 |
جعلتني ملتزما بقلم بنت الصعيد |
الفصل السادس:
وصل ادم الشقة ضرب الجرس فتحت حبيبة واهلها كانوا مشيوا وشافت منظره وقلقت عليه ….أدم مالك في ايه
كان عينيه حمرا شكله معيط
راح اترمي ف حضن حبيبة وهي حضنته جامد أدم طويل جدا وعريض علي حبيبة فوشها كان مدفون في صدره ومش قادرة تتنفس ولا قادرة تخرج من حضنه من كتر ما حاضنها جامد وبعد حوالي دقيقة ولسة حاضنها حس ان ايديها سابته وحبيبة تقلت بين أيديه وهبطت
أدم بعدها لقاها مغمضة عيونها ومش بتفتح قلق اوي
اتجنن ايه حصلها كانت كويسة
أدم…… حبييييييييييييييبة
شالها ادم وحطها علي الكنبة وبدأ يفوقها وجاب برفان كان قلقان عليها جدا زي ماتكون بنته
وبعد فترة مش طويلة فاقت حبيبة ..ادم اطمن بس لسة كانت عينيه مليانه قلق
ادم….حبيبة انتي كويسة
حبيبة هزت راسها يعني ايوا
ادم بقا ماحبش يبين قلقه عليها…فقال.
ادم ….دانتي يا حورية طلعتي خفة اوي بقا من حضن واحد تنهاري مني كده ويغمي عليكي اومال لو كنت بوستك كنتي هتعملي ايه اكيد كنا هنطلب لك الاسعاف
حبيبة انصدمت من كلامه وحبت تبرر موقفها…..ادم انت فاهم غلط وربنا انا…..قطعها ادم وخلهاش تكمل
ادم…بس بس ما تحاوليش تبرري انتي مش قادرة تقاومي سحري انا عارف
حبيبة اتعصبت بقا وفضلت تضرب بايديها الصغيرة في صدر ادم ….انت ظالم ليه مش مديني فرصة اشرحلك
ادم بيضحك …ما تحاوليش مش هصدق
حبيبة اتعصبت بجد….وعلت صوتها…ادم انت كنت حاضني جامد وكاتم نفسي ما عرفتش اتحرك ولا اتنفس..بس دي كل الحكاية..
ادم ….بجدية ….انتي كويسة دلوقتي
حبيبة…امممم
ادم ….تمام قومي بقا حضري لي العشا مدام انتي كويسة
حبيبة ….وهي بتقوم…وحاضر
ادم مسك ايدها….انتي بجد كويسة
حبيبة هزت راسها يعني ايوا
رواحت تحضر العشا…ادم فونه رن
ادم ….عايز ايه
مروان….كده بقا يا ابو الندالة تسيب الحفلة كلها وتمشي من غير ما تقول
ادم ….مشيت من ام فقرك علي فقر صحابك ل
اللي دمهم يلطش
مروان فهم انه ادم مش عايز يحكيله اللي حصل مع رنا بس مروان اصلا كان مراقب الموقف كله وشاف كل حاجة…
مروان…بسهوكة….كده يا بيبي انا زحلانة منك خالص مالص ومخمصاك
ادم ….ضحك…..وانا اقدر برضو علي زعلك يا قلب البيبي
في اللحظة دي حبيبة دخلت تقول لادم العشا جاهز وسمعته وانصدمت بحزن
ادم….بصلها….طبعا لو حلفتلك بأي حاجة انه دا مروان صاحبي وبنهزر مع بعض مش هتصدقي …لذلك اتأكدي بنفسك وفتح الاسبيكر
ادم ….مروان كلم حبيبة
مروان….ازيك يا حبيبة مبروك ع الجواز ربنا يسعدكم انتي والبيبي ههههههه
حبيبة …ضحكت بصوت عالي ….وقام ادم قافل التليفون في وش مروان وقرب منها
ادم ….ممكن تعمليها صيلانت silent
حبيبة ابتسمت….هي ايه دي
ادم …ضحكتك اصلها بتقتلني بالبطئ
حبيبة ابتسمت وقالتله ….طب بطل غلبة وتعالي نتعشا
حبيبة مش غبية هي فاهمة كويس انه ادم لسة محبهاش بعده عنها دا مالوش غير تفسير واحد انه مش بيحبها بس هي مش هتستسلم هي ماشية بمبدأ الاية الكريمة قال تعالي:
( وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ (87))يوسف
ومبدأها هو لا يأس مع الحياه ولا حياة مع اليأس
اكلوا هما الإتنين وأثناء الاكل
حبيبة…..ادم ايه رأيك نعمل سباق مع بعض
ادم…..عايزة تجري دلوقتي يا حوية
بقلمي: ايزيس بنت الصعيد
حبيبة ابتسمت …لا مش سباق جري سباق حفظ قرآن
ايه رأيك نظبط المنبه علي نص ساعة نحفظ فيها اول خمس ايات من سورة البقرة
ادم بقلة حيلة …موافق
وفعلا بدأو يحفظوا وبدأ العد التنازلي لنص الساعة
بعد نص ساعة. استووووووووووب
حبيبة ….سمع بقا يا ادم
ادم بدا يسمع ويتهته ويوقف ويغلط وعك الدنيا
جه بقا دور حبيبة
سمعت بكل ثقة وماغلطتش ابدا
ادم …لا يا حورية انتي كده بتغشي انتي اما ذكائك خارق او كنتي حفظاها قبل كده
حبيبة….لاوالله يا ادم ما كنت حفظاها قبل كده
ادم ….اومال ايه السرعة دي كمبيوتر حضرتك
حبيبة ابتسمت…..ادم ممكن احكيلك قصة
ادم….احكي هو احنا ورانا حاجة
حبيبة …اسمع ابيات الشعر دي اللي قالها الامام الشافعي رضي الله عنه
(شكوت لوكيع سوء حفظي)(فارشدني الي ترك المعاصي)
(واخبرني بأن العلم نور) (ونور الله لا يهدي لعاصي)
ادم …التفسير بقا عشان صاحبك مش فاهم حاجة
حبيبة ابتسمت…..الامام الشافعي رضي الله عنه ربنا سبحانه وتعالي كان مديله نعمة وهي انه لو قرا صفحة من القرأن يحفظها تلقائي بعد قرأتها ..وفي يوم من الايام كان ماشي وقدامه كانت ماشية ست فضل باصص علي كعب رجلها
ولما روح البيت قرا صفحة من القرآن مرة واتنين وتلاتة وماقدرش يحفظها كالعادة ف راح لشيخه (وكيع) وحكاله عن عدم حفظه. ف وكيع قاله انه العلم دا نور من ربنا وربنا مش بيدي نوره للعاصي
سرح ادم في كلامها وقال ….هو انتي شايفاني ماشي بموت ف خلق الله يا حورية. دا انا غلبان ووديع وبصلي اهو
حبيبة….ادم ربنا بيقول في كتابه العزيز. {فَلَا تُزَكُّوا أَنْفُسَكُمْ هُوَ أَعْلَمُ بِمَنِ اتَّقَى} [32: النجم] والامام الشافي رضي الله رغم ايمانه وصلاح نفسه واخلاقه
كان ديما حاسس انه مقصر ف حق ربنا فما بالك ب احنا البشر العاديين نقول ايه ولا نعمل ايه تخيل الامام قال ايه
ادم باهتمام…… قال ايه….
حبيبة….قال.(احب الصالحين ولست منهم)
(لعلي انال بهم شفاعة ) (واكره من تجارته المعاصي)
(ولو كنا سواء في البضاعة)
تخيل رغم التزامه وايمانه كان حاسس انه مش من الصالحين
ادم بصلها……تصدقي بقا اني كان عندي حق لما سميتك حورية …انتي جميلة اوي يا حبيبة
حبيبة ابتسمت وقامت من مكانها ….تصبح علي خير يا ادم
ادم ماردش كان سرحان في حبيبة تركيبة غريبة جدا أحيانا تحسها طفلة بريئة ساذجة واحيانا انسة جذابة ومغرية واحيانا عالمة وبتقول حكم .وزوجة مطيعة وصاحبة وفية .يااااه اد ايه انا كنت مغمي عينيا ومش شايف الملكة اللي معايا دي حبيبة حورية بكل معني الكلمة …اما انتي يا رنا هعرف ما اخرجك من قلبي ازاي ..بعد تفكير وسرحان كتير دخل ادم اوضته ونام علي طول
______________________________
في الصبح في شركة الالفي
وتحديدا في مكتب مروان
كارما قاعدة ولابسة نضارة النظر بتاعتها اللي مخبية جمال عينيها وبتاكل سندوتشاتها…. دخل مروان
بقلمي:ايزيس بنت الصعيد
مروان…….صباح الخير مفجوعة هانم …
كارما……مش هرد
مروان….بصي يا كارما لو فضلتي بوضعك وكمية الاكل الرهيبة اللي بتفترسيها دي مش هنلاقيلك عريس هتعنزي يا كرملة
كارما……عيوطة اوي علي اقل حاجة بتعيط. ….عينيها دمعت
وقالت …..استاذ مروان …مروان افندي….مروان باشا
مروان….حيلك حيلك ايه افندي وباشا محسساني اني في فيلم من ايام الاربعينات
كارما ….انا حذرتك قبل كده ماتتكلمش معايا الا في حدود الشغل. ..دموعها نزلت
مروان حس انه زودها حبتين…..خلاص اهدي انا بهزر معاكي
كارما…بعصبية …..لا يا مروان انت مش بتهزر انت قاصد تفكرني بالغلطة اللي غلطتها زمان .انا كنت صغيرة وما كنتش عارفة الصح من الغلط وحضرتك ما قصرتش
مروان…..كارما انا مش فاكر انتي بتتكلمي عن ايه
كارما……انت كداب يا مروان وياريت تخرج من هنا ولا امشي انا
مروان….علي ايه خليكي قاعدة وانا هاخرج شوية وراجع تاني تكوني هديتي
خرج مروان من المكتب وهو بيقول لنفسه ….كبرتي يا كارما وعقلتي …شكلي هتعب اوي معاكي لغاية ما انسيكي الجرح اللي جرحتهولك زمان
&&&&&&&&&&&&&&&&&&
في مكتب ادم
ادم كان قاعد ومركز اوي ف شغله الباب خبط كانت رنا
ادم قال ادخل من غير ما يبص
رنا …..هاي دووومي
بقلمي: إيزيس بنت الصعيد
ادم …بص لرنا من غير ما يرد وبعد كده بص تاني ف الورق اللي قدامه
رنا قربت منه …اخص عليك يا دووومي مين اللي من حقه يزعل …بص كده يا دوومي انت عملت فيا ايه
مسكت ايد ادم وحطتها هلي على خدها مكان القلم اللي انضربته امبارح
ادم بص لقي خدها وارم وتقريبا بقها نزف دم
ادم بصلها ب وش خالي من التعبيرات …..اسف
رنا….انا سامحتك اعمل ايه بقا مش بعرف ازعل منك
ولسة هتبوسه قام بعدها عنه
ادم بهدوء…..اقعدي يا رنا عايز اتكلم معاكي
رنا قعدت
ادم …رنا هو احنا لو اتحوزنا وخلفنا وقلتلك علمي اولادي الصلاة والقرآن هتعرفي
رنا ….طب وليه اتعب نفسي يا دوومي مانا اجبلهم شيخ يعلمهم
ادم …طب وانتي مين هيعلمك
رنا…بعصبية….ادم انت البنت المعقدة دي عاملتلك ايه..عملتلك غسيل مخ بقيت كل ما تشوفني تقولي صومي صلي اتحجبي بقيت معقد زيها
بالظبط
أدم…..بنفس الهدوء ….حبيبة مش معقدة انتي اللي خرباها يا رنا
واثناء ما بيتكلموا دخلت حبيبة ومعاها علبة الغدا لادم
حبيبة ….السلام عليكم …أنا آسفة كنت فاكراك لوحدك أنا هستني برا لغاية ماتخلصي شغل
أدم ….حبيبة تعالي هي اصلا هتمشي…صح يا آنسة..
رنا …..اه فعلا أنا خلصت هو حضرتك المدام
حبيبة بابتسامة…..ايوا أنا
رنا…بخبث…طب ممكن تسمحيلي اشوف النجمة اللي خطفت أدم الالفي مننا
أدم…..هي مش بتكشف وشها للغربا
حبيبة …..أدم دي بنت زيي ….وقالت لرنا اكيد اسمحلك ورفعت النقاب
بقلمي :ايزيس بنت الصعيد
رنا انصدمت من جمال حبيبة اللي فوق الوصف من غير ميك اب
رنا…..بصت لادم وقالت وحشة هه
حبيبة …..نعم!!!!!!!
رنا …..قصدي اي بنت قصادك هتبقي وحشة يا قمر …يلا باااي….مشيت وهي لو في ايدها شوية مية نار كانت دلقتهم علي حبيبة
أدم …..أنا حاسس اني بتعبك علي طول يا حورية
حبيبة …..وانا بحب التعب دا اوي يا آدم
أدم ابتسم …..تعالي نأكل بقا بس بشرط أنا مش هاكل غير لما تأكليني انتي في بقي
حبيبة…بس كده دي سهلة اوي وانا موافقة
وأثناء ماقعدين بياكلو دخل مروان من غير ما يخبط هو متعود علي كده….مروان لمح وش حبيبة قبل ماتتخض وتنزل النقاب
مروان ….أنا اسف بجد ما كنتش فاكر انك هنا يا حبيبة
أدم ….عايز ايه يا زفت…وبعدين ايه حبيبة دي هي بتلعب
معاك في الشارع قلها يا مرات اخويا
مروان …… ما اقولها احسن يا مرات ابني ايه البيئة دي ..
مروان وطي عند ودن أدم وهمسه…..بس ايه صاروووخ خسارة في جاتك
أدم ….ماتحترم نفسك يا بني ادم
بقلمي:ايزيس بنت الصعيد
مروان …..بسهوكة أنا محترمة غصب عنك غصب عنك هه
حبيبة ما قدرتش تمسك نفسها من الضحك بس ندمت بعد كده هي مش متعودة تضحك بصوت عالي قدام حد بس غصب عنها
أدم بصلها بغيظ …..مش قلت اعمليها صيلانت silentيا حورية..ايه بيوزعوا نكت وانا مش واخد بالي ولا ايه
حبيبة بصوت واطي …. آسفة
مروان….الله اكل ما تخدوني اكل معاكم
حبيبة ….اكيد افضل انا اصلا ماشية عشان معطلش أدم
وقامت حبيبة لأنها هتمشي
بقلمي :ايزيس بنت الصعيد
أدم همس لمروان ….متهيألي الاحساس نعمة
مروان ….اممممم الاحساس نعمة بس انا محروم منها
&&&&&&&&&&&&&&&&&&&
خرجت حبيبة برا الشركة
لسة هتركب العربية مالقيتش السواق اللي أدم مشغله مخصوص ليها
بصت يمين وشمال مالقيتهوش لسة هتطلع الفون بتاعها عشان ترن عليه …لقت ايد جامدة بتمسكها وتشدها ناحيتها
حبيبة بصت بخوف شديد وقالت………هشام. ……….
يتبع…..
الفصل السابع:
خرجت حبيبة برا الشركة
لسة هتركب العربية مالقيتش السواق اللي أدم مشغله مخصوص ليها
بصت يمين وشمال مالقيتهوش لسة هتطلع الفون بتاعها عشان ترن عليه ...لقت ايد جامدة بتمسكها وتشدها ناحيتها
حبيبة بصت بخوف شديد وقالت.........هشام
هشام العدلي.....ايه يا حبيبة كده برضو اسافر شهر شغل ارجع الاقيكي متجوزة....نسيتي خطيبك ولا ايه اركبي يلا اركبي العربية...شدها من ايدها جامد حست انه ايدها انكسرت
حبيبة بدأت تبكي ومرعوبة من هشام لانها بتخاف منه موت
حبيبة....سيبني يا هشام سيبني الله يخليك انا مش خطيبتك وعمري ماكنت كده انت اتقدمتلي وانا رفضت ..بدأت تعلي صوتها...يا اداااااام ادااام
هشام.....انتي رفضتيني عشان مش بصلي صح
وبالنسبة لادم ايه امام مسجد ...ادم دا كان خاربها انا اكتر واحد اعرفه يلا اركبي وبلاش غلبة
بقلمي :ايزيس بنت الصعيد
في اللحظة امن الشركة شكو انه في حاجة غلط هما يعرفوا حبيبة من استايل لبسها لانه محدش بيدخل الشركة باللبس دا غيرها
اتصل واحد منهم علي آدم اللي نزل زي المجنون في اقل من دقيقتين
هشام خلاص هيدخل حبيبة العربية غصب عنها وهي بتقاوم علي اد ما تقدر وبتبكي وترتعش
ادم جي زي المجنون وصرخ... هشااااااااام
هشام بص لادم....اهلا اهلا بالعريس الشيخ ادم
بقلمي:ايزيس بنت الصعيد
ادم بيحاول يظهر برود اعصابه عكس اللي جواه ....مش عيب راجل يمرمط بنت عمه واخته كده في الشارع
هشام....قصدك بنت عمه وخطيبته
ادم ....هشام سيب حبيبة آدم الالفي بهدوء ومن غير شوشرة
مروان اتجنن من هدوء ادم....يا برودك يا اخي سيبني اخلص عليه
ادم منع مروان انه يتقدم خطوة واحدة ..هشام هتسيب حبيبة بالذوق ولا بالعافية...وياريت يا هشام عقدة النقص اللي عندك ناحيتي من ايام الجامعة تطلع حبيبة منها وخليها من راجل ل راجل
هشام ....مش ملاحظ يا ادم انك بتحكي كتير عن الماضي احنا ولاد انهاردة يا حبيبي شوف انت وصلت للقاع ازاي بعد ما كنت ف القمة من يضحك اخيرا يضحك كثيرا والعبرة بالنهايات وانت نهايتك قربت يا ادم في عالم الهندسة والمعمار...اوعي تفتكر اني مش فاهمك لا يا دوومة انا عارف ليه انت اتجوزتها بأمارة ارض الاحلام
بقلمي :ايزيس بنت الصعيد
ادم في اللحظة دي فقد كل اعصابه ومبقاش شايف قدامه وخرج مسدسه وضرب رصاصة في ازاز العربية بتاعت هشام
وقال بنبرة تخوف سيب حبيبة...ادم مرح وعسول بس لما بيتعصب بيتحول لشخص تاني
ادم عارف انه هشام بيخاف جدا من الرصاص من ايام الجامعة
وهشام عارف انه ادم مجنون وممكن يضربه في ايده او في رجله
عشان كده ساب حبيبة وركب عربيته ومشي
حبيبة جريت علي ادم وحضنته وكان جسمها كله بيرتعش وهو احتواها ومسد علي ضهرها
مروان ...ادم روح انت مع حبيبة وانا هحضر اجتماع الشركة مع عمو منير وبكرة احكيلك ع اللي حصل
بقلمي :ايزيس بنت الصعيد
ادم ..هز راسه بالموافقة...ولسة حبيبة ف حضنه ركبها العربية
وساق ع البيت
&&&&&&&&&&&&&&&&&&&&
في الشقة
حبيبة غيرت هدومها وخرجت في الصالة
حبيبة بتوتر....ادم انا هحضر الغدا
ادم كان لسة مضايق من كلام هشام...قالها ...اوك
حبيبة دخلت المطبخ ولسة هتمسك طبق قام وقع منها اتكسر ع الارض
ادم جري ع المطبخ لقاها بتعيط بصلها من غير كلام
حبيبة...بتعيط ....ادم ممكن تحضني
ادم ماصدق قالت كده وشدها دخلها في حضنه ومسد علي شعرها ..ومسك ايدها لاقاها مجروحة بسبب هشام شدها منها جامد
خرجوا من المطبخ
ادم....انا هاطلب اكل من برا
طلب ادم اكل واتغدوا وادم طهر الجرح لحبيبة وفضل جمبها اليوم كله صلوا مع بعض وقرالها قرأن وجه الليل بهدوءه وناموا ف سلام وصحيوا صلوا الفجر جماعة وادم طلب من حبيبة ماتجبلوش غدا تاني ع المكتب
الصبح صحي آدم وساب حبيبة نايمة لبس ونزل ع الشغل
&&&&&&&&&&&&&&&&&&
في الشركة
وصل آدم وراح علي مكتب باباه عشان يعرف تفاصيل الاجتماع لانه كان مهم جدا بخصوص مشروع ارض الاحلام
دخل آدم مكتب باباه لقي الحزن في عنيه ومروان قاعد عنده في المكتب ..ادم حس انه الاخبار ما تطمنش
ادم ....صباح الخير. ردوا الاتنين ..صباح النور
ادم ....ايه اللي حصل إمبارح في الاجتماع
والده.....بحزن....ادم كمال العدلي رفض انه ما يشاركش ف مناقصة ارض الاحلام وكمان رفض يدعمنا
ادم ....بص بصدمة وبعدها ضحك بصوت عالي
مروان ومنير قلقوا جدا علي ادم هما عارفين الشركة بالنسبة له ايه والهندسة دي مش مهنة عند ادم لا دي شغف
ادم ....تصدق يا بابا هو دا العدل فعلا...احنا اللي بدأنا بالشر معاه اتفقنا اني اتجوز حبيبة واطلقها عشان الشركة بس احنا مافكرناش في مشاعر حبيبة لما تطلق ولا فكرنا في والدها اد.
ايه هيكون مكسور عشان بنته بذمتك يا بابا ترضاها لكارما ..
ترضي انه حد يستغلها كده لذلك اللي عمله كمال العدلي كان عين العقل
منير ....بحزن ...عندك حق يا ادم انا كنت اناني اوي ....طب والعمل يا ادم هنعمل ايه
بقلمي :ايزيس بنت الصعيد
ادم ...هنقطع التصاميم
مروان ...انت اتجننت وليه ماندخل بيهم في المناقصة ويمكن ننجح
ادم....انت نسيت يا مروان انه كمال العدلي شاف التصاميم كلها ومش بعيد يكون نسبها لنفسه توقع اي حاجة يا مروان
منير....طب والعمل
ادم ...انا هاتصرف....هاعمل تصاميم جديدة
مروان....انت اتجننت يا ادم دانت لو اشتغلت ليل نهار مش هتقدر تخلص المشروع خلال اسبوع
ادم بتحدي ...هاقدر...وسابهم ومشي وتقريبا خاف تنزل دمعة منه قدامهم فيبان أنه ضعيف وخايف من جواه
عدي اليوم في الشركة بكأبة وحزن كان من اسوء الايام اللي عدت ع الشركة آدم خلص شغله العشاء كده ومشي علي طول ع البيت
&&&&&&&&&&&&&&&&
في شقة ادم
ادم وصل البيت وكان باين عليه اوي انه مضايق
حبيبة ....حمدلله ع السلامة يا ادم
ادم بصلها .....حبيبة انتي ايه حلمك بالنسبة للكوكب اللي انتي عايشة عليه....يعني ايه ناقص العالم عشان يبقي جميل
حبيبة ...غمضت عين وفتحت عين وقالت.اممممم ..السلام
متهيألي العالم لو فيه سلام هيبقي افضل بكتير من غير كره أو حقد أو عداوة أو حرب
أدم قال بتركيز وصوت واطي ....السلام
وبعدين قال.....حبيبة ادخلي جهزي شنطة هدومك
حبيبة..............
&&&&&&&&&&&&&&&&&&&
في الديسكو
رنا وميرنا سكرتيرة أدم وصاحبة رنا قاعدين بيتكلموا
رنا ......انتي بتتكلمي جد يا ميرنا يعني كمال العدلي رفض يدعم أدم اععععععععع مش قادرة أصدق دا اجمل خبر سمعته ...كده أدم هيخلص من حبيبة الزفت دي
ميرنا .....يا بنتي دا انهاردة الشركة كانت اخر كأبة تقولش ماتلهم حد الكل كان مضايق
رنا...ب شر..كده احسن عشان أدم يرجعلي تاني ويترجاني اني اسامحه
&&&&&&&&&&&&&
في شقة أدم
بقلمي :ايزيس بنت الصعيد
حبيبة .....ليه يا آدم هاروح فين
أدم ....بصي يا حبيبة أنا هبقي مشغول جدا الفترة اللي جاية والاكيد اني هبات ف الشركة أنا وكل المهندسين
لذلك مش هطمن عليكي غير وانتي عند اهلي في الفيلا ادخلي جهزي شنطتك ويلا عشان هوصلك فيلة بابا
حبيبة ...حاضر بس انت هتقعد كتير في الشركة
أدم ...لا اسبوع بس
حبيبة ....اوكي .أنا هدخل اجهز الشنطة
وفعلا حبيبة جهزت شنطتها واخدها وصلها بيت أهله وطلع ع الشركة لقي المهندسين مستنينه وبدأ رحلة العمل الجاد
&&&&&&&&&&&&&&&&&
الموضوع عند حبيبة مختلف تماما
كارما طايرة من الفرحة عشان حبيبة عندهم ..وقالت لها أنهم لازم يسهروا لغاية الصبح
دخلوا المطبخ وعكوا فيه وعملوا اكل ونسكافيه
ودخلوا التراث كان الجو جميل جدا
حبيبة كانت سرحانة ...ياتري يا آدم عامل ايه دلوقتي أكلمه في الفون ولا هعطله
فاقت علي صوت كارما
كارما.....حبيبة انتي عمرك حبيتي
حبيبة ....اممم حبيت . كارما ......كان سنك اد ايه
حبيبة .....كان سني ٢٤سنة يعني السنة دي
كارما ......قصدك أدم اخويا انتي عمرك ما حبيتي غيره
حبيبة ....بصي يا كارما الحب دا مشاعر حلوة اوي بتخلي الواحد طاير في السما بس لازم تعرفي انك مش مسموح لك انك تظهري مشاعرك دي غير للشخص اللي من حقه انك تظهريها يعني ماينفعش تحبي شخص غريب وتصارحيه بحبك ليه وتتمادوا في الحرام
كارما سكتت وعينيها اتملت بالدموع
حبيبة ....كارما افتحي لي قلبك أنا ديما حاسة انك مش مبسوطة وفي حاجة مخبياها نفسك تقوليها لي
كارما اتنهدت ....حبيبة انا بحب مروان صاحب أدم
حبيبة ....طب وقلتيله
كارما ......في موقف حصل قبل ما يسافر مروان لندن الموقف دا جارحني منه وهو اصلا مش بيحبني بس ماكانش المفروض يجرحني بالطريقة دي ويخوفني
حبيبة .....هو ايه اللي حصل يومها
&&&&&&&&&فلاش باااااااااااااك &&&&&&&&&&
من اربع سنين فاتت
كارما كانت في أولي ثانوية عامة
مروان كان مسافر ف جه يودع عيلة أدم اللي بيعتبرهم زي عيلته بالظبط
ودعهم كلهم بس كارما كانت بتذاكر ف أوضتها
دخل مروان اوضتها لانه عندهم مروان زي أدم
مروان ...كرملة أنا هسافر هتوحشيني يا اروبة شدي حيلك وذاكري
كارما......انفجرت من العياط ....مروان ما تسافرش أنا مش هقدر اعيش من غيرك أنا بحبك يا مروان عشان خاطري خليك ما تسافرش
مروان انصدم من اعتراف كارما الجرئ دا قام مسكها من قفاها كأنه قافش حرامي غسيل وقال بنبرة حادة
مروان......بقا انتي يا مفعوصة يطلع منك دا كله وديني يا كارما لو قلتي الكلام دا لاي ولد تاني لأكون قايل لادم واخليه يقتلك
ولعلمك هامشي وراكي واحد عشان لو شافك بتكلمي اي ولد يبلغني
كارما ..بدأت تعيط جامد .....خلاص يا مروان أنا آسفة اعتبرني ماقولتش حاجة بس ما تقولش لادم عشان خاطري.
#بقلمي_ايزيس_بنت_الصعيد
&&&&&&&&&&&&&&&&&&&&&&&&
باااااااك
كارما .بدأت تعيط لمجرد أنها افتكرت الموقف قامت حبيبة حضنتها ومسدت علي ضهرها
حبيبة ......اهدي يا كارما اهدي يا حبيبتي .....تعرفي أنه مروان كبر اوي في نظري لما اتصرف كده ..هو اتصرف كده لانه خايف عليكي مش قصده يجرحك ابدا...طب انتي عارفة لو كان سايرك وقالك أنه بيحبك كان هيبقا ف نظري خاين لصاحبه ....صديقني يا كارما اللي عمله مروان دا هو الصح
#بقلمي_ايزيس_بنت_الثعيد
كارما ....تفتكري كده يا حبيبة ...بس انا كل ما بشوفه بتعصب غصب عني رغم اني لسة بحبه
&&&&&&&&&&&&&&&&&&&&
عند أدم في الشركة
أثناء ما الكل علي علي أعصابه والثانية لها قيمتها عندهم
أدم سمع اذان الفجر وقف وقال للمهندسين
أدم .....يا جماعة ناخد بريك بقا عشان نصلي الفجر
الكل في الشركة عارفين أدم الالفي بتاع بنات ومش بيصلي
كلهم بصوا لبعضهم وعلامات الدهشة علي وشوشهم
أدم باصلهم .......................يتبع
يتبع
عند أدم في الشركة
أثناء ما الكل علي علي أعصابه والثانية لها قيمتها عندهم
أدم سمع اذان الفجر وقف وقال للمهندسين
أدم .....يا جماعة ناخد بريك بقا عشان نصلي الفجر
الكل في الشركة عارفين أدم الالفي بتاع بنات ومش بيصلي
كلهم بصوا لبعضهم وعلامات الدهشة علي وشوشهم
ادم باصلهم وهما خافوا يهزأهم بس المفجأة بقا
ادم.....انا عارف انتوا بتفكروا ف ايه دلوقتى..ايوا انا ادم الالفي الهلاس اللي كان خاربها بس ربنا هداني الحمدلله هه هتيجوا معايا ولا اصلي لوحدي
كلهم وقفوا وصقفوا لادم وقالولوا معاك يا بوص(مدير )
كانوا اربع شباب زي الورد ومعاهم مروان هو فعلا محاسب بس جه يقف جمب صاحبه
بقلمي :ايزيس بنت الصعيد
قاموا وصلوا الفجر وبعدها رجعوا تاني يشتغلول بجد لغاية ما الشمس طلعت وبدأ الموظفين يوصلوا ع الشركة
الشباب تعبوا خلاص ناموا كل واحد في حتة ف مكتب ادم اللي ع الارض واللي ع كنبة ما عدا ادم كان هيموت وينام بس فضل يكمل تصميمه....بس مروان ضغط عليه جامد وخلاه ينام ساعتين
وبعد ساعتين وصلت حبيبة وكارما ومعهم اكل كتير ولوحات ومسامير وأدوات كتير بالعافية شايلنها
دخلوا مكتب ادم لقوا الشباب صحيوا وبيشتغلوا تاني وتقريبا لسة ما فطروش
حبيبة....السلام عليكم يا بشمهندسين
ادم رفع وشه يتأكد بس انه اللي سمعه صح وابتسم لما لقي حبيبة
كلهم ردوا السلام
حبيبة ...طبعا شكلكوا كده مافطرتوش انا جبتلكوا اكل كتير بس تسمحوا بقا تخرجوا برا عشان عايزين نعمل حاجة في المكتب
طبعا هما ماصدقوا خرجوا عشان يفطروا
وبدأت حبيبة كركبة وخبط في مكتب ادم وهو الفضول هيقتله عايز يعرف هي بتعمل ايه جوه
اكل ادم بسرعة قبل الكل عشان يراقب حبيبة واللي بتعلمه
فتح الباب بالراحة وبدأ يراقب حبيبة اللي عمالة تتشقلب يمين وشمال وراكبة علي كرسي وبتعلق لوحات
ابتسم ادم علي حبيبة اللي عاملة زي الشمس اللي بظهورها بتقتل الضلمة واليأس وتبعت الامل في قلوب الكل
دخل ادم بالراحة من غير ما حبيبة تحس به وفجأء حرك الكرسي اللي هي كانت واقفة عليه
بقلمي :ايزيس بنت الصعيد
حبيبة صرخت ولقت نفسها علي ايدين ادم اللي ضحك بانتصار...بصوا لبعض وهو كان مركز علي شفايفها وفي دماغه حاجة لسة هيعملها بس هوووب داخلة كارما
كارما ....احم نحن هنا
ادم....حبيبة مش قلتلك خلي بالك هتقعي هتقعي انتي ماسمعتيش الكلام كويس اني لحقتك قبل ما تقعي
بقلمي :إيزيس بنت الصعيد
حبيبة ابتسمت بخجل وما اتكلمتش بص ادم علي اللوحات وبدأ يقرا اللي كان مكتوب كانت آيات قرأنية محفزة زي
(وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ)
( إِنَّا لَا نُضِيعُ أَجْرَ مَنْ أَحْسَنَ عَمَلًا ).
(وَأَنْ لَيْسَ لِلْإِنْسَانِ إِلَّا مَا سَعَى *)
(وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ ).
وكمان حبيبة حبت تضيف التاتش بتاعها مهي دراستها انجلش بقا فكتبت عبارات تشجيعية علي لوحات بالانجلش زي
(Go on)استمر
(Go ahead)تابع التقدم
(You can do it)انت تقدر تعملها
(Adam, you are the best)أدم انت الافضل
أدم ابتسم لحبيبة وقرب منها أخدها في حضنه وباس رأسها
وقال....انتي اجمل هدية من ربنا ليا يا حورية قلبي
حبيبة سمعت الكلام دا وحست أنه هيطلعلها جناحات وتطير ..يااااااااه اخيرا يا آدم بدأت تحس بحبي ليك وتبادلني نفس الحب
&&&&&&&&&&&&&&&&&
في مكتب مروان
كارما قاعدة علي المكتب بتراجع حسابات و مروان كل تركيزه عليها
مروان....كارما.. كارما ....نعم
مروان....أنا اسف
كارما .....علي ايه
مروان ....علي كل جرح سببتهولك زمان من غير ما اقصد
كارما انتي كنتي صغيرة وحتي لو كنت معجب بيكي أو بحبك انا ما اقدرش أخون أدم ...أدم اكتر من اخويا
كمل بخبث بقا ....بس مافيش مانع دلوقتي اني اقول لاخويا اني عايز أخطب
كارما قلبها كان هيقف ياتري يقصدها هي ولا يقصد يخطب واحدة تانية
كارما ....تمالكت نفسها ....مبروك يا استاذ مروان فرحتلك
مروان حب يضايقها ....الله يبارك فيكي انتي طبعا اول المعازيم وغمز لها وخرج من المكتب (قصف جبهة)
&&&&&&&&&&&&&&&&&&
بقلمي :ايزيس بنت الصعيد
عند أدم
حبيبة .....أدم أنا لازم امشي دلوقتي عشان ما اعطلكش اكتر من كده
أدم .....شكرا يا حورية...انتي ادتيني طاقة كبيرة اني اقوم واحارب
حبيبة....أنا مش هسيبك ابدا يا آدم أنا جمبك انت مش لوحدك
أدم حضنها وقالها يلا بقا بطلي رغي ومتعطلنيش اكتر من كده خليني اوصلك للعربية
حبيبة ....اتعودت علي افشاته ف مزعلتش
وفعلا وصلها لغاية العربية واطمن عليها وبعدين رجع الشركة تاني
&&&&&&&&&&&&&&&&&
في مكتب أدم
أدم رجع لتصاميمه وغرقان فيها مش دريان بأي حاجة حواليه
بقلمي :ايزيس بنت الصعيد
الباب انفتح علي طول
رنا ....هاااااي دومي اقدر اعرف ليه مش بترد علي مكالماتي
أدم.....رنا ممكن تمشي
رنا ....ايه هي حصلت يا آدم بتطردني من شركتك
أدم ....رنا أنا مش فاضي لاي نقاش دلوقتي ممكن تمشي بجد
رنا ...أنا كنت جاية احاسبك علي كدبك عليا بقا تقولي أنه مراتك وحشة ويتخاف منها وتطلع صاروووخ اللي ما وريتك يا آدم.
في اللحظة دي أدم اتعصب ورمي القلم من أيده وقام وقف قدامها بالظبط
أدم..بيهددها..عارفة لو ما اختفتيش من وشي حالا يا رنا هخليكي تطلعي علي نقالة
رنا اترعبت من طريقته دا مش أدم اللي اتعودت عليه بس هو معزور شغله وشركته ع المحك من حقه بتجنن
رنا اتسهوكت......أنا ماشية يا آدم بس الحق عليا لأنك وحشتني جيت اشوفك
أدم .....اديكي شوفتيني امشي بقا
رنا مشيت وكانت هتفجر من الغيظ كانت متوقعة مقابلة تانية خالص واخبار حلوة زي أنه أدم مثلا يقلها أنه طلق حبيبة عشان والدها مارضيش يساعده
رنا خارجة مندفعة خبطت في مروان
بقلمي:ايزيس بنت الصعيد
مروان....بصلها بقرف......هما بيطلعوا امتي دول
بصتله هي من فوق لتحت وما اتكلمتش
مروان ......باشا...اخبار المبدع بتاعنا ايه
أدم ....اتنيل ...عايز ايه
مروان ....خايف اكون بعطلك لو هتكلم معاك
أدم رفع حواجبه وقال ...دا كلامك ولا مستلفه ايه من امتي الاحترام دا
مروان قرب علي أدم وقاله ....أدم انا كنت عايز حاجة غالية اوي عندك
أدم بصله بنص فتحة عين .....العربية الفيراري بتاعتي
مروان ....فيراري ايه بس يا دومة ركز معايا يا بيبي
عايز حاجة غالية عندك انت وابوك
أدم .....برق وقاله الشركة بتاعتنا
مروان.....يادي النيلة...شركة ايه بس انتوا عايزين اللي يتبناكم ويصرف عليكم
أدم ....ماتتكلم علي طول يا ابني انت شايفني في وضع يسمح للالغاز
مروان قرب من أدم ومسك أيديه أدم اتجنن من تصرفه هو شارب حاجة ولا ايه دا مش طبيعي
مروان ....عايز حاجة بنحبها أنا وأنت ...وقام غامز لادم
أدم صلب أيديه علي صدره علامة اكس وقاله ....لااااااا مش معني اني سامحلك تقولي يا بيبي وتقولك يا قلب البيبي تسوق فيها...أنا راجل متجوز وماليش ف السكة دي
مروان بصدمة.....انت فهمت ايه الله يخرب بيتك ..وبعدين ايه راجل متجوز دي هو لو ماكنتش متجوز كان عادي عندك
أدم ..بعصبية....والله هضربك يا مروان الكلب اخلص اتنيل احكي عايز ايه
مروان غمض عينيه واتنهد بصوت عالي وقاله ....انا بحب اختك كارما
أدم بصدمة.....ينهار اسود شفتها فين دانا هخلي ليلتك سودة
مروان ....انت مجنون يا عم انت مانا متلقح ف بيتكم أربعة وعشرين ساعة قال شفتها فين شكله فقد الذاكرة
أدم .....قصدي هي تعرف انت اتكلمت معاها
مروان.....لا متعرفش أنا جيت اخد رأيك الاول وبعدين عقولها
أدم ....لا انت متقولش أنا إلا اقول لأختي ..اياك يا مروان تكلم البنت طول ماهي ف مكتبك وديني اقتلك
ولعلمك بقا أنا هروح اجيب كاميرات المراقبة هنا في مكتبي
بقلمي : ايزيس بنت الصعيد
مروان ....ياعم اتلهي ..وخليك في تصاميمك هتودينا ف داهية باستهتارك دا... انت فاضي للكاميرات
عمتا اختك دي أنا اخاف عليها من نفسي ويا سيدي مش هفتح معاها اي حوار إلا بعد المناقصة أن شاء الله ..مرضي يا بيبي
أدم ....مش هرد واقول قلب البيبي دي تاني ...وبصوا لبعض وقعدوا يضحكون
(ربا اخ لم تلده امك) الصداقة من اجمل نعم ربنا علينا ف الدنيا
&&&&&&&&&&&&&&&&&&&&&
في شقتها
رنا بتكسر ف كل حاجة ...أنا هتجنن طب مروان انا اتعودت علي طريقته دي وبحبه رغم أنه بيكرهني بس أدم دا ماكنش يقدر يزعلني كان زي خاتم ف اصباعي ازاي بقا قاسي كده معايا وديني لاندمكم كلكم
اللي مخليتك تجيني راكع يا آدم ..وانت يا مروان اللي ماحطمت قلبك زي مانت حطمت قلبي اصبروا عليا
&&&&&&&&&&&&&&&
عدي اسبوع علي أدم وهو ليل نهار في الشركة بيشتغل بكل طاقته مش بيسأل لا في اكل ولا نوم بس حبيبة معاه ماسبتوش لحظة وهي اللي كانت بتهتم بأكله
اما مروان كان بيغصب علي أدم عشان ينام ساعتين ف اليوم
الكل اشتغل الكل تعب الكل قاعد علي أعصابه انهاردة اليوم الحاسم انهاردة اللي سعي هيلاقي سعيه اللي تعب ربنا هيكرمه أن الله لا يضيع اجر من احسن عملا
بقلمي :إيزيس بنت الصعيد
أدم ومنير ومروان استعدوا للمناقصة وطبعا في المقابل كمال وهشام العدلي علي أتم الاستعداد وتلات شركات كبار كمان مشاركين في مشروع ارض الاحلام
&&&&&&&&&&&
في جهة تانية
حبيبة بتصلي وبتدعي لادم من قلبها ومنهارة وبتعيط وهي بتدعي صعبان عليها وضع أدم وحالته اللي باين عليها الإرهاق الشديد وزهرة بتدعي لادم من قلبها قلب الأم بقا
وكارما بتحضر القناة ع النت اللي هتعرض البث المباشر المناقصة
الأنفاس محبوسة الكل علي أعصابه
&&&&&&&&&&&&&&&&
في المؤتمر طبعا الصحافة والتلفزيون في كل المكان
هشام جات عينه ف عين أدم وراحله عشان يهز ثقته بنفسه
هشام.....ابو نسب جبتلك علبة مناديل لزوم الخسارة هههههههه ضحك ضحكة مستفزة اوي
أدم بصله ومش قادر يخفي قلقه ..بس حافظ علي هدوءه علي اد ما يقدر وما ردش علي هشام اللي ضحك اكتر لما شاف نظرة أدم وقلقه
واخيرا بدأ العرض علي الدتا شو كان أول مشروع هو لكمال العدلي واللي أدم اتفاجئ أنها نفس تصاميمه اللي عرضها علي العدلي قبل كده ابتسم أدم وحس بسكينة ومضايقش لانه حماه سرق تصاميمه قال ف نفسه واحد بواحدة وأنه أدم كمان خدعه لما اتجوز حبيبة
وجه دور عرض أدم
المشروع كان عبارة عن كومباوند متكامل بكل تفاصيله مصمم بتصميم فريد جدا بحيث لو في طيارة عدت فوق الكومباوند هتلاقي العمارات بتشكل جمب بعضها كلمة (السلام )وهو دا حلم الكرة الأرضية
أدم اهتم ف تصميمه جدا بالمنقبات وكل مرفق من المرافق العامة كان فيه مكان خاص يالمنقبات والبنات اللي مش عايزة تختلط بالشباب المشروع كان مبهر جدا وتصميمه فوق أي تصميم من الخمسة اللي اتقدمه
المقدم .....النتيجة بعد خمس دقايق
الخمس دقايق دول كانوا كفاية جدا لقتل أدم مليون مرة من التوتر أيديه متلجة مروان مسك أيده وربط عليها
متقلقش يا صاحبي ربنا معاك
&&&&&&&&&&&&
في جهة تانية حبيبة انهارت في البكاء ايوا فهمت أنها هي مصدر الهام أدم.... أدم اخد حلمها السلام وخلاه نقطة المشروع الريئسية واهتم بالمنقبات عشان ياخدوا حرية اكتر
حبيبة....يارب انصر جوزي وحبيبي أدم
&&&&&&&&&&&&&&&&
اعلان النتيجة دلوقتي ...المذيع قال الكلمة دي
طلع ممول المشروع ع الاستيج وأعلن فوز شركة معمار الالفي بالمناقصة والشركة قررت ميزانية مفتوحة للمشروع
ليعلو صوت التصقيف الحار والأضواء توجه تلقاء أدم اللي مش قادر يقف ولا يتلم علي أعصابه .تعب سهر أبدع وربنا العدل لا يمكن يضيع مجهود عامل مبروووووووووك يا بشمهندس أدم
مروان حضن أدم وقومه اخيرا أدم قدر يسيطر علي أعصابه اللي بايظة خالص دي وقف بكل ثقة وسط تصفيق حار من الحضور ماعدا كمال وهشام اللي كانوا هيتجننوا هما كانوا مخططين حاجة تانية خالص كانوا مخططين أنهم يتهموا أدم أنه سرق تصاميمهم رغم أنهم هما اللي عملوا كده بس ربنا مع المظلوم اخيرا يا آدم حصدت كل اللي عملته
&&&&&&&&&&&&&&&&&&&
في الفيلا بقا البنات بسرعة علقوا زينة وجابوا العاب نارية ومستنين بطل الليلة اللي الحفلة دي علي شرفه
اخيرا وصل أدم واول ما نزل دخل الفيلا علي انغام اغنية
( انا الممكن)
تلاعبني الاعبها وبواجه الدنيا وبغلبها وتشكك
وانا واثق فيا واللحظه الصعبة بعديها
فراك وماليش مالكة لو حتي السكة ماهيش سالكة
استاذ في الشدة وبتعامل بسايسها وبقدر امشيها
انا سايق مركبي والكورة في ملعبي انا قدك يا حياه مهما تكركبي
انا ماشي في سكتي مهما هتوبخي
انا عارف قوتي فبراحتك خبطي
انا الممكن مش ممكن الصعب مني يتمكن
اناحرفي ما بغلبش تبعدني الدنيا مابتعبش
انا الممكن مش ممكن الصعب مني يتمكن
متمسك بالممكن انا قطر يجري ومايقفش
تضرب تقلب عادي تتشقلب تتسد قصادي
ف الدنيا هاتلويلي بوزها علي مين دانا ملك الحته دي
لابسلم ولا اطاطي مين يقدر يوم علي احباطي
انا زي الموج ماليش كتالوج كلمة لا مش في حياتي
انا سايق مركبي والكورة في ملعبي انا قدك يا حياه مهما تكركبي
انا ماشي في سكتي مهما هتوبخي
انا عارف قوتي فبراحتك خبطي
انا الممكن مش ممكن الصعب مني يتمكن
اناحرفي ما بغلبش تبعدني الدنيا مابتعبش
انا الممكن مش ممكن الصعب مني يتمكن
متمسك بالممكن انا قطر يجري ومايقفش
بقلمي :إيزيس بنت الصعيد
وصل أدم وبص لحبيبة وابتسم وفتح لها درعاته........يتبع
يتبع
الفصل التاسع
وصل أدم وبص لحبيبة وابتسم وفتح لها درعاته
حبيبة جريت ودخلت في حضنه
ادم رفع وشها وبص ف عينيها…..انا نجحت
حبيبة…..اللهم لك الحمد كما ينبغي لجلال وجهك وعظيم سلطانك
ادم…..بحبك
حبيبة حست برعشة ف قلبها ….بعشقك يا أدم
ادم باس جبينها….انتي ليه قاعدة برا لوحدك تعالي ندخل
حبيبة…..مش بحب اسمع اغاني يا ادم
ادم…..طب مانشغلش اغاني يلا ندخل نشغل اناشيد اسلاميه
حبيبة مسكت ايد ادم وحطتها علي بقها وهي معدولة وباستها وهو مسح علي راسها
بقلمي :إيزيس بنت الصعيد
وفعلا دخلوا الحفلة وبدل ادم الاغاني لاناشيد دينية
ادم كان مشغول مع الناس اللي بتهنيه
علشان كده حبيبة سابته ووقفت مع كارما اللي كانت بتهرب من نظرات مروان
&&&&&&&&&&&&&&&&&&&&&&
عند رنا وميرا
بقلمي :إيزيس بنت الصعيد
ميرا….انتي متأكدة انك عايزة تروحي معايا الحفلة بصراحة يا رنا انا خايفة تتحطي ف موقف محرج هناك
رنا …..بخبث……لازم اروح وابارك لادم علي نجاحه واكون جمبه في وقت زي دا واستخدم اسلحتي كلها عشان يعرف الفرق بيني وبين الخيمة اللي معاه
ميرنا…..دانتي دماغك دي ايه سمممم ..وضحكوا هما الاتنين
طبعا أسلحتها دي عبارة عن فستان جرئ جدا يظهر اكتر مما يخفي(اسمعي يا رنا ربما التبرج يجيب عريس بس الاكيد الحشمة هتجيب راجل بجد …ربنا يحفظنا ويفعنا جميعا)
&&&&&&&&&&&&&&&&&&&&
نرجع الحفلة
أدم واقف بيتكلم مع مهندس معاه في الشركة ف جاله الدكتور يوسف ابن عمه دكتور كيميائي بيشغل في شركة إنتاج أدوية ووقته من دهب ورسمي جدا
يوسف…مبروك يا باشمهندس أدم مزيد من التقدم إن شاء الله
أدم ….الله يبارك فيك يا دكتور يوسف نجاحي دا من بعض مع عندكم وحش الأدوية
يوسف ….بقرف….نعم !!!!..وحش!!!!
أدم ….اسف احذف وحش مش هتسلك معاك.. قصدي العالم الفزة يوسف الالفي ربنا يزيدك
يوسف.برسمية اوي..شكرا بصراحة أنا قلت اضرب عصفورين بحجر واحد انت عارف اد ايه أنا مشغول ووقته من دهب
أدم … طبعا عارف ربنا يعينك يا حبيبي
يوسف ….حبييي؟؟!!!.مع علينا ..بعيدا عن الفاظك السوقية دي يا باشمهندس كنت عايزك تساعدني اني اطلب ايد كارما
كريمتكم
أدم بدهشة ….هتطلب ايد مين فيهم كارما ولا كريمتنا
يوسف….هو دا غباء ولا استهبال
أدم ….استظراف …أسألك سؤال يا جو انت ازاي قادر تعيش مع نفسك كده هه قولي
يوسف…..زي مانت قادر تعيش مع ام ظرافتك دي (وااااااو قصف جبهة)
أدم برسمية….احم طيب يا يوسف أحنا هفكر ونرد عليك ف حوار كارما …روح انت امشي
يوسف ….وامشي ليه
أدم ….يا عم امشي روح الحق الدهب اللي بينقط من وقتك ….بااااي بيبي
يوسف….بدهشة …هو في كده
بقلمي :ايزيس بنت الصعيد
طبعا المشهد دا كله تحت انظار مروان
مروان قام راح ناحية أدم واداله بالبوكس ف وشه(لكمه ف وشه)
أدم….مسك بوقه. ….اااااه يابن المجنونة …هي دي مبروك بتاعتك
مروان …ماشي يا ندل بقا ابن عمك يطلب ايد كارما وانت توافق…ماقلتش ليه أنها مخطوبة
أدم ….بس كارما مش مخطوبة هي لسة ما وفقتش عليك
مروان …لا ما هي لو رفضتني انت اغصبها أنها توافق
أدم …هو الباشا عبيط ولا مجنون…اغصبها ليه ماسك عليا زلة حضرتك
مروان …ماهو عشان العيش والملح اللي بنا يا بيبي
أدم…..عيش وملح ايه طب عيش وكباب عيش وكفته ايه الحكمة ف الملح اللي ليرفع الضغط .وعمتا حتي لو عيش وكفته برضو لا
وأثناء ما بيتكلموا بص أدم لقي رنا جاية ناحيته ولابسة لبس استغفر الله العظيم لا داعي للوصف
مروان شافها ومسك أدم من كتفه….وقله عدي اليوم علي خير…ومشي
رنا وقفت قدام أدم ولسة هتبوسه وتحضنه بس هو بعد عنها بطريقة ذوق
رنا اتحرجت …بس اتكلمت بسهوكة…مبروك يا دوومي أنا بجد اسعد إنسانة انهاردة ..اخيرا هطلقها ونتجوز
بقلمي:ايزيس بنت الصعيد
أدم بهدوء شديد ….رنا بلاش نتكلم ف اي حاجة دلوقتي اكيد لينا قاعدة مع بعض ..اتفضلي ادخلي جوا انتي شرفتي
وسأبها ومشي عند حبيبة اللي كانت شايفة المشهد دا كله ومضايقة
أدم مسك حبيبة من خصرها. وهي شهقت وقالت …أدم عيب كده الناس بتبص علينا
أدم ببرود….وماله واحد ومراته حد ليه فيه …وبعدين الحرية زعلانة من ايه
حبيبة…أنا مش زعلانة مين قالك اني زعلانة
أدم شاور علي قلبه…وقالها ….دا
حبيبة….باندفاع…….مين دي
أدم …ماضي…اوعدك أنه مش هيأثر علي الحاضر ولا المستقبل إن شاء الله …أنا قلبي مافهوش إلا حورية واحدة وبس
حبيبة …ابتسمت وقالت له والحورية مش عايزة من ربنا غير قلبك يا آدم
أدم ….هو أنا لو شلت النقاب دلوقتي وبوستك هتزعلي
حبيبة….وهي بتبعد عنه لا بسيطة هضربك بس
أدم ….سابها تبعد عنه وحط ايديه ف جيوبه وقال مسيرك تقعي تحت ايدي
طبعا رنا كانت متابعة الموقف من أوله وحست ببركان غيرة جوه قلبها واحساس الانتقام عنها بيزيد يوم عن يوم
بقلمي :ايزيس بنت الصعيد
&&&&&&&&&&
في مكان تاني في الحفلة
كارما واقفة وماسكة طبق اكل وكوباية عصير
فاجئها صوت جي من وراها
مروان ….انتي يا مفجوعة هانم
بصلته كارما بصدمة..من غير ما ترد
مروان …تعرفي لو وفقني علي عريس غيري وديني لاقتلك واقتله يوم الفرح
كارما وبتحاول تستقبل كمية الصدمات اللي سمعتها..وبتكلم نفسها …عريس غيره يقتل. اوافق هو اتجنن …هو امتي اتقدملي اصلا يا لهويييي هو بيحبني
مروان …..ماتردي ولا خرستي
كارما …..انا مش عارفة أدم ليه مصاحب عاهات
مروان…..وانا مش عارف ازاي منير بيه مربي جاموسة ف البيت ماروهاش غير الاكل …وسابها ومشي وهو هيتجنن خايف تضيع منه
طبعا الحفلة كانت جميلة جدا وزي ما قال العندليب الاسمر مالقيت فرحان ف الدنيا زي اللي فرحان بنجاحه
بقلمي : ايزيس بنت الصعيد
خلصت الحفلة والمعازيم مشيوا وادم طلع اوضته اللي ف فيلة باباه عشان ينام معزور بقاله اسبوع مش بينما غير ساعتين ف اليوم ..وطلب ماحدش يصحيه الا لما يصحي لوحده
عدي النهار وحبيبة وادم لسة في الفيلا ..اذن العشا وحبيبة وزهرة وكارما صلوا جماعة …ومنير كمان صلي وقعدوا بعد كده يشربوا قهوة ويحكوا عن تفاصيل الحفلة ومنير كان مبسوط بفكرة الاناشيد الاسلاميه
&&&&&&&&&
في أوضة ادم
أدم صحي واخد شاور وطلع صلي وكلم مروان
أدم ….كله تمام
مروان …عيب عليك يا يسطا
أدم …حبيبي يا ميرو …يلا سلام يا قلبي
مروان ….حب عمري كيمو كونو عسول وربي …سلام يا حب الله يسهلك
نزل أدم عند أهله وفجأة يسحب حبيبة أيدها من وسطهم وقال احنا اتأخرنا لازم نمشي سلام بقا يا جماعة وشدها وراه
كلهم استغربوا هو ليه عمل كده
&&&&&&&&&&
في عربية أدم
حبيبة …أدم هو فيه ايه انت ليه عملت كده
أدم …..عادي يعني تعبان وعايز أنام
حبيبة ….مانت كنت نايم يا حبيبي
أدم ….يا ايه حبيبي الله …أحلي حبيبي دي ولا ايه
حبيبة اتكسفت وبصت الناحية التانية
أما أدم فكان بيصلها وبيدندن ويطبل ع الدريكسيون (مقواد العربية)
(زي الملايكة أما تشوفها ورداية 🎶تحلم تقطفها مايتحكيش عليها 🎶 دنا لسة فاكر من يومها ساعة ماكنت بكلمها 🎶 ضحكتها وعينيها مايتحكيش عليها )
حبيبة بصت له وضحكت …والله انت ما طبيعي انهاردة
بقلمي :ايزيس بنت الصعيد
&&&&&&&&&&
وصلوا الشقة واول ما دخلت حبيبة لقت الشقة متزينة ورد وشموع وبلالين واكل وتورتة عليها شمعة واحدة وهدية ع السفرة
انبهرت حبيبة …وبصت لادم بحب…انت جهزت. دا كله
أدم قرب منها اوي …موافقة تكملي حياتك معايا
حبيبة ….هزت رأسها بالموافقة …قام باسها برقة
أدم …أنا سميتك ايه
حبيبة….حورية
أدم …وجبتلك فستان حورية ونفسي اشوفك لابساه (الفستان دا اللي شبه السمكة)
حبيبة ….اخدت الفستان وراحت تلبسه وبعد شوية خرجت كأنها حورية طالعة من المية وشعرها مفرود علي ضهرها
كانت ف قمة الكسوف
أدم قرب عليها.وباسها وقالها انتي …جعانة …
حبيبة …لا
أدم قام شايلها مرة واحدة وهي اتخضت وشهقت وقالها …احسن برضو
واخدها ودخلوا أوضة النوم ..(أنا كنت هدخل عشان احكيلكوا اللي حصل بس الواد أدم قفل الباب ف وشي يلا نسبهم ربنا يهنيهم)
&&&&&&&&&&&&&&&&&&
عند هشام وكمال عمه
هشام. ….ماليش فيه انت قلتلي أنه بعد المناقصة هتخلي أدم يطلق حبيبة صح ….اتصرف
كمال……مانت شفت كل حاجة ..كل اللي خططناله انهد بسبب دماغ ابن الالفي وعبقريته …مين كان يصدق أنه يقدر يغير التصاميم في اسبوع
هشام …..وحياتك يا عمي لهدمه تاني ورجعه لنقطة الصفر تاني…بس بشرط حبيبة تكون ليا أنا وبس انت فاهم
كمال….اسمع انا حاسس كده أنه أدم بدأ يتعلق بحبيبة ايه رأيك لو نسيبه يحبها وبعدين نحرمه منها …احنا مش قادرين نواجهه في لعبته الهندسة خلينا نكسر قلبه
هشام ….عاجبتني دي دانت مخك دا سماوي اوي يا عمي
ضحكوا هما الاتنين بطريقة مستفزة
&&&&&&&&&&&&&
بقلمي: ايزيس بنت الصعيد
عند أدم
ليلة العمر عمرها مابتتنسي زي ما بيقولوا واخيرا أدم أعلن ملكيته لحبيبة قلبا وقالبا
في الصبح بقا
حبيبة صحيت قبل أدم لقت نفسها ف حضنه عايزة تقوم من جمبه مش قادرة هو محاوطها بدرعاته بدأت تسحب نفسها بهدوء واخير هتقوم من جمبه لقت ايده يتشدها تاني
أدم همس …. صباح الفل يا وحش
حبيبة انصدمت …..اداااام 🙈🙈🙈
أدم ….نعم يا قلب أدم من جووه…بس ابهرتيني وحش وحش
حبيبة ….والله هخصمك يا آدم ومش هكلمك تاني
أدم ….ضحك ….طب. خلاص قوم يا وحش حضريلي الفطار
عشان ورايا مشوار مهم
حبيبة ضربته ف صدره بقبضة أيدها ….اهو انت اللي ستين وحش وسابته ومشيت
فطر أدم وحبيبة وادم نزل مشواره
&&&&&&&&&&
في شركة العدلي
وصل ادم مكتب كمال العدلي لقي هشام وكمال قاعدين
أدم …..متجمعين عند النبي إن شاء الله
كمال ….مبروك يا جوز بنتي انت اثبت جدارتك يا آدم
هشام …ايه اللي جابك
أدم …ببرود …..الله جي لبابا كمال واحشني
كمال …احم .اتفضل يا آدم
دام ….أنا مش هطول عليك ….أنا جي اقولك يا عمي أنا مش زعلان لانك اخدت تصاميمي ونسبتها لنفسك
بس حبيت الفت انتباهك أنه التصاميم كانت ناقصة حاجات كتير اوي … ونفسي اعرف ازاي الباشمهندس هشام ماخدش باله من كده …علي حد علمي باشمهندس هشام عقلية نادرة …ولا ايه يا اتشH
هشام…..اطلع برا
بقلمي: ايزيس بنت الصعيد
أدم..ببرود…..تؤ تؤ تؤ …ماتقدرش تمشيني من شركة مراتي ليها فيها النص دا مكاني يا اتش H
هشام ….انت اتجننت يا حيلتها
أدم ….أنا هامشي بمزاجي بس اقبل مني الهدية المتواضعة دي يا اتش
وقام مديله نفس علبة المناديل اللي هشام اداها لادم في المناقصة
وقاله ….نشف دموعك بيها ههههههههههه .لان من يضحك اخيرا يضحك كثيرا والعبرة بالنهايات وكلام فارغ كتير سمعته من معالي الباشمهندس
واه نسيت خد جبتلك كاتر (سكينة صغيرة) لزوم الانتحار كده كده مافيش فايدة فيك مش هتتطور ابدا فاخلص من نفسك احسن ….انت بقا هامشي عشان حبيبة مستنياني علي نار …اصلي دخلتنا كانت امبارح .. بااااي
هشام بغضب …وديني لاهدمك يا آدم وارجعك نقطة الصفر تاني زي ماعملتها زمان
منير بص ل هشام بغضب اكبر ..وادم وقف مكانه وبص لهشام نظرات كلها صدمة وشك…
أدم ….اييييه…………يتبع
يتبع
الفصل العاشر:
هشام بغضب …وديني يا اهدمك يا آدم وارجعك نقطة الصفر تاني زي ماعملتها زمان
كمال بص ل هشام بغضب اكبر ..وادم وقف مكانه وبص لهشام نظرات كلها صدمة وشك…
أدم ….اييييه انت بتقول ايه ..
كمال حب ينقذ الموقف ف صرخ لهشام…..انت غبي بتقول اي كلام وخلاص
ووجه كلامه لادم …أدم يا ابني انت عارف هشام كويس بيقول اي كلام
أدم …..بص لهشام ….عارف يا هشام لو اللي ف دماغي صح نهايتك هتبقي علي ايدي أنا
هشام ….بغضب …وريني اخرك فين ..أنا ما بتهددش
قام كمال فجأة واحدة وراح ضارب هشام بالقلم عشان يسكت ويرجع لعقله
أدم ..بدأ يشك في الاتنين بس حب يظهر العكس….عمي أنا عارف اتش بوق ع الفاضي يلا سلام يااا عمي..واتكا علي كلمة عمي دي
خرج أدم من الشركة وركب عربيته وراح لحبيبة
&&&&&&&&&&&&-
في شقة أدم
دخل أدم وبص ع الأرض واتفاجئ
أدم …السلام عليكم …..ايه يا حورية كمية الالعاب دي انتي هتفتحي محل العاب ولا ايه
حبيبة….وعليكم السلام ورحمه الله وبركاته…وقالت بتريقة….ايوا قررت افتح محل العاب وواقفك تبيع فيه
قام قعد جمبها ع الكنبة ….اه وانا بقا واد حليوة وجامد كل الستات هتيجي مخصوص تشتري لولادها مني عشان بس يشوفوني ..اللهم احفظني قمر في نفسي
حبيبة ضحكت …ربنا يزيدك تواضع
أدم بجدية…لا بجد يا حورية قلبي جايبة الالعاب دي كلها ليه
حبيبة ….بصراحة يا آدم أنا متعودة اروح ملجأ الأيتام كل شهر اول ما مرتبي بينزل ع الكي نت باتصل بمحل العاب أنا بتعامل معاه اطلب كمية العاب وازور الأطفال صحابي هناك ..وبما اني من يوم ما اتجوزنا ما رحتش فكرت أنه انهاردة عشان قررنا نبدأ أنا وأنت حياة جديدة مع بعض نروح نزورهم سوا
أدم….طب ياربي اعمل ايه ف البسكوتة دي أنا بجد جسمي بيقشعر من طيبتك دي
حبيبة…ابتسمت …طب يلا روح صلي عشان نروح نزورهم
أدم …لا مانا صليت ف المسجد وانا جي..بس انا جعان عايز اتغدي
حبيبة….ماحنا هنتغدي مع الاطفال
أدم …دا بجد ..طب اوك الغدا عليا أنا ..بس ممكن اطلب حاجة
بقلمي :إيزيس بنت الصعيد
حبيبة…اتفضل يا قلب حبيبة
أدم …يا بت يا شقية بتستخدمي اسلوبي …ممكن ما تشتريش اي حاجة بفلوسك الخاصة واي حاجة انتي عايزاها تطلبي مني انا فلوس وبعدين الفلوس جوه ف الدرج لما تعوزي حاجة خدي فلوس واشتريها
حبيبة ابتسمت …حاضر بس انا مخصصة جزء من مرتبي كل شهر لله…وبعدين قوم عشان ما نتأخرش
أدم قرب منها ….طب ما تيجي يا وحش احكيلك حدوتة كده ع السريع وبعدها نخرج
حبيبة ….ادااااام أدم …خلاص امري لله قومي يا ستي
بقلمي :ايزيس بنت الصعيد
وفعلا راحوا دار الايتام ووزعوا الالعاب واتغدوا مع العيال هناك وطبعا أدم جابلهم اكل كتير ولذيذ ..وحبيبة فضلت تلعب مع البنات وادم كان الأول محرج بس بعدها فك وطلب من الشباب والاولاد الصغيرين يلعبوا كورة وفعلا بدأو يلعبوا بس أدم لاحظ ولد قاعد لوحده ومش بيلعب وحزين..فساب العيال يلعبوا وراحله يتكلم معاه
أدم …. عامل ايه
الولد …يهمك
أدم…اكيد يهمني انت فيه حد مضايقك
الولد…يا بيه انت انتوا بتيجوا هنا مرة في الشهر تفرحونا وتلعبونا شوية بس عشان تريحوا ضميركم لكن مافيش لا حد بيهتم بمستقبلنا ولا بدراستنا ولا احنا بنحب ايه اصلا
أدم ….اولا اسمي أدم مش بيه ثانيا انت بتحب ايه
الولد …أنا ف تالتة اعدادي ومتفوق اوي وشاطر من غير دروس..بس عارف مصيري ثانوي فني وانا حلمي ابقا دكتور عشان اساعد الغلابة اللي مش معاهم حق العلاج
بقلمي : ايزيس بنت الصعيد
ادم …بس كده هي دي طلباتك بسيطة عايز تتعلم صح اعتبرني هاتولي مصاريف دراستك من ثانوي لغاية ما تروح جامعة وبعدها هشوفلك شغلانة عندنا في المعمار وتشتغل وتدرس زي اي شاب طموح ..اتفقنا هتبقي طموح يا …
الولد …زياد اسمي زياد ولو كلامك دا بجد أنا هفضل طول عمري خدامك
أدم …أنا مش عايزك خدامي ..أنا عايزك تبدع ما تخليش سقف لطموحك عايزك تبقي قد المسؤولية وماتخلينيش اندم اني وثقت فيك و صرفت عليك اتفقنا
زياد ابتسم …اتفقنا
أدم …طب يلا بقا وريني طموحك ولا طموحي اللي هيغلب
زياد …مش فاهم
أدم …يلا نشوف هكسبك ولا تكسيبني ف ام الماتش اللي فرهدني دا
زياد بحيوية …يلااااا
لسة ادم هيوقف لقي حبيبة منهارة ف دموعها
أدم بقلق….حبيبة مالك وراح ناحيتها ..حضنته وقالت له …انت عظيم اوي يا آدم
أدم حضنها هو كمان …بحاول ابقي جدير بيكي يا حورية
لعبوا وفرحوا دخلوا السعادة علي قلب ملايكة صغيرين الحياة اختبرت صبرهم من صغرهم …خلص اليوم والمغرب اذن..حبيبة صلت جماعة بالبنات ..وادم صلي بالاولاد وبعدين ودعوهم ومشيوا
&&&&&&&&&&&&&&&&&
في العربية
أدم …. حبيبة انتي تعبتي نراوح ولا نروح عند بابا عشان عايزه ف كلمتين
حبيبة ….لا ما تعبتش يا آدم خلينا نروح عشان ماما زهرة واحشتني اوي تصدق يعتبرها زي ماما بالظبط طيبة وحنينة
أدم …الأمهات كلهم طيبين ..عقبال ما اشوفك اجمل ام يا حوريتي
حبيبة ..اتكسفت وبصت للأرض
وادم ساق بالعربية علي بيت والده
&&&&&&&&&&&&&&&&&&
وصلوا الفيلا وسلموا ع الكل
أدم …..ماما فين كارما
زهرة…….بتذاكر يا حبيبي فوق في اوضتها
أدم …طيب خلاص أنا هطلعلها وانتي وحبيبة حضرولنا العشا بقا عشان أنا جوعت
&&&&&&&&&&&&&&&
في أوضة كارما
أدم ….خبط ع الباب ..كرملة ممكن ادخل
كارما ….تعالي يا آدم
دخل أدم لاقاها بتاكل
بقلمي :ايزيس بنت الصعيد
أدم …نفسي اعرف الاكل دا بيروح فين وانتي شبه مسمار عشرة
كارما ….طول مانت وصاحبك بتقروا عليا عمري ما هتخن ولا هيطلع عليا اي اكل
ادم ……بخصوص صاحبي ..مروان طالب ايدك يا كارما ..
كارما …قلبها كان هيقف بس جاتلها افكار وحشة انه مش بيحبها يمكن صعبانة عليه
أدم تابع كلامه …رحتي فين ركزي …عشان كمان يوسف ابن عمك طالب ايدك قلتي ايه ..طبعا ماحدش بيجبرك توافقي علي حد فيهم ولو مش عايزة ولا واحد قولي برضو عادي
كارما …ف نفسها ..انا صحيح بحب مروان بس يمكن يزلني اني اعترفتله زمان اني بحبه.
وقالت بصوت عالي …..أدم أنا موافقة علي يوسف
أدم برق عينيه واتصدم ……يوسف دا محدش يطيق يقعد معاه خمس دقايق انتي من كل عقلك موافقة
كارما هزت راسها بالموافقة
أدم …براحتك وجي يمشي قامت كارما حضنته وانفجرت ف العياط ..وهو حضنها جامد وقلق عليها
أدم …انتي بتعيطي ليه بس محدش هيجيرك توافقي بصي ارفضي الاتنين ايه رأيك
كارما ….بحبه يا آدم بحبه
أدم ….يوسف؟؟؟؟؟!!!!!!!!
كارما ….لا مروان .. أدم …طب ورفضاه ليه
كارما ….أنا هحكيلك
وحكت كارما لاخوها علي كل حاجة حصلت من قبل مايسافر مروان لغاية ما رجع
أدم ….في نفسه ….لو لفيت الدنيا كلها يا مروان مش هلاقي زيك ربنا ما يحرمني منك…وقال لكارما خلاص اقول مبروك اختي وصاحبي …..شكلها هتبقي ليلة فللللة
كارما ضحكت وباست أدم ….ربنا ما يحرمني منك يا حبيبي يا آدم
نزلوا تحت عند أهله
بقلمي :ايزيس بنت الصعيد
أدم حكي لأهله وهما بيتعشوا علي العرسان مروان ويوسف ووالده رحب اوي ب مروان
وقال لادم يقوله يجي يقروا الفاتحة
زهرة …….باتوا عندنا انهاردة يا اولاد
حبيبة ….الله. خلينا نبات يا آدم
أدم شدها من أيدها وهمس ….اهدي يا حجة …وقال لمامته
لا يا ست الكل احنا هنراوح ونبقي نبات وقت تاني
حبيبة….بهمس ليييييه أنا عايزة اقعد مع كارما
أدم……لو نطقتي بكلمة واحدة تاني هضربك والله
حبيبة كشرت وسكتت
&&&&&&&&&&&&&&&&&
في العربية
حبيبة ساكتة وباصة الناحية التانية
أدم ……الحورية مالها مش سامع صوتها.
حبيبة ….خايفة اتكلم تضربني
أدم ….وانا اقدر برضو اضرب البسكوتة القمر دي…
حبيبة ..أنا عملت ايه عشان تقولي اضربك؟؟؟
أدم ….أنا ما بصدق نبقا لوحدنا وانتي عايزة تقعدي مع كارما …دانتي قاسية اوي
حبيبة ابتسمت بس ما حبتش تظهر ابتسامتها….وقالت لا أنا زعلانة
أدم …..وايه يرضيكي يا حورية
حبيبة…..قرب ..ومدت خدها …ها هتبوس ولا ابوس أنا
أدم سخسخ علي نفسه من الضحك …قلووودة مووت بتقلديني
حبيبة ضحكت …بصراحة اه ..وفجأة قرب عليها ووقف العربية وقال ….أبوسك أنا مش انا اللي زعلتك وباسها
وبعدين قال ….يا شقية عندك محضر فعل فاضح ف الطريق العام وقعد يضحك
بقلمي : ايزيس بنت الصعيد
راوحوا وصلوا ولعبوا وهزروا وسهروا لغاية الفجر وصلوا الفجر وبعدين ناموا
صحيوا الصبح وادم فطر ولبس وراح الشركة
&&&&&&&&&&&&&&&&&
في الشركة
أدم …..ميرنا اجمعي المهندسين ورؤساء الأقسام وبلغيهم باجتماع
وفعلا اجتمعوا في غرفة الاجتماعات
أدم …..انتوا طبعا عارفين أنه تنفيذ مشروع ارض الاحلام هيبدأ بعد شهر لذلك عايزين نستعد أتم استعداد
انا اللي هكون مشرف علي كل حاجة بنفسي بس عايز منكم حاجة انكوا تهتموا الفترة دي بالمشروعات الصغيرة لاني هاخد إجازة اسبوع…عريس بقا وطالع اسبوع عسل
كلهم بصوا لبعض وضحكوا هو ازاي بيقول عريس وهو متجوز من شهر بس ميرنا فهمت كويس هو قصده ايه لأنها عارفة كل حاجة من رنا
بقلمي :ايزيس بنت الصعيد
خلص الاجتماع وكلهم انصرفوا وطبعا ميرنا اتصلت برنا وقالت لها ع اللي فهمته انه ادم كمل جوازه من حبيبة
رنا كانت هتتجنن
رنا راحت علي طول ع الشركة
واول ما وصلت راحت دافعت الباب ودخلت
أدم اتفاجئ وقام ناحيتها وشاف الشرار بيطق من عينيها
أدم ……رنا ايه اللي جابك وازاي بتتصرفي كده
قامت رنا بصت ف عينيه وراحت ضرباه بحتة قلم
أدم. ………………… يتبع
يتبع
تعليقات
إرسال تعليق