#الثالث والرابع الأخير
.......
بقالي ربع ساعة واقف مع اللزج دا، وهي منرفزاني عماله تعيط وهو ما صدج ابن ال ****،فوقت علي صوت امي وهي بتقول
خير يا ولدي، هو الجرح كبير
بيكلم امي وهو باصص عليها برضو
لا يا حجة متقلقيش، خلاص يا ست العرايس انا خلصت، الف سلامه عليكي
مش عارف ليه اتبسطت لما لقيتها بتبصله بقرف، بس اتفاجئت لما قال
دي المرة السابعة اللي اطلب فيها يدك للجواز، وبرضو رفضتي، ممكن اعرف السبب
من غير سبب، انا حرة
دا علي اساس اني اريال واجف اهنة
اتبسطت من جوايا لما اتكلم اخيرا انا عارفة انه مش فاكرني، وانه اتغصب علي جوازة مني، بس كبر في نظري لما اتكلم اخيرا، بصيت للكل كانو بيبتسمو،وجدي قال
والله يا ولدي انت اللي تحدد ان موقفك اي ؟
اتنرفز من كلام جدي، وكان باين اووي علي وشة، والدكتور الرخم دا مش فاهم حاجة، وغصب عني ابتسمت، بس البسمة ما دامتش علي وشي، عشان زعقلي جامد وقالي
بتبتسمي علي اي! عاجبك شغل المسخرة دا والرجاله هتموت عليكي
اتصدمت من كلامة، ازاي يتكلم عني كدا، مبقالوش كام ساعة هنا وعمال يشخط وينطر علي اي، فجأة حسيت بدموعي علي خدي، حسيت بكسرة في قلبي، بصيتلو وانا بجد مصدومة فيه وقولتلو
اسفة
وكمل كلامه ومهتمش بيا وزعق للدكتور اسامة وقال
وانت اياك تتحدت معاها تاني فاهم!
ممكن افهم انت مين؟
جوزها
احم اسف، الف سلامه يا انس..اسف يا مدام، بعد اذنكم
.....
بقالي ساعتين بصالحك، متزعليش مكنتش اجصد اتنرفز عليكي
حصل خير
اوووووف بقي ،افردي وشك دا وخلاص بجي مبحبش النكد
نكد،يعني انا نكد!
يا حزني انتي عاوزة اي خناجة وخلاص
قصدك اي؟ يعني انا مجنونه!
لا انا اللي مجنون، واستاهل ضرب المركوب اني عاودت من السفر
انت بتزعقلي ليه؟ انا معملتش حاجة
بصلها لما قالتلو كدا، هي فعلا ما عملتش حاجة، بس هو اتنرفز من كلام الدكتور الزفت دا، المفروض انه لسه بيتعرف عليها جديد،بس فكرة انها مراته وراجل غريب عمال يتغزل في فيها جننته، مسح وشه بايدة كذا مرة لحد ما هدا شويه، ورفع عنيه وبصلها وقال بتنهيدة
اسف، انا اتعصبت من طريقة غزله فيكي
عادي ولا يهمك
ممكن تاكلي بجي؟
احم، طب ممكن طلب
اؤمري
ممكن تاكل معايا
دا شرف ليا اني اكل معاكي
....يتبع.......
#الاخيره
.......
منكرش اني لما قربت منها حبتها، هي جميلة اووي وهادية، عشان كدا الكل بيحبها، جة يوم الفرح وكنت هموت واشوفها، بس حظي بقي جدي عمل مكان للحريم لوحدهم، وكأن ربنا حاسس بيا لما جدي نادي عليا وقالي
ادخل يا ولدي بلغ الحريم ان الرجاله هتدخل المندرة عشان كتب الكتاب
حاضر يا جدي
ابتسمت اخيرا هدخل البيت، اتنحنحت وانا داخل وامي شافتني، وقالت بعلو صوتها
غطو راسكم، ادخل يا ولدي
اجهزو يا امي هنكتب الكتاب
كيفك يا منصور؟
لفيت ورايا لما سمعت حد بيسال عليا، لقيتها بنت صغيرة في السن تقريبا عشرين سنة، وانا مش عارف طبعا دي مين،والغريبة انها واقفة قدامي بشعرها وفستانها الضيق عادي،فرديت برسمية
الحمد لله
مش فاكرني؟
لاء
بجي اكدة يا واد عمتي، انا سارة بنت خالك سعيد
اهلا بيكي، امي فين دنيا
بتجيب ابريق الماية وجاية
سيبك من الخدامة دي وخليك معايا
سمعت ازاز اتكسر، لفيت ناحية الصوت لقيت دنيا مصدومة وابريق الماية وقع منها، وفجأة الفرح اتقلب، وهديت الدنيا علي دماغ الكل ،لدرجة ان جدي برة سمع صوتي ودخلي هو وابوي وكريم وخالي سعيد
الجد ..خبر اي يا ولدي، بتزعج اكدة لية!
منصور ..اياك حد يفكر يهينها اكدة، وانتي اياكي تتحدتي وياي نهائي فاهمة
سارة ..انت بتزعجلي لية، من يوم ما وعينا علي الدنيا وهي خدامة في داركم
سكوووت، بس سكوت بعد ما ضربت سارة بالقلم، هي اللي استفزتني، ازاي تتكلم عليها كدا، لازم اقطعلها لسانها علي قلة الادب والحيا دي
خالي ..لية اكدة يا ولدي؟
روحت ناحية دنيا وبوست راسها قدام الكل وحضنتها من كتفها وقولت بصوت واضح للكل
لانها مراااتي،ومش هسمح لاي حد انة يكلمها بالاسلوب دا، يلا يا جدي خلصو كتب الكتاب عاوز اطلع ارتاح
فعلا ابتدي كتب الكتاب وخلص واستأذنت من جدي واخدت دنيا في ايدي وطلعت اوضتي، كانت متوترة جدا، وابتدي وشها يحمر من الكسوف، نسيت اقولكم انها كانت جميلة اووي في فستانها الموف وشعرها المفرود، ومكياجها الهادي، بجد كانت أية في الجمال بهدوئها، بصيت ليها ولقيتها لسة واقفة جنب الباب فقولتلها
اقعدي
ممكن اروح اوضتي ؟
من هنا ورايح مكانك هو مكاني
بس جدي ...
دنيا انا اسف، انا بجد ظلمتك معايا، وعارف ان انا كنت اناني لما نسيت وجودك، انتي فعلا غالية اووي وانا مستاهلكيش، بس ممكن نبتدي من جديد، وتكوني دنيتي
بصيتلي بصدمة، عرفت انها مش مستوعبة كلامي، واللي انا برضو مش مستوعبة، ازاي اقولها كدا، بس بجد هموت من غيرها، هي شدت قلبي ليها بجمالها الهادي، فوقت علي صوتها لما قالتلي ..
انا مش فاهمة حاجة
تتجوزيني يا دنيا
طب ما احنا متجوزين
لاء انا اقصد اطلب ايدك من اول وجديد ونعمل فرح واجبلك شبكتك من جديد، ونجهز لحياتنا سوا، اي رأيك؟
لية؟
لية اي! !
لية دلوقت بتطلب كدا؟
عشان كنت مغفل زمان، ومش حاسس بالنعمة اللي في ايدي يا ست البنات، قولتي اي؟
..
اكتر من ربع ساعة عدت وهي عماله تبصلي وساكتة، قلقت هي ممكن ترفض وجودي في حياتها
هتسافر تاني؟ اخيرا اتكلمت، بس سؤالها صدمني، وقولت
لو بقيتي دنيتي هصفي كل حاجة برة واقعد عشانك
موافقة
بحبك يا ست البنات
تمت
"وكان مقدر لي حبك منذ ان كنت نطفة، ليغلف قلبي الحنين والدفء في وجودك "
انتظروني في روايات جديده وحصريه مع البرنس محمد السبكي قصص وروايات كامله
حلو جدا بس ياريت الفصل كان طويل شويه
ردحذف