان مكانش بيدي حد آمان ..  فتحته انا ليك دخلته انت وقفلت عليك🗝️ 

.. بقا ملكك ولا قبلك ولا بعديك✊🏻

" الكل مندمج ف الاغنية وبيوجه كلام الاغنية للي بيحبه .. ماعدا زين مركز مع قمر "

قمر  باندماج : 

خليني معاك ده انا راحة قلبي معاك 💌 .. هو اللي يحس هواك في ايه بعده يكفيه 🤍.. من بين الناس انا عشت معاك احساس🎻 .. بعد ما جربته خلاص مقدرش اعيش غير بيه.. ♾️

زين وقف قصادها وقرب اوي .. والكل ركز معاهم  : 

بحس معاك 

        حاجات مش حلوة الا معاك

 بطعم هواك ..❤️ ..

جميلة وطالعة من جواك ترد الروح 🌙

   .. تنسي قلبي اي جروح .. 🥀

 انا ملكك و اديني قولتها بوضوح ❤️🤷🏾‍♂️

قمر واقفة سرحانة فيه ومتنحة ومش مصدقة الكلام دا ليها ولا هو بيغني بس .. فاقت ع صوت تسقيف الكل  .. وحازم واسر صفروا .. وزين غمز لقمر ومشي .. وليل وتونة راحوا خدوها والكل بدء يرقص .. و اليوم انتهي جميل ع الكل 

_______________________________

 سليم بيحضر شنطته .. وقرر خلاص يسافر .. بس قبل مايسافر .. لازم يعترف لقمر بالسر اللي مخبيه  .. مسك موبايله وفتح الواتساب 

سليم : قمر  

قمر : نعم 

سليم :  انا مسافر بكرا 

عاوز اودعك 

وبالمرة اعرفك .. ايه الجِمييل اللي انتي عملتيه ليا 

قمر : ايه هو !! 

سليم : مش هينفع هنا .. بكرا الصبح هبعتلك للوكيشن  المكان اللي هنتقابل فيه .. 

قمر : ماشي .. تصبح ع خير 

سليم : وانتي من اهله 

_________________________________

الباب بيخيط  جامد .. سليم قام من النوم مفجوع بيفتح .. رجالة زقوا ع الارض 

سليم : انتو مين !!!!!! 

.....: كتفوا ونزلوا العربية 

_____________________________ 

قمر صحيت لبست وجهزت نفسها .. وبعتت لسليم رسالة 

( معرفتش انام طول الليل .. عاوزة اعرف ايه هو الجِمييل .. هنتقابل فين ؟ ) 

هدي : انتي راحة فين بدري كدا 

قمر : مشوار مهم ياماما .. متقلقيش مش هتأخر 

هدي : عربي هيوصلك 

قمر : لا ياماما .. مش فاضي انهاردة .. هروح لوحدي 

هدي : طيب ايه هو المشوار دا 

( رسالة اتبعتت لقمر من سليم باللوكيشن ) 

قمر قامت بسرعة : لما ارجع هقولك ياماما 

هدي : انتي مكملتيش فطارك 

قمر باستعجال : بعدين ياماما بقا .. بااااي 

هدي بقلق (حطيت أيدها ع قلبها ) : خير يارب خير 

_____________________________ 

قمر وصلت ع المكان .. لقيت انه بيت شبه قديم .. فضولها خلها تدخل .. اول لما دخلت شافت سليم ع الارض متكتف 

قمر بصدمة : سليييم !!! 

اتضربت ع دماغها من ورا .. وقعت ع الارض 

__________________________________ 

طبعا كلنا عارفين مين الشخص دا .. بس ياتري هيعمل ايه فيهم ..  هنعرف لو تابعتوا .. انتظروا الجزء الاخير ✨

حكاية_قمر 🌙💕

بقلم_ياسمين_علي ••

● الجزء التاسع عشر والاخير●

حكاية_قمر 🌙💕

بقلم_ياسمين_علي ••

نسترجع اخر احداث الجزء اللي فات مع بعض ..

قمر وصلت ع المكان .. لقيت انه بيت شبه قديم .. فضولها خلها تدخل .. اول لما دخلت شافت سليم ع الارض متكتف

قمر بصدمة : سليييم !!!

اتضربت ع دماغها من ورا .. وقعت ع الارض

_______________________________

ليل بتتمطع : صباح الخير

هدي مش مركزة معاها ومردتش

ليل راحتلها : بقول صباااح الخيرر

هدي : صباح النور ياحبيبتي..

ليل : ايه اللي واخد عقلك يادودو

هدي : مافيش حاجة ياليل ..الفطار هتلقي عندك ف التلاجة جاهز هتحطيه بس ع السفرة وصحي تونة تفطر معاكي

ليل : مالك يادودو .. وفين قمر صح تفطر معانا

هدي : اختك نزلت بقالها اربع ساعات ومقالتش رايحة فين .. لا حس ولا خبر وبتصل عليها مش بترد

ليل : طيب اهدي يمكن راحت تشوف البيت انتي عارفة خلاص فاضل ايام ع افتتاح المشغل وتلقيها بتشوف لو في حاجة ناقصة تعملها

هدي : كلمت عربي وراح ملقهاش هناك .. انا مش مرتاحة حاسة ان في حاجة قلقاني

ليل : ان شاءالله مافيش حاجة ياماما

الجرس رن

ليل : اهي زمانها جت اهي

" هدي نطت بسرعة تروح تفتح .. لقيت زين ومعاه بوكية ورد حسيت بخيبة امل "

ليل : زين اتفضل

هدي : مطلعتش قمر اهي ياليل .. قولتلك انا قلبي مش مرتاح ياليل مسمعتيش كلامي

ليل : ماما اهدي شوية .. ممكن الغايب حجته معاه .. اصبري وهتلقيها داخلة علينا دلوقتي ..

زين بقلق : ليه هي قمر فين !!

ليل : متقلقش يازين هي راحت مشوار وجاية .. انت كنت جاي علشانها

زين : اه بصراحة .. كنت جاي ارجعها الشغل .. المهم هي فين

هدي : نزلت بدري اوي قالت عندي مشوار مهم ومفطرتش حتي .. ومجتش لحد دلوقتي .. وبتصل مبتردش عليا

زين : انا كمان اتصلت مبتردش عليا .. بس انا فكرت انها نايمة .. طيب مقالتلكيش ايه هو المشوار

هدي : لا

زين : طيب عربي وصلها

هدي : لا بردك راحت لوحدها .. انا قلقانة اوي عليها

زين : طيب اهدي وانا هتصرف .. خرج موبايله

زين : الو ياحازم .. انت فين ..

حازم بنوم : انا في البيت

زين : طيب قوم يلا عاوزك ضروري

حازم : خير يازين في حاجة

زين : قمر مختفية بقالها اربع ساعات ومش عارفين فينها

حازم : يعني انت مصحيني من النوم ف اجازتي علشان تقولي قمر مختفية بقالها اربع ساعات .. متلقيها في مشوار يا زين .. روح ياحبيبي شوف شغلك وانا هكمل نوم وهي زمانها جاية

زين بعصبية : في مشوار ومبتردش ع مكالماتنا ليه .. انا لجاتلك انت ياحازم بس علشان صاحبي بس لو مش هتساعدني .. انا هتصرف بمعرفتي

حازم : طيب اهدا بس .. اكيد هساعدك .. انت فين طيب وانا هلبس وهجيلك .. تمام .. تمام انا جاي

كنزي : في ايه ياحازم .. انت رايح فين انت مش قولت واخد اجازة انهاردة

حازم : معلش ياحبيبتي .. زين اتصل وقلقان ع قمر بيقول مختفية من الصبح ومش بترد .. هروح اشوفه وهاجي تاني

كنزي بخضة : قمر .. ليه راحت فين

حازم : متقلقيش ان شاءالله خير

كنزي : طيب انا كمان هلبس وجاية معاك

حازم : تيجي فين ياكنزي .. انا هروح وهبقا اطمنك ..

كنزي : لا ياحازم لازم اروح وابقا مع ليل وطنط هدي .. خدني ياحازم ونبي

حازم : كنزي علشان خاطري افهمي .. انتي لسه ف الاول وغلط عليكي الحركة كتير .. انا والله هبقا اطمنك وهكلم مامتك تيجيلك ماشي

كنزي : ماشي .. ربنا يستر

________________________________

سليم متكتف وقمر متكتفه جنبه وبيحاول يوصلها مش عارف : قمر .. قمر انتي كويسة

قمر بتفتح عينها وبتتوجع : ااااه .. انا فين ..

سليم : مش عارف .. المهم انتي ايه اللي جابك هنا

قمر : مش فاكرة .. هو ايه اللي حصل ... ااااه انا رأسي وجعاني اوييي .. و مين ربطني كدا

سليم : احنا مخطوفين يا قمر

قمر : اييه .. مين خطفنا

سهر دخلت : انا ياحبيبتي .. كويس انك فوقتي

قمر فاقت : سهر !!

_________________________________

زين : انت متأكد انهم هيعرفوا مكانها

حازم : اه طلما الخط مفتوح هنوصلها متقلقش

زين : ان شاءالله خير

عادل دخل : دا المكان اللي موجود فيه الرقم اللي ادتهوني ياحازم

حازم : متشكر اوي ياعادل .. اهو يازين دا المكان اللي قمر فيه .. انت تعرف المكان دا

زين : المكان دا بعيد اوي عن هنا .. ايه يوديها هناك ..

حازم : طب اتصل ب والدتها يمكن ليهم قرايب هناك

زين بعصبية : انا لسه هتصل .. يلا بينا بسرعة انا متاكد ان مالهاش قرايب

عادل : اهدي يا استاذ زين وكلمهم الاول نتأكد .. ولو طلع محدش يعرفوا هنطلع كلنا معاك

زين : ماشي

___________________________________

عزيز : في مفاجأة ليكي انهاردة

صافي : مفاجأة ايه

عزيز : اخرجي هتلقيها

صافي طلعت تجري ع برا شافت سائر وفاروق قاعد ع كرسي ومبتسم ليها .. اتصدمت من حالة ابوها وطلعت تجري عليه حضنته

صافي : بابا ايه اللي حصلك .. ( بتبص لسائر ورجعت بصيت لابوها وعيطت ) .. انا السبب صح ..

" فاروق هز رأسه بالرفض ودمع هو كمان ونفسه يحضن بنته بس مش عارف للاسف"

صافي : انا اسفة يابابا .. انا اللي خليتك كدا حقك عليا .. ايه اللي حصله ياسائر

سائر : متقلقيش ياصافي .. بابا هيتحسن وان شاءالله يرجع زي الاول

صافي : مقولتليش ليه .. كنت بتكدب عليا وتقولي ف الشغل .. وهو .. ياحبيبي يابابا

عزيز : انا اللي كنت منعه انه يقولك اي حاجة ف الفترة اللي فاتت .. مكنتيش هتستحملي وكل اللي عملناه كان هيروح ع الفاضي .. ولما لقيت انك الحمدالله وصلتي لمرحلة كويسة كلمته يجيبوا تشوفيه علشان المقابلة دي هتحسن من حالته وحالتك

صافي : انا عاوزة اخرج ياسائر انا مش عاوزة افضل هنا خلاص .. انا خفيت عاوزة ارجع مع بابا

عزيز : مينفعش دلوقتي ياصافي .. انتي لسه جلسات علاجك مخلصتش

صافي بترجي : علشان خاطري ياعزيز اعمل حاجة .. انا عاوزو ارجع مع بابا .. سائر قولو حاجة ..

سائر : طيب ياعزيز الجلسات دي مينفعش تتعمل ف البيت

صافي : قول اه ياعزيز .. وافق

عزيز : ينفع .. بس مش انا اللي المفروض اوافق ع خروجها من هنا .. بس هحاول حاضر .. بس مش انهاردة اكيد

صافي : طيب امتا

عزيز : قريب ان شاءالله

سائر : معلش ياصافي استحملي شوية كمان

صافي : حاضر

موبايل سائر رن

سائر : دي نور ..

صافي : سلملي عليها وبوسهالي ها ( غمزتله )

سائر ضحك : حاضر

سائر : الو ياحبيبتي .. عاملة ايه

نور : انت فين ياسائر

سائر : انا عند صافي زي ماقولتلك .. انتي في حاجة .. مال صوتك

نور : قمر مختفية من الصبح .. وزين وصل للمكان والمكان طلع بعيد ورايحينه دلوقتي

سائر : دا حصل امتا الكلام دا .. وانتي فين

نور : انا عند ليل اهو مستنين اي خبر

عزيز : في ايه يا سائر مالك

سائر : طب هما فين دلوقتي .. ولقوا قمر موجودة فين

نور : في مكان اسمه .... ......

سائر وشه قلب : ايييه ؟؟ انتي متأكدة انها موجودة هناك

نور : اه زين لسه مكلمنا وقال كدا .. انت تعرفه

سائر : اه .. دا المكان اللي كانت عايشة فيه والدة سهر ..

نور : نعم .. ازاي .. طب ايه الي هيودي قمر هناك

سائر : مش عارف .. اقفلي وانا هكلم زين اعرفوا .. متقوليش حاجة للي عندك لحد مانتأكد

نور : حاضر حاضر

عزيز : مالك ياسائر .. خير في حاجة حصلت

سائر : سهر شكلها ناوية ع مصيبة تاني

عزيز : ايه اللي بتقولو دا عملت ايه تاني

سائر : مش وقته دلوقتي .. انا لازم امشي .. خليك مع صافي وبابا ومتحسسهمش بحاجة لحد مااشوف الكارثة الجديدة

" سائر كلم زين وحكاله "

زين : ايييه .. انت متأكد ياسائر ان سهر اللي عملت كل دا

سائر : ايوة يازين متأكد .. انا مكنتش حابب اتكلم واقول اللي عملتوا ف ابويا واختي .. بس طلما وصلت للخطف والانتقام هيطول الكل يبقا لازم اتكلم .. البيت اللي انتو لقيتوا قمر فيه دا بيت ام سهر الله يرحمها .. هي كانت عايشة هناك

حازم : انا مش مصدق كل دا يطلع من سهر

عادل : مش وقته دلوقتي الكلام دا .. احنا هنتحرك دلوقتي

زين : طيب اقفل دلوقتي ياسائر وهبقا اكلمك

زين بيرن ع موبايل قمر لقي مقفول .. اتعصب : الموبايل اتقفللل

حازم : متقلقش ان شاءالله متكونش غيرت مكانها .. يلا بينا بسرعة

زين : يلااا

________________________________

قمر : انتي اللي جبتيني هنا

سهر : انا مجبتكيش انتي اللي جيتي بنفسك

قمر : بعتي الرسالة من موبايل سليم .. علشان اجي .. انتي عاوزة ايه مني

سهر : عاوزة حقي منك .. ومنه

سليم : قمر معملتلكيش حاجة .. اللي كان بيني وبينك قمر مالهاش علاقة بيه

سهر : مالهاش علاقة .. اومال مين اللي لفت عليك وبعدتك عني

سليم : انا بعدت عنك من زمان اووووي .. بس انتي اللي مش واخدة بالك .. بعدت عنك من عمايلك .. من شرك وآذيتك لغيرك .. وياريتك بتآذي حد غريب .. دانتي بتآذي اخوكي اللي من لحمك ودمك .. عاوزني انا اطمن علي نفسي معاكي ازاي

" قمر بتسمع ومش فاهمة حاجة "

سهر : اه آذيت اخويا .. اه انا السبب في اللي وصله .. وانا السبب ف دخول صافي المستشفي وجنانها .. انا االي عملت كل دا ..

سليم : ليييه .. ذنبها ايه .. دي كانت بتثق فيكي

"قمر اتصدمت من كلامها "

سهر : ذنبها انها بنت فاروق .. فاروق اللي زرع القسوة فيا من وقت ماخدني من حضن امي ومرحمنيش .. انا اللي اتحرمت من اهلي .. اتيتمت وانا امي عايشة .. انا اللي اتحرمت من كل حاجة كان نفسي فيها .. اقل حقوقي مكنتش باخدها كنت بتعامل زي الخدامة .. انا استحملت اللي محدش استحملوا .. دا حتي مسبنيش اختار اللي هتجوزوا ورفضك .. وخد بنتي مني .. حتي دي مسبهاليش !!! .. كان لازم ادوقه كل اللي دوقهوني .. انا كل لما بفكر وبحاول اندم ع اللي عملتوا فيه .. بلقيني عاوزة انتقم منه اكتر واكتر .. وبالرغم كل الكرهه اللي جوايا دا بس حبيتك .. مختارتش غيرك .. وانت بعدت عني .. مش علشان انتقامي .. علشان انت محبتنيش زي مانا حبيتك .. انت حبيتها هي ..

سليم : انا حبيتك وكان عندي امل اغييرك .. بس انتي اللي مكنتيش بتبطلي تفكير ف الانتقام .. وانا مكنتش قادر استحمل كدا

سهر : تفتكر بعد كل اللي قولتوا واللي حصل فيا كنت بسهولة هعرف اتغير .. (بصيت لقمر ) .. فضلتها هي عني علشان هي الكويسة الجدعة .. انما انا الشريرة اللي مينفعش تعيش معاها .. هي مشافتش اللي انا شوفتوا ولا عاشت اللي عاشته انا

قمر : مين قالك اني مشوفتش اللي شوفتيه ؟ انا كمان اتحرمت من اهلي وهما عايشين .. من صغري كنت بشقي .. حرمت نفسي من كل حاجة علشان خاطر اربي اخواتي بس كنت بحمد ربنا كل يوم وراضية بحياتي .. لما جت الفرصة اسامح اهلي .. سامحتهم علشان هما اهلي ومقدرتش اكرههم .. اخوكي اللي انتي انتقمتي منه دا كان سبب ف حرماني من امي زيك بالظبط .. بس انا اللي لا من لحمه ولا من دمه سيبت حقي عند ربنا .. مفكرتش آذيي زيك .. مش عارفة انتي ازاي عملتي كدا ف اخوكي .. ( سهر بتسمعها وبصلها بغيظ ) كل اللي حصلك كانت اختبارات من ربنا ليكي .. بس انتي الي شوفتيها بطريقة غلط ف متجيش تقولي اني مشوفتش اللي شوفتيه .. متبرريش اللي عملتي باللي حصلك .. انتي اللي عملتي في نفسك كدا محدش غيرك ..

سهر بتسقف وضحكت استهزاق بكلام قمر .. : احيكي بجد .. قد ايه انتي انسانة مثالية مافيش زيك .. بس للاسف كلامك مأثرش فيا .. مش هيخليني اتراجع عن اللي ف دماغي .. وبما اني انتقمت من اخويا اللي من لحمي ودمي ف انتو مش هتصعبوا عليا ... خرجت

قمر وسليم بصوا لبعض .. دخلت تاني ومعاها چركن بنزين كبير

سليم : انتي هتعملي اييه ؟؟

سهر ضحكت : هتشوف دلوقتي .. راحت عند قمر وقلبت حواليها .. و قمر عينها اتملت دموع وخايفة وبتحاول تبعد وتفك نفسها

سليم بعصبية : .. انتي بتعمليييي ايه .. انتي اتجننتي

سهر : هولع فيها قدام عينيك .. هحرق قلبك زي ماحرقت قلبي ..

سليم : قمر مالهاش ذنب .. سبيها .. عاوزة تنتقمي انتقمي مني انا هي مالهاش ذنب

سهر : خوفك عليها دا .. مش هيخليني ارحمها

قمر دموعها غلبتها وعيطت

سهر ضحكت : ايه يا قمر مالك خايفة كدا ليه .. اومال فين قمر الشجاعة اللي مبتخافش من اي حاجة ..

قمر بصلها ومش بتتكلم

سليم : سهر طيب اهدي .. لو عاوزني ارجعلك .. هرجع بس قمر مالهاش ذنب .. خليها تمشي

سهر : ومين قالك اننا مش هنرجع ياحبيبي .. دانا حتي حجزت ليا انا وانت تذاكر سفر برا مصر .. بس لازم اخلص منها الاول .. واوعدك هنسافر ونكمل بقيت حياتنا ف سعادة وحب ..

قمر : انتي مجنوونةةة .. مجنونة

سليم مش مستوعب كلامها .. ومش عارف يوقفها ازاي .. وعينه عليها .. وهي مسكت الولاعة وراحة عند قمر خلاص وقمر مرعوبة

سليم : بنتك مامتتش ياسهر

سهر بصتله : انت قولت ايه ؟

سليم : بنتك مامتتش بنتك عايشة .. انا عارف مكانها ..

سهر : بنتي عايشة ! ازاي

سليم : سيبي قمر تمشي وهقولك

سهر : انت كداب .. انا بنتي ماتت من زمان .. فاروق موتها .. انت بتقول كدا علشان تخليني اسيبها .. بس دا مش هيحصل

سليم : استنني .. والله بنتك عايشة .. خلي قمر تمشي .. بلاش تعملي كدا .. لو بتحبيني هي مالهاش ذنب .. فاروق مالهوش علاقة ببنتك وميعرفش عنها حاجة .. انا اللي خدتها من المستشفي و قولت للممرضة تقول فاروق علشان متحاوليش تدوري ع بنتك ..

سهر : عملت كدا ليييه .. خدتها وبعدتها عني لييه

سليم : مكنتش عايز بنتي تتربي ف وسط الشر اللي حواليكي .. مكنتش عاوزها تكون شبهك .. سلمتها للي يستحقها .. للي هيعرف يحافظ ع بنتي ويربيها كويس

سهر : بنتي .. بنتي فين وتبقا مين .. انطققق

سليم : بنتك تبقا .....

الباب اتهبد وعادل مسك سهر وزين طلع يجري ع قمر وحازم راح يفك سليم

زين بيفكها : انتي كويسة .. حصلك حاجة

قمر بتعيط وبتترعش : زين .. زين متسبنيش .. كانت عايزة تموتني ..

زين : اهدي اهدي محدش هيعملك حاجة خلاص

سليم : انا اسف ياقمر ..

زين بعصبية : انت تخرس خالص انت فاهم ..

حازم : اهدي يازين

زين : اهدي ايه .. الي حصلها كله كان بسببه

سليم : انا عارف اني السبب انا اسف ليكم كلكم

حازم : مش وقته دلوقتي هات قمر وتعالي ورايا ___________________________________________________

اسر بفرحة : بتتكلم جد يازين .. طب هي عاملة ايه

ليل مسكة ف دراعه : قالك ايه قولل .. لقوا قمر ولا ايه انطق

هدي : طمنا يابني بنتي كويسة

اسر : اه لقوها الحمدالله وهي كويسة وهيجبها وجايين ع هنا

تونة : هيييييييه .. قمر جاية

هدي : الحمدالله يارب الحمدالله .. انا عاوزة اروح اشوفها

اسر : لا تروحي فين .. هو جاي بيها متقلقيش

_______________________________

قمر واقفة مش مستوعبة اللي حصلها وزين بيكلم ف الموبايل وواقف بعيد شوية وسليم واقف عينه ع قمر وزعلان من اللي حصلها بسببه .. سهر واقفة بعيد شايفهم وعادل ماسكها بس كان مركز في الموبايل بيكلم والدته يطمنها استغلت الفرصة .. بصيت ع السلاح اللي ف جيبوا ورجعت بصيت تاني ع قمر اللي واقفة لوحدها ..

*في حركة سرعة*

شدت السلاح وزقيت عادل ..وراحت ناحية قمر و زين شافها جري ناحية قمر وبيصرخ بينادي ع قمر .. اللي واقفة بتبص لسهر ومبتتحركش .. سهر وقفت ووجهت المسدس ع قمر

سهر : مش هسيبك تتهني لحظة ياقمررر .. ضغطت ع الزناد ... سليم شد قمر زقها بعيد والرصاص جه فيه هو ..

سهربصدمة رميت المسدس : سليم لااا

عادل وحازم مسكوها وخدوا السلاح وركبوها العربية غصب وهي بتحاول تبعد وتروح لسليم

"سليم ع الارض غرقان ف دمه .. قمر وزين جروا ع سليم "

قمر بتعيط : سليم .. سليم رد عليا ..

زين : سليم انت كويس .. رد

سليم

سليم بيحاول يتكلم بصعوبة : ف .. فت .. ون

قمر : فتون .. مالها ياسليم

سليم : ب .. بنتي .. ف تون ..

زين بعدم فهم : اييه

قمر حاولت تستوعب كلامه اللي قالوا ل سهر و كلامه دلوقتي والجمييل اللي قالها عليه .. فهمت

قمر : فتون تبقا بنتك انت وسهر !!!

سليم هز رأسه : خا... ليي. . ب. الك .. م ..نها

قمر بتعيط : حاضر والله حاضر .. سليم ( غمض عينه )

قمر بخوف : سليم .. سليم رد عليا ... زين هو مبيردش ليه .. سليم قول حاجة .. سلييييم

_______________________________

عدت فترة ع اللي حصل .. ووصلنا ليوم افتتاح المشغل .. وقمر وليل وهدي وتونة واقفين ف وسط الحارة والناس والطبل الصعيدي والاغاني شغالة .. وتونة واقفة بترقص مع عربي .. والكل فرحان

ام سهير : الف مبروك يا ست قمر وربنا يزيدك كمان وكمان

قمر : الله يبارك فيكي ياام سهير .. ومتنسيش من بكرا القيكي هنا انتي اول واحدة هتشتغل

ام سهير : بجد ياست قمر .. ربنا يجبر بخاطرك ويفرحك يارب ويسعدك مع ابن الحلال اللي يستاهلك ..

هدي بصيت لقمر : يارب بقا

3 عربيات ورا بعض وقفت قصادهم

" الاولي نزل منها زين ومعاه بوكية ورد و معاه كريم واحمد واسر والتانية نزل منها سائر ونور

والتالتة نزل منها حازم و كنزي ونوجة وفريال "

نجلاء : مبروك ياقمر

كنزي طالعة تجري تحضن قمر : الف مبروك ياحبيبتي ..

نجلاء : .. براحة يابت بقا وانا هفضل ماشية وراكي اخد بالي منك .. ماتشوف مراتك

حازم : تعبت من الكلام معاها والله مكنتش هجيبها هي صممت

كنزي : شايفة ياقمر مكنوش عاوزين اجيلك واكون معاكي ف اليوم دا

قمر : هما خايفين عليكي

ياحبيبتي

كنزي : وانا عملت حاجة هو انا بخرج اصلا دول حبسني

نجلاء : ماهو علشان اللي ف بطنك ياحبيبتي .. قوليلها حاجة يافريال علشان انا تعبت مع البت دي

فريال : ياختي سبيها ع ربنا وخليها تفرح شوية هي مبتنزلش خالص

كنزي حضنت فريال : ياحبيبتي ياماما يانصفاني

نجلاء : بقا كدا ماشي ماشي

نور حضنت قمر : مبروك يا روحيي

سائر : مبروك ياقمر وعقبال كدا مايكبر ويبقا مصنع

قمر : يارب .. وعقبالك انت ونور ماتفرحونا بيكم بقا

سائر : قريب ان شاءالله

كريم :, مبروك ياقمر

قمر : الله يبارك فيك ياكيمو

تونة شدت كريم : تعالي نرقص يلا

كريم : نرقص ف الشارع !

تونة : اه يلا يلا

احمد : مبروك يابنتي .. متتصوريش فرحتي بيكي عاملة ازاي ..

قمر : الله يبارك فيك يااستاذ احمد .. انت عارف لولا وقفتك جنبي مكنتش وصلت للي انا فيه دا

احمد : انا معملتش حاجة جنب اللي عملتي مع نور وكريم .. واذا كان ع الفلوس ف دا حقك وامانة ابوكي كان شيلها معايا .. زمان والدك دلوقتي مرتاح وهو شايفك فرحانة ومتجمعة انتي وعيلتك كدا ..

قمر : الله يرحمه ويسامحه ..

احمد : وانتي سامحتيه

قمر ابتسمت : سامحته يااستاذ احمد ..

زين عطاها البوكية : مبروك ياقمر

قمر : الله يبارك فيك يازين .. حلو الورد

زين : عجبك

قمر ابتسمت : اه

ذكية قطعت كلامهم : ياستشي قمر ياستشي قمرررر الف مبروك ياستشي قمر

قمر : الله يبارك فيكي ياذكية

ذكية : اوعي لتشكوني زعلانة مني من اخر مرة .. لما البتش تشونة فتشحتش ديماغ الولا ابني ..

زين باستغراب : تشونة !!

ليل : دي اللي لفتتش نظرك بس الباقي عادي

اسر :دا في كمية تش تش ف الموضوع رهيبة

قمر ضحكت : لا ياحبيبتي مش زعلانة

ذكية : حبيبتشي حبيبتشي والنعمة .. الاه هو مين البهاواتش دولن

ليل : وانتشي مالك ياستشي انتشي ..

ذكية : خلاص ياستشي ليل مش عاوزة نعرف .. المهم ياستشي قمر هتيخلينا نشتغل في البتشاعة دهيي امتشا

قمر : انتي هتشتغلي ف المشغل وهتسيبي العجل

ذكية : لا طشبعا انا لا ممكن اسيب شغلنتشي العجل تي اابدا .. بس انا لقيت الكل هيشتغل قولت مجتشي عليكي يابت ياذكية وعلشان اكون مع ستاتشي الحارة كلنا مع بعضيتنا كدهو .. ولا انتشي بقا هتشكسفيني ومش هتشغليني معاكي

قمر : لا مش هكسفك .. انا هكلم عربي واخلي يشغلك معاهم

ذكية : ياحبيبتشي ياستشي قمر ... لولولولولييييي .. الف الف مبروكككك

ليل بتضحك : الستشي دي مسخرة .. ايه دا .. انا لساني حصله ايه .. يخربيتشها عدتيني

زين : خلصتشي ولا لسه

قمر ضحكت : انت كمان اتعديت

زين : تقريبا .. المهم انا كنت عاوز اعرف انتي هترجعي الشغل امتا ..

قمر باستعباط : شغل ايه

زين : لا والله .. لحقتي تنسي

قمر : اااه قصدك الشركة .. لا مانا خلاص قدمت ف شركة تانية واكيد هتقبل

زين : اكيد هتتقبلي .. دا ع اساس انك متعرفيش انك متقبلتيش اصلا

" الكل واقف يتفرج عليهم "

قمر رفعت حاجبها : وانت عرفت منين بقا .. اه تلقيك انت السبب .. انا كنت حاسة ان في أن ف الموضوع

زين : اه انا اللي كلمت صاحب الشركة وخليته ميقبلكيش .. وكل لما هتقدمي ف شركة هخليهم يرفضوكي .. وهتلفي تلفي وترجعي تشتغلي معايا بردك

" حازم و اسر مسكوا وكنزي وليل مسكت قمر ووقفوا قصاد بعض "

قمر بعصبية : طب ايه رايك بقا اني مش هشتغل معاك .. ومش هشتغل اصلا .. ولا اقولك انا هفتح شركة لنفسي ووريني بقا هتعمل ايه

زين بعصبية : هكسرها فوق دماغك ومش هتشتغلي غير ف شركتنا ياقمر ها بقا

حازم : استهدوا بالله ياجماعة ..

زين : انت مش شايف مبتسمعش الكلام ازاي

قمر بتشد نفسها : وانا اسمع كلامك ليه اصلا .. لا اله الا الله .. وانت ماللك

كنزي : براحة ياقمر هقع منك

احمد : عجبك انت وهي الناس كلها بتتفرج عليكم كدا

" قمر وزين بصوا حواليهم لقوا الحارة كلها واقفة اتكسفوا "

زين : .. انا اسف

قمر : وانا كمان اسفة

زين : بس انتي بردك اللي عصبتيني

قمر : تاني تاني !!

زين ابتسم : لا خلاص انا مش زعلان

قمر : وانا كمان مش زعلانة

زين : طب انا بحبك

قمر بتلقائية : وانا كمان بح .. ( بصتله ) ايه قولت ايه !

زين : انا بحبكك ياقمر .. تتجوزيني !

( قمر واقفة متنحة )

نور : اخيراا بقا

كنزي نطت وسقفت جامد

حازم : يخربيتك اثبتي

ليل : ماتردي ع الراجل يابنتي .. وخلينا نفرح بقا

اسر : ماتخلينا نفرح احنا كمان

ليل : لا داا لسسسسه بدررررررررييييييي اوي

اسر : يلهوووي

زين : ها قولتي ايه

قمر بصة لهدي اللي عينها اتملت دموع من الفرح .. ورجعت بصت ل زين وابتسمت : انا موافقة

تونة : هييييييييه

نجلاء : لولولولولولولييي .. وستات الحارة زرغطوا وراها

والكل واقف فرحان .

هدي حضنت قمر : مبروك ياحبيبتي مبروك

احمد : اخيرا يااخي هتنزح من ع قلبي بقا .. ( حضنه جامد ) مبروك ياحبيبي

والكل بيحضن ويبارك لقمر .. زين شد قمر : مش خلصتي مباركات .. يلا بينا بقا

قمر باستغراب : يلا بينا ع فين

زين : انتي مش وافقتي .. يبقا يلا بينا نطلع ع المأذون

قمر : دلوقتي !!!!

اسر : احنا ف عصر السرعة

زين شدها : اه دلوقتي يلا بينا.. ركبوا ع العربية والكل وراهم و الزراغيط والطبل مالي المكان .. والكل فرحان .. والحمدالله واخيرا اتجوزوا

___________________________________________

بعد مرور ست سنين ❤️

ليل واسر اتخرجوا واشتغلوا ف شركة الالفي مع بعض .. ولحد دلوقتي ليل مطلعة عين اسر وملففه وراها ولسه مش عاوزة تفرحوا هو كمان ياعيني عليك يااسر .. وسائر ونور اتجوزوا من تلت سنين .. بس لسه ربنا مكرمهمش ادعولهم بقا ... وهما الاتنين ماسكين شركات فاروق ومعاهم صافي .. اه صحيح صافي كمان اتعالجت وبقيت احسن بكتير من الاول .. وبقيت كويسة مع ليل واسر وبقوا قريبين من بعض وبتاخد رايهم ف كل حاجة .. و اتجوزت الدكتور عزيز بعد ماوقعته ف حبها من اول يوم شافها ف المستشفي ودلوقتي حامل ادعولها .. وفاروق حالته اتحسنت و بقا شخص كويس وندم ع اللي عملوا ف اخته بس فات اوان الندم خلاص .. سهر مستحملتش موت سليم وكل اللي حصل فيها واللي وصلتله وانتحرت ف السجن قبل مايتحكم عليها .. وكنزي وحازم جابوا فارس زي ما كانوا متفقين .. وبقا معاها لي لي كمان لسه بيبي .... وبنسبة لتونة ف هي كبرت وبقيت ف المدرسة مع كريم هي ف اعدادي وهو ف ثانوي ومبتفارقهوش لحظة لا ف المدرسة ولا في البيت .. واحنا كلنا بقينا عايشين في الفيلا مع بعض .. اما بقا بالنسبالي انا وزين اتجوزنا .. وجبنا بنتين توأم { تالا ❤️ تالين} .. وربنا كرمني وفتحت مصنع كمان جمب المشغل بس المشغل هو الاساس .. وكمان ..

زين : قمر ... قمر انتي بتعملي ايه

قمر : في ايه يازين بحكي للناس حكايتي

زين : ناس مين بس ركزي معايا شوية .. عاوزك ف موضوع

قمر : طيب هكملكم الحكاية بعدين ها .. ( بصيت لزين ) .. يلا احكي سمعاك

زين : بصي ياستي انا قررت افتح شركة تانية ايه رايك

قمر : وماله ياحبيبي .. حاجة كويسة وانا اكيد مش هعترض

زين : بس الشركة دي هتكون بعيدة عن شركات بابا .. بفلوسي انا يعني

قمر : وطبعا انت هتمسكها وتسيب شركات الالفي

زين : اه

قمر : لا انا مش موافقة طبعا .. ليه متكنش من ضمنهم .. وكمان بابا كدا ممكن يزعل .. انت عارف يازين ان هو بيعتمد عليك ف كل حاجة ف الشغل دلوقتي بعد ماتعب ومبقاش يشتغل كتير .. عاوز تسيبوا وتروح تشتغل لوحدك

زين : ياقمر افهمي انا مش هسيب شركات بابا بشكل كلي .. انا هقسم وقتي بين الاتنين منها هكبر الشركة بتاعتي ومنها هكون موجود ف شركتنا .. وبعدين اسر وليل هما موجودين كمان .. يعني مش سايب الشركة فاضية

قمر : لا بردك ياا زين .. انا مش عاوزة بابا يزعل منك

زين : طيب لو جبتلك موافقة بابا هتوافقي انتي كمان

قمر : لو وافق وكان راضي ومبسوط انا هوافق

زين : يبقا اتفقنا .. انتي مش راحة المصنع انهاردة

قمر : لا انا واخدة اجازة وكلمت عربي وطمني ان كله تمام هناك

زين : حلو وانا كمان انهاردة اجازة .. ايه رايك لو نخرج

قمر : لا ماهو انا واخدة اجازة علشان ارتاح ف البيت شوية مش علشان انزل

زين : تصدقي انا غلطان خليكي

_____________________________________

* في المدرسة *

كريم ف الفصل وتونة جت حطت ايدها ع عينه

تونة : انا مين

كريم : تونة مافيش غيرك

تونة : ماهو مينفعش يكون في غيري اصلا ..

كريم : طبعا .. المهم انتي عملتي ايه في الماث

تونة : ولا اي حاجة ومش فاهمة اي حاجة

كريم : ازاي يعني هو انا مش لسه مذاكرهولك امبارح

تونة : طار كله

كريم : يخربيتك هو لحق .. دا الميدتيرم الاسبوع الجاي

تونة : اعمل ايه انا قولتلكم مبحبش المذاكرة ووجع الدماغ وماث ومش عارفة ايه ..

كريم : لا ياتونة لازم تتعلمي ..

تونة : حاضر

كريم : ويلا ع فصلك بقا علشان البريك خلص خلاص

تونة : حاااااااضر

مشيت سرحانة وخبطت ف شلة بنات

البنت : مش تحاسبي

تونة : لامؤخذة ياختي مخدتش بالي

البنت بصتلها باستحقار ومشيت

تونة بتكلم نفسها : مالها دي .. ياخبرر انا نسيت اقول لكريم اني هتأخر انهاردة .. الحق اروح اقولو قبل المستر مايدخل

في الفصل .. كريم قاعد وشلة البنات راحتله وفيهم واحدة مبتسماله وماسكة اسكتش

داليا : اتفضل ياكريم .. ميرسي اوي

كريم : العفو .. نقلتي الحاجة

داليا : اه .. انا مش عارفة اشكرك ازاي والله .. مش عارفة من غيرك كنت هعمل ايه

تونة دخلت شافتها قريبة منه : ينهاركو اسود .. مين دي ياكريم

داليا بصتلها من فوق لتحت : انتي اللي مين

تونة : وانتي مالك انا مين .. انتي اللي تطلعي ايه يابتاعة انتي .. وايه موقفك مع كريم

داليا : انتي ازاي تكلميني بالاسلوب دا ..

تونة : انتي لسه شوفتي اسلوب دانا كل دا محترمة معاكي

كريم : اهدي ياتونة دي زميلتي وكانت واخدة الاسكتش بتنقل منه حاجة ورجعتهولي .. محصلش حاجة يعني

تونة : ياحنييين .. وهو مافيش غيرك تنقل منه .. ( شدت الاسكتش من ايد داليا ) .. وريني كدا ياحبيبتي الاسكتش دا .. فتحت لقيت مكتوب من جوا .. (بحبك ياكيمو ) .. ينهارررر ابوكي اسوود ( بصيت لكريم ) .. هو دااا. االي محصلش حاجة

كريم بخوف : والله مااعرف والله معملتش حاجة

تونة بعصبية : انت تخرص خاااالص .. دانت حسابك معايا بعدين ..

داليا مسكت ايد كريم : انت ازاي سكت كدا للمتخلفة دي ياكوكي

تونة : كوكك !! انتي لسه واقفة عندك .. مجرتيش يعني .. دانتي ليلتك سودة

صاحبة داليا : انتي مجنونة انتي متعرفيش دي مين .. دي بنت المديرة

تونة : دا انا هفتح دماغها هي والمديرة دلوقتي ( مسكت داليا من شعرها ) ... تعاليلييي بقااااا ياحبيبتي اعرفك انا مين

الفصل كله اتقلب وصحاب داليا بيحاولو يخلصوا داليا من ايد تونة .. وتونة بتزق اي حد يقرب منها

كريم : فوقي ياتونة ايه اللي بتعمليه دا

تونة : ابعد عن وشاااي

المدرس دخل : اييه اللي بيحصل هنا .. كلكم قدامي ع المديرة يلااا

_________________________________

تالا جاية بتجري : بابي .. بابي الحقني

زين وقمر : مالك ياحبيبتي

تالين جاية وراها بطوبة .. زين لمحها مسكها بسرعة

تالا : شايف يابابي .. عاوزة تحدف عليا ايه

قمر : ايه اللي انتي ماسكة دا ياتالين .. وبتجري ورا اختك ليه

زين : هي جابت الطوبة دي منين اصلا

تالين : هفتح دماغها علشان مش عاوزة تلعب معايا

قمر حطت ايدها ع صدرها : يلاهوووي

زين : دا يلاهوووين مش يلاهوووي واحدة ..

تالا : شايف يابابي شايفة يامامي .. دي لا يمكن تكون ماي سيستر ابدا ..

تالين : والله ماهسيبك يابت انتي

تالا استخبت ورا زين : الحقني يابابي

قمر مسكت تالين : تعالي هنا .. ايه الطريقة اللي بتكلمي بيها اختك دي .. وجبتي الطوبة دي منين

تالين بعصبية: ماهي بتك مش عاوزة تلعب معايا

قمر : ماهي !

زين : وبتك .. وانتي يابتها مش عاوزة تلعبي مع اختك ليه

تالا : يابابي دي عاوزنا ننزل الجاردن ونلعب ف الارض ونمسك التراب بايدينا .. وانا نيڤر اني العب ف الحاجات دي واوسخ هدومي .. انا بحب العب بباربي والعابي الجميلة ف اوضتي .. مش زيها

تالين : ومالي انا بقا يابت يامسهوكة .. دانا هقطع شعرك ف ايدي

شاهد أيضًا

رواية بنت اغاريس الفصل الثامن عشر 18 بقلم سمية عامر

رواية لعلك منجدي الفصل التاسع عشر 19 بقلم الاء محمد

رواية حبيبتي المجنونه الفصل الحادي عشر 11 بقلم ميساء عنتر

رواية احببت طفلتي الفصل الرابع 4 بقلم مروة جلال

رواية ضحية عنيد الجزء الثالث الفصل السادس 6 بقلم ماهي احمد

رواية احببته فجرحني الفصل الخامس 5 بقلم حبيبه محمد

زين بجدية : ايه الكلام والطريقة دي ياتالين !! ازاي تكلمي اختك كدا ومين علمك الكلام دا .. اومال مدارس ايه اللي بتروحيها

تالين عيطت : انا عاوزها تلعب معايا

قمر : براحة عليها يازين .. متعيطيش ياحبيبتي .. قوليلي جبتي منين الكلام دا

تالين : من خالتي تونة

زين : اللللله .. وانا اللي مستغرب .. مافيش غير مصيبتنا الكبيرة .. عوجت لسان البنت ..

قمر ضحكت

زين : انتي بتضحكي فرحانة .. اهي بنتك هتفتح دماغ اختها .. هو دا اللي استاذة فتون علمتهولك ياحبيبتي

تالين : لا يابابا خالتي تونة قالتلي اللي يزعلك يابت ياتالين افتحي دماغه بطوبة بس كدا .. مقالتليش اختك

زين : لا ياشيخةة .. قمرر من انهاردة تالين متخطلتش ب تونة ابدا لحد مانظبطلها لسانها دا .. وتنسا كلام تونة

تالين : لا بقا انا بحب خالتي تونة

زين : وانا قولت مافيش تونة .. وروحي ع اوضتك يلا

تالين مشيت وهي بتدبدب ع الارض برجلها : يووووووة ..

زين : تاللييين .. تعالي هنا

تالين : عاوز ايه ياجدع انت مني

تالا : اوههه ماي جاد

زين بذهول : جدع انت وعاوز ايه !!

قمر مقضيها ضحك

زين بعصبية : انتي بتضحكي

قمر بتحاول متضحكش : عيب كدا يا تالين .. دا بابي بردك وضحكت تاني

زين : دانا هنفخك انتي وبنتك

قمر : وانا مالي انا

زين : اصبري عليا. .. وانتي متخرجيش من اوضتك طول ما فتون موجودة ولا تروحلها .. واياكي اشوفك ماسكة طوبة ف ايدك او بتلعبي ف التراب فاهمة

تالين مشيت بعصبية : ماشي ماشي .. والله لافتح دماغكم كلكم اصبروا عليا

زين : شايفة بتقول ايه .. قمر ركزي مع البنات شوية .. ولما تيجي كمان الزفتة تونة دي .. هتدمرلي البنت ..( قمر بتضحك ) انتي بتضحكي لسه عجبك اللي تونة عملتو

قمر : مالها تونة دي عسل .. وبعدين انت زعقت لواحدة وسايب التانية

تالا : انا معملتش حاجة يابابي

قمر : انتي .. دانتي سوسة .. هو مش هيزعقلك انا هزعقلك .. تاني مرة متعامليش اختك كدا .. ومتزعلهاش والعبي معاها

تالا : مش بحب العب ف التراب انا

قمر : خلاص ياحبيبتي ابقي لعبيها معاكي باللي بتحبيه مفهوم

تالا : اوكيه

زين : قمر ركزي مع البنات لو سمحتي

قمر : حاضر

عايدة جاية تجري : ياست قمر .. ياست قمر الحقي

قمر : في ايه ياعايدة

عايدة : المدرسة كلمتني وقالتلي انهم عايزينك ضروري ..

قمر : عايزيني ضروري .. خير ايه حصل تونة جرالها حاجة

عايدة : بيقولو انها اتعاركت وهي عند المدير وعاوزين ولي امرها ..

زين : الللله اكبرررر

قمر : اتعاركت ليييه

عايدة : والله معرف ياست قمر .. روحي بنفسك وشوفي

قمر : طيب انا هلبس بسرعة وراحة

زين : استني هنا هتروحي فين

قمر : هروح اشوف فتون يازين

زين : انا مش لسه قايلك خلي بالك من بناتك .. هتمشي وتسبيهم كدا

قمر : وفتون بردك بنتي زيها زيهم وانت عارف كدا كويس يازين

زين : طيب اهدي .. انا هروح اشوفها وخليكي انتي مع البنات

قمر : ماشي بس طمني ليكون حصلها حاجة

زين : حاضر

________________________________________

المديرة : ممكن افهم ايه اللي حصل

المدرس : حضرتك انا دخلت الفصل لقيتهم بيضربوا بعض ومعرفش ايه السبب

المديرة : انتي مين

تونة : انا فتون

المديرة : في سنة كام انتي

تونة : في 2 اعدادي

المديرة : وايه اللي خلاكي تروحي عند ثانوي .. وكمان تمدي ايدك عليهم

تونة : البت دي متربتش وانا كنت بربيها

المديرة : اخرسي بنت قليلة الادب .. ازاي تقولي ع بنتي كدا ..

تونة : ماهي كلمة الحق بتزعل

المديرة : ايه اللي حصل ياداليا اتكلمي

داليا بتتصنع العياط : انا معملتش حاجة ياماما .. انا كنت واخدة اسكتش كريم انقل منه وبرجعهولوا .. لقيتها هي اتهجمت عليا ضربتني من غير سبب

تونة : لا ياشيخة اتهجمت عليكي من غير سبب .. انطقي يابت بدل مااجيبك من شعرك تاني وامك اللي هناك دي مش هتعرف تخلصك من ايدي

داليا : شايفة ياماما بتقول ايه

المديرة ضربت ع المكتب بايديها : بس انتي وهي .. وانتي ايه الاسلوب والطريقة البلدي اللي بتتكلمي بيها دي .. ازاي طالبة ف مدرستي بالاسلوب دا ..

تونة : هنسيب بقا الموضوع الاساسي ونمسك في اسلوبي ..

المديرة : وهو فين الموضوع اصلا .. البنت خدت من زميلها الكشكول بتاعه .. انتي بتدخلي ليه

تونة : ماتشوفي ياابلة بتك كاتبة ايه لكريم ف الاسكتش وبعدين اتكلمي

المديرة فتحت الاسكتش وبصيت لبنتها .. : ماله مافيهوش حاجة ..

تونة بعصبية : ازاي يعني انا متاكدة ان فيه وكانت كاتبة بحبك ياكيمو .. هاتي وانا اوريكي

المديرة : وانا قولت مافيش حاجة مكتوبة .. خدي الكشكول دا يامِس رحاب ..

كريم : بس فتون مبتكذبش وكان مكتوب فعلا

المديرة : كريم ياحبيبي انت ايه موقفك هنا .. اطلع ع فصلك

كريم : انا مش هسيب فتون

المديرة : مالهاش لازمة وقفتك هنا.. انا هخليها لحد مايجي ولي امرها .. داليا ياحبيبتي خدي صحابك وكريم و روحي ع فصلك ..

تونة بعصبية : اااه دانتو مطبخينها بقا ... طب والله لافتحلك دماغ بنتك ولسه بتهجم علي داليا كريم مسك تونة والمديرة وقفت قصاد بنتها

المديرة : انتي اتجننتي ايه اللي بتعمليه دا .. فين ولي امرها .. انا هرفضك ومش هخليكي تدخليها تاني ..

تونة : يعني هترفضيني من البيت الابيض .. اوعا ياكريم والله ماهسيبهم

المديرة : اخررررسي قولت .. انتي شكلك مالكيش اهل و مشوفتيش تربية ف حياتك كلها ..( تونة الكلام وجعها ودمعت هي فعلا مالهاش اهل ) .. وانا هوريكي ازاي تعملي كدا ف بنتي

السكرتيرة : زين بيه .. ولسه بتكمل كان زين دخل ع صوت المديرة ..

المديرة عدلت من نفسها : زين بيه اتفضل .. اهلا وسهلا .. ليه كلفت نفسك وجيت .. كريم معملش حاجة دي هي البنت دي .. ومتقلقش انا خليتهم يبلغوا ولي امرها وزمانه جاي دلوقتي

زين : انا ولي امرها

المديرة بصدمة : حضرتك ولي امرها !

زين : اه انا ولي امرها .. فتون عملت ايه

المديرة : لا معملتش دا سوء تفاهم بس ..

زين : وسوء التفاهم دا يستدعي ان حضرتك تقوليلها مالكيش اهل ومشوفتيش تربية !!

المديرة : استاذ زين .. البنت اسلوبها وحش و ..

زين : دا ميدكيش الحق انك تعاملي طالبة بشكل دا .. وحضرتك كلمتينا يبقا تستني لحد مانيجي وتعرفينا واحنا نعاقبها العقاب اللي تستحقه مش تهينيها انتي ..

المديرة : طيب يااستاذ زين مش تفهم الاول اللي حصل .. البنت ضربت زميلتها قدام الفصل كله و

زين : ضربتها ليه بقا

المديرة : من غير سبب

تونه : دي بتكدب يازين والله وبتداري ع بنتها

المديرة : شايف الاسلوب يااستاذ زين

زين بص لفتون : ممكن متتكلميش طول مانا واقف

تونة : حاضر

زين : كريم احكي اللي حصل

"كريم حكي كل اللي حصل"

المديرة : بس انا شوفت بنفسي يااستاذ زين ومكنش في حاجة مكتوبة

زين : طيب انا عاوز اشوف انا كمان ايه اللي في الاسكتش

المديرة اتوترت : مش موجود .. انا عطيته للمس

زين : بسيطة خلي المس تيجي وتجيب الاسكتش ونشوف مين غلطان .. ولو فتون لوحدها غلطت انا هسييك تعاقبيها وانا كمان هعاقبها .. بس لو الاتنين غلطانين بنت حضرتك كمان هتتعاقب

المديرة : المس مشيت خلاص

زين : جميل .. انا بقا عاوز اسحب ورق كريم وفتون دلوقتي ..

____________________________________

صافي : انتي يابنتي هنا وانا قالبة عليكي الدنيا

ليل : انتي ايه اللي نزلك مش الدكتور قالك بلاش حركة كتير

صافي : اسر كلمني وع اخره منك .. انتي ايه يابنتي جبلة ماترحمي الولد بقا عاوز يفرح

ليل : هو اشتكالك مني .. طيب مافيش حاجة بقا قبل سنتين بس كدا

صافي : يلااااهوي لا حرام عليكي والله هولد بسببك

ليل بتضحك : انا مش فاهمة انتو مستعجلين ع ايه بس

صافي : مستعجلين ع ايه ؟؟ فوقي يا ليل انتو داخلين ف 6 سنين مخطوبين ..

ليل : وايه يعني مانكملهم 10

اسر دخل : نعععم .. ( صافي اتخضت ومسكت بطنها كأنها هتولد وليل استخبت وراها ) .. عشر ايه .. انا سمعت صح .. قالت 10 سنين

صافي : لالا انت سمعت غلط .. دي بتقول 10 شهور

اسر بعصبية : ولا 10 ايام حتي

ليل : يعني ايه يعني هتتجوزني غصب

اسر : بقولك ايه متجننيش عليكي .. 6 سنين يامفترية وف الاخر تقوليلي غصب ..

صافي : هولد هولد

ليل : صلي ع النبي دانا بهزار معاك .. انت بقيت قفوش ليه كدا

اسر : دانا كان زمان معايا علي و ملك دلوقتي

ليل : مش للدرجادي

اسر بعصبية : انا رايح دلوقتي ابلغهم ان الفرح بكرا .. ويويلك لو سمعت منك اي اعتراض انتي فاهمة

ليل بخوف : فاهمة فاهمة ( اسر مشي )

ليل استوعبت : ايه دا هو قال بكرا ؟

صافي : اه

ليل : بكرا .. بكرا يعني .. استنا يااااسرررررر نتفاهم طبببب

______________________________________

قمر : تونة ياحبيبتي .. ايه حصل .. حد عملك حاجة ..

زين : ودي حد يعمل معاها حاجة دي .. دي ضاربة بنت المديرة واصحابها شوية كانت هتضرب المديرة نفسها

تونة : كان نفسي والله

قمر : ليه كل دا

زين شاور ع كريم : علشان خاطر البيه .. بس متقلقيش هي المديرة لما عرفت ان فتون تبعي اتعدلت .. وحلينا الموضوع ف الاخر .. لو كنتي انتي روحتي كان زمانها طردت تونة

قمر : في ستين داهية وادخلها مدرسة احسن منها

كريم : لا بس انا مكنتش اعرف ان تونة بتغير عليا اوي كدا

تونة قامت زي المجنونة : اااااه فكرتني .. تعالالي بقا انت كمان ..

كريم استخبي ورا زين : ايه في ايه والله ما عملت حاجة

تونة : بتدييها الاسكتش ليه ... انا مش مفهماك انك متقربش لواحده علشان مولعش فيك وفيها

كريم : حصل

تونة : اووومال مبتسمعش الكلااام ليييه

قمر : صلي ع النبي ياتونة ياحبيبتي .. معلش سامحيه

تونة : هههاييي اسامحه .. دا يومه ازرق .. بقا البت تقولك ياكوكي وبحبك ياكيمو ..

زين بص لكريم : هي البت قالتلك كدا بجد

كريم : اه

زين : ياواد ياكريم انت يامدوب قلوب البنات

كريم ضحك : اومال انت فاكر ايه .. دانا اعجبك اوي

زين : حبيب اخوك

تونة مسكت طبق كان قدامه : طب تعالالي بقا ياحبيب اخوك انت واخوك

كريم : والله بهزار بهزار

زين : دي هتفتح دماغنا احنا الاتنين دي ولا ايه .. لا انا عندي بنات عايز اربيها

قمر مسكتها : اهدي خلاص ياتونة علشان خاطري انا .. انتي هتاخدي ع كلامهم .. اطلعي ياحبيبتي غيري هدومك

زين : اه ونبي وانزلي لما اللي عليكي دا ينصرف ..

تونة : مااشي ماااشي .. ( حدفت الطبق ع الارض ناحية رجل كريم وكريم نط علشان ميجيش فيه )

زين : اخويا حبيبي حصلك حاجة

كريم : لا الحمدالله سليمة سليمة

قمر : وانت وهو ممكن تخفوا ع البت شوية بقا

كريم : والله ماعملتلها حاجة انا ف حالي

قمر : لا ياولا .. وايه حكاية كوكي دي

كريم : انا متفجأ زيكم والله .. عن اذنكم بقا اما الحق اروح اصالحها

زين : يخربيتك انت رايح فين .. دانا مصدقت انقذتك منها .. هتروح للموت برجليك

كريم : انا لو مروحتش وراها خلال خمس دقايق .. احتمال تولع فيا وفيكم وف البيت كله

زين : لا إذا كان كدا .. ف اتكل ع الله انت .. هتوحشني والله يااخويا

اسر : فين بابا

زين : بابا ف اوضته .. خير في حاجة

اسر : اه انا هتجوز بكرا

قمر وزين : نعععععم !!!!!

__________________________________

كريم : تونة استني

تونة : ايه اللي جابك ورايا .. مش انا مجنونة ووحشة وبتستخبي ورا زين مني .. عاوز ايه

كريم : انا بهزار ياتونة .. هو انتي في زيك .. اي نعم مجنونة فعلا .. بس ع قلبي زي العسل .. وبعدين مانا دافعت عنك قدام المديرة .. ودا اكبر دليل اني ماليش علاقة بداليا

تونة : انت بتذكر اسمها قدامي تاني

كريم : لا خلاص بقا متزعليش ياستي ها .. يلا دورك انتي بقا صالحيني ع الاهانة اللي اهانتهالي قدام زميلي اللي ف المدرسة وقدام زين وقمر

تونة : والله انا اصالحك .. طيب غمض عينك كدا ياحبيبي

كريم : دي شكلها هتبقا مصالحة حلوة اوي ..

تونة : اوي اوي ياحبيبي

كريم غمض عينه : ها يلا

تونة زقته ف البسين : ايه رايك بقا

كريم : يخربيت جنانك

تونة : ايه رايك ف المصالحة دي .. ابقا خلي داليا تيجي تطلعك .. ياكوكييي

__________________________________

كنزي : ايه دا حازم .. ايه رجعك بدري كدا

حازم : حضري نفسك علشان نازلين نشتري حاجات الفرح

كنزي : فرح مين

حازم : اسر وليل فرحهم بكرا

كنزي : بتهزاررر

فارس : هييييييه .. يعني هشوف تالين بكرا

كنزي: روح يافارس كمل الهوم ورك بتاعك وسبني اتكلم مع بابا

حازم : هوم ورك ايه .. مافيش وقت يلا اللبسي انتي وهو علشان نلحق

كنزي : نلحق ايه انا مش فاهمة حاجة

حازم : يلا بس وانا هفهمك ف الطريق .. بسرعةةة

كنزي : حاضر

________________________________

نور داخلة الفيلا : ايه اللي سمعتوا دا .. اسر هيتجوز بكرا

قمر : اه

نور : دا بيهزارو .. طب مقالوش من بدري ليه

قمر : لسه القرار طالع انهاردة

نور : لا دول مجانين

قمر : اخوكي مجنون لوحده هو اللي قرار .. انا اختي معملتش حاجة

نور : طب بابا قال ايه .. وهنلحق نعزم الناس امتا .. ولا نحضر نفسنا احنا .. والقاعة وكل دا هيترتب امتا

قمر : هو قال كل واحد يركز ع نفسه وبس وهو عامل حساب كل حاجة ..

نور : دا شكله مخطط من زمان .. وهيزنقنا احنا بقا .. بس والله فرحت .. اخيرا المجانين دول هيتجوزوا ..

قمر : الحمدالله علشان نخلص من زن اسر بقا

نور : المهم دلوقتي .. انا جاية اخدك انتي وتالا وتالين وطنط هدي وتونة علشان ننزل نشتري الفساتين مع بعض.. يلا اطلعي اللبسي وقوليلهم

قمر : حاضر

__________________________________

اسر : انتي قعدة بتعملي ايه

ليل : افندم عاوز ايه تاني .. مش عملت اللي انت عايزه وانا معترضتش

اسر : قدامي علشان نجيب فستانك

ليل : مش عاوزة انا هحضر كدا

اسر : بالبيجاما

ليل : اه بالبيجاما

اسر : ليل متعصبنيش ويلا اللبسي

ليل : فستان ايه دا اللي هختاره ف يوم مش فاهمة .. دا استحالة القي الفستان اللي بحلم بيه ف الساعات دول انت عاوز تكروتني بقا

اسر : تعالي بس وانا هجبلك اللي انتي عايزة وبتحلمي بيه حتي لو ف اخر الدنيا .. وعمري ماافكر اكروتك وبكرا هيكون احلي من مليون فرح اتمنتيه

ليل ابتسمت : ماشي اخرج علشان اغير هدومي

اسر : استني طيب اقعدي لما نكلم وليد

ليل : اااه صح وليد .. دا مش هيلحق يجي .. انا بقول نأجلها احسن

اسر : دا ف المشمش هتتأجل .. اترزعي هنا نكلموا متتحججيش

ليل : حااااضر

فتحوا الكاميرا

وليد : واحشنييي اوي والله العظيم .. عامل ايه

اسر : وانت والله واحشني ياصاحبي

ليل بتشاور بايديها : هاااي وليد عامل ايه

وليد : وليل كمان موجودة ..

اسر : اه ماحنا مكلمينك علشان نبلغك ان فرحنا بكرا

وليد بفرحة : بتتكلموا بجد .. اخيرا بقا قررتوا ..

ليل : والله هو اللي قرار لوحده

اسر : عقبالك انت كمان ماتقرر

وليد : لا انا خلاص كدا تمام .. مرضي الحمدالله

ليل واسر بصوا لبعض بزعل : الله يرحمها

وليد : يارب ( حاول يغير الموضوع ) ... المهم .. طبعا انتو هتعذروني اني مش هقدر احضر بس اوعدكم هنزل قريب وهجلكم

اسر : انا فاهم ياصاحبي متقلقش .. تيجي بالسلامة .. ان شاءالله

وليد : الله يسلمك .. طب اسيبكم انا بقا علشان اكيد وراكم حاجات كتير .. يلا سلام

اسر وليل شاورلوا بايديهم : بااااي

__________________________________

قمر بتخبط ع باب اوضة تونة : ممكن ادخل

تونة : لو كريم بعتك ف انسي .. انا مش عاوزة اكلموا خالص

قمر : من غير ماتتعصبي كريم مش بعتني .. انا جيالك ف حاجة تانية خالص

تونة : خلاص طلما مش كريم يبقا ادخلي ..

قمر : كنت عاوزة اطلب منك طلب صغير خالص

تونة : ايه هو ؟

قمر : بصي بصراحة كدا سائر كلمني و. .

تونة : من غير ماتكملي مش موافقة

قمر : مش لما تعرفي الاول

تونة : عارفة ياقمر .. الموضوع اللي بتكلميني عليه بقالك سنين ..وبردك مش بوافق عليه .. مش فاهمة بتفتحي تاني ليه

قمر : علشان دا حقك ياحبيبتي

تونة : لا دا مش حقي ياقمر

قمر : لا حقك ياتونة .. افهمي خالك عاوز يكفر عن اللي عمله ف اخته ويديكي كل نصيبها ويعوضك اللي معملهوش مع اخته

تونة : يكفر عن ذنبه بعيد عني .. انا ماليش علاقة لا بيه ولا باخته

قمر : ازاي مالكيش علاقة يا تونة .. انتي بنتها ياحبيبتي

تونة بعصبية : انا مش بنت الست دي ياقمر .. ومتقوليش كدا تاني .. لا يمكن اقبل الست 

البارت التاسع عشر الأخير من هنا