 |
شوية فرفشه ع الماشي🤣🤣 صباح الضحكه الحلوه 🤣🤣
الظابط: بطاقتك يا انسة
ميرنا: لا
الظابط: هو اي ال لا وانا بقولك هاتى بطاقتك
ميرنا: وانا مش هديهالك
الظابط: ياارب صبرنى يا بنتى انتهى وادينى بطاقتك
ميرنا: قولتلك لا مش هتشوفها شكلى وحش اوووى فيها
الظابط بعيون حمرا من الغضب: شكلك اي يا ختى
ميرنا: وحش
الظابط: يعنى كل الهبل بتاعك دا عشان شكلك وحش فيها
بطاقتك لاما هنيمك فى الحجز النهاردة
ميرنا: الله وهشوف مجرومين وكده
الظابط😲: لا انتى اكيد هبلة اخلصى هاتى البطاقة
ميرنا طلعت البطاقة وحاطة ايديها عليها: اهى اتفضل
الظابط: شيل ايدك من على الصورة
ميرنا: لا مش هشيلها مش قولت عايزة البطاقة واديك خدتها
متزهقنيش فى عيشتى بقا
الظابط: انتى ازاى بتكلمينى كده
ميرنا: عادى زى ما البؤسمات ما بيتغمس فى الشاى
الظابط شد شعره: يااارب هتشل وكمل بزعيق وقال
شيلى ايدك من على الهبابة الصورة
ميرنا: اهو يا خويا
الظابط: اتفضلى
ميرنا: شكرا يا ظبوطة
الظابط: يا اي
ميرنا: ظبوطة
الظابط: انا ماسميش ظبوطة انا اسمى الرائد اكرم المنشاوى
ميرنا: لا انت اسمك ظبوطة بغمازات
اكرم: امشى يا بت من هنا لاسكعك قلم على وشك يعدلك
ميرنا: بس يا ظبوطة يا ابو غمازات
اكرم بزعيق: ياااااااااااااااااسين شيل البت من هنا لاقتلها😂
ياسين جاى بيجرى: فى اي يا اكرم
اكرم: مشى البت دى من خلقتى
ياسين: انتى عملتى اي
ميرنا ببراءة: معملتش حاجة
ياسين: ما هى معملتش حاجة اهى بتزعق ليه بقا
ميرنا: ان شاء يسترك ويكرمك ما يحرمك😂
اكرم: انت كمان هتعوم على عومها
ميرنا: لا اكس كيوز مي انا محدش يعوم على عومى
اكرم طلع مسدسه: والله لاقتلك
ميرنا بصويت وطلعت تجرى: عاااااااااا الظبوطة ابو غمازات هيقتلنى الحقونى عااااااااااا وح
ياسين واقف فطسان من الضحك
اكرم: شوفت الشلل ال انا فيه
ياسين بضحك: بس والله دمها عسل
اكرم: اروح اخطبهالك يا روح امك
ياسين: اهدى يا معلم انا بهزر مبتهزرش يا رمضان😂
اكرم ضربه بالقفا: لا يا خويا بهزر عجبك هزارى
ياسين بيحسس على قفا: احيه ايدك طرشه
اكرم: احسن
ياسين: روح يا شيخ الهى تتجوز البت المجنونة ال كانت
هنا وتطلع عين ال جابوك
اكرم: طب غور من خلقتى قال اجوزها قال
**************************************************
ميرنا راحت عند صاحبتها فى المطعم ال متفقين عليه وهى عمالة تنهج جامد
سارة: مالك يا بنتى بتنهجى كده ليه
ميرنا وهى بتنهج: ا.ا.است.نى ه.قولك
سارة: طب اخلصى بسرعة عشان اعرف
ميرنا بصتلها بزوقر عينيها: ح.يوانة وربنا
سارة بضحك: واي الجديد
ميرنا هدت
سارة: قوليلى اي ال حصل
ميرنا حكتلها كل حاجة حصلت
سارة بضحك جامد : لا مش قادرة هههههههههههههههههه انتى مسخرة وربنا هههههههههههه
ميرنا وهى كمان ضحكت: والله شكلى وحش اووى فى البطاقة المفروض يعزر الله
سارة: المرة جاية
ميرنا: هو لسة فيه مرة جاية دا عيل سقيل ودمه تقيل
سارة: امال كنتى بتعكسى ليه
ميرنا: اصل الولا موز الصراحة
ميرنا وسارة ضحكوا
**************************************************
عدى اسبوع على مقابلة ميرنا واكرم. ميرنا بتكلم سارة فى التليفون
ميرنا: انتى يا هبابة البرك مبترديش ليه من اول مرة
سارة: كنت فى الحمام الله
ميرنا: طب يالا عشان هنروح المول نشترى حبة حجات
سارة: مقولتش لماما انى هنزل
ميرنا: قوليلها ال انتى معايا مش هتقول حاجة
سارة: ماشى
ميرنا : ساعة وتكونى مستنيانى على قمة شارعكوا
ومتفضليش لاطعانى بنص ساعة فى الشارع
سارة: حاضر اي اوامر تانية
ميرنا: لا يالا نلبس عشان نلحق
سارة: حاضر يالا سلام
ميرنا: سلام
بعد ساعة وربع ميرنا واقفة مستنية سارة
ميرنا: طب يا سارة الكلب وربنا لهوريكى على وقفتى دى
سارة جت
ميرنا: كل دا😕
سارة: سورى
ميرنا: انجرى قدامى تيك القرف فى حالاوتك
سارة بضحك: طب دا معاكسة ولا شتيمة
ميرنا: الاتنين
راحوا المول وقعدوا يلفوا لمدة ساعتين
ميرنا: اااه رجلى يانى خلاص مبقتش قادرة
سارة: وانا كمان رجلى وجعانى اووى
ميرنا: تعالى نقعد فى اي كافيه هنا
سارة:يالا
لاقوا طربيزة وقعدوا
ميرنا: هقوم اجبلى قهوة اجبلك معايا
سارة: ماشى
ميرنا راحت جابت القهوة وهى طلعت خبطت فى حد
والقهوة وقعت عليه
ميرنا بتبص لاقت اكرم بتكلم نفسها وبتقول: هاااار اسود
الظبوطة ابو غمازات تانى كده رايحة الحجز رايحاه
اكرم: هو انتى اروح فين داهية منك
ميرنا: انا عملت حاجة ط
اكرم: ط حسبى الله ونعم الوكيل فيكى القميص باظ
روحى منك لله يا شيخة ربنا يولع فيكى
ميرنا: كل دا ياااارب انت لوحدك
اكرم: وربنا مانا سيباك المرادى
ميرنا: امشى ياض من هنا لابطحك
اكرم: لا انتى زوتيها اووى تعالى هنا
سارة شايفة ميرنا سارة قامت تجرى تروحلها
سارة: ميرنا حبيبتى مالك حد عاملك حاجة
اكرم: هى دى حد بيعرف يعملها حاجة دى تعمل مش
يتعمل فيها
ميرنا: انت ال بتغلط اهو وترجع تعيط وتزعل فى الاخر
اكرم😲: انا بعيط وبزعل
ميرنا: ايون
اكرم: هقتلك صدقينى
ميرنا: لالالالا مش اكمنك ظبوطة وحليوة وقمر تفكر انى هسكتلك انتى لسة متعرفنيش
اكرم: غورى عشان معملهاش معاكى
ميرنا: هتعمل اي
اكرم : ال بيعمل مش بيقول
ميرنا: كمان بتقول حكم
اكرم: انا هغور انا روحى يا شيخة الهى يدوسك سواق احول
سارة واقفة رجليها مش شيلها من الضحك
ميرنا: هو انا زودتها
سارة: اطلاقا
ميرنل بصتلها وضحكوا
*************************************************
اكرم روح البيت متنرفز
كوثر مامته: مين عمل فيكى كده
اكرم: مفيش يا امى
كوثر: اعمل حسابك هنروح نتقدم لعروسة بكرة
اكرم:تانى يا امى نفس الموضوع
كوثر: اااه نفسى اشوف عيالك قبل ما اموت
اكرم باس ايديها ودماغها: بعد الشر عنك يا ست الكل
كوثر: هتيجى
اكرم افتكر ميرنا بضحكها وشقوتها وابتسم ورجع حزن انه خلاص معدش هيشوفها تانى : حاضر
كوثر: هو دا ابنى حبيبى
*************************************************
فى بيت ميرنا
سها مامتها: اعملى حسابك فى عريس متقدم بكرة
ميرنا: خوده علبة الجاتو وطفشه
سها: انا مش بهزر يا روح امك هتقابليه غصب عنك
ميرنا: لا
سها: هنشوف
ميرنا افتكرت اكرم بعصبيته ال بتحلى من ملامحه الرجولية وتخلى جميل وقالت: مفيش حاجةبتدوم
**************************************************
تانى يوم الكل ال بيحضر عشان العريس وميرنا نايمة
سها دخلت اوضة ميرنا: انتى يا مخفية قومى ساعدينى
ميرنا: اطفى النور يا ماما
سها: انتى لا يمكن تكونى عندك دم
ميرنا مقولتيش حاجة جديدة
سها: يااارب صبرنى على ما بليتنى قومى فزى ساعدينى
ميرنا قامت قعدت على السرير وكان شعرها منكوش وببتاوب: اتهببت اهو
سها: يا ساتر يااارب
ميرنا : اي شوفتى عفريت
سها: لا شوفتك انتى
ميرنا: تشكرى يا ست الكل
سها: يكون فى عونه ال هياخدك والله زعلانة عليهة
ميرنا: دا هياخد ملكة
سها : باين
المغرب جيه والعريس على وصول
سها: انتى لسة ملبستيش يا زفتة
ميرنا : هاكل والبس
سها: لسة هتاكلى
ميرنا: ااه
سها: قومى فزى اللبسى
ميرنا: طيب
العريس جيه واهل ميرنا قاعده معاه ودخله يندوها
سها: يلا يا ميرنا العريس برة
ميرنا: لا مش هطلع
سها: ليه ان شاء الله
ميرنا: لا يا ختى اتكسف
سها: انتى بتتكسفى انتى
ميرنا: اااه
اخوها دهل
# يالا العريش مستنى
ميرنا: مش عايزة اطلع انا
اخوها ماساكها زقها برة كانت هتقع لولا انها مسكت فى الصفرة بتاعتهم
ميرنا: واللع ما هسيبك يا حيوان انت
اكرم: انا سمعت الصوت قبل كده
ميرنا دخلت سلمت على الكل وقعدت وبعد شوية سابهم
مع بعض يتكلموا
ميرنا: بوص يا شبح انت ترفض الجوازة الهباب
دى ونخلع منها انا وانت
اكرم بيبص لاقها هى فرح من جواه
ميرنا: هو انت
اكرم: اااه تصدقى انا كنت هرفض بس والله
لهتجوزك عشان اربيكى على طولة لسانك دى
ميرنا: ربى نفسك
اكرم: اعملى حسابك الفرح بعد شهر
ميرنا: دا عندها
اكرم: وربنا لهوريكى حاضر
ميرنا: يا عم اجرى اقعد
اكرم: هتجوزك
ميرنا لا
اكرم بصلها وقاو وقف وهى واقفت وخافت مت بصه عينه
اكرم: هتوافقى ولا لا
ميرنا: لا
اكرم بيقرب
ميرنا: موافقة موافقة
اكرم: ايوا كده ناس متجيش غير بالعين الحمرا
ميرنا بصتله: والله هطلعهم عليك
اكرم: بت انتى متعرفنيش انا اجن منك
ميرنا: يا عم اجرى اقعد بعيد
اكرم: بحبك
ميرنا: اي
اكرم: بحبك
ميرنا: شوق طريقك اجرى
اكرم بيقرب: افهم من كده مش موافقة
ميرنا: اه
اكرم بيقرب وعينه بقت حمرا
ميرنا طلعا تجرى وتقول: بحبك بحبك
اكرم قعد يضحك
"ما جمع الا اما وفق😂"
دا اسكريبت كنت كاتبه من كام شهر كده قولولى رائيكوا
تعليقات
إرسال تعليق