 |
الثالثــــــــة والرابعة 😲😲
#حصري
حازم .. سها .. مالك ؟!
سها .. ايه !! انت بتكلمني يا حازم ؟!
حازم .. يا حبيبتي انا بكلمك من الصبح وانتي مش سمعاني ؟! ايه سرحانه في ايه ؟!
سها .. حازم انت مامتك بتسوق عربية ؟!.
حازم .. اه .. ليه بتسألي السؤال دا ؟!
سها .. بتسوق ازاي عربية وهي عنيها ... ؟!!
حازم .. ما انا قلتلك يا سها .. ماما بتشوف احسن مني ومنك !!
سها .. انا مش فاهمه حاجة بجد ؟! ازاي يعني تشوف من غير عين ؟! دي رفعت راسها لفوق وشاورتلي وانا واقفة في الشباك وكأنها شايفاني !!
حازم .. طب ما هي بالفعل شايفاكي يا حبيبتي !!
سها .. ازاي .. فهمني يا حازم ؟! في حد ممكن يشوف من غير عيون ؟! مستحيل طبعا !!
حازم .. سها من فضلك .. اقفلي كلام في الموضوع دا خالص .. مش بحب اتكلم عن اي حاجة تخص اهلي مع اي حد !!
القصة مثيرة جدا لا تدع حلقه تفوت منك..
سها .. بس انا مش اي حد !! انا مراتك يا حازم .. ومن حقي افهم ايه تفسير اللي بيحصل دا ؟! لأن بجد اللي بيحصل دا غير منطقي بالمرة !!
حازم .. سها .. انا جعان وعايز افطر .. ممكن تحضري الفطار ؟
سها تدرك انه يتهرب من الاجابة فتكف عن الحاحها .. حاضر يا حازم دقيقتين والفطار هيكون جاهز ..
حازم .. شكرا يا حبيبتي
وبعد ان تذهب سها لتجهيز الفطار .. حازم يتنفس الصعداء .. وبعد تناول الفطار واثناء وقت الظهيرة تجلس سها في غرفتها تتصفح بعض المحلات .. تتصل بها امها للأطمئنان عليها بينما حازم يأخذ شاور في الحمام
سها .. الو .. ازيك يا ماما عاملة ايه ؟ وحشاني اوي
الام .. وانتي كمان وحشاني يا حبيبتي اوي .. اخبارك ايه وجوزك اخباره ايه ؟
سها .. الحمد لله .. كويسين يا ماما .. ايه مش هتيجي ولا ايه ؟!
الام .. لا خليكي براحتك انتي وجوزك انهارده وبكرا اجيلك ان شاء الله
سها .. خلاص هستناكي .. تامر عامل ايه ؟
الام .. كويس يا حبيبتي بيسلم عليكي
سها .. خلاص هستناكم بكره ان شاء الله
الام .. ان شاء الله يا حبيبتي .. خلي بالك من نفسك ومن جوزك
سها .. حاضر يا ماما
الام .. مع السلامة يا سها
سها .. مع السلامة يا ماما
الام .. لا اله الا الله
سها .. سيدنا محمد رسول الله
سها تغلق الخط ويخرج حازم من الحمام وهو يجفف رأسه بالفوطة
حازم .. بتكلمي مين يا حبيبتي ؟
سها .. دي ماما بتتطمن عليا .. علي فكرة بتسلم عليك
حازم .. الله يسلمها .. ايه مش هتيجي ولا ايه ؟!
سها .. لا مش هتيجي انهارده .. قالت خليكي براحتك انتي وجوزك وهتيجي بكره ان شاء الله
حازم .. تنور وتشرف في اي وقت
سها .. مرسي يا حازم .. حازم هو انت بتستحمي كتير ليه كدا ؟! دي رابع مره تاخد فيها شاور انهارده !! مع اننا في الشتا مش في الصيف ؟!
حازم .. وايه المشكلة في دا ؟! انا كدا بحب استحمي كتير عشان جسمي بيعرق جامد !! صيف وشتا !!
سها .. فعلا .. انا لاحظت دا عليك امبارح !!
حازم .. اها .. للأسف
سها .. اوك ..
حازم يسرح شعر رأسه ثم يجلس علي كرسي ويشعل سيجارة ويتصفح في بعض الصحف
سها متعجبة من فعل حازم فهي تنتظر خروجه من الحمام بفارغ الصبر
سها .. حازم .. هو دا وقت صحف ومجلات ؟!
حازم .. مش فاهم يا حبيبتي .. تقصدي ايه ،!
سها .. قصدي .. انك لحد الان مقربتش مني ؟!
حازم .. اها .. انتي مستعجلة اوي ليه كدا ؟!
سها .. غريبة !! مع انك امبارح كنت مستعجل جداا !! ولا نسيت ؟!
حازم .. اكيد مستعجل يا حبيبتي .. دا اليوم اللي انا بحلم بيه من زمان .. وادي الجورنال اهوه ..
يضع الجورنال علي المنضدة ويذهب ليجلس بجوارها ثم يمسك بيدها اليسري ويقبلها قائلا
حازم .. بحبك .. والله العظيم بحبك
سها .. اوك .. برهنلي بقي عن حبك دا ؟!
حازم .. هههه .. اوك .. انتي اللي جبتيه لنفسك !!
وبينما وهو يحاول مداعبتها واذ بالمحمول يرن
سها .. يوووه .. دا وقته دا ؟! اقفل التليفون دا يا حازم
حازم .. نشوف مين بس الاول يا حبيبتي
حازم يمسك التليفون وعندما ينظر اليه يرتبك بشدة وسها تلاحظ ذلك
سها .. مين يا حازم ؟!
حازم .. لا لا .. دا عميل عندي
ثم يضع التليفون ع التسريحة ويعود مرة اخري لمداعبة سها وفجأة تأتي مسج ع المحمول
سها .. قلت اقفله يا حازم ؟!
حازم .. حاضر .. هاقفله
حازم يقرأ الرسالة فيرتجف ويرتبك مره اخري وينهض من جوار سها
حازم .. سها .. انا لازم انزل دلوقتي حالا .!!
سها .. تنزل !! يوم الصباحية يا حازم ؟! ليه ؟!
حازم .. معلش .. مشوار مهم ولازم اروحه .. مش هتأخر يا حبيبتي .. سلام
سها .. حازم .. انت هتنزل بالبيجامة ؟!
حازم .. اه معلش .. انا اسف ..
ثم يأخذ ملابسه ويقول
حازم .. انا هاغير في العربية .. خلي بالك من نفسك يا حبيبتي .. سلام
سها..ابقا طمني عليك
ويمر اليوم كاملا وحازم ما زال بالخارج ولم يعود الي منزله وتليفونه مغلق وسارة في غاية القلق .. ثم تخلد الي النوم بعدما قضت طوال النهار في حيرة وقلق علي حازم .. وفي الصباح تستيقظ علي صوت يقول لها.. سها .. قومي يا حبيبتي .. انا حضرتلك الفطار بنفسي .. وعندما تفتح عينيها تجد شخص اخر غير حازم فتُصعق من هذا الموقف ..
سها .. ايه دا .. انت مين ؟!
الاحداث اشتعلت والتفاعل ضعيف جداا لا يشجع علي تكملة تلك الرواية المشوقة المثيرة والغامضة ..
تفاعل ومشاركة من فضلك عشان انزل ببارت كمان ..
تحياتي ..
الرابعــــــــــة 🔴🔴
#حصري
سها .. ايه دا !! .. انت مين ؟!
حازم مندهشاً .. سها مالك يا حبيبتي ؟!.
سها .. ابعد عني .. انت مين .. فين حازم ؟!
حازم .. انا حازم يا سها .. مالك في ايه ؟!
سها .. انت مش حازم !! انت مين ودخلت هنا ازاي ؟!
ثم تغادر فراشها وهي تنادي علي حازم وتبحث عنه في كل مكان
سها .. حازم .. حازم .. رد عليا يا حازم .. انت فين ؟!
حازم يتعجب اكثر .. انتي بتعملي ايه ؟! انتي بتنادي عليا وانا واقف قدامك ؟! انتي اتجننتي يا سها ؟!
سها .. انت مش حازم !! انت مين ودخلت هنا ازاي ؟! انطق بسرعة ؟! وفين حازم جوزي !! وديت جوزي فين ؟!
حازم .. هو في ايه ؟! انتي ايه اللي حصلك ؟! ما انتي كنتي كويسة ؟!
سها .. امشي اطلع برة
حازم .. اهدي يا سها ارجوكي !!
سها .. بقلك اطلع بره لأطلب البوليس ..
وفجأة تأتي ام سها وتطرق جرس الباب ويذهب حازم ليفتح الباب وهو يقول
حازم .. لااا اني مش طبيعية خالص !!
الام منزعجة .. في ايه يا اولاد .. صوتكم واصل لأخر الشارع ؟! هو انتوا لحقتوا !!
حازم .. صدقيني يا طنط انا معملتلهاش حاجة !! هي اول ما صحيت من النوم عماله تقول في كلام غريب !!
الام .. في ايه يا سها مالك ؟!
سها .. مالي ازاي ؟! انتي واقفة تتكلمي معاه عادي كدا .. وكأنك تعرفيه ؟!
الام .. ايه !! وانا معرفوش ازاي ؟! ما دا حازم جوزك يا بنتي ؟!
سها .. حازم جوزي !! انتي جري لعنيكي حاجة ولا ايه ؟! بصي كويس .. دا حازم جوزي انا ؟!!
الام .. لا حول ولا قوة الا بالله ... في ايه بس يا سها مالك ؟!
سها .. ردي عليا !!
الام .. ايوا يا بنتي دا حازم جوزك .. اومال هيكون مين بس !!
سها .. انتي هتجنينيني انتي كمان !! دا حازم جوزي ؟!
في تلك اللحظة كان حازم يعطيها ظهره فتتوجه اليه وتجذبه نحوها فيستدير ليصبح وجهه مقابلا لها وهنا كانت المفاجأة .. انه حازم بالفعل !!
سها .. ايه دا ؟! مش معقول !! .. مش معقول !!
الام .. ايه هو بس اللي مش معقول ؟! في ايه يا بنتي بس مالك !!
سها .. انت مكنتش هو !! .. وهو مكنش انت !! .. انتوا الاتنين مكنتوش !! .. في ايه ؟! انا مش فاهمه حاجة
حازم .. اهدي يا حبيبتي ارجوكي .. تعالي معايا
سها .. مش معقول ! .. لا .. لا .. انا مش قادرة اصدق
حازم .. اهدي يا حبيبتي مش كدا ارجوكي
الام .. مالك يا بنتي ؟! ايه اللي حصلك ؟! عين صابتكم دي ولا ايه ؟! حوش ياارب
حازم .. حالا تهدي يا طنط متقلقيش .. اهدي يا حبيبتي .. انا جنبك متخافيش !!
سها .. عايزة اشرب
حازم .. من فضلك يا طنط .. كوباية ميه بسرعة
الام .. حاضر .. استر يارب لأجل خاطر سيدنا النبي..
وتحضر الام المياه ..
حازم .. اشربي يا سها
سها تشرب من الماء ثم تقول
سها .. انت كنت فين امبارح ؟! انا استنيتك طول اليوم وفضلت ارن ع التليفون بتاعك كان مقفول !! انا كنت قلقانه جداا عليك .. وانت مفكرتش حتي ترن عليا وتطمني عليك !!
حازم .. معلش يا حبيبتي انا اسف !! اوعدك اني مش هكررها تاني ابدااا .. بس انا كدا فهمت .. انتي لما قلقتي امبارح اليوم كله عليا ومخك قعد يودي ويجيب ونمتي وانتي في الحالة دي .. قمتي صحيتي وانتي في الحالة دي !! معلش يا حبيبتي سامحيني .. انا اسف بجد
سها .. لا مفيش حاجة .. حصل خير .. انا عايزة اخد شاور عشان افوق
حازم .. احسن بردوا .. قومي يا حبيبتي خدي شاور لحد ما اتكلم مع ماما في الموضوع بتاعنا
سها مندهشة .. موضوع ايه ؟!
حازم .. الموضوع يا سها .. انتي ايه مش فاكره دي كمان ولا ايه ؟!.
سها تظنه يتحدث عن موضوع عدم اتمام الدخلة حتي الان ..
سها .. اها .. بس ليه تتكلم مع ماما في حاجة زي دي ؟! دي حاجة تخصنا احنا الاتنين وبس !!
الام .. في ايه يا اولاد ؟! انا زي الاطرش في الزفه !! فهموني ايه الحكاية !!
حازم .. روحي انتي يا سها خدي الشاور بتاعك !!
سها عاضبه .. براحتك يا حازم ..
وبعد ان تنصرف سها .. الام تسأل حازم في لهفه لمعرفة ما الذي حدث
الام .. في ايه يا حازم يا ابني قلقتوني حرام عليكم !!
حازم .. بصراحة يا طنط . انا عاهدت سها اني مقولش حاجة زي دي !! لأن هي استسمحتني وانا سامحتها مع اني حاسس بألم جامد وقهر شديد من الصدمة .. لكن انا بحب سها وعشان كدا سامحتها
الام .. في ايه يابني بالظبط ؟!
حازم .. انا اكتشفت ان سها مش عذراء ؟!
الام .. ايه !! انت بتقول ايه يا جدع انت ؟!
اضغط على زر متابعه او فولو لصفحتي الشخصيه عشان توصلك باقى الحلقات فور نشرها
الاحداث اشتعلت اكثر واكثر ومعذرة متابعين صفحتي الكرام لن اُكمل الرواية الا بعد التفاعل والمشاركة ..
#يتبع
تعليقات
إرسال تعليق