مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

👈((❤️🌹القصه كامله🌹❤️))👉 

#للكبار_فقط 🔞🔞

اسمي احمد متجوز من تسع سنين وعندي بنتين احلى حاجه في حياتي ومامتهم (اسمها مريم)طبعا ...

كنت ساكن في شقه كويسه جنب اهلي بس اترقيت في شغلي واتنقلت لموقع جديد للشركة في منطقة ساحليه بس في منطقه مقطوعة شويه ..

الشركة وفرتلي شقة قريبة من موقع شغلي الجديد 

وبالفعل نقلنا فيها ..بس مراتي مكنتش موافقة في الاول عشان مش عاوزه تبعد عن أهلنا والعمار بس لما الحيت عليها وافقت ..

ابتدت حكايتي لما في يوم مراتي قالتلي انها بتسمع أصوات غريبه في اوض الشقة ولما بتدخل تشوف في ايه مش بتلاقي حاجه ..

كنت دايما بحاول اطمنها واقولها تهيئات بس عشان لسه مخدناش ع الشقة وكده وبيني وبينكم انا كمان مبصدقش في العفاريت والحاجات دي ..

مراتي ابتدت تخاف وشكوتها زادت لما ابتدت تشوف حاجات كمان مش تسمع بس وكمان بناتي بيقولوا انهم بيشوفوا حاجات غريبه ..

صحيت من النوم علي صريخ مراتي جريت بسرعة اتجاه الصرخة اللي كانت جايه من الحمام لاقتها واقعة ع الارض ومغمي عليها شيلتها وخدتها علي السرير وابتديت افوقها ..

بعد وقت مش قليل فاقت وكانت مفزوعة ومرعوبه جدا ومسكت فيا جامد وبتترعش وتعيط ..

وتقولي لازم نمشي حالا من البيت ده مش ينفع نعد هنا تاني هيأذونا احنا وبناتنا ..؟؟

هيأذونا ؟؟ هما مين وايه اللي حصل في الحمام ؟؟

انا سمعت صرختك جريت ع الحمام لاقيتك واقعه ايه اللي حصل يا حبيبتي ..؟؟

انا كنت داخله الحمام أغسل وشي وبعد مدخلت لقيت باب الحمام اتقفل عليا جريت عليه وحاولت أفتحه متفتحش وحسيت بحد معايا في الحمام اترعبت وقعدت ع الارض وفجأة اللمبة طفت واشتغلت بسرعه ولاقيت واحده شعرها طويل جدا ومنكوش وملامحها مرعبه في وشي ومحسيتش بحاجه تاني ..!

قولتلها يا حبيبتي انا سمعت صرختك رحت لاقيتك واقعه والباب مفتوح ومفيش حد غيرك ..

تلاقي انتي اعصابك تعبانه شويه وزي مقلتلك تهيُئات وبعدين انا كل يوم برجع بليل وببقا صاحي لوقت متأخر ومشفتش اي حاجه ولا حسيت بحاجه ...

بصراحه كنت حاسس انها هيا اللي بتعمل كل ده عشان مش عاوزه تعد هنا وعاوزانا نرجع تاني شقتنا في العمار وجنب أهلنا ..

قالتلي انا مبكدبش عليك ولازم نمشي من هنا فورا انت مش خايف عليا طب مش خايف علي بناتك ..؟؟ 

قولتلها طبعا خايف عليكوا وخدتها في حضني لحد ماهديت خالص واطمنت ومحدش نام اليوم ده وجابت بناتنا ناموا معانا في اوضتنا ..

الصبح كان لازم انزل شغلي ماسبتهاش غير لما وعدتها اني هاخد أجازه ولما ارجع هنرجع شقتنا القديمه نغير جو ونشوف أهلنا عشان اعصابها تستريح ..

قضيت اليوم عادي في الشغل وخدت فعلا الاجازه وروحت علي الشقه خبط ع الباب فتحتلي ..

قولتلها انا خدت الاجازه جهزتي نفسك عشان نسافر ..؟

سابتني وماردتش عليا ودخلت الحمام ...!! 

قولت لسه اعصابها تعبانه دخلت اوضتي أغير هدومي لقيت بناتي علي السرير قعدت وسطهم وفضلت الاعبهم بس بردوا ماكنوش بيلعبوا ولا يضحكوا ..!!!

تليفوني رن ..؟؟ ده رقم حماتي ..

رديت : ايوه يا ماما عامله ايه ..؟

والصدمة مراتي هيا اللي بترد عليا ..!!

انا مريم معلش يا احمد انا مقدرتش أقعد دقيقة واحده ف البيت انا كنت مرعوبه كنت لازم أسافر ..

وكان فجأة جسمي اتجمد مابتكلمش مش عارف أرد طب مين اللي في الحمام ولأول مره حسيت بالخوف لا بالرعب ..

حاولت اجمع أعصابي وضميت ولادي لحضني وبصوت واطي قولتلها طب ازاي سافرتي وسيبتي العيال لوحدهم ..!

ردت وقالتلي انت مجنون البنات معايا طبعا ابقا حصلنا انت ..!!

التليفون وقع من أيدي قلبي وقف باب الحمام اتفتح بصيت جنبي اشوف انا حاضن مين ولقيت ؟؟ ......

#للكبار_فقط 🔞🔞

#الجزء_الثاني_و_الأخير

بصيت جنبي أشوف أنا حاضن مين واتفزعت من اللي شوفته ..!!

حاضن بنتين بس مش بناتي بنتين نفس سن ولادي بس شكلهم مرعب وبيبوصولي نظره خلت جسمي اترعش ..

بصيت على باب الحمام لقيتها خارجه منه بس بردو مش مريم خالص ...

واحده شكلها مفزع شعرها طويل واسود كحل وشها مش بايين من كثافة شعرها زي م مريم وصفتها وجايه ناحيتي ببطأ ...!

حاولت أقوم رغم اني مكنتش حاسس برجلي من الخوف حاولت بس البنتين كانوا مكلبشين في أيدي ومقدرتش أتحرك من مكاني ..

دخلت الاوضة وقربت اكتر مني اكتر بيني وبينها مفيش ...

جسمي كله مولع ...حراره رهيبة وفي نفس الوقت بيرتعش خلاص وشها بقا قدام وشي تخيلوا الموقف ..

سامع نفسها وفجأة رفعت راسها ووشها بان ..؟؟

منظر مشوفتوش ولا هشوفه تاني مقدرتش ابص غمضت عيني ....

حسيت بأيد بتتلمس جسمي والنفس بيقرب اكتر تقريبا وشها لمس وشي وبصوت واطي غريب خشن قالتلي ....

انا مش هأذيك دلوقتي بس قدامك ثلاث ايام تفك "اللعنه"" وتحرر أرواحنا انا وبناتي والا هأذيك 

انت ومريم وبنااااااتك وكررتها ثلاث ايام ....

البنات سابت أيدي فتحت عيني لاقتهم داخلين الحمام هما التلاته وقبل متخش لفت راسها وقالتلي اوعى " ترمي العروسة " قدامك ثلاث ايام .. ودخلوا الحمام والباب اتقفل لوحده ورآهم ...

انا خلاص تقريبا انهرت ووقعت ع الارض محسيتش بحاجه ..

فقت بعدها مش عارف بعد اد ايه على تليفون بيرن ...

مريم : احمد انت فين قفلت ليه وليه مكنتش بترد عليا طمني عليك ..؟؟

قولتلها انا كويس هغير وهسافر واجي حالا خلي بالك من البنات وقفلنا ...

قمت براحه افتكرت كل حاجه استعذت بالله وقومت خرجت من الشقة براحه وانا في قمة الرعب

وقلت أسافر وعمال أفكر في اللي حصل لعنة ايه ؟؟ وعروسة ايه ؟؟ انا مش هاجي الشقه دي تاني وهقدم على طلب وارجع مكاني القديم والحمد لله على كده اننا متأذناش انا ومريم وبناتي ..

رجعت البيت وحماتي كانت عندنا مريم كلمتها عشان اعصابها تعبانه تقعد معاها لحد مرجع ..

سلمت عليهم واطمنت على بناتي وحماتي سبتنا وروحت بعد ماقالتلي اوعى تروح الشقة دي تاني بعد ما مراتي حكتلها طبعا وقولتلها مش هروح ...

مراتي قالتلي وكانت متعصبه مصدقني مش مصدقني براحتك بس انا مش هسافر تاني معاك تاني انت مشفتش اللي انا شوفته وقعدت تعيط ..

قولتلها انا شوفت يا مريم بنفسي مصدقك...!!!

اتفاجئت وانهارت اكتر وقالتلي شوفت مكنتش بكذب عليك وتعيط .. 

عمال بحاول أهديها واطمنها اننا خلاص مش هنرجع تاني وفجأة نسمع صرخة من اوضة البنات...

طلعنا نجري احنا الاتنين واللي شوفته مع بناتي صعقني وشلني في مكاني .....

لاقيت اربع بنات في الأوضه بناتي والبنتين التانين اتصدمت انا ومريم اول ماشوفناهم اول مادخلنا وشوفناهم اختفوا في ثانية ...

جريت ع البنات اللي كانوا مخضوضين جدا وبقولهم في ايه ...؟؟ 

قالولي ان البنات دي شافوهم مره في البيت التاني ودلوقتي شافوهم مره واحده قدامهم وقالولنا قولي لبابا ثلاث ايام وأول ما انتوا دخلتم اختفوا.. 

مريم مصدومة ومنهاره ومش بتتكلم والبنات مرعوبين قولتلهم متخافوش يا بنات دول مش هيأذوكوا ومش هيجوا تاني متخافوش ...

ومره واحده مريم زعقت : دول جم ورانا يا احمد طب نروح فين انا مش قادره استحمل انا بقيت بترعب من خيالي وخايفه على بناتي لازم نعمل حاجه أرجوك أتصرف ... 

مش عارف اعمل ايه ...؟؟ ابتديت أفكر وافتكر كلام الست اللي شوفتها ..؟؟ قالتلي افك اللعنة وتلت ايام ولازم احرر ارواحهم والعروسه ..

طب ايه معني الكلام ده ..؟؟ حكيت لمريم على كل حاجه حصلتلي في الشقه وابتدينا نفكر مع بعض ..

وأخيرا خدت اصعب قرار في حياتي ...؟؟

اني ارجع ادخل الشقة وأحاول احصل على اي اجوبه تساعدني ...!!

بالفعل تاني يوم سافرت ورحت لحد البيت ووقفت خايف اطلع بكل صراحة مرعوب بس لازم ألاقي حل ...

طلعت .. فتحت الشقه .. دخلت ..

سبت الباب مفتوح مشيت ببطئ الباب اترزع ورايا لوحده ..!!

جاتلي حالة فزع بس قولت لازم اكمل وفعلا ابتديت ادخل الاوض أوضه اوضة وادور على اي دليل ...

دخلت اوضة النوم ملقتش اي حاجه غريبة وبعدين دخلت المطبخ والصاله مالقتش اي دليل ..

فتحت أوضه الأطفال ودخلت .. قلبي وقف ودمي نشف واتصلبت مكاني ...!

الست بشكلها المرعب قاعده في ركن ضلمة والباب اتقفل ورايا بصيت ورايا بسرعه لاقيت البنتين واقفين ورايا ..!!

وقفت مكاني ماتحركتش وهيا ابتدت ترفع راسها وتكلمني ..؟. وقالت : مش هتلاقي حاجه هنا دور ع العروسه فاضلك يومين وبعدها هأذيكوا بصوت عالي ومخيف ..

وبعدين اختفت هيا والبنات .. فتحت الباب وجريت على بره وخرجت جري من الشقه وانا بقع وبقوم من الخوف ...

جريت في الشارع وقفني غفير المنطقه وقالي مالك يا بشمهندس احمد .. ؟؟

قعدت معاه وسألته عن الشقه دي واي حكايتها ..؟؟

رد وقالي انا كنت عاوز اقولك من اول ما جيت بس الشركه محرجه عليا ماحكيش ..

قولتله لازم تقولي وحكيتله على اللي حصل معايا انا واسرتي .

قلي لا كده لازم احكيلك : الشقه دي ملك الحاج ناصر وحصل فيها حريقة من حوالي ثلاث سنين وزوجته وبناته الاتنين ماتوا وهوا الحمد لله ربنا نجاه ..

وفضلت الشقه ماحدش بيقعد فيها ولا عاوز يأجرها من اهل المنطقه عشان عارفين الحادثه اللي حصلت فيها لغايه ماجت الشركة بتاعتكم أجرتها من الحاج ناصر وكان فيه مهندس قبلك قاعد فيها بس مكملش يومين ومشي ...

ولما انت جيت الشركه نبهت عليا ماقولكش حاجه وهوا ده كل اللي اعرفه يا بشمهندس ..

سبته ومشيت ومصدوم من القصه طب انا عرفت قصة الست وبناتها بس برده ماعرفتش ايه اللعنه وازاي افكها ...؟؟

روحت البيت وحكيت لمريم كل اللي حصل اللي قالتلي انها لسه حاسه بحاجه غريبه برده في شقتنا وابتدينا نفكر تاني ...

وانا قاعد سرحت ونمت وشوفت حلم غريب ..؟؟

شفت الشقه وفيه واحده جميله قاعده في ركن وجنبها بناتها الاتنين قمرات وشكلهم ملائكي وكانوا بيعيطوا ويصرخوا كلهم وفيه بنت فيهم كانت ماسكه عروستها وأمها خدت منها العروسة وكتبت على ضهرها حاجه وفجأة النار مسكت فيهم والشقة ولعت وهما جواها بيصرخوا ...

قمت من النوم مفزوع ومريم لاقتها فيذ نفس الوقت كانت نايمه وقامت مفزوعه هيا كمان ...!

انا شوفت حاجه غريبه يا مريم قالتلي وانا كمان وحكيتلي .. نفس الحلم ..!!

طب السر فين .. ؟؟ قولنا في نفس الوقت انا ومريم .. ؟. السر في العروسه ...

ايوه العروسه هيا الست لما شوفتها في الشقه قالتلي العروسه ودلوقتي بتبعتلنا رساله وورتنا اللي حصلهم وبرده كانت ماسكة العروسه وبتكتب عليها .. طب هيا فين .. ؟؟ مريم قالتلي اكيد هناك في الشقة ..

وانا مش هرجع الشقة تاني لا يمكن ....

صرخة تاني جت من اوضة البنات ..؟

جرينا كالعادة وبسرعه واتصدمنا لما شوفنا ...؟؟

العروسه في أيد بناتنا .وبيتخانقوا عليها

..!!

جريت ع البنات وخدت منهم العروسة وقولتلهم جبتوها منين ...؟؟

قالولي خدناها من الشقة التانيه لاقيناها هناك وكنا بنلعب بيها وجبناها معانا ...!!

وابتديت الف العروسه ببطئ وأشوف مكتوب على ضهرها ايه ...؟؟

مكتوب عليها انا من حرقت نفسي وحرقت بناتي احياء وأول من يقرأ هذا الكلام ستصيبه لعنة هو وكل من حوله ولن تذهب اللعنة الا اذا حرر أرواحنا انا وبناتي ولن تحرر أرواحنا الا اذا أتى بمن تسبب في موتنا في نفس مكان حدوث اللعنة ....

خدت العروسه وخرجنا من اوضة البنات وابتدينا نفكر ..؟ وفجأه وقع من العروسه علبه صغيرة ..؟؟

وطيت وأخدت العلبه وفتحتها ..؟ ولاقيت جواها كارت ميموري .. ؟ طب ايه ده وايه جابه هنا ..؟

وبدون تفكير دخلته في الفون بتاعي وابتدينا نشوف فيه ايه ...؟؟ ملقناش غير فيديوهات ..

وابتدينا نتفرج عليها انا ومريم ...؟؟

نفس الاوضه الست قاعده ومربوطه في مكانها وبناتها مربوطين في سقف الاوضه من شعرهم وشخص واقف بيضرب فيهم بكرباج وهما بيصرخوا وهوه يزيد التعذيب ويمسك البنتين ويقطع في جسمهم بألة حاده وكل ما كانوا يصرخوا كان بيزود عذابهم ...

ايه ده ايه البشاعة دي مين ده وازاي قدر يعمل كده في ست وبنات صغيرين ...!! 

مقدرناش نكمل الفيديوهات اللي كان مضمونها كله زي كده كله تعذيب للست وبناتها من نفس الشخص اللي مكانش باين في الفيديوهات غير ضهره ...؟؟

يااااه الست دي اتعذبت كتير هيا وبناتها عشان كده ممكن تكون هيا فعلا اللي قتلت نفسها ..؟

بس ده مين ممكن يكون جوزها ناصر .. ؟؟ لا ماظنش مستحيل حد يعمل كده في ولاده ؟؟ أيا كان هو مين لازم فعلا يتعاقب ويحصل فيه زي معمل فيهم وانا فعلا لازم اساعدهم وادور عليه..

بس وحتى لو عرفت مين السبب ازاي هدخله الشقه ...؟ خلاص انا تعبت ومش قادر أفكر .. فاضل النهارده وبكره وهتأذينا زي ما قالت لازم أتصرف وبسرعه ...

مريم قالتلي مافيش غير ناصر جوزها ..! لازم تروحله وتحكيله اللي حصل معانا اكيد هتلاقي عنده اي تفسير او حاجه تساعدنا ..!

ناصر ..؟ طب ممكن يكون هو اصلا المقصود ولو عرف وحكيتله اللي حصل لا يمكن هيدخل معايا الشقة واللعنة مش هتروح ووقتها هنتأذي احنا وبناتنا ...

كابوس ولازم اخلص ..

فكرت فعلا أسافر تاني واقابل ناصر بس مش هقوله ولا احكيله على حاجه وهفكر في اي حجه اقابله بيها..؟

سافرت فعلا في نفس اليوم وخدت العروسه معايا وروحت قابلت الغفير وقولتله اني عاوز أقابل ناصر ...؟

وصفلي عنوان مكتبه وفعلا رحتله .. خبط ع المكتب واحد فتحلي ..؟ بصيتله بشده وابتديت اركز هوه ده اللي كان ف الفيديو ولا لأ ..؟؟ لا التاني كان جسمه اكبر من ده بكتير ..

يا استاذ يا استاذ مالك في ايه وقفت وتنحت كده ليه عاوز مين ..؟؟

قولتله اسف سرحت بس شويه حضرتك الاستاذ ناصر..؟؟

قلي لا انا مدير مكتبه حضرتك عاوزه بخصوص ايه ..؟ 

قولتله كنت عاوز اشتري الشقه بتاعته ووصفت له اني شقه .. بصلي واستغرب جداً وقلي انت فعلا عاوز تشتري الشقه دي ..؟؟ قولتله اه ..!!

قلي طيب اتفضل ادخل اتكلم مع استاذ ناصر ..

دخلت لقيت شخص قاعد تقريبا نفس الجسم اللي في الفيديو بس معقول يكون هوه ..؟

ازي حضرتك انا احمد وجاي المنطقه جديد وكنت عاوز اتفرج على شقه حضرتك عشان عاوز اشتريها وماقولتلوش طبعا اني تبع الشركه وان انا اللي كنت ساكن فيها ..!! اه بس انا مأجر الشقه دي فعلا يا هندسه لشركه ..!

عارف يا استاذ ناصر انك مأجرها بس انا قابلت غفير من هناك وقلي ان الشركه هتسيبها وبعدين انا هشتري مش هأجر وهَديك سعر كويس ..

فكر شويه وقلي ماشي وكلم الشركة اللي قالتله فعلا انها هتسيبها ..

ونادى

لمدير مكتبه وقاله خد البشمهندس فرجو ع الشقه 

انا في بالي بقول لا مدير ايه انا عاوزه هوا ..!

المهم الراجل قلي أتفضل يا بشمهندس .. خدني وروحنا الشقه 

وعند الباب مرضيش يدخل معايا ودخلني وقفل بحجة اني اتفرج براحتي ..

دخلت خلاص الرهبة اتشالت من قلبي .. 

روحت على طول علي اوضة الأطفال ..

وشوفت المنظر اللي في الفيديو بعيني ..!!

البنات متعلقين وهيا مربوطه في الارض وبيصرخوا 

بصوت فظيع ومع الصريخ قالتلي جيت تاني لوحدك ليه هاتو وتعالى فاضلك بكرا .. وفجأه لاقيت حد بيمسك ايدي اتفزعت بصيت لقيت بنت من البنات واقفه جنبي ومدالي أيديها ..

حاجه خلتني لوحدي طلعت العروسه واديتهالها 

خدت مني العروسه واختفت تاني بصيت لقتها متعلقة مكانها ..

ابتديت ارجع بضهري ببطئ لحد ماخرجت من الشقة ..

نزلت تحت وفكرت اجيب ناصر ازاي الشقه ..؟

مدير مكتبه قلي عجبتك الشقة يا هندسه ..؟

قولتله اه عجبتني جدا إديني رقم استاذ ناصر عشان اتفق معاه واسأله على شوية حاجات بخصوص الشقة .. طلع الرقم وادهولي ..

خدت الفون وبعدت عنه وكلمت ناصر : 

ايوه يا استاذ ناصر انا أحمد اللي هشتري الشقه بتاعتك ومدير مكتبك تقريبا نسي المفتاح وماعرفناش ندخل الشقة للاسف وهوا تليفونه فصل لو حضرتك تقدر تجيب المفتاح وتيجي عشان الحق اتفرج عليها عشان لازم أسافر النهارده ومفيش وقت .. فكر شويه وقلي حاضر هجيلكم

رجعت لمدير مكتبه وقولتله اني كلمته وهوا هيجي ونخلص كل حاجه هنا وبيقولك ارجع انت المكتب ..

فعلا خد عربيته ومشي وشويه وناصر جه ..

جبت المفاتيح .. ؟؟ اه جبتها 

طب يلا تعالى فرجني على الشقه 

طلع معايا وانا حاسس انه مش عاوز يطلع بيقدم رجل ويأخر رجل لحد ماوصلنا للشقة ..

فتح الباب وقلي أتفضل دخلت وبعدين هوا دخل ورايا وابتدى يفرجني على الشقه وهوا مرعوب وبيحاول يخلص بسرعه .. 

دخلني كل الاوض ماعدا اوضة الأطفال ..؟

قولتله امال دي اوضة ايه ..؟؟ قلي دي دي دد اوضة الأطفال ..،!

قولتله طب مش هتفرجني عليها ،.؟

قلي لازم يعني ..؟ قولتله بالمره عشان اكون شوفت الشقة كلها .. قلي ادخل شوفها

فتحت ودخلت

والمنظر كان كما هو عليه بس المرادي كانوا مبتسمين كلهم البنتين وأمهم بصالي وكأن منتظرينه يدخل من سنين ..

ناصر واقف بره الاوضه مش عاوز يدخل وبيقولي يلا يا هندسه ..

البنتين فكوا نفسهم من السقف ونزلوا ومشيوا من جنبي وهما بيبصولي وابتسامة على وشهم المتشوه وخرجوا على برا .. وسمعت ناصر بيصرخ...!!

بصيت ورايا لاقتهم جايبينوا وداخلين بيه الاوضة 

وهنا ابتدت الام تقوم من مكانها وشكلها مرعب وقربت منه ..

وبصوت فظيع صعقني قالتلي اخرج برا ..

وهوا بيصرخ ويقول ماتسبنيش

خرجت ومابصيتش ورايا الباب اترزع ورايا خرجت من الشقه 

ماسمعتش غير صريخ ناصر ..

نزلت جري مش قادر اتنفس جسمي بيرتعش

سافرت على طول 

قابلت مريم واطمنت عليها هيا والبنات وحكيتلها على كل اللي حصل وان خلاص كده "اللعنة""

اتفكت وبقينا في أمان ..

صوت جاي من اوضة بناتي ..؟؟

دخلنا الاوضة ..؟ اربع بنات بيلعبوا مع بعض بالعروسه

وبنت من بناتي انا لفت وشها وقالتلي ....

فاضلك بكره اخر يوم ف ""اللعنة ""

بصينا لبعض انا ومريم وصرخنا 

لاااااااااااااااااااااا

""اللعنة مستمرة

👇👇

تمت