 |
الخامــــــــس والسادس 🔥🔥🔞🔞
ام سها .. انت بتخرف تقول ايه ؟!
انت اتجننت ولا ايه يا حازم ؟!
انت ازاي تقول كدا علي بنتي ؟!
انا بنتي اشرف من الشرف ؟!
حازم .. اهدي بس يا حماتي ؟!
وبلاش تعملي انك متفاجئة وغضبانه !!
الشويتين دول مش لايقين عليكي ؟!
الام .. انت ازاي تكلمني بالطريقة دي ؟! شويتين ايه اللي انا هعملهم عليك يا مجنون انت ؟! اتكلم عدل لأحسن وديني اعدلك بالشبشب اللي في رجلي !!
حازم .. يعني عايزة تقولي انك متعرفيش مصيبة بنتك السودا ؟!
الام .. مصيبة لما تاخدك يا بعيد !! انت ازاي تقول كدا علي بنتي ؟!
لو بتقرا القصة في الجروب ممكن تقراها كامله علي صفحتي الشخصيه
انا بنتي متربية احسن تربية والناس كلها تحلف بأخلاقها !!
حازم .. اه فعلاً !! بأمارة انها مش بنت بنوت !!
الام .. اخرس قطع لسانك .. قال مش بنت بنوت قال !!
ثم تأتي سها بعد ان اخذت شاور فخرجت مسرعة علي صوت هذا الضجيج
سها .. في ايه يا ماما ؟!
الام .. البيه المحترم اللي انا وثقت فيه وجوزته ليكي وقلت هو دا اللي هايحافظ عليكي !! قال ايه بيقول انك مش بنت بنوت ؟!
سها مصدومة بشدة .. ايه ؟! انت قلت فعلا كدا يا حازم ؟!
حازم .. ايوا قلت كدا .. ايه .. مش هي دي الحقيقة ؟!
سها .. حقيقة ايه؟! .. منك لله ؟! هو انت قربت مني اصلا ؟!
حازم .. نعم !! مقربتش منك ازاي يعني ؟! اومال عرفت ازاي انك مش بنت بنوت ؟! ايه العصفورة قالتلي ؟!
سها .. متصدقهوش يا ماما .. دا ملمسنيش لحد دلوقتي .. هو دا الموضوع اللي كنت عايز ماما فيه ؟! وانا فكرت انك هتقولها انك مدخلتش عليا لدلوقتي !! انت ازاي تقول كدا اصلا !! لاااا .. انت مش طبيعي .. انا مبقتش مرتحالك بجد !!
الام .. هو فعلا مش طبيعي لما يقول كدا علي بنات الناس !!
حازم .. ايه الحكاية اومال ؟! خدوهم بالصوت لا يغلبوكم ولا ايه ؟! اهدوا عليا شوية .. دا انا المفروض ابلغ البوليس وافضحكم .. انتوا غشتوني .. بس انا هاطلع اصيل واستر عليكي
سها .. تستر علي مين انت يا حيوان !! دا انا اشرف من امك اللي خلفتك !!
حازم .. ملكيش دعوة بأمي يا سها .. انتي فاهمه ؟! انا ماغلطتش في امك ؟!
الام .. ما هو دا اللي ناقص تغلط فيا كمان !! انت زودتها اوي يا جدع انت ؟! روحي يا بنتي لمي هدومك .. انتي ملكيش قعاد مع البني آدم دا تاني
سها .. عندك حق يا ماما . بعد الكلام اللي قاله دا .. انا فعلا مليش قعاد معاه تاني .. انا مروحه مع ماما وياريت تطلقني يا حازم
حازم .. سها .. اسمعيني من فضلك .. انا مكنش قصدي اجرحك .. انا اتسرعت فعلا!! .. مكنش لازم احكي لمامتك وخصوصا اني وعدتك اني مقلهاش
سها .. متقلهاش ايه يا مجنون انت ؟! ووعدتني بأيه اصلاً ؟!! هو انا عرفة اتلم عليك من ساعة ما اتجوزنا ؟! انت حتي مبوستنيش ولو مره ؟!
حازم .. طب استني ارجوكي متمشيش
سها .. ابعد عني يا حازم .. الكلام بينا انتهي خلاص !!
وبالفعل تعود سها مع امها وتغادر منزل زوجها حازم .. ويمر شهران وسارة في منزل ابيها وتنقطع اخبار حازم تماما
الام .. بقلك ايه يا بنتي .. جوزك مبيحاولش يتصل بيكي ؟!
سها .. لا .. ومش عايزاه يتصل ومش عايزة اسمع سيرته اصلا !!
الام .. غريبة .. شهرين مروا اهم ولا حس ولا خبر ولا حتي حاول يصالحك ؟!
سها .. ماما من فضلك !! انا مصرة ع الطلاق !! دا انسان مريض !! وانا مش مرتحاله بصراحة !!
الام .. طب انا عاوزة افهم .. هو ما دام مقربش منك خالص .. قال ليه الكلام دا عليكي ؟!
سها .. انتي بتسأليني انا ؟! روحي اسأليه هو .. ليه قال عليا كلام زي دا ؟! دا مش طبيعي يا ماما .. صدقيني
الام .. طب واخرتها با بنتي ؟!
سها .. اخرتها الطلاق يا ماما .. ولا عايزاني اعيش مع بني آدم طعني في شرفي ؟! ولو كان عايزني ما كان اتصل او حتي حاول يصالحني !! لكن دا ما صدق اني مشيت وسيبت البيت !!
الام .. جايز يكون زعلان عشان سيبتي البيت ؟!
سها .. يا سلام !! مين بقي اللي حقه يزعل ؟! انا ولا هو ؟!
الام .. يمكن يكون تعبان يابنتي ولا حصلتله حاجة ؟! مش معقول ميسألش كدا خالص ؟!.
سها .. ماما من فضلك .. اقفلي الكلام في الموضوع دا
وفجأة تشعر سها بدوار شديد والم في بطنها وتذهب مسرعة الي الحمام
الام منزعجة .. مالك يا سها ؟!
سها بعد ان تعود من الحمام .. مش عارفة يا ماما حاسة بألم في بطني وغثيان بقالي كام يوم !!
الام .. دور برد اكيد !! ماانتي مش بتدفي نفسك كويس !! مستهتره اوي يا سها !!
سها .. يا ماما سيبيها علي الله
الام .. ونعم بالله يا بنتي .. بس مش كدا .. خدي بالك من نفسك شوية
وفجأة تشعر سها بنزيف من اسفل .. دم غزير ينزل الي الارض !!
سها .. ماما الحقيني انا بنزف ؟!
وتذهب الام ب سها الي الطبيبة والتي قامت بفحصها
الام .. خير يا دكتورة
الدكتورة حزينة .. والله يا ام سها انا مش عرفة اقول ايه ؟! بس قدر الله وما شاء فعل
الام .. مش فاهمه يا دكتورة !! تقصدي ايه ؟!
الدكتورة .. معلش بقي ربنا يعوض عليها .. هي لسة عروسة جديدة بقي والعمر قدامها
سها .. انتي عايزة تقولي ايه يا دكتوره صفاء ؟!
الدكتورة .. البيبي نزل يا سها !! ربنا يعوض عليكي ..
سها مصدومة بشدة .. ايه ؟؟!!
الاحداث اشتعلت كثيرا .. والبارت التالي ناااااار يلا انطلقوا
.. تفاعل
السادســـــة 🔴🔴
#حصريا
سها .. بيبي ايه اللي نزل حضرتك ؟؟!!
الدكتورة .. البيبي اللي كان في بطنك يا سها انتي كنتي حامل في شهرين يا سها !!
سها .. حامل ؟! حامل ازاي يعني ؟!
الدكتورة .. ايه السؤال الغريب دا ؟! حامل زي ما كل المتجوزين اللي زيك بيحملوا ؟! ولا انتي نسيتي انك متجوزة ؟!
سها .. ازي ؟! انتي متأكدة من الكلام بتقوليه دا ؟!
الدكتورة مندهشة .. ايوا متأكدة طبعا !! هو في ايه يا جماعة بالظبط ؟! ايه الاندهاش اللي انتوا فيه دا ؟! هو انتي وجوزك كنتوا مخططين انك متحمليش دلوقتي ولا حاجة ؟!
سها .. احنا لا مخططين ولا نيلة ؟! هو اصلا مقربش مني عشان احمل ؟! انا لسة بنت بنوت ؟!
الدكتورة .. انتي اكيد بتهزري ؟! بنت بنوت ايه بنتي ؟! اومال الحمل اللي سقط دا جه منين ؟!
سها .. حامل ايه انتي اتجننتي ؟!
الام .. عيب يا سها !!
سها .. انتي مش سمعاها بتقول ايه ؟! دي اكيد مبتفهمش يلا بينا يا ماما نشوف دكتور غيرها !!
الدكتورة .. لا لحد كدا وكفاية انا ماسمحش انك تغلطي فيا كمان وفي العيادة بتاعتي !! من فضلكم امشوا بقي
الام .. سامحيها يا دكتوره عشان خاطري .. هي اصلها متفاجأة !! يلا يا سارة
وتعود سارة وامها الي المنزل وكلاهما يجلس بعيدا عن الاخر حزينا ومهموما
سارة .. اوعي تكوني صدقتي كلام الدكتورة الفاشلة دي ؟! دي مبتفهمش حاجة صدقيني !!
الام .. ازاي يعني مبتفهمش ؟! دي حتي دكتورة شاطرة جداا وانتي عارفة الكلام دا كويس ؟!
سارة .. يعني انتي صدقتيها ؟!
الام .. هو انتي متأكدة يا بنتي ان حازم مقربش منك ؟!
سارة .. ايوا يا ماما حازم مقربش مني !!
الام .. بس هو بيقول انه قرب منك !! ولو مقربش منك زي ما انتي بتقولي يبقي الحمل دا جه منين ؟!
سارة .. انتي عايزة تقولي ايه يا ماما بالظبط ؟! انتي بتشكي في اخلاقي ؟!
الام .. معاذ الله يا بنتي .. ينقطع لساني نهار ما اقول عليكي كدا .. دا انتي الادب والاخلاق لو ساب البنات كلها مش هيسيبوكي ابدا !! بس دي حاجة تجنن يا بنتي ؟! ازاي تحملي وجوزك مقربش منك اصلا ؟! مع انه بيقول عكس كدا !! وبيتهمك كمان انك ..... !! لا حول ولا قوة الا بالله .. انا هتجنن والله !!
سها .. انا هاثبتلك ان الاتنين دول كدابين .. تعالي نروح لأحسن دكتور نسا في مصر .. يلا يا ماما
ونذهب الي حازم الذي يجلس في شقة حوائطها مدهونه باللون الاسود القاتم ورسومات لأشباح مرعبه معلقة علي الحوائط .. تماثيل مرعبه في كل مكان .. ويخرج حازم من المطبخ ويحمل في يده تورته عليها صورة ل سها يرتدي قميص اسود وتي شيرت اسود عليه صورة شبح مرعب زينه معلقة في كل مكان في الشقة ويبدوا انه يحتفل بعيد ميلاد ولكن التورته ليس بها شمع نسمع صوت DJ ولكنها ليست اغاني او موسيقي احتفاليه لمناسبة سارة .. بل نسمع صوت صراخ وبكاء صاخب !! يتوجه حازم بالتورته ليضعها علي منضدة يلتف حولها امه وشقيقاته الثلاث واللاتي يرتدين ايضا نفس ملابس حازم السوداء ثم يبتعد قليلا عنهم ليجلس علي كرسي بمقربه منهم ..
ثم نري شقيقة حازم الكبري تنزل الي التورتة وتنفخ فيها وكأنها تطفئ الشمع ثم يصفق الحضور ثم تمسك بالسكين وتُقطع التورته التي عليها صورة سها الي اربعة قطع وتقوم بتوزيعها علي نفسها هي وشقيقتيها وامها .. واللاتي بمجرد ان يمسكن بالطبق يقومون بالتهام قطعة التورته بطريقة شرهة ومقززة وحازم ينظر اليهم وهو يبتسم فرحا .. ثم بعد ذلك يُخرج من جيب البنطلون الخلفي صورة ل سها والتي تظهر فيها مرتديه نفس الملابس السوداء الذي يرتديها حازم وتقف وسط اربعة من الرجال بنفس الملابس والعجيب ان هؤلاء الرجال الاربعة بدون اعين ؟!!
ونذهب الي سها والتي ذهبت هي وامها الي واحد من كبار اطباء النساء والتوليد وبعد ان فحص سها يقول ..
الطبيب .. كل اللي قالتهولك الدكتورة مي كان صحيح .. انتي فعلا كنتي حامل في شهرين تقريبا والحمل نزل !!
سها تسمع تلك العبارة وتسقط بعدها علي الارض مغشيا عليها ؟؟!!
الاحداث مثيرة وشيقة والبارت التالي اكثر رعباً واثارة .. ولو في تفاعل هنزل بيه بسرعة
اللي مش متابعني فاته كتييير 🌷❤
تعليقات
إرسال تعليق