 |
رواية فضيحة طبيب الجزء الخامس
للكاتبة/حنان حسن
بعدما تلقيت... المكالمة الغريبة
من ذلك الرقم المجهول
وبعد ما سمعت المتصل
وهو بيسخر مني ...
و بينعتني بالخروف
واتهمني باني منهمك في عملي
وتارك احدي زوجاتي...
تلهو باحضان رجل اخر ...
بصراحة....
انا حاولت اتعقل في بادئ الامر
و
وقلت لنفسي..
ان اكيد الي اتصل بيا
شخص بيسعي للوقيعة بيني وبين احدي زوجاتي
لكن بعد شوية...
للكاتبة حنان حسن
الشيطان لعب في دماغي...
وفضلت ظنوني تودي فيا وتجيب
فا استاذنت من شغلي
ورجعت بسرعة للبيت
علي غفلة
وانا لاخر لحظة
كنت بعتقد ...ان كلام المتصل كدب.... وافتراء
لكن لما وصلت للبيت بعد منتصف الليل ...
وقربت من باب شقتي ...
شعرت بحركة غريبة بداخل الشقة...
فا قمت بادخال المفتاح في كالون الباب
وفي اللحظة دي
اتقطع النور عن الشقة كلها
لكن انا نجحت اني فتح باب الشقة بالمفتاح
ودخلت جوه الشقة..في الظلام الحالك
لكن في اثناء وقوفي بداخل الشقة
كنت شامم رائحة دخان سجاير
فاحاولت ان اضيئ المكان بكشاف الموبيل ...
عشان ادخل اشوف مين الراجل الي جوه في شقتي
لكن قبل ما انور بالموبيل
شعرت بضربة قوية ...
علي راسي من الخلف
افقدتني الوعي
وبعد فترة من الزمن
شعرت اني بعود للوعي مره اخري
ولما تنبهت
شوفت ادامي
تغريد... وسماح
الي كانوا مخضوضين عليا وبيحاولوا يفوقوني
ولما بصيت حواليا
تذكرت ذلك الرجل الذي ضربني علي راسي... ولاذ بالفرار
وبالرغم من اني كنت حاسس بصداع شديد جدا
الا اني تحاملت علي نفسي
وحاولت اقف علي رجلي
وبعدها...
سالتهم بغضب...
للكاتبة حنان حسن
وقلت...
مين الراجل الي كان في الشقة هنا من شوية؟
ردت سماح بتعجب
وقالت..راجل؟
راجل مين؟
قلت...
انا دخلت الشقة من شوية
وكان في هنا راجل
وهو الي قطع النور ...وضربني علي راسي
عشان يقدر يهرب قبل ما اعرف هو مين
ردت سماح بدهشة
وقالت
غريبة اوي الحكاية دي
انا دخلت نمت بعد انت ما خرجت علي طول
ولسة صاحية علي صوت تغريد
الي كانت بتصوت لما شافتك واقع في الارض
وفي اللحظة دي
بصيت علي تغريد
عشان اشوف تعبيرات وجهها وهي بترد علي سؤالي
ولقيتها بترسم نفس الدهشة علي وجهها
وقالت...
انا كمان كنت نايمة في غرفتي ...زي سماح
ومشوفتش لا راجل ولا ست
بصيتلهم بغيظ
وسالتهم هما الاتنين
وقلت..امال مين الراجل
الي كان في الشقة هنا من شوية؟
كان جاي ليا انا بقي ولا ايه؟
وبعد ما اتعصبت عليهم
فضلوا يبصولي وهما ساكتين
والتزموا الصمت
ولما لقيتهم مبيتكلموش
قررت افتش بنفسي
في شقتي
عن اي شيئ... يوصلني للراجل الي كان في شقتي
من شوية
وبالرغم من اني كنت بشعر ببعض الدوار
بسبب الخبطة الي اخدتها علي راسي
الا اني دخلت ادور في غرف النوم... زي المجنون
يمكن الاقي اي اثر
للراجل الي كان بيمرح مع احدي زوجاتي
من شوية
وقضيت الساعات
وانا بفحص كل مكان في الشقة
عشان الاقي اي اثر للمجرم
الي كان في شقتي
لكن... دون جدوي
وشوية...
لقيت سماح... وتغريد
بيطلبوا مني... اني استعيذ بالله من الشيطان
وادخل انام في غرفة اي واحده فيهم...
لكن انا
في اليلة دي
اخدت بطانية...
ونمت لوحدي في الصالة
وقررت... اني مش هدخل غرفة اي واحده فيهم
غير لما اعرف الراجل كان علي علاقة بانهي واحده فيهم؟
ومرت عليا الساعات
وانا قاعد في الصالة...
وكنت عمال افكر في كل الي حصل
وافتكرت المكالمة
وسالت نفسي
يا تري مين الشخص الي اتصل بيا ده؟
وازاي شاف الراجل وهو داخل شقتي ؟
وليه فكر يتصل بيا؟
للكاتبة حنان حسن
وياتري هو...
واحد صاحبي... ولا واحد من الجيران.... ولا ........
يعني معني كده ان
في حد عارف بالفضيحة الجديدة دي كمان؟
ياررررربي
وفضلت اكلم نفسي
واسالها؟..
مليون سؤال
لما كنت هتجنن
سماح؟ ولا تغريد؟
ياتري...مين الي كانت بتخوني فيهم؟
ومين الراجل الي كانت بتخوني معاه؟
واثناء ما كنت منهمك في التفكير
سمعت رنين موبيلي
ولما القيت نظرة علي الموبيل
لقيتة نفس المتصل المجهول
فا رديت
قلت.. انت عايز ايه تاني؟
رد المتصل بنبرة شماتة
وقال ...
ااظن انك اتاكدت بنفسك من
الي قولتهولك يا خروف؟
رديت بغضب
وقلت...اقفل يا حيوان
ومتتصلش علي الرقم ده تاني
رد المتصل وهو بيضحك
وقال...ليه عايزني متصلش بيك تاني؟
طيب حتي اصبر
لما تعرف
مين في العيال ابنك ؟
ومين ابن الراجل
الي كان في شقتك؟
اتعصبت من اسلوبة المستفز
وقلت..
بطل تخاريف يا معتوه انت
ومعدتش تتصل بالرقم ده تاني
وخلي بالك... انا هبلغ عنك
والبوليس هيتعقب الرقم
وهيجيبك .....
ومصيرك هيكون....
في مستشفي الامراض العقلية
واصل ذلك المتصل في ضحكاتة المستفزة
ولقيتة بيقولي...
انت شايف اني مجنون
بالرغم انك شوفت بعينك...واتاكدت اني كلامي كلة طلع صح
الراجل الي كان في شقتك ؟
طيب يا عم انا مجنون
احسبها انت بالعقل
دلوقتي مش كل زوجة من زوجاتك حامل في طفل؟
ولو فكرت شوية
هتلاقي ان من المنطقي جدا ان الحمل الي في بطن الزوجة الخاينة ميكونش ابنك؟
يعني دلوقتي في حمل
من صلبك
والحمل التاني.........
وده معناه ان في واحده في زوجاتك...
هتشيلك ليلة مش ليلتك
وهتدبسك في عيل
من عشيقها
وعلي فكرة بقي
زي ما اكدتلك ان في راجل في شقتك
انا دلوقتي باكدلك
للكاتبة حنان حسن
ان في حمل في بطن زوجتك
مش من صلبك
ونصيحة مني
لو عايز تتاكد من كلامي
يبقي عليك وال...
دي... ان ...ايه
عشان تتاكد وتعرف مين ابنك فيهم؟
بدل تتورط في عيل ملوش صلة بيك
وفضل المتصل يضحك بنفس الطريقة المستفزة
الي بيضحك بيها
ولقيتني بقفل السكة... وببعد عن الموبيل
وكاني كنت بحاول ابعد عن الافكار المسمومة
الي صدرهالي ذلك المتصل المريض
لكن ازاي ابعد بتفكيري عن الافكار دي ؟
مهي فعلا افكار منطقية
لان الي تجيب عشيقها لغاية الشقة الي عايش فيها جوزها
اكيد تبقي ست فاجرة وممكن تعمل اي حاجة
وفضلت افكر ...
في كل الي حصل مع سماح ...وتغريد
وظروف حمل كل واحدة فيهم
وسالت نفسي
ازاي تغريد حملت بسرعة كده؟
مع اننا بقالنا فترة قصيرة متجوزين
وليه ام تغريد؟
جت تزورها في اليوم الي تعبت فيه بالذات؟
وازاي عرفت انها حامل من قبل حتي ما تكشف عليها
دنا
طبيب امراض نساء ومجاش في بالي موضوع الحمل ده
والسؤال الاهم...
لية ام تغريد اصرت انها تكشف عليها بنفسها
بالرغم انها عارفة ان جوزها طبيب امراض نسا شاطر؟
صحيح انا عديت الموضوع معاهم
وقلت لنفسي....
ان تغريد عروسة جديد وزمانها مكسوفة مني
وعشان كده
سيبتها لامها تكشف عليها
لكن كان واضح
انها كانت تمثيلية من تغريد وامها
عشان انا لو كنت كشفت علي تغريد
كنت هقدر احدد مدة الحمل
واحتمال كبير
ان تغريد وامها مكنوش عايزني اعرف الحمل كانت
مدتة اد ايه ؟
يبقي احتمال كبير فعلا تكون تغريد
هي الي خاينة
بدليل تصرفاتها المريبة
مؤخرا
والشخص الي كانت بتكلمة في الحمام
وكنت هقوم اجيبها من شعرها واذبحها تحت رجليا
لكن لقيت نفسي
بقول...
لا اهدي يا عمرو
انت لازم تتاكد الاول
من خيانتها
ولقيتني بواجه نفسي
وبقول...
وبعدين ما سماح كمان فجائتك بحملها؟
بالرغم من انكم كنتم متفقين متخلفوش
للكاتبة حنان حسن
وكمان انت مكشفتش علي سماح
ولا عرفت حملها بقالة اد ايه؟
ثم ان سماح اختفت فترة كبيرة
ورجعت بعدها وهي حامل
ومتنساش ان سماح كانت عايشة لوحدها ...
بعد ما ابوها مات
والله اعلم حملت امتي؟
وازاي؟
ورجعت اسال نفسي
واقول...
طيب يعني كده انا بردوا معرفتش مين فيهم الي خانتني؟
ومين فيهم بريئة ؟
وفضلت افكر لغاية ما خرجت بحل واحد.... مفيش غيرة
وهو...( المواجهة)
انا لازم اجيب الاتنين ادامي واواجههم
ومش هسيبهم غير لما اعرف مين فيهم الخاينة
ويالفعل...
دخلت لغرفة سماح ...
وغرفة تغريد ...
وايقظتهم من النوم
وطلبت من كل واحدة فيهم
انها...
تخرج بره في الصالة
عشان عايزها ضروري
وفي الصالة

اتجمعوا الاتنين ادامي
وقبل ما يسالوني
ويقولولي... في ايه؟
قلت...
انا عارف ...
ان في واحدة فيكم خاينة
وعارف كمان...
ان الي في بطنها مش من صلبي
عشان كده...
لازم اعملكم تحليل
دي.. ان ...ايه
بصوا لبعض الاتنين
ولقيت سماح
بتسالني
وقالت..
ازاي بس هتعملنا تحليل
دي.. ان.. ايه ؟
انا اسمع ان التحليل ده..
بيتعمل للطفل... وابوه
عشان اثبات النسب
واحنا لسة حوامل يعني مفيش اطفال تعملهم التحليل
بصيتلها بغضب
وقلت..
اظن ان الي واقف ادامك مش بتاع كشري
ولا انتي ناسية اني دكتور؟
وبالرغم اني اتعصبت عليها
لكن ...كنت عارف ان اعتراضها مكنش دليل ادانه ليها
لان.. سماح ممكن تكون معذورة
في اعتقادها
لانها مش طبيبة ...
ومتعرفش ان التحليل ده بيتعمل عن طريق مسحة من فم الاب
وبيتاخد عينة من دم الام
الي بلغت مدة حملها شهرين
لان الحمض النووي للجنين بيكون اتكون في الفترة دي
للكاتبة حنان حسن
واضطريت طبعا اشرحلهم
الكلام ده
عشان يتاكدوا... ان التحليل ينفع قبل الولادة
وفضلوا يسمعوني هما الاتنين للاخر
ولما اتاكدوا اني مصمم علي عمل التحليل
لقيت سماح بتقولي بثقة
انا جاهزة يا عمرو
لعمل التحليل
يلا بينا نحلل
وبصيت لتغريد
وسالتها..
قلت..جاهزة يا تغريد لعمل التحليل
ولا عايزة تقولي حاجة؟
بصتلي تغريد
وقالت..هقول ايه؟
لوعايز تعمل التحليل اتفضل
انا جاهزة
وبالفعل..
اخدت معايا تغريد وسماح للمستشفي
الي كنت بشتغل فيها
وتركتهم في الريسبشن بتاع المستشفي
ودخلت انا للمعمل
وتقابلت في المعمل مع طبيب زميل
كان يعمل معي
اثناء ما كنت لاازال امارس مهنتي كا طبيب
وبصراحة...
كان طبيب ماهر وبالرغم من انه كان كبيرا في العمر
الا انه كان يتمتع بالذكاء... ورجاحة التفكير
وكان اسمه الدكتور عبد القادر
وطبعا هو كان عارف اني اتوقفت عن العمل بسبب الفضيحة السايقة
ولما سالني عن سبب حضوري اليوم للمستشفي
اترددت في الاول اني اقولة السبب الحقيقي لوجودي في المستشفي
عشان كده هبقي بفضح نفسي ادامة
لكن لما فكرت شوية...
قلت بيني وبين نفسي
اني محتاج ...
شخص بعقلية ورجاحة عقل الدكتور عبد القادر
وقررت اني اسرد له ما حدث
بالتفصيل
واخبرتة با امر ذلك المتصل المجهول
والعشيق الذي كان مع احدي زوجاتي
وبعد ان انتهيت من سرد قصتي
بالتفصيل
رد دكتور عبد القادر
وسالني..
قال...يعني دلوقتي
زوجاتك الاتنين ...قاعدين بره ومنتظرين عشان يدخلوا ويعملوا التحليل؟
الي هتعرف من خلالة مين فيهم الي كانت بتخونك ؟
قلت..ايوه بالظبط كده
ابتسم الدكتور عبد القادر
وقال..
انت مش محتاج تعملهم تحليل دي ان ايه ...
عشان تعرف مين فيهم الي كانت بتخونك
قلت...مش فاهم؟
رد الدكتور عبد القادر بثقة
وقال..
انت لو خرجت دلوقتي علي زوجاتك
هتعرف مين فيهم الي بتخونك
قلت وهعرف ازاي؟
قال..المفروض ان كل واحده من زوجاتك...
عارفة كويس اوي
انها لما هتعمل التحليل الحقيقة هتبان
وبالتالي ..
الخاينة هينكشف امرها
وطبيعي انها تهرب قبل ما تتفضح
وخصوصا انك سايب زوجاتك بره لوحدهم
ومفيش حد هيمنعهم من الهرب
للكاتبة حنان حسن
ولو في زوجة خاينة فعلا
هتهرب فورا قبل ما تقتلها
قلت ...يعني ايه؟
قال...يعني انا
متاكد دلوقتي
انك لو خرجت لغاية الريسبشن
هتعرف مين هي الزوجة
الخاينة ؟
الي في بطنها طفل مش ابنك؟
لانك مش هتلاقيها...
وهتكون هربت من الفضيحة والعقاب
قلت.. طيب ولو كلامك طلع مش حقيقي ؟
ولاقيتهم هما الاتنين قاعدين منتظرين بره زي ما سيبتهم؟
رد الطبيب بنفس الثقة
وقال..يبقي هعملك تحليل ال
دي ..ان ...ايه
علي حسابي ....
وساعتها هتعرف مين الزوجة الخاينة
بتحليل ال دي.. ان... اية
بصيت للطبيب الي كان كلامة منطقي
واقتنعت بوجه نظرة
وخرجت بسرعة
عشان اشوف ....
ان كان... في واحدة من زوجاتي اختفت فعلا ؟
ولا سماح... وتغريد مازالوا موجودين وبينتظروني؟
وكنت بسرع في الخطي
عشان اوصل للريسبشن
واشوف كلام الدكتور عبد القادر هيطلع صح؟
وفعلا في واحده منهم هربت؟
ولا الاتنين ما زالوا موجودين؟
وبعد ما وصلت في الريسبشن
وبصيت علي مقاعد الانتظار
مصدقتش نفسي
لما شوفت المفاجئة الصادمة
لاني للاسف لما بصيت علي المقاعد لقيت..........
لو عايز باقي الروايه ضعوا تعليق في آخر المدونه
تعليقات
إرسال تعليق