مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية صعيديه قصيرة أربع فصول فقط 

........ الفصل الأول والثاني 

.....

صباح الخير يا عمة

صباح النور يا بتي، تعالي اجعدي افطري

لا مش عايزة، انا هتابع الوكل

اجعدي يا بت

بصيت ورايا بعد ما سمعت صوت جدي ورايا، روحت ووطيت وبوست ايدة، دي العادة هنا، لازم نحترم الكبير ونقدرة، اعرفكم بيا الاول، انا دنيا السوهاجي بنت عزيز السوهاجي الله يرحمة، عندي 23سنه،انا حكايتي غريبه شويه، وحيدة ابويا، امي اطلقت من ابويا عشان مش عايزاني وكنت عايشه في اسكندريه بس جيت هنا من سبع سنين، نسيت اقولكم اني متجوزة،مكتوب كتابي علي منصور السوهاجي ابن عمي، بس هو مش هنا، بابا لما تعب فجأة طلب مني اكلم جدي واقوله ان بابا عايزة ضروري،زي ما يكون حاسس انه هيسبني ويمشي، وفعلا جدي جة ومعاة عمي وابن عمي، وبابا طلب منهم انهم يجوزوني لمنصور ومهما حصل ما اروحش لامي، الغريبه ان منصور ما قالش اي حاجة، واتكتب كتابي وانا عندي 16سنه ولما كملت 18عمي سجله جواز رسمي بالتوكيل اللي معاة من منصور، بابا مات بعد كتب الكتاب باسبوع، كنت حاسه بالضياع والوحدة، ماما ماجاتش العزا بتاع بابا، انا معرفش اي سبب طلاقهم بالظبط بس بابا قالي انها ماكانتش عايزة اطفال، وحاولت كتير تخلص مني بس حكمة ربنا بقي اني جيت، وبعدها هي مشيت، ولما جيت هنا بيت اهل بابا عرفت ان منصور سافر بلاد برة، انا معرفش اسم البلد دي، انا مكملتش تعليمي بعد موت بابا الدنيا اسودت في وشي ...فوقت علي صوت جدي الحنين وهو بيقول ...

يلا اجعدي افتحي نفسي علي الوكل

حاضر يا حبيبي

روحت وقعدت معاهم علي الطرابيزة وكان موجود مرات عمي اسمها غاليه وانا بقولها يا عمة، وكان موجود عمي سالم وابن عمي واخو جوزي كريم، احنا بنحضر لفرح كريم وجدي قال ان منصور جاي عشان فرح اخوة، اخيرا بعد سبع سنين هشوفه، كنت بستغرب لما كان بيكلمهم وميسألش عليا، بس كنت بقول يمكن مش فاضي، لحد متاكدت انه مش فاكرني اصلا، بقيت كل يوم ابص للدبله والغوايش في ايدي وادعي ربنا انه يحبني،الدهب اللي ف ايدي جدي قالي انه شبكتي من منصور، ومن يوم ما لبستهم ما قلعتهمش،المضحك ان ديما بيجيلي عرسان، وجدي وعمي بيرفضو طبعا من برة برة، وبعرف بعدين، بقعد اضحك واتخيل لو منصور هنا كان هيغير عليا ولا لاء، كملت اكلي والبسمه علي وشي لما جدي اكد علي كريم يروح المطار بعد ساعة عشان يجيب منصور، كل اللي اعرفه عنة انه راجل اعمال كبير اوووي في البلد اللي هو فيها، اكتر من كدة معرفش،خلصت الاكل وقومت عشان اتابع المطبخ لقيت العمة بتقولي

رايحة فين؟

هشوف الوكل خلص ولا لا

بجي برضيك جوزك جاي بعد غيبه سبع سنين، ويجيلي يلاجيكي بخلجاتك دي، اطلعي يا بتي، اتزيني اكدة والبسي زين

ابتسمت بوجع والكل بيبصلي وقولت

مش هعشم نفسي يا عمة، هو مش فاكرني اصلا، انا اكدة مرتاحة

خلصت كلامي ومشيت روحت المطبخ قبل ما حد يشوف دموعي،دخلت المطبخ واكتفيت بحياتي كدا

.....

.......

في المطار

‏كريم واقف ساند علي عربيته ومستني اخوة الكبير، جواه مشاعر كتير اهمها ان منصور وحشه جدا، ابتسامه شقت شفايفة لما شاف اخوة خارج من بوابه المطار، جري عليه وحضنه جامد اوووي وهو بيقول

‏كيفك يا اخوي، اتوحشتك جوي

‏انا زين يا كريم، انت كيفك؟

‏زين يا اخوي،هات الشنط دي ويلا تعالي

‏شال كريم الشنط وحطها ف العربيه وقبل ما يلف لقي بنت زي القمر جايه ناحيتهم وتقريبا كدة مش لابسه حاجة وقالت لمنصور

‏مستر منصور كل حاجة تمام

‏ماشي يا دارين، يلا اركبي

‏مين دي يا منصور، وتركب فين؟

‏دي دارين، المساعدة بتاعتي

‏دي! !ليه هي لندن مفيهاش رجاله؟

‏مالك يا كريم في اي؟

‏انت عايز تقنعني ان دي هتدخل دار السوهاجي جدام جدك وابوي عادي

‏براحتهم ممكن انزل ف اي فندق، هتخلص ولا هنفضل واقفين ف الشارع

‏هخلص يا اخوي

‏....

‏.....

‏بعد ساعتين، دخلت عربيه كريم بيت السوهاجي،الغفر ضربو نار في الهوا عشان يعبرو عن فرحتهم، وخرج الجد وابنه ومرات ابنه عشان يستقبلو منصور، اللي اول ما دخل نسي كل حاجة حواليه وراح حضن امه

‏كيفك يا اما؟

‏انا زينه يا ضنايا، اتوحشتك يا ولدي

‏فضل الجد متابع اللي بيحصل بهدوء، لحد ما دخل كريم ووشه مكشر وباين عليه انه مضايق، وقبل ما يسأله عن السبب، شاف دارين وهي داخله البيت، فقال وصوته باين عليه الغضب

‏مين دي؟

‏اخيرا منصور ساب امه، ولف لجدة ببسمه وقال

‏طيب اسلم عليك الاول

‏جولتلك مين دي؟

‏دي المساعدة بتاعتي

‏وفين خلجاتها! !

‏وه يا جدي وانا مالي بخلجاتها

‏دي هتجعد في داري اكدة !

‏يا جدي ....

‏دنياااااا، دنيااااااا تعالي يا بتي

‏دنيا دخلت وهي باصه في الارض، مش هتقدر تبص لحد بعد ما شافت البنت دي معاة، ولكنها افتكرتها حبيبته ولا خطيبته لانها مسمعتش الكلام اللي دار بينهم وقالت

‏نعم

‏خدي الضيفه وطلعيلها خلجات من عندك تستر بيها نفسها

‏حاضر، اتفضلي

‏كل دا حصل ودارين ساكته، ودنيا خدتها ومشيت، اما منصور فضل بيصلها ويفتكر شافها فين قبل كدة، شكلها مألوف بالنسباله، مش فاكر شافها فين بالظبط

‏فاق علي ابوة وهو بيحضنه وبيهمس و يقوله

‏اكدة متسلمش علي مراتك

👇👇👇👇👇👇👇👇👇👇

‏.......يتبع ......

#التاني

....

مش فاكر شافها فين بالظبط

‏فاق علي ابوة وهو بيحضنه وبيهمس و يقوله

‏اكدة متسلمش علي مراتك

‏بصيت لابويا بصدمه وقولتلو

‏مرات مين!

‏مراتك دنيا، بنت عمك

‏انا جولتلك انه مش فاكرها، دول سبع سنين غربه، ومسألش ولا مرة عنيها

‏بصيت لجدي بعد ما خلص كلام، وقعدت افتكر انا اتجوزت امتي، لحد ما افتكرت اخيرا، بس اول حاجة جات علي بالي، هي فضلت مستنياني سبع سنين ليه؟

‏بصيت لابويا وقولتلو

‏وهي ليه استنتني سبع سنين يا ابوي

‏وهتروح فين يا ولدي ،احنا ...

‏قطعت كلام ابويا لما دخلت تاني وبرضو باصة في الارض وقالت لجدي بصوت واطي

‏الوكل جاهز يا جدي، والضيفة في اوضة السفرة

‏جدي باس راسها وقالها

‏تسلم يدك يا ست البنات

‏....

‏اتصدمت لما شوفت البنت دي معاة، لازم يحبها طبعا، دي حلوة اووي ولبسها حلو، اينعم لبسها قصير بس حلو، وشعرها حلو، لازم تعجبه، وهو اكيد مش فاكرني، بس انا راضيه بنصيبي، هعوز اي اكتر من كدة، كفايا ان اهلي بيحبوني، بعد ما اخدت الضيفة غيرت هدومها لعبايه بيتي من بتوعي، اخدتها للسفرة وقولتلها هنادي عليهم وجايه، نفسي ارفع عيني وأبصله، بس اتكسفت اعمل كدة، ودخلنا السفرة سوا، وبقيت احط الاكل قدام الكل، لحد ما قطعت الفراخ وحطيتها في طبق وجيت احطها قدام منصور وقفتني البنت دي وقالتلي

‏لالا مستر منصور مش بيحب الفراخ

‏بصتلها ووطيت وشي تاني، وسيبت الطبق واخدت طبق نضيف وروحت عند طبق اللحمة وطلعت منها وروحت حطيتها قدام منصور، لقيت كريم بيهزر ويقولي

‏دودو الفراخ عسل زيك، معلش عايز شوربه

‏ابتسمت وبصيتلو وقولت

‏عنيا يا واد عمي

‏وبعد ما خلصت غرف الاكل للكل، قعدت علي الكرسي بتاعي عشان اكل، بس لقيت الضيفة بتقولي

‏احم، ممكن مايه

‏حاضر ثواني

‏وقومت عشان اجبلها، بس اتجمدت مكاني لما منصور قال

‏استني

‏لفيت وفضلت باصة في الارض، قولت اكيد عايز حاجة فقولتلو

‏نعم

‏اقعدي مكانك

‏احم، هجيب ماي....

‏قولت اقعدي مكانك

‏حاضر

‏روحت وقعدت مكاني بس ماكلتش، فضلت قاعدة وساكته، بس اتفاجأت لما قالها

‏فيكي رجلين يا دارين،لما تحبي تشربي تقومي تجيبي لنفسك، فاهمة

‏احم، فاهمة

‏جدي لاحظ اني بطلت اكل، معرفش حصل اي، بس نفسي اتسدت، ومبقتش عايزة اكل فقالي

‏مبتاكليش ليه يا جلب جدك

‏شبعت، هحضر الشاي

‏قومت بسرعة قبل ما اعيط قدام الكل، وجريت علي المطبخ احضر الشاي

‏...

‏...

‏اتنرفزت من بصتها للارض ،واتعصبت لما هزرت مع كريم، وكل حاجة حاضر، اي البنت دي، بجد بني ادمة غريبة، اي الادب دا كله، وفي الاخر هتخدم دارين، لا كدا كتير، عارف انها زعلت عشان كدة مكملتش اكل واتحججت بالشاي عشان تقوم، فضلت سرحان وفوقت لما جدي قال

‏ينفع اكدة يا منصور، اهي ما كالتش

‏انا هراضيها، بعد اذنكم

‏فعلا قومت وروحت المطبخ، ولقيتها بتجهز الشاي، والبنات اللي بيشتغلو في البيت قاعدين علي الطرابيزة اللي في نص المطبخ بيتغدو، اتنحنحت وقولت

‏احم، دنيا

‏اتخضو كلهم لما سمعو صوتي، ودنيا الكوبايه وقعت من ايديها اتكسرت، وقبل ما احذرها من الازاز المكسور

‏كانت صرخت لما داست عليه، اتخضيت وروحتلها بسرعة وشيلتها وقعدتها علي كرسي من كراسي الطرابيزة اللي البنات قاعدين عليها، وجدي وابويا وامي وكريم كانو في المطبخ بعد ثواني ،وامي قالت

‏خبر اي، مالك يا ضنايا!

‏مفيش ياعمة انا اللي مأخدتش بالي

‏بصيت ليها وجيت امسك رجليها عشان اطلع الازاز منها فقالتلي بكسوف

‏م مفيش داعي، ا. ا انا هشيلها

‏مسكت رجليها واتجاهلت كلامها، وشديت الازازة براحة بس طبعا وجعتها، وابتدت تعيط، الجرح كان غويط ومحتاج خياطة، فقولت

‏دا لازم يتخيط، الجرح كبير جدا

‏لالالالا خياطة اي؟ انا هربطها وهي هتخف

‏بطلي هزار، لازم تتخيط

‏لاء

‏شيلها يا ولدي وديها المستشفي

‏لا يا جدي بالله عليك، انا بخاف من الحقن

‏خلاص يا اخوي انا صاحبي دكتور هكلمه ويجي يخيطها اهنه

‏لا يا كريم، الحقيني يا عمة

‏يا ضنايا متخافيش رجلك مش مبطله كب الدم منيها

‏جدي بلاش، يا عمي مش عاوزة

‏متخافيش مش هتحسي بحاجة

‏حاولت اطمنها لما قولت كدا، بس بصه عينيها كانت كلها خوف، بس اتفاجئت لما قالت

‏كريم، صاحبك دا الدكتور اسامه؟

‏اة، مفيش قدامنا غيرة

‏يادي النيله، يعني مش كفايا رجلي بتوجعني، كمان هتجبلي دكتور يعلي ضغطي

‏لقيت الكل بيضحك وانا العبيط اللي مش فاهم حاجة فقولت لكريم

‏مين الدكتور دا؟

‏دا كان عايز يتجوز دنيا

.....

.......يتبع........

البارت الثالث والرابع الأخير من هنا