 |
السابع عشروالثامن عشر 😲😲🔴🔴
ويقترب فؤاد من رضوي في حذر وهو ينظر اليها نظرات خبيثة وكأنه ينوي بها شرا يفرد ذراعيه فتظهر مخالب طويلة في اصابع كفيه وعندما يصل اليها يمسح بظهر يده علي وجهها بكل رفق وفجأة يسحب تلك المخالب القوية علي جبينها تاركه خلفها خطوط طوليه من جروح تنزف دما ويكتب كلمة سلمي ثم ينزل الي رقبتها ويكرر نفس الفعلة ولكن تلك المرة يكتب كلمة انهار .. ثم ينزل الي بطنها ويكرر ايضا نفس ما فعل في المرتين السابقتين ويكتب كلمة سهام .. رضوي بدأت تشعر بالالم فتستيقظ شيئا فشيئا حتي تستيقظ تماما فتجد خيال رجل امامها ولكن لم تستطيع تحديد هويته نتيجة لظلام الغرفة وفجأة يتحول فؤاد الي قط مرة اخري عندما يري رضوي قد استيقظت وشعرت به .. رضوي تصرخ من شدة الالم نتيجة الجروح التي حدثت في جبينها ورقبتها وبطنها .. تتحسس بيدها فتجد دما تصرخ من هول المنظر الذي هي عليه وفجأة تلمح عيني القط تلمع في ظلام الغرفة وتسمع صوت نواءه فتنهض بسرعة وتتوجه نحو مفتاح المصباح وتضئ الغرفة فتجد القط جيمي ينظر اليها نظرات حادة ومرعبه ويزوم بشدة
رضوي .. اعوذبالله من الشيطان الرجيم .. هو ده اللي جابه هنا تاني ده ؟! هو انت بتدخل ازاي هنا ؟! وانت اصلا حي ولا ميت ولا انت ايه حكايتك بالظبط ؟!
ثم تنظر الي نفسها في مرآة التسريحة فتجد دما في جبينها ورقبتها وعلي بطنها وتلاحظ اسماء بناتها الثلاثة محفورة علي جسدها
رضوي خائفة ومندهشة .. ايه ده ؟! ايه اللي عمل فيا كدا ؟! هو انا ايه اللي بيحصلي يا ناس ؟! انا تعبت .. تعبت !!
ثم تبكي من شدة الحزن والاسي ..
وفجأة ينقض عليها القط فيُسقطها ارضا ويصبح هو فوقها ثم يُقرب وجهه من وجهها وينظر اليها نظرات حادة ورضوي ترتجف خوفا وهي تنظر اليه ويقول ..
القط .. هتموتي .. وهتقتلي بناتك بإيدك قبل ما تموتي !!
رضوي تصرخ وتقول .. لا .. لا .. لاااااا .. ابعد عني
ثم تدفع القط بعيدا فيصطدم بالحائط فيتألم .. ثم ينظر اليها في غضب شديد ويقترب منها قائلا بعد ان يكشف لها عن مخالبه
القط .. هتموتي يا رضوي .. هتاكلي بناتك بسنانك علي ٣ وجبات في يوم واحد وبعد كده هتموتي !!
رضوي تصرخ وتقول ..
رضوي .. الحقوني .. الحقوني يا ناس ..
وفجأة تفتح بناتها الثلاث باب الغرفة تتقدمهم سلمي وعندما يراهم القط يقفز من الشباك فيكسر الزجاج اثناء هروبه منه !!
سلمي .. مالك ياماما .. بتصرخي ليه كده ؟!
سلمي .. قط فؤاد عايز يقتلني ؟! بصوا .. بصوا عمل ايه في جسمي ؟! قطعني بمخالبه !!
سلمي وانهار وسهام ينظرون الي امهم فلا يجدون شيئا
انهار تنظر ل سلمي مندهشة ثم تقول لأمها ..
انهار .. مفيش حاجة في جسمك يا ماما ؟!
رضوي تنظر لجسدها فلا تجد شيئا فعلا فتندهش وتقول
رضوي .. ازاي ؟! دا حافر اساميكم علي جسمي بمخالبه !!
سلمي .. فين القط ده بس يا ماما ؟! مفيش قطط في الاوضة ولا حاجة ؟!
رضوي .. بعد ما عمل عملته نط من الشباك .. وكسر الازاز .. قدامكم الازاز مكسور اهوه !!
البنات ينظرون الي الشباك فيجدون الزجاج مكسور بالفعل !!
سلمي .. ايه ده ؟! ايه اللي كسر الازاز ده ؟!
رضوي .. بقلك القط اللي اسمه جيمي هو اللي كسر الازاز .. كان هنا وقطع في جسمي بمخالبه وبعد كده نط من الشباك !! وقالي كمان .. اني هاكلكم علي ٣ وجبات !! واني هاقتلكم قبل ما اموت؟ !! انا مش فاهمه حاجة ؟! انا تعبت خلاص ؟! هو انا ايه اللي جري لي يا سلمي ؟! انا اتجننت ولا ايه ؟!
سلمي تبكي حزنا علي امها وتقول
سلمي .. بعد الشر عليكي يا ماما متقوليش كده !!
رضوي .. طب اللي بيحصلي ده حقيقي ولا وهم ؟! حد يفهمني ؟! انا اللي بيحصلي ده حقيقي ولا وهم ؟! انا تعبت .. تعبت .. تعبت يا ناس
انهار .. اهدي يا ماما مش كده عشان خاطري ؟!
رضوي .. انا تعبت .. تعبت وجبت اخري ومش عارفة اللي بيحصلي ده حقيقي ولا خيال ؟! انا اتجننت يا بنات .. صح ؟! امكم اتجننت خلاص يا سلمي ؟!
سلمي .. بس يا ماما متقوليش الكلمة دي تاني لو سمحتي ؟! انتي هتبقي كويسة صدقيني ؟!
رضوي .. كويسة ازاي وانا بتحصلي حاجات مش طبيعية ؟! انا بقيت بسمع وبشوف حاجات مفيش حد غيري بيحس بيها ؟! انا خلاص مش قادرة استحمل !! خلاااااص تعبت يا ناس خلاص .. كفاية بقي !! .. كفاية .. كفاية..
رضوي تشق ملابسها من شدة الاحساس باليأس وسلمي تحاول منعها
سلمي .. لا يا ماما متعمليش كده ابوس ايدك !! لا يا ماما لا
رضوي .. حرام تعبت .. حرام .. تعبت والله تعبت
رضوي تفقد وعيها بعد تلك الجملة .. وعلي الفور
بعدها تقوم سلمي بالاتصال بالدكتور سعد الغرابلي استاذ الطب النفسي والذي نصح به دكتور الامراض الباطنية امها وطلب منها الذهاب اليه لمساعدتها من الناحية النفسية وبعد الحاح حضر الطبيب الي المنزل وبعد الفحص تحدثت اليه سلمي
سلمي .. خير يا دكتور .. امي مالها ؟!
الطبيب .. اطمني خير ان شاء الله .. بصي اولا انا مبجيش زيارات منزلية ابدا .. بس انا لما كلمني الدكتور حسام استاذ الجهاز الهضمي وشرحلي حالة مامتك وانتي كمان لما قلتيلي انها مغمي عليها انا جيت
سلمي .. كتر خيرك يا دكتور .. بس قلي والنبي ماما فيها ايه بالظبط ؟!
الطبيب .. ماما عندها انهيار عصبي شديد .. واضح انها بتمر بظروف نفسية صعبة اوي ؟! انا اديتها حقنه مهدئة .. بس لازم ماما تدخل المستشفي
سلمي .. مستشفي ايه ؟! تقصد العباسية بتاعة المجانين ؟!
الطبيب .. ما اسمهاش كده علي فكرة ؟! اسمها مستشفي الامراض النفسية والعصبية بالعباسية !!
سلمي .. ايوه عارفاها .. بتاعة المجانين !!
الطبيب .. مين قال انها بتاعة المجانين ؟! وبعدين المجانين دول ايه ؟! مش مرضي زي اي مرضي ؟! زيهم زي مرضي القلب والكلي والعظام وبيتعالجوا وبيخفوا كمان !!
سلمي .. بس انا ماما مش مجنونة عشان ادخلها العباسية يا دكتور ؟!
الطبيب .. محدش قال ان امك مجنونة !! امك عندها شوية تعب نفسي متمثل في اصوات بتسمعها وحاجات بتشوفها ودي في الطب النفسي بنسميها هلاوس سمعية وبصرية .. نوع من انواع الفصام الذهاني .. المريض بيسمع ويشوف حاجات مبتحصلش .. والحالة دي طبعا لازم تتعالج تحت اشراف طبي .. يااما لا قدر الله ممكن تنتحر !!
سلمي .. تنتحر ؟!
الطبيب .. ايوه .. تئذي نفسها او ممكن تئذي اللي حواليها !!.. عشان كده لازم تدخل مستشفي في اقرب وقت .. وبراحتكم ..
سلمي .. طب مش ممكن ندخلها اي مستشفي خاص بلاش العباسية دي والنبي ؟
الطبيب .. ممكن طبعا .. انا عندي مصحة نفسية خاصة علي اعلي مستوي بس مصاريفها غالية طبعا .. وع العموم لو قررتوا تدخلوها المصحة بتاعتي انا هاعملكم ديسكوند .. بس ياريت متتأخروش عشان الحالة متزيدش !! سلاموا عليكم .
سلمي .. وعليكم السلام
وبعد ان ينصرف الطبيب .. تأتي انهار وتسأل اختها قائلة
انهار .. واحنا هانجيب حق المصحة الخاص دي منين يا فالحة ؟! هو احنا لاقيين ناكل اصلا ؟!
رد فعل علي وجه سلمي
وفي المساء سلمي تتسحب الي غرفتها وتتصل ب فؤاد
سلمي .. عمو فؤاد ازيك عامل ايه ؟!
فؤاد .. ازيك انتي يا سلمي ؟ وازي ماما واخواتك عاملين ؟!
سلمي .. ماما تعبانه اوي يا عمو !!
فؤاد .. ليه بس ؟ سلامتها الف سلامه
سلمي .. الدكتور كشف عليها وقال انها لازم تدخل مصحة للعلاج النفسي .. واحنا مش عاوزين نوديها العباسية .. عايزين ندخلها مصحة خاص بس مش معانا فلوس !! وبصراحة بستأذنك ان احنا نبيع الهدايا اللي حضرتك جيبتهالنا انا وانهار ؟
فؤاد يثور غضبا.. لا اوعي تعملي حاجة زي دي ابدا !! انا الهدايا بتاعتي مينفعش تتباع ابدا !! وبعدين ده كلام تقوليه يا سلمي ؟! ازاي تبقي عايزة فلوس وعمو فؤاد موجود ؟! انا يا حبيبتي هاتكفل بعلاج ماما بالكامل ولو احتاجت تسافر بره هاسفرها علي حسابي
سلمي .. ربنا يخليك لينا يا عمو .. انا بحبك اوي علي فكرة
فؤاد .. وانا بموت فيكي .. مستنيكي تيجي اوك ؟
سلمي .. حاضر .. هاجي .. بس لما اخواتي يناموا .. باي
فؤاد .. باي يا حبيبتي ..
وبعد ان يغلق الخط .. فؤاد ينظر نظرات حادة وكلها شر ويقول .. باي يا حلوة ... 😲
ولسه اللي جاي تقيل علي رضوي وبناتها
علق ب 20 ملصق ليصلكم كل أجزاء القصه تحياتي
الثامن عشر 😲🔴🔥🔥
وفي صباح اليوم التالي تستيقظ رضوي من نومها لتجد نفسها داخل غرفة يبدوا كأنها غرفة داخل مستشفي تندهش بشدة وبجوارها سلمي تنام علي سرير اخر .. رضوي توقظ ابنتها من نومها
رضوي .. سلمي .. يا سلمي .. اصحي يا سلمي
سلمي تستيقظ من نومها فتجد امها قد استيقظت
سلمي .. انتي صحيتي يا ماما ؟
رضوي .. انا فين ؟!
دا مش بيتنا ده ؟!
سلمي .. لا احنا مش في البيت يا ماما
رضوي .. اومال احنا فين ؟!
سلمي .. دي مستشفي خاص يا ماما
رضوي .. مستشفي خاص ؟! ليه ؟!
هو انا جري لي ايه بالظبط ؟!
ثم تنظر الي نفسها فتشعر انها بصحة جيدة
رضوي مندهشة بشدة .. انا كويسة اهوه !! .. هو انتي اللي تعبانه يا سلمي ؟!
سلمي .. لا انا مش تعبانه يا ماما .. انتي اللي تعبانه !!
رضوي .. تعبانه ازاي ؟!
انا مش حاسة بأي الم دلوقتي الحمد لله .. وحتي بطني فشت اهه!! ..
يلا بينا نروح بيتنا
سلمي .. احنا مش هينفع نروح البيت دلوقتي خالص يا ماما
رضوي .. مش هينفع نروح ليه بقي ؟!
سلمي .. لأنك تعبانه فعلا يا ماما ولازم علاج
رضوي .. قلتلك انا مش تعبانه دلوقتي !! انتي مش مصدقاني ليه ؟! خلاص الالم اللي كان في بطني مش موجود دلوقتي
سلمي .. ماما انتي مش تعبانه عضويا ..
انتي تعبانه نفسيا !!
رضوي .. قصدك ايه ؟!
سلمي لا تجيب
رضوي .. اتكلمي بقلك ..
قصدك ايه ؟!
ثم تنظر للغرفة التي بها
رضوي .. هو انا فين بالظبط ؟!
انطقي قولي انا فين ؟!
سلمي .. انتي في مصحة نفسية يا ماما
الكلمة تنزل كالصاعقة علي رضوي تكاد لا تصدق ما سمعته اذنيها
رضوي .. مصحه نفسية ؟!
انا في مصحة نفسية يا سلمي ؟!
سلمي .. ايوة يا ماما
رضوي .. دخلتي امك مستشفي المجانين يا سلمي ؟!
سلمي .. ما اسمهاش كده يا ماما
رضوي .. اومال اسمها يا بنت بطني ؟!
سلمي .. دي مصحة نفسية .. عشان الناس اللي اعصابها تعبانه مش اكتر
رضوي .. لا والله ؟!
بقي تدخلي امك مصحة نفسية يا سلمي ؟!
ليه شايفاني مجنونة وبقطع في هدومي ؟!
سلمي .. ماما انتي اعصابك تعبانه اوي ولازم علاج عشان الحالة ماتتطورش لا قدر الله .. وبعدين متقلقيش خالص دي مصحة خاصة بتاعة الدكتور سعد الغرابلي ومستواها عالي جدا
رضوي .. بس انا مش مجنونة يا سلمي ؟!
ليه تعملي فيا كده ؟!
سلمي .. يا ماما بعد الشر عليكي من كلمة مجنونة دي .. انتي كل المشكلة ان اعصابك تعبانه شوية وانا عايزة اعصابك تخف وترجعي لطبيعتك ولا انتي عاجبك العذاب اللي انتي فيه ده ؟!
رضوي .. قلبك عليا اوي يا بنت بطني ؟!
سلمي .. اكيد قلبي عليكي طبعا .. مش امي اللي ماليش غيرها في الدنيا !!
رضوي .. ودي مصاريفها كام بقي ان شاء الله ؟!
سلمي .. هي غالية طبعا .. بس متعوليش هم حاجة
رضوي .. معولش هم حاجة ازاي ؟!
احنا هندفع المصاريف هنا ازاي وانتي بتقولي انها غالية ؟!
سلمي .. عمو فؤاد اتكفل بالمصاريف
رضوي .. عمو فؤاد مين ؟!
سلمي .. عمو فؤاد يا ماما .. اللي كان عاوز ياخدنا عنده في القصر
رضوي .. وده عرف منين اني انا تعبانه ؟!
سلمي .. ما انا كلمته في التليفون وحكيتله ع اللي حصل
رضوي .. وتكلميه ليه في التليفون ؟! وتحكيله ليه عن اسرارنا ودا راجل غريب ؟!
سلمي .. انا كلمته استأذنه ابيع الانسيال والعقد اللي هو ادهوملنا هدية .. لقيته رفض واصر انه يعرف ايه اللي حصل وخلاني افكر اني ابيع الهدية بتاعته ف حكيتلة اللي حصل .. فقالي انا متكفل بعلاج مامتك حتي لو اصطرينا اننا نسفرها تتعالج برة .. صدقيني يا ماما الراجل دا حنين اوي اوي وبابا لو كان عايش مكنش هيبقي بالحنيه دي معانا .. انا بصراحة مش عارفة انتي بتكرهيه ليه ؟!
رضوي .. لأنه هو السبب في اللي بيحصلي ده ؟! انا مبقتش كده غير لما البني آدم ده ظهر في حياتي ؟!
سلمي .. بس انا شايفاه انه طول عمرة جينتل مان ولطيف جدا في التعامل معاكي !! .. وبصراحة بيحبنا انا واخواتي اوي وعايز يفرحنا بأي طريقة
رضوي .. اه .. وايه كمان يا سلمي ؟!
سلمي .. وايه كمان ازاي يعني ؟! واضح ان كلامي مش عاجبك؟! مع اني انا شايفة ان دي الحقيقة يعني !!
رضوي .. لا دي مش الحقيقة يا سلمي .. الحقيقة ان الراجل ده وراه سر كبير اوي .. وهو سبب اللي انا فيه دلوقتي
سلمي .. لا دي اوهام في دماغك زي ما قال الدكتور .. وخلي بالك لولاه انتي كان زمانك في العباسية دلوقتي مع المجانين اللي بحق وحقيق !!
سلمي .. ايوه كتر خيره طبعا .. كفاية انه واقف جمبنا ومنفذ كل طلباتنا وبيتمنالنا الرضا نرضي .. يا ماما دي جابلنا هدايا وورانا حياه عمرنا ما شوفناها .. انتي ليه مش عايزانا نعيش عيشة كويسة ونقب علي وش الدنيا .. ليه عاوية فقر ؟؟!!
رضوي تنفعل بشدة .. انا غاوية فقر يا بنت الكلب ؟!
ثم تصفعها علي خدها بقوة
رضوي .. هو انا عشان خايفة عليكم وضماكم في حضني زي اي ام خايفة علي بناتها من الدنيا والناس .. ابقي وش فقر ؟! انا ياما جالي عرسان بعد ما ابوكم مامات .. لكن رفضت وقلت مفيش راجل غريب يدخل علي بناتي ولا ينام علي فرشة جوزي .. واستحملت الهم والغلب والمرمطة عشان اربيكم .. اينعم حرمتكم من حاجات كتير .. بس انا كمان اتحرمت زيكم من حاجات كتير كفاية ان ابوكم مات وسابني عيلة صغيرة !! واذا كنت حرمتكم من حاجات كان نفسكم فيها ف ده غصب عني .. لأني مكنتش اقدر اعمل اكتر من اللي عملته معاكم !!
سلمي تشعر بالندم .. ماما انا اسفة متزعليش
رضوي .. ابعدي عني .. هي دي جزاتي يا سلمي .. انا ممكن ابيعكم للي اسمه فؤاد ده واقبض تمنكم واعيش حياتي علي مزاجي وزي ما انا عايزة .. لكن انا قلت تغور الفلوس في داهية .. لكن بناتي ميبعدوش ابدا عن حضني ولا احس لحظة بالقلق والخوف عليهم .. دي القطة بتقطع بسنانها اللي يقرب من عيالها يا سلمي .. ولما ربنا يكرمك وتبقي ام هتعرفي معني كلامي ده كويس وتحسي بنفس احساسي
سلمي .. ماما انا بجد اسفة .. سامحيني ارجوكي
رضوي .. انا عايزة امشي من هنا دلوقتي حالا
سلمي .. تمشي تروحي فين بس ؟! انتي لازم تقعدي هنا شوية
رضوي .. بقلك انا عايزة امشي منا هنا
ثم تجري نحو باب الغرفة تحاول فتحه فتجده مغلقا .. فتضرب الباب بقوة بكلتا يديها
رضوي .. افتحوا الباب ده .. افتحوا الباب عايزة امشي
سلمي .. اهدي يا ماما لو سمحتي
رضوي تدفعها بعيدا عنها بكل قوة قائلة
رضوي .. ابعدي عني
سلمي من شدة الاندفاع تسقط ع الارض وتصطدم رأسها بالسرير فتتألم والام تراها في هذه الحالة ولكن لا تهتز لهذا المواقف وتواصل الطرق علي الباب بكل قوة وهي تصرخ وتقول
رضوي .. افتحوا الباب عايزة امشي .. انتوا ياللي برة افتحوا الباب ده
وفجأة يفتح التمرجي الباب ثم يدخل وخلفة الدكتور سعد قائلا
الطبيب .. ايه في ايه ؟!
ثم يلمح سلمي فيجدها ع الارض ويبدوا انها جُرحت في رأسها لخروج بعض الدماء منها
الطبيب .. اهدي من فضلك يا مدام رضوي
رضوي .. انا عايزة امشي من هنا لو سمحت
الطبيب .. اهدي ارجوكي
رضوي .. بقلك عايزة امشي من هنا دلوقتي حالا
الطبيب .. للأسف مش هينفع تمشي من هنا دلوقتي لأنك تعبانه ومحتاجة علاج تحت اشراف طبي
رضوي .. انا مش مجنونة عشان تحبسني هنا ؟! اوعي من وشي
الطبيب .. من فضلك اهدي يا مدام
رضوي .. مش هاهدي .. ولو ما سبتنيش امشي دلوقتي حالا انا هاصور قتيل انهارده
الطبيب ينادي ع التمرجي ..
الطبيب .. عاطف .. الحقنة المهدئة من فضلك
رضوي .. حقنة ايه انا مش هاخد الحقن بتاعتكم دي !! انا مش مجنونة صدقوني
الطبيب .. انتي اعصابك تعبانه يا مدام رضوي
رضوي .. بقلك انا مش مجنونة .. ابعد عني انا مش هاخد حقن
رضوي تقاوم التمرجي عاطف بكل قوة وعندما يري الطبيب انه لم يستطيع السيطرة عليها .. ينادي علي تمرجي اخر يدي اسماعيل
الطبيب .. اسماعيل تعالي بسرعة
ويأتي اسماعيل مسرعا وكلاهما يمسكان ب رضوي والتي ما زالت تقاومهم بكل قوة ولكن ينجحا في الاخر ان يحقناها بمحلول مهدئ بعدها رضوي تتوقف عن المقاومة بعد ان تضعف قوتها نتيجة الحقنه وتبدأ في فقدان الوعي وهي تردد قائلة
رضوي .. انا مش مجنونة .. حرام عليكم .. بتعملوا فيا ليه كدا ؟!
سلمي تنظر الي امها وهي تبكي حزناً والماً عليها
ونذهب الي فؤاد الذي اقتحم علي رشا غرفتها .. انها الفتاه الاخيرة التي احضرتها امها داليا واخذت مقابل تركها بالقصر كي تتربي فيه كما اخبرها فؤاد.. فؤاد ينظر الي رشا نظرات مليئة بالشر .. والتي كانت تجلس علي سريرها تشاهد فيلم كارتون بشاشة التلفاز التي امامها وامامها ايضا طبق كبير ملئ بالفاكهة تأكل منه.. رشا تلمح فؤاد فتبتسم بكل برآة قائلة
رشا .. عمو فؤاد !! تعالي اسمع معايا الفيلم ده .. حلو اوي
فؤاد يقترب من رشا قائلا
فؤاد .. قومي
رشا .. اقوم اروح فين ؟
فؤاد يضرب بيده طبق الفاكهه فيدفعه نحو الحائط .. رشا يصيبها الهلع بسبب هذا الفعل
فؤاد يمسك شعرها قائلا .. بقلك قومي يا روح امك .. كفاية عليكي كده بقي !!
رشا .. اه .. بتوجعني يا عمو .. سيب شعري ارجوك
فؤاد .. بقلك اتحركي معايا
رشا .. طب هتوديني فين بس ؟!
رشا .. هتعرفي حالا يا حلوة
ثم يجذبها من شعرها بكل قوة ورشا تتألم بشدة ...؟؟!!
ويحدث ما لا يتخيله عقل...😲😲
في اللي جاي هنعرف حصل ايه؟
تحياتي للجميع
تعليقات
إرسال تعليق